#Кун_дуоси

Сафарга чиқадиган одамнинг ҳаққига дуо қилиш

عَنْ أَبِي هُرَيْرَةَ رَضِي اللهُ عَنْهُ أَنَّ رَجُلًا قَالَ: يَا رَسُولَ اللهِ، إِنِّي أُرِيدُ السَّفَرَ فَأَوْصِنِي، قَالَ: عَلَيْكَ بِتَقْوَى اللهِ وَالتَّكْبِيرِ عَلَى كُلِّ شَرَفٍ، فَلَمَّا وَلَّى الرَّجُلُ قَالَ: اللَّهُمَّ اطْوِ لَهُ الْأَرْضَ وَهَوِّنْ عَلَيْهِ السَّفَرَ. رَوَاهُ التِّرْمِذِيُّ بِسَنَدٍ حَسَنٍ. وَاللهُ أَعْلَمُ.

Абу Ҳурайра розияллоҳу анҳудан ривоят қилинади:

«Бир киши:

«Эй Аллоҳнинг Расули! Албатта, мен сафар қилмоқчиман, менга насиҳат қилинг», деди.

«Аллоҳга тақво қилишни, ҳар баландликда такбир айтишни ўзингга лозим тут», дедилар.

Ҳалиги одам ортига қайтганидан кейин «Аллоҳим! Унга ерни яқин қилгин ва унга сафарни осон қилгин», дедилар».

Термизий ҳасан санад ила ривоят қилган. Аллоҳ билгувчироқдир.

Шарҳ: Ушбу ҳадиси шарифдан олинадиган фойдалар:

1. Сафарга чиқишдан олдин аҳли илм ва аҳли фазл кишилардан насиҳат олиш кераклиги.

2. Сафарга чиқадиган одамни тақвога ва сафар одобларига риоя қилишга чорлаш кераклиги.

3. Сафарга чиқадиган одамнинг ҳаққига дуо қилиш кераклиги.

🕋 @islomuz

#Закот

Закот беришдан мақсад нима?

Фарз қилинган закот чўнтаклардан олинадиган солиқ эмас, балки у энг аввало инсонларга меҳр-мурувват ва раҳм-шафқат туйғу, шиорларини сингдириш, турли табақалар ўртасида танишув ва улфатлик муносабатларини мустаҳкамлашдир. Қуръони Каримда закот беришдан мақсад, ғоя баён этилиб, Расулуллоҳ соллаллоҳу алайҳи васалламга хитобан: «Молларидан садақа ол. Бу билан уларни поклайсан, тозалайсан. Уларнинг ҳаққига дуо қил. Албатта, дуойинг улар учун таскиндир. Аллоҳ ўта эшитувчидир, ўта билувчидир» (Тавба сураси, 103-оят) дейилган.

Шунингдек, закот жорий этилишининг энг муҳим ҳикматларидан бири, нафсни тубанлик кирлигидан тозалаш ва жамиятни олий даражага кўтаришдан иборатдир.

Шайх Муҳаммад Ғаззолий раҳимаҳуллоҳ.

Изоҳ: Набий соллаллоҳу алайҳи васаллам «Закот — Исломнинг кўпригидир» деганлар. Закот бериш билан бевалар, етимлар, ногиронлар ва муҳтожларга ғамхўрлик қилинади. У инсонлар ўртасида алоқаларни яхшилаб, бойлар ва камбағаллар ўртасидаги кўприк бўлади.

🕋 @islomuz

#Рамазон

Фитр садақаси

Ибн Аббос розияллоҳу анҳудан ривоят қилинади:

«Расулуллоҳ соллаллоҳу алайҳи васаллам фитр закотини (садақасини) рўзадордан содир бўладиган лағв (беҳуда гап-сўз) ва рафас (фаҳш гаплар ёки жинсий яқинлик)ни покловчи ва мискинлар учун егулик этиб фарз қилдилар.

Ким (ҳайит) намозидан олдин адо этса, у мақбул закотдир. Ким намоздан кейин адо этса, садақалардан бир садақа бўлади (яъни, фитр закоти эмас, одатий садақалардан бўлиб қолади)».

Абу Довуд, ибн Можа ривояти.

🔗 Тўлиқ ўқиш

🕋 @islomuz

#Мазҳабда_нажот

Нима учун мазҳаб керак?

Бугунги кунда мазҳаб китоблари ҳақида ёзилган нечта китоб бор? Деярли йўқ. Мақосид илми бўйича ёзилган китоблар-чи? Санаб бўлмайдиган даражада кўп. Фаҳм ёки илмни даъво қиладиган ҳар қандай одам мақосидни нақл қилади. Мақосид китобларини ўқинг, хоҳлаганингизча ўқинг. Лекин уларнинг орасидан фиқҳ китобларининг ўрнини босадиган даражадаги илм берадиган бирорта китобни топа олмайсиз. Фақат чиройли гаплар ёки масхара, таънали гапларни кўрасиз. Гўёки маъруза ўқигандай бўласиз. Аллоҳга муҳаббат, Исломни яхши кўриш ҳақида ажойиб гаплар айтилади. Булар жуда яхши гаплар, динга рағбат қилишга чақирадиган гаплар. Лекин менга бу китоблардан суянса бўладиган қоидалар беринг, мен ўшалар воситасида Исломни тақдим қила олайин. Қўлингиздан келадими? Йўқ, ҳеч кимнинг қўлидан келмайди.

🔗 Тўлиқ ўқиш

🕋 @islomuz

Халқаро молиявий марказлар ислом молия тизимида

Халқаро молиявий марказлар (IFC)лар ислом молия тизимида тобора муҳим аҳамият касб этиб бормоқда.

2026 йилда халқаро молиявий марказлар (IFC) глобал ислом молия тизимининг ўсиши ва мураккаблашиб боришини қўллаб-қувватлашдаги аҳамияти кенгайиб бораётганини таъкидлади. Бу ҳақда Islamic Finance News (IFN)нинг Annual Guide нашри хабар берди.

Маълумотга кўра, нашрнинг жорий йилги сонида Яқин Шарқ, Африка ва Ҳиндистон бўйича IFN директори Faizal Bhana IFCлар қандай қилиб кучли тартибга солинадиган, инновацияларга йўналтирилган марказларга айланганини ва бу шариатга мос бозорларнинг ишонч билан кенгайишига имкон бераётганини шарҳлайди.

🔗 Тўлиқ ўқиш

🕋 @islomuz

🌙 Taroveh namozi 13-kun

Xufton namozidan oldin ”Shayx Muhammad Sodiq Muhammad Yusuf” jome’ masjidi imom-xatibi, ustoz Ismoil Muhammad Sodiq “Tavba eshiklari doimo ochiq” mavzusida suhbat qilib beradilar.

Xatmi Qur’onga o‘tadigan qorilar:

Bahodir qori Rahmatulloh, Sadriddin qori Abdulkarim, Ahmadjon qori Atoulloh

Bugun Kahf surasi 75-oyatidan Toha surasi 135-oyatigacha tilovat qilinadi.

Ramazon 2026 / 1447

🌐 Jonli efirni ko'rish

#Ramazon #taroveh

@islomuz & @hazratim_uz

#Кун_дуоси

Бирор манзилга тушганда ўқиладиган дуо

عَنْ خَوْلَةَ بِنْتِ حَكِيمٍ رَضِيَ اللهُ عَنْهَا، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: مَنْ نَزَلَ مَنْزِلًا ثُمَّ قَالَ: أَعُوذُ بِكَلِمَاتِ اللهِ التَّامَّاتِ مِنْ شَرِّ مَا خَلَقَ، لَمْ يَضُرَّهُ شَيْءٌ حَتَّى يَرْتَحِلَ مِنْ مَنْزِلِهِ ذَلِكَ. رَوَاهُ التِّرْمِذِيُّ.

Хавла бинти Ҳаким розияллоҳу анҳодан ривоят қилинади:

«Набий соллаллоҳу алайҳи васаллам:

«Ким бир манзилга тушгандан кейин «Аъуузу бикалиматиллаҳит-тааммаати мин шарри маа холақа» деса, унга ўша манзилдан жўнаб кетгунича бирор нарса зарар қилмайди», дедилар».

Термизий ривоят қилган.

Ҳар бир жойнинг Аллоҳ таолонинг Ўзидан бошқа ҳеч ким билмайдиган аҳолиси бўлади. Шунинг учун сафарда бирор жойга тушган одам «Аллоҳнинг тугал калималари ила У яратган нарсаларнинг ёмонлигидан паноҳини сўрайман» деган маънодаги дуони ихлос билан бир неча марта ўқиб қўйиши лозим.

🕋 @islomuz

Ramazonda qilingan gunoh

Ustoz Ismoil Muhammad Sodiq

🕋 @islomuz

42. Oli Imron surasi (23-32-oyatlar) | "Tafsiri Hilol" kitobi

Shayx Muhammad Sodiq Muhammad Yusuf hazratlarining "Tafsiri Hilol" kitoblari

Qori: Shayx Mahmud Xalil Xusoriy
Suxandon: Abdulqayyum Ismoil

#tafsir

🌐 YouTube

🕋 @islomuz

#Рамазон

Рамазон покланиш ойи

Рамазонда қуйидаги ишларга ҳаракат қилинг:

1. Беш вақт намозни масжидда биринчи сафда адо этишга;

2. Рўзадорларга ифторлик қилиш;

3. Таровеҳ ва таҳажжуд намозларини адо этишга ва бомдоднинг азонидан аввал дуолар қилиш;

4. Ҳар куни имкон қадар садақа бериш;

5. Гуноҳлардан батамом узоқ бўлиш, тилни тийиш ва кўзни сақлаш;

6. Қуръонни тадаббур билан қироат қилиш;

7. Лайлатул қадрга етказишини ва дўзахдан озод қилишини дуода сўрашга жидди жаҳд қилиш.

Мажид Закий

🕋 @islomuz

Филиппинда Sukuk йўриқномалари жорий этилди

Sukuk чиқарувчилар энди битимлар ислом молияси тамойилларига мос келишини таъминлаш учун мустақил шариат маслаҳатчиси тайинлашлари ёки кенгаши қўмитаси тузишлари шарт.

Филиппин Қимматли қоғозлар ва биржа комиссияси (SEC) ички ислом капитал бозорини кенгайтириш мақсадида Sukuk чиқарилишига оид тартиб-қоидаларни белгилайдиган янги йўриқнома жорий этди.

2026 йил 25-февралда чиқарилган 12-сонли Memorandum Circular ушбу Шариатга мувофиқ молиявий воситаларни муомалага чиқариш билан боғлиқ талабларни белгилайди. Sukuk — бу сармоядорларга асосий активлар, хизматлар ёки лойиҳаларда мулк ҳуқуқини берувчи тасдиқловчи сертификатлар бўлиб, улар ислом молияси тамойилларига қатъий риоя қилган ҳолда ишлайди.

🔗 Тўлиқ ўқиш

🕋 @islomuz