🤲 دعا کی تاثیر 🤲

ترکستان کا بادشاہ لمبی عمر کا خواہاں تھا، وہ مرنا نہیں چاہتا تھا، اس کے طبیبوں نے بتایا کہ ہندوستان کی سرزمین پر چند ایسی جڑی بوٹیاں پیدا ہوتی ہیں جن میں آب حیات کی تاثیر ہے، آپ اگر وہ جڑی بوٹیاں منگوا لیں تو ہم آپ کو ایک ایسی دواء بنا دیں گے جس کے کھانے کے بعد آپ جب تک چاہیں گے زندہ رہیں گے۔

ترکستان کے بادشاہ نے دس لوگوں کا ایک وفد تیار کیا اور یہ وفد ہندوستان کے راجہ کے پاس بھجوا دیا۔ اس وفد میں ترکستان کے طبیب بھی شامل تھے اور بادشاہ کے انتہائی قریبی مشیر بھی۔

وفد نے ہندوستان کے راجہ کو ترک بادشاہ کا پیغام پہنچا دیا۔

راجہ نے پیغام پڑھا، قہقہہ لگایا، سپاہی بلوائے اور وفد کو گرفتار کروا دیا۔

راجہ گرفتاری کے بعد انھیں سلطنت کے ایک بلند و بالا پہاڑ کے قریب لے گیا، اس نے پہاڑ کے نیچے خیمہ لگوایا، ان دس لوگوں کو اس خیمے میں بند کروایا اور اس کے بعد حکم جاری کیا کہ جب تک یہ پہاڑ نہیں گرتا تم لوگ اس جگہ سے کہیں نہیں جا سکتے۔ تم میں سے جس شخص نے یہاں سے نکلنے کی کوشش کی اس کی گردن کاٹ دی جائے گی۔

راجہ نے اپنا فوجی دستہ وہاں چھوڑا اور واپس شہر آ گیا۔

ترکستانی وفد کو اپنی موت صاف نظر آنے لگی، وہ پہاڑ کو اپنی مصیبت سمجھنے لگے، مشکل کی اس گھڑی میں اللہ تعالیٰ کے سوا ان کا کوئی مددگار نہیں تھا۔ وہ زمین پر سجدہ ریز ہوئے اور اللہ تعالیٰ کے حضور گڑگڑانے لگے۔ وہ صرف کھانا کھانے، رفع حاجت یا پھر وضو کرنے کے لیے سجدے سے اٹھتے تھے اور پھر اللہ سے مدد مانگنے کے لیے سجدے میں گر جاتے تھے۔

رسول اکرم (ص) فرماتے ہیں: اگر تم خدا کی معرفت حاصل کر لو تو تمہاری دعائیں پہاڑوں کو بھی اپنی جگہ سے ہٹا دیں گی۔ (میزان الحکمت، ج2، ص43)

اللہ تعالیٰ کو ان پر رحم آ گیا چنانچہ ایک دن زلزلہ آیا، زمین دائیں سے بائیں ہوئی، پہاڑ جڑوں سے ہلا اور چٹانیں اور پتھر زمین پر گرنے لگے۔ ان دس لوگوں اور سپاہیوں نے بھاگ کر جان بچائی۔

راجہ کے سپاہی ان دس لوگوں کو لے کر دربار میں حاضر ہو گئے، انھوں نے راجہ کو سارا ماجرا سنایا۔

راجہ نے بات سن کر قہقہہ لگایا اور اس کے بعد ان دس ایلچیوں سے کہا؛ آپ لوگ اپنے بادشاہ کے پاس جاؤ، اسے یہ واقعہ سناؤ اور اس کے بعد اسے میرا پیغام دو، اسے کہو: دس لوگوں کی بددعا جس طرح پہاڑ کو ریزہ ریزہ کر سکتی ہے بالکل اسی طرح دس بیس لاکھ عوام کی بددعائیں بادشاہ کی زندگی اور اقتدار دونوں کو خاک میں ملا سکتی ہیں۔ تم اگر لمبی زندگی اور طویل اقتدار چاہتے ہو تو لوگوں کی بد دعاؤں سے بچو، تمہیں کسی دوا، کسی بوٹی کی ضرورت نہیں رہے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

■ امام زین العابدینؑ فرماتے ہیں:
دعا و بلا قیامت تک برسر پیکار ہیں لیکن دعا یقینی بلا کو ٹال دیتی ہے۔(1)

▪️امام صادق علیہ السلام فرماتے ہیں: دعا قضا کو بھی ٹال دیتی ہے، اگرچہ وہ قضا مستحکم ہی کیوں نہ ہوئی ہو، پس کثرت سے دعا کریں۔ کیونکہ دعا تمام رحمتوں کی چابی ہے۔(2)

■ حضرت امام جعفر صادقؑ فرماتے ہیں:
اگر کسی نے مصیبت کے آنے سے قبل خوفزدہ ہوکر خدا سے دعا کی تو پروردگار عالم قطعا اسکو اس مصیبت میں مبتلا نہیں کریگا۔(3)

■ حضرت امام جعفر صادقؑ فرماتے ہیں:
مؤمن کیلئے غائبانہ دعا رزق کی زیادتی کا سبب اور بلاؤں سے بچاؤ کا ذریعہ ہے۔(4)

■ حضرت امام موسٰی کاظمؑ فرماتے ہیں:
دعائیں کرو، چونکہ خدا کو پکارنا اور اس سے مانگنا بلاؤں کو برطرف کرتا ہے۔ جو چیزیں قضا و قدر میں حتمی ہو چکی ہیں، دعائیں اس کو بھی ٹال دیتی ہیں۔(5)

■ حضرت امام موسٰی کاظمؑ فرماتے ہیں:
جب کوئی شخص دوسروں کے لئے دعا کرتا ہے تو عرش الہٰی سے آواز آتی ہے ۔۔۔ اے دوسروں کے حق میں دعا کرنیوالے! تیرے لیے دو لاکھ فرشتے دعا کریں گے۔(6)

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

📚 حوالہ جات
(1) عدةالداعی، علامہ احمد بن فهد حلّیؒ
(2) سفينة البحار، ج3، ص48۔
(3) عدةالداعی، علامہ احمد بن فهد حلّیؒ
(4) عدةالداعی، علامہ احمد بن فهد حلّیؒ
(5) عدةالداعی، علامہ احمد بن فهد حلّیؒ
(6) وسائل الشیعہ، ج4، ص1147۔

https://t.me/islamwitheman
⭕ ISLAM WITH EMAN ⭕

🍀حضرت علیؑ کی نصیحت آموز باتیں🍀

ایک شخص نے آپ (علیہ السلام) سے پند و موعظت (واعظ و نصیحت) کی درخواست کی، تو فرمایا:
تم کوان لوگوں میں سے نہ ہونا چاہیئے کہ جو عمل کے بغیر حسن انجام کی امید رکھتے ہیں اور امیدیں بڑھا کر توبہ کو تاخیر میں ڈال دیتے ہیں جو دنیا کے بارے میں زاہدوں کی سی باتیں کرتے ہیں مگر ان کے اعمال دنیا طلبوں کے سے ہوتے ہیں۔
اگر دنیا انہیں ملے تو وہ سیر نہیں ہوتے اور اگر نہ ملے تو قناعت نہیں کرتے جو انہیں ملاہے اس پر شکر سے قاصر رہتے ہیں اور جو بچ رہا اس کے اضافہ کے خواہشمند رہتے ہیں دوسروں کو منع کرتے ہیں اور خود باز نہیں آتے اور دوسروں کو حکم دیتے ہیں ایسی باتوں کا جنہیں خود بجا نہیں لاتے۔
نیکوں کو دوست رکھتے ہیں مگر ان کے سے اعمال نہیں کرتے اور گنہگاروں سے نفرت و عناد رکھتے ہیں حالانکہ وہ خود انہی میں داخل ہیں۔
اپنے گناہوں کی کثرت کے باعث موت کو برا سمجھتے ہیں مگر جن گناہوں کی وجہ سے موت کو ناپسند کرتے ہیں انہی پر قائم ہیں۔
اگر بیمار پڑتے ہیں تو پشیمان ہوتے ہیں۔ اور تندرست ھوتے ھیں تو مطمئن ھوکر کھیل کود میں پڑ جاتے ھیں جب بیماری سے چھٹکارا پاتے ہیں تواترانے لگتے ہیں .اور مبتلا ہوتے ہیں تو ان پر مایوسی چھا جاتی ہے۔
جب کسی سختی و ابتلا میں پڑتے ہیں تو لاچار و بے بس ہوکر دعائیں مانگتے ہیں اور جب فراخ دستی نصیب ہوتی ہے تو فریب میں مبتلا ہو کر منہ پھیر لیتے ہیں۔
ان کا نفس خیالی باتوں پر انہیں قابو میں لے آتا ہے اور وہ یقینی باتوں پر اسے نہیں دبالیتے۔ دوسروں کے لیے ان کے گناہ سے زیادہ خطرہ محسوس کرتے ہیں اور اپنے لیے اپنے اعمال سے زیادہ جزا کے متوقع رہتے ہیں۔
اگر مالدار ہوجاتے ہیں تو اترانے لگتے ہیں اور اگر فقیر ہوجاتے ہیں تو ناامید ہوجاتے ہیں اور سستی کرنے لگتے ہیں۔
جب عمل کرتے ہیں تو اس میں سستی کرتے ہیں اور جب مانگنے پرآتے ہیں تو اصرار میں حد سے بڑھ جاتے ہیں۔
اگر ان پر خواہش نفسانی کا غلبہ ہوتا ہے تو گناہ جلد سے جلد کرتے ہیں، اور توبہ کو تعویق میں ڈالتے رہتے ہیں، اگر کوئی مصیبت لاحق ہوتی ہے تو اسلام کی جماعت کے خصوصی امتیازات سے الگ ہوجاتے ہیں۔
عبرت کے واقعات بیان کرتے ہیں مگر خود عبرت حاصل نہیں کرتے اور وعظ و نصیحت میں زور باندھتے ہیں مگر خود اس نصیحت کا اثر نہیں لیتے چنانچہ وہ بات کرنے میں تو اونچے رہتے ہیں .مگر عمل میں کم ہی کم رہتے ہیں۔
فانی چیزوں میں نفسی نفسی کرتے ہیں اور باقی رہنے والی چیزوں میں سہل انگاری سے کام لیتے ہیں وہ نفع کو نقصان اور نقصا ن کو نفع خیال کرتے ہیں۔
موت سے ڈرتے ہیں .مگر فرصت کا موقع نکل جانے سے پہلے اعمال میں جلدی نہیں کرتے۔ دوسرے کے ایسے گناہ کو بہت بڑا سمجھتے ہیں جس سے بڑے گناہ کو خود اپنے لیے چھوٹا خیال کرتے ہیں۔
اور اپنی ایسی اطاعت کو زیادہ سمجھتے ہیں جسے دوسرے سے کم سمجھتے ہیں، لہٰذا وہ لوگوں پر معترض ہوتے ہیں اور اپنے نفس کی چکنی چپڑی باتوں سے تعریف کرتے ہیں۔
دولتمندوں کے ساتھ طرب و نشاط میں مشغول رہنا انہیں غریبوں کے ساتھ محفل ذکر میں شرکت سے زیادہ پسند ہے اپنے حق میں دوسرے کے خلاف حکم لگاتے ہیں لیکن کبھی یہ نہیں کرتے کہ دوسرے کے حق میں اپنے خلاف حکم لگائیں۔
اوروں کو ہدایت کرتے ہیں اور اپنے کو گمراہی کی راہ پر لگا تے ہیں وہ اطاعت لیتے ہیں اور خود نافرمانی کرتے ہیں اور حق پورا پورا وصول کرلیتے ہیں مگر خود ادا نہیں کرتے۔
وہ اپنے پروردگار کو نظر انداز کر کے مخلوق سے خوف کھاتے ہیں اور مخلوقات کے بارے میں اپنے پروردگار سے نہیں ڈرتے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید رضی فرماتے ہیں کہ اگر اس کتاب میں صرف ایک یہی کلام ہوتا تو کامیاب موعظہ اور موثر حکمت اور چشم بینا رکھنے والے کے لیے بصیرت اور نظر و فکر کرنے والے کے لیے عبرت کے اعتبار سے بہت کافی تھا۔

📚نہج البلاغہ، کلماتِ قصار # 150۔

https://t.me/islamwitheman
🔵 ISLAM WITH EMAN 🔵

🍃تھوڑا سا اور اضافے کا قانون🍃

🌿سن 1976 کے اولمپک مقابلوں کے دوران سو میٹر کی دوڑ کے آخری مرحلے میں کل آٹھ کھلاڑی شریک تھے۔ سونے کا تمغہ جیتنے والا کھلاڑی باقی کے آٹھ کھلاڑیوں سے صرف ایک سیکنڈ کا دسواں حصہ زیادہ تیز تھا۔ رفتار میں بہت ہی تھوڑا سا فرق مگر نتائج میں بہت بڑا فرق۔

🌿امریکہ میں ہونے والی ایک گھڑ دوڑ میں جیتنے والے گھوڑے کو دس لاکھ ڈالر کا انعام ملا، دوسرے نمبر پر آنے والے گھوڑے کو جو جیتنے میں فقظ ناک کے فرق سے رہ گیا تھا کو محض پچھتر ہزار ڈلر ملے۔ مسافت میں اتنا مہین سا فرق مگر نتائج میں بہت بڑا فرق۔

✍ایک قانون جان لیجیئے کہ:
🌷اگر آپ ایک اپنی نوکری پر جانے سے ایک گھنٹہ پہلے جاگ جاتے ہیں، اور اپنی فیلڈ سے متعلقہ کوئی بھی کتاب پڑھتے ہیں تو گویا آپ ہفتے بھر میں سات گھنٹے مطالعہ کر لیں گے۔ کچھ ہی عرصہ کے بعد، آپ کا علم اپنے دفتر کے تمام ساتھیوں میں زیادہ ہوگا۔ اور آپ کے ساتھی آپ سے مشورہ لیا کریں گے کیونکہ آپ ہی ان میں زیادہ تجربے والے شمار ہو رہے ہونگے۔ محض تھوڑا سا اضافہ مگر نتائج میں بہت بڑا فرق۔

🌷اگر آپ مسجد میں نماز سے تھوڑا سا پہلے یا اذان ہوتے ہی جانا شروع کر دیں تو آپ نماز سے پہلے پہلے کم از کم قران مجید سے دس صفحات پڑھ پائیں گے۔ اگر آپ ایسا دو نمازوں میں ہی کر لیں تو روزانہ بیس صٖفحات کی تلاوت شروع ہو جائے گی۔ اس کا مطلب تقریبا ایک سیپارہ یومی یا ایک سو چالیس صٖفحے ہفتہ وار یعنی ایک ختم قران ہر مہینے۔ محض تھوڑا سا اضافہ مگر نتائج میں بہت بڑا فرق۔

🌷ایک باپ اپنے پرائمری کے طالبعلم بیٹے کے ساتھ رات کا کھانا لگتے لگتے پندرہ منٹ کیلئے مل کر کوئی انگریزی کی کتاب پڑھتا تھا۔ اب اس کا بیٹا مڈل سکول میں ہے لیکن انگریزی کی کوئی بھی کتاب بغیر کسی مسئلے کے پڑھ لیتا ہے۔ وقت میں محض تھوڑا سا اضافہ مگر نتائج میں بہت بڑا فرق۔

📚خلاصہ: تھوڑے سے اضافے کا قانون اپنی زندگی کے ہر شعبے میں لاگو کر لیجیے، اپنے کام کو دیکھئے، اپنے تعلقات کو دیکھیئے، اپنی صحت کو دیکھیے، اپنے بچوں کو دیکھیے، اور اپنے ہر اس کام کو دیکھیے جس میں آپ تھوڑا سا اضافہ کر سکتے ہیں اور اپنے گرد نواح میں ہر اس ناطے کو دیکھیے جس میں آپ تھوڑے سے اور کا اضافہ کر کے بڑی تبدیلی لا سکتے ہیں۔ زندگی میں بہت ساری ایسی چیزیں ہیں جو تھوڑے سے اور اضافے کے بہت بڑی تبدیلی سے جڑی ہوئی ہیں۔

تھوڑا سا اور اضافے کا قانون اپنے آپ پر لاگو کرنے سے بہت ساری کامیابیاں آپ کے قدموں میں۔

یاد رکھیے گا کہ اس تھوڑے سے فرق کے ساتھ ہی ہر ناکامی اور ہزیمت جڑی ہوئی ہے۔ تھوڑا سا فرق اور اتنے بڑے بڑے نقصانات!! ان کا سوچیے جن کا فرق دنوں اور راتوں کا ہو!!!

https://t.me/islamwitheman
🔵 ISLAM WITH EMAN 🔵

🌸 دس منٹ دورانیئے کی فلم 🌸

ہر طرف اعلان ہو گئے کہ صرف دس منٹ دورانیئے کی یہ فلم بیسٹ شارٹ فلم کا لقب جیت گئی ہے۔
اور جیسے ہی ریلیز ہوئی تو دیکھنے والوں کا ایک جم غفیر سینما پر ٹوٹ پڑا۔

فلم ایک کمرے کی چھت کا منظر دکھانے سے شروع ہوئی اور اگلے 6 منٹ تک یہ منظر بغیر کسی تبدیلی اور بغیر کسی مکالمے یا آواز کے سکرین پر دکھایا جاتا رہا۔
اکثر فلم بینوں کا صبر جواب دے چکا تھا۔ کچھ اگر بڑبڑانے پر اکتفا کیئے بیٹھے تھے تو کچھ نے بآواز بلند اس گھٹیا مذاق پر بولنا شروع کر دیا اور کچھ تو فلم چھوڑ کر باہر جانے پر بھی آمادہ نظر آ رہے تھے۔
اچانک منظر میں تبدیلی آئی۔ اور کیمرے کا رخ چھت سے آہستہ آہستہ کمرے کے فرش کی طرف ہونا شروع ہوا جہاں ایک بستر ہر کسی قسم کی حرکت سے معذور ایسا بچہ لیٹا ہوا تھا جس کی حادثاتی طور پر ریڑھ کی ہڈی ٹوٹ گئی تھی۔
سکرین پر ایک سلائیڈ پر تحریر ابھری کہ: ابھی ہم نے آپ کو 6 منٹ کیلئے وہ منظر دکھایا تھا جسے یہ بچہ پچھلے کئی سالوں سے مسلسل اور لگاتار دیکھ رہا ہے اور آئندہ جب تک زندہ رہے گا شاید تب تک زندگی کے ہر لمحے میں برابر اسے دیکھتا رہے گا۔
اور آپ تھے کہ محض 6 منٹ تک یہ منظر دیکھنے سے اُکتا گئے تھے۔
لہذا آپ سے التماس کی جاتی ہے کہ اپنی زندگی کے ہر ایک لمحہ سے محظوظ ہوئیے اور شکر کیجیئے ان نععمتوں کا جن میں آپ رہ اور بس رہے ہیں۔

https://t.me/islamwitheman
🔵 ISLAM WITH EMAN 🔵

🔵 انجانا خوف 🔵

ہرن کی رفتار تقریباً 90 کلومیٹر فی گھنٹہ ہوتی ہے۔
جبکہ شیر کی زیادہ سے زیادہ رفتار 58 کلومیٹر فی گھنٹہ ہے.

رفتار میں اتنے بڑے تفاوت کے باوجود بھی بیشتر موقعوں پر ہرن شیر کا شکار ہو جاتا ہے، کیا آپ جاننا چاہتے ہیں کہ کیوں؟

کیونکہ جب بھی شیر کو دیکھ کر جان بچانے کیلئے ہرن بھاگتا ہے تو اُس کے دل میں پکا یقین ہوتا ہے کہ شیر نے اُسے اب ہرگز نہیں چھوڑنا، وہ شیر کے مقابلے میں کمزور اور ناتواں ہے اور اُس سے بچ کر نہیں نکل سکتا۔

نجات نا پا سکنے کا یہ خوف اُسے ہر لمحے پیچھے مڑ کر یہ دیکھنے کیلئے مجبور کرتا ہے کہ اب اُس کے اور شیر کے درمیان کتنا فاصلہ باقی رہتا ہے اور خوف کی حالت میں یہی سوچ ہرن کی رفتار پر اثر انداز ہوتی ہے، بس اسی اثناء میں شیر قریب آ کر اُسے دبوچ کر اپنا نوالہ بنا لیتا ہے.

اگر ہرن پیچھے مُڑ مُڑ کر دیکھنے کی اپنی اس عادت پر قابو پالے تو کبھی بھی شیر کا شکار نہیں بن پائے گا اور اگر ہرن کو اپنی اس صلاحیت پر یقین آ جائے کہ اس کی قوت اُس کی برق رفتاری میں چھپی ہوئی ہے بالکل ایسے ہی جیسے شیر کی قوت اُس کے حجم اور طاقت میں چھپی ہوئی ہے تو وہ ہمیشہ شیر سے نجات پا لیا کرے گا.

■بس کُچھ ایسی ہی ہم انسانوں کی فطرت بن جاتی ہے کہ ہم ہر لمحے پیچھے مُڑ مُڑ کر اپنے ماضی کو تکتے اور کریدتے رہتے ہیں جو کُچھ اور نہیں بلکہ ہمیں صرف ڈستا رہتا ہے، ہماری ہمتوں کو پست، طبیعتوں کو مضمحل اور رویوں کو افسردہ کرتا رہتا ہے۔

اور کتنے ہی ایسے پیچھا کرتے ہمارے وہم اور خوف ہیں جو ہمیں ناکامیوں کا نوالہ بناتے رہتے ہیں.

اور کتنی ہی ہماری ایسی اندرونی مایوسیاں ہیں جو ہم سے زندہ رہنے کا حوصلہ تک چھینتی رہتی ہیں ہم کہیں ہلاک نا ہو جائیں، کی سوچ کی وجہ سے اپنے مقاصد حاصل کرنے کے قابل نہیں بنتے اور نا ہی اپنی صلاحیتوں پر کبھی اعتماد کر پاتے ہیں..........!!

خوش رہیں، خوشیاں بانٹیں.

https://t.me/islamwitheman
🔵 ISLAM WITH EMAN 🔵

🌺 روز جمعہ کے اعمال 🌺

روزجمعہ کے اعما ل بہت زيادہ ہيں اور يہا ں ہم ان ميں سے چند ايک کی فہرست بیان کرتے ہیں.

🌹 دعای ندبہ

🌹ہزار مرتبہ یا حد اقل سو مرتبہ صلوات پڑھنا

🌹صدقہ دینا

🌹 غسل جمعہ کرنا

🌹ختمی کے پھول کے ساتھ سر دھونا

🌹ناخن کاٹنا

🌹 مونچھیں کاٹنا

🌹صبح انار کھانا

🌹 ظھر سے پہلے کاسنی کھانا

🌹نماز جمعہ پڑھنا.

🌹پاکیزہ لباس پہننا

🌹خوشبو لگانا

🌹 اہلخانہ کے لیئے بہتریں چیزیں مہیا کرنا

🌹استغفار

🌹مسائل دینی سیکھنا.

🌹20 رکعت نماز نافلہ جمعہ کی نماز کے علاوہ

🌹آئمہ معصومین علیھم السلام کی زیارت پڑھنا

🌹والدین کی قبور کی زیارت

📚 مزید تفصیلات کے لئے مفاتیح الجنان کا مطالعہ فرمائیں.

https://t.me/islamwitheman
⭕ ISLAM WITH EMAN ⭕

🌼 عقل، حیاء اور دین 🌼

ايک دن حضرت جبرائيلؑ اللہ تعالٰی كے حكم سے حضرت آدم علیہ السلام كے پاس آۓ اور كہا كہ اے نبئ خداؑ ميں خدا كى طرف سے تين چيزيں لايا ہوں اور آپ ان تين ميں سے ايک چيز كو انتخاب كر سكتے ہيں۔

حضرت آدمؑ نے پوچھا كہ وہ تين چيزيں كيا ہيں؟

حضرت جبرائيلؑ نے كہا كہ وہ تين چيزيں عقل، حياء اور دين ہيں۔

حضرت آدم علیہ السلام نے فرمايا ميں ان تين چيزوں ميں سے عقل كا انتخاب كرتا ہوں۔

اس پر حضرت جبرائيل علیہ السلام نے دين اور حيا سے كہا كہ آپ دونوں واپس چلى جائيں۔

اس پر دين اور حيا نے كہا كہ اے جبرائيل ؑ ہميں حكم ديا گيا ہے كہ جہاں عقل ہو تم دونوں نے وہيں رہنا ہے ہم عقل سے جدا نہيں ہو سكتيں۔

🤔نتیجہ و مقام عبرت ونصیحت:
(پس معلوم ہوا كہ جس كے پاس عقل، شعور، بصيرت ہو تو اس كے پاس دين اور حيا بھی ہو سكتا ہے۔ اگر كسى كے پاس سوچنے سمجھنے، صحيح راۓ قائم كرنے كى صلاحيت نہ ہو تو اس كا دين اور اس كى حياء اسے كوئى فائدہ نہيں پہنچاۓ گى)

📚داستان ہاى اصول كافى، محمد محمدى اشتہاردى، ص۳۴۔

https://t.me/islamwitheman
🔵 ISLAM WITH EMAN 🔵

🍀 مقصد کی فراموشی 🍀

دنیا کی تاریخ میں ایک بادشاہ کا واقع ملتا ہے جس نے اپنے لشکر کی طاقت سے کئی ممالک فتح کیے، پھر وہ لشکر کمزور پڑ گیا اور مزید جنگ لڑنے سے انکاری ہوگیا۔ بادشاہ اپنے لشکر کی اس حالت سے پریشان تھا۔
ایک دن اسکا گزر ایسے علاقے سے ہوا جہاں اس نے دیکھا جوں ہی محرم کا چاند نظر آیا، وہاں کے شیعہ طبقے نے ایک سیاہ پرچم (علم) امام بارگاہ پر لہرا دیا جس سے تمام شیعہ لوگوں کو علم ہوگیا کہ محرم کا آغاز ہوچکا ہے لہذا وہ اکٹھے ہو کر عزاداری کرنے لگے . . . . .

اس بادشاہ کو بہت حیرت ہوئی، اس نے ایک شیعہ کو بلا کر پوچھا کہ "جب میں پرچم بلند کرتا ہوں تو میرا لشکر بھاگ جاتا ہے سب منتشر ہوجاتے ہیں جبکہ تمھارے ایک پرچم بلند کرنے سے تم سب اکٹھے ہوجاتے ہو متحد ہو جاتے ہو، پھر کیا وجہ ہے کہ دنیا پر تمہاری حکومت نہیں۔۔؟؟؟؟

وجہ یہی ہے عزیزان کہ اتنا عظیم مکتب اور خالص الہٰی نظریہ ہونے کہ باوجود ہم نے اپنا مقصد فراموش کر دیا، اسلام شناس نہ بن سکے، رسومات کی دلدل میں دھنس گئے اور اپنےمذہب کو دنیا کے سامنے تماشہ بنا دیا.

(Golden Points Collected From Agha Jawad's Lecture During Workshop At Umul kitab)

https://t.me/islamwitheman
⭕ ISLAM WITH EMAN ⭕

🤲 الله سے مانگنا 🤲

ایک بہت هی گنہگار شخص حج ادا کرنے گیا، وهاں کعبہ کا غلاف پکڑ کر بولا ’’الٰہی اس گھر کی زیارت کو حج کہتے ہیں اور کلمہ حج میں دو حرف ہیں، "ح" سے تیرا حکم اور "ج" سے میرے جرم مراد ہیں۔ تو اپنے حکم سے میرے جرم معاف فرما دے۔

آواز آئی۔۔ "اے میرے بندے! تو نے کتنی عمدہ مناجات کی پھر کہو۔"

وہ دوبارہ نئے انداز سے یوں بولا:
’’اے میرے بخشن ہار! اے غفار! تیری مغفرت کا دریا گنہگاروں کی مغفرت و بخشش کیلئے پرجوش ہے اور تیری رحمت کا خزانہ ہر سوالی کیلئے کھلا ہے۔ الٰہی! اس گھر کی زیارت کو حج کہتے ہیں اور حج دو حرف پر مشتمل ہے ’’ح" اور "ج‘‘۔ ’’ ح" سے میری حاجت اور ’’ج" سے تیرا جُود و کرم ہے۔ تو اپنے جُود و کرم سے اس مسکین کی حاجت پوری فرما دے.

آواز آئی۔۔ ’’اے میرے بندے تو نے کیا خوب حمد کی، پھر کہو۔‘‘

وہ پھر عرض کرنے لگا:
اے خالق کائنات! تیری ذات ہر عیب و نقص اور کمزوری سے پاک ہے تو نے اپنی عافیت کا پردہ مسلمانوں پر ڈال رکھا ہے۔ میرے رب اس گھر کی زیارت کو حج کہتے ہیں حج کے دو حرف ہیں ’’ح" اور "ج‘‘۔ ’’ح" سے اگر میری حلاوت ایمانی اور ’’ج" سے تیرا جلال مراد ہے تو تو اپنے جلال کی برکت سے اس ناتواں ضعیف بندے کے ایمان کی حلاوت کو شیطان سے محفوظ رکھنا‘‘

آواز آئی۔۔ "اے میرے مخلص ترین عاشق و صادق بندے! تو نے میرے حکم میرے جود و کرم اور میرے جلال کے توسل سے جو کچھ طلب کیا ہے تجھے عطا فرمایا، ہمارا تو کام ہی مانگنے والے کا دامن بھر دینا ہے، مگر بات تو یہ ہے کوئی مانگے تو سہی، کسی کو مانگنے کا سلیقہ تو آتا ہو۔"

ﺍﮮ الله! هم جیسے گنہگاروں کو بهی مانگنے کا سلیقه اور توفیق عطا فرما،

ﺍﮮ الله! ہم ﮔﻤﺮﺍﮨﻮﮞ ﮐﻮ ﺭﺍﮦ ﭘﺮ ﻟﮯ ﺁ۔

ﺍﮮ الله! ﮨﻤﺎﺭﮮ ﮔﻨﺎﮦ ﻣﻌﺎﻑ ﻓﺮﻣﺎ ﺩﮮ۔

ﺍﮮ الله! ﮨﻤﺎﺭﯼ ﺧﻄﺎﺅﮞ ﮐﻮ ﺩﺭﮔﺬﺭ ﻓﺮﻣﺎ۔

ﺍﮮ اللہ! ہمیں محمدؐ وآلِ محمدؑ کی اطاعت کرنے کی توفیق عطا فرما۔

ﺍﮮ الله! ہمیں ایسی زندگی گزارنے کی توفیق عطا کر جس زندگی سے تو راضی ہو جائے۔

بِرَحْمَتِكَ يَآ أَرْحَمَ الرَّحِمِينَ۔ آمِينْ يارب العالمين۔

https://t.me/islamwitheman
⭕ ISLAM WITH EMAN ⭕

🍃 سفر میں نماز 🍃

کچھ دن پہلے کی بات ہے مجھے ایک کام کے سلسلے میں لاہور جانا پڑا.
میں رات کے ٹائم لاہور پہنچا تھا اور اپنے کام کو نمٹا کر کچھ شاپنگ وغیرہ کی.
جب میں فیصل آباد واپسی کے لیے بس میں بیٹھا تو رات کے تقریباً 3 بج رہے تھے میرے ساتھ والی سیٹ پر ایک باریش بزرگ آدمی بیٹھے تھے بس میں سواریاں کم تھیں اور بس نے اڈے سے نکلتے ہوئے تقریباً آدھا گھنٹہ لگا دیا.
اب بس فیصل آباد کی طرف رواں دواں تھی اور کنڈیکٹر سواریوں سے کرایہ لے رہا تھا میں نے بھی اپنا کرایہ دیا اور ٹکٹ لے لیا میرے ساتھ بیٹھے بزرگ جب کرایہ دینے لگے تو ان نے کنڈیکٹر سے پوچھا کہ بس کتنے بجے فیصل آباد پہنچے گی کنڈیکٹر کہنے لگا کہ 6 بجے تک انشاءاللہ.
اس پر وہ بزرگ بولےنہیں تم مجھے شاہ کوٹ کا ٹکٹ دے دو (شاہ کوٹ فیصل آباد سے تقریباً 45 منٹ پہلے آتا ہے)
کنڈیکٹر ان کو ٹکٹ دے کر چلا گیا میں نے ان سے پوچھا کہ آپ نے فیصل آباد نہیں جانا تھا..؟
تو انہوں نے جواب دیا کہ جانا تو فیصل آباد ہی ہے جب تک وہاں پہنچیں گے فجر کی نماز کا ٹائم نکل جائے گا اس لیے میں شاہ کوٹ اتر کر نماز جماعت کے ساتھ ادا کروں گا پھر اگلی بس میں بیٹھ کر فیصل آباد چلا جاؤں گا.
وہ بزرگ تو شاہ کوٹ اتر گئے مگر مجھے سوچوں کے سمندر میں دھکیل گئے.
ایک وہ تھے جنہوں نے اپنا سفر نماز کے لیے ادھورا چھوڑ دیا اور ایک ہم ہیں فارغ بیٹھے ہوتے ہیں. مسجد میں اذان ہو رہی ہوتی ہے مگر ہمارے کانوں پر جّوں تک نہیں رینگتی فارغ نہ بھی ہوں تو بھی نماز ہر کام سے اہم ہے موذن کہتا رہتا ہے آؤ فلاح کی طرف مگر ہم دنیاوی کاموں میں مگن رہتے ہیں.

غور کریں.
فلاح نماز میں ہے یا دنیا کے کاموں میں..؟
اور شاید یہی وہ لوگ ہیں جن کی وجہ سے اللہ پاک کا عذاب رکا ہوا ہے ورنہ ہماری بد اعمالیاں تو ایسی ہیں کہ ہم پر عذاب کے کوڑے برسیں)

منقول ۔۔۔۔

https://t.me/islamwitheman
🔵 ISLAM WITH EMAN 🔵

🌿 والصبح اذا تنفس 🌿

مجھ سے ایک دفعہ کسی نے پوچھا کہ وہ کیا چیز ہے جو جاندار نہیں ہے لیکن سانس لیتی ہے؟
میں عجیب اچھنبے میں پڑ گیا کہ بھلا وہ کیا چیز ہوسکتی ہے جو جاندار نہ ہو لیکن سانس لیتی ہو؟
کافی دیر کے بعد اچانک قران کی یہ آیۃ ذہن میں کوندی:
"والصبح اذا تنفس" (تکویر آیۃ 18)
قسم ہے صبح کی جب وہ گہری سانس لے۔
میں نے جواب دیا کہ وہ صبح ہے جو جاندار تو نہیں لیکن سانس لیتی ہے۔
سائل نے تعریف کی لیکن میں الجھ گیا کہ صبح بھلا کیسے سانس لے سکتی ہے؟
تفاسیر وغیرہ کھول کر دیکھیں تو مفسرین نے تنفس کا ترجمہ زندہ ہو جانے سے کیا تھا کہ جیسے سانس لے کر انسان زندہ ہوتا ہے اسی طرح صبح بھی ہر دن زندہ ہوتی ہے کچھ نے صبح کو سانس لینا اور رات کو سانس چھوڑنا تعبیر کیا۔ بعض نے کہا کہ لیل سے مراد اسلام سے پہلے کی تاریکی تھی اور یہاں صبح سے مراد حضور اکرمؐ کی بعثت کا اجالا ہے۔

کل ایک تفسیر پڑھی تو حیران رہ گیا:
آپ کو معلوم ہے کہ جب ہم سانس لیتے ہیں تو اپنے اندر آکسیجن سمیٹ لیتے ہیں اور جب چھوڑتے ہیں تو کاربن ڈائی آکسائیڈ نکالتے ہیں۔
اللہ نے قران میں صبح کی قسم کھائی اور فرمایا کہ جب وہ "گہری" سانس لے۔

عجیب معاملہ ہے کہ کچھ عرصہ پہلے ہی سائنس نے "فوٹوسینتھیسس" کا عمل ایجاد کیا ہے جس میں درخت ایک غیر حسی طریقے سے ہوا میں سے کاربن ڈائی آکسائیڈ کو اپنے اندر سمو کر آکسیجن کا اخراج کرتے ہیں۔ اور یہ عمل صبح کے وقت سب سے زیادہ عروج پر ہوتا ہے یعنی دنیا میں سب سے زیادہ آکسیجن کی مقدار صبح کے وقت پائی جاتی ہے اور یہی دنیا کی گہری سانس ہوتی ہے۔ یہ عمل بتدریج کم ہوتا جاتا ہے، دوپہر میں ہلکا ہوتا ہے، شام میں ختم ہوتا ہے اور رات میں الٹا ہوجاتا ہے کہ درخت آکسیجن کی بجائے کاربن ڈائی آکسائیڈ کا اخراج کرنے لگتے ہیں لیکن پھر اگلی صبح وہی عمل دوبارہ شروع ہوجاتا ہے۔
میں شدید حیران ہوا کہ قران کی ایک چھوٹی سی آیۃ نے سائنس کا اتنا بڑا معمہ سینکڑوں سال پہلے بتا دیا تھا!.

https://t.me/islamwitheman
🔵 ISLAM WITH EMAN 🔵

🌼 ایک ریڑھی والا 🌼

ایک خاتون نے اس سے آلو خریدے، ساتھ دھنیا مرچ بھی لی اور اسے پچاس کا نوٹ دیا اس نے آلو کے ساتھ از خود دھنیا مرچ مفت دی۔

وہ آلو اٹھا کر پہلے یوں دیکھتا جیسے اس کا ایکسرے کر رہا ہو۔ گاہک کی نظر سے سبزی کو دیکھنا دوکاندار کے معاشی مفادات کے خلاف جاتا ہے لیکن وہ ہر ہر آلو کا بغور معائنہ کرنے کے بعد اسے شاپنگ بیگ میں ڈالتا جا رہا تھا۔ جس آلو پر کوئی معمولی سا داغ بھی ہوتا اسے ایک طرف کر دیتا۔ جو آلو ٹھیک ہوتا صرف اسے ڈالتا۔ اسی طرح ایک اور شخص نے ٹماٹر لئے اس نے ٹماٹر بھی ویسے ہی دیکھ بھال کر اچھے اچھے دیئے، اور معمولی نوعیت کی خرابی بھی اگر کسی ٹماٹر میں اسے محسوس ہوئی تو اسے ایک طرف کر دیا۔ حالانکہ اس خرابی کو گاہک بھی تلاش نہ کر پاتا۔

جب گاہک رخصت ہو چکے تو میں نے اس سے کہا کہ آپ ریڑھی مین روڈ پر کیوں نہیں لگاتے یہاں سائیڈ پر اور وہ بھی نسبتاً ایک ویران جگہ کا انتخاب آپ نے کیوں کیا ہے۔؟

اس نے کہا کہ۔۔
مین روڈ پر ریڑھی کھڑی نہیں کرنے دی جاتی اور مختلف ٹیکسوں کی صورت میں اچھے خاصے اخراجات ہو جاتے ہیں یہاں ویران جگہ ہے یہاں کوئی کرایہ نہیں دینا پڑتا اگر کسی دوکان کے سامنے لگاؤں تو پھر کرایہ الگ سے دینا پڑے گا۔ یہاں کھڑا ہوں بس اللہ سے حلال رزق مانگتا ہوں تاکہ بچوں کے پیٹ کو حرام لقمے سے بچا سکوں۔

میں نے اگلا سوال کیا کہ۔۔
آپ کا اس ریڑھی کے علاوہ بھی کوئی ذریعہ آمدن ہے۔؟

اس نے کہا صبح منڈی میں کام کرتا ہوں، گاڑیوں سے سبزی وغیرہ اتارتا ہوں۔ صبح سویرے اس کام سے فارغ ہو کر اپنے لئے سبزی لیتا ہوں اور دن کو اس ریڑھی پر فروخت کر دیتا ہوں۔ پچھلے سیزن میں مونگ پھلی لگا رکھی تھی اس سے پہلے ایک مرتبہ چھلی لگائی تھی۔ رات کو ریڑھی گھر لیجا کر کھڑی کر دیتا ہوں۔

میں نے پوچھا کہ۔۔
اس قلیل آمدنی میں گزارا ہو جاتا ہے۔؟

اس نے کہا کہ۔۔
قسم لے لیں اگر میں دس بیس روپے بھی شام کو گھر لے کر جاتا ہوں تو مزید پیسے آنے تک وہ مجھ سے ختم نہیں ہوتے۔ خواہ مزید پیسے کتنے ہی دن بعد کیوں نہ آئیں۔ اور کسی چیز کی قلت بھی نہیں۔ اللہ تعالیٰ کا جتنا شکر بھی ادا کروں کم ہے وہ مجھ ناچیز کو بھی رزق دے رہا ہے۔

میں نے پوچھا کہ۔۔
یہ خراب آلو اور ٹماٹروں کا آپ کیا کرتے ہیں اس نے کہا کہ یہ میں خود اور اپنے گھر والوں کو کھلاتا ہوں۔ کسی گاہک کونہیں دیتا۔ اس سے اللہ کی نعمتوں کی ناشکری بھی نہیں ہوتی اور میں بھی حرام کھانے سے بچ جاتا ہوں۔

میں اس کے سراپے کا جائزہ لینے لگی تو میری نظر اس کے کپڑوں پر لگے پیوند پر جا کر رک گئی، اس نے کپڑوں پر پیوند لگا رکھے تھے جنہیں خود سوئی دھاگہ لے کر سیا گیا تھا لگتا یوں تھا کہ کپڑے صاف مگر انتہائی بوسیدہ ہیں۔

اس نے میری نظروں کے تعاقب میں اس پیوند کو دیکھ لیا اور مسکرا کر کہنے لگا۔ بہن سچ کہوں اگر ہم جیسے اس دنیا میں نہ ہوں تو رب کے حبیبؐ کی اس سنت کو کون زندہ رکھے گا اس نے یہ بات پیوند لگی جگہ کو ہاتھ میں پکڑ کر کہی۔

میرے لئے ضبط مشکل ہو رہا تھا میں بوجھل قدموں سے گھر کی جانب چل پڑی۔ میرا دماغ الجھ کر رہ گیا۔ کیا اب بھی کسی کو شک ہے کہ اللہ نے دولت کی تقسیم درست نہیں کی؟ میرا دل گواہی دینے لگا کہ اللہ تعالیٰ اپنے حبیبؐ کی ہر ہر سنت کو زندہ رکھنے پر قادر ہے۔

مجھے وہ سارے فلسفے اس ریڑھی والے کے پیوند لگے کپڑوں سے بھی بودے لگنے لگے جن میں کہا جاتا ہیکہ اگر تم پیدا ہوتے وقت دولت مند نہیں تھے تو اس میں تمہاری کوئی غلطی نہیں اگر تم مرتے وقت دولتمند نہیں ہو تو اس میں ضرور تمہاری غلطی ہے۔

اس ریڑھی والے نے اپنے کردار سے اس ساری فلاسفی کو ایک لایعنی مفروضہ بنا ڈالا۔ میں سوچتی رہ گئی۔ اس دور میں بھی پیوند لگے کپڑے پہننے والا مجھ سے بہت بلند اور عظیم تھا، اس کے کپڑوں کے پیوند اس کے لئے نہیں مجھے اپنے لئے آزمائش لگنے لگے۔

ان بوسیدہ کپڑوں سے اس ریڑھی والے کو نہیں بلکہ ہم سب کو آزمایا جا رہا ہے جن کے کپڑوں پر کوئی پیوند نہیں لگا ہوا۔ یہ پیوند لگانے والے کے نہیں بلکہ ان معاشی فلاسفروں کے منہ پر طمانچہ ہے جو دولت کی غیر منصفانہ تقسیم کے ذمہ دار بھی ہیں اور کمزور طبقات کا دھڑلے سے استحصال بھی کرتے ہیں۔

اس ریڑھی والے کی طرح اگر کامل یقین سے کوئی غربت کا عذاب خاموشی سے سہہ رہا ہے تو اسے اللہ تعالیٰ نے اپنے رسول نبی کریمؐ کے معلمانہ اور کریمانہ اخلاق کے وسیلے سے اتنی قوت برداشت دی ہوئی ہے۔ ورنہ وہ کبھی کا اخلاقی قدروں پر سمجھوتہ کر چکا ہوتا۔

🔘 اختتام پر ایک مغربی مفکر کا قول پیش کرتے ہیں غالباً گوئٹے نے کہا تھا کہ اگر تم کسی کے پاس دو کوٹ دیکھو تو جان لو کہ دوسرا کوٹ اس شخص کا ہے جس کے پاس کوئی کوٹ نہیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

منقول۔۔۔

https://t.me/islamwitheman
⭕ ISLAM WITH EMAN ⭕

💐آپ نماز کیوں پڑھتے ہیں۔؟💐

آپ نماز کیوں پڑھتے ہیں۔؟
یہ سوال میری لائف کا بہت مشکل سوال ثابت ہوا۔
فرض ہے۔۔،؟
شکر ادا کرنے کے لئے۔۔،؟
خدا ہے ہی اس قابل۔۔،؟
جہنم کے خوف سے۔۔،؟
یہ وہ جواب ہیں جو مجھے اس کے جواب میں ملتے۔

ایک ٹائم تھا جب میں نماز جہنم کے خوف سے پڑھتا تھا،
جہنم کا خوف مجھے اٹھا کے نماز کے لئے جا کھڑا کرتا تھا،
پر مجھے وہ نماز فرض کی ادائیگی کبھی بھی نہ لگ سکی۔
پھر مجھ سے نماز نہ تو آرام سے پڑھی جاتی تھی، اور نہ یکسوئی سے،
پھر خوف بھی کم ہوتا گیا۔

پھر جنّت کا بیان پڑھا تو اس کو پا لینے کی چاہ جاگی۔
میں پھر سے نماز پڑھنے لگا۔
مگر یہ بھی چند دن ہی رہی کیفیت۔

اپنے ابّا جی سے کہا تو بولے۔۔
بیٹا اس نے دنیا کی ھر نعمت سے نوازا ہے تم ان کا شکر ادا کرنے کے لئے پڑھا کرو۔
ذہن میں یہ رکھ کر بھی نماز پڑھ لی۔
دل کی حالت اب بھی وہی تھی۔

پھر ایک دن بہت عجیب بات ہوئی۔۔
میں جائے نماز پہ کھڑا ہوا اور مجھے نماز بھول گئی۔
بہت یاد کرنے کی کوشش کی۔
بھلا نماز ہم کیسےبھول سکتےہیں؟
مجھے خود پہ بہت رونا آیا۔
اور میں وہیں بیٹھ کے رونے لگا۔
تو مجھے لگا کوئی تسلی دینے والا ہاتھ ہے میرے سر پہ،، جیسے بچہ رو رہا ہو تو ہم سر پہ ہاتھ رکھ کے دلاسا دیتے ہیں،
مجھے لگا کوئی پوچھ رہا ہے، کہ کیا ہوا۔؟ میں نے کہا نماز یاد نہیں۔
تو جیسے پوچھا گیا ،،، تَو ؟
میں حیران پریشان ،، اس تَو کا جواب تو میرے پاس بھی نہیں تھا شائد ،،
پھر لگا کوئی مسکرا یا ہو ،، اور کہا ہو ،
نماز کیوں پڑھتے ہو ، ؟
خوف سے ؟
پر وہ تو غفور ہے ، رحیم ہے ، پھر خوف کیسا ؟
جنّت کے واسطے ؟ پر وہ تو درگزر فرماتا ہے ،،
شکر ادا کرنا ہے ؟ اسےضرورت نہیں ،،،،
فرض ہے؟ تو زمین پہ سر ٹکرانے کو نماز نہیں کہا جاتا ،
وہ اس قابل ہے ؟ تم کیا جانو وہ کس قابل ہے ،،،،
میرے پاس الفاظ ختم، میں بس اس آواز میں گم ،،،،،
وہ جو ہے نہ ،،،
وہ تم سے کلام چاہتا ہے ،
تم اسی کو دوست مانو ، اسی سے مشورہ کرو ،
اسی کو داستان سناؤ ،،،
جیسے اپنے دوست کو سناتے ہو ، دل کی بیقراری کم ہوگی ،
پھر نماز میں سکون ملے گا ،،،،،
میری آنکھ کھلی ، وہ یقیناً خواب تھا ،
میں نے دوبارہ سے وضو کر کے نماز شروع کی،
نماز خود بخود ادا ہوتی چلی گئی ،،،،،
دل میں سکون آتا چلا گیا ،
مگر میرا دل سجدے سے سر اٹھانے کو نہ کرے ، مجھے لگا میرے پاس ہے وہ ، مجھ سے بات کر رہا ہے ،
پھر اپنے دل کی ساری باتیں ہوتی چلی گیئں ،،
گرہیں کھلتی گیئں ،
سکون ملتا گیا ،،،
آسانیاں ہوتی گیئں ،،،
پھر آنکھ اذان سے پہلے کھلتی ،
محبوب سے ملاقات کا انتظار رہنے لگا ،
فرض کے ساتھ نفلی نمازیں بھی ادا ہوتی گیئں ،
اللہ کا کرم ہو گیا ،

براہ مہربانی تحریر کو شیئر کریں اس سے حوصلے بڑھتے ہیں اور جوش آتا ہے ــــــــــــ آپکا شیئر پہ زیادہ وقت نہیں لگے گا بس دو تین سیکنڈ ہی لگیں گے۔

منقول۔۔۔

https://t.me/islamwitheman
🔵 ISLAM WITH EMAN 🔵

🔷 نماز میں قرائت بالجہر اور بالاخفات 🔷

فقہ جعفریہ میں نماز کی قرائت کے اعتبار سے دو اصطلاحیں استعمال ہوتی ہیں:

1. بالجہر (Jahri): بلند آواز سے پڑھنا، یعنی قرائت کو قریب والے شخص کو سنائی دے۔

2. بالاخفات (Ikhfati):
آہستہ اور سرگوشی کے انداز میں پڑھنا، یعنی آواز کو اتنا پست رکھنا کہ خود سن سکے۔

شریعت میں بعض نمازوں میں جہر واجب ہے اور بعض میں اخفات واجب ہے۔ جان بوجھ کر اس کے خلاف عمل کرنے سے نماز باطل ہو جاتی ہے۔

1. نمازِ فجر
نماز فجر کی دونوں رکعتیں *جہری* ہیں۔
یعنی پہلی اور دوسری رکعت میں سورہ الحمد اور اس کے بعد والی سورت *بلند آواز سے* پڑھنا واجب ہے، بسم اللہ سمیت کیونکہ بسم اللہ سورہ کا جز ہے۔

2. نمازِ ظہر و عصر
ظہر اور عصر کی چاروں رکعتیں *اخفاتی* ہیں۔
چاروں رکعتوں میں سورہ الحمد اور دوسری سورت *آہستہ* پڑھنا واجب ہے۔ اگر جان بوجھ کر بلند آواز سے پڑھے گا تو نماز باطل ہے۔

3. نمازِ مغرب
مغرب کی 3 رکعت ہیں:
- پہلی دو رکعتیں *جہری* - الحمد اور سورت بلند آواز سے
- تیسری رکعت *اخفاتی* - اس میں یا تو صرف سورہ الحمد آہستہ پڑھیں یا تسبیحات اربعہ (سبحان اللہ والحمد للہ ولا الہ الا اللہ واللہ اکبر) تین مرتبہ آہستہ پڑھیں۔

4. نمازِ عشاء
عشاء کی 4 رکعت ہیں:
- پہلی دو رکعتیں *جہری* - الحمد اور سورت بلند آواز سے
- آخری دو رکعتیں *اخفاتی* - الحمد یا تسبیحات اربعہ آہستہ

🔷 اہم تنبیہات:
1. *رکوع و سجود کے اذکار:* رکوع (سبحان ربی العظیم وبحمدہ) اور سجود (سبحان ربی الاعلیٰ وبحمدہ) کا ذکر جہری اور اخفاتی دونوں نمازوں میں جہر و اخفات دونوں طرح پڑھا جا سکتا ہے، البتہ احتیاط مستحب ہے کہ جہری نماز میں بھی ان اذکار کو آہستہ نہ پڑھا جائے تو بہتر ہے، مگر واجب نہیں۔
2. *آواز کا اعتدال:* جہری نماز میں اتنا بلند نہ پڑھے کہ ساتھ والے نمازی کو تکلیف ہو یا وہ اپنی نماز بھول جائے۔ اتنی آواز کافی ہے کہ اپنے قریب والے کو سنائی دے جائے۔
3. *بھول جانے کا حکم:* اگر بھول کر جہری نماز کو اخفاتی یا اخفاتی کو جہری پڑھ دے تو نماز صحیح ہے، دوبارہ پڑھنے کی ضرورت نہیں۔ باطل اس صورت میں ہے جب جان بوجھ کر اور عمداً خلاف ورزی کرے۔

اللہ کریم ہمیں احکامِ شریعت کے مطابق درست نماز پڑھنے کی توفیق عطا فرمائے۔ آمین یا رب العالمین۔

حوالہ جات:
توضیح المسائل - آیت اللہ سید علی سیستانی (دام ظلہ)، مسئلہ نمبر 979، 980، 981:

https://t.me/islamwitheman
🔵 ISLAM WITH EMAN 🔵

🔷 یہ مجتہد کہاں سے آ گئے؟ 🔷

سوال= غدیر میں رسول اللہ (ص) نے فرمایا تھا کہ میں تمہارے درمیان دو چیزیں چھوڑ کر جا رہا ہوں ایک قرآن اور دوسرے اہلبیتؑ، پھر یہ تیسرا مجتہد کہاں سے آ گئے؟
جب دین مکمل ہوگیا تو دین کے مسائل قرآن و حدیث سے کیوں نہیں بتائے جاتے؟ اس تقلید نے ہمیں قرآن و حدیث اور اھلبیتؑ سے دور کر دیا ہے۔

جواب= سیدھا اور مختصر جواب یہی ہے کہ مجتھد آپ کیلئے قرآن و اہلبیتؑ کے فرامین پہنچانے کا ایک ذریعہ ہے۔
● تاکہ آپ کو خود سے عربی نہ سیکھنا پڑے۔
● تاکہ آپ کو خود اہلبیتؑ کی بیان کردہ تفاسیر نہ پڑھنا پڑیں۔
● تاکہ آپ کو خود سے اہلبیتؑ کے فرامین پر مشتمل کتابوں کے بارے میں تحقیق نہ کرنا پڑے کہ کونسی کتاب درست ہے اور کونسی درست نہیں۔
● تاکہ آپ کو خود سے اہلبیتؑ کے فرامین پہنچانے والے راویوں کے بارے میں تحقیق نہ کرنا پڑے کہ کونسا جھوٹا ہے اور کونسا سچا، کس کا حافظہ کمزور ہے اور کس کا ٹھیک۔

جی ہاں! اس مجتھد کی تحقیق پر اعتماد کرنا اور اس کی تقلید کرنا ہی حرام ہے جو قرآن و محمد و آل محمدؑ کے فرامین سے ہٹ کر اپنی ذاتی رائے اور وھم و گمان کی بنیاد پر فتویٰ دے۔

🔘 مجتھد کی تقلید کا مطلب ہی محمد وآل محمدؑ کے حکم کو تلاش کرنے کیلئے ایک وسیلے پر بھروسہ کرنا ہے اور مجتھد کی تقلید غیر معصوم کی اطاعت نہیں بلکہ معصوم کے حکم کو مجتھد کے واسطے سے سمجھ کر اس پر عمل کرنے کا نام ہے۔

■ کس نے کہا کہ تقلید نے لوگوں کو قرآن و حدیث سے دور کر دیا۔ ہم سیدھا قرآن و حدیث سے سمجھنا چاہتے ہیں اور یہ درمیان میں مجتھد کو لا کر تم ہمیں قرآن وحدیث کے سمجھنے سے روک رہے ہو؟
تو میرے بھائی کسی نے بھی آپ کو قرآن و حدیث سے اللہ تعالیٰ کے حکم کو سمجھنے سے نہیں روکا بس شرط یہ ہے کہ آپ ڈائریکٹ قرآن و حدیث کو خود سے سمجھیں، درمیان میں کسی مجتھد کی تحقیق یا کسی محقق کی بات یا کسی مترجم کی بات پر اعتماد نہ کریں۔ (یعنی خود سے مجتھد بن جائیں)

● اگر آپ قرآن کا ترجمہ پڑھ کر سمجھ رہے ہیں تو مطلب آپ مترجم صاحب پر اعتماد کر رہے ہیں نہ کہ خود قرآن کو ڈائریکٹ سمجھ رہے ہیں۔
تو یہاں پر بھی کہیئے کہ یہ درمیان میں مترجم کہاں سے آ پڑا۔ اس مترجم صاحب نے بھی مجتھد کی طرح ہمیں ڈائریکٹ قرآن کو سمجھنے سے محروم کر دیا۔
● اچھا آپ کہیں گے کہ ہم چھ ماہ عربی کا کورس کر لیں گے اور پھر خود قرآن کا ترجمہ کر کے اسے سمجھیں گے
تو میرے بھائی پھر بھی آپ عربی ڈکشنری کھول کر دیکھیں گے تو مطلب آپ عربی ڈکشنری والے کی بات مان رہے ہیں جبکہ عربی ڈکشنری لکھنے والا بندہ بھی ہم جیسا ہے، وہ بھی معصوم نہیں تو یہاں پر بھی کہیے کہ ہم تو قرآن سے ڈائریکٹ سمجھنا چاہ رہے تھے اور یہ عربی ڈکشنری والے کی بات درمیان میں ماننی پڑ رہی ہے۔

یاد رکھیے! ہمارے تمام مجتھدین کا اس بات پر اتفاق ہے کہ ڈکشنری والے کا بتایا گیا معنیٰ آپ کے لئے قابلِ اعتماد نہیں بلکہ خود آپ کو پرانے عربی ادب کی کتابیں، پرانے عربی اشعار اٹھا کر دیکھنے ہوں گے اور یہ اطمئنان حاصل کرنا ہوگا کہ جو معنی اس ڈکشنری والے بتایا، معصوم کے زمانے میں کیا واقعا اس لفظ کو اس معنیٰ میں بولا جاتا تھا یا نہیں؟
اگر بولا جاتا تھا تو کن حالات میں اور کس پرائے میں؟
اور اگر کسی اور معنیٰ میں بھی بولا جاتا تھا تو کن حالات میں اور کس سیاق و سباق میں؟
اور ابھی قرآن نے جس معنیٰ میں استعمال کیا تو کن حالات میں اور کونسے قرآئن کے ساتھ؟
(کیونکہ بعض اوقات عربی لفظ کے بہت سارے معنیٰ ہوتے ہیں اوریہ سمجھنے کے لئے کہ بولنے والے کا کونسا معنیٰ مراد ہے ہمیں سیاق و سابق اور دیگر حالات کو دیکھنا پڑتا ہے)

پس ان سب باتوں کو سمجھنے کے بعد مطلب عربی ادب میں مہارت اور پی ایچ ڈی کرنے کے بعد آپ کہہ سکتے ہیں کہ میں قرآن سے ڈائریکٹ سمجھ رہا ہوں اور درمیان میں کسی غیر معصوم کی کوئی بات نہیں ہے۔ تو میرے بھائی یہی تو اجتھاد ہے۔

اور جب قرآن صامت کو سمجھنے کے لئے یہی عربی ادب ضروری ہے تو قرآن ناطق (محمد وآل محمدؑ کے فرامین) کو سمجھنے کے لئے بھی ضروری ہے۔ چونکہ قرآن ناطق بھی عربی میں ہے بلکہ اس سے بڑھ کر۔ چونکہ محمد وآل محمدؑ کے فرامین میں دیگر فرامین کو بھی داخل کر دیا گیا ہے لہذا آپ کو یہ مہارت بھی حاصل کرنی ہوگی کہ محمد و آل محمدؑ کے فرامین کو بیان کرنے والا کون ہے؟
کیا وہ سچا ہے یا جھوٹا؟
کیا اس کا حافظہ درست تھا یا نہیں؟
کیا وہ دیندار تھا یا دنیا کا لالچی؟
اور یوں آپ کو کم ازکم ایک اندازے کے مطابق ایک ہزار راویوں کے حالات زندگی پر بھی تحقیق کرنا ہوگی۔ اس کے علاوہ یہ بھی جاننا ہوگا کہ امام معصوم نے جب یہ ارشاد فرمایا تو حالات کیا تھے؟ امام کی مراد کیا تھی؟ ان سب کو جاننے کے لئے آپ کو تاریخی حالات بھی پڑھنا ہوں گے۔

🔘 پس یا تو خود قرآن و حدیث سے سیکھو۔ (یعنی مجتھد بنو)
یا پھر جو سیکھ لے اس کی تحقیق پر اعتماد کر لو۔ (یعنی تقلید کر لو)

https://t.me/islamwitheman
⭕ ISLAM WITH EMAN ⭕

🌹 جان بوجھ کر دھوکہ کھانا 🌹

میرے قرآن پاک پڑھانے والی استاد جی بچوں میں پھل بانٹ رہے تھے ایک بچا بار بار لائن میں چلا آتا میں یہ منظر کافی دیر سے دیکھ رہا تھا
( واضح رہے میرے استاد جی نابینا ہیں )
اب میں جو کافی دیر سے یہ تماشا دیکھ رہا تھا نہ جانے کونسی غیبی طاقت نے میرے قدم جکڑ رکھے تھے ورنہ میں اس بچے کو ضرور ایسا کرنے سے منع کرتا کیوں کہ باقی بچوں کے ہاتھوں میں ایک ایک فروٹ تھا پر وہ کمزور سا چڑیا جیسا بچہ اچھے خاصے آم اور تربوز اپنے تھیلے میں ڈال چکا تھا اور حیرانگی مجھے اس بات پر بھی ہوئی کہ استاد جی کے پاس اگر دوبارہ کوئی بچا آتا جو پہلے لے جا چکا ہو تو استاد جی اسکے گال کھینچتے اور بھگا دیتے پر اسے نہ جانے کیسے نہیں پہچان پا رہے تھا یا وہ کیسے چکمہ دے جاتا تھا جب کہ آج تک مجھ جیسا بھگوڑا انہیں چکمہ نہیں دے پایا خیر دل میں ایک عجیب سی خوشی بھی تھی کوئی تو ہے جس سے استاد جی چکمہ کھا گۓ..
خیر جب فروٹ ختم تماشا ہضم ہوگیا تو میں استاد جی کے پاس چلا گیا جو اپنے گھر کی طرف واپس جا رہے تھے خیر میں نے راستے میں ہی انکو آ لیا اور کہنے لگا ..
" بادشاہ لوگو میرا حصّہ کہاں ہے ابھی اتنا بڑا تو نہ ہوا میں ..."
استاد جی مسکراۓ اور کہنے لگے ..
" میرے نالائق پتر پھل تو محنت کرنے والوں کو ملتا ہے تماشے دیکھنے والے خالی ہاتھ ہی رہ جاتے ہیں تیری طرح ..."
( میرے استاد چاہے میرے سوہنے باوا جی ہوں یا میرے پیرے استاد جی پتا نہیں کہاں کہاں سے لفظوں کے جوڑ ڈھونڈ لاتے ہیں کہ میں لاجواب ہی ہوجاتا ہوں ..)
خیر میں انکے ساتھ چلتا رہا آج شاید انہیں تنگ کرنے کا ارادہ بن رہا تھا میرا ..
" ارے استاد جی بہت افسوس کی بات ہے ایک چھوٹا سا بچہ آج ہاتھ کر گیا آپکے ساتھ ."
کونسا بچہ ؟؟ اچھا کہیں تو اس چڑیا کی تو بات نہیں کر رہا جو ہاتھ میں بورا لئے بار بار گھوم کر آرہا تھا اپنا حصّہ وصول کرنے ؟؟
میں نے ایک نظر استاد جی کی طرف دیکھا اور سوچا یار یہ واقعی آنکھوں سے نہیں دیکھ سکتے کیا ؟
جی استاد جی اسی کی بات کر رہا ہوں
" نہیں پتر وہ چکمہ نہیں دے رہا تھا میں چکمہ کھا رہا تھا .. یہ جو باقی بچے تھے نا روزے خور یہ تو خود ہی آم چوپتے اور پھر گھر والوں کے ساتھ بیٹھ جاتے پر اس بچے کو اپنے گھر والوں کا خیال تھا یہ جو پیچھے جھگیاں ہیں نا وہاں سے آتا ہے یہ اور میں روز اس سے دھوکہ کھاتا ہوں اب تو کچھ نشہ سا لگ گیا ہے ..
جہانگیر پتر کبھی ایسے بچوں سے دھوکہ کھا کر دیکھ تیری پریشانیاں کیسے دھوکہ کھا کر تجھ سے راستہ بدل لیں گی تو سوچ بھی نہیں سکتا ..

📚ملک جہانگیر اقبال کی کتاب "پیچیدہ تخلیق" سے اقتباس)۔

https://t.me/islamwitheman
🔵 ISLAM WITH EMAN 🔵

👹 شیطان کے پھندے (اخلاق) 👹

💥ﮐﮩﺘﮯ ﮨﯿﮟ ﮐﮧ ﺍﯾﮏ ﺩﻥ ﺷﯿﻄﺎﻥ ﺑﯿﭩﮭﺎ ﺭﺳﯿﻮﮞ ﮐﮯ ﭘﮭﻨﺪﮮ ﺗﯿﺎﺭ ﮐﺮ ﺭﮨﺎ ﺗﮭﺎ .. ﮐﭽﮫ ﻣﻮﭨﯽ ﻣﻮﭨﯽ ﺭﺳﯿﻮﮞ ﮐﮯ ﭘﮭﻨﺪﮮ ﺗﮭﮯ' ﮐﭽﮫ ﺑﺎﺭﯾﮏ ﺍﻭﺭ ﮐﻤﺰﻭﺭ ﺭﺳﯿﻮﮞ ﮐﮯ ﭘﮭﻨﺪﮮ ﺗﮭﮯ.. ﻭﮨﺎﮞ ﺳﮯ ﺍﯾﮏ ﻋﻠﻢ ﻭﺍﻟﮯ ﮐﺎ ﮔﺬﺭ ﮨﻮﺍ ﺗﻮ ﺍﺱ ﻧﮯ ﺷﯿﻄﺎﻥ ﺳﮯ ﭘﻮﭼﮭﺎ " ..ﺍﺭﮮ ﺍﻭ ﺩﺷﻤﻦ ﺍﻧﺴﺎﮞ ! ﯾﮧ ﮐﯿﺎ ﮐﺮ ﺭﮮ ﮨﻮ.. ؟"
ﺷﯿﻄﺎﻥ ﻧﮯ ﺳﺮ ﺍﭨﮭﺎ ﮐﺮ ﺩﯾﮑﮭﺎ ﺍﻭﺭ ﺍﭘﻨﺎ ﮐﺎﻡ ﺟﺎﺭﯼ ﺭﮐﮭﺘﮯ ﮨﻮﺋﮯ ﺑﻮﻻ.. "ﺩﯾﮑﮭﺘﮯ ﻧﮭﯿﮟ ﺣﻀﺮﺕ ﺍﻧﺴﺎﻧﻮﮞ ﮐﻮ ﻗﺎﺑﻮ ﮐﺮﻧﮯ ﮐﮯ ﻟﯿﮯ ﭘﮭﻨﺪﮮ ﺗﯿﺎﺭ ﮐﺮ ﺭﮨﺎﮨﻮﮞ "..
ﺍﻥ ﺣﻀﺮﺕ ﻧﮯ ﭘﻮﭼﮭﺎ.. "ﯾﮧ ﮐﯿﺴﮯ ﭘﮭﻨﺪﮮ ﮨﯿﮟ ﮐﭽﮫ ﻣﻮﭨﮯ ﮐﭽﮫ ﮨﻠﮑﮯ .. ؟"
ﺷﯿﻄﺎﻥ ﻧﮯ ﺟﻮﺍﺏ ﺩﯾﺎ.. "ﭘﮭﻨﺪﮮ ﺍﻥ ﻟﻮﮔﻮﮞ ﮐﮯ ﻟﯿﮯ ﮨﯿﮟ ﺟﻮ ﺷﯿﻄﺎﻥ ﮐﯽ ﺑﺎﺗﻮﮞ ﻣﯿﮟ ﻧﮩﯿﮟ ﺁﺗﮯ.. ﻟﮩﺬﺍﻣﺨﺘﻠﻒ ﻗﺴﻢ ﮐﮯ ﭘﮭﻨﺪﮮ ﺗﯿﺎﺭ ﮐﺮﻧﮯ ﭘﮍﺗﮯ ﮨﯿﮟ .. ﮐﭽﮫ ﺧﻮﺷﻨﻤﺎ' ﮐﭽﮫ ﻣﻮﭨﮯ' ﮐﭽﮫﺑﺎﺭﯾﮏ "..
ﺍﻥ ﺣﻀﺮﺕ ﮐﮯ ﺩﻝ ﻣﯿﮟ ﺗﺠﺴﺲ ﭘﯿﺪﺍ ﮨﻮﺍ.. ﭘﻮﭼﮭﺎ .. "ﮐﯿﺎ ﻣﯿﺮﮮ ﻟﯿﮯ ﺑﮭﯽ ﮐﻮﺋﯽ ﭘﮭﻨﺪﺍ ﮨﮯ.. ؟ "
ﺷﯿﻄﺎﻥ ﻧﮯ ﺳﺮ ﺍﭨﮭﺎ ﮐﺮ ﻣﺴﮑﺮﺍﺗﮯ ﮨﻮﺋﮯ ﮐﮩﺎ.. " ﺁﭖ ﻋﻠﻢ ﻭﺍﻟﻮﮞ ﮐﮯ ﻟﯿﮯ ﻣﺠﮭﮯ ﭘﮭﻨﺪﮮ ﺗﯿﺎﺭ ﻧﮩﯿﮟ ﮐﺮﻧﮯ ﭘﮍﺗﮯ .. ﺁﭖ ﻟﻮﮔﻮﮞ ﮐﻮ ﺗﻮ ﻣﯿﮟ ﭼﭩﮑﯿﻮﮞ ﻣﯿﮟ ﮔﮭﯿﺮ ﻟﯿﺘﺎ ﮨﻮﮞ.. ﻋﻠﻢ ﮐﺎ ﺗﮑﺒﺮ ﮨﯽ ﮐﺎﻓﯽ ﮨﮯ ﺁﭖ ﻟﻮﮔﻮﮞ ﮐﻮ ﭘﮭﺎﻧﺴنےﮐﮯ ﻟﯿﮯ "..
ﺍﻥ ﺣﻀﺮﺕ ﻧﮯ ﺣﯿﺮﺍﻥ ﮨﻮ ﮐﺮ ﭘﻮﭼﮭﺎ.. " ﭘﮭﺮ ﯾﮧ ﻣﻮﭨﮯ ﭘﮭﻨﺪﮮ ﮐﺲ ﮐﮯ ﻟﯿﮯ ﮨﯿﮟ .. ؟"
ﺷﯿﻄﺎﻥ ﻧﮯ ﮐﮩﺎ.. "ﻣﻮﭨﮯ ﭘﮭﻨﺪﮮ ﺍﺧﻼﻕ ﻭﺍﻟﻮﮞ ﮐﮯ ﻟﯿﮯ ﮨﯿﮟ ﺟﻨﮑﮯ ﺍﺧﻼﻕ ﺍﭼﮭﮯ ﮨﯿﮟ.. ﺍﻥ ﭘﺮ ﻗﺎﺑﻮ ﭘﺎﻧﺎ ﻣﺸﮑﻞ ﮨﻮﺗﺎ ﮨﮯ ..
ﺍﺳﯽ ﻟﯿﮯ ﺣﺪﯾﺚ ﺷﺮﯾﻒ ﻣﯿﮟ ﮨﮯ ﮐﮧ ﺍﻋﻤﺎﻝ ﻣﯿﮟ ﺳﺐ ﺳﮯ ﺯﯾﺎﺩﮦ ﻭﺯﻧﯽ ﭼﯿﺰ ﺍﺧﻼﻕ ﮨﻮﮔﺎ.

ﺍﻟﻠﻪ ﮨﻢ ﺳﺐ ﮐﻮ ﺑﮩﺘﺮﯾﻦ ﺍﺧﻼﻕ ﻭﺍﻻ ﺑﻨﺎ ﺩﮮ،الہی آمین

🌹 پوسٹ پسند آئے تو شیئر ضرور کیجیے۔

http://t.me/islamwitheman
⭕ ISLAM WITH EMAN ⭕

👈 عجیب مرد 👉

اس نے سگریٹ کا ایک کش لگایا اور اپنی محبوبہ کی تصویر بٹوے سے نکال کر دوستوں کو دکھانے لگا اور بولا ۔۔۔!!چیک کر یار کیا کمال کا پیس ہے۔۔! ہونٹ چیک کر یار کیسے ہیں۔ بس ترے بھائی پر مرتی ہے۔۔! ایک دوست بولا شادی کا ارادہ ہے؟ تو وہ قہقہہ لگا کر بولا ابے نہیں یار ، یہ صرف ٹائم پاس ہے۔ بس تھوڑا انجوائے کروں گا۔ مستی کروں گا اور پھر چھوڑ دوں گا۔ میں گرائونڈ میں پاس ہی بیٹھا ان کی باتیں سن رہا تھا ۔ فوراً اٹھا اور ان کے پاس چلا گیا اور اس لڑکے سے بولا۔
، کیا تم یہاں سب کے سامنے اپنے کپڑے اتار سکتے ہو ؟ تو ایک دم غصے میں بولا کہ جناب آپ کا دماغ خراب ہے کیا؟ میں پاگل ہوں جو سب کے سامنے بے لباس ہو جائوں۔ تو میں بولا کہ تم ایک لڑکی کو سب کے سامنے بے لباس کر رہے ہو ۔ اس کا صرف یہ قصور ہے کہ وہ تم سے محبت کر بیٹھی ہے یہ ٹھیک ہے کہ اس کی بھی غلطی ہے لیکن اس کا مطلب یہ تو نہیں کہ تم اس کی عزت یوں سرعام دوستوں میں بیٹھ کر لوٹتے رہو۔ میں یہ کہہ کر وہاں سے پلٹ آیا اور گھر آتے ہوئے سوچتا رہا کہ ہم مرد کتنے عجیب ہوتے ہیں۔

عورت کی عزت اپنی نظر سے ہی لوٹ لیتے ہیں اور پھر بھی عورت کو قصور وار ٹھہراتے ہیں ، جس مرد کیلئے محبت صرف لباس اتارنے کا نام ہو تو اس کی نظر میں اس کی محبوبہ اور طوائف میں کوئی فرق نہیں اور ایسے مرد کبھی اچھے شوہر نہیں بن سکتے کیونکہ۔۔۔!

آپ بھی ذرا غور کریئے گا۔

https://t.me/islamwitheman
🔵 ISLAM WITH EMAN 🔵

👈اگر اللہ تعالیٰ میرا حساب لے گا تو میں اس کا حساب لونگا۔

یہ واقعہ اہلسنت کی کتاب مسند احمد بن حنبل میں درج ہے۔ اللہ تعالٰی کی رحمت کے بارے میں۔

ﺍﯾﮏ ﻣﺮﺗﺒﮧ ﮐﺎ ﻭﺍﻗﻌﮧ ﮨﮯ ﮐﮧ ﺳﯿﺪ ﺍﻻﻧﺒﯿﺎﺀ ﻧﺒﯽ ﺍﮐﺮﻡ ﺻﻠﯽ ﺍﻟﻠﮧ ﻋﻠﯿﮧ وآلہ ﻭﺳﻠﻢ ﻃﻮﺍﻑ ﻓﺮﻣﺎ ﺭﮨﮯ ﺗﮭﮯ. ﺍﯾﮏ ﺍﻋﺮﺍﺑﯽ ﮐﻮ ﺍﭘﻨﮯ ﺁﮔﮯ ﻃﻮﺍﻑ ﮐﺮﺗﮯ ﮨﻮﺋﮯ ﭘﺎﯾﺎ ﺟﺲ ﮐﯽ ﺯﺑﺎﻥ ﭘﺮ "ﯾﺎﮐﺮﯾﻢ ﯾﺎﮐﺮﯾﻢ" ﮐﯽ ﺻﺪﺍ ﺗﮭﯽ۔ ﺣﻀﻮﺭ ﺍﮐﺮﻡ (ص) ﻧﮯ ﺑﮭﯽ ﭘﯿﭽﮭﮯ ﺳﮯ ﯾﺎﮐﺮﯾﻢ ﭘﮍﮬﻨﺎ ﺷﺮﻭﻉ ﮐﺮﺩﯾﺎ۔ ﻭﮦ ﺍﻋﺮﺍﺑﯽ ﺭُﮐﻦ ﯾﻤﺎﻧﯽﮐﯽ ﻃﺮﻑ ﺟﺎﺗﺎ ﺗﻮ ﭘﮍﮬﺘﺎ ﯾﺎﮐﺮﯾﻢ، ﺳﺮﮐﺎﺭﺩﻭﻋﺎﻟﻢ ﺑﮭﯽ ﭘﯿﭽﮭﮯ ﺳﮯ ﭘﮍﮬﺘﮯ ﯾﺎﮐﺮﯾﻢ۔ ﻭﮦ ﺍﻋﺮﺍﺑﯽ ﺟﺲ ﺳﻤﺖ ﺑﮭﯽ ﺭﺥ ﮐﺮﺗﺎ ﺍﻭﺭ ﭘﮍﮬﺘﺎ ﯾﺎﮐﺮﯾﻢ،، ﺳﺮﮐﺎﺭ ﺑﮭﯽ ﺍﺱ ﮐﯽ ﺁﻭﺍﺯ ﺳﮯ ﺁﻭﺍﺯ ﻣﻼﺗﮯﮨﻮﺋﮯ ﯾﺎﮐﺮﯾﻢ ﭘﮍﮬﺘﮯ........
ﺍﻋﺮﺍﺑﯽ ﻧﮯ ﺗﺎﺟﺪﺍﺭ ﮐﺎﺋﻨﺎﺕ ﺻﻠﯽ ﺍﻟﻠﮧ ﻋﻠﯿﮧ وآلہ ﻭﺳﻠﻢ ﮐﯿﻄﺮﻑ ﺩﯾﮑﮭﺎ ﺍﻭﺭ ﮐﮩﺎ ﮐﮧ ﺍﮮ
ﺭﻭﺷﻦ ﭼﮩﺮﮮ ﻭﺍﻟﮯ ﺍﮮ ﺣﺴﯿﻦ ﻗﺪ ﻭﺍﻟﮯ! ﺍﻟﻠﮧ ﮐﯽ ﻗﺴﻢ ﺍﮔﺮ ﺁﭖ ﮐﺎ ﭼﮩﺮﮦ ﺍﺗﻨﺎ ﺭﻭﺷﻦ ﺍﻭﺭ ﻋﻤﺪﮦ ﻗﺪ ﻧﮧ ﮨﻮﺗﺎ ﺗﻮ ﺁﭖ ﮐﯽ ﺷﮑﺎﯾﺖ ﺍﭘﻨﮯ ﻣﺤﺒﻮﺏ ﻧﺒﯽ ﮐﺮﯾﻢ ﮐﯽ ﺑﺎﺭﮔﺎﮦ ﻣﯿﮟ ﺿﺮﻭﺭ ﮐﺮﺗﺎ ﮐﮧ ﺁﭖ ﻣﯿﺮﺍ ﻣﺬﺍﻕ ﺍﮌﺍﺗﮯ ﮨﯿﮟ..........
ﺳﯿﺪ ﺩﻭ ﻋﺎﻟﻢ ﺻﻠﯽ ﺍﻟﻠﮧ ﻋﻠﯿﮧ وآلہ ﻭﺳﻠﻢ ﻣﺴﮑﺮﺍﺋﮯ ﺍﻭﺭ ﻓﺮﻣﺎﯾﺎ ﮐﮧ ﮐﯿﺎ ﺗﻮ ﺍﭘﻨﮯ ﻧﺒﯽ ﮐﻮ ﭘﮩﭽﺎﻧﺘﺎ ﮨﮯ؟
ﻋﺮﺽ ﮐﯿﺎ: ﻧﮩﯿﮟ۔
ﺁﭖ ﺻﻠﯽ ﺍﻟﻠﮧ ﻋﻠﯿﮧ وآلہ ﻭﺳﻠﻢ ﻧﮯ ﻓﺮﻣﺎﯾﺎ ﮐﮧ ﭘﮭﺮ ﺗﻢ ﺍﯾﻤﺎﻥ ﮐﯿﺴﮯ ﻻﺋﮯ؟
ﻋﺮﺽ ﮐﯿﺎ: ﺑِﻦ ﺩﯾﮑﮭﮯ ﺍﻥ ﮐﯽ ﻧﺒﻮﺕ ﻭ ﺭﺳﺎﻟﺖ ﮐﻮ ﺗﺴﻠﯿﻢ ﮐﯿﺎ، ﻣﺎﻧﺎ ﺍﻭﺭ ﺑﻐﯿﺮ ﻣﻼﻗﺎﺕ ﮐﮯ ﻣﯿﮟ ﻧﮯ ﺍﻧﮑﯽ ﺭﺳﺎﻟﺖ ﮐﯽﺗﺼﺪﯾﻖ ﮐﯽ۔
ﺁﭖؐ ﻧﮯ ﻓﺮﻣﺎﯾﺎ: ﻣﺒﺎﺭﮎ ﮨﻮ ﻣﯿﮟ ﺩﻧﯿﺎ ﻣﯿﮟ ﺗﯿﺮﺍ ﻧﺒﯽ ﮨﻮﮞ ﺍﻭﺭ ﺁﺧﺮﺕ ﻣﯿﮟ ﺗﯿﺮﯼ ﺷﻔﺎﻋﺖ ﮐﺮﻭﮞ ﮔﺎ۔
ﻭﮦ ﺣﻀﻮﺭ ﻋﻠﯿﮧ ﺍﻟﺴﻼﻡ ﮐﮯ ﻗﺪﻣﻮﮞ ﻣﯿﮟ ﮔﺮﺍ ﺍﻭﺭ ﺑﻮﺳﮯ ﺩﯾﻨﮯ ﻟﮕﺎ۔
ﺁﭖ ﻧﮯ ﻓﺮﻣﺎﯾﺎ:
ﻣﯿﺮﮮ ﺳﺎﺗﮫ ﻭﮦ ﻣﻌﺎﻣﻠﮧ ﻧﮧ ﮐﺮ ﺟﻮ
ﻋﺠﻤﯽ ﻟﻮﮒ ﺍﭘﻨﮯ ﺑﺎﺩﺷﺎﮨﻮﮞ ﮐﮯ ﺳﺎﺗﮫ
ﮐﺮﺗﮯ ﮨﯿﮟ۔۔۔۔۔۔۔۔۔۔ !
ﺍﻟﻠﮧ ﻧﮯ ﻣﺠﮭﮯ ﻣﺘﮑﺒﺮ ﻭﺟﺎﺑﺮ ﺑﻨﺎﮐﺮ ﻧﮩﯿﮟ
ﺑﮭﯿﺠﺎ ﺑﻠﮑﮧ ﺍﻟﻠﮧ ﻧﮯ ﻣﺠﮭﮯ ﺑﺸﯿﺮ ﻭ ﻧﺬﯾﺮ
ﺑﻨﺎﮐﺮ ﺑﮭﯿﺠﺎ ﮨﮯ۔۔۔۔۔۔!
ﺭﺍﻭﯼ کہتا ہے ﮐﮧ ﺍﺗﻨﮯ ﻣﯿﮟ ﺟﺒﺮائیل
ﻋﻠﯿﮧ ﺍﻟﺴﻼﻡ ﺁﺋﮯﺍﻭﺭ ﻋﺮﺽ ﮐﯿﺎ ﮐﮧ ﺍﻟﻠﮧ
ﺟﻞ ﺟﻼﻟﮧ ﻧﮯ ﺁﭖ ﮐﻮ ﺳﻼﻡ ﻓﺮﻣﺎﯾﺎ ﮨﮯ ﺍﻭﺭ
ﻓﺮﻣﺎﺗﺎ ﮨﮯ ﮐﮧ ﺍﺱ ﺍﻋﺮﺍﺑﯽ ﮐﻮ ﺑﺘﺎﺩﯾﮟ ﮐﮧ
ﮨﻢ ﺍﺳﮑﺎ ﺣﺴﺎﺏ ﻟﯿﮟ ﮔﮯ۔
ﺍﻋﺮﺍﺑﯽ ﻧﮯﮐﮩﺎ:
ﯾﺎ ﺭﺳﻮﻝ ﺍﻟﻠﮧ! ﮐﯿﺎ ﺍﻟﻠﮧ ﻣﯿﺮﺍ ﺣﺴﺎﺏ ﻟﮯ ﮔﺎ؟
ﻓﺮﻣﺎﯾﺎ: ﮨﺎﮞ، ﺍﮔﺮ ﻭﮦ ﭼﺎﮨﮯ ﺗﻮ ﺣﺴﺎﺏ ﻟﮯ
ﮔﺎ۔
ﻋﺮﺽ ﮐﯿﺎ ﮐﮧ ﺍﮔﺮ ﻭﮦ ﻣﯿﺮﺍ ﺣﺴﺎﺏ ﻟﮯ
ﮔﺎ ﺗﻮ ﻣﯿﮟ ﺍﺳﮑﺎ ﺣﺴﺎﺏ ﻟﻮﻧﮕﺎ۔
ﺁﭖ ﻧﮯ ﻓﺮﻣﺎﯾﺎ ﮐﮧ ﺗﻮ ﮐﺲ ﺑﺎﺕ ﭘﺮ ﺍﻟﻠﮧ ﺳﮯ
ﺣﺴﺎﺏ ﻟﮯ ﮔﺎ؟
ﺍﺱ ﻧﮯ ﮐﮩﺎ ﮐﮧ ﺍﮔﺮ ﻭﮦ ﻣﯿﺮﮮ ﮔﻨﺎﮨﻮﮞ ﮐﺎ
ﺣﺴﺎﺏ ﻟﮯ ﮔﺎ ﺗﻮ ﻣﯿﮟ ﺍﺳﮑﯽ ﺑﺨﺸﺶ ﮐﺎ
ﺣﺴﺎﺏ ﻟﻮﻧﮕﺎ۔ ﻣﯿﺮﮮ ﮔﻨﺎﮦ ﺯﯾﺎﺩﮦ ﮨﯿﮟ ﮐﮧ
ﺍﺳﮑﯽ ﺑﺨﺸﺶ؟
ﺍﮔﺮ ﺍﺱ ﻧﮯﻣﯿﺮﯼ ﻧﺎﻓﺮﻧﯿﻮﮞ ﮐﺎ ﺣﺴﺎﺏ ﻟﯿﺎ
ﺗﻮ ﻣﯿﮟ ﺍﺳﮑﯽ ﻣﻌﺎﻓﯽ ﮐﺎ ﺣﺴﺎﺏ ﻟﻮﻧﮕﺎ۔
ﺍﮔﺮ ﺍﺱ ﻧﮯ ﻣﯿﺮﮮ ﺑﺨﻞ ﮐﺎ ﺍﻣﺘﺤﺎﻥ ﻟﯿﺎ ﺗﻮ
ﻣﯿﮟ ﺍﺱ ﮐﮯ ﻓﻀﻞ ﻭ ﮐﺮﻡ ﮐﺎ ﺣﺴﺎﺏ
ﻟﻮﻧﮕﺎ۔

ﺣﻀﻮﺭ ﺍﮐﺮﻡ ﺳﯿﺪ ﻋﺎﻟﻢ ﺻﻠﯽ ﺍﻟﻠﮧ ﻋﻠﯿﮧ وآلہ
ﻭﺳﻠﻢ ﯾﮧ ﺳﺐ ﺳﻤﺎﻋﺖ ﮐﺮﻧﮯ ﮐﮯ ﺑﻌﺪ ﺍﺗﻨﺎ
ﺭﻭﺋﮯ ﮐﮧ ﺭﯾﺶ ﻣﺒﺎﺭﮎ ﺁﻧﺴﻮﺅﮞ ﺳﮯ ﺗﺮ ﮨﻮ
ﮔﺌﯽ۔ ﭘﮭﺮ ﺟﺒﺮﯾﻞ ﻋﻠﯿﮧ ﺍﻟﺴﻼﻡ ﺁﺋﮯ۔ ﻋﺮﺽ ﮐﯿﺎ : ﺍﮮ ﺍﻟﻠﮧ ﮐﮯ ﺭﺳﻮﻝ! ﺍﻟﻠﮧ ﺳﻼﻡ ﮐﮩﺘﺎ ﮨﮯ ﺍﻭﺭ ﻓﺮﻣﺎﺗﺎ ﮨﮯ ﮐﮧ ﺭﻭﻧﺎ ﮐﻢ ﮐﺮﯾﮟ۔ ﺁﭖ ﮐﮯ ﺭﻭﻧﮯ ﻧﮯ ﻓﺮﺷﺘﻮﮞ ﮐﻮ ﺗﺴﺒﯿﺢ ﻭ ﺗﺤﻠﯿﻞ ﺑﮭﻼ ﺩﯼ ﮨﮯ۔ ﺍﭘﻨﮯ ﺍﻣﺘﯽ ﮐﻮ ﮐﮩﯿﮟ ﻧﮧ ﻭﮦ ﮨﻤﺎﺭﺍ ﺣﺴﺎﺏ ﻟﮯ ﻧﮧ ﮨﻢ ﺍﺳﮑﺎ ﺣﺴﺎﺏ ﻟﯿﮟ ﮔﮯ ﺍﻭﺭ ﺍﺱ ﮐﻮ ﺧﻮﺷﺨﺒﺮﯼ ﺳﻨﺎﺩﯾﮟ ﯾﮧ ﺟﻨﺖ ﻣﯿﮟ ﺁﭖ ﮐﺎ ﺳﺎﺗﮭﯽ ﮨﻮﮔﺎ۔۔۔۔۔۔۔۔۔۔

ﮐﯿﺎ ﻋﻘﻞ ﻧﮯ ﺳﻤﺠﮭﺎ ﮨﮯ ﮐﯿﺎ ﻋﺸﻖ ﻧﮯ ﺟﺎﻧﺎ ﮨﮯ۔
ﺍﻥ ﺧﺎﮎ ﻧﺸﯿﻨﻮﮞ ﮐﯽ ﭨﮭﻮﮐﺮ ﻣﯿﮟ ﺯﻣﺎﻧﮧ
ﮨﮯ۔
۔
ﮐﺘﺎﺏ۔ ﻣﺴﻨﺪ ﺍﺣﻤﺪ ﺑﻦ ﺣﻨﺒﻞ

https://t.me/islamwitheman
🔵 ISLAM WITH EMAN 🔵

🌺 السلام عليكم 🌺
🌹 خوش رہیں اور مسکراتے رہیں 🌹

امریکہ میں ایک 26 سالہ نوجوان نے کلینیکل ٹرائل کے دوران 29 سادہ کیپسول کھا لیے جن میں کوئی دوا نہیں تھی۔ اسے لگا کہ اس نے زہریلی دوا کی اوور ڈوز کر لی ہے۔ اس خوف سے اس کا بلڈ پریشر اتنا گر گیا کہ اسے ہسپتال میں IV ڈرپ لگانی پڑی۔ جب ڈاکٹر نے بتایا کہ گولیاں تو نقلی تھیں، تو وہ چند منٹ میں ہی بالکل ٹھیک ہو گیا۔
(Reeves et al., General Hospital Psychiatry, 2007, PMID: 17484949)

ڈاکٹر والٹر کینن نے تحقیق میں لکھا ہے کہ بعض لوگ صرف اس شدید یقین سے بیمار ہو کر مر جاتے تھے کہ ان پر کسی نے جادو کر دیا ہے، حالانکہ جسمانی طور پر وہ بالکل صحت مند ہوتے تھے۔ خوف ہی ان کی موت بن جاتا تھا۔
(Cannon WB, Voodoo Death, American Anthropologist, 1942)

ہمارے ہر عمل سے مثبت یا منفی توانائی بنتی ہے اور وہ ہمارے جسم میں اسی کے مطابق ہارمونس تیار کرتی ہے...
بہت سی بیماریوں کی وجہ منفی سوچ ہو سکتی ہے.... آج انسان خود ہی اپنی منفی سوچ سے خود کو ختم کر رہا ہے..
اپنی سوچ ہمیشہ مثبت رکھیں اور سدا خوش رہیں..

25 سال کی عمر تک ہمیں یہ پرواہ نہیں ہوتی کہ لوگ کیا سوچیں گے..
50 سال کی عمر تک اسی ڈر میں جیتے ہیں کہ لوگ کیا سوچیں گے..
50 سال کے بعد پتہ چلتا ہے کہ ہمارے بارے میں کوئی سوچ ہی نہیں رہا تھا...
زندگی خوبصورت ہے... اس لیے ہمیشہ خوش رہیں...

یاد رکھیں!
صبر، شکر اور قناعت ایک عینک ہے. اگر آپ یہ عینک لگا لیں تو دنیا بڑی خوبصورت نظر آئے گی اور آپ ہمیشہ خوش و خرم رہیں گے.

🌷کسی نے کیا خوب کہا ہے کہ....
زندگی میں ہمیشہ ریاضی کی طرح رہو.
دوستوں کو جمع کرو،
دشمنوں کو تفریق کرو،
خوشی کو ضرب دو،
پیار کو تقسیم کرو.
اور ہمیشہ مسکراتے رہو.‏

لوگ کہتے ہیں کہ زندگی میں یہ ضروری ہے اور وہ ضروری ہے_ میں تمہیں بتاؤں، زندگی میں کچھ بھی ضروری نہیں ہوتا نہ مال، نہ اولاد، نہ رتبہ، نہ لوگوں کی محبت… بس آپ ہونے چاہئیں اورآپ کا الله سے ہر ایک پل بڑھتا تعلق ہونا چاہیے. باقی یہ مسئلے تو کسی بادل کی طرح ہوتے ہیں... جہاز کی کھڑکی سے کبھی نیچے تیرتا کوئی بادل دیکھا ہے؟ اوپر سے دیکھو تو وہ کتنا بے ضرر لگتا ہے مگر جو اس بادل تلے کھڑا ہوتا ہے نا‘ اس کا پورا آسمان بادل ڈھانپ لیتا ہے اور وہ سمجھتا ہے کہ روشنی ختم ہو گئی، اور دنیا تاریک ہو گئی... غم بھی ایسے ہوتے ہیں- جب زندگی پہ چھا جاتے ہیں تو سب تاریک لگتا ہے لیکن اگر آپ اس زمین سے اوپر اٹھ کر آسمان سے پورا منظر دیکھو تو جانو کہ یہ تو ایک ننھا سا ٹکڑا ہے جو ابھی ہٹ جائے گا… اگر یہ سیاہ بادل زندگی پہ نہ چھائیں نا__! تو ہماری زندگی میں کبھی رحمت کی بارش نہ ہو…!!

🌹 مولا علی علیہ السلام فرماتے ہیں:
اپنے دل کو ماضی کے غموں میں مشغول نہ کرو کہ آئندہ کی تیاری سے محروم رہ جاؤ گے. (غررالحکم، ص:289)

ہم نے وٹس ایپ پر ریلیکس ہونے کے لئے فنی چینل بنا رکھا ہے. جس کا نام "مسکراہٹیں" ہے.
https://whatsapp.com/channel/0029Vaw4bTk2UPBEwLGzV62m

اس چینل میں مزاحیہ کلپس، اور لطیفے بھیجے جاتے ہیں. حس مزاح کی تسکین کے لئے اس چینل کو ضرور فالو کیجئے۔ اپنے دوست احباب سے بھی لنک شیئر کیجئے.

آخر میں ایک دعا....
🔷 دل دے، تو اس مزاج کا پروردگار دے.
جو رنج کی گهڑی بھی خوشی سےگزار دے.

🌹 خوش رہیں اور خوشیاں بانٹیں۔

https://whatsapp.com/channel/0029Vaw4bTk2UPBEwLGzV62m
🎅MUSKURAAHTEN🎅

✂ گرو درزی ✂

مولانا رومیؒ فرماتے ہیں کہ ایک شیریں زبان آدمی رات کو دوستوں کی محفل میں بیٹھ کر درزیوں کے بارے میں مزیدار قصے سنا رہا تها،

داستان گو اتنی معلومات رکهتا تها کہ باقاعدہ اچها خاصا درزی نامہ مرتب ہوسکتا تها۔

جب اس آدمی نے
درزیوں کی چوری اور مکاری سے گاہکوں کا کپڑا غائب کر دینے کے ان گنت قصے بیان کر ڈالے،

سننے والوں میں ملک خطا کا ایک ترک جسے اپنی دانش و ذہانت پر بڑا ناز تها کہنے لگا؛
”اس علاقے میں سب سے گرو درزی کونسا ہے؟

داستان گو نے کہا:
”یوں تو ایک سے ایک ماہر فن اس شہر کے گلی کوچوں میں موجود ہیں،
لیکن پورش نامی درزی بڑا فنکار ہے،
اس کے کاٹے کا منتر ہی نہیں،
ہاتھ کی صفائی میں ایسا استاد کہ کپڑا تو کپڑا آنکهوں کا کاجل تک چرالے اور چوری کا پتہ نہ لگنے دے".

ترک کہنے لگا:
"لگا لو مجھ سے شرط میں اس کے پاس کپڑا لے کر جاؤں گا،
اور دیکھوں گا کہ وہ کیونکر میری آنکهوں میں دهول جھونک کے کپڑا چراتا ہے، میاں کپڑا تو درکنار ایک تار بهی غائب نہ کر سکے گا۔“

دوستوں نے جب یہ سنا تو کہنے لگے؛
“ارے بهائی زیادہ جوش میں نہ آ، تجھ سے پہلے بھی بہت سے یہی دعوی کرتے آئے اور اس درزی سے چوٹ کھا گئے، تو اپنی عقل و خرد پر نہ جا، دهوکا کهائے گا۔”

محفل برخاست ہونے کے بعد ترک اپنے گهر چلا گیا
اسی پیچ و تاب اور فکر و اضطراب میں ساری رات گزاری،

صبح ہوتے ہی قیمتی اطلس کا کپڑا لیا اور پورش درزی کا نام پوچھتا پوچھتا اس کی دکان پر پہنچ گیا۔

درزی اس ترک گاہک کو دیکھتے ہی نہایت ادب سے کھڑا ہوکر تسلیمات بجا لایا،

درزی نے خوش اخلاقی و تعظیم و تکریم کا ایسا مظاہرہ کیا کہ ترک بیحد متاثر ہوا، دل میں کہنے لگا:
یہ شخص تو بظاہر ایسا عیار اور دغاباز نظر نہیں آتا،
لوگ بهی خواہ مخواہ
رائی کا پہاڑ بنا دیتے ہیں،

یہ سوچ کر قیمتی اطلس درزی کے آگے دهر دی اور کہنے لگا:
“اس اطلس کی قبا مجھے سی دیں۔”

درزی نے دونوں ہاتھ ادب سے اپنے سینے پر باندهے اور کہنے لگا:

“حضور قبا ایسی سیوں گا جو نہ صرف آپ کے جسم پر زیب دے گی بلکہ دنیا دیکھے گی "

اس نے کپڑا گز سے ناپا
پهر کاٹنے کے لئے جابجا
اس پر نشان لگانے لگا،
ساتھ ہی ساتھ
ادهر ادهر
کے پرلطف قصے چهیڑ دیئے، ہنسنے ہنسانے کی باتیں ہونے لگیں جن میں ترک کو بیحد دلچسپی ہو گئی،

جب درزی نے اسکی دلچسپی دیکھی تو ایک مزاحیہ لطیفہ سنایا جسے سن کر ترک ہنسنے لگا، اس کی چندهی چندهی آنکھیں اور بهی مچ گئیں۔ درزی نے جھٹ پٹ کپڑا کاٹا اور ران تلے ایسا دبایا کہ سوائے خدا کی ذات کے اور کوئی نہ دیکھ سکا،

غرض کہ اس پرلطف داستان سرائی میں ترک
اپنا اصل مقصد اور دعوی فراموش کر بیٹها،
کدهر کی اطلس،
کہاں کی شرط،
ہنسی مذاق میں سب سے غافل ہو گیا،
ترک درزی سے کہنے لگا:
"ایسی ہی مزیدار کوئی
اور بات سناو۔

درزی نے پھر چرب زبانی کا مظاہرہ کیا،
ترک اتنا ہنسا کہ اس کی آنکھیں بالکل بند ہوگئیں،
ہوش و حواس رخصت،
عقل و خرد الوداع،

اس مرتبہ درزی نے پھر کپڑا کاٹ کر ران تلے دبا لیا۔

ترک نے چوتھی بار مذاق کا تقاضا کیا تو درزی کو کچھ حیا آگئی
اور کہنے لگا:

"مزید تقاضا نہ کر
اگر ہنسی کی
اور بات کہوں گا
تو تیری قبا تنگ ہو جائے گی۔

🔘 مولانا رومیؒ نصیحت فرماتے ہیں کہ
جانتے ہو
وہ ترکی کون تها؟
دغاباز درزی کون تها؟؟
اطلس کیا ہے؟
اور ہسنی مذاق کیا ہے؟؟
قینچی کیا ہے؟
اور قبا کیا چیز ہے؟؟

سنو!
وہ غافل ترک "تیری ذات ہے" جسے اپنی عقل و خرد پر بڑا بهروسہ ہے،

وہ عیار دهوکہ باز درزی
" یہ دنیائے فانی ہے۔ "

ہنسی مذاق
"نفسانی جذبات ہیں"

" تیری عمر" اطلس پر دن رات درزی کی "قینچی"
کی مانند چل رہے ہیں۔

دل لگی کا شوق
" تیری غفلت ہے،"

اطلس کی قبا تجھے "بهلائی اور نیکی" کے لئے سلوانی تهی، وہ فضول مذاق اور قہقہوں میں تباہ و برباد ہو گئی،

اے عزیز!
اپنے ہوش و حواس
درست کر
ظاہر کو چهوڑ،
باطن کی طرف توجہ کر،

تیری قیمتی عمر کی اطلس لیل و نہار کی قینچی سے دنیا کا مکار درزی ٹکڑے ٹکڑے کر کے چرائے جا رہا ہے اور تو ہنسی مذاق میں مشغول ہے۔

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman
🔵 ISLAM WITH EMAN 🔵