🔷 شعور کے تین سبق 🔷

مجھے سائیکل تین وجوہات پر بہت پسند ہے. پہلی وجہ بناؤں تو اس نے مجھے ابتدائی شعور کے تین سبق دیئے تھے.

مجھے بچپن میں بھی سائکل پسند تھی. میں کسی سے سائکل مانگتا تو وہ پوچھتا تمہیں چلانا آتی ہے.؟ میں کہتا نہیں آتی. اس جواب پر مجھے وہ اپنی سائکل نہیں دیتا.

❶ تب مجھے سمجھ آئی اپنا شوق پورا کرنے کیلئے یا تو خود کی چیز ہو ورنہ دوسرے کی تسلی کیلئے کوئی سرٹیفکیٹ ہو.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ابو جی کی منت سماجت کر کے آخر سائیکل خرید ہی لی. وہ زندگی کا ایک یادگار دن تھا. میرے دوستو نے پیچھے سائکل کیریئر پکڑا اور میں سائیکل پر بیٹھ گیا. اب میں سائیکل چلا رہا تھا وہ کیریئر پکڑ کر دوڑ رہے تھے.

❷ ابو جی سے لے کر ان دوستوں نے سمجھایا زندگی میں یہ کچھ رشتے ہی ہوتے ہیں جو آپ کو سٹیرنگ وہیل پر بٹھاتے ہیں. یہ بے لوث رشتے بڑے قیمتی ہوتے ہیں.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیریئر پکڑے دوستوں کو میں بار بار کہتا کیریئر نہ چھوڑنا۔ وہ مجھے کہتے آگے دیکھ ہم نے پکڑا ہوا ہے. تمہیں گرنے نہیں دیں گے. میری مکمل توجہ کنٹرول پر ہوگئی. پیڈل کا ردھم بنا رفتار کچھ تیز ہوئی. ڈگمگاتی سائیکل اب سیدھی چل رہی تھی. میں نے فخر سے پیچھے آواز لگائی اور تیز دھکا نہ دو. دوسری بار آواز دی تو کافی پیچھے سے آواز آئی ہم چھوڑ چکے ہیں. میں کچھ گھبرایا سائیکل کچھ ڈگمگا سی گئی. لیکن گرنے کے خوف نے توازن حاصل کر ہی لیا.

❸ مجھے تیسرا سبق ملا. سفر اپنے اعتماد کا ہی ہوتا ہے. کوئی ہر وقت آپکا کیریئر پکڑ کر آپ کے ساتھ دوڑ نہیں سکتا..

🌹 پوسٹ پسند آئے تو شیئر ضرور کیجیے۔

https://t.me/islamwitheman
⭕ ISLAM WITH EMAN ⭕

🔷 ناچاقیاں ختم کریں 🔷

اپنے خاندان میں ناچاقی اور لڑائی جھگڑا ختم کرنے کا طریقہ جس پر ہر انسان کے عمل کرنے سے گھریلوں زندگی پُرسکون بن سکتی ھے۔۔!

1: تجسس کرنا چھوڑ دیں کسی کی ٹوہ میں لگنا انسان کو نفسیاتی مریض بنا دیتا ہے بلکہ ایک ماہر نفسیات کے بقول اکثر نفسیاتی امراض کا سبب تجسس کرنا ہے چنانچہ ہر وقت اس فکر میں رہنا کہ مجھے فلاں کے حالات سے واقفیت رہے تاکہ کل کو اس پر موقعہ ملے تو برتری دکھائی جائے اور اسے رسوا کیا جائے یہ خاندان میں بگاڑ کا سبب بنتا ہے۔

2: خاندان کے افراد کو برے ناموں اور برے القابات سے ذکر کرنا چھوڑ دیں غیبت سے اجتناب کریں کیونکہ یہی باتیں دوسروں تک پہنچ کر فساد کا سبب بنتی ہیں اور ویسے بھی یہ رویہ انسان کو بد اخلاق بناتا ہے اور بد خلقی سارے امراض کی انتہاء ہے۔

3: حسد (Jealousy) کرنا چھوڑ دیں کہ یہ ایک آگ ہے جو انسان کو جلا کر رکھ رکھ دیتی ہے دوسروں کے ساتھ جو بھی نعمت ھو اسکے زوال اور چھن جانے کی تمنا نہ کریں بلکہ اسکے لئیے دعائے خیر اور اپنے لئیے نعمت ملنے کی دعا کریں۔

4: ایسے موضوعات پر گھروں میں تبصرے بند کر دیں جو لڑائی جھگڑے اور نفرتوں کا سبب ہوں مسلمان کی پردہ پوشی کا اہتمام کریں کسی کے عیب اچھالنے کی بجائے اپنے عیوب کو ختم کرنے کی کوشش کریں۔

5: جن سے ناراضگی یا ناچاقی ہے ان کو اپنی گنجائش کے مطابق ھدیہ (Gift) دیں چاہے وہ کسی چیز کا ہدیہ ہو یا اعمال کا ہدیہ ھو یعنی انکے ساتھ کسی بھی موقع پر مدد کرنا اور پریشانی دور کرنا اسکے علاوہ حسب موقعہ حال احوال بھی لیتے رہیں بیمار ھونے پر عیادت بھی کیا کریں۔

🌹 پوسٹ پسند آئے تو شیئر ضرور کیجیے۔

https://t.me/islamwitheman
⭕ ISLAM WITH EMAN ⭕

🔷 ماں عظیم نعمت 🔷

سمندر کِنارے ایک درخت تھا۔ جس پہ چڑیا کا گھونسلا تھا۔ ایک دن تیز ہوا چلی اور چڑیا کا بچہ سمندر میں گر گیا۔ چڑیا بچے کو نکالنے لگی، تو اُس کے اپنے پر گیلے ہو گئے اور وہ لڑکھڑا گئی۔

چڑیا نے سمندر سے کہا، اپنی لہر سے میرا بچہ باہر پھینک دے۔ مگر سمندر نہ مانا۔ تو چڑیا بولی، دیکھ میں تیرا سارا پانی پی جاوُں گی۔ تجھے ریگستان بنا دونگی۔

سمندر اپنے غرور میں گرجا، کہ اے چڑیا! میں چاہوں تو ساری دنیا کو غرق کر دوں، تو میرا کیا بگاڑ سکتی ہے؟

چڑیا نے اتنا سُنا تو بولی چل پھر خشک ہونے کو تیار ہو جا ۔۔۔

اس کے ساتھ اُس نے ایک گھونٹ بھرا اُور اڑ کے درخت پہ جا بیٹھی، پھر آئی گھونٹ بھرا پھر درخت پہ جا بیٹھی۔ یہی عمل اُس نے سات، آٹھ بار دُھرایا۔ تو سمندر گھبرا کے بولا؛ پاگل ہو گئی ہے کیا؟ کیوں مجھے ختم کرنے لگی ہے؟

مگر چڑیا اپنی دُھن میں یہ عمل دُہراتی رہی۔ ابھی صرف بیس، بائیس بار ہی ہوا کہ سمندر نے ایک زور کی لہر ماری اور چڑیا کے بچے کو باہر پھینک دیا۔

درخت جو کافی دیر سے یہ سب دیکھ رہا تھا، سمندر سے بولا، اے طاقت کے بادشاہ! تو جو ساری دُنیا کو پل بھر میں غرق کر سکتا ہے۔ اس کمزور سی چڑیا سے ڈر گیا، یہ سمجھ نہیں آئی؟

سمندر بولا، نہیں میں تو ایک ماں سے ڈرا ہوں۔ ماں کے جذبے سے ڈرا ہوں۔ اک ماں کے سامنے تو عرش ہل جاتا ہے۔ میری کیا مجال۔ جس طرح وہ مجھے پی رہی تھی مجھے لگا کہ وہ مجھے ریگستان بنا ہی دے گی۔

ماں اللہ پاک کی سب سے عظیم نعمت ہے۔ اس کی قدر کریں ...

🌹 پوسٹ اچھی لگے تودوسروں کی بھلائی کے لئے شیئر کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

■ ماں، باپ کے بارے میں مزید پوسٹس دیکھنے کے لئے مطلوبہ پوسٹ کے لنک پر کلک کریں۔۔۔

💓حضرت موسٰیؑ کا بہشتی ہمسایہ
https://t.me/islamwitheman/652

⭕ ماں کی ناراضگی کا اثر
https://t.me/islamwitheman/331

🔷 اولڈ ایج ہوم
https://t.me/islamwitheman/97

🔷 ماں اور باپ
https://t.me/islamwitheman/330

🔷 سیب کا درخت
https://t.me/islamwitheman/162

🔷 باپ کے جذبات
https://t.me/islamwitheman/58

🔷 باپ ٹھنڈی چھاؤں
https://t.me/islamwitheman/96

🔷 باپ کی پشت پناہی
https://t.me/islamwitheman/332

🔷 جیسا کرو گے ویسا بھرو گے
https://t.me/islamwitheman/117

🌴 شفقت پدری
https://t.me/islamwitheman/770

☔ والدین اور رحمت خداوندی
https://t.me/islamwitheman/1038

🌴 یہ بابے ویلے نہیں ہوتے
https://t.me/islamwitheman/1039

🌹 ماں کی مامتا
https://t.me/islamwitheman/1204

🔷 ماں کی خدمت
https://t.me/islamwitheman/1212

👁 ماں کی قربانی
https://t.me/islamwitheman/1225

🔷 والدین کی قدر کرو
http://t.me/islamwitheman/1476

🌹 حقوق عظمت والدین
https://t.me/islamwitheman/1982

🌹 والدین کی دعا
https://t.me/islamwitheman/2037

🌹 مامتا
https://t.me/islamwitheman/2351

🔷 بگڑے ہوئے نوجوان کی داستان
https://t.me/islamwitheman/2373

🔷 ماں کی پسند، ناپسند
http://t.me/islamwitheman/2376

🌺 بیمار ماں کی خدمت
http://t.me/islamwitheman/2437

🌸 بیٹی اور ماں میں فرق
http://t.me/islamwitheman/2456

❤️ ماں اور بیوی
http://t.me/islamwitheman/2516

🔷 ماں کی بددعا کا اثر
https://t.me/islamwitheman/2728

🔷 اولڈ ہاؤس
https://t.me/islamwitheman/4198

🌷 اس نسل کی ماں
https://t.me/islamwitheman/4206

🌷 میری ماں
https://t.me/islamwitheman/4395

🔷 ماں عظیم نعمت
https://t.me/islamwitheman/4573
⭕ ISLAM WITH EMAN ⭕

🥥 ناریل کے خالص تیل کی پہچان 🥥

کھوپرے کے تیل کے فوائد سے تو سب ہی واقف ہیں لیکن ایک مشکل جس کا اکثر کافی لوگوں کو سامنا کرنا پڑتا ہے وہ یہ کہ تیل کو پہچاننا مشکل ہو جاتا ہے کہ آیا یہ خالص ہے یا نہیں۔

آج ہم آپ کو 3 ایسے طریقے بتائیں گے جس سے آپ آسانی سے پہچان سکیں گے کہ آپ کے ناریل کا تیل خالص ہے یا نہیں۔

❶ ایک پین کو چولہے پر درمیانی آنچ پر رکھیں اور اس میں تھوڑا سا تیل گرم کرنے کے لیے رکھ دیں، اگر ہلکی آنچ پر تیل میں جھاگ آنے لگیں اور جلنے کی بو آئے تو سمجھ جائیں تیل خالص نہیں ہے۔

❷ ایک بوتل میں تھوڑا سا تیل لیں اور اسے ایک گھنٹے کے لیے فریج میں رکھ دیں، اگر یہ خالص ہوا تو ایسا ہی رہے گا اور اگر یہ خالص نا ہوا تو ملاوٹ زدہ چیزیں تیل کے اوپر تیرتی نظر آئیں گی۔

❸ ایک گلاس پانی لیں اور اس میں 2 کھانے کے چمچ ناریل کا تیل ڈالیں، پھر اسے 20 سے 30 منٹ کے لیے چھوڑ دیں، اگر تیل پانی میں حل ہو جائے تو سمجھ جائیں آپ کا تیل خالص نہیں ہے۔

🌹 پوسٹ پسند آئے تو شیئر ضرور کیجیے۔

https://t.me/islamwitheman/4548
⭕ ISLAM WITH EMAN ⭕

🔷 گیس لیکیج احتیاطی تدابیر 🔷

ایک جوڑا ایک ریستوراں میں اچھا وقت گزارنے کے بعد آدھی رات کو گھر آیا تو گھر میں گیس کی بو محسوس ہوئی۔

آدمی باورچی خانے میں گیا تو پتہ چلا کہ لیکیج ہے۔ لاشعوری ذہن نے اسے لائٹ آن کرنے پر زور دیا۔ اور باورچی خانے میں دھماکہ ہوا، شوہر فوری طور پر مر گیا اور بیوی کو انتہائی نگہداشت میں منتقل کر دیا گیا۔

گھر سے 200 میٹر کے فاصلے پر فرنیچر دیکھا گیا جس کا مطلب تھا کہ گیس پائپ کا دھماکہ بم سے زیادہ زور دار تھا۔

🔘 اس اندوہناک واقعے سے حاصل ہونے والا سبق یہ ہے کہ۔۔۔ جب آپ کو گیس کی بو آئے تو لائٹ آن نہ کریں، بلکہ تمام دروازے اور کھڑکیاں پرسکون طریقے سے کھولیں، تاکہ کوئی چنگاری پیدا نہ ہو، پھر گیس ٹیوب کو بند کردیں اور اس وقت تک لائٹ آن نہ کریں جب تک کہ گیس کی بو پوری طرح غائب نہ ہو جائے۔

اس کے علاوہ اگر آپ کو گیس کی بو آتی ہے تو فریج مت کھولیں، کیونکہ اس سے بھی دھماکہ ہوتا ہے، اور یہاں تک کہ سکشن پنکھے کو بھی آن نہ کریں کیونکہ اس میں برقی چارج ہوتا ہے، بس کھڑکیاں کھولیں۔

🌹 دوسروں کی معلومات کے لئے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 زیادہ وقت بیٹھنے کے نقصانات 🔷

موجودہ عہد میں بیشتر افراد دن بھر میں زیادہ وقت بیٹھ کر گزارتے ہیں۔

مگر کیا آپ کو معلوم ہے کہ دن بھر میں صرف 6 سے 8 گھنٹے بیٹھ کر گزارنا جسم پر کیا اثرات مرتب کرتا ہے؟

اگر آپ میں یہ عادت موجود ہے تو جان لیں کہ یہ متعدد امراض کا شکار بن اسکتی ہے۔

اس سے جسم پر مرتب ہونے والے اثرات درج ذیل ہیں اور ہاں ان اثرات سے بچنے کا بہترین طریقہ دن میں چند گھنٹے جسمانی سرگرمیوں کے لیے مختص کرنا ہے۔

🔹 دل کے لیے نقصان دہ
جون 2022ء میں سائمن فریزر یونیورسٹی اور چائنیز اکیڈمی آف میڈیکل سائنسز کی مشترکہ تحقیق میں دریافت کیا گیا کہ اگر ایک فرد دن بھر میں 8 گھنٹے سے زیادہ وقت بیٹھ کر گزارتا ہے تو امراض قلب کا خطرہ 20 فیصد تک بڑھ جاتا ہے۔

اس سے قبل بھی تحقیقی رپورٹس میں یہ بات سامنے آچکی ہے کہ جو لوگ زیادہ وقت بیٹھ کر گزارتے ہیں ان میں امراض قلب، ہارٹ اٹیک یا فالج کا خطرہ جسمانی طور پر متحرک افراد کے مقابلے میں دگنا زیادہ ہوتا ہے۔

🔹 جلد موت کا خطرہ
اگر آپ دن کا زیادہ وقت بیٹھ کر گزارتے ہیں تو اس کے نتیجے میں کسی بھی وجہ سے جلد موت کا خطرہ بھی بڑھ جاتا ہے۔

🔹 دماغی تنزلی کا امکان
زیادہ وقت بیٹھ کر گزارنے سے دماغی صحت بھی متاثر ہوتی ہے کیونکہ یہ عادت امراض قلب، ذیابیطس، فالج، ہائی بلڈ پریشر اور کولیسٹرول کا باعث بھی سکتی ہے، یہ تمام بیماریاں دماغی تنزلی کا شکار بنانے میں کردار ادا کرتی ہیں۔

🔹 ورزش کا کوئی فائدہ نہیں ہوتا
اگر آپ ایک ہفتے میں 7 گھنٹے ورزش کرتے ہیں تو بھی دن بھر میں 7 گھنٹے بیٹھنے سے جسم پر مرتب منفی اثرات کو ریورس نہیں کر سکتے۔

🔷 ذیابیطس کا خطرہ بھی بڑھتا ہے
اگر آپ دن بھر کرسی پر براجمان رہتے ہیں تو ذیابیطس سے متاثر ہونے کا خطرہ بھی بڑھتا ہے۔

اس کی وجہ تو واضح نہیں مگر طبی ماہرین کے خیال میں زیادہ وقت بیٹھ کر گزارنے سے انسولین کے حوالے سے جسمانی ردعمل میں تبدیلی آتی ہے، جس سے بلڈ شوگر میں اضافہ ہوتا ہے۔

🔹 بلڈ کلاٹ
بہت زیادہ وقت بیٹھ کر گزارنے سے ٹانگوں میں بلڈ کلاٹ کا خطرہ بھی بڑھتا ہے۔

یہ بلڈ کلاٹ اس وقت جان لیوا ثابت ہو سکتی ہے جب وہ پھیپھڑوں تک پہنچ جائے، تو اس سے بچنے کا بہترین طریقہ یہی ہے کہ بہت زیادہ وقت تک بیٹھنے سے گریز کریں۔

🔹 جسمانی وزن میں اضافہ
کیا زیادہ وقت ٹی وی کے سامنے گزارتے ہیں؟ انٹرنیٹ یا سوشل میڈیا سرفنگ میں گم رہتے ہیں؟ اگر ہاں تو جسمانی وزن میں اضافے یا موٹاپے کے لیے بھی تیار رہنا چاہیے۔

🔹 انزائٹی کا سامنا بھی ہوسکتا ہے
اگر آپ ڈیجیٹل اسکرینوں کے سامنے زیادہ وقت گزارتے ہیں تو اس سے نیند متاثر ہوتی ہے، جس سے ذہنی بے چینی اور تشویش بڑھتی ہے جو وقت کے ساتھ انزائٹی ڈس آرڈر کا باعث بن جاتی ہے۔

اسی طرح ٹی وی کے سامنے زیادہ وقت گزارنے سے دوستوں اور پیاروں کے لیے وقت نہیں ملتا جسے سماجی انزائٹی سے منسلک کیا جاتا ہے۔

🔹 کمر کے لیے نقصان دہ
بیٹھنے کا ناقص انداز کمر کے مسلز، گردن اور ریڑھ کی ہڈی پر بہت زیادہ دباؤ بڑھانے کا باعث بنتا ہے۔

اگر آپ اچھی کرسی کا استعمال بھی کرتے ہیں تو بھی بہت زیادہ وقت تک بیٹھنا کمر کے لیے نقصان دہ ہوتا ہے۔

🔹 ہڈیوں کی کمزوری
جو افراد جسمانی طور پر زیادہ متحرک نہیں ہوتے ان میں ہڈیوں کی کمزوری کا خطرہ زیادہ ہوتا ہے اور عمر بڑھنے کے ساتھ وہ روزمرہ کے بنیادی کام کرنے سے بھی قاصر ہو جاتے ہیں۔

تو اس سے بچنے کے لیے ڈاکٹروں کی جانب سے دن میں چند گھنٹے جسمانی طور پر متحرک رہ کر گزارنے کا مشورہ دیا جاتا ہے۔

🔹 کینسر کا خطرہ
یہ عادت پھیپھڑوں یا colon کینسر کا شکار بھی بنا سکتی ہے۔

درحقیقت جتنا زیادہ وقت بیٹھ کر گزاریں گے یہ خطرہ اتنا زیادہ بڑھ جائے گا۔

🔘 تحفظ کیسے کریں؟
اگر آپ دفتر میں کام کر رہے ہیں تو ہر آدھے گھنٹے بعد کھڑے ہوکر کچھ وقت تک چہل قدمی کریں، گھر میں ورزش کو عادت بنائیں، بچوں کے ساتھ گھر سے باہر چہل قدمی کریں۔

🌹 پوسٹ پسند آئے تو دوسروں کی معلومات کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman
⭕ ISLAM WITH EMAN ⭕

🔷 ہڈیوں کی مضبوطی 🔷

وٹامن کے ون عمر رسیدہ خواتین کی ہڈیوں کو مضبوط بناتا ہے جو ہرے پتوں والی سبزیوں میں عام پایا جاتا ہے۔

بڑھاپے میں فریکچر کا خدشہ بڑھ جاتا ہے لیکن ہرے پتے والی سبزیوں میں بکثرت پایا جانے والا وٹامن کے ون ہڈیوں کو مضبوط بنا کر کئی پیچیدگیوں سے بچاتا ہے۔

وٹامن کے ون کو فائلوقوئنائن بھی کہا جاتا ہے جو بروکولی (شاخ گوبھی)، سبز لوبیا، کیل، چولائی اور پالک وغیرہ میں عام پائی جاتی ہے۔ اس کے علاوہ کیوی، مگر ناشپتی اور خشک آلوچہ میں بھی یہ وٹامن ہوتا ہے جو نہ صرف خون کو گاڑھے پن سے روکتا ہے بلکہ ہڈیوں کو مضبوط بنا کر ان کی حفاظت بھی کرتا ہے۔

ایک تحقیقی سروے میں لگ بھگ 1400 خواتین میں ہڈیوں کے فریکچر اور وٹامن کے ون کے درمیان تعلق کو دیکھا گیا ہے۔ عمر رسیدگی میں ہڈیاں ٹوٹنے سے زندگی شدید متاثر ہوتی ہے۔ بالخصوص کولہے کی ہڈی ٹوٹنے سے معذوری، محتاجی اور خود زندگی بھی داؤ پر لگ جاتی ہے۔
ایڈٹھ کووان یونیورسٹی میں غذائیات اور صحت کے ماہرین نے دیگر اداروں کے اشتراک سے 1400 سے زائد خواتین کا مسلسل 14 برس تک مطالعہ کیا ہے۔ معلوم ہوا کہ اگر عمر رسیدہ خواتین روزانہ 100 مائیکروگرام وٹامن کے ون سپلیمںٹ کھائیں تو وہ 125 گرام ہرے پتوں والی سبزیوں کے برابر ہوتا ہے۔ اس طرح ان میں فریکچر ہونے کا خطرہ ان کے مقابلے میں 31 فیصد تک کم ہو جاتا ہے جو صرف 60 مائیکروگرام روزانہ وٹامن کے ون کھاتی ہیں۔ اسی لیے آسٹریلوی ماہرین نے بوڑھی خواتین سے کہا ہے کہ وہ روزانہ کم سے کم 100 مائیکروگرام وٹامن کے ون ضرور کھائیں۔

پھر کولہے کے فریکچر کے دوران اس کے نتائج بھی حیران کن تھے یعنی اس وٹامن کی درست مقدار کھانے والی خواتین کی نصف (49) فیصد تعداد کو اسپتال لے جانا پڑا اور یوں وٹامن کی مزید اہمیت سامنے آئی ہے۔

وٹامن کے ون کے متعلق معلوم ہوچکا ہے کہ یہ ہڈیوں کے پروٹین کو بڑھاتا ہے جس سے ہڈیاں توانا اور مضبوط رہتی ہیں۔ دوسری جانب ہڈیوں کے نرم یا بھربھرے پن کا عمل بھی سست پڑجاتا ہے۔

تاہم ماہرین نے زور دیا ہے کہ روزانہ صبح شام 75 گرام وٹامن کے ون والی سبزیاں اور پھل کھانا ہی سب سے بہتر عمل ہے اور اسی سپلیمںٹ ادویہ کی بجائے انہیں استعمال کرنا مفید ثابت ہوسکتا ہے۔

🌹 پوسٹ پسند آئے تو دوسروں کی معلومات کے لئے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman
⭕ ISLAM WITH EMAN ⭕

🍌 کیلے کے فوائد اور نقصانات 🍌

کیلے کو انگلش میں Banana کہتے ہیں۔ امریکا میں استعمال ہونے والے پھلوں میں سب سے زیادہ کھایا جانے والا پھل کیلا ہے۔

امریکن مالٹے اور سیب کی نسبت کیلے زیادہ شوق سے کھاتے ہے۔

* کیلے کا مسلسل استعمال غذائی کمی کو دور کرتا ہے۔
* کیلے کھانے سے فوری توانائی بحال ہوتی ہے۔
* وٹامنز اور منرلز کی کمی دور ہوتی ہے۔
* کیلے میں ایسے اجزاء پائے جاتے ہیں جو کینسر کے جراثیم کو کمزور کرتے ہیں اور انکو پیدا ہونے سے روکتے ہیں۔
* کیلا قبض کشا ہے۔
* تھکاوٹ کو دور کرتا ہے۔
* کیلا کھانے سے دل کی دھڑکن معمول پہ رہتی ہے۔
* فالج کے حملے سے تحفظ فراہم کرتا ہے۔
* کیلے میں پوٹاشیم پایا جاتا ہے جو ہائی بلڈ پریشر کو کنٹرول کرتا ہے۔
* کیلے میں سیب کی نسبت پروٹین چار گنا، کاربوہائیڈریٹس دو گنا، فاسفورس تین گنا، وٹامن اے پانچ گنا اور اسکے علاوہ بہت سے وٹامنز اور منرلز سیب کی نسبت دوگنے ہوتے ہیں۔
*کیلے میں ایسے اجزاء پائے جاتے جو ڈپریشن کو کم کرتے ہیں اور دماغی طاقت میں اضافہ کرتے ہیں۔
* حاملہ خواتین کیلئے کیلا بے حد مفید ہے، یہ ماں اور بچہ دونوں کی صحت کیلئے بے حد ضروری ہے۔
* کیلا شیر خوار بچوں کی ابتدائی خوراک کا اہم جزو سمجھا جاتا ہے۔
* بچوں کو اگر کیلے کھلائے جائیں تو انکی صحت قابل رشک بن جاتی ہے، بیماریوں سے محفوظ رہتے ہیں۔
* کیلا عمدہ پھل ہونے کیساتھ ساتھ اچھی دوا بھی ہے۔
* کیلا وٹامن سی کی کمی دور کرتا ہے، نیا خون بناتا ہے۔
* گردوں کو طاقت دیتا ہے۔
* جگر کی اصلاح کرتا ہے۔
* یرقان میں مفید ہے۔
* جسم سے زہریلے مادوں کو خارج کرتا ہے۔
* کیلا بچوں، بڑوں، بوڑھوں سمیت گھر کے سبھی افراد کیلئے بے حد مفید ہے۔
* ایک برطانوی تحقیق کے مطابق اگر عورت کو حمل سے پہلے پوٹاشیم کی زیادہ مقدار کھلائی جائے تو اس عورت کے ہاں بیٹا پیدا ہونے کے چانسز زیادہ ہوتے ہیں۔ حمل سے پہلے روزانہ 2 کیلے ضرور کھائیں۔

■ احتیاطی تدابیر!
* کیلا کھانے کے فورا بعد پانی نہ پیئں۔
* شوگر کے مریض کیلا کھانے سے پرہیز کریں۔
* کیلا کھانے کیلئے صبح کا وقت صحیح ہے۔
* ایک وقت میں آپ 2 سے 4 کیلے کھا سکتے ہیں۔
* اگر آپ 7 سے زائد کیلے کھاتے ہیں تو یہ آپ کیلئے نقصان دہ ہے اسکی وجہ یہ ہے کہ کیلے میں پوٹاشیم وافر مقدار میں پائی جاتی ہے،7 سے زائد کیلے کھانے سے جسم میں پوٹاشیم کی مقدار تک بڑھ جاتی ہے جو جان لیوا بھی ہو سکتی ہے۔
* ایسے لوگ جنکے گردے کام نہیں کرتے یا کم کام کرتے ہے ان کیلئے پوٹاشیم کا زیادہ استعمال ٹھیک نہیں۔
* رات کو کیلے کھانے سے پرہیز کریں۔

🌹 پوسٹ پسند آئے تو شیئر ضرور کیجیے۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/2778
⭕ ISLAM WITH EMAN ⭕

🔷 گڈھ کا کتا 🔷

پرانے زمانے میں مال برداری اور پبلک ٹرانسپورٹ کے لئیے بیل گاڑیاں ھوا کرتی تھیں جنہیں گڈھ کہا جاتا تھا۔

ہر بیل گاڑی کے ساتھ ایک کتا ضرور ھوتا تھا جب کہیں سنسان بیابان میں مالک کو رکنا پڑتا تو اس وقت وہ کتا سامان کی رکھوالی کیا کرتا تھا۔

جس جس نے وہ بیل گاڑی چلتی دیکھی ھو گی تو اس کو ضرور یاد ہوگا کہ وہ کتا بیل گاڑی کے نیچے نیچے ہی چلا کرتا تھا۔

اُس کی ایک خاص وجہ ہوتی تھی کہ جب مالک چھوٹا کتا رکھتا تھا تو سفر کے دوران اُس کتے کو گاڑی کے ایکسل کے ساتھ نیچے باندھ دیا کرتا تھا تو پھر وہ بڑا ھو کر بھی اپنی اسی جگہ پر چلتا رہتا تھا۔

ایک دن کتے نے سوچا کہ جب مالک گاڑی روکتا ہے تو سب سے پہلے بیل کو پانی پلاتا ہے اور چارا ڈالتا ہے پھر خود کھاتا ہے اور سب سے آخر میں مجھے کھلاتا ہے۔ حالانکہ گڈھ تو ساری میں نے اپنے اوپر اُٹھائی ھوتی ہے۔

دراصل اس کتے کو گڈھ کے نیچے چلتے ہوئے یہ گمان ہو گیا تھا کہ یہ گڈھ میں نے اُٹھا رکھی ہے۔

وہ اندر ہی اندر کُڑھتا رہتا ہے اور ایک دن فیصلہ کیا کہ اچھا پھر ایسے تو ایسے ہی سہی۔ میں نے بھی آج راستے میں ہی گڈھ چھوڑ دینی ہے۔ جب ادھا سفر ہوا تو کتا نیچے بیٹھ گیا اور گڈھ آگے نکل گئی کتا حیران پریشان اس کو دیکھتا رہ گیا۔

🔘 ایسے ہی کچھ کردار آپ کو اپنی زندگی میں ملیں گے جو اس گمان میں ہیں کہ سارا بوجھ تو انہوں نے اٹھا رکھا ہے وہ نا ہونگے تو سسٹم رک جائے گا۔ حالانکہ ایسا کچھ بھی نہیں.. یاد رکھیں زندگی کبھی نہیں رکتی کسی کے لیے کہانی میں کردار بدلتے رہتے ہیں مگر زندگی چلتی رہتی ہے۔.....!!

🌹 پوسٹ پسند آئے تو شیئر ضرور کیجیے۔

https://t.me/islamwitheman
⭕ ISLAM WITH EMAN ⭕

🔷 بچوں کی حفاظت 🔷

موجودہ حالات میں بچوں کی حفاظت کے حوالے سے اہم تحریر۔

اکثر دیکھنے میں آتا ہے کہ چھوٹے بچے ریلوے اسٹیشنوں، ہسپتالوں، پارکوں اور خاص طور پہ شاپنگ مالوں یا بازاروں میں والدین سے بچھڑ جاتے ہیں۔ وجہ کوئی بھی ہو، بچے کا ایک لمحے کیلئے والدین کی نظروں سے اوجھل ہونا کسی قیامت سے کم نہیں ہوتا۔

■ چند گزارشات
🔹 کوشش کریں کہ بچوں کو بلا ضرورت بازار نہ لے کر جائیں۔
‎
🔹 پارک میں بچے کھیلنے لگیں تو آپ یا تو ساتھ کھیلیں یا ان کو نظروں کے سامنے رکھیں۔
‎
🔹 ریلوے سٹیشنوں یا ہسپتالوں میں اکثر رش ہوتا ہے۔ بچوں کا ہاتھ پکڑ کر رکھیں۔ اگر ممکن نہ ہو تو بچوں کو آگے چلنے کو کہیں اور خود پیچھے چلیں۔
‎
🔹 ضروری اشیاء یا کھانے پینے کی چیزیں ساتھ رکھیں۔ اگر خریدنی بھی ہوں تو بچوں کو اکیلا نہ چھوڑ کر جائیں۔
‎
🔹 جب بھی گھر سے باہر جائیں، 4 سال سے کم عمر بچوں کی جیب میں والد یا بڑے بھائی کا ایک پرچی پہ فون نمبر لکھ کر ڈال دیں یا بچوں کے ھاتھ میں ایک بینڈ باندھ دیں جس پہ گھر کا پتہ لکھا ہو۔

🔹 چائلڈ سیفٹی واچ بھی لی جا سکتی ہے جو بچے کی کلائی پہ باندھی جاتی ہے۔ اس میں جی۔پی۔ایس سسٹم ہے۔ جو بچے کی موجودہ لوکیشن کا پتا دیتی ہے۔

🔹 بچوں کی اور والدین کی کلائی پہ باندھنے کے لئے چائیلڈ سیفٹی لیش بھی استعمال کی جا سکتی ہے۔

🔹 4 سال اور اس سے بڑے بچوں کو والد کا اور والدہ کا فون نمبر یاد کرا دیں۔
‎
🔹 بچوں کو گھر کے اطراف میں موجود کسی مشہور جگہ کے بارے میں ضرور بتائیں۔
‎
🔹 کہانی یا رول پلے کی مدد سے بچوں کو بتائیں کہ اگر وہ والدین سے بچھڑ جائیں تو اسی جگہ کھڑے رہیں۔ عین ممکن ہے کہ والدین انہیں ڈھونڈ لیں۔
‎
🔹 اگر والدین نہ آئیں تو سب سے پہلے پولیس یا سیکیورٹی گارڈ سے مدد طلب کریں۔
‎
🔹 اگر پولیس اطراف میں موجود نہ ہو تو کسی ایسی عورت سے مدد طلب کریں جس کے ہمراہ بچے ہوں۔
‎
🔹 ہر راہ گیر کو نہ بتائیں کہ وہ والدین کی تلاش میں ہیں اور نہ ہی انکے ہمراہ کہیں جائیں۔
‎
🔹 بچھڑنے کی صورت میں سنسان علاقہ یا راستہ کی طرف نہ جائیں بلکہ گنجان علاقہ میں رہیں۔


■ علاوہ ازیں۔۔۔
🔹 کوشش کریں کہ بچوں کو دستک ہونے کی صورت میں گھر کا دروازہ کھولنے کیلئے بھی نہ بھیجیں۔

🔹 بچوں کو دوکان سے سودا سلف لانے کے لئیے نہ بھیجیں۔ مجبوری ہو تو دو یا تین بچوں کو اکٹھے بھیجیں اور تنبیہ کریں کہ راہگیروں سے بات نہ کریں نہ ہی کچھ لے کر کھائیں۔

بڑوں کا فون نمبر یاد کرانے کیلئے فون پر نمبر
ڈائیل کرائیں۔ یا کاغذ یا چارٹ پیپر پر فون بنا کے مشق کروائیں یا کسی دیوار پہ فون نمبر لکھ کر لگا دیں اور بچے سے کہیں کہ اسے دہرائے یہاں تک کہ یاد کر لے۔

■ سکول...
سکول بیگ کے اندر کی جانب گھر کا پتہ اور والد یا کسی بڑے کا فون نمبر لکھ دیں۔ اور بچے کو سمجھا دیں کہ اگر سکول سے لینے والے کو دیر ہو جائے تو ڈیوٹی ٹیچر کو بتائیں اور ان کے ساتھ رہیں، یا سکول کے گارڈ کے پاس رہیں۔ کلاس میں نہ ٹھہریں۔

مندرجہ بالا حفاظتی تدابیر یاد کرانے یا بتانے سے بہتر ہے کہ رول پلے کے ذریعہ سے سمجھائیں

اللہ سبحانہ و تعالٰی سب بچوں کو اپنی حفظ و امان میں رکھے۔ آمیں

✍ بشکریہ محترمہ امِ فیضان

🌹 پوسٹ پسند آئے تو شیئر ضرور کیجیے۔

https://t.me/islamwitheman
⭕ ISLAM WITH EMAN ⭕

🎅 جنرل نالج 🎅

1۔ آپ کی دونوں بھنوؤں کی درمیانی جگہ کو گلابیلا (Glabella) کہتے ہیں۔

2۔ بارش کے بعد جو مٹی سے خوشبو اٹھتی ہے اس کو پیچی کور (Petrichor) کہتے ہیں۔

3۔ آپ کے جوتوں کے تسموں کے آخر پر جو پلاسٹک یا میٹل کی کوٹنگ ہوتی ہے اس کو ایگلٹ (Aglet) کہتے ہیں۔

4۔ آپ کے پیٹ میں کبھی کبھار جو گڑ گڑ کی آواز آتی ہے اس کو ویمبل (Wamble) کہتے ہیں۔

5۔ نئے پیدا ہونے والے بچے کی آواز یا چیخ کو ویجیٹس (Vagitus) کہتے ہیں۔

6۔ کانٹے یعنی فورک کے تیز نوکیلے سروں کو ٹائینز (Tines) کہتے ہیں۔

7۔ پیزا کے ڈبے میں چھوٹا سا پلاسٹک ٹیبل ہوتا ہے، وہ باکس ٹینٹ (Box tent) کہلاتا ہے۔

8۔ آنے والے پرسوں کو اورمارو (Overmorrow) کہتے ہیں۔

9۔ آپ کی ہاتھ یا پاؤں کی چھوٹی انگلی مینیمس (Minimus) کہلاتی ہے۔

10۔ صبح سویرے نیند سے بیدار ہونے میں جو مشکل پیش آتی ہے اس کو ڈائسینیا (Dysania) کہتے ہیں۔

11۔ آپ کی نتھنوں کی درمیانی جگہ کولومیلا ناسی (Columella nasi) کہلاتی ہے۔

12۔ جو لکھائی پڑھی نہ جائے وہ گرِفونیج (Griffonage) کہلاتی ہے۔

13۔ انگریزی حروف آئی i اور جے j کے اوپر جو نقطہ ہوتا ہے اسے ٹِٹل Tittle کہتے ہیں۔

14۔ جب آپ بہت زیادہ کھا یا پی لیتے ہیں تو بھاری پن محسوس کرتے ہیں، ایسی صورت حال کو کریپولینس (Crapulence) کہتے ہیں۔

15۔ جوتے کی دکانوں پر آپ کے پاؤں کی پیمائش کے لیے یے جو آلہ استعمال کیا جاتا ہے وہ بریناک ڈیوائس (Brannock Device) کہلاتا ہے۔

😍🤡😍

https://t.me/muskuraahten
🎅 MUSKURAAAHTEN 🎅

🔷 چاولوں کی اقسام 🔷

چاول کی کئی اقسام ہیں، سفید اور براؤن رائس بازار میں عام دستیاب ہیں۔ اس کے علاوہ چاول مختلف قسم کے سائز، رنگوں اور ساخت میں اگتا ہے اور ہر ایک قسم منفرد ذائقہ اور صحت کے مختلف فوائد رکھتی ہے۔

🔹 بلیک رائس
چاول کی یہ قسم بازار میں آسانی سے دستیاب نہیں تاہم چاولوں کی تمام اقسام میں سب سے زیادہ افادیت یہی قسم رکھتی ہے۔ بلیک رائس کا صرف ایک پیالہ دس گرام پروٹین فراہم کرتا ہے۔ اس میں اینٹی آکسیڈنٹس کی اعلیٰ سطح پائی جاتی ہے، جس کی بڑی وجہ اینتھوسیانین ہے، یہی ایک طاقت ور اینٹی سوزش ہے.

چین کی سر زمین پر اُگنے والے نایاب طرز کے کالے چاولوں کو ماضی میں ان گنت فوائد کے پیش نظر صرف چین کے شہنشاہ استعمال کیا کرتے تھے اور اس کا استعمال بطور شاہی غذا ہوتا تھا۔

ان کا عمومی استعمال سختی سے منع تھا، یہی وجہ ہے کہ انہیں شاہی چاول (ایمپرر رائس) اور ممنوعہ چاول (فار بڈن رائس) کہا جاتا تھا جبکہ عرف عام میں انہیں کالے چاول (بلیک رائس) کہتے ہیں۔

ان کا سائنسی نام Oryza Sativa L ہے۔ تاریخ بتاتی ہے کہ ماضی میں چین میں جب بادشاہت کا نظام ختم ہوا تو آہستہ آہستہ چاولوں کی اس قسم تک عوام کو رسائی حاصل ہوئی۔ پاکستان میں بھی بلیک رائس کی ریحان کھوسو ورائٹی کچھ عرصہ سے تجرباتی اور آزمائشی طور پر کاشت کی جا رہی ہے۔

ان چاولوں میں سفید چاول کی نسبت زیادہ غذائیت، اینٹی آکسیڈنٹس اور کم شوگر والی غذائی خصوصیات بھرپور ہیں۔

🔹 وائلڈ رائس
یہ بھی چاولوں کی ایک صحت بخش قسم ہے. یہ چاول شمالی امریکہ میں اگتا ہے. یہ عام چاولوں کی نسبت زیادہ لمبا ہوتا ہے. ان چاولوں میں بھی فائبر کی وافر مقدار پائی جاتی ہے جو ہاضمے کو بہترین بنانے کے ساتھ ساتھ کولیسٹرول کو بھی کم کرتی ہے۔

🔹 براؤن رائس
بھورے رنگ کے چاولوں میں کئی طرح کے صحت بخش اجزاء جیسا کہ وٹامنز، زنک اور میگنیشیم وافر مقدار میں پائے جاتے ہیں، ان میں بھی فائبر کی وافر مقدار موجود ہوتی ہے، جو خون میں شوگر کی سطح کو متوازن رکھنے میں معاون ثابت ہوتی ہے۔ براؤن رائس کے مختلف رنگ ہوتے ہیں جن میں سرخ اور جامنی شامل ہیں۔ آزاد کشمیر کی وادی لیپا میں سرخ چاول عام کاشت کیا جاتا ہے اور بیرون ممالک بھیجا جاتا ہے۔

🔹 وائٹ رائس
چاولوں کی یہ قسم سب سے زیادہ کھائی جاتی ہے لیکن یہ صحت کے حوالے سے زیادہ مفید نہیں ہے. یہ کھانے میں ذائقہ دار تو ہوتے ہیں لیکن ان میں غذائیت کی کمی ہوتی ہے۔ تاہم سفید چاول میں بھی فولک ایسڈ، کیلشیم اور آئرن ہوتے ہیں.

🌹 پوسٹ پسند آئے تو شیئر ضرور کیجیے۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman
⭕ ISLAM WITH EMAN ⭕

🔷 بلیک رائس 🔷

سیاہ چاول کالا یا گہرا بھورا، غذائیت سے بھرپور خوراک اور ادویات میں بہت زیادہ مقبول ہے۔ اسے "کالا موتی" اور "دنیا میں چاول کا "بادشاہ" کہا جاتا ہے۔

کالے چاول کے پروٹین میں پروٹین، کاربوہائیڈریٹس، وٹامن بی، وٹامن ای، کیلشیم، فاسفورس، پوٹاشیم، میگنیشیم، آئرن، زنک اور دیگر غذائی اجزاء ہوتے ہیں۔ کالے چاول میں مینگنیج، زنک، کاپر اور دیگر غیر نامیاتی نمکیات چاول کے مقابلے میں 1 ~ 3 گنا زیادہ ہوتے ہیں۔ کالے چاول میں وٹامن سی، کلوروفل، اینتھوسیانین، کیروٹین اور مضبوط ہارٹ گلوکوسائیڈ ہوتے ہیں جن کی چاولوں میں کمی نہیں ہوتی، اس لیے کالا چاول عام چاولوں سے زیادہ غذائیت سے بھرپور ہوتا ہے۔

■ بلیک رائس پروٹین کے حیرت انگیز اہم کام
1. کالے چاول کے پروٹین میں پروٹین، کاربوہائیڈریٹس، وٹامن بی، وٹامن ای، کیلشیم، فاسفورس، پوٹاشیم، میگنیشیم، آئرن، زنک اور دیگر غذائی اجزاء ہوتے ہیں۔ اس کا استعمال پیرپیرا اور کمزور مریضوں کے لیے ٹانک کے طور پر کیا جا سکتا ہے، اور بچوں میں آئرن کی کمی سے متعلق خون کی کمی کی حالت کو بہتر بنانے کے لیے بھی استعمال کیا جا سکتا ہے۔

2. کالے چاول میں بہت سے جسمانی افعال ہوتے ہیں جیسے فری ریڈیکلز کو صاف کرنا، آئرن کی کمی سے متعلق خون کی کمی کو بہتر بنانا، تناؤ مخالف ردعمل، اور مدافعتی ضابطہ۔ کالے چاول کی بیرونی تہہ میں اینتھوسیانین پگمنٹ ہوتے ہیں جو کہ مضبوط اینٹی آکسیڈنٹ اثر رکھتے ہیں۔ یہ جسم میں اضافی آزاد ریڈیکلز کو ہٹا سکتا ہے اور فری ریڈیکلز کے زیادہ آکسیکرن کو روک سکتا ہے، اس طرح عمر بڑھنے میں تاخیر ہوتی ہے۔

3. کالے چاول کے پروٹین کے فوائد میں فلاوونائڈز خون کی نالیوں کے نارمل اوسموٹک پریشر کو برقرار رکھ سکتے ہیں، خون کی نالیوں کی نزاکت کو کم کر سکتے ہیں، اور خون کی شریانوں کے پھٹنے اور ہیموسٹاسس کو روک سکتے ہیں۔ کالے چاول میں flavonoids کی مقدار نسبتاً زیادہ ہوتی ہے اور flavonoids انسانی جسم میں داخل ہونے کے بعد خون کی نالیوں میں جمع چربیلے مادوں کو نکال سکتے ہیں۔

4. یہ ایک اینٹی بیکٹیریل اثر ہے، بلڈ پریشر کو کم کر سکتا ہے، اور کینسر کے خلیات کی ترقی کو روک سکتا ہے. کالے چاول میں موجود پوٹاشیم اور میگنیشیم جیسے معدنیات بلڈ پریشر کو کنٹرول کرنے اور قلبی اور دماغی امراض کے خطرے کو کم کرنے کے لیے بھی فائدہ مند ہیں۔ اس لیے شوگر کے مریض اور دل کے امراض کے مریض کالے چاول کو اپنی غذا میں شامل کر سکتے ہیں۔ اس لیے کالے چاول کا باقاعدہ استعمال جسم کو بہتر بنانے میں ایک خاص کردار ادا کر سکتا ہے۔

■ سیاہ چاولوں کا عرق
کالے چاول کا عرق عام سفید چاول کی طرح ایک قدیم اور قیمتی غذا ہے۔ اس میں فری ریڈیکلز کو ہٹانے کا کام ہوتا ہے، آکسیڈائزنگ انزائمز کی سرگرمی کو کم کیا جاتا ہے اور کولیسٹرول جذب کیا جاسکتا ہے۔ یہ کھانا فوڈ سپلیمنٹس، فنکشنل مشروبات اور فوڈ کلرنگ کی طرح استعمال کیا جاتا ہے۔

کالے چاول یا جامنی چاول میں اینتھوسیانن گلیکوسائڈز جیسے کرساینٹین (سیانیدین-3-گلوکوزائڈ) ہوتے ہیں جو دیگر اقسام کے چاولوں میں شامل نہیں ہوتے۔ سی ٣ جی فطرت میں پائے جانے والے سب سے زیادہ غالب اینتھوسیانین میں سے ایک ہے۔ یہ بھی سب سے زیادہ بائیو ایکٹو میں سے ایک ہے.

کالے چاول کے عرق میں خوشگوار ہونے، درمیان کو فائدہ پہنچانے، تلی کو متاثر کرنے اور خون کی گردش کو فروغ دینے اور بینائی کو بہتر بنانے کے اثرات ہوتے ہیں؛

یہ بڑھاپے کی مزاحمت کر سکتا ہے؛ انسانی جسم کو درکار پروٹین، مینگنیز، زنک اور دیگر معدنیات فراہم کرتا ہے۔

صحت مند آنکھوں کے لئے سیاہ چاول کا عرق سی 3 جی آنکھوں کے اندر صحت مند خون کی شریانوں کے فنکشن کو فروغ دے سکتا ہے۔

صحت مند گلوکوز میٹابولزم کے لئے بلیک رائس ایکسٹریکٹ سی 3 جی کو ویسکولر میکانزم کے ذریعے صحت مند بلڈ شوگر کی سطح کو برقرار رکھنے اور سپر آکسائیڈ ڈسموٹاز (ایس او ڈی) سرگرمی کے فروغ میں مدد کرنے کے لئے دکھایا گیا تھا۔

کھیلوں کی غذائیت کے لئے سیاہ چاول کا عرق سی 3 جی: سی 3 جی سپلیمنٹ چربی کے اضافے کو کم کرنے اور اصل میں کنٹرول اوور فیڈنگ کے ادوار میں پٹھوں کے فائدے میں اضافہ کرنے کے قابل ہو سکتا ہے.

🌹 پوسٹ پسند آئے تو شیئر ضرور کیجیے۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/4582
⭕ ISLAM WITH EMAN ⭕

🔷 سرخ چاول 🔷

پاکستان سمیت دنیا کے زیادہ تر ممالک میں سفید رنگ کا چاول ہی پایا جاتا ہے۔ مگر حقیقت میں ایسا نہیں ہے۔۔ سفید کے علاوہ سرخ، براون اور کالے رنگ میں بھی چاول پائے جاتے ہیں۔ زیادہ دور جانے کی ضرورت نہیں، آزاد کشمیر کی وادی لیپا میں کاشت ہونے والے سرخ چاول کی مانگ بہت زیادہ ہے۔ اگر عام چاول سو دوسو روپے فی کلو کے حساب سے دستیاب ہے تو سرخ چاول پانچ سو روپے فی کلو کے حساب سے ہاتھوں ہاتھ بک جاتا ہے۔

آج بہت سے ممالک میں لال چاول کی کاشت کی جاتی ہے۔ چنانچہ فرانس کے جنوب میں سرخ چھوٹی دانے چاول کی کاشت کی جاتی ہے۔ تھائی لال چاول جیسمین کی یاد دلانے والا ہے۔۔۔ اس کا ذائقہ بہت اچھا ہے اور اس میں اسی پھول کی خوشبو محسوس ہوتی ہے۔۔ امریکی لال رنگ کے چاول کو”کیلیفورنیا روبی” کہا جاتا ہے ۔ سعودی عرب کی وادی احسا میں پیدا ہونے والے سرخ چاول کی تمام مشرق وسطی میں مانگ ہے۔ جنوبی ایشیا میں یہ چاول بھارت میں بھی کاشت ہوتا ہے۔ ہندوستان میں پیدا ہونے والا روبی چاول نہ صرف کھایا جاتا ہے بلکہ مذہبی تقاریب کے لئے بھی استعمال ہوتا ہے۔

غذائی اعتبار سے سرخ رنگ کے چاول بہت مفید ہیں۔ اس کی بنیادی وجہ یہ ہے کہ چاول کی یہ قسم بہت زیادہ پراسسنگ سے نہیں گذرتی۔ اس لیے اس میں بہت زیادہ مقدار میں فائبر ہوتا ہے اور زیادہ سے زیادہ معدنیات، امینو ایسڈ اور وٹامن بھی برقرار رہتے ہیں۔سرخ چاول میں بہت سارے وٹامن ہوتے ہیں۔ اس وجہ سے اس کو خوراک کا حصہ بنا کر ناخن، بالوں اور جلد کی بیماریوں سے بچا جا سکتا ہے۔ اس کے علاوہ اس میں قیمتی معدنیات – آئوڈین، فاسفورس، پوٹاشیم، میگنیشیم، تانبا، کیلشیئم اور آئرن کی دولت موجود ہے۔

سرخ چاول کے فوائد اس حقیقت میں بھی مضمر ہیں کہ یہ اناج ایک طاقتور اینٹی آکسیڈینٹ ہے۔ اگر باقاعدگی سے اس کا استعمال کیا جائے تو کینسر، خاص طور پر بڑی آنت اور چھاتی کے کینسر کے ہونے کا امکان کم ہو جائے گا۔ سرخ چاول سے جلد کی لچک میں اضافہ ہوتا ہے، رنگت گوری ہوتی ہے اور جھریوں کی گہرائی کم ہونے کے بھی امکانات بن جاتے ہیں۔

اس بات کا کوئی ثبوت نہیں ہے کہ سرخ چاول جسم کو نقصان پہنچا سکتا ہے۔ اس مصنوع کو کافی حد تک محفوظ سمجھا جاتا ہے۔ لہذا اس کو بچوں اور بڑوں اور یہاں تک کہ ذیابیطس یا الرجی والے افراد کے مینیو میں بھی شامل کیا جاسکتا ہے۔

لال چاول کھانے پر صرف اس چیز پر غور کرنا چاہئے کہ اس میں کتنے کیلوری طاقت ہے۔۔ سرخ چاول کے ہر 100 گرام میں تقریبا 360 سے 400 کیلوری توانائی ہوتی ہے۔ یقینا یہ اتنا زیادہ نہیں ہے لیکن ان افراد کو جو اپنی صحت کے بارے میں ہمیشہ متفکر رہتے ہیں انہیں اس کا بہت بڑا حصہ نہیں کھانا چاہئے۔

سرخ چاول کی کسی بھی قسم کی ایک مخصوص خصوصیت اس کا نرم چھلکا اور قدرے میٹھا ذائقہ ہے۔ یہ بہت سے غیر معمولی اور مزیدار پکوان تیار کرنے کے لئے استعمال ہوتا ہے۔ یہ مچھلی یا گوشت کے لئے سائیڈ ڈش کا کام کرسکتا ہے لیکن اگر آپ اسے سبزیوں کے ساتھ پکاتے ہیں تو یہ ایک مکمل علیحدہ ڈش بن جائے گی۔ اس کے علاوہ سرخ چاول مشروم، مرغی، دودھ اور یہاں تک کہ خشک میوہ جات کے ساتھ بھی کھایا جاسکتا ہے۔

✍ تحریر: محمد لقمان

🌹 پوسٹ پسند آئے تو شیئر ضرور کیجیے۔

https://t.me/islamwitheman/4584
⭕ ISLAM WITH EMAN ⭕

🔘 پھر ایک نیا سال 🔘

لیجئے پھر ایک نیا سال آگیا ہے۔ اب پھر وہی رسمی باتیں ہونگی۔ ہونگی کیا بلکہ ہو رہی ہیں۔ دسمبر کے آخری ہفتے سے۔ اور اب جنوری کے آخری ہفتے تک یہی ہوگا۔ اکثر ملاقاتیں اس جملے سے شروع ہونگی۔ ''نیا سال مبارک ہو''۔ جواب میں کہنے والا کہے گا ''شکریہ، آپکو بھی نیا سال مبارک ہو۔'' ایک آدھ ہفتہ گزرے گا تو جملے میں تمہید کا اضافہ ہو جائیگا: ''معاف کیجئے اس سے پہلے موقع نہیں ملا'' یا ''آپ کو کئی بار فون کیا مگر بات ہی نہیں ہو سکی'' یا پھر '' اس لئے ذرا دیر سے مبارک باد دے رہا ہوں... بہر حال آپ کو نیا سال بہت بہت مبارک ہو۔ ''یعنی کہیں نہ کہیں، کبھی نہ کبھی، کوئی نہ کوئی آپ کو نئے سال کی مبارک باد ضرور دے کر رہے گا۔

اس کے بعد سب کچھ وہی ہوتا رہے گا، جو پچھلے سال ہوا تھا، جو اس سے پچھلے سال ہوا تھا اور جو نہ جانے کتنے نئے سالوں سے ہوتا چلا آرہا ہے۔ یعنی بسوں کے دھکّے، کھڑکیوں پر قطاریں، ٹی وی کی بریکنگ نیوز، دفتروں کی سیاست، دفتری ساتھیوں کے بھدّے.

مرحوم امیر آغا قزلباش نے کہا تھا:
یکم جنوری ہے نیا سال ہے
دسمبر میں پوچھوں گا کیا حال ہے​
میرا خیال اس پر یہ ہے کہ:
دسمبر میں بھی پھر وہی حال ہے
نئی جنوری ہے نیا سال ہے!
وہی ہڈّیاں ہیں وہی کھال ہے​

یعنی آدمی کم بدلتا ہے وقت زیادہ تبدیل ہوتا ہے۔

ایک صاحب نے نئے سال کی مبارک باد دی تو میں نے انہیں سمجھانے کی کوشش کی کہ جناب نیا سال کسی مہینے کسی تاریخ یا گھڑی کے کسی خاص وقت کا محتاج نہیں۔ وہ ہر لمحے آتا رہتا ہے۔ ایک سال کا مطلب ہے سورج کے گرد زمین کا ایک چکّر۔ اور یہ ایک چکّر ہر گزرتے پل مکمّل ہوتا رہتا ہے۔ زمین جہاں اس وقت ہے وہاں وہ اب سے ٹھیک ایک سال پہلے تھی۔ اور اب ٹھیک ایک سال بعد دوبارہ پھر اس جگہ آئے گی۔ لہٰذا ہر گزرتا پل ایک نیا سال ہے۔ وہ صاحب منہ کھولے میری باتیں سنتے رہے۔ اس کے بعد آنکھیں جھپکاتے ہوئے گرم جوشی سے ہاتھ ملا کر بولے، ''چلئے، آپ کو ہر نئے پل نیا سال مبارک ہو۔'' اور میں اپنا سا منہ لیکر رہ گیا۔

یہ کائنات کا چکّر بھی عجیب ہے۔ ہر وقت گھومتی ہی رہتی ہے۔ خلائی سائنس پر میں نے اتنی کتابیں پڑھیں مگر کسی بھی کتاب میں کسی چیز کو اپنی جگہ ٹھہرا ہوا نہیں پایا۔ جسے دیکھو کسی نہ کسی کے چکّر میں ہے۔ چاند زمین کے چکّر میں ہے۔ زمین سورج کا چکّرکاٹ رہی ہے۔ سورج اپنی کہکشاں کے ساتھ گھوم رہا ہے۔ کہکشاں، کسی اور کہکشاں کے چکّر میں ہے۔ اور وہ کوئی اور کہکشاں مجھے لگتا ہے کسی اور کہکشاں کے چکّر میں ہوگی۔ بلکہ مجھے تو اس کائنات کے کیریکٹر پر بھی شبہ ہے۔ یہ کمبخت بھی یقیناً کسی نہ کسی کے چکّر میں ہے۔

ایک روز ایک صاحب سے جو خلائی سائنس میں دلچسپی رکھتے تھے اچانک ایک دو چکّر سے کھائے اور لہرا کر گر پڑے۔
میں نے چکّر آنے کی وجہ پوچھی تو کہنے لگے: بس مجھے اچانک یہ خیال آگیا کہ اس وقت جو میں جو سکون سے بیٹھا ہوا ہوں تو حقیقت میں سب کچھ ایک دم ٹھہرا ہوا نہیں ہے۔ زمین کئی ہزار میل فی گھنٹے کی رفتار سے اپنے محور پر بھی چکّر کھا رہی ہے اور سورج کے گرد بھی گھوم رہی ہے، سورج کئی لاکھ میل فی گھنٹہ کی رفتار سے زمین کو ساتھ لے کر نہ جانے کس کہکشاں کی طرف اڑا جا رہا ہے، وہ کہکشاں کئی کروڑ میل فی گھنٹہ کی رفتار سے کسی اور کہکشاں کے گرد گھوم رہی ہے اور وہ کوئی اور کہکشاں خدا جانے کس رفتار سے کسطرف جا رہی ہے... بس یہ سوچتے چکّر آگیا.

ایک دن پھر وہ بیٹھے بیٹھے کپکپانے لگے۔ میرے پوچھنے پر کہنے لگے: یہ سورج جو دراصل جلتی ہوئی گیسوں کا ایک بہت بڑا گولا ہے تیزی سے ٹھنڈا ہوتا جا رہا ہے۔ جانتے ہو، ایک سیکنڈ میں سورج اپنی اتنی گیس جلا دیتا ہے جس سے ہماری زمین پر موجود کروڑوں چولہے ڈیڑھ سو سال تک مسلسل جل سکتے ہیں۔ یعنی ابھی جتنی دیر میں ہم نے چائے کا ایک ایک کپ پیا ہے اتنی دیر میں سورج ایک ہزار سال کے گیس سلنڈر پھونک چکا ہے۔ اس تیزی سے سورج کی گیس جلتی رہی تو وہ ایک دن ٹھنڈا ہو جائے گا۔ رفتہ رفتہ اس کی سرخی بڑھنے لگے گی۔ اس کا حجم تیزی سے پھیلنا شروع ہوگا۔ سورج سے فاصلہ کم ہونے کی وجہ سے زمین کے گھومنے کی رفتار میں اضافہ ہو جائے گا۔ وہ سورج کی طرف بڑھنے لگے گی اور بالآخر اسی میں سما کر بھسم ہو جائے گی۔''
"اوہ! مگر مجھے تو ابھی ایک گھنٹے میں دفتر پہنچنا تھا۔'' میں نے اپنی پریشانی بیان کی۔
''کوئی بات نہیں۔ ماہرینِ فلکیات نے حساب لگایا ہے کہ زمین کے بھسم ہونے میں ابھی چار ارب سال باقی ہیں۔'' انہوں نے اطلاع دی۔

بہرکیف آخر میں اس قطعے کیساتھ نیا سال مبارک ہو۔

غم اور خوشی پہ یوں تو کسی کا نہیں بس
گزرے ہیں حادثات میں ڈوبے ۔۔۔۔۔ کئی برس
آؤ۔۔۔! دعا کریں یہ ۔۔۔۔۔۔۔۔۔۔۔۔۔ نئے سال کے لئے
ہر لمحہ خوشگوار رہے ۔۔۔۔۔۔۔۔۔ دو ہزار تئیس۔

https://t.me/islamwitheman/4586
⭕ ISLAM WITH EMAN ⭕

🌹 عیسوی سال نو 🌹

سال کا آغاز بخشش کی امید کے ساتھ.
کردار کی تبدیلی کے ساتھ.
زندگی کا ایک سال کم ہوگیا
ہم موت کے نزدیک ہوگئے
اس لمحہ فکریہ کے ساتھ
توبہ کی جائے،
نیا سال یعنی موت کی تیاری کا ایک سال کم ہوگیا،
نیا سال یعنی محاسبہ
کیا کھویا
کیا پایا۔۔؟

فرمان امام حسین علیہ السلام
جس نے سب کچھ کھو کر اللہُ الرحمن کو پالیا اس نے کچھ نہیں کھویا،
جس نے سب کچھ پاکر خدا کو کھویا اس نے کچھ نہیں پایا.

اس فرمان کے مطابق
ہم نے ایا۔۔۔

خدا کو پالیا۔۔۔۔؟؟؟

مغرب کی گندی تہذیب کی پیروی میں یہ رات گناہ میں نہ گزاریں بلکہ۔۔۔
خدا کو پانے میں گزاریں تاکہ آخر زندگی تک ہم اسی الہی جستجو میں رہیں۔

راہ نجات معرفت خدا، قرب خدا

https://t.me/islamwitheman/4587
⭕ ISLAM WITH EMAN ⭕

🔷 نیا سال اور ہماری ذمہ داری 🔷

اسلام ایک ایسا پاکیزہ اور مکمل دین ہے جو انسانیت کی اصلاح و فلاح کے لیے اتارا گیا۔ اس کے اندر تمام تر انسانی وسائل کا حل موجود ہے، خواہ ان کا تعلق انفرادی زندگی سے ہو یا اجتماعی زندگی سے، خواہ ان کا تعلق خوشی کے افعال سے ہو یا غم کے احوال سے۔ اسلام ہر مسئلے کو بہت ہی نرالے اور واضح انداز میں بیان کرتا ہے۔

ہمارے ملک میں دو قسم کے کیلنڈر موجود ہیں۔ ایک ہجری کیلنڈر اور دوسرا عیسوی کیلنڈر۔

مسلمانوں کا اصلی کیلنڈر عیسوی نہیں ہجری ہے۔ ہجری کیلنڈر کا آغاز محرم سے ذی الحجہ مہینہ کے اختتام پر ہوتا ہے اور اس اسلامی نئے سال کے آغاز میں ہمیں دو کام کرنے چاہئیں:
(1) ماضی کا محاسبہ
(2) مستقبل کا لائحہ عمل

جبکہ عیسوی کیلنڈر کا آغاز جنوری سے اور اختتام دسمبر کے مہینے پر ہوتا ہے۔ لوگ بڑی شدت سے نئے سال کا انتظار کرتے ہیں، غیر مسلموں کے ساتھ بہت سے مسلمان حتیٰ کہ بعض حکومتیں بھی اس نئے سال کا جشن منانے کی تیاری کرتی ہیں۔

مسلمانوں کو دوسری قوموں کی مشابہت سے بچنے کی سخت ضرورت ہے؛ اس لیے کہ ہمارے آقا و مولا صلی اللہ علیہ وآلہ وسلم نے ہم کو غیروں کی اتباع اور مشابہت اختیار کرنے سے بچنے کا حکم دیا ہے۔ ارشاد نبوی صلی اللہ علیہ وآلہ وسلم ہے:
مَنْ تَشَبَّہَ بِقَوْمٍ فَھُوَ مِنْھُمْ۔ (ابودوٴد 2/203 رحمانیہ)
ترجمہ:
’’جس نے کسی قوم کی مشابہت اختیار کی تو وہ ان ہی میں سے ہے۔

■ نئے سال کی آمد پر ایک مسلمان کو دو چیزیں لازمی کرنی چاہئیں۔
❶ ماضی کا احتساب: کیونکہ نیا سال ہمیں دینی اور دنیوی دونوں میدانوں میں اپنا محاسبہ کرنے کی طرف متوجہ کرتا ہے کہ ہماری زندگی کا جو ایک سال کم ہوگیا ہے اس میں ہم نے کیا کھویا اور کیا پایا؟

ہمیں اپنی زندگی کا محاسبہ کر کے دیکھنا چاہیے کہ ہم سے کہاں کہاں غلطیاں ہوئیں۔ نبی کریم صلی اللہ علیہ وسلم کا ارشاد ہے:
حَاسِبُوْا أنْفُسَکُمْ قَبْلَ أنْ تُحَاسَبُوْا۔ (ترمذی 4/247 ابواب الزہد، بیروت)
ترجمہ:
’’تم خود اپنا محاسبہ کرو قبل اس کے کہ تمہارا حساب کیا جائے۔‘‘

❷ مستقبل کا لائحہ عمل: اپنی خود احتسابی اور جائزے کے بعد اس کے تجربات کی روشنی میں بہترین مستقبل کی تعمیر اور تشکیل کے منصوبے میں منہمک ہونا ہوگا کہ کیا ہماری کمزوریاں رہی ہیں اور ان کو کس طرح دور کیا جا سکتا ہے؟ دور نہ سہی تو کیسے کم کیا جا سکتا ہے؟

انسان خطا کا پتلا ہے، اس سے غلطیاں تو ہوں گی، کسی غلطی کا ارتکاب تو برا ہے ہی اس سے بھی زیادہ برا یہ ہے کہ اس سے سبق حاصل نہ کیا جائے اور اسی کا ارتکاب کیا جاتا رہے۔ یہ منصوبہ بندی دینی اور دنیوی دونوں معاملات میں ہو جیسا کہ حدیث سے معلوم ہوتا ہے۔ نبی کریم صلی اللہ علیہ وآلہ وسلم کا ارشاد ہے:
اِغْتَنِمْ خَمْسًا قَبْلَ خَمْسٍ شَبَابَکَ قَبْلَ ھَرَمِکَ ، وَصِحَّتَکَ قَبْلَ سَقَمِکَ، وَغِنَاکَ قَبْلَ فَقْرِکَ، وَفَرَاغَکَ قَبْلَ شُغْلِکَ، وَحَیَاتَکَ قَبْلَ مَوْتِکَ۔ (مشکاة المصابیح 2/441 کتاب الرقاق)
ترجمہ:
’’پانچ چیزوں سے پہلے پانچ چیزوں کو غنیمت جان لو۔۔۔
۱) اپنی جوانی کو بڑھاپے سے پہلے
۲) اپنی صحت و تندرستی کو بیماری سے پہلے
۳) اپنی مالداری کو فقروفاقے سے پہلے
۴) اپنے خالی اوقات کو مشغولیت سے پہلے
۵) اپنی زندگی کو موت سے پہلے۔‘‘

آخرت کی زندگی کی کامیابی اور ناکامی کا دارومدار اسی دنیا کے اعمال پر منحصر ہے۔ جیسا کہ ارشاد ربانی ہے:
وَأنْ لَیْسَ لِلإنْسَانِ إلاَّ مَاسَعٰی، وَأنَّ سَعْیَہ سَوْفَ یُرٰی، ثُمَّ یُجْزَاہُ الْجَزَاءَ الأوْفیٰ۔ (سورہٴ نجم، آیت/ 39,40,41)
ترجمہ:
’’اور ہر انسان کےلیے صرف وہی ہے جس کی کوشش خود اس نے کی، اور بے شک اس کی کوشش عنقریب دیکھی جائے گی، پھر اسے پورا پورا بدلہ دیا جائے گا۔‘‘

🔘 اب سوال پیدا ہوتا ہے کہ نئے سال کے موقع پر مسلمانوں کو کیا رویہ اختیار کرنا چاہیے جو قرآن و احادیث کی روشنی میں صحیح ہو؟

بعض کتب حدیث میں یہ روایت موجود ہے کہ جب نیا مہینہ یا نئے سال کا پہلا مہینہ شروع ہوتا تو اصحاب رسول صلی اللہ علیہ وسلم ایک دوسرے کو یہ دعا سکھاتے اور بتاتے تھے:
اللّٰھُمَّ أدْخِلْہُ عَلَیْنَا بِالأمْنِ وَ الإیْمَانِ، وَالسَّلَامَةِ وَالإسْلَامِ، وَرِضْوَانٍ مِّنَ الرَّحْمٰنِ وَجِوَازٍمِّنَ الشَّیْطَانِ (المعجم الاوسط للطبرانی 6/221 حدیث: 1426 دارالحرمین قاہرہ)
ترجمہ:
’’اے اللہ اس نئے سال کو ہمارے اوپر امن و ایمان، سلامتی و اسلام اور اپنی رضامندی نیز شیطان سے پناہ کے ساتھ داخل فرما۔‘‘

اس دعا کو پڑھنے کا اہتمام کیا جانا چاہیے۔ جشن منا کر غیروں کی تقلید سے بچنا چاہیے۔ فضولیات اور اسراف سے بچتے ہوئے گزشتہ گناہوں پر نادم ہوکر رب تعالیٰ سے معافی مانگنی چاہیے۔

التماس دعا:
سید سجاد حسین ھمدانی

https://t.me/islamwitheman/4588
⭕ ISLAM WITH EMAN ⭕

🌹 ہیپی نیو ایئر 🌹

ٹرین تیزی سے اپنا سفر طے کر رھی تھی اور یونیورسٹی کے شعبہ فلاسفی کے لڑکے اور لڑکیاں خوش گپیوں میں مصروف ہونے کے ساتھ ساتھ باہر کے حسین و جمیل مناظر سے لطف اندوز ہو رہے تھے۔

ٹرین کے ہال میں بیٹھ کر ہر کوئی ہیپی نیو ایئر کے موقع پر ہونے والے اپنے اپنے ملکوں کی تقریبات، ہلہ گلہ، آتشبازی، ناچ گانا، گاڑیاں سڑکوں کے درمیان کھڑی کر کے ٹریفک جام کرنا، سائلنسر کے بغیر موٹرسائیکل کے شور شرابہ وغیرہ جیسی ثقافت کو بیان کر ریے تھے کہ۔۔۔

اچانک یونیورسٹی کے پروفیسر رابرٹ گیم نے کھڑے ہو کر تالی بجائی اور مسکرا کر ایک سؤال پوچھا:

کیا یہ ہیپی نیو ایئر آپ کا ہے یا اس زمین کا۔۔؟ یعنی آپ کا سال مکمل ہوا ہے یا زمین کا۔۔؟ کیا اس حرکت پر آپ مبارک کے مستحق ہیں یا زمین۔۔؟

سوال نے ایک دفعہ سب اسٹوڈنٹس کے ذہنوں کو گھما دیا اور سب تعجب کے ساتھ پروفیسر کی طرف دیکھنے لگے۔

پروفیسر نے اسٹوڈنٹس کے مبہوت چہروں کا مطالعہ کیا اور کہا کہ اگر دیکھا جائے تو یہ زمین ہے جو اپنے مرکز کے گرد جب 365 دنوں میں ایک چکر مکمل کرتی ہے تو کہتے ہیں کہ نیا سال شروع ہو گیا، پس یہ تو زمین کا ہیپی نیو ایئر ہوا نہ کہ میرا یا تمہارا۔

اب سب کو تھوڑی تھوڑی بات سمجھ آنے لگی۔

مائیکل نے سوال کیا: تو سر پھر ہم کب ہیپی نیو ایئر منا سکتے ہیں؟

پروفیسر رابرٹ نے کہا: جب ہم بھی اپنے مرکز حقیقی شمس یعنی کتاب مقدس کے اردگرد پورا چکر لگائیں گے تو پس ہم سب کا بھی ہیپی نیو ایئر ہو جائے گا۔

پروفیسر نے زور دے کر کہا: اگر میں 50 سال کا ہوں تو گویا 50 مرتبہ زمین نے سورج کے گرد چکر لگایا ہو گا تب میں ہوا پچاس سال کا۔ لیکن اگر میں نے ان پچاس سالوں میں علم و شعور کے پچاس قدم بھی نہ اٹھائے تو پھر گویا میں 50 سال کا ایک بچہ ہوا کیونکہ وہ ہی بچوں والی سوچ اور توقعات کا مالک ھوں۔ بڑا ہونا اپنی حرکت کیوجہ سے ہے نہ کہ زمین کی حرکت کیوجہ سے۔

پروفیسر رابرٹ کی بات سن کر سب لڑکے اور لڑکیوں نے خوشی سے تالیاں بجانی شروع کر دیں.

اسٹوڈنٹس کو خوش ہوتا دیکھ کر پروفیسر نے اپنی بات کو آگے بڑھایا اور کہا کہ زمین کی حرکت، زمین کا مدار و مرکز اور اس کا راستہ زمین کے اختیار میں نہیں ہے لیکن انسان کی حرکت، اس حرکت کی کیفیت، اپنے مرکز و مدار کا انتخاب خود ہمارے اپنے اختیار میں ہے۔ اور یہ اختیار انسان کو فرشتوں سے بالاتر یا جانوروں سے پست تر بنا سکتا ہے۔

کچھ لوگ اپنی خواہشات و شہوات کے مرکز کے اردگرد چکر لگاتے رہتے ہیں لیکن کچھ لوگ عقل و شعور اور وحی کے گرد گھومتے ہیں۔

عام لوگ اس سیکنڈ اور لحظہ کے منتظر ہوتے ھیں جب سال بدلتا ہے جبکہ عظیم لوگ اس سیکنڈ اور وقت کے منتظر ہوتے ہیں جب وہ خود بدلتے ہیں۔ اہم سال کا بدلنا نہیں بلکہ آپ کا بدلنا ہے۔

آپ نے غور کیا کہ دو کام یکے بعد دیگرے ہو رہے ہوتے ہیں، نیا سال آتا ہے تو پہلے والا سال جاتا بھی تو ہے لیکن کتنی عجیب بات ہے کہ سب لوگ ایک دوسرے کو ہیپی نیو ایئر کی مبارکباد تو دیتے نظر آتے ہیں لیکن گذشتہ سال کے حساب کتاب یا احتساب کی دعوت دیتے نظر نہیں آتے۔ حالانکہ ایک کامیاب تاجر پہلے سابقہ حساب کتاب چیک کرتا ہے پھر آگے کی پلاننگ کرتا ہے۔

سب لڑکوں اور لڑکیوں نے کھڑے ہو کر تالیاں بجائیں اور پروفیسر رابرٹ کے افکار کی تعریف کی لیکن پروفیسر رابرٹ کی اگلی بات سے سب حیران ہو گئے جب پروفیسر نے کہا یہ سب علمی میرے نہیں بلکہ ایران کے ایک بہت بڑے مفکر، فلاسفر اور مفسر قرآن کے ہیں اور پھر نجانے کیا سوچ کر پروفیسر خاموش ہو گئے - - - - - - - -

ایران کا نام آنے پر پہلے تو سب سٹوڈنٹس حیرت اور تعجب کی تصویر بن گے اور پھر تجسس کے ساتھ پوچھا سَر پلیز ہمیں بھی انکا نام بتائیے تاکہ ہم بھی انکے افکار سے استفادہ کر سکیں۔

پروفیسر مسکرائے اور ادب سے بولے: "عبداللہ جوادی آملی"

ایک مسلمان شخصیت کا نام آنے سے فورا مسلمان سٹوڈنٹس کے سر فخر سے بلند ہونے لگے۔

اتنے میں جیمز تھامس فورا بولا: سر مگر وہ تو ایک ٹیروریسٹ ملک ہے اور ہمارے امریکہ اور برطانیہ کا دشمن ہے۔

پروفیسر رابرٹ نے ناراض ہوتے ہوئے کہا کہ فلسفہ، علم و دانش اور حقائقِ جہان کے متلاشی اسٹوڈنٹس کو سیاست، مذہب اور قوم و ملت سے بالاتر ہو کر سوچنا چاہیے۔ یاد رکھیں! ایران ہمیشہ سے عظیم مفکرین اور فیلسوف افراد کی سرزمین رہا ہے اور آج بھی علم فلسفہ اور حقائق کی دنیا کے ملکوں میں ایران کا نام سرفہرست آتا ہے۔

سب سٹوڈنٹس نے ملکر مزاح کے طور پر کہا تو پھر سَر ہم کو کب اس دریائے علم کی زیارت کیلئے لے جائیں گے..؟

🔘 نوٹ! نئے سال کے موقع پر ایک دوسرے کو فضول میسج کرنے کی بجائے یہ علمی داستان سینڈ کریں۔ اجرکم عند اللہ

✍ تحریر: میم ۔ نون ۔ خان

https://t.me/islamwitheman/4589
⭕ ISLAM WITH EMAN ⭕

📆 سال 2023ء کی عام تعطیلات 📆

کابینہ ڈویژن نے آئندہ سال کی عام تعطیلات اور اختیاری چھٹیوں کی تفصیلات جاری کر دیں۔

کابینہ ڈویژن کی جانب سے جاری اعلامیے میں کہا گیا ہے کہ سال 2023ء میں 38 عام تعطیلات اور اختیاری چھٹیاں ہوں گی جس میں 16 عام تعطیلات اور 22 اختیاری چھٹیاں ہوں گی۔

📆 یوم کشمیر
5 فروری 2023ء کو یوم کشمیر کی عام تعطیل ہو گی۔

📆 یوم پاکستان
23 مارچ 2023ء کو یوم پاکستان کی عام تعطیل ہو گی۔

📆 یوم مزدور
یکم مئی 2023ء کو یوم مزدور کی عام تعطیل ہو گی۔

📆 عیدالفطر
22 سے 24 اپریل 2023ء عیدالفطر کی 3 چھٹیاں ہوں گی۔

📆 عیدالاضحٰی
29 اور 30 جون اور یکم جولائی 2023ء کو عیدالاضحی کی 3 چھٹیاں ہوں گی۔

📆 عاشورہ محرم
27 اور28 جولائی 2023ء کو عاشورہ محرم کی چھٹیاں ہوں گی۔

📆 یوم آزادی
14 اگست 2023ء کو یوم آزادی کی عام تعطیل ہو گی۔

📆 عید میلادالنبی ﷺ
28 ستمبر 2023ء کو عید میلادالنبی ﷺ کی عام تعطیل ہو گی۔

📆 یوم اقبال
9 نومبر 2023ء کو یوم اقبال کی چھٹی ہو گی۔

📆 یوم قائداعظم
25 دسمبر 2023ء کو یوم قائداعظم اور کرسمس کی عام تعطیل ہو گی۔

📆 مسیحی ملازمین
26 دسمبر 2023ء کو مسیحی ملازمین کے لیے کرسمس کے بعد کی عام تعطیل ہو گی۔

🔘 کابینہ ڈویژن کی جانب سے جاری اعلامیے میں کہا گیا ہے کہ سال 2023ء کے لیے اسلامی چھٹیاں متوقع تاریخ کے حساب سے طے کی گئی ہیں، چاند کی رویت کے حساب سے چھٹیوں کا الگ نوٹیفکیشن جاری کیا جائے گا۔

اعلامیے کے مطابق سال 2023ء میں 16 عام تعطیلات میں سے 2 اتوار کے روز ہوں گی، 2 جنوری، 22 مارچ اور 3 جولائی کو بینکوں کی چھٹی ہو گی، مسلم حکومتی ملازمین کو سال میں ایک سے زیادہ آپشنل چھٹی نہیں ملے گی جبکہ غیر مسلم حکومتی ملازمین کو سال میں 3 سے زائد آپشنل چھٹیاں نہیں ملیں گی۔

https://t.me/islamwitheman
⭕ ISLAM WITH EMAN ⭕

🇵🇰 ہم دیوالیہ ہو چکے لیکن؟ 🇵🇰

معاشی طو ر پر ہمارے ابتر حالات سب کے سامنے ہیں اور سب کوانہیں درست کرنے کی فکربھی ہے کہ کہیں ہم دیوالیہ نہ ہو جائیں۔ یہ الگ بات ہے کہ معاشی طور پر جو نقصان ہوتے ہمیں سامنے نظر آ رہے ہیں اُنہیں روکنے کےلئے ہم کچھ نہیں کر رہے۔ نہ سیاستدان ،نہ عوام۔

سیاستدان اگر مل بیٹھ کر میثاق معیشت کے لئے تیار نہیں تو عوام بھی رات گئے تک شاپنگ کرتے اور بازاروں، مارکیٹوں میں گھومنے پھرنے کی عادت چھوڑنے پر تیار نہیں۔ یہی حال تاجر برادری کا ہے کہ جو مرضی ہو جائے صبح جلدی دکانیں نہیں کھولنیں اور شام سات بجے بازاروں کو بند نہیں کرنا۔ گویا بحیثیت قوم ملک کو معاشی طور پر ڈیفالٹ کی طرف دھکیل رہے ہیں اور اس میں ہم سب کاحصہ شامل ہے۔

ہمارا یہ رویہ دراصل اُس معاشرتی اور اخلاقی دیوالیہ پن کا ایک رخ ہے جس کا بحیثیت قوم ہم ایک عرصہ سے شکار ہو چکے لیکن ہمیں احساس نہیں۔ معاشی طور پر دیوالیہ ہونے پر ملک اور قوم کو بہت سی مشکلات کا سامنا کرنا پڑ سکتا ہے لیکن یقین جانیے جس اخلاقی دیوالیہ پن کا ہم شکار ہو چکے اور جس کا نہ ہمیں احساس و ادراک ہے اور نہ ہی اُس کی درستی کی فکر ، اُس کا نقصان بہت زیادہ ہےجو ہماری نسلوں تک کو متاثر کریں گے۔

ہماری اخلاقیات تباہ ہو چکی۔ فراڈ، جھوٹ، مفاد پرستی، رشوت سفارش، دھوکہ دہی، کام چوری کسی خرابی کا نام لےلیں وہ ہم میں موجود دکھائی دیتی ہے۔ ہم نام کے مسلمان ضرور ہیں لیکن ہمارے عمل دیکھیں تو شرم آتی ہے۔چونکہ معاشرےکی کردار سازی کوتو ہم کب کا بھلا چکے اور ماضی کے برعکس اب اسکولوں کالجوں میں بھی تربیت کا کوئی انتظام نہیں چنانچہ اس کے نتیجے میں ہم میں اچھائی بُرائی کی تمیز بھی نہیں رہی۔

جھوٹ ،بے ایمانی وغیرہ کو ہم بُرا سمجھتے ہی نہیں بلکہ اپنے دنیاوی مقاصد کے حصول کے لئے ان قباحتوں کا سہارا لینے کو اسمارٹنس کا نام دیتے ہیں۔ پیسہ کمانا ہمارا مقصد ہے اور اس کے لئے حلال ،حرام کی بھی ہمیں کوئی تمیز نہیں۔ معاشرےمیں بڑھتے جرائم اور ان کی اقسام کا جائزہ لیں تو سر شرم سے جھک جاتا ہے۔

ہمارے معاشرےمیں ایسے ایسے جرائم ہو رہے ہیں کہ درندگی اور حیوانیت بھی شرما جائے۔ مغربی دنیا کا نظام حکومت، گورننس اور عوام کو دی جانے والی سہولتوں کے لئےبنائے گئے نظام اور اصولوں کو تو ہم گھاس نہیں ڈالتے لیکن فحاشی و عریانیت جیسی خرافات کی ہم خوب نقالی کرتے ہیں اور اسے ترقی خیال کرتےہیں۔

ہماری گراوٹ کا حال دیکھیں کہ اب تو ہمارے معاشرے میں مغرب کی نقالی میں ہم جنس پرستی جیسی لعنت کو عام کرنے کے لئے بھی مختلف حربے استعمال کئے جا رہے ہیں۔اسکولوں کالجوں کا ماحول بھی تباہ کیا جا رہا ہے۔ یعنی جن تعلیمی اداروں میں ہماری نئی نسل کی تربیت اور کردار سازی کا انتظام ہونا چاہئے و ہی ہمارے بچوں کے بگاڑ کا ذریعہ بن چکے ہیں۔

یہاں تو اب کچھ اعلیٰ تعلیمی اداروں میں ایسے نام نہاد اساتذہ بھی موجود ہیں جو تربیت اور تعلیم کیا طالب علموں کو اسلام سے ہی دور کرنے کے در پے ہیں ۔ افسوس کا مقام یہ ہےکہ تعلیمی اداروں کے ساتھ ساتھ میڈیا بھی معاشرےکے بگاڑ اور اخلاقیات کی تباہی میں اہم کردار ادا کر رہا ہے۔ معاشرہ کے اس دیوالیہ پن پر ریاست بھی خاموش ہے اور سیاست بھی۔

اخلاقیات کی بربادی کا مطلب ہے کہ بحیثیت قوم ہم تباہی کا شکار ہیں۔ کوئی کتنا بھی پڑھ لکھ لے، اگر بے ایمانی، جھوٹ، فراڈ کو بُرا نہیں سمجھا جاتا تو پھر بہتری کی توقع کی بجائے بدتری میں ہی اضافہ ہو گا اور یہی ہمارے پاکستان میں ہو رہا ہے۔ معاشرتی اور اخلاقی طور پر ہم دیوالیہ ہو چکے اور یہ ہمارا سب سے بڑا نقصان ہے۔ بحیثیت قوم ہمیں اس دیوالیہ پن کو ریورس کرنے کی اشد ضرورت ہے ورنہ معاشرتی اور اخلاقی طور پر تباہ معاشرے قائم نہیں رہ سکتے۔ ریاست، حکومت، عدلیہ، میڈیا اس طرف توجہ دے۔

✍ انصار عباسی

🌹 پوسٹ پسند آئے تو شیئر ضرور کیجیے۔

https://t.me/islamwitheman
⭕ ISLAM WITH EMAN ⭕