ISLAM WITH EMAN

🔷 ماتم کے ثبوت 🔷

ماتم کے ثبوت قرآن پاک اور کتب اہلسنت سے۔۔۔

آؤ ہم تمہیں دکھاتے ہیں کہ تاریخ میں کس کس نے ماتم کیا، کون کون سی ہستیوں نے شہید پر نوحہ و مرثیہ پڑھا تاکہ پھر سب پر فتویٰ لگانے میں آسانی ہو جائے۔

1⃣ قرآن مجید سے ماتم کرنے کا ثبوت
جب حضرت ابراہیمؑ کی زوجہ سارہؑ کو سو سال کی عمر میں اسحاقؑ پیدا ہونے کی خبر ملی تو یہ خبر سن کر حضرت سارہؑ کھڑی ہوئی اور
*فٙصٙکّٙتْ وٙجْھٙھٙا..... اپنا منہ پیٹ لیا۔*
📚حوالہ: (سورہ الذاریات آیت٢٩ پارہ ٢٦،ترجمہ شاہ عبدالقادر دہلوی،شاہ ولی اللہ محدث دہلوی،فتح محمدجالندھری،مولانا وحیدالزمان اہلحدیث،تفسیر کبیر امام رازی)۔

🖋قرآن مجید سے حضرت ابراہیمؑ کے سامنے ان کی بیوی کا ماتم کرنا ثابت ہے لیکن حضرت ابراہیمؑ نے منع نہیں کیا۔ بس ہمیں بھی بنص قرآن اتباع ابراہیمؑ کرنی چاہیے۔(سورہ آل عمران آیت٩۵)۔

2⃣ ماتم کرنا سنت رسولؐ (احادیث صحیحہ سے ثبوت)
بخاری میں ہے کہ حضرت امیرالمومنین علیؑ فرماتے ہیں کہ نبی کریم نے اپنی ران پر ماتم کیا۔
*یضرب فخذہ* آپؐ اپنی رانوں پر ماتم کر رہے ہیں۔
📚حوالہ: (صحیح بخاری حدیث١١٢٧ کتاب التہجد باب تحریض النبیؐ علی صلاة اللیل)۔

اس حدیث مبارکہ کی شرح میں محدث ابن حجر عسقلانی لکھتے ہیں کہ فیہ جواز ضرب الفخذ عند التاسف کہ اس حدیث سے اس بات کا جواز نکلتا ہے کہ افسوس کے وقت رانوں پر ماتم کیا جا سکتا ہے۔

📚حوالہ: (فتح الباری شرح صحیح البخاری ج٣ ص١۴ طبع کوئٹہ،ج٣ ص٩ طبع سعودی عرب)۔

🖋 جناب رسولؐ نے خود ماتم کیا۔ اگر ماتم حرام ہے تو کیا رسولؐ نے فعل حرام انجام دیا؟

3⃣ رسولؐ کے سامنے ایک صحابیؓ نے روزہ ٹوٹنے پے یضرب نحرہ و ینتف شعرہ کہ اپنے سینے پے ماتم کیا اور اپنے بال نوچے۔
📚حوالہ: (موطا امام مالک ج١ ص١٢١ باب کفارة من افطر فی رمضان،برحاشیہ مصابیح السنہ طبع قدیم مصر)۔

🖋 حضرت محمدؐ کے سامنے اس صحابی نے ماتم کیا لیکن رسولؐ نے منع نہیں کیا تو معلوم ہوا کہ ماتم کرنا حدیث تقریری کی رو سے بھی ثابت ہے۔

4⃣ حضرت آدم علیہ السلام جنت کی جدائی پر ستر سال اور اپنی خطا پر بھی ستر سال روئے اور جب آپ کے فرزند ہابیل قتل ھوئے تو آپ علیہ السلام نے چالیس سال ماتم کیا۔
📚حوالہ: (قصص الانبیاء ، امام حافظ ابن کثیر ، اردو ترجمہ مفتی فیض احمد اویسی، صفحہ ٣٧)

5⃣ کہا جاتا ھے کہ جب حضرت آدم علیہ السلام کی وفات ھوئی تو ان کے بیٹوں اور پوتوں میں چالیس ہزار آدمی تھے جنہوں نے ان کا ماتم کیا۔
📚حوالہ: (سیرتِ حلبیہ اردو ،جلد اول نصف ، صفحہ ١١۵ )

6⃣ روایت میں ہےکہ حضور پاک کو بیماری کی حالت میں دیکھ کر موذنِ اسلام حضرت بلال نے اپنا سر پیٹا۔
📚حوالہ: (مدارج النبوت، جلد ٢ ، تصنیف، حضرت شیخ عبدالحق محدث دہلوی)

7⃣ حضرت عائشہ رضی اللہ عنہا سے مروی ھے کہ نبی کریم صلی اللہ علی و آلہ وسلم کا وصال میری گردن اور سینہ کے درمیان اور میری باری کے دن میں ہوا تھا، اس میں میں نے کسی پر کوئی ظلم نہیں کیا تھا، لیکن یہ میری سادگی اور نوعمری تھی کہ میری گود میں نبی صلی اللہ علیہ و آلہ وسلم کا وصال ھوا اور پھر میں نے ان کا سر اٹھا کر تکیہ پر رکھ دیا اور خود عورتوں کے ساتھ مل کر رونے اور اپنے چہرے پر تمانچے مارنے لگی"
[*إسناده حسن*]
📚حوالہ :
1_مسند احمد ، حدیث نمبر ٢٦٨٨٠
2_سیرت ابن ہشام ، جلد دوم، ص ۴٣٠
3_مسند ابی یعلیٰ ، حدیث نمبر ۴۵٨٦
4_تاریخ طبری ، ج ٢ ، ص ۴٠۴
5_البدائیہ و النہایۃ ، ج ۵ ، ص ٣٣٠
6_طبقات ابن سعد ، ج ٢ ، ص ٢٢٢
7_تاریخ خمیس ، ج ٢ ، ص ٦٦
8_الکامل ابن اثیر ، ج ٢ ، صفحہ ١٠٠
9_مدارج النبوت ، عبدالحق دہلوی ، ج ٢ ، ص ۵٠٠۔

8⃣ روایت ہےکہ صحابی رسول حضرت اویس قرنی نے جب حضور پاک کے دانت مبارک شہید ہونے کا سنا تو آپ نے اتباع نبوی میں اپنے تمام دانت توڑ دیئے۔

📚حوالہ ١:(تذکرہ الاولیا، تصنیف، شیخ فریدالدین عطار)
٢:(عروج ملت اسلامیہ کا فیصلہ کن مرحلہ)

9⃣ عبداللہ بن عکرمہ سے روایت ہے فرمایا: لوگوں کی بات پر تعجب ہے حضرت عمر نے نوحہ کرنے سے منع فرمایا، جبکہ خالد بن ولید پر مکہ اور مدینہ میں بنو مغیرہ کی عورتیں سات دن روتی رہیں،انہوں نے گریبان چاک کیے، چہروں پر مارا اور لوگوں کو ان ایام میں کھانا کھلایا یہاں تک کہ وہ دن گزر گئے حضرت عمر انہیں منع نہیں کرتے تھے۔
📚حوالہ: (کنزالعمال،جلد٨، حصہ پانزدہم، روایت ٣٢٩٠٨)

🔟 عاتکہ نے حضرت عمر کی وفات پر دو مرثیے پڑھے دوسرا مرثیہ کچھ اس طرح ھے:
*"اے آنکھ تو اشکباری اور ماتم کر بلکہ نجیب الطرفین امام پر اشکبار کرنے میں کوتاہی نہ کر"*
📚حوالہ: (تاریخ طبری، جلد سوم، حصہ اول، صفحہ ٢۴٢)

1⃣1⃣ "حضرت عثمان کی شہادت کے موقع پر دو قسم کے لوگ تھے *نیک لوگ ماتم کر رھے تھے اور رو رھے تھے* مگر باغی لوگ خوش ھو رھے تھے آخر میں یہ لوگ بہت پشیمان ھوئے"
📚حوالہ: (تاریخ طبری، ج ٣، حصہ اول، صفحہ ۴۴٨)

535 views10:29