🔷 سونف ملا دودھ 🔷

بچوں کو دودھ میں سونف پکا کر پلانے سے کیا ہوتا ہے؟ جانیئے ایسا بہترین نسخہ جو ڈاکٹر کی دوائیوں کو بھی پیچھے چھوڑ سکتا ہے

دودھ جہاں کیلشیم، اور وٹامنز سے بھرپور ہوتا ہے وہیں سونف فائبر اور آئرن، پوٹاشیم، کیلشیم، میگنیشیم اور فاسفورس حاصل کرنے کا بہترین ذریعہ ہے، اور اگر دودھ اور سونف دونوں کا ایک ساتھ پکا کر استعمال کیا جائے تو ان کی افادیت میں مزید اضافہ ہو جاتا ہے۔

دودھ کو مکمل غذا بھی کہا جاتا ہے، دودھ کے ایک گلاس میں اگر ایک چمچ سونف ڈال کر روزانہ کی بنیاد پر استعمال کر لیا جائے تو اس کی افادیت اتنی بڑھ جاتی ہے کہ یہ آپ کو کئی طرح کی بیماریوں سے نجات بھی دلا سکتا ہے۔

دودھ اور سونف ملا کر استعمال کرنے کے حیرت انگیز فوائد۔۔۔

• کیلشیم کی کمی
کیلشیم کی کمی کی وجہ سے مرد عورت بوڑھے یا بچے سب ہی بےحد پریشان نظر آتے ہیں کیونکہ اگر کیلشیم کی کمی بےتحاشہ بڑھ جائے تو ہڈیوں کی کمزوری، ہڈیوں میں درد کے ساتھ ساتھ جسم پر سفید دھبے پڑنا بھی شروع ہو جاتے ہیں ایسے میں اگر تین ماہ تک روزانہ ایک گلاس دودھ میں ایک چائے کا چمچ سونف پکا کر اسے پی لیا جائے تو کیلشیم کی کمی تیزی سے پوری کی جا سکتی ہے۔

• بچوں کے لئے مفید
بچوں میں ایک سب سے بڑا مسئلہ پیٹ درد اور گیس کا ہوتا ہے۔ خاص طور پر شیر خوار بچوں میں یہ مسئلہ زیادہ سامنے آتا ہے، ایسے میں ان کو زیادہ دوائیاں دینا بھی والدین کو ناگوار گزرتا ہے، تاہم اگر دودھ میں سونف پکا کر بچوں کو پلایا جائے تو اس سے ان کا پیٹ درد دور ہوگا اور گیس بھی خارج ہوگی جس سے بچے کو آرام ملے گا۔

• تھکن سستی اور پٹھوں کی کمزوری
اکثر ایسے لوگ جو آئرن اور کیلشیم کی کمی کا شکار ہوں، وہ تھکے تھکے سست اور خود کو کمزور محسوس کرتے ہیں۔ ساتھ ہی ان کے پٹھوں میں درد اور کھچاؤ بھی رہتا ہے، اگر روزانہ رات کو ایک گلاس دودھ میں ایک چائے کا چمچ سونف پکا کر پی لیا جائے تو اس سے یہ مسئلہ بھی دور ہو سکتا ہے۔

• دماغی صحت کے لئے مفید
ماہرین کے مطابق دودھ اور سونف کا استعمال دماغی سرگرمیوں کو بہتر بناتا ہے، اس سے پڑھنے والے بچوں کی دماغی کمزوری دور ہوتی ہے اور دماغ تیز ہوتا ہے، اور یادداشت میں اضافہ ہوتا ہے۔

• آنکھوں کی کمزوری
یہ بات آپ نے کئی مرتبہ سنی ہوگی کہ آنکھوں کی روشنی تیز کرنے کے لئے سونف سے بہتر کچھ نہیں ہے۔ جی ہاں! یہ بات بلکل صحیح ہے، سونف کے استعمال سے آنکھوں کی روشنی میں اضافہ ہوتا ہے اور اگر سونف کو دودھ میں پکا کر روزانہ پینے کی عادت بنا لی جائے تو کچھ ہی وقت میں آنکھوں کی کمزوری بھی دور کی جا سکتی ہے، اس سے آنکھوں کی روشنی تیز ہوگی اور نیند میں بھی اضافہ ہوگا۔

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/2527
⭕ ISLAM WITH EMAN ⭕

🔷 تقلید لازم ہونے کی علت 🔷

اسلام آخری اور کامل ترین مکتب اور دین الہی ہے اور اس کے تمام دستورات انسان کی مصلحت کے مطابق ہیں جن پر عمل کرنے سے انسان کی سعادت فراہم ہو جاتی ہے کیونکہ خداوند متعال جس نے انسانوں کو پیدا کیا ہے اور ان کی زندگی کی مصلحتوں اور مفسدوں اور ان کی فطری خواہشات اور ضرورتوں سے آگاہ ہے اور انسانوں کی زندگی کے قوانین کو عبادی، اقتصادی، اخلاقی، تہذیبی، جسمانی، روحانی، انفرادی، اجتماعی وغیرہ جیسے وظائف کے عنوان سے پیغمبروں اور ان کے اوصیا اور جانشینوں (علیہم السلام) کے ذریعے انسان تک پہونچایا ہے اور مجموعی طور پر اسلام کے نجات بخش قوانین اور نظام جو پیغمبر گرامی اسلام ﷺ اور ائمہ طاہرین علیہم السلام کے ذریعے بیان کئے گئے تین طرح کے ہیں:

۱۔ اصول دین اور اعتقادی علوم و معارف۔
۲۔ اخلاقی مسائل۔
۳۔ فروع دین اور عملی احکام۔

تیسری قسم یعنی عَملِی احکام کہ رسالہ عملیہ خداوند متعال کے احکام کے اس حصے سے مربوط ہے اور بہت زیادہ وسعت رکھتا ہے کیونکہ احکام وہ قوانین ہیں، جو انسانوں کے تمام اعمال کو شامل ہیں اور احکام الہی کی ان تین قسموں کی نسبت سے چند مطلب کی طرف توجہ ضروری ہے:

الف: علم کی متعدد شاخیں ہیں اور ممکن ہے ایک فرد کسی ایک شعبے میں خاص مہارت رکھتا ہو لیکن دوسرے شعبے سے بے خبر ہو نتیجتاً عقل کے حکم کے مطابق جس شعبے میں مہارت نہیں رکھتا اُس شعبے کے ماہر افراد کی طرف رجوع اور ان کی بات کی پیروی کرے مثلاً جو شخص فضائی علوم میں مہارت رکھتا ہے جب وہ بیمار ہوتا ہے تو کیونکہ بیماریوں اور اس کے علاج کے طریقوں سے ناآشنا ہے لامحالہ ایک ماہر ڈاکٹر کی طرف رُجوع کرنے پر مجبور ہوتا ہے اور یہ ڈاکٹر ہے جو اسے دستور دے گا کہ فلاں ٹیبلٹ چند عدد کھائے یا فلاں انجکشن لگوائے کیونکہ فضائی علوم کے ماہرین ڈاکٹر کی پیروی کو خود پر لازم سمجھتے ہیں اور مجموعی طور پر وہ کام جو ہم انجام دینا چاہتے ہیں اور اس کی راہ و روش سے آشنا نہیں ہیں تو اس کے ماہر افراد کی طرف رجوع کرتے ہیں اور اس کے چارہ کار کو اس کے ماہرین سے پوچھتے ہیں اور جس فن کو بھی سیکھنا چاہتے ہیں اسی فن کے استاد کی شاگردی کو انتخاب کرتے ہیں جو اس فن میں ماہر ہے اور بصیرت و آگاہی رکھتا ہے۔ احکام شرعی اور حلال و حرام کی شناخت کا طریقہ اور اس سے آشنائی بھی اسی طریقے سے ہے اس لیے ایسے فقیہ کی طرف رجوع کیا جائے جو احکام دین میں ماہر اور اس کا اسپیشلسٹ ہو۔

ب: احکام الٰہی کا مخصوص منبع و ماخذ قرآن کریم اور پیغمبر اکرمؐ نیز ائمہ معصومین علیہم السلام کی وہ احادیث ہونی چاہیے جو ان سے نقل ہوئی ہیں (کہ انھیں ثقلین کہا جاتا ہے)۔

ج: وہ مطالب اور علوم و معارف جو قرآن مجید اور احادیث اہلبیت علیہم السلام میں آئے ہیں ان کا سمجھنا اور حل کرنا آسان نہیں ہے بلکہ ایک خاص مہارت کی ضرورت ہے اور جب تک ایک شخص عربی زبان کے ادب اور اسلام کے مختلف علوم جیسے تفسیر قرآن، درایہ، حدیث شناسی، علم رجال اور حدیث کے راویوں کی شناخت، اصول فقہ، فقہائے اسلام کے نظریوں وغیرہ سے واقفیت میں مہارت نہ رکھتا ہو اور اصطلاحاً خداوند متعال کی توفیق سے درجہ اجتہاد اور فقاہت پر نہ پہونچا ہو ہرگز وہ احکام خداوند متعال کو اس کے منابع اور مصادر سے استخراج نہیں کر سکتا۔

جو کچھ بیان کیا گیا اسے مدّنظر رکھتے ہوئے فقہا اور مجتہدین کی طرف رجوع کرنا کہ جنہوں نے اجتہاد اور فقاہت کے راستے کو اس خاص وسعت کے ساتھ جو اس میں پائی جاتی ہے طے کیا ہے، واضح ہو گیا، اور مجتہد کی تقلید کا مسئلہ حکم عقل اور منطق سے ثابت ہے، اور معلوم ہو گیا کہ تقلید کا معنی آنکھ بند کر کے کسی کی بات ماننا نہیں ہے کہ اسلام نے ہمیشہ اس کا مقابلہ اور مخالفت کی ہے اور قرآن مجید اسے ناپسند ترین صفات میں سے شمار کرتا ہے۔

بلکہ تقلید اس معنی میں ہے کہ دین میں مہارت نہ رکھنے والا شخص ایسے شخص کی طرف جو دین میں مہارت رکھتا ہے اور اسپیشلسٹ ہے رجوع کرے۔

مندرجہ ذیل حدیث کو جو امام حسن عسکری علیہ السلام سے نقل ہوئی مطلب کی تائید کے لیے جانا جا سکتا ہے:
’’ ... فَأمّا مَنْ کانَ مِنَ الفُقَہَاءِ، صائِناً لِنَفْسِہِ، حافِظاً لِدیٖنِہِ، مُخٰالِفاً عَلیٰ ہَواہُ، مُطیٖعاً لأمْرِ مَوْلاہُ فَلِلْعَوٰامِ اَنْ یُقَلِّدُوْہُ... ‘‘
ترجمہ:
1۔ ... فقہا میں سے جو شخص تحفظ نفس رکھتا ہو اپنے نفس کی حفاظت کرنے والا ہو تاکہ خود کو خداوند متعال کی بندگی اور صراط مستقیم سے گمراہی اور کجروی سے محفوظ کر سکے‘‘

2۔ خداوند متعال کے دین کا محافظ اور نگہبان ہو-

3۔ اپنی نفسانی خواہشات کی مخالفت کرے-

4۔ خداوند متعال اور اپنے مولاۓ حقیقی کے امر اور فرمان کا مطیع ہو، تو مسلمانوں پر لازم ہے کہ اس کی تقلید کریں ...‘‘

📚 آیت اللہ سیستانی آفیشل ویب سائٹ

https://t.me/islamwitheman/2479
⭕ ISLAM WITH EMAN ⭕

🕌 نماز کا ثواب بڑھائیں 🕌

نماز میں کچھ اعمال ایسے ہیں ظاھر میں معمولی اور مختصر لگتے ہیں لیکن اُن کا ثواب کئی گنا زیادہ ہے. اُن میں سے آٹھ یہ ہیں۔۔۔

❶ اذان و اقامه کہنا:
اگر کوئی شخص نماز سے پہلے اذان اور اقامت کہے پھر نماز شروع کرے تو دو صفیں فرشتوں کی اُس کے پیچھے نماز پڑھیں گی.

❷ رکوع کو کامل پڑھنا:
جو شخص رکوع صحیح انجام دیتا ہے وحشت قبر سے محفوظ رہتا ہے.

❸ عقیق کی انگوٹھی پہننا:
عقیق کی انگوٹھی پہن کر دو رکعت نماز پڑھنا ھزار رکعت کے برار ثواب ملتا ہے.

❹ مسواک کرنا:
مسواک کر کے دو رکعت نماز پڑھنا ستر رکعت کے برابر ثواب ملتا ہے.

❺ سوره قدر پڑھنا:
نماز میں سورہ قدر پڑھنے سے انسان کے گناہ معاف ہو جاتے ہیں.

❻ کلی کرنا اور ناک میں پانی ڈالنا:
وضو کرتے وقت کلی کرنا اور ناک میں پانی ڈالنا گناہوں کی بخشش اور شیطان پر غلبہ حاصل کرنے کا باعث ہے.

❼ عطر لگانا:
عطر لگا کر ایک رکعت نماز پڑھنا ستر رکعت نماز پڑھنے کے برابر ہے.

❽ تسبیح پڑھنا:
نماز کے بعد حضرت زهراءؑ کی ایک تسبیح پڑھنے کا ثواب ھزار رکعت نماز پڑھنے سے افضل ہے.

📚 حوالہ جات
۱- فلاح المسائل ص١٥٥۔
۲- ثواب الاعمال صدوق ص٤٣۔
۳- من لایحضره الفقیه صدوق۔
۴- عدة الداعی ابن فهد حلی ص٢٢٠۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

■ مزید پوسٹس دیکھنے کے لئے مطلوبہ پوسٹ کے لنک پر کلک کریں۔۔۔

🕌 کامل نماز کا طریقہ
https://t.me/islamwitheman/293

🌸 نماز کی عظمت و ثواب
https://t.me/islamwitheman/292

🔷 اقیموا الصلاة
https://t.me/islamwitheman/294

🔶 تارک الصّلاة کے نام
https://t.me/islamwitheman/647

🌹 پہلی نماز جمعہ
https://t.me/islamwitheman/368

🌸 وضو کا طریقہ
https://t.me/islamwitheman/842

🕌 ماۂِ رمضان کی نافلہ نمازیں
https://t.me/islamwitheman/930

💐 ﻧﻤﺎﺯ ﻛﻰ ﺍﮨﻤﯿﺖ
https://t.me/islamwitheman952

🍃 اول وقت میں فضیلتِ نماز
https://t.me/islamwitheman/953

🔶 مٹی پر سجدہ
https://t.me/islamwitheman/960

🌸 نماز کے احکام
https://t.me/islamwitheman/1009

🌺 سجدہ
https://t.me/islamwitheman/1175

🕌 نماز حاجت و استغاثه امام زمانہ عج
https://t.me/islamwitheman/1207

🕌 نماز آیات
http://t.me/islamwitheman/1270

🕌 نماز و عمل برائے ادائیگی قرض
https://t.me/islamwitheman/1695

🕌 نماز یکم تاریخ ہر ماہ
https://t.me/islamwitheman/1986

🕌 نماز کا ثواب بڑھائیں
https://t.me/islamwitheman/4169
⭕ ISLAM WITH EMAN ⭕

🌷 حقیر سی رقم 🌷

ایک نوجوان نے کسی تنگدست بوڑھے کی مدد کی تھی۔ گردش زمانہ سے یہ نوجوان کسی سنگین جرم میں گرفتار ہوا اور اس کو قتل کی سزا سنائی گئی۔

سپاہی اس نوجوان کو لے کر قتل گاہ کی طرف روانہ ہوئے تو تماشہ دیکھنے کے لئے سارا شہر امنڈ آیا۔ ان میں وہ بوڑھا بھی تھا جس کی مدد اس نوجوان نے کی تھی۔

بوڑھے نے اپنے محسن کو اس حال میں دیکھا تو اس کا دل زخمی ہوا۔ وہ زور زور سے رو کر دھائی دینے لگا: ہائے لوگو! ہمارا نیک دل بادشاہ آج وفات پا گیا، افسوس آج دنیا تاریک ہوگئی۔

سپاہیوں اور لوگوں نے جب یہ خبر سنی تو مارے پریشانی کے نوجوان کو وہی چھوڑ کر محل کی طرف بھاگے۔

بوڑھے نے فورا اس نوجوان کی زنجیریں کھولیں۔ اس کو بھگا کر خود وہاں بیٹھ گیا۔

سپاہی محل میں پہنچے تو بادشاہ وہیں موجود تھا۔ کھسیانے سے ہو کر وہ وہاں سے کھسک لئے۔ قتل گاہ میں آئے تو دیکھا سامنے بوڑھا بیٹھا ہے جبکہ نوجوان نو دو گیارہ ہو گیا تھا۔

سپاہی ساری صورتحال سمجھ گئے۔ بوڑھے کو گرفتار کر کے بادشاہ کے پاس لے گئے اور سارا ماجرا سنا دیا۔

بادشاہ نے جو اپنے مرنے کی جھوٹی خبر سنی تو غضبناک ہو کر تحت سے اٹھ کھڑا ہوا اور گرج کر بولا اے بوڑھے تیری اتنی ہمت کیسے ہوئی کہ تو نے میری موت کی جھوٹی خبر لوگوں میں پہنچا دی، آخر میں نے تیرا بگاڑا ہی کیا تھا۔

بوڑھے نے نرم لہجے میں کہا عالیجاہ! میرے ایک جھوٹ بولنے سے آپ پر کوئی آنچ نہیں آئی لیکن میرے محسن نوجوان کی جان بچ گئی، جس کو بے گناہ قتل کیا جا رہا تھا۔ جس وقت میں بھوکوں مر رہا تھا تب اسی نوجوان کے دیئے ہوئے صدقے سے میں نے اپنے لئے اور اپنے خاندان کے لئے غذا کا بندوبست کیا تھا۔ آج اس کو بے گناہ مصیبت میں دیکھ کر مجھ سے رہا نہیں گیا۔ مجھ میں موجود انسانیت اور جواں مردی نے سر اٹھایا کہ میں اس کی جان بچاؤں اسی مدد کی خاطر میں نے یہ حیلہ اپنایا۔

بادشاہ نے جب یہ سنا تو اس نے اس نوجوان کی تعریف کی اور اس مقدمے کی از سر نو تحقیقات کا حکم دیا۔ خوش ہو کر اس بوڑھے فقیر کو انعام و اکرام دیا۔

اس نوجوان سے جب کوئی پوچھتا کہ تیری جان کیسے بچی؟
وہ جواب دیتا ایک حقیر سی رقم میرے کام آئی جو اس سائل کو ضرورت کے وقت میں نے دی تھی.

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس دیکھنے کے لئے مطلوبہ پوسٹ کے لنک پر کلک کریں۔۔۔

🔷 صدقہ دینے کے فوائد
https://t.me/islamwitheman/2223

🌺 صدقہ کی پانچ اقسام
https://t.me/islamwitheman/2308

🌸 صدقہ بلاؤں کو ٹال دیتا ہے۔
https://t.me/islamwitheman/2482

🌷 صدقہ شمار ہونے والے اعمال
https://t.me/islamwitheman/2552

🔷 اینٹ اچھالنے کی نوبت
https://t.me/islamwitheman/2740

🌷 حقیر سی رقم
https://t.me/islamwitheman/4170

🔷 راہ خدا میں مال خرچ کرنیکا اجر
https://t.me/islamwitheman/5192

🔷 ناشتہ
https://t.me/islamwitheman/5193
⭕ ISLAM WITH EMAN ⭕

🔶 محبت کا جال 🔶

ایک لڑکی نے بتایا کہ سر مجھے ایک لڑکے سے بہت محبت ہے۔ وہ پہلے میرے ساتھ بہت اچھا تھا۔ مجھ سے اظہار محبت کرتا تھا اور کہتا تھا کہ میں تمہارے بغیر نہیں رہ سکتا۔ ہر وقت رابطے میں رہتا تھا۔ مگر اب وہ اگنور کرتا ہے۔ میرے میسج کا جواب نہیں دیتا۔ کال نہیں اٹھاتا۔ جب اس کا اپنا دل ہو بات کر لیتا ہے ورنہ کہتا ہے کہ میں بزی ہوں حالانکہ وہ کہیں بھی بزی نہیں ہوتا۔ مجھے اس کی ساری روٹین پتا ہے۔

سر مجھے اس سے محبت ہے کچھ ایسا بتائیں کہ وہ ٹھیک ہوجائے اور مجھے مل جائے۔

وہ بار بار معصومیت سے گفتگو کے دوران یہ جملہ بول رہی تھی کہ سر مجھے اس سے محبت ہے۔ سر مجھے اس سے محبت ہے۔

میں نے تعلق کی تفصیل لینے کے لیے پوچھا کہ اس سے آپ کا تعلق کیسے بنا تھا کیونکہ میرے نزدیک تعلق کی بنیاد ہی تعلق کی مدت طے کرتی ہے۔

اس سوال کے جواب پر اس لڑکی نے بتایا کہ اس لڑکے نے ہی تعلق شروع کیا تھا۔ میں تو اس تعلق کے لیے تیار ہی نہیں تھی اور نہ ہی مان رہی تھی۔ وہ لڑکا ہی ہر وقت مجھے میسج اور کال کرتا تھا۔ میں نے اسے کئی بار سمجھایا کہ مجھے اس قسم کے تعلق میں نہیں پڑنا مگر وہ میرے پیچھے پڑا رہا۔ یہانتک کہ میں مان گئی اور وہ میٹھی میٹھی باتوں سے میرے دل میں داخل ہوگیا اور مجھے اس سے محبت ہوگئی۔ میں بھی اس پر مرنے لگی۔

میں نے اس سے مزید پوچھا کہ کیا آپ کا اس لڑکے سے کوئی جسمانی تعلق بھی تھا۔

اس کے جواب میں اس لڑکی نے کہا کہ سر پہلے تو میں مانتی نہیں تھی اور پھر آہستہ آہستہ اس نے مجھے منا لیا اور ہمارے درمیان سب کچھ ہوگیا۔ تب مجھے نہیں پتا تھا کہ اس کام کو محبت نہیں کہتے۔

میں نے اس لڑکی کو سمجھایا کہ جسے آپ محبت کہتی ہیں۔ اسے لڑکوں کی لینگوئج میں جسمانی تعلق بنانے کے کے لیے لڑکی پھنسانا کہتے ہیں۔

یہاں میں آپ کو یہ بھی بتاتا چلوں کہ ہمارے ہاں لڑکیاں زیادہ تو لڑکیوں میں ہی رہتی ہیں اس لئے ان کو لڑکوں کی لینگوئج نہیں آتی۔ لڑکیوں کے لیے لڑکوں کی لینگوئج سمجھنا بہت اہم ہے۔ بے شمار لڑکے لڑکیوں کا جسم حاصل کرنے کے لیے محبت کا جال استعال کرتے ہیں۔ ایک بار میں نے ریسرچ کے طور پر بے شمار لڑکوں سے پوچھا کہ آپ لوگ لڑکیوں کے ساتھ جسمانی تعلق بنانے کے لیے محبت کو کیوں بدنام کرتے ہو۔ سب کا یہی جواب تھا کہ سر محبت کا نام استعمال کیے بغیر لڑکیاں اپنے جسم کو ہاتھ نہیں لگانے دیتیں۔ کوئی لڑکی کتنی ہی اچھی اور شریف کیوں نہ ہو محبت کے لالچ میں پھنس ہی جاتی ہے۔

میں نے اس لڑکی کو سمجھایا کہ اس لڑکے نے آپ کو بڑی ہوشیاری سے پھنسایا ہے آپ کو اس سے محبت نہیں بلکہ آپ پھنس گئی ہیں بالکل ویسے ہی جیسے مچھلی کانٹے میں پھنس کر تڑپتی ہے۔ آپ تڑپ رہی ہیں اور اوپر سے سادگی دیکھیں کہ اس تڑپنے کو آپ محبت کا نام دے رہی ہیں۔ خود سے جھوٹ نہ بولیں کہ مجھے اس سے محبت ہے کہنے کی بجائے یہ کہیں کہ مجھے اس نے پھنسا لیا ہے تاکہ جتنا جلدی ہو سکے آپ خود کو اس کانٹے سے باہر نکال سکیں۔ اس نے آپ کو جو دھوکہ دینا تھا دے دیا۔ مگر اب آپ یہ کہہ کہہ کر مجھے اس سے محبت ہے مجھے اس سے محبت ہے خود کو دھوکہ دینا بند کریں۔

میں نے مزید کہا کہ آپ تو مچھلی سے بھی سادہ لڑکی ہیں کیونکہ مچھلی کو بھی فری فوڈ کھانے کے بعد کانٹے میں پھنسنے کی سمجھ آجاتی ہے کہ میں پھنس گئی ہوں اور پھر وہ اپنی بقا اور خوشیوں کی خاطر کانٹے سے نکلنے کے لیے تڑپتی اور زندگی کی طرف واپس لوٹنے کے لیے زور لگاتی ہے۔ وہ اپنے پھنسنے کو محبت کا نام نہیں دیتی کہ مجھے محبت ہوگئی ہے۔ میں مچھیرے کی ہوں اور مچھیرا میرا ہے۔ مجھے مچھیرا ملے گا تو میں زندہ رہوں گی ورنہ میرا جینا مشکل ہے۔ میں مچھیرے کے بغیر مر جاؤں گی۔ وہ میں مچھیرے کا انتظار کروں یا اگے بڑھوں کے لیے استخارہ نہیں کرواتی کسی سے حساب نہیں لگواتی۔

وہ مچھلی اس جھوٹی امید کے ساتھ جڑی نہیں رہتی کہ شاید ایک دن مچھیرے کو احساس ہو جائے اور وہ پلٹ کر ہمیشہ کے لیے میرا ہو جائے۔

یاد رکھیں! مچھلیاں پکڑنا مچھیرے کا مشغلہ ہوتا ہے۔ وہ کسی ایک مچھلی کا نہیں ہوتا۔ اس لیے وہ آپ کا نہیں ہوسکتا۔ مچھیرے کی جعلی اور جھوٹی محبت ڈھونڈنے کی بجائے اس کی محبت سے باہر نکلنے پر زور دیں۔ مجھے اس سے محبت ہے۔ مجھے اس سے محبت ہے کا ورد کرنے کی بجائے میں پھنس گئی ہوں، میں پھنس گئی ہوں کا ورد کریں تاکہ آپ کا لاشعور آپ کو اس کی جھوٹی محبت کے لالچ سے نکلنے میں آپ کی مدد کرے یہی اس سارے مسئلے کا حل ہے...

🔘 خدارا اپنی زندگیوں کو برباد کرنے سے باز رہیں۔ والدین پر رحم کریں، خود کو عقل کل نہ سمجھیں۔ ہر بات کسی نہ کسی باشعور سمجھدار انسان سے ضرور شیئر کریں اور اس کی نصیحت پر عمل کریں۔ زندگی کوئی فلم نہیں ہے جہاں اینڈ میں سب ٹھیک ہو جاتا ہے۔ اپنی جانوں پر رحم کریں.

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman/2928
⭕ ISLAM WITH EMAN ⭕

🔷 گُڑ والا دودھ 🔷

گُڑ والا دودھ پینے سے کیا فائدہ ہوتا ہے؟ جان کر آپ بھی روزانہ اس کا استعمال شروع کر دیں گے۔

گُڑ تو ہم سب کے گھروں میں موجود ہوتا ہی ہے، کوئی فریج میں رکھتا ہے تو کوئی اس کو چینی کی جگہ استعمال کرتا ہے، کچھ لوگ تو اس کو صرف میٹھے حلوے میں ڈال کر استعمال کرنا پسند کرتے ہیں اور کچھ اس کو کھانے کے بعد میٹھے کے طور پر کھا لیتے ہیں جو کہ یقیناً فائدے مند ہے، آج گُڑ والے دودھ کے فائدے آپ کو بتائے جا رہے ہیں جن کا استعمال مرد و خواتین سب کے لئے ضروری ہے۔

گُڑ والے دودھ کے فوائد:
٭ جن لوگوں کو قبض کی شکایت مستقل رہتی ہے، دوائیں اور پھکی کھانے سے بھی فائدہ نہیں ہوتا ہے تو ان کے لئے روزانہ رات کو سونے سے پہلے گُڑ کا دودھ پینا بہت فائدے مند ہے۔ کیونکہ اس میں فائبرز اور فیبریولز پائے جاتے ہیں جوکہ کھانے کو ہضم کرنے میں مدد دیتے ہیں۔

٭ گڑ اور دودھ میں موجود پوٹاشیم جسم کو طاقت دینے اور میٹابولزم کی رفتار بڑھانے کا کام بھی کرتا ہےجبکہ پوٹاشیم وزن کم کرنے میں بھی مددگار ثابت ہوتی ہے۔

٭ ایسی خواتین جو بچوں کو دودھ پلاتی ہیں، ان کے لئے بھی یہ دودھ فائدے مند ہے، جوکہ ماں کے جسم کو مضبوط بناتا اور بچے کے دودھ میں اضافہ کرنے کے قابل بناتا ہے۔

٭ جوڑوں میں درد کی شکایت عام ہے اور اس میں دوائیوں کے ساتھ ساتھ رات کو سونے سے پہلے ایک گلاس گُڑ والا دودھ پینے سے جوڑوں کے درد میں افاقہ ہوتا ہے۔

٭ کمزور دل کے افراد کے لئے گُڑ والے دودھ سے بہتر کوئی خوارک نہیں ہے، یہ نہ صرف دل کی مضبوطی کا کام کرتا ہے بلکہ دل کی شریانوں میں موجود اضآفی آکسیجن کو نکال باہر کرتا ہے۔

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman/4167
⭕ ISLAM WITH EMAN ⭕

🔷 لیمن گراس (نیبو گھاس) 🔷

سیمبوپوگن، جسے لیمون گراس، خاردار تاروں کی گھاس، ریشمی سر، کوچن گھاس، ملابار گھاس، روغن سر، سائٹرو ونیلا گھاس یا بخار گھاس بھی کہا جاتا ہے، گھاس خاندان میں ایشین، افریقی، آسٹریلیائی اور اشنکٹبندیی جزیرے کے پودوں کی ایک نسل ہے۔ اس کا سائنسی نام Cymbopogon ہے۔

لیمن گراس طاقتور اینٹی آکسیڈنٹ سے لیس ہوتا ہے جو قوت مدافعت کو بڑھاتا ہے اور مجموعی صحت کو بہتر بناتا ہے، اس حیرت انگیز جڑی بوٹی کے صحت سے متعلق بہت سے فوائد ہیں جو آج ہم آپ کو بتائیں گے۔

لیمن گراس جنوب مشرقی ایشیائی باورچی خانے کا ایک عام جزو ہے، جہاں اسے ذائقے کے لیے پکوانوں میں شامل کیا جاتا ہے، یہ خوشبودار جڑی بوٹی جسے چائے کے طور پر بھی استعمال کیا جاتا ہے قدیم زمانے سے صحت سے جُڑے کئی مسائل کے علاج کے لئے استعمال ہو رہی ہے۔

اس میں طاقتور اینٹی آکسیڈینٹ خصوصیات موجود ہوتی ہیں جو قوت مدافعت کو بڑھاتی ہے اور مجموعی صحت کو بہتر بناتی ہے، یہ جڑی بوٹی اروما تھراپی میں بڑے پیمانے پر استعمال ہوتی ہے تاکہ آپ تھکاوٹ، اضطراب اور بدن کی بدبو سے نمٹ سکیں، آیئے لیمن گراس کے چند صحت کے فوائد پر ایک نظر ڈالتے ہیں۔

■ لیمن گراس کے حیرت انگیز فوائد
🔹 کولیسٹرول کی سطح کو کم کرے
لیمن گراس میں اینٹی ہائپرلیپیڈیمک اور اینٹی ہائپرکولیسٹرولیم خصوصیات ہوتی ہیں جو کولیسٹرول کی سطح کو کنٹرول کرتی ہیں، یہ ٹرائگلیسیرائڈز کی صحت مند سطح کو برقرار رکھتا ہے اور ایل ڈی ایل یا خراب کولیسٹرول کو دور کرتا ہے یہ جسم میں خون گردش کو بڑھاتا ہے اور دل کی بیماریوں کو روکتا ہے۔

🔹 کینسر کی روک تھام
لیمن گراس کینسر کے خلیوں کی نشوونما کو روک سکتا ہے، یہ خاص طور پر جلد کے کینسر کی روک تھام کے لیے اچھا ہے اس کے علاوہ جگر کے کینسر کے خلیوں کے ساتھ ساتھ چھاتی کے کینسر کے خلیوں کی نشوونما کو بھی روکتا ہے۔

🔹 نیند میں بہتری لائے
لیمن گراس کی چائے آپ کے پٹھوں کو پرسکون کرتی ہے اور نیند لاتی ہے، اگر آپ بے خوابی کا شکار ہیں تو سونے سے پہلے ایک کپ لیمن گراس چائے پینے سے آپ کو اچھی نیند آئے گی، اس چائے کی آرام دہ خصوصیات آپ کو زیادہ دیر تک سونے میں بھی مدد دیتی ہیں۔

🔹 سانس کی بیماریوں سے لڑنے میں مدد
یہ جڑی بوٹی کھانسی اور سردی کے علاج کے لیے ادویات میں بڑے پیمانے پر استعمال ہوتی ہے، یہ وٹامن سی کا بھرپور ذریعہ ہے یہ ناک بند ہونے، فلو اور دمہ سے راحت فراہم کر سکتی ہے۔

🔹 درد میں آرام لائے
اس جڑی بوٹی میں ایسی حیرت انگیز خصوصیات موجود ہیں جو درد میں آرام پہنچاتی ہیں۔ آپ کے پٹھوں کی سوزش اور ورم کو دور کر کے درد کا خاتمہ کرتی ہے اور ساتھ ہی موچ اور کمر کے درد سے چھٹکارا پانے میں مددگار ثابت ہوتی ہے۔ یہ زخموں کو جلد سُکھانے میں بھی مدد فراہم کرتی ہے۔

■ لیمن گراس قہوہ
لاہور( حکیم محمد عثمان) چائے اور قہوے پینے کا رواج فیشن بن چکا ہے لہذا مارکیٹ میں ایسی کمپنیاں موجود ہیں جو اس ڈیمانڈ کو پورا کرنے کے لئے دلکش پیکنگ میں مختلف نباتاتی قہوے مارکیٹ کر رہی ہیں لیکن تحقیق کے مطابق ان میں قدرتی اجزا کی بجائے ایسنس پائے جاتے ہیں اور لوگ سمجھتے ہیں انہوں نے قدرتی قہوہ پی کر خود کو فٹ کرلیا ہے۔ اگر تھوڑی سے زحمت کرلی جائے تو قہوہ پینے کے شوقین حضرات کسی اچھے پنسار سٹور سے لیمن گراس لا کر اس کے چند تنکوں سے ایسا مزیدار قہوہ پی سکتے ہیں جو انتہائی اہم طبی فوائد مہیا کرنے کا باعث بن سکتا ہے۔ اسکے حیران کن نتائج کو جدید تحقیقات نے کافی اجاگر کر دیا ہے۔

لیمن گراس کا قہوہ پینے والوں کو یاد رکھنا چاہئے کہ اگرچہ یہ قہوہ ذائقہ دار ہوتا ہے لیکن اس سے نظام ہضم کی اصلاح کی جا سکتی ہے۔مرغن کھانا کھانے کے بعد اس قہوہ کی چند چسکیاں لکڑ ہضم کر دیتی ہیں۔ قبض اور گیس کا مسئلہ دور کرتا ہے۔ لیمن گراس سے جسم سے غیر ضروری زہریلے مادے خارج ہو جاتے ہیں جبکہ ہائی بلڈ پریشر کو نارمل کرتا ہے۔ یہ خون کی روانی بحال رکھتا ہے جس سے شریانین تنگ نہیں ہو پاتیں۔

لیمن گراس کے قہوہ کو میٹابولزم میں بہتری لانے کے لئے استعمال کرایا جاتا ہے۔ موٹاپا کم کرتا ہے۔اس میں وٹامن اے اور سی کی کافی زیادہ مقدار ہوتی ہے جس سے بالوں اور جلد کی چمک برقرار رہتی ہے۔ چہرے پر چھائیاں اور دانے نہیں بنتے۔نزلہ زکام سے بچاتا ہے۔

🔹 قہوہ بنانے کا طریقہ
یہ قہوہ بنانا بہت آسان ہے۔ ایک کپ پانی گرم کر کے اس میں چند تنکے لیمن گراس کے ڈال کر ڈھکن دے دیں اور ایک منٹ بعد اسکو چھان کر چینی یا شہد ڈال کر پی لیں۔

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/4173
⭕ ISLAM WITH EMAN ⭕

🔷 خوبانی (Apricot) 🔷

خوبانی سرد پہاڑی علاقوں میں پیدا ہونے والا ذائقے اور غذائیت سے بھرپور پھل ہے۔ اس کا اوپر والا زردی مائل سفید پکا ہوا گودہ اپنے جوبن میں گلابی جھلک لیے ہوئے ہوتا ہے۔ پکے ہوئے پھل کا چھلکا بے حد لذیذ اور فرحت بخش ہوتا ہے۔ اپنی غذائیت اور قوت بخش ہونے کی وجہ سے یہ دنیا میں مقبولِ ہے۔

خوبانی کا پیدائشی گھر چائنا ہے۔ جبکہ پاکستان میں کوہستانی علاقوں میں ہوتی ہے۔ مگر ہنزہ اس کا اعلیٰ مرکز ہے۔

ہمارے یہاں پر خوبانی دو قسم کی ہوتی ہے۔ ایک کا رنگ ہلکا پیلا اور دوسری قسم کا رنگ زرد ہے۔ خوبانی کی دنیا بھر میں 20 سے زائد اقسام پائی جاتی ہیں۔ خوبانی تازہ اور خشک دونوں صورتوں میں استعمال کی جاتی ہے۔ اس کو تین طریقوں سے محفوظ بھی کیا جاتا ہے۔
1۔ خشک کر لیا جاتا ہے۔
2۔ تازہ خوبانی کو ہلکے شکر کے قوام میں محفوظ کر کے ڈبوں میں بند کر دیا جاتا ہے۔
3۔ خوبانی کو پیس کر آٹے کی شکل میں محفوظ کر لیا جاتا ہے جو کہ چپاتی بنانے کے کام آتا ہے۔

■ کیمیائی اجزاء
خوبانی کا نباتاتی نام Prun Us Arminiace ہے۔ خوبانی متعدد غذائی اجزاء سے مالا مال ہے۔ تازہ خوبانی میں قدرتی شکر، وٹامن اے، سی، ای، پوٹاشیم، کیلشیم اور فاسفورس موجود ہوتے ہیں۔ خوبانی سے حاصل ہونے والے بادام میں پروٹین اور چکنائی ہوتی ہے۔ جبکہ خشک خوبانی میں بھی پروٹین، فروٹوز، معدنی نمکیات، چونے، فاسفوس، فولاد کے ساتھ کچھ مقدار میں وٹامن بی کمپلیکس بھی ہوتا ہے۔ سرد ملکوں اور عرب ممالک میں سارا سال خشک خوبانی کا استعمال بہت زیادہ ہے۔

🔹 خوبانی کا طبی استعمال:
نظام ہضم میں خوبانی کا استعمال اچھے اثرات مرتب کرتا ہے، اس کے استعمال سے جسم میں توانائی و تازگی کا احساس ہوتا ہے۔ صبح نہار منہ 8 سے 10 دانہ لے کر اوپر سے لسی پی لی جائے تو نظام ہضم درست رہنے کے ساتھ سینہ کی جلن اور قبض بھی دور ہو جاتی ہے۔

🔹 جلدی امراض سے نجات:
خود میں حدت کم کرنے، پھوڑے پھنسیوں سے نجات کے لیے 100 گرام خوبانی، 30 گرام عناب رات کو 300 ملی لیٹر پانی میں بھگو دیں۔ صبح خوب مل کر چھان لیں اور حسب ضرورت مصری ملا کر نہار منہ پی لیں۔ چند دن میں نتائج آنے لگیں گے۔

🔹 پیٹ کے کیڑے دور کرنے کے لیے:
50 گرام خشک خوبانی، سبز چائے نہار منہ استعمال کریں، کچھ دن میں کیڑے خارج ہو جائیں گے۔

🔹 بھوک کی کمی:
عام صحت مند لوگ بھوک کی کمی کی شکایت کرتے ہیں، ان کا معدہ بوجھ محسوس کرتا ہے، پیٹ پھولا رہتا ہے، لہٰذا ان امراض میں ایک پاؤ خوبانی استعمال کریں اور اس کے ساتھ 20 گرام سونف سبز روزانہ استعمال کریں۔

■ خوبانی کے دیگر انگنت فوائد:
1- ڈکاریں آنے کو روکتی ہے-
2- خوبانی خون اور جوش خون کو فائدہ دیتی ہے-
3- خوبانی کے درخت کے پتے اگر دو تولہ رگڑ کر پلائے جائیں تو پیٹ کے کیڑے اس سے مر جا تے ہیں-
4- سوزش معدہ اور بواسیر کے لیے مفید ہے-
5- جگر کی سختی کو دور کرتی ہے-
6- تپ حار میں خوبانی کھلانے کے بعد گرم پانی شہد ملا کر پلانا قے لاتا ہے اور بخار اتر جاتا ہے-
7- اس کے رس کے چند قطرے کانوں میں ڈالنے سے بہرہ پن دور ہوتا ہے اور کان کے درد سے افاقہ ہوتا ہے-
8- نزلہ، زکام ، گلے کی خرا ش اورمنہ کی بدبو دور کرنے کے لیے روزانہ دس دانہ خوبانی ہمراہ گرم پانی استعمال کرنا مفید ہوتا ہے۔
9- سر چکرانے اور صبح اٹھنے کو اگر دل نہ چاہتا ہو تو پندرہ دانے خوبانی ایک پاﺅ دودھ میں رات کو اُبال کر استعمال کریں۔
10- نمبر 9 میں مزید سونف ایک تولہ، دانہ بڑی الائچی تین ماشہ ملا کر ابال کر رکھیں اور صبح نہار منہ استعمال کریں بے حد مفید ہے۔
11- جسم میں توانائی پیدا کر تی ہے-
12- خوبانی کے استعمال سے خون میں حرارت اور حدت پیدا ہوتی ہے-
13- خوبانی قبض کشا ہوتی ہے اور خوراک کو جلد ہضم کرتی ہے-
14- خوبانی کا مربہ بنایا جاتا ہے جو مقوی دل، مقوی معدہ اور مقوی جگر ہوتا ہے-
15- خوبانی میں بہترین غذائیت ہوتی ہے۔ جو انسانی جسم کے لیے بہت مفید ہے-
16- بعض اطباء نے لکھا ہے کہ خوبانی کھانے سے عمر بڑھتی ہے-

🔘 ضروری احتیاط
سرد مزاج والے ضعیف اشخاص اور کمزور معدہ والوں کے لیے خوبانی کا استعمال مناسب نہیں-
کھٹی خوبانی استعمال نہیں کرنی چاہیے کیونکہ اس سے پیٹ میں اپھارہ پیدا ہوتا ہے-
ہائی بلڈ پریشر میں خوبانی کا استعمال بالکل نہیں کرنا چاہیے-

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

  https://t.me/islamwitheman/4175
⭕ ISLAM WITH EMAN ⭕

🔷 خشک خوبانی (Dry Apricot) 🔷

خشک خوبانی کیلشیم، پوٹاشیم، فاسفورس، وٹامن اے، وٹامن سی سمیت آئرن اور فائبر کا خزانہ ہے۔

☆ یہ آئرن کے حصول کا بہترین ذریعہ ہے۔

☆ یہ ہیمو گلوبن کو پورا کرتی ہے۔

☆ خون کی کمی کا شکار خواتین و حضرات اسکو ضرور استعمال کریں۔

☆ ایسی خواتین جو مخصوص ایام میں خون کی کمی کا شکار ہو جاتی ہیں وہ خشک خوبانی ضرور کھائیں۔

☆ ایسے لوگ جنکی جلد اور چہرہ زرد ہو جاتا ہے۔ ہر وقت تھکاوٹ کا شکار رہتے ہے۔ انکے لیے بھی خشک خوبانی بے حد مفید ہے۔

☆ خشک خوبانی میں ایسے اجزاء پائے جاتے ہیں جو نظر تیز کرتے ہیں، موتیا کے خطرات کم ہوتے ہیں۔

☆ عمر بڑھنے کیساتھ جو کمزوری ہوتی ہے اسمیں بھی بے حد مفید ہے۔

☆ خشک خوبانی میں فائبر کی بھاری مقدار کولیسٹرول کو کم کرتی ہے۔

☆ دل کو مضبوط اور صحت مند رکھتی ہے۔

☆ موٹاپا بھی کم کرتی ہے۔

☆ خشک خوبانی میں کیلشیم کی کافی مقدار موجود ہے جو ہڈیوں کو مضبوط کرتی ہے۔

☆ خون صاف کرتی ہے۔

☆ چہرے کے کیل مہاسوں اور دانوں کو دور کرتی ہے۔

☆ خارش اور ایکنی والے لوگوں کیلئے بھی مفید ہے۔

☆ خشک خوبانی میں اینٹی آکیڈینٹس خصوصیات پائی جا تی ہیں جسکی وجہ سے کینسر جیسی خطرناک بیماری سے بچاؤ میں تحفظ فراہم کرتی ہے۔

☆ کیلے کی نسبت خشک خوبانی میں 3 گنا زیادہ پوٹاشیم پایا جاتا ہے جو ہائی بلڈ پریشر کیلئے بے حد مفید ہے۔

☆ دل کی دھڑکن کو کنٹرول کرتی ہے۔

☆ حاملہ خواتین کے لیے بھی انتہائی مفید ہے۔ دودھ پلانے والی مائیں بھی اسکو استعمال کر سکتی ہیں۔

☆ شوگر کے مریض بھی اسکو استعمال کر سکتے ہیں۔

■ طریقہ استعمال
4 سے 5 عدد خشک خوبانی اچھی طرح دھو کر رات کو پانی میں بھگو دیں۔ صبح گٹھلی نکال کر اسی پانی میں اچھی طرح بلینڈ کر کے پی لیں۔
یا ویسے اچھی طرح چبا کر کھا لیں اور پانی پی لیں۔ بلینڈ کرتے وقت ایک چمچ شہد بھی ڈال سکتے ہیں۔

معدہ اور قبض کے مریض کھانے سے قبل 2 سے 3 خشک خوبانی کھا سکتے ہیں۔ اس سے انکا ہاضمہ بھی ٹھیک ہو گا اور قبض بھی دور ہو گی۔

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/4176
⭕ ISLAM WITH EMAN ⭕

🔷 خوبانی کا بیج نقصان دہ ہے 🔷

خوبانی موسم گرما کا ایک نہایت ہی خوش ذائقہ پھل ہے۔ جو پاکستان میں جگہ جگہ ٹھیلوں پر بکتا دکھائی دیتا ہے۔ خوبانی کے بہت سے فائدے ہیں اور یہ نیا خون پیدا کرنے میں بھی کردار ادا کرتا ہے مگر کچھ لوگ خوبانی کھانے کے بعد اس کے اندر کا بیج توڑ کر کھا لیتے ہیں-

خاص طور پر بچوں کو تو خوبانی کے بیج کا ذائقہ بادام جیسا ہی محسوس ہوتا ہے اس لئے سخت خول کو دانت سے توڑ کر خوبانی کے بیج کو بادام سمجھ کر کھا لیا جاتا ہے اور والدین بھی بچوں کو یہ سوچ کر نہیں روکتے کہ یہ ایک قدرتی شے ہے اس کا کوئی نقصان نہیں ہوگا۔

خوبانی کے بیج کے حوالے سے ایک مفروضہ بھی کافی عام ہے اور وہ یہ کہ خوبانی کا بیج کینسر کے علاج میں مددگار ہے کیونکہ اس کے اندر ایمگڈالن نامی جز پایا جاتا ہے جسے وٹامن بی 17 بھی کہتے ہیں اور چونکہ یہ ایک قدرتی شے ہے اس لئے اسے کھانے کا کوئی نقصان نہیں جبکہ یہ مفروضہ غلط اور نقصان دہ ہے- تاحال ایسی کوئی تحقیق سامنے نہیں آئی ہے جو کینسر میں خوبانی کے بیج کی افادیت کو واضح کرتی ہو-

■ خوبانی کا بیج حقیقتاً زہریلا ہوتا ہے
خوبانی کے بیج میں ایمگڈالن نامی جز جسم کے اندر پہنچ کر سائنایئڈ زہر بن جاتا ہے۔ جسے ایک مخصوص مقدار سے زیادہ کھایا جائے تو موت واقع ہو سکتی ہے- البتہ کچھ مقدار کھانے سے بھی الٹی، خون کے دباؤ کا مسئلہ، سر چکرانا اور شریانوں کو نقصان پہنچنا شامل ہیں۔

■ بیج کھانے کی مقدار
ایک بالغ انسان کو تین بیجوں کی گڑیوں سے زیادہ نہیں کھانا چاہیے اور بچوں کو آدھے بیج سے زیادہ نہیں کھانا چاہیے۔ اگر خوبانی کے بیج کھانے کی وجہ سے طبیعت خراب ہو تو فورا کسی ماہر ڈاکٹر سے رجوع کرنا چاہیے۔

■ اردو پوائنٹ  پیر  20 مارچ 2017ء
دبئی میونسپلٹی حکام نے سوشل میڈیا پر خوبانی کے بیج کے فوائد پر مبنی خبروں کو بے بنیاد قرار دیا ہے۔ میونسپلٹی حکام کا کہنا ہے کہ خوبانی کے بیج کھانا کوئی فائدہ مند نہیں ہیں بلکہ یہ صحت کو نقصان پہنچا سکتے ہیں۔

جو لو گ یہ کہتے ہیں کہ یہ بڑے فائدہ مند ہوتے ہیں وہ بالکل غلط کہہ رہے ہیں۔ میونسپلٹی کے فوڈ اینڈ سیفٹی کے ڈائریکٹر ایمان البستاکی کا کہنا ہے کہ خوبانی کے بیجوں میں سائینائڈ ہوتا ہے جو صحت کے لیے انتہائی نقصان دہ ہوتا ہے۔ ان بیجوں کا زیادہ استعمال کرنے والے مختلف بیماریوں کا شکار ہو سکتے ہیں۔

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/4180
⭕ ISLAM WITH EMAN ⭕

🔷 موشن سکنس 🔷

سفر کرتے ہوئے متلی اور چکر کیوں محسوس ہوتے ہیں؟

کچھ افراد کی طبیعت مختلف اقسام کی گاڑیوں میں سفر کرتے ہوئے بگڑ جاتی ہے اور مختلف علامات جیسے سر چکرانے، قے اور متلی کا سامنا ہوتا ہے، یہ موشن سکنس نامی عارضے کی علامات ہیں۔

اس حوالے سے ماہرین نے 2 خیالات پیش کیے ہیں۔ ایک سنسری کونفلیکٹ تھیوری ہے جس کے مطابق موشن سکنس کا سامنا توازن کے نظام کی وجہ سے ہوتا ہے۔
توازن کو مستحکم رکھنا ہمارے اندرونی کان میں موجود نظام کا کام ہوتا ہے۔ جو ہماری نظروں کے سامنے موجود چیزوں اور محسوسات کا تجزیہ کرتا ہے، اگر ہماری آنکھوں، اندرونی کان اور لمس یا دباؤ کی تفصیلات ایک دوسرے سے مطابقت نہ رکھیں تو عدم توازن کا احساس ہوتا ہے۔

یہی وجہ ہے کہ خیال کیا جاتا ہے کہ موشن سکنس ہماری حسوں کی معلومات کی عدم مطابقت کا نتیجہ ہوتی ہے۔ جس کے دوران ہماری آنکھیں اور اندرونی کان جسم کو بتاتے ہیں کہ ہم حرکت کر رہے ہیں حالانکہ ہم ساکت بیٹھے ہوتے ہیں۔
یہی وجہ ہے کہ ہم کسی ہموار اور سیدھی سڑک پر گاڑی میں سفر کر رہے ہوں تو سنسری تفصیلات میں عدم مطابقت کا امکان کم ہوتا ہے اور موشن سکنس کا سامنا نہیں ہوتا۔
اس خیال کو موشن سکنس کے حوالے سے اب تک ٹھوس ترین وضاحت تصور کیا جاتا ہے، مگر ابھی بھی یہ سمجھنا باقی ہے کہ دماغ کے کونسے میکنزمز موشن سکنس کا باعث بنتے ہیں۔

دوسری تھیوری کے مطابق موشن سکنس کی وجہ صرف سنسری انفارمیشن کی عدم مطابقت نہیں بلکہ اس کی وجہ اس سنسری انفارمیشن کے مطابق جسمانی انداز کو اپنانا نہیں ہوتا۔
مگر اس تھیوری کی حمایت کے لیے شواہد زیادہ نہیں۔

موشن سکنس کا اثر مختلف افراد پر مختلف انداز سے ہوتا ہے اور کوئی ایک وجہ نہیں جس سے وضاحت ہوتی ہو کہ کچھ افراد کو دیگر کے مقابلے میں اس کا زیادہ سامنا ہوتا ہے۔
مگر کسی فرد کی بینائی اور توازن کے نظام کے کام کرنے کا انداز ضرور مختلف اقسام کی گاڑیوں پر سفر کے دوران ہمارے احساسات پر اثر انداز ہوتا ہے۔

مخصوص عارضے جیسے آدھے سر کے درد اور اندرونی کان کے امراض کے باعث موشن سکنس کا امکان بھی بڑھتا ہے۔

عمر اور جنس بھی اس کے امکانات بڑھانے والے ممکنہ عناصر ہیں، جیسے کچھ تحقیقی رپورٹس میں عندیہ دیا گیا ہے کہ 9 سے 10 کی عمر میں اس کا تجربہ ہونے کا امکان سب سے زیادہ ہوتا ہے جبکہ یہ مسئلہ خواتین میں زیادہ عام ہوتا ہے۔

اسی طرح گاڑیوں کی اقسام بھی موشن سکنس کے تجربے پر اثرانداز ہوتی ہیں، جیسے حرکت کا حجم جتنا بڑا ہوگا موشن سکنس کا اثر بھی اتنا زیادہ دیر تک رہے گا اور علامات کی شدت بدتر ہوگی۔

مثال کے طور پر اگر کسی چھوٹی کشتی میں کسی طوفان میں 8 گھنٹے سے زیادہ وقت تک سفر کیا جائے تو اس سے زیادہ شدت کی علامات کا سامنا ہو سکتا ہے، جبکہ ایک گھنٹے کے ٹرین کے سفر کا اثر ممکنہ طور پر کافی کم ہوگا چاہے ٹریک مثالی طور پر ہموار نہ بھی ہو۔

بیشتر افراد کی جانب سے اکثر موشن سکنس کی شکایت اس وقت کی جاتی ہے جب وہ کسی گاڑی کو چلا نہیں رہے ہوتے بلکہ ڈرائیور کے ساتھ سفر کر رہے ہوتے ہیں، ایسا ممکنہ طور پر اس لیے ہوتا ہے کہ ڈرائیور کسی گاڑی کی حرکت کو زیادہ بہتر طریقے سے محسوس کرتے ہیں۔

موشن سکنس حقیقی دنیا تک ہی محدود نہیں بلکہ ورچوئل ماحول میں بھی سائبر سکنس (اسی کی ایک اور قسم) کا سامنا ہوسکتا ہے، ایسا اکثر اس وقت ہوتا ہے جب ایسی ویڈیو گیمز کھیلی جائیں جو سنسری انفارمیشن میں عدم مطابقت کا باعث بن جائیں۔

سنیما میں تھری ڈی فلموں سے بھی اسی وجہ سے موشن سکنس کا سامنا ہو سکتا ہے۔

■ کیسے بچا جاسکتا ہے؟
موشن سکنس سے نمٹنے کے لیے سفر کرتے ہوئے فون پر توجہ مرکوز کرنے کی بجائے کھڑکی سے باہر دیکھنے کو ترجیح دی جائے، ایسا کرنے سے متلی کے احساس کو کم کرنے میں مدد ملے گی کیونکہ بینائی کی تفصیلات اندرونی کان کے ساتھ زیادہ مطابقت پیدا کر سکیں گی۔

ایسا ہی ٹرینوں اور کشتی کے سفر میں بھی کیا جاسکتا ہے جس کے دوران گزرتے مناظر پر توجہ مرکوز کرنا علامات کی شدت کم کرتا ہے۔

علاوہ ازیں سفر سے قبل پیٹ بھر کر کھانے سے گریز کرنے، گاڑی میں ہوا کی نکاسی کو بہتر کرنے اور کئی جگہوں پر رکنے سے بھی اس کیفیت میں کمی ہو سکتی ہے، علامات بہت زیادہ ہونے کی صورت میں ڈاکٹر سے دوائیں بھی لی جاسکتی ہیں۔

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

📚 اے آر وائی نیوز اردو، 12 مارچ 2022ء

https://t.me/islamwitheman
⭕ ISLAM WITH EMAN ⭕

🔶 کڑوی چائے سا لہجہ 🔶

میری بیوی چائے کا کپ ہاتھ میں لئیے دروازے سے اندر آتی ہوئی بولی مجھے آپ سے کچھ کہنا ہے۔

عینک کتاب پر رکھتے ہوئے میں نے پلٹ کر کہا ہاں! ہاں! کیوں نہیں بولو کیا بات ہے؟

وہ آہستہ سے چلتی ہوئی قریب والی کرسی پر آ بیٹھی اور چائے میز پر رکھتے ہوئے بولی ۰۰۰

چائے پی کر دیکھیے نا کیسی بنی ہے؟؟

اس سے پہلے کہ میں چائے پی کر بتاتا کہ کیسی بنی ہے میں نے اس بات کا جاننا زیادہ ضروری سمجھا جو وہ کہنا چاہتی تھی، کیا بات ہے پہلے وہ تو بتا دو؟

ارے! پہلے چائے چکھ کر بتائیں، کیسی بنی ہے، بات بھی بتا دونگی کونسا میں کہیں بھاگی جا رہی ہو۔

میں اس کی بات پر مسکرانے کی کوشش کی۔ کپ کی طرف ہاتھ بڑھایا اور چائے کا کپ اٹھا کر گھونٹ بھرا لیکن چائے میں کڑواہٹ اس قدر تھی کہ مجھے واپس تھوکنا پڑا اور چلاتے ہوئے پوچھا یہ کیا ہے؟ چائے بنانی نہیں آتی تمہیں؟ یہ کیسی چائے بنائی ہے اتنی کڑوی؟

وہ مسکراتی ہوئی کرسی سے اٹھ کر کھڑکی میں جا کھڑی ہوئی۔

اس کا مسکرانا میرے غصے میں اضافہ کر رہا تھا لیکن میں رک گیا۔

ایک تو چائے ایسی بنائی اوپر سے ہنس رہی ہو۔ آخر! چاہتی کیا ہو، تم؟

وہ مسکراتی ہوئی پلٹی اور بولی کچھ نہیں،
بس اتنا بتانا تھا کہ آپ کا لہجہ اس چائے سے زیادہ کڑوا ہے۔ اگر آپ اس کڑوی چائے کا ایک گھونٹ حلق سے نہیں اتار سکے تو سوچیں کہ آپ کے لہجے کے ہزاروں کڑوے گھونٹ ایک نازک لڑکی کیسے روز سہہ لیتی ہے؟

کمرے کی سنسان خاموشی میں گھڑی کی ٹک ٹک کے علاوہ کچھ نہیں تھا۔ وہ چائے کا کپ لے کر دروازے سے نکل گئی۔ میں ایک زندہ لاش کی مانند ناجانے رات کے کس پہر تک یہی سوچ رہا تھا۔
اتنا کڑوا ۔۔۔ اتنی کڑواہٹ؟ کیا سچ میں۔۔۔۔۔؟؟

🔘 اس قصے سے ہم کو سبق یہ ملتا ہے کہ ہمیشہ اپنی بیوی پر ظلم و تشدد کی بجائے محبتوں کے پھول برسائیں۔

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman/4160
⭕ ISLAM WITH EMAN ⭕

🌸 خوش رہنا سیکھیں 🌸

انسان کی زندگی میں اس کے خیالات بڑی اہمیت رکھتے ہیں۔ اگر ہم خوشی کے خیالات رکھتے ہیں تو ہم خوش رہیں گے اور اگر ہم پریشانی کے خیالات پر توجہ دیں گے تو ہم پریشان اور غمگین رہیں گے۔

لہٰذا اے میرے بھائیو! اپنے خیالات کا جائزہ لیں۔ اگر آپ کے ذہن میں پریشانی کے خیالات آتے ہیں تو ان خیالات کو فی الفور اپنے ذہن سے نکال دیں۔ اور اپنے ذہن میں صرف اور صرف خوشی کے خیالات کو جگہ دیں تاکہ آپ خوش رہ سکیں۔

ایک بات یاد رکھیں کہ آپ کا خوش رہنا بہت ضروری ہے۔ پتہ ہے کیوں۔؟
اس لئے کہ لوگ اُس انسان کو پسند کرتے ہیں جو خوش رہتا ہے۔ جب آپ خوش ہوں گے تو آپ دوسروں کے ساتھ ہمدرد اور مہربان ہوں گے اور آپ کا رویہ بھی درست ہوگا۔ آپ دوسروں میں خوشی تبھی پھیلا سکتے ہیں جب آپ خود خوش ہوں گے۔

کسی نے کیا خوب کہا کہ۔۔۔
”دل کا نازک قلعہ تلوار کی طاقت سے فتح نہیں ہوتا اس کیلئے بھی مسکراہٹ چاہیے“۔

خوش باش انسان پریشان انسان سے لمبی عمر پاتا ہے۔ خوش لوگ دل کے مریض بھی نہیں ہوتے۔ اس کی وجہ کیا ہے پتہ ہے۔؟
اس کی وجہ یہ ہے کہ خوش لوگ تو دوسروں کے دل جیتنے کے فن کو پاچکے ہوتے ہیں اور خوش رہنے سے دل کی کدُورت اور نفرت ختم ہو جاتی ہے اس لئے ایسے لوگ دل کے مریض نہیں بنتے۔ اگر آپ ہنستے ہیں تو ساری دنیا آپ کے ساتھ ہنستی ہے۔ اگر آپ روتے ہیں تو یہ کام آپ کو اکیلے کرنا پڑے گا۔

آج کسی کو سب سے سستا اور نایاب تحفہ دینا ہو تو ایک پُرخلوص مسکراہٹ دے دیجئے۔ آپ کی مسکراہٹ محبت اور اُمید بانتی ہے۔

خوش رہنے کے "10" آسان نسخے پیشِ خدمت ہیں:
1۔ اپنے پسندیدہ کاموں میں مشغول ہو جائیں۔
2۔ دوسروں کا شکریہ ادا کریں۔
3۔ جو آپ کے پاس ہے اسی پہ نظر رکھیں۔
4۔ دوسروں کی غلطیوں کو نظر انداز کریں۔
5۔ دوسروں کی خوشیوں میں دل چسپی لیں۔
6۔ زندگی کا مقصد ہمیشہ سامنے رکھیں۔
7۔ ماضی کے غم کو بھول جائیں۔
8۔ جن لوگوں کو ہم نے اپنی موت کا غم دے کر جانا ہے، کیوں نہ ان کو زندگی میں خوشی دی جائے۔

اپنے آپ کو پہنچانیں اور آپ جیسے ہیں ویسے رہیں۔ یاد رکھیں! زمین پر آپ جیسا کوئی نہیں ہے۔ ایک قول ملتا ہے کہ ”انہیں اپنی کامیابی سے مارو اور اپنی مسکراہٹ سے دفناؤ“، خوش ہو کر سوچیں اور کام کریں آپ اپنے آپ کو خوش محسوس کریں گے۔

9۔ کوئی ایسا دوست ہو جس کو آپ مسکراتا ہوا دیکھیں تو آپ کو بھی خوشی ملتی ہو، اس کو ہمیشہ اپنے تصور میں مسکراتا ہوا دیکھیں، اس طرح آپ کا چہرہ بھی کھل اٹھے گا۔

10۔کسی سے بھی توقعات اور امیدیں نہ رکھیں۔ کسی نے کیا خوب کہا ہے کہ "جن میں اکیلے چلنے کا حوصلہ ہوتا ہے ایک دن ان کے پیچھے ہی قافلہ ہوتا ہے"۔

قرآن میں رب عزوجل فرماتا ہے کہ ”میری رحمت سے نا امید نہ ہونا“۔ آپ بھی اللہ تعالیٰ کی رحمت پہ امید رکھیں ان شاء اللہ وہ ذات آپ کو سکون سے مالا مال کر دے گی۔

آخری بات یاد رکھیں کہ ”ہم لوگوں کا مقدر بدل نہیں سکتے، بیماروں کو شفاء نہیں دے سکتے لیکن ان زندگی کے ماروں اور بے چاروں کو مسکرا کر مسکراہٹ ضرور دے سکتے ہیں“۔ تو یہ مسکراہٹ ان کو بہت خوشی دے گی..

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman/2896
⭕ ISLAM WITH EMAN ⭕

🌹 لبیک یاحسین علیہ السلام 🌹

بعض لوگ حضرت رسول اکرم صلی اللہ علیہ وآلہ وسلم یا آئمہ اہلبیت علیہم السلام کو (لبیک یا رسول اللہ) یا (لبیک یا حسین) یا (لبیک یا علی) کہنا اللہ تعالیٰ کی ذات میں شرک مانتے ہیں اور حج بیت اللہ  کے دوران (لبیک اللھم لبیک لبیک لا شریک لک لبیک) کی نداء تلبیہ سے استدلال کرتے ہوئے شرک قرار دیتے ہیں۔

اس بے اساس شبہہ کا رد کرنے کے لئے سب سے پہلے ہم اس لفظ (لبیک) کا معنی میں مراجعت کرتے ہیں تو ہمیں عربی لغات میں اس کا معنی (میں آپ کی اطاعت پر قائم ہوں) ملتا ہے۔

اور لفظ لبیک  ادنیٰ کا اعلیٰ کے جواب میں دیا جانے والا اطاعت گذاری کے معنی میں ہے۔ اور (اللھم لبیک) سے مراد اللہ تعالیٰ کی اطاعت میں استمرار کا اظہار ہے۔

اور اس کے ساتھ ہی  خود لفظ لبیک عرفاً رسول کریم صلی اللہ علیہ وآلہ وسلم کے زمانہ ماقبل سے شرکیہ معانی میں استعمال نہیں ہوا بلکہ خود یہ اپنی نوعیت کا عام سا لفظ ہے جو کہ کسی بھی صورت میں استمرار و اثبات کے معنیٰ میں استعمال ہوسکتا ہے۔

جہاں تک (لبیک یا حسین) کا تعلق ہے  اس سے ہمارا مقصد حضرت امام حسین علیہ السلام کی نصرت و دعوت میں ہمرکاب ہونا ہے جو کہ کسی بھی لحاظ سے  (لبیک اللھم لبیک) کے خلاف زمرے میں نہیں آتا اور اطاعت الہیہ کا اظہار اللہ تعالٰی کے اولیاء کی اطاعت کا اظہار جن کی اطاعت کے لئے اللہ تعالیٰ نے حکم دیا ہے کسی بھی طور پر اللہ تعالیٰ سے دوری کا سبب نہیں ہے۔

🔘 امام حسین علیہ السلام نے فرمایا:
"ھل من ناصر ینصرنی"
ترجمہ:
کوئی ہے جو میری مدد کو آئے۔

اسلام کی حفاظت کی خاطر آج بھی امام حسینؑ کے پیروکار اُن کے اس سوال ’’ھل من ناصر ینصرنی‘‘ کے جواب میں ’’لبیک یا حسین علیہ السلام‘‘ کا شعار بلند کرتے ہیں۔۔ کہ اے ہمارے مولا حسینؑ! ہم حاضر ہیں اس دین کی حفاظت اور آپ کی نصرت کے لئے۔۔

لبیک یاحسین علیہ السلام
لبیک یاحسین علیہ السلام
لبیک یاحسین علیہ السلام

https://t.me/islamwitheman/4185
⭕ ISLAM WITH EMAN ⭕

🌸 پرسکون رہنے کے طریقے 🌸

اختلافات ہر جگہ ہوتے ہیں چاہے وہ کوئی بزنس میٹنگ ہی کیوں نہ ہو۔ بڑے بڑے آفیسرز بھی ایک دوسرے سے بحث کرتے نظر آتے ہیں۔ لیکن طویل بحث کے بعد ایک وقت ایسا بھی آتا ہے کہ میٹنگ کامیاب ہوجاتی ہے اور خوشگوار ماحول میں تمام باتیں طے پا جاتی ہیں ۔

اس کی وجہ دونوں میں سے ایک افسر کا پرسکون مزاج ہے جو بحث کو جھگڑے میں تبدیل کرنے کے بجائے معاملات کو اچھی طرح سنبھال لیتا ہے۔ اس طرح نا صرف بحث ختم ہوتی ہے بلکہ دونوں ایک دوسرے کی بات کو تسلیم بھی کر لیتے ہیں۔

اس طرح کا سکون، صلاحیت اور سمجھداری ہم اپنی زندگیوں میں کس طرح لا سکتے ہیں۔ کن باتوں پر عمل کر کے ہم اپنی برداشت کو بڑھا سکتے ہیں۔

سات طریقوں سے آپ خود کو زیادہ پر سکون بنا کر زندگی میں زیادہ کامیابیاں حاصل کر سکتے ہیں۔

❶ اپنی ذات پر دھیان دیں:
بینک بیلنس، تعلقات اور اسٹیٹس کی بنیاد پر اپنا دوسروں سے موازنہ کرنا آسان ہے لیکن آپ کے تمام معاملات کا تعلق صرف آپ کی ذات سے ہے۔ اس لیے اگر آپ اپنے تمام معاملات اچھے رکھنا چاہتے ہیں تو اپنے آپ کو کنٹرول کرنا پڑے گا۔ اس طرح کرنے سے آپ کے تمام معاملات اچھے ہونگے۔

❷ اپنے بارے میں خوش فہمی اچھی نہیں:
اپنے بارے میں اونچے خیالات رکھنا اور دوسروں کی باتوں، پیغامات یا مقاصد پر تنقید کرنا یا ان کا مذاق اڑانا اچھی بات نہیں۔ جب آپ اپنی اس عادت کو ترک کر دیں گے تو آپ کو احساس ہو گا کہ یہ سب کچھ کرنا وقت ضائع کرنے کے سوا اور کچھ نہ تھا۔

❸ خود پر ہنسنا سیکھیں:
زندگی بہت تیزی سے گزر جاتی ہے۔ اس سے بھرپور لطف اٹھائیں۔ زندگی کا نام صرف سنجیدگی نہیں۔ اسے ہنس کھیل کر گزاریں۔ جب خود پر بھی ہنسنے کا موقع ملے تو ضرور ہنسیں۔

❹ اپنا پورا کام انجام دیں:
کام کو فوقیت دینا بھی سنجیدگی کی نشانی ہے۔ اپنے کام کو ترجیح دیں اور پورے کام کو انجام دیں۔ کام کرنے کا بھی مزہ ہے خاص طور پر جب کام اپنی پسند کا ہو جتنی کام میں دلچسپی لیں گے اتنا ہی مزہ آئے گا۔

❺ افواہوں پر کان نہ دھریں:
اپنے خلاف کسی بات پر کان نہ دھریں۔ ایسی باتوں کو نظر انداز کریں۔ دو لوگ آپس میں کچھ بات کر رہے ہوں تو ہرگز نہ سمجھیں کہ وہ آپ کے خلاف بات کر رہے ہیں۔ اگر ایسا ہو بھی تو اسے نظر انداز کریں۔

❻ دوسروں کو الزام نہ دیں:
دنیا میں کوئی شخص ایسا نہ ہوگا جو زندگی کی سو فیصد کامیابی کی ضمانت دے سکے۔ آپ کی کسی ناکامی کا ذمہ دار کوئی اور نہیں ہو سکتا۔ اپنی ناکامی کا ذمہ دار کسی اور کو ٹھہرانے کے بجائے خود کو اپنی ہر چیز کا ذمے دار سمجھیں۔

❼ ردعمل سوچ سمجھ کر دکھائیں:
اپنے جذبات کو قابو میں رکھیں کسی بھی بات پر اپنا ردعمل سوچ سمجھ کر صحیح وقت پر دکھائیں۔ جب آپ کے اندر اتنی برداشت پیدا ہو جائے گی تو کوئی چیز آپ کی راہ میں حائل نہیں ہوگی اور جیت آپ کی ہی ہو گی....

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman/4184
⭕ ISLAM WITH EMAN ⭕

🔷 ڈپریشن میں کیا کریں 🔷

❶ اگر آپ ڈیپریس ہیں اور کوئی آپ کو چھوڑ گیا ہے تو کبھی تنہا کمرے میں لائیٹ آف کر کے نہ بیٹھیں۔ یہ جو اندھیرا ہوتا ہے انسان کو یہ بتا رہا ہوتا ہے کہ اس کی زندگی میں کچھ باقی نہیں ہے۔ وہ اکیلا ہے اور سب مطلبی ہیں۔

❷ اگر آپ اداس ہیں تو چھوٹے بچوں کے پاس جا کر بیٹھ جائیں۔ ان کی شرارتیں دیکھیں تو یقیناً آپ کو اپنا بچپن یاد آجائے گا اور آپ کے چہرے پہ مسکراہٹ پھیل جائے گی۔

❸ جن کو لگتا ہے کہ ان کی زندگی بے معنی ہے اور سب کچھ ختم ہوچکا ہے تو You Tube پہ جا کر Real Heros in The Life لکھ کر سرچ کر لیں۔ ان کو inspiration ملے گی کہ زندگی میں کسی کے جانے سے کچھ بھی ختم نہیں ہوتا۔آدمی بڑا اپنے لئے ہوتا ہے لیکن انسان بڑا انسانیت کی خدمت سے ہوتا ہے۔

❹ آپ نماز یا کوئی بھی عبادت کر سکتے ہیں۔ اور اپنے رب کے سامنے رو سکتے ہیں۔ کیونکہ اللہ ہر چیز پر قادر ہے۔ بدگمان نہ ہوں بس یہ شیطان ہے جو ہمیں بدگمان کر دیتا ہے۔

❺ اگر کوئی آپ سے شادی کا وعدہ کر کے یا آپ کو طلاق دے گیا ہے یا آپ کی علیحدگی ہو گئی ہے تو آپ کی زندگی ختم نہیں ہوتی بلکہ اصل زندگی کی شروعات تب ہی ہوتی ہے۔ پہلے آپ زندگی کے میدان میں بیساکھیوں کے سہارے چل رہے تھے جبکہ اب آپ کو آزادی ملی ہے تو کیوں نا آپ ان کا سہارا بن جائیں جن کو سہارے کی ضرورت ہے۔

قسمت کو کوسنا، کسی پہ بے وفائی کا الزام لگانا اس کا کیا فائدہ یا آپ روتے رہیں یا آپ طاقتور بن جائیں۔

❻ مرد کی نسبت عورت کمزور ہے یہ سب کہتے ہیں لیکن وہ معذور عورت جو دنیا کی بلند ترین پہاڑی کی چوٹی صرف اس وجہ سے سر کر گئی کہ اس نے دنیا کو بتانا تھا کہ عورت ذات کمزور نہیں ہے۔ آپ اس چوٹی کو سر نہ کریں لیکن زندگی کے میدان میں تو خود کو کمزور ثابت نہ کریں کیونکہ زندگی کے میدان میں انسان زندگی سے نہیں خود سے ہارتا ہے۔

❼ اگر آپ فنانشل پروبلم کا شکار ہیں یا آپ کے پاس کرایہ کا گھر ہے تو ایک دفعہ کسی بھی شہر کے فلائی اوور کے نیچے پڑے ہوئے ان بچوں، عورتوں اور مرد حضرات کو دیکھ لیں جن کے پاس ایک وقت کی روٹی نہیں ہے اور نہ ہی چھت ہے۔

اسی طرح آپ کو لگتا ہے کہ آپ کی شکل و صورت اچھی نہیں ہے تو کسی بھی ہسپتال کے Fire and Burn Hall کا وزٹ کرلیں۔ آپ کو شاید الله کی تقسیم پہ صبر آ جائے گا۔

❽ اگر آپ نے کسی سے سچی محبت کی اور وہ آپ کو چھوڑ گیا تو اگر آپ مرد ہیں تو کوئی جم جوائن کر لیں۔ اپنا تمام غصہ work out پہ نکالیں ناکہ کسی کی تصویریں اور ویڈیوز سوشل میڈیا پہ ڈال کر۔ اگر آپ غصہ میں ایسا کر بیٹھتے ہیں تو یقین کیجیے ایک دن آپ کو پچھتاوا ہوگا۔پھر آپ معافیاں مانگتے پھریں گے لیکن وقت بیت چکا ہوگا۔

❾ اسی طرح اگر کوئی مرد آپ کو چھوڑ گیا ہو تو آپ ضرور روئیں بہت روئیں لیکن اس کے بعد آپ منگنی کریں یا نکاح کریں۔ یقین کیجیے آپ کا آنے والا جیون ساتھی آپ کے درد کا مداوا لازمی کرے گا۔ اور وقت کے ساتھ ساتھ آپ کو صبر بھی آجائے گا اور آپ کی چہرے پہ ہنسی کا باعث آپ کے بچے ہوں گے۔

❿ بہت سے cases ایسے ہوتے ہیں جن میں منگنیاں ٹوٹ جاتی ہیں، طلاقیں ہو جاتیں ہیں۔ اس کے بعد انسان جیتے جی مر جاتا ہے۔ تو اس کو اپنی زندگی میں ایک اور چانس دینا چاہیئے کیونکہ اندھیری رات کے بعد اجالا اس بات کا ثبوت ہے کہ ہر غم کے بعد خوشی لازمی ملتی ہے...

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman/4188
⭕ ISLAM WITH EMAN ⭕