Ибн Ражаб раҳимаҳуллоҳ айтади:

«Билингки, Рамазон ойида мўмин учун нафс билан бўладиган икки жиҳод жамланади:
• Кундузи рўза тутиш билан жиҳод қилиш;
• Кечаси ибодат қилиш билан жиҳод қилиш.

Ким ушбу иккисининг уддасидан чиқса, уларнинг ҳаққини адо этса ва бу амалларда сабр қилса, ажр-мукофоти беҳисоб қилиб берилади».

📚 «Латоифул маориф», 171-бет.

👉 @ISLOM

Ибн Қаййим раҳимаҳуллоҳ айтади:
«Саҳобалар розияллоҳу анҳум жума куни Набий соллаллоҳу алайҳи ва салламга кўпроқ салавот айтишни хуш кўрар эдилар».

📚 «Жалоул афҳом», 88-бет.

👉 @ISLOM

#Эълон

Ассалому алайкум ва раҳматуллоҳи ва баракотуҳ.

Азиз диндошлар! Бугун 1 апрел 2022 йил жума куни Ислом оламининг баъзи минтақаларида Рамазон ойи ҳилоли кўрингани эълон қилинди. Шунга кўра эртага 2 апрел 2022 йил шанба куни Рамазон ойининг биринчи куни ҳисобланади ва бугундан таровеҳ намозларини бошлаймиз, иншааллоҳ.

Рамазон ойи барчамизга муборак бўлсин!

👉 @ISLOM

Бир бенамоз одамни Рамазон ойида намоз ўқиётганини кўрсангиз, Аллоҳдан унга бардавомлик сўраб, ҳаққига дуо қилинг ва асло уни мунофиқ дея кўрманг. Чунки бу ҳолат Аллоҳга қайтиши учун унга берилган имконият бўлиши мумкин. Сизнинг вазифангиз эса биродарингизга ёрдам бериш, холос.

Парвардигоро, бизга ҳақни ҳақ қилиб кўрсат ва унга эргашишни насиб эт!

👉 @ISLOM

​​Жума куни Расулуллоҳ соллаллоҳу алайҳи ва салламга кўпроқ саловат айтиш суннат!

​​​​​​​​​​​​«Aлбатта, Aллоҳ ва Унинг фаришталари Пайғамбарга саловат айтурлар. Эй иймон келтирганлар! Сиз ҳам унга салавот айтинг ва салом юборинг».
(Aҳзоб сураси, 56-оят.)
– – – – – – – – – –
Aллоҳумма солли ва саллим ала Набиййина Муҳаммад...
– – – – – – – – – –
👉 @islom

#СаволЖавоб

Уятсиз гап рўзани очадими?

Савол:
Рамазон кундузида уятсиз гап гапириш рўзани бузадими?

Жавоб:

Аллоҳ таоло айтади:

﴿ياأَيُّهَا الَّذِينَ ءَامَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ﴾

«Эй мўминлар, тақволи кишилар бўлишингиз учун сизлардан илгари ўтганларга фарз қилингани каби сизларга ҳам рўза тутиш фарз қилинди» (Бақара, 183). Бу оятни ўқир эканмиз, рўза тутишдан мақсад тақво ҳосил қилиш эканини биламиз. Тақво эса "ҳаром нарсалардан воз кечиш", демакдир. Унинг мутлақ маъноси эса "буюрилган ишларни қилиш ва таъқиқланган ишлардан воз кечиш"ни ўз ичига олади. Ҳолбуки, Расулуллоҳ соллаллоҳу алайҳи ва саллам: «Ёлғон гапни ва унга амал қилишни ҳамда жоҳилликни тарк этмаган одамнинг таоми ва ичимликларини тарк этишига Аллоҳнинг ҳожати йўқдир!» – деганлар (Имом Бухорий [1903, 6057], Абу Довуд [2364], Термизий [707] ва Имом Аҳмад [10569] ривояти).

Шундан кўриниб турибдики, рўзадор одам ҳаром қилинган сўз ва ишлардан йироқ туриши, одамларни ғийбат қилмаслиги, ёлғон гапирмаслиги, улар ўртасида чақимчилик қилмаслиги, ҳаром нарсаларни сотмаслиги ва қўйингки барча ҳаром нарсалардан сақланиши керак. Агар у Рамазон ойида тўлиқ бундай нарсалардан сақлана олса, йил давомида улардан сақланиши осон бўлади. Афсуски, аксар рўзадорларнинг рўза тутган кунлари бошқа кунларидан фарқ қилмайди. Натижада улар одатланиб қолган ёлғон, хиёнат, қаллоблик ва бошқа ҳаром ишларни қилиб, рўза кунларининг виқорини ҳис эта олмайдилар. Бундай амаллар рўзани бузмасада, унинг савобини камайтиради. Ҳатто, таққослаб кўрилгудек бўлса, рўзанинг савобини бутунлай йўққа чиқаради.

📚 Аллома Муҳаммад ибн Солиҳ Усаймин, "Мажмуъ ал-фатово вал-мақолот", Рўза китоби, 19 жилд, 333-фатво.

👉 @ISLOM

👉 @ISLOM

Рамазон ойида ҳаром ишларга енгил қараш рўза савобини камайтирадиган омиллардан бўлиб, баъзан унинг савобини бутунлай кетказиб юбориши ҳам мумкин. Анас ибн Молик ва Иброҳим Нахаийлардан ривоят қилинишича, ғийбат рўзадорнинг рўзасини очиб юборади. Яъни, рўзасининг савобини кетказиб юборганидан худди оғзи очиқ кишидек бўлиб қолади.

👉 @ISLOM

👉 @ISLOM

Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи ва саллам дедилар: «Агар киши катта гуноҳлардан сақланса, беш вақт намоз, жума кейинги жумагача, Рамазон кейинги Рамазонгача оралиқдаги гуноҳларга каффорат бўлади».

📚 Муслим ривояти.

👉 @ISLOM

👉 @ISLOM

Абу Саид Худрий розияллоҳу анҳудан ривоят қилинади:
Расулуллоҳ соллаллоҳу алайҳи ва саллам дедилар: «Саҳарлик таоми баракадир. Гарчи бир қултум сув ичиш билан бўлса ҳам, (саҳарлик қилишни) тарк этманг. Албатта Аллоҳ таоло ва фаришталар саҳарлик қилувчига салавот айтурлар».

📚 Имом Аҳмад «Муснад»да ривоят қилган, Шайх Албоний ҳасан деган

Аллоҳнинг уларга салавот айтишидан мурод раҳмати, фаришталарнинг салавот айтиши эса улар учун Аллоҳдан мағфират сўрашларидир.

👉 @ISLOM

👉 @ISLOM

Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи ва саллам дедилар: «Қиёмат куни банданинг энг биринчи ҳисоб қилинадиган амали намозидир. Агар намози яроқли бўлса, албатта нажот топади ва муваффақият қозонади. Агар яроқсиз бўлса, албатта муваффақиятсизликка учрайди ва зиён кўради. Агар фарз намозларида бирон камчилик бўлса, Раб таборака ва таоло: "Қаранглар-чи, бандамнинг фарз намозларидаги камчиликларини тўлдирадиган нафл намозлари бормикин?" дейди. Сўнг бошқа амаллари ҳам шу йўсинда ҳисоб қилинади».

📚 Термизий ривояти

👉 @ISLOM

Рамазоннинг аввалида камчиликларга йўл қўйиб, охирини яхши ўтказган киши аввалини яхши ўтказиб, охирида камчиликларга йўл қўйган кишидан яхшироқдир. Зеро, ҳадисда: «Албатта амаллар ниҳоясига кўра эътиборга олинади», дейилган.

👉 @ISLOM

👉 @ISLOM

Рамазон энг афзал ойдир. Охирига бориб ҳимматлар сусайиб қолмаслиги учун Аллоҳ бу ойнинг охирини аввалидан афзал қилди. Дарҳақиқат, бу онларни зое қилган киши кўп яхшиликлардан маҳрум бўлган, риоя қилган киши эса раҳм қилингандир.

👉 @ISLOM

👉 @ISLOM

Расулуллоҳ соллаллоҳу алайҳи ва саллам дедилар: «Ким ўн оят (қироат қилиш) билан тунда намоз ўқиса, ғофиллардан бўлмайди. Ким юз оят (қироат қилиш) билан тунда намоз ўқиса, тоат-ибодатли бандалардан бўлади. Ким минг оят (қироат қилиш) билан тунда намоз ўқиса, беҳисоб ажр-савобни қўлга киритганлардан бўлади» (Абу Довуд ривояти, саҳиҳ ҳадис).

Қуръондан минг оят ўқиш жадвали:

1) Бақара сурасидан Аъроф сурасининг 53-оятигача (7 пораю 12 бет);
2) Аъроф сураси 54-оятидан Наҳл сураси 106-оятигача (6 пораю 2 бет);
3) Наҳл сураси 107-оятидан Шуаро сураси 75-оятигача (4 пораю 11 бет);
4) Шуаро сураси 76-оятидан Сод сураси 37-оятигача (4 пораю 5 бет);
5) Сод сураси 38-оятидан Воқеа сураси 28-оятигача (4 пора);
6) Воқеа сураси 29-оятидан Фажр сураси 14-оятигача (2 пораю 18 бет);
7) Таҳрим сурасидан Нос сурасигача (2 пораю 5 бет).

Аллоҳ таоло барчамиздан тутаётган рўзаларимиз ва кечаси ўқиётган намозларимизни қабул айласин!

👉 @ISLOM