🔷 12 اماموں کے نام کی اطلاع 🔷

سوال:
کیا رسول اللہ صلی اللہ علیہ و آلہ و سلّم کی کوئی ایسی حدیث پائی جاتی ہے جس میں بارہ اماموں کے نام موجود ہوں؟

جواب:
فضل بن شاذان نيشاپوری کی کتاب یہ امام رضا علیہ السلام اور امام جواد عليه السلام کے اصحاب میں سے تھے، اس کتاب کا نام ‘‘إثبات الرجعة’’ پے، اس کو مير لوحي نے اپنی کتاب ‘‘كفاية المهتدي’’ میں شامل کر دیا ہے، اس کتاب میں پائی جانے والی صحیح روایات میں سے ایک روایت کی نص کو آپ کے سامنے پیش کرتے ہیں:

شيخ صدوق جليل فضل بن شاذان بن الجليل قدّس الله روحه بیان کرتے ہیں: ہم سے بیان کیا عبدالرحمٰن بن أبي نجران نے، انہوں نے کہا کہ ہم سے بیان کیا عاصم بن حميد نے، انہوں نے کہا کہ ہم سے بیان کیا أبو حمزة الثمالي نے، انہوں نے کہا کہ ہم سے بیان کیا حسن بن محبوب نے، انہوں نے کہا کہ ہم سے بیان کیا أبو حمزة الثمالي نے، انہوں نے کہا کہ ہم سے بیان کیا سعيد بن جبير نے، انہوں نے کہا کہ ہم سے بیان کیا عبدالله بن عبّاس (رض) نے، انہوں نے کہا کہ رسول الله (صلّى الله عليه و آله و سلّم) نے فرمایا:

جب میں معراج پر آسمان پر گیا تو سدرة المنتهى پر پہنچا اس وقت میرے ربّ جلّ جلاله نے مجھے آواز دیتے ہوئے کہا: اے محمّد (صلی اللہ علیہ و آلہ و سلّم) میں نے عرض کی: لبيك لبيك يا ربّ۔ ارشادِ قدرت ہوا: میں نے کسی رسول کو نہیں بھیجا مگر یہ کہ جب اس کے ایّام اپنے اختتام کو پہنچے تو انہوں نے میرے حکم کے تحت اپنے بعد اپنے وصی کو مقرر کیا، اس بنا پر میں نے علی بن ابی طالب کو تمہارا خلیفہ اور تمہاری امت کا امام قرار دیا ہے اور اس کے بعد حسن پھر حسين پھر عليّ بن حسين پھر محمّد بن عليّ پھر جعفر بن محمّد پھر موسى بن جعفر پھر عليّ بن موسى الرضا پھر محمّد بن عليّ پھر عليّ بن محمّد پھر حسن بن عليّ پھر الحجّة بن الحسن۔ (علیھم السلام) اے محمد (ص) ! اپنے سر کو بلند کر۔

تو میں نے اپنے سر کو بلند کیا تو میں نے عليّ، حسنؑ، حسينؑ اور حسينؑ کی اولاد سے ہونے والے نو اماموں کے انوار کو دیکھا جن کے درمیان میں الحجّة چمکتے ستارے کی مانند جگمگا رہے تھے۔ اس کے بعد الله تعالٰی نے فرمایا: اے محمّد (ص)! یہ زمین میں میرے خلفاءاور میری حجّتیں اور تمہارے بعد تمہارے خلفاء اور تمہارے اوصیاء ہیں، تو خوشابختی ہے ان لوگوں کے لئے جو ان سے محبت کریں اور وائے ہے ان لوگوں کے لئے جو ان سے بغض و عداوت رکھیں۔

📚 مختصر كفاية المهتدي لمعرفة المهدي: 71 الحديث الثامن(آٹھویں حدیث)

https://t.me/islamwitheman
⭕ ISLAM WITH EMAN ⭕

🔷 حدیث معراج 🔷

عبداللہ بن مسعود سے منقول ہے کہ پیغمبر اکرم ﷺ نے فرمایا:
جب معراج کے لئے میں آسمان پر گیا تو جبرائیل امینؑ نے مجھ سے کہا کہ جنت اور جہنم کو آپ کی خدمت میں پیش ہونے کا حکم دیا گیا ہے۔

پیغمبر اکرم ﷺ نے فرمایا : میں نے جنت اور جنت میں موجود نعمات کو دیکھا، جہنم اور اس کے عذاب کو بھی ملاحظہ کیا۔

جنت کے آٹھ دروازے ہیں ہر دروازے پر چار کلمات لکھے ہوئے ہیں۔ ہر کلمہ دنیا و ما فیہا سے بہتر ہے ہر اس شخص کے لئے جو اس کو سمجھے اور اس پر عمل کرے۔

جہنم کے بھی سات دروازے ہیں ہر دروازے پر تین کلمات تحریر ہیں۔ ہر کلمہ دنیا اور اس میں موجود تمام چیزوں سے بہتر ہے۔ البتہ اس شخص کیلئے جو ان کلمات کو سمجھے اور ان پر عمل کرے۔

جبرائیلؑ نے مجھ سے کہا: اے محمدؐ جو کلمات ان دروازوں پر لکھے ہوئے ہیں انہیں پڑھو۔

میں نے ان کو پڑھا۔

■ جنت کے دروازے
🔹 پہلا دروازہ
کامیاب اور خوشحال زندگی کے اسباب
جنت کے پہلے دروازے پر لکھا ہوا تھا:
لَآ اِلٰہَ اِلَّا اللہُ مُحَمَّدٌ رَّسُوْلُ اللہِ عَلِیٌّ وَّلِیُّ اللہِ
ہر چیز کے لئے سبب ہوتا ہے اور خوشحال زندگی کے لئے چار اسباب ہیں:
(۱) قناعت
(۲) حقوق کی ادائیگی
(۳) کینہ کو ترک کرنا۔
(۴) اہل خیر اورنیک لوگوں کی صحبت

🔹 دوسرا دروازہ
آخرت میں خوشی کے اسباب
جنت کے دوسرے دروازے پر لکھا ہوا ہے:
لَآ اِلٰہَ اِلَّا اللہُ مُحَمَّدٌ رَّسُوْلُ اللہِ عَلِیٌّ وَّلِیُّ اللہِ
(جس طرح) ہر چیز کے اسباب ہیں (اسی طرح) آخرت میں سرور و خوشحالی کے چار اسباب ہیں۔
(۱ )یتیموں کے سر پر شفقت کا ہاتھ پھیرنا
(۲) بیوہ خواتین سے ہمدردی
(۳)مومنین کی حاجات پورا کرنے کی کوشش کرنا
(۴) فقراء و مساکین کے ساتھ تعاون

🔹 تیسرا دروازہ
دنیا میں صحت و سلامتی کا راز
جنت کے تیسرے دروازے پر لکھا ہوا ہے:
لَآ اِلٰہَ اِلَّا اللہُ مُحَمَّدٌ رَّسُوْلُ اللہِ عَلِیٌّ وَّلِیُّ اللہِ
ہر چیز کی وجہ اور علت ہوتی ہے دنیا میں صحت و سلامتی کی وجہ اور علت چار چیزیں ہیں۔
(۱) کم بولنا
(۲) کم سونا
(۳) کم چلنا (یعنی مسافرت کم اختیار کرنا)
(۴) کم کھانا

🔹 چوتھا دروازہ
خدا اور قیامت پر ایمان کی شرائط
جنت کے چوتھے دروازے پر لکھا ہوا ہے:
لَآ اِلٰہَ اِلَّا اللہُ مُحَمَّدٌ رَّسُوْلُ اللہِ عَلِیٌّ وَّلِیُّ اللہِ
(۱)جو شخص خدا اور روزِ آخرت پر ایمان رکھتا ہے وہ مہمان کا احترام کرے۔
(۲) جو شخص خدا اور روزِ آخرت پر ایمان رکھتا ہے وہ ہمسایہ کا احترام کرے۔
(۳) جو شخص خدا اور روزِ آخرت پر ایمان رکھتا ہے وہ والدین کا احترام کرے۔
(۴) جو شخص خدا اور روزِ آخرت پر ایمان رکھتا ہے وہ نیکی اور اچھائی کی بات کرے یا خاموش رہے۔

🔹 پانچواں دروازہ
عمل اور رد عمل
جنت کے پانچویں دروزہ پر لکھا ہوا ہے:
لَآ اِلٰہَ اِلَّا اللہُ مُحَمَّدٌ رَّسُوْلُ اللہِ عَلِیٌّ وَّلِیُّ اللہِ
(۱) جو شخص یہ چاہتا ہے کہ اس پر ظلم نہ ہو تو وہ کسی پر ظلم نہ کرے۔
(۲) جو شخص یہ چاہتا ہے کہ اس کو گالی نہ دی جائے تو کسی کو گالی نہ دے۔
(۳) جو شخص یہ چاہتا ہے کہ وہ ذلیل و خوار نہ ہو تو وہ کسی کو ذلیل و خوار نہ کرے۔
(۴) جو شخص یہ چاہتا ہے کہ دنیا اور آخرت میں وہ عروۃ الوثقیٰ (اللہ کی مضبوط رسی) کے ساتھ متمسک رہے تو وہ یہ کہے:
لَآ اِلٰہَ اِلَّا اللہُ مُحَمَّدٌ رَّسُوْلُ اللہِ عَلِیٌّ وَّلِیُّ اللہِ

🔹 چھٹا دروازہ
مسجد، جنت کے دروازوں میں سے ایک دروازہ ہے
جنت کے چھٹے دروازے پر لکھا ہوا ہے:
لَآ اِلٰہَ اِلَّا اللہُ مُحَمَّدٌ رَّسُوْلُ اللہِ عَلِیٌّ وَّلِیُّ اللہِ
(۱) جو شخص یہ چاہتا ہے کہ اس کی قبر وسیع ہو تو وہ مسجد بنوائے۔
(۲) جو شخص یہ چاہتا ہے کہ قبر میں اس کے بدن کو کیڑے نہ کھائیں وہ مسجد کو اپنے بیٹھنے کی جگہ قرار دے۔
(۳) جو شخص دوست رکھتا ہے کہ قبر میں اس کا بدن تروتازہ رہے اور بوسیدہ نہ ہو تو وہ مساجد میں صفائی کیا کرے۔
(۴) جو شخص دوست رکھتا ہے کہ وہ (دنیا میں رہ کر) جنت میں اپنا مقام دیکھے تو وہ مساجد میں فرش (دری اور چٹائی وغیرہ) کا انتظام کرے۔

🔹 ساتواں دروازہ
نورانیت قلب
جنت کے ساتویں دروازے پر لکھا ہوا ہے:
لَآ اِلٰہَ اِلَّا اللہُ مُحَمَّدٌ رَّسُوْلُ اللہِ عَلِیٌّ وَّلِیُّ اللہِ
دل کی نورانیت چار چیزوں میں ہے۔
(۱) مریض کی عیادت
(۲) تشییع جنازہ
(۳) کفن خریدنا (اور مردوں کو لپیٹنا)
(۴) قرض ادا کرنا

🔹 آٹھواں دروازہ
جنت کے دروازوں کی چابیاں
جنت کے آٹھویں دروازے پر لکھا ہوا ہے:
لَآ اِلٰہَ اِلَّا اللہُ مُحَمَّدٌ رَّسُوْلُ اللہِ عَلِیٌّ وَّلِیُّ اللہِ
جو شخص ان دروازوں میں سے جنت میں داخل ہونا چاہتا ہے تو وہ ان چار صفات کو اپنائے۔
(۱) سخاوت
(۲) حسن خلق (اچھا اخلاق)
(۳) صدقہ
(۴) بندگانِ خدا کو تکلیف نہ پہنچانا۔

■ جہنم کے دروازے
🔹 پہلا دروازہ
سعادت و امنیت کے اسباب
جہنم کے پہلے دروازے پر یہ تین کلمات لکھے ہوئے ہیں:
(۱) جو اللہ سے امید رکھے وہ سعادتمند و کامیاب ہے۔
(۲) جو شخص خوفِ خدا رکھتا ہو،وہ امن و امان میں ہے۔
(۳) غرور اور ہلاکت میں مبتلا ہے وہ شخص جو غیر خدا سے امیدیں وابستہ کر لے اور اللہ کے علاوہ کسی اور کا خوف رکھتا ہو،

🔹 دوسرا دروازہ
محشر میں آسائش و آرام کے اسباب
جہنم کے دوسرے دروازے پر تین کلمات لکھے ہوئے ہیں۔
(۱) جو شخص یہ چاہتا ہے کہ روزِ قیامت عریاں (اور بغیر لباس کے) نہ ہو تو وہ دنیا میں بے لباس لوگوں کو لباس پہنائے،
(۲) جو شخص یہ چاہتا ہے کہ قیامت کے دن پیاسا نہ ہو تو وہ دنیا میں پیاسوں کو سیراب کرے۔
(۳) جو شخص یہ چاہتا ہے کہ روزِ قیامت بھوکا نہ ہو تو وہ دنیا میں بھوکے لوگوں کو کھانا کھلائے۔

🔹 تیسرا دروازہ
رحمت الٰہی سے محروم ہونے کے اسباب (اور لعنت خدا کے مستحق افراد)
جہنم کے تیسرے دروازے پر تین کلمات لکھے ہوئے ہیں:
(۱) اللہ لعنت کرتا ہے جھوٹ بولنے والوں پر
(۲)اللہ لعنت کرتا ہے بخل کرنے والوں پر
(۳)اللہ لعنت کرتا ہے ظلم کرنے والوں پر۔

🔹چوتھا دروازہ
اسلام اور اہل بیتؑ کی توہین کی سزا
جہنم کے چوتھے دروازے پر یہ تین کلمات لکھے ہوئے ہیں:
(۱)اللہ ذلیل و خوار کرے گا اس شخص کو جو اسلام کی توہین کرے۔
(۲)اللہ ذلیل و خوار کریگا اس کو جو اہل بیتؑ کی توہین کرے۔
(۳) اللہ رسوا کرے گا اس شخص کو جو مخلوق خدا پر ظلم کرنے والوں کی مدد کرے۔

🔹 پانچواں دروازہ
تین اہم خطرات کی نشاندہی
جہنم کے پانچویں دروازے پر تین کلمات تحریر ہیں:
(۱) ہوا و ہوس (خواہشات نفس) کی پیروی نہ کرو۔ چونکہ ہوا و ہوس ایمان کے مخالف ہیں۔
(۲) زیادہ بے مقصد باتیں نہ کرو وگرنہ رحمت خدا سے محروم ہو جاؤ گے۔
(۳) ظالموں کے مدد گار نہ بنو۔

🔹 چھٹا دروازہ
جن لوگوں پر جہنم حرام ہے۔
جہنم کے چھٹے دروازے پر یہ تین کلمات لکھے ہوئے ہیں:
(۱) میں مجتہدین (علم و آگاہی اور دینی احکام کے استنباط کیلئے سعی و کوشش اور اجتہاد کرنے والوں) پر حرام ہوں۔
(۲) میں صدقہ دینے والوں پر حرام ہوں۔
(۳) میں صائمین (روزہ رکھنے) والوں پر حرام ہوں۔

🔹 ساتواں دروازہ
محاسبۂ نفس
جہنم کے ساتویں دروازے پر یہ تین کلمات لکھے ہوئے ہیں:
(۱) اپنے نفس کا محاسبہ کرو اس سے پہلے کہ تمہارا محاسبہ کیا جائے۔
(۲) اپنے نفسوں کی توبیخ و ملامت کرو اس سے پہلے کہ تمہاری توبیخ کی جائے۔
(۳) خدا سے دعا کرو (اور اپنے گناہوں کی مغفرت طلب کرو) اس سے پہلے کہ تمہیں بارگاہ عدل الٰہی میں پیش کیا جائے اور تم دعا (اور طلبِ مغفرت) پر قدرت نہ رکھتے ہو۔

📚 بحار الانوار، جلد۸، صفحہ۱۴۴۔ علامہ مجلسی قدس سرہ۔

https://t.me/islamwitheman/3132
⭕ ISLAM WITH EMAN ⭕

🌴 کجھور 🌴

کھجور کھائیں، صحت مند اور توانا رہیں۔

انسان ہزاروں سال سے کھجور کھاتا رہا ہے اور اب بھی یہ مقبول ترین میوہ توانائی سے بھرپور غذا کے درجے پر موجود ہیں۔ ماہرین نے مزید تحقیق کرکے کھجور کے لاتعداد فوائد پیش کئے ہیں۔ یہ کئی امراض سے بچاتی ہے اور غذائی کمی کو پورا کرتی ہے۔

🔹 وٹامن اور غذائیت
کھجور وٹامن کا خزانہ ہے جس میں کل چھ وٹامن پائے جاتے ہیں۔ اس میں وٹامن سی کی مقدار کم ہوتی ہے لیکن وٹامن بی ون (تھایامِن)، وٹامن بی ٹو (رائبوفلے وِن)، نائکوٹائنِک ایسڈ اور وٹامن اے بڑی تعداد میں موجود ہوتے ہیں۔ اس میں ریشے (فائبر) دار اجزا پائے جاتے ہیں جبکہ پوٹاشیئم، میگنیشیئم، تانبہ، سیلینیئم اور دیگر اہم معدنیات بھی موجود ہوتی ہیں۔ اس کے علاوہ کلوگوز اور فرکٹوز والی شکریات بھی موجود ہیں۔

یہی وجہ ہے کہ کھجور فوری طور پر توانائی پہنچاتی ہے اور پیٹ بھرنے کا احساس بڑھاتی ہے۔ عربی اطبا نے اسی بنیاد پر اسے مکمل غذا بھی قرار دیا ہے۔

واشنگٹن ڈی سی کی غذائی ماہر، ایلیسن ٹیپر کہتی ہیں کہ صبح کے وقت کھجور کھائیں تو اس سے پورے دن توانائی بحال رہتی ہے اور شکم سیری کا احساس موجود رہتا ہے۔

🔹 اینٹی آکسیڈنٹس
کھجوروں میں اینٹی آکسیڈنٹس کی بڑی مقدار موجود ہوتی ہے جو خلوی سطح پر شکست اور خرابی کو روکتے ہیں۔ اینٹی آکسیڈںٹس غذائیں ہمیں اندرونی سوزش (انفلیمیشن)، امراضِ قلب اور کینسر سے بھی بچاتی ہی۔

حساس ادارے کی رپورٹ میں اہم انکشاف
ایک قدرے پرانی تحقیق سے عیاں ہیں کہ کھجور میں پولی فینولز نامی اینٹٰی آکسیڈںٹس کیمیکل زیابیطس، اعصابی تنزلی اور سرطان سے محفوظ رہتے ہیں۔ پھر فائبر کی وجہ سے کھجور پورے نظامِ ہاضمہ کو قوی بناتی ہے۔

ڈاکٹر ایلیسن کے مطابق فائبر بدہضمی، گیس اور قبض کو ختم کرتی ہے اور غذا کو جزو بدن بنانے میں مدد دیتی ہے۔

🔹 کھجور اور قلبی صحت
اینٹی آکسیڈںٹس اور فائبر کی بنا پر کھجور دل کے لیے ایک مفید پھل ہے۔ کئی تحقیقات میں دیکھا گیا ہے کہ کھجور کھانے سے کولیسٹرول معمول پر رکھنے میں مدد ملتی ہے جس سے بلڈ پریشر، ہارٹ اٹیک اور فالج کا خطرہ کم ہوسکتا ہے۔

ماہرِ غذائیات پروفیسر اینڈرسن ہائنز کے مطابق کھجور میں موجود پوٹاشیئم اور میگنیشیئم دل کو توانا اور بیماریوں سے محفوظ رکھتے ہیں۔

🔹 حاملہ خواتین ضرور کھائیں
پروفیسر اینڈرن ہائنز کہتی ہیں کہ خواتین مدتِ حمل میں کھجور کا زیادہ استعمال رکھیں۔ 2017 میں کی گئی ایک تحقیق کے مطابق کھجور کھانے سے بچے کی پیدائش کی تکلیف اور زچگی کا وقفہ کم ہوجاتا ہے۔ اس سے قبل 2014 کی ایک اور تحقیق بتاتی ہے کہ کھجورمیں شامل اجزا، بچے کی پیدائش کے وقت رحمِ مادر کے پٹھوں میں حرکات پیدا کرتے ہیں جس سے ولادت میں آسانی ہوتی ہے۔

🔹 شکر کا متبادل
ماہرین کے مطابق کھجور اور چھوہارے کو چینی کا متبادل قرار دیا جائے اور یہ کئی کاموں میں بطور شکر استعمال ہوسکتی ہے۔ انہیں کیک، بسکٹ اور دیگر اجزا میں شامل کر کے قدرتی مٹھاس کو بڑھایا جاسکتا ہے۔ کھجور کا گلاسیمکل انڈیکس بہت کم ہوتا ہے۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/4703
⭕ ISLAM WITH EMAN ⭕

🔷 مرغی کے گوشت کے طبی فوائد 🔷

مرغی کا گوشت ناقابل یقین حد تک غذائیت سے بھرپور ہے اور دنیا بھر میں پروٹین کے مقبول ترین ذرائع میں سے ایک ہے، متوازن غذا کے ساتھ مرغی کا گوشت دیگر صحت کے فوائد کے علاوہ پٹھوں کے بننے اور وزن کو برقرار رکھنے میں بھی مدد فراہم کرتا ہے۔

صحت سے متعلق اس رپورٹ میں وہ سب کچھ ہے جو آپ کو مرغی کے گوشت سے متعلق جاننے کی ضرورت ہے، بشمول اس کے فوائد، نقصانات اور غذائیت کے ساتھ ساتھ اسے اپنی خوراک میں شامل کرنے کے صحت مند طریقے۔


🔹 مرغی پروٹین کا بھرپور ذریعہ
مرغی کا گوشت مکمل طور پر پروٹین کا بہترین ذریعہ ہے، سفید گوشت میں شمار کیے جانے والے اس گوشت میں تمام ضروری غذائیت اور امینو ایسڈز موجود ہوتے ہیں جو جسم خود نہیں بنا سکتا۔

پروٹین انسانی جسم کے ہر خلیے میں پایا جاتا ہے، یہ جسمانی افعال کے لیے ضروری ہوتا ہے۔

چکن میں پروٹین کی مقدار کٹ کے لحاظ سے مختلف ہوتی ہے، مثال کے طور پر، چکن بریسٹ کا 3 اونس 26 گرام پروٹین فراہم کرتا ہے جبکہ پروں، رانوں اور ڈرم اسٹک کا وہی حصہ تقریباً 20 گرام پروٹین فراہم کرتا ہے۔

پٹھوں کے بننے اور اِن کی دیکھ بھال میں مدد کرتا ہے۔

غذائی پروٹین آپ کے جسم کو امینو ایسڈ فراہم کرتا ہے جس کی اسے پٹھوں کے ٹشوز کی مرمت اور تعمیر کے لیے ضرورت ہوتی ہے، دیکھا گیا ہے کہ اگر پروٹین کی زیادہ مقدار لی جائے تو یہ پٹھوں کی بڑے پیمانے پر افزائش اور طاقت میں اضافہ کرتی ہے۔

حساس ادارے کی رپورٹ میں اہم انکشاف
مزید برآں، زیادہ پروٹین کیلوریز کی کم مقدار فراہم کرتی ہے اور وزن میں کمی کے دوران پٹھوں کو محفوظ رکھنے میں مدد کرتی ہے، تاہم پروٹین ناصرف ان لوگوں کے لیے فائدہ مند ہے جو اپنی جسمانی ساخت کو سیڈول بنانا چاہتے ہیں بلکہ یہ صحت مند طریقے سے عمر میں اضافے کے لیے بھی مفید ہے۔

پروٹین کی ناکافی مقدار بوڑھے اور بالغوں میں پٹھوں کی ٹوٹ پھوٹ، پٹھوں کی نشوونما اور فعال میں کمی کا باعث بن سکتی ہے۔

🔹 مرغی کا استعمال دماغ کی نشوونما اور افعال کو بہتر بنا سکتا ہے۔

چکن کولین اور وٹامن بی 12کا ایک بھرپور ذریعہ ہے۔

چکن میں وٹامن بی 12 کافی زیادہ پایا جاتا ہے، کولین اور وٹامن بی 12 دونوں غذائی اجزاء دماغی نشوونما اور اسے فعال رکھنے میں اہم کردار ادا کرتے ہیں۔

ایک اندازے کے مطابق 90 سے 95 فیصد خواتین جو حاملہ ہیں وہ اپنی روزانہ کی کولین کی ضروریات کو پورا کرنے میں ناکام رہتی ہیں، کولین کی زیادہ مقدار کا استعمال بچوں میں علمی صلاحیت کو بڑھانے کے کام آتا ہے، زیادہ کولین کا استعمال بوڑھے اور بالغوں کو ذہنی مشکلات سے بھی بچا سکتا ہے۔

🔹 جِلد اور جوڑوں کی صحت کو بہتر بنا سکتا ہے

چکن غذائی کولیجن کا ایک بہترین ذریعہ ہے، درحقیقت، بہت سے کولیجن سپلیمنٹس مرغیوں کی ہڈیوں، جِلد اور پنجوں سے کولیجن نکال کر بنائے جاتے ہیں
کولیجن بنیادی ساختی پروٹین ہے جو ہڈیوں، جِلد میں پایا جاتا ہے۔

جیسے جیسے ہماری عمر بڑھتی ہے، ہمارا جسم کم کولیجن پیدا کرتا ہے، اس سے جوڑوں کا درد، پٹھوں کی کمزوری اور ہماری جِلد پر جھڑیاں پڑ سکتی ہیں۔

تحقیق سے پتہ چلتا ہے کہ چکن میں پائے جانے والا کولیجن جوڑوں کے درد اور سختی کو بہتر بنانے میں مدد کر سکتا ہے، 18 جانوروں کے مطالعے سے پتہ چلتا ہے کہ مرغیوں سے ملنے والا کولیجن جِلد کی بڑھتی عمر کو روکنے میں بھی مدد کرتا ہے۔

اگر آپ چکن کولیجن کے ممکنہ فوائد سے فائدہ اٹھانا چاہتے ہیں تو یہ ضروری ہے کہ چکن کی جِلد کے ساتھ کٹائی کروائیں اور اس کا استعمال کریں، آپ پوری چکن کی بچی ہوئی جِلد اور ہڈیوں کو ابال کر کولیجن سے بھرپور ہڈیوں کا شوربہ بھی بنا سکتے ہیں۔

🔹 چکن کا گوشت غذائیت کے لحاظ سے
چکن کی غذائیت اس کی کٹنگ، پکانے کے طریقے اور اس کے گوشت پر جِلد کے ہونے یا نہ ہونے کے لحاظ سے مختلف ہو سکتی ہے۔

بغیر ہڈیوں کے، بغیر جِلد کے، پکی ہوئی چکن (بریسٹ) 3 اونس سرونگ میں 128کیلوریز، چربی 2.7 گرام، سیچوریٹڈ چربی 0.8 گرام، اَن سیچوریٹڈ چربی 1.7 گرام، سوڈیم 44 ملی گرام (ملی گرام)، کاربوہائیڈریٹ 0 گرام، فائبر 0 گرام، پروٹین 26 گرام، فاسفورس 18 فیصد (روزانہ کی مطلوبہ مقدار کا فیصد) سیلینیم 44 فیصد، کولین 20 فیصد، نیاسین (وٹامن B3) 64 فیصد، وٹامن (بی6) 58 فیصد، وٹامن (بی 12) 7فیصد پایا جاتا ہے۔

اس کے مقابلے میں چکن کی ران کے گوشت (جِلد سمیت) کے 3 اونس سرونگ میں کیلوریز 197، چربی 12.5 گرام، سیچوریٹڈ چربی 3.5 گرام تقریباً 18 فیصد، اَن سیچوریٹڈ چربی 7.9 گرام، سوڈیم 87 ملی گرام، کاربوہائیڈریٹ 0 گرام، فائبر 0 گرام، پروٹین 20 گرام، فاسفورس (روزانہ کی مطلوبہ مقدار کا فیصد) 15فیصد، زنک 13فیصد، سیلینیم 39فیصد، کولین 12 فیصد، نیاسین (وٹامن B3) 31 فیصد، وٹامن (بی6) 21، وٹامن (بی12) 16 فیصد پایا جاتا ہے۔

چکن کے گہرے رنگ کے گوشت میں جیسے کہ چکن کی ران، چکن کی چھاتی کی طرح سفید گوشت کی اقسام سے زیادہ چکنائی اور قدرے زیادہ کیلوریز ہوتی ہیں۔

چکن کی رانوں میں زیادہ تر چربی اَن سیچوریٹڈ چکنائی ہوتی ہے جسے اعتدال میں استعمال کرنے سے دل کی صحت کو فائدہ ہوتا ہے۔

اس کے باوجود گہرا اور سفید دونوں رنگوں کا گوشت آپ کے لیے مفید غذائی اجزاء جیسے پروٹین، متعدد وٹامنز بی اور سیلینیم سے بھرپور ہوتا ہے۔

وٹامنز B آپ کے کھانے کو توانائی میں تبدیل کرنے میں مدد کرتے ہیں، یہ خون کے سرخ خلیات کی پیداوار کے لیے بھی اہم ہیں۔

سیلینیم میں اینٹی آکسیڈینٹ خصوصیات پائی جاتی ہیں، یہ آزاد ریڈیکلز کی وجہ سے سیل (خلیے) کو پہنچنے والے نقصان سے بچا سکتا ہے، سیلینیم ایک صحت مند مدافعتی نظام اور تھائیرائیڈ گلینڈ کے کام کے لیے بھی ضروری ہے۔


■ مرغی کے گوشت کے کیا نقصانات ہیں؟
مرغی سے بنی تمام غذائیں ایک جیسی نہیں ہوتی، مثال کے طور پر مرغی کے پروں، چکن نگیٹ تلی ہوئی اور روٹی سے کھانے والے سالن میں غیر صحت بخش چکنائی، کاربوہائیڈریٹس اور کیلوریز زیادہ ہوتی ہیں۔

متعدد مطالعات سے پتہ چلتا ہے کہ پراسیس شدہ یا جما ہوا چکن کا گوشت کھانے سے دل کی بیماریوں، ٹائپ ٹو ذیابطیس اور بعض قسم کے کینسر کا خطرہ بڑھ جاتا ہے۔

پروسس شدہ گوشت میں سوڈیم اور پریزَرویٹِوز کی زیادہ مقدار ہوتی ہے۔

سوڈیم کی مقدار کو کم کرنے سے بلڈ پریشر کی سطح کو کم کرنے میں مدد ملتی ہے، خاص طور پر ہائی بلڈ پریشر والے لوگوں میں، پراسیس شدہ گوشت میں کچھ حفاظتی عناصر، جیسے کہ نائیٹریٹ، سرطان پیدا کرنے والے مرکبات کی تشکیل میں حصہ ڈالتے ہیں۔

اسی لیے تجویز کیا جاتا ہے کہ ہمیشہ مرغی کا تازہ گوشت استعمال کیا جائے۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman
⭕ ISLAM WITH EMAN ⭕

🌸 والدین کی خدمت 🌸

‏ایک عالم دین سے ایک نوجوان شخص نے شکایت کی کہ میرے والدین ادھیڑ عمر ھیں اور اکثر و بیشتر وہ مجھ سے خفا رہتے ھیں حالانکہ میں انکو ہر وہ چیز مہیا کرتا ھوں جسکا وہ مطالبہ کرتے ھیں ۔۔

عالم دین نے نوجوان شخص کو سر سے پیروں تک دیکھا اور فرمانے لگے کہ بیٹا یہی تو انکی ناراضگی کا سبب ھے کہ جو وہ مانگتے ھیں تم انکو لا کر دیتے ھو !

نوجوان کہنے لگا کہ میں آپکی بات نہیں سمجھ پایا تھوڑی سی وضاحت کر دیں ۔۔

عالم دین فرمانے لگے: بیٹا کیا تم نے کبھی غور کیا ھے کہ جب تم دنیا میں نہیں آئے تھے تو تمہارے آنے سے پہلے ھی تمھارے والدین نے تمھارے لئے ہر چیز تیار کر رکھی تھی ۔
تمھارے لئے کپڑے،
تمھاری خوراک کا انتظام،
تمھاری حفاظت کا انتظام،
تمہیں سردی نہ لگے اگر گرمی ھے تو گرمی نہ لگے۔
تمہھارے آرام کا بندوبست،
تمھاری قضاے حاجت تک کا انتظام تمھارے والدین نے تمھاری دنیا میں آنے سے پہلے ھی کر رکھا تھا ۔۔

پھر آگے چلو ۔۔۔
کیا تمھارے والدین نے کبھی تم سے پوچھا تھا کہ بیٹا تم کو سکول میں داخل کروائیں یا نہ۔
اسی طرح کالج یا یونیورسٹی میں داخلے کیلئے تم سے کبھی پوچھا ھو، بلکہ تمھارے بہتر مستقبل کیلئے تم سے پہلے ھی سکول اور کالج میں داخلے کا بندوبست کر دیا ھو گا ۔۔
اسی طرح تمھاری پہلی نوکری کیلئے تمھارے سکول کی ٹرانسپورٹ کیلئے تمھارے یونیفارم کیلئے تمھارے والد صاحب نے کبھی تم سے نہیں پوچھا ھو گا بلکہ اپنی استطاعت کے مطابق بہتر سے بہتر چیز تمھارے مانگنے سے پہلے ھی تمہیں لاکر دی ھو گی ۔۔

تمہیں تو شاید اسکا بھی احساس نہ ھو کہ جب تم نے جوانی میں قدم رکھا تھا تو تمھارے والدین نے تمھارے لئے ایک۔اچھی لڑکی بھی ڈھونڈنی شروع کر دی ھو گی جو اچھی طرح تمھاری خدمت کر سکے اور تمھارا خیال رکھ سکے ۔۔۔
لڑکی تلاش کرتے ھوے بھی انکی اولین ترجیح تمھاری خدمت ھی ھوگی بلکہ انکے تو ذھین میں کبھی یہ خیال بھی نہی آیا ھو گا کہ ھم ایسی دلہن بیٹے کیلئے لائیں جو ھماری خدمت بھی کرے اور ھمارے بیٹے کی بھی ۔۔۔

تمھارے لئے کپڑے تمھاری پہلی سائکل تمھارا پہلا موٹر سائکل تمھارا پہلا سکول تمھارے کھلونے تمھاری بول چال تمھاری تربیت تمھارا رھن سہن چال چلن رنگ ڈھنگ گفتگو کا انداز ۔۔۔۔۔یہاں تک کے تمھارے منہ سے نکلنے والا پہلا لفظ تک تمکو تمھارے ماں باپ نے مفت میں سیکھایا ھے اور تمھارے مطالبے کے بغیر سیکھایا ھے ۔۔۔

اور آج تم کہتے ھو کہ۔جو کچھ وہ مجھ سے مانگتے ھیں میں ان کو لا کر دیتا ھوں اس کے باوجود وہ خفا رھتے ھیں ۔۔۔

والدین کو بن مانگے دینا شروع کرو۔
انکی ضروریات کا خیال اپنے بچوں کی ضروریات کی طرح کرنا شروع کرو ۔۔

اگر انکی مالی مدد نہی کر سکتے تو انکو اپنا قیمتی وقت دو انکی خدمت کرو گھر کی ذمہ داریاں خود لو ۔۔جیسے اپنے بچوں کے باپ بنے ھو ویسے ھی اپنے والدین کی نیک اولاد بنو ۔۔ اور انکو بن مانگے دینا شروع کرو ۔۔

اپنے آپ کو اس قابل بنا لو کہ انکو تم سے مانگنے کی یا مطالبے کی ضرورت ھی نہ پڑے ۔۔ یا انکو کبھی تمھاری کمی محسوس ھی نہ ھو کم سے کم اتنا وقت تو ان کو عطا کردو ۔۔۔۔ان کے مسائل پوچھو ۔۔
اگر انکی مالی مدد نہیں کر سکتے تو انکی خدمت کرو۔

کیا کبھی ماں یا باپ کے پاؤں کی پھٹی ھوئی ایڑیاں دیکھیں ھیں تم نے ؟؟
کیا کبھی ان پھٹی ھوئی ایڑیوں میں کوئی کریم یا تیل لگایا ھے جیسے وہ تم کو چھوٹے ھوتے وقت لگاتے تھے ؟؟

کیا کبھی ماں یا باپ کے سر میں تیل لگایا ھو کیونکہ جب تم بچے تھے تو وہ باقاعدہ تمھارے سر میں تیل لگا کر کنگھی بھی کرتے تھے ۔۔تمھای ماں تمھارے بال سنوارتی تھی کبھی ماں کے بال سنوار کر تو دیکھو ۔۔۔

کیا کبھی باپ کے پاؤں دبائے ھیں حالانکہ تمھارے باپ نے تمہیں بہت دفعہ دبایا ھو گا ۔۔۔

کیا کبھی ماں یا باپ کی لئے ہاتھ میں پانی یا تولیہ لے کر کھڑے ھوئے ھو ۔جیسے وہ تمھارا منہ بچپن میں نیم گرم پانی سے دھویا کرتے تھے ۔۔۔۔

کچھ کرو تو سہی !
ان کو بغیر مانگے لا کر دو
ان کی ذمہ داریاں اٹھا کر دیکھو ۔
ان کو وقت دے کر دیکھو
ان کی خدمت کر کے دیکھو ۔
ان کو اپنے ساتھ رکھو ھمیشہ
ان کو اپنے آپ پر بوجھ مت سمجھو بلکہ نعمت سمجھ کر دیکھو۔

جسطرح انہوں نے تم کو بوجھ نہیں سمجھا بغیر کسی معاوضہ کے تمھاری دن رات پرورش کر کے معاشرے کا ایک کامیاب انسان بنایا ھے ۔ کم سے کم ان کی وھی خدمات کا صلہ سمجھتے ھوئے ان سے حسن سلوک کا رویہ اختیار کرو ۔۔

پھر دیکھنا وہ بھی خوش اور اللہ بھی خوش ۔۔

عالم دین کی یہ باتیں سن کر نوجوان اشک بار ھوگیا اور باقی کے حاضرین کی آنکھیں بھی نم ھو گئیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/4573
⭕ ISLAM WITH EMAN ⭕

🔷 سبزیاں جو اصل میں پھل ہیں 🔷

کیا آپ ان سبزیوں کے نام جانتے ہیں جو حقیقت میں پھل ہیں؟

کیا آپ کو معلوم ہے کچھ چیزیں ہم آج تک سبزیاں سمجھ کر کھاتے رہے ہیں وہ دراصل پھل ہیں۔

ایک عام خیال پایا جاتا ہے کہ سبزیوں اور پھلوں میں فرق صرف مٹھاس کا ہے کیونکہ پھل عموماً میٹھے ہوتے ہیں جبکہ سبزیوں میں مٹھاس نہیں ہوتی۔

بہت سی ایسی کچی غذائیں جنہیں ہم سبزیاں سمجھتے ہیں تکنیکی طور پر وہ پھل ہیں۔

علم نباتات کے اصولوں کے مطابق پھل کی تعریف یہ ہے کہ پودے کے پھول سے پیدا ہونے والا نرم گودا جس میں پودے کا بیج ہو، پھل کہلاتا ہے اور تکنیکی لحاظ سے ٹماٹر اس تعریف پر پورا اترتا ہے۔

🔹 زیتون
زیتون کو ہم سبزی سمجھ کر پیزا پر لگا کر بڑے مزے سے کھاتے ہیں، زیتون درحقیقت ایک پھل ہے، اس کا آڑو، آم اور کھجور جیسے گٹھلی والے پھلوں کے خاندان سے تعلق ہے۔

🔹 کھیرا
جی ہاں! کھیرا سلاد میں کھائی جانے والی سبزی نہیں بلکہ کدو کی طرح یہ بھی پھلوں کے خاندان کا غیر متوقع رکن ہے۔

🔹 کدو
اگر آپ میٹھے کدو کو سبزی سمجھ کر کھانے کے عادی ہیں تو جان لیں یہ بھی تیکنیکی لحاظ سے خربوزہ اور تربوز کی طرح ایک پھل ہے۔

🔹 بھنڈی
یقیناً اس راز کے کھلنے پر آپ کا دل بھنڈی کو پھل ماننے کے لیے تیار نہیں ہے مگر یہ ایک حقیقت ہے کہ بھنڈی سبزی نہیں بلکہ ایک پھل ہے۔

🔹 مرچیں
ہر قسم کی مرچیں یعنی ہری مرچ، شملہ مرچ یا دیگر سب ہی تکنیکی لحاظ سے پھل ہیں کیونکہ مرچیں پھلوں کی تعریف پر پوری اترتی ہیں۔

🔹 بینگن
درحقیقت بینگن صرف پھل ہی نہیں، تیکنیکی وضاحت کے لحاظ سے اس کا تعلق بیریز سے ہے۔

🔹 ٹماٹر
ٹماٹروں کے بارے میں تو ہر دوسرا فرد تذبذب کا شکار نظر آتا ہے اور یہ بحث ہے بھی بہت دلچسپ، یہانتک کہ 1893 میں امریکی سپریم کورٹ نے بھی ٹماٹر کو ایک مقدمے میں سبزی قرار دے دیا تھا جبکہ نباتاتی ماہرین کے مطابق ٹماٹر ایک پھل ہے جسے لوگ سبزی سمجھتے ہیں۔

🔹 کریلے
کریلا تکنیکی لحاظ سے ایک کڑوا پھل ہے جسے ہم سبزی سمجھ کر کھا جاتے ہیں۔

🔹 مٹر اور سبز پھلیاں
مٹر اور سبز پھلیاں بھی تکنیکی لحاظ سے سبزیاں نہیں بلکہ پھل ہیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman
⭕ ISLAM WITH EMAN ⭕

🔷 مکھیوں کو بھگانے کا سپرے 🔷

گھر میں ہر جگہ بھنکتی مکھیاں کسی کو پسند نہیں، بعض افراد تو ان کی موجودگی سے جھنجھلاہٹ کا شکار ہوجاتے ہیں۔

بسا اوقات یہ مکھیاں اپنے ساتھ گندگی سے مختلف اقسام کے جراثیم لے کر ہمارے گھروں میں داخل ہو جاتی ہیں اور بیماریوں کا سبب بنتی ہیں۔ یوں تو مکھیوں کی موجودگی ہمارے ماحول کے لئے بےحد ضروری ہے تاہم ایک تحقیق کے مطابق مکھیاں اپنے ساتھ 65 بیماریاں لاتی ہیں، جن میں تپ دق، جذام، ہیضہ اور پیچش وغیرہ شامل ہیں۔

یہ ایک بار گھر میں آجائیں تو ان کا نکلنا مشکل ہوجاتا ہے۔ یوں تو مارکیٹ میں کیڑے مکوڑے سمیت مکھی کش ادویات و اسپرے دستیاب ہیں لیکن آپ کے باورچی خانے میں موجود ایک سبزی ایسی ہے جو ان اُڑتی پھرتی مکھیوں کو گھر سے بھگا سکتی ہے۔

ادرک کی مدد سے اپنے گھر کو مکھیوں سے پاک رکھیں:
ادرک کا استعمال کر کے اپنے گھر سے مکھیوں کو بھگانے کے لئے آپ کو ایک اسپرے تیار کرنے کی ضرورت ہے جس کے لئے اسپرے بوتل میں پانی بھریں پھر اس میں ادرک پاؤڈر شامل کر کے حل کر لیں۔ لیجئے اینٹی فلائی اسپرے تیار ہے اب اسے کچرے کے ڈبے کے آس پاس، کھڑکی اور دروازوں پر چھڑکیں۔ اس کے علاوہ آپ کے گھر میں جس جگہ مکھیاں زیادہ تعداد میں جمع ہوں وہاں بھی اس اسپرے کا استعمال کریں۔

اس اسپرے سے آپ مکھیوں کو مار کر ماحول کو نقصان بھی نہیں پہنچائیں گے اور ان مضر صحت مکھیوں کو گھر سے دور بھی رکھیں گے۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman
⭕ ISLAM WITH EMAN ⭕

📣 توہین صحابہ 📣

حضرت ابوبرزہ اسلمیؓ فرماتے ہیں کہ ایک شخص حضرت ابوبکر ؓ صدیق کو گندی گالیاں دے رہا تھا میں نے کہا اے رسول اللہ ﷺ کے خلیفہ اگر آپ اجازت دیں تو میں اسے قتل نا کردوں؟
تو آپ نے فرمایا کہ یہ سزا صرف اس کی ھے جو نبی ﷺ کو گالی دے آپ کے علاوہ یہ سزا (قتل) کسی (صحابی) کے گستاخ کے لئے نہیں ھے۔

📚 حوالہ جات
1۔۔مستدرک علی الصحیحین امام حاکم مترجم جلد 6 صفحہ 389 حدیث نمبر 8045
ھذا حدیث صحیحٌ علی شرط الشیخین ولم یُخَرِّجَاہٗ
2۔۔مستدرک علی الصحیحین امام حاکم مترجم جلد 6 صفحہ 389 حدیث نمبر 8046 صحیح
3۔تلخیص مستدرک امام ذہبی جلد 6 صفحہ حدیث نمبر 8045 ھذا حدیث صحیحٌ علی شرط الشیخین ولم یُخَرِّجَاہٗ
4۔تلخیص مستدرک امام ذہبی جلد 6 صفحہ حدیث نمبر 8046 صحیح
5۔ مسند احمد مترجم جلد 1 صفحہ 96 حدیث نمبر 54 قال الالبانی صحیح
6۔ مسند احمد مترجم جلد 1 صفحہ 100 حدیث نمبر 61 صحیح
7۔سنن ابوداودجلد 3 صفحہ 338 حدیث نمبر 4306 صحیح
8۔ سنن ابوداودجلد 3 صفحہ 345 حدیث نمبر 4363 صحیح۔

Copy...

https://t.me/islamwitheman/4961
⭕ ISLAM WITH EMAN ⭕

🔷 امام رضاؑ کی دس سفارشیں 🔷

🔹 سفارش اول
ہمیشہ لوگوں کو خوش رکھنے کی کوشش کریں تاکہ خدا قیامت کے دن تمہیں خوش کرے.

🔹 سفارش دوم
جہاں تک ممکن ہو خاموش رہیں۔ خاموشی محبت کی موجب ہے اور ہر خیر کی رہنما ہے۔

🔹 سفارش سوم
ہمیشہ سوره حمد پڑھتے رہیں کیونکہ دنیا اور آخرت کی سب بھلائیاں اس میں پوشیدہ ہیں.

🔹 سفارش چهارم
خدا کے تھوڑے دیئے رزق پر راضی رہو تاکہ خدا آپکے تھوڑے عمل پر راضی رہے.

🔹 سفارش پنجم
صلہ رحمی پر ثابت قدم رہیں اور اس کی بہترین قسم یہ ہے کہ اپنے رشتہ داروں کو تکلیف نہ دیں.

🔹 سفارش ششم
جو خدا سے نہیں ڈرتا اس پر کوئی امید نہ رکھیں کیونکہ وہ تعہد، نجابت اور کرم نہیں رکھتا۔

🔹 سفارش هفتم
زیادہ سے زیادہ احسان کریں کہ خداوند قیامت کے دن آدھے خرما کو اُحد پہاڑ جتنا بڑا کر دے گا۔

🔹 سفارش هشتم
حقُّ النّاس کی رعایت کریں کیونکہ محمد و آل محمد کی دوستی اس کے بغیر قابل قبول نہیں۔

🔹 سفارش نهم
ایسی بخشش سے پرہیز کریں جس کا نقصان اسکے فائدے سے زیادہ ہو۔

🔹 سفارش دهم
اپنے کردار کا خصوصی خیال رکھیں تاکہ کوئی تہمت نہ لگا سکے اگر ایسا نہیں کیا تو حقِّ ملامت بھی نہیں رکھتے۔

📚 تحف العقول، ص 443۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 جِلد کو صحتمند رکھنے والے وٹامنز 🔷

قدرت نے انسان کی جِلد کو نرم و نازک اور بہت حساس بنایا ہے۔ خوبصورت نظر آنے کے لیے صرف میک اَپ ہی نہیں بلکہ جِلد کی مناسب دیکھ بھال بھی ضروری ہوتی ہے۔ جِلد کی خوبصورتی کے لیے کریم اور لوشن سے زیادہ اہم مناسب غذا کا حصول ہے۔

جِلد انسانی جسم کا سب سے بڑا عضو ہے۔ ہر لمحہ ہماری جِلد کا واسطہ نقصان دہ اشیا سے پڑتا رہتا ہے، جو جسم میں ایسے غیر مستحکم ایٹمی ذرّات اور نقصان دہ مادے کی ترسیل کو ممکن بنا دیتے ہیں، جو جِلد کے علاوہ پورے جسم کو بھی غیر معمولی نقصان پہنچانے کا سبب بن سکتے ہیں۔

وٹامنز آپ کی جِلد کو خوبصورت اور صحتمند بنانے میں اہم کردار ادا کرتے ہیں۔ آئیے جانتے ہیں کہ مختلف وٹامنز ہماری جِلد پر کیا اثرات مرتب کرتے ہیں۔

🔹 وٹامن اے
غذائیات کی ایک جرمن ماہر گابریئیلے گراف بھی صاف اور نکھری ہوئی جِلد کے لیے وٹامن اور معدنیات کی اہمیت پر غیر معمولی زور دیتی ہیں۔ وہ کہتی ہیں،’وٹامن اے جِلد کی تازگی کے لیے بہت ضروری ہے‘۔ وٹامن اے جِلد کی خشکی اور تھکاوٹ کو دور کرتا ہے۔ اس کی کمی سے جِلد خشک ہو جاتی ہے اور خشکی سے جِلد میں پپڑیاں جمنے لگتی ہیں۔

وٹامن اے بڑھتی عمر کی وجہ سے پیدا ہونے والے جِلدی مسائل کی روک تھام کرتا ہے۔ اس کے علاوہ یہ جِلد کو کیل مہاسوں، چھائیوں اور جھریوں سے بھی محفوظ رکھتا ہے۔

وٹامن اے سب سے زیادہ دودھ، گاجروں اور مچھلی میں پایا جاتا ہے۔ تربوز میں بھی وٹامن اے پایا جاتا ہے۔ اس میں موجود وٹامن اے جِلد کے کھلے مسام کو بند کرنے اور چربی پیدا کرنے والے گلینڈز کی رفتار کم کر دیتا ہے جبکہ اس کو جِلد پر رگڑنے سے یہ کلینزر کا کام دیتا ہے۔

🔹 وٹامن بی
وٹامن بی آپ کی رنگت کو خوبصورت بناتا ہے۔ وٹامن بی کمپلیکس جِلد کو ضروری تیل فراہم کرتا ہے۔یہ جِلد کو ہمیشہ جوان رکھتا ہے۔ وٹامن بی کی کمی جِلد پر دھبوں، خشکی، جُھریوں اور ہونٹ پھٹنے کا سبب بنتی ہے۔

🔹 وٹامن سی
وٹامن سی جِلد میں جراثیم کے خلاف قوت مدافعت پیدا کرتا ہے۔ یہ کولیجن فائبر بنانے میں مددگار ثابت ہوتا ہے اور جِلد کو سورج کی الٹرا وائلٹ شعاعوں کے مضر اثرات سے محفوظ رکھتا ہے۔ وٹامن سی جِلد میں متعدد جراثیم کے خلاف قوت مدافعت پیدا کرتا ہے۔ جِلدی صحت کے لیے وٹامن سی کے حصو ل کا سب سے بڑا ذریعہ اسٹرابیری ہے۔ اس میں موجود وٹامن سی جسم میں کولیجن کی سطح بڑھانے کے لیے بھی اہمیت رکھتا ہے، جو جِلد کی لچک اور نرمی کو بہتر بنانے میں مدد دیتا ہے۔ عمر بڑھنے کے ساتھ کولیجن کی سطح میں کمی آتی ہے تاہم وٹامن سی سے بھرپور غذا کے استعمال سے جِلد کو صحتمند اور جوان بنانے میں مدد ملتی ہے۔ وٹامن سی کے ساتھ ساتھ اسٹرابیری میں موجود ellagic acid بھی کولیجن کے خاتمے اور ورم کے ردعمل کو روکتا ہے، یہ دونوں عوامل جُھریوں کا باعث بنتے ہیں۔ اس لیے ہمیشہ جواں نظر آنے اور اپنی جِلد کو جُھریوں سے محفوظ رکھنے کے لیے اسٹرابیریز خوب کھائیں۔ اس کے علاوہ کینو بھی غذائیت سے بھرپور پھل ہے، جو وٹامن سی کے حصول کا ایک بہترین اور آسان ذریعہ ہے۔

🔹 وٹامن ڈی
اس وٹامن کی خوبی یہ ہے کہ اسے پیسوں کے بغیر بھی حاصل کیا جاسکتا ہے۔ بس کچھ دیر دھوپ میں بیٹھ کر بہت سارا وٹامن ڈی حاصل کر کے صحت کی بہتر نشوونما کو ممکن بنایا جا سکتا ہے۔

سورج کی روشنی کے بعد وٹامن ڈی سب سے زیادہ دودھ میں پایا جاتا ہے، یہی وجہ ہے کہ روزانہ ایک گلاس دودھ پینے والے افراد کی ہڈیاں، عضلات اور دانت مضبوط جبکہ جِلد روشن اور چمکدار رہتی ہے۔ وٹامن ڈی جِلد کے لیے ضروری وٹامنز میں سرفہرست ہے۔ اس کی کمی جِلد کی خرابی کا سبب بنتی ہے۔

🔹 وٹامن ای
وٹامن ای زخم، سوزش اور جِلد کی سرخی اور جلن کو کم کرنے میں مددگار ثابت ہوتا ہے۔ یہ حل پذیر ہونے والا وٹامن ایک طاقتور اینٹی آکسیڈنٹ ہے۔ یہ جِلد میں پیدا ہونے والے فری ریڈیکلز کے خلاف مضبوط قوت مدافعت پیدا کرتا ہے۔ جِلد کی خوبصورتی کے لیے تیار کردہ مصنوعات میں وٹامن ای لازمی عنصر کی حیثیت رکھتا ہے۔ ایسی کریمز، جن میں وٹامن ای شامل ہو، جِلد پر لگانا مفید ثابت ہوتا ہے۔

صحتمند رہنے کے لیے مردوں کو روزانہ وٹامن ای کے 15یونٹس اور خواتین کو 12یونٹس لینا ضروری ہیں۔ وٹامن ای کی وافر مقدار گندم، کیلے، سورج مکھی کے بیج، گری دار میوے، نباتاتی تیل، پالک وغیرہ میں موجود ہوتی ہے۔

🔹 پانی
چہرے کے ترو تازہ اور جوان نظر آنے کا ایک راز اور بھی ہے۔ وہ یہ کہ زیادہ سے زیادہ پانی پینا اور جسم کو ہائیڈریٹڈ یا آبیدہ رکھنا۔ خوب پانی پینے سے چہرہ تروتازہ رہتا ہے۔ زیادہ تر ماہرین کا کہنا ہے کہ صحتمند جِلد کے لیے وٹامن، منرلز ، پروٹین اور امینوایسڈ کا استعمال بہت ضروری ہے۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman
⭕ ISLAM WITH EMAN ⭕

🔷 جلد کے چار ضروری وٹامن 🔷

وٹامنز انسانی جسم کے لیے بہت اہمیت کے حامل ہوتے ہیں، جن کی کمی اندرونی نظام کو ہی متاثر نہیں کرتی بلکہ چہرے کی جلد پر بھی اثر انداز ہوتی ہے اور اس پرگہرے دھبے نمودار ہو جاتے ہیں جبکہ مناسب مقدار میں وٹامنز حاصل کرنا جگمگاتی اور خوبصورت جلد کاباعث بنتا ہے۔ صاف شفاف اور بے داغ جلد کے لیے اگر متوازن خوراک اور مناسب دیکھ بھال کی جائے تو مہنگے بیوٹی پراڈکٹس اور پیچیدہ ٹریٹمنٹ سے بچنا ممکن ہو سکتا ہے۔ اگرجلد صحت مند ہو تو خوبصورتی میں اضافہ ہوجاتا ہے۔

جلد انسانی جسم کا وہ حصہ ہے جو نقصان پہنچانے والے عناصر سے بچاؤ کے لئے دیوار کا کام کرتی ہے، جیسے سورج کی شعاعیں، جراثیم، سردی کے اثرات، زہریلے مادے اور ساتھ ہی ساتھ یہ جسمانی درجہ حرارت کو منظم کرنے میں بھی مدد کرتی ہے۔

اگر آپ چاہتے ہیں کہ آپ بھی صحت مند اور خوبصورت جلد کے مالک ہوں تو چار ضروری وٹامنز کو اپنی خوراک میں شامل کر لیں۔

🔹 وٹامن ڈی
وٹامن ڈی جلد کے لیے ضروری وٹامنز میں سرفہرست ہے، اس کی کمی جلد کی خرابی کا سبب بنتی ہے۔

وٹامن ڈی بھی دو طرح کا ہوتا ہے، وٹامن ڈی ٹو اور وٹامن ڈی تھری۔ صبح سویرے سورج کی کرنوں سے وٹامن ڈی حاصل کیا جا سکتا ہے۔

لنس پالنگ انسیٹیوٹ کے مطابق دن بھر میں 600 ٰٗIU وٹامن ڈی کے داخلے کی انسانی جسم کو ضرورت ہوتی ہے۔ بغیر احتیاط کے مسلسل دھوپ میں رہنے سے سورج کی الٹراوائلٹ شعاعیں جلد کے کینسر اور اینٹی ایجنگ کا باعث بنتی ہیں۔

🔹 وٹامن ڈی کا حصول
☆ دس منٹ دھوپ میں بیٹھ کر آپ بڑی مقدار میں وٹامن ڈی اپنی جلد کے ذریعے جسم میں جذب کر سکتے ہیں (اگر آپ ماضی میں جلدی امراض میں مبتلا رہے ہیں تو اپنے ڈاکٹر سے لازمی مشورہ کریں)۔

☆ غذائیت سے بھرپور ناشتہ کریں مثلاً دلیہ،کینو کا جوس یا دہی وغیرہ کا استعمال۔

☆ ان اشیا کا استعمال کریں جن میں وٹامن ڈی قدرتی طور پر موجود ہوتا ہے مثلاً ٹونا، سامن اور کوڈ مچھلی۔ اس کے علاوہ وٹامن ڈی دودھ، مچھلی کے تیل، انڈہ اور بالائی میں بھی پایا جاتا ہے۔

🔹 وٹامن سی
وٹامن سی پانی میـں حل ہونے والا وٹامن ہے، یہ جلد کو صحت مند اور وقت سے پہلے جھریاں پڑنے سے محفوظ رکھتا ہے۔ یہ جلد میں جراثیم کے خلاف قوت مدافعت پیدا کرتا ہے، ساتھ ہی کولیجن فائبر بنانے میں بھی مددگار ثابت ہوتا ہے۔ وٹامن سی میں اینٹی آکسیڈنٹ خصوصیات پائی جاتی ہیں، جو جلد کو سورج کی الٹراوائلٹ شعاعوں کے مضر اثرات سے محفوظ رکھتا ہے۔ وٹامن سی کی کمی سے جلد خشک، کھردری اور بے جان ہو جاتی ہے۔

🔹 وٹامن سی کے ذرائع
☆ ترش پھل
☆ پودوں سے حاصل ہونے والی غذائیں مثلاً اسٹرابیری، پھول گوبھی اور پالک۔
☆ کینو کا جوس
☆ تازہ سبزیاں اور پھل مثلاً لیموں، انگور، آلو، ٹماٹر، سنگترے اور دیگر رسیلے پھلوں میں بھی بکثرت پایا جاتا ہے۔

🔹 وٹامن ای
وٹامن سی کی طرح وٹامن ای بھی ایک اینٹی آکسیڈنٹ ہے، جو جلد کے لیے ضروری دیگر وٹامنز کے ساتھ مل کر جلد کی حفاظت کرتا ہے۔ وٹامن ای نقصان دہ ریڈیکل سے لڑنے میں مددگار ہوتا ہے۔ ناقص غذا، فضائی آلودگی، سورج کی روشنی اور تمباکو نوشی سے جسم میں قدرتی طور پر فری ریڈیکل بنتے ہیں۔وٹامن ای جلد کواینٹی ایجنگ اور جھریوں سے بچاتا ہے۔

🔹 وٹامن ای کے ذرائع
☆ گری دار میوے اور بیج مثلاً بادام، ہیزل نٹ، ریٹھا، مونگ پھلی اور سورج مکھی کے بیج۔
☆ سورج مکھی کا تیل
☆ پھول گوبھی اور پالک سے بھی وٹامن ای حاصل کیا جا سکتا ہے۔
☆ گندم، چنا، سبز پتوں، گوشت، مچھلی، انڈہ، بنولہ بھی وٹامن ای حاصل کرنے کے ذرائع ہیں۔

🔹 وٹامن کے
ہم اکثر و بیشتر وٹامن کے کی اہمیت سے ناواقف ہوتے ہیں لیکن وٹامن کے جلد کی مختلف حالتوں مثلاً اسٹریچ مارک، داغ دھبوں، حلقوں اور دیگر نشانات کے بننے میں رکاوٹ ہے، اس کے علاوہ وٹامن کے پروٹین بنانے میں بھی مددگار ثابت ہوتا ہے۔ یہ کہ خون کے کلاٹ نہیں بننے دیتا۔

🔹 وٹامن کے کے ذرائع
یونیورسٹی آف فلوریڈا کے مطابق وٹامن کے گوبھی، پالک، سلاد پتہ، ٹماٹر، کلیجی اور سویا بین میں پایا جاتا ہے۔

🔘 جسم میں کسی ایک بھی وٹامن کی کمی جلد کو متاثر کر سکتی ہے۔ دن بھر کی محنت و مشقت یا بیماری سے جسم میں وٹامنز کی کمی ہو جاتی ہے۔ اس لئے جلد کی تازگی اور مناسب نشوونما کے لئے اضافی وٹامنز حاصل کرنے چاہئیں۔ سورج کی شعاعوں سے ہونے والی جلدی بیماریوں اور ان کی روک تھام کے لیے وٹامن سی اور وٹامن ای کا کردار نہایت اہم ہے۔

وٹامن انسانی زندگی میں خاص اہمیت رکھتے ہیں خوبصورتی ہو یا صحت مند طرز زندگی وٹامن کی اہمیت ناگزیر ہے۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/4968
⭕ ISLAM WITH EMAN ⭕

🔷 سیرم! خوبصورتی کا ایک نیا جہاں 🔷

جلد کے سنگھاری مسائل کے مؤثر اور کار آمد حل کے لئے کسی ماہر اور مستندد بیوٹی ایکسپرٹ کے مشورے سے جلد کی مناسبت سے موزوں سیرم کا انتخاب آپ کی جلد کو معجزانہ دلکشی و تروتازگی عطا کر سکتا ہے۔

سیرم لگانے سے پہلے بیوٹی پروڈکٹ پر موجود لیبل کو بہت احتیاط سے پڑھیں اور استعمال کے بعد فوری طور پر کوئی دوسری سنگھاری مصنوعات استعمال کرنے سے گریز کریں۔

🔹 سب سے پہلے یہ جاننے کی ضرورت ہے کہ سیرم اصل میں کیا ہے؟

سیرم ایک ایسا سنگھاری جز ہے جو جلد کی حفاظت کے لئے خصوصی طور پر بے حد زود اثر ہے۔ سنگھاری سیرم ایسے فارمولاز سے تیار کئے جاتے ہیں جو واٹر بیسڈ یعنی پانی کی اساس کے حامل ہوتے ہیں جن میں تھوڑی سی مقدار سیلیکون (Silicone) شامل کیا جاتا ہے جو کہ خاموشی سے جلد پر مؤثر انداز میں اثر کرنے میں مددگار ہوتا ہے۔ سیرم براہ راست جلد کی گہرائی میں جا کر اثر دکھاتے ہیں جبکہ جلد کے لئے تیار کردہ دوسری سنگھاری مصنوعات میں یہ خاصیت نہیں پائی جاتی جیسا کہ موئسچرائزر جو کہ بنیادی طور پر صرف جلد کی اوپری سطح پر کام دکھاتے ہیں۔

علاوہ ازیں سیرمز بیوٹی کریمز کے مقابلے میں 10گنا زیادہ جلد میں جذب ہوتے ہیں، اس میں 10گنا زیادہ اہم اور فعال سنگھاری جز پائے جاتے ہیں یہ جلد کی حفاظت کے لئے کسی بھی دوسری سنگھاری پروڈکٹ سے زیادہ مؤثر ہیں۔

سب سے بہترین بات یہ ہے کہ اس کی تیز ترین جذب ہونے کی صلاحیت کی وجہ سے آپ کو اس کی بہت تھوڑی مقدار کی ضرورت پڑتی ہے اس لئے کہ آپ کو اس کی زیادہ قیمت ادا کرنی پڑتی ہے لیکن اس کی قدر و قیمت افادیت اس کے لئے ادا کی جانے والی قیمت سے کہیں زیادہ ہے۔

🔹 سیرم کا انتخاب:
مارکیٹ میں متعدد اقسام کے سیرم براؤن دھبوں، جھریوں، ڈھلکی ہوئی جلد، جلدی سوزش اور اس جیسے متعدد جلدی مسائل کے لئے موجود ہیں۔

سیرم خریدتے وقت بیوٹی پروڈکٹ پر موجود لیبل کو بہت احتیاط سے پڑھیں یہ معلوم کرنے کے لئے اس میں شامل کیا گیا سیرم کونسا ہے۔

ٹیٹرا پیپٹائڈز ، پینٹا پیپٹائڈ اور ریٹنیول ایسے سیرمز ہیں جو جھریوں اور تناؤ سے محروم ڈھلکی ہوئی جلد کے لئے مددگار ثابت ہوتے ہیں۔

جھریوں اور شکنوں کو ہموار کرنے کے لئے آرجیلائن کا مشورہ بھی دیا جاتا ہے۔

اگر آپ کا مسئلہ سورج کی الٹرا وائلٹ ریز کی وجہ سے جلد کا جھلس جانا ہے تو اس کے لئے آپ کو وٹامن C کی ضرورت ہے۔

اگر آپ کو اپنی جلد خشک اور جلد پر جلن محسوس ہو رہی ہو تو اسے نرم بنانے کے لئے آپ سیرم استعمال کریں۔

بالوں کے لئے خصوصی طور پر تیار کردہ سیرم‘ تیل اور سیلیکون سے بنائے جاتے ہیں‘ یہ بالوں کی اوپر جھلی پر باریک تہہ کی صورت میں جم جاتے ہیں اور بالوں کو نرمی اور چمک فراہم کرتے ہیں۔

بالوں پر لگائے جانے والے کچھ سیرم ایسے بھی ہوتے ہیں جو بالوں کو لطیف اور ریشم جیسا نرم و ملائم بنا دیتے ہیں۔

روکھے اور خشک بالوں کے لئے ہیوی سیرم استعمال کئے جاتے ہیں جو سر کی جلد کو روغنی احساس دیتے ہیں۔

مارکیٹ میں سیرمز کی بے شمار ورائٹی موجود ہے آپ اس پر خود بھی ریسرچ کر سکتے ہیں یا پھر اپنی جلد کی ساخت کے تعین اور مسئلے کے ابتدائی جائزے کے لئے کسی سکن کلینک سے رجوع کریں اور اپنی ضروریات کے مطابق معلومات حاصل کریں کہ آپ کی جلد کے لئے کونسا سیرم زیادہ بہتر رہے گا۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/4969
⭕ ISLAM WITH EMAN ⭕

🔷 وٹامن سی سیرم خود بنائیں 1 🔷

وٹامن سی سیرم گھر پر بنائیں چہرے کے دلکشی بڑھائیں۔۔۔

چہرے کی جلد کی حفاظت اور اسے صحت مند رکھنے کے لیے جن مصنوعات کا استعمال کیا جاتا ہے ان میں وٹامن سی سیرم بھی شامل ہے۔ یہ جلد پر عمر رسیدگی کے اثرات کو دور کرنے یا ان کی رفتار کم کرنے میں سب سے مؤثر تصور کیا جاتا ہے۔

وٹامن سی سیرم جیسا کہ نام سے ظاہر ہے کہ اس میں وٹامن سی موجود ہوتا ہے جسے جلد دوست وٹامن کہا جاتا ہے یہ نہ صرف جلد کو بڑھتی عمر کے اثرات سے محفوظ رکھتا ہے بلکہ یہ جلد کو ہموار اور چمکدار بھی بناتا ہے۔

اگرچہ آپ جوغذا کھاتے ہیں اس میں بھی کسی نہ کسی حد تک وٹامن سی موجود ہوتا ہے لیکن کیا اس کے جلد پر براہ راست اثرات مرتب ہوتے ہیں اس کی ضمانت نہیں دی جا سکتی۔ تاہم وٹامن سی سیرم اس کے حصول کا سب سے مؤثر ذریعہ ہے۔

یہاں پر جلد پر وٹامن سی سیرم کے استعمال کے بہت سے فوائد پیش کئے جا رہے ہیں۔

یہ سیرم ہر طرح کی جلد کے لیے موزوں ہے، یہ جلد کو ہائیڈریشن فراہم کرتا ہے، جلد کی چمک بڑھاتا ہے، کسی انفیکشن کے سبب جلد پر ہونے والی لالی کو کم کرتا ہے۔ پگمینٹیشن کو دور کرتا ہے۔

آنکھوں کے نیچے حلقوں کو بھی کم کرتا ہے، کولیجن کی پیداوار کو بڑھاتا ہے، جلد کو ڈھلنے سے بچاتا ہے، سورج کی مضر شعاعوں سے تحفظ فراہم کرتا ہے اور ایکنی کو فوری صحیح کرتا ہے۔

یہاں پر گھر میں موجود اجزاء سے وٹامن سی سیرم تیار کرنے کا طریقہ پیش کیا جارہا ہے جسے بنانا نہ صرف بہت آسان ہے بلکہ اس کے نتائج بھی بہترین ہیں۔

🔹 ترکیب
اس سیرم کو بنانے کے لیے آپ دو نارنگی کو لے کر اس کا صرف اورنج رنگ کا حصہ نکال لیں اب اس میں چھ چمچ منرل پانی لے کر اسے اچھی طرح بلینڈ کریں کسی بھی چھلنی کی بھی مدد سے چھان لیں لیکن اسے دبا کر نہیں نکالیں کیونکہ اس کا صرف رس لینا ہے اب اس میں ایک چائے کا چمچ گلیسرین ڈال کر اچھی طرح مکس کریں اگر آپ کی جلد بہت زیادہ خشک ہے تو اس میں آدھا چائے کا چمچ بادام کا تیل شامل کر سکتے ہیں ورنہ اسے ایسے ہی رہنے دیں۔

🔹 لگانے کا طریقہ
آپ اسے کسی بھی وقت لگا سکتے ہیں تاہم رات میں لگانے سے بہتر نتائج حاصل ہوں گے۔ چہرے کو دھونے کے بعد اسے چہرے اور گردن پر اچھی طرح لگائیں اس کے بعد کوئی بھی نائٹ کریم لگا لیں۔

چونکہ یہ گھرمیں تیار کیا گیا ہے اس لیے اسے صرف ایک ہفتے تک استعمال کیا جا سکتا ہے اور اسے ہوا اور سورج کی روشنی سے دور رکھنا ہے، اسے لگانے کے بعد دھوپ میں نکلنے سے گریز کریں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/4970
⭕ ISLAM WITH EMAN ⭕

🔷 وٹامن سی سیرم خود بنائیں 2 🔷

خوبصورت جِلد کیلئے وٹامن سی ’سیرم‘ گھر میں بنائیں۔۔۔

صاف ستھری، گلابی، نکھری اور بے داغ جلد کون نہیں حاصل کرنا چاہتا، ایسی جلد کے حصول کے لیے مرد و خواتین ماہانہ ہزاروں روپے خرچ کر کے بھی مطمئن نظر نہیں آتے ہیں۔

طبی و ماہرین جلدی امراض کے مطابق وٹامنز ہماری مجموعی صحت سمیت خوبصورتی میں اضافے میں بھی کردار ادا کرتے ہیں۔

خوبصورت جلد حاصل کرنے کی بات آئے تو وٹامن سی کو سب سے زیادہ اہمیت دی جاتی ہے۔ وٹامن سی نہ صرف جلد کو صحت مند بناتی ہے بلکہ اسے نکھارنے میں بھی کردار ادا کرتی ہے۔

وٹامن سی حاصل کرنے کے لیے موسم سرما کے پھل امرود، مالٹے، موسمی، سنگترے اور کینو مارکیٹ میں آنے ہی والے ہیں جبکہ 12 مہینے باآسانی دستیاب سپلیمنٹس، لیموں، ٹماٹر اور دیگر پھلوں سے وٹامن سی حاصل کیا جا سکتا ہے۔

وٹامن سی کو غذا میں شامل کرنے سمیت اسے چہرے پر بطور ماسک اور سیرم لگانے سے بھی دگنے فوائد حاصل ہوتے ہیں۔

خوبصورت جلد حاصل کرنے کے لیے بغیر کسی بھاری بھرکم خرچے کے بجائے گھر ہی میں مفید سیرم بنا کر ان کا استعمال کیا جا سکتا ہے۔

🔹 وٹامن سی اور گلیسرین:
وٹامن سی اور گلیسرین سے سیرم بنانے کے لیے وٹامن سی کے کیپسول لے لیں، انہیں کھول کر ایک چائے کے چمچ وٹامن سی میں ایک چائے کا چمچ پانی گلیسرین ملا کر اچھی طرح سے مکس کر لیں۔ اس محلول کو کسی صاف بوتل میں محفوظ کر لیں، اس سیرم کا استعمال صاف دھلی ہوئی جلد پر صبح و شام کریں۔

🔹 فوائد:
گلیسرین اور وٹامن سی کے سیرم کے استعمال سے چہرے پر موجود جھُریوں میں نمایاں کمی آتی ہے، آنکھوں اور منہ کے نزدیک جُھریوں میں بھی کمی آتی ہے، یہ سیرم خشک اور بے جان جلد کو نمی پہنچاتا ہے۔

وٹامن سی، ایلویرا جیل، عرق گلاب اور ایپل وینیگر سے سیرم بنانے کا طریقہ:
وٹامن سی سیرم بنانے کے لیے ایلوویرا جیل ایک سے دو پتے، عرق گلاب 50 ملی لیٹر، ایپل سائیڈر وینیگر 3 چمچ اور 6 سے 7 وٹامن سی کے کیپسول لے لیں۔

اب ایلوویرا کو گرائینڈ کر لیں، ایلوویرا کو پانی کی شکل میں تبدیل ہونے پر اس میں عرق گلاب 50 ملی لیٹر، 3 چمچ ایپل سائیڈر وینیگر اور وٹامن سی کیپسول شامل کر لیں۔اب اس سیرم کا اسپرے دن میں دو سے تین بار صاف چہرے پر کریں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/4971
⭕ ISLAM WITH EMAN ⭕

🔷 وٹامن ای سیرم خود بنائیں 🔷

جلد کی خوبصورتی اور حفاظت کے لیے گھر میں سیرم کیسے تیار کیا جاسکتا ہے؟

چہرے کی صفائی بہت ضروری ہے اور ہر کسی کو چاہیئے کہ رات کو سونے سے پہلے اپنے چہرے کو صاف کر لے’ یہ کہنا ہے گھریلو ٹوٹکو کی ماہر ندا کا جو بیوٹیشن بھی ہے۔ ندا کا کہنا ہے کہ ہر کوئی گھر میں بھی بہت آسانی سے اپنے چہرے کی صفائی کر سکتا ہے۔

دودھ کا ایک چمچ لے کراس کو روئی پر لگا دے اور پھر اس کو چہرے پر لگا دیں تو اس سے چاہے میک اپ ہو یا کچھ اور چہرا مکمل طور پر صاف ہو جاتا ہے۔

انہوں نے بتایا کہ ایک اچھا سا سیرم ہم گھر میں بھی تیار کر سکتے ہیں جس میں گھریلو اجزاء شامل ہوتے ہیں۔ نہ کچھ ایسا کیمیکل اور نہ ایسی کوئی دوائی اس میں شامل ہوتی ہے جو جلد کو نقصان دے گی۔ یہ سیرم ہم ہاتھوں اور چہرے پر استعمال کر سکتے ہیں لیکن سب سے پہلے چہرے کی صفائی بہت ضروری ہے۔

ندا نے بتایا کہ سب سے پہلے ہمارے پاس سیرم کے لیے جو اجزاء درکار ہیں وہ ہے ایلویرا جیل ایلویرا جیل گھر والا بھی ہم استعمال کر سکتے ہیں اگر کسی کے گھر میں موجود ہو ایلویرا جیل کے پودے کا تازہ جیل نکال کر اس کو استعمال کر سکتے ہیں۔ ایلویرا جیل کا پودا گھر میں لگانا چاہیئے کیونکہ یہ بہت سی چیزوں میں کام آتا ہے لیکن اگر گھر میں ایلویرا جیل کا پودا نہ ہو تو بازار سے بھی مل سکتا ہے۔

ایلویرا جیل کے دو چمچ چاہیئں اور اس کے ساتھ وٹامن ای کے کیپسول۔ اگر کیپسول نہ ہو تو پھر وٹامن ای کا تیل اس میں دو چمچ ڈالیں گے، اگر کیپسول ہو تو پھر ایوییان کیپسول 400 ملی گرام جو ملتے ہیں اس کے دو کیپسول ڈالیں گے اور ان کیپسولز کے ذریعے وٹامن ای شامل ہو جائے گا، اس کے ساتھ گلیسرین ہم ایک چمچ استعمال کریں گے اور بادام کا تیل ہم اس کے ساتھ ایک چمچ استعمال کریں گے، ان پانچ اجزاء کو ہم مکسں کریں گے، پہلے کلینزنگ ملک کے ساتھ یا اس طرح سادہ دودھ روئی کے ذریعے چہرے کو صاف کریں گے، اس طرح ہمارے ساتھ جو فیس واش ہوتا ہے یا صابن ہوتا ہے اس میں چاولوں کا میدہ شامل کر کے جھاگ جھاگ بنالیں گے اور پھر اس جھاگ کو 3 یا 4 منٹ تک دھیرے دھیرے سے چہرے پر اس کا مساج کریں گے اور پھر چہرے کو دھو لیں گے۔

ہم نے جو سیرم بنایا ہے اس کو صاف ڈبے میں ڈال دیں گے جو ہم ایک ہفتے کیلئے استعمال کر سکتے ہیں اس طرح روزانہ اس کو ہم استعمال کر سکتے ہیں یہ سیرم ہم تھوڑا سا لیکر روزانہ استعمال کر سکتے ہیں اس سیرم کو ہم سوتے وقت لگا سکتے ہیں۔ اس کو ہم رات بھر لگا رہنے بھی دے سکتے ہیں یا پھر ادھے گھنٹے تک لگا کر پھر اس کے بعد چہرے کو دھو سکتے ہیں۔ اس سیرم کو ہم ہاتھوں پر بھی لگا سکتے ہیں اور سردیوں میں ہماری سکن خراب نہیں ہوگی اور سکن پر کو کوئی نقصان نہیں ہوگا۔ اس سے داغ دھبے بھی آہستہ آہستہ ختم ہو جائیں گے۔

■ اے آر وائی ڈیجٹل کے پروگرام گڈ مارننگ پاکستان میں بیوٹیشن حنا انیس نے وٹامن سی سیرم بنانے کا طریقہ بیان کیا، اس سیرم کی بازار میں قیمت 12سو سے ڈھائی ہزار تک ہے کیونکہ یہ سیرم جلد کے مسائل کیلئے بہت عمدہ اور مفید ہے۔

انہوں نے بتایا کہ اس کی تیاری میں صرف چند چیزیں استعمال کرنی ہیں، دو گولی ’وٹامن ای، ایک چمچ لیموں، ایک چٹکی سے بھی کم ہلدی اور ایک چمچ ایلو ویرا جیل ان سب چیزوں کو اچھی طرح مکس کر کے ایک چھوٹی سی بوتل میں رکھ لیں،

اس سیرم کو روزانہ رات کو سونے سے پہلے ہاتھ پیر اور چہرے پر لگائیں، اس کے استعمال کے بعد آپ تمام سیرمز بھول جائیں گے۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/4972
⭕ ISLAM WITH EMAN ⭕

🔷 چہرے پر برف لگانے کے فوائد 🔷

مہنگی مصنوعات کے بجائے جلد کے مسائل کے حل کیلئے قدرتی طریقے اپنائیں۔۔۔

جب جلد کی دیکھ بھال کی بات آتی ہے تو خواتین بے داغ چہرے کے حصول کیلئے کوئی کسر نہیں چھوڑتی ہیں۔

سورج کی روشنی اور فضائی آلودگی چہرے پر مہاسوں، لکیروں، جھریوں، سیاہ حلقوں اور سوزش جیسے مسائل کا سبب بنتے ہیں۔

ان تمام مختلف مسائل کو حل کرنے کے لیے خواتین مہنگی مصنوعات کا استعمال کرتی ہیں حالانکہ گھر میں اس کا بڑا آسان حل موجود ہے۔

اس کیلئے بس آپ کو آئس ٹرے میں کیوبز جمانے ہوں گے جو جادو اثر دکھائیں گے۔

■ چہرے پر برف لگانے کے فوائد
🔹 چمکدار جلد
چہرے پر برف لگانا جلد کے پورس کو بند کرتا ہے اور سوزش کو دورکرتا ہے۔ یہ واضح طور پر تھکاوٹ کو دور کرتے ہوئے خون کا بہاؤ بہتر بناتا ہے اور چہرے کی رنگت کو روشن کرتا ہے۔

🔹 مہاسوں کو آرام
مہاسوں پر برف کا استعمال خون کے بہاؤ کو بہتر بنا کر اور پورس کو تنگ کرتا ہے، یہ چہرے پر تیل کی ضرورت سے زیادہ پیداوار کو روک کر سرخی اور سوزش کو کم کرنے میں بھی مدد کر سکتا ہے۔

🔹 مصنوعات کا باآسانی جذب ہونا
اپنی جلد کی دیکھ بھال کی اشیاء لگانے سے پہلے برف لگانا ان پروڈکٹس کو جذب کرنے میں مدد کرتا ہے۔

🔹 آنکھوں کے گرد سوزش میں کمی
باقاعدگی سے اپنے چہرے پر برف لگانے سے آنکھوں کے گرد سوجن کم ہوتی ہے۔

🔹 بڑھاپے کی علامات میں کمی
برف کی ٹھنڈک آپ کی جلد کے مساموں کو مضبوط کرنے میں مدد دیتی ہے اور عمر بڑھنے کی ابھرتی ہوئی علامات جیسے جھریوں اور باریک لکیروں کی ظاہری شکل کو محدود کرتی ہے۔ اس سے آپ کی جلد چمکدار اور جوان نظر آتی ہے۔

■ چہرے پر برف لگانے کا صحیح طریقہ
چہرے پر برف لگانا جلد کے لیے بہترین طریقے سے کام کرتا ہے۔

اس کو لگانے کیلئے ایک پتلے کپڑے یا رومال میں کچھ آئس کیوب لپیٹیں اور اسے اپنے چہرے پر لگائیں۔

🔘 خیال رہے کہ دن میں ایک سے زیادہ بار اپنی جلد پر برف نہ لگائیں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس۔۔۔

🔷 جلد کو صحتمند رکھنے والے وٹامنز
https://t.me/islamwitheman/4968

🔷 جلد کے چار ضروری وٹامن
https://t.me/islamwitheman/4969

🔷 سیرم! خوبصورتی کا ایک نیا جہاں
https://t.me/islamwitheman/4970

🔷 وٹامن سی سیرم خود بنائیں 1
https://t.me/islamwitheman/4971

🔷 وٹامن سی سیرم خود بنائیں 2
https://t.me/islamwitheman/4972

🔷 وٹامن ای سیرم خود بنائیں
https://t.me/islamwitheman/4973

🔷 چہرے پر برف لگانے کے فوائد
https://t.me/islamwitheman/4975

🔷 ہونٹوں کی قدرتی رنگت بحال کریں
https://t.me/islamwitheman/4976

🔷 سیاہ ہونٹوں کو گلابی کریں
https://t.me/islamwitheman/4977

🔷 کالے ہونٹوں کو گلابی بنائیں
https://t.me/islamwitheman/4978

🔷 کچے دودھ سے چہرہ پرکشس
https://t.me/islamwitheman/4988
⭕ ISLAM WITH EMAN ⭕

🔷 ہونٹوں کی قدرتی رنگت بحال کریں 🔷

ہونٹوں کی قدرتی رنگت بحال کر کے انہیں پنکھڑیوں جیسا بنانے والے 6 زبردست گھریلو ٹوٹکے۔۔۔

ہونٹ چہرے کی خوبصورتی میں بنیادی کردار ادا کرتے ہیں اور ہر کوئی چاہتا ہے کہ اُس کے ہونٹ گلابی ہوں اور گلاب کی پنکھڑیوں جیسے ہو جائیں اور اس مقصد کے لیے خواتین میک اپ کا استعمال کرتی ہیں لیکن یہ عارضی حل میک اترنے کے فوراً بعد ختم ہو جاتا ہے۔

چند ایسے مفید گھریلو ٹوٹکے جو ہونٹوں کو قدرتی طور پر گلابی بناتے ہیں اور ان کی خوبصورتی میں بغیر میک اپ کے اضافہ کرتے ہیں اور آپ کی شخصیت کو چار چاند لگا دیتے ہیں۔

■ ہونٹ کالے کیوں ہوتے ہیں
کسی بھی ٹوٹکے کو استعمال کرنے سے پہلے آپ کے لیے یہ جاننا ضروری ہے کہ ہونٹ کالے کیوں ہو جاتے ہیں۔ ہونٹ کالے ہونے کی سب بڑی وجوہات میں سُورج کی دھوپ کا زیادہ دیر تک چہرے پر پڑنا، ہونٹوں پر کوئی الرجی ہو جانا، گھٹیا کوالٹی کا میک اپ استعمال کرنا، تمباکو نوشی اور کیفین والے ڈرنکس جیسے چائے اور کافی کا زیادہ استعمال کرنا شامل ہیں۔

🔹 ہونٹوں کے لیے کھیرا
کھیرا صحت کے لیے ایک انتہائی مفید سبزی ہے مگر یہ ہونٹوں کی جلد کے لیے بھی انتہائی مفید چیز ہے اور اگر کھیرے کا رس ہونٹوں پر روزانہ استعمال کیا جائے تو یہ ہونٹوں کی سیاہی کو ختم کرنے کا باعث بنتا ہے۔ اگر آپ کھیرے کے رس کو ہونٹوں کے لیے استعمال کرنا چاہتے ہیں اور چاہتے ہیں کہ اس کی افادیت میں اضافہ ہو تو اسے ایلوویرا کی جیل میں مکس کر کے ہونٹوں پر سونے سے پہلے روزانہ لگائیں۔

🔹 لیموں اور ہونٹ
لیموں میں ڈٹرجینٹ خوبیاں قدرتی طور پر پائی جاتی ہیں اور اس میں وٹامن سی کی موجوگی اسے جلد کے لیے بہترین ٹانک بنا دیتی ہے اگر آپ چاہتے ہیں کہ آپ کے ہونٹوں سے سیاہی چند ہی دنوں میں غائب ہو جائے تو رات کو سونے سے پہلے لیموں کو ہونٹوں پر اچھی طرح رگڑیں اور اگلی صبح اسے پانی سے دھو دیں یہ آپ کے ہونٹوں کا قدرتی رنگ واپس لانے میں آپ کی مدد کرے گا۔

🔹 شہد اور لیموں
ایک چمچ شہد میں ایک لیموں کا رس شامل کریں اور اسے ہونٹوں پر اچھی طرح مل کر لیپ کر دیں اور ایک گھنٹہ لگا رہنے دیں اور بعد میں دھو دیں۔ اس مکسچر میں شامل لیموں کا رس ہونٹوں کے کالے رنگ کو ٹھیک کرے گا اور شہد ہونٹوں کی نمی کو بحال کر کے انہیں تروتازہ بنا دے گا۔

🔹 ہلدی اور دُودھ
ہونٹوں کو گلاب کی پنکھڑیوں جیسا بنانے کے لیے ایک چمچ دُودھ میں ایک چٹکی ہلدی پاؤڈر شامل کر کے پیسٹ بنا لیں اور اس پیسٹ کو ہونٹوں پر مل کر لیپ کر دیں اور کُچھ دیر لگا رہنے کے بعد اسے تازہ پانی کے ساتھ دھو دیں اور اس ٹوٹکے کو روزانہ استعمال کریں، چند ہی دنوں کے استعمال سے آپ کو بہترین نتائج نظر آنا شروع ہو جائیں گے۔

🔹 ایلوویرا جیل
کوار گندل انسان کی صحت کے لیے ایک انتہائی مفید پودا ہے جو اسے بہت سی بیماریوں سے شفایاب کرنے کی صلاحیت رکھتا ہے اور اس پودے کی جیل جلد کے لیے انتہائی مفید چیز ہے جو جلد کی نمی کو برقرار رکھ کر اسے نرم و نازک بنا دیتی ہے۔ اسی طرح اگر اس کی جیل کا استعمال ہونٹوں پر کیا جائے تو اس سے ہونٹ نرم و نازک ہو جاتے ہیں اور ان کی اصلی رنگت واپس لوٹ آتی ہے۔

🔹 عرق گُلاب
گلاب کا عرق ہائپر پگمینٹیشن کو کم کرتا ہے اور ہونٹوں کی کالی رنگت کو جادوئی طریقے سے دُور کر کے ان کی اصلی رنگت کو واپس لیکر آتا ہے اس مقصد کے لیے روئی کیساتھ عرق گُلاب کو ہونٹوں پر سونے سے پہلے روزانہ مل کر سوئیں۔ چند ہی دفعہ کے استعمال سے آپ کو نتائج نظر آنا شروع ہو جائیں گے۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman
⭕ ISLAM WITH EMAN ⭕

🔷 سیاہ ہونٹوں کو گلابی کریں 🔷

گلابی ہونٹ ہر ایک کی خواہش ہوتی ہے۔ نرم اور گلابی ہونٹ نہ صرف آپ کی ظاہری شکل و صورت کو خوبصورت بناتا ہے بلکہ یہ صحتمند ہونٹوں کی علامت بھی ہوتی ہے۔ اس بات میں کوئی شک نہیں کہ قدرتی طور پر گلابی ہونٹ خوبصورتی میں اضافہ کرتے ہیں۔

خون کی گردش، تناؤ اور منشیات کے استعمال کی وجہ سے ہونٹ سیاہ ہو سکتے ہیں۔ ایسے عوامل سے پرہیز کرنا چاہیے۔ ہم درج ذیل قدرتی طریقوں سے اپنے ہونٹوں کو صحتمند اور گلابی بنا سکتے ہیں۔

🔹 شوگر اسکرب کا استعمال کریں
بادام کے تیل یا شہد میں چینی کو شامل کر کے ایک مرکب بنائیں اور آہستہ آہستہ اپنے ہونٹوں پر مساج کریں۔

ہمارے ہونٹوں کی جلد کافی حساس ہوتی ہے۔ یہ آپ کی جلد کو صاف کرے گا اور آپ کے ہونٹوں کو نمی بخشے گا۔

شوگر بےجان جلد کو ختم کرتی ہے۔ باقاعدگی سے اس اسکرب کا استعمال آپ کے ہونٹوں کو گلابی بنانے میں آپ کی مدد کرے گا۔

🔹 خود کو ہائیڈریٹ رکھیں
ہونٹوں کو ہائیڈریٹ رکھنے کے لئے زیادہ پانی کا استعمال لازمی ہے۔

پانی آپ کو اندرونی طور پر بھی صحتمند رکھتا ہے۔ ہونٹوں میں نمی کے لئے ایک دن میں 8 گلاس پانی لازمی پیئں۔ یہ آپ کے ہونٹوں کے لئے بھی فائدہ مند ہے۔

🔹 وٹامن ای کا استعمال
وٹامن ای ہونٹوں کے لئے ایک ضروری وٹامن ہے۔

وٹامن ای کا کیپسول بازار سے لیں اور اپنے ہونٹوں پر لگائیں۔

وٹامن ای خون کی گردش کو بڑھاتا ہے۔ اسکے علاوہ ہونٹوں کو نرم بنانے اور خلیوں کی مرمت کرنے میں بھی مدد فراہم کرتا ہے۔

🔹 چقندر کا جوس
چقندر کا جوس قدرتی طور پر لپ سٹک کا کام کرتا ہے۔ یہ ہمارے ہونٹوں کی رنگت میں خوبصورتی لاتا ہے۔

آپ ایک چمچ شہد میں ایک چمچ چقندر کا عرق ملائیں اور آرام آرام سے ہونٹوں پر مالش کریں۔ اس سے آپ گلابی ہونٹ حاصل کر سکیں گے۔

🔹 لیموں
• شہد ہماری صحت سے لے کر خوبصورتی تک ہر چیز میں فائدہ مند ہے۔ روزانہ آدھا چمچ شہد اور آدھے لیموں کا رس مکس کر کے ہونٹوں پر لگانے سے یہ مسئلہ حل ہو سکتا ہے۔

• کچے دودھ میں لیموں کا رس ڈال کر ہونٹوں پر لگانے سے آپ کے ہونٹ حسین نظر آئیں گے۔

• لیموں کو آدھا کاٹ لیں اور اس کا رس نکالنے کے بعد بچنے والے چھلکے کو ہونٹوں پر رگڑیں اس طرح ہونٹوں کی سکربنگ ہوگی اور تمام مردہ خلیات جلد سے نکل جائیں گے۔

🔹 لیموں اور چینی
یہ قدرتی طور پر بلیچنگ ایجنٹ کے طور پر کام کرتا ہے۔ یہ مردہ خلیوں کو ختم کرتا ہے۔

اس میں موجود سٹرک ایسڈ ہونٹوں سے سیاہ پن کو ختم کرتا ہے۔

لیموں کے ایک ٹکڑے پر تھوڑی سی چینی ملا کر اس کا مساج کریں۔ چینی سکرب کے طور پر بھی استعمال ہوتی ہے۔

🔹 ایلوویرا کا استعمال
ایلوویرا کا استعمال بھی ہمارے ہونٹوں کے لئے بہت اچھا ہے۔

اپنے ہونٹوں میں نمی برقرار رکھنے کے لئے ایلوویرا کو بھی اپنے ہونٹوں پر لگائیں۔

🔹 انار اور دودھ
انار ہونٹوں کو گلابی بنانے میں مدد کرتا ہے۔

انار میں ایک ایسا کمپاونڈ موجود ہوتا ہے جو میلانین کی پیداوار کو روکتا ہے جو دھوپ کی وجہ سے ہوتا ہے۔

انار کے ایک چمچ جوس میں دودھ شامل کر کے اپنے ہونٹوں پر لگا لیں اور خشک ہونے کے لئے چھوڑ دیں بعد میں پانی سے دھو لیں۔

■ گلابی ہونٹوں کے لئے نکات
1۔ ہونٹوں پر زیادہ کیمکلز سے بنی مصنوعات کا استعمال نقصان دہ ہوتا ہے، اگر آپ لپ سٹک کا استعمال کرتے ہیں تو رات کو اچھی طرح ہونٹوں پر اسکرب یا کلینزنگ کر کے صاف کریں۔ اس سے آپ کے ہونٹوں کی رنگت برقرار رہے گی۔

2۔ آپ اپنے ہونٹوں پر ناریل کا یا بادام کا تیل لگا سکتے ہیں۔ یہ آپ کے ہونٹوں میں خون کی گردش کو بہتر بناتا ہے۔

3۔ اپنے ہونٹوں پر تھوک یا زبان پھیرنے سے گریز کریں یہ الرجی کا سبب بھی بن سکتا ہے۔

ہم ان طریقوں سے اپنے ہونٹوں کو خوبصورت بنا سکتے ہیں لیکن اگر آپ کو کسی قسم کی الرجی ہے تو اس کے لئے ڈاکٹر سے مشورہ لازمی کریں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/4976
⭕ ISLAM WITH EMAN ⭕