ISLAM WITH EMAN

🔷 دہی کھانے کا بہترین وقت 🔷

دن بھر میں ہم کوئی بھی چیز کسی بھی وقت کھا لیتے ہیں، جیسے بھوک لگی تو کوئی پھل کھا لیا، یا کوئی سبزی رات کے کھانے میں کھائی لیکن اسے کھانے کے بعد بھاری پن محسوس ہونے لگا۔

اکثر لوگوں کا پیٹ کھانے کے فوری بعد اس لیے بھی خراب ہوجاتا ہے کہ انہیں علم نہیں، کون سا کھانا کس وقت کھانا چاہیے، جیسے کہ ماہرینِ غذائیت رات کے وقت آلو یا اس سے بنی کوئی اشیاء کھانے سے منع کرتے ہیں کیونکہ یہ دیر سے ہضم ہوتا ہے اور عموماً لوگ رات کے کھانے کے بعد اپنے کچھ اہم کام کرتے ہیں اور سو جاتے ہیں۔

اسی طرح دہی کھانے کا بھی مخصوص وقت ہے اور ماہرین کی جانب سے یہ بھی بتایا گیا ہے کہ کس وقت دہی کھانا صحیح نہیں ہے۔

🔹 رات کے وقت کھانے سے پرہیز کریں!
* دہی کھانے کے ان گنت فوائد ہیں، البتہ اسے رات میں کھانا کچھ ٹھیک نہیں کیونکہ یہ پیٹ کے درد سمیت، ہاضمے کے مسائل پیدا کر سکتا ہے، اس کی وجہ یہ ہے کہ ڈیری پروڈکٹ چکنائی اور پروٹین سے مالا مال ہوتے ہیں، اور رات کے وقت میٹابولزم بھی آہستہ کام کر رہا ہوتا ہے لہٰذا اسے رات کے وقت نہ کھائیں۔

* صرف سادہ دہی ہی نہیں، بہت سے لوگ دہی کا رائتہ بھی بنا کر رات کے وقت کھانے میں کھاتے ہیں، اس سے بچیں کیونکہ یہ بلغم پیدا کر سکتا ہے، اس کے علاوہ جن افراد کو ہر وقت زکام کی شکایت رہتی ہو، وہ بھی دہی کے مسلسل استعمال سے پرہیز کریں کیونکہ اس کی تاثیر بھی ٹھنڈی ہوتی ہے۔

🔹 دہی کھانے کا بہترین وقت
رات کےکھانے میں دہی کھانے کے بجائے اسے کھانےکا بہترین وقت صبح یا دوپہر کا ہے۔

دن کے اس وقت دہی کو ہضم کرنا آسان ہوتا ہے، آپ اسے صبح کے ناشتے کے طور پر بھی کھا سکتے ہیں، جس میں آم اور کیلے جیسے پھل شامل ہوں۔

🔹 زیادہ سے زیادہ فوائد
دہی کھانے سے آپ کے ہاضمے کو بہتر بنانے، قوت مدافعت بڑھانے اور آنتوں کی صحت کو فروغ دینے میں مدد مل سکتی ہے، دہی میں کیلشیم اور پروٹین کی مقدار بھی زیادہ ہوتی ہے، جو ہڈیوں کی صحت اور پٹھوں کی نشوونما کو فروغ دیتا ہے، یہ صحت مند جلد اور بالوں کی صحت کے لیے بھی مفید ہے۔

پروبائیوٹکس کے اس بھرپور ذریعے سے زیادہ سے زیادہ فوائد حاصل کرنے کے لیے گھر میں رکھے ہوئے تازہ دہی کا استعمال کرنا بہتر ہے۔

اگر آپ اسے گھر پر نہیں جما سکتے تو دودھ کی دکان سے لے لیں، لیکن کوشش کریں پیک شدہ دہی استعمال نہ کریں۔

🔹 کن افراد کو دہی نہیں کھانا چاہیے؟
دہی عام طور پر ہر ایک کے لیے مفید ہے لیکن اگر آپ کو لیکٹوز عدم برداشت یا دودھ کی مصنوعات سے الرجی ہے تو آپ کو دہی سے پرہیز کرنا چاہیے۔

جن لوگوں کو گردے کے مسائل ہوں یا کولیسٹرول کی مقدار زیادہ ہو وہ اعتدال میں دہی کا استعمال کریں۔

🔘 نوٹ:
یہ مضمون مختلف جریدوں میں شائع معلومات پر مبنی ہے، اس حوالے سے قارئین اپنے معالج سے ضرور مشورہ کریں۔

🌹 پوسٹ پسند آئے تو دوسروں کی بھلائی کے لئے شیئر ضرور کریں۔

https://t.me/islamwitheman/4747
⭕ ISLAM WITH EMAN ⭕