🔸ملزمة الاحياء 🔸
🔆الخامس العلمي 🔆
#الكورس_الاول

صراحه شفت مدرسين بس شفت كل مدرس مدري منين يجيب اسئله وتلخيص يختلف عن مدرس ثاني

وخبطت عليه
فتركت مدرسين
واعتمدت على مدرسته المادة وتلخيصي، يعني حسب فهمي الخص واشوف مدرستي شلون تريدهم واحفظهم ♥️.

باعوا اريد اشرح الكم فد نقطه
لاتتوقعوا من البشر انو حيرحمونكم
ابد...
صح اكو ناس على راس
بس قله
فاني اخلي ببالي انو محد حيساعدني محد حيقدر شي اني مسويه

اما الاهل اشرحي الهم حالتج وباسلوب زين بدون اي كلمات تخليهم يعصبون

النقطه 2
حيجي يوم وتذكرين هل ايام
وتعترفين لنفسج انو هل ايام هم الي صنعوچ وخلوج هيج بنية قوية

وهيه كُللها خلصانه

"" الليل شكد ما يطول لازم يجي وراه النهار ""

واتذكري
{لايُكَلِف الله نَفساً ٳلا وَسعها}

وبالنسبة الي لو مكانج
حتجة بكل هل الامور الى امام زماني.....

ممكن تنشرين اسءلة عربي ادب وقواعد باجر امتحاني وحيل خايفه لان هذا اخر امتحان عندي وماريد انزل درجتي بي

#من_بوت

اني مو زينه بلشهر الاول يعني ناجحه بس درجاتي مو عاليه اذا اخذت درجات كامله بلشهر الثاني اكدر اجيب اعفاء؟

#من_بوت

احنه شمتفقين
اوك انخاف الخوف شي طبيعي
بس منخليه ياثر علينا
اقرا واتوكل على الله،

واضغطوا على هاشتاك وحيطلع الكم كل الاسئلة لكل مواد
#اسئلة

تكدرون اكيد
فحاولوا جيبون درجات عالية او كاملة
حتى اتعوضون

وموفقين بحق محمد وآل محمد

ههههه باعوا كل سالفة دزوها بالبوت

ولو تبقه شهر هم اجاوب 😁♥️.

العام بالرابع جان مستواي زين يعني درجاتي ثمانينات وتسعينات بس هسه بالخامس ابد موزينه مستواي كلش نزل ماعرف ليش مع انو اني كووومه اقرة بس ماجاوب بالشهري انجح بس درجات ناصيه

#من_بوت

https://t.me/i6i_ioi/2304

حاجية بهل موضوع قبل بقناتي ثانية ، هذا موضوع 👆

وكلت قبل...
جهد وتعب بدون توفيق لاشيء...

لا غاليتي عادي وكُلش طبيعي تفكرون هيج، ولازم تسئلون...

الجواب ♥.
هسه شلون يساعدنه هاي يم الامام.
بس اكو احتمالات مثلا انتم قارين وتعرفوها بس نسيتوها حيساعدكم تذكرونها

والسؤال الكم، انتم مجربين تستغيثون بيه؟
المجرب حيعرف كلشي وفاهم السالفه
بس الي بعده طبيعي ما يحس بشي...

المهم انتم اطلبوا مساعدة منه وما عليكم بالباقي بشرط!
قارين مو ما تقرون وتكول الامام يساعدنه
هو هم ميقبل انو مدرسون
وحشوفون نتيجة ماكو داعي احجي ♥️.

واليوم بالذات كمت اريد اسلم ورقه واني اللهج باسمه وادري انو هل نقطه مو صحيحه
رديت كعدت واول مرة هيج لان اني اكمل واكوم واروح اسلمها وخلاص
فكتبت جواب الاخير وكلت تبقه على امامي

فطلعت صح ♥️.

باللحظات الاخيره 😅😄

وعليكم السلام ورحمة
شكرا جزيلا

وفي امان الله وحفظه.....

طريقة دِراسة مَـادة الأحياء المُطولة🧬:

١_دفتر خـاص للمـادة:

خصصوا الكم دفتر تنزل بيه التلاخيص سواء من مُدرسكم أو من اليوتيوب، صحيح مُتعب النقل لكن من راح تنقل وتكتب راح تحفظ المعلومات..

٢_الدراسـة اليومية للمـادة:

كل موضوع حدد الكم الأستاذ ترجعون تقروه، ميكون أكثر من ورقتين، ضروري تقرون يوم بيومه حتى لاتصير تراكمات بـالـشهري!..

٣_في الإمتحانات الـشهرية:

اعملو مُلخص خاص فيكم مثلاً فصل كامل تلخصوه بورقة كاملة، يعني مُلخص غير عن تلخيص الأستاذ ، بالمُلخص تنزلون الاسئلة المهمة إلي اتكررت بمُلخص الأستاذ، أسئلة أنتَ إذا بدال الأستاذ تجيبها،التعاريف المهمة والتعاليل..
وهيج راح يصير عندك لكل فصل مُلخص بسيط، تكدر تعتمد عليه في امتحانات نص السنة واخير السنة..
وأحبذ أن تحتفظون بهذه المُلخصات بـفايل خاص أو جنطة حتى ماتتلف أو اتضيع..
أني معتمدة عـلىٰ طريقة المُلخصات واشوفها مهمة ونافِعة💯..

مُوفقين لِكُلِ خير🌿..
#نصائح

دِراسـة الاحيـاء🧬:
١_قراءة الموضوع كقصة، يعني تمهد لعقلك مو كبل تفاجأه تريده يحفظ!..
٢_ثم فهم الموضوع فقط فهم يعني تقرأه مثل السوالف..
٣_الحفظ للكلمات أو الأسماء الجديدة..
٤_الشرح عـلىٰ الرسم الموجود بالكتاب أو ترسم انت من الفهمته رسمة عادية بس التأشيرات صح..
٥_كتابة ملاحظات عن المواضيع " ملاحظات من يمكم وحسب فهمك.."

🔴هسة أنت ضبطت الموضوع بنسبة من ٣٠ الىٰ ٥٠ /"حسب عقل الطالب"..

٦_النقطة الأخيرة والمهمة المُراجعة ثم المُراجعة، كلش مهمة لأن هي الي راح تثبت المعلومات بعقلك..
٧_تكرار المعلومات..

ومن اللّٰــه التوفيق..

✍️لِـخامسِ عـلمي..