🔷 ایکس، وائے، زیڈ اور الفا جنریشن 🔷

جنریشن کی درجہ بندی کی اعتبار مندرجہ ذیل جنریشن ہیں۔

🔹 ایکس جنریشن
جتنے لوگ 1961 سے1991 کے درمیان پیدا ہوئے انہیں جنریشن ایکس کہا جاتا ہے، کہتے ہیں دنیا میں سب سے بڑی اور سب سے زیادہ تبدیلیاں جنریشن ایکس نے ہی دیکھیں ہیں۔ وی سی آر کی آمد سے لیکر اسکی ناپیدی تک آڈیو کیسٹ سے لیکر یو ایس بی اسٹک تک بلیک اینڈ وائٹ نشریات سے رنگین ڈیجیٹل سمارٹ ٹی وی تک ڈائل گھما کر ملانے والے پرانے ٹیلی فون سے لیکر جدید ترین سمارٹ فون تک پتنگ بازی سے لیکر ڈرون جہاز تک بلیک اینڈ وائٹ تصویروں سے لیکر ہائی ڈیفینیشن امیج تک، اپنے سینوں میں عروج و زوال تغیر و تبدیلی کی ہزاروں داستانیں چھپائے ہوئے انسانوں کی یہ جنریشن بڑی قیمتی ہے۔

ہم سب میں سے جو ایکس جنریشن میں سے ہیں بہت قیمتی ہیں۔

🔹 وائے جنریشن
80 اور 90 کی دہائی میں جو لوگ پیدا ہوئے انہیں جنریشن ایکس اور جنریشن وائے بھی کہا جاتا ہے ا(کیسویں صدی کے آغاز میں جوان ہونے والی نسل 'جنریشن ایکس‘ جبکہ عالمی وبا کورونا کے دوران جوان ہونے والی نسل 'جنریشن وائی‘ کہلاتی ہے)۔ اس جنریشن نے اپنی زندگی میں دو ادوار کا تجربہ کیا جس میں بڑے پیمانے پر تبدیلیاں رونما ہوئیں۔ جب انہوں نے دنیا میں آنکھ کھولی تو یہ ریڈیو، ٹیلی فون، ٹیلی ویژن، اور کمپیوٹر کا ابتدائی دور تھا جن کی سہولیات بہت کم لوگوں کو میسر تھی۔ اس دور میں لوگ رات کو لالٹین اور موم بتی جلاکر رات کو روشنی کا انتظام کرتے تھے۔ گاؤں میں کسی ایک دو گھروں میں ٹیلی فون یا ٹیلی وژن کی سہولت موجود تھی۔ ریڈیو دنیا سے باخبر رہنے کا نامور ذریعہ تھا۔ کچے مکان، مٹی میں کھیلنا اور رات کو جلدی سونے کا رواج تھا۔

2000ء چونکہ نئی صدی کا آغاز تھا اور صدی کے بدلنے کے ساتھ ساتھ دنیا میں بھی بڑے پیمانے پر چیزیں بدل گئیں۔ یہ ٹیکنالوجی کے عروج کا ابتدائی مرحلہ تھا جس میں ڈرون جہاز، موبائل فون، انٹرنیٹ اور جدید خودکار آلات کی آمد کا سلسلہ جاری ہوا۔ ٹیکنالوجی اور جدید آلات تک عام لوگوں کی رسائی ممکن ہوئی۔

ان سب کے بعد موبائل فون سمارٹ فون میں بدل گئے، WIFI کا دور آ گیا، Robotics اور Artificial Intelligence نے دنیا کو بدل کر رکھ دیا۔ ایکس اور وائے جنریشن نے ان سب تبدیلیوں کو اپنی زندگی کے مختلف مراحل سے گزرتے ہوئے دیکھا۔

دنیا پچھلے تین سو سالوں میں اتنی تیزی کے ساتھ نہیں بدلی جتنی ان 30 اور 40 سالوں میں بدل چکی ہے۔

مشہور فارسی کہاوت ہے۔ "ہر کمالے را زوالے" مطلب ہر عروج کو زوال ہے۔ جس رفتار سے یہ ٹیکنالوجی اور سائنس میں دنیا ترقی کر رہی ہے شاید یہ اپنے ترقی اور اونچائی کی آخری حد تک پہنچ چکی ہے۔

🔹 زیڈ جنریشن
1995ء سے 2010ء تک یہ زیڈ یا زی جنریشن ہے (آپ اسے 'جنریشن سی‘ بھی کہہ سکتے ہیں)۔ اس جنریشن اور ٹیکنالوجی نے ساتھ ساتھ بچپن، لڑکپن اور بڑکپن کا سفر طے کیا جوں جوں یہ جنریشن بڑھتی رہی ٹیکنالوجی بھی ترقی کا سفر طے کرتی رہی، دونوں ساتھ ساتھ اپنی جوانی پر پہنچ گئے۔

🔹 الفا جنریشن
2011ء سے تاحال یہ الفا جنریشن ہے جو کہ ٹیکنالوجی کے دور میں میں پیدا ہوئے۔ اس بڑھتی ہوئی ٹیکنالوجی کے رجحانات نے اس جنریشن کے اندر اکیلا پن، ڈپریشن اور اس طرح کی کئی بیماریاں پیدا کیں۔ اس جنریشن کا صرف آئی کیو (IQ) لیول کسی حد تک ڈیولپ ہو گیا ہے۔ اس جنریشن کے اندر ایس کیو، ای کیو اور آر کیو (EQ ،SQ اور RQ) لیولز کا فقدان ہے۔ اس وجہ سے معاشرے میں ان لوگوں کا ایڈجسٹ ہونا انتہائی مشکل ہے۔ الحاد اور کفر کی طرف جلد مائل ہو جاتے ہیں۔ اگر ارباب علم و دانش نے اس طرف توجہ نہ کی تو دس بارہ سال بعد جب یہ جنریشن میدان عمل میں اترے گی تو 50 فیصد سے زیادہ مختلف عقیدوی بیماریوں میں مبتلا ہو جائیں گے۔

🌹 پوسٹ پسند آئے تو دوسروں کی معلومات کے لیے شیئر ضرور کریں۔

https://t.me/islamwitheman/5312
⭕ ISLAM WITH EMAN ⭕

🔷 دو غلط کنسیپٹ 🔷

دو ایسے concept ہیں جن کا مطلب ہمارے ہاں سراسر غلط لیا جاتا ہے۔

نمبر1: بری عورتیں برے مردوں کے لیے اور برے مرد بری عورتوں کے لئے ہیں۔

نمبر2: زنا ایک قرض ہے جو آپ کو گھر سے چکانا پڑے گا خاص کر بیٹی کی صورت میں۔

🔹 ہمارے ہاں سورہ نور کی آیت نمبر 26 کا ترجمہ سراسر غلط لیا جاتا ہے۔۔
اَلۡخَبِيۡثٰتُ لِلۡخَبِيۡثِيۡنَ وَالۡخَبِيۡثُوۡنَ لِلۡخَبِيۡثٰتِ‌ۚ
"بدکار عورتیں بدکار مردوں کے لئے اور بدکار مرد بدکار عورتوں کے لئے ہے"

پہلی بات یاد رکھیں کہ قرآن مجید کی کسی بھی آیت کی تفسیر اس کے سیاق و سباق کے بغیر نہیں کی جا سکتی اور ہمارا المیہ یہ ہے کہ ہمیں آدھا سچ بتانے کی عادت ہے۔ اگر سورہ نور کی اس آیت کے آگے اور پیچھے کی آیت کو پڑھا جائے تو صاف پتا چلتا ہے کہ یہاں پر آخرت کی بات ہو رہی ہے نہ کہ دنیا کی کہ آخرت میں بری عورتیں برے مردوں کے ساتھ جہنم میں ہوں گی اور اچھی عورتیں اچھے مردوں کے ساتھ جنت میں ہوں گی۔ اگر دنیا کی بات کریں تو دنیا میں تو فرعون کی بیوی مسلمان تھی اور حضرت نوح علیہ السلام کی بیوی کافر تھی۔ لہذا اس آیت کا ترجمہ ٹھیک سے سمجھ لیں کہ یہاں آخرت کا ذکر ہورہا ہے نہ کہ دنیا کا۔

اَلۡخَبِیۡثٰتُ لِلۡخَبِیۡثِیۡنَ وَ الۡخَبِیۡثُوۡنَ لِلۡخَبِیۡثٰتِ ۚ وَ الطَّیِّبٰتُ لِلطَّیِّبِیۡنَ وَ الطَّیِّبُوۡنَ لِلطَّیِّبٰتِ ۚ اُولٰٓئِکَ مُبَرَّءُوۡنَ مِمَّا یَقُوۡلُوۡنَ ؕ لَہُمۡ مَّغۡفِرَۃٌ وَّ رِزۡقٌ کَرِیۡمٌ﴿٪۲۶﴾۲۶۔

خبیث عورتیں خبیث مردوں کے لیے اور خبیث مرد خبیث عورتوں کے لیے ہیں اور پاکیزہ عورتیں پاکیزہ مردوں کے لیے اور پاکیزہ مرد پاکیزہ عورتوں کے لیے ہیں، یہ ان باتوں سے پاک ہیں جو لوگ بناتے ہیں، ان کے لیے مغفرت اور باعزت روزی ہے۔

تفسیر آیات
۱۔ اَلۡخَبِیۡثٰتُ: خبث، کفر و شرک کی خباثت مراد ہو سکتی ہے۔ اسی طرح طیب سے مراد ایمان وعفت کی پاکیزگی ہو سکتی ہے۔ چنانچہ فرمایا:

لِیَمِیۡزَ اللّٰہُ الۡخَبِیۡثَ مِنَ الطَّیِّبِ وَ یَجۡعَلَ الۡخَبِیۡثَ بَعۡضَہٗ عَلٰی بَعۡضٍ فَیَرۡکُمَہٗ جَمِیۡعًا فَیَجۡعَلَہٗ فِیۡ جَہَنَّمَ ؕ اُولٰٓئِکَ ہُمُ الۡخٰسِرُوۡنَ (۸ انفال:۳۷)تاکہ اللہ ناپاک کو پاکیزہ سے الگ کر دے اور ناپاکوں کو ایک دوسرے کے ساتھ باہم ملا کر یکجا کر دے پھر اس ڈھیر کو جہنم میں جھونک دے، (دراصل) یہی لوگ خسارے میں ہیں۔

اس آیت فَیَجۡعَلَہٗ فِیۡ جَہَنَّمَ دلیل ہے کہ خبیث سے مراد کافر ہے۔

لہٰذا آیت کا مطلب یہ بنتا ہے: خبیث عورتوں کا جوڑ خبیث مردوں کے ساتھ ہوتا ہے۔ یعنی کافر عورتوں کا جوڑ کافر مردوں کے ساتھ ہوتا ہے۔ اسی طرح پاکیزہ عورتوں کا جوڑ پاکیزہ مردوں کے ساتھ ہوتا ہے۔ یعنی مومن عورتوں کا جوڑ مؤمن مردوں کے ساتھ ہوتا ہے۔

بعض مفسرین نے کہا ہے:
بری باتیں برے لوگوں کو سجتی ہیں اور اچھی باتیں اچھے لوگوں کو۔

بعض دیگر نے کہا ہے:
برے اعمال برے لوگوں کے ساتھ مناسبت رکھتے ہیں اور نیک اعمال نیک لوگوں کے لیے مناسب ہیں۔

پہلا معنی زیادہ سیاق آیت سے مربوط ہے چونکہ آخر میں فرمایا ہے: اُولٰٓئِکَ مُبَرَّءُوۡنَ۔ یہ لوگ ان باتوں سے پاک ہیں۔ یہ دلیل ہے کہ طیب سے مراد افراد و اشخاص ہیں، اقوال و افعال نہیں۔

یہ آیت بھی اَلزَّانِیۡ لَا یَنۡکِحُ اِلَّا زَانِیَۃً۔۔۔ کی طرح ہے۔

آیت کا سبب نزول مسئلہ افک سے مربوط لگتا ہے تاہم لفظ کی عمومیت کی وجہ سے ہر مؤمن مرد و عورت اور غیر مؤمن مرد و عورت سب شامل ہیں۔

اہم نکات
۱۔ حقیقی کفو وہ ہے جو نظریات و عقیدے پر مبنی ہو۔

📚 الکوثر فی تفسیر القرآن: جلد 5، صفحہ 448

🔹 دوسرا کنسیپٹ اہلسنت کے ہاں امام غزالی کا ایک قول بڑا مشہور کہ زنا ایک قرض ہے جسے آپ کو گھر سے چکانا پڑے گا اور خاص کر بیٹی کی صورت میں اور یہ انتہائی گھٹیا اور سراسر غلط بات ہے بلکہ یہ غزالی کا قول ہے ہی نہیں اور اگر امام غزالی کا قول بالفرض ہے بھی سہی تو حرفِ آخر تو نہیں کیونکہ ہمارے لئے ہمارے نبی زیادہ معتبر ہیں امام غزالی سے اور ہمارے نبی سے ایسی کوئی حدیث روایت بھی نہیں۔

ایک بات بتائیں اگر آپ زنا کریں گے تو اس میں آپکی بیٹی کا کیا قصور ہے؟ آپکے گناہ کی سزا آپکی بیٹی کو کیوں ملے گی؟ اللہ کو پتہ تھا کہ میرے بندے دنیا میں panic create کریں گے اس طرح کی من گھڑت باتیں کر کے تو اللہ نے قرآن مجید میں اس بات کی دو دفعہ وضاحت کی. اللہ پاک ایک دفعہ بھی clear کر دیتا تو کافی تھا اللہ نے لیکن دو دفعہ وضاحت کی کہ کوئی ambiguity نہ رہے۔۔۔

وَ لَا تَزِرُ وَازِرَةٌ وِّزۡرَ اُخۡرَىٰؕ
کوئی شخص کسی دوسرے کے گناہ کا بوجھ نہیں اٹھائے گا۔ (سورہ فاطر، 18)

اور

اَلَّا تَزِرُ وَازِرَةٌ وِّزْرَ اُخْرٰىۙ
کوئی شخص کسی دوسرے کے گناہ کا بوجھ نہیں اٹھائے گا۔ (سورہ النجم)

🌹 پوسٹ پسند آئے تو دوسروں کی معلومات کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 آئیڈیاز اور پلاننگ 🔷

ایک بڑی کمپنی میں سیلز مینجر کی سیٹ کے تین اُمیدوار تھے. چونکہ تینوں کی قابلیت یکساں تھی تو کمپنی نے کہا میدان میں اپنی قابلیت دکھاؤ. جو قابل ہوا یہ سیٹ اُس کی ہو گی.

ان کو لکڑی کی بنی کنگھیاں دی گئیں اور کہا جاؤ پہاڑوں میں بنی خانقاہوں کے بھکشوؤں کو کنگھیاں بیچ کر آؤ. یہ ایک مذاق ہی تھا کیونکہ بھکشو اپنا سر ہی نہیں داڑھی مونچھ اور بھوئیں تک مونڈتے ہیں.

پہلا اُمیدوار واپس آیا وہ مایوسی تھا. اس نے ایک ہی کنگھی فروخت کی تھی. اس نے کہا بھکشو تو مجھ سے لڑنے کو تیار ہو گئے تھے. وہ کہہ رہے تھے تم ہمارا مذاق اڑانے آئے ہو. بڑی مشکل سے ایک کنگھی میں فروخت کر سکا وہ بھی ایک بھکشو کو خارش تھی. میں نے اسے کہا ہاتھوں کی بجائے کنگھی سے اچھی طرح یہ کھجا سکتے ہو.

دوسرا لیکن کافی خوش تھا. اس نے دس کنگھیاں فروخت کی تھیں. اُس نے کہا میں نے بھکشوؤں سے کہا تم لوگوں کے پاس جو زائرین آتے ہیں پہاڑی ہوائیں ان کے بال بکھیر دیتی ہیں. انکا حلیہ ایسا نہیں ہوتا جو خانقاہ کے معیار پر ہو. تم لوگ ان کیلئے چند کنگھیاں رکھ لو تو خانقاہ کے زائرین کا بھلا ہوگا اور تمہیں دعا دیں گے.

تیسرا لیکن سب سے بڑی خانقاہ کے بڑے پروہت کے پاس گیا. اس نے بڑے بھکشو سے کہا تم پر اللہ کرم کرے اتنے بلند پہاڑوں پر خانقاہیں آباد کر کے بیٹھ گئے ہو. دور دور سے لوگ مشکل سفر کر کے یہاں آتے ہیں. میرا مشورہ ہے ان کو اس مذہبی سفر کی کوئی یادگار دی جائے جس پر خانقاہ کی طرف سے دعائیں لکھی ہوں. وہ اسے روز دیکھیں. مثلاً میرے پاس یہ لکڑی کی کنگھیاں ہیں. کنگھی انسان روز استعمال کرتا ہے. وہ روزانہ آپ کو یاد کرے گا.

بڑے بھکشو کو آئیڈیا پسند آیا. اس نے ایک ہزار دعائیہ کنگھیاں خرید لیں.

دُنیا اچھے آئیڈیا کی قدردان ہوتی ہے. جن کے پاس آئیڈیا نہیں ہوتا وہ دکاندار بنتے ہیں. صرف ضرورت مند ہی ان کے پاس آتا ہے. جن کے پاس آئیڈیا ہوتا ہے وہ تاجر بنتے ہیں. اور جن کے پاس نہ صرف آئیڈیا بلکہ ایک مکمل پلاننگ بھی ہوتی ہے ایسے لوگ برانڈ بنتے ہیں. ہمارے معاشرے میں دکاندار اور تاجر دونوں موجود ہیں بس پلاننگ میں ہم کمزور ہیں. اسی لئے یہاں برانڈ نہیں بنتے. یہی فرق دُنیا میں ہمارا مقام طے کرتا ہے.

🌹 پوسٹ پسند آئے تو دوسروں کی معلومات کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 الفاظ بکتے ہیں 🔷

جب آپ بازار جاتے ہیں تو ایک ایک چیز کے کئی سٹال اور دوکانیں ہوتی ہیں، مگر آپ اسی سٹال یا دوکان پر رکتے ہیں جس کے بلانے کا انداز آپ کو متاثر کرتا ہے یا جس کے مال لگانے کا انداز ایسا ہوتا ہے کہ آپ اپنی خریداری وہاں سے کرتے ہیں۔

اسی طرح مارکیٹ میں وہ سیلر کامیاب ہوتے ہیں جن کے ریٹ لوگوں کو سمجھ آجاتے ہیں، اسی لئے سو روپے کی سیل اور ون ڈالر کا آئیڈیا یہاں بہت کامیاب ہوا کیونکہ بیچنے والے کو بھی ریٹ سمجھانا نہیں پڑتا اور خریدنے والے کو بھی آسانی سے سمجھ آ جاتی ہے۔

یہاں میں نے سبزی والوں کو دیکھا جب گاہک ان کے پاس سے گزرتا ہے تو اچانک آواز لگاتے ہیں "گر گیا، گر گیا سو کا نوٹ گر گیا" اور پھر گاہک کو اپنی سبزی کی طرف متوجہ کر لیتے ہیں۔

اسی طرح ہر جگہ آپ کی چیز آپ کے الفاظ سے بکتی ہے اگر آپ کسی کو کہیں سو روپے کی دو عدد۔

تو سمجھے گا ایک پچاس کا ہے، مگر آپ کہیں ایک کے ساتھ ایک فری ہے قیمت صرف سو روپیہ تو یہاں فری زیادہ قابل غور ہوتا ہے۔

اسی طرح اپنی ہر بات سمجھانے کے لئے الفاظ کا سہارا لینا پڑتا ہے الفاظ ہی کے ساتھ ہزاروں لوگ شہرت کی بلندیوں کو چھو گئے، جیسے کہ پارٹی گرل کے چند الفاظ نے ہی اسے مشہور کر دیا تھا۔

اسی طرح الفاظ کی ہی بدولت سیاستدان ہمیں الو بناتے ہیں اور ہم خوشی سے بن بھی جاتے ہیں، موٹیویشنل سپیکر الفاظ کی بدولت ہی ککھ پتی سے لکھ پتی ہو گئے۔

میں ایک مرتبہ بازار میں تھا ایک عورت نے دوکاندار کو کہا کہ بہن سمجھ کر مجھے پیسے کم کر دو۔

تو اس بندے کا جواب بڑا دلچسپ تھا کہنے لگا: میرے گھر ماں بہن انتظار میں بیٹھی ہیں کہ بھائی کب پیسے کما کر لائے گا اگر میں نے باہر ہی نئی بہنوں میں بانٹ دیے تو گھر میں بہن کو کیا دوں گا اس لئے ریٹ میں کوئی کمی نہیں۔
پھر اس عورت نے ہنستے ہوئے پورے پیسے ادا کر دیے۔

🔷 اس ساری تحریر کا مقصد الفاظ کی اہمیت بتانا ہے اور میری اس تحریر سے آپ کو اندازہ ہو گیا ہو گا کہ الفاظ کی بدولت ہی آپ نے یہ تحریر پوری پڑھی اور اگر آپ بھی چاہتے ہیں اپنے لئے، کاروبار کے لئے، کسی بھی قسم کی کہانی دلچسپ تحریریں لکھوانا
تو ماہرین سے رابطہ کریں۔

🌹 پوسٹ پسند آئے تو دوسروں کی معلومات کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 جنات نظر کیوں نہیں آتے؟ 🔷

ایک سائینسی تجزیہ۔۔۔

جنات اللہ کی مخلوق ہیں، آگ سے پیدا کیے گئے ہیں، ان میں شیاطین و نیک صفت بھی موجود ہیں۔ یہ تھریڈ جنات کی سائینٹیفیک تشریح کے بارے میں ہے۔ کیا وہ ہمارے درمیان ہی موجود ہیں؟ اور زیادہ اہم سوال یہ کہ ہم انہیں دیکھ کیوں نہیں سکتے؟

لفظ جن کا ماخذ ہے ‘‘نظر نہ آنے والی چیز’’ اور اسی سے جنت یا جنین جیسے الفاظ بھی وجود میں آئے ہیں۔

جنات آخر نظر کیوں نہیں آتے؟ اس کی دو وجوہات بیان کی جا سکتی ہیں۔

پہلی وجہ یہ کہ انسان کا ویژن بہت محدود ہے۔ اللہ تعالیٰ نے اس کائنات میں جو (electromagnetic spectrum) بنایا ہے اس کے تحت روشنی 19 اقسام کی ہے۔ جس میں سے ہم صرف ایک قسم کی روشنی دیکھ سکتے ہیں جو سات رنگوں پر مشتمل ہوتی ہے۔

میں آپ کو چند مشہور اقسام کی روشنیوں کے بارے میں مختصراً بتاتا ہوں۔۔

اگر آپ gamma-vision میں دیکھنے کے قابل ہو جائیں تو آپ کو دنیا میں موجود ریڈی ایشن نظر آنا شروع ہو جائے گا۔ ایسے ہی اگر آپ ایک مشہور روشنی x-ray vision میں دیکھنے کے قابل ہوں تو آپ کے لیے موٹی سے موٹی دیواروں کے اندر دیکھنے کی اہلیت پیدا ہو جائے گی۔ اور اگر آپ infrared-vision میں دیکھنا شروع کر دیں تو آپ کو مختلف اجسام سے نکلنے والی حرارت نظر آئے گی۔ روشنی کی ایک اور قسم کو دیکھنے کی صلاحیت ultraviolet-vision کی ہو گی جو آپ کو انرجی دیکھنے کے قابل بنا دے گا۔ اس کے علاوہ microwave-vision اور radio wave-vision کل ملا کر 19 قسم کی روشنیوں میں دیکھنے کی صلاحیت سوپر پاور محسوس ہونے لگتی ہے۔

کائنات میں پائی جانی والی تمام چیزوں کو اگر ایک میٹر کے اندر سمو دیا جائے تو انسانی آنکھ صرف 300 نینو میٹر کے اندر موجود چیزوں کو دیکھ پائے گی۔ جس کا آسان الفاظ میں مطلب ہے کہ ہم کل کائنات کا صرف 0.0000003 فیصد حصہ ہی دیکھ سکتے ہیں۔ انسانی آنکھ کو دکھائی دینے والی روشنی visible light کہلاتی ہے اور یہ الٹرا وائیلٹ اور انفراریڈ کے درمیان پایا جانے والا بہت چھوٹا سا حصہ ہے۔

ہماری ہی دنیا میں ایسی مخلوقات ہیں جن کا visual-spectrum ہم سے مختلف ہے۔ سانپ وہ جانور ہے جو انفراریڈ میں دیکھ سکتا ہے۔ ایسے ہی شہد کی مکھی الٹراوائیلٹ میں دیکھ سکتی ہے۔ دنیا میں سب سے زیادہ رنگ مینٹس شرمپ کی آنکھ دیکھ سکتی ہے، الو کو رات کے گھپ اندھیرے میں بھی ویسے رنگ نظر آتے ہیں جیسے انسان کو دن میں۔ امریکن کُک نامی پرندہ ایک ہی وقت میں 180 ڈگری کا منظر دیکھ سکتا ہے جبکہ گھریلو بکری 320 ڈگری تک کا ویو دیکھ سکتی ہے۔ درختوں میں پایا جانے والا گرگٹ ایک ہی وقت میں دو مختلف سمتوں میں دیکھ سکتا ہے جبکہ افریقہ میں پایا جانے والا prongs  نامی ہرن ایک صاف رات میں سیارے saturn کے دائرے تک دیکھ سکتا ہے۔ اب آپ اندازہ کر سکتے ہیں کہ انسان کی دیکھنے کی حِس کس قدر محدود ہے اور وہ اکثر ان چیزوں کو نہیں دیکھ پاتا جو جانور دیکھتے ہیں۔

ترمذی کی حدیث نمبر 3459 کے مطابق  نبی کریم ﷺ نے فرمایا کہ جب تم مرغ کی آواز سنو تو اس سے اللہ کا فضل مانگو کیونکہ وہ اسی وقت بولتا ہے جب وہ فرشتے کو دیکھتا ہے اور جب گدھے کی رینکنے کی آواز سنو تو شیطان مردود سے اللہ کی پناہ مانگو کیونکہ اس وقت وہ شیطان کو دیکھ رہا ہوتا ہے۔

مرغ کی آنکھ انسانی آنکھ سے دو باتوں میں بہت بہتر ہے۔ پہلی بات کہ جہاں انسانی آنکھ میں دو قسم کے light-receptors ہوتے ہیں وہاں مرغ کی آنکھ میں پانچ قسم کے لائیٹ ریسیپٹرز ہیں اور دوسری چیز fovea جو انتہائی تیزی سے گزر جانے والی کسی چیز کو پہچاننے میں آنکھ کی مدد کرتا ہے جس کی وجہ سے مرغ آسانی سے ان چیزوں کو دیکھ سکتا ہے جو روشنی دیں اور انتہائی تیزی سے حرکت کریں۔

اور گدھے کی آنکھ میں rods کی ریشو کہیں زیادہ ہے۔ یعنی گدھے کی آنکھ میں اندھیرے میں اندھیرے کو پہچاننے کی صلاحیت ہم سے کہیں زیادہ ہے۔

البتہ انسان کی سننے کی حِس گدھے کی دیکھنے کی حس سے بہتر ہے اگرچہ دوسرے جانوروں کے مقابلے میں پھر بھی کم ہے مثال کے طور پہ نیولے نما جانور بجو کے سننے کی صلاحیت سب سے زیادہ یعنی 16 ہرٹز سے لے کر 45000 ہرٹز تک ہے اور انسان کی اس سے تقریباً آدھی یعنی 30 ہرٹز سے لے کر 20000 ہرٹز تک ۔ اور شاید اسی لیے جو لوگ جنات کے ساتھ ہوئے واقعات رپورٹ کرتے ہیں وہ دیکھنے کے بجائے سرگوشیوں کا زیادہ ذکر کرتے ہیں۔ ایک سرگوشی کی فریکوئینسی تقریباً 150 ہرٹز ہوتی ہے اور یہی وہ فریکوئینسی ہے جس میں انسان کا اپنے ذہن پر کنٹرول ختم ہونا شروع ہوتا ہے۔ اس کی واضح مثال ASMR تھیراپی ہے جس میں 100 ہرٹز کی سرگوشیوں سے آپ کے ذہن کو ریلیکس کیا جاتا ہے۔

اس تھریڈ کے شروع میں، میں نے جنات کو نہ دیکھ پانے کی دو ممکنہ وجوہات کا ذکر کیا تھا جن میں سے ایک تو میں نے بیان کر دی لیکن دوسری بیان کرنے سے پہلے میں ایک چھوٹی سی تھیوری سمجھانا چاہتا ہوں۔

سنہ 1803 میں ڈالٹن نامی سائینسدان نے ایک تھیوری پیش کی تھی کہ کسی مادے کی سب سے چھوٹی اور نہ نظر آنے والی کوئی اکائی ہو گی اور ڈالٹن نے اس اکائی کو ایٹم کا نام دیا ۔ اس بات کے بعد 100 سال گزرے جب تھامسن نامی سائینسدان نے ایٹم کے گرد مزید چھوٹے ذرات کی نشاندہی کی جنہیں الیکٹرانز کا نام دیا گیا۔ پھر 7 سال بعد ردرفورڈ نے ایٹم کے نیوکلیئس کا اندازہ لگایا، صرف 2 سال بعد بوہر نامی سائینسدان نے بتایا کہ الیکٹرانز ایٹم کے گرد گھومتے ہیں اور دس سال بعد 1926 میں شورڈنگر نامی سائینسدان نے ایٹم کے اندر بھی مختلف اقسام کی انرجی کے بادلوں کو دریافت کیا۔
جو چیز 218 سال پہلے ایک تھیوری تھی، آج وہ ایک حقیقت ہے اور آج ہم سب ایٹم کی ساخت سے واقف ہیں حالانکہ اسے دیکھ پانا آنکھ کے لیے آج بھی ممکن نہیں۔ ایسی ہی ایک تھیوری 1960 میں پیش کی گئی جسے string theory کہتے ہیں۔ اس کی ڈیٹیلز بتانے سے پہلے میں ایک بات کی وضاحت کرنا ضروری سمجھتا ہوں۔

انسان کی حرکت آگے اور پیچھے، دائیں اور بائیں، اوپر اور نیچے ہونا ممکن ہے جسے تین ڈائیمینشنز یا 3D کہتے ہیں۔ ہماری دنیا یا ہمارا عالم انہی تین ڈائیمینشز کے اندر قید ہے ہم اس سے باہر نہیں نکل سکتے لیکن string theory کے مطابق مزید 11 ڈائیمینشنز موجود ہیں۔ میں ان گیارہ کی گیارہ ڈائیمینشنز میں ممکن ہو سکنے والی باتیں بتاؤں گا۔

اگر آپ پہلی ڈائیمینش میں ہیں تو آپ آگے اور پیچھے ہی حرکت کر سکیں گے۔
اگر آپ دوسری ڈائیمینشن میں داخل ہو جائیں تو آپ آگے پیچھے اور دائیں بائیں حرکت کر سکیں گے۔

تیسری ڈائیمینشن میں آپ آگے پیچھے دائیں بائیں اور اوپر نیچے ہر طرف حرکت کر سکیں گے اور یہی ہماری حقیقت یا جسے ہم اپنا عالم کہتے ہیں، ہے۔

اگر آپ کسی طرح سے چوتھی ڈائیمینشن میں داخل ہو جائیں تو آپ وقت میں بھی حرکت کر سکیں گے۔

پانچویں ڈائیمینشن میں داخل ہونے پر آپ اس عالم سے نکل کر کسی دوسرے عالم میں داخل ہونے کے قابل ہو جائیں گے جیسا کہ عالم ارواح۔

چھٹی ڈائیمینشن میں آپ دو یا دو سے زیادہ عالموں میں حرکت کرنے کے قابل ہو جائیں گے اور میرے ذہن میں عالم اسباب کے ساتھ عالم ارواح اور عالم برزخ کا نام آتا ہے۔

ساتویں ڈائیمینشن آپ کو اس قابل بنا دے گی کہ اس عالم میں بھی جا سکیں گے جو کائنات کی تخلیق سے پہلے یعنی بِگ بینگ سے پہلے کا تھا۔
آٹھویں ڈائیمینشن آپ کو تخلیق سے پہلے کے بھی مختلف عالموں میں لیجانے کے قابل ہو گی۔

نویں ڈائیمینشن ایسے عالموں کا سیٹ ہو گا جن میں سے ہر عالم میں فزکس کے قوانین ایک دوسرے سے مکمل مختلف ہوں گے۔ ممکن ہے کہ وہاں کا ایک دن ہمارے پچاس ہزار سال کے برابر ہو۔

اور آخری اور دسویں ڈائیمینشن ۔۔۔ اس میں آپ جو بھی تصور کر سکتے ہیں، جو بھی سوچ سکتے ہیں اور جو بھی آپ کے خیال میں گزر سکتا ہے، اس ڈائیمینشن میں وہ سب کچھ ممکن ہو گا۔

اور فرقان قریشی کے طور پر میری ذاتی رائے کے مطابق جنت ۔۔۔ شاید اس ڈائیمینشن سے بھی ایک درجہ آگے کی جگہ ہے کیونکہ حدیث قدسی میں آتا ہے کہ جنت میں میرے بندے کو وہ کچھ میسر ہو گا جس کے بارے میں نہ کبھی کسی آنکھ نے دیکھا، نہ کبھی کان نے اس کے بارے میں سنا اور نہ کبھی کسی دل میں اس کا خیال گزرا اور دوسری جگہ یہ بھی آتا ہے کہ میرا بندہ وہاں جس چیز کی بھی خواہش کرے گا وہ اس کے سامنے آ موجود ہو گی۔

بالیقین جنات ہم سے اوپر کی ڈائیمینشن کے beings ہیں اور یہ وہ دوسری سائینٹیفیک وجہ ہے جس کی بناء پر ہم انہیں نہیں دیکھ سکتے۔ ان دس ڈائیمینشنز کے بارے میں جاننے کے بعد آپ یہ سمجھ سکتے ہیں کہ جنات کے بارے میں قرآن ہمیں ایسا کیوں کہتا ہے کہ وہ تمہیں وہاں سے دیکھتے ہیں جہاں سے تم انہیں نہیں دیکھتے یا پھر عفریت اتنی تیزی سے سفر کیسے کر سکتے ہیں جیسے سورۃ سباء میں ذکر ہے کہ ایک عفریت نے حضرت سلیمانؑ کے سامنے ملکہ بلقیس کا تخت لانے کا دعویٰ کیا تھا یا پھر کشش ثقل کا ان پر اثر کیوں نہیں ہوتا  اور وہ اڑتے پھرتے ہیں یا پھر کئی دوسرے سوالات جیسے عالم برزخ جہاں روحیں جاتی ہیں یا عالم ارواح جہاں تخلیق سے پہلے اللہ تعالیٰ نے تمام ارواح سے عہد لیا تھا کہ تم کسی اور کی عبادت نہیں کرو گے اور سب نے ہوش میں اقرار کیا تھا یا قیامت کے روز دن کیسے مختلف ہو گا یا شہداء کی زندگی کس عالم میں ممکن ہے۔

ان تمام عالموں یعنی عالم برزخ، عالم ارواح یا عالم جنات کے بارے میں تحقیقی طور پر سوچنا ایک بات ہے لیکن جس چیز نے ذاتی طور پر میرے دل کو چھوا وہ سورۃ فاتحۃ کی ابتدائی آیت ہے۔

الحمد للہ رب العالمین، تمام تعریفیں اس اللہ کی جو تمام عالموں کا رب ہے اور میں سمجھتا ہوں کہ ‘‘تمام عالم’’ کے الفاظ کا جو اثر اب میں اپنے دل پر محسوس کرتا ہوں وہ پہلے کبھی محسوس نہ کیا تھا۔

https://t.me/islamwitheman/5321
⭕ ISLAM WITH EMAN ⭕

🔷 وفات حذیفہ بن یمان رض 🔷

جناب پیغمبر اسلام محمد مصطفیٰ صلی اللّٰہ علیہ وآلہ وسلم کے بزرگوار صحابی جناب حذیفہ بن یمان رضی اللّٰه تعالیٰ عنہ نے 28 محرم الحرام 36 ھجری جناب امیرالمؤمنین علی مرتضیٰ علیہ الصلاۃ والسّلام کی خلافتِ ظاہری کے 40 روز بعد اس دنیا سے رحلت فرمائی اور مدائن میں دفن ہوئے۔

جناب حذیفہ امیرالمؤمنین امام علی مرتضیٰ علیہ الصلاۃ والسّلام کےخواص میں سےتھے۔
جناب حذیفہ کو یہ بھی اعزاز حاصل ہے کہ آپ ان 7 بزرگواروں میں سے ایک ہیں جنھوں نے جناب سیدہ فاطمةالزهرا سلام اللّٰه علیہا کے نمازِجنازہ میں شرکت کی۔

جناب حذیفہ ان منافقین سے آگاہ تھے جنہوں نے جناب پیغمبر اسلام محمد مصطفیٰ صلی اللّٰہ علیہ وآلہ وسلم کو قتل کرنیکی کوشش کی تھی۔
جب حذیفہ رضی اللّٰه تعالیٰ عنہ کسی مرنے والے کے جنازہ میں حاضر نہ ہوتے تو لوگ سمجھ لیتے تھے کہ مرنیوالا منافق ہے۔

جناب حذیفہ رضی اللّٰه تعالیٰ عنہ نے وفات سے قبل اپنے دونوں فرزندوں صفوان اور سعید کو وصیت کی کہ وہ ہمیشہ جناب امیرالمؤمنین امام علی مرتضیٰ علیہ الصلاۃ والسّلام کی خدمت میں رہیں۔

ان باوفا فرزندوں نے اپنے پدر گرامی کی وصیت پر پورا عمل کیا اور جنگ صفین میں شہادت پائی۔

https://t.me/islamwitheman
⭕ ISLAM WITH EMAN ⭕

🔷 بیبی شہر بانو زوجہ امام حسینؑ 🔷

شہر بانو ایران کے بادشاہ یزد گرد سوم کی بیٹی تھیں۔ آپ کا نام بی بی شہربانو مشہور ہے۔ آپ کی ولادت ایران کے شاہی دربار میں ہوئی، آپ عفت، حیا اور پاکیزگی سے مالامال تھیں یہ عظیم خاتون اپنی پاکیزہ فطرت پر پورے استحکام کے ساتھ باقی رہیں اور دربار کے برے اخلاقی اقدار اور بیہودہ نظریات و روایات کا آپ کے بیدار ضمیر پر کسی قسم کا اثر نہیں پڑا ۔ خلیفہ دوم حضرت عمر کے دور ميں عربوں کے ساتھ کسی جنگ ميں یہ قید ہو گئی تھیں۔

مال غنیمت اور قیدیوں کے ساتھ انہیں ایران سے مدینہ لایا گیا۔ حضرت علی علیہ السلام نے فرمایا:
شہزادیوں کو اگرچہ کافر ہی کیوں نہ ہوں بیچنا نہیں چاہیے انہیں ان کی حالت پر چھوڑ دو تاکہ مسلمانوں میں سے کسی کو اپنی ہمسری کے لیے پسند کر لیں۔ حضرت عمر نے حضرت علیؑ کے اس مشورہ سے ان کے احترام کو قائم رکھا اور بی بی شہربانو نے حضرت علیؑ کے چھوٹے بیٹے حضرت امام حسین علیہ السلام (جن کی عمر اس وقت تیس سال تھی اور انہوں نے ابھی تک شادی نہیں کی تھی) کو پسند کیا تو انہوں نے ان سے نکاح کر لیا۔ حضرت علی نے اپنے بیٹے سے فرمایا کہ ان کا احترام و خیال رکھنا۔

اہل مدینہ کنیزوں سے شادی، نکاح نہیں کرتے تھے۔ حضرت امام حسین علیہ السلام کے اس انسانی اقدام سے بہ تدریج یہ رسم ختم ہو گئی اور مسلمانوں میں کنیزوں سے عقد کرنے کا رواج پیدا ہو گیا۔

بعض روایات کے مطابق بزرگ صحابی حضرت سلمان فارسی نے اس شادی کے کروانے میں اہم کردار ادا کیا۔ اس شادی سے عرب اور عجم یعنی ایران کے درمیان وہ خلیج کم ہوئی جو ان دونوں کے مابین جنگوں کی وجہ سے پیدا ہو گئی تھی۔

آپ نے شادی کے بعد اس بات کو ثابت کر دکھایا کہ بچپن سے ہی طہارت و پاکیزگی ان کا شیوہ تھا اور امام سجاد علیہ السلام کی ماں بننے کا تمام شرف اور صلاحیت آپ کو حاصل ہے۔

اس مبارک شادی کا ثمرہ امام سجاد زین العابدین ہیں۔ شہر بانو کا اپنے بیٹے زین العابدین کی ولادت کے چند ماہ بعد ہی انتقال ہو گیا تھا۔ بچے کی پرورش دیگر عورتوں نے کی تھی۔ بعض روایات میں ہے کہ بی بی شہربانو واقعہ کربلا جو 61ھ کو پیش آیا میں موجود تھیں اور اپنے شوہر کی مظلومانہ شہادت کے کچھ عرصہ بعد واپس ایران چلی گئی تھیں۔

ایران کے شہر رے کے مضافات میں ایک پہاڑی کے اوپر ان سے منسوب خوبصورت بہت قدیمی مزار بھی ہے جہاں ہزاروں کی تعداد میں لوگ زیارت کو جاتے ہیں۔

تاریخ اسلام میں یہ بھی ہے کہ بی بی شہربانو کے ہمراہ ان کی بہن بی بی کیہان بھی تھی جو محمد بن ابی بکر کے حبالۂ نکاح میں آئی۔ اس سے قاسم پیدا ہوئے اس بنا پر امام سجاد زین العابدینؑ اور قاسم بن محمد بن ابی بکر آپس میں خالہ زاد بھائی ہیں۔

امام زین العابدین علیہ السلام فرماتے ہیں :
""میں دو بڑی ہستیوں کا بیٹا ہوں"
کیونکہ رسول اللہ صلی اللہ علیہ و آلہ وسلم آپ کے جد اور شہربانو والدہ تھیں تو شہنشاہ ایران آپ کے نانا ہوئے۔

ابوالاسود دئلی کہتے ہیں:
وان ولیدا بین کسری و ہاشم
لا کرم من نیطت علیہ التمائم
ترجمہ: (جو بچہ کسری و ہاشم کی نسل سے پیدا ہوا ہے وہ سب سے زیادہ عظیم و شریف ہے۔)

📚 حوالہ جات
محمد بن یعقوب كلینی، اصول كافى، شرح : على اكبر غفارى، تہران، مكتبہ صدوق، 1381ھ .ق، جلد 1 صفحہ 467۔
شیخ مفید، الارشاد، قم، مكتبہ بصیر تى، صفحہ 253۔
فضل بن حسن طبرسى، اعلام الورى با علام الہدى، چاپ سوم، تہران، دار الكتب الاسلامیہ، صفحہ 256۔
حسن بن محمد بن حسن قمى، تاریخ قم، ترجمہ حسن بن على بن حسین قمى، تصحیح : سيد جلال الدین تہرانى، تہران، انتشارات توس، 1361ھ .ش، صفحہ 196۔
على بن عیسى اربلى، كشف الغمۃ فى معرفۃ الآئمۃ، تبریز، مكتبہ بنى ہاشمى، 1381ھ . ق، جلد 2 صفحہ 286۔

🌹 پوسٹ پسند آئے تو دوسروں کی معلومات کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 امام زین العابدینؑ اور یزید کی بیعت 1 🔷

فیس بُک پر احباب نے ایک روایت کی بابت دریافت کیا کہ شیعہ کتاب "الروضۃ من الکافی" میں ہے کہ امام علیؑ بن حسینؑ (زین العابدینؑ) نے یزید سے کہا کہ میں تیرے سامنے مجبور و لاچار ہوں، تو چاہے تو مجھے اپنے پاس رکھ لے، چاہے تو بیچ دے۔۔۔ الخ کہ اِس سے پتہ چلتا ہے کہ امام زین العابدینؑ نے یزید پلید کی بیعت کر لی تھی۔

امام علی زین العابدینؑ نے بالکل یزید پلید کی بیعت نہ کی، میں اِس روایت کی قدرے وضاحت کیے دیتا ہوں۔

یہ روایت "الکافی" کے تیسرے حصے "الروضۃ" میں تفصیل کے ساتھ موجود ہے۔

پوری روایت۔۔۔
إن يزيد بن معاوية دخل المدينة وهو يريد الحج فبعث إلى رجل من قريش فأتاه فقال له يزيد: أتقر لي أنك عبد لي، إن شئت بعتك وإن شئت استرقيتك فقال له الرجل: والله يا يزيد ما أنت بأكرم مني في قريش حسبا ولا كان أبوك أفضل من أبي في الجاهلية والاسلام وما أنت بأفضل مني في الدين ولا بخير مني فكيف أقر لك بما سألت؟ فقال له يزيد: إن لم تقر لي والله قتلتك، فقال له الرجل: ليس قتلك إياي بأعظم من قتلك الحسين بن علي (عليهما السلام) ابن رسول الله (صلى الله عليه وآله) فأمر به فقتل.
(حديث علي بن الحسين (عليهما السلام) مع يزيد لعنه الله) ثم أرسل إلى علي بن الحسين (عليهما السلام) فقال له: مثل مقالته للقرشي فقال له علي بن الحسين (عليهما السلام): أرأيت إن لم أقر لك أليس تقتلني كما قتلت الرجل بالأمس؟
فقال له يزيد لعنه الله: بلى فقال له علي بن الحسين (عليهما السلام): قد أقررت لك بما سألت أنا عبد مكره فإن شئت فأمسك وإن شئت فبع، فقال له يزيد لعنه الله: أولى لك حقنت دمك ولم ينقصك ذلك من شرفك. (الروضۃ من الکافی، ج8، ص235، دار الكتب الاسلامية، تھران)

روایت کا مفہوم یوں ہے کہ یزید بن معاویہ حج کے ارادے سے مدینہ میں داخل ہوا تو ایک ہاشمی کو بُلایا اور اُس سے پوچھا کہ کیا تُم یہ مانتے ہو کہ تُم میری رعیت ہو، چاہوں تو تمھیں بیچ دوں، چاہوں تو آزاد کر دوں۔ اِس ہاشمی نے انکار کیا تو یزید پلید نے اُسے قتل کروا دیا، پھر اُس نے امام علیؑ بن حسینؑ کو بُلایا، یہی اُن سے پوچھا تو اُنھوں نے فرمایا میں مجبور و لاچار ہوں، تُم چاہو تو بیچ دو، چاہو تو آزاد کر دو (تُم مجھے قتل بھی کر سکتے ہو اور چھوڑ بھی سکتے ہو)۔ تو یزید نے اُنھیں چھوڑ دیا۔۔۔

1- اس روایت کا ایک راوی ابو ایوب الخزار (ابراہیم بن زیاد) ہے جو مجہول الحال ہے، اِس لیے یہ روایت سند کے لحاظ سے ضعیف ہے۔
2- اِس روایت کا متن بھی غلط ہے، یزید پلید جب سے حکمران بنا، مرتے دَم تک شام میں ہی رہا۔

اولاً: اِس روایت کی سند اور متن دونوں درست نہیں تو یہ روایت بالکل مردود ہے۔

ثانیاً: یہ روایت اگر درست مان بھی لی جائے تو مجبوری کو ظاہر کر رہی ہے، قاری محمد حنیف ڈار صاحب نے اِس روایت کو پیش کرنے والے ایک یزیدی تکفیری کو یوں جواب دیا:

انا عبد مکرہ کا مطلب "میں ایک مجبور و بے کس بندہ ہوں" بنتا ہے جو کہ اُن کی اُس وقت واقعی پوزیشن تھی، اگر تیرا غلام کہنا مقصود ہوتا تو "انا عبدک المکرہ" فرماتے۔ جس لڑکے کے باپ سمیت سارے بھائی اور عزیز شہید کر دیے گئے ہوں اور خواتین اسیر ہوں، جس نے بیماری اور نقاہت کے عالم میں وہ سب بربریت دیکھی ہو، مستورات کی چیخیں سُنی ہوں اور جس طرح مستورات نے اس پر لیٹ کر اس کی جان بچائی ہو وہ سب مناظر اس کے دل و دماغ میں نقش ہوں، وہ سب اذیت اس ایک جملے سے واضح کر دینا خاندانِ نبوت کا ہی خاصہ تھا، میں ایک مجبور غلام ہوں تو اِس کے ساتھ جو چاہے کر سکتا ہے، چاہے تو خود اذیت کا سامان کرتا رہ یا کسی اور کے آگے بیچ دے۔ یہ فرعون کے سامنے بے بس نومسلم جادوگروں کا سا عالم ھے "فاقض ما انت قاض" کر دے جو فیصلہ تو نے کرنا ہے، "انما تقضی ھذہ الحیاۃ الدنیا" تو بس اسی دنیا کے فیصلے کر سکتا ہے۔ ضیاء صاحب، اللہ کے رسول نے منع فرمایا تھا کہ کوئی شخص اپنے غلام کو عبد اور لونڈی کو امہ نہ کہے بلکہ فتای اور فتاتی کہے۔ کیا نبی کے خاندان کا امام اپنے آپ کو کسی کا "عبد" کہہ سکتا ہے؟ جبکہ وہ عبداللہ (اللہ کا بندہ) ہو۔ یہ ایک طنزیہ جملہ ھے جس میں امام عالی مقام نے اپنی پوزیشن واضح کی ہے، کیا کسی کی خلافت کی بیعت انہی لفظوں کے ساتھ کی جاتی تھی؟، اللہ پاک آپ پر رحم فرمائے، خاندان نبوی پر ہاتھ ہلکا رکھیں۔

(معروف مؤرخ علامہ مسعودی متوفی 346 ہجری نے اپنی کتاب مروج الذھب کی تیسری جلد کے صفحہ 70 پر یوں تصریح کی ہے بايع الناس على أنهم عبيدٌ ليزيد، ومن أبى ذلك أمره مُسْرف على السيف غير علي بن الحسين۔۔۔ کہ مدینہ میں مُسرف بن عقبہ نے لوگوں سے یزید کی یوں بیعت لی کہ وہ اُس کے غلام ہیں، جِس نے انکار کیا اُسے مُسرف نے قتل کرنے کا حکم دیا، سوائے علیؑ بن حُسینؑ کے۔ پس واضح ہوا کہ امام زین العابدینؑ نے واقعہ کربلا کے بعد بھی یزید کی بیعت نہ کی تھی۔

https://t.me/islamwitheman
⭕ ISLAM WITH EMAN ⭕

🔷 امام زین العابدینؑ اور یزید کی بیعت 2 🔷

کیا امام زینُ العابدینؑ نے یزید کی بیعت کی؟

بعض خُطباء جو منبر پر غیر مُعتبر قِصّے کہانیاں بیان کرنے میں مشہور ہیں انہوں نے یہ دعوی کیا ہے کہ امام زینُ العابدینؑ نے یزید کی بیعت کر لی تھی۔ بدقسمتی سے یہ بے سروپا روایت اُصول کافی میں مرقُوم ہے، جس میں ذکر ہے کہ یزید بن معاویہ مدینہ آیا تو ایک قُریشی کو بلا کر پوچھا کہ کیا تُو یہ اعتراف کرتا ہے کہ تُو میرا غلام ہے، میں چاہوں تو تُجھے غلامی میں رکھ لوں اور چاہوں تو تجھے بیچ لوں۔ اس قُریشی نے بہادری کا مظاہرہ کرتے ہوئے یہ کہنے سے انکار کیا۔ یزید نے اس سے کہا کہ اگر تُم نے اقرار نہ کیا تو تُجھے قتل کر دوں گا۔ تو اس شخص نے کہا تُو نے فرزند رسول حسینؑ ابن علیؑ کو قتل کیا تو میرا قتل کیا چیز ہے۔ اِس پر یزید نے اُس کو قتل کروا دیا۔ پھر یزید نے امام زینُ العابدینؑ سے اسی بات کا مطالبہ کیا۔ تو امام زینُ العابدینؑ نے اقرار کیا کہ میں مجبور غلام ہوں، اگر تُو چاہے تو مجھے غلامی میں رکھ ورنہ بیچ دے۔ اس پر یزید نے ان کو چھوڑ دیا۔

العیاذ باللہ

دکتر علی شریعتی کہتے ہیں کہ میں نے جب یہ روایت پڑھی تو میں ٹھہر گیا کہ یہ کس قسم کی روایت ہے۔ پھر کہتے ہیں کہ میں نے علامہ مجلسی کا آگے کمنٹ پڑھا، میں نے سوچا کہ شاید اُنہوں نے اس روایت کو رَد کیا ہوگا کیونکہ یزید کو بطور خلیفہ مدینہ جانے کی فُرصت ہی نہیں ملی کیونکہ وہ اِس سے قبل ہی واصلِ جہنّم ہوا تھا۔ لیکن میں دیکھ کر حیران رہ گیا کہ اُنہوں نے اس کو صحیح قرار دیتے ہوئے تاویل کی کہ چونکہ یزید مدینہ گیا نہیں تو یہ ان کا اہلکار مُسلم بن عقبہ ہو گا جس کے سامنے امام زینُ العابدینؑ نے یزید کی غُلامی کا اظہار کیا اور اُس کی بیعت کی۔

شریعتی کہتے ہیں کہ میں نے جب یہ پڑھا تو کئی مہینے اضطراب کی حالت میں مجھے نیند نہیں آئی۔ انہوں نے شیعت کو صَفَوی و عَلَوی میں تقسیم کر رکھا تھا۔ صَفَوی تشیُّع کے مطابق امام حُسینؑ کی شہادت ایک الہی حُکم تھا، بس وہ شہید ہونے کے لئے کربلا گئے، اور اب ہمارا کام محض رونا رُلانا ہے۔ جبکہ علوی تشیُّع امام حُسینؑ کی شہادت سے درس حاصل کرتا ہے کہ ہر زمانے میں ظُلم کے خلاف سینہ سپر ہونا اور مظلُوموں کی داد رسی کرنی ہے۔ جب صَفَوی شیعہ تلوار اٹھاتا ہے تو اپنے ہی سر پر مارتا ہے (قمہ) لیکن جب علوی شیعہ تلوار اٹھاتا ہے تو دشمنان دین اور ظالموں پر تلوار اٹھاتا ہے۔ یہی وجہ ہے کہ (انقلاب سے پہلے) ایران کے بادشاہوں نے ہمیشہ صَفَوی شیعت کو فروغ دیا کیونکہ کربلا کی تحریک سے کوئی سبق حاصل کرے تو ان کی ظلم و استبداد پر مبنی حکومت قائم نہ رہے، لہذا ہمیشہ صَفَوی تشیّع کو سرکاری سرپرستی رہی۔ اسی لئے ایران کے بادشاہ خُود بھی عزاداری کا اہتمام کرتے تھے بلکہ اس کے فروغ کے لئے ایک محکمہ بھی تشکیل دیا کیونکہ کربلا کا اس قسم کا تصوّر ان کے لئے ضرر رساں نہیں تھا بلکہ عوام کو سُلانے میں ان کے لئے مُمِد و مُعاون تھا۔

یعنی لوگ صدیوں سے صَفَوی تشیّع کے فروغ میں اس قدر کمر بستہ ہو گئے ہیں کہ امام کی توہین تک آ گئے۔ ایک قریشی جُرات کا مظاہرہ کر کے غُلامی سے انکار کر رہا ہے، اور آپ امام زینُ العابدینؑ سے غلامی کی نسبت دے رہے ہیں (نعوذ باللہ)۔ اگر یزید نے ان سے بیعت ہی لینی ہوتی تو جب امام زینُ العابدینؑ اسیر ہو کر دمشق پہنچے تو اس وقت لے لیتا۔

اس روایت کو رد کر دینا چاہیے کیونکہ یزید کبھی مدینہ گیا ہی نہیں، اور ہم یہ تاویل کر رہے ہیں کہ وہ مُسلم بن عقبہ تھا جس کے ہاتھ پر بیعت کی۔ حالانکہ تاریخ گواہ ہے کہ امام زینُ العابدینؑ مُسلم بن عقبہ کے حملے کے وقت مدینہ سے باہر تشریف لے گئے تھے، اور تاریخ میں یہ بھی ملتا ہے کہ اس شخص نے آپ کے ساتھ اچھا سلوک کیا تھا اور اس قسم کا کوئی مُطالبہ نہیں کیا۔

کیا یہ ممکن ہے کہ حُسینؑ ابن علیؑ اسی بیعت سے انکار کی وجہ سے لڑتے ہوئے شہید ہو گئے لیکن ان کے فرزند علیؑ ابن حُسینؑ، جنہوں نے اپنی آنکھوں سے واقعۂ کربلا کا مُشاہدہ کیا، موت کے ڈر سے اپنے آپ کو یزید کی غُلامی میں دے دیا؟ لیکن چونکہ صَفَوی شیعت کا مقدّمہ یہ ہے کہ امام حُسینؑ نے بس وہی کہا جو ان کو حکم تھا، کربلا سے کوئی درس نہیں لیا جا سکتا، تو بس وہ شہید ہو گئے لیکن باقی آئمہ (ع) کو بیعت کا حکم تھا تو بیعت کر لی تھی۔ صَفَوی تشیّع میں آئمہ(ع) کے اعمال کا منطقی ہونا یا باہم مُطابِقت رکھنا ضروری نہیں، اور نہ اُن کا ہر عمل ہمارے لئے اسوہ ہے، بس وہ حکم کے پابند تھے۔ لیکن حقیقی تشیّع کے مطابق آئمہ(ع) کے اعمال میں مُطابِقت پائی جاتی ہے، اسی لئے وہ آئمہ (ع) کے ڈھائی سو سالہ دور کو ایک فرد سے تشبیہ دے کر اسے "ڈھائی سو سالہ" انسان قرار دیتے ہیں۔ آج بھی صَفَوی فکر رکھنے والے شیعہ ہمارے معاشروں میں بڑی تعداد میں موجود ہیں۔ اللہ تعالی انہیں فہم و فراست سے نوزے۔

https://t.me/islamwitheman/5325
⭕ ISLAM WITH EMAN ⭕

🔷 امام زین العابدینؑ اور یزید کی بیعت 3 🔷

کمیل مہدوی: "امام زین العابدین علیہ السلام نے یزید کی بیعت کر لی تھی."

یہ امام کی بدترین گستاخی اور توہین ہے.

یہ لوگ انقلاب اور ایران کی مخالفت میں اتنے اندھے ہوگئے ہیں کہ امام معصوم علیہ السلام کی توہین سے بھی باز نہیں آ رہے ہیں.

اس شخص نے جس روایت کا سہارا لیا ہے وہ یکسر جھوٹ ہے، غلط ہے. چونکہ یزید ملعون واقعہ کربلا کے بعد کبھی مکہ و مدینہ آیا ہی نہیں ہے.

جس امام نے قتل کی یقینی صورتوں میں بھی دربار ابن زیاد اور دربار یزید میں ان ملعونوں کو للکارا ہو اور بنی امیہ کے گڑھ میں اپنے خطبوں سے بنی امیہ کی دھجیاں اڑا دی ہوں، وہ اپنے گھر مدینہ میں اپنے بابا کے قاتل اور مخدرات عصمت و طہارت کی بے ردائی کے ذمہ دار ایک ملعون ظالم کی بیعت کر لے گا؟

انہیں "مثلی لا یبایع مثلہ" بھی سمجھ میں نہیں آ رہا لہذا اس کے بھی انکاری ہیں. اگر حسین بن علی علیہ السلام کے انقلابی مزاج اور شخصیت سے آشنا ہوتے تو اس میں شک نہ کرتے کیونکہ لافانی حقیقت یہی ہے کہ حسین علیہ السلام نے سر کٹا دیا، گھر لٹا دیا مگر یزید جیسے ملعون کی بیعت نہیں کی.

یہ رزمیہ تشیع کے مقابلہ میں قوم کو تقیہ کا درس دے رہے ہیں لیکن خود جب پاکستان جیسے ماحول میں منبروں سے خلاف مصلحت باتیں کرتے ہیں تو وہاں تقیہ یاد نہیں آتا؟ کیونکہ واہ واہ اسی میں ہوگی، مقبولیت اسی سے بڑھے گی. اور انہیں غالبا تقیہ کا اصل مطلب بھی نہیں معلوم. تقیہ کا مطلب اپنے ہدف سے دستبردار ہونا اور ظالم کی مخالفت چھوڑ کر اس کی بیعت کر لینا نہیں بلکہ شرائط و حالات کے مطابق ہدف تک پہنچنے کا راستہ تبدیل کرنا ہے.

ان جیسوں کی پوری کوشش یہ ہے کہ تشیع کو سست، مضمحل اور بے ہمت کر کے شیعوں کو اسی طرح ذلت و رسوائی کی زندگی جینے کا عادی بنا دیا جائے جس طرح آج عرب ممالک کا حال ہے.

انقلابی مزاج اور حسینی رزم ہم شیعیان حیدر کرار کی پہچان ہے اور اس قبیل کے نام نہاد مولوی اس شناخت کو بدلنا چاہتے ہیں. اللہ جانیں یہ ایجنٹ ہیں یا احمق. اگر احمق ہیں تو اللہ انہیں عقل دے اور اگر ایجنٹ ہیں تو اللہ ان کی ہدایت کرے (اگر قابل ہدایت ہوں).

قوم ان سے اور ان کے ہمنواؤں سے ہوشیار رہے. صرف عمامہ دیکھ کر دھوکہ نہ کھائیں.

https://t.me/islamwitheman/5326
⭕ ISLAM WITH EMAN ⭕

🔷 زندگی گزارنے کے کچھ اہم ترین اصول! 🔷

میرے تجربات کا نچوڑ۔۔۔

1- کسی بھی انسان کی عادت نہ ڈالیں ..!
2- یہاں کوئی بھی آپ کے ساتھ ہمیشہ نہیں رہنے والا!
3- آج جو آپ کا دوست ہے وہ کل آپ کا دشمن بن جائے گا!
4- آپ کے راز وہ گولیاں ہیں جو اگر آپ دوسروں کو دیں گے تو ایک دن وہ ان گولیوں کو پستول میں بھر کر آپ پر چلا دیں گے، اور آپ کو مار ڈالیں گے!
5- صرف تین چیزیں ایسی ہیں جن پر آپ ہمیشہ بھروسہ کر سکتے ہیں اور یہ آپ کو مایوس نہیں کریں گی... آپ کی جیب ، آپ کی صحت اور سب سے بڑھ کر آپ کا خدا !
6- اپنی ضروریات ہمیشہ دوسروں سے خفیہ رکھیں!
7- آپ سے مسکرا کر بات کرنے والا ہر شخص آپ سے محبت نہیں کرتا!
8- ہر وہ شخص جو آپ سے کہتا ہے؛ "ڈئیر، پیارے، عزیز "، آپ سے سچی محبت نہیں کرتا (ٹی وی اینکرز روزانہ ہمیں "پیارے سامعین" کہہ کر مخاطب کرتے ہیں اور ہم میں سے کسی کو بھی نہیں جانتے، نہ ہم سے محبت کرتے ہیں )!
9- اپنی کئیر کریں ... اپنے ذہن اوردل کو اپنی خوشی کا ذریعہ بنائیں.. آپ کو کبھی افسوس نہیں ہوگا!
10- تھوڑے دیوانے بن کر زندگی سے لطف اندوز ہوں کیونکہ عقلمند لوگ جلدی مر جاتے ہیں!
11- اپنے چھوٹے چھوٹے مشاغل اور شوق پایہ تکمیل تک پہنچائیں ، چاہے وہ دوسروں کو معمولی ہی لگیں!
12- اپنے لیے کبھی بھی سہارا تلاش نہ کریں.!
13- آپ دوسروں کے ساتھ ہمدرد اور مہربان ہیں تو کبھی بھی یہ مت سوچیں کہ بدلے میں دنیا بھی آپ کے ساتھ حسن سلوک کرے گی !
14- ایک دن آپ کو احساس ہوگا کہ آپ اپنے سوچ سے سے زیادہ پریشان رہتے تھے... اور یہ کہ اللہ تعالیٰ نے آپ کے لیے ہر اس چیز کا بہترین بندوبست کردیا ہے، اور وہ چیزیں آپ کو دیں، جن کی آپ نے کبھی امید اور خواہش بھی نہ کی تھی!

منقول۔۔۔

🌹 پوسٹ پسند آئے تو دوسروں کی معلومات کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 کربلا میں تین دوست 🔷

تاریخ کربلا میں تین شخصیات ایسی ہیں جن کی داستان دلنشیں ہے۔ یہ تینوں حسینؑ ابن علیؑ کے دوست تھے۔ ان کی داستانیں حق دوستی کی لازوال داستانیں ہیں۔

ایک کا نام ہے حبیب ابن مظاہر جو امام حسینؑ سے بچپن سے شناسا تھے اور بوقت شہادت ان کی عمر اسی سال تھی۔ ان کو امامؑ نے خط لکھ کر اپنی مدد کے واسطے بلایا تھا۔ خط موصول ہوا تو انہوں نے اپنے حبش النسل غلام جون کو کچھ رقم دے کر آزاد کرتے ہوئے کہا ”میں موت کی جانب جا رہا ہوں تجھے آزاد کرتا ہوں۔” جون جو حبش کا باشندہ تھا اور اس کا بنیادی مذہب عیسائیت تھا اس نے اپنے مالک کا ساتھ چھوڑنے سے انکار کر دیا۔ دیرینہ تعلق تھا۔ بالآخر وہ حبیب ابن مظاہر کے ہمراہ ناکہ بندیوں سے بچتا کربلا پہنچا۔ اور دونوں کربلا کے شہید ہیں۔

حبیب ابن مظاہر نے لڑتے وقت جو میدان کربلا میں دشمن کو للکار کر رجز پڑھا ہے وہ بلاذری اور دیگر تواریخ کی کتب میں آیا ہے۔ ”اب اس بوڑھے کی جنگ دیکھو جس کی کمر جھکی ہوئی ہے۔ جو گھوڑے کی زین پر سیدھا نہیں بیٹھ سکتا۔ تم لوگوں نے اہلبیتؑ کا نہیں رسول اللہ (ص) کا خون بہایا ہے۔ آؤ اور مجھ سے لڑو۔” حبیب کی شہادت کے بعد ان کا غلام جون بھی شہید ہوا۔

دوسرا دوست زہیر ابن قین تھا۔ زہیر نے نئی شادی کی تھی اور اپنی دلہن کے ہمراہ واپس کوفہ کی جانب سفر میں تھا۔ دوران سفر اس نے قافلہ حسینی کو دور سے دیکھا اور سمجھ گیا کہ حسینؑ ابن علیؑ اپنے اہل و عیال کے ہمراہ سفر میں ہیں اور یہ کوئی خیر کی بات نہیں۔ علاوہ ازیں مکے سے نکلتے ہوئے وہ تازہ حالات کی خبر رکھتا تھا۔ زہیر قافلہ حسینی سے چھپ کر ایک منزل آگے اپنا خیمہ لگا لیتا تاکہ امام حسینؑ کی نظروں سے بچا رہے۔ وہ کشمکش کا شکار تھا کہ اک جانب نئی زندگی کا آغاز کر رہا ہے اور دوسری جانب اگر جاتا ہے تو مارا جائے گا۔ تیسرے دن وہ ایک مقام پر پڑاؤ ڈالے تھا کہ قاصد آن پہنچا۔ اس نے حسینؑ ابن علیؑ کا خط زہیر کو پہنچا دیا۔ زہیر نے وہ خط پڑھا۔ پریشانی کے عالم میں خیمے میں آیا۔ اس کی بیوی نے پریشانی کا سبب پوچھا تو زہیر نے ماجرا بیان کیا۔ بیوی بولی “نواسہ رسولؐ تجھے بلاتا ہے اور تو نہیں جاتا؟ ان کے ہمراہ اہل و عیال ہیں تو مجھے بھیج دے میں بیبی زینبؑ کے ہمراہ سفر کروں گی۔” زہیر نے جواب دیا “میں تجھے ابھی آزاد کرتا ہوں۔ تو اپنی زندگی جی لے۔ میرا غلام تجھے تیرے گھر پہنچا دے گا۔ میں جس جانب جا رہا ہوں وہاں سے اب واپسی مشکل ہے۔”

زہیر کی بیوی نہ مانی اور یہ دونوں میاں بیوی قافلہ حسینی میں شریک ہوئے۔ زہیر ابن قین کی شہادت بوقت ظہر نمازیوں کی حفاظت کرتے ہوئے ہوئی۔ امام عالی مقامؑ نے ظہر کی نماز ادا کرنا چاہی اور ایک دستہ نمازیوں کی حفاظت کے لیے متعین کیا۔ زہیر اس کا سالار تھا۔ عمر سعد نے تیر اندازوں کا دستہ حملہ کرنے کو بھیجا۔ تیر چلے تو زہیر نے اپنی ڈھال پر لیے اور یوں تیروں کی بارش میں بالآخر جسم زخمی ہوا اور شہادت واقع ہوئی۔

تیسرے دوست کا نام وہب کلبی ہے۔ وہب بھی دوران سفر امام حسینؑ سے ملا۔ یہ اپنی بزرگ والدہ کے ہمراہ سفر میں تھا۔ اسے حالات و واقعات کی اطلاع ملی تو امامؑ سے دوستی اسے خیام حسینی تک کھینچ لائی۔ وہب کی شہادت ہو چکی۔ جب عصر عاشور کو یزیدی لشکر نے تمام شہداء کے سر کاٹنے شروع کیے تو وہب کلبی کا سر کاٹ کر ایک لعین نے اس کی ماں کی جانب اچھال دیا۔ اس کا مقصد اذیت دینا تھا۔ وہب کی والدہ نے اپنے بیٹے کا سر واپس قاتل کی جانب اچھالا اور ایک شعر کہا “ہم جو کچھ راہ حق میں صدقہ کر دیتے ہیں وہ واپس نہیں لیا کرتے۔”

🔘 کربلا کی جنگ دوستی، ماؤں کی قربانیوں اور اولاد کی وفاؤں سے بھری ایک لازوال اور دردناک داستان ہے۔ یہی وجہ ہے کہ چودہ صدیاں بیت جانے کے باوجود آج بھی غم حسینؑ میں آنکھ نم ہوتی ہے۔آج بھی عصرِ عاشور ایک ہی نعرہ گونجتا ہے۔ لبیک یا حسینؑ۔ ساحر لدھیانوی نے کیا خوبصورت نظم اسی پسِ منظر میں کہی ہے۔

ظلم پھر ظلم ہے، بڑھتا ہے تو مٹ جاتا ہے
خون پھر خون ہے، ٹپکے گا تو جم جائے گا

خاکِ صحرا پہ جمے یا کفِ قاتل پہ جمے
فرقِ انصاف پہ یا پائے سلاسل پہ جمے
تیغ بیداد پہ، یا لاشۂ بسمل پہ جمے
خون پھر خون ہے، ٹپکے گا تو جم جائے گا

لاکھ بیٹھے کوئی چھپ چھپ کے کمیں گاہوں میں
خون خود دیتا ہے جلادوں‌کے مسکن کا سراغ
سازشیں لاکھ اوڑھاتی رہیں ظلمت کا نقاب
لے کے ہر بوند نکلتی ہے ہتھیلی پہ چراغ

تم نے جس خون کو مقتل میں دبانا چاہا
آج وہ کوچہ و بازار میں آ نکلا ہے
کہیں شعلہ، کہیں نعرہ، کہیں پتھر بن کر
خون چلتا ہے تو رکتا نہیں سنگینوں‌سے
سر اٹھاتا ہے تو دبتا نہیں آئینوں‌ سے

ظلم کی بات ہی کیا، ظلم کی اوقات ہی کیا
ظلم بس ظلم ہے آغاز سے انجام تلک
خون پھر خون ہے، سو شکل بدل سکتا ہے
ایسی شکلیں کہ مٹاؤ تو مٹائے نہ بنے
ایسے شعلے کہ بجھاؤ تو بجھائے نہ بنے
ایسے نعرے کہ دباؤ تو دبائے نہ بنے
.
مہدی بخاری

https://t.me/islamwitheman/4905
⭕ ISLAM WITH EMAN ⭕

چوہدری حبیب اللہ سنگھیڑا ایڈوکیٹ کی بھجوائی ہوئی فکر انگیز اور شاندار تحریر۔

*ہم آج بھی جُگنی سے باہر نہیں آتے*

ملکہ وِکٹوریہ تاجِ برطانیہ کی ساتویں ملکہ تھی۔
یہ 20 جون 1837ء میں ملکہ بنی ۔ اور 22 جنوری 1901ء تک ملکہ رہی۔

یہ اس لحاظ سے برطانیہ کی طویل المُدّت ملکہ تھی ۔۔ یہ 63 سال 7 ماہ اور دو دن مٙسندِ اقتدار پر جٙلوہ اٙفروز رہی.

وِکٹوریہ کے دور میں انگریز سلطنت میں حقیقتاً سورج غروب نہیں ہوتا تھا.

کُرہِ ارض پر سورج کی پہلی کرن نیوزی لینڈ میں پڑتی ہے۔ نیوزی لینڈ برطانوی سلطنت کا حصہ تھا ۔۔ سورج نیوزی لینڈ کے بعد جُوں جُوں آگے بڑھتا تھا ، اس کے راستے میں آنے والے تمام مُلک ‘ تمام زمینوں پر برطانیہ کا یونین جٙیک لہراتا تھا۔
سورج جب تھک کر آنکھیں موندنے لگتا تھا تو نیوزی لینڈ میں دِن کا آغاز ہو جاتا تھا۔
لہٰذا یوں ملکہ وِکٹوریہ کے عہد میں برطانوی سلطنت پر سورج غروب نہیں ہوتا تھا۔

ملکہ وِکٹوریہ نے دُنیا کو بے شمار نئی چیزیں‘ نئی روایات بھی دیں ۔۔
یہ روایات‘ یہ چیزیں آج تک موجود ہیں۔
مثلاً دُنیا میں آج بھی وِکٹورین طرزِ تعمیر موجود ہے ۔ وِکٹورین فرنیچر بھی آج تک بنایا جاتا ہے۔

ملکہ وِکٹوریہ جس طرز کی بگّھی استعمال کرتی تھی وہ بگّھی بعد ازاں پوری سلطنت میں عوامی سواری بنی اور وہ وِکٹوریہ کہلائی‘ یا وِکٹوریہ تانگہ کہلایا ۔ برطانیہ میں بہادری کا سب سے بڑا اعزاز آج بھی وِکٹوریہ کراس کہلاتا ہے۔

اور دنیا میں پروٹوکول کا جدید نظام بھی ملکہ وکٹوریہ نے وضع کیا تھا ۔

ملکہ نے *وی آئی پی* اور *وی وی آئی پی* کی باقاعدہ کیٹگریز بنوائی تھیں اور اس کی پوری سلطنت میں لوگوں کو ان کیٹگریز کے تحت سرکاری پروٹوکول دیا جاتا تھا۔

انگریز دٙور میں تحصیل کی سطح پر *کُرسی نشین* اور *سفید پوش* دو اِعزازی عُہدے ہوتے تھے۔

*کُرسی نشین کا ٹائیٹل گاؤں کے اُس شخص کو مذِلتا تھا جو انگریز کو گھوڑے‘ فوجی اور مُخبری دیتا تھا‘*

کذُرسی نشین کو سرکاری دفاتر میں سرکاری افسروں کے سامنے کرسی پر بیٹھنے کی اِجازت ہوتی تھی۔
جب کہ باقی لوگ زمین پر بیٹھتے تھے یا زیادہ سے زیادہ افسر کے سامنے کھڑے ہو سکتے تھے۔

*جب کہ سفید پوش وہ معزّز لوگ ہوتے تھے جِنھیں سرکار اُن کی وفاداریوں سے خوش ہو کر ہر سال سفید رنگ کے دو جوڑے عنایت کرتی تھی اور یہ لوگ یہ کپڑے پہن کر سرکاری دفتروں میں جاتے تھے۔*

سرکاری پروٹوکول سفید پوشوں اور کُرسی نٙشینوں سے شروع ہوتا تھا اور ملکہ تک جاتا تھا۔

اُس دٙور میں سرکار لمبڑ دار‘
کانسٹیبل اور پٹواری سے شروع ہوتی تھی‘ وائسرائے تک جاتی تھی۔ یہ وائسرائے ملکہ کے گورے غلام ہوتے تھے۔

ان لوگوں کو کیا کیا پروٹوکول حاصل تھا ، یہ تمام معلومات ایک سرکاری ڈائری میں درج ہوتی تھیں۔

یہ ڈائری *’’بلیو بُک‘‘* کہلاتی تھی۔

یہ بلیو بُک ڈپٹی کمشنر کے قبضے میں رہتی تھی‘ وہ اسے سرکاری تجوری میں رکھتا تھا اور اس کے علاوہ کوئی شخص اس ڈائری کو ہاتھ نہیں لگا سکتا تھا۔

ڈِپٹی کمشنر تبادلے کے بعد اس وقت تک چارج نہیں چھوڑ سکتا تھا جب تک وہ بلیو بُک نئے ڈِپٹی کمشنر کے حوالے نہیں کر دیتا تھا۔

ملکہ کا ایک حُکم سلطنت کی بلیو بُک بدل دیتا تھا ۔ مُلک کے تمام معزّزین ذلیل ہو جاتے تھے اور ذلیلوں کو درجے مِل جاتے تھے۔

ملکہ وِکٹوریہ نے جُون 1887ء میں اپنی تاج پوشی کی گولڈن جوبلی منائی۔

ملکہ کی گولڈن جوبلی کی تقریبات پوری سلطنت میں منائی گئیں۔

ان تقریبات میں دو اہم ترین چیزیں شامل تھیں ۔
*ایک* ملکہ نے اپنی سلطنت کے تمام بڑے شہروں میں اپنے نام کی یادگاریں بنوائیں۔

یہ یادگاریں آج بھی برطانوی راج کے تمام بڑے شہروں میں موجود ہیں ۔ کراچی کی ایمپریس مارکیٹ ملکہ وِکٹوریہ کی اُسی گولڈن جوبلی کے موقع پر تعمیر ہوئی تھی۔

*دوسرا* لندن سے ہندوستان تک ملکہ کے نام سے *جوبلی مِشعل* نِکلی۔

اس مِشعل نے ملکہ کی پوری سلطنت کا چکر لگایا۔

یہ مختلف مُلکوں اور مختلف علاقوں سے ہوتی ہوئی ہندوستان پہنچی۔

مِشعل ہندوستان کے ایک ضلعے میں آتی ، ضِلع بھر کے لوگ ڈھول تاشوں سے اس کا استقبال کرتے ، آتش بازی کا مظاہرہ ہوتا ۔ گانے گائے جاتے اور ڈانس کیے جاتے۔
یہ مشعل اس عالم میں پورے ضلع کا چکر لگاتی ۔

مِشعل کا چکر مکمل ہونے کے بعد ڈِپٹی کمشنر ضلع کی سرحد پر پہنچ کر مِشعل دوسرے ضلع کے ڈذِپٹی کمشنر کے حوالے کر دیتا۔
مِشعل کا اگلا سفر شروع ہو جاتا۔

یہ مِشعل ہندوستان کے مختلف عِلاقوں سے ہوتی ہوئی پنجاب پہنچی *تو پنجاب حکومت نے جوبلی کے نام سے ایک طویل پنجابی گانا تیار کروایا۔*

یہ گانا قصور کے دو بھائیوں نے تیار کیا تھا ۔۔ یہ اٙن پڑھ تھے۔

جوبلی کا لفظ اُن کے مُنہ پر نہیں چڑھتا تھا چنانچہ اُنھوں نے جوبلی کو *جُگنی* بنا دیا۔

ان نا معلوم فنکاروں نے اس *جُگنی )جُوبلی(* میں پنجاب کے تمام عِلاقوں کی ثٙقافت بیان کی۔

"جُگنی گئی ملتان"
یعنی جوبلی کی مِشعل ملتان چلی گئی۔

"جُگنی گئی گُجرات" ۔۔ وغیرہ وغیرہ

یہ جُگنی اُس دور میں پورے ہندوستان میں مشہور ہوگئی ۔ملکہ وِکٹوریہ کو مرے ہوئے 113 سال ہو چکے ہیں لیکن اُس کی *جُگنی* آج تک ہندوستانی پنجاب اور پاکستانی پنجاب دونوں میں زندہ ہے۔

دنیا سے صرف ملکہ وِکٹوریہ رُخصت نہیں ہوئی بلکہ اس کی سلطنت بھی آہستہ آہستہ بند مُٹھی کی ریت کی طرح زمین پر بِکھر گئی۔
اور آج برطانیہ صِرف برطانیہ تک محدود ہو چکا ہے۔

اب سوال یہ ہے دنیا کی اتنی بڑی سلطنت ختم کیسے ہو گئی ۔ وہ برطانیہ جِس کی ملکہ کی مِشعل 68 ممالک میں گُھمائی گئی تھی ؟؟

وہ برطانیہ آج صرف دو لاکھ 43 ہزار 6 سٙو 10 مُربّع کِلومیٹر تک محدود ہو کر کیوں رہ گیا؟

اس زوال کی بے شمار وجوہات میں سے ایک وجہ گوروں کی بلیو بُک اور پروٹوکول بھی تھا۔

گوروں نے انسان کو اسٹیٹس کی لاتعداد ٹِکٹِکیوں پر لٹکا دیا تھا ۔ بادشاہ اور ملکہ سے پروٹوکول شروع ہوتا تھا اور وائسرائے تک آتا تھا اور وائسرائے سے اُس کی کونسل کے ارکان تک جاتا تھا ۔

وہاں سے سٙر کے خطاب حاصل کرنے والے لوگوں تک آتا تھا اور وہاں سے ہوتے ہوئے سفید پوشوں اور کرسی نشینوں تک جاتا تھا۔

*یہ جِس شخص کو وفاداری اور حُب الوطنی کا پروانہ جاری کرتے تھے صرف وہی شخص وفادار اور حُب الوطن ہوتا تھا۔*

باقی تمام مشکُوک سمجھے جاتے تھے اور انھیں اس شک کی بنیاد پر کِسی بھی وقت گرفتار کیا جا سکتا تھا ۔ گولی ماری جا سکتی تھی ۔

سرکار کے ظُلم کی حالت یہ تھی کہ بریگیڈیئر جنرل ڈائر نے 13 اپریل 1919ء کو امرتسر کے جٙلیانوالہ باغ میں گولی چلا کر 370 لوگ قتل کر دئیے اور کوئی شخص اس کا ہاتھ نہ روک سکا۔
کیوں؟

کیونکہ جنرل ڈائر کو ملکہ کے عنایت کردہ اختیارات کے مطابق گولی چلانے کا اختیار حاصل تھا۔

چنانچہ اس نے یہ اختیار استعمال کیا اور سرکار نے عوامی ردِ عمل کے بعد جنرل ڈائر کو بطور سزا لندن واپس بِھجوا دیا اور یہ سزا 370 لوگوں کے قتل کی سزا تھی۔

یہ وہ پروٹوکول اور یہ وہ بے لگام اختیارات تھے جنہوں نے برطانیہ کے نہ ڈوبنے والے سورج کو تاریخ کے سیاہ سمندر میں ڈُبکی دے کر بُجھا دیا۔

*برطانیہ نے تاریخ کے اس خوفناک زوال کے بعد چار بڑے فیصلے کیے۔*

*پہلا فیصلہ پروٹوکول کا خاتمہ تھا*
برطانیہ نے لوگوں کے درجے ختم کر دئیے ۔

آج برطانیہ میں شاہی خاندان موجود ہے لیکن اُن کی شہنشاہیّت صِرف مٙحل تک محدود ہے۔

*یہ لوگ جوں ہی محل سے باہر آتے ہیں*
عام برطانوی لوگوں اور اُن میں کوئی فرق نہیں رہتا ۔ اُنھیں بھی سڑک پر روکا جاتا ہے ۔ اُن کا بھی چالان ہوتا ہے اور اُنھیں بھی عدالت میں پیش ہونا پڑتا ہے۔

وزیراعظم اور وُزراء بھی عام شہریوں کی طرح سڑکوں پر پھرتے ہیں ، یہ عام ٹرینوں اور بسوں میں سفر کرتے ہیں ، عام جہازوں کی اِکانومی کلاس میں سوار ہوتے ہیں۔

برطانیہ کے وزراء اعظم گذشتہ 282 سال سے تین بیڈ روم کے گھر 10 - ڈاؤنِنگ اسٹریٹ میں رہ رہے ہیں۔

مُلک کے کِسی وزیرِ اعظم کو 282 سالوں میں کوئی بڑی رہائش گاہ نصیب نہیں ہوئی ۔

شاھی خاندان کے پاس درجنوں محلّات تھے۔ ہر محل کے اندر ہزار ہزار ایکڑ کا باغ تھا۔

لیکن پھر یہ تمام باغ عوامی پارک بنا دیے گئے۔
اٙسّی فِیصد محلّات بھی آج میوزیم ہیں اور سیاح روزانہ ان کی سیر کرتے ہیں۔

مُلک میں آرمی چیف ہو‘ پولیس چیف ہو یا چیف جسٹس ہو ، کِسی کو کوئی پروٹوکول حاصل نہیں۔

یہ لوگ اپنے دفاتر کے باہر عام شہری ہیں۔

*دوسرا فیصلہ قانون کی حکمرانی تھا*

برطانیہ میں کوئی شخص قانون سے مضبوط اور بالاتر نہیں۔
برطانیہ نے فیصلہ کیا ہمارے ملک میں قانون مضبوط ہو گا اور کوئی عُہدہ یا کوئی شخصیّت اس سے بالاتر نہیں ہو گی۔

*تیسرا فیصلہ جمہوریت تھا*
ُملک کے تمام اختیارات کا ماخذ عوام ہیں۔
عوام پارٹی یا شخصیّت کو مٙینڈیٹ دیتے ہیں۔
اور کِسی شخص یا عُہدیدار کو یہ مٙینڈیٹ چوری کرنے کا حق نہیں ، مُلک میں جعلی ووٹ یا دھاندلی کا سوال تک پیدا نہیں ہوتا۔

برطانیہ میں پچھلے سٙو سال میں الیکشن دھاندلی کا کوئی اِلزام نہیں لگا.

*چوتھا اور آخری فیصلہ لیڈر شِپ تھا۔*

یہ لوگ صرف اس شخص کو حقِ حُکمرانی دیتے ہیں جو ذہنی‘ تعلیمی‘ اخلاقی اور جِسمانی لحاظ سے شاندار ہوتا ہے۔

ان کے کِسی سیاستدان پر اٙنا‘
ضِد یا ہٙٹ دٙھرمی یا نقل‘
جعلی ڈگری یا بے ایمانی‘
چوری‘ ٹیکس چوری‘ جھوٹ یا کسی بڑی بیماری کا اِلزام لگ جائے تو اس کا سیاسی کیریئر ختم ہو جاتا ہے ‘ یہ سیاست کے ایوانوں سے فارغ ہو جاتا ہے۔

یہ وہ چار فیصلے ہیں ۔۔
جِن کی وجہ سے تاجِ برطانیہ صرف برطانیہ بننے کے باوجود دُنیا کی پانچویں بڑی طاقت ہے اور دنیا بھر کے حکمران برطانیہ کے وزیراعظم اور ملکہ سے ہاتھ مِلانا اِعزاز سمجھتے ہیں۔

میں نے اکثر اپنے مُلک کے مختلف اٙدوار کے وزیرِ اعظم اور وُزراء کو 10 - ڈاؤننگ اسٹریٹ میں برطانوی وزیرِ اعظم کے گھر کے دروازے پر کھڑا دیکھا۔

برطانوی وزیرِ اعظم نے باہر نِکل کر اِستقبال کیا۔ برطانوی وزیرِ اعظم نے اپنے ہاتھ سے دروازہ کھولا اور ہمارے وزیرِ اعظم کو اندر لے کر گئے۔

*کیا ہمارے وزیراعظم نے اس منظر سے کچھ سِیکھا؟* 🤔

میرا خیال ہے نہیں سیکھا ہو گا۔
کیونکہ ہمارے کِسی حُکمران نے آج تک ان مناظر سے کچھ نہیں سیکھا۔

*یہ لوگ سیکھ سکتے تو آج ملک کی یہ حالت نہ ہوتی*

*یہ لوگ آج بھی جُگنی کے اس پروٹوکول سے باہر نہیں آئے*

جس کو برطانیہ نے دوسری جنگ عظیم کے بعد مکمل طور پر ترک کر دیا تھا۔

ہمارے ملک میں آج بھی کُرسی نشین اور سفید پوش موجود ہیں ۔ پوری ریاست انھیں سیلوٹ کرتی ہے۔
اور یہ لوگ جب تک سِسٹم کا حِصّہ رہیں گے ، ہم اس وقت تک زوال کے عذاب سے نہیں نکل سکیں گے ۔

ہمارا وزیرِ اعظم جب تک 10 ڈاؤنِنگ اسٹریٹ جیسے تین کمروں کے مکان میں شِفٹ نہیں ہوتا اور یہ اپنے ہاتھ سے دروازے نہیں کھولتا ، ہم اس وقت تک جُگنی کے دٙور میں زندہ رہیں گے‘

*ہم پر اس وقت تک اس بلیو بُک کی حکومت رہے گی جس نے برطانیہ جیسی سلطنت کو تباہ کر دیا تھا*

*Copied and shared as a good message*

🔷🔷🔷🔷🔷🔷