🔷 موبائل پاسورڈ لگائیں لیکن۔۔۔ 🔷

موبائل پر پاس ورڈ لگایا کریں پر کال کرنے والے آپشن کو کھلا چھوڑ دیا کریں۔

ایک حاملہ خاتون سیڑھیوں سے گری اور گرتے ہی بےہوش ہو گئی۔ اس وقت گھر میں اسکی دس سالہ بیٹی کے سوا کوئی بھی نہیں تھا۔
بچی کو کچھ سمجھ نہیں آ رہا تھا کیا کرے۔ پھر اس نے اپنی امی کا موبائل اٹھایا، تاکہ ابو کو کال کرے۔ لیکن موبائل پہ پاسورڈ لگا ہوا تھا، بچی کچھ نہ کر سکی، بالآخر ماں اپنی زندگی سے ہار گئی۔

اسی طرح تین دوستوں کو دوران سفر کار حادثہ پیش آیا۔ایک اجنبی نے سارا معاملہ دیکھا اور وہ انکی مدد کرنا چاہتا تھا۔ مگر اس کے پاس کوئی موبائل فون نہیں تھا۔ جس کار کو حادثہ پیش آیا، اس میں چھ موبائل تھے۔ مگر ہر ایک کے موبائل پہ پاس ورڈ لگا ہوا تھا۔نتیجتاً وہ بروقت اسپتال نہ پہنچ سکے۔ غلطی کس کی ہے؟

🔘 آپ اپنی معلومات کے بارے میں بہت حساس ہیں، جبھی موبائل پہ پاس ورڈ لگاتے ہیں۔ یہ اچھی بات ہے۔ پاس ورڈ ضـــــرور لگائیں، لیکـــــــن صرف واٹس ایپ، پیغامات، فیس بک اور دوسری اہم فائیلز پر ہی لگائیں۔ صرف کال کرنے والے آپشن کو کھلا چھوڑ دیں۔ ہو سکتا ہے کہ آپ ایک دن اپنی یا اپنے کسی چاہنے والے کی زندگی بچا سکیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

★ جدید طبی مشورے ★

💥 کولسٹرول کی کہانی اب پرانی ہو گٸی ھے۔ جدید ریسرچ کے مطابق اس نام کی کوٸی چیز نہیں۔ نہ کوٸی اچھا کولسٹرول ہوتا ھے اور نہ کوٸی برا۔ یہ سب فارماسوٹیکل کمپنیوں کا کمال تھا۔ خوب بیوقوف بنایا دنیا کو اور اربوں کماٸے۔

آپ بھی ادرک پیاز لہسن اجواٸن اور قہوے پودینے جوشاندوں سے باہر نکلیں ۔ یہ ہلکی پھلکی بیماری کی صورت میں استعال ہوتے ہیں روزانہ صبح شام کھانے کیلٸے نہیں ہیں۔

بے دھڑک ہو کر روزانہ انڈا کھاٸیں اس سے ہارٹ اٹیک کا کوٸی تعلق نہیں۔ AFIC میں باٸی پاس کے مریضوں کو روزانہ 2 انڈے کھلاتے ہیں۔

اگر آپ کو بھوک لگتی ھے اور آپ آٹھ گھنٹے روزانہ سوتے ہیں اور اور آپ کی تھوڑی بہت physical ایکٹیویٹی ھے تو بیشک روزانہ پراٹھا کھاٸیں دیسی گھی کا شہد کے ساتھ۔ قوت بخش غذا کی بڑھاپے میں ضرورت ہوتی ہے اور ہم لوگ شلجم اور ڈبل روٹی کھانا شروع کر دیتے ہیں۔ پھر کہتے ہیں چکر آتے ہیں گھٹنے میں درد ہے بلڈ پریشر نیچے جا رہا ہے بلڈ پریشر اوپر جا رہا ہے۔

بھاٸی صاحب اپنے معمولات درست کریں۔ مٹن، بیف، مچھلی، دیسی مرغی ھفتے میں ایک دو دفعہ کھانے سے نہ گردے فیل ہوتے ہیں اور نہ گنٹھیا کا مرض ہوتا ھے اور نہ گاوُٹ کا۔

سبز پتے اور گاجر مولی سلاد کھانے سے وزن کم نہیں ہوتا ورنہ بھینس بیچاری اتنی بھاری بھرکم نہ ہوتی۔

دودھ پیا کریں ڈاکٹروں پر مت جاٸیں صرف MBBS کرنے سے کوٸی افلاطون نہیں بن جاتا۔ کیلشیم یا فل کریم اور ہاف کریم کے چکر میں مت پڑیں۔ ایک گلاس دودھ روزانہ پیا کریں۔

یاد رکھیں انسان کا بچہ اور گینڈے کا بچہ بچپن میں صرف دودھ پی کر بڑا ہوتا ھے۔ پانی زیادہ پیا کریں ٹھنڈا یا گرم پانی مناسب نہیں۔ نارمل room temperature پانی استعمال کریں۔

موسمی پھل معدہ اور سکن کیلٸے مفید ہونے کے علاوہ بے شمار دماغی اور اعصابی امراض کا علاج ہیں۔ سرد موسم میں ڈراٸی فروٹ کا استعمال زیادہ کریں۔ ریٹاٸرڈ پینشنر مونگ پھلی کو بھی ڈراٸی فروٹ سمجھ سکتے ہیں۔ عارضہ قلب کیلٸے مفید چیز ھے۔ انجیر تازہ یا خشک دونوں صورت میں جادو کا اثر رکھتی ھے۔

کالی مرچ، ہلدی کلونجی، دارچینی، سونف اور خشک دھنیا بہترین اینٹی باوٹک ہیں۔
۔
مصنوعی شکر (artificial sugar) ہرگز استعمال نہ کریں۔

شہد کے استعمال سے شوگر نہیں بڑھتی آپ آزما کر دیکھ لیں۔ اپنی شوگر چیک کریں پھر شہد کا ایک چمچ پانی کے گلاس میں حل کر کے کھاٸیں اب پھر شوگر چیک کریں آپ حیران ہو جاٸینگے۔ اور اگر تھوڑی بہت شوگر کی شکایت ہو بھی تو مناسب ورزش اور کھانے میں احتیاط سے کنٹرول میں رہتی ھے۔

باقی کھجور آم یا انگور کھانے سے آج تک کوٸی شوگر کا مریض مرتے نہیں دیکھا۔

باقی وہم کا کوٸی علاج نہیں۔
★صدقہ دیا کریں۔
★ بیوی کے علاوہ ہر بلا سے اپنے آپ کو دور رکھیں !!
★ اللہ کی عبادت نماز، روزہ، ڈکر و اذکار خوب دلجمعی سے کریں اور تندرست رہیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

*آپ خود کو دیکھیں کہ کیسے لوگوں کو فالو کر رہے ہیں، کن کی کمپنی میں رہ رہے ہیں کیونکہ نسبتوں سے بڑا فرق پڑتا ہے۔*

*(جیسے گندم میں کنکر ہو تو وہ کنکر گندم کے بھاؤ ہی بکتا ہے)*

*جیسے ایک اینٹ مسجد میں لگائیں اور ایک اینٹ بیت الخلاء میں ۔۔۔۔۔۔ مسجد والی اینٹ پر جوتوں کے ساتھ کوئی آ نہیں سکتا اور بیت الخلاء والی اینٹ پر بغیر جوتوں کے کوئی جاتا ہی نہیں۔*

*دونوں کے رتبے میں فرق کیوں پڑا؟ اینٹیں ایک جیسی تھیں بس ان کی نسبتوں نے ان کو اعلیٰ و ادنی بنا دیا۔*

*فرق صرف یہ تھا کہ دونوں کی نسبتیں الگ الگ تھیں تو آپ بھی اپنی نسبت ایسوں سے جوڑیں کہ کل کو آپ فخر کر سکیں۔*

*نسبت سے یقینا بہت فرق پڑتا ہے۔*

🌹🌹🌴🌹🌹


یہ دنیا آپکی ریسرچ کی محتاج ہے!
اس لیے زندگی میں نئے رنگ ضرور ڈھونڈیں!
ہر دن کچھ نیا سیکھیں ،نیا دیکھیں نیا ڈھونڈیں، نئی سوچ کا نیا زاویہ۔۔۔۔۔۔نیا دن تبھی ہو سکتا ہے جب اس دن میں کچھ نیا ہو!

تو دنیا چاہے سائنس کی ہو یا سپورٹس کی، آرٹس کی ہو یا میوزک کی، اپنی آنکھوں پہ قرآن کا چشمہ لگا کے سب رنگوں کی دنیا دیکھیں اور پرکھیں۔۔

یہ آپکو اللہ کے اور قریب کرے گا!
آپکے سوال آپکو قرآن سے جوڑیں گے!
اور قرآن نے انہی لوگوں کی تو ڈیمانڈ کی ہے اور تعریف کی ہے
کہ لعلکم تذکرون💓 سے لعلکم تعقلون💓
نصیحت سے عقل کا سفر اِسی راستے سے ہو گا!

*جمعہ مبارک___________*

🌹🌹🌴🌹🌹

🔷 احسان، دیکھ کر کریں 🔷

کسی جنگل میں ایک بکری بہت بے فکری سے ادھر ادھر گھوم رہی تھی۔ ایک کوے کو بہت حیرت ھوئی اور وہ بکری سے پوچھنے لگا کہ تمہیں کسی سے خوف کیوں نہیں ھے؟

بکری نے کہا: بھائی میری بے فکری کا سبب یہ ھے کہ کچھ عرصہ پہلے ایک شیرنی اپنے دو چھوٹے بچے چھوڑ کر مر گئی تھی۔ میں نے ان پہ ترس کھا کر اپنے دودھ پہ پال کر انہیں پروان چڑھایا۔ اب وہ جوان ھیں اور انہوں نے جنگل میں اعلان کر رکھا ھے کہ ھماری بکری ماں کی طرف کوئی میلی آنکھ سے نہ دیکھے۔سو اب کسی بڑے خوںخوار جانور میں بھی یہ ہمت نہیں کہ مجھ پہ ہاتھ ڈالے کسی چھوٹے موٹے جانور کا ذکر ہی کیا۔

کوے نے سوچا کاش مجھے بھی ایسی نیکی کرنے کا موقع ملے اور پرندوں کی دنیا میں مجھے بھی احترام حاصل ھو جائے۔ وہ یہی سوچتا ھوا اڑتا جا رہا تھا کہ اس نے نیچے دریا میں ایک چوہے کو ڈبکیاں کھاتے دیکھا۔

وہ فوراً نیچے اترا اور چوہے کو دریا سے نکال لایا اور ایک بڑے پتھر پہ لٹا کر اپنے پروں سے ھوا دینے لگا تاکہ وہ خشک ھو جائے۔

جونہی چوہے کے حواس بحال ھوئے اس نے کوے کے پر کترنے شروع کر دیئے۔ کوا بیچارہ نیکی کی دھن میں مگن تھا اور چوہا اپنی کارگزاری میں مصروف۔ اتنی دیر میں وہ خشک بھی ھو چکا تھا۔ لہذا اس نے اپنے بل کی طرف دوڑ لگا دی۔

کوا نیکی کر کے بہت موج میں تھا۔ اسی موج میں اس نے لمبی اڑان بھرنے کی کوشش کی مگر منہ کے بل زمین پہ آ پڑا اور اڑنے سے معذور ھو کر زمین پہ ہی اچھلنے اور گھسٹنے لگا۔

اتفاقاً بکری ادھر سے گزری تو پوچھنے لگی۔بھائی کوے تم پہ کیا افتاد آن پڑی؟

کوا غصے سے بولا۔یہ سب تمہارا کیا دھرا ھے۔تمہاری باتوں سے متاثر ھو کر میں نے نیکی کمانے کی چاہ میں چوہے کی جان بچائی مگر وہ میرے پر ہی کتر بھاگا۔

بکری ہنس پڑی اور کہنے لگی۔
بے وقوف اگر نیکی ہی کرنی تھی تو کسی شیر کے بچے کے ساتھ کرتے۔ چوہے کا بچہ تو اپنا چوہا پن ہی دکھائے گا۔ بد ذات اور بدنسل کے ساتھ نیکی کرنے والے کا وہی حال ھوتا ھے جو تمہارا ھوا ھے.

میاں محمد بخش کا ایک شعر ہے کہ۔۔۔

اصلاں نال جے نیکی کریئے، نسلاں تائیں نئیں بُھلدے
بد نسلاں نال نیکی کریئے، پھٹیاں چالاں چلدے

🔘 کووں کے بچے موتی چگنے سے ہنس نہیں بن جاتے اور کھارے پانی کے کنویں میں میٹھا ڈالنے کے بعد بھی کنواں کھارا ہی رہتا ہے۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/4230
⭕ ISLAM WITH EMAN ⭕

🔷 بیٹی دکھ سکھ کی ساتھی 🔷

لڑکیوں کے اسکول میں آنے والی نئی ٹیچر خوبصورت اور با اخلاق ہونے کے ساتھ ساتھ علمی طور پر بھی مضبوط تھی لیکن اُس نے ابھی تک شادی نہیں کی تھی.

سب لڑکیاں اس کے اردگرد جمع ہو گئیں اور مذاق کرنے لگیں کہ میڈم آپ نے ابھی تک شادی کیوں نہیں کی ؟

میڈم نے داستان کچھ یوں سنانا شروع کی

ایک دفعہ ایک خاتون کی پانچ بیٹیاں تھیں ، شوہر نے اس کو دھمکی دی کہ اگر اس دفعہ بھی بیٹی ہوئی تو اس بیٹی کو باہر کسی سڑک یا چوک پر پھینک آوں گا ،
خدا کی حکمت خدا ہی جانے کہ چھٹی مرتبہ بھی بیٹی پیدا ہوئی اور مرد نے بیٹی کو اٹھایا اور رات کے اندھیرے میں شہر کے مرکزی چوک پر رکھ آیا ماں پوری رات اس ننھی سی جان کیلئے دعا کرتی رہی اور بیٹی کو اللہ کے سپرد کر دیا ، دوسرے دن صبح باپ جب چوک سے گزارا تو دیکھا کہ کوئی بچی کو لے کر نہیں گیا بچی ساری رات ادھر ہی پڑی رہی باپ بیٹی کو واپس گھر لایا لیکن دوسری رات پھر بیٹی کو چوک پر رکھ آیا لیکن ماجرا اسی طرح تکرار ہوتا رہا یہاں تک کہ سات دن باپ باہر رکھ آتا اور جب کوئی لے نہ جاتا تو مجبوراً واپس اٹھا لاتا یہاں تک کہ باپ تھک گیا اور خدا کی رضا پر راضی ہو گیا۔

اور پھر خدا کا کرنا ایسا ہوا کہ ایک سال بعد ماں پھر حاملہ ہو گئی اور اس دفعہ اللہ نے انکو بیٹا عطا فرما دیا لیکن کچھ ہی دن بعد بیٹیوں میں سے ایک فوت كر گئی
یہاں تک کہ پانچ بار حاملہ ہوئی اور اللہ نے پانچ بیٹے عطا فرمائے لیکن ہر دفعہ اسکی بیٹیوں میں سے ایک اس دنیا سے رخصت ہو جاتی.
فقط ایک ہی بیٹی زندہ بچی اور وہ وہی بیٹی تھی جس سے باپ جان چھڑانا چاہ رہا تھا ، ماں بھی اس دنیا سے چلی گئی اُدھر 5 بیٹے اور 1 بیٹی سب بڑے ہو گئے .

ٹیچر نے کہا پتہ ہے وہ بیٹی جو زندہ رہی کون ہے ؟

وہ میں ہوں.

اور میں نے ابھی تک شادی اس لیے نہیں کی کہ باپ اتنا بوڑھا ہو گیا ہے کہ اپنے ہاتھ سے کھانا بھی نھیں کھا سکتا جبکہ کوئی دوسرا نہیں جو اسکی خدمت کرے بس میں ہی اسکی خدمت کیا کرتی ہوں

اور وہ 5 بیٹے کبھی کبھی آ کر باپ کی احوال پرسی کر جاتے ہیں جبکہ باپ ہمیشہ شرمندگی کے ساتھ رو رو کے مجھ سے کہا کرتا ہے میری پیاری بیٹی جو کچھ میں نے بچپن میں تیرے ساتھ کیا اس پر مجھے معاف کر دے۔

منقول۔۔۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 محبتوں کی ماں 🔷

سکول کالج یونیورسٹی اسکی ساری تعلیم مکمل ہو چکی تھی بس آخری سمیسٹر کا رزلٹ آنا باقی تھا آجکل اسے کوٸی کام نہیں تھا سواۓ بواۓ فرینڈ کے ساتھ فون پر لمبی چوڑی خوش گپیاں کرنے کے۔ یونیورسٹی میں وہ کسی سے محبت کر بیٹھی تھی روگ لگا بیٹھی تھی۔

پچھلے کچھ دنوں سے اسکا بواۓ فرینڈ اسے گھر سے بھاگ کر شادی کرنے پر قاٸل کر رھا تھا محبت کے واسطے لمبی چوڑی دلیلیں گھڑ رہا تھا اپیلیں کر رہا تھا۔

وہ بالکل پاگل ہو چکی تھی ویسے بھی تو ماں باپ نے بھی میری شادی کرنی ہی ھے تب بھی تو مجھے گھر چھوڑنا ہی ھے۔ ویسے بھی اب میں میچور ہوں اعلی تعلیم یافتہ ہوں عاقلہ بالغہ ہوں اپنے فیصلے خود کر سکتی ہوں۔ ویسے بھی وہ لڑکا میری محبت ھے والدین کو بتا بھی دوں تو بھی وہ میری شادی اس سے کبھی نہیں ہونے دینگے کیونکہ وہ تو میرے لیے میرے کزن کو پسند کرتے ہیں...

اس نے گھر سے بھاگنے کا بڑا فیصلہ کر لیا تھا فیصلے سے اپنے بواۓ فرینڈ کو آگاہ کیا وہ خوشی سے چلایا یہ ہوٸی نہ محبت۔

گھر سے بھاگنے کے لیے پچھلی رات کا وقت طے پا گیا وہ چوری چھپے اپنے چند ضروری کپڑے اور چھوٹی موٹی چیزیں بیگ میں پیک کر کے مقررہ وقت کا بے چینی سے انتظار کرنے لگی کہ اس دوران بواۓ فرینڈ کی کال آ گٸی کہنے لگا ماں نے کوٸی زیور شیور بھی بنایا ہو گا وہ بھی ہاتھ میں کر لو مشکل وقت میں کام آۓ گا۔

اچھا کچھ کرتی ہوں اسے پتہ تھا کے ماں نے اسکے لیے سونے کے زیورات بنا رکھے ہیں وہ ماں کے کمرے سے زیورات نکالنے کی ترکیب سوچنے لگی۔

وقت بہت کم تھا وہ جیسے ہی ماں کے کمرے کیطرف بڑھی ماں کمرے کا دروازہ کھول کر باہر آگٸی ایک لمحے کے لیے وہ ماں کو سامنے دیکھ کر سکتے میں چلی گٸی۔

میری شہزادی اتنی رات گئے تم جاگتی پھرتی ہو اور یہ تیار ہو کر کہاں جا رہی ہو؟

وہی تو بتانے آ رہی تھی رات لیٹ فون آیا تھا یونیورسٹی والوں نے ایمرجنسی کچھ کام سے بلایا ھے میری کچھ دوست بھی جا رہی ہیں۔ اس نے خود کو سنبھالتے ہوئے جھوٹ گھڑ دیا تھا۔

اچھا تم میرے کمرے میں ہی بیٹھو میں تمہارے لیے کچھ بنا کر لاتی ہوں.

ماں کچن میں چلی گٸی وہ ماں کے کمرے میں داخل ہوٸی، بہت اچھا موقع مل گیا ھے اس نے یہ سوچتے ہوئے جلدی سے پیٹی کا دروازہ کھولا تو سب سے پہلے اسکی نظر اپنے لیے بنے لال رنگ کے بہت پیارے لہنگے پر پڑی جو اسکی ماں نے خاص طور پر شادی والے دن کے لیے اسکی پسند سے بنوایا تھا۔

ایک سے بڑھ کر ایک اچھا سوٹ بہترین بستر ڈنر سیٹ ٹی سیٹ اور نہ جانے کیا کیا سامنے آ رہا تھا۔

چیزیں الٹ پلٹ کرتے کرتے آخر زیورات اس نے ڈھونڈ ہی نکالے لیکن اسکا دل و دماغ چکرا کر رہ گیا تھا زیورات اس سے اٹھاۓ نہیں جا رھے تھے۔

اس نے کمرے میں نظریں دوڑائیں تو دیکھا مشینیں, برتن سب کچھ اسکے لیے رکھا پڑا تھا۔

ضمیر نے اسے جھنجوڑا وہ سوچوں میں گم ہو گٸی ماں کی کوکھ سے جنم لینے سے لیکر اب تک ماں باپ نے میرے لیے کیا کچھ نہیں کیا۔

کھانا پینا پہناوا پڑھاٸی لکھاٸی چھوٹی بڑی سب خواہشات اپنا خون پسینہ ایک کر کے سب ادھورا پورا کیا میرے اگلے گھر کا سامان تک بنا دیا۔

اور میں بے فیض، بے وفا کیا کرنے جا رہی ہوں مار کر اپنے ماں باپ کو خود مرنے جا رہی ہوں


محبت کا سمندر گھر میں ھے اور میں محبت کا دریا سر کرنے جا رہی ہوں ... اسکی آنکھیں بھیگ گٸی تھیں اسے اپنی اعلی تعلیم اپنی حماقتوں پر خوب رونا آ رہا تھا۔

اس دوران ماں آ گٸی۔
یہ لو میری شہزادی اپنا پسندیدہ پراٹھا کھاٶ اتنا سفر ھے یونیورسٹی کا میری شہزادی کو بھوک لگ جاتی ہے۔ ویسے بھی آخری دفعہ یونیورسٹی جا رہی ہو سکول سے لیکر کالج یونيورسٹی تک تیری ماں نے آج تک تجھے بغیر ناشتے کے نہیں بھیجا۔ آج اگر تو بغیر ناشتے کے چلی جاتی تو تیری ماں کو مرتے دم تک اس بات کا دکھ رہتا۔

ماں کی بات سن کر بے اختیار وہ ماں کے گلے لگ کر پھوٹ پھوٹ کر رونے لگی ماں نے ماتھا چوم کر آنسو صاف کرتے ہوئے پوچھا میری شہزادی کیوں رو رہی ھے؟

وہ نظریں چراتے ہوئے کہنے لگی ماں مجھ سے کتنی محبت کرتی ہو ناں؟ یہ بھی کوٸی بات ہوٸی اب ماں سے بڑھکر بھی بھلا کوٸی محبت کر سکتا ھے؟

اس دوران اسکے موبائل کی گھنٹی بار بار بجنے لگی اس نے کال کاٹتے ہوے میسج  لکھا ...

سوری میں نہیں آ سکتی اور کبھی نہیں آ سکتی کیونکہ مجھے میری محبت میرے گھر سے ہی مل گٸی ھے۔

یہ جو ماں کی محبت ہوتی ھے نا۔۔۔!!!!!!
یہ محبتوں کی ماں ہوتی------ ھے۔

🔘 حاصل تحریر
تمہارا دلہن والا لہنگا تمہاری دلہے والی شیروانی تمہارے گھر میں ہی پڑی ھے اسے منہ کالا کر کے کورٹ کچہریوں کہ چکر میں باہر کے لوگوں کے آگے اپنی عزت گنوا بیٹھتے ہیں۔ اس چکر  میں پڑنے کی بجاۓ اپنے ماں باپ کے گھر سے ہی پہنا کرو کیونکہ تم پر انکا حق ھے جو بالکل برحق ھے.

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 خوبصورتی اور خوب سیرتی 🔷

اگر کوئی لڑکی اس گمان میں رہتی ھے کہ اس کی خوبصورتی ہی اس کا سب بڑا plus point ھے تو یہ اس کی سب سے بڑی غلطی ھے. مرد جب عورت کو پسند کرتا ھے تو وقتی طور پر عورت کی خوبصورتی ہی کو پسند کرتا ھے لیکن وقتی پسندیدگی جب محبت میں بدلتی ھے تو عورت کی خوبصورتی پیچھے رہ جاتی ھے. مرد پھر عورت کا رکھ رکھاؤ، کردار اس کا دین کے ساتھ لگاؤ اس کی کی ذاتی زندگی کے تعلقات دیکھ کر ہی اس کو محبت دیتا ھے یا پھر نہیں دیتا- لڑکی جتنی مرضی خوبصورت ہو لیکن سیرت ہمیشہ خوبصورتی پر فوقیت لے جاتی ہے. خوبصورتی تو کچھ وقت کے لیے ہوتی ہے لیکن سیرت ہمیشہ رہتی ہے. جو عزت سیرت پیدا کرتی ہے وہ خوبصورتی کبھی بھی نہیں کر سکتی. مرد کتنا ہی گناہ گار اورغلط کاریوں میں ہی ملوث کیوں نہ ہو لیکن بیوی وہ ہمیشہ دین دار خوب سیرت ہی چاہتا ہے.خواتین اپنی خوبصورتی سے زیادہ اپنی خوب سیرتی پر توجہ دیں تا کہ دنیا کے ساتھ ساتھ اپنی آخرت بھی سنوار سکیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 کیا امامت صرف ایک عقیدہ ہے؟ 🔷

کیا امامت صرف ایک عقیدہ ہے یا مکمل نظام الہی؟

1400 سالوں سے امامت کو صرف ایک عقیدے کے طور پہ پڑھایا گیا اج بھی بہت سے شیعہ مسلمان امامت کو صرف ایک عقیدہ سمجھتے ہیں حالانکہ یہ ایک مکمل نظام الہی ہے اگر علماء احکام کے ساتھ نظام کی بھی تبلیغ کرتے تو یورپی جمہوریت کو لینے کی ضرورت پیش نہ آتی۔

اج ہمارا بینکنگ سسٹم یورپ سے لیا گیا ہے کیونکہ اسلامک بینکنگ کی تبلیغ بھی نہیں کی گئی اور اس کا شعور بھی موجود نہیں ہے اج ایک مسلمان بھی سودی کاروبار میں ملوث ہے اور سودی بینکنگ سسٹم اس کی مجبوری بن چکا ہے حالانکہ حدیث میں سودی نظام کو خدا سے جنگ قرار دیا گیا ہے اور ہم میں سے اکثر مسلمان خدا سے جنگ میں مصروف ہیں۔

امامت کے ساتھ سب سے بڑا ظلم یہ ہوا کہ اس کی فرقہ وارانہ تعریف کی گئی اور اسے کسی فرقے کے ساتھ مخصوص اور محدود کر دیا گیا۔

امامت انسانیت کی ضرورت ہے اور امامت کی تعریف بھی اتنی جامع ہونی چاہیے کہ یہ ہر انسانی ضرورت کو پورا کر سکے الزام محمد کی خاص بات یہ ہے کہ اس میں عادل شخص کی حمایت کرنے کا حکم موجود ہے تاکہ ایک عادل شخص معاشرے میں عدالت کو قائم کر سکے جبکہ اس کے برعکس جمہوریت میں عدالت شرط نہیں اور ایک غیر عادل شخص سے امید لگائی جاتی ہے کہ وہ معاشرے میں عدالت قائم کر سکے گا۔

معاشرے میں عدالت وہی قائم کر سکتا ہے جو خود عادل ہو اکثر علماء نے غیر عادل اشخاص کی حمایت کو شرک قرار دیا ہے۔

ایک اسلامی معاشرے کا المیہ یہ ہے کہ اس میں اسلامی طرز حکومت کو ناممکن اور یورپی جمہوریت کو ممکن سمجھا جاتا ہے۔

مغربی جمہوریت اور اسلامی جمہوریت میں زمین آسمان کا فرق موجود ہے مغربی جمہوریت میں پاگل بھی ووٹ دے سکتا ہے جبکہ اسلامی جمہوریت میں عاقل اور بالغ ہونا، عادل شخص کو ووٹ دینا اور اس اسلامی جمہوریت کو نظام امامت کے ماتحت ہونا لازمی ہے۔

اج وقت کی ضرورت ہے کہ امامت کو نظام الہیٰ کے طور پہ تبلیغ کیا جائے معاشرے کو یورپی سودی نظام، یورپی سیاسی نظام اور مغربی عدالتی نظام سے پاک کیا جائے۔

ہم جانتے ہیں کہ مغربی عدالتی نظام میں جھوٹے قاتل اور مکار شخص طاقت پیسے اور اثر رسوخ کی بنیاد پر اپنی مرضی کے فیصلے لینے میں کامیاب ہو جاتا ہے اور یہی مغربی عدالتی نظام ایسے اشخاص کو وکیل اور وکالت بھی فراہم کرتا ہے۔ ہر مغربی نظام میں یہ خامی موجود ہے کہ اسے پیسے طاقت اور اثر و رسوخ کے ذریعے سے اپنی طرف موڑا جا سکتا ہے جبکہ الہی نظام میں ایسی کوئی خامی نہیں پائی جاتی۔ الہی نظام کے نفاذ میں سب سے بڑی رکاوٹ بھی یہی طاقت پیسہ اثر و سوخ رکھنے والا طبقہ بنا ہوا ہے اور ساتھ میں علماء کی طرف سے نظام کی تبلیغ کا نہ ہونا بھی ہے۔

معاشرے سے کسی طاغوتی نظام کو جڑ سے اکھاڑ پھینکنے کا واحد حل یہی ہے کہ پہلے معاشرے میں اسلامی نظام حکومت اسلامی نظام سیاست اور دیگر الٰہی نظاموں کے متعلق شعور دیا جائے کیونکہ نظام طاغوت کو جڑ سے اکھاڑ پھینکنے کی بات کرنا خطرے سے خالی نہیں ہے لہذا ایسے خطرے سے اکثر علماء دور رہتے ہیں جب تک نظام جمہوریت موجود ہے معاشرے کے بدترین افراد ہم پر حکومت کرتے رہیں گے کیونکہ یہ نظام انہیں ہم پر حکومت کرنے کے لیے راستہ اور موقع فراہم کرتا ہے۔

🔘 خدا ہمیں نظام الہی کو سمجھنے اس کی تبلیغ کرنے اور معاشرے کو اس کا شعور دینے کی توفیق عنایت کرے۔ آمین یارب العالمین

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 اپنی بچیوں کو محفوظ کریں 🔷

1: اپنی بچیوں کو کبھی کسی بھی مرد ٹیچر کے پاس سکول پڑھنے،، یا قاری صاحب کے پاس قرآن پڑھنے کے لیے نہ بھیجیں! بچی چھوٹی ہو یا بڑی ہو،، ٹیچر یا قاری صاحب بڑی عمر کے سمجھ دار ہوں یا کم عمر نوجوان.. بچی ہمیشہ استانی کے پاس ہی پڑھے گی۔۔

2: جب بچی کچھ بڑی بڑی لگنے لگے تو اسے دکان پر چیز لینے نہ جانے دیں! خواہ بچی کتنی ہی کم عمر ہو.. اگر صحت مند ہے اور خد و خال واضح ہو رہے ہیں تو دکان پر مت جانے دیں!

3: بچیوں کو کم لباس، یا تنگ لباس کر کے باہر مت بھیجیں! بلکہ گھر میں بھی مکمل کپڑے پہنا کر رکھیں! گھر میں کوئی مرد نہ ہو، صرف عورتیں ہی ہوں پھر بھی پورے ، اور کشادہ کپڑے پہننے کی عادت ڈالیں!

4: بچیوں کو چھوٹے بچوں ، یا بڑے مرد کسی کے سامنے مت نہلائیں! اور نہ ہی پیشاب وغیرہ کروائیں! حتیٰ کہ باپ کے سامنے بھی بچیوں کو برہنہ مت کریں! بچیوں کے اعضاء ستر بچپن سے ہی پردے میں رہنے چاہییں!

5: بچیوں کو بچیوں جیسا تیار کریں! سرخی پوڈر اور میک اپ کروا کر انہیں عورتوں کے مشابہ مت بنائیں! میک اپ کرکے تنگ کپڑے پہن کر چھوٹی چھوٹی عورتیں لگ رہی ہوتی ہیں ۔۔ پھر مردوں کی ہوس کی شکار بنتی ہیں ،، اور ان کی لاشیں ویرانوں سے برآمد ہوتی ہیں ۔

6: بالغ لڑکیوں کو،، یا قریب البلوغ بچیوں کو غیر محرم خصوصاً کزن، پھوپھا اور خالو وغیرہ کے ساتھ کبھی موٹر سائیکل پر مت بٹھائیں! اگر مجبوراً بھیجنا ہو تو ساتھ کوئی اور بچہ بھیجیں جو درمیان میں بیٹھ جائے۔

7: بچیاں ہوں یا بچے.. ہاتھ کا مذاق ان سے کوئی نہیں کرے گا۔ نہ استاد ، نہ کوئی بڑا انکل ، نہ ہی قریبی رشتے دار..
اسی طرح گالوں پر ہاتھ پھیرنا، گود میں بٹھانا، گدگدی کرنا وغیرہ.. یہ سب چیزیں بالکل ممنوع قرار دیں!

8: بہنوں کے کمرے بھائیوں سے الگ ہونے چاہییں! بھائیوں کو بہنوں کے کمروں میں بلا اجازت جانے پر سخت سزا دیں! بہنوں کے گلے لگنا، گلے میں ہاتھ ڈالنا، مذاق مذاق میں ایک دوسرے سے گتھم گتھ ہونا بالکل غلط ہے ۔۔ بلکہ موجودہ حالات کے پیش نظر بے ہودگی کے زمرے میں آتا ہے ۔

9: گھر میں کوئی بھی نامحرم مرد مہمان آئے ، قریب سے آئے یا دور سے،، جوان بچیاں اس سے سر پر ہاتھ نہیں رکھوائیں گی۔ بلکہ بہت قریبی رشتے دار نہ ہو تو سلام کرنا بھی ضروری نہیں۔ یہ بے ادبی کے زمرے میں نہیں آتا۔
اپنی بچیوں کی جوانی کو ایسے چھپا کر رکھیں کہ کسی مرد کو ان کا سراپا ہی معلوم نہیں ہونا چاہیے کہ فلاں کی لڑکی اتنی موٹی اور اتنی لمبی تھی وغیرہ ۔۔

10: بچیوں کو گھر میں محرم رشتے داروں کے سامنے دوپٹہ لینے اور سنھبالنے کی خصوصی مشق کروائیں! دوپٹہ سر سے کبھی سرک بھی جائے تو سینے سے بالکل نہیں ہٹنا چاہیے! اور کھلے گلوں پر سختی سے پابندی لگائیں! بچیوں کو سمجھائیں کہ دستر خوان پر کبھی کسی کے سامنے جھک کر سالن نہیں ڈالنا، کوئی چیز گر جائے تو جھک کر نہیں اٹھانی.. اور اکیلے میں بھی اگر جھک کر کوئی کام کریں تو گلے اور سینے پر دوپٹے برابر قائم رہے ۔۔ تاکہ انجانے میں بھی کسی کی نظر نہ پڑے..

🔘 یہ چند باتیں ہیں جن پر عمل کرنے سے ان شاءاللہ بہت فائدہ ہوگا،، اگر آپ چاہتے ہیں کہ آپ کی بچیاں محفوظ رہیں تو ان پر عمل کریں! یہاں سب سے زیادہ فحش ویڈیوز دیکھی جاتی ہیں اور اب تو فحش نگاری کے باقاعدہ مصنف موجود ہیں جو محرم رشتوں کے آپسی جنسی تعلقات سے متعلق گندی کہانیاں لکھ رہے ہیں اور ویڈیوز بنا رہے ہیں.. اور لوگ سب سے زیادہ ایسی ویڈیوز اور کہانیاں دیکھ رہے ہیں۔۔ اسی لیے یہاں کے لوگ آہستہ آہستہ بھیڑیے بنتے جا رہے ہیں ۔۔ اپنی بچیاں خود بچالیں!

👈🏻 ورنہ یاد رکھیں! کسی کو آپ کی بچیوں پر ہونے والی زیادتیوں سے کوئی لینا دینا نہیں۔ ان کی لاش گٹر میں ملے، ندی نالوں میں ملے یا کسی ویرانے میں ملے۔۔ تو یہ صرف اخبار کی ایک خبر ہے ، یا ٹی وی کی نیوز... انصاف وغیرہ کو بھول جائیں! وہ یہاں نہیں ملتا۔ اس لیے بہتر ہے کہ خود ہی احتیاط کریں!!

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 نوجوانوں کے لیے میرا مشورہ 🔷

1. اپنی جنسی خواہشات پر قابو رکھیں، یہ آپ کی کامیابی یا ناکامی کا بڑا سبب بنے گا۔

2. فحاشی اور خود لذتی کامیابی کی سب سے بڑی قاتل ہیں۔ یہ آپ کے دماغ کو نقصان پہنچاتی ہیں۔

3. شراب سے پرہیز کریں، ورنہ آپ کی عقل ختم ہو جائے گی اور آپ احمقانہ حرکات کریں گے۔

4. اپنے معیار بلند رکھیں اور صرف دستیاب چیزوں پر سمجھوتہ نہ کریں۔

5. اگر آپ کو اپنے سے زیادہ ذہین شخص ملتا ہے، تو اس کے ساتھ مل کر کام کریں، مقابلہ نہ کریں۔

6. آپ کی زندگی کی پوری ذمہ داری آپ پر ہے۔ کوئی اور آپ کے مسائل حل کرنے نہیں آئے گا۔

7. صرف ان لوگوں سے مشورہ لیں جو وہاں ہیں جہاں آپ جانا چاہتے ہیں۔

8. پیسے کمانے کے نئے طریقے ڈھونڈیں۔ پیسہ کمائیں اور ان لوگوں کو نظر انداز کریں جو مذاق اڑاتے ہیں۔

9. آپ کو 100 خود اعتمادی کی کتابوں کی ضرورت نہیں، صرف عمل اور خود نظم کی ضرورت ہے۔ خود کو منظم کریں!

10. منشیات اور نشہ سے پرہیز کریں۔

11. یوٹیوب پر ہنر سیکھیں، بجائے اس کے کہ نیٹ فلکس پر فضول مواد دیکھ کر وقت ضائع کریں۔

12. کسی کو آپ کی پرواہ نہیں، اس لیے شرم چھوڑیں، باہر نکلیں اور مواقع پیدا کریں۔

13. آرام سب سے بڑی لت ہے اور ڈپریشن کا سستا راستہ ہے۔

14. اپنے خاندان کو ترجیح دیں۔ ان کی عزت اور پردہ رکھیں۔

15. نئے مواقع تلاش کریں اور اپنے سے آگے لوگوں سے سیکھیں۔

16. کسی پر بھی بھروسہ نہ کریں۔ خود پر یقین کریں۔

17. معجزے کا انتظار نہ کریں، انہیں حقیقت بنائیں۔ آپ ہمیشہ اکیلے سب کچھ نہیں کر سکتے لیکن لوگوں کی رائے نہ سنیں۔

18. محنت اور عزم سے آپ کچھ بھی حاصل کر سکتے ہیں۔ عاجزی آپ کو بلند مقام تک پہنچاتی ہے۔

19. اپنے آپ کو دریافت کرنے کا انتظار نہ کریں، خود کو تخلیق کریں۔

20. دنیا آپ کے لیے رکنے والی نہیں۔

21. کوئی بھی آپ پر کچھ واجب نہیں رکھتا۔

22. زندگی ایک واحد کھلاڑی کا کھیل ہے۔ آپ تنہا پیدا ہوئے اور تنہا دنیا سے جائیں گے۔

23. آپ کا زندگی کا راستہ ایسے بنایا گیا ہے کہ آپ کو ضرورت مند، مایوس اور کمزور محسوس ہو، اور اس سے نکلنے کا واحد راستہ یہ ہے کہ آپ خود اس سے نکلنے کا فیصلہ کریں۔

24. ہر کوئی آپ کی طرح مخلص اور سچا نہیں ہوگا۔ ایسے لوگوں سے ہوشیار رہیں جو آپ کو استعمال کریں گے اور پھر چھوڑ دیں گے۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 مسائل کا اصل حل 🔷

ایک گاؤں میں ایک میٹھے پانی کا کنواں تھا جس سے پورا گاؤں پانی پیتا تھا۔ ایک دن، ایک کتا کنویں میں گر گیا اور پانی خراب ہوگیا، جس کی وجہ سے وہ پینے کے قابل نہیں رہا۔

گاؤں کے لوگ بہت پریشان ہوئے اور یہ سوچنے لگے کہ اس مسئلے کو کیسے حل کیا جائے۔ سب نے فیصلہ کیا کہ گاؤں کے بزرگ اور حکیم سے مدد لی جائے۔

حکیم آیا، کنویں پر نظر ڈالی، اور کہا: "سب سے آسان حل یہ ہے کہ پہلے کنویں سے مردہ کتے کو نکالو۔" لوگوں نے جلدی سے کتے کو نکالا، لیکن پانی پھر بھی خراب رہا۔

حکیم نے کہا: "اب تمہیں پورا خراب پانی نکال کر کنواں صاف کرنا ہوگا اور اسے تازہ پانی سے بھرنا ہوگا۔"

گاؤں والوں نے اس کی بات پر عمل کیا، اور کچھ وقت بعد کنواں دوبارہ صاف اور میٹھا ہوگیا جیسے پہلے تھا۔

🔘 حاصلِ سبق
ہماری زندگی میں بھی ہمیں اکثر مسائل کا سامنا ہوتا ہے جو ہمارے دل و دماغ کو آلودہ کر دیتے ہیں۔ ہم سمجھتے ہیں کہ مسئلہ کا حل صرف اس کی ظاہری وجہ کو ختم کرنے میں ہے، لیکن حقیقت یہ ہے کہ ہمیں مسئلے کے اثرات کو مکمل طور پر صاف کرنے اور اپنی زندگی کو نئی توانائی اور پاکیزگی سے بھرنے کی ضرورت ہوتی ہے تاکہ ہم اپنی اندرونی صفائی اور سکون دوبارہ حاصل کر سکیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 دلچسپ معلومات 🔷


🔹 کیا آپ جانتے ہیں
جو کھانے آپ کو  بچپن میں نا پسند لگتے تھے اگر آج کھائیں تو آپ کو لذیذ لگے گیں کیوں کہ ہمارے منہ کا ذائقہ ہر سات سال بعد تبدیل ہو جاتا ہے۔

🔹 کیا آپ جانتے ہیں
جب آپ کسی کے ساتھ بہت زیادہ کلوز ہو جاتے ہیں تو اس کا پیغام پڑھتے وقت بھی آپ دماغ میں اس کی آواز سن پاتے ہیں۔

🔹 کیا آپ جانتے ہیں
ماہر نفسیات کا کہنا ہے کہ جو لوگ کالا رنگ پسند کرتے ہیں وہ ذہنی طور پر بہت رنگین مزاج ہوتے ہیں۔

🔹 کیا آپ جانتے ہیں
سائنسدانوں نے کہا ہے کہ مرغی انڈے سے پہلے بنی ہے کیوں کہ انڈے کے چھلکے میں جو پروٹین استعمال ہوتی ہے وہ صرف مرغی بنا سکتی ہے۔

🔹 کیا آپ جانتے ہیں
زمین پر جتنی چونٹیاں ہیں ان کا وزن زمین پر موجود انسانوں سے زیادہ ہے۔

🔹 کیا آپ جانتے ہیں
ماہر نفسیات کا کہنا ہے کہ دکھ تکلیف آپ کو مضبوط بناتے ہیں خوف آپ کو بہادر اور دل کا ٹوٹنا آپ کو ذہین بناتا ہے۔

🔹 کیا آپ جانتے ہیں
خواب کی لمبائی زیادہ سے زیادہ بیس منٹ تک ہی ہوتی ہے۔

🔹 کیا آپ جانتے ہیں
اپنا نام سننا جب کوئی بھی آپ کو نا بلا رہا ہو تو یہ اچھی دماغی صحت کی علامت ہے۔

🔹 کیا آپ جانتے ہیں
الاسکا میں سورج اٹھارہ نومبر کو ڈوبتا ہے اور ستائیس نومبر کو ابھرتا ہے اس دوران وہاں صرف اندھیرا رہتا ہے۔

🔹 کیا آپ جانتے ہیں
لپسٹک آج سے چار ہزار سال پہلے ایجاد ہوئی تھی۔ میسوپوٹیمیا کی خواتین پہلے قیمتی موتیوں کے بورے یا ان کو پیس کر اس پاؤڈر سے ہونٹ سجاتی تھیں۔

🔹 کیا آپ جانتے ہیں
مچھروں کو او بلڈ گروپ پینا زیادہ پسند ہے اور دوسرے بلڈ گروپ نمبر والے بچے والدین کو زیادہ تنگ کرتے ہیں۔

🔹 کیا آپ جانتے ہیں
جیمز فكس وہ آدمی تھا جس نے جوگنگ کا لفظ متعارف کرایا تھا اور ایک دن  جوگنگ کرتا ہوا ہارٹ اٹیک سے مر گیا۔

🔹 کیا آپ جانتے ہیں
اگر آپ سارا دن بنا ریسٹ کیے کام کریں تو آپ کو سونے میں مسلہ ہوتا ہے کیوں کہ آپ کا دماغ وہ ساری باتیں سوچنے اور کرنے لگتا ہے جو وہ دن کی مصروفیت کی وجہ سے نہیں کر پایا۔

🔹 کیا آپ جانتے ہیں
دل کا نشان ❤ کیوں ہوتا ہے کیونکہ یہ دو اصلی دلوں کو جوڑ کر بنایا جاتا ہے اسی لیے یہ محبت کی علامت کے طور پر استعمال ہوتا ہے_

🌹 پوسٹ پسند آئے تو دوسروں کی معلومات کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 مٹی کے برتن کا استعمال 🔷

❶ مٹی کے برتن
مٹی کے برتن میں کھانا آہستہ آہستہ پکتا ہے
اس کے برعکس سِلور، سٹیل، اور پریشر کُکر میں کھانا جلدی جلدی تیار ہوتا ہے لیکن
یہ کھانا پکتا نہیں بلکہ گلتا ھے۔ تو سب سے پہلے اپنے برتن بدلیں، جن لوگوں نے برتن بدل لیے، اُن کی زِندگی بدل گئی۔

❷ کُوکِنگ آئل
کوکنگ آئل وہ استعمال کریں جو کبھی نہ جَمے، دُنیا کا سب سے بہترین تیل جو جمتا نہیں وہ زیتون کا تیل ہے لیکن یہ مہنگا ھے، عام لوگوں کے لیے سرسوں کا تیل ہے۔

سرسوں کا تیل جمتا نہیں، یہ وہ واحد تیل ہے، جو ساری عُمر نہیں جمتا اور اگر جم جائے تو سرسوں نہیں ہے۔

ہتھیلی پر سرسوں جمانے والی بات بھی اسی لیے کی جاتی ہے کیونکہ یہ ممکن نہیں ہے۔

سرسوں کے تیل کی ایک خوبی یہ بھی ھے کہ اس کے اندر جس چیز کو بھی ڈال دیں گے اس کو جمنے نہیں دیتا، اس کی زِندہ مِثال اچار ہے۔ جو اچار سرسوں کے تیل کے اندر رہتا ہے اس کو جالا نہیں لگتا۔

اور اِن شاءالله جب یہ سرسوں کا تیل آپ کے جسم کے اندر جاۓ گا تو آپ کو کبھی بھی فالج، مِرگی یا دل کا دورہ نہیں ہو گا، أپ کے گُردے فیل نہیں ہونگے، پوری زندگی آپ بلڈ پریشر کی بیماری سے محفوظ رہیں گے، کیونکہ سرسوں کا تیل نالیوں کو صاف کرتا ہے، جب نالیاں صاف ہو جاٸیں گی تو دل کو زور نہیں لگانا پڑے گا۔

سرسوں کے تیل کے فاٸدے ہی فاٸدے ہیں، ہمارے دیہاتوں میں جب جانور بیمار ہوتے ہیں تو بزرگ کہتے ہیں کہ ان کو سرسوں کا تیل پلاٸیں، أج ہم سب کو بھی سرسوں کے تیل کی ضرورت ہے،

❸ نمک (نمک بدلیں)
نمک ہوتا کیا ھے؟ نمک اِنسان کا کِردار بناتا ھے،
ہم کہتے ہیں بندہ بڑا نمک حلال ھے یا پھر
بندہ بڑا نمک حرام ھے۔

نمک انسان کے کردار کی تعمیر کرتا ھے، ہمیں نمک وہ لینا چاہیٸے جو مٹی سے آیا ہو، اور وہ نمک أج بھی پوری دنیا میں بہترین پاکستانی کھیوڑا کا گُلابی نمک ھے۔

پِنک ہمالین نمک 25 ڈالر کا 90 گرام یعنی 4000 روپے کا نوے گرام اور چالیس ہزار روپے کا 900 گرام بِکتا ھے اور ہمارے یہاں دس تا بِیس روپے کلو ھے۔

بدقسمتی دیکھیں ہم گھر میں آیوڈین مِلا نمک لاتے ہیں، جس نمک نے ہمارا کردار بنانا تھا وہ ہم نے کھانا چھوڑ دیا۔ اس لٸے میری أپ سے گذارش ھے کہ ہمیشہ پتھر والا نمک استعمال کریں۔

❹ مِیٹھا
ہم سب کے دماغ کو چلانے کے لٸے میٹھا چاہیٸے اور میٹھا الله نے مٹی میں رکھا ہے ،
یعنی گَنّا اور گُڑ اور ہم نے گُڑ چھوڑ کر چِینی کھانا شروع کر رکھی ہے۔ خدارا گُڑ استعمال کریں۔

❺ پانی
انسان کے لیے سب سے ضروری چیز پانی ہے جس کے بغیر انسان کا زندہ رہنا ممکن نہیں،
پانی بھی ہمیں مٹی سے نِکلا ہُوا ہی پینا چاہیٸے۔

پوری دنیا میں زمزم کا پانی سب سے بہترین پانی ہے، اس کے بعد پھر پنچاب اور وادئ ھزارہ کا پانی ہے۔

🔹 اہم بات
کبھی بھی گندم کو چھان کر استعمال نہ کریں، گندم جس حالت میں آتی ہے، اُسے ویسے ہی استعمال کریں یعنی سُوجی، میدہ اور چھان وغیرہ نکالے بغیر کیونکہ
ہمارے آقا کریم حضرت محمد (ص) بغیر چھانے أٹا کھاتے تھے۔

تو پھر طے یہ ہوا کہ ہمیں یہ پانچ کام کرنے چاہٸیں۔۔۔
1- مٹی کے برتن،
2- سرسوں کا تیل،
3- گُڑ،
4- پتھر والا نمک،
اور
5- زمین کے اندر والا پانی۔

یاد رہے یہ پانی مٹی کے برتن میں رکھ کر مٹی کے گلاس یا پیالے میں پئیں، اس کے علاوہ گندم کا ان چھنا آٹا،

اب سوال یہ ہے کہ ہم یہ ساری چیزیں کیوں لیں؟

یہ ساری چیزیں ہم نے اس لیے لینی ہیں کہ اسی میں ہماری صحت ہے، ہم پیدا بھی مٹی سے ہوئے ہیں اور واپس دفن بھی اسی مٹی میں ہونا ہے ..

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 والدین کے حقوق کا خیال رکھیں 🔷

ایک لڑکی کی شادی ہوئی۔ شادی کی پہلی رات دولہا کھانے کا بڑا سا تھال لئے کمرے میں داخل ہوا۔ کھانے سے بڑی زبردست خوشبو آرہی تھی۔

لڑکا دلہن سے کہنے لگا: آؤ کھانا کھاتے ہیں۔

بیوی بولی: میں نے دیکھا ہے تمہاری والدہ نے بھی کھانا نہیں کھایا، ان کو بھی بلا لو، پھر مل کر کھاتے ہیں۔

شوہر نے کہا: وہ سوگئی ہوں گی، انہیں چھوڑو ہم دونوں کھاتے ہیں۔

بیوی اصرار کرتی رہی پر وہ اِسی بات پر مُصِر رہا کہ امی کو رہنے دو۔

جب بیوی نے شوہر کا یہ رویہ دیکھا تو اسی وقت طلاق کا مطالبہ کردیا۔۔

شوہر بڑا حیران ہوا اسکے مطالبے پر، اُس نے بڑا سمجھایا، لیکن وہ اپنی بات پہ ڈٹی رہی یہاں تک کہ طلاق ہوگئی۔

دونوں الگ ہو گئے پھر دونوں نے دوسری شادیاں کرلیں تیس پنتیس سال گزر گئے۔ عورت کے بیٹے ہوئے بہت محبت کرنے والے، ماں کا خیال رکھنے والے، بہت آسودہ حال تھی وہ۔

اس نے ارادہ کیا کہ حج کرنا چاھیے۔ سفر کے دوران اس کے بیٹے اس سے کسی ملکہ کی طرح پیش آرہے تھے۔ پاوں زمین پر لگنے نہ دیتے تھے۔

صحرائی سفر تھا۔ راستے میں ایک آدمی پر نظر پڑی، جوبہت بری حالت میں بھوکا پیاسا بال کھچڑی، کپڑے پرانے، اس عورت نے بیٹوں سے کہا: جاؤ دیکھو! کون مسافر ہے، اسے اٹھاو، ہاتھ منہ دھلا کر کھانا کھلاؤ، پانی پلاو، چنانچہ بیٹے گئے ماں نے جیسا کہا تھا ویسا کیا۔

عورت کی جب اس پر نظر پڑی تو جان گئی وہ اِسکا پہلا شوہر تھا۔

کہنے لگی یہ کیا کیا، وقت نے تمارے ساتھ؟

بولا میری اولاد نے میرے ساتھ بھلائی نہیں کی۔

عورت کہنے لگی: کیوں کرتی کہ تم نے والدین کہ ساتھ برا سلوک کیا تھا۔ میں اسی دن جان گئی تھی کہ تم ماں باپ کے حقوق ادا نہیں کرتے۔ اسی لئے میں ڈر گئی کہ کل کو میرے ساتھ بھی ایسا ہی ہوگا۔

یہ دیکھو آج میں کہاں ہوں اور تم کہاں!

🔘 ماں باپ کے ساتھ برا سلوک اللہ کی نافرمانی ہے، اگر اپنا بڑھاپا شاندار گزارنا چاہتے ہیں تو والدین کے ساتھ شاندار سلوک کیجیے، کیونکہ یہ ایسا عمل ہے کہ جس کا بدلہ دنیا میں ہی دیدیا جاتا ہے خواہ اچھا ہو، یا برا.

🌹 پوسٹ اچھی لگے تودوسروں کی بھلائی کے لئے شیئر کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

■ ماں، باپ کے بارے میں مزید پوسٹس دیکھنے کے لئے مطلوبہ پوسٹ کے لنک پر کلک کریں۔۔۔

💓حضرت موسٰیؑ کا بہشتی ہمسایہ
https://t.me/islamwitheman/652

⭕ ماں کی ناراضگی کا اثر
https://t.me/islamwitheman/331

🔷 اولڈ ایج ہوم
https://t.me/islamwitheman/97

🔷 ماں اور باپ
https://t.me/islamwitheman/330

🔷 سیب کا درخت
https://t.me/islamwitheman/162

🔷 باپ کے جذبات
https://t.me/islamwitheman/58

🔷 باپ ٹھنڈی چھاؤں
https://t.me/islamwitheman/96

🔷 باپ کی پشت پناہی
https://t.me/islamwitheman/332

🔷 جیسا کرو گے ویسا بھرو گے
https://t.me/islamwitheman/117

🌴 شفقت پدری
https://t.me/islamwitheman/770

☔ والدین اور رحمت خداوندی
https://t.me/islamwitheman/1038

🌴 یہ بابے ویلے نہیں ہوتے
https://t.me/islamwitheman/1039

🌹 ماں کی مامتا
https://t.me/islamwitheman/1204

🔷 ماں کی خدمت
https://t.me/islamwitheman/1212

👁 ماں کی قربانی
https://t.me/islamwitheman/1225

🔷 والدین کی قدر کرو
http://t.me/islamwitheman/1476

🌹 حقوق عظمت والدین
https://t.me/islamwitheman/1982

🌹 والدین کی دعا
https://t.me/islamwitheman/2037

🌹 مامتا
https://t.me/islamwitheman/2351

🔷 بگڑے ہوئے نوجوان کی داستان
https://t.me/islamwitheman/2373

🔷 ماں کی پسند، ناپسند
http://t.me/islamwitheman/2376

🌺 بیمار ماں کی خدمت
http://t.me/islamwitheman/2437

🌸 بیٹی اور ماں میں فرق
http://t.me/islamwitheman/2456

❤️ ماں اور بیوی
http://t.me/islamwitheman/2516

🔷 ماں کی بددعا کا اثر
https://t.me/islamwitheman/2728

🔷 اولڈ ہاؤس
https://t.me/islamwitheman/4198

🌷 اس نسل کی ماں
https://t.me/islamwitheman/4206

🌷 میری ماں
https://t.me/islamwitheman/4395

🔷 ماں عظیم نعمت
https://t.me/islamwitheman/4573

🔷 والدین کے حقوق کا خیال رکھیں
https://t.me/islamwitheman/5397

🔷 والدین کا احترام
https://t.me/islamwitheman/5399
⭕ ISLAM WITH EMAN ⭕

🔷 والدین کا احترام 🔷

ایک ضعیف ماں رات کو ساڑھے 11 بجے کچن میں برتن دھو رہیں ہیں۔ گھر میں دو بہوئیں ہیں جو برتنوں کی کھٹکھٹ سے تنگ آکر اپنے شوہروں سے کہتی ہیں کہ اپنی ماں کو منع کرو۔

اتنی رات کو برتن دھونے سے ہماری نیند خراب ہو رہی ہے۔ وہ کہتی ہیں کہ وہ صبح 4 بجے اٹھ کر پھر شور مچانا شروع کر دیتی ہیں اور پھر صبح 5 بجے عبادت کرکے ہمیں سونے نہیں دیتیں ، نہ رات کو نہ صبح۔ جا کر ماں کو منع کرو۔

بڑا بیٹا اٹھتا ہے اور کچن کی طرف جاتا ہے۔ چھوٹے بھائی کے کمرے سے بھی وہی باتیں سنائی دیتیں ہیں۔ وہ چھوٹے بھائی کے دروازے کو کھٹکھٹا دیتا ہے، چھوٹا بھائی باہر آتا ہے۔

دونوں بھائی کچن میں جاتے ہیں اور ماں کو برتن دھونے میں مدد کرنے لگتے ہیں۔ ماں منع کرتی ہیں لیکن وہ نہیں مانتے۔ برتن دھل جانے کے بعد دونوں بھائی ماں کو محبت سے ان کے کمرے میں لے جاتے ہیں، تو دیکھتے ہیں کہ والد بھی جاگے ہوئے ہیں۔

دونوں بھائی ماں کو پلنگ پر بٹھا کر کہتے ہیں، "ماں، صبح جلدی اٹھا دینا، ہمیں بھی عبادت کرنی ہے اور صبح والد کے ساتھ ورزش بھی کرنی ہے۔"

ماں کہتی ہے، "ٹھیک ہے، بچے۔" دونوں بیٹے صبح جلدی اٹھنے لگتے ہیں، رات کو ڈیڑھ بجے ہی برتن دھونے لگتے ہیں۔ تو بیویاں کہتی ہیں، "ماں کرتی تو ہیں، آپ کیوں دھو رہے ہیں؟"

بیٹے جواب دیتے ہیں، "ہمارا شادی کرنے کا ایک سبب یہ بھی تھا کہ ماں کی مدد ہو جائے گی، لیکن آپ لوگ یہ کام نہیں کر رہی ہیں، کوئی بات نہیں، ہم اپنی ماں کی مدد کر دیتے ہیں۔ یہ تو ہماری ماں ہیں، اس میں کیا برا ہے؟"

اگلے تین دنوں میں گھر کا ماحول مکمل طور پر بدل گیا۔ بہوئیں جلدی برتن اس لیے دھونے لگیں کہ نہیں تو ان کے شوہر دھو لیں گے، اور صبح بھی وہ اپنے شوہر کے ساتھ اٹھنے لگیں اور عبادت میں شامل ہونے لگیں۔

چند دنوں میں پورے گھر کے ماحول میں مکمل تبدیلی آ گئی، بہوئیں ساس اور سسر کو مکمل احترام دینے لگیں۔

🔘 کہانی کا خلاصہ:
ماں کا احترام تب کم نہیں ہوتا جب بہوئیں ان کا احترام نہیں کرتیں، ماں کا احترام تب کم ہوتا ہے جب بیٹے ماں کا احترام نہیں کرتے یا ماں کے کام میں تعاون نہیں کرتے۔

💥 پیدائشی رشتہ ہے اور وہ والدین پہلے آپ کے ہیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/5397
⭕ ISLAM WITH EMAN ⭕

🌹 اللہ پر بھروسہ 🌹

یہ ایک حقیقی واقعہ ہے جو کہ کے ایک کتاب میں درج ہے۔

ایک بیوہ خاتون تھی جس کا کوئی سہارا نہ تھا، سوائے اللہ کے اور اپنی ہمت کے، جس کے ذریعے وہ اپنے بچوں کی کفالت کرتی تھی۔ وہ انہیں محبت، شفقت اور تحفظ فراہم کرتی اور ایمان کے ساتھ صبر کا دامن تھامے رہتی، جس کی بدولت وہ ایک مضبوط عورت بن گئی۔

ایک رات، جب اس کے بچے سو رہے تھے، ہوا تیز چلنے لگی اور بارش بھی تیز ہو گئی۔ ان کا گھر کمزور بنیادوں پر قائم تھا، جس سے ماں کو اپنے بچوں کی فکر لاحق ہوگئی، اور وہ اپنے بچوں کو اپنے قریب لیے ہوئے جاگتی رہی تاکہ وہ گرمائش حاصل کر سکیں۔

اسی دوران ماں نے ایک چھوٹا سا کاغذ لیا اور اس پر کچھ الفاظ لکھے، پھر اسے دیوار کی ایک دراڑ میں چھپا دیا اور اپنے بچوں سے اسے چھپایا۔ اس وقت اسے یہ معلوم نہیں تھا کہ اس کا ایک بچہ اسے یہ کام کرتے ہوئے دیکھ رہا ہے۔

دن گزرتے گئے اور کئی سال بیت گئے۔ حالات بہتر ہوئے، بچے بڑے ہو کر تعلیم یافتہ اور باشعور بنے اور انہوں نے شہر میں ایک نیا گھر بنا لیا۔ جب ان کی ماں ان کے ساتھ رہنے آئیں تو ایک سال بعد ہی اللہ کو پیاری ہو گئیں۔ ان کے انتقال کے بعد، تین دن کی تعزیت مکمل ہوئی۔

پھر ان کے بیٹوں نے ایک دن ماں کے ساتھ گزارے لمحات کو یاد کرنا شروع کیا۔ اچانک ان کے بڑے بھائی کو یاد آیا کہ ان کی ماں نے پرانے گھر کی دیوار میں کچھ چھپایا تھا۔ اس نے اپنے بھائیوں کو بتایا اور وہ فوراً اپنے پرانے گھر پہنچے۔ وہاں پہنچ کر انہوں نے دیوار میں دراڑ کو دیکھا اور پتھر کو ہٹا کر اندر سے وہ کاغذ نکالا۔ جیسے ہی انہوں نے اسے ہٹایا، تو پورا گھر لرزنے لگا اور گھر گرنے کے خوف سے وہ دور ہٹ گئے۔ کچھ ہی دیر میں گھر گر گیا۔

سب بھائی حیرت میں پڑ گئے کہ یہ کیسے ہوا۔ انہوں نے پوچھا، "کیا وہ کاغذ ابھی بھی تمہارے پاس ہے؟" بھائی نے جواب دیا "ہاں"۔ سب نے کہا، "اسے کھولو، اسے کھولو!"

جب انہوں نے اسے کھولا، تو اس میں صرف چند الفاظ تھے:

"صبر کرو، اللہ کی مدد پر بھروسہ رکھو"

کتنی عظیم بات ہے اور کتنی زبردست وہ عورت تھی جس کا ایمان اتنا مضبوط تھا۔

اس لمحے انہوں نے اپنی ماں کے لیے دعا کی اور انہیں آخری سبق یاد آیا جو ان کی ماں نے انہیں اپنی وفات کے بعد دیا۔ وہ یہ کہ اللہ پر مکمل بھروسہ رکھیں اور یقین کریں کہ اللہ ان کی زندگی کے معاملات کو ان کی بھلائی کے لیے سنوارے گا۔

روشنی:
اللہ پر بھروسہ رکھنا بہت عظیم بات ہے جسے ہم اکثر نظرانداز کر دیتے ہیں۔ ہمیں آج اس بھروسے کی اشد ضرورت ہے تاکہ ہم اپنی زندگی کے بگڑے ہوئے توازن کو بحال کر سکیں۔

coped۔۔۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 حسد کی آگ 🔷

ﺳﺎﺕ ﺳﻮ ﺳﺎﻝ ﭘﮩﻠﮯ ﺳﻠﻄﺎﻥ ﺯﯾﻦ ﺍﻟﻌﺎﺑﺪﯾﻦ ﮐﯽ ﺣﮑﻮﻣﺖ ﻣﯿﮟ ﻋﺠﯿﺐ ﻣﻘﺪﻣﮧ ﺁﯾﺎ۔ ﺩﻭ ﻋﻮﺭﺗﻮﮞ ﮐﻮ ﺩﺭﺑﺎﺭ ﻣﯿﮟ ﻻﯾﺎ ﮔﯿﺎ۔ ﺩﻭﻧﻮﮞ ﭘﺮ ﺍﻟﺰﺍﻡ ﺗﮭﺎ ﮐﮧ ﺍﻧﮭﻮﮞ ﻧﮯ ﺍﯾﮏ ﻧﻨﮭﺎ ﺑﭽﮧ ﻗﺘﻞ ﮐﺮ ﺩﯾﺎ ﮨﮯ ﭘﮩﻠﯽ ﻋﻮﺭﺕ ﻧﮯ ﻋﺮﺽ ﮐﯿﺎ : ﯾﮧ ﻋﻮﺭﺕ ﻣﯿﺮﯼ ﺳﻮﮐﻦ ﮨﮯ۔ ﺍﺱ ﻧﮯ ﻣﺠﮭﮯ ﺑﺮﺑﺎﺩ ﮐﺮﻧﮯ ﮐﯽ ﺧﺎﻃﺮ ﻣﯿﺮﺍ ﺑﭽﮧ ﻗﺘﻞ ﮐﺮﺩﯾﺎ ﮨﮯ۔ ﻭﮦ ﺑﭽﮧ ﻣﯿﺮﮮ ﺟﮕﺮ ﮐﺎ ﭨﮑﮍﺍ ﺗﮭﺎ۔ ﺁﭖ ﺟﺎﻧﺘﮯ ﮨﯿﮟ ﮐﮧ ﺳﻮﮐﻦ ﮐﮯ ﺟﻼﭘﮯ ﻣﯿﮟ ﮐﺘﻨﯽ ﺁﮒ ﮨﻮﺗﯽ ﮨﮯ۔

ﺟﮩﺎﮞ ﭘﻨﺎﮦ! ﻣﯿﮟ ﺍﻧﺼﺎﻑ ﮐﯽ ﻃﺎﻟﺐ ﮨﻮﮞ۔

’ﺍﮮ ﻋﻮﺭﺕ! ﮐﯿﺎ ﺗﻮ ﺳﭻ ﮐﮩﺘﯽ ﮨﮯ۔۔۔؟؟؟ ﺑﺎﺩﺷﺎﮦ ﻧﮯ ﭘﻮﭼﮭﺎ!

ﻭﮦ ﭼﯿﺦ ﮐﺮ ﮐﮩﻨﮯ ﻟﮕﯽ ’’ﮨﺎﮞ! ﺍﺳﯽ ﮈﺍﺋﻦ ﻧﮯ ﻣﯿﺮﺍ ﺑﭽﮧ ﮨﻼﮎ ﮐﯿﺎ ﮨﮯ ﺍﻭﺭ ﻣﯿﮟ ﺧﻮﻥ ﮐﮯ ﺑﺪﻟﮯ ﺧﻮﻥ ﭼﺎﮨﺘﯽ ﮨﻮﮞ۔

ﺳﻠﻄﺎﻥ ﻧﮯ ﺩﻭﺳﺮﯼ ﻋﻮﺭﺕ ﺳﮯ ﭘﻮﭼﮭﺎ ’’ﺗﻢ ﺍﭘﻨﯽ ﺻﻔﺎﺋﯽ ﻣﯿﮟ ﮐﯿﺎ ﮐﮩﺘﯽ ﮨﻮ؟‘‘

’ﻣﯿﮟ ﻧﮯ ﺑﭽﮯ ﮐﻮ ﻗﺘﻞ ﻧﮩﯿﮟ ﮐﯿﺎ۔ ﻭﮦ ﺑﮯ ﺷﮏ ﺍﺳﮑﺎ ﺑﭽﮧ ﺗﮭﺎ ‘ ﻣﮕﺮ ﻣﯿﮟ ﺑﮭﯽ ﺍُﺳﮯ ﺩﻝ ﻭ ﺟﺎﻥ ﺳﮯ ﭼﺎﮨﺘﯽ ﺍﻭﺭ ﭘﯿﺎﺭ ﮐﺮﺗﯽ ﺗﮭﯽ۔ ﯾﮧ ﻋﻮﺭﺕ ﺍﺗﻨﯽ ﻇﺎﻟﻢ ﮨﮯ ﮐﮧ ﻣﺠﮭﮯ ﻗﺘﻞ ﮐﺮﺍﻧﮯ ﮐﮯ ﻟﯿﮯ ﺍﺱ ﻧﮯ ﺍﭘﻨﮯ ﺑﭽﮯ ﮐﻮ ﺧﻮﺩ ﮨﯽ ﺍﭘﻨﮯ ﮨﺎﺗﮭﻮﮞ ﺳﮯ ﻣﺎﺭ ﮈﺍﻻ۔

ﺳﻠﻄﺎﻥ ﺳﻮﭺ ﻣﯿﮟ ﭘﮍ ﮔﯿﺎ۔ ﺑﺎﺕ ﺩﺭﺳﺖ ﺗﮭﯽ ﮐﮧ ﮐﻮﺋﯽ ﻣﺎﮞ ﺍﭘﻨﮯ ﺟﮕﺮ ﮐﮯ ﭨﮑﮍﮮ ﮐﻮ ﻧﮩﯿﮟ ﻣﺎﺭ ﺳﮑﺘﯽ۔ ﺩﻭﺳﺮﯼ ﻃﺮﻑ ﺍﺳﮑﯽ ﺳﻮﮐﻦ ﺟﺮﻡ ﺳﮯ ﺍﻧﮑﺎﺭ ﮐﺮﺗﯽ ﺗﮭﯽ، ﭘﮭﺮ ﻣﻮﻗﻊ ﮐﺎ ﮐﻮﺋﯽ ﮔﻮﺍﮦ ﻣﻮﺟﻮﺩ ﻧﮧ ﺗﮭﺎ۔

ﺳﻠﻄﺎﻥ ﮐﭽﮫ ﺳﻮﭺ ﮐﺮ ﻣﺤﻞ ﮐﮯ ﮐﻤﺮﮮ ﻣﯿﮟ ﮔﯿﺎ۔ ﭘﮩﻠﯽ ﻋﻮﺭﺕ ﮐﻮ ﺑﻼﯾﺎ، ﮐﮩﻨﮯ ﻟﮕﺎ، ﻣﯿﮟ ﺗﻤﮭﺎﺭﺍ ﺑﯿﺎﻥ ﺍﯾﮏ ﺷﺮﻁ ﭘﺮ ﺻﺤﯿﺢ ﻣﺎﻥ ﺳﮑﺘﺎ ﮨﻮﮞ۔ ﺍﮔﺮ ﻭﺍﻗﻌﯽ ﺗﻢ ﻧﮯ ﺍﭘﻨﮯ ﺑﭽﮯ ﮐﻮ ﻗﺘﻞ ﻧﮩﯿﮟ ﮐﯿﺎ ﺑﻠﮑﮧ ﻣﺎﺭﻧﮯ ﻭﺍﻟﯽ ﺗﻤﮭﺎﺭﯼ ﺳﻮﮐﻦ ﮨﮯ، ﺗﻮ ﺗﻢ ﺍﭘﻨﺎ ﺩﻭﭘﭩّﮧ ﺍُﺗﺎﺭ ﮐﺮ ﺑﺮﮨﻨﮧ ﺳﺮ ﺩﺭﺑﺎﺭﯾﻮﮞ ﮐﮯ ﺩﺭﻣﯿﺎﻥ ﺳﮯ ﮔﺰﺭ ﺟﺎؤ ﺍﮔﺮ ﺗﻢ ﺍﯾﺴﺎ ﮐﺮ ﻟﻮ ﺗﻮ ﮨﻢ ﺗﻤﮭﯿﮟ ﺑﮯﮔﻨﺎﮦ ﻣﺎﻥ ﻟﯿﮟ ﮔﮯ۔‘‘

ﭘﮩﻠﯽ ﻋﻮﺭﺕ ﭼﻨﺪ ﻟﻤﺤﮯ ﺧﺎﻣﻮﺵ ﺭﮨﯽ ﭘﮭﺮ ﺑﻮﻟﯽ ’ﺍﮔﺮ ﻣﯿﺮﮮ ﺑﺮﮨﻨﮧ ﺳﺮ ﮨﻮﻧﮯ ﭘﺮ ہی ﻣﯿﺮﯼ ﺳﻮﮐﻦ ﮐﻮ ﻗﺘﻞ ﮐﯽ ﺳﺰﺍ ﻣﻞ ﺳﮑﺘﯽ ﮨﮯ ﺍﻭﺭ ﺍﻧﺼﺎﻑ ﮐﺎ ﯾﮩﯽ ﺗﻘﺎﺿﺎ ﮨﮯ ﺗﻮ ﺣﻀﻮﺭ ﻭﺍﻻ ﻣﯿﮟ ﺗﯿﺎﺭ ﮨﻮﮞ۔‘‘

ﺳﻠﻄﺎﻥ ﻧﮯ ﺍﺳﮯ ﻭﺍﭘﺲ ﺑﮭﯿﺞ ﮐﺮ ﺩﻭﺳﺮﯼ ﮐﻮ ﺑﻼﯾﺎ ﮐﮩﺎ ’’ﺗﻢ ﮐﮩﺘﯽ ﮨﻮ ﮐﮧ ﺗﻢ ﻧﮯ ﺍﭘﻨﯽ ﺳﻮﮐﻦ ﮐﺎ ﺑﭽﮧ ﻧﮩﯿﮟ ﻣﺎﺭﺍ۔ ﻟﯿﮑﻦ ﻭﮦ ﮐﻮﻥ ﺳﯽ ﻭﺟﮧ ﮨﻮ ﺳﮑﺘﯽ ﮨﮯ ﮐﮧ ﺍﯾﮏ ﻣﺎﮞ ﺍﭘﻨﮯ ﺟﮕﺮ ﮐﮯ ﭨﮑﮍﮮ ﮐﻮ ﻣﺎﺭ ﺩﮮ؟‘‘

’’ﺣﻀﻮﺭ! ﯾﮧ ﻣﺠﮫ ﺳﮯ ﺧﻮﺍﮦ ﻣﺨﻮﺍﮦ ﺣﺴﺪ ﮐﺮﺗﯽ ﮨﮯ ﺍﺱ ﻧﮯ ﺧﻮﺩ ﺍﭘﻨﮯ ﮨﺎﺗﮭﻮﮞ ﺳﮯ ﺍﭘﻨﮯ ﺟﮕﺮ ﮐﮯ ﭨﮑﮍﮮ ﮐﻮ ﻗﺘﻞ ﮐﯿﺎ ﮨﮯ ﺗﺎﮐﮧ ﻣﺠﮭﮯ ﻗﺘﻞ ﮐﺮﺍ ﺳﮑﮯ۔ ﻣﯿﮟ ﺑﮯ ﮔﻨﺎﮦ ﮨﻮﮞ۔‘ ﺩﻭﺳﺮﯼ ﻋﻮﺭﺕ ﻧﮯ ﻋﺎﺟﺰﯼ ﺳﮯ ﺟﻮﺍﺏ ﺩﯾﺎ۔

ﺳﻠﻄﺎﻥ ﻧﮯ ﺍﺳﮯ ﺑﮭﯽ ﮐﮩﺎ ﮨﻢ ﺗﻤﮭﺎﺭﮮ ﺑﯿﺎﻥ ﮐﻮ ﺳﭻ ﻣﺎﻥ ﺳﮑﺘﮯ ﮨﯿﮟ ’ﺍﮔﺮ ﺗﻢ ﺍﭘﻨﺎ ﺩﻭﭘﭩﮧ ﺍُﺗﺎﺭ ﮐﺮ ﺑﮭﺮﮮ ﺩﺭﺑﺎﺭ ﺳﮯ ﮔﺰﺭ جاؤ۔ ﺗﻢ ﻧﮯ ﺍﯾﺴﺎ ﮐﯿﺎ ﺗﻮ ﮨﻢ ﺳﻤﺠﮭﯿﮟ ﮔﮯ ﮐﮧ ﺗﻢ ﺑﮯ ﻗﺼﻮﺭ ﮨﻮ۔"

’’ﺟﮩﺎﮞ ﭘﻨﺎﮦ! ﮔﺴﺘﺎﺧﯽ ﻣﻌﺎﻑ! ﺁﭖ ﻣﺠﮭﮯ ﺧﻮﺍﮦ ﺍﺳﯽ ﻭﻗﺖ ﯾﮩﺎﮞ ﻗﺘﻞ ﮐﺮﺍ ﺩﯾﮟ، ﻟﯿﮑﻦ ﻣﯿﮟ ﯾﮧ ﺫﻟﺖ ﺑﺮﺩﺍﺷﺖ ﻧﮩﯿﮟ ﮐﺮﺳﮑﺘﯽ۔‘‘ ﺩﻭﺳﺮﯼ ﻋﻮﺭﺕ ﻧﮯ ﺟﻮﺍﺏ ﺩﯾﺎ۔

ﺳﻠﻄﺎﻥ ﻧﮯ ﺍﺳﮯ ﺑﮭﯽ ﻭﺍﭘﺲ ﺑﮭﯿﺞ ﺩﯾﺎ ﭘﮭﺮ ﺩﺭﺑﺎﺭ ﻣﯿﮟ ﺁﯾﺎ۔ ﺣﮑﻢ ﺩﯾﺎ ﮐﮧ ﺟﻼﺩ ﮐﻮ ﺣﺎﺿﺮ ﮐﯿﺎ ﺟﺎﺋﮯ۔
ﭘﮩﻠﯽ ﻋﻮﺭﺕ ﮐﯽ ﻃﺮﻑ ﺍﺷﺎﺭﮦ ﮐﺮﺗﮯ ﮨﻮﺋﮯ ﮐﮩﺎ:
’’ﺍﺱ ﻧﮯ ﺍﭘﻨﮯ ﺑﭽﮯ ﮐﻮ ﻗﺘﻞ ﮐﯿﺎ ﮨﮯ۔ ﺍﺳﮯ ﮨﻤﺎﺭﮮ ﺳﺎﻣﻨﮯ ﺍﺗﻨﺎ ﭘﯿﭩﺎ ﺟﺎﺋﮯ ﮐﮧ ﯾﮧ ﺍﭘﻨﺎ ﺟﺮﻡ ﻣﺎﻥ ﻟﮯ۔‘‘

ﺍﺑﮭﯽ ﭼﻨﺪ ﮐﻮﮌﮮ ﮨﯽ ﭘﮍﮮ ﺗﮭﮯ ﮐﮧ وہ عورت ﭼﯿﺦ ﺍﭨﮭﯽ: ’’ﻋﺎﻟﻢ ﭘﻨﺎﮦ! ﺭﺣﻢ! ﺭﺣﻢ ﮐﯿﺠﯿﮯ۔
ﻣﯿﮟ ﺣﺴﺪ ﮐﯽ ﺁﮒ ﻣﯿﮟ ﺍﻧﺪﮬﯽ ﮨﻮ ﮔﺌﯽ ﺗﮭﯽ۔ ﺳﻮﮐﻦ ﮐﻮ ﮐﺴﯽ ﻃﺮﺡ ﺧﺘﻢ ﮐﺮﻧﺎ ﭼﺎﮨﺘﯽ ﺗﮭﯽ۔ ﺍﺱ ﻟﯿﮯ ﺍﭘﻨﮯ ﮨﯽ ﮨﺎﺗﮭﻮﮞ ﺳﮯ ﺍﭘﻨﮯ ﺟﮕﺮ ﮐﮯ ﭨﮑﮍﮮ ﮐﻮ ﻗﺘﻞ ﮐﺮ ﺩیا."

🔘 الکافی میں امام جعفر صادقؑ سے صحیح السند روایت منقول ہے جس میں آپؑ فرماتے ہیں:
عَنْ أَبِي عَبْدِ اللَّهِ ع قَالَ: إِنَّ الْحَسَدَ يَأْكُلُ الْإِيمَانَ كَمَا تَأْكُلُ النَّارُ الْحَطَبَ.
ترجمہ:
بے شک حسد ایمان کو اسی طرح کھا جاتا ہے جیسے آگ لکڑی کو کھا جاتی ہے۔

📚 الکافی، کتاب الایمان والکفر، باب الحسد، حدیث: ۲۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/4083
⭕ ISLAM WITH EMAN ⭕

🔷 و اذا مرضت فھو یشفین 🔷

واذا مرضت فھو یشفین¤
اور جب میں بیمار ہوتا ہوں تو وہی اللہ مجھے شفا دیتا ہے۔(1)

رسول اکرم (ص) فرماتے ہیں اللہ تعالیٰ نے ایسی کوئی بیماری نہیں اتاری جس کا علاج نہ اتارا ہو۔(2)

بیماری کا علاج کرنا واجب ہے۔ علاج کے ساتھ ساتھ درج ذیل چیزوں کو بھی مد نظر رکھیں۔ اور یاد رکھیں شفا منجانب اللہ ہوتی ہے، دوا، دعا اور علاج اسباب ہیں۔

🔹 جہاں تک ممکن ہو ڈاکٹر کے علاوہ عوام الناس سے بیماری کو پوشیدہ رکھنا نیکی کا خزانہ ہے۔ رسول الله صلی الله علیه وآله وسلم فرماتے ہیں چار چیزیں نیکی کا خزانه ہیں: حاجت کو پوشیدہ رکھنا، صدقه کو پوشیدہ رکھنا، بیماری کو پوشیدہ رکھنا، مصیبت کو پوشیدہ رکھنا۔(3)

🔹 بیماری میں گھبرا نہیں جانا چاہیے بلکہ جب تک ہمت ساتھ دے چلتے پھرتے رہنا چاہیے مولا علی علیہ السلام فرماتے ہیں مصیبت ایک ہوتی ہے لیکن گھبرا جاؤ گے تو دگنی ہو جائے گی۔(4) مولا علی علیہ السلام فرماتے ہیں مرض میں جب تک ہمت ساتھ دے چلتے پھرتے رہو۔(5)

🔹 مومن کی بیماری گناہوں کا کفارہ بن جاتی ہے۔ امام جعفر صادق علیہ السلام فرماتے ہیں ایک رات کا سر درد گناہ کبیرہ کے علاوہ سب گناہوں کو ختم کر دیتا ہے۔(6)

🔹 محمد بن مروان حضرت امام جعفر صادق علیہ السلام سے روایت کرتے ہیں فرمایا: ایک رات کا بخار اس سے اگلے اور اس سے پچھلے گناہوں کا کفارہ بن جاتا ہے۔ (7)

🔹 ابو حمزہ حضرت امام محمد باقر علیہ السلام سے روایت کرتے ہیں فرمایا: ایک رات کا بخار (اجر و ثواب میں) ایک سال کی عبادت کے برابر ہے۔ دو رات کا بخار دو سال کی عبادت کے برابر ہے اور تین راتوں کا بخار ستر سال کی عبادت کے برابر ہے! راوی نے عرض کیا کہ اگر وہ ستر سال کی عمر کو نہ پہنچ سکے تو؟ فرمایا: تو پھر اس کی ماں باپ کے لئے ہے عرض کیا اگر وہ بھی اس عمر کو نہ پا سکیں تو؟ فرمایا: پھر اس کے رشتہ داروں کے لئے ہے۔ عرض کیا کہ اگر وہ بھی اس عمر کو حاصل نہ کر سکیں تو؟ فرمایا: تو پھر اس کے پڑوسیوں کے لئے ہے۔(8)

■ مرحوم علامہ مجلسیؒ کی صاحبزادی علومِ معارف سے سرشار تھیں۔ وہ ایک صاحبِ کمال درجۂ اجتہاد پر فائز صاحبِ علم و فضل خاتون تھیں۔ ایک دن سیڑھیوں سے اوپر جا رہی تھیں کہ گر پڑیں۔ سر پر سخت چوٹ آئی، خون جاری ہوگیا، ایک پتھر سے پاؤں ٹکرایا تو پنڈلی کی ہڈی ٹوٹ گئی۔ وہاں پر موجود خواتین اس کے اردگرد جمع ہو گئیں لیکن عورتوں کو اس وقت بہت تعجب ہوا جب انھوں نے دیکھا کہ معظمہ زخمی حالت میں، بہتے خون کے باوجود ہنس رہی ہیں۔ اس غیرمعمولی صورتحال کو دیکھ کر عورتوں نے پوچھا؛
کیا آپ کو اتنی تکلیف ہوئی، چوٹ آئی، درد نہیں ہوا۔؟

آپ نے فرمایا؛ کیوں نہیں۔۔!

عورتوں نے پوچھا؛ تو پھر آپ نے فریاد کیوں نہیں کی۔؟ آپ روئی نہیں بلکہ ہنس رہی ہیں۔

انہوں نے فرمایا؛ جب میری نظر اس چوٹ کے بدلے حاصل ہونیوالے ثواب پر پڑی تو مجھے اس کے اندازے سے سکون و آرام محسوس ہوا۔ (9)

کہاوت ہے کہ اگر صبر کرو گے تو کھٹے انگور میٹھے ہو جائیں گے۔ ہمیشہ ہنستے مسکراتے رہیں،

🔹 بیمار کو چاہیے کہ جتنا ہو سکے اپنی شفایابی کے لیے دعا کرے۔ امام جعفر صادق علیہ السلام فرماتے ہیں بیماری کی حالت میں اپنی شفایابی کے لیے بہت زیادہ دعا کیا کرو کیونکہ دعا ہر بیماری کے لئے شفاء ہے۔(10)

🔹 بیمار کو چاہیے علاج کے ساتھ ساتھ صدقہ بھی دے۔ صدقہ موت تک کو ٹال دیتا ہے۔ امام علی علیہ السلام فرماتے ہیں صدقہ شفا دینے والی دوا ہے۔(11) امام جعفر صادق علیہ السلام فرماتے ہیں صدقہ دینے سے ملک الموت کو دیا گیا روح قبض کرنے کا حکم نامہ بھی واپس ہو جاتا ہے۔(12)

🔹 قرآن کی تلاوت بھی بیماری سے شفا کا باعث بنتی ہے۔ امام جعفر صادق علیہ السلام فرماتے ہیں جب بھی رسول خدا صلی اللہ علیہ وآلہ وسلم بیمار ہوتے یا سر درد کی شکایت ہوتی تو آپ اپنے دونوں ہاتھوں کو بلند کر کے سورہ الحمد اور سورہ فلق و سورہ والناس کی تلاوت فرماتے اور پھر دونوں ہاتھ اپنے چہرہ مبارک پر مل لیتے۔ آپ کو جو مشکل بھی ہوتی حل ہو جاتی۔(13)

📚 حوالہ جات
1۔ سورہ الشعراء ایت 80۔
2۔ صحیح البخاری/الطب 1 (5678)
3۔ أمالی المفید: 8 ح 4۔ بحارالانوار: 71 / 208 ح 22۔ بحارالانوار: 93 / 145 ح 20۔ بحارالانوار: 93 / 156 ح 27۔
4۔ میزان الحکمت، ج2، ص69۔
5۔ نہج البلاغہ، کلمات قصار 26۔
6۔ ثواب الأعمال و اعقاب الأعمال، ص417۔
7، 8۔ وسائل الشیعہ ج: 2 ص: 97۔
9۔ موضوعی داستانیں، ص233۔)
10۔ الکافی، اخلاق و آداب، ج1، ص380۔
11۔ نہج البلاغہ، حکمت7۔
12۔ ثواب الأعمال
13۔ بحارالانوار، ج92، ص234۔

https://t.me/islamwitheman
⭕ ISLAM WITH EMAN ⭕

🔷 نیوز الرٹ 🔷

پڑھنے میں آیا ہے کہ چند روز قبل لاہور DHA ڈی ایچ اے فیز .... کے ایک گھر میں تین ڈاکو گھس آئے ۔۔۔ خاتون سے کہنے لگے ہم آپ کے گھر کی ترتیب خراب نہیں کرنا چاہتے اور آپ کو نقصان'بھی نہیں پہنچانا چاہتے اس لئے ہم یہاں صوفے پہ بیٹھے ہیں جو بھی نقدی اور زیورات ہیں وہ یہیں لے آو ۔۔

خاتون نقدی اور زیورات لے آئی ۔۔

ڈاکوؤں کا سرغنہ کہنے لگا اور وہ ہیرے کی انگوٹھی کہاں ہے جو تمہارے خاوند نے شادی کی سالگرہ پر تحفہ میں دی تھی؟

وہ چپ چاپ گئی اور وہ انگوٹھی لا کر انہیں دیدی ۔۔

وہ گھڑی بھی لیتی آو جو تمہاری بہن نے دوبئی سے بھیجی تھی ۔۔

بہن کا دیا ہوا تحفہ ان کے حوالے کرتے ہوئے اس کی آنکھوں میں آنسو تھے ۔۔

اب ہم لوگ "نیس کیفے" کی انسٹینٹ کوفی پئیں گے اور آپ سے اجازت چاہیں گے ۔۔

کافی پیتے ہوئے سرغنہ بولا اب وہ کل کا بچا ہوا "پائن ایپل کیک" بھی لیتی آؤ ۔۔

ڈاکو سب سامان ہاتھ میں لئے جانے لگے تو خاتون نے ہچکچاتے ہوئے کہا آپ لوگ انتہائی پیشہ ور با اخلاق ڈاکو ہیں آپ کو ہمارے گھر کی اندر کی باتوں کا کیسے علم ہوا؟

ڈاکوؤں کے سرغنہ نے اپنے چہرے پر نقاب درست کرتے ہوئے کہا محترمہ ہم آپ کے فیس بک فرینڈز ہیں اور باقاعدگی سے آپکی پوسٹ پڑھتے ہیں اور سٹیٹس چیک کرتے رہتے ہیں۔

🤨🤨🤔🤔

سوچئے کہیں آپ بھی تو یہ کام نہیں کر رہے؟

🌹 پوسٹ پسند آئے تو دوسروں کی معلومات کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 ڈاکٹر رفعت سلطانہ 🔷

ایک روپے والی مائی۔۔۔

جیتے جی کوئی ایک روپیہ بھی نہ دیتا تھا،
مر گئی تو شہر بھر کو چھٹی دے دی۔۔۔۔

ڈاکٹر سیدہ رفعت سلطانہ کا تعلق ایک پڑھے لکھے، کھاتے پیتے گھرانے سے تھا۔ لندن اور جرمنی میں ڈاکٹری کی تعلیم حاصل کرنے کے بعد پاکستان میں آ کر ڈاکٹر کی خدمت کے فرائض انجام دئیے۔ محبت میں پڑگئیں تو ایک ڈاکٹر سے شادی کرلی۔

ڈاکٹر صاحب نے جلد ہی ایک اور شادی کر لی۔ بات بے وفائی تک تو ٹھیک تھی مگر، اس نے اپنی بیوی ڈاکٹر سیدہ رفعت سلطانہ کی ساری جائیداد دھوکے سے اپنے نام کر لی، اسے گھر سے نکال دیا۔ حساس دل و دماغ کی مالک سیدہ رفعت ذہنی توازن کھو بیٹھی، واہ کینٹ کے گلیوں میں بھٹکتی رہی۔

رفعت بی بی کو کسی چیز کی کمی نہیں تھی سوائے محبت کے مگر، ڈاکٹر صاحب سے انہیں وہ بھی نہ ملی۔ ڈاکٹر صاحب اپنی دوسری بیوی کو لے کے یورپ شفٹ ہوگئے۔ رفعت سلطانہ کی حالت غیر ہو رہی تھی۔ پھر ایک دن خط موصول ہوا، ڈاکٹر سیدہ رفعت سلطانہ کو طلاق مل گئی۔ اسے کہا گیا: " میں تمہیں اتنا کنگال کر آیا ہوں کہ اب تم ایک روپے کو بھی ترسو گی۔"

راولپنڈی سے قریب 28 کلومیٹر دور واہ کینٹ میں رفعت سلطانہ کو بھیک مانگتے دیکھا گیا۔ زندگی کے تقریباََ 20 سال بھیک مانگتے دیکھا گیا۔ مرحومہ کی ایک ہی صدا ہوتی تھی:
" ایک روپہ دے دیں۔
دوسری صدا لگتی
پلیز گیو می ون روپی"

اگر کوئی 5 روپے دیتا، مرحومہ 4 روپے نکال کے واپس کر دیتی اور بولتی:
" بسس، ایک روپیہ ہی چاہئیے"

2016 کو ایک دن ایک روپے والی مائی انتقال کر گئی۔ شہر کے سکولز کو چھٹی دے دی گئی، دکانیں بند کر دی گئیں۔

پروٹوکول ایسا تھا کہ مرحومہ پی او ایف ہوٹل میں بھی چائے پینے چلی جاتی، کوئی اس سے پیسے نہیں لیتا تھا۔

https://t.me/islamwitheman/5404
⭕ ISLAM WITH EMAN ⭕