🔷 پندرھویں رجب کی رات کے اعمال 🔷

یہ بڑی ہی بابرکت رات ہے اور اس میں چند ایک اعمال ہیں۔۔۔

1️⃣ غسل کرے۔
2️⃣ عبادت کیلئے شب بیداری کرے جیسا کہ علامہ مجلسی(رح) نے فرمایا ہے۔
3️⃣ امام حسین علیہ السلام کی زیارت کرے۔
4️⃣ شیخ نے مصباح میں داؤد بن سرحان کے ذریعے امام جعفر صادق علیہ السلام سے اس نماز کو بیان کیا ہے کہ پندرہ رجب کی شب میں بارہ رکعت نماز ادا کرے جسکی ہر رکعت میں سورہ الحمد (فاتحہ) کے بعد کوئی سا بھی ایک سورہ پڑھے اور 12 رکعت مکمل کر لینے کے بعد سورہ الحمد، سورہ فلق، سورہ ناس، سورہ توحید اور آیۃ الکرسی میں سے ہر ایک سورہ کو چار چار مرتبہ پڑھے۔ اور پھر چار مرتبہ یہ کہے:

سُبْحَانَ ﷲِ وَ الْحَمْدُ ﷲِ وَ لَا اِلَہَ اِلَّا ﷲُ وَ ﷲ اَکْبَرُ۔
ﷲُ ﷲُ رَبِّیْ۔
خدا پاک ہے اور حمد خدا ہی کیلئے ہے اور ﷲ کے سوائے کوئی معبود نہیں اور اﷲ بزرگ تر ہے۔ اﷲ ہی پروردگار ہے۔

لاَاُ شْرِکُ بِہٰ شَیْئاً وَمَا شَائَ ﷲُ، لاَ قُوَّۃَ إلاَّ بِاﷲِ الْعَلِیِّ الْعَظِیمَ۔
میں کسی کو اسکا شریک نہیں بناتا وہی ہوگا جو ﷲ چاہے۔ کوئی طاقت نہیں ہے مگر وہ بلند قوت و بزرگ خدا سے ہے۔

نیز ستائیس رجب کی شب میں بھی یہی نماز بجالائے۔

📗 بحوالہ مفاتیح الجنان

https://t.me/islamwitheman/2943
⭕ ISLAM WITH EMAN ⭕

🌹 حیائے زینبی 🌹

يحيی مازندرانی کہ جن کا شمار بزرگ علماء و راويان حديث میں ہے کہتے ہیں کہ: 
میں مدتوں مدینہ میں حضرت علي علیہ السّلام کا پڑوسی رہا. میرا گهر اس مکان کے برابر میں تھا کہ جہاں حضرت علی علیہ السّلام کی بیٹی زینب علیہا السلام زندگی بسر کرتی تهیں.

اور اس طویل مدت میں حتی ایک مرتبہ بهی، كسی نے حضرت زینبؑ کو نہیں دیکھا اور نہ ان کی آواز سنی. 

وہ جب بھی اپنے جدّ بزرگوار حضرت رسول خدا صلی اللہ علیہ وآلہ وسلم کی زیارت کے لئے جانا چاہتی تهیں، تو رات کے وقت جایا کرتی تهیں؛ در حاليكہ ان کے والد علی علیہ السّلام ان کے آگے اور ان کے دونوں بھائی حسن و حسین عليہما السلام ان کے دائیں بائیں ہوا کرتے تهے-

اور جب حضرت رسول اکرم صلّی الله علیہ و آلہ وسلّم کی قبر مبارک کے قریب پہنچتی تھیں تو اميرالمؤمنين علیہ السّلام قبر کے اطراف کی شمعیں بجھا دیا کرتے تهے.

ایک روز امام حسن علیہ السلام نے اس کی وجہ دریافت کی، تو حضرت نے فرمایا:
اخشي ان ينظر أحد الي اختك زينب؛
"میں ڈرتا ہوں کہ کوئی روشنی میں تمہاری بہن کو نہ دیکھ لے." 

📚 فاطمة الزهراء بهجة قلب المصطفي(ص)، الرحماني الهمداني صفحه 642۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
https://t.me/islamwitheman/3030
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس دیکھنے کے لئے مطلوبہ پوسٹ کے لنک پر کلک کریں۔۔۔۔

🌹 شہادت جناب زینب عالیہؑ
https://t.me/islamwitheman/3034

🌹 عید میلاد حضرت زینبؑ
http://t.me/islamwitheman/148

🌹 فضیلت زینب عالیہؑ
https://t.me/islamwitheman/1783

🌹 عالمہ غیر معلمہؑ
https://t.me/islamwitheman/1906

🌹 حضرت سیدہ بیبی زینبؑ
https://t.me/islamwitheman/2852

🌹 عقیلہ بنی ھاشمؑ
https://t.me/islamwitheman/3035

🌹 جناب زینبؑ اور نماز شب
https://t.me/islamwitheman/3036

🌹 میلاد جناب زینب عالیہؑ
https://t.me/islamwitheman/3155

🌹 حیائے زینبی
https://t.me/islamwitheman/4077
⭕ ISLAM WITH EMAN ⭕

👈 پوسٹس دیکھنے کے لئے مطلوبہ پوسٹ کے لنک پر کلک کریں۔۔۔۔

🌹 شہادت جناب زینب عالیہؑ
https://t.me/islamwitheman/3034

🌹 عید میلاد حضرت زینبؑ
http://t.me/islamwitheman/148

🌹 فضیلت زینب عالیہؑ
https://t.me/islamwitheman/1783

🌹 عالمہ غیر معلمہؑ
https://t.me/islamwitheman/1906

🌹 حضرت سیدہ بیبی زینبؑ
https://t.me/islamwitheman/2852

🌹 عقیلہ بنی ھاشمؑ
https://t.me/islamwitheman/3035

🌹 جناب زینبؑ اور نماز شب
https://t.me/islamwitheman/3036

🌹 میلاد جناب زینب عالیہؑ
https://t.me/islamwitheman/3155

🌹 حیائے زینبی
https://t.me/islamwitheman/4077
⭕ ISLAM WITH EMAN ⭕

🔷 فنِ تحریر 🔷

■ درج ذیل الفاظ کا آغاز زیر ( ِ ) سے ہوتا ہے۔
کِرایہ ۔۔۔۔۔ نِچوڑ ۔۔۔۔۔ نِڈر ۔۔۔۔۔ صِحاح ۔۔۔۔۔ عِطر ۔۔۔۔۔ وِزارت ۔۔۔۔۔ ذِھانت ۔۔۔۔۔ رِفعت ۔۔۔۔۔ زِراعت ۔۔۔۔۔ اِمارت ۔۔۔۔۔ دِلاسا ۔۔۔۔۔ فرِار۔۔۔۔۔ نِقاب ۔۔۔۔۔ مِٹی (مَٹی) ۔۔۔۔۔ سِفارش ۔۔۔۔۔ اِکسیر۔۔۔۔۔ عِرق النساء ۔۔۔۔۔ نِوالہ ۔۔۔۔۔ عِظام (جمع ،عظیم و عظم ) ۔۔۔۔۔ نِنانوے ۔۔۔۔۔ رِٹ ۔۔۔۔۔ عِجلت ۔۔۔۔۔ اِذن (اجازت و حکم ) ۔۔۔۔۔ ذِمہ داری ۔۔۔۔۔ شِفاء ۔۔۔۔۔ جِھاد ۔۔۔۔۔ تِجارت ۔۔۔۔۔ قِیام ۔۔۔۔۔ خِزانہ ۔۔۔۔۔ سردمِھری ۔۔۔۔۔ مِثل ۔۔۔۔۔ نِکات

■ درج ذیل الفاظ کا پہلا حرف مفتوح یعنی زبر ( َ ) والا ہے۔
غَلَط ۔۔۔۔۔ وَراثت ۔۔۔۔۔ ھَذیان ۔۔۔۔۔ مَذمت ۔۔۔۔۔ مَحبت ۔۔۔۔۔ بَھت ۔۔۔۔۔ سَحری ۔۔۔۔۔۔ غَلط فھمی ۔۔۔۔۔ سَمت ۔۔۔۔۔ مَحلہ ۔۔۔۔۔ مَرمت ۔۔۔۔۔ حَجتہ الوداع ۔۔۔۔۔ مَبلغ ۔۔۔۔۔ نَشاط ۔۔۔۔۔ نَشاتہ ثانیہ ۔۔۔۔۔۔ نَشَاستہ ۔۔۔۔۔ شَکل ۔۔۔۔۔ نَظارہ ۔۔۔۔۔ سَرقہ ۔۔۔۔۔ حَجم ۔۔۔۔۔ مَشھور ۔۔۔۔۔ اَذان۔۔۔۔۔ سَفید ۔۔۔۔۔ سَپید ۔۔۔۔۔ سَمندر ۔۔۔۔۔ تَجربہ ۔۔۔۔۔ تَرجمہ ۔۔۔۔۔ شَکویٰ ۔۔۔۔۔ ھَونھار ۔۔۔۔۔ باَھَر ۔۔۔۔۔ لَذَت ۔۔۔۔۔ نَجات ۔۔۔۔۔ اَمانت ۔۔۔۔۔ نَفل ۔۔۔۔۔

■ درج ذیل الفاظ کے پہلے حرف پر پیش ( ُ ) ہے۔
وُصول ۔۔۔۔۔ فُصول ۔۔۔۔۔ اُصول ۔۔۔۔۔ ھُویدا ۔۔۔۔۔ مُطلع ۔۔۔۔۔ نُمائش ۔۔۔۔۔ نُمونہ ۔۔۔۔۔ نُمونیا ۔۔۔۔۔ عُشر عشیر ۔۔۔۔۔ دُرخشان ۔۔۔۔۔ عُنصر۔۔۔۔۔ عُجوبہ ۔۔۔۔۔ عُمرانیات ۔۔۔۔۔ مُحال ۔۔۔۔۔ عُظام (واحد ۔۔۔ بزرک ۔ بڑا) ۔۔۔۔۔ فُضول ۔۔۔۔۔ وُجوہ ۔۔۔۔۔ سُقم ۔۔۔۔۔ نُقاط ۔۔۔۔۔ حُدود ۔۔۔۔۔ قُیود ۔۔۔۔۔

■ یاد رکھیں!
(()) تمام دنوں کے نام مذکر ہیں (صرف جمعرات مؤنث ہے)
(()) تمام مہینوں کے نام مذکر ہیں۔
(()) تمام دریاؤں کے نام مذکر ہیں (صرف گنگا اور جمنا مؤنث ہیں)
(()) تمام دھاتوں کے نام مذکر ہیں (قلعی اور چاندی مؤنث ہے)
(()) تمام شہروں کے نام مذکر ہیں (دہلی کو دلی لکھیں تو مؤنث ہے)

■ درج ذیل الفاظ مذکر ہیں۔
اوقات ، کرتوت ، قالین ، جزم ، پستول ، ٹکٹ ، حلیم ، زہر ، عطر ، سگریٹ ، کمپوزنگ ، پیش ، لالچ ، بریک ، رنگ ، نب ، تار ، دہی ، جھاگ ، ٹی وی ، ٹیب ، فوٹو ، پت ، میل ، چرس ، تھوک ، فرج ، عوام(عامی کی جمع ہے ، سارے عوام بولا جائے گا ) مزاج ، ہوش ، عیش ، جہنم ، دوزخ ، مرض ، قبض ، کلام ، انتظار ، گوند ، ماضی ، انجیر ، لغت ، اخبار ، درد ، پٹ سن ، مرہم ، روڈ ۔

■ درج ذیل الفاظ مؤنث ہیں
شانِ نزول ، درگزر، ترازو ، جدول ، جمپر ، چپل ، محراب ، منبر ، گھاس ، ناک ، بارود ، ڈکار ، پتنگ ، جامن ، شطرنج ، مانند ، زیر ، سڑک ، قوم (واحد اور مؤنث ہے جبکہ عوام جمع اور مذکر ہے)

■ درج ذیل الفاظ مذکر اور مؤنث دونوں طرح بولے جاسکتے ہیں۔
گیند (لکھنو میں مذکر ، دہلی میں مؤنث)
شرائط (لکھنؤ ، مذکر اور دہلی میں مؤنث)
سانس (مؤنث ، اہل دہلی مذکر بھی بولتے ہیں)
فِکر (مؤنث، لکھنو میں مذکر بھی مستعمل ہے، بعض کے نزدیک خیال کے معنیٰ میں مذکر، پریشانی کے معنیٰ میں مونث)
بؑلبؑل (مذکر و مؤنث دونو طرح)
موتیا (دہلی ، مؤنث ۔۔۔ لکھنو، مذکر)
وجوہ (لکھنو، مذکر ۔۔۔ دہلی ، مؤنث)
ہراس (لکھنو ، مذکر ۔۔ دہلی ، مؤنث)
تراکیب (مؤنث ، لکھنو میں مذکر)
قمیص (مؤنث ، بعض نے مذکر باندھا ہے)
جلق (مؤنث ، دہلی میں مذکر)
نشوونما (دونوں طرح )
کلمات (دہلی میں مؤنث ، لکھنو میں مذکر)
بٹیر (دہلی ، مذکر ۔ لکھنؤ ، مؤنث)
گزند (دونوں طرح)
نِقاب (دونوں طرح)
طرز (دونوں طرح ، ترجیح مذکر کو)
مالا (دہلی میں مؤنث ، لکھنو میں مذکر)
متاع (دونوں طرح)
اِملا (مذکر ، بعض نے مؤنث باندھا)
کِلک (دونوں طرح)
جِہات (لکھنو میں مذکر ، دہلی میں مؤنث)
نفل (مؤنث ، دہلی میں مذکر ، لکھنو میں جمع نفلیں)
پریٹ (دہلی ، مذکر ۔۔۔ لکھنو میں مؤنث)
حکایات ( دہلی ، مؤنث ۔۔۔ لکھنو ، مذکر)
مَخمل (ترجیح مذکر کو ، بعض نے مؤنث بھی باندھا ہے)
مَحک (دونوں طرح ، ترجیح مؤنث کو)
قؑلقؑل (دونوں طرح)
قلم (لکھنے کا آلہ ، مذکر ، پہلے مؤنث بھی کہتے تھے)
قیود (مذکر ، دہلی میں مؤنث)
حدود (لکھنو ، مذکر ۔۔۔۔۔ دہلی ، مؤنث)

https://t.me/islamwitheman
⭕ ISLAM WITH EMAN ⭕

🔷 صحیح اور غلط الفاظ 🔷

■ یاد رکھیں کہ۔۔۔
خط کتابت (خط و کتابت غلط ہے)
معرکہ آراء (معرکتہ الآراء صحیح نہیں)
وتیرہ (وطیرہ ، غلط ہے)
روداد (روئیداد غلط ہے)
خاصا مشکل (کافی مشکل ، غلط ہے)
چاق چوبند (چاق و چوبند غلط ہے)
بلند بانگ (بلند وبانگ ، صحیح نہیں)
خوردنوش ( خوردونوش غلط ہے)
بے نیل مرام (بے نیل و مرام ، غلط ہے)
استفادہ کرنا (استفادہ حاصل کرنا غلط ہے)
دوران کے ساتھ '' میں '' بھی لکھنا چاہیے۔ درمیان کے ساتھ '' میں '' نہیں۔
تابعدار نہیں صرف تابع۔
بمعہ غلط ہے صرف '' مع '' (مع اہل و عیال) ''ذریعے'' فصیح ہے۔
قسم کھانا ، حلف اٹھانا ، صحیح ہے ۔ (قسم اٹھانا غلط ہے)
درستی (درستگی غلط ہے)
ناراضی (ناراضگی ، غلطی ہے)
علانیہ (اعلانیہ ، صحیح نہیں)
قرآت (قرات لکھنا ٹھیک نہیں)
دھوکا ( دھوکہ نہیں)
ٹھکانا (ٹھکانہ نہیں)
دکان (دوکان نہیں ، دوکان تو انسانی اعضاء میں سے ہیں) اور دکان دار (دکاندار نہیں)
اذان (آذان ، نہیں)
ائمہ (آئمہ نہیں)
عجز و انکسارِ (عجز و انکساری نہیں ، ہاں عاجزی اور انکسار ٹھیک ہے)
غیظ وغضب (غیض و غضب نہیں)

■ اسی طرح لکھتے وقت دو الگ الگ لفظوں کو اکٹھے نہیں لکھنا چاہیے۔
مثلا ::
ایسے ہی '' کے لیے '' الگ الگ لکھیں (کیلئے غلط ہے)
اھلِ لاہور (اھلیانِ لاہور صحیح نہیں)
بد (برا) ، بدتر (بہت برا) ، بدترین ( بہت ہی برا)
بہہ (اچھا ) ، بہتر (بہت اچھا ) ، بہترین (بہت ہی اچھا) جب ''ترین '' لگ جائے تو ساتھ ''سب سے'' لگانا عبث ہے۔
دیہہ(واحد) ، دیہات (جمع) (دیہاتوں صحیح نہیں)
نہیں کے بعد ''ہیں'' لکھنا بولنا زائد ہے۔
خوب کا معنی اچھا ہے ، خوب تر (بہت اچھا) ، خوب ترین (بہت ہی اچھا) ، خوب صورت ، خوب سیرت وغیرہ (خوب صورت مصرعہ ، خوب صورت تقریر وغیرہ صحیح نہیں)

■ "ھ" اور "ہ" میں فرق

"ھ" اور "ہ" میں کیا فرق ہے؟

"ھاں" اور "ہاں" کیا دونوں ٹھیک ہیں؟ اسی طرح "ہم" اور "ھم" اگر فرق ہے تو کیا ہے؟

اردو میں دو چشمی (ھ) کا استعمال مرکب حروف تہجی بنانے کے لئے ہوتا ہے۔ مثلاً:
بھ، پھ، تھ، ٹھ، جھ، چھ، دھ، ڈھ، گھ، اور لھ وغیرہ۔

بعض جگہوں پر خوب صورتی یا کسی اور وجہ سے لوگ ابتداء میں "ھ" کا استعمال کرتے ہیں مثلاً "ھم"، "ھماری" اور "ھاں" وغیرہ۔

لیکن یہ استعمال درست نہیں ہے۔ اول تو یہ کہ اردو میں "ھ" ابتداء لفظ میں کبھی آ ہی نہیں سکتا۔

کیوں کہ دوچشمی ‘‘ھ’’ کی اکیلی مستقل آواز نہیں ہے بلکہ اسے کسی دوسرے حرف کے ساتھ ملا کر لکھا اور پڑھا جاتا ہے۔ دو چشمی "ھ" اردو میں ہندی زبان سے اخذ کی گئی ہے اور یہ صرف چند حروف کے ساتھ ہی آسکتی ہے، اردو کے تمام حروف تہجی کے ساتھ نہیں آسکتی مثلاً:
بھ، پھ، تھ، ٹھ، جھ، چھ، دھ، ڈھ، گھ، اور لھ وغیرہ۔
اس کے علاوہ باقی حروف کے ساتھ دوچشمی "ھ" نہیں آتی، جبکہ ‘‘ہ’’ کی الگ مستقل آواز ہوتی ہے۔

ذیل میں دوچشمی "ھ" اور "ہ" کے چند جملے لکھے جا رہے ہیں، انہیں پڑھ کر آپ کو خود ہی اندازہ ہو جائے گا کہ ان دونوں کے پڑھنے میں کیا فرق ہے اور اُردو زبان میں یہ دو مختلف ھ/ہ الگ الگ کیوں رائج ہیں:

"ھ"👈 *بھ*: ننھے منے بچے سب کے من کو بھاتے۔ ہیں۔
"ہ"👈 *بہ*: لاپرواہ لوگ پانی زیادہ بہاتے ہیں۔

"ھ"👈 *پھ*: بچے نے کاپی کا صفحہ پھاڑ دیا۔
"ہ"👈 *پہ* : پہاڑ پر چڑھنا ایک دشوار کام ہے۔

"ھ"👈 *تھ* : میرا ایک دوست تھائی لینڈ میں رہتا ہے۔
"ہ"👈 *تہ*: ابھی تک صرف ایک تِہائی کام ہوا ہے۔
"ھ"👈 *ٹھ* : ان دونوں کی آپس میں ٹھنی ہوئی ہے۔
"ہ"👈 *ٹہ*: درخت کی ٹہنی پر چڑیا چہچہا رہی ہے۔

"ھ"👈 *جھ*: آج فضا بوجھل سی ہے۔
"ہ"👈 *جہ* : ابوجہل مردود جہالت۔

https://t.me/islamwitheman/4079
⭕ ISLAM WITH EMAN ⭕

🔷 قتلِ امام حسین علیہ السلام 🔷

قتلِ امام حسین علیہ السلام کا زیادہ فائدہ کس کو۔۔۔؟؟؟ کرنے والے کو یا پڑھنے والے کو۔۔۔؟؟؟
.
یزید لعین جب تخت نشین ہوا اسکی ناجائز باطل حکومت کو مولا امام حسین علیہ السلام سے خوف تھا اس لئے اس نے امام حسین علیہ السلام کو بیعت کا بہانہ بنا کر قتل کا ارادہ کیا جس کے لئے فوج تیار کی۔ لوگوں کو حکومت، وزارت، گورنری، مال و دولت کا لالچ دیا۔
.
ابن زیاد کو کوفہ کی گورنری دی۔ عمر سعد لعین کو رے کی گورنری کا لاچ دیا شمر لعین اور دوسرے سپاہیوں کو مال دولت کا لاچ دیا۔

الغرض یزیدی فوج کا ہر سپاہی مال و دولت کے لالچ میں امام حسین علیہ السلام کے قتل میں شامل ہوا۔

واقعہ کربلا کے بعد یزید نے فوجیوں کو انعام تو دیئے مگر اتنے نہیں دیئے جتنا ان کا جرم تھا جتنی انہیں امید تھی۔
.
فوج کے جرنیل عمر سعد ملعون کو رے کی گورنری نہیں دی گئی۔

یزید ملعون سمیت پورا لشکرِ یزید، امام حسین علیہ السلام کو قتل کرنے کا کوئی خاص فائدہ حاصل نہ کر سکا۔
.
64، 65 ھجری میں سارا لشکر جناب مختیار کے ہاتھوں واصل جہنم ہوا۔
.
شام میں مولا سجاد علیہ السلام و بیبی زینب سلام اللہ علیہا نے عزاداری کی بنیاد رکھی جو دن بدن پھیلتی گئی۔ حکومتیں پابندیاں لگاتی رہیں۔ مؤمنین نے مال و متاع تو کیا اپنی اولاد قتل کروا کر عزاداری کروائی۔

برصغیر پاک و ہند میں عزاداری کا سلسلہ شروع ہوا۔ کچھ ہمدرد مظلوم و سمجھدار لوگ لوگوں کو اکٹھا کرتے خود کرسی پر بیٹھ کر لوگوں کو کربلا کا واقعہ سناتے حسب توفیق مجمع کو نیاز اپنی جیب سے کھلاتے۔
.
پڑھنے والے صالحین، باادب، تہجد گزار ہوتے۔ اپنی جیب سے خرچ کر کے دور دراز تک عزاداری کی ترویج کرتے۔
.
پاکستان میں پڑھنے والوں میں اضافہ ہوتا گیا۔ پڑھنے والے نیاز لینے لگ گئے۔ پھر کچھ لالچ کے پجاریوں نے اس مقدس ذکر کو پڑھنا اور ساتھ نیاز میں بھی مک مکا کرنا شروع کر دیا۔ آہستہ آہسته پڑھنے والے مک مکا کے بغیر نہیں پڑھتے۔
.
سلسلہ آگے بڑھا خطیب و ذاکر اپنے سوزیوں، ڈرائیوروں کی نیاز علیحدہ لینے لگے۔

پھر درمیان میں ڈیلر آ گئے وہ مشہور ذاکر کو بلوا دیتے اپنی نیاز لیتے۔
پھر نیاز کو ”فیس” کہنے لگے۔
.
پڑھنے والوں نے بانیان کو بلیک میل کرنا شروع کر دیا۔ کوئی دعوت دیتا کہتے میری اس روز 4 مجالس ہیں، اگر سب کی فیس دے دو ساتھ قسم قسم کے کھانوں کی فرمائش پھر پڑھوں گا۔ اکثر بانی اپنی ناموری کیلئے دے دیتے۔

ذاکر کو گاڑی میں بیٹھتے وقت فیس دی جاتی اگر سو پچاس کم ہوتے بانی کے منہ پر یا زمین پر پھینک دینے کا رواج نکل پڑا۔

پھر جس ذاکر، خطیب کی گاڑی اچھی اس کی فیس اچھی، دعوتیں زیادہ۔

پھر مجلس کی کامیابی کیلئے ٹیمیں بن گئیں جو مجلس میں رونے کا فن کر کے ذاکر کو کامیاب کرتیں اور انکی فیس بھی بانی دیتا۔

کلاس کا ٹرینڈ چل پڑا ان کی فیس کھانا اے سی روم باقی نخرے بانی اٹھاتا۔

اب اےA بیB کی فیس
(1,50,000) عشرہ محرم چالیس لاکھ (40,00,000) تک پہنچ چکی جبکہ ساتھ ٹریںنڈ چل نکلا جب تک مقرر پڑھنے کے انتظار میں سٹیج کے نیچے بیٹھے گا 1000 روپے منٹ لے گا۔

نامور اب سال میں 5 کروڑ سے زیادہ کما لیتے ہیں۔ سب نہیں تو اکثریت۔ اور اولادیں نامِ مظلوم پر لیا ہوا پیسہ فحاشی، عریانی، عیاشی، عورتوں، لڑکوں، کتوں پر خرچ کر رہی ہے۔ بانی کہتا ہے میں نے امام کے نام پر دیا آگے ان کی مرضی جہاں خرچ کریں۔

جبکہ اکثریت بانی کے رشتہ دار پڑوسی دوست تنگدست، بیروزگار، بیمار اور مستحق ہوتے ہیں۔ ان کو امام مظلوم کے نام پہ دس روپے دے کر راضی نہیں کیونکہ وہاں نام نہیں نکلتا۔

الغرض ایک A کلاس خطیب ذاکر مقرر اپنی زندگی ذکرِ مظلوم کے نام سے تقریباً اگر اربوں نہیں تو ایک ارب کے قریب کما لیتا ہے اور قوم کو دیتا کیا ہے۔۔۔؟ مذہب آل محمد کیلئے کیا خرچ کرتا ہے۔۔۔؟

پڑھنے والوں نے کروڑوں کما لئے۔ کیا اتنا امام کو قتل کرنے والوں نے کمایا ہوگا.

ان دونوں یعنی قتل کرنے والوں میں اور قتل پڑھنے والوں میں فرق کیا رہ گیا۔

کیا یہ پڑھنے والے کربلا میں امام کا ساتھ دیتے یا یزید سے انعام لیتے........؟

تمام مؤمنین جواب سے آگاہ فرمائیں۔

قتلِ امام حسین علیہ السلام کا زیادہ فائدہ کس کو ہوا۔۔۔؟؟

قتل کرنے والوں کو یا قتل پڑھنے والوں کو....... ؟؟؟

https://t.me/islamwitheman
⭕ ISLAM WITH EMAN ⭕

🔷 مجلس اور نماز 🔷

مجلس تبلیغ اسلام، وعظ و نصیحت، امر بالمعروف و نہی عن المنکر اور مقصد شہادت امام حسین علیہ السلام کو دنیا والوں پر واضح کرنے کا بہترین اور اہم ذریعہ ہے۔
اِس کا یہ مطلب نہیں ہے کہ ہم اپنی رائے کو دین قرار دے کر یہ کہیں کہ مجلس کیلئے قضاء نہیں اور نماز کیلئے قضاء ہے۔ یہ ایک گمراہ کن بات ہے جس کی دین میں کوئی گنجائش نہیں۔

مولا امام علی علیہ السلام نے جنگِ صفین میں اور مولا امام حسین علیہ السلام نے کربلا میں تیروں کی بارش میں نماز قائم کر کے یہ ثابت کیا کہ جہاد جیسی افضل ترین عبادت سے بھی نماز افضل ہے اور یہ بات واضع کی کہ جہاد چھوڑا جا سکتا ہے لیکن نماز نہیں چھوڑی جا سکتی۔

یہ بات بھی ذہن میں رہے کہ مجلس کا وقت ہم مقرر کرتے ہیں۔ یہ ہماری مرضی ہے کہ جب چاہیں شروع کر لیں اورجب چاہیں ختم کر لیں۔جبکہ نماز کے اوقات خدا کے مقرر کردہ ہیں اور اس میں ہماری مرضی، دین میں مداخلت ہے۔

دوسری بات نماز تمام واجبات میں پہلا اور سب سے اہم واجب ہے۔ اس کا ثبوت یہ ہے کہ باقی واجبات کسی عذر و مجبوری کی بنا پر ترک کئے جا سکتے ہیں لیکن نماز میں کسی بھی صورت میں جھوٹ نہیں ہے۔ یہاں تک کہ فقہی مسئلہ موجود ہے کہ انسان غرق ہو رہا ہو، نماز کا آخری وقت ہو تو اس حالت میں جیسے بھی ممکن ہو نماز پڑھنا واجب ہے۔

سب سے افضل ترین مجلس وہ ہے کہ جو ترغیبِ نماز کا باعث بنے نہ کہ ترکِ نماز کا باعث بنے۔

احادیث معصومین علیہم السلام کے مطابق مستحبات واجبات کے لئے ایک سیڑھی ہیں۔ سیڑھی چھت پر چڑھنے کا ایک وسیلہ ہے۔ اگر وسیلہ کو ہم سب کچھ سمجھ لیں تو چھت پر نہیں پہنچ سکتے۔ چھت منزل ہے۔ سیڑھی راستہ ہے جو منزل کو چھوڑ کر صرف اس کو اپنا لے وہ کبھی منزل پر نہیں پہنچ سکتا۔
اسی طرح مستحبات راستہ ہیں۔ واجبات منزل ہے۔ لٰہذا ہم نے مستحبات کے راستے واجبات پہنچنا ہے اور یہی سیرت اہل بیت علیہم السلام ہے اور جو سیرت اہل بیت علیہم السلام پر نہیں چلتا وہ گمراہ ہو جاتا ہے۔

ہمارے معاشرے کی ایک بڑی خرابی یہ ہے کہ ہم مستحبات کی خاطر واجبات کو چھوڑ دیتے ہیں۔مثلاً عزاداری کی خاطر نماز کو ترک کر دیتے ہیں۔اس سے اہلبیت علیہم السّلام راضی نہیں کیونکہ یہ آلِ محمد کی تعلیمات کے سراسر خلاف ہے۔ جب تک ترکِ واجبات کی غیر اسلامی رسم کو ہم ترک نہیں کریں گے ہم حقیقی عزادار نہیں بن سکیں گے۔

🔘 امید کرتا یوں آج کا درس آپ ممبرز کو بہت پسند آیا ہوگا اور اِس کو آگے شیئر بھی کریں گے کیونکہ عزاداری مقصدِ امام حسینؑ نہیں یہ تو عشقِ حسینؑ ابنِ علیؑ ہے جبکہ نماز مقصدِ امام حسینؑ ابنِ علیؑ ہے۔

https://t.me/islamwitheman/4081
⭕ ISLAM WITH EMAN ⭕

🔷 برے کیلیے اسکی برائی ہی کافی ہے 🔷

پرانے زمانے میں ایک بادشاہ تھا، اس کے پاس ایک شخص کا آنا جانا تھا، جب کبھی وہ بادشاہ کے پاس آتا، تو بادشاہ کے بازو ہی میں بیٹھتا اور کہتا کہ اے بادشاہ! اچھے لوگوں کے ساتھ اچھا سلوک کرو کیونکہ برے لوگوں کے لیے ان کی برائی ہی کافی ہے۔

بادشاہ کے دربار میں ایک دوسرا درباری تھا، جب اس نے دیکھا کہ یہ تو بادشاہ کو نصیحت کرتا ہے اور بادشاہ بھی اس کی نصیحت غور سے سنتے ہیں اور اس کی خوب عزت کرتے ہیں، اس طرح تو بادشاہ کی نگاہ میں اس کا مرتبہ مجھ سے بڑھ جائےگا۔
اس لیے اس کو حسد ہونے لگا اور اس نے ایک چال چلی، بادشاہ کے پاس آیا اور کہنے لگا کہ جو شخص آپ کے پاس آتا جاتا ہے اور آپ کو نصیحت کرتا رہتا ہے، آپ کو معلوم ہے کہ آپ کے بارے میں اس کا کیا خیال ہے۔۔۔؟
بادشاہ نے کہا: نہیں۔

اس شخص نے کہا: بادشاہ سلامت! وہ تو یہ سمجھتا ہے کہ آپ کے منہ سے بدبو آتی ہے۔
بادشاہ نے کہا: ایسا کیسے ہو سکتا ہے...؟

اس نے کہا: آپ اس کو بلائیے پھر دیکھیے، جب وہ آپ کے قریب ہوگا، تو وہ اپنی ناک پر ہاتھ رکھ لے گا تاکہ بدبو نہ آئے۔
بادشاہ نے کہا: ٹھیک ہے، ذرا اسے بلاؤ۔

وہ پہلے بھاگتا ہوا اس آدمی کے پاس پہنچا اور اس سے کہا: آج میری طرف سے تجھے کھانے کی دعوت ہے پھر اس کو ساتھ لے کر اپنے گھر آیا اور اس کو ایسا کھانا کھلایا جس میں پیاز اور لہسن ملی ہوئی تھی، اس کے بعد وہ شخص بادشاہ کے پاس گیا اور اپنی عادت کے مطابق بادشاہ کے پاس بیٹھ گیا اور نصیحت کرنے لگا۔ بادشاہ نے کہا: ذرا قریب آیئے۔ تو اس نے اپنے منہ پر ہاتھ رکھ لیا تاکہ بادشاہ کو اس کے منہ کی پیاز اور لہسن کی بدبو کا احساس نہ ہو۔ یہ دیکھ کر بادشاہ کو یقین ہو گیا کہ وہ شخص ٹھیک کہہ رہا تھا۔ واقعی یہ شخص یہی سمجھتا ہے کہ میرے منہ سے بدبو آتی ہے۔ بادشاہ کو بڑا غصہ آیا اور اس نے سزا دینے کا ارادہ کر لیا۔ بادشاہ کی عادت تھی کہ انعام کے لیے شاہی حکم لکھ کر دیتا اور سزا کے لیے زبانی حکم کرتا تھا لیکن معاملہ کو راز میں رکھنے کے لیے اس نے سزا کے لیے اپنے نمائندہ کو خط لکھا۔ جس میں لکھا تھا ”جو شخص تمہارے پاس یہ خط لے کر آئے، اس کو قتل کر کے اس کی کھال میں بھوسا بھر کر میرے پاس بھیج دو“ اور پھر وہ خط اس شخص کو دے دیا اور کہا: فلاں کو جاکر دے دو۔ راستے میں اس کی ملاقات اس حاسد سے ہو گئی جس نے بادشاہ کے سامنے چال چلی تھی تو اس نے پوچھا: یہ کیسا خط ہے؟ بادشاہ نے تو یہ انعام میرے لیے لکھ کر دیا ہے؛ اس لیے یہ مجھے دے دو۔ چنانچہ اس نے وہ خط اس کو دے دیا۔ پھر کیا تھا اس نے خوشی خوشی اسے لیا اور بادشاہ کے نمائندے کے پاس پہنچا۔

نمائندے نے کہا کہ اب تمہیں قتل کروں گا کیونکہ اس میں لکھا ہے کہ میں تجھے قتل کر دوں اور تیری کھال میں بھوسا بھر کر بادشاہ کے پاس بھیج دوں۔ پھر تو وہ چیخنے چلانے اور رونے دھونے لگا اور کہنے لگا: یہ خط بادشاہ نے میرے لیے نہیں لکھا، اگر آپ چاہیں تو معلوم کرلیں۔ اس نے کہا: بادشاہ کے خط آجانے کے بعد تحقیق کی کوئی ضرورت نہیں ہے۔ آخرکار اس نمائندہ نے اس کو قتل کر دیا۔

اگلے دن جب وہ نصیحت کرنے والا شخص بادشاہ کے پاس آیا تو بادشاہ کو بہت حیرت ہوئی، اس نے پوچھا: تم یہاں، وہ خط کہاں ہے ....؟ تب اس نے بادشاہ کو ساری کہانی بتائی کہ ایک شخص سے میری ملاقات ہوئی، اس نے مجھ سے وہ خط مانگ لیا کہ دے دو، میں پہنچا دوں گا۔ چنانچہ میں نے وہ خط اسی کو دے دیا۔ پھر بادشاہ نے اس سے پوچھا کہ وہ تیرے بارے میں کہتا تھا کہ تو یہ کہتا ہے کہ بادشاہ کے منہ سے بدبو آتی ہے؟ اس نے کہا: نہیں، کس نے کہہ دیا ہے؟ بادشاہ نے کہا: جب میں نے اس دن تجھے قریب آنے کے لیے کہا تھا تو تم نے منہ پر ہاتھ کیوں رکھ لیا تھا؟ تو اس نے دعوت اور لہسن و پیاز کھانے والی بات بتا دی۔ بادشاہ سمجھ گیا کہ یہ سچا آدمی ہے، وہی اس کا حاسد تھا اور اپنے انجام کو پہنچ گیا، اس لیے یہ صحیح کہا کرتا تھا کہ ”برے کے لیے اس کی برائی ہی کافی ہے۔“

🔘 دوستو! یہ ہے حسد کا انجام۔ اس لئے کسی سے حسد مت کریں، حسد کا مطلب ہے ”کسی کے عیش و آرام اور بلند مرتبے کو دیکھ کر جلنا“ یہ بہت بڑا گناہ ہے اس لیے اس سے ہمیشہ بچیں۔

📚 [احیاء علوم الدین لمحمد الغزالی: ٣ / ١٨٨]

https://t.me/islamwitheman/4039
⭕ ISLAM WITH EMAN ⭕

🐟 مچھلی سردیوں کا تحفہ 🐟

یوں تو سارا سال ہی مچھلی کھائی جاتی ہے لیکن موسم سرما کے آتے ہی مچھلی کی مانگ میں اضافہ ہوجاتا ہے، صحت پر بے شمار فوائد کے حصول کے سبب طبی ماہرین کی جانب سے بھی مچھلی کاا ستعمال تجویز کیا جاتا ہے۔

ماہرین غذائیت کے مطابق سفید گوشت میں شمار کی جانے والی مچھلی میں پروٹین آیوڈین، سلینیم، زنک، وٹامن D اور وٹامن B12 جیسے مفید اجزا پائے جاتے ہیں اور اسے دماغ کی غذا بھی قرار دیا جاتا ہے۔

غذائی ماہرین کے مطابق مچھلی اومیگا 3 جیسے بنیادی اہم غذائی اجزا سے بھرپور ہوتی ہے، ایک ہفتے میں دو بار مچھلی ضرور کھانی چاہیے جبکہ ایک بار کھال سمیت اور دو سے تین بار کھال کے بغیر کھانا مفید ہے۔
مچھلی کی کھال میں اومیگا تھری فیٹی ایسڈ کی بھرپور مقدار پائی جاتی ہے، مچھلی کی کھال دل کی بیماریوں، کینسر اور فالج اٹیک سے بھی بچاتی ہے، وٹامن ڈی کے حصول کے لیے بھی مچھلی کو اپنی خوراک کا حصہ بنانا چاہیے۔

ماہرین کے مطابق جہاں مچھلی کھانا مفید ہے وہیں مچھلی کے زیادہ استعمال کے سبب صحت پر نقصانات بھی آ سکتے ہیں۔

ماہرین کے مطابق دنیا بھر میں سمندر اور دریاؤں میں دن بہ دن گندگی بڑھتی جا رہی ہے، اسی لیے اب مچھلی کھانے یا اس کے زیادہ استعمال کے نتیجے میں افادیت پر اثر پڑا ہے۔

نیوٹریشنسٹس کے مطابق ہر غذا کے زیادہ استعمال کے نتیجے میں نقصانات کا سامنا کرنا پڑتا ہے، پہلے برسوں کے مقابلے میں اب مچھلی پہلے جیسی مفید نہیں رہی ہے، اسی لیے اگر مچھلی ہفتے میں دو سے تین بار 3 سے 4 مہینوں کے لیے استعمال کر لی جائے تو اس کے نقصانات کم اور فوائد زیادہ ہیں جبکہ اگر یہی مچھلی سالہا سال کھائی جائے تو اس کے صحت پر نقصانات آ سکتے ہیں۔

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس دیکھنے کے لیے مطلوبہ پوسٹ کے لنک پر کلک کریں ۔۔۔

🐟 مچھلی کھانے کے اثرات
https://t.me/islamwitheman/2865

🐟 مچھلیوں کی اقسام
https://t.me/islamwitheman/2866

🐟 مچھلی کھانے کے فوائد
https://t.me/islamwitheman/2867

🐟 روہو مچھلی
https://t.me/islamwitheman/2868

🐟 گلے میں پھنسے مچھلی کے کانٹے کا حل
https://t.me/islamwitheman/2869

🐟 مچھلی ذبح کیوں نہیں کی جاتی؟
https://t.me/islamwitheman/2870

🐟 مچھلی کے ساتھ دودھ پینا یا انڈا کھانا
https://t.me/islamwitheman/2871

🐟 ملی مچھلی مشخ شدہ
https://t.me/islamwitheman/2893

🐟 مچھلی سردیوں کا تحفہ
https://t.me/islamwitheman/4084
⭕ ISLAM WITH EMAN ⭕

💝 لفظ "اسلام” کے کیا معنی ہیں؟ 💝

اس سوال کا جواب تین اعتبارات سے دیا جاسکتا ہے یا پھر یوں کہہ لیجئے کہ لفظ اسلام کے تین معنی ہیں۔ پہلا لغوی معنی، دوسرا اصطلاحی معنی اور تیسرا قانونی معنی۔

■ لغوی معنی:
لغوی معنی کے اعتبار سے اسلام لفظ ‘سلام’ یعنی سلامتی سے نکلا ہے اور سلام کا مادہ لفظ ‘س ل م’ یعنی خود کو مکمل حوالے کر دینا ہے۔ اس لحاظ سے اسلام کے لغوی معنی یہ ہوئے کہ خود کو احکام الہی کے سامنے مکمل سپرد کر دینا اور یوں معاشرے میں سلامتی کا مظہر بن جانا۔ گویا سلم سے سلام کا سفر اسلام ہے۔

■ اصطلاحی معنی
اصطلاحی معنی درحقیقت وہ معروف معنی ہے جو معاشرے میں رائج ہیں اور اس کے اعتبار سے ‘اسلام’ شریعت محمدی صلی اللہ علیہ وآلہ وسلم کو قبول کرنے کا نام ہے۔ حالانکہ قران حکیم نے مختلف شریعت کے حامل دیگر انبیاء اور ان کے پیروکاروں کو بھی مسلم ہی کہا ہے۔ مگر جیسے عرض کیا کہ اصطلاحی یا معروف معنی آج یہ ہیں کہ وہ شخص جو رسالت و شریعت محمدی صلی اللہ علیہ وآلہ وسلم کی تصدیق کرتا ہو۔ اسی لئے جب کوئی شخص یہ تصدیق کرتا ہے تو ہم سب کہتے ہیں کہ وہ ‘اسلام’ لے آیا ہے۔

■ قانونی معنی
قانونی معنی وہ معنی ہیں جو شرعی نصوص سے ثابت ہوں۔ اس اعتبار سے اسلام ظاہر سے متعلق ہے اور ایمان باطن سے۔ گو اخروی نجات ایمان کے بناء ممکن نہیں۔

https://t.me/islamwitheman
⭕ ISLAM WITH EMAN ⭕

💞 اللہ تعالٰی کی محبت 💞

وہ سات الفاظ جو اللہ تعالیٰ نے آپ سے محبت کے اظہار کے لئے استعمال کیے ہیں۔ اور یہ الفاظ اس طرح استعمال کیے ہیں، کہ جیسے آپ کو اللہ تعالیٰ کی محبت میں شک و شبہے کی گنجائش ہی نہیں دی۔ وہ کہتا ہے میں لازمی تم سے محبت کرتا ہوں۔

❶ البقرہ
إِنَّ اللَّہَ یُحِبُّ الْمُحْسِنِینَ (۱۹۵)
اللہ تعالیٰ احسان کرنے والوں سے ہی محبت کرتا ہے۔

❸❷ البقرہ
إِنَّ اللَّہَ یُحِبُّ التَّوَّٰبِینَ وَیُحِبُّ الْمُتَطَہِّرِینَ (۲۲۲)
اللہ تعالیٰ توبہ پر توبہ کرنے والوں اور پاک صاف رہنے والوں سے ہی محبت کرتا ہے۔

❹ آل عمران
واللَّہُ یُحِبُّ الصَّٰبِرِینَ (۱۴۶)
اور اللہ تو صبر کرنے والوں سے ہی محبت کرتا ہے۔

❺ آل عمران
إِنَّ اللَّہَ یُحِبُّ الْمُتَوَکِّلِینَ (۱۵۹)
اللہ تو توکل کرنے والوں سے ہی محبت کرتا ہے۔

❻ المائدہ
إِنَّ اللَّہَ یُحِبُّ الْمُقْسِطِینَ (۴۲)
اللہ تو انصاف کرنے والوں سے ہی محبت کرتا ہے۔

❼ توبہ
إِنَّ اللَّہَ یُحِبُّ الْمُتَّقِینَ (۴)
اللہ تو پرہیزگاروں سے ہی محبت کرتا ہے۔

اللہ تعالیٰ ہم سب مسلمانوں کو اپنی محبت پانے والے خوش نصیبوں میں شامل فرمائے، آمین۔

https://t.me/islamwitheman
⭕ ISLAM WITH EMAN ⭕

🔷 جاہل مرکب و جاہل مطلق 🔷

ہمارے معاشرے میں دو لفظ عام بولے جاتے ہیں کہ فلان جاھل مطلق ہے یا فلاں جاہل مرکب ہے
جبکہ اکثریت اس کے مفہوم سے ناواقف ہوتی ہے اسلئے اس کی وضاحت ضروری ہے۔۔۔

دراصل بنیادی طور پر جاننے اور نہ جاننے کی چند صورتیں ہیں۔۔۔
1. میں جانتا ہوں کہ میں جانتا۔
2. میں نہیں جانتا کہ میں جانتا ہوں۔
3. میں نہیں جانتا کہ میں نہیں جانتا۔
3. میں جانتا ہوں کہ میں نہیں جانتا۔

1۔ پہلی قسم علم مرکب کی ہے، یعنی دوہرا علم۔

2۔ دوسری قسم علم مطلق کی ہے یعنی سنگل علم۔

3. تیسری قسم جہل مرکب کی یعنی دہرا جہل۔

4۔ چوتھی قسم جہل مطلق کی ہے یعنی سنگل جہل۔

اب جاہل مطلق کون ہے جو جاھل ہے لیکن وہ اپنی جہالت کی طرف متوجہ ہے اور جانتا ہے کہ میں نہیں جانتا۔

لیکن جاہل مرکب اس جاہل کو کہتے ہیں جو جاہل تو ہے لیکن وہ نہیں جانتا کہ وہ جاہل ہے۔

جاہل مطلق افراد کی اصلاح آسان ہے کیونکہ وہ جانتے ہیں کہ وہ جاہل ہیں لیکن جاہل مرکب افراد کی اصلاح مشکل ہے کیونکہ وہ ہیں تو جایل لیکن وہ نہیں جانتے کہ وہ جاہل ہیں اور خود کو عالم سمجھتے ہیں۔

ہمارے معاشرے کی اصل بیماری جاہل مرکب افراد کی ہے جو جاہل ہو کے بھی خود کو عالم فاضل سمجھتے ہیں۔
جب تک وہ خود کو جاہل نہیں سمجھیں گے وہ کبھی اپنی اصلاح نہیں کر سکتے اس لیے جاہل ہونا عیب نہیں جاہل ہو کے عالم سمجھنا عیب اور لا علاج مرض ہے۔

خدا ہمارے معاشرے کو جاہل مرکب افراد کے شر سے محفوظ رکھے. آمین

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🌷 حیثیت 🌷

کہتے ہیں محمود غزنوی کا دور تھا ايک شخص کی طبیعت ناساز ہوئی تو وہ طبیب کے پاس گیا
اور کہا کہ مجھے دوائی بنا کے دو۔

طبیب نے کہا کہ دوائی کے لیے جو چیزیں درکار ہیں سب ہیں سوائے شہد کے۔ تم اگر شہد کہیں سے لا دو تو میں دوائی تیار کیے دیتا ہوں۔

اتفاق سے موسم شہد کا نہیں تھا ۔۔

اس شخص نے حکیم سے ایک ڈبا لیا اور چلا گیا لوگوں کے دروازے کھٹکھٹانے لگا مگر ہر جگہ مایوسی ہوئی۔ جب مسئلہ حل نہ ہوا تو وہ محمود غزنوی کے دربار میں حاضر ہوا۔

کہتے ہیں وہاں ایاز نے دروازہ کھولا اور دستک دینے والے کی رواداد سنی اس نے وہ چھوٹی سی ڈبیا دی اور کہا کہ مجھے اس میں شہد چاہیے۔ ایاز نے کہا آپ تشریف رکھیے میں بادشاہ سے پوچھ کے بتاتا ہوں ۔۔

ایاز وہ ڈبیا لے کر بادشاه کے سامنے حاضر ہوا اور عرض کی کہ بادشاه سلامت ایک سائل کو شہد کی ضرورت ہے ۔۔

بادشاہ نے وہ ڈبیا لی اور سائیڈ میں رکھ دی۔ ایاز کو کہا کہ تین بڑے ڈبے شہد کے اٹھا کے اس کو دے دیے جائیں۔

ایاز نے کہا حضور اس کو تو تھوڑی سی چاہیے
آپ تین ڈبے کیوں دے رہے ہیں ۔۔

بادشاه نے ایاز سے کہا ایاز وہ مزدور آدمی ہے اس نے اپنی حیثیت کے مطابق مانگا ہے۔ ہم بادشاہ ہیں ہم اپنی حیثیت کے مطابق دینگے۔

مولانا رومی فرماتے ہیں ۔۔
آپ اللہ پاک سے اپنی حیثیت کے مطابق مانگیں وہ اپنی شان کے مطابق عطا کریگا شرط یہ ہے کہ
مانگیں تو سہی۔ وہ بڑا غفور و رحیم ہے۔

لاکھوں درود و سلام محمّد اور اس کے آل پر۔

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 شادی میں تدلیس 🔷

جو لڑکیاں اپنی عمر چھپاتی ہیں یا میک اپ کے ذریعے مردوں کو دھوکہ دیتی ہیں۔ اسی طرح وہ مرد جو لڑکی کو نوکری یا بزنس غلط بتا کر دھوکے سے شادی کرتے ہیں وہ متوجہ ہو جائیں۔

فقہ میں ایک اصطلاح استعمال ہوتی ہے "تدلیس" جسے اردو میں دھوکہ کہا جاتا ہے۔ اسکی مختصر تشریح یہ ہے کہ اگر کوئی لڑکا کسی لڑکی کو شادی پے راضی کرنے کے لئے یا لڑکی کسی لڑکے کو شادی پے راضی کرنے کے لئے جھوٹ بولے یا ایسا کام کرے جسکی وجہ سے دوسرے کو دھوکہ ہو جائے تو اسے تدلیس کہا جاتا ہے۔
اور جب تدلیس ہو جائے تو مدمقابل کو نکاح فسخ کرنے کا حق ہوتا ہے۔ اس میں طلاق کی بھی ضرورت نہیں رہتی اور نہ ہی حق مہر دینا ضروری ہے۔
مثال کے طور پر اگر لڑکی اپنی عمر چھپائے اور کم کر کے بتائے مثلا 21 سال کی لڑکی کہے کہ اسکی عمر 20 سال ہے۔ یا لڑکا تازہ تصویر مانگے اور لڑکی پرانی تصویر بھیج دے یا لڑکا نارمل تصویر مانگے اور لڑکی میک اپ شدہ یا موبائل میں موجود میک اپ والے اپلیکیشن کے ذریعے تصویر بنا کر بھیجے جسکی وجہ سے لڑکے کو دھوکہ ہو جائے تو یہ تدلیس ہے۔

اسی طرح اگر لڑکا اپنی کمائی، یا نوکری میں جھوٹ بول کر لڑکی کو دھوکہ دے تو یہ تدلیس ہے۔

نوٹ: ان تمام مثالوں میں ایک نکتہ ضروری ہے وہ یہ کہ جو عمر لڑکے کو بتائی گئی ہے یا جو تصویر دکھائی ہے یا کمائی اور نوکری کا بتایا گیا ہے وہ نکاح میں شرط کے طور پر رکھے مثلا کہے کہ میں اس شرط پر نکاح پے راضی ہوں کہ لڑکی کی عمر 20 سال ہو وغیرہ
یا صفت کے طور پر رکھے مثلا کہے کہ میں ایسی لڑکی سے نکاح پے راضی ہوں جسکی عمر 20 سال ہے۔
یا یہ دونوں نہ ہوں لیکن منگنی کے وقت یا پہلے بات کرتے وقت اسکی عمر 20 سال بتائی گئی تھی اور لڑکے نے اسی پر اعتماد کرتے ہوئے عقد کی بنا اسی پر رکھی ہو لیکن بعد میں عمر زیادہ نکل آئے تو اس صورت میں تدلیس متحقق ہوگی اور نکاح فسخ کر سکتے ہیں۔
لیکن اگر صورت حال یوں ہو کہ مثلا لڑکے کو دھوکہ تو دیا گیا ہے لیکن عمر کی مقدار نہ عقد میں شرط کے طور پر رکھی ہو نہ وصف کے طور پر اور نہ ہی عقد کی بنا اس پر ہو تو فسخ کا حق نہیں ہوگا.
مثال کے طور پر لڑکے سے کہا گیا کہ اسکی عمر 20 سال ہے اور لڑکے نے مان لیا لیکن اسے کوئی فرق نہیں پڑتا چاہے عمر 20 ہو یا 21 یا زیادہ اس صورت میں کہا جائے گا کہ عقد کی بنا اس عمر کی مقدار پر نہیں رکھی گئی تھی لہذا فسخ کا حق حاصل نہیں.

نوٹ: عمر کی مثال وضاحت کے لئے دی ہے باقی تصویر، نوکری، کمائی وغیرہ کو اسی مثال پر خود ہی تطبیق (فٹ) کرلیں۔

■ سید سیستانی دام ظلہ کے ویب سائٹ سے کچھ سوال و جواب (اردو ترجمہ میں) ملاحظہ کیجئے:

ترجمہ سوال: اگر میاں یا بیوی اپنی عمر میں سے کچھ کم کرے تو کیا یہ تدلیس ہے اور تدلیس کے احکام جاری ہوں گے؟
جواب: جی ہاں اگر عمر کی وہ مقدرا عقد میں شرط یا وصف کے طور پر بیان کرے یا منگنی وغیرہ کے وقت عمر بیان کی گئی ہو اور عقد کی بنا اسی پر رکھے تو تدلیس ہوگی.
.
ترجمہ سوال: کیا کسی کنواری کے لیے شادی کی نیت سے خصوصی خواتین کی محفلوں میں توجہ دلانے اور خوبصورتی بڑھانے کی نیت سے ہلکے کاسمیٹکس پہننا جائز ہے؟ کیا یہ جسمانی خرابیوں کو چھپانا ہے؟
جواب: اس کے لیے ایسا کرنا جائز ہے اور اسے نقائص کو چھپانا نہیں سمجھا جاتا، حالانکہ اگر اسے ایسا ہی سمجھا جائے تو یہ منع نہیں ہوگا جب تک کہ وہ اس سے اس شخص کو تدلیس (دھوکہ) نہ دے جو اس سے شادی کرنا چاہتا ہے۔

ترجمہ سوال: کیا بالوں کو رنگنے کی اجازت ہے۔ مکمل یا جزوی طور پر خواتین کی خصوصی محفلوں میں شادی کے لیے توجہ مبذول کرانے کی نیت سے؟
جواب: اگر یہ فقط زینت کے لیے ہو بغیر تدلیس (دھوکے) کے جیسے کسی عیب یا بڑی عمر کو چھپانے کے لئے تو اس میں کوئی حرج نہیں۔

■ نکاح میں خیار تدلیس
ان عیبوں کے علاوہ جن کا ذکر گزر چکا ہے کہ وہ خیار عیب کے ذریعے ثابت ہوتے ہیں- اس وقت ثابت ہوتا ہے، جب میاں بیوی میں سے کوئی ایک عیب چھپاتا ہے، چاہے اس کی اصلی خلقت میں نقص ہو جیسے کانا ہونا یا اصلی خلقت میں زیادتی ہو جیسے عورت کے لیے داڑھی، یا جب صفت کمال کے وجود کا وہم ہو جبکہ اس میں اس کا وجود نہ ہو، جیسے عزت، نسب، خوبصورتی، کنوارہ پن وغیرہ۔ (منہاج الصالحین ، حصہ 3 ، مسئلہ281۔)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹیں دیکھنے کے لیے لنک پر کلک کریں۔۔۔

💕 شریک حیات کے حقوق

https://t.me/islamwitheman/529

🌹 نکاح کی فضیلت
http://t.me/islamwitheman/1312

🌹 ارادہ نکاح کے آداب
http://t.me/islamwitheman/1316

🌸 شب زفاف کے اعمال
http://t.me/islamwitheman/1321

🌹 زوجین کے بارے احادیث
https://t.me/islamwitheman/2232

🔷 خطبہ نکاح
https://t.me/islamwitheman/2239

🌺 شریک حیات کے انتخاب کا معیار
https://t.me/islamwitheman/2498

🌷 جلد نکاح کی ترغیب
http://t.me/islamwitheman/2502
⭕ ISLAM WITH EMAN ⭕

🔷 قرآن مجید میں آیات کی تعداد 🔷

سوال: قرآنی آیات کی تعداد کتنی ہے؟
جواب: عام طور سے مشہور یہ ہے کہ قرآن مجید کی کل چھ ہزار چھ سو چھاسٹھ (6666) آیات ہیں لیکن حقیقت اس کے برعکس ہے۔۔۔

ہمارے بعض دوستوں اور جاننے والوں نے باقاعدہ طور سے وقت صرف کر کے قرآن مجید کی آیات کو خود بھی گنا لیکن مذکورہ بالا تعداد پوری نہ ہو سکی۔ حتی بعض نے تین تین چار چار مختلف قرآن سامنے رکھ کر بھی آیات کو شمار کیا لیکن مذکورہ بالا تعداد کو پورا کرنے سے قاصر رہے۔

اس سلسلہ میں مسلمہ قول یہ ہے کہ قرآن مجید کی آیات چھ ہزار سے زیادہ ہیں لیکن زیادہ کی تعداد کے بارے میں اختلافِ رائے پایا جاتا ہے۔

واضح رہے کہ قرآنی آیات کی تعداد میں اس اختلاف کا سبب آیات کی کمی یا زیادتی سے مربوط نہیں ہے بلکہ اس اختلاف کا بنیادی سبب آیات کی گنتی اور آیت کی ابتداء اور انتہا سے مربوط ہے۔ جس کے چند نمونے مندرجہ ذیل ہیں:

1۔ بعض نے حروف مقطعه کو ایک مستقل آیت شمار کیا ہے جبکہ بعض نے ان حروف کو مستقل آیت شمار نہیں کیا۔
2۔ بعض نے سورہ رحمان میں "مدهامتان" { الرحمن: 64} کے علاوہ پورے قرآن مجید میں کسی دوسرے تنہا لفظ کو مکمل آیت شمار نہیں کیا جبکہ بعض نے متعدد تنہا کلمات کو مستقل آیت شمار کیا ہے جیسے "والنجم"، "والضحی"، "و العصر"۔
3۔ علوم قرآن کے بعض محققین صرف "وقف" کو آیت کے خاتمہ کی علامت سمجھتے اور "وصل" کو ایک ہی آیت ہونے کی نشانی قرار دیتے ہیں جبکہ بعض صرف "وصل" کو ایک ہی آیت ہونے کی علامت نہیں سمجھتے کیونکہ اُن کے نزدیک کبھی پیغمبر اکرم (ص) آیات کے باہمی ربط کی بنا پر وقف کے بغیر تلاوت کرتے تھے جبکہ وہ آیات الگ الگ اور مستقل ہوتی تھیں۔
4۔ صحابہ کے زمانے ہی سے قرآن مجید کی متعدد قراءت پائی جاتی تھیں اور عربوں کے درمیان قبائل کے مختلف لہجوں کی بنا پر تمام مسلمانوں کا ایک قراءت پر متفق ہونا بھی بہت مشکل تھا۔ یہی وجہ ہے کہ قرآن مجید کی سات قراءت مشہور ہیں جو سات قاریوں کے نام سے ہیں جن سب کے درمیان قرآنی آیات کی تعداد، آیات کے خاتمہ کی جگہ اور سورتوں کے شروع میں بسم اللہ کو مستقل آیت شمار کرنے کے حوالے سے اختلافِ رائے پایا جاتا ہے۔
مثلا ایک قاری «صراط الذين انعمت عليهم» کو ایک آیت اور «غير المغضوب عليهم و لا الضالين» کو دوسری آیت شمار کرتا ہے جبکہ دوسرے قاری کی نظر میں یہ دونوں ایک ہی آیت کے دو حصے ہیں۔

اسی وجہ سے قرآنی آیات کی تعداد کے سلسلہ میں مختلف روایات اور نظریات سامنے آئے اور ہر گروہ نے اپنی نظر میں قابلِ اعتبار روایات کو سامنے رکھتے ہوئے مخصوص تعداد بیان کی، یہاں تک کہ یہی اختلاف سبب بنا کہ مکی، مدنی، کوفی، بصری اور شامی قراءتوں کے مطابق آیات کی مختلف تعداد بیان ہوئی۔

البتہ ظاہری طور سے محسوس ہوتا ہے کہ ان اقوال میں سے صحیح ترین قول کوفی عدد ہے یعنی قرآن مجید کی کل آیات چھ ہزار دو سو چھتیس (6236) ہیں، اور یہی تعداد صحیح سند کے ساتھ حضرت علی علیہ السلام سے بھی نقل ہوئی ہے۔

📜 ثم قال النبي ص جميع سور القرآن مائة و أربع عشرة سورة و جميع آيات القرآن ستة آلاف آية و مائتا آية و ست و ثلاثون آية و جميع حروف القرآن ثلاثمائة ألف حرف واحد و عشرون ألف حرف و مائتان و خمسون حرفا؛ (مجمع البیان، ج۱۰ ص۱۱۴)
ترجمہ:
"پھر نبی اکرم (ص) نے فرمایا کہ قرآن کی کل سورتیں ایک سو چودہ ( 114) اور کل آیات چھ ہزار دو سو چھتیس ( 6236 ) اور کل حروف تین لاکھ اکیس ہزار دو سو پچاس (321250) ہیں"۔

یہی قول اہلسنت کے مشہور مفسر سیوطی نے الاتقان میں بھی سند کے ساتھ ذکر کیا ہے۔

پس قرآنی آیات کی تعداد میں اختلاف، قرآن مجید میں کمی یا زیادتی کی وجہ سے نہیں ہے کیونکہ یہ اختلاف دوسرے پہلوؤں سے ہے جن کا ذکر اوپر کیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزيد پوسٹیں دیکھنے کے لیے مطلوبہ لنک پر کلک کریں ۔۔۔

🔵 قرآن کی بہترین دعائیں
https://t.me/islamwitheman/37

🌹 قرآن مجید کا پڑھنا
http://t.me/islamwitheman/284

📖 تلاوت قرآن
http://t.me/islamwitheman/285

🔵 قرآن کے متعلق غور طلب باتیں
http://t.me/islamwitheman/286

🔵 قرآن کس لئے نازل کیا گیا
http://t.me/islamwitheman/287

🌼 قرآنی معلومات
http://t.me/islamwitheman/288

📗 قرآن میں اصول دین و فروع دین
https://t.me/islamwitheman/402

🌍 قرآن اور حضرت امام مھدی ع
https://t.me/islamwitheman/834

🌸 میں قرآن میں کہاں ہوں
https://t.me/islamwitheman/847

🌼 قرآن کریم کے واجب سجدے
https://t.me/islamwitheman/849

💠 قرآن سے انسیت کے مراتب
http://t.me/islamwitheman/1011

🔷 نماز کے اوقات در قرآن
https://t.me/islamwitheman/2247

🌹 دلچسپ قرآنی معلومات
https://t.me/islamwitheman/2315

🌸 خدا کا خط
https://t.me/islamwitheman/2353
⭕ ISLAM WITH EMAN ⭕

🌷 زیارت عاشورا کی اہمیت 🌷

آیت اللہ شهید دستغیب (ره) اپنی کتاب “داستانهای شگفت” میں اهمیت زیارت عاشورا کے بارے میں ایک حکایت ذکر کرتے ہیں کہ جس کا خلاصہ یہ ھے:

شہر نجف کے ایک عالم دین نے تقریباً ایک سو سال پہلے خواب میں حضرت عزرائیل کو دیکھا. سلام علیک کے بعد ان سے پوچھا: آپ کہاں سے آرہے ہیں؟ ملک الموت نے جواب دیا:
شیراز سے! روح مرحوم میرزا ابراهیم محلاتی کو قبض کر کے آرہا ہوں۔

عالم دین نے سوال کیا:
ان کی روح کس حالت و عالَم میں ہے؟

جناب عرزائیل نے فرمایا:
عالم برزخ کی بہترین حالت و بہترین باغوں میں. خداوند عالم نے ایک هزار فرشتوں کو ان کی خدمت کیلئے مقرر فرمایا ہے.

شہر نجف کے عالم نے سوال کیا:
آیا انہیں یہ مقام ان کی علمی کوششوں، تدریس اور شاگردوں کی تربیت کے نتیجے میں ملا ہے؟

جناب عزرائیل نے کہا: نہیں!

عالم نے دوبارہ پوچھا:
کیا نماز جماعت ادا کرنے اور شرعی احکام بیان کرنے کی وجہ سے!

فرمایا: نہیں!

عالم دین: پس یہ بلند مقام انہیں کس وجہ سے ملا ہے؟

جناب عزرائیل نے کہا:
زیارت عاشورا پڑھنے کی وجہ سے.

نقل کیا گیا ہے که مرحوم میرزا محلاتی نے اپنی زندگی کے آخری تیس سال کبھی زیارت عاشورا کو ترک نہیں کیا اور جس دن بھی بیماری یا کسی دوسرے کام کے سبب وہ خود نہ پڑھ سکے تو کسی کو اپنا نائب بناتے کہ وہ ان کی طرف سے پڑھے.

📚 داستان های شگفت، حکایت 110۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس۔۔۔۔

🔷 زیارت عاشورا عربی
https://t.me/islamwitheman/3914

🌸 زیارت عاشورا میں
https://t.me/islamwitheman/3919

🌷 زیارت عاشورا کی اہمیت
https://t.me/islamwitheman/4092
⭕ ISLAM WITH EMAN ⭕

🔷 محل کی کرپشن کے شراکت دار 🔷

ایک دن ایک حکمران محل میں بیٹھا تھا جب اس نے محل کے باہر ایک سیب فروش کو آواز لگاتے ہوئے سنا: "سیب خریدیں! سیب !!"

حاکم نے باہر دیکھا کہ ایک دیہاتی آدمی اپنے گدھے پر سیب لادے بازار جا رہا ہے۔ حکمران نے سیب کی خواہش کی اور اپنے وزیر سے کہا: خزانے سے 5 سونے کے سکے لے لو اور میرے لیے ایک سیب لاؤ۔

وزیر نے خزانے سے 5 سکے نکالے اور اپنے معاون سے کہا: یہ 4 سونے کے سکے لیں اور ایک سیب لائیں!

معاون وزیر نے محل کے منتظم کو بلایا اور کہا: سونے کے یہ 3 سکے لیں اور ایک سیب لائیں!

محل کے منتظم نے محل کے چوکیداری منتظم کو بلایا اور کہا: یہ 2 سونے کے سکے لیں اور ایک سیب لائیں!

چوکیداری کے منتظم نے گیٹ سپاہی کو بلایا اور کہا: یہ 1 سونے کا سکہ لے لو اور ایک سیب لاؤ!

سپاہی سیب والے کے پیچھے گیا اور اسے گریبان سے پکڑ کر کہا: دیہاتی انسان! تم اتنا شور کیوں کر رہے ہو؟ تمہیں نہیں پتا کہ یہ مملکت کے بادشاہ کا محل ہے اور تم نے دل دہلا دینے والی آوازوں سے بادشاہ کی نیند میں خلل ڈالا ہے اب مجھے حکم ہے کہ تجھ کو قید کر دوں۔

باغبان سیب فروش محل کے سپاہیوں کے قدموں میں گر گیا اور کہا:
میں نے غلطی کی جناب!
اس گدھے کا بوجھ میری محنت کے ایک سال کا نتیجہ ہے، یہ لے لو، لیکن مجھے قید کرنے سے معاف رکھو!

سپاہی نے سیب لیے اور آدھے اپنے پاس رکھے اور باقی اپنے منتظم افسر کو دے دیئے۔
اور اس نے اس میں سے آدھے رکھے اور آدھے اوپر کے افسر کو دے دیئے اور کہا:
یہ 1 سونے کے سکے والے سیب ہیں۔
افسر نے ان سیبوں کا آدھا حصہ محل کے منتظم کو دیا، اس نے کہا:
ان سیبوں کی قیمت 2 سونے کے سکے ہیں!
محل کے منتظم نے آدھے سیب اپنے لیے رکھے اور آدھے اسسٹنٹ وزیر کو دیے اور کہا:
ان سیبوں کی قیمت 3 سونے کے سکے ہیں!
اسسٹنٹ وزیر نے آدھے سیب اٹھائے اور وزیر کے پاس گیا اور کہا:
ان سیبوں کی قیمت 4 سونے کے سکے ہیں!
وزیر نے آدھے سیب اپنے لیے رکھے اور اس طرح صرف پانچ سیب چھوڑ کر حکمران کے پاس گیا اور کہا:
یہ 5 سیب ہیں جن کی مالیت 5 سونے کے سکے ہیں!

حاکم نے اپنے آپ سوچا کہ اس کے دور حکومت میں لوگ واقعی امیر اور خوشحال ہیں، کسان نے پانچ سیب پانچ سونے کے سکوں کے عوض فروخت کئے۔ ہر سونے کے سکے کے لیے ایک سیب۔
اور لوگ ایک سونے کے سکے کے عوض ایک سیب خریدتے ہیں۔ یعنی وہ امیر ہیں۔ اس لیے بہتر ہے کہ ٹیکس میں اضافہ کیا جائے اور محل کے خزانے کو بھر دیا جائے۔

اور پھر عوام میں غربت بڑھتی گئی۔

فارسی سے ترجمہ

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

👈 پوسٹ دیکھنے کے لئے مطلوبہ پوسٹ کے لنک پر کلک کریں۔۔۔

🌹 حضرت ام البنينؑ
https://t.me/islamwitheman/3041

🌹 زيارة ام البنين عليها السلام
https://t.me/islamwitheman/3042

🌸 عقد حضرت علیؑ و ام البنینؑ
https://t.me/islamwitheman/4095
⭕ ISLAM WITH EMAN ⭕

🌸 عقد حضرت علیؑ و ام البنینؑ 🌸

حضرت فاطمہ زہراءؑ کی رحلت کے کئی سال بعد حضرت علیؑ نے اپنے بھائی عقیل جو نسب شناسی میں مشہور تھے، سے ایک نجیب خاندان سے بہادر، شجاع اور جنگجو اولاد جنم دینے والی زوجہ کے انتخاب کے بارے میں مشورہ کیا تو عقیل نے فاطمہ بنت حزام کا نام تجویز کیا اور کہا عربوں میں بنی کلاب کے مردوں جیسا کوئی دلیر مرد نہیں دیکھا جا سکتا۔ یوں حضرت علیؑ نے آپ سے شادی کی۔[1]

اس شادی کا ثمرہ خدا نے چار بیٹوں کی صورت میں عطا کیا جن کے نام عباس، عبداللہ، جعفر اور عثمان ہیں۔

آپ کے یہ چار بیٹے شجاعت اور دلیری میں اپنی مثال آپ تھے اس وجہ سے آپ کو ام البنین [بیٹوں کی ماں] کہا جاتا تھا۔ آپ کے یہ چار کے چار بیٹے کربلا میں اپنے بھائی اور امام، امام حسینؑ کی رکاب میں شہادت کے عظیم درجے پر فائز ہوئے۔[2]

کہا جاتا ہے کہ انہوں نے ہی حضرت امام علیؑ کو یہ تجویز دی تھی کہ ان کو بجائے فاطمہ ام البنین کہہ کر پکارا جائے تاکہ حضرت فاطمہ زہراء(س) کے بچوں کو فاطمہ کہنے سے اپنی ماں حضرت فاطمہ زہراء(س) کی یاد تازہ نہ ہوجائے اور انہیں ماں پر گزرے تلخ حوادث آزار نہ پہنچائیں۔[حوالہ درکار]

یہ عقد 18 رجب المرجب کو ہوا۔

📚 حوالہ جات
1۔ ابن عنبہ، عمدۃ الطالب، ص۳۵۷.
2۔ اصفہانی، مقاتل الطالبیین، ص۸۲ -۸۴؛ ابن عنبہ، عمدۃ الطالب، ص۳۵۶؛ حسّون، اعلام النساء المؤمنات، ص۴۹۶۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
https://t.me/islamwitheman/4094
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس۔۔۔

🌹 حضرت ام البنينؑ
https://t.me/islamwitheman/3041

🌹 زيارة ام البنين عليها السلام
https://t.me/islamwitheman/3042

🌸 عقد حضرت علیؑ و ام البنینؑ
https://t.me/islamwitheman/4095
⭕ ISLAM WITH EMAN ⭕

🔷 کتھارسس (catharsis) 🔷

کتھارسس catharsis ایک ایسا عمل ہے جس میں انسان اپنے دبے ہوئے شدید جذبات و احساسات کا کسی صورت میں اظہار کر کے ذہنی سکون، تطہیر اور تجدید حاصل کرتا ہے۔

اگر انسان کتھارسس نہ کرے تو اس کے اندر دبے جذبات و احساسات غصہ کی شکل اختیار کر لیتے ہیں اگر یہ غصہ کسی بھی صورت نہ نکلے تو یہ غصہ انسان کا خود پر نکلتا ہے۔ اس کے نتیجے میں انسان کسی نہ کسی نفسیاتی عارضہ کا شکار ہو سکتا ہے اور اس کے نتیجہ میں انسانی معاشرے میں غصہ، پریشانی، دکھ اور ذہنی دباؤ بڑھنے لگتا ہے۔

اس کا معنی cleansing اور purification ہے۔ میرے مطابق اس کا مطلب اپنے ہر طرح کے جذبات اور محسوسات کا اظہار ہے۔ جب ہم مختلف موقعوں پر اپنے محسوسات کا ٹھیک طرح سے اظہار نہیں کر پاتے تو ہم ذہنی تناؤ کا شکار ہو جاتے ہیں کیونکہ یہ نامکمل اور ادھورے محسوسات subconcious میں اپنا مسکن بنا لیتے ہیں۔

ہر انسان اپنے ہی انداز میں کتھارسس کرتا ہے۔ کوئی شعر کہہ کر تو کوئی نثر لکھ کر، کوئی تصویر بنا کر تو کوئی مجسمہ تراش کر، کوئی غصہ میں چیختا چلاتا ہے تو کوئی آنکھوں سے نمکین پانی بہاتا ہے تو کوئی خود کلامی کرتا ہے۔
یہ انسان کے مزاج میں کتھارسس کا انداز ہوتا ہے۔ یہ انسان پر ہے کہ وہ تلاش کرے کہ وہ کونسا کام یا طریقہ ہے جس کے ذریعہ وہ کتھارسس کر کے سکون حاصل کر سکتا ہے۔

المیہ یہ ہے کہ بہت سے لوگ ایسے ہیں جو جانتے ہی نہیں کہ ان کے کتھارسس کا طریقہ کیا ہے؟

انسان کتھارسس کے ذریعہ اندر کے غبار کو نکال دیتا ہے تو اس کے اندر زندگی خوشی سے گزارنے کی امنگ پیدا ہوتی ہے۔ اپنے اردگرد کے ماحول سے پیار کرنے لگتا ہے۔ کائنات کی رعنائیوں سے لطف اندوز ہونے لگتا ہے۔

ہمیں اپنی ذہنی صحت کا بہت زیادہ خیال رکھنے کی ضرورت ہوتی ہے کیونکہ یہ براہ راست جسمانی صحت پر اثر انداز ہوتی ہے۔ ذہنی صحت کے لئے Catharsis کی بہت ضرورت ہے۔

زندگی کو بھرپور جینا سیکھیں۔ خوشی کے موقعوں کو کھل کر celebrate کریں۔ جب دکھ اور تکلیف محسوس کرتے ہیں تو اس کا اظہار کریں۔ کسی کی بات بری لگے تو اس کو بتائیں۔ کسی نے مدد کی تو کھل کر شکریہ ادا کریں۔ کسی کی مدد کی ضرورت ہے تو کھل کر درخواست کریں۔ اگر کسی میں کوئی اچھائی نظر آتی ہے تو کھل کر تعریف کریں۔

ذہنی تناؤ اور بےسکونی تب پیدا ہوتی ہے جب ہم مثبت اور منفی محسوسات کو دباتے ہیں اور اپنے subconscious میں ان کا baggage لے کر چلتے ہیں۔ اس baggage میں برسوں پرانی عداوتیں، پچھتاوے، محرومیاں، نفرتیں اور شکوے جمع کیے رکھتے ہیں۔ یہ اذیت اور دبے ہوئے احساسات زندگی کی خوشی اور اطمینان چھین لیتے ہیں۔ اپنے baggage کو صاف کرنے کے لئے اپنے اپ کو وقت دیں، اپنے ایسے جذبات اور سوچ کو منطقی انجام تک پہنچائیں۔

■ کتھارسس کے کچھ طریقے
1۔ جذبات کا ہمیشہ کھل کر اظہار کریں، کچھ دل میں نہ رکھیں۔ اچھے انداز اور الفاظ کے ساتھ ہر قسم کے جذبات کا اظہار کیا جا سکتا ہے۔

2۔ کسی ہمدرد کے سامنے دوسروں سے متعلق اپنے سب جذبات کا اظہار بھی کیا جا سکتا ہے، جیسے والدین، دوست وغیرہ

3۔ شاعری کریں، نثر لکھیں، افسانے لکھیں یا تعمیری پیغامات لکھیں۔ فیس بک پر یہ کام بخوبی کیا جا سکتا ہے۔

4۔ پینٹنگ کریں، مصوری کریں۔

5۔ سپورٹس میں حصہ لیں، اپنی پسند کی کھیل سے دل ہلکا ہوتا ہے۔

6۔ کتابیں پڑھیں، ڈاکومنٹریز دیکھیں، دلچسپ علم سے مستفید ہوں۔

7۔ کسی فلاحی کام میں حصہ لیں، معاشرے کو کچھ دیں، اپنے ملک کے لیے کچھ کریں، اپنے اللہ کے لیے کچھ کریں، مخلوق کو فائدہ پہنچائیں۔

8۔ مراقبہ کریں، اس سے دل کو راحت اور وجدان ملتا ہے، جذبات کلیئر ہوتے ہیں۔

9۔ روزانہ سب لوگوں کو معاف کر کے سویا کریں اس سے لا شعور کی گرہیں کھلتی ہیں۔

10۔ اپنے اللہ کے سامنے اظہار کریں، شکایات کریں، گفتگو کریں۔ اور اس کے بعد دل صاف کر لیں، جب اللہ کو معاملہ دے دیا تو خود بیچ سے نکل جائیں۔

اگر آپ کو یہ سب کچھ کرنے میں دقت محسوس ہو رہی ہے تو counselling حاصل کریں، کسی ماہر نفسیات کے سامنے کتھارسس کریں اور اپنے دل اور لا شعور میں سالوں پرانے دبے جذبات، کا اظہار کر کے اپنی ذہنی صحت اچھی کریں اور اپنی صلاحیتیں بحال کر کے کھل کر جینا سیکھیں کیونکہ آپ کے لا شعور کا تناؤ نہ صرف آپ کی بلکہ آپ سے منسلک لوگوں کی زندگی کو بھی متاثر کر رہا ہوتا ہے۔

✍ سائیکالوجسٹ فاطمہ علی

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/4014
⭕ ISLAM WITH EMAN ⭕

🌷 بچے کا آئیڈیل کسے ہونا چاہیے؟ 🌷

⭕ ذرا توجہ کیجیے!
1️⃣ والد کتاب پڑھنے میں مشغول ہیں، والدہ کچن میں برتن دھو رہی ہے اور بچہ ہال میں کھلونوں کے ساتھ کھیل رہا ہے۔ ٹیلیفون بجتا ہے ماں کام چھوڑ کر ٹیلیفون کی طرف جانا چاہتی ہے لیکن والد ان سے پہلے ہی اٹھ کر فون اٹھا لیتے ہیں۔ فون پر بات کر کے دوبارہ مطالعہ شروع کر دیتے ہیں۔

2️⃣ والد گھر میں نہیں، بچہ مسلسل ماں کا دامن کھینچ رہا ہے کہ میرے ساتھ کھیلیں لیکن ماں کھانا بنانے میں مصروف ہے اس لیے کہتی ہے: تھوڑا صبر کرو بیٹا چند منٹ بعد آؤں گی اچانک فون بجتا ہے، ماں کام چھوڑ کر فون اٹھاتی ہے۔

بچہ چند دنوں سے اس بات کو نوٹ کر رہا ہے (فون کی آواز سن کر کام چھوڑ کر جواب دینا)

آج بھی فون بجا بچہ جو کاپی میں رنگ کر رہا تھا، فوراً فون کا جواب دینے اٹھا سب سے پہلے اس نے فون اٹھایا لیکن ماں نے مسکرا کر اس کے ہاتھوں سے فون لے لیا۔

⭕ اب آگے دیکھئے
بچہ اپنی گاڑی سے کھیل رہا ہے، ماں کپڑے استری کر رہی ہے، والد صوفے پہ لیٹے اخبار پڑھ رہے ہیں۔

1️⃣ مسجد سے اذان کی آواز آتی ہے بچہ سر اٹھا کر ایک نظر باہر ڈالتا ہے اور آواز کو ڈونڈھتا ہے پھر ایک نظر اپنے والدین پر کوئی خاص حرکت نہیں دیکھی دوبارہ کھیلنے میں مصروف ہوگیا۔

2️⃣ ماں پھلوں کی پلیٹ لے کر والد کے نزدیک بیٹھتی ہے۔ بچے کو اپنی گود میں بٹھاتی ہے۔ سب میوے کھانے میں مصروف ہیں۔ اذان کی آواز آتی ہے، بچہ پھر آواز کی طرف توجہ کرتا ہے والدین کی طرف سے کوئی اقدام دیکھنا چاہتا ہے لیکن چند روز تک ایسے ہی ہوتا ہے۔

آج پھر گھر میں سب اپنے کاموں میں لگے ہوئے ہیں اور بچہ کھیلنے میں۔ اذان کی آواز آتی ہے لیکن بچہ سر اٹھا کہ بھی نہیں دیکھتا۔

یہ وہی فرمانِ حضور اکرم صلی اللہ علیہ وآلہ وسلم ہے جس میں خبردار کیا گیا ہے۔۔۔
"بچے پاک فطرت پہ پیدا ہوتے ہیں، یہ ماں باپ ہیں جو اسے بے دین کرتے ہیں۔"

🔘 اگر والدین اذان کی آواز سن کر کام کاج چھوڑ کر نماز کی طرف جائیں تو بچے کو ذہن نشین ہو جائے گا کہ اذان کی آواز آئے تو کیا کرنا ہوتا ہے؟ جیسے فون کی آواز کے بعد کا رد عمل اس کے ذہن میں رہ گیا۔ اسی طرح بچہ نماز سے آشنا ہوتا ہے اور بغیر بولے ہمارے عمل سے سیکھتا ہے۔

🌹 آگر پوسٹ اچھی لگے تو دوسروں کی بھلائی کے لیے شیئر ضرور کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مذید پوسٹس۔۔۔

🌷 بچوں کا احترام و تکریم
t.me/islamwitheman/33

🌷 بچوں کی تربیت
t.me/islamwitheman/34

🌷 خلوص و شفقت
t.me/islamwitheman/90

🌷 ننھا داعی
t.me/islamwitheman/302

🌷 شعور و بصیرت
t.me/islamwitheman/344

🌷 ایک بچہ اور کچھوا
t.me/islamwitheman/539

🌷 بچے کی نفسیات سمجھنے کے 12 گن
t.me/islamwitheman/1224

🌷 سچ کا انعام
t.me/islamwitheman/1277

🌷 بچہ (بچپن)
t.me/islamwitheman/1626

🌷 بچوں میں اعتماد
t.me/islamwitheman/1627

🌷 بچوں کے جھوٹ بولنے کے اسباب
t.me/islamwitheman/1847

🌷 گھر کا ماحول
t.me/islamwitheman/2059

🌷 بچوں کو مشکلات کا عادی بنائیں
t.me/islamwitheman/2137

🌷 مس انمول
t.me/islamwitheman/2163

🌷 تربیت اور ماحول
t.me/islamwitheman/2228

🌷 تھپکی کی طاقت
t.me/islamwitheman/2338

🌷 اے خدا مجھے موبائل بنا دے
t.me/islamwitheman/2393

🌷 بچے کہنا کیوں نہیں مانتے؟
t.me/islamwitheman/2455

🌷 تربیت کا اثر
t.me/islamwitheman/2486

🌷 سمجھاؤ مگر نرمی سے
t.me/islamwitheman/2512

🌷 سمجھانے کا انداز
t.me/islamwitheman/2517

🌷 بیٹی کی تربیت
t.me/islamwitheman/2726

🌷 پینسل گم ہونے کے دو واقعات
t.me/islamwitheman/2916

🌷 کامیابی کی بہترین عادت؟
t.me/islamwitheman/2917

🌷 بچے کا آئیڈیل کسے ہونا چاہیے؟
https://t.me/islamwitheman/4098
⭕ ISLAM WITH EMAN ⭕