#Гуноҳи_кабиралар

Никоҳланиш, назарни тийиш, сабр қилиш

Аллоҳ таоло Қуръони Каримда шундай марҳамат қилади:

«Ўзингизга хуш ёққан аёллардан никоҳлаб олингиз» (Нисо сураси, 3-оят).

Никоҳ орқали эркак ва аёл ўзаро жуфтлашиб, шаҳватнинг муолажасини қиладилар. Шаҳват уйғонганда инсон табиатида ажиб жумбуш ва изтироб пайдо бўлади. Бу пайтда қалб на ибодат билан машғул бўлади, на бирор бошқа ишга хотиржам кириша олади. Қалб билан ақлни шундай сархушлик қамраб оладики, ўша сархушликни кетказмасликнинг бошқа чораси қолмайди. Бу ҳолат эр-хотиннинг жуфтлашганидан кейингина бартараф бўлади, табиатга осудалик инади, танглик, тажанглик кетади. Уларнинг ўрнига ҳузур-ҳаловат келади. Айни шу сабабли ҳам эркак ва аёл бир-бири учун илоҳий туҳфа дея лутф этилгандир.

🔗 Тўлиқ ўқиш

🕋 @islomuz

Gaziantepda ijoza olgan hofizlar umra safariga boradi

#yangiliklar

🕋 @islomuz

#Намоз #Истисқо_намози

Истисқо намози

«Истисқо» сўзи арабча сўз бўлиб серобчилик, суғориш талаб қилиш маъносини англатади. Одатда, кутиб турилган сувнинг келиши кечикса уни талаб қилишга айтилади.

Истисқо уч хил бўлади.

Биринчиси, ёлғиз-ёлғиз ёки жамоат бўлиб дуо қилиш.
Иккинчиси, намоздан кейин дуо қилиш.
Учинчиси, икки ракъат намоз ўқиб, Жума хутбасига ўхшаш икки хутба айтиб серобчилик сўраш. Сероб бўлгунча қайта-қайта истисқо қилинаверади.

Аллоҳ таоло: «Ва Мусо ўз қавмига серобчилик талаб қилганини эсла: Бас, Биз, асонгла тошни ур, дедик. Бас, ундан ўн иккита булоқ отилиб чиқди», деган.

Шарҳ: Ушбу ояти каримадан Ислом умматидан аввалги умматларда ҳам истисқо бўлганлиги кўриниб турибди.

🔗 Тўлиқ ўқиш

🕋 @islomuz

#Кун_дуоси

Субҳаналлоҳи валҳамду лиллаҳи валаа илааҳа иллаллоҳу валлоҳу акбар

عَنْ أَبِي هُرَيْرَةَ رَضِي اللهُ عَنْهُ ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: لَأَنْ أَقُولَ سُبْحَانَ اللهِ وَالْحَمْدُ ِللهِ وَلَا إِلَهَ إِلَّا اللهُ وَاللهُ أَكْبَرُ أَحَبُّ إِلَيَّ مِمَّا طَلَعَتْ عَلَيْهِ الشَّمْسُ. رَوَاهُمَا مُسْلِمٌ وَالتِّرْمِذِيُّ.

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:

«Субҳаналлоҳи, вал ҳамду лиллаҳи, ва лаа илааҳа иллаллоҳу валлоҳу акбар» демоғим мен учун устидан қуёш чиқадиган барча нарсадан маҳбубдир», дедилар».

Иккисини Муслим ва Термизий ривоят қилганлар.

Набий соллаллоҳу алайҳи васаллам «Устидан қуёш чиқадиган барча нарса» деганларида дунёдаги ҳамма нарсани назарда тутганлар.

Демак, зикр нияти ила «Субҳаналлоҳи, вал ҳамду лиллаҳи, ва лаа илааҳа иллаллоҳу валлоҳу акбар» дейиш уларни айтувчи киши учун дунёдаги барча нарсаларга эга бўлишдан кўра яхшироқ экан.

Бу баракотли сўзларни ёдлаб олиб, зикр қилиб юришга одатланишимиз керак.

Демак, зокир ушбу ривоятда келган зикрларни айтиш билан бутун дунёдаги молу мулкнинг савобидан кўпроқ савобга эришар экан. Бу ердаги «маҳбуб»лик дунёнинг ўзига бўлган муҳаббат эмас. Балки ўша дунёни сарфлаганда ҳосил бўладиган савобдир. Расулуллоҳ соллаллоҳу алайҳи васаллам ҳеч қачон дунёнинг ўзига муҳаббат қўймаганлар. У зот дунёни сарфлаш орқали келадиган савобга муҳаббат қўйганлар.

🕋 @islomuz

✨ Исломнинг барча жабҳаларини ўзида жамлаган «Ҳадис ва ҳаёт» тўплами

📚 «Ҳадис ва Ҳаёт» тўплами 15% чегирмада! Тўпламда иймон, ният, илм, ихлос, намоз, рўза, ҳаж, закот, никоҳ, пайғамбарлар, саҳобалар, зикр ва дуолар, қиёмат каби Исломдаги рукнлар, ибодатлар ҳақидаги маълумотларни жамлаган, жами 35 жуз, 33 жилддан иборат.

📚 Кўпчилик китобхонлар ушбу жузларни кетма-кетликда, яъни бир бошидан ўқиш керак, деб айтишади. Айнан шу тартибда ўқиса ҳам бўлади. Аммо шарт эмас. Ҳар бир китобхон ушбу жузларни кетма-кетликда эмас, ҳолатига, қизиқишига қараб керакли мавзу ёритилган жузини ўқиши мумкин.

* Тўплам сони чекланган

👉 Нархи: 1 590 000 сўм — 1 350 000 сўм

✅ Онлайн буюртма қилинг: «Ҳадис ва ҳаёт» тўплами

📍 Манзилларимиз

☎️ +998-71-217-59-99 📥 @hilol_reception

✅ «Hilol» иловаси орқали ҳар бир харидингиздан 1% бонус баллга эга бўлинг.

@hilolnashr

#Мазҳабда_муваффақият_бор

Мазҳаблар мутавотир йўл орқали етиб келган

Замонамиздаги аксар диний муаммолар ҳанафий мазҳабининг ҳукмларини бир кишининг фикри, деб ўйлашдан келиб чиқади. Бундай одамлар мазҳаб дегани мустаҳкам қарор топган илм эканидан ғафлатда қолишяпти. Тўғри, бошида бир кишининг тушунчаси бўлган, аммо вақт ўтгани сайин бошқалар ҳам бу фикрларга мувофиқ келиши натижасида бу мазҳаб улуғ бир илмга айланиб кетган. Энди унга кимнингдир шахсий фикри эмас, балки илмий қоидадек муносабатда бўлишга мажбурмиз.

Мазкур мислсиз хизматларни тўрт мазҳабдан бошқасида топмайсиз. Бугун бир кимса келиб, бу мазҳаблардан ташқари бирор ҳукмни кўтариб келса, қаердан биламиз, у одам кимларнинг қаторида эканини? Тўғрими, ўғрими ё бошқами, қаердан таниймиз уни? Уни ким тасдиқлаган бўлади?

🔗 Тўлиқ ўқиш

🕋 @islomuz

#Мўминларга_эслатма

Фикр, тадаббур ва шукр

Аллоҳ таолонинг неъматларига қаранг ва ўйлаб кўринг. Сиз қанчалар неъмат ичидасиз! Ҳар тарафингиздан неъматлар қамраб олган. Тананинг саломатлиги, ватаннинг тинчлиги, ҳалол ейиш-ичиш, мўътадил об-ҳаво, гўё бутун дунё ато қилингандек... Сизда тўла-тўкис ҳаёт бор эканини хатто билмайсиз ҳам. Кўз, тил, қўл, оёқлар ақл бовар қилмас неъматлардир. Сиз одамнинг икки оёкда юришини оддий нарса деб ўйлайсизми?

فَبِأَيِّ ءَالَآءِ رَبِّكُمَا تُكَذِّبَانِ

«Бас, Раббингизнинг қайси неъматларини ёлғон дея олурсиз?!» (Раҳмон сураси, 18-оят).

Сиз ухлаб роҳат оласиз, аммо қанча кўзлар дард ёки мусибат сабабли ухламайди. Сизнинг ошқозонингиз лаззатли таомлар билан тўла, бироқ қанча-қанча одамлар беморлик ёки йўқчилик боис овкат ея олмайди. Сизнинг қулоғингиз, кўзингиз соғлом, лекин баъзи инсонлар бу неъматлардан маҳрум. Атрофингизга бир боқинг, сиз қадрига етмаётган неъматлар учун кимлар бор дунёсини беришга тайёр. Сиз ўзингиз ҳам, биров: «Уҳуд тоғича олтин берай, эвазига менга бир кўзингни бер, деса, сиз рози бўласизми?». Албатта, йўқ. Шунинг учун, эътиборли бўлинг, сиз канча улкан неъматларга эгасиз?!

Набий соллаллоҳу алайҳи васаллам айтадилар:

«Мўминнинг ҳолатига ажабланаман. Унинг ҳар ҳолати яхшиликдир мўминдан бошқа ҳеч кимда бўлмайди. Агар унга бирор хурсандчилик етса, шукр қилади, бу унинг учун яхшиликдир. Агар бирор хафалик етса, унга сабр қилади. Бу ҳам унинг учун яхшиликдир».

Имом Муслим ривояти.

Яна бошқа бир ҳадиси шарифда шундай дейилади:

«Бандаларнинг Аллоҳ таолога энг суюмлиси мусибат келганда, сабр қилгувчи, неъмат берилганда, шукр қилгувчисидир».

Имом Табарий ва Имом Аҳмад ривояти.

🕋 @islomuz

Ўзбекистонда исломий банклар очилади

Аҳоли кутилмалари қанчалик реалликка яқин?

Ўзбекистонда исломий молия тўғрисидаги узоқ кутилган қонун парламент қуйи палатаси томонидан қабул қилинди. Бу муҳим қадам мамлакат молия тизимида янги саҳифа очиб, мавжуд анъанавий банклар ва бўлажак молия институтларига исломий банк хизматларини таклиф этиш имкониятини яратади. Kun.uz мухбири қонуннинг моҳияти юзасидан Ислом молияси бўйича мутахассис Искандар Турсунов билан суҳбатлашди.

🔗 Тўлиқ ўқиш

🕋 @islomuz

«Olamlarga rahmat payg‘ambar» nomli tadbir o‘tkazildi

#yangiliklar

🕋 @islomuz