ЎЛЧОВ
Ибнул Жавзий роҳимаҳуллоҳ айтади:
"Зикр мажлисларида қўлимда икки юз минг киши тавба қилди. Қўлимда икки юз киши исломга кирди. Ваъзларимдан қалби тош инсонларнинг кўзларидан ёш оқди. Бир куни ўтириб атрофимга қарасам ўн минг киши ўтирибди. Уларнинг барини қалби эриган, кўзларида ёш. Ўзимга дедим: "Улар нажот топиб сен ҳалок бўлсанг нима бўлади?!".
Сўнгра ишқ тили билан Роббимга ёлвордим:
"Аллоҳим! Саййидим! Агар эртага менга азоб берсанг буларга билдирма. Мен учун эмас, Ўз олийжаноблигингни сақлаш учун. Улар: "Ўзи томон даъват қилганни азоблабди", дейишмасин!".

Дўстим! Ўзидан ажабланган киши Аллоҳга ҳеч қачон ета олмайди. Солиҳлар Аллоҳга яқинлашишгани сари олдин ҳис қилмаган ожизликни, нуқсонни ҳис қилишган. Сабаби, инсон яқинлик таъмини тотса, узоқликдан бир қисм йўқолади. Бу худди олим ва жоҳилнинг аҳволига ўхшайди. Жоҳил ҳамма нарсани биламан деб ўйлайди. Олим эса ҳали кўп нарсани билмаслигини билади.
Инсоннинг жоҳиллигини таълим олишгина фош қилади. Жоҳил эса билмаган нарсаларидан жоҳилдир. Шунинг учун у ўзини замона алломаси деб ўйлайди.
Иймон билан ҳам иш шу. Садақа қиладиган киши ўз нуқсонини ҳис қилади. У ўз садақаси билан кичкина ёриқнигина ёпдим деб ўйлайди. Ўзи учун яшайдиган киши эса "роҳат"да яшайди.
Жоҳиллик гоҳида худди ҳайвон неъмати каби аччиқ неъмат бўлади. Азоб ҳам йўқ, ҳисоб ҳам йўқ. Дунё ҳам йўқ, охират ҳам йўқ.
Нафл рўза тутиб юрган киши одатий рўзасини бир кун тута олмай қолса ўзини ожиз, нуқсонли санайди.
Бу ишлар билан машғул бўлмайдиган киши бу ишлардан маҳрумлик азобини ҳам билмайди. Чунки у аслида бу нарсаларнинг борлиги ҳаловатини ҳам билмайди.
Менга ишон, агар кечаси таҳажжуд намози ўқийдиган кишини намозидан маҳрум қилиб боғлаб қўйганингда уни Роббиси ҳузурида туришга муштоқ бўлиб йиғлаганини кўрар эдинг.
Аксинча, бу лаззатни тажриба қилиб кўрмаган кишининг тўшаги жаннатидир!

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

Замахшарийнинг таъкидлашича, тўрт нарса 4 нарса туфайли қўлдан кетади :

1. Ризқ - ношукурлик қилсанг.
2. Қувват - ҳасад қилсанг.
3. Фурсат - қадрига етмасанг.
4. Обрў - манманлик қилсанг қўлдан кетади.

♻️Дўстларингизга ҳам улашинг!!!

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#ибрат

Аёл қандай хилқат биласизми? Билмайсиз!

Турмуш ўртоғимга ёқишим учун нима қилсам экан. Кўчада «чиройли» аёллар кўп. Буларни эса пули.
Ҳа-я, келишларига яхши кўрадиган таомини таёрласам.
Кир, дазмол, кўча-ҳовли, болалар, идиш-товоқ... Хали анча вақтим бор, бир қўлбола манти қилай.
Ойна олдига боришга имкони бўлмай, танқис таом суювчиси кириб келади. Ишданми, чарчаган.
Кун бўйи унинг хаёли билан тиним билмаган аёлга озгина эътибор, ҳа, майли.

Кўчада «чиройли» аёллар кўп.

Нега энди аёл турмуш ўртоғининг кўнглига, катта боласининг дидига, кичигининг эркалигига хуллас ҳаммага ёқиб қолиш учун ҳаракат қилаверади. Оиладаги бошқа хилқатларни айтмадим. Касал қайнона демадим, инжиқ қайнота демадим, гапчи амма, қизини шу ҳовлига келин қилиб беролмаган хола демадим. Қолганини айтмадим.
Вазифаси шуда...денг. Уни жони 40 та денг. Деяверинг.

Сиз бирон марта бўлса ҳам аёлингизга ёқишга ҳаракат қилганмисиз. Уни кўнгил тубидаги бокира туйғусига меҳр берганмисиз? Менга сени омонат берган Роббимга ҳамд деганмисиз.

Касал бўлса ёқмайди. Эҳтиёжини инжиқлик, қалб оғриғини нозиклик, чарчоқларини ожизалик хуллас таърифларингиз кўп.

Бир марта бўлсаям унинг кўзларига қаранг, яхшилаб қаранг. Дунёингиз остин устун бўлгувси ҳайратни кўрмасангиз, одам эмассиз. Кўзларига қарай олишга хақлиман деб билсангиз қаранг! Дош беролсангиз агар унинг кўзларига қаранг!

Сиз англамас дунёни қалбига яшириб олган бу кўзлар, бир куни сизга «ёқиш» туйғусидан толиқиб қолмай туриб, аёлингиз кўзларига қаранг!

Тан олмаймизку, лекин жуда тўғри гаплар!

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#мозийга_назар

1917 йилда Ироқ ҳудудларидан бирига кирган инглиз генерали
Стенли Муд қўй боқувчи чўпон билан кўришиб қолди. У чўпонга итларидан бирортасини сўйса, бир фунт стерлинг бермоқчи эканини таржимон орқали билдирди.

Ит чўпоннинг қўйларини бўрилардан ҳимоя қиладиган, унга қўй боқишда ёрдам берадиган ва хатарни сезиши билан огоҳлантирадиган жуда мухим нарса эди. Лекин генерал берадиган пулга мавжуд қўйларни ярмини сотиб олса бўларди.

Чўпон қўйлардан бирини ушлаб қурбон қилишга қарор қилди ва генералнинг оёғи остида бўғизлади.
Генерал бунга кўнмади, итини сўйишни буюрди.

Чўпон итини сўйди. Генерал чўпонга итнинг терисини шилиш бадалига яна бир фунт ваъда қилди. Чўпон пулни олиб, унинг айтганини қилди.
Генерал Муд чўпон итни бўлаклаб ташласа, яна бир фунт бермоқчи бўлди. Чўпон итни майда-майда бўлакларга бўлди.
Генерал учинчи фунтни бериб, кета бошлади.

Чўпон сакраб туриб:                                                      
- Яна бир фунт берса, бўлакларни ейишга тайёрлигини айтди.
Генерал Муд:
- Мен сизларнинг табиатингизни билмоқчи эдим холос. Билдимки, нафсингизга қул экансиз!
Сен уч фунт стерлинг учун энг вафодор дўстингни бўғизладинг, терисини шилдинг ва бўлакларга бўлдинг. Тўртинчи фунтга уни ейишга ҳам тайёрсан. Мен билишим керак бўлган нарса шу эди - деди.

Сўнг аскарларига юзланиб:
- Билингки, бу ерда бу каби ақл эгалари бор экан, ҳеч нарсадан қўрқмасангиз ҳам бўлади - деди.

Доктор Али Вардий,
"Ироқ тарихидан ижтимоий лавхалар" китобидан.

✍️Бу қиссада мол-дунё учун ҳар нарсага тайёр заиф нафсларнинг жамиятда мавжудлиги ва улар ҳар қандай душманга ўз жамиятини парчалаб, мустамлака қилишига хизмат қилиши кўрсатилган.

Минг афсуски, тарихда шаҳарларимиз дарвозаларини очиб берганлар бўлган. Ҳозирги авлод эса ота-боболари қирғин қилинган ва қирғин қилганлар учун бутхона тиклаб қўйган.

🟢 @tartil_uz

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#кун_эслатмаси

Зикрнинг арабча матни:
اللَّهُمَّ أَنْتَ السَّلاَمُ وَمِنْكَ السَّلاَمُ تَبَارَكْتَ يَا ذَا الجَلاَلِ وَالإِكْرَامِ

Зикрнинг маъноси:
«Аллоҳим! Сен - Саломсан, салом Сендандир. Табарруксан, эй улуғлик ва ҳурмат Соҳиби».

Савбон розияллоҳу анҳудан ривоят қилинади:
Расулуллоҳ соллаллоҳу алайҳи васаллам намозларини тугатгач, уч марта истиғфор айтиб, сўнг «Аллоҳумма антас салаам ва минкас салаам, табаарокта йаа зал жалаали вал икроом» дер эдилар».
(«Саҳиҳи Муслим», 591)

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#Бугун   
   
Ассалому алайкум ва роҳматуллоҳи ва барокатуҳ, 

Бугун ҳафтанинг душанба куни

🗓 26 феврал, 2024 йил
🗒 16 шаъбон, 1445 йил
 
• Аллоҳ таоло ушбу кунни барчамиз учун хайрли ва барокатли қилсин!🤲🤲

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

Ҳаётимизда нималар ўзгарди!


• Уйлар катталашди, аммо оилалар кичрайди;
• Тиббиёт ривожланди, бироқ касалликларнинг тури кўпайди;
• Одам Ойга етиб борди, аммо ён қўшнисининг ҳолидан бехабар;
• Пуллар кўпайди, аммо хотиржамлик йўқолди;
• Донолик юксалиб боряпти, лекин ҳис-туйғулар камайиб кетяпти;
• Билим-маърифат ошди, аммо ҳикмат озайди;
• Йўл-йўлакай қўшилиб оладиган дўстлар кўп, бироқ ҳақиқийлари жуда кам;
• Соатлар турли дизайнда ишлаб чиқарилмоқда, аммо кўп нарсага вақт топа олмаймиз;
• Одамлар йилдан-йилга кўпайиб бормоқда, бироқ одамийлик йўқолиб бормоқда.


•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

Энг яхши инсон бошқалар ундан панд-насиҳат олгунича биринчи бўлиб ўзи панд-насиҳат олган кишидир.

✍️ Раҳматлик Шоир Холид Рошид ал-Жамилий


•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

САОДАТ
Саодатга қачон етаман дейсизми?
Саодат бекат эмаски, етсангиз. Саодат бу юрадиган йўлдир!
Дунёқарашингизни ўзгартиринг. Дунё тамоман ўзгариб кетади.
Саодатни қалбингиз ташқарисидан қидирсангиз, уни бир умр қидиришингизга тўғри келади!
Саодатни қалбингиздан топасиз. Бахтингиз ўзингиздан бошланади, ўзгалардан эмас!

Тўғри, инсон бу сайёрада ёлғиз яшай олмайди. Кишилар бир-бирига суянади. Назарда тутганим, ўз ҳаётингизга ўзингиз хўжайин бўлинг. Асосларингиз учун яшанг. Майли, сизнинг асосларингизни ўзгалар эски-туски, арзимас деб ўйлашсин. Ўзгартириш шамоллари агар сизни ёмон томонга ўзгартиришини билсангиз бундай шамол олдида ҳеч қачон эгилманг!
Собит тура олсангиз кишиларнинг эгилиши сизга зарар бера олмайди. Эгилсангиз кишиларнинг тик туриши сизга фойда бера олмайди.
Ўзингизни ҳурмат қилишингиз шахсий ишингиздир. Бошқаларга бунинг алоқаси йўқ. Мана шуни яхши англаган бўлсангиз саодат томон илк қадамларни ташладингиз!

Ҳасадни йиғиштиринг. Ҳасад ўзгалардаги неъматни барбод қилмайди, балки сизнинг назарингизда сиздаги неъматларни барбод қилади. Доимо ўзгалар қўлидаги нарсаларга эмас, ўз қўлингиздаги нарсаларга қаранг. Ана шунда кўп неъматларга эга эканлигингизни кўрасиз!

Ўзгалар қўлига қарайверсангиз ўзингиздаги неъматларни кўра олмай қоласиз. Бахт қаноатда. Қаноатли бўлинг, саодат сиз билан бўлади!
Ўтган ишларни эслаб ўзингизни қийнаманг. Мозий фақат ибрат олиш учундир, яшаш учун эмас.
Қўлингиздан кетган нарсага сизни ҳам олиб кетишига рухсат берманг. Юзингизга тушган ҳар-бир шапалоқдан ўзингизни қарздор билинг. Чунки у сизни пиширган!
Сизни алдаган, сизга хиёнат қилганлардан ўзингизни қарздор деб билинг. Чунки улар сизга ишончда ҳаддан ошмасликни ўргатишган.
Ҳар бир хатойингиздан ўзингизни қарздор билинг. Чунки қайта ҳаёт бошлашни сизга хатоларингиз ўргатган.
Мозий саҳифасини ёпишингиз уни унутганингизни англатмайди. Балки у энди сизга хўжайинлик қила олмаслигини англатади. Саодат мана шу. Мозий саҳифаларини ёпинг!

Ҳар ярадан йиғлайверадиган, ҳар муштдан йиқилаверадиган, ҳар дарддан болалардек шикоят қилаверадиган мўрт инсон бўлманг.
Ҳар сафар қайта туришни ўрганиб олинг. Чандиқларингизни сизни ўлдирмоқчи бўлган қийин кунлардан эсдалик деб билинг. Қатъиятли ва собит бўлинг. Бахт шунда!

Бахт фақатгина одатдан ташқари катта лойиҳаларни амалга оширишда деб ўйламанг. Оддий ишлардан бахт ясаб олса бўлади. Ўзингизни арзимас инсон деб билманг.
Ота-онангиз розилиги саодатдир, агар бундан лаззатлана билсангиз...
Гуноҳлардан истиғфор айтишингиз саодатдир, агар тафаккур қилсангиз...
Тоатда яшашингиз саодатдир, агар унда қалбингизла яшасангиз...
Бировнинг кўз ёшларини артишингиз, кимнингдир кўнглини олишингиз, ўзгаларга ёрдам қўлини чўзишингиз саодатдир, агар ҳис қилсангиз...

Саодат мўъжиза ёки хавориқи одат иш эмас. Саодат кичик кўринган ишларни муҳаббатла бажаришдир. Ўзингизга муҳаббат ато қилинг!

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#xasta_qalblar_davosi

📖 Анфол сураси 70-75-оятлар
👤 Шайх Алижон қори

🌐 https://t.me/+ZgkOZopwJwc3ZWEy

ТЕЛЕФОНДА ҚУРЪОН ЎҚИГАНДА ТАҲОРАТ БЎЛИШИ КЕРАКМИ?
#Қуръон #таҳорат

❓719-CАВОЛ: Телефонимда Қуръон ўқисам ҳам таҳоратли бўлишим керакми?

💬 ЖАВОБ: Бисмиллаҳир Роҳманир Роҳим. Қуръони каримни таҳоратли ҳолда ушлаш вожиб амал саналади. Қуръонни ёддан ўқишда ёки китобни ушламасдан, унга қараб ўқишда таҳорат бўлиши афзал бўлса-да, таҳоратсиз ҳам ўқишга рухсат берилган.

Замонамиз уламолари телефон каби электрон жиҳозларда Қуръони карим иловалари очиқ ҳолда турганда ўша жиҳоз Қуръон ҳукмида бўлиши борасида турли фикр билдирганлар. "Миср фатво уйи" уламолари томонидан электрон жиҳоз орқали Қуръон оятларини ушлаш жоиз деб фатво берилган.

Иордания фатво ҳайъати уламолари, Шайх доктор Луай ал-Халилий ва бошқа бир қатор уламолар эса, телефонда Қуръон иловаси очиқлик пайтида, у ҳам Қуръон ҳукмида бўлиши, шундан келиб чиқиб, ўша ҳолатда уни таҳоратсиз ушлаб бўлмаслигини айтмоқдалар.

Қуръони каримнинг ҳурматини сақлаш учун электрон жиҳоз экранида Қуръон иловаси очиқ ҳолда чиқиб турган бўлса, саҳифаларни ўтказишда бетаҳорат қўл билан ушламаган маъқул. Аммо, телефоннинг махсус қалами ёки бирор восита ёрдамида таҳоратсиз саҳифаларни ўтказиш мумкин.

Чунки “Табйинул-ҳақоиқ” китобида қуйидагича келтирилган:
يجوز للمحدث الذي يقراء في المصحف تقليب الاوراق بقلم او سكين

яъни: "Таҳоратсиз Қуръон ўқиётган киши вароқларни қалам ёки пичоқ ёрдамида очиши мумкин". (1-жуз, 166-бет). Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok

ЧИГИРТКА ҲАЛОЛЛИГИ ҚАЙСИ ҲАДИСДА КЕЛТИРИЛГАН?
#қисқа_савол_жавоблар

❓CАВОЛ: Интернет нашрида ўқиб қолдим... чигиртка ҳалол, балиқ билан баробар ва ҳадисда ҳам келтирилган деб фатво беришибди... шунга ишонмадим! Қайси ҳадисда келтирилган?

💬 ЖАВОБ: Бисмиллаҳир Роҳманир Роҳим.
Ибн Умар разияллоҳу анҳудан ривоят қилинади: "Набий саллаллоҳу алайҳи васаллам: "Бизга икки ўлимтик ва икки қон ҳалол қилинди. Икки ўлимтик балиқ ва чигирткадир. Икки қон бўлса, жигар ва қора талоқдир", деганлар. (Имом Ибн Можа ва Имом Ҳоким ривоят қилганлар).

Ушбу ҳадиси шариф ва ундан бошқа ривоятлардан чигиртка ҳалол экани маълум бўлади. Лекин кимнидир табиати кўтармаса, уни емаслиги мумкин. Муҳими шариатда ушбу жонзот гўшти ҳалол эканини тўғри тушунилса бўлди. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

ҚАРИ ОДАМНИНГ ГУНОҲИ КЕЧИРИЛИБ, ҲИСОБГА ОЛИНМАЙДИМИ?
#ақида

❓720-CАВОЛ: 80 ёшли одам ёмон амал қилса ўша амали кечирилиб, ҳисобга олинмайдими?

💬 ЖАВОБ: Бисмиллаҳир Роҳманир Роҳим.
Инсон маълум бир ёшга етгандан сўнг унинг гуноҳлари ҳисобга олинмайди деган гап йўқ. Шариъат қоидаларига кўра фақат балоғатга етмаган болалар ва ақли заъиф инсонларга гуноҳ ёзилмайди.

Лекин инсонларнинг энг яхшиси ёши улуғ ва амаллари чиройли бўлган инсонлар алоҳида мақталган. Шунингдек, ёши улуғ бўлатуриб, номақбул ишлар қиладиган кишилар мазаммат қилинган.

عَنْ عَبْدِ الرّحْمَنِ بنِ أَبِي بَكْرَةَ عَنْ أَبِيهِ: “أَنّ رَجُلاً قَالَ يَا رَسُولَ الله أَيّ النّاسِ خَيْرٌ؟ قَالَ مَنْ طَالَ عُمُرهُ وَحَسُنَ عَمَلُهُ. قَالَ فَأَيّ النّاسِ شَرّ؟ قَالَ: مَنْ طَالَ عُمُرهُ وَسَاءَ عَمَلُهُ”.

Абдураҳмон ибн Абу Бакра разияллоҳу анҳудан, у отасидан ривоят қиладилар: “Бир киши: “Эй, Аллоҳнинг Расули! Инсонларнинг қайсиниси афзал” – деди. У зот саллаллоҳу алайҳи васаллам: “Умри узоқ бўлиб, амали чиройли бўлгани” – дедилар. У: “Инсонларнинг қайсиниси ёмон” – деди. У зот саллаллоҳу алайҳи ва саллам: “Умри узоқ бўлиб, амали ёмон бўлгани” – дедилар” (Имом Термизий ривояти).

Инсонларнинг яхшиси умри узоқ бўлиб, амали гўзал бўлгани экан, доимо, Аллоҳдан умри узоқ, амали солиҳ бўлган бандалардан қилишини сўраши лозим. Мана шундан яхши амалларсиз кўрилган узоқ умрда инсон учун яхшилик йўқлиги маълум бўлади. Чунки гоҳо узоқ умр инсон учун ёмон ва зарар бўлиб қолиши мумкин. Шу сабабдан баъзи уламолар Аллоҳдан қуруқ узоқ умр эмас, балки тоат ибодатда яхши амаллар узра ўтадиган узоқ умрни сўраши лозим бўлади, дейишган. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok

#Видеолавҳа

44. ҒИЙБАТНИНГ ҲУКМИ

YouTube | Instagram | Facebook | Tiktok

🔗 Улашинг: @diniysavollar

Ёшларимизни ёт ғоялардан асрайлик!

ЖАҲОЛАТГА ҚАРШИ МАЪРИФАТ

Ақида масаласида ёшлар тафаккурини шакллантириш ва ёшларни ҳамда бутун жамиятнинг маънавиятини нотўғри ақидалардан ҳимоялаш, бугунги кунда барчамизнинг долзарб вазифамиз ҳисобланади. Ота-оналар ўз фарзандларининг тарбиясида бунга катта эътибор беришлари керак. Лекин айрим ота-оналар бола тарбиясида бепарволик қиладилар. Улар шахсий юмушлари, кўча-кўйдаги улфатлари, моддий маблағ тўплашни биринчи ўриндаги вазифа-ю, оила аъзоларининг ахлоқий ва маърифий тарбиялари билан шуғулланишни иккинчи даражали иш ўрнига қўйишади.
Мутафаккир олим Абдулла Авлоний таъбири билан айтганда, “Тарбия биз учун ё ҳаёт – ё мамот, ё нажот – ё ҳалокат, ё саодат – ё фалокат масаласидир”. 
Расулуллоҳ соллаллоҳу алайҳи ва саллам умрларининг охирида ўзларидан кейин залолат йўлидан борадиган етмиш иккита фирқа пайдо бўлишидан огоҳлантирган эдилар. Бу сўзлар ўтган ўн тўрт аср давомида тасдиғини топди. Ана шу фирқа ва оқимларнинг айримлари исломнинг илк асрларида юзага келган бўлса, ХХ ва ХХ1 асрларда ҳизбут-таҳрир, нурчилар, салафийлар, жиҳодчилар, такфирчилар ва ҳижратчилар каби ўнлаб адашган оқимлар пайдо бўлиб, дунё мусулмонлари ўртасида бузғунчилик қилишяпти. Турли низо ва қонли тўқнашувлар чиқишига сабаб бўлмоқда.
Афсуски, сўнгги вақтларда ёшларимизни турли ёт ғоялар билан эътиқодини бузиб йўлдан уришга қаратилган ҳаракатларни гувоҳи бўлмоқдамиз. Айниқса, гўёки барча мусулмонлар ҳозир қуролли тўқнашувлар кетаётган мамлакатларга “ҳижрат” қилишлари ва қўлида қурол билан “жиҳод” қилишлари фарз эмиш. Бундай сохта даъволарнинг пуч эканини тасдиқлаш ва аҳолини хусусан, ёшларни улардан асраш мақсадида ушбу тушунчаларга изоҳ бериб ўтсак. Юртини, ота-онани ташлаб, ўзга элларда сарсон-саргардон юриш, ўзи каби манқурт шахслар билан бирлашиб, киндик қони тўкилган юртига қарши қурол кўтариш Ислом таълимотига зид иш ҳисобланади.
“Ҳижрат” сўзи луғатда бирор нарсадан ажраш, шариатда эса, Муҳаммад (саллаллоҳу алайҳи васаллам)нинг Маккани тарк этиб, Мадинага боришига қиёсан қўлланилиб, диний экстремизм оқим етакчилари тинч давлатда яшаб келаётган ёшларни хориждаги жангариларнинг лагерларига жўнатиб, “ҳижрат қилмаган диндан чиқади, ҳижрат учун мусулмонга ота-онанинг рухсати шарт эмас”, каби сохта иддаолар билан алдамоқда.
Аллоҳ таоло айтади:
   6. Эй иймон келтирганлар! Ўзингизни ва аҳли аёлингизни ёқилғиси одамлару тошдан бўлган ўтдан сақланг. Унинг тепасида қўпол, дарғазаб фаришталар бўлиб, улар Аллоҳнинг амрига исён қилмаслар ва нимага буюрилсалар, шуни қилурлар..
(таҳрим сураси).
Абу Усмон Мужошиъ ибн Маъсуд ривоят қилган ҳадисда Расулуллоҳ (соллаллоҳу алайҳи васаллам): “Макка фатҳидан кейин ҳижрат йўқ…”, деганлар. “Ҳижрат” ҳақида Имом Бухорий ривоят қилган ҳадисда: Расулуллоҳ (соллаллоҳу алайҳи васалам) “Қўли ва тили билан ўзгаларга озор бермаган киши мусулмондир. Аллоҳ таоло ман этган нарсалардан қайтган киши Аллоҳ йўлида ҳижрат қилган кишидир”, деганлар. Ибн Умар (розияллоҳу анҳу)дан ривоят қилган ҳадисда эса Расулуллоҳ (соллаллоҳу алайҳи васаллам) ҳузурларига бир киши келиб: “Эй, Аллоҳнинг Расули, мен ота-онамни йиғлаган ҳолда ташлаб, ҳижрат қилиш учун сизнинг ҳузурингизга келдим”, деди. У зот (соллаллоҳу алайҳи васаллам) эса, “Ота-онанг олдига қайтиб, уларни қандай йиғлатган бўлсанг, шундай кулдиргин”, деб жавоб бердилар. (Абу Довуд ривояти).
Саййидимиз Муҳаммад соллаллоҳу алайҳи васаллам ва у зотдан кейин мусулмон давлатларини бошқарган хулафои рошидинлар ўзга юртларда яшаётган мусулмонларни ҳеч қачон мусулмон давлати ҳудудига кўчиб келишларига даъват қилмаган ва уларнинг ўз юртларида яшашини рад этмаганлар.
Аллоҳ таоло барчаларимизни Ўзининг ҳидоят йўлида бардавом айласин. Аллоҳ таолонинг тўғри йўлидаги солиҳ бандалари қаторида бўлиб, турли фирқа, адашган оқим ва залолат йўлларидан барчамизни ҳифзу ҳимоясида сақласин. Яратганнинг Ўзи келажагимиз, орзу умидимиз бўлмиш ёшларимизни турли ёт ғоя ва фикрлардан узоқда қилиб, илму маърифат, одобу ахлоқ фазилатлари билан зийнатласин.

Суфиев Жаъфархон Тўрақўрғон туман "Исҳоқхон тўра" жоме масжиди имом хатиби..

•┈•┈•
https://t.me/isxoqxon_tora_ibrat

Ўзбекистонда тақиқланган гуруҳлар фаолияти дунё ҳамжамиятида ҳам ман этилмоқда

Улашинг: @AhliSunnaValJamoaUz