🌙 Жума барчамизга муборак бўлсин!

@islom

Бугун шундай Жума бўлсинки:
Афв этилмаган БАНДА;
Қабул бўлмаган ДУО;
Даф бўлмаган БАЛО;
Шифо топмаган ХАСТА;
Ҳузур топмаган ҚАЛБ;
АЛЛОҲ демаган "ТИЛ" қолмасин!

🌸💫🍃ЖУМА МУБОРАК!🍃💫🌸

❗️Яқинларингизни биринчи бўлиб табриклаш эсдан чиқмасин😊👇
@islom @islom @islom @islom @islom

#Кун_дуоси

Аллоҳ тоқдир ва тоқни яхши кўради

عَنْ أَبِي هُرَيْرَةَ رَضِي اللهُ عَنْهُ ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: إِنَّ ِللهِ تِسْعَةً وَتِسْعِيْنَ اسْمًا مَنْ حَفِظَهَا دَخَلَ الْجَنَّةَ، وَإِنَّ اللهَ وِتْرٌ يُحِبُّ الْوِتْرَ. رَوَاهُ الشَّيْخَانِ وَالتِّرْمِذِيُّ.

Абу Ҳурайра розиялоҳу анҳудан ривоят қилинади:

«Набий соллаллоҳу алайҳи васаллам:

«Аллоҳнинг тўқсон тўққизта исми бор. Ким уларни ёд олса, жаннатга киради. Албатта, Аллоҳ тоқдир ва тоқни яхши кўради», дедилар».

Икки шайх ва Термизий ривоят қилганлар.

Аллоҳ тоқ бўлгани ва тоқни яхши кўргани учун ҳам Унинг гўзал исмлари тўқсон тўққизта бўлган. Ким ўша тўқсон тўққиз исмни ёд олса, жаннатга киради. Чунки бу гўзал исмларни ёд олган киши Аллоҳ таолонинг гўзал исмларини доимо зикр қилиб юрадиган банда бўлади.

Аммо бундан Аллоҳ таолонинг фақат тўқсон тўққизта исми бор, деган хулоса келиб чиқмаслиги керак. Албатта, Аллоҳ таолонинг исмлари ниҳоятда куп.

@islom

@islom naqadar ajoyib!

#Суннат

Ҳадисларнинг сир-асрорлари асрлар ўтиб, илм ривожланиши билан кашф бўлмоқда

عَنْ أَبِي هُرَيْرَةَ رَضِي اللهُ عَنْهُ ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: إِذَا وَقَعَ الذُّبَابُ فِي إِنَاءِ أَحَدِكُمْ فَلْيَغْمِسْهُ كُلَّهُ ثُمَّ لِيَطْرَحْهُ، فَإِنَّ فِي أَحَدِ جَنَاحَيْهِ شِفَاءً وَفِي الْآخَرِ دَاءً. رَوَاهُ الْبُخَارِيُّ وَالنَّسَائِيُّ وَأَبُو دَاوُدَ وَزَادَ: وَإِنَّهُ يَتَّقِي بِجَنَاحِهِ الَّذِي فِيهِ الدَّاءُ.

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:

«Қачонки бирортангизнинг идишига пашша тушиб қолса, унинг ҳаммасини ботирсин, сўнгра ташлаб юборсин. Чунки унинг қанотларининг бирида шифо, бошқасида дард бор», дедилар».

Бухорий ривоят қилган.

Абу Довуд ҳам ривоят қилиб:

«Ва албатта у дард бор қаноти ила сақланади» жумласини зиёда келтирган.

@islom

Ramazonni qanday kutib olish kerak?

Ustoz Ismoil Muhammad Sodiq

@islom

Рамазон — Қуръон ойи

Қуръон: у жаннатдир, у юксакликдир, у ҳидоятдир, у саодат йўли ва омонлик йўлчироғидир.

Аҳмад Шуқайрий

@islom

#Рамазон

Нега Рамазонга муштоқ бўлишимиз керак?

Нега Расулуллоҳ соллаллоҳу алайҳи васаллам «Рамазон ойи келса ва унга етишиш насиб қилса», деган умид билан уни муштоқ бўлиб кутяптилар? Сабаби, Аллоҳ таоло Рамазонни Ўзининг ойи қилган.

Биз нарса-ҳодисаларнинг зоҳиринигина кўрамиз (аслиятидан бехабармиз). Рамазон хусусида билган-ўйлаганларимиз ҳам зоҳирийдир. Уни фақат рўза ойи деб биламиз. Унда кундузи еб-ичилмайди, кечаси таровеҳлар ўқилади, деб биламиз. Бўлди, шу холос. Бу гаплар ҳам тўғри, лекин шунинг ўзи билан иш тугамайди. Балки, рўза бўлсин, таровеҳлар бўлсин ёки муборак Рамазоннинг бошқа бир ибодати бўлсин барча-барчаси бошқа бир улкан нарсанинг аломатидир. У ҳам бўлса, Аллоҳ таоло бу ойни Ўзининг ойи қилганидир.

@islom

#Кун_дуоси

Ташвишланганда ўқиладиган дуо

عَنْ أَنَسٍ رَضِي اللهُ عَنْهُ قَالَ: كَانَ النَّبِيُّ صَلَّى اللهُ عَلَيْهِ وَسَلَّمَ إِذَا كَرَبَهُ أَمْرٌ قَالَ: يَا حَيُّ يَا قَيُّومُ بِرَحْمَتِكَ أَسْتَغِيثُ.

Анас розияллоҳу анҳудан ривоят қилинади:

«Қачон Набий соллаллоҳу алайҳи васалламни бирор иш ташвишга солса:

«Йаа Ҳайй! Йаа Қойюм! Бироҳматика астағийсу!» дер эдилар».

Шарҳ: Набий соллаллоҳу алайҳи васаллам ташвишга қолган пайтларида Аллоҳ таолонинг гўзал исмларидан иккитасини зикр қилар эканлар.

@islom

#Рамазон

Эй моҳи султон, марҳабо!

Ҳақдан бизга келди эҳсон,
Қутулишлар бўлди осон,
Бу кечамиз ибтидодир,
Эй моҳи султон, марҳабо!

Ҳақнинг бизга эҳсонисан,
Ўн бир ойнинг султонисан,
Сен бир саодат конисан,
Эй моҳи султон, марҳабо!

Ҳақдан келтирдинг атолар,
Йўқ бўлар жумла хатолар,
Шод бўлар шоҳу гадолар,
Эй моҳи султон, марҳабо!

Масрур этиб келдинг мени,
Пурнур этиб келдинг мени,
Роҳат этиб жону таним,
Эй моҳи султон, марҳабо!

Лутфинг берди бизга сафо,
Бу кечамиздир ибтидо,
Сўзлар лисоним «Марҳабо,
Эй моҳи султон, марҳабо!»

Муждасидир ражаб ҳамон,
Меҳмонидир шаҳри шаъбон,
Хуррам бўлар аҳли иймон,
Эй моҳи султон, марҳабо!

Ўн бир ойга бўлдинг сардор,
Қулларни афв этувчи Саттор,
Мағфур бўлар вақти ифтор,
Эй моҳи султон, марҳабо!

Менга сафо сендан келур,
Дардга даво сендан келур,
Лутфу ато сендан келур,
Эй моҳи султон, марҳабо!

Келдинг, гўзаллашди ҳаво,
Дардимизга бўлдинг даво,
Жон булбуллар айлар наво,
Эй моҳи султон, марҳабо!

Бу кеча ийд этди олам,
Нурга тўлди бутун олам,
Миноралар қандил билан,
Бўлди шарафли дам-бадам,
Эй моҳи султон, мархабо!

@islom

#Рўза

Рамазон рўзасининг сир-асрорлари

Рамазон ойининг аввали - раҳмат, ўртаси – мағфират, ва охири – дўзах азобидан озод бўлишдир.

Муборак ойнинг яхшиликларидан бизларни насибадор қилган Аллоҳга ҳамдлар бўлсин. Бу муборак ойга ҳурмат кўрсатганлар ҳурсанд, ҳурматсизлиик қилганлар қаттиқ надомат қилувчилардир. Рамазон ойига ҳурмат кўрсатиш – бу ойнинг кириб келганлигига қувониш , тугаганига ачиниш хиссидир. Шунингдек, гуноҳларга тавба қилиш, улардан узоқлашиш ва вақтни Аллоҳга ибодат билан ўтказишлик бу ойни ҳурматлаш жумласидандир.

Ҳурматли биродарлар, қандай қилиб биз Рамазон ойини кириб келганига ҳурсанд бўлмайлик, ахир Набийимиз саллоллоҳу алайҳи васаллам: “Агар Аллоҳниниг бандалари Рамазон ойида қўлга киритадиган нарсаларини билганларида эди, умматим орасидаги инсонлар бу ойни йил бўйи давом этишини орзу қилишар эди”- деганлар. (Абу Шайх).

@islom

#Рамазон

Рамазон покланиш ойи

Рамазонда қуйидаги ишларга ҳаракат қилинг:

1. Беш вақт намозни масжидда биринчи сафда адо этишга;

2. Рўзадорларга ифторлик қилиш;

3. Таровеҳ ва таҳажжуд намозларини адо этишга ва бомдоднинг азонидан аввал дуолар қилиш;

4. Ҳар куни имкон қадар садақа бериш;

5. Гуноҳлардан батамом узоқ бўлиш, тилни тийиш ва кўзни сақлаш;

6. Қуръонни тадаббур билан қироат қилиш;

7. Лайлатул қадрга етказишини ва дўзахдан озод қилишини дуода сўрашга жидди жаҳд килищ.

Мажид Закий

@islom

#Кун_дуоси

Мажлисдан туриш дуоси

عَنْ أَبِي هُرَيْرَةَ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: مَنْ جَلَسَ فِي مَجْلِسٍ فَكَثُرَ فِيهِ لَغَطُهُ فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ: سُبْحَانَكَ اللَّهُمَّ وَبِحَمْدِكَ أَشْهَدُ أَنْ لَا إِلَهَ إِلَّا أَنْتَ أَسْتَغْفِرُكَ وَأَتُوبُ إِلَيْكَ، إِلَّا غُفِرَ لَهُ مَا كَانَ فِي مَجْلِسِهِ ذَلِكَ. رَوَاهُ أَصْحَابُ السُّنَنِ.

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:

«Ким бир мажлисда ўтириб, унинг гапи кўпайиб кетса ва мажлисдан туришдан олдин «СубҳанакАллоҳумма! ва биҳамдика, ашҳаду аллаа илааҳа илла анта, астағфирука ва атубу илайка», деса, унинг ўша мажлисдаги нарса(гуноҳ)лари кечирилади», дедилар».

«Сунан» эгалари ривоят килганлар.

@islom

#Рамазон

Энг катта савдо

Инсонни яратишдан мақсад фақат ибодат бўлса, у ҳолда эрталабдан кечгача ибодатдан бошқа бирор иш қилмаслигимиз ва бошқа иш қилишимизга рухсат ҳам бўлмаслиги керак эди. Лекин бошқа бир ўринда Қуръони карим шундай дейди

«Албатта, Аллоҳ мўминлардан уларнинг жонлари ва молларини жаннат эвазига сотиб олди» (Тавба сураси, 111-оят). Аллоҳ таоло мўминлардан жонларию молларини сотиб олди ва бунинг эвазига охиратда уларга жаннат бўлишини тайин қилди. Жонимиз аллақачон сотиб олинган бўлса, у ҳолда танамизда турган бу жон бизники эмас, балки сотиб олинган молдир. Унинг қиймати тўлаб ҳам қўйилган. Жонимиз ўзимизники эмас экан, унинг Эгаси бор экан, демак, ушбу жон ва жисмни Аллоҳга ибодатдан бошқа ишга ишлатмаслигимиз керак. Шунга кўра, бизга Аллоҳ таоло: «Сенга эрталабдан кечгача бошқа ишга рухсат йўқ, доим сажда қилиб тур, доим Аллоҳ-Аллоҳ деб тур, бошқа гапга ҳам рухсат йўқ. Касб қилма, таом ема. Фақат тирик туришинг учун орада таом еб олишга етадиган даражада муҳлат берамиз. Шу даражада танаффус қилишинг мумкин, холос. Лекин қолган барча вақтни Бизга сажда қилиб ўтказ», деб ҳукм қилинса ҳам, ҳеч адолатга хилоф бўлмас эди. Чунки, биз айнан шу ибодат учун яратилганмиз.

@islom