میں نے دروازہ بند کیا اور نہ چاہتے ہوۓ اس کتاب کو کھولا۔ پھر جو کتاب کو پڑھنا شروع کیا آنسوؤں سے میری آنکھیں ڈبڈبا گئیں۔ میرے اندر ایک انقلاب برپا ہو چکا تھا میں جان‌ گئی تھی کہ اللہ تعالیٰ مجھ سے واقعتاً بہت پیار کرتا ہے میں‌ نے کرسی اور پھندا پھینک دیا کیونکہ اب مجھے سہارا مل گیا تھا
اب مجھے زندگی کی قیمت سمجھ میں آچکی تھی۔

آج میں خود کو خوش قسمت سمجھتی ہوں کہ میں نے اپنے مالک حقیقی کو پہچان‌ لیا۔

اس کتاب پر دیے گئے پتہ کی وجہ سے میں یہاں پہنچ سکی ہوں میں آپ کا شکریہ کرنے کے لئے یہاں آئی ہوں۔

میں اس چھوٹے فرشتے کا شکریہ کرنا چاہتی ہوں جو مسیحا بن کر مجھے دوزخ کہ دھانے سے بچا لایا ہے۔

مسجد میں چہار جانب سے آنکھیں اشک بار تھیں۔ تکبیرات کی صداؤں سے پوری مسجد گونج اٹھی۔

اللہ اکبر الله أكبر

امام‌ صاحب جو اس ننھے فرشتے کے والد تھے منبر سے اتر کر لپک پہلی صف میں موجود اپنے لخت جگر بیٹے سے چمٹ گئے اور زور زور سے رونے لگے۔

انھیں احساس ہو چلا تھا کہ اس مجمع میں اس جیسا کوئی خوش قسمت باپ نہیں جس کا بیٹا اصلی ہیرے موتی چن رہا ہے۔

اسے یہ بھی محسوس ہورہا تھا کہ میں نے مجبوری اور عذر بیان‌کیا لیکن‌ اس کے بیٹے کے اندر لوگوں کی ہدایت کے تئیں ایسے جذبات ہیں کہ اب وہ شرم محسوس کر رہا ہے۔

🔘 واقعہ تو ختم ہوا البتہ ہمارے لئے اس میں اہم اسباق ہیں۔

ہر کوئی اپنے آپ سے یہ سوال کرلے کہ کیا ہم‌ نے کبھی اس طرح لوگوں کو آگ سے بچانے کی کوشش کی ہے؟
کیا ہمارے سینے میں وہ درد و کسک ہے جو ہمارے پیارے نبیﷺ کو لوگوں کی ہدایت کے لئے تھی یا جو اس ننھے سے بچے کے دل میں تھی؟

کیوں نہ ہم‌ عہد کر لیں کہ جہاں جیسے جب بھی موقع ملے اپنے محدود وسائل کو بروۓ کار لاکر دعوت الیٰ اللہ کے فریضے کے ساتھ جڑ جائیں۔

اللہ تعالیٰ ہم‌ سب کو توفیق عطاء کرے آمین

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/4997
⭕ ISLAM WITH EMAN ⭕

🔷 آشوب چشم 🔷

لاہور سمیت پنجاب میں آشوب چشم کا پھیلاؤ تیزی سے جاری ہے۔ محکمہ صحت پنجاب نے صوبے بھر کے لیے گائیڈ لائنز جاری کر دیں۔

محکمہ صحت پنجاب کا کہنا ہے کہ آنکھوں کے انفیکشن سے شہری متاثر ہو رہے ہیں۔

انفیکشن کے حوالے سے محکمہ صحت کا کہنا ہے کہ کھانسی، چھینک اور ہاتھ لگانے سے وائرس منتقل ہوتا ہے۔

محکمہ صحت پنجاب کا کہنا ہے کہ ہینڈ سینیٹائزرز کا استعمال لازمی شروع کر دیا جائے۔

حفاظتی تدابیر اپنانے کا مشورہ دیتے ہوئے محکمہ صحت پنجاب کا کہنا ہے کہ ہاتھ دھوئے بغیر آنکھوں کو ہاتھ مت لگائیں۔

محکمہ صحت پنجاب کے مطابق آنکھوں کے انفیکشن والے مریض کی چیزیں استعمال نہ کی جائیں۔ مریض کا تکیہ، کپڑے، ادویات، عینک کو الگ رکھا جائے۔ مریض انفیکشن کے دوران چہرے کے استعمال کی چیزوں کو دوبارہ استعمال نہ کریں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 بدگمانی کا نصیحت آموز واقعہ 🔷

حضرت بایزید بسطامی رحمۃ اللہ علیہ ایک دفعہ عصر کی نماز کے بعد شہر کے کنارے چہل قدمی کر رہے تھے کہ ایک کنارے دو جوان لڑکا لڑکی بیٹھے ہوئے تھے اور ان کے آگے ایک بوتل رکھی ہوئی تھی حضرت نے سمجھا کہ یہ دونوں شام ڈھلنے کے انتظار میں ہیں اور بدکاری کرنے والے ہیں اور ان کے سامنے شراب رکھی ہوئی ہے سوچا کہ جاکر ذرا ان سے پوچھ لوں...

جب لڑکے سے دریافت کیا تو وہ کہنے لگا کہ یہ میری بہن ہے ہم دونوں روزے سے ہیں اور سورج غروب ہونے کے انتظار میں ہیں بوتل میں زمزم ہے اور ہم سید خاندان سے ہیں...

شیخ فرماتے ہیں کہ میری آنکھوں میں آنسو آگئے اور اپنے آپ کو خوب ملامت کیا پھر ان کو گھر لے جاکر خوب اکرام کیا...

🔘 کسی سے نفرت کی وجوہات میں سے ایک وجہ بدگمانی بھی ہے کیونکہ اتنی توفیق نہیں ہوتی کہ پوچھ لیں کہ یہ کام آپ نے کیوں کیا ہے یا کیا بھی ہے کہ نہیں... بس بدگمانی کرنا شروع کر دیتے ہیں لہٰذا بدگمانی کرنے سے پہلے اتنی زحمت کرلیں کہ ایک دفعہ خود بھی وجہ پوچھ لیں تاکہ تسلی ہو... اور ہمیشہ کی نفرت سے نجات ملے...!!!

منقول۔۔۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 رپوٹ او کے 🔷

ایک بادشاہ نے رات کو گیدڑوں کی آوازیں سنیں تو صبح وزیروں سے پوچھا کہ رات کو یہ گیدڑ بہت شور کر رہے تھے ۔۔۔ کیا وجہ ہے ؟؟

اس وقت کے وزیر عقل مند ہوتے تھے۔ انھوں نے کہا جناب کھانے پینے کی چیزوں کی کمی ہو گی اس لیے فریاد کر رہےہیں ۔۔۔

تو حاکم وقت نے آرڈر دیا کہ ان کا بندوبست کیا جائے۔

وزیر صاحب نے کچھ مال گھر بھجوا دیا اور کچھ رشتہ داروں اور دوستوں میں تقسیم کیا۔۔۔

اگلی رات کو پھر وہیں آوازیں آئیں تو صبح بادشاہ نے وزیر سے پوچھا کہ کیا کل آپ نے سامان نہیں بھجوایا۔؟

تو وزیر نے فوری جواب دیا کہ جی بادشاہ سلامت بھجوایا تو تھا ۔۔۔

اس پر بادشاہ نے فرمایا کہ پھر شور کیوں ؟؟؟

تو وزیر نے کہا جناب سردی کی وجہ سے شور کر رہےہیں۔

تو بادشاہ نے آرڈر جاری کیا کہ بستروں کا انتظام کیا جائے۔

وزیر نے حسب عادت کچھ بستر گھر بھیج دیئے اور کچھ رشتہ داروں اور دوستوں میں تقسیم کیے۔۔۔

جب پھر رات آئی تو بدستور آوازیں آنا شروع ہوگئیں تو بادشاہ کو غصہ آیا اور اسی وقت وزیر کو طلب کیا کہ کیا بستروں کا انتظام نہیں کیا گیا۔۔۔

تو وزیر نے کہا کہ جناب وہ سب کچھ ہو گیا ہے تو بادشاہ نے فرمایا کہ پھر یہ شور کیوں۔؟؟؟

تو وزیر نے اب بادشاہ کو تو مطمئن کرنا ہی تھا اور اوکے رپورٹ بھی دینی تھی تو وہ باہر گیا کہ پتہ کرکے آتا ہوں ۔۔۔

وزیر جب واپس آیا تو مسکراہٹ لبوں پر سجائے ادب سے عرض کیا کہ بادشاہ سلامت یہ شور نہیں کر رہے ... بلکہ آپ کا شکریہ ادا کر رہے ہیں ... اور روزانہ کرتے رہیں گے۔

بادشاہ سلامت یہ سن کے بہت خوش ہوا اور وزیر کو انعام سے بھی نوازا...!!!!

🔘 اب یہی حال ہمارے ملک کا بھی ہے۔ ملازمین و عوام مہنگائی سے پریشان ہیں مگر یہاں رپورٹ سب او کے دی جا رہی ہے اور بادشاہ سلامت خوش ہیں...!

منقول۔۔۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/4996
⭕ ISLAM WITH EMAN ⭕

🔷 احمق 🔷

کم عقل، بے خِرد، بیوقوف، نادان، ناسمجھ کے بارے میں امام جعفر صادق علیہ السلام فرماتے ہیں کہ اللہ تعالیٰ نے احمق سے بدتر اور کوئی مخلوق پیدا نہیں کی کیونکہ عقل جو بہترین چیز ہے وہ اس سے محروم ہے۔

🔹 ایک شخص نے کسی کے بارے میں امام صادقؑ سے عرض کیا: فلاں شخص بڑا عابد و زاہد، نیک و پارسا اور فلاں فلاں خوبیوں کا مالک ہے۔ اسطرح اس نے اس کی خوبیوں کی ایک لمبی چوڑی فہرست گِنوا دی، اس پر امامؑ نے اس سے پوچھا کہ اس کی عقل کیسی ہے۔؟

کہا: یہ تو میں نہیں جانتا۔

امامؑ نے فرمایا: ہر شخص کے کام کی قدر و قیمت اس کی عقل کے مطابق ہوتی ہے۔ اور اعمال کی جزا اسی معیار کے مطابق ملتی ہے۔چنانچہ بنی اسرائیل کا ایک شخص کسی سرسبز اور شاداب جزیرہ میں خدا کی عبادت میں مشغول ہوتا تھا۔ ایک فرشتے کا وہاں سے گزر ہوتا تھا جسے دیکھ کر فرشتہ بہت ہی متأثر ہوتا تھا۔ ایک دن اس نے پروردگار کی خدمت میں عرض کیا کہ خداوندا! اس عابد کا مقام و منزلت مجھے دکھا۔

چنانچہ جب اسے بہشت میں اس جگہ کی نشاندہی کی گئی تو وہ نہایت ہی پست اور ناقابل اعتنا تھی۔

اس نے عرض کیا: پروردگارا! اس قدر عبادت اس کے اس مقام و منزلت کے مطابق تو نہیں ہے۔

اللہ تعالیٰ نے اسے حکم دیا کہ کچھ عرصہ تم اس کے ہمنشین رہ کر اس سے گفتگو کرو۔

فرشتہ ایک انسانی صورت میں اسکے پاس گیا، عابد نے اس سے پوچھا کہ تم کون ہو؟

اس نے کہا میں ایک عبادت گزار ہوں، میں نے تمہاری عبادت کی شہرت سنی ہے چاہتا ہوں کہ کچھ عرصہ تمہارے پاس رہوں۔

اور وہ روز و شب اس کے ساتھ رہنے لگا۔

دوسرے دن فرشتے نے اس شخص سے کہا: یہ جگہ عبادت کیلئے نہایت ہی مناسب ہے۔

عابد نے کہا: جگہ تو بہت اچھی ہے لیکن افسوس اس بات کا ہوتا ہے کہ یہاں کی گھاس خواہ مخواہ ضائع ہو رہی ہے۔ کاش کہ ہمارے خدا کا گدھا ہوتا اور ہم اس مرغزار میں اسے چرایا کرتے۔

فرشتے نے اس بات سے اس کی عقل کا اندازہ لگالیا اور اسے چھوڑ کر چلدیا۔

🔹 حضرت امام محمد باقرؑ سے منقول ہے کہ میں اپنے والد کی زندگی میں ایک مرتبہ عازم سفر ہوا۔ انہوں نے مجھے نصیحت کے طور پر فرمایا:

"بیٹے! مبادا کہ کسی احمق کے ساتھ سفر اختیار کرو یا اس کے ساتھ رہن سہن رکھو۔ اور ہرگز ایسے شخص سے نہ لڑنا، کیونکہ احمق اگر بات بھی کرے گا تو اسکی حماقت اسے رسوا کریگی۔ اگر سکوت اختیار کریگا تو اسکی خاموشی بے موقع ہوگی۔ اگر کوئی کام انجام دیگا تو اسے صحیح طریقے سے منظم نہیں کر سکے گا۔ جب کوئی کام اسکے ذمہ لگاؤ گے تو وہ اسے خراب کر دیگا۔ نہ تو وہ خود اپنی طرف سے کچھ جانتا ہے اور نہ ہی دوسروں کی معلومات اس کیلئے سود مند ہو سکتی ہیں۔ کسی ناصح کی بات کو نہیں مانتا۔ اسکے ساتھی اور ہمراہی ہمیشہ اس سے نالاں رہتے ہیں۔ اسکی ماں کی آرزو ہوتی ہے کہ اے کاش کہ اسکے سوگ میں بیٹھتی۔ اس کی رفیق زندگی کی خواہش ہوتی ہے کہ کاش اسے موت آجاتی۔ اس کا ہمسایہ کہتا ہے کاش کہ اس کا گھر اس سے دور ہوتا اور ایسے شخص کا ہمسایہ نہ ہوتا۔ اسکے ہمنشین کی آرزو ہوتی ہے کہ اے کاش وہ تنہا ہوتا اور ایسا شخص اس کا ساتھی نہ ہوتا۔ اگر کسی محفل میں ہوتا ہے اگر دوسروں سے چھوٹا ہے تو بڑوں کو خاموش رہنے پر مجبور کر دیتا ہے اور اگر بڑا ہے تو دوسروں کی تباہی کا موجب ہوتا ہے۔‘‘

🔹 ایک دن حضرت رسولِخداؐ کے سامنے کسی شخص کا ذکر چل نکلا کہ وہ ایسا آدمی ہے جس میں تمام خوبیاں پائی جاتی ہیں۔

حضرتؐ نے فرمایا: اس کی عقل کے بارے میں بات کرو۔

لوگوں نے کہا: یارسول اللہ! ہم اس کی نیکیوں اور خوبیوں کے بارے میں بات کر رہے ہیں اور آپ اس کی عقل کے بارے میں بات کر رہے ہیں۔

حضورؐ نے فرمایا: کیا تم نہیں جانتے کہ احمق اپنی حماقتوں کی وجہ سے اسقدر خرابی پیدا کر دیتا ہے کہ عقلمند اپنے فسق کی وجہ سے بھی اسقدر خرابیاں پیدا نہیں کرسکتا۔

🔹 حضرت امام جعفر صادقؑ سے مروی ہے کہ حضرت عیسیٰ بن مریم علیہ السلام فرمایا کرتے تھے کہ ’’میں نے ہر بیمار کا علاج کیا ہے اور حکمِ خدا سے اسے شفا دی ہے، گونگے اور کوڑھی کا علاج بھی کیا ہے، مُردوں کو بھی حکمِ خدا سے زندہ کیا ہے لیکن اپنی تمام تر کوششوں کے باوجود احمق کا علاج نہیں کرسکا۔‘‘

کسی نے پوچھا یا روح اللہ! احمق کون ہوتا ہے؟

فرمایا: وہی جو اپنے آپ کو سب کچھ سمجھتا ہے اور اپنی فکر کے برابر کسی کی فکر نہیں سمجھتا۔ ہر خصوصیت کا اپنے لئے قائل ہوتا ہے اور ہمیشہ لوگوں کو اپنا مدیون سمجھتا ہے اور کبھی خود کو مدیون نہیں سمجھتا۔ یہ ایک ایسا احمق ہے کہ جس کی بیماری کا کوئی علاج نہیں۔‘‘

🔹 حضرت امام جعفرصادقؑ فرماتے ہیں کہ اللہ تعالیٰ نے احمق کی روزی بھی زیادہ قرار دی ہے تاکہ عقلمند اس سے نصیحت حاصل کریں اور انہیں معلوم ہو کہ مال دنیا کو عقل کے ذریعہ حاصل نہیں کیا جا سکتا۔

📚 بحارالأنوار

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/1317
⭕ ISLAM WITH EMAN ⭕

🔷 غور و فکر سے کام لینا 🔷

🌹 حضرت علی علیہ السلام:
١۔ عقل کی جڑ فکر ہے اور اس کا پھل سلامتی ہے۔

٢۔ جب تم اپنے افعال میں سب سے پہلے غور و فکر سے کام لو گے تو تمہارا انجام اچھا ہو گا۔

٣۔ غور و فکر سے تاریکیوں میں ڈوبے ہوئے امور بھی روشن ہو کر سامنے آ جاتے ہیں۔

٤۔ اگر تم روزانہ غور و فکر سے کام لو تو تمہیں عبرت کا فائدہ حاصل ہو۔

٥۔ دائمی غور و فکر اور دور اندیشی لغزشوں سے بچاتی اور تبدیلیوں سے نجات دلاتی ہے۔

٦۔ بہت شرافت والی آنکھ ''باقی'' کو ''فانی'' سے جدا کرتی ہے۔

٧۔ غور و فکر کی فضیلت بار بار کے دہرانے اور سبق کی صورت میں یاد کرنے کی فضیلت سے مفید ہے۔

٨۔ جو شخص جو کچھ پڑھ لیتا ہے اس میں جتنا زیادہ غور و فکر کرے گا اس کا علم اتنا ہی پختہ ہو گا اورجو کچھ نہیں سمجھا تھا اسے بھی سمجھ لے گا۔

٩۔ جس کی خوراک کم ہوگی اس کی فکر اور سوچ بھی صاف اور شفاف ہو گی۔

١٠۔ جس کی سوچ ہر وقت گناہوں میں لگی رہتی ہے، گناہ اسے اپنی طرف بلاتے رہتے ہیں۔

١١۔ جس کی سوچ لذتوں کی طرف زیادہ ہوتی ہے، لذتیں اس پر غالب آجاتی ہیں۔

١٢۔ حکمت اور دانائی کے معاملات سے ہٹ کر کسی اور بات میں سوچ بچار دماغ کاخلل ہے۔

١٣۔ خداوند متعال کی صفت میں غور و فکر کرنے سے بڑھ کر کوئی اور عباد ت نہیں۔

🌹 حضرت امام حسن علیہ السلام:
١٤۔ غور و فکر سے کام لیکر صاحب بصیرت لوگوں کے دل زندہ رہتے ہیں۔

🌹 حضرت امام جعفر صادق علیہ السلام:
١٥۔ افضل عبادت یہ ہے کہ ہمیشہ اللہ تعالیٰ اور اس کی قدرت کے بارے میں غور و فکر سے کام لیاجائے۔

١٦۔ حضرت ابوذر غفاریؓ کی اکثر عبادت غور و فکر اور عبرت آموز تھی۔

١٧۔ ایک گھڑی کی سوچ و بچار ایک سال کی عبادت سے بہتر ہے۔

📚 حوالہ جات
1 تا 12۔ غررالحکم
13۔ بحارالانوار، جلد٧١، ص٣٢٤۔
14۔ بحارالانوار، جلد٧٨، ص١١٥۔
15۔ بحارالانوار، جلد٧۱، ص٣٢١۔
16۔ بحارالانوار، جلد٧١، ص٣٢۳۔
17۔ بحارالانوار، جلد٧١، ص٣٢٧۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/5003
⭕ ISLAM WITH EMAN ⭕

🔷 حجاج بن یوسف کا انجام 🔷

حجاج کی موت کے بعد جب قیدیوں کو شمار کیا گیا تو ان میں ایک لاکھ بیس ہزار مرد اور بیس ہزار عورتیں تھیں اور ان میں چار ہزار ایسی عورتیں تھیں جن کے جسم پر لباس نہیں تھا اور یہ قیدی ایک ہی چار دیواری میں قید تھے قید خانہ کی چھت نہیں تھی جب کوئی قید گرمی سے بچنے کے لیے اپنے ہاتھ سے اپنے چہرے کا سایہ بناتا تو زندان کے سپاہی اسکو پتھر مارتے تھے۔ انہیں جو کی روٹی میں ریت ملا کر کھانا دیا جاتا اور پینے کے لیے انہیں کڑوا پانی دیا جاتا.

حجاج لعین بے گناہ افراد اور اور بالخصوص سادات کے خون بہانے کو اعزاز سمجھتا تھا
ایک مرتبہ اس ملعون نے روزہ رکھنا چاہا تو نوکروں کو حکم دیا کہ اس کے لیے من پسند سحری اور افطاری کا انتظام کیا جائے چناچہ اشارہ فہم نوکروں نے اس کے لیے ایسی روٹیاں تیار کیں جنہیں سادات کے خون سے گوندھا گیا تھا۔ اس لعین نے انہی روٹیوں سے سحری افطاری کی۔

اس ملعون کو ہمیشہ اس بات کا دکھ رہتا تھا کہ وہ کربلا میں موجود نہ تھا ورنہ وہ شمر سے بھی بڑھ کر ظلم کرتا۔

حجاج نے کوفہ و بصرہ کے درمیان شہر واسط کی بنیاد رکھی تھی جہاں وہ نو ماہ سے زیادہ قیام نہ کر سکا اور 53 سال کی عمر میں جہنم پہنچ گیا۔

ابن خلکان لکھتے ہیں حجاج کو عرضہ آکلہ لاحق ہو گیا تھا۔ اس کے جسم کے اندر بچھو نما کیڑے پیدا ہو گئے۔ ایک طبیب کو بلایا گیا تو اس نے گوشت کا اک ٹکڑا ریشم کی رسی کے ساتھ باندھا اور حجاج کو کہا وہ اس گوشت کے ٹکڑے کو نگل لے۔ حجاج نے گوشت کا ٹکڑا نگلا اور کچھ دیر بعد ریشم کی ڈور سے اس ٹکڑے کو کھینچا تو اس ٹکڑے پر بہت سارے کیڑے چمٹے ہوئے تھے۔

اللہ تعالٰی نے حجاج کے جسم پر سردی کو مسلط کر دیا۔ اس کے اطراف میں دن رات کوئلوں کی انگھٹیاں جلائی جاتی تھیں لیکن وہ پھر بھی سردی سے چلاتا رہتا تھا۔ اس نے حسن بصری سے اپنے درد و الم کی شکایت کی تو انہوں نے کہا میں نے تجھے بے گناہ افراد اور بالخصوص سادات کے قتل سے بارہا منع کیا تھا لیکن تو باز نہ آیا آج تو اسی کا خمیازہ بھگت رہا ہے۔ حجاج نے کہا میں خدا سے یہ دعا نہیں کرتا کہ وہ مجھے دوزخ سے آزاد فرمائے۔ میری بس اتنی سی دعا ہے جلدی سے میری روح قبض کر لے تاکہ میں دنیا کے درد و الم سے چھٹکارہ حاصل کر سکوں۔

قاضی نور اللہ شوستری مجالس المؤمنین میں لکھتے ہیں موت کے وقت حجاج رونے لگا۔ وزیر نے رونے کا سبب پوچھا تو کہا میں نے لوگوں پر ظلم کیا ہے بالخصوص اولاد پغیمبر پر ظلم کے پہاڑ توڑے ہیں۔

خوشامدی وزیر کہنے لگا امیر آپ کیوں گھبراتے ہیں آپ نے جو کچھ بھی کیا ہے دلیل و برہان کے ساتھ کیا ہے اور اسے کسی طرح بھی ظلم نہیں قرار دیا جا سکتا۔ حجاج نے کہا اگر قیامت کے دن مجھے حکومت دی جائے اور تو اس دن میرا وزیر ہو تو اس دن بھی یہ ہی دلیل و برہان ہمیں کام دے گی۔؟ سنو میں بخوبی جانتا ہوں میری موت کا وقت آچکا ہے اور دوزخ میرا انتظار کر رہی ہے۔ خدا نے چاہا تو دوزخ میں بھی تیری اور میری جوڑی قائم رہے گی۔

📚 تاریخ پند، جلد3، صفحہ164۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🌴 کجھور کے فوائد 🌴

کھجور اپنی افادیت کی وجہ سے غذا کا لازمی حصہ تصور کی جاتی ہے، دنیا بھر میں اکثریت میٹھی ڈشز میں اب بھی کھجور کا استعمال کرتی ہے۔

کھجور مختلف وٹامنز اور معدنیات، توانائی اور فائبر کا ایک بہترین ذریعہ ہے۔ اس میں کیلشیم، آئرن، فاسفورس، پوٹاشیم، میگنیشیم اور زنک بھی وافر مقدار میں موجود ہیں۔

کھجور کو مٹھاس کی بناء پر چینی کا متبادل بھی کہا جاتا ہے۔

اس کے ان بیش بہا فوائد کی بناء پر ماہرین باقاعدگی سے کھجور کھانے پر زور دیتے ہیں۔

🔹 کولیسٹرول میں کمی
کھجور میں کولیسٹرول کی مقدار صفر ہوتی ہے، اسے اپنی روزانہ کی غذا میں شامل کرنے سے آپ کو کولیسٹرول کی سطح پر نظر رکھنے میں نہ صرف مدد مل سکتی ہے بلکہ یہ وزن میں کمی کیلئے بھی بہت مفید ہے۔

🔹 پروٹین کی زیادہ مقدار
پروٹین کی ایک بہترین مقدار کیلئے اپنی غذا میں کچھ کھجوریں شامل کرنا ایک اچھا قدم ہے۔ کھجور پروٹین کا ایک مضبوط ذریعہ ہے جو ہمیں فٹ رہنے میں مدد کرتا ہے۔ یہ ہمارے پٹھوں کو بھی مضبوط رکھتا ہے۔

ماہرین باقاعدگی سے جم جانے والے افراد کو روزانہ کی بنیاد پر کچھ کھجوریں کھانے پر زور دیتے ہیں۔

🔹 وٹامنز سے بھرپور
کھجور میں وٹامن بی 1، بی 2، بی 3 اور بی 5 کے ساتھ ساتھ وٹامن اے 1 اور سی بھی شامل ہوتے ہیں۔

یہ نہ صرف آپ کو صحت مند رکھیں گی بلکہ آپ کی توانائی کی سطح میں بھی نمایاں تبدیلی آئے گی۔

چونکہ کھجور میں گلوکوز، سوکروز اور فرکٹوز جیسی قدرتی شکر بھی ہوتی ہے، یہ ناشتے میں بھی کھائی جاسکتی ہے۔

🔹 ہڈیوں کی صحت میں بہتری
کھجور ہڈیوں کی صحت کے لیے بھی حیرت انگیز کام کرتی ہے۔ کھجوریں سیلینیم، مینگنیز، کاپر اور میگنیشیم سے بھرپور ہوتی ہیں جو ہماری ہڈیوں کو صحت مند رکھنے اور آسٹیوپوروسس جیسی بیماری کو روکنے میں اہم کردار ادا کرتی ہیں۔

🔹 اعصابی نظام کی مضبوطی
کھجور پوٹاشیم سے بھرپور ہوتی ہیں، سوڈیم کی تھوڑی مقدار اعصابی نظام کو مضبوط رکھنے میں اہم کردار ادا کرتی ہے۔

پوٹاشیم کولیسٹرول کو کم کرنے میں مدد کرتا ہے اور فالج کے خطرات کوبھی کنٹرول میں رکھتا ہے۔

🔹 آئرن سے بھرپور
دانتوں کو صحت مند رکھنے والے فلورین کے علاوہ کھجور میں آئرن بھی ہوتا ہے جو آئرن کی کمی کے شکار افراد کے لیے انتہائی مفید ہے۔

آئرن کی شدید کمی خون میں کمی، تھکاوٹ، سانس لینے میں دشواری اور سینے میں درد کا سبب بن سکتی ہے۔

🔹 نطامِ ہاضمہ کو فروغ دیتی ہے
اگر چند کھجوروں کو پانی میں بھگو کر روزانہ کھا لیا جائے تو نظامِ ہاضمہ خود بخود بہتر ہوجاتا ہے۔ یہ فائبر کی زیادہ مقدار کی وجہ سے قبض کے شکار افراد کیلئے بہترین کہا جاتا ہے۔

🔹 جلد کو بہتر بناتی ہے
وٹامن سی اور ڈی جلد کی لچک کیلئے کام کرتے ہیں، یہ چہرے کی جلد کو ہموار بھی رکھتے ہیں۔

جلد کے مسائل کے شکار افراد اپنی غذا میں کھجور شامل کر کے طویل مدتی اثرات حاصل کرسکتے ہیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

■ مزید پوسٹس۔۔۔

🌴 کجھور احادیث میں
https://t.me/islamwitheman/3398

🌴 کجھور کے طبی فوائد
https://t.me/islamwitheman/4703

🌴 کجھور
https://t.me/islamwitheman/4955

🌴 کجھور کے فوائد
https://t.me/islamwitheman/5012
⭕ ISLAM WITH EMAN ⭕

🔷 ابلے ہوئے انڈوں کو چھیلنا 🔷

ابلے ہوئے انڈے کے چھلکے اتارنے کے 12 آسان طریقے۔۔۔

ابلے ہوئے انڈے کھانا صحت کے لیے فائدہ مند ہیں خاص طور پر ان لوگوں کے لیے جو وزن کم کرنے کے لیے غذائی طریقوں پر عمل کرتے ہیں، کیونکہ یہ ثابت ہو چکا ہے کہ ناشتے میں انڈوں سے اپنے دن کا آغاز کرنا آپ کے میٹابولزم کو بڑھاتا ہے اور آپ کو طویل عرصے تک پیٹ بھرنے کا احساس دلاتا ہے۔ لیکن ہم میں سے بہت سے لوگوں کو انڈوں کو ابالنے کے بعد انہیں چھیلنے میں مشکل کا سامنا کرنا پڑتا ہے۔

ذیل میں 12 ایسی ترکیبیں ہیں جن سے آپ وقت ضائع کیے بغیر ابلے ہوئے انڈے کو بہت آسانی سے چھیل سکتے ہیں۔

1- اگرچہ قاعدہ یہ کہتا ہے کہ "تازہ ہمیشہ بہترین ہوتا ہے،" ابلے ہوئے انڈے اس سے مستثنیٰ ہیں۔ جو انڈے قدرے پرانے ہوتے ہیں ان کے خول براہ راست فارم سے آئے تازہ انڈوں کے مقابلے میں بہت آسانی سے اتر جاتے ہیں۔

2- انڈوں کو ابالتے وقت ان میں ایک چائے کا چمچ بیکنگ سوڈا ڈالنے سے انہیں چھیلنا آسان ہو جائے گا۔

3- انڈے ڈالنے سے پہلے پانی کو ابال لینے سے چھیلنے کا عمل بہت آسان ہو جاتا ہے۔

4- انڈے کے ابلتے پانی میں ایک چوتھائی کپ سرکہ، تھوڑا سا نمک ملانے سے چھلکا آسانی سے اتر جاتا ہے۔

5- انڈے آسانی سے چھیلنے کے لیے ابلتے ہوئے پانی میں تھوڑا سا تیل ملائیں۔

6- ابالنے کا عمل مکمل کرنے کے فوراً بعد انڈوں کو برف کے پیالے میں رکھ دیں تاکہ ان کے خول سے بہت آسانی سے نجات مل سکے۔

7- انڈوں کو ابالنے کے بعد ایک پیالے میں ڈالیں اور انہیں دائیں بائیں منتقل کریں جب تک کہ چھلکے ٹوٹ نہ جائیں۔

8- اگرچہ یہ ایک عجیب ترکیب معلوم ہوتی ہے لیکن تجربے کے بعد یہ کارآمد ہے۔ انڈوں کو ابالنے کے فوراً بعد پھونک مارنا آسان طریقے سے چھیلنے کو یقینی بنانے کا ایک کامیاب ترین طریقہ ہے۔

9- ابلے ہوئے انڈوں سے چھلکا نکالنے کے لیے چمچ کا استعمال کریں۔

10- ریستورانوں کے باورچیوں کے مطابق جو اس ترکیب کو استعمال کرتے ہیں، انڈے کو ابالنے سے پہلے اس کے بیرونی خول کو ہلکے سے تھپتھپانے سے اس کا چھیلنا آسان ہو جاتا ہے۔

11- انڈوں کو بھاپ دینا اس بات کو بھی یقینی بناتا ہے کہ ان کے چھیلنے میں آسانی ہو۔

12- اس کے علاوہ، کثیر مقصدی برقی کھانا پکانے کے برتن کا استعمال انڈوں کو ابالنے کے لیے مثالی اختیارات میں سے ایک ہے۔

🌹 پوسٹ پسند آئے تو شیئر ضرور کیجیے۔

📚 یہ معلومات مختلف ہیلتھ آرٹیکلز سے لی گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس۔۔۔

🐓 مرغی کے انڈے
https://t.me/islamwitheman/4492

🦤 بطخ کے انڈے
https://t.me/islamwitheman/4545

🦤 بطخ کے انڈوں کے فوائد
https://t.me/islamwitheman/4546

🥚 ابلے انڈوں کا پانی
https://t.me/islamwitheman/4631

🥚 ابلے ہوئے انڈوں کو چھیلنا
https://t.me/islamwitheman/5013
⭕ ISLAM WITH EMAN ⭕

👈 توجہ 👉

■ اگر آپ اپنے مرحومین کے ایصال ثواب کے لیے۔۔۔
💥 قضا نمازیں،
💥 قضا روزے،
💥 قرآن خوانی و ختم قرآن،
💥 قرات دعا و زیارات،
💥 مجلس عزا،

کروانا چاہتے ہیں تو ہمارے ادارہ "اسلام وِد ایمان" کے ریفرنس سے دینی معلومات رکھنے والے نیک، پرہیزگار اور قابل اعتماد افراد نہایت معقول ہدیہ پر یہ اعمال انجام دینے کے لیے موجود ہیں۔

ابھی "اسلام وِد ایمان" کے ایڈمن سے رابطہ کریں۔ ابھی کال کریں یا وٹس ایپ کریں۔ آخر پر نمبر درج ہے۔

🔘 مرحومین کے لیے قضا نمازیں، روزے اور عبادات انجام دینا۔۔۔
👈 امام صادق علیہ السلام نے فرمایا:
يَدْخُلُ عَلَى الْمَيِّتِ فِي قَبْرِهِ الصَّلَاةُ وَ الصَّوْمُ وَ الْحَجُّ وَ الصَّدَقَةُ وَ الْبِرُّ وَ الدُّعَاءُ وَ يُكْتَبُ أَجْرُهُ لِلَّذِي يَفْعَلُهُ وَ لِلْمَيِّت‏۔
ترجمہ:
"نماز، روزہ، حج، صدقہ، نیک اعمال اور دعائیں، مرنے والے کی قبر میں پہنچتی ہیں اور اس کا اجر، وہ اعمال انجام دینے والے کو بھی ملے گا اور میت کے لیے بھی لکھا جائے گا"۔ (من لا يحضره الفقيه، ج‏1، ص185)

👈 راوی نے امام صادق علیہ السلام سے پوچھا: کیا میت کے لیے نماز بجا لائی جائے؟ تو امام علیہ السلام نے فرمایا: "ہاں! ممکن ہے کہ میت سخت تکلیف میں ہو، اور خدا اسے (ان نیک اعمال کی وجہ سے) اس مشکل سے نجات دے.."

پھر امام علیہ السلام نے فرمایا:
"یقینا جب میت پر (نیک اعمال کے ساتھ) رحم کیا جائے اور اُس کے لیے استغفار کیا جائے، تو مرحوم کو ایسے ہی خوشی ہوتی ہے جیسے زندہ شخص کو کوئی تحفہ ملنے پر خوشی ہوتی ہے"۔ (من لا يحضره الفقيه، ج‏1، ص183)

🔘 محترم عزیزان! ہمارے وٹس ایپ، فیسبک اور ٹیلیگرام پر مختلف چینلز اور گروپس چل رہے ہیں. ہمارے گروپس کا مقصد اسلامی معلومات پھیلانا اور کہانیوں کے ذریعے بچوں اور بڑوں کی اصلاح کرنا ہے۔ استفادہ کے لیے خود بھی ہمارے گروپس جوائن کریں اور اپنے دوست احباب سے بھی گروپس لنکس شیئر کریں۔ ثواب کی نیت سے اپنے پاس گروپس میں بھی اس میسج کو شیئر کر دیجئے۔ شکریہ۔ سدا سلامت رہیں۔

🔘Join us on WhatsApp Shia Islamic groups ISLAM WITH EMAN.

ISLAM WITH EMAN (5)
All participants can send messages
https://chat.whatsapp.com/ElJrJ5xTbUAEShqTofX1EQ

ISLAM WITH EMAN (12)
only admins can send messages
https://chat.whatsapp.com/FekVbJpzEqcC1JdfrjjUFU

🔘Join us on Facebook Shia Islamic group ISLAM WITH EMAN.
https://www.facebook.com/groups/1901840316633794/?ref=share

🔘Join us on Facebook Shia Islamic page ISLAM WITH EMAN.
https://www.facebook.com/pg/ISLAM-WITH-EMAN-1304327322922888/posts/

🔘Join us on Telegram Shia Islamic channel ISLAM WITH EMAN.
https://t.me/islamwitheman

🔘Join us on Telegram funny group
🎅MUSKURAAHTEN🎅
https://t.me/muskuraahten

التماس دعا:
ایڈمن "اسلام وِد ایمان"
مولانا سید سجاد حسین همدانی
وٹس ایپ نمبر: +923448461617
⭕ ISLAM WITH EMAN ⭕

🔷 پھول گوبھی 🔷

پھول گوبھی اللہ پاک کی وہ نعمت ہے جو آپ کو غذایت فراہم کرنے کے ساتھ شفاء بھی فراہم کرتی ہے، پھول گوبھی ہمارے جسم کو متعدد بیماریوں کے خلاف مضبوط بناتی ہے اور دل کے مختلف امراض میں بھی بہت زیادہ فائد مند ہے۔

پھول گوبھی عام طور پر موسم سرما کی سبزی میں شمار ہوتی ہے، اگر اس کے ذائقے کی بات کی جائے تو اس کا ذائقہ پھیکا اور تاثیر سرد و خشک ہے۔

ہمارے ہاں اکثر اسے آلو کے ہمراہ پکایا جاتا ہے جو مناسب نہیں ہے اس سے یہ نفاق پیدا کرنے کا باعث بنتی ہے۔

پھول گوبھی میں موجود فاسفورس، وٹامن بی، وٹامن سی پائے جاتے ہیں جو کہ دانتوں کی بیماریوں کے لئے مفید ہیں۔

تحقیق سے پتہ چلتا ہے کہ درمیانی جسامت کی ایک پھول گوبھی میں کینو سے زیادہ وٹامن سی، وافر مقدار میں وٹامن کے (K)، بیٹا کیروٹین کی شکل میں وٹامن اے، کئی اقسام کے وٹامن بی (بی1، بی2، بی3، بی5، بی 6 اور فولک ایسڈ یعنی وٹامن بی9)، فائبر، فائٹو کیمیکلز اور اہم غذائی معدنیات بھی موجود ہوتے ہیں۔

اس کے علاوہ پھول گوبھی میں کینسر سمیت کئی بیماریوں سے بچانے کی خداداد صلاحیت موجود ہے۔

اس سے بدہضمی اور اپھارہ کی شکایت ہو جاتی ہے، یہ خون صاف کرنے والی بہترین سبزیوں میں شمار کی جاتی ہے، پھول گوبھی بلغم کو روکتی ہے اور مسوڑھوں کے لئے بہت مفید ہے۔

پھول گوبھی پیشاب لانے آور دیگر خصوصیات کی حامل ہے اور خون کو مضر اثرات سے پاک کرتی ہے جس کی وجہ سے جلد پر اس کے اثرات بہت پڑتے ہیں۔ خونی و بادی بواسیر کے علاوہ پیشاب کی جلن اور جریان کے لئے بھی بہت مفید ہے، اس کے استعمال سے پھنسی پھوڑے اور بواسیر کی شکایت دور ہو جاتی ہے۔

ماہرین کا ماننا ہے کہ پھول گوبھی کو تیل اور گھی میں پکانے کے بجائے کچی حالت میں، بھاپ پر نرم کر کے یا پانی میں ابال کر کھانا چاہیے کیونکہ ان صورتوں میں اس کے مفید قدرتی غذائی اجزاء محفوظ رہتے ہیں۔

پھول گوبھی کے صحت بخش اثرات سے مستفید ہونے کے لیے ہمیں اس کے ڈنٹھل اور پتوں کو بھی نظر انداز نہیں کرنا چاہیے۔

پھول گوبھی سے شوگر کے مریضوں کو بھی فائدہ پہنچتا ہے کیونکہ گوبھی میں ایسے قدرتی مادّے پائے جاتے ہیں جو خون میں شوگر کی مقدار کم کرتے ہیں، جس سے صحت اچھی رہتی ہے۔

ماہرین کا یہ بھی کہنا ہے کہ اگر آپ امراض سینہ کا شکار ہیں تو گوبھی استعمال نہ کریں، جبکہ آلو کے ہمراہ بھی اسے استعمال نہ کریں، البتہ اس کا ادرک اور گوشت کے ساتھ استعمال زیادہ بہتر ہے۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman
⭕ ISLAM WITH EMAN ⭕

🌹 بچہ ماں كى دعا پر كان لگاۓ رہا 🌹

شب جمعہ تھى۔ امام حسن عليہ السلام رات بھرجاگتے رہے اور اپنى والدہ گرامى صديقہ مرضيہ عليہا السلام كو غور سے ديكھتے رہے وہ اس انتظار ميں تھے كہ ديكھيں والدہ گرامى بارگاہ عاليہ ميں اپنے لئے كيا دعا كرتى ہيں اور پروردگار سے اپنے لئے كيا خير و بركت طلب كرتى ہيں۔

رات گزر گئى اور ان كى ماں سارى رات ديگر مسلمان مرد و عورتوں كے بارے ميں دعا كرتى رہيں۔

مختصر يہ كہ عبادت و دعا ميں صبح ہو گئى مگر امام حسنؑ نے والدہ كو اپنى ذات كے بارے ميں دعا كرتے ہوۓ نہ سنا۔

چنانچہ انہوں نے صبح ہوتے ہى والدہ كى خدمت ميں دست بستہ عرض كيا: ’’والدہ گرامى! ميں رات بھر كان لگاۓ سنتا رہا مگر آپ پروردگار عالم سے صرف دوسروں كے لئے دعا كرتى رہيں۔؟
آخر آپ نے اپنے لئے كوئى دعا كيوں نہيں مانگى۔؟

ماں نے بچے كو پيار بھرے لہجے ميں مخاطب كرتے ہوۓ نہايت مختصر ساجواب ديا:
’’ميرے فرزند عزيز! پہلے پڑوسى اور ہمسايہ اور بعد ميں اپنا گھر۔"

📚 حوالہ:
سچى كہانياں، شہيد مرتضى مطہرىؒ، ص:۱۰۳

https://t.me/islamwitheman/2252
⭕ ISLAM WITH EMAN ⭕

🔷 مقروض کیلئے مؤثر ترین عمل 🔷

پیغمبراکرم صلی اللہ علیہ وآلہ وسلم نے فرمایا: قرآن کی دو آیتیں ایسی ہیں اگر ساری دنیا اپنی اپنی مشکلات کو حل کرنے کے لیے متوسل ہو جائے تو مشکلات حل ہو سکتی ہیں بالخصوص رزق و روزی میں برکت اور قرض کی ادائیگی کے لیے بیحد موثر ہیں.

علامہ حسین بخش جاڑا صاحب اپنی تفسیر انوار نجف میں سورہ طلاق کی ان آیتوں کی تفسیر کرتے ہوئے فرماتے ہیں:
اگر کوئی شخص ان دو آیتوں کا عمل سوموار یا جمعرات یا جمعہ کی صبح غسل کر کے اس طرح شروع کرے:
پہلے 100 مرتبہ صلوات پڑھے،
پھر 159 مرتبہ ہر روز بلاناغہ اِن دو آیتوں کی
(وَ مَنْ يَتَّقِ اللّٰهَ يَجْعَلْ لَهُ مَخْرَجاً وَ يَرْزُقْهُ مِنْ حَيْث لايَحْتَسِبُ وَ مَنْ يَتَوَكَّلْ عَلَى اللهِ فَهُوَ حَسْبُهُ اِنَّ اللهَ بالِغُ اَمْرِهِ قَدْ جَعَلَ اللهُ لِكُلِّ شَيْىء قَدْراً) کی تلاوت کرے۔

چالیس دن تک عمل کرتا رہے۔ چالیسویں دن 179 مرتبہ پڑھے دوبارہ آخر میں 100 مرتبہ صلوات پڑھے.

📚 حوالہ جات
1- مجمع البحرین۔
2- تفسیر انوار النجف۔
3- قرآن جسمی و روحی ص 260 مولف سید محسن موسوی و محسن آشتیانی۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 مثبت رویہ کامیابی کی ضمانت 🔷

یونیورسٹی میں لیکچر کے دوران کامیابی کے متعلق پڑھاتے ہوئے، ایک پروفیسر نے، ایک نظریہ بیان کیا، جو شاید اطلاقی سائنس سے متاثر ہے، وہ درج ذیل ہے:

اگر انگریزی حروف تہجی کی ترتیب درج ذیل ہے:
A B C D E F G H I J K L M N O P Q R S T U V W X Y Z

ان کی عددی ترتیب حسب ذیل ہے:
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26

اگر زبان کے ہر حرف کو اس کے حروف تہجی کی ترتیب کی بنیاد پر وزن دیا جائے ، یعنی مثال کے طور پر، پہلے حرف A کا وزن 1 کے برابر ہے، اور آخری حرف Z کا وزن 26 کے برابر ہے، تو:


(H+A+R+D+W+O+R+K) = جاں فِشانی
8 + 1 + 18 + 4 + 23 + 15 + 18 + 11 = 98%


(K+N+O+W+L+E+D+G+E ) = علم
11 + 14 + 15 + 23 + 12 + 5 + 4 + 7 + 5 = 96%

(L+O+V+E) = محبت
12 + 15 + 22 + 5 = 54%


(L+U+C+K) = قسمت
12 + 21 + 3 + 11 = 47%

اس کا مطلب ہے کہ مذکورہ بالا میں سے کوئی بھی ایسا عنصر نہیں ہے جو آپ کو 100% یا من چاہا نتیجہ دے گا۔

تو کیا وہ اکلوتا عنصر پیسہ ہے؟؟؟
(M+O+N+E+Y) =
13 + 15 + 14 + 5 + 25 = 72%
بالکل نہیں!

شاید قائدانہ صلاحیت ؟
(L+E+A+D+E+R+S+H+I+P ) =
12+5+1+4+5+18+19+8+9+16 = 97%
وہ بھی نہیں!!

ہر مسئلے کا ایک حل ہوتا ہے، بعض اوقات مساوات کو الٹ کرنے سے بھی مسئلے کا حل نکل آتا ہے.

اور اگر ہم ان اعداد و شمار کو بدلنے کی بجائے اپنے رویے اور انداز کو بدل کر دیکھ لیں تو شاید نتائج مختلف ہوں!

"ATTITUDE" رویہ

(A+T+T+I+T+U+D+E) =
1+20+20+9+20+21+4+5 = 100%

تو اس عددی کھیل میں ثابت ہوا کہ کامیابی کا بنیادی اور اکلوتا عنصر رویہ ہے.
اگر ہم زندگی کے تئیں اپنے رویے کو بدلیں گے تو تب ہی ہم اپنی زندگی میں حقیقی تبدیلی لانے میں کامیاب ہو سکتے ہیں۔

🔘 ایک بات یاد رکھیں علم مفروضی ہو یا تجرباتی اس میں حتمیت، قطعیت یا کاملیت نہیں ہوتی، اسے ہر لحظہ تغیرات کا سامنا رہتا ہے. نقائص کی نشاندہی ہوتی رہتی ہے، حقائق بدلتے رہتے ہیں، اور بہتر سے بہترین کا سفر جاری رہتا ہے.

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/4849
⭕ ISLAM WITH EMAN ⭕

🔷 بچوں کے راز جاننے کے طریقے 🔷

ماہرین نفسیات نے والدین کو اپنے بچوں کے راز افشا کرنے میں مدد کرنے کے چند طریقے وضع کیے ہیں۔

بچوں کا والدین میں سے کسی ایک کی جانب جھکاٶ طبعی و فطری طور پر ہوتا ہے۔ عموما اس حوالہ سے کٸی لوگ بچوں سے سوال کرنا شروع کر دیتے ہیں کہ آپ کو امی زیادہ اچھی لگتی ہیں یا ابو۔؟

صراحتا بچے سے ایسا سوال کرنا قطعی طور پر مناسب نہیں۔

چاٸلڈ ساٸیکالوجسٹ نے پانچ بالواسطہ طریقے بتلاٸے ہیں، انہیں آزمائیں، کیونکہ وہ آپ کے بچے کے ساتھ نمٹنے کی کلید ہو سکتے ہیں۔

❶- چڑیا کی کہانی
اپنے بچے کو باپ پرندے، ماں پرندے اور ان کے بیٹے، چھوٹے پرندے کی کہانی سنائیں، جو کہ درخت کے اوپر گھونسلے میں ایک رات سوئے ہوتے ہیں کہ اچانک تیز ہوا چلتی ہے اور گھونسلے سمیت سب نیچے گر جاتے ہیں۔
باپ پرندہ ایک درخت پر اڑ کر بیٹھ جاتا ہے اور ماں پرندہ دوسرے درخت پر..

اب آپ اپنے بچے سے پوچھیں: کہ چھوٹا پرندہ کہاں اڑ گیا؟

اگر آپ کا بچہ کہتا ہے کہ پرندہ اپنے باپ کے پاس اڑ گیا، تو سمجھ جاٸیے کے وہ باپ کے ساتھ Atach ہے۔ اور اگر وہ کہتا ہے کہ وہ اپنی ماں کے پاس اڑ گیا، تو وہ اپنی ماں سے جڑا ہوا ہے اور اسے حفاظت کا ذریعہ سمجھتا ہے۔

❷ خوف کی کہانی
اپنے بچے کو بتائیں کہ ایک بچہ ہے جو بہت روتا ہے اور کہتا ہے کہ وہ بہت ڈرتا ہے...

بچے سے سوال کیجیے کہ بیٹا بھلا وہ کس سے یا کیوں ڈرتا ہوگا ؟

بچے کا جواب آپ کو اس کے بہت سے ذاتی خوف اور ان لوگوں سے آگاہ کرے گا جو اسے خوفزدہ کرتے ہیں یا محسوس کرتے ہیں کہ ان کی موجودگی اسے خوفزدہ و ناراض کرتی ہے۔

❸ سفر کی کہانی
بچے کو بتاٸیے کہ کوئی ایسا شخص ہے جوعنقریب بہت لمبے سفر پر روانہ ہو رہا ہے اور کبھی واپس نہیں آئے گا..

تم کیا توقع رکھتے ہو کہ وہ شخص کون ہے ؟

بچے کے جواب سے آپ کو معلوم ہو جائے گا کہ بچہ کس شخص سے نفرت کرتا ہے اور اس سے دور رہنے کی خواہش رکھتا ہے، لیکن اگر وہ آپ کو بتائے کہ جو سفر کرے گا وہ (میں) ہوں گا تو اس کا مطلب ہے وہ خود سے نفرت کرتا ہے!!

❹ نئی خبروں کی کہانی
اپنے بچے کو بتائیں کہ ایک بچہ ہے جو اسکول سے واپس آیا ہے اور اس کی ماں نے اسے کہا جلدی سے میرے پاس آٶ.. میرے پاس آپ کے لیے ایک نئی خبر ہے!..

اور اپنے بچے سے پوچھیں: آپ کو اس خبر کی کیا امید ہے؟

بچے کے جواب سے ہمیں اس کی کچھ خواہشات، خوف اور توقعات کی نشاندہی کرنے میں مدد ملتی ہے۔

❺ ایک پریشان کن خواب کی کہانی
اپنے بچے کو بتائیں کہ ایک بچہ ہے جو تھکا ہوا اور پریشان ہے اور اپنی ماں کو بتایا ہے کہ اس نے نیند میں ایک پریشان کن خواب دیکھا، اور اپنے بچے سے پوچھیں:

آپ کے خیال میں بچے نے خواب میں کیا دیکھا ہو گا؟

اس کا جواب آپ کو اس کے خاندان کے ارکان اور دوستوں کے ساتھ اس کے تعلقات میں اس کی کمزوریوں اور مسائل کے بارے میں جاننے پر مجبور کرے گا۔

نوٹ: یہ ضروری ہے کہ آپ بچے کو جواب تجویز نہ کریں یا اگر یہ جواب آپ کے موافق نہیں ہے تو انہیں مورد الزام مت ٹھہرائیں۔ اور اسے یہ مت کہیں کہ آپ اس سے کسی اور جواب کی امید رکھتے ہو!!

🔘 ان کہانیوں کا مقصد بچے کے خوف اور خدشات کی نشاندہی کرنا اور ان سے نمٹنا ہے۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/4504
⭕ ISLAM WITH EMAN ⭕

🔷 ایک بچے کے درد بھرے الفاظ 🔷

2 سال کے بچے کی ڈائری سے۔۔۔

آپ کو پتا ہے نا کہ مجھے بجلی کا بل دینے کی پریشانی نہیں ہے۔ مجھے تو یہ بھی پریشانی نہیں ہے کہ بجلی آتی ہے یا نہیں!

مجھے تو نہ گھر کے کرایہ دینے کا پتا ہے نہ گھر کے سودا سلف کا!

میری یہ پریشانیاں نہیں ہیں ماں!
میری پریشانی ہے کہ میں جب 10 دفعہ چیخ چیخ کر ماں ماں پکار رہا تھا آپ برتن دھوتی رہیں۔

میری پریشانی یہ ہے کہ جب میں رو رہا تھا
آپ مجھے چھوڑ کر چلی گئی کہ ابھی آتی ہوں یہ کام کر لوں! کیا ماں اپکا کام 2 منٹ صبر نہیں کر سکتا تھا؟ میرے آنسو اتنے ارزاں تو نہیں ماں!

میں بھی تو جیتا جاگتا انسان ہوں۔ درد محسوس کرتا ہوں۔ کیا ہوا اگر میری زبان میرا ساتھ نہیں دیتی۔ کیا ہوا اگر مجھے صرف اپنی بات رو کر کہنی آتی ہے۔

ماں سنو ناں!!
میری تو دنیا تم ہو! جب تم مجھے اگنور کرتی ہو ناں مجھے بلکل اچھا نہیں لگتا!

ماں تم اور بابا ہی تو ہر جگہ نظر اتے ہو مجھے! جب تمھارے کام مجھ سے زیادہ اہم ہو جاتے ہیں مجھے بلکل اچھا نہیں لگتا!

مجھے ساتھ ساتھ رکھ لیا کرو ماں!
برتن دھوتے ہوئے ساتھ ہی کھڑا کر لیا!
صفائی کرتے ہوئے چھوٹا سا وائپر مجھے بھی پکڑا دیا!

ماں!!
یہ وقت بہت جلدی کٹ جاۓ گا! میں بڑا ہو جاؤں گا اور پھر بچے تو پنچھی کی طرح ہوتے ہیں ناں! کہاں اپنا دانہ پانی چگنے نکل جائیں۔ کیا پتا!!

کچھ دن اپنے ٹھنڈے آنچل میں رہنے دو!
کچھ دن میری سنو!
کچھ دن ہی کی تو بات ہے یہ!!

🌹 پوسٹ پسند آئے تو دوسروں کی بھلائی کے لئے شیئر ضرور کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 بچوں کی تربیت کے متعلق پوسٹس دیکھنے کیلئے مطلوبہ پوسٹ کے لنک پر کلک کریں۔۔۔

🌷 بچوں کا احترام و تکریم
https://t.me/islamwitheman/33

🌷 بچوں کی تربیت
https://t.me/islamwitheman/34

🌷 خلوص و شفقت
https://t.me/islamwitheman/90

🌷 ننھا داعی
https://t.me/islamwitheman/302

🌷 شعور و بصیرت
https://t.me/islamwitheman/344

🌷 ایک بچہ اور کچھوا
https://t.me/islamwitheman/539

🌷 بچے کی نفسیات سمجھنے کے 12 گن
https://t.me/islamwitheman/1224

🌷 سچ کا انعام
https://t.me/islamwitheman/1277

🌷 بچہ (بچپن)
https://t.me/islamwitheman/1626

🌷 بچوں میں اعتماد
https://t.me/islamwitheman/1627

🌷 بچوں کے جھوٹ بولنے کے اسباب
https://t.me/islamwitheman/1847

🌷 گھر کا ماحول
https://t.me/islamwitheman/2059

🌷 بچوں کو مشکلات کا عادی بنائیں
https://t.me/islamwitheman/2137

🌷 مس انمول
https://t.me/islamwitheman/2163

🌷 تربیت اور ماحول
https://t.me/islamwitheman/2228

🌷 تھپکی کی طاقت
https://t.me/islamwitheman/2338

🌷 اے خدا مجھے موبائل بنا دے
https://t.me/islamwitheman/2393

🌷 بچے کہنا کیوں نہیں مانتے؟
https://t.me/islamwitheman/2455

🌷 تربیت کا اثر
https://t.me/islamwitheman/2486

🌷 سمجھاؤ مگر نرمی سے
https://t.me/islamwitheman/2512

🌷 سمجھانے کا انداز
https://t.me/islamwitheman/2517

🌷 بیٹی کی تربیت
https://t.me/islamwitheman/2726

🌷 پینسل گم ہونے کے دو واقعات
https://t.me/islamwitheman/2916

🌷 کامیابی کی بہترین عادت؟
https://t.me/islamwitheman/2917

🌷 بچے کا آئیڈیل کسے ہونا چاہیے؟
https://t.me/islamwitheman/4098

🌷 لڑکپن میں سکھانے کے آداب
https://t.me/islamwitheman/4146

🌷 اس نسل کی ماں
https://t.me/islamwitheman/4206

🌷 مائیں نسلیں سنوارتی ہیں
https://t.me/islamwitheman/4504

🔷 بچوں کے راز جاننے کے طریقے
https://t.me/islamwitheman/5019

🔷 ایک بچے کے درد بھرے الفاظ
https://t.me/islamwitheman/5020
⭕ ISLAM WITH EMAN ⭕

🔷 پیاز (onion) 🔷
 
پیاز کھانے کے صحت پر بیشمار فوائد مرتب ہوتے ہیں، زمین کے اندر اُگنے والی اس سبزی، پیاز کے ماہرین کی جانب سے نا صرف طب بلکہ سائنسی اعتبار سے بھی متعدد فوائد بتائے جاتے ہیں، ان فوائد میں سر فہر ست کولیسٹرول کی سطح کا متوازن رہنا ہے۔

■ اجزاء
ماہرین غذائیت کے مطابق پیاز کے 100 گرام میں 40 گرام کیلوریز، 89 فیصد پانی، 1.1 گرام پروٹین، 9.3 گرام کاربز، 4.2 گرام شوگر، 1.7 گرام فائبر اور 0.1 گرام فیٹ اور اس کے علاوہ فولیٹ یعنی وٹامن بی 9 بھی پایا جاتا ہے۔

ماہرین کے مطابق پیاز میں وٹامن بی9 پائے جانے کے سبب یہ حاملہ خواتین کے لیے نہایت موزوں غذا ہے جبکہ وٹامن بی 6 کی موجودگی خون میں لال خلیوں کی افزائش بہتر بناتی ہے اور اس میں موجود انسانی جسم کے لیے بنیادی منرل پوٹاشیم کے سبب بلڈ پریشر متوازن اور دل کی صحت بہتر رہتی ہے۔
 
■ روزانہ پیاز کو غذا کا حصہ بنانے پر اہم ترین فائدے ہیں جسے جان کر آپ پیاز کھانا ترک نہیں کریں گے۔۔۔

🔹 امنیاتی نظام
پیاز میں موجود وٹامن سی امنیاتی نظام کو قوت فراہم کرتا ہے اور اس طرح آپ کئی طرح کے انفیکشنز سے بچے رہتے ہیں۔

🔹 پیاز میں موجود وٹامنز
پیاز میں کئی اہم وٹامنز اور منرلز خصوصاً وٹامن سی، وٹامن بی سکس، پوٹاشیم اور فولیٹ پائے جاتے ہیں جو آپ کی مجموعی صحت کو فروغ دیتے ہیں۔

🔹 اینٹی آکسیڈینٹس خصوصیات
پیاز اینٹی آکسیڈینٹس سے بھرپور ہوتی ہے جو آکسیڈیٹو تناؤ کو کم کر کے دائمی امراض سے محفوظ رکھتی ہے۔

🔹 قلب کی صحت
پیاز بلڈ پریشر کو توازن میں رکھنے اور کولیسٹرول کی سطح کو کم کر کے دل کی صحت کو بڑھاتی ہے اس طرح امراض قلب کا خطرہ کم ہوجاتا ہے۔

🔹 خون میں شکر کی مقدار قابو
کرمیم کہلانے والی ایک قدرتی دھات بھی پیاز میں موجود ہوتی ہے جس کی بدولت خون میں شکر کی مقدار قابو رکھنے میں مدد ملتی ہے۔

🔹 زخموں کی جلن
زخموں میں جلن کم کرنے اور ایڑیوں کی تکلیف سے چھٹکارا پانے میں بھی پیاز کی افادیت صدیوں سے تسلیم شدہ ہے۔

🔹 درد کی شدت میں کمی
اگر شہد کی مکھی کاٹ لے تو متاثرہ جگہ پر پیاز کا رس لگانے سے درد کی شدت میں بہت کمی واقع ہوجاتی ہے۔

🔹 السر سے بچاؤ
اسی طرح اگر ہم ’’فری ریڈیکلز‘‘ کی بات کریں جو عمر رسیدگی سمیت درجنوں بیماریوں کی جڑ بھی کہلاتے ہیں، تو پیاز ان کی بھی دشمن ہے اور یہ خاص طور پر معدے کے السر سے بھی بچاتی ہے۔

🔹 کچا پیاز
اگر پیاز کو پکائے بغیر، خام حالت میں کھایا جائے تو یہ جسم کو نقصان پہنچانے والے کولیسٹرول یعنی ’’ایل ڈی ایل‘‘ کو بننے سے روکتی ہے اور آپ کو بلڈ پریشر اور دل کی بیماریوں سے محفوظ کرنے میں بھی مدد کرتی ہے۔

علاوہ ازیں پیاز میں ایسے مرکبات کا انکشاف بھی ہوا ہے جو کینسر سے بچاؤ میں اہم کردار ادا کرتے ہیں۔

🔹 ہری پیاز
کچی پیاز/ ہری پیاز کا سبز بالائی حصہ وٹامن اے سے بھرپور ہوتا ہے جسے روزانہ تھوڑی سی مقدار میں کھانے سے ہڈیوں کی نشوونما بہتر ہوتی ہے، بیماریوں سے تحفظ ملتا ہے، تولیدی صلاحیت بہتر ہوتی ہے اور ساتھ ہی ساتھ نظر بھی تیز ہوتی ہے۔

🔘 نوٹ
پیاز ہر موسم میں دستیاب ہوتی ہے البتہ اتنا مشورہ ضرور دیں گے کہ صحت سے متعلق پیاز کے اتنے فوائد پڑھنے کے بعد آپ پیاز کا حد سے زیادہ استعمال شروع نہ کر دیجئے گا کیونکہ یہ چیز فائدے کی بجائے نقصان کی وجہ بھی بن سکتی ہے۔ اس کی بجائے بہتر ہو گا کہ اپنے روزمرہ کھانوں میں پیاز کو مناسب مقدار میں شامل رکھیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/4563
⭕ ISLAM WITH EMAN ⭕

🌹 ولادت باسعادت رسول خدا حضرت محمد مصطفٰی صلی اللہ علیہ و آلہ وسلم بہت بہت مبارک ہو۔ ❤️

👈 رسول اکرمؐ کے متعلق پوسٹس۔۔۔ مطلوبہ پوسٹ کے لنک پر کلک کریں۔۔۔۔
https://t.me/islamwitheman/2018

🌹 شجرۂ نسب حضرت محمدؐ
https://t.me/islamwitheman/2019

🌹 مختصر سوانح حیات
https://t.me/islamwitheman/2020

🔷 بوقتِ ولادت آثارِ نبوتؐ
https://t.me/islamwitheman/2021

🔷 تجارت اور بحیرا سے ملاقات
https://t.me/islamwitheman/2022

🔷 کردار کی بلندی اور شادی
https://t.me/islamwitheman/2023

🌹 شادی مبارک کے اخلاقی نکات
https://t.me/islamwitheman/2015
⭕ ISLAM WITH EMAN ⭕

🌹 ولادت باسعادت حضرت امام جعفر صادق علیہ السلام بہت بہت مبارک ہو۔ ❤️

👈 پوسٹس۔۔۔

🔷 امام صادقؑ کا مختصر تعارف
https://t.me/islamwitheman/2031

🔵 امام صادقؑ اور ہندی طبیب
https://t.me/islamwitheman/2032

🌹 امام صادق علیہ السلام کا اخلاق
https://t.me/islamwitheman/3606

🌹 امام جعفر صادقؑ کی نصیحت
https://t.me/islamwitheman/3607

🌸 امام صادقؑ کی چند احادیث
https://t.me/islamwitheman/3609
https://t.me/islamwitheman/3610

🌷 امام جعفر صادقؑ کی کرامات
https://t.me/islamwitheman/3611
https://t.me/islamwitheman/3612

🌿 113 ھ میں امام جعفرصادقؑ کاحج
https://t.me/islamwitheman/3613

🌷 مصائب و مشکلات درزمانہ امام صادقؑ
https://t.me/islamwitheman/3614

🍃عہدِ عبدالملک میں امام صادقؑ کا مناظرہ
https://t.me/islamwitheman/3615

☘ امام صادقؑ اور ابوشاکردیصانی
https://t.me/islamwitheman/3616

🍀 امام صادقؑ اور حکیم ابن عیاش کلبی
https://t.me/islamwitheman/3617

☘ امام صادقؑ اور مالک ابن انس
https://t.me/islamwitheman/3618

🌷 وقتِ آخر امام صادقؑ کی وصیت
https://t.me/islamwitheman/3620
⭕ ISLAM WITH EMAN ⭕

🌹 پیامبر رحمت صلی اللہ علیہ وآلہ کی منفرد خصوصیات قرآن کی نگاہ میں۔۔۔۔

1. اکلوتے نبی جن کانام گزشتہ کتابوں میں لکھا گیا تھا «مَکْتُوباً عِنْدَهُمْ فِی التَّوْراهِ وَ الْإِنْجیل» (اعراف/157)

2. اکلوتے نبی جن پر نبوت کا اختتام ہوا«خاتَمَ النَّبِیِّین» (احزاب/40)

3. اکلوتےنبی جن کو معراج کا شرف بخشا گیا «أَسْری بِعَبْدِه» (بنی اسرائیل/1)

4. اکلوتے نبی جن پر اللہ نے اپنے عظیم فضل کی اطلاع دی: «فَضْلُ اللَّهِ عَلَیْکَ عَظیماً» (نساء/113)

5. اکلوتے نبی جن کے خلق عظیم کی گواہی دی «وَ إِنَّکَ لَعَلی خُلُقٍ عَظیمٍ» (قلم/4)

6. اکلوتے نبی جن کے لیے قرب کا یہ درجہ بیان ہوا «ثمُ َّ دَنَا فَتَدَلیَ، فَکاَنَ قَابَ قَوْسَینْ ِ أَوْ أَدْنیَ» (نجم/8اور9)

7۔ اکلوتے نبی جن کے ذکر کو بلند کرنے کی نوید سنائی«وَ رَفَعْنا لَکَ ذِکْرَکَ» (شرح/4)

8. اکلوتے نبی جن کے دین کے غلبے کی تین مرتبہ نوید سنائی گئی «لِیُظْهِرَهُ عَلَی الدِّینِ کُلِّه» (توبه/33)

9. اکلوتے نبی جن کے بارے میں کہا کہ اللہ اور ملائکہ مسلسل ان پر درود بھیجتے ہیں«إِنَّ اللَّهَ وَ مَلائِکَتَهُ یُصَلُّونَ عَلَی النَّبِیِّ» (احزاب/56)

10۔ اکلوتے نبی جن پر درود تمام مومنین پر واجب کر دیا گیا«یا أَیُّهَا الَّذینَ آمَنُواصَلُّوا عَلَیْهِ وَ سَلِّمُوا تَسْلیماً»(احزاب/ 56)

11. اکلوتے نبی جن کے اعضا کی عصمت کی گواہی دی،
انکھیں معصوم«ما زاغَ الْبَصَر» (نجم/17)، زبان معصوم «وَ ما یَنْطِقُ عَنِ الْهَوی» (نجم/ 3)، قلب معصوم «ما کَذَبَ الْفُؤادُ ما رَأی» (نجم/11)

12۔ اکلوتے نبی جن آکے اعضا بدن کا تذکرہ تک آیا،
تیراچہرہ ،«وَجْهَک» (یونس/105)
تیرا سینہ، «صَدْرَکَ» (شرح/1)
تیری کمر، «ظَهْرَکَ» (شرح/3)
تیرا ہاتھ، « یَدَکَ» (اسرا/29)
تیری انکھیں، «عَیْنَیْکَ» (حجر/88)
تیری زبان «بِلِسانِک» (مریم/97)
تیری گردن، «عُنُقِک» (بنی اسرائیل/ 29)
تیرے کپڑے، «ثِیابَک» (مدثر/4)
تیرا شہر، «قَرْیَتِکَ» (محمد/13)

میرے پروردگار کی مصطفی سے محبت کا عالم یہ ہے کہ زمین و آسمان جو اس کی تخلیق کا شاہکار ہیں ان کے لیے ایک مرتبہ کہا«بِرَبِّ الْمَشارِقِ وَ الْمَغارِب» (معارج/40) مشرق اور مغرب کا پروردگار لیکن جب مصطفی کی بات آئی تو قرآن میں 240 مرتبہ کہا : «رَبُّکَ» تیرا رب ۔۔۔۔۔۔۔

💖 محبوب رب العالمین کا میلاد سب اہل اسلام کو مبارک ہو۔

🌹🌹💖🌹🌹

https://t.me/islamwitheman/2018
⭕ ISLAM WITH EMAN ⭕