المحترفين

منو عمار حريجة؟
عمار أسد مصفى بيجي، المقاتل بجهاز مكافحة الإرهاب من أوائل المقاتلين التحق بالجهاز سنة 2005 وكان واحد من أشجع رجاله وأكثرهم صموداً.

خلال معارك مصفى بيجي انحصر ويا رفاقه "خمسة أشهر" ماكو أكل ماكو ماي ماكو حتى حذاء ينلبس، وطال شعره وانجرحت رگبته بس ما رجع ظل صامد مثل الجبل ..

وبعدها انفك الحصار ورجع لأهله..
ورغم إصابته ورغم عنده إجازة علاجية رسمية من سمع إن جماعته بدوا بتحرير الموصل، كطع الإجازة برجله المصابة والتحق فوراً.

وبتاريخ2017/6/21 استشهـ٫٫ـد عمار، قريب من منارة الحدباء وخوذته اليوم موجودة بمتحف الموصل تشهد على شجاعته ودمه الطاهر.

بس المصيبة مو هنا … لعد وين؟

أم الشهـ٫٫ـيد عمار تطلع تناشد تگول المؤجر يريد فلوس الايجار ويهددنا بالطرد من البيت!
اي اهل هذا البطل ما عدهم بيت ولا إيجار ولا فلوس علاج وزوجها مريض وماكو جهة ساندتهم ..

وين الدولة؟ وين الجهات المسؤولة؟

هذا جزاء أم الشهـ٫٫ـيد؟
"عمار ما راح سياحة" عمار ضحّى بنفسه واليوم أهله متروكين ومهمّشين.

يا أصحاب القرار إذا ناسين منو عمار ترا الناس ما ناسيته..

🕊9😢5❤3👍1🙏1💔1

477 views12:06