#سنة_ثالثة
#ملحق_شبكات١

مع هاد الملف الصغير منكون سكرنا المقرر، ضفت اخر فكرة لتكون متممة وكتبت ملاحظات (مهممم تقروهن) عن اسئلة اجتني بشكل متكرر ومنها كان واجب كتابتها بالمحاضرات لكن سقطت سهوا😶

الملف كان المفروض ينزل الجمعة المسا بس نزل هلق  بسبب احتمال ينزل واحد تاني باليومين الجايين بيعتمد على اسئلتكم انتو.

لهيك يلي بيخطر عبالو اي سؤال او استفسار ضمن المقرر بامكانو يسألني.

معلش اسألني، يمكن سؤالك يكون سبب لغيرك يرفع المقرر.

هاد معرفي على تلغرام:@Hasan_A_Deeb

للطلاب يلي كان عندهم حوسبة اليوم
الوقت الباقي كافي لتدرس مقرر الشبكات وتضمن النجاح بشرط انك تدرس صح ماتعتبرها مادة بصم.

المحاضرات مدعومين بالشرح كرمال لما تفهمها تعلق الافكار المهمة براسك وماتضطر تحفظ كلشي، من فهمك للشرح لوحدك رح تقدر تحدد الافكار المحتاجة حفظ.

بالنسبة لموضوع الانكليزي، يفضل اثناء دراستك تخلي ورقة جنبك تكتب عليها العناوين والمصطلحات يلي عم تتكرر قدامك ومو عرفان ترجمتها وتترجمها بعد ماتخلص المحاضرة على غوغل، حرام تروح منك علامة سؤال عارف اجابتو بس مافهمت ترجمتو

موفقين جميعا ❤️

#السنة_الثالثة
مساء الخير جميعاً!
بدايةً بتمنى التّوفيق للجّميع بالامتحانات، وانشالله منطلع من هالفترة راضيين تماماً عنها.. ❤️
أمّا بعد، بالنّسبة لإمتحان هندسة برمجيّات 1 :
⚠️ المطلوب بالإمتحان :
11 محاضرة نظرّية نازلين كاملين بالمكتبة وعالتّطبيق 💣💥
بالإضافة لنوطة تمارين شاملة حرّاقة هامّة للغاية وما مننسى الدّورات 🔥🔥

⚠️ كيف بدي ادرس المادّة ؟؟
نصيحتي إلك هي إنّك تدرس المادّة بالتّرتيب التّالي :
1 -> 2 -> 3 -> 5 -> 6 -> 8 - 9
4 -> 7 -> 10 -> 11
متل ما منعرف المقرّر عبارة عن قسمين، قسم UML وقسم نظريّ عن هندسة البرمجيّات بشكل عامّ، بهالطّريقة إنت بتدرس المخطّطات كلها مع بعض بعدها القسم النّظري مع بعضو وما بتضيع
لهون خلصنا؟؟
لاء.. بس تخلّص القسم الأوّل بتفتح النّوطة يا عزيزي وبتدرس القسم الأوّل منها الي هو عبارة عن تمارين شاملة عن أهم أفكار كل مخطّط كرمال تركّز المعلومات أكتر.
ونفس الحكي للقسم التّاني..

⚠️❗️ شو متغيّر عن السنة الماضية ؟؟
في تغييرات كتير بترتيب المحاضرات والشّرح والتّنسيق اختلف جدّاً كثيراً ، بس كمقرر هاد هو نفسو ما انضاف أفكار جديدة ففيك تدرس من محاضرات قديمة (ويفضّل تدرس بنفس الطّريقة الي ذكرتا فوق ولا تنسى النّوطة).

وهاد كان كلشي، ومتل ما جرت العادة..
Good Duck Everyone 🦆❤️
ابعتولي feedback عن كيف شفتو المحاضرات وشو بتعطوها تقييم 😁🔥
وإذا في أيّة ملاحظة أو استفسار على حسابي، صرتو بعترفوه :
Telegram : @balkeez

#شبكات١_نظري
مسا الخير جميعا بالصورة في معلومات مهمة و ضروري تشوفوهن ❤️ بالتوفيق جميعا

#سنة_رابعة
#برمجيات_شبكات
#تصميم_التجارب
السلام عليكم ورحمة الله وبركاته
كيف الهمة
المادة صارت أتمتة
لهيك لازم يندرس كلشي حتى النظري
المطلوب عمحاضراتنا 8 محاضرات..
العملي غير مطلوب بس بيدعم بتمارين للي بحب..
وبالإضافة للدورات
جاهزين بالمكتبة
وموجودين عتطبيق GATE
وبالتوفيق بالموزعة ان شاء الله

#سنة_ثانية
#إشارات_و_نظم
مساء الخير جميعاً ‌🙋‍♂️⁩
أولاً موفقين بكرا بالجاڤا
ثانياً بدنا نبلش تحضير للمادة الجاي، إشارات ‌:-)⁩
المادة 8 محاضرات و 8 جلسات و دورات و نوطة فقط لا غير.
المقرر مو كتير متغير عن السنة الماضية بس المحاضرة الأخيرة جديدة
النظري مع الدورات و النوطة كافيين بإذن الله، النوطة بتحوي مجموعة من التمارين و المسائل مع حل مفصل إلها لنتدرب أكتر عأفكار النظري.
بكل الأحوال منقدر نرجع عجلسات العملي لترسيخ الأفكار أكتر كمان في حال واجهنا فكرة مستعصية ما انفهمت 😆
أفكار النظري و العملي قريبين من بعض بس النظري أشمل بشكل عام لهيك ما بنصح حدا يسألني السؤال الخطير تبع "فيني ادرس عملي بس؟" 🙃
يفضل ندرس كلشي و نفهم كلشي منيح لنقدر نحل أي مسألة بالامتحان إن شاء الله.

#جافا
M#
😂😂😂

#سنة_ثالثة
#نظرية_التعقيد
#امتحان_نظري

المطلوب في الامتحان 10 محاضرات نظرية فقط
موجودين بالمكتبة وعلى تطبيق GATE بالاضافة الى اسئلة الدورات ❤

#لا_تخشى_شيء
M#

#سنة_ثانية
#تحليل_عددي
مساء الخير حبايب القلب❤️
أولاً موفقين بكرا بالإشارات والنّظم وإن شاء الله منسكرها جميعاً ❤️🙏
ثانياً بخصوص المادة القادمه
تحليل _عددي(أسهل مادة بالكلية)
المادة عبارة عن 7محاضرات و 6 جلسات و دورات فقط، طبعاً وكلهن متوفرين حالياً بالمكتبة.
المقرر مو كتير متغير عن السنة الماضية بس المحاضرة الأخيرة(محاضرة المعادلات التفاضلية) فيها زيادة فكرة تايلور فقط.😁
النظري مع الدورات كافيين بإذن الله.
بس بكل الأحوال لازم نرجع نطّلع ع جلسات العملي لأن فيها تمارين بحر عن كل فكرة لترسيخ الأفكار أكتر كمان في حال واجهنا شي فكرة مانها واضحة ما انفهمت بالنظري وطبعاً هاد شي شبه مستحيل😆
يفضّل ندرس كلشي و نفهم كلشي منيح لنقدر نحل أي مسألة بالامتحان إن شاء الله وكمان إن شاء الله منسكر التحليل كمان😍😁🔥
#والخبر الأحلى عند هالمسا أنه الاستنتاجات كلها مانها مطلوبة بامتحان النظري يعني فقط مسائل😍😁
#موفقين ياغوالي❤️❤️😍🙏

#نظرية_التعقيد
#المحذوف

ال LCS بالمحاضرة الخامسة محذوفة كلها
ال knapsack محذوفة بس لازم تدرسها لتفهم ال DP
اختصارات ال SAT محذوفين ونحنا اصلاً ما حطيناهن

حرررك حرررك حرك 🏃‍♂️

❤

#الجزء_الثاني
رياضيات متقطعة
#حل_المرافقات_الخطية
#مبرهنة_الباقي_الصينية

#سنة_ثالثة
#نظرية_المعلومات
ختامها معدل 😊
المطلوب للامتحان اربع محاضرات نظري وجلسات العملي بالاضافة للدورات متوفرين بالمكتبة وعالتطبيق
المقرر فيه تغيير منيح بطريقة الاعطاء وترتيب الافكار بالاضافة انو في فقرات جديدة وفي فقرات محذوفة عن السنة الماضية
النظري كافي لحالو العملي فيه تمارين عن النظري بس لما تدرسوا العملي رح تلاقوا فرق بطريقة الحل بترميز هوفمان بس الطريقتين بيعطوا نفس النتيجة والدكتور أكد عأنو الحل بالامتحان بالطريقة يلي انعطت بالنظري 🙂
بس بالامتحان اذا دخلت الدنيا بالحيط انت وعم تحل بطريقة الدكتور وما ضل وقت ممكن تحل بطريقة العملي لان اسهل واسرع واكيد بتاخد جزء من العلامة لان الترميز بالاخير واحد بالطريقتين
بالنسبة للأسئلة رح تكون قريبة عأسئلة الدورات بس بطريقة الدكتور
في حال اجت الاسئلة بالانكليزي المحاضرات فيها مسائل وتمارين بالانكليزي وفيها كمان بالعربي
واخيرا لا تنسوا الآلة الحاسبة لان رح يكون مطبوع عورقة الاسئلة ممنوع استعارة الآلة الحاسبة 🙂
موفقين بكرا بالتعقيد والاسبوع الجاي بالنظرية ❤️

#رابعة_ذكاء
#تعلم_آلي
الملف المرفق يحوي على المحاضرة السادسة والأخيرة من مقرر تعلم آلي.
موفقين ❤️

#امتحان_وطني
#اختصاص_برمجيات

مسا الخير

رح احكي عن تجربتي بدراسة الامتحان الوطني ماستر برمجيات، ورح حط كلشي ملفات رح اذكرا بالرابط تحت.

أكيد كلكن شفتو حجم الكتاب وكمية المصادر والآراء الموجودة عن الامتحان الوطني وبلش يفتل راسكن وبلشت الحيرة

أول شي رح قلكن ياه هو انو هاد شي طبيعي تحسو فيه وتحسو انو الموضوع كبير وضخم، بس لا تعطوه أكبر من حجمو لأن هو فعليا مو لهالدرجة 👌

تاني شي .. رح اختصر عليكون وجعة الراس والوقت لانو انا حمّلت وشفت ودورت بكل المصادر ✅

بعض النقاط الهامة:

1. ⭕️ الكتاب لحالو ما بكفي أبداً ⭕️

2. المصدر الأساسي للدراسة هو محاضرات جامعة #دمشق.

3. الكتاب + منصور + جود + تلخيص كتاب الوطني لـ فادي سلامة هن كلن مصدرن من محاضرات جامعة دمشق، لهيك انت ادرس الأصل وما في داعي تعتمد عتلخيص شخص تاني، اعمل تلخيصك الخاص حسب فهمك ومعلوماتك 👍

4. دراسة أسئلة دورات وأسئلة اختيار من متعدد هام جداً، حتى لو ما رح تجي نفسا بس لتعرفو الجو تبع الامتحان (وممكن بالصدفة يتكرر كم سؤال) 🤷‍♂️

ترتيب دراستي:

1. هندسة برمجيات 1: من محاضرات د. باسل حسن، ركزو عالمخططات والأسئلة تبعن بملفات الدكتور.

2. مواد الاختصاص من محاضرات جامعة دمشق:
هندسة برمجيات 2
قواعد معطيات 1 (ممكن كمان تدرسوا من تشرين)
خوارزميات بحث ذكية
اوتومات
مترجمات

3. مبادئ الذكاء الصنعي: درست ملفات للدكتورة هلا نصار فيا معلومات نظرية عم تجي أحيانا.
وفي عنا قسم الفرضيات والمنطق، هدون ما درست منن غير مبادئ المنطق وجداول الحقيقة والـ Backward chaining والـ Forward chaining.

4. برولوغ: من جلسات الأستاذ محمد معلا طبعاً.
هون مهم العودية والقوائم بيجو خرج.

5. ملف جود خطاب للخوارزميات وبنى المعطيات، فيو معلومات هامة.

6. شبكات: درست معلومات أساسية عن الشبكات وأنواعا والطبولوجيا والكابلات وشوي عن طبقات نموذج OSI ونموذج TCP/IP (مو مهم المصدر كلو نفس المعلومات، ممكن تدرسوون من محاضرات تشرين).

7. أسئلة الكتاب: مهم كتير نحل كلشي في أسئلة اختيار من متعدد بالكتاب لانو بيجو أحيانا نفسن.

السؤال المهم هلق قديش بدنا وقت لندرس كل هاد؟

بالنسبة الي أخدو مني أقل من شهر 😅 تقريبا 25 يوم، صح ممكن تشوفوا انو كتار بس وقت تبلشو ما رح تحسو غير عم تخلصو لانو أغلبا معلومات انتو دراسينا وبتعرفوها من قبل، لهيك ما تخافو وامشو بس وفي وقت كتير.

طيب بعد ما نخلص شو لازم نعمل لنراجع؟

أكيد ما رح نرجع نعيد كلشي درسناه لانو منكون قرفنا منن وما صدقنا خلصنا.

هون انا بلشت ادرس بملفات فيا أسئلة اختيار من متعدد، في كتير ملفات فيا أسئلة من دورات ومن معلومات المحاضرات، بالإضافة لملفات الإكسل.
هلق بقا قد ما بتقدرو بتضلو عم تحلو أسئلة دورات لحتى يجي الامتحان.

وبالنهاية انتو بتدرسو وبتعملو اللي عليكن والباقي على الله وانشالله الله ما بضيع تعبكن.

وهاد كلشي

انشالله تكونو استفدتو وموفقين كتير ❤️

رابط الملفات:

https://drive.google.com/file/d/1iVBb87me9fgS2WIo4bDPeuwMP6DOD1TR/view?usp=sharing

إذا عندكن سؤال حطوه بالتعليقات وبالتوفيق جميعاً.
Ahmad Turkman❤️

من كادر GATE لكم عام دراسي جديد ملؤه التفوق والنجاح❤️🔥
وكما عرفتونا، رح نكون معكن خطوة بخطوة من خلال:
✔️ محاضرات GATE ذات الجودة العالية والغنية عن التعريف.❤️🔥
✔️ كورسات مركز START التعليمي مع نخبة من المهندسين والاساتذة❤️🔥
✔️ محاضرات الكترونية عن طريق تطبيق GATE❤️🔥
رح تبدا المحاضرات تتوفر ورقياً بالمكتبة والكترونياً على التطبيق بدايةً من الاسبوع القادم.
فتح باب التسجيل على كورسات مركز START لجميع مواد الفصل الأول.
رقم المركز: 0996154541
رقم المكتبة: 0960066016
يمكن التواصل مع ادارة التطبيق بارسال رسالة من ضمن التطبيق.
رابط تحميل التطبيق للطلاب الجدد :
https://t.me/ITechGate/469
للاستفسار عن أي شيء بخصوص المحاضرات أو الكورسات أو التطبيق يمكنكم التواصل معي : 0992775206
بالتوفيق ❤️🔥❤️🔥❤️🔥

#كورسات_مركز_START
التسجيل مستمر على جميع الكورسات التي ستبدأ قريباً 🔥🔥
السنة الأولى:

✔️برمجة1
✔️تحليل رياضي1
✔️جبر لاخطي
✔️فيزياء كهربائية

السنة الثانية:

✔️برمجة متقدمة1
✔️رياضيات متقطعة
✔️تحليل 3
✔️احصاء واحتمالات
✔️دارات كهربائية

السنة الثالثة:

✔️خوارزميات وبنى المعطيات
✔️نظرية الحوسبة
✔️نظم تشغيل1
✔️دارات منطقية

السنة الرابعة:

✔️وسائط متعددة
✔️برمجة تفرعية
✔️رسم بمعونة الحاسب
✔️هندسة برمجيات2
✔️قواعد معطيات2
✔️نظم تشغيل2
✔️شبكات2
✔️شبكات عصبونية
✔️ لغات البرمجة

السنة الخامسة:

✔️أمن معلومات
✔️ تعليم الكتروني
✔️ خوارزميات بحث
✔️ تطبيقات انترنت

للتسجيل أو الاستفسار يمكنكم التواصل مع المركز على الرقم 0996154541

بالتوفيق ❤️