​​#OGOHLIK

OGOH BOʻLING! ULAR BIZDAN EMAS!

Imom Ahmad rahimahullohdan: "Bir odamning hadis yozilgan kitobidan ba‘zi varaqlar tushib qolsa, uni topib olgan odam mazkur varaqdagi hadislarni ko‘chirib olib, so‘ng egasiga qaytarib bersa bo‘ladimi?", deb so‘rashdi.
Shunda Imom Ahmad rahimahulloh: "YO‘Q, IZN SO‘RAB, SO‘NG YOZISHI KERAK", deb javob berdi (Mansur ibn Yunus al-Bahutiy. Kashf al-qano‘ an matn al-iqna‘. J.4. — Bayrut: Dar al-kutub al-ilmiya, 1997. — 79).

Darhaqiqat, mulk daxlsizligi Islom dinida qat‘iy qonunlar bilan himoya qilingan. Mualliflik huquqi ham shular jumlasidan. Ilmiy ishlar, maqola va asarlar muallifning shaxsiy mulki hisoblanib, ularni muallifning iznisiz nashr qilish joiz emas.

"ALQURAN MASS MEDIA" MChJ ijtimoiy tarmoqlarda "AlQuranuz" nomi ostida faoliyat ko'rsatayotgan sahifalarning YAGONA RASMIY MUALLIFI sanaladi. Undagi ma'lumotlarni soxtalashtirish, muallifning iznisiz tarqatish va boshqa g‘arazli maqsadlarda faoydalanish ham qonunan, ham shar'an taqiqlanadi.

Afsuski, bu oddiy haqiqatni anglab yetmagan ba‘zi shaxslar ijtimoiy tarmoqlarda "Shayx Alijon qori", "AlQuranuz" nomi ostida soxta guruhlar ochib, yolg‘on axborot tarqatayotganiga guvoh bo‘lmoqdamiz. Eng achinarlisi, mazkur soxta guruhlarda Qur‘oni karimga mutlaqo aloqasi bo'lmagan ma‘lumotlar, hatto turli nomaqbul e'lonlar tarqatilmoqda.

OGOH BOʻLIN! ULAR BIZDAN EMAS! BIZ HAM ULARDAN EMASMIZ!

Bizning yo‘limiz va maqsadimiz aniq! Ustozimiz Shayx Alijon qori boshchiligidagi "AlQuranuz" jamoasi musulmonlarga, xususan, xalqimizga sof qur‘oniy ta'limni yetkazish yo‘lida xolis Alloh uchun xizmat qiladi!

Biz turli e‘lonlar orqali moddiy boylik orttirish fikridan butkul yiroqmiz!

Mazkur soxta guruhlarni boshqarayotgan shaxslarni insofga chaqiramiz!

Unutmaylik, har bir ishimiz uchun Allohning huzurida javob berishimiz muqarrar:

"BAS, ROBBING ILA QASAMKI, ULARNING HAMMASIDAN, ALBATTA, SO‘RARMIZ. QILIB YURGAN ISHLARI HAQIDA (shubhasiz, so'roq-savol qilurmiz) ("Hijr" surasi, 92-93-oyatlar).

Hurmat bilan AlQuranuz hodimi K.N. NIYAZOV

Abdulloh Abdulmajid tayyorladi

Shayx Alijon qori rasmiy
sahifalari👇
Telegram | Facebook | Youtube | Instagram

#ogohlik
ЭКСТРЕМИСТИК ОҚИМЛАРНИНГ ВУЖУДГА КЕЛИШИ.

Маълумки, терроризм ва экстремизм балолари нафақат бугунги кунда, балки у мавжуд бўлган барча замон ва маконларда инсоният ва жамият учун том маънодаги фожиа бўлиб келган.  Бугунги нотинчликлар ҳукм сураётган минтақаларнинг деярли барчасидаги барқарор вазиятни издан чиқарувчи омиллари ҳам мазкур икки нарсадир.
Бу атамаларга кўплаб таърифлар берилган бўлса-да, уларнинг асл мазмун-моҳияти нотинчлик ва беқарорликни келтириб чиқариш, инсонлар қалбига қўрқув ва ваҳима  солиш, уларни жисмонан йўқ қилиш, зўравонлик йўли билан ҳокимиятга интилиш каби салбий унсурлардан иборатдир. Экстремизм ва терроризм биргаликда, бир маслакка хизмат қилувчи  икки унсур деб қараладиган бўлса, экстремизм кўпроқ ғоявий ва назарий, терроризм эса кўпроқ ҳаракат жиҳатларига мос келади. Экстремизм барча динларда, масалан, буддизм, христианлик, исломдаги норасмий оқимларда учраб туради. Франция Фанлар академияси XVIII асрда чоп этган луғатида терроризмни «қўрқитиш тизими» деб таърифлайди. Бошқа гуруҳ олимлар терроризмни «ҳаракат орқали тарғибот» деб атайдилар. Айрим манбаларда эса терроризмга «қўрқитиш сиёсати» дея нисбат берилади. Кўриниб турибдики, террор ва қўрқув – эгизак тушунчалардир.
Террорчилик бир сиёсий атама сифатида, қурол сотиш, наркобизнесни ривожлантириш, конституцион тузумларни ағдариш ва бошқа тубан мақсадларга эришиш учун, айтиб ўтилган турли жиноий йўллардан фойдаланишни зарур ва жоиз деб биладиган кимсалар ва ташкилотларнинг йўл-йўриғидан иборат.
Террорчилик ҳеч қачон эзгуликка қаратилган эмас, аксинча ҳар доим диний ва инсоний меъёрлар, умуминсоний қадриятлар ва аҳлоқий фазилатларга қарши ишлатилганлиги учун энг оғир ва ваҳшиёна жиноят ҳисобланиб келган. Унинг тарихи қон билан ёзилган. Террорчилик дин, миллат, элат ва чегара билмайди. Энг ваҳший, маданиятсиз ва инсоний хислатларини йўқотган ашаддий жиноятчилар, бу қабиҳ ишга қўл урадилар.

Суфиев Жаъфархон Тўрақўрғон туман "Исҳоқхон тўра" жоме масжиди имом хатиби.

#ogohlik

ЭКСТРАМИЗМ ВА ТЕРРОРИЗМ УЛКАН ФИТНАДИР.

وَاتَّقُوا فِتْنَةً لَا تُصِيبَنَّ الَّذِينَ ظَلَمُوا مِنْكُمْ خَاصَّةً ۖ وَاعْلَمُوا أَنَّ اللَّهَ شَدِيدُ الْعِقَابِ
   25. Ва сизлардан фақат зулм қилганларнинг ўзигагина етмайдиган фитнадан сақланинг. Ва билинки, албатта, Аллоҳнинг иқоби шиддатлидир..
Шу билан VII асрнинг II-ярмидан XIII асрнинг I-ярмигача ислом дунёсида давом этган  диний экстремистик ҳаракатлар инқирозга учраган бўлса ҳам, орадан 5 аср ўтиб, XVIII аср ўрталарида Муҳаммад ибн Абдулваҳҳоб (1703-1794) томонидан Арабистон ярим оролида “Ваҳҳобийлик” номи билан аталган диний-сиёсий экстремистик ҳаракат, 1928 йил Мисрда Ҳасан ал-Банно томонидан “Иҳвонул муслимин” ҳаракати, 1952 йилда Фаластинда Тақиюддин Набаҳоний бошчилигида “Ҳизбут таҳрир ал исломий”, «салафийлик», «ИШИД» ва шу каби кўплаб оқимларга асос солиндики, бу ҳам бўлса, ёвузликка хизмат қилган эски ота-боболарининг изидан борувчи, замонга ҳамоҳанг ҳолатда уларнинг бузғунчилик фаолиятларини давом қилдирувчи, бутун дунё тинчлигига раҳна солувчи янги бир ёвузлик жамоасини вужудга келтирди.
Мазкур жамоаларнинг деярли кўпчилик қисми бутун дунёда Ислом халифалигини барпо этишни ўзларига шиор қилиб, қилаётган амалиятлари бунёдкорлик ўрнига фақатгина бузғунчилик ва қирғиндан иборатлигига бутун дунё гувоҳ бўлишмоқда. Ҳеч бир замон ва маконда эшитилмаганки, мазкур жамоалар томонидан инсоният ёки жамият манфаатларига хизмат қиладиган бирон бир иншоат, мактаб, масжид ёҳуд бошқа нарса бунёд қилинганлиги ҳақида. Бунинг аксига улар томонидан бузиб ташланган мактаблар, портлатилган масжидлар, босиб олинган иншоатлар, ўлдирилган бегуноҳ инсонлар ҳақидаги хабарларгагина дунё аҳли гувоҳ бўлишган.
Бу эса, Ислом дини таълимотининг нотўғри талқин қилинишига, эзгуликка чақирувчи муқаддас динимиз шаънига ноўрин таъна тошлари отилишига олиб келмоқда. Ваҳоланки, “ислом” сўзининг ўзаги “салом” сўзидан олинган. Яъни, тинчлик ва саломатлик маъноларини англатади. Учинчи маъноси – итоат. Яъни, Аллоҳ ва Унинг Расули соллаллоҳу алайҳи васаллам кўрсатмаларига амал қилиш ҳаракатида бўлиши лозим, деган хулоса чиқади. Ислом дини нафақат инсоннинг ўзи, балки ўзга одамларга, ҳатто наботот ва ҳайвонотга, қўйингки, барча мавжудотга нисбатан раҳм-шафқатли ва меҳрибон бўлишга чақиради. Зўравонлик, қўпорувчилик ва тажовузкорликни у ҳеч қачон оқлаган эмас ва оқламайди ҳам. Қуръони каримнинг Моида сураси 32 — ояти мазмунида шундай дейилади: “Кимки бирон жонни ўлдирмаган ва ерда бузғунчилик қилиб юрмаган одамни ўлдирса, демак гўё барча одамларни ўлдирибди ва кимки унга ҳаёт ато этса, демак, гўё барча одамларга ҳаёт берибди”.
Динимизнинг тинчликсевар, мўътадил таълимот эканлигини, у ҳеч қачон қон тўкиш, уруш оловини ёқишни ёқламаслигини бутун жаҳон аҳли яхши билади. Шулардан келиб чиққан ҳолда тўла ишонч билан айтишимиз мумкинки, террорчи ва экстремистлар бу дунёдаги ёвузлик меросхўрларидир. 

Суфиев Жаъфархон Тўрақўрғон туман "Исҳоқхон тўра" жоме масжиди имом хатиби.


Яқинларингизга улашинг!
👇👇👇👇👇👇
https://t.me/isxoqxon_tora_ibrat

#Ogohlik
Расулуллоҳ соллаллоҳу алайҳи васаллам дедилар:
“Инсон қорнидан ёмонроқ идишни тўлдирмайди, одам боласига белни қоим қиладиган кичик луқма кифоядир. Бас, қориннинг учдан бири таом, учдан бири сув ва қолган учдан бири нафас учундир”, деб айтдилар.

Имом Термизий ривояти.

Яқинларингизга улашинг!
👇👇👇👇👇👇
https://t.me/isxoqxon_tora_ibrat

#VIDEO #OGOHLIK

📝 IJTIMOIY TARMOQDAGI BUZG'UNCHI G'OYALARDAN EHTIYOT BO'LING!

🎙 A'ZAMJON SAMINOV,
YANGIQO'RG'ON TUMANI "IBROXIM HOJI OTA" jome masjidi imom xatibi

🌐Saytdan tinglash

Bizni ijtimoiy tarmoqlarda kuzatib boring:
👇👇
🌐www.Ravza.uz | 📝Telegram
💻Instagram | 📝Facebook |  🎞Youtube