👉 @ISLOM

Умматнинг бир қисми қийналиб азоб чекаётган пайтда қолган қисми ёрдамга шошилмаса, демак бу умматнинг танаси ўлик ёки сархушдир. Зеро, ҳадисда: «Мўминлар бамисоли бир кишидирки, агар бир кўзи оғриса, бутун аъзоси оғрийди», дейилган.

👉 @ISLOM

#СаволЖавоб

Қандай қилиб Аллоҳнинг буйруқларига бўйсунувчи ва азобидан қўрқувчи иймони бақувват инсонга айланиш мумкин?

Савол:
Киши қандай қилиб Аллоҳнинг буйруқларини ҳаётида татбиқ этувчи ва азобидан қўрқувчи иймони бақувват инсонга айланиши мумкин?

Жавоб:
Бу нарса Аллоҳнинг Китобини кўп тиловат қилиш, унинг маънолари ва ҳукмларини ўрганиш, Пайғамбар соллаллоҳу алайҳи ва салламнинг Суннатларини ўқиб-ўрганиш, шариат тафсилотларини улар орқали билиш ва бунинг тақозосига кўра амал қилиш, ақидада ҳам, амалда ҳам, сўзда ҳам шуни лозим тутиш билан, Аллоҳнинг назоратини қалбда ҳис қилиш ва оҳират кунини ҳамда у кунда содир бўлажак ҳисоб-китоб, савоб, жазо ва азоб каби ҳолатларни эсга олиш билан, солиҳ кишилар билан аралашиш ва ёмонлардан узоқ бўлиш билан ҳосил бўлади.

📚 «Фатово ал-лажна ад-доима лил-ифто», 1-ж., 360-б.

👉 @ISLOM

Эслатма:
Бугун шаъбон ойининг 7-кунидир. Рамазон ойига тахминан 23кун қолди.

Ҳофиз Ибн Ражаб раҳимаҳуллоҳ айтади:
«Шаъбон ойи Рамазон ойининг муқаддимаси бўлгани боис бу ойда Рамазонни қарши олишга тайёргарлик ҳамда нафсни Раҳмоннинг тоатига чиниқтириш бўлиши учун Рамазон ойида жорий қилингани каби Шаъбон ойда ҳам кўп Қуръон тиловат қилиш ва рўза тутиш жорий қилинган».

📚 «Латоифул маъориф», 1-ж., 135-б.

👉 @ISLOM

ШАЪБОН ОЙИ

Усома ибн Зайд розияллоҳу анҳудан ривоят қилинади: «Мен: «Ё Расулуллоҳ, сизни бирон ойда Шаъбон ойидагидек кўп рўза тутганингизни кўрмадим», дедим. У зот: «Ушбу ой одамлар Ражаб ва Рамазон ойлари орасида ундан ғафлатда қоладиган ва амаллар оламлар Раббига кўтариладиган ойдир. Мен рўзадор бўлган ҳолимда амалим (Раббимга) кўтарилишини истайман», дедилар».

📚 Насоий ривояти. Албоний «Ирво»да (4-ж., 103-б.) ҳасан деган.

👉 @ISLOM

#СаволЖавоб

Қандай қилиб Аллоҳнинг буйруқларига бўйсунувчи ва азобидан қўрқувчи иймони бақувват инсонга айланиш мумкин?

Савол:
Киши қандай қилиб Аллоҳнинг буйруқларини ҳаётида татбиқ этувчи ва азобидан қўрқувчи иймони бақувват инсонга айланиши мумкин?

Жавоб:
Бу нарса Аллоҳнинг Китобини кўп тиловат қилиш, унинг маънолари ва ҳукмларини ўрганиш, Пайғамбар соллаллоҳу алайҳи ва салламнинг Суннатларини ўқиб-ўрганиш, шариат тафсилотларини улар орқали билиш ва бунинг тақозосига кўра амал қилиш, ақидада ҳам, амалда ҳам, сўзда ҳам шуни лозим тутиш билан, Аллоҳнинг назоратини қалбда ҳис қилиш ва оҳират кунини ҳамда у кунда содир бўлажак ҳисоб-китоб, савоб, жазо ва азоб каби ҳолатларни эсга олиш билан, солиҳ кишилар билан аралашиш ва ёмонлардан узоқ бўлиш билан ҳосил бўлади.

📚 «Фатово ал-лажна ад-доима лил-ифто», 1-ж., 360-б.

👉 @ISLOM

👉 @ISLOM

Рамазонни қандай кутиб оламиз?

• Бу ойни Аллоҳга тавба қилган ва Унга юзланган ҳолда қарши оламиз;
• Бу ойга етказишини ва бу ойнинг рўзасию намозларини мукаммал адо этишда ёрдам беришини сўраб Аллоҳга дуо қиламиз;
• Ўтган Рамазондан қолган қазо рўзаларни тутишга шошиламиз;
• Рўза аҳкомларини қодир бўлганча ўрганамиз;
• Бу ойда умра ва эътикоф каби яхши амаллар қилишга тайёрланамиз;
• Бетайин кимсалардан узоқ бўлиб, ғайратли кишиларга яқин бўлишга интиламиз;
• Ўзаро хусумат ва гина-кудуратларга барҳам берамиз;
• Рўза тутиш учун қийинчилик туғдирадиган юмушлардан имкон қадар фориғ бўламиз;
• Ҳилол – янги ойни кўришга ҳаракат қиламиз.

📚 Шайх Муҳаммад Солиҳ Мунажжиднинг «Зодус соим» китобидан.

👉 @ISLOM

Мўмин Рамазонни ибодат учун, мунофиқ эса гуноҳ-маъсият учун кутади. Бир ривоятда: «Рамазон мўмин учун ўлжа-ғанимат, фожир учун зарар-йўқотишдир», дейилган.

👉 @ISLOM

#СаволЖавоб

Рўзани бузадиган ишлар

Савол:
Рўзани бузадиган ишлар қайсилар?

Жавоб:
Айрим ишлар борки, уларни қилиш билан кишининг рўзаси бузилади. Мусулмон киши улардан сақланиши ва эҳтиёт бўлиши учун уларни билиб олиши лозимдир. Улар қуйидагилар:

1) Жимо (жинсий алоқа). Жимо қилган кишининг рўзаси бузилади ва шу куннинг қазосини тутиши, қазо билан бирга каффорат ҳам бериши лозим бўлади. Каффорат – бир қул озод қилишдир. Агар қул бўлмаса ёки шу миқдорда пули бўлмаса, икки ой узлуксиз рўза тутади. Агар бирон шаръий узр сабабли бунга қодир бўлмаса, олтмишта мискинга таом бериши лозим. Ҳар бир мискинга шу диёрда истеъмол қилинадиган таомдан ярим соъ миқдорида беради.

2) Бўса олиш, қучоқлаш, жинсий олатини қўл билан жунбушга келтириш ёки шаҳват билан боқиш каби ишлар сабабли маний (уруғ суви) чиқариш. Бундай қилган кишининг рўзаси бузилиб, ўша кунги рўзанинг қазоси лозим бўлади, каффорат лозим бўлмайди. Чунки каффорат фақат жимога хосдир. Уйқуда эҳтилом бўлиб маний чиқарган бўлса, рўзасига зарар етмайди. Чунки бу унинг ихтиёрисиз юз берган бўлади. Бироқ жунубликдан ғусл қилиши вожиб бўлади.

3) Қасддан еб-ичиш. Аммо ким эсида йўқ еб-ичган бўлса, бу унинг рўзасига таъсир кўрсатмайди.

Қуйидаглар ҳам рўзани бузади:

- Бурун орқали сув ёки бошқа бирон нарсанинг қоринга ўтиши, буни “бурнаки” деб ҳам атайдилар.

- Томир орқали баданга озиқлантирувчи модда юбориш, рўзадорга қон қуйиш ҳам рўзани бузади, чунки бу билан бадан озиқланади.

- Озиқлантирувчи укол олиш ҳам таом ўрнига ўтади ва рўзани бузади. Рўзадор киши рўзасини эҳтиёт қилиб, озиқлантирувчи бўлмаган уколлардан ҳам имкон қадар сақланса ва кечқурунгача кечиктирса яхши бўлади.

- Қусиш, яъни ошқозонидаги нарсани оғиз орқали қасддан чиқариш ҳам рўзани бузади. Аммо қусуқ ғолиб келиб, ихтиёрсиз равишда чиқса, бунинг рўзага таъсири бўлмайди.

- Рўзадор киши рўзасини эҳтиёт қилиб, сурма қўйишдан ва кўзига томизғи дорилар томизишдан сақланиши муносибдир.

- Оғиз ва бурун чайишда муболаға қилмаслиги, яъни сувни чуқур тортмаслиги керак. Чунки сув ичига кетиб қолиши мумкин.

- Рўзадор киши ёлғон, ғийбат, ҳақорат сўзлардан тийилиши лозим бўлади. Агар биров у билан уришса ё ҳақорат қилса: «Мен рўзадорман», десин. Чунки, баъзи одамлар бўладики, емак-ичмакни тарк қилиши осон бўлади-ю, ўзи одатланиб қолган ярамас хулқ-атвор ва гап-сўзларни тарк қилиши осон бўлмайди. Шунинг учун салафлардан бири: «Емак-ичмакни тарк қилиш энг осон рўзадир», деган.

Мусулмон киши Аллоҳдан қўрқиши ва тақво қилиши, Парвардигорининг буюклигини ва У зот уни ҳар доим ва ҳар бир ҳолатини кузатиб турганини ҳис қилиши, рўзасини бузадиган ва нуқсонли қиладиган ишлардан сақланиши лозим.

Рўзадор киши рўзадан бошқа пайтда мубоҳ бўлган ишларни тарк қилар экан, энди ҳеч қачон ҳалол бўлмайдиган ишларни тарк қилиши ва ҳақиқий рўзадорлар сафига қўшилиши у учун лойиқроқдир. Валлоҳу аълам.

👉 @ISLOM

#Эълон

Ассалому алайкум ва раҳматуллоҳи ва баракотуҳ.

Азиз диндошлар! Бугун 21 март 2023 йил сешанба куни Ислом оламида Рамазон ойи ҳилоли кўринмагани боис эртага 22 март чоршанба куни шаъбон ойининг ўттизинчи куни ҳисобланади ва шу кеча таровеҳ намозлари бошланади. Эртасига 23 март пайшанба куни Рамазон ойининг биринчи куни бўлиб, шу кундан рўза тутишни бошлаймиз, иншааллоҳ.

Аллоҳ таолодан бизларни Рамазон ойига саломат етказишини ва бу ойдан Ўзининг розилигига эришган бандалари қаторида чиқаришини сўраймиз!

👉 @ISLOM

👉 @ISLOM

Ҳақиқий бахтсиз инсон!

«Рамазонда гуноҳлар кечирилишига сабаб бўладиган ишлар қанчалик кўп бўлишига қарамай гуноҳлари кечирилмаган кимса нақадар бахтсиздир».

📚 Ибн Ражаб раҳимаҳуллоҳ.

👉 @ISLOM

👉 @ISLOM

#СаволЖавоб

Эмизикли аёл Рамазонда рўза тутиши шартми?

Савол:
Беш-олти ойлик боласи бор эмизикли аёл Рамазонда рўза тутадими ёки тутмаса ҳам бўлаверадими?

Жавоб:
Эмизикли аёл ўзининг ҳолатига карайди. Агар рўза тутса ўзига ёки боласига зарар eтмайдиган бўлса ва боласининг қорни тўядиган даражада сути бўлса, рўза тутгани афзал. Агар ҳақиқатда зарар бўладиган бўлса, тутмаса ҳам рухсат бор. Бироқ рўза тутишдан қочиб, бу йўлни ҳийла учун қиладиган бўлса, жоиз эмас, Аллоҳ қалблардаги нарсани ҳам билиб турувчидир. Рўза тутмаган ҳолида ҳам кeйин қазосини тутиб бeриши кeрак бўлади. Шунинг учун эл қатори улуғ ойда рўза тутишга нима етсин.

Анас розияллоҳу анҳудан ривоят қилинади, Расулуллоҳ соллаллоҳу алайҳи ва саллам дедилар: “Аллоҳ таоло мусофирдан рўзани ва намознинг ярмини кўтарди, ҳомиладор ва эмизикли аёлдан ҳам рўзани кўтарди” (Термизий ривояти, ҳасан-саҳиҳ ҳадис). Термизий айтади: “Баъзи аҳли илмлар айтишича, ҳомиладор ва эмизикли аёл рўза тутмайди, бунинг эвазига ҳар куни бир мискинни тўйдиради, кейин қазосини тутади. Бу гапни Суфён, Молик, Шофеий ва Аҳмад айтганлар. Баъзилари эса, рўза тутмайди, балки мискин тўйдиради, қазосини тутиб бермайди, агар хоҳласа қазосини тутади ва мискинни тўйдирмайди, деганлар. Бу Исҳоқнинг сўзидир" ("Сунани Теримизий", 715-ҳадис).

Ҳанафий уламолар наздида ҳомиладор ва эмизикли аёллар рўза тутмасалар қазосини тутадилар, мискинни тўйдирмайдилар. Валлоҳу аълам.

👉 @ISLOM

👉 @ISLOM

ЭЪТИКОФ ҲАҚИДА БИЛАСИЗМИ?

Эътикоф – Аллоҳ азза ва жалланинг тоатига холи бўлиш учун масжидни лозим тутишдир. Бу Аллоҳ таолонинг Китоби ҳамда Пайғамбар соллаллоҳу алайҳи ва салламнинг суннатлари ила собит бўлган суннатлардандир. Ойша разияллоҳу анҳо дедилар: «Расулуллоҳ соллаллоҳу алайҳи ва саллам вафот этгунларига қадар Рамазон ойининг охирги ўн кунида эътикоф қилдилар. Ундан сўнг рафиқалари ҳам (рамазон ойининг охирги ўн кунида) эътикоф қилар эдилар» (Бухорий ва Муслим ривояти).

Эътикоф ҳақида батафсил

👉 @ISLOM

👉 @ISLOM