🔷 ملاوٹ پکڑنے کے طریقے 🔷

مختلف اشیاء میں ملاوٹ پکڑنے کے بہت ہی آسان طریقے۔۔۔

آج کل ہر کھانے اور چیز میں ملاوٹ کا ہونا ایک عام سی بات بنتی جارہی ہے. چند روپوں کے لئے انسانیت سے کھیلنے والے یہ ظالم لوگ اس چیز کا بھی خیال نہیں کرتے کہ ان کے اس قابل مذمت عمل سے لوگوں کی زندگیاں خطرے میں پڑ سکتی ہیں.

■- چائے
پتی کو ٹھنڈے پانی میں ڈالیں اور اگر پانی کا رنگ براؤن ہوجائے تو جان لیں کہ آپکی چائے میں ملاوٹ ہے.

■- فروزن مٹر
اگر مٹروں کو فریز کردیا جائے تو وہ محفوظ ہوجاتے ہیں.
لیکن کچھ کمپنیاں انہیں لمبے عرصے تک محفوظ رکھنے کے لئے ایک ایسا کیمیکل استعمال کرتی ہیں جو کہ ہمارے لئے بہت ہی خطرناک ہے.
اگر فریج سے نکال کر مٹروں کو پانی میں ڈالا جائے اور پانی کی رنگت سبز ہوجائے تو فوری طور پر ان مٹروں کو تلف کردیں.

■- ثابت دارچینی
ثابت دار چینی کی ڈنڈیوں کو اپنے ہاتھوں پر رکھ کر توڑیں.اگر آپکے ہاتھ رنگدار ہوجائیں تو یہ ڈنڈیاں ملاوٹ زدہ ہیں.

■- ثابت ہلدی
یہ مت سمجھیں کہ آپ ہلدی کی جڑیں استعمال کرکے خالص ہلدی استعمال کررہے ہیں کیونکہ یہ بھی ملاوٹ زدہ ہوسکتی ہیں.
ہلدی کی جڑوں کو کاغذ پر رکھیں اور تھوڑا سا ٹھنڈا پانی ڈالیں.
اگر کاغذ پیلا ہوجائے تو یہ اس بات کی علامت ہے کہ ہلدی کی جڑیں جعلی ہیں.

■- سیب
کچھ لوگ سیب کو چمکدار بنانے کے لئے اس پر پالش کرتے ہیں.
اگر سیب کے کاٹنے کے دوران اسکے اوپر سے سفید چیز اترے تو یہ اس بات کی نشانی ہے کہ اس پر ویکس لگایا گیا ہے.

■- ثابت کالی مرچ
اگر ثابت کالی مرچ چمکدار ہو اوراس میں سے کیروسین آئل کی بدبو آرہی ہو تو یہ ملاوٹ زدہ ہے.

■- زیرہ
اگر آپ زیرہ کو اپنے ہاتھ پر رکھ کر پیسیں یا رگڑیں اور آپکی ہتھیلی سیاہ ہوجائے تو یہ زیرہ ملاوٹ شدہ ہے.

■- دودھ
اگر دودھ میں ڈٹرجنٹ کی ملاوٹ جاننی ہو تو 10ملی لیٹر پانی اور10ملی لیٹر دودھ لے کر ملائیں اور اگر دودھ پر جھاگ آجائے تو یہ اس بات کی نشانی ہے کہ دودھ میں ڈٹرجنٹ کی ملاوٹ ہے.

■- سوکھا دھنیا
اس مصالحے میں اگر چورے کی ملاوٹ کے بارے میں جاننا ہو تو سوکھے دھنیے کو پانی میں ڈالیں, جو چیز بھی پانی کے اوپر ابھرے گی وہ چورا ہوگا.

■- ناریل کا تیل
اس تیل کو فریج میں رکھیں جو چیز جم جائے گی وہ ناریل کا تیل ہے اور جو مائع رہ جائے گا وہ ملاوٹی اجزاء ہیں.

■- شہد
روئی میں شہد کو بھگوئیں اور اب اس روئی کو آگ لگائیں،اگر بآسانی آگ لگ جائے تو شہد خالص ہے اور اگر’چڑ چڑ‘ کی آواز آئے تو اس میں ملاوٹ ہے.

■- سرخ مرچ
سرخ مرچ کو پانی کے گلاس میں ڈالیں،اگر یہ رنگ چھوڑ جائے تو سرخ مرچ ملاوٹ شدہ ہے۔


🔘 ہر عمل اللَّـه رب العزت کی رضا کے لیے ﺁﺋﯿﮯ اور آپ ﺍﭘﻨﮯ ﺁﭖ ﮐﻮ ﺍﻭﺭ ﺍپنے ﺍﺭﺍﺩﻭﮞ ﮐﻮ اللَّـه ﮐﯽ ﭘﻨﺎﮦ میں ﺩﮮ ﺩﯾﮟ۔ خود میں اور معاشرے میں تبدیلی لانے کی کوشش جاری رکھیں.....

🌹 پوسٹ پسند آئے تو دوسروں کی معلومات کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 صلہ رحم 🔷

سوال: صلہ رحم میں رحم سے مراد کون سے رشتے دار ہیں اور صلہ رحم کی حد کیا ہے؟

جواب:
اس سے مراد وہ لوگ ہیں جو انسان کے رحم میں شریک ہیں اور اس کے اعزاء میں شمار ہوتے ہیں، یہی وجہ ہے کہ اس میں سببی(بیوی یا شوہر کے رشتے دار) اور دور کے خونی رشتے دار شامل نہیں ہیں۔ واجب صلہ رحم یہ ہے کہ اگر انہیں ضرروت ہو تو جس طرح سے بھی ہو سکے ان سے نیکی اور احسان کرے مثلا بیماری میں عیادت کرے، دعوت کریں تو اسے قبول کرے، ملاقات ہونے پر مزاج پرسی کرے اور اگر پیسوں کا تقاضا کریں تو ان کی مدد کرے وغیرہ۔

(بمطابق فتاوی آقای سیستانی دامت برکاتہ)

https://t.me/islamwitheman
⭕ ISLAM WITH EMAN ⭕

🔷 چقندر 🔷

چقندر کھانے سے پہلے اسکے فوائد اور نقصانات بھی جان لیں۔۔

چقندر کا استعمال بہت عام ہے، سلاد سے لے کر اس کا جوس کافی پسند کیا جاتا ہے۔

فائبر، فولیٹ، میگنیز، پوٹاشیم، آئرن اور وٹامن سی سے بھرپور چقندر متعدد جسمانی امراض سے تحفظ فراہم کرتا ہے۔

■ چقندر کے فوائد
🔹 جسمانی توانائی بڑھائے
نائٹرک آکسائیڈ کی بدولت خون کی شریانیں کشادہ ہوتی ہیں، اس سے مسلز کو زیادہ آکسیجن ملتی ہے جو کہ جسمانی توانائی کو دیر تک برقرار رکھنے میں مددگار ہے۔

ایک تحقیق کے مطابق چقندر کا جوس نکال کر پینا جسمانی مشقت کے کاموں کے لیے توانائی بڑھاتا ہے۔

🔹 دماغی طاقت کے لیے مفید
مسلز کو زیادہ آکسیجن کی فراہمی کے ساتھ ساتھ چقندر دماغ کو بھی زیادہ آکسیجن پہنچاتی ہے اور اس کے لیے بھی چقندر کو سلاد یا جوس کی شکل میں استعمال کرنا فائدہ مند ہے۔

🔹 قبض دور رکھے
ایک کپ چقندر میں ساڑھے 3 گرام فائبر ہوتی ہے اور یہ جز قبض کی روک تھام میں مدد دیتا ہے۔

نہ گھلنے والا فائبر غذا کو تیزی سے غذائی نالی سے گزرنے میں مدد دیتا ہے اور بہت جلد خارج بھی کردیتا ہے، قبض کا شکار رہنے والوں میں بواسیر کا خطرہ بھی زیادہ ہوتا ہے تو چقندر اس موذی مرض سے بھی تحفظ فراہم کرسکتی ہے۔

ایک تحقیق میں بتایا گیا کہ پرانی قبض یا کم فائبر والی غذا بواسیر کا خطرہ بڑھاتی ہے جس سے بچاﺅ کے لیے زیادہ فائبر والی غذائیں جیسے چقندر فائدہ مند ہے۔

🔹 اینٹی آکسائیڈنٹس بھرپور
اس سبزی میں اینٹی آکسائیڈنٹس کی مقدار بہت زیادہ ہوتی ہے جو کہ جسم میں گردش کرنے والے فری ریڈیکلز کے نقصان سے بچانے کے خلاف مزاحمت کرتے ہیں اور جان لیوا امراض سے تحفظ ملتا ہے۔

🔹 کینسر کو ختم کرنے کی صلاحیت
کچھ مطالعات سے ثابت ہوا ہے کہ چقندر کے استعمال سے کینسر کو پیدا ہونے سے روکنے میں انتہائی معاؤن کردار ادا کرتی ہیں۔

اس میں موجود روغن جسم میں کینسر خلیوں کی افزائش کو کم کرنے میں مددگار ثابت ہوسکتا ہے۔

🔹 حاملہ خواتین کے لیے مفید
خواتین کے ڈاکٹرز حاملہ خواتین کو چقندر کھانے کا مشورہ دیتی ہیں کیوں کہ اس میں بڑی تعداد میں آئرن موجود ہوتا ہے جو ریڈ بلڈ سیلز بنانے میں مددگار ثابت ہوتا ہے اور اکثر حاملہ خواتین کے اندر ان کی کمی ہوجاتی ہے۔

🔹 چقندر کا پانی
☆ چقندر کے پانی کو روغن زیتون میں ملا کر جلے ہوئے مقام پر لگانا مفید ہے۔
☆ سفید چقندر کا پانی جگر کی بیماریوں میں اچھے اثرات رکھتا ہے۔
☆ چقندر کے قتلوں کو پانی میں ابال کر اس پانی کی ایک پیالی صبح ناشتا سے ایک گھنٹہ پہلے پینے سے پرانی قبض جاتی رہتی ہے اور بواسیر کی شدت میں کمی آ جاتی ہے۔
☆ جلد کے زخموں، بفہ اور خشک خارش میں چقندر کے قتلوں کو پانی اور سرکہ میں ابال کر لگانا مفید ہے۔ اس مرکب کو دو چار مرتبہ لگانے سے سر کی خشکی غائب ہو جاتی ہے۔
☆ چقندر کے اجزاء دست آور ہیں جبکہ اس کا پانی دستوں کو بند کرتا ہے۔

■ چقندر کے نقصانات
٭چقندر دیر سے ہضم ہونے والی سبزی ہے۔
٭چقندر بادی سبزی ہے اسے کھانے سے بھاری پن کا احساس ہوتا ہے۔
٭چقندر میں شکر کافی مقدار میں موجود ہوتا ہے جو ذیابیطس (شوگر) کا سبب بن سکتا ہے۔
٭چقندر سے تیزابیت کا خطرہ بڑھ جاتا ہے۔
٭چقندر کے زیادہ استعمال سے دست کو خطرہ بڑھ جاتا ہے۔
٭تین سال سے کم عمر کے بچوں کو چقندر کا جوس نہیں دینا چاہیے۔

https://t.me/islamwitheman
⭕ ISLAM WITH EMAN ⭕

🔷 مسخ شدہ جانور (2) 🔷

تمام مسوخات حرام ھیں اور ان میں سے کچھ درج ذیل ہیں۔

1۔ ھاتھی
(جو کہ ایک لوطی مرد تھا)

2۔ ریچھ
(بدکار عورت تھی
جو مردوں کو گناہ کی دعوت دیتی تھی)

3۔ خنزیر
(یہ نصارٰی کی ایک قوم تھی جس نے
حضرت عیسیٰ علیہ السلام سے نزول مائدہ کی استدعا کی اور جب خدا نے ان کی استدعا پر مائدہ نازل کیا تو انکا انکار اور بڑھ گیا)

4۔ بندر
(یہ یہود کی ایک قوم تھی
جس نے خدائی ممانعت کے باوجود یوم السبت (سینچر "ھفتہ" کے دن) مچھلیوں کا شکار کیا)

5۔ جریث
(ایک دیوث مرد تھا جو لوگوں کو اپنی اھلیہ کے ساتھ زنا کرنے کی دعوت دیا کرتا تھا)

6۔ سوسمار (گوہ)
(ایک بدو آدمی تھا جو راستہ میں
حاجیوں کے مال چوری کیا کرتا تھا)

7۔ وطواط
(یہ چور تھا جو کجھور کے درختوں
پر چڑھ کر کجھوریں چرایا کرتا تھا)

8۔ دعموص
(یہ چغل خور آدمی تھا اور چغل خوری کر کے دوستوں میں جدائی ڈال دیتا تھا)

9۔ بچھو
(یہ بد زبان تھا
جس کی زبان سے کوئی نہیں بچتا تھا)

10۔ عنکبوت
(خیانت کار عورت تھی
جو اپنے شوہر کی خیانت کرتی تھی)

11۔ خرگوش
(یہ ایک عورت تھی
جو حیض و نفاس کا غسل نہیں کرتی تھی)

12۔ سہیل
(یہ ایک رشوت خور مرد تھا)

13۔ زہرہ
(بنی اسرائیل کے بادشاہوں میں سے
بعض کی زوجہ تھی جس کا نام ناہیل تھا جس پر ھاروت و ماروت فریفتہ ھوئے تھے)

مخفی نہ رہے کہ شیخ صدوق علیہ الرحمہ نے سہیل و زہرہ کے متعلق وضاحت کی ھے کہ یہ دو دریائی جانور ھیں ان سے آسمانی ستارے مراد نہیں ھیں ۔
(خصال شیخ صدوق علیہ الرحمہ)

14۔ ملی مچھلی
(جس پر چھلکا نہیں ھوتا
خدا کی مسخ شدہ مخلوقات میں سے ایک ھے جن کا جرم یہ تھا کہ داڑھی منڈواتے تھے اور مونچھوں کو تاؤ دیتے تھے اس کے نتیجے میں ملی مچھلی کی شکل میں مسخ ھو گئے)

روایات میں وارد ھے کہ تمام مسوخات کا کھانا اسلام میں حرام ہے۔
(حرم اللہ ورسولہ المسوخ جمیعا)
"وسائل الشیعہ"

🔘 اگرچہ جو قومیں مسخ ھوئیں وہ تین دن سے زیادہ دنیا میں زندہ نہیں رہیں بلکہ سب نیست و نابود ھو گئیں اور انکے بعد خداوند عالم نے انکی ھم شکل مخلوق خلق کی اور انکا حکم (حرمت) انکے لیے برقرار رکھا۔
(قوانین الشریعہ جلد 2 صفحہ 282)

🌹 پوسٹ پسند آئے تو دوسروں کی معلومات کے لیے شیئر ضرور کریں۔

https://t.me/islamwitheman/1094
⭕ ISLAM WITH EMAN ⭕

🔷 اپنوں کا خیال رکھیں 🔷

ایک لڑکا ، ایک گھر میں اخبار پہنچانے جایا کرتا تھا، لیکن ایک دن اسے پتہ چلا کہ ان کا لیٹر بکس بند ہے،

اس نے دروازہ کھٹکھٹایا۔

ایک بزرگ آدمی نے، دھیرے دھیرے قدموں کے ساتھ، دروازہ آہستہ سے کھولا۔

لڑکے نے پوچھا: "جناب، آپ نے اپنا لیٹر بکس کیوں بند کیا ہوا ہے؟"

انہوں نے جواب دیا: "میں نے جان بوجھ کر اسے بند کیا ہے۔"

مسکراتے ہوئے انہوں نے کہا: "میں چاہتا ہوں کہ تم روزانہ میرے دروازے پر اخبار لے کر آؤ،

دروازہ کھٹکھٹاؤ یا گھنٹی بجاؤ اور مجھے ذاتی طور پر اخبار دو۔"

لڑکے کو حیرت ہوئی، اس نے جواب دیا: "یقیناً، لیکن اس سے تو دونوں کے لیے مشکل ہوگی،
اور وقت کا ضیاع ہوگا۔"

انہوں نے کہا: "کوئی بات نہیں۔ میں تمہیں ہر ماہ دروازہ کھٹکھٹانے کی فیس اضافی دوں گا۔"

پھر انہوں نے التجا بھری نظروں سے کہا:
"اگر کبھی تم نے دروازہ کھٹکھٹایا اور کوئی جواب نہ ملا، تو براہ کرم پولیس کو اطلاع دینا۔"

بزرگ کی درخواست سن کر نوجوان اخبار فروش چونک گیا اور پوچھا:

"کیوں جناب؟"

انہوں نے جواب دیا: "میری بیوی انتقال کر چکی ہے،

میرا بیٹا ملک سے باہر ہے اور میں یہاں اکیلا رہتا ہوں۔

کون جانے کب میری موت آ جائے۔"

اس لمحے، اخبار فروش نوجوان نے بوڑھے آدمی کی آنکھوں میں دھندلاہٹ اور نمی دیکھی۔

انہوں نے مزید کہا: "میں کبھی اخبار نہیں پڑھتا۔

میں اسے صرف اس لیے خریدتا ہوں ، تاکہ دروازہ کھٹکھٹنے یا گھنٹی بجنے کی آواز سن سکوں،

ایک مانوس چہرہ دیکھ سکوں،

اور کچھ لمحے خوشی کے گزار سکوں۔"

انہوں نے اپنے ہاتھ جوڑے اور کہا: "بیٹا، براہ کرم ایک احسان کرو۔

یہ میرے بیٹے کا نمبر ہے جو ملک سے باہر ہے۔

اگر کسی دن میں دروازہ نہ کھولوں، تو براہ کرم میرے بیٹے کو اطلاع دینا۔"

🔘 کبھی کبھی آپ سوچتے ہوں گے کہ لوگ روز سویرے آپ کو کیوں پیغامات بھیجتے رہتے ہیں۔ حقیقت میں، ان کی صبح کی سلام دعا بالکل اسی طرح ہے جیسے دروازے کی گھنٹی بجانا۔ یہ ایک طریقہ ہے کہ ہم ایک دوسرے کی خیریت معلوم کریں اور اپنے پیار کا اظہار کریں۔

ایک دن، اگر آپ کو ان کا صبح کا پیغام یا شیئر کیا گیا مضمون نہ ملے تو ہو سکتا ہے کہ وہ ٹھیک نہ ہوں۔ براہ کرم اپنے دوستوں اور خاندان کا خیال رکھیں۔۔

https://t.me/islamwitheman
⭕ ISLAM WITH EMAN ⭕

*دھی تے جھلیا دھی ہوندی اے*

ہر آۓ دن جنسی زیادتی کے بڑھتے واقعات کو ہم سب چپ چاپ دیکھ رہے ہیں مگر ہم نے اس معاملے کو کبھی سنجیدگی سے لیا ہی نہیں

چند دن شوشل میڈیا پر شور شرابا کرکر اپنی زمہ داری سے دست بردار ہوجاتے ہیں
مگر کبھی بھی کسی نے بچیوں کی عزتوں کو محفوظ کرنے کا سوچا ہی نہیں نا کوئی اقدام کیا

کیا کبھی آپ نے سوچا ہے آجکل ایسے واقعات میں روز بروز اضافہ کیوں ہو رہا ہے 🤔

*اسکی بڑی وجہ بےحجابی ہے*

ترجمہ:اے نبی (صلی اللہ علیہ وسلم ) اپنی بیویوں اور بیٹیوں سے، اور مسلمانوں کی عورتوں سے کہہ دو کہ وہ اپنے اوپر اپنی چادریں لٹکا لیا کریں، اس سے بہت جلد ا ن کی پہچان و شناخت ہوجایا کرے گی، پھر وہ ستائی نہ جائیں گی، اور اللہ تعالی بخشنے والا مہربان ہے۔ ( الاحزاب : 59 )

انسان نے جب بھی دین سے منہ موڑا ہے اسے ذلت اور رسوائی کے سوا کچھ نہیں ملا

جب آپ مغربی طور طریقے کو اپنائیں گے تو آپکے ساتھ ہوگا بھی وہی جو مغرب میں ہوتا ہے

*بے حجابی* ایک ایسی *بدبُو* ہے جو وحشی درندوں کو آپکو نوچ کھانے کی دعوت دیتی ہے

اور *حجاب* آپ کیلیے *مشک کافور* کا کام کرتا ہے
جو آپکو وحشی نجس درندوں سے بچاتا ہے اور انہیں آپکے نزدیک آنے سے روکتا ھے

یقین کریں رب نے ہر مقدس شئے کو حجاب میں رکھا
سب سے بڑی مثال👇🏻
👈🏻۔۔ خانہ کعبہ
👈🏻قرآن پاک

*دنیا سے مثال لیتے ہیں ایک جوہری کے پاس جائیں*

اس نے اپنی دکان کے تمام قیمتی نگینے ہیرے موتی اور ان جیسے باقی قیمتی اشیاء کو کئی غلافوں میں رکھا ہوگا اور انکی حفاظت کیلیے صندوق میں رکھ کر تالا لگایا ہوگا

جبکہ لوہے اور لوہے جیسی باقی غیر ضروری اشیا کو کہیں بھی بنا کسی حفاظت کے رکھا ہوگا کیونکہ وہ قیمتی نہیں ہیں

یقین کریں حجاب بھی آپکی بچیوں کیلیے ایک غلاف کی مانند ہے اور انکی عزتوں پہ تالے جیسے تحفظ کا کام کرتا ہے
جب انکو کوئی دیکھے گا ہی نہیں تو ان کی عزت پر حملہ کیسے کریگا؟؟؟


اپنی بیٹیوں کو حقیر مت بنائیں انہیں حجاب کی تعلیم دیں انکی عزتوں کے تحفظ کی فکر کریں ورنہ وحشی درندے آپکو بھی نہیں چھوڑینگے

ذرا نہیں مکمل سوچیں۔۔۔

👆👆👆👆👆

یہ تصویر حیرت انگیز ہے!
پہلی نظر میں، ایسا لگتا ہے کہ کوئی پانی میں بیٹھا پڑھ رہا ہے، لیکن جب آپ زوم ان کرتے ہیں، تو آپ کو احساس ہوتا ہے کہ یہاں کوئی شخص ہے نہ کوئی کتاب نہ کوئی مطالعہ —صرف ایک وہم ہے۔

زندگی بھی اسی طرح ہے؛ یہ بظاہر کچھ نظر آتی ہے، لیکن زیرِ سطح یہ بالکل مختلف ہوتی ہے۔

*✍️دھوکــــــے کـــــــی دُنیــــــا🍂😔*

🔷 اگر آپ کی بیوی ۔۔۔ 🔷

اگر آپ کی بیوی نوکری پیشہ ہے یا آپ اس سے شادی کرنے کا ارادہ رکھتے ہیں، تو ذرا غور سے پڑھیں:
اگر آپ کی بیوی گھر کی ذمہ داریاں سنبھالتی ہے، یا کوئی ہنر، چھوٹا کاروبار یا گھریلو کام کرتی ہے، تو آپ بہت خوش نصیب ہیں۔ یہ ایک مضبوط سہارا ہے، اور آپ کو اسے یہ احساس دلانا چاہیے کہ وہ آپ کی زندگی کی ملکہ ہے۔ ایسی عورت کو کسی غیر مرد سے واسطہ نہیں پڑتا، اور وہ اپنی توجہ صرف اپنے شوہر اور بچوں کی پرورش پر مرکوز رکھتی ہے، تاکہ وہ بچوں کو بہتر انسان بنا سکے۔

مگر اگر آپ کی بیوی ملازمت کرتی ہے، تو صورتحال تھوڑی مختلف ہو سکتی ہے کیونکہ ملازمت کے ماحول میں وہ دیگر لوگوں سے رابطے میں رہتی ہے (کارخانہ، دفتر، ادارہ وغیرہ)۔

• دفتر کا ساتھی: وہ ایک ایسا شخص ہے جو روزانہ آٹھ گھنٹے آپ کی بیوی کے ساتھ گزارے گا، اور یہ سلسلہ تقریباً تیس سال تک چل سکتا ہے۔ اس دوران وہ آپ کی بیوی سے کام کے حوالے سے یا کبھی کبھار زندگی کے معاملات پر بات کرے گا، اور بعض اوقات بوریت کو ختم کرنے کے لیے بھی گفتگو ہوگی۔

• دفتر کا باس: یہ ایک ایسا شخص ہوتا ہے جس کے پاس اتنی طاقت ہوتی ہے کہ وہ سب کو ڈانٹ سکتا ہے، اور اس میں آپ کی بیوی بھی شامل ہوتی ہے۔ اگر آپ کی بیوی کام میں کوئی غلطی کرتی ہے، تو اسے سرعام یا پرائیویٹ طور پر ڈانٹا جا سکتا ہے، اور اسے سر جھکا کر معافی مانگنی پڑے گی تاکہ نوکری نہ جائے۔ اب ذرا سوچیں، اگر آپ نے گھر میں کھانا ٹھیک نہ بننے پر بیوی کو ڈانٹا، تو وہ فوراً ناراض ہو جائے گی یا طلاق کی بات کر سکتی ہے۔

• کام کا شوہر: یہ ایک مغربی تحقیق کا تصور ہے۔ یہ ایک ایسا ساتھی ہوتا ہے جو آپ کی بیوی کے سب سے قریب ہوتا ہے۔ وہ اس کی زندگی کے بارے میں سب کچھ جانتا ہے اور اس کے دکھ درد کو سنتا ہے، اس کی مدد کرتا ہے، اور اکثر اس کی حمایت میں بات کرتا ہے۔ وقت کے ساتھ ساتھ، وہ اس کے لیے ایک سہارا بن جاتا ہے، اور بیوی کو لگتا ہے کہ وہی وہ شخص ہے جو اسے بہتر طریقے سے سمجھتا ہے۔ اس کا نتیجہ یہ نکلتا ہے کہ آپ دونوں کے درمیان فاصلے پیدا ہونے لگتے ہیں۔

• تحقیق کے مطابق، 80 فیصد بے وفائی کے واقعات کام کی جگہ پر ہوتے ہیں، اور خواتین کو اکثر دفتر میں مختلف قسم کی ہراسگی کا سامنا بھی کرنا پڑتا ہے۔

آخری بات: یہ سب کچھ ہر نوکری پیشہ عورت کے ساتھ نہیں ہوتا، لیکن ان میں سے کچھ یا اس سے بھی بدتر حالات پیش آ سکتے ہیں۔ لہٰذا، آپ اپنی مرضی سے نوکری پیشہ عورت سے شادی کر سکتے ہیں، لیکن ان باتوں کا خیال ضرور رکھیں۔

یہ حقیقت ہے اور آج کل کے حالات میں عام ہے، اور اس پوسٹ کا مقصد سب مردوں کو خبردار کرنا ہے کہ یہ صورتحال اکثر نوکری پیشہ عورتوں کے ساتھ دیکھنے میں آتی ہے۔

🔘 نوٹ: اس مضمون میں کسی پر الزام تراشی نہیں کی گئی، بلکہ یہ مرد حضرات کو ممکنہ مسائل سے آگاہ کرنے کے لیے لکھا گیا ہے۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/5378
⭕ ISLAM WITH EMAN ⭕

🔷 زندگی کے کچھ حقائق 🔷

1. اپنی زندگی میں خطرات مول لیں۔ اگر آپ جیت جاتے ہیں، تو آپ قیادت کر سکتے ہیں ؛ اگر آپ ہار جاتے ہیں تو آپ رہنمائی کر سکتے ہیں۔

2. لوگ وہ نہیں ہوتے جو وہ کہتے ہیں بلکہ وہ ہوتے ہیں جو وہ کرتے ہیں۔ اس لیے ان کے بارے میں رائے ان کے الفاظ سے نہیں بلکہ ان کے عمل کی وجہ سے قائم کرو۔

3. جب کوئی آپ کو دکھ لے تو برا نہ مانیں کیونکہ یہ فطرت کا قانون ہے کہ جس درخت پر سب سے زیادہ میٹھے پھل لگتے ہیں اسے زیادہ سے زیادہ پتھر لگتے ہیں۔

4. اپنی زندگی سے جو بھی ہو سکے لے لو کیونکہ جب زندگی آپ سے لینے لگتی ہے تو آپ کی آخری سانسیں تک بھی لے لیتی ہے ۔

5. اس دنیا میں لوگ ہمیشہ آپ کی کامیابی کے راستے پر پتھر پھینکیں گے۔ یہ اس بات پر منحصر ہے کہ آپ ان سے کیا بناتے ہیں - دیوار یا پل۔

6. چیلنجز زندگی کو دلچسپ بناتے ہیں۔ ان پر قابو پانا زندگی کو بامعنی بناتا ہے۔

7. شکست کے خطرے کو مول لیے بغیر جیت کی کوئی خوشی نہیں ہے۔

8. رکاوٹوں کے بغیر راستہ کہیں نہیں جاتا۔

9. ماضی دیکھنے کے لیے ایک اچھی جگہ ہے لیکن یقینی طور پر رہنے کے لیے اچھی جگہ نہیں ہے۔

10. اگر آپ ہر وقت گزشتہ کل کے بارے میں سوچتے رہتے ہیں تو آپ کا آنے والا کل بہتر نہیں ہو سکتا۔

11. اگر آپ پہاڑ پر نہیں چڑھتے ہیں؛ آپ میدان نہیں دیکھ سکتے۔

12. آپ کو دماغ رکھنے کے لیے معاوضہ نہیں دیا جاتا، آپ کو صرف اس کا ذہانت سے استعمال کرنے پر انعام دیا جاتا ہے

13. جو آپ سیکھنے میں ناکام رہتے ہیں وہ آپ کو سبق سکھا سکتا ہے۔

14. بدعنوان اور ایماندار شخص میں فرق یہ ہے: بدعنوان کی ایک پرائس ہوتی ہے جبکہ ایماندار کی ایک ویلیئو ہوتی ہے۔

15. اگر آپ کسی کو دھوکہ دینے میں کامیاب ہو جائیں تو اسے بے وقوف نہ سمجھیں...... جان لیں کہ اس شخص نے آپ پر اس سے زیادہ بھروسہ کیا جس کے آپ حقدار تھے۔

16. ایمانداری ایک مہنگا تحفہ ہے۔ سستے لوگوں سے اس کی امید نہ رکھیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 مختلف ممالک کی کہاوتیں 🔷

یہ دنیا کے مختلف ممالک کے بہترین کہاوتیں ہیں۔۔۔

1۔ جو اپنے پڑوسی کے گھر کو ہلاتا ہے، اس کا اپنا گھر گر جاتا ہے۔ (سوئس کہاوت)

2۔ اگر کوئی شخص پیٹ بھر کر کھا لے تو اسے روٹی کا ذائقہ محسوس نہیں ہوتا۔ (اسکاٹ لینڈ کہاوت)

3۔ اگر تم مسکرانا نہیں جانتے تو دکان نہ کھولو۔ (چینی کہاوت)

4۔ اچھی شکل سب سے مضبوط سفارش ہے۔ (انگلش کہاوت)

5۔ نیکی کرنا احسان فراموش کے ساتھ ایسا ہے جیسے سمندر میں عطر ڈالنا۔ (پولینڈ کہاوت)

6۔ اگر تم کسی قوم کی ترقی دیکھنا چاہتے ہو تو اس کی عورتوں کو دیکھو۔ (فرانسیسی کہاوت)

7۔ ہم اکثر چیزوں کو ان کی حقیقت سے مختلف دیکھتے ہیں کیونکہ ہم صرف عنوان پڑھنے پر اکتفا کرتے ہیں۔ (امریکی کہاوت)

8۔ دوسروں کی غلطیاں ہمیشہ ہماری غلطیوں سے زیادہ واضح ہوتی ہیں۔ (روسی کہاوت)

9۔ تمہاری قناعت تمہاری نصف خوشی ہے۔ (اطالوی کہاوت)

10۔ ہر انسان اپنی تقدیر خود بناتا ہے۔ (انگلش کہاوت)

11۔ اپنے دماغ کو علم سے لیس کرو، بہتر ہے کہ جسم کو زیورات سے سجاؤ۔ (چینی کہاوت)

12۔ خود پسندی جہالت کی پیداوار ہے۔ (اسپین کہاوت)

13۔ وہ محبت جو تحفوں پر انحصار کرے، ہمیشہ بھوکی رہتی ہے۔ (انگلش کہاوت)

14۔ اس عورت سے ہوشیار رہو جو اپنی فضیلت کے بارے میں بات کرتی ہے اور اس مرد سے ہوشیار رہو جو اپنی دیانت داری کے بارے میں بات کرتا ہے۔ (فرانسیسی کہاوت)

15۔ اپنی بیوی کو محبت دو اور اپنی ماں کو اپنا راز بتاؤ۔ (آئرلینڈ کہاوت)

16۔ پانچ سال تک اپنے بچے کو شہزادہ بناؤ، دس سال تک غلام کی طرح اور اس کے بعد دوست بن جاؤ۔ (ہندی کہاوت)

17۔ انسان ہونا آسان ہے، مگر مرد بننا مشکل ہے۔ (روسی کہاوت)

18۔ میرے خاندان نے مجھے بولنا سکھایا اور لوگوں نے مجھے خاموش رہنا سکھایا۔ (چیکو سلوواک کہاوت)

19۔ جو لوگوں کو علم کی نظر سے دیکھتا ہے ان سے نفرت کرتا ہے اور جو انہیں حقیقت کی نظر سے دیکھتا ہے انہیں معاف کرتا ہے۔ (اطالوی کہاوت)

20۔ غصہ ایک تیز ہوا ہے جو عقل کے چراغ کو بجھا دیتا ہے۔ (امریکی کہاوت)

21۔ جو لوگ دیتے ہیں انہیں اپنے دینے کی بات نہیں کرنی چاہیے، جبکہ جو لوگ لیتے ہیں انہیں اس کا ذکر کرنا چاہیے۔ (پرتگالی کہاوت)

22۔ بڑا درخت زیادہ سایہ دیتا ہے مگر کم پھل دیتا ہے۔ (اطالوی کہاوت)

23۔ اپنی فکر کو پھٹی ہوئی جیب میں ڈال دو۔ (چینی کہاوت)

24۔ زیادہ کھا لینا بھوک سے زیادہ نقصان دہ ہے۔ (جرمن کہاوت)

25۔ ہر دن بوو، ہر دن کھاؤ۔ (مصری کہاوت)

26۔ اے انسان، موت کو نہ بھولو کیونکہ یہ تمہیں نہیں بھولے گی۔ (ترکی کہاوت)

27۔ انتقام کی لذت ایک لمحے کی ہے، مگر معافی کا سکون ہمیشہ کے لئے رہتا ہے۔ (اسپین کہاوت)

28۔ محبت اور خوشبو کو چھپایا نہیں جا سکتا۔ (چینی کہاوت)

29۔ جس کی جیب خالی ہو، اسے اپنی زبان کو میٹھا بنانا چاہیے۔ (ملائیشیائی کہاوت)

30۔ پانی کے چھوٹے قطرے بھی ندی بنا سکتے ہیں۔ (جاپانی کہاوت)

31۔ اللہ پرندوں کو رزق دیتا ہے مگر انہیں اسے پانے کے لیے پرواز کرنا پڑتا ہے۔ (ہالینڈ کہاوت)

32۔ محبت تب تک باقی رہتی ہے جب تک پیسہ ہوتا ہے۔ (فرانسیسی کہاوت)

33۔بجو اپنے دوست کو قرض دیتا ہے، وہ دونوں کو کھو دیتا ہے۔ (فرانسیسی کہاوت)

34۔ جو کوئی خوبصورت عورت سے شادی کرتا ہے اسے دو آنکھوں سے زیادہ کی ضرورت ہوتی ہے۔ (انگلش کہاوت)

35۔ جس کی پشت پر تنکا ہوتا ہے وہ ہمیشہ آگ سے ڈرتا ہے۔ (فرانسیسی کہاوت)

36۔ جس نے منزل تک پہنچنے کا عزم کر لیا، اس نے ہر رکاوٹ کو معمولی سمجھا۔ (فرانسیسی کہاوت)

37۔ جو خود کو بھیڑ سمجھتا ہے، بھیڑیا اسے کھا جائے گا۔ (فرانسیسی کہاوت)

🌹 پوسٹ پسند آئے تو دوسروں کی بھلائی کے لئے شیئر ضرور کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

■ مزید پوسٹس۔۔۔ دیکھنے کیلئے مطلوبہ پوسٹ کے لنک پر کلک کریں۔

🔷 زندگی کے کچھ حقائق
https://t.me/islamwitheman/5380

🔷 مختلف ممالک کی کہاوتیں
https://t.me/islamwitheman/5381

🌹 دانشوروں کے لطیف جملے
https://t.me/islamwitheman/5437
⭕ ISLAM WITH EMAN ⭕

🔷 موبائل پاسورڈ لگائیں لیکن۔۔۔ 🔷

موبائل پر پاس ورڈ لگایا کریں پر کال کرنے والے آپشن کو کھلا چھوڑ دیا کریں۔

ایک حاملہ خاتون سیڑھیوں سے گری اور گرتے ہی بےہوش ہو گئی۔ اس وقت گھر میں اسکی دس سالہ بیٹی کے سوا کوئی بھی نہیں تھا۔
بچی کو کچھ سمجھ نہیں آ رہا تھا کیا کرے۔ پھر اس نے اپنی امی کا موبائل اٹھایا، تاکہ ابو کو کال کرے۔ لیکن موبائل پہ پاسورڈ لگا ہوا تھا، بچی کچھ نہ کر سکی، بالآخر ماں اپنی زندگی سے ہار گئی۔

اسی طرح تین دوستوں کو دوران سفر کار حادثہ پیش آیا۔ایک اجنبی نے سارا معاملہ دیکھا اور وہ انکی مدد کرنا چاہتا تھا۔ مگر اس کے پاس کوئی موبائل فون نہیں تھا۔ جس کار کو حادثہ پیش آیا، اس میں چھ موبائل تھے۔ مگر ہر ایک کے موبائل پہ پاس ورڈ لگا ہوا تھا۔نتیجتاً وہ بروقت اسپتال نہ پہنچ سکے۔ غلطی کس کی ہے؟

🔘 آپ اپنی معلومات کے بارے میں بہت حساس ہیں، جبھی موبائل پہ پاس ورڈ لگاتے ہیں۔ یہ اچھی بات ہے۔ پاس ورڈ ضـــــرور لگائیں، لیکـــــــن صرف واٹس ایپ، پیغامات، فیس بک اور دوسری اہم فائیلز پر ہی لگائیں۔ صرف کال کرنے والے آپشن کو کھلا چھوڑ دیں۔ ہو سکتا ہے کہ آپ ایک دن اپنی یا اپنے کسی چاہنے والے کی زندگی بچا سکیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

★ جدید طبی مشورے ★

💥 کولسٹرول کی کہانی اب پرانی ہو گٸی ھے۔ جدید ریسرچ کے مطابق اس نام کی کوٸی چیز نہیں۔ نہ کوٸی اچھا کولسٹرول ہوتا ھے اور نہ کوٸی برا۔ یہ سب فارماسوٹیکل کمپنیوں کا کمال تھا۔ خوب بیوقوف بنایا دنیا کو اور اربوں کماٸے۔

آپ بھی ادرک پیاز لہسن اجواٸن اور قہوے پودینے جوشاندوں سے باہر نکلیں ۔ یہ ہلکی پھلکی بیماری کی صورت میں استعال ہوتے ہیں روزانہ صبح شام کھانے کیلٸے نہیں ہیں۔

بے دھڑک ہو کر روزانہ انڈا کھاٸیں اس سے ہارٹ اٹیک کا کوٸی تعلق نہیں۔ AFIC میں باٸی پاس کے مریضوں کو روزانہ 2 انڈے کھلاتے ہیں۔

اگر آپ کو بھوک لگتی ھے اور آپ آٹھ گھنٹے روزانہ سوتے ہیں اور اور آپ کی تھوڑی بہت physical ایکٹیویٹی ھے تو بیشک روزانہ پراٹھا کھاٸیں دیسی گھی کا شہد کے ساتھ۔ قوت بخش غذا کی بڑھاپے میں ضرورت ہوتی ہے اور ہم لوگ شلجم اور ڈبل روٹی کھانا شروع کر دیتے ہیں۔ پھر کہتے ہیں چکر آتے ہیں گھٹنے میں درد ہے بلڈ پریشر نیچے جا رہا ہے بلڈ پریشر اوپر جا رہا ہے۔

بھاٸی صاحب اپنے معمولات درست کریں۔ مٹن، بیف، مچھلی، دیسی مرغی ھفتے میں ایک دو دفعہ کھانے سے نہ گردے فیل ہوتے ہیں اور نہ گنٹھیا کا مرض ہوتا ھے اور نہ گاوُٹ کا۔

سبز پتے اور گاجر مولی سلاد کھانے سے وزن کم نہیں ہوتا ورنہ بھینس بیچاری اتنی بھاری بھرکم نہ ہوتی۔

دودھ پیا کریں ڈاکٹروں پر مت جاٸیں صرف MBBS کرنے سے کوٸی افلاطون نہیں بن جاتا۔ کیلشیم یا فل کریم اور ہاف کریم کے چکر میں مت پڑیں۔ ایک گلاس دودھ روزانہ پیا کریں۔

یاد رکھیں انسان کا بچہ اور گینڈے کا بچہ بچپن میں صرف دودھ پی کر بڑا ہوتا ھے۔ پانی زیادہ پیا کریں ٹھنڈا یا گرم پانی مناسب نہیں۔ نارمل room temperature پانی استعمال کریں۔

موسمی پھل معدہ اور سکن کیلٸے مفید ہونے کے علاوہ بے شمار دماغی اور اعصابی امراض کا علاج ہیں۔ سرد موسم میں ڈراٸی فروٹ کا استعمال زیادہ کریں۔ ریٹاٸرڈ پینشنر مونگ پھلی کو بھی ڈراٸی فروٹ سمجھ سکتے ہیں۔ عارضہ قلب کیلٸے مفید چیز ھے۔ انجیر تازہ یا خشک دونوں صورت میں جادو کا اثر رکھتی ھے۔

کالی مرچ، ہلدی کلونجی، دارچینی، سونف اور خشک دھنیا بہترین اینٹی باوٹک ہیں۔
۔
مصنوعی شکر (artificial sugar) ہرگز استعمال نہ کریں۔

شہد کے استعمال سے شوگر نہیں بڑھتی آپ آزما کر دیکھ لیں۔ اپنی شوگر چیک کریں پھر شہد کا ایک چمچ پانی کے گلاس میں حل کر کے کھاٸیں اب پھر شوگر چیک کریں آپ حیران ہو جاٸینگے۔ اور اگر تھوڑی بہت شوگر کی شکایت ہو بھی تو مناسب ورزش اور کھانے میں احتیاط سے کنٹرول میں رہتی ھے۔

باقی کھجور آم یا انگور کھانے سے آج تک کوٸی شوگر کا مریض مرتے نہیں دیکھا۔

باقی وہم کا کوٸی علاج نہیں۔
★صدقہ دیا کریں۔
★ بیوی کے علاوہ ہر بلا سے اپنے آپ کو دور رکھیں !!
★ اللہ کی عبادت نماز، روزہ، ڈکر و اذکار خوب دلجمعی سے کریں اور تندرست رہیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

*آپ خود کو دیکھیں کہ کیسے لوگوں کو فالو کر رہے ہیں، کن کی کمپنی میں رہ رہے ہیں کیونکہ نسبتوں سے بڑا فرق پڑتا ہے۔*

*(جیسے گندم میں کنکر ہو تو وہ کنکر گندم کے بھاؤ ہی بکتا ہے)*

*جیسے ایک اینٹ مسجد میں لگائیں اور ایک اینٹ بیت الخلاء میں ۔۔۔۔۔۔ مسجد والی اینٹ پر جوتوں کے ساتھ کوئی آ نہیں سکتا اور بیت الخلاء والی اینٹ پر بغیر جوتوں کے کوئی جاتا ہی نہیں۔*

*دونوں کے رتبے میں فرق کیوں پڑا؟ اینٹیں ایک جیسی تھیں بس ان کی نسبتوں نے ان کو اعلیٰ و ادنی بنا دیا۔*

*فرق صرف یہ تھا کہ دونوں کی نسبتیں الگ الگ تھیں تو آپ بھی اپنی نسبت ایسوں سے جوڑیں کہ کل کو آپ فخر کر سکیں۔*

*نسبت سے یقینا بہت فرق پڑتا ہے۔*

🌹🌹🌴🌹🌹


یہ دنیا آپکی ریسرچ کی محتاج ہے!
اس لیے زندگی میں نئے رنگ ضرور ڈھونڈیں!
ہر دن کچھ نیا سیکھیں ،نیا دیکھیں نیا ڈھونڈیں، نئی سوچ کا نیا زاویہ۔۔۔۔۔۔نیا دن تبھی ہو سکتا ہے جب اس دن میں کچھ نیا ہو!

تو دنیا چاہے سائنس کی ہو یا سپورٹس کی، آرٹس کی ہو یا میوزک کی، اپنی آنکھوں پہ قرآن کا چشمہ لگا کے سب رنگوں کی دنیا دیکھیں اور پرکھیں۔۔

یہ آپکو اللہ کے اور قریب کرے گا!
آپکے سوال آپکو قرآن سے جوڑیں گے!
اور قرآن نے انہی لوگوں کی تو ڈیمانڈ کی ہے اور تعریف کی ہے
کہ لعلکم تذکرون💓 سے لعلکم تعقلون💓
نصیحت سے عقل کا سفر اِسی راستے سے ہو گا!

*جمعہ مبارک___________*

🌹🌹🌴🌹🌹

🔷 احسان، دیکھ کر کریں 🔷

کسی جنگل میں ایک بکری بہت بے فکری سے ادھر ادھر گھوم رہی تھی۔ ایک کوے کو بہت حیرت ھوئی اور وہ بکری سے پوچھنے لگا کہ تمہیں کسی سے خوف کیوں نہیں ھے؟

بکری نے کہا: بھائی میری بے فکری کا سبب یہ ھے کہ کچھ عرصہ پہلے ایک شیرنی اپنے دو چھوٹے بچے چھوڑ کر مر گئی تھی۔ میں نے ان پہ ترس کھا کر اپنے دودھ پہ پال کر انہیں پروان چڑھایا۔ اب وہ جوان ھیں اور انہوں نے جنگل میں اعلان کر رکھا ھے کہ ھماری بکری ماں کی طرف کوئی میلی آنکھ سے نہ دیکھے۔سو اب کسی بڑے خوںخوار جانور میں بھی یہ ہمت نہیں کہ مجھ پہ ہاتھ ڈالے کسی چھوٹے موٹے جانور کا ذکر ہی کیا۔

کوے نے سوچا کاش مجھے بھی ایسی نیکی کرنے کا موقع ملے اور پرندوں کی دنیا میں مجھے بھی احترام حاصل ھو جائے۔ وہ یہی سوچتا ھوا اڑتا جا رہا تھا کہ اس نے نیچے دریا میں ایک چوہے کو ڈبکیاں کھاتے دیکھا۔

وہ فوراً نیچے اترا اور چوہے کو دریا سے نکال لایا اور ایک بڑے پتھر پہ لٹا کر اپنے پروں سے ھوا دینے لگا تاکہ وہ خشک ھو جائے۔

جونہی چوہے کے حواس بحال ھوئے اس نے کوے کے پر کترنے شروع کر دیئے۔ کوا بیچارہ نیکی کی دھن میں مگن تھا اور چوہا اپنی کارگزاری میں مصروف۔ اتنی دیر میں وہ خشک بھی ھو چکا تھا۔ لہذا اس نے اپنے بل کی طرف دوڑ لگا دی۔

کوا نیکی کر کے بہت موج میں تھا۔ اسی موج میں اس نے لمبی اڑان بھرنے کی کوشش کی مگر منہ کے بل زمین پہ آ پڑا اور اڑنے سے معذور ھو کر زمین پہ ہی اچھلنے اور گھسٹنے لگا۔

اتفاقاً بکری ادھر سے گزری تو پوچھنے لگی۔بھائی کوے تم پہ کیا افتاد آن پڑی؟

کوا غصے سے بولا۔یہ سب تمہارا کیا دھرا ھے۔تمہاری باتوں سے متاثر ھو کر میں نے نیکی کمانے کی چاہ میں چوہے کی جان بچائی مگر وہ میرے پر ہی کتر بھاگا۔

بکری ہنس پڑی اور کہنے لگی۔
بے وقوف اگر نیکی ہی کرنی تھی تو کسی شیر کے بچے کے ساتھ کرتے۔ چوہے کا بچہ تو اپنا چوہا پن ہی دکھائے گا۔ بد ذات اور بدنسل کے ساتھ نیکی کرنے والے کا وہی حال ھوتا ھے جو تمہارا ھوا ھے.

میاں محمد بخش کا ایک شعر ہے کہ۔۔۔

اصلاں نال جے نیکی کریئے، نسلاں تائیں نئیں بُھلدے
بد نسلاں نال نیکی کریئے، پھٹیاں چالاں چلدے

🔘 کووں کے بچے موتی چگنے سے ہنس نہیں بن جاتے اور کھارے پانی کے کنویں میں میٹھا ڈالنے کے بعد بھی کنواں کھارا ہی رہتا ہے۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/4230
⭕ ISLAM WITH EMAN ⭕

🔷 بیٹی دکھ سکھ کی ساتھی 🔷

لڑکیوں کے اسکول میں آنے والی نئی ٹیچر خوبصورت اور با اخلاق ہونے کے ساتھ ساتھ علمی طور پر بھی مضبوط تھی لیکن اُس نے ابھی تک شادی نہیں کی تھی.

سب لڑکیاں اس کے اردگرد جمع ہو گئیں اور مذاق کرنے لگیں کہ میڈم آپ نے ابھی تک شادی کیوں نہیں کی ؟

میڈم نے داستان کچھ یوں سنانا شروع کی

ایک دفعہ ایک خاتون کی پانچ بیٹیاں تھیں ، شوہر نے اس کو دھمکی دی کہ اگر اس دفعہ بھی بیٹی ہوئی تو اس بیٹی کو باہر کسی سڑک یا چوک پر پھینک آوں گا ،
خدا کی حکمت خدا ہی جانے کہ چھٹی مرتبہ بھی بیٹی پیدا ہوئی اور مرد نے بیٹی کو اٹھایا اور رات کے اندھیرے میں شہر کے مرکزی چوک پر رکھ آیا ماں پوری رات اس ننھی سی جان کیلئے دعا کرتی رہی اور بیٹی کو اللہ کے سپرد کر دیا ، دوسرے دن صبح باپ جب چوک سے گزارا تو دیکھا کہ کوئی بچی کو لے کر نہیں گیا بچی ساری رات ادھر ہی پڑی رہی باپ بیٹی کو واپس گھر لایا لیکن دوسری رات پھر بیٹی کو چوک پر رکھ آیا لیکن ماجرا اسی طرح تکرار ہوتا رہا یہاں تک کہ سات دن باپ باہر رکھ آتا اور جب کوئی لے نہ جاتا تو مجبوراً واپس اٹھا لاتا یہاں تک کہ باپ تھک گیا اور خدا کی رضا پر راضی ہو گیا۔

اور پھر خدا کا کرنا ایسا ہوا کہ ایک سال بعد ماں پھر حاملہ ہو گئی اور اس دفعہ اللہ نے انکو بیٹا عطا فرما دیا لیکن کچھ ہی دن بعد بیٹیوں میں سے ایک فوت كر گئی
یہاں تک کہ پانچ بار حاملہ ہوئی اور اللہ نے پانچ بیٹے عطا فرمائے لیکن ہر دفعہ اسکی بیٹیوں میں سے ایک اس دنیا سے رخصت ہو جاتی.
فقط ایک ہی بیٹی زندہ بچی اور وہ وہی بیٹی تھی جس سے باپ جان چھڑانا چاہ رہا تھا ، ماں بھی اس دنیا سے چلی گئی اُدھر 5 بیٹے اور 1 بیٹی سب بڑے ہو گئے .

ٹیچر نے کہا پتہ ہے وہ بیٹی جو زندہ رہی کون ہے ؟

وہ میں ہوں.

اور میں نے ابھی تک شادی اس لیے نہیں کی کہ باپ اتنا بوڑھا ہو گیا ہے کہ اپنے ہاتھ سے کھانا بھی نھیں کھا سکتا جبکہ کوئی دوسرا نہیں جو اسکی خدمت کرے بس میں ہی اسکی خدمت کیا کرتی ہوں

اور وہ 5 بیٹے کبھی کبھی آ کر باپ کی احوال پرسی کر جاتے ہیں جبکہ باپ ہمیشہ شرمندگی کے ساتھ رو رو کے مجھ سے کہا کرتا ہے میری پیاری بیٹی جو کچھ میں نے بچپن میں تیرے ساتھ کیا اس پر مجھے معاف کر دے۔

منقول۔۔۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 محبتوں کی ماں 🔷

سکول کالج یونیورسٹی اسکی ساری تعلیم مکمل ہو چکی تھی بس آخری سمیسٹر کا رزلٹ آنا باقی تھا آجکل اسے کوٸی کام نہیں تھا سواۓ بواۓ فرینڈ کے ساتھ فون پر لمبی چوڑی خوش گپیاں کرنے کے۔ یونیورسٹی میں وہ کسی سے محبت کر بیٹھی تھی روگ لگا بیٹھی تھی۔

پچھلے کچھ دنوں سے اسکا بواۓ فرینڈ اسے گھر سے بھاگ کر شادی کرنے پر قاٸل کر رھا تھا محبت کے واسطے لمبی چوڑی دلیلیں گھڑ رہا تھا اپیلیں کر رہا تھا۔

وہ بالکل پاگل ہو چکی تھی ویسے بھی تو ماں باپ نے بھی میری شادی کرنی ہی ھے تب بھی تو مجھے گھر چھوڑنا ہی ھے۔ ویسے بھی اب میں میچور ہوں اعلی تعلیم یافتہ ہوں عاقلہ بالغہ ہوں اپنے فیصلے خود کر سکتی ہوں۔ ویسے بھی وہ لڑکا میری محبت ھے والدین کو بتا بھی دوں تو بھی وہ میری شادی اس سے کبھی نہیں ہونے دینگے کیونکہ وہ تو میرے لیے میرے کزن کو پسند کرتے ہیں...

اس نے گھر سے بھاگنے کا بڑا فیصلہ کر لیا تھا فیصلے سے اپنے بواۓ فرینڈ کو آگاہ کیا وہ خوشی سے چلایا یہ ہوٸی نہ محبت۔

گھر سے بھاگنے کے لیے پچھلی رات کا وقت طے پا گیا وہ چوری چھپے اپنے چند ضروری کپڑے اور چھوٹی موٹی چیزیں بیگ میں پیک کر کے مقررہ وقت کا بے چینی سے انتظار کرنے لگی کہ اس دوران بواۓ فرینڈ کی کال آ گٸی کہنے لگا ماں نے کوٸی زیور شیور بھی بنایا ہو گا وہ بھی ہاتھ میں کر لو مشکل وقت میں کام آۓ گا۔

اچھا کچھ کرتی ہوں اسے پتہ تھا کے ماں نے اسکے لیے سونے کے زیورات بنا رکھے ہیں وہ ماں کے کمرے سے زیورات نکالنے کی ترکیب سوچنے لگی۔

وقت بہت کم تھا وہ جیسے ہی ماں کے کمرے کیطرف بڑھی ماں کمرے کا دروازہ کھول کر باہر آگٸی ایک لمحے کے لیے وہ ماں کو سامنے دیکھ کر سکتے میں چلی گٸی۔

میری شہزادی اتنی رات گئے تم جاگتی پھرتی ہو اور یہ تیار ہو کر کہاں جا رہی ہو؟

وہی تو بتانے آ رہی تھی رات لیٹ فون آیا تھا یونیورسٹی والوں نے ایمرجنسی کچھ کام سے بلایا ھے میری کچھ دوست بھی جا رہی ہیں۔ اس نے خود کو سنبھالتے ہوئے جھوٹ گھڑ دیا تھا۔

اچھا تم میرے کمرے میں ہی بیٹھو میں تمہارے لیے کچھ بنا کر لاتی ہوں.

ماں کچن میں چلی گٸی وہ ماں کے کمرے میں داخل ہوٸی، بہت اچھا موقع مل گیا ھے اس نے یہ سوچتے ہوئے جلدی سے پیٹی کا دروازہ کھولا تو سب سے پہلے اسکی نظر اپنے لیے بنے لال رنگ کے بہت پیارے لہنگے پر پڑی جو اسکی ماں نے خاص طور پر شادی والے دن کے لیے اسکی پسند سے بنوایا تھا۔

ایک سے بڑھ کر ایک اچھا سوٹ بہترین بستر ڈنر سیٹ ٹی سیٹ اور نہ جانے کیا کیا سامنے آ رہا تھا۔

چیزیں الٹ پلٹ کرتے کرتے آخر زیورات اس نے ڈھونڈ ہی نکالے لیکن اسکا دل و دماغ چکرا کر رہ گیا تھا زیورات اس سے اٹھاۓ نہیں جا رھے تھے۔

اس نے کمرے میں نظریں دوڑائیں تو دیکھا مشینیں, برتن سب کچھ اسکے لیے رکھا پڑا تھا۔

ضمیر نے اسے جھنجوڑا وہ سوچوں میں گم ہو گٸی ماں کی کوکھ سے جنم لینے سے لیکر اب تک ماں باپ نے میرے لیے کیا کچھ نہیں کیا۔

کھانا پینا پہناوا پڑھاٸی لکھاٸی چھوٹی بڑی سب خواہشات اپنا خون پسینہ ایک کر کے سب ادھورا پورا کیا میرے اگلے گھر کا سامان تک بنا دیا۔

اور میں بے فیض، بے وفا کیا کرنے جا رہی ہوں مار کر اپنے ماں باپ کو خود مرنے جا رہی ہوں


محبت کا سمندر گھر میں ھے اور میں محبت کا دریا سر کرنے جا رہی ہوں ... اسکی آنکھیں بھیگ گٸی تھیں اسے اپنی اعلی تعلیم اپنی حماقتوں پر خوب رونا آ رہا تھا۔

اس دوران ماں آ گٸی۔
یہ لو میری شہزادی اپنا پسندیدہ پراٹھا کھاٶ اتنا سفر ھے یونیورسٹی کا میری شہزادی کو بھوک لگ جاتی ہے۔ ویسے بھی آخری دفعہ یونیورسٹی جا رہی ہو سکول سے لیکر کالج یونيورسٹی تک تیری ماں نے آج تک تجھے بغیر ناشتے کے نہیں بھیجا۔ آج اگر تو بغیر ناشتے کے چلی جاتی تو تیری ماں کو مرتے دم تک اس بات کا دکھ رہتا۔

ماں کی بات سن کر بے اختیار وہ ماں کے گلے لگ کر پھوٹ پھوٹ کر رونے لگی ماں نے ماتھا چوم کر آنسو صاف کرتے ہوئے پوچھا میری شہزادی کیوں رو رہی ھے؟

وہ نظریں چراتے ہوئے کہنے لگی ماں مجھ سے کتنی محبت کرتی ہو ناں؟ یہ بھی کوٸی بات ہوٸی اب ماں سے بڑھکر بھی بھلا کوٸی محبت کر سکتا ھے؟

اس دوران اسکے موبائل کی گھنٹی بار بار بجنے لگی اس نے کال کاٹتے ہوے میسج  لکھا ...

سوری میں نہیں آ سکتی اور کبھی نہیں آ سکتی کیونکہ مجھے میری محبت میرے گھر سے ہی مل گٸی ھے۔

یہ جو ماں کی محبت ہوتی ھے نا۔۔۔!!!!!!
یہ محبتوں کی ماں ہوتی------ ھے۔

🔘 حاصل تحریر
تمہارا دلہن والا لہنگا تمہاری دلہے والی شیروانی تمہارے گھر میں ہی پڑی ھے اسے منہ کالا کر کے کورٹ کچہریوں کہ چکر میں باہر کے لوگوں کے آگے اپنی عزت گنوا بیٹھتے ہیں۔ اس چکر  میں پڑنے کی بجاۓ اپنے ماں باپ کے گھر سے ہی پہنا کرو کیونکہ تم پر انکا حق ھے جو بالکل برحق ھے.

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 خوبصورتی اور خوب سیرتی 🔷

اگر کوئی لڑکی اس گمان میں رہتی ھے کہ اس کی خوبصورتی ہی اس کا سب بڑا plus point ھے تو یہ اس کی سب سے بڑی غلطی ھے. مرد جب عورت کو پسند کرتا ھے تو وقتی طور پر عورت کی خوبصورتی ہی کو پسند کرتا ھے لیکن وقتی پسندیدگی جب محبت میں بدلتی ھے تو عورت کی خوبصورتی پیچھے رہ جاتی ھے. مرد پھر عورت کا رکھ رکھاؤ، کردار اس کا دین کے ساتھ لگاؤ اس کی کی ذاتی زندگی کے تعلقات دیکھ کر ہی اس کو محبت دیتا ھے یا پھر نہیں دیتا- لڑکی جتنی مرضی خوبصورت ہو لیکن سیرت ہمیشہ خوبصورتی پر فوقیت لے جاتی ہے. خوبصورتی تو کچھ وقت کے لیے ہوتی ہے لیکن سیرت ہمیشہ رہتی ہے. جو عزت سیرت پیدا کرتی ہے وہ خوبصورتی کبھی بھی نہیں کر سکتی. مرد کتنا ہی گناہ گار اورغلط کاریوں میں ہی ملوث کیوں نہ ہو لیکن بیوی وہ ہمیشہ دین دار خوب سیرت ہی چاہتا ہے.خواتین اپنی خوبصورتی سے زیادہ اپنی خوب سیرتی پر توجہ دیں تا کہ دنیا کے ساتھ ساتھ اپنی آخرت بھی سنوار سکیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 کیا امامت صرف ایک عقیدہ ہے؟ 🔷

کیا امامت صرف ایک عقیدہ ہے یا مکمل نظام الہی؟

1400 سالوں سے امامت کو صرف ایک عقیدے کے طور پہ پڑھایا گیا اج بھی بہت سے شیعہ مسلمان امامت کو صرف ایک عقیدہ سمجھتے ہیں حالانکہ یہ ایک مکمل نظام الہی ہے اگر علماء احکام کے ساتھ نظام کی بھی تبلیغ کرتے تو یورپی جمہوریت کو لینے کی ضرورت پیش نہ آتی۔

اج ہمارا بینکنگ سسٹم یورپ سے لیا گیا ہے کیونکہ اسلامک بینکنگ کی تبلیغ بھی نہیں کی گئی اور اس کا شعور بھی موجود نہیں ہے اج ایک مسلمان بھی سودی کاروبار میں ملوث ہے اور سودی بینکنگ سسٹم اس کی مجبوری بن چکا ہے حالانکہ حدیث میں سودی نظام کو خدا سے جنگ قرار دیا گیا ہے اور ہم میں سے اکثر مسلمان خدا سے جنگ میں مصروف ہیں۔

امامت کے ساتھ سب سے بڑا ظلم یہ ہوا کہ اس کی فرقہ وارانہ تعریف کی گئی اور اسے کسی فرقے کے ساتھ مخصوص اور محدود کر دیا گیا۔

امامت انسانیت کی ضرورت ہے اور امامت کی تعریف بھی اتنی جامع ہونی چاہیے کہ یہ ہر انسانی ضرورت کو پورا کر سکے الزام محمد کی خاص بات یہ ہے کہ اس میں عادل شخص کی حمایت کرنے کا حکم موجود ہے تاکہ ایک عادل شخص معاشرے میں عدالت کو قائم کر سکے جبکہ اس کے برعکس جمہوریت میں عدالت شرط نہیں اور ایک غیر عادل شخص سے امید لگائی جاتی ہے کہ وہ معاشرے میں عدالت قائم کر سکے گا۔

معاشرے میں عدالت وہی قائم کر سکتا ہے جو خود عادل ہو اکثر علماء نے غیر عادل اشخاص کی حمایت کو شرک قرار دیا ہے۔

ایک اسلامی معاشرے کا المیہ یہ ہے کہ اس میں اسلامی طرز حکومت کو ناممکن اور یورپی جمہوریت کو ممکن سمجھا جاتا ہے۔

مغربی جمہوریت اور اسلامی جمہوریت میں زمین آسمان کا فرق موجود ہے مغربی جمہوریت میں پاگل بھی ووٹ دے سکتا ہے جبکہ اسلامی جمہوریت میں عاقل اور بالغ ہونا، عادل شخص کو ووٹ دینا اور اس اسلامی جمہوریت کو نظام امامت کے ماتحت ہونا لازمی ہے۔

اج وقت کی ضرورت ہے کہ امامت کو نظام الہیٰ کے طور پہ تبلیغ کیا جائے معاشرے کو یورپی سودی نظام، یورپی سیاسی نظام اور مغربی عدالتی نظام سے پاک کیا جائے۔

ہم جانتے ہیں کہ مغربی عدالتی نظام میں جھوٹے قاتل اور مکار شخص طاقت پیسے اور اثر رسوخ کی بنیاد پر اپنی مرضی کے فیصلے لینے میں کامیاب ہو جاتا ہے اور یہی مغربی عدالتی نظام ایسے اشخاص کو وکیل اور وکالت بھی فراہم کرتا ہے۔ ہر مغربی نظام میں یہ خامی موجود ہے کہ اسے پیسے طاقت اور اثر و رسوخ کے ذریعے سے اپنی طرف موڑا جا سکتا ہے جبکہ الہی نظام میں ایسی کوئی خامی نہیں پائی جاتی۔ الہی نظام کے نفاذ میں سب سے بڑی رکاوٹ بھی یہی طاقت پیسہ اثر و سوخ رکھنے والا طبقہ بنا ہوا ہے اور ساتھ میں علماء کی طرف سے نظام کی تبلیغ کا نہ ہونا بھی ہے۔

معاشرے سے کسی طاغوتی نظام کو جڑ سے اکھاڑ پھینکنے کا واحد حل یہی ہے کہ پہلے معاشرے میں اسلامی نظام حکومت اسلامی نظام سیاست اور دیگر الٰہی نظاموں کے متعلق شعور دیا جائے کیونکہ نظام طاغوت کو جڑ سے اکھاڑ پھینکنے کی بات کرنا خطرے سے خالی نہیں ہے لہذا ایسے خطرے سے اکثر علماء دور رہتے ہیں جب تک نظام جمہوریت موجود ہے معاشرے کے بدترین افراد ہم پر حکومت کرتے رہیں گے کیونکہ یہ نظام انہیں ہم پر حکومت کرنے کے لیے راستہ اور موقع فراہم کرتا ہے۔

🔘 خدا ہمیں نظام الہی کو سمجھنے اس کی تبلیغ کرنے اور معاشرے کو اس کا شعور دینے کی توفیق عنایت کرے۔ آمین یارب العالمین

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 اپنی بچیوں کو محفوظ کریں 🔷

1: اپنی بچیوں کو کبھی کسی بھی مرد ٹیچر کے پاس سکول پڑھنے،، یا قاری صاحب کے پاس قرآن پڑھنے کے لیے نہ بھیجیں! بچی چھوٹی ہو یا بڑی ہو،، ٹیچر یا قاری صاحب بڑی عمر کے سمجھ دار ہوں یا کم عمر نوجوان.. بچی ہمیشہ استانی کے پاس ہی پڑھے گی۔۔

2: جب بچی کچھ بڑی بڑی لگنے لگے تو اسے دکان پر چیز لینے نہ جانے دیں! خواہ بچی کتنی ہی کم عمر ہو.. اگر صحت مند ہے اور خد و خال واضح ہو رہے ہیں تو دکان پر مت جانے دیں!

3: بچیوں کو کم لباس، یا تنگ لباس کر کے باہر مت بھیجیں! بلکہ گھر میں بھی مکمل کپڑے پہنا کر رکھیں! گھر میں کوئی مرد نہ ہو، صرف عورتیں ہی ہوں پھر بھی پورے ، اور کشادہ کپڑے پہننے کی عادت ڈالیں!

4: بچیوں کو چھوٹے بچوں ، یا بڑے مرد کسی کے سامنے مت نہلائیں! اور نہ ہی پیشاب وغیرہ کروائیں! حتیٰ کہ باپ کے سامنے بھی بچیوں کو برہنہ مت کریں! بچیوں کے اعضاء ستر بچپن سے ہی پردے میں رہنے چاہییں!

5: بچیوں کو بچیوں جیسا تیار کریں! سرخی پوڈر اور میک اپ کروا کر انہیں عورتوں کے مشابہ مت بنائیں! میک اپ کرکے تنگ کپڑے پہن کر چھوٹی چھوٹی عورتیں لگ رہی ہوتی ہیں ۔۔ پھر مردوں کی ہوس کی شکار بنتی ہیں ،، اور ان کی لاشیں ویرانوں سے برآمد ہوتی ہیں ۔

6: بالغ لڑکیوں کو،، یا قریب البلوغ بچیوں کو غیر محرم خصوصاً کزن، پھوپھا اور خالو وغیرہ کے ساتھ کبھی موٹر سائیکل پر مت بٹھائیں! اگر مجبوراً بھیجنا ہو تو ساتھ کوئی اور بچہ بھیجیں جو درمیان میں بیٹھ جائے۔

7: بچیاں ہوں یا بچے.. ہاتھ کا مذاق ان سے کوئی نہیں کرے گا۔ نہ استاد ، نہ کوئی بڑا انکل ، نہ ہی قریبی رشتے دار..
اسی طرح گالوں پر ہاتھ پھیرنا، گود میں بٹھانا، گدگدی کرنا وغیرہ.. یہ سب چیزیں بالکل ممنوع قرار دیں!

8: بہنوں کے کمرے بھائیوں سے الگ ہونے چاہییں! بھائیوں کو بہنوں کے کمروں میں بلا اجازت جانے پر سخت سزا دیں! بہنوں کے گلے لگنا، گلے میں ہاتھ ڈالنا، مذاق مذاق میں ایک دوسرے سے گتھم گتھ ہونا بالکل غلط ہے ۔۔ بلکہ موجودہ حالات کے پیش نظر بے ہودگی کے زمرے میں آتا ہے ۔

9: گھر میں کوئی بھی نامحرم مرد مہمان آئے ، قریب سے آئے یا دور سے،، جوان بچیاں اس سے سر پر ہاتھ نہیں رکھوائیں گی۔ بلکہ بہت قریبی رشتے دار نہ ہو تو سلام کرنا بھی ضروری نہیں۔ یہ بے ادبی کے زمرے میں نہیں آتا۔
اپنی بچیوں کی جوانی کو ایسے چھپا کر رکھیں کہ کسی مرد کو ان کا سراپا ہی معلوم نہیں ہونا چاہیے کہ فلاں کی لڑکی اتنی موٹی اور اتنی لمبی تھی وغیرہ ۔۔

10: بچیوں کو گھر میں محرم رشتے داروں کے سامنے دوپٹہ لینے اور سنھبالنے کی خصوصی مشق کروائیں! دوپٹہ سر سے کبھی سرک بھی جائے تو سینے سے بالکل نہیں ہٹنا چاہیے! اور کھلے گلوں پر سختی سے پابندی لگائیں! بچیوں کو سمجھائیں کہ دستر خوان پر کبھی کسی کے سامنے جھک کر سالن نہیں ڈالنا، کوئی چیز گر جائے تو جھک کر نہیں اٹھانی.. اور اکیلے میں بھی اگر جھک کر کوئی کام کریں تو گلے اور سینے پر دوپٹے برابر قائم رہے ۔۔ تاکہ انجانے میں بھی کسی کی نظر نہ پڑے..

🔘 یہ چند باتیں ہیں جن پر عمل کرنے سے ان شاءاللہ بہت فائدہ ہوگا،، اگر آپ چاہتے ہیں کہ آپ کی بچیاں محفوظ رہیں تو ان پر عمل کریں! یہاں سب سے زیادہ فحش ویڈیوز دیکھی جاتی ہیں اور اب تو فحش نگاری کے باقاعدہ مصنف موجود ہیں جو محرم رشتوں کے آپسی جنسی تعلقات سے متعلق گندی کہانیاں لکھ رہے ہیں اور ویڈیوز بنا رہے ہیں.. اور لوگ سب سے زیادہ ایسی ویڈیوز اور کہانیاں دیکھ رہے ہیں۔۔ اسی لیے یہاں کے لوگ آہستہ آہستہ بھیڑیے بنتے جا رہے ہیں ۔۔ اپنی بچیاں خود بچالیں!

👈🏻 ورنہ یاد رکھیں! کسی کو آپ کی بچیوں پر ہونے والی زیادتیوں سے کوئی لینا دینا نہیں۔ ان کی لاش گٹر میں ملے، ندی نالوں میں ملے یا کسی ویرانے میں ملے۔۔ تو یہ صرف اخبار کی ایک خبر ہے ، یا ٹی وی کی نیوز... انصاف وغیرہ کو بھول جائیں! وہ یہاں نہیں ملتا۔ اس لیے بہتر ہے کہ خود ہی احتیاط کریں!!

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 نوجوانوں کے لیے میرا مشورہ 🔷

1. اپنی جنسی خواہشات پر قابو رکھیں، یہ آپ کی کامیابی یا ناکامی کا بڑا سبب بنے گا۔

2. فحاشی اور خود لذتی کامیابی کی سب سے بڑی قاتل ہیں۔ یہ آپ کے دماغ کو نقصان پہنچاتی ہیں۔

3. شراب سے پرہیز کریں، ورنہ آپ کی عقل ختم ہو جائے گی اور آپ احمقانہ حرکات کریں گے۔

4. اپنے معیار بلند رکھیں اور صرف دستیاب چیزوں پر سمجھوتہ نہ کریں۔

5. اگر آپ کو اپنے سے زیادہ ذہین شخص ملتا ہے، تو اس کے ساتھ مل کر کام کریں، مقابلہ نہ کریں۔

6. آپ کی زندگی کی پوری ذمہ داری آپ پر ہے۔ کوئی اور آپ کے مسائل حل کرنے نہیں آئے گا۔

7. صرف ان لوگوں سے مشورہ لیں جو وہاں ہیں جہاں آپ جانا چاہتے ہیں۔

8. پیسے کمانے کے نئے طریقے ڈھونڈیں۔ پیسہ کمائیں اور ان لوگوں کو نظر انداز کریں جو مذاق اڑاتے ہیں۔

9. آپ کو 100 خود اعتمادی کی کتابوں کی ضرورت نہیں، صرف عمل اور خود نظم کی ضرورت ہے۔ خود کو منظم کریں!

10. منشیات اور نشہ سے پرہیز کریں۔

11. یوٹیوب پر ہنر سیکھیں، بجائے اس کے کہ نیٹ فلکس پر فضول مواد دیکھ کر وقت ضائع کریں۔

12. کسی کو آپ کی پرواہ نہیں، اس لیے شرم چھوڑیں، باہر نکلیں اور مواقع پیدا کریں۔

13. آرام سب سے بڑی لت ہے اور ڈپریشن کا سستا راستہ ہے۔

14. اپنے خاندان کو ترجیح دیں۔ ان کی عزت اور پردہ رکھیں۔

15. نئے مواقع تلاش کریں اور اپنے سے آگے لوگوں سے سیکھیں۔

16. کسی پر بھی بھروسہ نہ کریں۔ خود پر یقین کریں۔

17. معجزے کا انتظار نہ کریں، انہیں حقیقت بنائیں۔ آپ ہمیشہ اکیلے سب کچھ نہیں کر سکتے لیکن لوگوں کی رائے نہ سنیں۔

18. محنت اور عزم سے آپ کچھ بھی حاصل کر سکتے ہیں۔ عاجزی آپ کو بلند مقام تک پہنچاتی ہے۔

19. اپنے آپ کو دریافت کرنے کا انتظار نہ کریں، خود کو تخلیق کریں۔

20. دنیا آپ کے لیے رکنے والی نہیں۔

21. کوئی بھی آپ پر کچھ واجب نہیں رکھتا۔

22. زندگی ایک واحد کھلاڑی کا کھیل ہے۔ آپ تنہا پیدا ہوئے اور تنہا دنیا سے جائیں گے۔

23. آپ کا زندگی کا راستہ ایسے بنایا گیا ہے کہ آپ کو ضرورت مند، مایوس اور کمزور محسوس ہو، اور اس سے نکلنے کا واحد راستہ یہ ہے کہ آپ خود اس سے نکلنے کا فیصلہ کریں۔

24. ہر کوئی آپ کی طرح مخلص اور سچا نہیں ہوگا۔ ایسے لوگوں سے ہوشیار رہیں جو آپ کو استعمال کریں گے اور پھر چھوڑ دیں گے۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕