Бахтли яшай десангиз, ҳар бир нарсани титкилаб, чувалаштириб, тагига етаман деб чиранаверманг. Олмосни обдон таҳлил қилганлар охири унинг кўмир эканини топишди.

Ўзгаларни керагидан ортиқ кашф этишга ҳарис бўлманг. Сиртидан яхши одамга ўхшаб турибдими, шуни қабул қилиб кетаверинг. Ичини эса бандалар Парвардигорига топшириб қўя қолинг.

Умар Форуқ розияллоҳу анҳу айтган экан: «Одамлар бир-бирларининг дилларидан нималар ўтаётганини билганларида эди, ҳеч бир учрашиб-кўришиш қиличларсиз рўй бермаган бўлар эди».

Аллоҳ таолодан вақтингиз чоғ ўтишини тилаб қоламан.

👉 @ISLOM

Аллоҳ таоло деди:
«Шак-шубҳасиз (кофир) инсон Парвардигори (унга ато этган неъматлар)га кўрнамаклик қилувчидир» (Адият, 6).

Кўрнамаклик қилувчи ким?

У шундай кимсаки, мусибатларни ҳисоблаб-санаб юради, бироқ ўзига ато этилган Аллоҳнинг неъматларини унутади.

Салафлардан бирининг боши тепакал, бадани пес, кўзлари кўр ва қўл-оёқлари шол эди. У: «Махлуқотларнинг кўпчилигини балолаган нарсаларидан мени саломат қилиб, афзал қилган Зотга ҳамду санолар бўлсин!» дер эди. Шу пайт бир киши унинг олдидан ўтаётиб: «Нимадан саломат қилинибсан? Ахир сен кўр, пес, кал ва шол бўлсанг», деди. Шунда у: «Эй шўринг қургур! Ахир Аллоҳ менга зикр қилувчи тил, шукр қилувчи дил ва балоларга сабр қилувчи бадан бериб қўйган-ку!» деди.

* * *

Кечаю кундуз Аллоҳнинг неъматларига бурканиб ҳаёт кечирмоқдамиз, аммо биз Аллоҳнинг ушбу неъматларига шукр қилаяпмизми?!

Эй Раббимиз, Ўзинг барча айбу нуқсонлардан покдирсан! Сенга муносиб шукр қилолмаяпмиз, бизни мағфират айла!

Эй Аллоҳ, Ўзингга беадад ҳамду санолар бўлсин!

👉 @ISLOM

👉 @ISLOM

Қалбларнинг тирик ёки ўликлигини билиш учун энг кучли синов мазлумларнинг мусибатлари ва дард-аламларидир. Зеро, бундай ҳолатлар учун фақат тирик қалбларгина изтироб чекади. Дарҳақиқат, қалбларнинг изтироб чекиши уларда иймон бор эканига далолат қилади.

👉 @ISLOM

#СаволЖавоб

Ўғил отаси айтган қизни олишга мажбурми?

Савол:
Саволим уйлaниш тўғрисидa. Бир йигит уйлaниш ёшидa ва уни oтaси бир қизга уйлaнтирмoқчи, лeкин бoлa унгa уйлaнишни хoҳлaмaйди. Oтa уни мaжбурлaйди: шу қизгa уйлaнaсaн, мен вaъдa бeриб қўйгaнмaн, одaмлaрнинг oлдидa нимa дeгaн oдaм бўлaмaн, хуллaс шу кaби гaплaр. Бу ҳолатда йигит oтaсининг aйтгaнини қилмaсa нимa бўлaди?

Жавоб:
Aгaр oтaси диндoр, aқлирaсo oдaм бўлсa, қиз ҳам диндoр ва яхши oилaдaн бўлиб, ўзи ҳам Ислoм aҳкoмлaригa aмaлли бўлсa, бу йигит oтaсигa итoaт қилиши кeрaк. Чунки у ёшлик қилиб, aрзимaгaн сaбaблaрни рўкaч қилиб, у қизгa уйлaнишдaн бош тoртaётгaн бўлиши мумкин. Oтaси ҳaёт тaжрибaсигa эгa ва aлбaттa ўғлига ёмoн бўлишини хoҳлaмaйди. Бирoқ у қиз кўчa қизлaридaн бўлсa вa oилaси ҳам динсиз бўлсa, ўғил oтaсигa буни яхшилик билaн бaён қилиши кeрaк. Улaмoлaр oтaлaрни ўз қизлaрини мaжбурлaб куёвгa бeришдaн қaйтaрaдилaр бу ҳукм йигитлaргa нисбaтaн aвлoрoқдир. Валлоҳу aълaм.

👉 @ISLOM

👉 @ISLOM

​​​​​​🕌 #Жума_суннатлари

• Ғусл қилиш;
• Хушбўйланиш;
• Мисвок билан тишларни тозалаш;
• Покиза кийимларни кийиш;
• Каҳф сурасини ўқиш;
• Пайғамбаримиз соллаллоҳу алайҳи ва салламга кўп салавот айтиш;
• Масжидга эртароқ бориш;
• Жума кунида яширинган дуо ижобат бўладиган вақтни топишга интилиш.

📤 Каналдаги маълумотлар ва эслатмаларни яқинларингизга ҳам улашинг.

👉 @islom

​​Жума куни Расулуллоҳ соллаллоҳу алайҳи ва салламга кўпроқ саловат айтиш суннат!

​​​​​​​​​​​​«Aлбатта, Aллоҳ ва Унинг фаришталари Пайғамбарга саловат айтурлар. Эй иймон келтирганлар! Сиз ҳам унга салавот айтинг ва салом юборинг».
(Aҳзоб сураси, 56-оят.)
– – – – – – – – – –
Aллоҳумма солли ва саллим ала Набиййина Муҳаммад...
– – – – – – – – – –
👉 @islom

Гуноҳлар қалбларни бир-биридан узоқлаштиради. Гуноҳ қанча катта бўлса, одамлар ўртасида ихтилоф ҳам шунча катта бўлади. Расулуллоҳ соллаллоҳу алайҳи ва саллам: «Аллоҳга қасамки, ё сафларингизни тўғрилайсизлар, ёки Аллоҳ қалбларингизни бир-бирига тескари қилиб қўяди», деганлар.

👉 @ISLOM

👉 @ISLOM

Золимларга Аллоҳнинг жазоси кўпинча ғайриоддий йўллар ва хаёлларига келмаган воситалар орқали келади. Аллоҳ таоло айтганидек:

‎فَأَتَاهُمُ اللهُ مِنْ حَيْثُ لَمْ يَحْتَسِبُوا

«Бас, Аллоҳ(нинг азоби) улар ҳисобга олмаган томондан келди» (Ҳашр, 2).

‎ فَأَتَاهُمُ الْعَذَابُ مِنْ حَيْثُ لَا يَشْعُرُونَ

«Уларга азоб ўзлари сезмайдиган томондан келган эди» (Зумар, 25).

👉 @ISLOM

#СаволЖавоб

Гуноҳлардан тавба қилиш шартлари

Савол:
Ассалому алайкум ва раҳматуллоҳ. Мен аввал мултазима (Ислом шариатига оғишмай амал қилувчи), ҳижоб кийиб юрувчи бир қиз эдим. Кейинроқ хулқ-атворим ўзгариб, ёмон одамлар таъсирига тушиб, енгилтак қиз-жувонларга қўшилиб кетдим. Бу орада турмушга ҳам чиқдим, бироқ эримга ҳам хиёнат қилиб, бир қанча эркаклар билан ношаръий муносабатларда бўлдим. Энди ҳозир барча қилмишларимга пушаймонман. Бироқ, нима қилишни билмайман. Аллоҳ менинг гуноҳларимни кечирармикин, тавбамни қабул қилармикин? Тавбамни қабул қилиши учун нималар қилишим керак бўлади?

Жавоб:
Ва алайкум ассалом ва роҳматуллоҳи ва барокатуҳ.

Аллоҳ субҳонаҳу ва таоло айтади: «(Эй Муҳаммад соллаллоҳу алайҳи ва саллам), Менинг (турли гуноҳ-маъсиятлар қилиш билан) ўз жонларига жабр қилган бандаларимга айтинг: «Аллоҳнинг раҳматидан ноумид бўлмангиз! Албатта Аллоҳ (Ўзи хоҳлаган бандаларининг) барча гуноҳларини мағфират қилур. Албатта Унинг Ўзигина мағфиратли, меҳрибондир» (Зумар, 53). Уламолар ушбу оят тавба қилувчилар ҳақида нозил бўлганига иттифоқ қилганлар.

Аллоҳ таоло айтади: «Кофир бўлган кимсаларга айтингки, агар (кофирликларидан) тўхтасалар, ўтган гуноҳлари мағфират қилинур» (Анфол, 38).

Аллоҳ таоло айтади: «Барчаларингиз Аллоҳга тавба қилинглар, эй мўминлар! Шоядки (шунда) нажот топсангизлар» (Нур, 31).

Расулуллоҳ соллаллоҳу алайҳи ва саллам айтганлар: «Ислом ўзидан аввалги (гуноҳлар)ни вайрон қилади, тавба ўзидан аввалги гуноҳларни вайрон қилади» (Имом Муслим ривояти).

Шундай экан, биз сизни тавбага буюрамиз. Тавба ўтган гуноҳларга пушаймон бўлиш, гуноҳлардан тийилиш ва уларга қайтмасликка чин дилдан азму қарор қилишдир. Шу билан Аллоҳ таоло барча ўтган гуноҳларни кечиради.

Қилинган гуноҳ бировнинг ҳаққига тегишли бўлганида юқоридаги учта шартга яна тўртинчи шарт ҳам қўшилади. Яъни, қарз, талончилик, ўғирлик каби йўллар билан сизга ўтиб қолган бировга тегишли нарса бўлса, эгасига ҳаққини қайтариб беришингиз керак бўлади. Шу билан юқоридаги учта шартга риоя қилинган ҳолда тавба тўкис бўлади. Аллоҳ тавбамни албатта қабул қилади деб умид қилинг, Аллоҳга нисбатан яхши гумонда бўлинг, покиза муслима аёллар билан дўстлашинг, Қуръон ва ҳадисларни кўп ўқинг.

Аллоҳдан бизга, сизга ва барча мўминларга ҳақ уза собитқадам қилишини, ёмонликлардан офият беришини ва шайтоннинг васвасаларидан паноҳ беришини сўраймиз.

📚 Шайх Ибн Боз, «Мажмуъул фатово», 9-ж., 357-б.

👉 @ISLOM

👉 @ISLOM

#Эълон

Расмий манбалар бугун Ислом оламида Зулҳижжа ойининг ҳилоли кўринганини эълон қилди. Шунга биноан, эртага 30 июн 2022 й. пайшанба Зулҳижжа ойининг 1-куни, 8 июл 2022 й. жума Зулҳижжа ойининг тўққизинчиси, яъни Арафа куни, 9 июль 2022 й. шанба эса Қурбон ҳайити кунига тўғри келади.

Зулҳижжа ойининг аввалги ўн куни йилнинг энг афзал кунлари ҳисобланади. Бу кунларда бажарилган ибодатлар савоби ҳам бошқа оддий кунлардагидан зиёда бўлади.

Аллоҳ таоло ушбу кунларни муносиб ўтказишга барчамизни муваффақ қилсин.

👉 @ISLOM

Эслатма

Киши дўстлари билан суҳбатлашаётганида, мажлисларда ўтирганида қурбонлигини қанчага олганини айтмасин, бозор жуда баланд деб нархлардан нолимасин. Чунки у қурбонлигини Аллоҳ учун сўяди, Аллоҳ эса унинг сўзларини эшитиб турибди. Шундай экан, у Аллоҳдан уялиши керак. Қурбонлигини чин дилдан, хурсанд бўлиб сўйсин.

Қани айтингчи, уйингизга азиз меҳмон келган бўлса, дастурхон устидаги суҳбатда бозорда қўйлар жуда қимматлиги, бу зиёфат учун сўйилган қўйни фалон пулга олганингизни гапириб берсангиз меҳмон буни қандай қабул қилади?!

Аллоҳ билан одамлар билан бўлганимиздан кўра одоблироқ бўлайлик!

👉 @ISLOM

#Мақола

Арафа ва ҳайит кунларини қандай ўтказамиз?

Мусулмон биродарим, муслима синглим:
Арафа кунига қандай тайёргарлик кўрдингиз?
Бу кун Аллоҳ таоло Арафот аҳли билан фаришталарга фахрланиб, мақтанадиган кун.
- Бу кун дўзахдан озод қилиш куни;
- Бу кунда Аллоҳнинг бандаларига берган раҳматини кўриб шайтон эзилиб, ҳасрат чекадиган кун;
- Бу кун Раҳмат ва гуноҳлар кечириладиган кун;
- Бу кун тавба, йиғи, Аллоҳга ёлбориб кўз ёш тўкадиган кун;
- Бу кун дуо қилинадиган ва дуо ижобат бўладиган кун;
- Бу кун Аллоҳ таоло динни комил қилган, бу умматга неъматини тўла қилган ва уларга Исломни дин деб рози бўлган кун. Аллоҳ таоло айтади: «Бугун сизларга динингизни комил қилдим, неъматимни бенуқсон, тўкис қилиб бердим ва сизлар учун (фақат) исломни дин қилиб танладим» (Моида, 3). Бу ояти карима Арафот кунида нозил бўлган.

Давоми

👉 @ISLOM

#Ҳайит_табриги

Азиз мусулмон биродарларим, муслима опа-сингилларим!

Аллоҳ ушбу улуғ кунларда қилган ибодатларингизни қабул айласин.

Улуғ Раббим қалбингизга шодлик, юзингизга нур, хонадонингизга барака, фарзандларингиз ва барча яқинларингизга омонлик берсин.

Келаси йилларда амалда собитқадам ва иймонда зиёда бўлган ҳолимизда бу байрамни қайта нишонлашни Аллоҳ барчамизга насиб этсин.

Улуғ айём – Қурбон ҳайитингиз қутлуғ бўлсин!

👉 @ISLOM

👉 @ISLOM

#Мақола
Нега Ошуро рўзасини тутамиз?

بِسْمِ اللهِ الرَّحْمنِ الرَّحِيمِ

Барча ҳамду санолар Аллоҳга хосдир. Биз Унга ҳамд ва истиғфор айтамиз, Ундан ёрдам ва ҳидоят сўраймиз, нафсимизнинг шумлигидан ва амалларимизнинг ёмонлигидан Унинг Ўзидан паноҳ сўраймиз. Аллоҳ ҳидоят қилган кимсани адаштирувчи, адаштирган кимсани ҳидоят қилувчи йўқдир. Мен ягона, шериксиз Аллоҳдан ўзга ҳақ илоҳ йўқ ва Муҳаммад соллаллоҳу алайҳи ва саллам Унинг бандаси ва элчисидир деб гувоҳлик бераман.

Ҳар бир замонда мутлақ ҳукмдор бўлишни истаган, Аллоҳнинг бандаларини ўзларига қул қилишга интилган золим подшоҳлар ва зодагонлар бўлган.

Давоми

👉 @ISLOM