🔷 راجپوتوں کے شاہی القاب و خطابات 🔷

دنیا میں سب سے زیادہ القاب و خطابات صرف راجپوت قوم کے ہیں -

راجپوت القاب و خطابات کی وضاحت بمعہ مثال

01 : راجا ، مہاراجا
راجا کے معنی بادشاہ کے ہیں -
راجا ، راجپوتوں کا شاہی لقب ہے -
راجا سب سے پرانا لقب ہے -
راجا لقب زیادہ تر پہاڑی علاقوں میں استعمال ہوتا ہے ، جبکہ میدانی اور صحرائی علاقوں میں بھی کثرت سے استعمال کیا جاتا ہے -
ہر مذہب کے راجپوت ، راجا لقب استعمال کرتے ہیں جیسے
ہندو مت کے راجا پورس نے سکندر اعظم سے جنگ لڑی -
اسلام مذہب کے راجا چاقو خان نے چکوال شہر کا نام رکھا -
بدھ مت میں راجا اشوکا اور راجا ہرش وردھن جیسے راجپوت سورماؤں نے جنم لیا -
جین مت کے بانی راجا مہاویر جین بھی راجپوت گھرانے کے چشم و چراغ تھے -
سکھ مت میں راجا لکشمن دیو منہاس (بندہ سنگھ بہادر) جیسے یودھا پیدا ہوئے -
مہاراجا لقب بھی راجا سے نکلا ہے جس کے معنی عظیم بادشاہ کے ہیں -
جئے پور شہر کے بانی مہاراجا جئے سنگھ کشواہا تھے -
مسلمان راجپوتوں میں تقسیم ہند سے پہلے محمود آباد کے تلوکر راجپوت ، مہاراجا لقب استعمال کرتے تھے جن میں مشہور شخصیت مہاراجا امیر محمد احمد خان تلوکر کی ہے جو کہ قائد اعظم کے دوست تھے -

02 : رانا ، مہارانا
رانا کے معنی بھی بادشاہ کے ہیں -
رانا لقب کی میواڑ کے سیسوڈیہ راجپوت رانا حمیر سنگھ سے ہوتی ہے جنہوں نے والد راول رتن سنگھ کے بعد خلجی کو ہرا کر "رانا" لقب استعمال کیا -
رانا بھی راجپوتوں کا شاہی لقب ہے -
رانا لقب ہر علاقے اور ہر مذہب کے راجپوت استعمال کرتے چاہے وہ پاکستان و ہندوستان کے ہوں یا نیپال و بنگال کے ہوں -
رانا سانگا نے 100 سے زیادہ جنگیں لڑیں -
رانا لقمان مہرو خان جوئیہ پنجاب سے پہلے مجاہد تھے جنہوں نے انگریزوں کے خلاف علم بغاوت بلند کیا -
رانا گرمیت سنگھ سوڈھی ایک سکھ راجپوت ہیں جو کہ بھارت کی سیاسی شخصیت ہیں -
مہارانا کا معنی بھی عظیم بادشاہ کے ہیں - یہ لقب زیادہ مشہور صرف مہارانا پرتاب سنگھ کی وجہ سے ہے ، جن کی تلوار کا زور اتنا تھا کہ سورا کے ساتھ میدان جنگ میں گھوڑا بھی چیر کے ٹکڑے کر دیتے تھے -

03 : راؤ ، مہاراؤ
راؤ کے معنی بادشاہ اور مہاراؤ کے معنی عظیم بادشاہ کے ہیں -
راؤ لقب تمام تر راجپوتوں میں بہت زیادہ استعمال ہونے والا لقب ہے -
راؤ مالدیو راٹھور اپنے وقت کے طاقتور حکمران تھے جنہوں نے لودھی خاندان سمیت کئی اور سلطنتوں کو بار بار ہرایا تھا -
راؤ بشارت خان پنوار جنگ آزادی میں ایک مجاہد تھے -
راؤ بجر سنگھ راٹھور کا تعلق سکھ راجپوت گھرانے سے تھا جنہوں نے خالصہ فوج میں شمولیت کے بعد کئی جنگیں لڑیں -
مہاراؤ شیخا جی کشواہا کی اولاد شیخاوت راجپوت کہلائی -

04 : راول ، مہاراول
راول کے معنی بادشاہ اور
مہاراول کے معنی عظیم بادشاہ کے ہیں -
راول بھی راجپوتوں کا شاہی لقب ہے -
راول لقب زیادہ تر ہندو راجپوت استعمال کرتے ہیں -
پاکستان کا دراوڑ قلعہ راول دیو راج پال سنگھ بھٹی نے تعمیر کروایا -
بپا راول نے عرب حملہ آوروں کو ہرایا اور راولپنڈی شہر کی بنیاد رکھی -
مہاراول جیسل سنگھ بھٹی نے جیسلمیر شہر کی بنیاد رکھی -

05 : رائے ، رائے زادہ
رائے کے معنی بادشاہ کے ہیں -
رائے راجپوتوں کا شاہی لقب ہے -
راجا بھپت رائے بھٹی نے بھٹنیر شہر کی بنیاد رکھی -
رائے احمد خان کھرل نے پنجاب میں انگریزوں کو کھری ٹکر دی -
سکھوں کے گرو 8 گرو سمیت ، گوبند رائے کا تعلق سوڈھی راجپوت گھرانے سے تھے -
گجرات کے راجا رائے زادہ ناو گھن چنڈاسمہ ہوئے جنہوں نے
چالوکیہ راجپوتوں سے کاٹھیاواڑ فتح کیا تھا -

06 : ٹھاکر
ٹھاکر کے معنی زمیندار کے ہیں -
ٹھاکر لقب راجپوتوں کا شاہی لقب ہے جس کی قدامت کا اندازہ اس بات سے بھی لگایا جا سکتا ہے کہ مہابھارت میں شری کرشنا جی کو ٹھاکر صاحب بولا گیا -
ٹھاکر شیر سنگھ جوئیہ جنگلہ دیش کے ایک طاقتور حکمران تھے -
ٹھاکر ہاشم خان سلہریا نے انگریز فوج میں شمولیت کے بعد افغانوں کے ساتھ جنگ کی اور انہیں ہرایا -
پاکستان میں زیادہ تر سلہریا راجپوت اپنے نام کے ساتھ ٹھاکر لقب استعمال کرتے ہیں جبکہ باقی راجپوت بھی ٹھاکر لقب استعمال کرتے ہیں -


7 : راج ، مہاراج
لفظ راجا ، مہاراجا کی پرانی قسم راج , مہاراج ہے جن کے معنی ایک جیسے ہیں -
پرتھوی راج چوہان اپنے وقت کے طاقتور حکمران تھے -
ویر گگا جی مہاراج ایسی شخصیت ہیں جنہیں برصغیر کے ہر
مذہب کا شخص مانتا ہے -



8 : ادھیراج
ادھیراج شاہی لقب ہے جو کہ راجپوتوں راجا استعمال کرتے رہے ہیں جیسے ادھیراج دھرم پالا بنگال کے طاقتور راجپوت راجا تھے -

9 : یوراج
یوراج کے معنی لڑاکا راجا کے ہیں -
یوراج ایشور گوڑ بنگال و آسام کے ایک طاقتور راجپوت راجا تھے -

10 : سنگھ
سنگھ بھی راجپوتوں کا شاہی لقب ہے -
سنگھ کے معنی لڑاکا کے ہیں -
سنگھ لقب ہندو راجپوت اور سکھ راجپوت استعمال کرتے ہیں -
رانا اودھے سنگھ نے اودھے پور شہر کی بنیاد رکھی -
راؤ بچھتر سنگھ پنوار ایک سکھ راجپوت تھے جنہوں نے خالصہ فوج میں شمولیت اختیار کی اور کئی جنگیں لڑیں -


11 : رانگھڑ
رانگھڑ ان مسلمان راجپوتوں کو کہا جاتا ہے جو تقسیم ہند سے پہلے آج کے بھارت میں پائے جاتے تھے -
راؤ سہار روہیلہ رانگھڑ نے انگریزوں کے خلاف جنگ کی -


12 : خاں
خاں لقب مسلمان راجپوت استعمال کرتے ہیں -

خاں کے معنی بادشاہ کے ہیں -
جو ہندو راجپوت مسلمان ہوئے انہوں نے سنگھ کی جگہ خان لقب استعمال کیا -
رائے بلار خان بھٹی ننکانہ صاحب کے مہاراجا تھے جنہوں نے سکھ مت کے بانی گرو نانک صاحب کو 18 ہزار 750 مربع زمین سکھ مت کو فروغ دینے کے لیے دی -

13 : خانزادہ
خانزادہ لقب سب سے پہلے میوات کے راجپوتوں نے استعمال کیا -
نوابزادہ راجا حسن خان میواتی نے حملہ آور بابر کے خلاف رانا سانگا کا ساتھ دیا اور بابر مغل سے جنگ کی -

14 : نوابزادہ
نوابزادہ راجپوتوں کو ملنے والا خطاب ہے -
نواب سلمان خان کے بعد بنگال کے نواب ان کے بیٹے نوابزادہ راجا عیسیٰ خان وینس بنے -
نوابزادہ لقب چوہان راجپوت اور کھوکھر راجپوت بھی استعمال کرتے ہیں -

15 : میر
میر راجپوتوں کا بہت پرانا لقب جو کہ جموال راجپوت استعمال کرتے تھے اور اب بھی کرتے ہیں , جس کی قدامت کا اندازہ اس بات سے لگایا جا سکتا ہے کہ منہاس راجپوتوں کے جد امجد راجا ملہن ناس کے ایک بیٹے میر واسو دیو تھے جو آج سے 3 ہزار سال پہلے کے راجا تھے -
گلگت بلتستان اور کشمیر میں جموال راجپوت راجا اور میر لقب استعمال کرتے ہیں -


18 : کنور
کنور بھی راجپوتوں کا شاہی لقب ہے -
کنور کے معنی شہزادہ کے ہیں -
کنور شکتی سنگھ رانا اودھے سنگھ کے بیٹے تھے جو کہ تیر بازی میں ماہر تھے -


20 : میاں
میاں لقب بھی صرف راجپوتوں کا لقب ہے -
بیرونی حملہ آوروں نے بھی یہ لقب استعمال کیا ہے -
میاں سوار سنگھ چندیل نے 690 عیسوی میں کشمیر کے شہر ادھم پور پہ اپنے والد راجا ہری ہر سنگھ چندیل کے بعد حکومت کی -

21 : مہر یا معر
مہر لقب راٹھ راجپوت قبائل کا ہے جن میں زیادہ تر سیال راجپوت، ہراج راجپوت استعمال کرتے ہیں -
جھنگ کے نواب ، مہر ولیداد خان سیال نے انگریزوں کے خلاف علم بغاوت بلند کیا تھا -

22 : جام
جام ، جدیجہ راجپوتوں اور سمہ راجپوتوں کا شاہی لقب ہے -
جام کے معنی راجا یا بادشاہ کے ہیں -
جام نظام الدین سمہ سندھ کے ایک مشہور راجپوت راجا تھے -
گجرات کے 16 سال کے جام ہالا جی جدیجہ نے مغل کمانڈر کا سر اس کے گھوڑے سمیت کاٹ کر اپنی بہادری کا لوہا منوایا -


24 : چودھری ، چوہدری
سلاطین دہلی کے دور میں سو سے زیادہ گاؤں کے مالک کو چوہدری یا چودھری کہا جاتا تھا -
سلاطین دہلی کے زوال کے دور میں چنیوٹ کے چودھری ، رائے رحمت خان بھٹی تھے اور چکوال کے چودھری , راجا چاقو خان منہاس تھے -

25 : پال
پال ویسے تو راجپوتوں کے 36 شاہی خاندانوں میں شامل ایک خاندان ہے - وہ خاندان پال لقب استعمال کرنے کی وجہ سے پال یا پالا راجپوت کہلائے -
پال بطور لقب کئی راجپوت شاہی خاندانوں نے استعمال کیا جن میں بھٹی ، تومار وغیرہ شامل ہیں -
راجا اننگ پال تومار نے دہلی شہر کی بنیاد رکھی -



26 : راوت
راوت بھی راجپوتوں کا لقب ہے -
راوت رتن سنگھ چنڈاوت ، مہا رانا پرتاب سنگھ کے وزیر تھے -

✍ راجا معراج عباس بھٹی

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/5920
⭕ ISLAM WITH EMAN ⭕

🔷 بہنیں ایسی کیوں ہوتی ہیں؟ 🔷

صبح صبح چائے کی دکان پہ میرا دوست میرے پاس بیٹھا مجھے سلام کیا اس کی آنکھوں میں آنسو تھے۔ میرا ہاتھ پکڑا روتے ہوئے بولا فارس میں آج خود کو بہت چھوٹا محسوس کر رہا ہوں۔۔۔

میں حیران تھا اس کی کمر پہ تھپکی دی ارے ایسا کیا ہو گیا شیر کو۔۔۔

وہ مجھ سے نظریں نہ ملا رہا تھا ۔۔ پھر زور زور سے رونے لگا۔۔ سب لوگ اس کی طرف دیکھنے لگے میں نے اس کو چپ کروایا۔

ارے پاگل سب دیکھ رہے ہیں میرے سینے سے لگ گیا اور روتے ہوئے بولا ۔۔۔
فارس بہنیں ایسی کیوں ہوتی ہیں۔۔۔؟

میں سوچ میں گم ۔۔۔کیا ہو گیا تم کو ایسا کیوں بول۔رہے ہو۔؟

کہنے لگا ۔۔۔
فارس پتا ہے۔۔۔؟
بہن کی شادی کو 6 سال ہو گئے ہیں۔۔
میں کبھی اس کے گھر نہیں گیا عید شب برات کبھی بھی۔ ابو یا امی جاتے ہیں ۔۔۔

میری بیوی ایک دن مجھے کہنے لگی آپ کی بہن جب بھی آتی ہے۔۔ اس کے بچے گھر کا حال بگاڑ کر رکھ دیتے ہیں ۔۔ خرچ ڈبل ہو جاتا ہے ۔۔
اور تمہاری ماں ۔۔۔
ہم سے چھپ چھپا کر کبھی اس کو صابن کی پیٹی دیتی ہے کبھی کپڑے کبھی صرف کے ڈبے۔ اور کبھی کبھی تو چاول کا تھیلا بھر دیتی ہے۔۔
اپنی ماں کو بولو یہ ہمارا گھر ہے کوئی خیرات سینٹر نہیں۔

فارس مجھے بہت غصہ آیا میں مشکل سے خرچ پورا کر رہا ہوں اور ماں سب کچھ بہن کو دے دیتی ہے ۔۔۔۔
بہن ایک دن گھر آئی ہوئی تھی اس کے بیٹے نے ٹی وی کا ریموٹ توڑ دیا۔۔
میں ماں سے غصے میں کہہ رہا تھا ۔۔ ماں بہن کو بولو یہاں عید پہ آیا کرے بس اور یہ جو آپ صابن صرف اور چاول کا تھیلا بھر کر دیتی ہیں نا اس کو بند کریں سب ۔۔
ماں چپ رہی ۔۔۔
لیکن بہن نے ساری باتیں سن لی تھیں میری
بہن کچھ نہ بولی ۔۔
4 بج رہے تھے اپنے بچوں کو تیار کیا اور کہنے لگی بھائی مجھے بس سٹاپ تک چھوڑ او ۔۔۔
میں نے جھوٹے منہ کہا رہ لیتی کچھ دن
لیکن وہ مسکرائی نہیں بھائی بچوں کی چھٹیاں ختم ہونے والی ہیں۔

پھر جب ہم دونوں بھائیوں میں زمین کا بٹوارا ہو رہا تھا تو میں نے صاف انکار کیا بھائی میں اپنی زمیں سے بہن کو حصہ نہیں دوں گا۔۔۔
بہن سامنے بیٹھی تھی۔۔
وہ خاموش تھی کچھ نہ بولی ماں نے کہا بیٹی کا بھی حق بنتا ہے لیکن میں نے گالی دے کر کہا کچھ بھی ہو جائے میں بہن کو حصہ نہیں دوں گا ۔۔
میری بیوی بھی بہن کو برا بھلا کہنے لگی
وہ بیچاری خاموش تھی۔

کرونا کے دن ہیں فارس کام کاج ہے نہیں
میرے بڑے بیٹے کو ٹی بی ہو گئی میرے پاس اس کا علاج کروانے کے پیسے نہیں بہت پریشان تھا۔۔ میں نے قرض بھی لے لیا تھا۔ بھوک سر پہ تھی میں بہت پریشان تھا کمرے میں اکیلا بیٹھا تھا شاید رو رہا تھا حالات پہ
کے اتنے میں بہن گھر آ گئی۔
میں غصے سے بولا اب یہ آ گئی ہے منحوس۔
بیوی میرے پاس آئی۔۔
کوئی ضرورت نہیں گوشت یا بریانی پکانے کی اس کے لئے۔
پھر ایک گھنٹے بعد وہ میرے پاس آئی۔۔
بھائی پریشان ہو میں مسکرایا نہیں تو
بہن نے میرے سر پہ ہاتھ پھیرا بڑی بہن ہوں تمہاری گود میں کھیلتے رہے ہو۔۔ اب دیکھو مجھ سے بھی بڑے لگتے ہو۔
پھر میرے قریب ہوئی اپنے پرس سے سونے کے کنگن نکالے میرے ہاتھ میں رکھے اور آہستہ سے بولی۔۔
پاگل توں ایویں پریشان ہوتا ہے۔ تیرا بھائی شہر گیا ہوا تھا۔ بچے سکول تھے میں نے سوچا دوڑتے دوڑتے بھائی سے مل آوں۔ یہ کنگن بیچ کر اپنا خرچہ کر، بیٹے کا علاج کروا ۔۔
اور جا اٹھ نائی کی دکان پہ جا داڑھی بڑھا رکھی ہے شکل تو دیکھ ذرا کیا حالت بنا رکھی ہے تم نے۔

میں خاموش تھا بہن کی طرف دیکھے جا رہا تھا۔
وہ آہستہ سے بولی کسی کو نہ بتانا کنگن کے بارے میں تم کو میری قسم ہے۔۔
میرے ماتھے پہ بوسہ کیا اور ایک ہزار روپیہ مجھے دیا جو سو پچاس کے نوٹ تھے شاید اس کی جمع پونجی تھی۔ میری جیب میں ڈال کر بولی بچوں کو گوشت لا دینا۔ پریشان نہ ہوا کر۔
تیرے بھائی کو تنخواہ ملے گی تو آؤں گی پھر۔ جلدی سے اپنا ہاتھ میرے سر پہ رکھا دیکھ بال سفید ہو گئے ہیں اب بازار جاو اور داڑھی کو ٹھیک کراؤ۔

وہ جلدی سے جانے لگی
اس کے پیروں کی طرف میں نے دیکھا تو ٹوٹی ہوئی جوتی پہنی تھی پرانا سا دوپٹہ اوڑھا ہوا تھا جب بھی آتی تھی وہی دوپٹہ اوڑھ کر آتی۔

فارس بہن کی اس محبت میں مر گیا تھا
ہم بھائی کتنے مطلب پرست ہوتے ہیں بہنوں کو پل بھر میں بیگانہ کر دیتے ہیں۔۔۔ اور بہنیں بھائیوں کا ذرا سا دکھ برداشت نہیں کر سکتیں۔

وہ ہاتھ میں کنگن پکڑے زور زور سے رو رہا تھا اس کے ساتھ میری آنکھیں بھی نم تھی۔۔ اپنے گھر میں خدا جانے کتنے دکھ سہہ رہی ہوتی ہیں۔

کچھ لمحے بہنوں کے پاس بیٹھ کر حال پوچھ لیا کریں شاید کہ ان کے چہرے پہ کچھ لمحوں کے لئے ایک سکون آ جائے، ،،،

اللہ ہماری بہنوں کی جھولیاں خوشیوں سے بھر دے۔ آمین یارب العالمین

منقول۔۔۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 حقے کے دوست 🔷

ﮈﺍﮐﭩﺮ ﻧﮯ ﺟﺐ ﻣﯿﺮﮮ ﻭﺍﻟﺪ ﮐﮯ ﺣﻘﮯ ﭘﺮ ﭘﺎﺑﻨﺪﯼ ﻟﮕﺎﺋﯽ ﺗﻮ ﻭﺍﻟﺪ ﻧﮯ ﺣﻘﮧ ﮔﻮﺩﺍﻡ ﻣﯿﮟ ﺭﮐﮭﻮﺍ ﺩﯾﺎ۔ ﯾﻮﮞ ڈیرے ﮐﯽ ﺑﮍﯼ ﺍﭨﺮﯾﮑﺸﻦ ﺍﭼﺎﻧﮏ ﺧﺘﻢ ﮨﻮ ﮔﺌﯽ۔

انہی ﺩﻧﻮﮞ ’’ﺍﯾﮑﺲ ﭼﯿﻨﺞ‘‘ ﮐﯽ ’’ﺍﭖ ﮔﺮﯾﮉﯾﺸﻦ‘‘ ﺑﮭﯽ ﺷﺮﻭﻉ ﮨﻮ ﮔﺌﯽ ﺍﻭﺭ ﮨﻤﺎﺭﺍ ﻓﻮﻥ ﺑﮭﯽ ﻋﺎﺭﺿﯽ ﻃﻮﺭ ﭘﺮ ﮐﭧ ﮔﯿﺎ۔ ﯾﻮﮞ ڈیرے ﮐﯽ ﺩﻭﺳﺮﯼ ﺍﭨﺮﯾﮑﺸﻦ ﺑﮭﯽ ﺧﺘﻢ ﮨﻮ ﮔﺌﯽ۔

ﻭﮦ ﻟﻮﮒ ﺟﻮ ﺭﻭﺯ ﺻﺒﺢ ﺳﻮﯾﺮﮮ ہمارے ڈیرے ﭘﺮ ﺍٓ ﮐﺮ ﺑﯿﭩﮫ ﺟﺎﺗﮯ ﺗﮭﮯ ﺍﻭﺭ ﺍﻥ ﮐﯽ ﺷﺎﻡ ﺑﮭﯽ ﺍﺳﯽ ڈیرے ﭘﺮ ﮨﻮﺗﯽ ﺗﮭﯽ ﻭﮦ ﺑﮭﯽ ﺍﭼﺎﻧﮏ ﻏﺎﺋﺐ ﮨﻮ ﮔﺌﮯ۔

ﮨﻢ ﺟﻦ ﮐﻮ ﻭﺍﻟﺪ ﮐﺎ ﺍﻧﺘﮩﺎﺋﯽ ﻗﺮﯾﺒﯽ ﺩﻭﺳﺖ ﺳﻤﺠﮭﺘﮯ ﺗﮭﮯ، ﺟﻮ ﻟﻮﮒ ﮨﻤﺎﺭﮮ ﭼﺎﭼﺎ ﺟﯽ ﮨﻮﺗﮯ ﺗﮭﮯ، ﺟﻮ ﮔﻠﯽ ﻣﯿﮟ ﺩﺍﺧﻞ ﮨﻮ ﮐﺮ ﺍﻭﻧﭽﯽ ﺍٓﻭﺍﺯ ﻣﯿﮟ حاجی ﺻﺎﺣﺐ ﮐﺎ ﻧﻌﺮﮦ ﻟﮕﺎﺗﮯ ﺗﮭﮯ ﺍﻭﺭ ﺟﻮ ﮔﮭﻨﭩﻮﮞ ﮨﻤﺎﺭﮮ ﻭﺍﻟﺪ ﮐﯽ ﺗﻌﺮﯾﻔﯿﮟ ﮐﺮﺗﮯ ﺗﮭﮯ، ﻭﮦ ﺳﺐ ﺑﮭﯽ ﻏﺎﺋﺐ ﮨﻮ ﮔﺌﮯ۔ ﮨﻢ ﺍﻥ ﮐﯽ ﺷﮑﻠﯿﮟ ﺗﮏ ﺑﮭﻮﻝ ﮔﺌﮯ۔

ﻣﯿﮟ ﺍﺱ ﻭﻗﺖ ﭘﺮﺍﺋﻤﺮﯼ ﺍﺳﮑﻮﻝ ﻣﯿﮟ ﭘﮍﮬﺘﺎ ﺗﮭﺎ۔ ﻣﯿﺮﮮ ﮐﭽﮯ ﺫﮨﻦ ﮐﮯ لئے ﯾﮧ صورتحال ﮨﻀﻢ ﮐﺮﻧﺎ ﻣﺸﮑﻞ ﺗﮭﺎ۔
ﻣﯿﮟ ﺍﯾﮏ ﺩﻥ ﻭﺍﻟﺪ ﮐﮯ ﭘﺎﺱ ﺑﯿﭩﮭﺎ ﺍﻭﺭ ﻣﯿﮟ ﻧﮯ ﺍﻥ ﺳﮯ ﭘﻮﭼﮭﺎ؛ ’’ﺍﺑﺎ ﺟﯽ! ﺍٓﭖ ﮐﮯ ﺳﺎﺭﮮ ﺩﻭﺳﺖ ﮐﮩﺎﮞ ﭼﻠﮯ ﮔﺌﮯ ﮨﯿﮟ؟‘‘

ﻣﯿﺮﮮ ﻭﺍﻟﺪ ﻧﮯ ﻏﻮﺭ ﺳﮯ ﻣﯿﺮﯼ ﻃﺮﻑ ﺩﯾﮑﮭﺎ، ﻣﯿﺮﯼ آنکھیں ﺍﺱ ﻭﻗﺖ بھیگی ہوئی تھیں۔

ﻣﯿﺮﮮ ﻭﺍﻟﺪ ﻧﮯ ﺭﻭﻣﺎﻝ ﺳﮯ ﻣﯿﺮﯼ ﺍٓﻧﮑﮭﯿﮟ ﺻﺎﻑ ﮐﯿﮟ، ﺳﺮ ﭘﺮ ﮨﺎﺗﮫ ﭘﮭﯿﺮﺍ ﺍﻭﺭ ﺑﮍﮮ ﭘﯿﺎﺭ ﺳﮯ ﮐﮩﺎ؛
’’ﺑﯿﭩﺎ! ﯾﮧ ﻟﻮﮒ ﻣﯿﺮﮮ ﺩﻭﺳﺖ ﻧﮩﯿﮟ ﺗﮭﮯ،
ﯾﮧ ﺣﻘﮯ ﺍﻭﺭ ﭨﯿﻠﯽ ﻓﻮﻥ ﮐﮯ ﺩﻭﺳﺖ ﺗﮭﮯ۔ ﺣﻘﮧ ﺑﻨﺪ ﮨﻮ ﮔﯿﺎ، ﭨﯿﻠﯽ ﻓﻮﻥ ﮐﭧ ﮔﯿﺎ، ﯾﮧ ﻟﻮﮒ ﺑﮭﯽ ﮐﭧ ﮔﺌﮯ۔
ﺟﺲ ﺩﻥ ﭨﯿﻠﯽ ﻓﻮﻥ ﺍﻭﺭ ﺣﻘﮧ ﻭﺍﭘﺲ ﺍٓ ﺟﺎﺋﮯ ﮔﺎ، ﯾﮧ ﻟﻮﮒ ﺑﮭﯽ ﺍﺱ ﺩﻥ ﻭﺍﭘﺲ ﺍٓ ﺟﺎﺋﯿﮟ ﮔﮯ۔‘‘


ﻣﯿﺮﮮ ﮐﭽﮯ ﺫﮨﻦ ﻧﮯ ﯾﮧ ﻓﻠﺴﻔﮧ ﺳﻤﺠﮭﻨﮯ ﺳﮯ ﺍﻧﮑﺎﺭ ﮐﺮ ﺩﯾﺎ۔

ﻣﯿﺮﮮ ﻭﺍﻟﺪ ﻧﮯ ﻣﯿﺮﮮ ﭼﮩﺮﮮ ﮐﯽ ﮔﻮﻣﮕﻮ ﭘﮍﮪ ﻟﯽ۔ ﻭﮦ ﺑﻮﻟﮯ ﺑﯿﭩﺎ ﯾﺎﺩ ﺭﮐﮭﻮ
ﺍﻟﻠﮧ ﺗﻌﺎﻟﯽٰ ﺟﺐ ﺍٓﭖ ﮐﻮ ﮐﻮﺋﯽ ﻧﻌﻤﺖ ﺩﯾﺘﺎ ﮨﮯ ﺗﻮ ﯾﮧ ﻧﻌﻤﺖ ﺍﭘﻨﮯ ﺳﺎﺗﮫ ﻧﺌﮯ ﺩﻭﺳﺖ ﻟﮯ ﮐﺮ ﺍٓﺗﯽ ﮨﮯ، ﻟﯿﮑﻦ ﮨﻢ ﻧﻌﻤﺖ ﮐﮯ ﺍﻥ ﺩﻭﺳﺘﻮﮞ ﮐﻮ ﺍﭘﻨﺎ ﺩﻭﺳﺖ ﺳﻤﺠﮫ ﺑﯿﭩﮭﺘﮯ ﮨﯿﮟ۔ یہی ﮨﻤﺎﺭﯼ ﺑﮯ ﻭﻗﻮﻓﯽ ﮨﻮﺗﯽ ﮨﮯ۔ ﯾﮧ ﻧﻌﻤﺖ ﺟﺲ ﺩﻥ ﭼﻠﯽ ﺟﺎﺗﯽ ﮨﮯ، ﯾﮧ ﺳﺎﺭﮮ ﺩﻭﺳﺖ ﺑﮭﯽ ﺭﺧﺼﺖ ﮨﻮ ﺟﺎﺗﮯ ﮨﯿﮟ۔
۔ ﺍﻧﮭﻮﮞ ﻧﮯ ﻓﺮﻣﺎﯾﺎ؛
’’ﺑﯿﭩﺎ ﺍٓﭖ ﮐﺎ ﺍﺻﻞ ﮐﻤﺎﻝ ﯾﮧ ﮨﻮ ﮔﺎ کے ﺍٓﭖ ﻧﻌﻤﺘﻮﮞ ﮐﮯ ﺩﻭﺳﺘﻮﮞ ﮐﻮ ﻧﻌﻤﺘﻮﮞ ﮐﺎ ﺩﻭﺳﺖ ﺭﮨﻨﮯ ﺩﻭ۔
ﺍٓﭖ ﺍﻥ ﻟﻮﮔﻮﮞ ﮐﻮ ﮐﺒﮭﯽ ﺍﭘﻨﺎ ﺩﻭﺳﺖ ﻧﮧ ﺑﻨﻨﮯ ﺩﻭ۔
ﺗﻢ ﺯﻧﺪﮔﯽ ﻣﯿﮟ ﮐﺒﮭﯽ ﻣﺎﯾﻮﺱ ﻧﮩﯿﮟ ﮨﻮ ﮔﮯ۔‘‘

’’ﺑﯿﭩﺎ! ﺍٓﭖ ﮐﺎﺭ ﮐﮯ ﺩﻭﺳﺘﻮﮞ ﮐﻮ ﮐﺎﺭ ﮐﺎ ﺩﻭﺳﺖ ﺳﻤﺠﮭﻮ، ﮐﺎﺭﻭﺑﺎﺭ ﮐﮯ ﺩﻭﺳﺘﻮﮞ ﮐﻮ ﮐﺎﺭﻭﺑﺎﺭ ﮐﺎ ﺩﻭﺳﺖ ﺳﻤﺠﮭﻮ ﺍﻭﺭ ﺍﭘﻨﮯ ﻋﮩﺪﮮ ﮐﮯ ﺩﻭﺳﺘﻮﮞ ﮐﻮ ﻋﮩﺪﮮ ﮐﺎ ﺩﻭﺳﺖ ﺳﻤﺠﮭﻮ ۔۔۔
ﺍﻥ ﻟﻮﮔﻮﮞ ﮐﻮ ﮐﺒﮭﯽ ﺍﭘﻨﮯ ﺩﻝ ﺗﮏ ﻧﮧ ﭘﮩﻨﭽﻨﮯ ﺩﻭ۔
ﺗﻤﮩﺎﺭﺍ ﺩﻝ ﮐﺒﮭﯽ ﺯﺧﻤﯽ ﻧﮩﯿﮟ ﮨﻮ ﮔﺎ۔ ﺗﻢ ﮐﺒﮭﯽ ﻧﮩﯿﮟ ﺭﻭﺅ ﮔﮯ۔

منقول۔۔۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 اپنی ذاتی زندگی کو نجی رکھیں 🔷

1. اپنی شادی مبارک کی تشہیر سوشل میڈیا پر نہ کریں

2. سوشل میڈیا پر اپنے بچوں کی کامیابیوں کی تشہیر نہ کریں

3. سوشل میڈیا پر اپنی مہنگی خریدوں کی تشہیر نہ کریں حقیقت یہ ہے...

1. ہر کوئی آپ کے لئے خوش نہیں ہونے والا ہے

2. آپ کو ملنے والے زیادہ تر "اچھے" تبصرے صرف جعلی ہوتے ہیں

3. آپ کو اور آپ کے گھر والوں کو ہی بری نظر لگے گی

4. آپ اپنی زندگی میں جلنے والوں کو اپنی طرف متوجہ کر رہے ہیں

5. آپ نہیں جانتے کہ آپ کی تصاویر کون محفوظ کر رہا ہے اور آپ کی اپڈیٹس چیک کر رہا ہے

6. آپ کو واقعی اسے روکنے کی ضرورت ہے کیونکہ یہ آپ کی زندگی، کنبہ، شادی اور کیریئر کو تباہ کر سکتا ہے.

سوشل میڈیا شیطانوں کی آنکھیں کان اور منہ ہے شیطانوں کے جال میں مت آئیں اپنی نجی زندگی کو نجی رہنے دیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

فرض کریں
آپ رات کو اے آئی آٹومیشن چلا کر سو گئے۔ آپ نے اس کو پچاس بندوں کے نمبرز کی لسٹ دی تھی۔

اے آئی نے ان سب کو خود سے کال کر کے خود سے بات بھی کی اور ان سے آرڈر لیا اور ایک گوگل شیٹ میں تمام آرڈرز کو مینج کر کے لکھ بھی دیا۔ اور آپ نے اپنی گوگل شیٹ کو TCS کے سسٹم کے ساتھ انٹیگریٹ کیا ہوا تھا۔ اس نے سلپ بنا کر آپ کے پرنٹر کو کمانڈ دے کو وہ پرنٹ بھی کر لی۔

کچھ لوگوں نے آپ سے میٹنگ کرنے کا بولا تو اے آئی نے آپ کا کلینڈر چیک کر کے آپ کے کام کے ٹائم پر آپ کے لئے میٹنگ سیٹ کرکے کلینڈر بھی اپڈیٹ کر دیا۔

آپ صبح اٹھے تو آرڈرز کے پرنٹ نکلے ہوئے تھے۔ آپ نے اٹھائے اور وہ سامان اٹھا کر پیک کیا اور روانہ کیا۔
پھر کلینڈر نے ریمائنڈ کروایا کہ آپ کی فلاں ٹائم پر میٹنگ سیٹ ہے۔ آپ نے ان سے بات کرنی ہے۔ تو آپ نے ان سے میٹنگ کی اور مزید آرڈرز مل گئے۔

پھر آپ نے وائس کمانڈ دی اے آئی کو کہ فلاں بندے نے یہ آرڈر دیا۔ پھر اے آئی حرکت میں آئی اور پرنٹ نکالنے تک کا کام خود سے کیا اور آپ نے وہ پارسل بھی ڈلیور کر دیئے۔

اور رات کو مزید نمبرز دے کر سو گئے۔

نوٹ:
یہ جتنا آپ نے فرض کیا وہ سب اس وقت ممکن ہے۔

🔷 لال مرچ کی شکایت 🔷

سبزی منڈی میں دلچسپ مکالمہ..!

سبزی منڈی میں وہی معمول کی گہماگہمی تھی۔ سبزی فروش زور زور سے آوازیں لگا رہے تھے، گاہک مول تول میں مصروف تھے، اور کہیں کہیں بحث و تکرار کی ہلکی پھلکی جھڑپ بھی ہو رہی تھی۔

میں بھی گھر کے لیے سبزیاں خریدنے آیا تھا۔
میرا ارادہ تھا کہ جلدی جلدی سامان لے کر واپس جاؤں، مگر اچانک ایک عجیب تیکھی سی آواز نے میرے قدم روک دیے۔

"جاوید بھائی ، ذرا رکیے! آپ سے دو باتیں کرنی ہیں!"

میں نے حیرت سے ادھر اُدھر دیکھا، لیکن کوئی
جان پہچان والا نظر نہ آیا۔ پھر ایک طرف نگاہ گئی تو سبزیوں کے ڈھیر میں ایک سرخ چمکدار لال مرچ مجھ سے مخاطب تھی۔

پہلے تو میں چونکا، مگر پھر سوچا کہ میگنیشیم سے ملاقات کے بعد اب شاید یہ بھی کوئی نیا سبق دینے آئی ہے۔ میں مسکرا دیا۔

"جی فرمائیے، آپ کون ہیں؟"
میں نے جھک کر اس سے پوچھا۔

مرچ ذرا سنبھل کر کھڑی ہوئی،
اپنے تیز سرخ لباس کو درست کیا، اور فخریہ لہجے میں بولی، "میں ہوں لال مرچ، وہی جس سے دنیا خوف کھاتی ہے، جسے لوگ تیز، تند، جلا دینے والی سمجھتے ہیں، مگر درحقیقت میں قدرت کا ایک انمول تحفہ ہوں۔"

میں نے ہلکی سی ہنسی کے ساتھ پوچھا،
"تحفہ؟ ارے بہن ، تم تو زبان جلانے والی چیز ہو، معدے میں جلن پیدا کرنے والی، لوگ تمہاری بہت شکایتیں کرتے ہیں۔"

مرچ نے ایک گہرا سانس لیا، جیسے صدیوں کی شکایتیں دل میں دبائے بیٹھی ہو۔ پھر بولی، "یہی تو مسئلہ ہے بھائی صاحب! لوگ سچائی جانے بغیر بدگمانیاں پھیلا دیتے ہیں۔ آپ کو معلوم ہے کہ مجھے دنیا بھر میں کتنے ناموں سے جانا جاتا ہے؟ کہیں مجھے 'کائین پیپر' کہتے ہیں، کہیں 'چلی'، کہیں 'لال مرچ'، تو کہیں 'گرم مسالا' کا حصہ سمجھا جاتا ہوں۔ مگر میری حقیقت صرف اتنی نہیں، میری کہانی بہت لمبی ہے۔"

میں نے دلچسپی سے پوچھا،
"اچھا، تمہاری کہانی سننے میں کوئی حرج نہیں،
مگر مختصر بتانا، کیونکہ مجھے گھر جا کر کھانا بھی بنوانا ہے۔"

یہ سن کر مرچ کھلکھلا کر ہنس پڑی،
"جاوید بھائی ! میں نے اپنا رنگ تو سرخ رکھا ہے، مگر دل سونے جیسا ہے ہے۔ مجھے سنتے سنتے وقت کا پتہ بھی نہیں چلے گا۔ آپ کو معلوم ہے کہ میرا اصل وطن کہاں ہے. ؟"

"نہیں معلوم ، کہاں ہے ؟" تم بتاؤ

"میں دراصل جنوبی امریکہ سے آئی ہوں۔
وہیں میری پیدائش ہوئی، وہیں میں نے صدیوں تک لوگوں کی صحت کا خیال رکھا۔ جب کولمبس نے امریکہ دریافت کیا تو وہ مجھے بھی اپنے ساتھ یورپ لے آیا، اور پھر میں دنیا بھر میں پھیل گئی۔

ہسپانوی اور پرتگالی جہاز راں مجھے ایشیا اور افریقہ لے کر پہنچے، اور یہاں کے لوگ تو مجھ پر فدا ہو گئے۔ خاص طور پر ہندوستان اور پاکستان میں تو میں نے ایسا گھر بسایا کہ اب یہاں کی کوئی ڈش میرے بغیر مکمل نہیں سمجھی جاتی۔"

میں نے سر ہلایا، "یہ تو ٹھیک ہے،
مگر تم اتنی تیز کیوں ہو؟ کچھ تو رحم کھایا کرو لوگوں کی زبان پر!"

یہ سن کر مرچ ایک لمحے کو سنجیدہ ہو گئی۔
پھر نرمی سے بولی، "یہ جو میری تیزی ہے، یہ دراصل میرے اندر پائے جانے والے ایک خاص جزو 'کیپسیسین' (capsaicin) کی وجہ سے ہے۔
یہی وہ چیز ہے جو مجھے خاص بناتی ہے۔

لوگ سمجھتے ہیں کہ یہ صرف جلن پیدا کرتا ہے،
مگر حقیقت میں یہ جسم کے لیے بہت فائدہ مند ہے۔ یہ خون کی روانی بہتر کرتا ہے، درد کم کرتا ہے، دل کی بیماریوں سے بچاتا ہے، اور حتیٰ کہ وزن کم کرنے میں بھی مدد دیتا ہے۔"

میں نے حیرت سے پوچھا،
"یہ سب کیسے ممکن ہے؟"

مرچ نے فوراً جواب دیا،
"کیپسیسین درحقیقت جسم میں
ایک خاص قسم کے ریسپٹرز کو متحرک کرتا ہے، جس سے درد کے سگنل دماغ تک پہنچنے میں کمی
آ جاتی ہے۔ اسی لیے یہ قدرتی پین کلر ہے۔

آپ نے کبھی سنا ہے کہ کوئی
مرچ کھا کر بیمار ہوا ہو؟ نہیں نا! بلکہ تحقیق سے ثابت ہوا ہے کہ میں معدے کی حفاظت کرتی ہوں، السر سے بچاتی ہوں، ہاضمے کو بہتر کرتی ہوں، اور اگر کسی کو خون بہنے کی تکلیف ہو تو میں اسے بھی روکنے میں مدد دیتی ہوں۔ بس ایک چمچ پانی میں ڈال کر پی لو، خون بہنا بند!"

میں نے چونک کر پوچھا،
"واقعی؟ یہ تو مجھے معلوم ہی نہیں تھا!"
کیا ایک چمچ مرچ بہت زیادہ نہیں ہے..؟

مرچ نے مسکرا کر سر ہلایا،
"یہی تو مسئلہ ہے! آپ لوگ میری حقیقت جانے بغیر بس مجھے بدنام کرتے ہیں میں اتنی نقصان دہ نہیں ہوں آپ میرے بارے میں ہونے والی سینکڑوں ریسرچ اسٹڈی کیوں نہیں پڑھتے ۔؟

دنیا میں ہزاروں اقسام کی مرچیں ہیں،
کچھ اتنی نرم اور ہلکی تیکھی کہ بچے بھی کھا سکتے ہیں، اور کچھ اتنی تیز کہ ایک مرچ پوری دیگ کو تیکھا بنا دے۔"

"اچھا، یہ بتاؤ کہ سب سے تیز مرچ کون سی ہے؟"

مرچ نے فخریہ انداز میں جواب دیا، "بھائی صاحب! دنیا کی سب سے تیز مرچ 'کیرو لائنا ریپر' کہلاتی ہے۔ یہ اتنی طاقتور ہے کہ اسے چکھنے والا شخص فوری پانی تلاش کرتا ہے، مگر پانی اس کی جلن کم نہیں کرتا، بلکہ مزید بڑھا دیتا ہے۔ اصل حل دودھ یا دہی ہے، کیونکہ کیپسیسین چکنائی میں حل ہوتا ہے، پانی میں نہیں۔"

میں نے سر ہلاتے ہوئے کہا، "تو یہ بتاؤ کہ تمہیں استعمال کیسے کیا جائے کہ نقصان نہ ہو؟"

مرچ نے جواب دیا،
"سب سے پہلے تو اعتدال کے ساتھ استعمال
ضروری ہے۔ اگر کوئی پہلے سے معدے کی تیزابیت
کا شکار ہو تو اسے زیادہ مقدار میں استعمال نہیں کرنا چاہیے۔ان کے لیے میری دوسری بہنیں جیسے کشمیری لال اور ہری مرچ زیادہ مناسب ہیں۔ اور اگر کوئی بہت زیادہ حساس ہو تو وہ کیپسیسین کے سپلیمنٹس یا کیپسول لے سکتا ہے، جو بغیر کسی جلن کے فائدہ پہنچاتے ہیں۔"

میری تیزی اور حرارت وہ راز ہیں جو کئی بیماریوں کا علاج بن جا تے ہیں. ہومیوپیتھ اور فارما سیوٹیکل کمپنیاں دوا بنانے کے لیے مجھے استعمال کرتی ہیں.
آپ خود گھر میں کئی دوائیں اور مرہم تیل مجھے شامل کر کے بنا سکتے ہیں.

میں نے آخری سوال پوچھا، " سنا ہے ہمارے ہا٘ں میمن برادری مرچیں بہت شوق سے کھاتے ہیں..؟

مرچ نے خوش ہو کر جواب دیا،
"بالکل! میمن لوگ لال مرچ بہت کھاتے ہیں اسے لیے تو وہ بہت ذہین ہوتے ہیں.! کبھی آپ سکھر، حیدرآباد اور کراچی کے میمن برادری والے علاقوں میں تیز لال مرچ والا ابلے ہوئے آلو کھانا آپ کا دماغ تیز ہو جائے گا.

میں مرچ کی باتیں سنتا جا رہا تھا
اور وقت کا پتہ بھی نہ چلا۔ جب گھڑی دیکھی تو شام ڈھل چکی تھی۔ "ارے، میں تو سامان لینے آیا تھا، اور یہاں تمہاری کہانی میں پھنس گیا!" میں نے جلدی سے تھیلے میں کچھ سبزیاں اور مرچیں ڈالیں اور گھر کی طرف بھاگا۔ مگر دل میں ایک نیا احساس جاگ چکا تھا—اب میں مرچ کو صرف ایک تیز مرچیں لگانی والی چیز نہیں سمجھوں گا، بلکہ ایک قدرتی دوا کے طور پر دیکھوں گا۔

✍ جاوید اختر آرائیں

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/5927
⭕ ISLAM WITH EMAN ⭕

🔷 دس روپے کیلئے ہزاروں کا نقصان؟ 🔷

استاد : اگر تمہارے پاس 86،400 روپے ہوں اور کوئی ڈاکو ان میں سے 10 روپےچھین کر بھاگ جائے تو تم کیا کرو گے ؟*

کیا تم اُس کے پیچھے بھاگ کر اپنی لوٹی ہوئی 10 روپےکی رقم واپس حاصل کرنے کی کوشش کرو گے ؟؟ یا پھر اپنے باقی کے بچے ہوئے 86،390 روپےکو حفاظت سے لیکر اپنے راستے پر چلتے رہو گے؟

طلبا نے کہا : ہم 10 روپے کی حقیر رقم کو نظر انداز کرتے ہوئے اپنے باقی کے پیسوں کو حفاظت سے لیکر اپنے راستے پر چلتے رہیں گے۔

استاد نے کہا : تمھارا بیان اور مشاہدہ درست نہیں۔ میں نے دیکھا ہے کہ ذیادہ تر لوگ اُن 10 روپے کو واپس لینے کے چکر میں ڈاکو کا پیچھا کرتے ہیں اور نتیجے کے طور پر اپنے باقی کے بچے ہوئے 86،390 روپے سے بھی ہاتھ دھو بیٹھتے ہیں۔

طلباء نے حیرت سے استاد کو دیکھتے ہوئے کہا: سر، یہ ناممکن ہے، ایسا کون کرتا ہے ؟

استاد نے کہا : یہ 86،400 اصل میں ہمارے ایک دن کے سیکنڈز ہیں۔

کسی 10 سیکنڈز کی بات کو لیکر، یا کسی 10 سیکنڈز کی ناراضگی اور غصے کو بنیاد بنا کر ہم باقی کا سارا دن سوچنے، جلنے اور کُڑھنے میں گزار کر اپنا باقی کا سارا دن برباد کرتے ہیں۔ یہ والے 10 سیکنڈز ہمارے باقی بچے ہوئے 86،390 سیکنڈز کو بھی کھا کر برباد کر دیتے ہیں۔

باتوں کو نظرانداز کرنا سیکھیئے۔ ایسا نہ ہو کہ آپ کا کوئی وقتی اشتعال، ناراضگی آپ سے آپ کے سارے دن کی طاقت چھین کر لے جائے.

معاف کریں, بھول جائیں اور آگے بڑھیں....!!
ہمیشہ خوشیاں بانٹیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 کیلنڈر ماہ رمضان المبارک 🔷

🔹 یکم رمضان المبارک 1446ھجری
02 مارچ 2025 عیسوی
19 پھاگن 2081 بکرمی
بروز اتوار
صحیفہ ابراہیم علیہ السلام نازل ہوا ، غزوہ تبوک 9 ھجری


🔹 02 رمضان المبارک 1446ھجری
03 مارچ 2025 عیسوی
20 پھاگن 2081 بکرمی
بروز سوموار
امام رضا علیہ السلام کی ولی عہدی کا آغاز


🔹 06 رمضان المبارک 1446ھجری
07 مارچ 2025 عیسوی
24 پھاگن 2081 بکرمی
بروز جمعہ مبارک
نزول توریت


🔹 07 رمضان المبارک 1446ھجری
08 مارچ 2025 عیسوی
25 پھاگن 2081 بکرمی
بروز ہفتہ
وفات سیدہ بی بی فاطمہ بنت اسد سلام اللّٰہ علیہ
(والدہ محترمہ امام علی علیہ السلام )


🔹 10 رمضان المبارک 1446ھجری
11 مارچ 2025 عیسوی
28 پھاگن 2081 بکرمی
بروز منگل
وصال سیدہ بی بی خدیجہ الکبریٰ سلام اللّٰہ علیہ 10 بعثت
( زوجہ نبی اکرم صلی اللّٰہ علیہ وآلہ وسلم)


🔹 12 رمضان المبارک 1446ھجری
13 مارچ 2025 عیسوی
30 پھاگن 2081 بکرمی
بروز جمعرات
نزول انجیل - روز مواخات


🔹 15 رمضان المبارک 1446ھجری
16 مارچ 2025 عیسوی
03 چیت 2082 بکرمی
بروز اتوار
ولادت با سعادت حضرت امام حسن مجتبیٰ علیہ السلام


🔹 17 رمضان المبارک 1446ھجری
18 مارچ 2025 عیسوی
05 چیت 2082 بکرمی
بروز منگل
فتح غزوہ بدر 2 ھجری


🔹 18 رمضان المبارک 1446ھجری
19 مارچ 2025 عیسوی
06 چیت 2082 بکرمی
بروز بدھ
نزول زبور


🔹 19 رمضان المبارک 1446ھجری
20 مارچ 2025 عیسوی
07 چیت 2082 بکرمی
بروز جمعرات
ضربت برسر اقدس امیر المومنین مولا علی علیہ السلام


🔹 20 رمضان المبارک 1446ھجری
21 مارچ 2025 عیسوی
08 چیت 2082 بکرمی
بروز جمعہ مبارک
فتح مکہ 8 ھجری


🔹 21 رمضان المبارک 1446ھجری
22 مارچ 2025 عیسوی
09 چیت 2082 بکرمی
بروز ہفتہ
شھادت حضرت امیر المومنین مولا علی ابن ابی طالب علیہ السلام در مسجد کوفہ 40ھجری


🔹 22 رمضان المبارک 1446ھجری
23 مارچ 2025 عیسوی
10 چیت 2082 بکرمی
بروز اتوار
شب قدر ( دن گزرنے کے بعد )


🔹 23 رمضان المبارک 1446ھجری
24 مارچ 2025 عیسوی
11 چیت 2082 بکرمی
بروز سوموار
نزول قرآن مجید


🔹 27 رمضان المبارک 1446ھجری
28 مارچ 2025 عیسوی
15 چیت 2082 بکرمی
بروز جمعہ مبارک
یوم القدس - جمعتہ الوداع
شب قدر ( بمطابق اہل سنت )

🌹 پوسٹ پسند آئے تو دوسروں کی معلومات کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

یہ افریقی بزرگ مسلمان ہیں۔
بکریوں کے لیے ویلوں والا جنگلا بنوایا ہے۔
اسی میں بکریاں لے کر جاتے ہیں
اور شام کو واپس لاتے ہیں۔
لوگوں کے ذہن میں یہ سوال ضرور ابھرتا
اور وہ خود ہی اس کا جواب سوچ لیتے۔

"شاید بکریوں کے بھاگنے سے بچاؤ کے لیے
یا یہ کہ بکریاں کہیں سڑک پر آتی جاتی گاڑیوں سے ٹکرا نہ جائیں، کوئی حادثہ نہ ہوجاۓ، وغیرہ"

ایک روز کسی نوجوان نےبزرگ سے پوچھ لیا،
بابا جی یہ جنگلا کس لیے ہے؟
کہا: "بیٹا، میں ڈرتا ہوں
کہیں میری بکریاں کسی کے کھیت سے کچھ چَر نہ لیں،
قیامت کے روز بکریوں کا مالک ہونے کی حیثیت سے اللہ کے ہاں جواب تو مجھے ہی دینا پڑے گا ،
تب وہاں کیا عذر پیش کروں گا"

عربی جریدے "الحدث" سے اردو ترجمہ:

🔷 جناح کا باورچی 🔷

‏یہ جناح کے زیارت میں قیام کے زمانے کی بات ہے کہ ڈاکٹر کرنل الٰہی بخش نے فاطمہ جناح سے پوچھا: ’آپ کے بھائی کو کچھ کھانے پر کیسے آمادہ کیا جائے، ان کی خاص پسند کا کوئی کھانا بتائیں۔”
فاطمہ جناح نے بتایا کہ بمبئی میں ان کے ہاں ایک باورچی ہوا کرتا تھا جو چند ایسے کھانے تیار کرتا تھا کہ بھائی ان کو بڑی رغبت سے کھاتے تھے، لیکن پاکستان بننے کے بعد وہ باورچی کہیں چلا گیا۔ انھیں یاد تھا کہ وہ لائل پور (موجودہ فیصل آباد) کا رہنے والا تھا اور کہا کہ شاید وہاں سے اس کا کچھ اتا پتا مل سکے۔
یہ سن کر ڈاکٹر صاحب نے حکومت پنجاب سے درخواست کی کہ اس باورچی کو تلاش کر کے فوراً زیارت بھجوایا جائے۔ کسی نہ کسی طرح وہ باورچی مل گیا اور اسے فوراً ہی زیارت بھجوا دیا گیا تاہم جناح کو اس کی آمد کے بارے میں کچھ نہیں بتایا گیا۔
کھانے کی میز پر انھوں نے اپنے مرغوب کھانے دیکھتے ہوئے تعجب کا اظہار کیا اور خوش ہو کر خاصا کھانا کھا لیا۔ جناح نے استفسار کیا کہ آج یہ کھانے کس نے بنائے ہیں تو ان کی بہن نے بتایا کہ حکومت پنجاب نے ہمارے بمبئی والے باورچی کو تلاش کر کے یہاں بھجوایا ہے اور اس نے آپ کی پسند کا کھانا بنایا ہے۔
جناح نے بہن سے پوچھا کہ اس باورچی کو تلاش کرنے اور یہاں بھجوانے کاخرچ کس نے اٹھایا ہے۔ عرض کیا کہ یہ کارنامہ حکومت پنجاب نے انجام دیا ہے، کسی غیر نے تو خرچ نہیں کیا۔ پھرجناح نے باورچی سے متعلق فائل منگوائی اور اس پر لکھا کہ ’گورنر جنرل کی پسند کا باورچی اور کھانا فراہم کرنا حکومت کے کسی ادارے کا کام نہیں ہے۔ خرچ کی تفصیل تیار کی جائے تا کہ میں اسے اپنی جیب سے ادا کرسکوں‘ اور پھر ایسا ہی ہوا!!”

خصوصی رپورٹ “قائدِ اعظم کی زندگی کے آخری 60 دن” سے اقتباس ۔
بی بی سی اردو

🌹 پوسٹ پسند آئے تو دوسروں کی معلومات کے لئے شیئر ضرور کریں۔

https://t.me/islamwitheman/5936
⭕ ISLAM WITH EMAN ⭕

🔷 استاد فقیر محمد 🔷

ہم 1988 میں جب نویں کلاس میں پڑھتے تھے ، اس وقت اسکول یونیفارم میں اونٹ کے رنگ کی شلوار قمیض اور سفید جوتے ہوتے تھے ۔
ہیڈ ماسٹر صاحب یونیفارم کے معاملے میں بہت سختی سے پیش آتے تھے اس لئے تمام طلباء یونیفارم پہن کر آتے تھے سوائے دو ایک کے جو غریب تھے۔

ایک دن صبح کی اسمبلی کے دوران میٹرک کے طالب علم بیکھو مٙل بغیر یونیفارم کے اسمبلی کی قطار میں کھڑا تھا، جیسے ہی ہیڈ ماسٹر کی نظر اس پر پڑی بہت ہی غصے میں بیکھو مٙل کو کالر سے پکڑ کر باہر لیکر آیا، ہیڈ ماسٹر کا غصہ دیکھتے ہوئے بیکھو مل زور زور سے کہنے لگا:
سائیں میری بات سنیں ۔۔۔۔۔۔۔۔۔ میری بات سنیں
میرا باپ باسو مل غریب آدمی ہے وہ مجھے کہاں سے یونیفارم اور جوتے لیکر دے؟
مجھے آپ ماریں نہیں میں کل سے اسکول نہیں آؤں گا۔

ہیڈ ماسٹر استاد غلام حیدر کھوکھر نے اسے چھوڑ دیا اور اسٹیج پر چڑھ کر تمام طلباء سے مخاطب ہوتے ہوئے کہا کہ اسمبلی کے بعد بیکھو مٙل ایک ایک کلاس میں آئے گا ، آج آپ کو جو خرچی ملی ہے وہ آپ بیکھو مل کو دے دینا تاکہ وہ یونیفارم خرید کر سکے۔
میرے پاس حسب معمول آٹھ آنے جیب خرچ ملتا تھا سوچا آج کے دن سموسہ نہیں کھاؤں گا وہ میں بیکھو مل کو دے دوں گا۔
کلاس میں ابھی بیٹھے ہی تھے کہ کلاس کے ٹیچر استاد فقیر محمد حیات ہسبانی کلاس میں آ گئے ، تھوڑی دیر بعد بیکھو مٙل بھی استاد سے اجازت لیکر ہماری کلاس میں داخل ہوا۔

اس کے ہاتھ میں ایک ایک روپے کے چند نوٹ اور کچھ سکّے تھے جو شاید اس نے اپنی کلاس سے جمع کئے تھے۔
استاد فقیر محمد حیات ہسبانی بہت غصے میں تھے ہم سب کو منع کیا کہ کوئی بھی اس کو پیسے نہیں دے گا اور بیکھو مٙل کی جانب دیکھتے ہوئے غصے میں کہا کہ ڈوب نہیں مرتے جو بھیک مانگتے پھرتے ہو۔
کیا غربت کی آڑ میں ساری زندگی بھیک مانگتے پھرو گے؟
واپس اپنے کلاس میں جاؤ اور جن جن سے پیسے لئے ہیں ان کو واپس کر کے آؤ میں تمہیں یونیفارم لیکر دوں گا۔
بیکھو مٙل استاد کے کہنے پر واپس اپنی کلاس میں گیا اور سب کو ان کے پیسے واپس کر کے آ گیا۔

استاد فقیر محمد حیات ہسبانی نے پوچھا کہ شام کے وقت کون سا کام کر سکتے ہو ؟
بیکھو مٙل نے جواب دیا کہ میرا باپ موچی ہے ، میں بوٹ پالش کرنا اور جوتوں کی مرمت کا کام کر سکتا ہوں مگر میرے پاس سامان خرید کرنے کیلئے پیسے نہیں ہیں۔
استاد نے پوچھا کتنے پیسے چاہئے ہونگے ؟
اس نے کہا ایک لکڑی کی پیٹی اور چند برش ، پالش وغیرہ سب ملا کر کوئی ڈیڑھ سو روپے چاہئے ان میں سب سامان آ جائے گا۔
استاد نے اپنی جیب میں ہاتھ ڈالا اور ڈیڑھ سو روپے گن کر دیئے اور کہا کہ یہ ادھار ہے ، تم مجھے روز کے حساب سے ہر ہفتے سات روپے واپس کرنا۔
اس کے بعد مجھ سے کاپی مانگی اور اس کے تین کورے صفحات پھاڑ کر نکال لئے اور ان پر کچھ لکھنے لگے تینوں چٹھیاں بیکھو مٙل کو دیتے ہوئے کہا ایک چٹھی رشید پنجابی کو دینا وہ تمہیں کپڑا دے گا اور تمہیں ایک روپے روزانہ کے حساب سے اس کا قرض واپس کرنا ہے ، دوسری چٹھی خالق منگی کو دینا وہ تجھے نئے جوتے دے گا اسے بھی ایک روپیہ روز کے حساب سے قرضہ واپس کرنا ہے ، یہ تیسری چٹھی یوسف درزی کو دینا وہ تمہیں یونیفارم سی کر دے گا اسے بھی ایک روپے روزانہ دینے ہیں، چار روپے قرضہ اتارنے کیلئے تمہیں ہر صورت میں اتنا کمانا ہیں تاکہ تم قرضہ چکا سکو اور اسے کے بعد تمہیں اپنی محنت کے ذریعے آگے بڑھنا ہے .

ایک بار بھیک مانگنے کی عادت پڑ گئی تو ساری زندگی بھیک مانگتے ہی گزرے گی
بیکھو مٙل وعدہ کر کے چلا گیا بعد میں استاد نے ہمیں کہا کہ آپ لوگ اپنے جوتوں کی مرمت اور بوٹ پالش ہمیشہ بیکھو مٙل سے کروایا کریں
وقت تیزی سے گزر گیا 12 سال پلک جھپکتے گزر گئے
1999 میں ہائے اسکول کرونڈی میں دسویں کلاس کے طلباء کی الوداعی پارٹی ہو رہی تھی ، استادوں کے ساتھ شہر کی معززین کو بھی دعوت تھی۔

تقریر کرنے کیلئے شہر کی ایک بڑی فلور مل کے معزز جنرل منیجر بیکھو مٙل کو دعوت دی گئی، کاٹن کے سوٹ میں ملبوس، ماتھے پر ری بین کا چشمہ رکھے اپنی تقریر میں اسی اسکول میں پیش آئے 1988 کا قصہ سناتے ہوئے زار و قطار روتے ہوئے اسٹیج پر بیٹھے اپنے استاد فقیر محمد حیات ہسبانی کے پیروں کو چھوتے ہوئے بتایا کہ کس طرح ایک کامل استاد نے مجھے بھیک مانگنے سے بچایا اور محنت کا سبق دیا۔

🔘 آج کل مدد کے نام پر جو بھیک بانٹی جا رہی ہے, اس سے ھم مستقل بھکاری پیدا کئے جا رہے ہیں ، اس کی تصیح کے لئے بھی کسی استاد فقیر محمد حیات حیسبانی جیسا مرد قلندر درکار ھے"

📚 محترم محمد ایوب قمبرانی کی سندھی تحریر کا اردو ترجمہ۔

🌹 پوسٹ پسند آئے تو دوسروں کی معلومات کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 ماں کی ضد 🔷

عالیہ کی دس سال پہلے شادی ہوئی تھی۔ شادی بہت دھوم دھام سے کی گئی۔ شادی کے چھ ماہ بعد ہی عالیہ ماں باپ کے گھر آکے بیٹھ گئی۔ وجہ وہی شکایات جو عام طور پر ہر بہو کو اپنی ساس سے ہوتی ہیں۔

ماں باپ نے بے وقوفی کی کہ بجائے اسے سمجھانے کے اس کے شوہر کو بلایا اور الگ گھر کا مطالبہ کر دیا۔ داماد نے اپنی مجبوریاں بتا کر کچھ مہلت طلب کی کہ دو چار سال میں الگ گھر کا بندوبست کر لوں گا لیکن عالیہ کے ماں باپ نہ مانے۔ عالیہ کی ماں کہنے لگی کہ ہماری بچی ہم پر بھاری نہیں ہے کہ ہم اسے دو وقت کا کھلا نہ سکیں۔

داماد نے بہت کوشش کی لیکن عالیہ کے ماں باپ نے اسے بھیجنے سے انکار کر دیا۔

عالیہ بھی یہ سوچ کر ماں باپ کے گھر بیٹھ گئی کہ جب عقل ٹھکانے آئے گی تو مطالبہ پورا کر کے خود ہی لینے آئے گا لیکن بے چارے شوہر کی اتنی پسلی ہی نہیں تھی کہ وہ الگ گھر کا بندوبست کر سکتا۔

عالیہ کے خاوند نے کچھ عرصہ تو صلح کی کوشش کی لیکن عالیہ کی ماں اڑی رہی اور اپنی بیٹی کو نہ بھیجا۔

چند ماہ بعد عالیہ ایک بیٹے کی ماں بن گئی۔ خاوند نے اس موقع پر پھر صلح کی کوشش کی لیکن عالیہ کی ماں بھی ضد کی پکی تھی داماد کو بے عزت کر کے گھر سے نکال دیا کہ جب تک میری بیٹی کے لیے الگ گھر کا بندوبست نہیں کرتے تب تک بیٹی نہیں بھیجوں گی۔

بیٹی بے چاری بول ہی نہ سکی کہ امی میں اب جانا چاہتی ہوں۔

اس بات کو اب دس سال ہوچکے ہیں اور عالیہ اپنے بیٹے سمیت ابھی بھی ماں باپ کے گھر بیٹھی ہے۔ اس نے کئی بار جانے کا فیصلہ کیا لیکن ماں باپ کی عزت کی وجہ سے چپ رہی۔

اب بے چاری عالیہ بھائیوں پر بوجھ بن چکی ہیں۔ والد انتقال کر چکا ہے ماں بیمار ہو کر چارپائی کی ہو گئی ہے۔ عالیہ کا بیٹا بے چارہ باپ کے ہوتے ہوئے بھی یتیموں والی زندگی گذار رہا ہے۔ عالیہ اب پچھتاتی ہے اور یہ سوچ سوچ کر پریشان ہے کہ اس کی ماں کے بعد اسکا کیا بنے گا۔ ماں یہ نہیں سوچ رہی بس اپنی بات پر ہی اڑی ہوئی ہے۔

لوگ سمجھا سمجھا کر تھک گئے ہیں پر کسی کی بات بھی اسکی سمجھ میں نہیں آئی۔

🔘 میں سوچتا ہوں کہ کچھ والدین کتنے بے وقوف ہوتے ہیں۔ جذبات میں آکر غلط فیصلہ کر کے اپنی بیٹی کی زندگی تباہ کر دیتے ہیں۔ بے چاری ساری عمر بھابھیوں کے طعنوں کا نشانہ بنتی ہے ذلیل وخوار ہوتی ہے۔

وہ یہ نہیں سوچتے کہ بیٹی کی ضرورت صرف دو وقت کی روٹی نہیں بلکہ اسے اپنے خاوند کا سہارا چاہیے، اسکے بچوں کو اپنے باپ کی ضرورت ہے۔ کاش کہ ماں باپ فیصلہ کرتے وقت جذبات کی بجائے عقل سے کام لیں اور کسی خاندان کو ٹوٹنے سے بچا لیں۔

🌹 پوسٹ پسند آئے تو دوسروں کی معلومات کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 آئمہ طاہرینؑ کا ذریعہ معاش 🔷

آئمہ طاہرین علیھم السلام کا ذریعہ معاش کیا تھا؟ کیا وہ صرف حکومتی وظیفہ پر گزارا کرتے تھے؟
یہ وہ سوالات ہیں جو اکثر لوگ/ ملحدین آئمہ طاہرین کے بارے میں توہین آمیز الفاظ کے ساتھ استفسار کرتے ہیں۔

تاریخ کے اوراق پلٹ کر دیکھتے ہیں کہ آئمہ طاہرینؑ کا ذریعہ معاش کیا تھا؟

1. امام علی علیہ السلام کا ذریعہ معاش
امام علی علیہ السلام کھیتی باڑی، کنویں کھودنے اور باغات آباد کرنے میں مشغول رہتے تھے۔ آپ نے مدینہ، یمن اور دوسرے مقامات پر متعدد کنویں کھودے، جنہیں بعد میں "آبار علی" کہا جانے لگا۔

ابن ابی الحدید لکھتے ہیں:
"وَكَانَ يَسْتَقِي بِالنَّاضِحِ، حَتَّى جَمَعَ مِنْ ذَلِكَ مَالًا، وَاشْتَرَى بِهِ مَحَابِسَ وَعُيُونًا وَضِيَاعًا"
(شرح نہج البلاغہ، ابن ابی الحدید، ج 13، ص 270)

"اور وہ (علیؑ) اپنی محنت سے پانی نکالتے، یہانتک کہ اس سے مال اکٹھا کیا اور اس کے ذریعے باغات، کنویں اور زمینیں خریدیں۔"

2. امام حسنؑ کا ذریعہ معاش
امام حسن مجتبیٰ علیہ السلام زراعت اور زمین داری سے اپنا گزر بسر کرتے تھے۔ انہوں نے کئی بار اپنی ذاتی دولت حاجتمندوں میں تقسیم کی۔

ابن عساکر اپنی کتاب تاریخ دمشق میں لکھتے ہیں:
"كَانَ الْحَسَنُ بْنُ عَلِيٍّ يَتَعَاهَدُ الْفُقَرَاءَ وَيَحْمِلُ إِلَيْهِمُ الطَّعَامَ بِاللَّيْلِ عَلَى ظَهْرِهِ"
(تاریخ دمشق، ابن عساکر، ج 13، ص 277)

"حسن بن علیؑ فقیروں کا خیال رکھتے اور رات کے وقت اپنی پیٹھ پر کھانے لے جا کر انہیں پہنچاتے تھے۔"

3. امام حسینؑ کا ذریعہ معاش
امام حسین علیہ السلام کی مدینہ اور خیبر میں وسیع زمینیں تھیں، جہاں وہ زراعت کرتے اور اس سے آمدنی حاصل کرتے تھے۔

شیخ عباس قمی نفس المہموم میں لکھتے ہیں:
"وَكَانَ لَهُ (الإمام الحسين) أَرَاضِي كَثِيرَةٌ بِالْمَدِينَةِ وَخَيْبَرَ يَسْتَغِلُّهَا"
(نفس المہموم، شیخ عباس قمی، ص 147)

"امام حسینؑ کی مدینہ اور خیبر میں بہت ساری زمینیں تھیں جن سے وہ آمدنی حاصل کرتے تھے۔"

4. امام زین العابدینؑ کا ذریعہ معاش
امام سجاد علیہ السلام مدینہ میں باغبانی کرتے اور کھیتوں کی دیکھ بھال کرتے تھے۔

ابن سعد الطبقات الکبریٰ میں لکھتے ہیں:
"وَكَانَ عَلِيُّ بْنُ الْحُسَيْنِ يَعْمَلُ فِي مَزَارِعِهِ وَيَحْفِرُ الْآبَارَ"
(الطبقات الکبریٰ، ابن سعد، ج 5، ص 145)

"علی بن الحسینؑ اپنے کھیتوں میں کام کرتے اور کنویں کھودتے تھے۔"

5. امام محمد باقرؑ کا ذریعہ معاش
امام باقر علیہ السلام نے اپنے دور میں زرعی اور تجارتی سرگرمیوں کو فروغ دیا۔

کلینی الکافی میں روایت کرتے ہیں:
"كَانَ الْإِمَامُ مُحَمَّدُ الْبَاقِرُ يَزْرَعُ فِي الْمَدِينَةِ وَيُوَزِّعُ غَلَّتَهَا عَلَى الْفُقَرَاءِ"
(الکافی، شیخ کلینی، ج 5، ص 74)

"امام محمد باقرؑ مدینہ میں زراعت کرتے اور اس کی پیداوار فقیروں میں تقسیم کرتے تھے۔"

6. امام جعفر صادقؑ کا ذریعہ معاش
امام صادقؑ مدینہ میں کھیتی باڑی کرتے اور تجارتی معاملات میں بھی دلچسپی لیتے تھے۔

شیخ مفید الارشاد میں لکھتے ہیں:
"وَكَانَ يَعْمَلُ فِي زِرَاعَتِهِ، وَيَقُولُ: الْعَامِلُ فِيهَا كَالْمُجَاهِدِ فِي سَبِيلِ اللَّهِ"
(الارشاد، شیخ مفید، ص 299)

"وہ (امام جعفر صادقؑ) اپنی زمینوں میں کام کرتے اور فرماتے کہ زراعت کرنے والا اللہ کی راہ میں جہاد کرنے والے کی مانند ہے۔"

7. امام موسیٰ کاظمؑ کا ذریعہ معاش
امام موسیٰ کاظمؑ باغبانی کرتے اور زراعت کے ذریعے اپنی روزی کماتے تھے۔

علامہ مجلسی بحارالانوار میں لکھتے ہیں:
"كَانَ الْإِمَامُ مُوسَى الْكَاظِمُ يَزْرَعُ وَيَعْمَلُ بِيَدِهِ"
(بحارالانوار، علامہ مجلسی، ج 48، ص 101)

"امام موسیٰ کاظمؑ زراعت کرتے اور خود اپنے ہاتھ سے کام کرتے تھے۔"

8. امام علی رضاؑ کا ذریعہ معاش
امام رضاؑ مدینہ میں کھیتی باڑی اور تجارت کرتے تھے۔

شیخ صدوق عیون اخبار الرضا میں لکھتے ہیں:
"وَكَانَ الرِّضَا يُعْتَمَدُ فِي مَعَاشِهِ عَلَى زِرَاعَتِهِ وَمَا كَانَ لَهُ مِنَ الْوُقُوفِ"
(عیون اخبار الرضا، شیخ صدوق، ج 2، ص 180)

"امام رضاؑ اپنی زراعت اور وقف شدہ جائیدادوں پر گزارا کرتے تھے۔"

9. امام محمد تقیؑ، امام علی نقیؑ، امام حسن عسکریؑ کا ذریعہ معاش
یہ آئمہ علیہم السلام سخت حکومتی نگرانی میں تھے، لیکن اس کے باوجود ان کی آمدنی کا ذریعہ خاندانی جائیدادیں اور شیعہ مؤمنین کی مدد تھی۔

شیخ مفید الارشاد میں لکھتے ہیں:
"وَكَانَ لِلْأَئِمَّةِ أَرَاضٍ وَوُقُوفٌ يَعِيشُونَ مِنْهَا"
(الارشاد، شیخ مفید، ص 321)

"آئمہؑ کے پاس زمینیں اور اوقاف تھے جن سے وہ گزارا کرتے تھے۔"

🔘 ان مستند حوالہ جات سے واضح ہوتا ہے کہ آئمہ طاہرین علیہم السلام کسی بھی حکومتی وظیفے پر انحصار نہیں کرتے تھے، بلکہ زراعت، باغبانی، تجارت اور ذاتی زمینوں کی آمدنی سے اپنی ضروریات پوری کرتے تھے۔

https://t.me/islamwitheman
⭕ ISLAM WITH EMAN ⭕