🔷 قبض سے نجات 🔷

کیا آپ یقین کریں گے کہ امریکہ میں لوگ ہر سال 25 کروڑ ڈالرز ایک ایسے عام مسئلے سے نجات پانے کے لیے ادویات پر خرچ کردیتے ہیں جو پاکستان میں بھی کافی عام ہے اور وہ ہے قبض۔

پاکستان میں اس حوالے سے کوئی باضابطہ اعداد و شمار تو موجود نہیں مگر لاتعداد افراد قبض جیسے تکلیف دہ اور جھنجھلا دینے والے عارضے کا شکار ہوتے ہیں۔

حیران کن طور پر اکثر افراد میں اس مرض کی وجہ مناسب مقدار میں فائبر والی غذاﺅں سے گریز یا پانی کی کم مقدار پینا ہوتی ہے۔

اگر آپ کو بھی اس مسئلے کا اکثر سامنا ہوتا ہے تو طبی سائنس کے ثابت شدہ ان طریقوں کو آزما کر دیکھیں جو اس مرض سے نجات دلانے میں ادویات سے زیادہ موثر ثابت ہو سکتے ہیں۔

🔹 شہد اور لیموں سے بنی چائے
اس چائے کو بنانے کے لیے زیادہ محنت کی ضرورت نہیں، بس پانی میں شہد اور لیموں کے عرق کا اضافہ کرنا ہوتا ہے، شہد ہلکے جلاب جیسی خصوصیات رکھتا ہے جبکہ لیموں نظام ہاضمہ کو قدرتی طور پر متحرک کرنے کا کام کرتا ہے اور جسم سے زہریلے مواد کے اخراج میں مدد دیتا ہے۔

🔹 بہت زیادہ پانی پینا عادت بنالیں
مردوں کو روزانہ کم از کم 3.7 لیٹر جبکہ خواتین کو 2.7 لیٹر پانی پینا چاہیے، اس کی وجہ یہ ہے کہ قبض میں سخت اور خشک فضلہ اس کی سب سے عام وجوہات میں سے ایک ہے، مگر مناسب مقدار میں پانی پینا جسم کو ہائیڈریٹ رکھ کر اسٹول کے اخراج کو آسان بناتا ہے۔ پانی اور فروٹ جوس قبض سے لڑنے کے لیے بہترین ہیں، خاص طور پر سیب کا جوس بھی ہلکے جلاب جیسا اثر رکھتا ہے، تو اس کا انتخاب بہتر ہوتا ہے۔ قبض کی صورت میں کیفین والے مشروبات جیسے چائے، کافی یا سافٹ ڈرنکس سے گریز کریں کیونکہ ان کے استعمال سے پیشاب زیادہ آتا ہے اور سیال پانی سے زیادہ خارج ہوتا ہے۔

🔹 فائبر والی غذائیں
فائبر سے بھرپور غذائیں بھی قدرتی جلاب جیسا اثر رکھتی ہیں، روزانہ 20 سے 35 گرام فائبر کو غذا میں شامل کرنا قبض کو دور رکھنے میں مدد دیتا ہے، سیب، انجیر، دالیں، گریاں، بیج اور لوبیا وغیرہ فائبر کے حصول کا اچھا ذریعہ ہیں اور اکثر افراد کو پسند بھی ہوتے ہیں۔

🔹 آلو بخاروں سے مدد لیں
آلوبخارے نہ صرف فائبر سے بھرپور ہوتے ہیں بلکہ ان میں ایسی قدرتی مٹھاس ہوتی ہے جو قبض سے نجات دلانے میں مدد دیتی ہے، سو گرام آلوبخاروں میں 14.7 فیصد یہ مٹھاس موجود ہوتی ہے، اگر آلوبخارے کا ترش ذائقہ پسند نہیں تو اس کا جوس نکال کر پی لیں مگر یہ جان لیں کہ جوس میں فائبر کی مقدار کم ہوتی ہے مگر پھر بھی قبض کے خلاف یہ کارآمد ٹرک ثابت ہو سکتی ہے۔

🔹 میتھی
میتھی کااستعمال بھی جلاب کش اثر رکھتا ہے اور اسٹول کو نرم کرتا ہے، اگر قبض کا شکار ہوں تو اسے کھانے میں شامل کر کے کھائیں اور مناسب مقدار میں پانی پی لیں۔ اس کے سپلیمنٹ کی چائے بھی مختلف مقامات پر مل جاتی ہے، اسے بھی آزما سکتے ہیں۔

🔹 دہی
قبض ہونے کی صورت میں دودھ سے بنی مصنوعات سے دور رہنا چاہیے مگر دہی ان میں شامل نہیں، دہی میں پروبائیوٹیکس موجود ہوتے ہیں جو نظام ہاضمہ سے فضلے کے اخراج میں مدد دیتے ہیں اور تکلیف بھی کم کرتے ہیں.

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman
⭕ ISLAM WITH EMAN ⭕

🔷 محبت کی اہمیت و ضرورت 🔷

محبت لوگوں میں میل ملاپ اور یکجہتی کا سبب ہے۔ اگر محبت کا جذبہ نہ ہوتا تو لوگوں میں انس و محبت نہ ہوتی، کوئی بھی انسان کسی دوسرے کی ذمہ داری قبول کرنے کو تیار نہ ہوتا اور ایثار و قربانی جیسے لفظوں کا وجود نہ ہوتا۔

محبت و الفت پیدا کرنے والے کام تمام انسانوں کے لیے نہایت ضروری ہیں۔ خاص طور پر تعلیمی و تربیتی اداروں کے لیے، اس لیے کہ محبت ہی ایسی شی ہے جو جسم و روح کی سلامتی کے ساتھ ساتھ انسان کی اخلاقی برائیوں اور کمزوریوں کی اصلاح اور بہبود روابط کا ذریعہ بنتی ہے۔

خداوند عالم نے قرآن مجید میں متعدد مقامات پر اپنی محبت کا ذکر فرمایا ہے:
فان الله یحب المتقین (سورہ آل عمران آیہ ۷۶) اللہ متقین کو دوست رکھتا ہے۔
فان الله یحب المحسنین (سورہ آل عمران آیہ ۱۳۸) اللہ نیک عمل کرنے والوں کو دوست رکھتا ہے۔

انسانوں سے رابطہ کی زبان، خاص طور پر بچوں سے رابطہ کی زبان محبت ہونی چاہیے۔ غصہ و تندی و سختی سے کسی کی تربیت نہیں کی جا سکتی۔
تربیت میں محبت کی اہمیت اس لیے بھی بڑھ جاتی ہے کہ محبت، اطاعت سکھاتی ہے اور محبت والے ایک دوسرے سے جڑ جاتے ہیں۔

پیغمبر اسلام صلی اللہ علیہ و آلہ وسلم نے فرمایا: والمرء مع من احب۔ انسان اس کا ساتھ دیتا ہے جسے پسند کرتا ہے۔

محبت و اطاعت میں معیت (ساتھ رہنا) کا رابطہ پایا جاتا ہے، محبت کے ظہور کے ساتھ اطاعت و ہمراہی کا جذبہ پیدا ہو جاتا ہے۔ اگر بچے کے دل میں والدین کی محبت بیٹھ گئی تو بچہ ان کا مطیع و فرماں بردار بن جائے گا اور اس کے اوپر جو ذمہ داریاں ڈالی جائیں گی وہ ان سے نافرمانی نہیں کرے گا۔

محبت، بچوں کی ذہنی نشو و نما اور روحی تعادل کے مھم اسباب میں سے ہے۔ ان کی ذاتی خوبیاں اور سلوک کافی حد تک محبت کی مرہون منت ہیں جو انہیں اس تربیت کے دوران ملی ہے، گھر کی محبت بھری فضا اور محبت سے مملو ماحول بچوں میں نرم جذبات اور ٖفضائل کے رشد کا سبب ہے جو بچے محبت بھرے ماحول میں تربیت پاتے ہیں وہ کمال تک پہچتے ہیں، اچھے ڈھنگ سے سیکھتے ہیں اور دوسروں سے محبت کرتے ہیں اور سماج و معاشرہ میں بہتر انسانی اقدار کے حامل ہوتے ہیں۔

مہر و محبت ہی ہے کہ جو زندگی کو پر لطف اور بامعنی بناتی ہے اور بچوں کی استعداد کی شگوفائی اور ظہور کا سبب بنتی ہیں اور اس میں سعی و کوشش اور تخلیقی صلاحیتیں پیدا کرتی ہے۔

محبت کی بنیاد، بچوں اور نوجوانوں کی تربیت کرنا، بنیادی انسانی اور اسلامی طریقوں میں سے ہے۔ پیغمبر اسلام صلی اللہ علیہ و آلہ وسلم بچوں سے بہت محبت فرمایا کرتے تھے اور ان سے اچھا سلوک کرتے تھے اور ہمیشہ فرماتے تھے:
احبوا الصبیان وارحموهم۔
بچوں سے محبت کرو اور ان کے ساتھ الفت و محبت سے پیش آؤ۔

والدین کو چاہیے کہ وہ قلبی طور پر اپنے عمل سے بچوں کو یہ یقین دلائیں کہ وہ انہیں دوست رکھتے ہیں، ان کی یہ بات بچوں پر مثبت اثر ڈالے گی اور کچھ ہی عرصہ میں اس کا نتیجہ سامنے آ جائے گا۔
والدین، بچوں میں ایسی تبدیلی لانا چاہتے ہیں جو ان کی ذات کو تعمیر کرے اور مخصوص اعتقادات ان کے اندر جنم لیں تو ظاہر ہے کہ یہ کام بغیر محبت اور دوستی کے کیسے ممکن ہو سکتا ہے؟ جس کا مقصد انہیں رشد و کمال کی طرف لے جانا ہے۔

https://t.me/islamwitheman/2393
⭕ ISLAM WITH EMAN ⭕

🌹 دین سے محبت کا عمل 🌹

ایک شخص نے حضرت امام جعفر صادق علیہ السلام کی خدمت میں عرض کیا:
اے فرزندِ رسولؐ!
میں دیکھ رہا ہوں کہ میں دین سے دور ہوتا جا رہا ہوں۔ شرعی احکام پر عمل کرنے اور سننے کو دل نہیں کرتا،
نماز کبھی پڑھتا ہوں، کبھی نہیں پڑھتا، دیگر واجبات کرنے کو دل نہیں کرتا۔
کہیں دینی محفل سجی ہو، جانے کو جی نہیں چاہتا، مجھے کوئی ایسا عمل بتاٸیں کے میں دین سے محبت کرنے لگوں۔

حضرت امام صادق علیہ السلام نے فرمایا:
تم قرآن مجید سورہ آلِ عمران کی آیت نمبر 8 روزانہ زیادہ سے زیادہ پڑھو۔
"رَبَّنَا لَاتُزِغ قُلُوبَنَا بَعدَ اِذھَدَیتَنَا وَھَب لَنَامِن لَّدُنکَ رَحمَةً اِنَّکَ اَنتَ الوَھَّاب"
” اے ہمارے رب ہماے دلوں کو ٹیڑھا نہ ہونے دے جبکہ تو نے ہمیں ہدایت دی اور اپنے پاس سے ہمیں رحمت عنایت فرما بیشک تو بہت عطا کرنے والا ہے۔“
ان شاء اللہ راہِ حق سے سے منحرف ہونے سے امان میں رہو گے اور محبت دین پیدا ہو گی۔

اگر اس آیت مبارکہ کو کم از کم روزانہ 112 مرتبہ پڑھا جاٸے تو بہت جلد اثر ہو گا۔

📚 حوالہ جات
نصاٸح۔
تفسیر صافی۔ جلد ١۔

https://t.me/islamwitheman
⭕ ISLAM WITH EMAN ⭕

🍊 کنو ڈپریشن کا دشمن..! 🍊

پہلے ایک سوال پڑھ لیجیے شاید آج کل ہر گھر میں ایک دو افراد کا یہ ہی مسئلہ ہے.!

میرے ہاتھ پاؤں بہت سن ہوجاتے ہیں پورے جسم پہ کانٹے چبتے ہیں جیسے سوئیاں چبھتی ہوں پٹھے بہت پین کرتے ہیں اور بخار رہتا ہے پورا جسم بہت درد کرتا ہے اچانک طبیعت بہت خراب ہو جاتی ہے پھر بولا بھی نہیں جاتا کچھ سمجھ نہیں آتی بہت طبیعت خراب ہو جاتی ہے پھر مجھے ایسا لگتا ہے کہ مجھے کچھ ہو جائے گا دل والی جگہ پہ بھی درد ہوتی ہے۔

جواب؛
یہ سب علامات تناؤ، ڈپریشن، خوف کی وجہ سے ہیں..!

اس کا بہت اچھا علاج بتاتا ہوں۔
جب تک مالٹا، موسمی، کینو دستیاب ہیں۔ دن میں چھ کینو، موسمی جو مل جائے کھانے ہیں۔

🔹 کھانے کا صحیح وقت
فجر سے عصر جب تک دھوپ رہے اور دھوپ میں بیٹھ کر کھائیں۔

اس کے ساتھ ساتھ رات کے کھانے سے پہلے دو کپ کینو کی چائے بنا لیں۔

▪️ ایک کپ کھانے سے پندرہ منٹ پہلے۔
▪️ دوسرا کھانے کے پندرہ منٹ بعد پی لیں۔

🔹 بنانے کا طریقہ
ایک کینو کا رس اس کے گودے سمیت ایک کپ میں نکال لیں۔ چمچ سے بآسانی نکل آتا ہے۔

اور اس کپ میں تیز گرم پانی ڈال کر پی لیں۔ شہد ملا لیں تو زیادہ بہتر ہے۔

ان شاء اللہ ایک ہفتے میں ساری علامات ٹھیک
ہو جائیں گی۔

👈🏻 گھر میں کوئی بچہ یا بزرگ جسے بھوک نہ لگتی ہو اسے کھانے سے پہلے کنو کی چائے پلا دیں پندرہ منٹ بعد وہ کھانا مانگیں گے۔

👈🏻 جسے کھانا ہضم نہ ہوتا ہو اسے کھانے کے بعد ایک کپ کنو، مالٹا، موسمی کی یہ چائے پلا دیجئے آدھے گھنٹے بعد وہ پھر کھانے کو کچھ ڈھونڈ رہے ہونگے۔

تجربہ شرط ہے
حیرت انگیز طور پر پہلے دن سے آپ کو اس
کی عادت ہوجائے گی..! ہوتی ہے تو ہو جائے۔ یہ دودھ پتی کڑک چائے کی عادت ختم کرادے گی.

ہم گزشتہ پندرہ سال سے اپنے مہمانوں کو یہ چائے پلاتے آ رہے ہیں۔ اب تو لوگ اورنج ٹی کی فرمائش لے کر آتے ہیں۔

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/2723
⭕ ISLAM WITH EMAN ⭕

🌹 خوشحالی لانے کا طریقہ 🌹

کون چاہتا ہے کہ اس کی زندگی میں خوشحالی نہ آئے، لیکن سب سے پہلے اس بات کا تعین کریں آپ خوشحالی سمجھتے کسے ہیں، کیا عالیشان گھر، گاڑی، دولت یہ خوشحالی ہے۔ اگر یہ سب آپ کو مل بھی جائے اور آپ طرح طرح کی بیماریوں میں مبتلا ہوں یعنی آپ کی صحت ٹھیک نہ ہو تو یہ خوشحالی تو نہ ہوئی۔

اگر آپ چاہتے ہیں آپ کی زندگی میں خوشحالی آئے تو سب سے پہلے اپنے پاس پہلے سے موجود نعمتوں پر شکر ادا کریں، منفی سوچوں سے چھٹکارہ پائیں اور مثبت رویہ اپنائیں۔ یہ بات سائنسی طور پر ثابت ہو چکی ہے کہ سوچ بھی ایک انرجی ہے، اگر آپ منفی سوچیں گے تو آپ کے جسم سے منفی لہریں خارج ہوں گی جس کے نتیجے میں آپ کا سامنا ایسے حالات، ایسے واقعات اور ایسے لوگوں سے رہے گا جو آپ کی زندگی میں مزید منفی پن کا سبب بنیں گے۔ لہذا آج اور ابھی سے ٹھان لیں حالات جیسے بھی ہوں آپ اپنی سوچ کو مثبت ہی رکھیں گے۔ اگر مستقل طور پر آپ مثبت رویے کو اپنا لیں گے تو آپ کی زندگی میں مثبت تبدیلیاں رونما ہونا شروع ہو جائیں گی۔

ایک بات ہمیشہ ذہن میں رکھیں آپ کی ساری طاقت آپ کی سوچوں میں ہے، اگر آپ اپنی زندگی میں تبدیلی چاہتے ہیں تو سب سے پہلے آپ کو اپنی سوچوں کو بدلنے کی ضرورت ہے۔ آپ اپنے دماغ کو مسلسل جو سوچیں دیتے رہتے ہیں وہ آپ کے لاشعور میں فیڈ ہوتی رہتی ہیں پھر آپ وہی کرتے رہتے ہیں جو آپ کے لاشعور میں موجود ہوتا ہے۔
سب سے پہلے تویہ سوچنا بند کریں کہ آپ بدقسمت ہیں اگر آپ خود کو حالات کا شکار سمجھتے ہیں تو دوبارہ غور کریں اور ان چیزوں کی طرف غور کریں جو آپ کے پاس موجود ہیں وہ آپ کی خوبصورت آنکھیں بھی ہو سکتی ہیں جن سے آپ دیکھتے ہیں، اگر آپ مکمل طور پر فٹ ہیں صحت مند و تندرست و توانا ہیں تو آپ کو اس پر بہت شکر گزار ہونا چاہئے۔

جیسے جیسےآپ میں شکر گزاری کے جذبات بڑھتے جائیں گے آپ کی زندگی میں مزید ایسی چیزیں آنا شروع ہو جائیں گی جن پر آپ مزید شکر گزار ہوں۔ جیسا کہ میں آپ کو پہلے بتا چکا یہ بات سائنسی طور پر ثابت ہو چکی ہے کہ سوچ بھی ایک انرجی ہے منفی سوچ سے محض آپ ایسی چیزوں کو اپنی طرف کھینچیں گے جو منفی ہی ہوں گی اور نتیجے کے طور پر آپ کے حالات مزید خراب ہوں گے کیونکہ منفی سوچ کی صورت میں جسم سے منفی لہریں خارج ہوتی ہیں، اسی کو (Law of  attraction)  کہتے ہیں لہذا ہمیشہ مثبت سوچیں، اب آپ کہیں گے میرے حالات تو بہت ہی خراب ہیں میں بھلا مثبت کیسے سوچ سکتا ہوں اگر  آپ ایسا سوچتے ہیں تو آپ مایوسی کا شکار ہیں اور یاد رکھیں مایوسی گناہ ہے۔

زندگی بہت ہی مختصر ہے سارا وقت دوسروں کی خامیاں تلاش کرنے میں اپنا قیمتی وقت ضائع مت کریں کیونکہ وقت ایک بیش قیمت سرمایہ ہے، اگر آپ کسی کے بارے میں برا سوچیں گے تو اس سے آپ کی اپنی ہی ذات کو نقصان پہنچے گا کیونکہ اگر آپ برا سوچیں گے تو آپ برا محسوس کریں گے جب برا محسوس کریں گے تو آپ منفی سوچیں خارج کریں گے۔ مت دیکھیں دوسرا کیا کر رہا ہے بلکہ یہ دیکھیں آپ کیا کر رہے ہیں۔ فضول سوچوں کو ذہن میں مت لائیں جب آپ مثبت سوچنا شروع کریں گے تو آپ کا ہر ہر عمل بھی مثبت ہی ہو گا، پھر آپ اپنی توانائیاں مثبت کاموں میں ہی صرف کریں گے، زندگی میں کیا کرنا چاہتے ہیں اپنا گول متعین کریں اور اس پر محنت کریں اور کبھی بھی ہمت مت ہاریں، مایوسی کے بادل چھٹ جائیں  گے پھر آپ کے حصے کی خوشی اور دولت اور خوشحالی خودبخود آپ کے پاس آنے لگے گی، حالات  بدلنے لگیں گے۔

https://t.me/islamwitheman
⭕ ISLAM WITH EMAN ⭕

🔷️ واقعہ افک 🔷️

واقعۂ اِفک تاریخ صدر اسلام کے ایک واقعے کو کہا جاتا ہے جس کی طرف سورہ نور کی بعض آیات (11-26) میں اشارہ ہوا ہے۔ یہ واقعہ سنہ 5 ہجری قمری کو مدینہ میں پیش آیا۔ مسلمانوں کے ایک گروہ نے پیغمبر اکرمؐ کی زوجات میں سے کسی ایک (ظاہرا مشہور یہی ہے کہ یہ واقعہ حضرت عایشہ کے ساتھ پیش آیا ہے) پر فحاشی کی تہمت لگائی۔ خدا نے مذکورہ آیات کے ذریعے تہمت لگانے اور غلط شایعات پھیلانے ولوں کی سرزنش کی ہے۔ شیعہ منابع میں نقل ہونے والی ایک اور روایت کے مطابق جس پر یہ تہمت لگائی گئی تھی وہ ماریہ قبطیہ، زوجہ رسول اکرمؐ اور مادر ابراہیم تھیں۔

■ مفہوم شناسی
"اِفک" اس چیز کو کہا جاتا ہے جس کی اصلی اور طبیعی حالت میں تبدیلی آگئی ہو۔ تہمت اور جھوٹ میں چونکہ حق سے انحراف کر کے کسی واقعے کو اس کی اصلی حالت سے تبدیل کر کے پیش کیا جاتا ہے اسلئے اسے بھی افک کہا جاتا ہے۔[1]

■ تفصیلی مضمون: آیات افک
قرآن کریم کی سورہ نور کی آیت نمبر 11 سے 26 تک میں مذکورہ واقعے میں کسی مسلمان پر لگائی گئی تہمت کی طرف اشارہ کرتے ہوئے اس کام پر سرزنش کی گئی ہے۔ مذکورہ آیات کی تفسیر میں مفسرین نے جو شأن نزول بیان کیا ہے اس سے قطع نظر خود آیات سے یہ بات دریافت کیا جا سکتا ہے کہ جس فرد پر یہ تہمت لگائی گئی تھی وہ کوئی معمولی شخصیت نہیں تھی بلکہ ان کا تعلق پیغمبر اکرمؐ کے گھرانے سے تھا اور تہمت لگانے والے بھی ایک گروہ تھے نہ ایک یا دو شخص۔[2]

مذکورہ آیات میں تہمت لگانے والوں کو سخت عذاب کا وعدہ دینے کے ساتھ ساتھ مومنین کو بھی اس قسم کی شایعات کو بغیر کسی تحقیق کے قبول کرنے سے منع کیا گیا ہے۔[3] مذکورہ آیات کے آخری حصے میں خداوندعالم نے لوگوں کو کسی پاکدامن عورت پر فحاشی کی تہمت لگانے سے سختی سے منع کرتے ہوئے پاکدامن عورتوں کو ایسی تہمتوں سے مبراء قرار دیا ہے۔[4]

■ پہلا احتمال
اکثر مفسرین اور مورخین کے مطابق ان آیات میں سنہ 5 ہجری قمری کو پیش آنے والے ایک واقعے کی طرف اشارہ کیا گیا ہے جس میں پیغمبر اکرمؐ کے بعض صحابہ، جن کے بارے میں کہا جاتا ہے کہ یہ افراد منافقین میں سے تھے، حضرت عایشہ، زوجہ پیغمبرؐ پر بے عفتی کی تہمت لگائی یہاں تک کہ قرآن کریم میں مذکورہ آیات کے ذریعے اس تہمت کو بے بنیاد قرار دیتے ہوئے پاکدامن عورتوں پر زنا کی تہمت لگانے کو گناہ کبیرہ میں شمار کیا گیا ہے۔ اہل سنت حضرت عایشہ کی شان میں ان آیات کے نازل ہونے کو ان کیلئے ایک فضیلت کے طور پر ذکر کرتے ہیں۔[5]

مشہور روایت خود حضرت عایشہ کے نقل کے مطابق جسے تقریبا تمام منابع میں یکساں ذکر کیا گیا ہے، واقعہ کی تفصیل کچھ یوں ہے: غزوہ بنی مُصطَلِق سے واپسی پر قافلہ کسی جگہ آرام کی خاطر ٹھہر گیا، اس وقت حضرت عایشہ قضای حاجت کی نیت سے لشکرگاہ سے کہیں دور چلی گئی اس دوران آپ کی گردن بند گم ہو گئی جس کی تلاش میں کچھ مدت گزر گئی۔ جب واپس قافلہ کی طرف آگئی تو قافلہ وہاں سے حرکت کر چکا تھا چونکہ قافلہ والوں کو آپ کی عدم موجودگی کا علم نہیں تھا انہوں نے اس تصور سے کہ آپ اپنی کجاوہ میں موجود ہیں اسے اونٹ پر رکھ کر چل پڑے۔ حضرت عایشہ اسی جگہ بیٹھ گئی اس خیال سے کہ جب کجاوہ میں نہیں پائیں گے تو دوبارہ یہیں پلٹ آئیں گے، اس دوران صفوان بن معطَّل نامی ایک شخص وہاں پہنچ گیا جس نے حضرت عایشہ کو اپنی اونٹ پر بٹھا کر اپنے ساتھ قافلہ تک پہنچایا۔ اس روایت کے مطابق اس سفر سے واپسی پر حضرت عایشہ بیمار ہو گئی اس دوران آپ نے یہ محسوس کیا کہ پیغمبر اکرمؐ کا آپ کے ساتھ برتاؤ میں کچھ تبدیلی آئی ہے۔ معلوم کرنے پر پتہ چلا کہ آپ اور صفوان بن معطل کے بارے میں کچھ شایعات لوگوں کے درمیان پھیل گئی ہے۔ اس واقعے کے کچھ مدت بعد قرآن کی مذکورہ آیات نازل ہوئی اور تہمت لگانے والوں کی سرزنش کی گئی جسے پیغمبر اکرمؐ نے لوگوں کے سامنے تلاوت فرمائی۔[6]

■ تہمت لگانے والے
قرآن کریم کی مذکورہ آیات سے معلوم ہوتا ہے اس واقعے میں تہمت لگانے والے ایک گروہ تھے لیکن اس کے باوجود تاریخ میں بعض اشخاص کا نام مطرح ہوا ہے۔ من جملہ ان افراد میں عبداللہ بن اُبَیّ جو اس وقت مدینہ میں منافقین کا سردار محسوب ہوتا تھا، کا کردار اس واقعے میں نمایاں طور پر ذکر ہوا ہے۔[7] ان کے علاوہ حسان بن ثابت، حمنہ بنت جحش اور مسطح بن اثاثہ کا نام بھی منابع میں آیا ہے جو اس واقعے میں ملوث تھے اور پیغمبر اکرمؐ کے حکم سے ان پر حد بھی جاری ہوا تھا۔[8] بعض منابع میں عبداللہ بن اُبَیّ کا نام بھی سزا یافتہ افراد کے ذیل میں لایا ہے۔[9] لیکن بعض منابع میں ان کی طرف اس حوالے سے اشارہ نہیں ہوا ہے۔[10]

■ اس احتمال پر ہونے والے اعتراضات
یہ حدیث اگرچہ مشہور ہے اور اکثر تاریخی منابع میں بھی اس کا ذکر ملتا ہے لیکن اس کے باوجود اس پر بعض اشکالات اور اعتراضات خاص کر شیعہ محققین کی طرف سے وارد کئے گئے ہیں۔ یہ محققین ازواج مطہرات کو ناروا اتہامات سے مبرا قرار دینے کے ساتھ ساتھ اس واقعے میں جس فرد پر تہمت لگائی گئی تھی اس کا حضرت عایشہ ہونے میں تردید کرتے ہوئے آیات افک کو کسی اور واقعے سے مربوط قرار دیتے ہیں۔ یہ محققین اس واقعے سے مربوط احادیث میں موجود سند اور دلالت کے اعتبار سے موجود اشکالات کو مد نظر رکھتے ہوئے اس داستان کے جعلی ہونے اور اسے حضرت عایشہ کی فضلیت ظاہر کرنے کی سازش قرار دیتے ہیں۔ من جملہ وہ اعتراضات یہ ہیں: ان روایات میں واقعے کی تفصیل ایک دوسرے سے متفاوت ہے، تمام روایات خود حضرت عایشہ تک منتہی ہوتی ہیں، روایات کا سند ضعیف ہے۔[11] مثلا ان روایات میں سے ایک میں آیا ہے کہ اس سلسلے میں پیغبمر اکرمؐ نے حضرت علیؑ اور اسامہ سے مشورہ کیا تو اسامہ نے حضرت عایشہ کے حق میں جبکہ حضرت علیؑ نے ان کی مخالفت میں رائ دیا، حالنکہ اس وقت اسامہ بچپنے کی عمر میں تھا۔[12]

اسی طرح ایک اور اشکال یہ کہ ان روایات میں سے ایک میں آیا ہے کہ پیغمبر اکرمؐ شروع میں اس شایعے سے متأثر ہوئے تھے۔ اگر اس بات کو قبول کریں تو یہ چیز پیغمبر اکرمؐ کی عصمت کے منافی ہو گا کیوکہ یہ اصلا قابل قبول نہیں ہے کہ آپ کسی بے گناہ شخص کی بنسبت سوء ظن پیدا کرے۔[13]

دوسرا نکتہ یہ ہے کہ اگر کوئی شخص کسی مسلمان پر زنا کی تہمت لگائے اور اپنے مدعا پر 4 گواہ پیش نہ کر سکے تو اس شخص پر قذف کا حکم جاری ہو گا اور یہ حکم اس واقعے سے پہلے نازل ہو چکا تھا۔ اور سورہ نور کی مذکورہ آیات میں بھی تہمت لگانے والوں سے گواہ طلب نہ کرنے پر مسلمانوں کی سرزنش کی گئی ہے۔ اس موقع پر معترض سوال اٹھاتا ہے کہ اس واقعے کے رونما ہوئے حد اقل ایک ماہ گذرنے کے باوجود پیغمبر اکرمؐ نے اس حکم پر عمل کیوں نہیں فرمایا؟ یا تہمت لگانے والوں سے گواہ کیوں طلب نہیں فرمایا؟ اور ان پر حد کیوں جاری نہیں کیا؟ البتہ بعض شواہد کی بنیاد پر یہ نتیجہ لیا جا سکتا ہے کہ قذف کا حکم اس وقت نازل نہیں ہوا تھا یا اس واقعے کے ساتھ نازل ہوا تھا۔[14]

■ دوسرا احتمال
شیعہ منابع میں نقل ہونے والی بعض روایات کے مطابق آیات افک اس وقت نازل ہو گئی تھی جب حضرت عایشہ نے ماریہ قبطیہ پر جریح قبطی نامی شخص کے ساتھ غلط رابطہ رکھنے کی تہمت لگائی تھی۔ اس روایت کے مطابق حضرت عایشہ نے پیغمبر اکرمؐ سے جس وقت آپ اپنے بیٹے ابراہیم کی موت کی وجہ سے غمگین تھے، کہا آپ ان کی موت پر کیوں غمگین ہو حالنکہ وہ تو آپ کی نسل میں سے نہیں تھا بلکہ وہ تو جریح کا بیٹا تھا۔ اس کے بعد پیغمبر اکرمؐ نے حضرت علیؑ کو جریح قتل کرنے کیلئے بھیجا لیکن جب حضرت علیؑ نے دیکھا کہ اس شخص کا تو آلت تناسل ہی نہیں ہے، اس کے قتل سے منصرف ہوئے یوں ماریہ پر لگائی گئی تہمت سرے سے ہی ختم ہو گئی۔ یہ روایت پہلی بار تفسیر علی بن ابراہیم قمی میں نقل ہوئی ہے اور اسے امام باقرؑ کی ایک روایت سے استناد کیا گیا ہے۔[15] ان سب کے باوجود بہت سارے شیعہ مفسرین نے اس واقعے کو نقل نہیں کیا ہے اور اہل سنت مفسرین کے ساتھ ہمراہی کرتے ہوئے اس واقعے کو حضرت عایشہ سے مربوط قرار دئیے ہیں۔[16]

شیعہ معاصر محققین اور مؤلفین نیز ان آیات کے شأن نزول میں اختلاف نظر رکھتے ہیں۔ بعض ان آیات کو ماریہ قبطیہ پر لگائی گئی تہمت سے مربوط قرار دیتے ہیں۔[17] علامہ جعفر مرتضی عاملی من جملہ ان محققین میں سے ہیں جو اس نظریے کو ثابت کرنے کیلئے بعض شواہد کو ذکر کرتے ہیں اور بعض تاریخی روایات کا اس شأن نزول کے ساتھ مطابقت ہونا ہے۔[18]

● اس احتمال پر ہونے والے اعتراضات
دوسری طرف سے بعض معاصر شیعہ محققین نے آیات افک کا ماریہ قبطیہ کے واقعے کے ساتھ مربوط ہونے کو بھی رد کئے ہیں۔[19] ان کا کہنا ہے کہ اس احتمال پر سب سے اہم اشکال یہ ہے کہ اس واقعہ اور مذکورہ آیات کے مضامین کے آپس میں سازگاری نہیں ہے، وہ یہ کہ ان آیات میں تہمت لگانے والوں کو ایک گروہ کی شکل میں پیش کرتے ہیں جبکہ ماریہ قبطیہ کے واقعے میں تہمت لگانے والی صرف حضرت عایشہ کی ذات ہے۔ دوسری بات یہ کہ اس روایت کے مطابق پیغمبر اکرمؐ نے صرف حضرت عایشہ کے کہنے پر بغیر کسی تحقیق اور اس کے جرم کو شرعی قوانین کے مطابق ثابت کئے بغیر اس فرد کو قتل کرنے کا حکم صادر فرمایا ہے، یہ کام پیغمبر اکرمؐ سے محال ہے۔[20]

📚 حوالہ جات واقعہ افک
↑ قرشی بنایی، قاموس قرآن، ج۱، ص۸۹۔
↑ طباطبایی، المیزان، ۱۴۱۷ق، ج۱۵، ص ۸۹۔
↑ مکارم شیرازی، الامثل، ۱۴۲۱ق، ج۱۱، ص ۴۶۔
↑ سورہ نور، آیات ۲۰ تا ۲۶۔
↑ فخررازی، التفسیر الکبیر، بیروت، ج۲۳، ص ۱۷۳؛ ابن اثیر، اسدالغابہ، بیروت، ج۵، ص۵۰۴۔
↑ ابن ہشام، سیرہ النبویہ، بیروت، ج۲، ص ۲۹۷-۳۰۲ واقدی، المغازی، ۱۴۱۴ق، ص۴۲۶-۴۳۵۔
↑ طبری، تاریخ الامم و الملوک، ۱۳۸۷ق،‌ج۲، ص ۶۱۴۔
↑ طبری، تاریخ الامم و الملوک، ۱۳۸۷ق، ج۲، ص ۶۱۶۔
↑ یعقوبی، تاریخ یعقوبی، بیروت، ج۲، ص ۵۳۔
↑ ابن ہشام، السیرہ النبویہ، بیروت، ج۲، ص ۳۰۲۔
↑ عاملی، الصحیح من سیرہ النبی الاعظم، ۱۴۲۶ق، ج۱۲، ص ۷۷-۷۸، ۸۱، ۹۷۔
↑ ابن ہشام، السیرہ النبویہ، بیروت، ج۲، ص۳۰۷۔
↑ طباطبایی، المیزان، ۱۴۱۷ق، ج۱۵، ص۱۰۱؛ مکارم شیرازی، الامثل، ۱۴۲۱ق، ج۱۱، ص۴۰۔
↑ طباطبایی، المیزان، ۱۴۱۷ق، ج۱۵، ص ۱۰۲-۱۳۰؛ مکارم شیرازی، ۱۴۲۱ق، ج۱۱، ص ۴۱۔
↑ قمی، تفسیر قمی، ۱۳۶۷ش، ج۲، ص ۹۹۔
↑ حسینیان مقدم، «بررسی تاریخی تفسیری حادثہ افک»، ص ۱۶۶-۱۶۷۔
↑ یوسفی غروی، موسوعہ التاریخ الاسلامی، ۱۴۲۳ق، ج ۳، ص۳۵۰۔
↑ عاملی، الصحیح من سیرہ النبی الاعظم، ۱۴۲۶ق، ج۱۲، ص ۳۲۰، ۳۲۶۔
↑ سبحانی، فروغ ابدیت، ۱۳۸۴ش، ص ۶۶۶؛ حسینیان مقدم، «بررسی تاریخی تفسیری حادثہ افک»، ص ۱۷۲۔
↑ مکارم شیرازی، الامثل، ۱۴۲۱ق، ج۱۱، ص ۴۱۔
↑ حسینیان مقدم، بررسی تاریخی- تفسیری حادثہ افک، ۱۳۸۴ش۔

https://t.me/islamwitheman
🔵 ISLAM WITH EMAN 🔵

🔷 حلیمہ سعدیہ کی بیٹی حُرِّہ 🔷

حلیمہ سعدیہ کی ایک بیٹی تھی جِن کا نام “حُرِّہ” تھا اور وہ حضرت امیرالمومنین علیہ السّلام کی مخلص مومنہ تھی۔

کسی نے حجاج بن یوسف سے کہا کہ حلیمہ سعدیہ کی بیٹی حُرِّہ دن رات حضرت علی علیہ السّلام کے فضائل بیان کرتی رہتی ہے یہ سن کر حجاج کو سخت غصہ آیا اور اس نے حضرت حُرِّہ کو اپنے دربار میں طلب کیا جب آپ وہاں پہنچیں تو حجاج نے بڑے غصہ سے کہا؛
بڑھیا! میں نے سنا ہے کہ تو یہ عقیدہ رکھتی ہے کہ علی علیہ السّلام تمام صحابہ سے افضل تھے!!
حضرت حُرِّہ نے کہا؛ جس نے تجھے میرے متعلق اس عقیدہ کی خبر دی ہے وہ جھوٹا ہے میں حضرت علی علیہ السّلام کو صحابہ سے افضل نہیں مانتی میرا تو عقیدہ ہے کہ رسول اکرمۖ کے علاوہ حضرت علی علیہ السّلام باقی انبیاء کرام سے افضل ہیں۔

جب حجاج نے یہ سنا تو اس نے چیخ کر کہا؛ تجھ پر ہلاکت ہو کیا تو علی علیہ السّلام کو انبیاء کرام سے افضل مانتی ہے؟
حضرت حُرِّہ نے کہا؛ میں اپنی طرف سے یہ عقیدہ تھوڑا رکھتی ہوں۔ بات یہ ہے کہ اللہ نے انہیں یہ فضیلت دی ہے اور قرآن مجید نے اس کی گواہی دی ہے۔
حجاج نے کہا: ٹھیک ہے تم قرآن سے اپنا عقیدہ ثابت کرو اگر تم یہ عقیدہ ثابت کرنے میں کامیاب ہو گئی تو میں تمہیں معاف کردوں گا ورنہ تمھارے قتل کا حکم جاری کروں گا۔

حضرت حرہ نے کہا:
1۔ سنو! قرآن مجید یہ گواہی دیتا ہے کہ خدا نے حضرت آدم و حوا سے کہا تھا “ولا تقربا ھذہ الشجرة” (البقر ہ- 35) تم اس درخت کے قریب نہ جانا۔ لیکن حقیقت یہ ہے حضرت آدم علیہ السلام شجرہ ممنوعہ کے پاس گئے تھے اور اسکا ثمر کھایا تھا۔

اب خدارا تم ہی بتا دو کہ اللہ نے علی علیہ السلام کو کسی چیز سے منع کیا ہو اور علی علیہ السلام نے خدا کے حکم پر عمل نہ کیا ہو؟ اور اگر کوئی واقعہ تمھارے ذہن میں ہے تو تم بیان کرو۔

2۔ حضرت نوح علیہ السلام جلیل القدر نبی تھے لیکن قرآن مجید یہ گواہی دیتا ہے کہ ان کی اور حضرت لوط علیہ السلام کی بیویاں خائنہ تھیں جیسا کہ فرمان خداوندی ہے۔ ضرب اللہ مثلاًً الذین کفر امرا تہتہتہ لوط کانتا تحت عبدین عبادنا صالحین فخانتاھما۔ (تحریم – 10)
ترجمہ: اللہ کافروں کے لئے نوح علیہ السلام اور لوط علیہ السلام کی بیوی کی مثال بیان کرتا ہے وہ دونوں ہمارے نیک بندوں کی بیویاں تھیں انہوں نے ان سے خیانت کی۔
حضرت نوح علیہ السلام کی بیوی خائنہ تھی جب کہ علی علیہ السلام کی زوجہ حضرت فاطمہ زہراء سلام اللہ علیہا ہیں جن کی رضا سے اللہ راضی ہوتا ہے۔

3۔ قرآن مجید میں یہ واقعہ موجود ہے کہ ایک مرتبہ حضرت ابراہیم علیہ السلام نے بارگاہ الٰہی میں عرض کیا تھا کہ خدا مجھے دکھا تو مردوں کو کیسے زندہ کرتا ہے۔
اللہ نے ان سے فرمایا تھا؛ اولم تومن قال بلٰی و لکن لیطمئن قلبی (البقر ہ– 260)
ترجمہ؛ کیا تو ایمان نہیں رکھتا؟ عرض کیا؛ کیوں نہیں لیکن میں چاہتا ہوں کہ میرے دل کو اطمینان مل جائے۔

4۔ اور ابراہیم علیہ السلام کے متعلق اللہ تعالٰی نے فرمایا؛ و کذَلِک نری ابراہیم ملکوت السمٰوات و الارض و لیکون من المُو قِنین۔

ترجمہ: اور اس طرح سے ہم ابراہیم علیہ السلام کو آسمان اور زمین کی بادشاہت دکھلاتے رہے تاکہ اس کے یقین میں اضافہ ہو۔

حضرت ابراہیم علیہ السلام کو یقین کے اضافہ کے لیے ارض و سما کی بادشاہت دیکھنے کی احتیاج تھی جب کہ حضرت علی علیہ السلام یقین کے اس بلند ترین مقام پر فائز تھے کہ انہوں نے خود کہا تھا۔ “لو کشف الغطاء ما ازد دت یقیناً”۔ ترجمہ: اگر حجاب اٹھا دیئے جائیں تو بھی میرے یقین میں اضافہ نہیں ہوگا۔

حضرت علی علیہ السلام کے اس فرمان سے معلوم ہوتا ہے کہ آپ یقین کے آخری درجہ پر فائز تھے جس میں کسی اضافہ کی گنجائش موجود نہیں تھی۔

5۔ اللہ تعالٰی نے طورِ سینا پر حضرت موسٰی سے گفتگو کی۔ اللہ نے ان سے فرمایا کہ تم فرعون کے پاس جاؤ اور اسے جا کر تبلیغ کرو۔

حضرت موسٰی علیہ السلام نے بارگاہ احدیت میں عرض کیا: رب انی قتلت منہم نفسا فاخاف ان یقتلون (القصص، 33) ترجمہ: پروردگار! میں نے ان کی قوم کے ایک شخص کو قتل کیا تھا مجھے ڈر ہے کہ وہ مجھے کہیں قتل ہی نہ کر دیں۔

آیت مجیدہ سے معلوم ہوا کہ حضرت موسٰی کو اپنے قتل کئے جانے کا خطرہ تھا اسی لئے انہوں نے بارگاہ احدیت میں اس خدشہ کا اظہار کیا تھا۔

6۔ جب کفار مکہ نے طے کیا کہ وہ سارے مل کر رسول ۖ اللہ کو قتل کر دیں تب اللہ نے اپنے حبیب کو ان کے منصوبے کی خبر دی اور اللہ نے آپ کو مکہ سے ہجرت کرنے کا حکم دیا۔ نبی اکرمۖ نے حضرت علی علیہ السلام کو بلا کر فرمایا؛ یہاں گھر میں مجھے اپنی جان کا خطرہ ہے کیا تم میرے بستر ہر سوؤ گے؟

حضرت علی علیہ السلام نے عرض کیا؛ کیوں نہیں میں آپ پر اپنی جان قربان کروں گا۔
حضرت علی علیہ السلام بے خوف ہو کر نبی اکرمۖ کے بستر پر پوری رات سوتے رہے۔

7۔ حضرت مریم سلام اللہ علیھا کے ہاں عیسٰی علیہ السلام کی ولادت کا وقت ہوا تو انہیں یہ آواز سنائی دی کہ مسجد چھوڑ کر باہر چلی جاؤ۔

حضرت مریم سلام اللہ علیھا نے وہ حجرہ چھوڑا اور باہر کھجور کے جھنڈ میں آئیں اور وہاں پر حضرت عیسٰی علیہ السلام کو جنم دیا۔ لیکن کیا کہنے حضرت علی علیہ السلام اور ان کی والدہ گرامی کی عظمت کے جب حضرت علی علیہ السلام کی ولادت کا وقت قریب آیا تو ان کی والدہ ماجدہ دعا کے لیے کعبہ گئیں اور غلاف کعبہ کو تھام کر خدا کو اپنے فرزند کا واسطہ دیا تو اسی وقت دیوار کعبہ میں شگاف ہو گیا اور والدہ گرامی حضرت علی علیہ السلام کعبہ میں گئیں اور جہاں حضرت علی علیہ السلام کی ولادت ہوئی۔

جب حجاج نے حرہ کی زبانی حضرت علی علیہ السلام کے یہ فضائل سنے تو وہ حیران و پریشان رہ گیا اور اُنہیں‌ روانہ کیا.

📚 حوالہ جات
کشکول دستغیب، جلد دوم، صفحہ 20۔
فضائل ابنِ شاذان، صفحہ 122۔
بحارج 4، ص 134۔

https://t.me/islamwitheman
⭕ ISLAM WITH EMAN ⭕

🔷 پادری کا کاتب 🔷

ایک سوچ، ایک فیصلہ، ایک قدم، ایک انتخاب، پوری زندگی کا نقشہ بدل کر رکھ دیتا ہے. ہر لمحے ہر پل ہمارے ارد گرد ایک موقع موجود رہتا ہے، ہم نے کیا منتخب کرنا ہے اور کیا اختیار کرنا ہے یہ سراسر ہمارا ذاتی فیصلہ ہوتا ہے، وہی فیصلہ ہماری زندگیوں کے نتائج طے کرتا ہے۔

ایک قصہ سنیے:
وٹس ایپ سے ایک عربی تحریر کا اردو ترجمہ
اس لیے مصنف و کتاب فی الحال نامعلوم ہیں۔
پرانے وقتوں کی بات ہے، ایک غریب شخص کام کاج کی تلاش میں مختلف شہروں کی خاک چھانتا رہا مگر اسے کوئی بھی کام نہ مل سکا.
تھک ہار کر وہ چرچ میں چلا گیا، اور اونچی آواز میں کہنے لگا "خداوندا تو مجھے کب تک غریب رکھے گا"
پادری نے جب یہ الفاظ سنے تو اس شخص کو ڈانٹا کہ ایسے دعا نہیں کرتے. وہ غریب شخص کہنے لگا کہ ٹھیک ہے پھر آپ مجھے کوئی کام دے دیں، تاکہ میں یہ الفاظ پھر نہ دہرا سکوں.
پادری کہنے لگا ٹھیک ہے مجھے اس چرچ کے لیے ایک کاتب کی ضرورت ہے، جو یہاں آنے جانے والوں کے علاوہ چرچ کے اخراجات کا حساب لکھا کرے ، تم یہ کام سنبھال لو ماہانہ پچاس ڈالر کے علاوہ کھانا اور رہائش بھی میرے ذمے ہوگی.
اس شخص نے فوراً حامی بھر لی، پادری نے اسے کھاتہ رجسٹر اور قلم دے دیا، اور یوں وہ شخص چرچ کا کاتب بن گیا. وہ روزانہ پادری کو ہر چیز کے متعلق تفصیل سے بتاتا رہتا تھا۔

جب اسے کام کرتے ہوئے ایک ہفتہ ہوگیا تو پادری نے کہا ذرا اپنا حساب کتاب لکھنے والا رجسٹر لے کر آؤ تاکہ اس ہفتے کی آمدن اور اخراجات کا موازنہ کیا جاسکے، وہ شخص کہنے لگا جناب مجھے تو لکھنا پڑھنا آتا ہی نہیں، میں تو زبانی ہر چیز کا حساب رکھتا ہوں.
پادری نے کہا تم نے مجھے بتایا کیوں نہیں کہ تم لکھ پڑھ نہیں سکتے، مجھے تو ایسے شخص کی ضرورت تھی جو پڑھا لکھا ہو، تم میری طرف سے یہ پچاس ڈالر لو اور جاؤ جاکر کوئی دوسرا کام تلاش کرو.

وہ شخص پچاس ڈالر لیکر جب چرچ سے باہر نکلا تو اس نے دیکھا کہ دو شخص آپس میں باتیں کررہے تھے، ایک شخص دوسرے کو کہہ رہا تھا کہ میں نے تمھیں پچاس ڈالر قرض دیے ہیں، اب تم ان سے کوئی تجارت کا کام کرو، اپنا نفع حاصل کرو اور بعد میں مجھے میری اصل رقم لوٹا دو.
اس شخص نے جب یہ گفتگو سنی تو سوچنے لگا کہ پچاس ڈالر تو میرے پاس بھی ہیں، مجھے بھی تجارت کرکے دیکھنی چاہیے..
وہ گیا اور بازار میں اچھی طرح گھوم پھر کر دیکھا، اس نے دیکھا کہ اس شہر کے امراء ٹماٹر سے روٹی کھاتے ہیں مگر عجیب بات تھی کہ ٹماٹر وہاں اگتا نہیں تھا، دور دراز کے علاقوں سے جب ٹماٹر آتا تو طویل سفر اور گرم موسم کے باعث رستے میں خراب بھی ہوجاتا تھا اس وجہ سے اس کام میں سرمایے اور وقت کے خسارے کے پیش نظر بس دو تین تاجر ہی یہ کام کرتے تھے، اور وہ منہ مانگے دام بھی وصول کرتے تھے.
اس شخص نے دور دراز کے علاقوں سے ٹماٹروں کو یہاں لاکر فروخت کرنے کا ارادہ بنا لیا.

وہ پہلے بھی مختلف شہروں کا سفر کرتا رہا تھا، اسے پتا تھا کہ کہاں پر ٹماٹر سستا اور کثرت سے پایا جاتا ہے. وہ سیدھا وہاں ہی گیا، وہاں سے جب ٹماٹر خرید کر لایا اور بہت کم منافع کے ساتھ انہیں فروخت کرنا شروع کیا تو پہلے دن ہی سارے ٹماٹر ہاتھوں ہاتھ بک گئے اور اسے اچھا خاصا منافع بھی حاصل ہوا. اسے یہ کام پسند آگیا، اور پھر کرتے کرتے ایک دن وہ اس علاقے کا بڑا تاجر بن گیا. اس نے اپنے کام کاج میں ہاتھ بٹانے کے لیے نوکر بھی رکھ لیے.

ایک دفعہ وہ سفر کرتے ہوئے کسی ایسی جگہ پر گیا جہاں ہسپانوی زبان بولی جاتی تھی جس سے وہ نابلد تھا. وہ ایک ریستوران میں کھانا کھانے گیا تو اسے کھانوں کے نام پلے نہیں پڑ رہے تھے، اس نے اپنے ایک نوکر کو بلا کر کہا کہ ذرا ان کھانوں کے نام تو سمجھ کر مجھے بتاؤ، نوکر نے حیرانی سے کہا جناب آپ اتنے بڑے تاجر ہیں مگر آپ کو ہسپانوی زبان نہیں آتی، اس شخص نے کہا اس لیے کہ میں پڑھا لکھا نہیں ہوں، تو نوکر نے کہا جناب آپ ان پڑھ ہوکر ایک بڑے تاجر ہیں، سوچیں اگر دو چار جماعتیں پڑھ لیتے تو پتا نہیں کتنے بڑے تاجر ہوتے اور آج نجانے کہاں ہوتے.
اس شخص نے جواب دیا ہونا کہاں تھا، اگر دو چار جماعتیں پڑھ جاتا تو آج پچاس ڈالر ماہوار پر چرچ میں پادری کا کاتب ہوتا..

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔


https://t.me/islamwitheman
⭕ ISLAM WITH EMAN ⭕

🔷 رزق کی اہمیت 🔷

جب میں اپنی بیٹی کو پھل کاٹ کر پلیٹ میں ڈال کر دیتی ہوں نا تو وہ چند کاشیں بڑے سکون اور تمیز سے کھاتی ہے۔
پھر جب اسکا پیٹ تھوڑا بھر جاتا ہے تو وہ پھل کے ٹکڑوں سے کھیلنے لگ جاتی ہے۔ پلیٹ میں انہیں گھماتی رہتی ہے۔
کچھ مزید کھا لینے کے بعد وہ پھل کو مسلنا اور اپنے چہرے پہ پھیرنا شروع کر دیتی ہے۔ (جی بالکل فیشل کے انداز میں)
اور بھوک مکمل مٹ جانے کے بعد مجھے بچی ہوئی ساری کاشیں اور ٹکڑے جابجا بکھرے ہوئے ملتے ہیں۔
وہ اپنے ہاتھ چہرہ اور کپڑے خراب کر چکی ہوتی ہے اور وہ ٹکڑے اسکے کام کے رہتے ہیں نہ کسی اور کے۔
ایسا تب ہوتا ہے جب میں اسے پوری پلیٹ تھما کر اس کے حال پہ چھوڑ دیتی ہوں۔ علم تو مجھے ہوتا ہے کہ وہ کیا کر رہی ہوگی لیکن میں نے توجہ نہیں کی ہوتی۔
اور جب میں اس کی طرف متوجہ ہوتی ہوں تو جیسے ہی اندازہ ہو کہ اس کا پیٹ بھر گیا ہے میں اس کے ہاتھ سے پلیٹ لے لیتی ہوں وہ روتی اور ضد کرتی رہ جاتی ہے لیکن میں پلیٹ واپس نہیں کرتی کیونکہ مجھے علم ہوتا ہے کہ یہ اب رزق ضائع کرے گی۔ میں وہ پھل اس نیت سے محفوظ کرلیتی ہوں کہ دوبارہ جب اسے ضرورت ہو گی یعنی بھوک لگے گی تو میں یہ پلیٹ اسے واپس تھما دوں گی۔
تو میں سوچ رہی تھی کہ الله ﷻ بھی اپنے بعض بندوں کو کبھی یونہی نعمتوں سے مالامال کر کے ان کے حال پہ چھوڑ دیتا ہے وہ مال ودولت کی فراوانی میں بھٹک جاتے ہیں۔
اور نعمتوں کو یوں ضائع کرنے لگ جاتے ہیں کہ دنیا و آخرت تباہ کر بیٹھتے ہیں۔
اور بعض کو اللہ ان کی ضرورت کا رزق عطا کرتا ہے۔ جب ضرورت نہ ہو تو ان کا ہاتھ تنگ بھی کر دیتا ہے انسان چاہے روتا رہے کسی چیز کیلئے لیکن اللہ مناسب وقت آنے سے پہلے اسے وہ چیز نہیں دیتا کیونکہ وہ جانتا ہے کہ بغیر ضرورت کے ملی ہوئی چیز کی قدر نہیں ہوگی۔ پھر وہ وقت آنے پر پھر سے اپنی رحمتوں کا در کھول دیتا ہے۔
ضرورت کے وقت نوازتا ہے
جتنی ضرورت ہو اتنا نوازتا ہے۔
تنگی دکھا کر نعمتوں کی قدر کرنا بھی سکھاتا ہے۔
اور اس تنگی کے بدلے آخرت کیلئے بھی ہمارا حصہ محفوظ کرلیتا ہے۔
بےشک وہ ستر ماؤں سے زیادہ محبت کرنے والا اور خیال رکھنے والا ہے۔

بس رب تعالٰی کا یہ فرمان ذہن میں تازہ رہنا چاہیئے کہ ۔۔۔

وَ عَسٰۤی اَنۡ تَکۡرَہُوۡا شَیۡئًا وَّ ہُوَ خَیۡرٌ لَّکُمۡ ۚ وَ عَسٰۤی اَنۡ تُحِبُّوۡا شَیۡئًا وَّ ہُوَ شَرٌّ لَّکُمۡ ؕ وَ اللّٰہُ یَعۡلَمُ وَ اَنۡتُمۡ لَا تَعۡلَمُوۡنَ ﴿۲۱۶﴾

ممکن ہے کہ تم کسی چیز کو بری جانو اور دراصل وہی تمہارے لئے بھلی ہو اور یہ بھی ممکن ہے کہ تم کسی چیز کو اچھی سمجھو حالانکہ وہ تمہارے لئے بری ہو حقیقی علم اللہ ہی کو ہے تم محض بے خبر ہو۔

اگر اس پر یقین پختہ ہو جائے تو ٹینشن ختم ہو جائے گی۔

(copied)

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 کیا میں کر پاٶں گا 🔷

اَن پڑھ تھا مستری کے پیچھے مزدوری کرتے اُسے ابھی صرف 15 دن ہی ہوٸے تھے چناٸی کا کام جاری تھا۔
وہ ایک صبح کام پر آیا اور مالک نے کہا یار آپکے استاد کا فون آیا ہے اُسے کوٸی ایمرجنسی بن گٸی ہے۔ آپ بھی آج چھٹی کرو۔

دیہاڑی ٹوٹنے کا خوف اپنی جگہ لیکن شوق نے انگڑاٸی لی کہنے لگا صاحب میں مستری کا کام کروں گا مجھے مزدوری مزدور والی ہی دے دیجٸے گا۔
تھوڑی ہچکچاہٹ کے بعد مالک راضی ہوگیا اور اُس نے اینٹوں کی چُناٸی شروع کر دی۔ ہاتھ کو ایڈجسٹ ہوتے کوئی دو گھنٹے لگے۔

شام تک استاد کے برابر کام کر لیا اور صفاٸی کا بھی خاص خیال رکھا۔ صاحب نے خوش ہوکر اُسے کچھ رقم زیادہ دے دی۔

اگلے دِن استاد آکر حیران ہوا کہ اُسکے مزدور نے اتنا اچھا کام کیا اُس نے بھی دو سو روپیہ انعام دیا اور کہا آج کے بعد تم میرے ساتھ مستری ہو گے اور تمھیں اسی مکان کی تکمیل تک سب کچھ سکھا دوں گا۔

چار ماہ میں وہ کافی حد تک کام سیکھ چکا تھا
لیکن اُس کی ایک عادت تھی کہ ہر ہفتے کچھ پھل یا تحفہ لیکر استاد کے گھر جاتا اور وہاں دونوں اکٹھے گپ شپ کرتے اور چاٸے پیتے۔

ایک دن اُس نے استاد سے کہا کہ استاد جی روڈ پر فلاں جگہ پلازہ بننے لگا ہے ابھی اُس کا مختلف ٹھیکیداروں سے ریٹ چل رہا ہے۔ 400 کم از کم ریٹ ملا ہے مالک کو۔ ہم 350 میں پکڑ لیں۔

یار جیسے تم بہتر سمجھو
کر لو فاٸینل اگر ملتا ہے تو
پر لیبر اور مشینری زیادہ چاہیٸے ہوگی۔
ہو جاٸے گا استاد جی۔

15 ماہ میں پلازہ مکمل کیا اور 2 لاکھ کی بچت کے ساتھ ساتھ دو اور پلازوں کے ٹھیکے پکڑ لئے۔

صرف 4 سال بعد موصوف نے استاد کے نام سے کنسٹرکشن کمپنی بنالی اور استاد اور وہ اب زیادہ دفتر میں بیٹھ کر کام کرنے لگے ایک بندہ دفتر میں ڈیزاٸنرز اور میٹیریل کی فراہمی دیکھتا تو دوسرا موقعوں پر کام کا جاٸزہ لیتا۔

اسطرح وہ بندہ جس نے مزدوری سے کام شروع کیا اور وہ مستری جس نے اپنے شاگرد پر اعتماد کیا کروڑ پتی بن گٸے اپنے نیچے کٸی پڑھے لکھے لوگوں کیلٸے اچھے روزگار اور ملازمت کا باعث بھی بنے۔

ایسی ایک نہیں سینکڑوں مثالیں ہمیں اپنے اردگرد نظر آتی ہیں۔

اِس ترقی میں کیا کیا شامل تھا:

سب سے پہلے خود اعتمادی:
اگر پہلے دن مزدور خود اعتمادی سے اینٹوں کی چناٸی سے ڈرتا تو ہمیشہ مزدوری ہی کرتا رہتا اُس نے سوچا ہوگا زیادہ سے زیادہ ناکام ہی رہوں گا تو کوٸی بات نہیں مالک کا نقصان بھر دوں گا۔

استاد کا شاگرد پر بھروسہ:
اگر استاد مزدور کی حوصلہ افزاٸی نہ کرتا تو استاد بھی اُسی مقام پر رہتا۔

استاد کی عزت اور رہنماٸی:
اگر وہ سمجھتا کہ مجھے کام آگیا ہے میں اب اپنا کروں گا یعنی احسان فراموش نکلتا تو بھی ترقی نہ کرتا۔

محبت اور خلوص:
ایک دوسرے سے محبت اور خلوص کی بنیاد پر ہی یہ ترقی ہوئی۔

حسد سے ماورا تعلق:
یہ بھی بہت ضروری ہے

ایمانداری
دونوں میں سے کوٸی ایک علیحیدہ سے صرف اپنا ٹھیکہ پکڑتا یا پیسوں میں کوٸی ہیر پھیر کرتا تو بھی یہ ترقی ممکن نہ تھی۔

وعدے کی پابندی:
کام کی وقت پر اچھے طریقے سے تکمیل سے لوگوں کے اعتماد میں اضافہ ہوا۔

دعا اور مقدر:
مذکورہ بیان کردہ خصلتوں سے دعاٸیں بھی ٹارگٹ ہٹ کرتیں ہیں اور مقدر بھی بن جاتا ہے۔

اور سب سے بڑی بات:
دھوکہ تبھی ہوتا ہے جب اپنی نیت میں بھی کھوٹ ہو.

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 ڈپریشن کا شکار معاشرہ 🔷

▪️ایک 55 سالہ شخص ڈِپریشن کا شکار تھا، اس کی بیوی نے ایک ماہر نفسیات سے ملاقات کی، بیوی نے کہا کہ میرا خاوِند شدید ڈِپریشن میں ہے, براہ کرم مدد کریں.

ڈاکٹر نے اپنی مشاورت شروع کی، اس نے کچھ ذاتی باتیں پوچھی اور اُس کی بیوی کو باہر بیٹھنے کو کہا۔
صاحب بولے میں بہت پریشان ہوں، دراصل میں پریشانیوں سے مغلُوب ہوں، ملازمت کا دباؤ، بچوں کی تعلیم اور ملازمت کا تناؤ، ہوم لون، کار لون، مجھے کچھ پسند نہیں، دنیا مجھے پاگل سمجھتی ہے لیکن میرے پاس اتنا سامان نہیں جتنا کہ ایک کارتوس میں گولِیاں، میں بہت اداس اور پریشان ہوں.
یہ کہہ کر اس نے اپنی پوری زندگی کی کتاب ڈاکٹر کے سامنے کھول دی۔

پھر ڈاکٹر نے کچھ سوچا اور پوچھا کہ آپ نے دسویں جماعت کس اِسکول میں پڑھی؟.

اُس شخص نے اسے اِسکول کا نام بتایا، ڈاکٹر نے کہا آپ کو اس اِسکول میں جانا ہے پھر اپنے اسکول سے آپ کو اپنی دسویں کلاس کا رجسٹر تلاش کرنا ہے اور اپنے ساتھیوں کے نام تلاش کرنے ہیں اور ان کی موجودہ خیریت کے بارے میں معلومات حاصل کرنے کی کوشش کرنی ھے.
ایک ڈائری میں تمام معلومات لکھیں اور ایک مہینے کے بعد مجھ سے ملیں.

وہ شخص اپنے اسکول گیا، رجسٹر ڈھونڈنے میں کامیاب رہا، اور اسے کاپی کروایا۔ اس میں 120 نام تھے، اس نے ایک مہینے میں دن رات کوشش کی لیکن وہ بمشکل 75 ہم جماعتوں کے بارے میں معلومات جمع کرنے میں کامیاب رہا.

حیرت:
ان میں سے 20 مر چُکے تھے, 7 رنڈوے اور 13 طلاق یافتہ تھے, 10 ایسے نکلے جو کہ بات کرنے کے قابل بھی نہیں تھے, 5 اتنے غریب نکلے کہ کوئی ان کا جواب نہ دے سکا, 6 اتنے امیر نکلے کہ اُسے یقین ہی نہیں آیا, کچھ کینسر میں مُبتلا تھے، کچھ فالِج, ذِیابیطس، دمہ یا دل کے مریض تھے، کچھ لوگ بستر پر تھے جن کے ہاتھوں، ٹانگوں یا ریڑھ کی ہڈی میں چوٹیں آئی تھیں, کچھ کے بچے پاگل، آوارہ یا بیکار نکلے, ایک جیل میں تھا۔ ایک شخص دو طلاق کے بعد تیسری شادی کی تلاش میں تھا.

ایک ماہ کے اندر دسویں جماعت کا رجسٹر اذِیّت بیان کر رہا تھا.

ڈاکٹر نے پوچھا "اب بتاؤ تمہارا ڈِپریشن کیسا ہے"؟.
وہ شخص سمجھ گیا کہ اسے کوئی مُوذی بیماری نہیں، وہ بھوکا نہیں، اس کا دماغ دُرُست ھے، اسے عدالت، پولیس، وکلاء کا کوئی مسئلہ نہیں، اس کی بیوی اور بچّے بہت اچھے اور صحت مند ھیں، وہ خود بھی صحت مند ھے.

اس شخص کو احساس ہوا کہ واقعی دنیا میں بہت زیادہ دُکھ ہیں، اور وہ بہت سے اذِیّت ناک دُکھوں سے محفُوظ ھے.

دوسروں کی پلیٹوں میں جھانکنے کی عادت چھوڑیں، اپنی پلیٹ کا کھانا پیار سے لیں۔ دوسروں کے ساتھ اپنا مُوازنہ نہ کریں.

اور پھر بھی اگر آپ کو لگتا ہے کہ آپ ڈِپریشن میں ہیں تو آپ کو بھی اپنے اِسکول جانا چاہیے، دسویں جماعت کا رجسٹر لائیں اور ......

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 آپ کا شہد پسند نہیں آیا 🔷

یہ پہلا کسٹمر تھا جس نے شہد کی واپسی کے لئے کال کی، ان کی کال نے مجھے تذبذب میں ڈال دیا، پالیسی کے تحت رقم بھی واپس کرنا تھی، لہذا ذہن پہ نقصان کا بوجھ ڈالنے کی بجائے تھوڑا دل بڑا کیا اور بولا:
"برادر ... قریب کی جامع مسجد میں ۔۔ ‏شہد کا ڈبہ پہنچا دیجئے، امام صاحب سے میری بات کروائیے، انہیں میرا اور مجھے ان کا نمبر دے دیجئے اور اپنی رقم واپس وصول کر لیجئے۔"

لمحہ بھر کے لئے انہیں بھی چپ سی لگ گئی۔

"بھائی اس طرح آپ کا نقصان نہیں ہوگا؟ اور پتہ نہیں وہ امام مستحق بھی ہو یا نہیں؟"

"بھائی دیکھئے! جہاں تک نقصان کی بات ہے وہ تو ہو چکا چاہے آپ واپس بھی بھیج دیں، لیکن ڈبہ کھل چکا ہے، محفوظ پیکنگ مشکل ہوگی، آپ کے لئے بھی وقت نکال کر یہ سارے مرحلے مشکل سے طے ہوں گے اسی لئے آپ کی پریشانی کے پیش نظر آسان حل بتایا ہے اگر تو پیکنگ، پیکجنگ، کورئیر بکنگ تک کے مرحلے طے کر سکتے‏ ہیں تو ٹھیک ہے بھیج دیجئے لیکن امام مسجد والا آسان پراسس ہے اسی لئے آپ کو وہی بتلایا، اب وہ مستحق ہیں یا نہیں اس سے کوئی سروکار ہی نہیں کیونکہ یہ تو ہدیہ ہے صدقہ نہیں۔ صدقہ مستحق کو دیا جاتا ہے ہدیہ تو بادشاہ کو بھی پیش کیا جاسکتا ہے۔"

بہرحال انہوں نے امام مسجد والا‏ آپشن پسند کیا اور نماز کے بعد امام مسجد کو یہ ہدیہ پیش کیا، مجھ سے بات کروائی اور امام صاحب حیرت میں گم مجھ سے پوچھتے ہیں:
"جناب کیا آپ مجھے جانتے ہیں؟"

"نہیں مولانا ۔۔"

"تو پھر یہ ہدیہ ۔۔؟؟"

"ہمارا مولویانہ رشتہ تو ہے نا"

تھوڑا سا ہنستے ہوئے بولے
"وہ تو ٹھیک ہے.. لیکن ۔۔"

"لیکن ویکن کچھ نہیں، آپ ایک کام کیجئے، شہد چیک کیجئے، پسند آئے تو لوگوں کو بتائیے گا، نہیں تو کسی اور کو دے دیجئے گا۔"

اور پھر شکریہ کے بعد کال آف ہوگئی، متعلقہ کسٹمر کو 2500 روپے ٹرانسفر کردئیے۔

تین دن بعد کالز کا تانتا بندھ گیا۔

“شہد چاہیے تھا، سنا ہے آپ کے پاس اچھا شہد ہے۔"

میں حیران رہ گیا۔

دو دنوں میں پندرہ کلو کے پندرہ آرڈرز ملے
جس بھی کسٹمر سے پوچھا کہ آپ کو کہاں سے پتہ چلا؟

ایک ہی جواب ملا۔۔۔

"امام صاحب نے بتایا ہے۔"

شکریہ کے لئے کال کی تو امام صاحب بولے:
"بس میں نے تو چیک کروایا، جس طرح عام طور پہ اکرام کیا جاتا ہے۔۔
‏ اسی طرح۔۔ تو کچھ ساتھیوں کو پسند آگیا، انہوں نے پوچھا تو آپ کا نمبر دے دیا اور شاید انہوں نے ایک دوسرے کو بتایا ہوگا۔"

آپ اگر ایک اچھے کام کا تہیہ کرلیں تو رب تعالٰی کہیں اور سے آپ کے فائدے کا بندوبست ضرور فرما دیتا ہے۔۔
‏ رب کے ساتھ کی گئی تجارت میں کبھی خسارہ نہیں ہوتا۔ آپ بھی کر کے دیکھئے.

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 باغ کا امین 🔷

اس کا شمار شہر مَرو کے بڑے تاجروں میں ہوتا تھا۔ اس تاجر کی ایک بیٹی تھی جو حسن و جمال میں لاجواب تھی۔ بہت سے لوگوں نے اس سے شادی کی خواہش کا اظہار کیا۔ ایک شب ایک امیر شخص اپنے بیٹے کے ساتھ اس شخص کے ہاں مہمان ٹھہرا تو دوسری رات کوئی اور رشتہ لے کر آگیا لیکن اس تاجر کو سمجھ نہیں آرہا تھا کہ اپنی بیٹی کے لئے کس کو شوہر کے طور پر انتخاب کرے۔

دو ماہ پہلے اس تاجر نے شہر سے باہر ایک باغ خریدا تھا۔ آج اس کا دل چاہا کہ باغ کی سیر کو جائے۔ گھوڑے پر سوار ہو کر شہر سے باہر نکل کر باغ جاتا ہے۔ باغ میں ایک جوان جس کا نام مبارک ہے، موجود تھا۔ جب باغ خریدا تو اس وقت اس جوان کو باغبانی کے لئے انتخاب کیا تھا۔ مبارک اپنے مالک کو دیکھ کر بہت خوش ہوا۔ جاری پانی کی خوبصورت آواز تاجر کے کانوں کو بہت سکون پہنچا رہی تھی۔ چشمے کے کنارے ایک تخت تھا تاجر وہاں جا کر بیٹھ گیا۔ انگور کھانے کا دل چاہا۔ آواز دی۔ مبارک! میرے لئے انگور لے کر آؤ۔
مبارک تیزی سے اپنے ہاتھ انگور سے پر کئے آپ کے پاس آتا ہے۔ انگور کے ایک بڑے خوشے کو نہر کے پانی سے دھو کرتخت پہ رکھ دیتا ہے۔

تاجر ہاتھ بڑھاتا ہے انگوروں کا ایک خوشہ اٹھا کر کچھ دانے کھاتا ہے لیکن انگور کھٹے ہوتے ہیں۔ ابھی پکے نہیں تھے۔

مبارک دوسرے انگور لے آؤ یہ کھٹے ہیں۔

مبارک دوسرے انگور لے کر آتا ہے لیکن وہ بھی کھٹے نکلتے ہیں۔ تاجر حیران ہوتا ہے۔ مبارک کھٹے انگور کیوں لے کر آتا ہے۔ مبارک! میٹھے انگور کیوں نہیں لاتے؟ کیا نہیں جانتے کہ کون سے انگور میٹھے ہیں؟

مبارک نے تاجر کی طرف دیکھا اور کہا: مالک! میں نے آج تک اس باغ سے انگور نہیں کھائے ہیں۔ اس لئے نہیں معلوم کہ کون سے میٹھے ہیں اور کون سے کٹھے؟

تاجر حیرت سے کہتا ہے: تم انگور کے باغ میں ہوتے ہو اور انگور نہیں کھاتے؟

مبارک نے کہا: آپ نے مجھے ان درختوں کی حفاظت اور ان کا خیال رکھنے پر مامور کیا تھا۔ مجھے اس بات کی اجازت نہیں دی کہ انگور کھا سکوں؟ میں نے ایک انگور کے دانے کو بھی ہاتھ نہیں لگایا کیونکہ یہ باغ میرے پاس امانت تھا۔ میں امانت میں خیانت کیسے کر سکتا تھا۔

تاجر سوچ میں پڑ جاتا ہے۔ یقین نہیں آ رہا تھا کہ آج کل کے اس دور میں ایسا نیک اور پاکیزہ جوان کہیں مل سکتا ہے۔ تاجر نے سوچا کہ اپنی بیٹی کے رشتے کے حوالے سے اس سے مشورہ کرے۔ اس سے پوچھا: اگر تمہاری بیٹی ہوتی اور اس کے بہت زیادہ رشتے آتے تو تم کس کو اپنی بیٹی دیتے؟

مبارک نے جواب دیا: آج کل لوگ دولت کے پیچھے بھاگتے ہیں اور چاہتے ہیں کہ لڑکا مالدار ہونا چاہیئے۔ لیکن پیغمبر اکرم ﷺ کے زمانے میں لوگ دین تلاش کرتے تھے۔ اس کو رشتہ دیتے جو دین دار ہوتا۔

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

📚 کتاب۔۔آسمانی تحفہ
مھدی خدامیان

https://t.me/islamwitheman
⭕ ISLAM WITH EMAN ⭕

🔷 غیر ضروری خوف 🔷

بوعلی سینا نے ایک تجربہ کیا اور دو میمنوں کو پنجرے میں رکھا۔

میمنے ایک ہی عمر، وزن، ایک ہی نسل کے تھے اور دونوں کوایک ہی قسم کا چارہ کھلایا گیا۔ تمام حالات برابر رکھے۔

ابن سینا نے میمنوں کے پنجروں کی ایک طرف ایک اور پنجرا رکھا اور اس پنجرے میں ایک بھیڑیا رکھا اور میمنوں میں سے صرف ایک میمنا اُس بھیڑیے کو دیکھ سکتا تھا۔

کئی مہینوں بعد، میمنا جو بھیڑیے کو دیکھتا ہے مر جاتا ہے کیونکہ وہ بے چین، خوفزدہ اور کمزور ہوتا ہے۔ اگرچہ بھیڑئے نے میمنے کو کچھ نہیں کیا، لیکن میمنہ اس خوف اور دباؤ کی وجہ سے مر گیا جو اس نے محسوس کیا۔

جبکہ دوسرا میمنا، جو بھیڑیے کو نہیں دیکھ سکتا تھا، اچھی طرح سے کھاتا تھا اور اُسکا وزن بھی بڑھ گیا کیونکہ وہ کافی پرامن رہا۔

اس تجربے میں ابن سینا نے صحت اور جسم پر ذہنی اثرات کے مثبت اور منفی اثرات کا مشاہدہ کیا۔ غیر ضروری خوف، فکر، اضطراب اور تناؤ انسانی جسم کو نقصان پہنچاتے ہیں۔

اگر آپ کو زندگی کی مشکلات کا سامنا کر کے آگے بڑھنا ہے تو اپنی راہ میں آنے والے ہر خوف کو نظر انداز کرنا سیکھیں پھر ہی آپ کامیابی کی سیڑھیوں پہ چڑھ سکیں گے۔
اور یقین کریں یہ خوف سے زیادہ اور کچھ نہیں ہے کوئی دنیا کی طاقت آپکو فائدہ یا نقصان نہیں پہنچا سکتی سوائے اللہ کے۔

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 میڈیکل فٹنس 🔷

■ بلڈ پریشر
120/80 -- نارمل
130/85 -- نارمل (کنٹرول)
140/90 -- زیادہ
150/95 -- (بہت زیادہ)

■ پلس
72 پر منٹ (معیاری)
60 --- 80 پی ایم. (نارمل)
40 -- 180 پی ایم. (نارمل نہیں)

■ ٹمپرییچر
98.4 ایف (نارمل)
99.0 ایف سے زیادہ (بخار)

■ بلڈ گروپ
کونسا بلڈ گروپ لوگوں میں کتنے فیصد ہوتا ہے۔۔

O+ 1 in 3 37.4%
A+ 1 in 3 35.7%
B+ 1 in 12 8.5%
AB+ 1 in 29 3.4%
O- 1 in 15 6.6%
A- 1 in 16 6.3%
B- 1 in 67 1.5%
AB- 1 in 167 0.6%

کونسے بلڈ گروپ دوسرے بلڈ گروپ لے سکتے ہیں۔۔
O- لے سکتے ہیں (O-)
O+ لے سکتے ہیں (O+, O-)
A- لے سکتے ہیں (A-, O-)
A+ لے سکتے ہیں (A+, A-, O+, O-)
B- لے سکتے ہیں (B-, O-)
B+ لے سکتے ہیں (B+, B-, O+, O-)
AB- لے سکتے ہیں (AB-, B-, A-, O-)
AB+ لے سکتے ہیں (AB+, AB-, B+, B-, A+, A-, O+, O-)

یہ بہت ضروری مسیج ہے جو کسی کی زندگی میں فائدے لا سکتا ہے۔

■ پانی کے اثرات
ہمیں پتا ہے کہ پانی بہت ضروری ہے لیکن یہ نہیں پتا کہ پانی کس وقت کیا فائدہ دے سکتا ہے۔ کیا آپ کو پتا ہے کہ پانی کا ایک گلاس ان اوقات میں آپ کو بہت فائدے دیتا ہے۔۔

پانی کا ایک گلاس ۔۔۔ دوڑنے کے بعد آپ کے اعضاء کو سکون دیتا ہے۔

پانی کا ایک گلاس ۔۔۔ کھانے سے 30 منٹ پہلے آپ کے نظام انہضام کو درست کرتا ہے۔

پانی کا ایک گلاس ۔۔۔ واش روم جانے سے پہلے پینے سے آپ کا بلڈ پریشر لو کرتا ہے۔

پانی کا ایک گلاس ۔۔۔ سونے سے پہلے پینے سے آپ کو ہارٹ اٹیک سے بچاتا ہے۔

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman
⭕ ISLAM WITH EMAN ⭕

🌹 جبر و اختیار 🌹

امر بین الاَمرَین، علم کلام کی ایک اصطلاح ہے جو جبر اور اختیار کے مسئلے میں شیعہ مذہب کے مخصوص اعتقادات میں سے ہے۔ یہ عقیدہ اس مسئلے میں جبر اور تفویض کے نظریے مقابلے میں انسان کے اختیاری افعال میں خدا اور انسان دونوں کے ارادے کو دخیل سمجھتے ہیں اس بنا پر انسان نہ اس قدر مجبور ہے کہ اپنے ارادے سے کوئی کام انجام نہ دے سکتا ہو اور نہ مکمل آزاد ہے کہ اس کے افعال میں خدا کا ارادہ کوئی دخالت نہ رکھتا ہو۔ بعض احادیث سے معلوم ہوتا ہی کہ امر بین الامرین کی اصطلاح کو سب سے پہلے امیرالمؤمنین علی(ع) نے مطرح فرمایا ہے۔

■ نکتہ آغاز
جبر اور اختیار کا مسئلہ انسانی تاریخ میں تمام ادیان و مذاہب میں مورد بحث و گفتگو قرار پایا ہے۔ [1] جبر و اختیار کا مسئلہ صرف نظریاتی پہلو ہی نہیں بلکہ عملی پہلو بھی رکھتا ہے [2] اور سماجی آزادی اور عدل الہی جیسے موضوعات کے ساتھ بھی ارتباط رکھتا ہے۔ [3]

الامر بین الامرین کی اصطلاح کو پہلی مرتبہ امیرالمؤمنین حضرت علی(ع) نے مطرح فرمایا۔ کہا جاتا ہے کہ کسی شخص نے قضا و قدر کے بارے میں امام علیہ السلام سے سوال کیا تو امام علیہ السلام نے اسے اس بحث کو چھیڑنے سے منع کیا لیکن اس نے اصرار کیا تو امام علیہ السلام نے فرمایا: اب جبکہ تم اپنے بات پر مصر ہو تو سنو قضا و قدر کے حوالے سے نہ جبر در کار ہے اور نہ تفویض؛ بلکہ حقیقت میں ان دونوں کا درمیانی امر صحیح ہے۔[4].

اس مسئلے کے بارے میں بقیہ ائمہ بطور خاص امام صادق(ع) اور امام رضا(ع) سے بھی بہیت ساری احادیث نقل ہوئی ہیں۔ اسی طرح امام ہادی (ع) سے اس مسئلے کی توضیح میں ایک مفصل کتابچہ بھی نقل ہوئی ہے۔[5].

● توضیح
اس اصطلاح میں "امرین" سے مراد جبر اور تفویض ہے۔ جبر کے نظریے کے مطابق انسان کا اراده اپنے افعال میں کوئی دخالت نہیں رکھتا ہے اور اس کے افعال مہر شدہ اور اس کے اختیار سے باہر ہے۔ جبکہ اس کے مقابلے میں تفویض کے نظریے کے مطابق انسان کا ارادہ اپنے افعال میں ہر حوالے سے مؤثر ہے اور خدا کا ارادہ اس میں کوئی دخالت نہیں رکھتا بلکہ خدا نے انسان اور اس کی قدرت کو خلق فرمایا ہے اس کے بعد انسان کے تمام کاموں کو خود انسان کے اوپر موکول فرمایا ہے اب اس حوالے سے خدا کا کوئی کردار نہیں ہے۔"امر بین الأمرین" کا نظریہ ان دونوں نظریوں کو باطل سمجھتا ہے اور انسان کے اختیاری افعال میں خدا اور انسان دونوں کے اردے کو ایک دوسرے کے طول میں مؤثر سمجھتا ہے جو حقیقت میں انسان کا اپنے کاموں میں مختار ہونا ہے۔

● اس نظریے کے حامی
حکماء اور شیعہ متکلمین اس نظریے کے قائل ہیں۔ [6]. دوسرے مکاتب فکر میں سے ماتریدیہ اگرچہ انسان کے اختیاری افعال میں نظریہ کسب کے قائل ہیں لیکن وہ "کسب" کی ایسی تعریف کرتے ہیں جو مسئلہ امر بین الامرین میں اہل تشیع کے نظریے کے ساتھ سازگار ہے۔ [7].

طحاویہ جو ابو جعفر مصری طحاوی (۲۲۹ـ۳۲۱ق) کے پیروکار ہیں اس مسئلے میں اہل تشیع کے موافق ہیں۔ [8].

اشاعره کے بعض متکلمین بھی امر بین الامرین کی اصطلاح کو استعمال کئے بغیر اس نظریے کو قبول کرتے ہیں۔ جیسے شمس‌الدین محمود اصفہانی [9]، عبدالوہاب شعرانی[10]، عبدالعظیم زرقانی[11]، شیخ محمد عبدہ[12] اور شیخ محمود شلتوت[13].

■ دلایل
شیعہ متکلمین کے مطابق قرآن، احادیث معصومین اور عقلی دلائل اس نظریے کو ثابت کرتی ہیں۔

● قرآن
قرآن کی آیات میں سے آیہ مجیدہ إِيَّاكَ نَعْبُدُ وَإِيَّاكَ نَسْتَعِينُ [14] جبر کے نظریے کے ساتھ منافات رکھتی ہے کیونکہ اگر ہمارے افعال کو خدا خود ہی خلق کرتا ہے اور ہمارا ارادہ اس میں کوئی دخالت نہیں رکھتا تو عبادت کو اپنی طرف نسبت دیتے ہوئے "نعبد: ہم عبادت کرتے ہیں" کہنا کوئی معنا نہیں رکھتا۔ اسی طرح یہ آیت تفویض کے نظریے جو انسان کے افعال میں خدا کو دخیل نہیں سمجھتے، کے ساتھ بھی منافات رکھتی ہے کیونکہ استعانت (نستعین: ہم مدد طلب کرتے ہیں) طلب کرنا ایک ایسے شخص سے جو ہمارے کاموں میں کوئی دخالت نہیں رکھتا، کوئی معنا نہیں رکھتا ہے۔[15]. امام صادق(ع) اس مسئلے کے بارے میں پوچھے گئے ایک سوال کے جواب میں مذکورہ آیت سے استدلال فرمایا ہے۔[16].

اس کے علاوہ سوره انفال کی آیت نمبر ۱۷ بھی اس مطلب پر دلالت کرتی ہے: فَلَمْ تَقْتُلُوهُمْ وَلَـٰكِنَّ اللَّـهَ قَتَلَهُمْ وَمَا رَمَيْتَ إِذْ رَمَيْتَ وَلَـٰكِنَّ اللَّـهَ رَمَىٰ... ترجمہ:پس تم لوگوں نے ان کفاّر کو قتل نہیں کیا بلکہ خدا نے قتل کیا ہے اور پیغمبرآپ نے سنگریزے نہیں پھینکے ہیں بلکہ خدا نے پھینکے ہیں ...

اس آیہ مجیدہ میں قتل اور تیراندازی کو ابتدا میں "تقتلوہم" اور "رمیت" کی عبارت کے ذریعے مؤمنین اور پیغمبر(ص) کی طرف نسبت دی گئی ہے پھر ان سے ان افعال کی نسبت کو نفی کرکے ان کی نسبت خدا کی طرف دی گئی ہے۔ یہ نفی اور اثبات ایک ہی جہت سے نہیں ہے کیونکہ اس صورت میں تناقض گوئی ہوگی جو حکیم سے محال ہے، بلکہ یہ آیت مؤمنین اور پیغمبر اکرم(ص) کا اپنے

افعال میں مکمل آزاد ہونے کی نفی کرتی ہے لیکن اس بات کو ثابت کرتی ہے کہ وہ اپنے کاموں میں دخالت رکھتے ہیں یہ وہی چیز ہے جسے ہم امر بین الامرین کہتے ہیں۔ا[17].

اسی طرح بعض آیات میں انسان کے مختار ہونے کو بیان کرتے ہوئے اس کے افعال کو خود اسی کی طرف نسبت دی گئی ہے۔ جیسے: وَأَن لَّيْسَ لِلْإِنسَانِ إِلَّا مَا سَعَىٰ ترجمہ: اور انسان کے لئے صرف اتنا ہی ہے جتنی اس نے کوشش کی ہے۔[18] جبکہ بعض دوسری آیات میں خدا کی مشیت اور حکم خدا کو انسان کے افعال میں موثر جانا گیا ہے۔ جیسے: وَمَا أَرْسَلْنَا مِن رَّسُولٍ إِلَّا لِيُطَاعَ بِإِذْنِ اللَّـهِ...ترجمہ: اور ہم نے کسی رسول کو بھی نہیں بھیجا ہے مگر صرف اس لئے کہ حکِم خدا سے اس کی اطاعت کی جائے۔[19] آیات کا پہلا گروہ جبر کے عقیدے کے مقابلے میں جبکہ دوسرا گروہ تفویض کے عقیدے کے مقابلے میں ہے. آیات کے ان دو گروہوں کو جب ایک دوسرے کے ساتھ رکھ کر نتیجہ اخذ کیا جائے تو یہ بات سامنے آتی ہے کہ خدا نے خود انسان کو اپنے افعال میں دخل و تصرف کی اجازت دی ہے لیکن یہ انسان کا یہ اختیار خدا کے حکم اور مشیت کے سائے میں ہے۔

● احادیث
احادیث کی کتابوں میں مختلف عناوین جیسے، جبر، قدر اور امر بین الأمرین [20]، المشیۃ والارادۃ، [21] اور الإستطاعۃ۔[22] کے تحت اس حوالے سے کئی روایات موجود ہیں جنہیں پانچ گروہ میں تقسیم کر سکتے ہیں:

وہ رویات جو جبر کو تکلیف، وعد و وعید، ثواب و عقاب اور آخر کار خدا کی حکمت کے منافی جانتی ہیں۔ [23]
وہ روایات جو جبر اور قضاو قدر کو خدا کی قدرت مطلقہ کے منافی جانتی ہیں اور جبر کے عقیدے کو خدا کی خالقیت اور اور تدبیر کے ساتھ غیر ہماہنگ قرار دیتی ہیں۔[24]
وہ روایات جو حق اور صحیح عقیدے کو جبر اور تفویض کے درمیانی منزل کو قرار دیتی ہیں۔[25]
وہ روایات جو امر بین الامرین کی حقیقت کو کشف کرنے کو ایک مشکل کام جانتی ہیں جس کیلئے ایک مستحکم اور پختہ قدم اٹھانے کی ضرورت ہے اور مؤمن کیلئے جبر اور تفویض کے عقیدے کی بطلان کو ضروری سمجھتے ہیں۔ [26]
وہ رویات جو عام آدمی کو امر بین الامرین کی حقیقت سے روشناس کرانے کیلئے اسے عرفی مثالوں کے ضمن میں بیان کی ہیں۔[27]
بعض احادیث کی وضاحت
امام صادق(ع) نے انسان کا اپنے افعال میں کے مختار ہونے کو ایک معصیت‌کار انسان سے تشبیہ دی ہے جس کو آپ گناہ سے منع کرتے ہو لیکن وہ آپ کی بات نہیں مانتا اور گناہ اور معصیت کو جاری رکھتا ہے۔ امام علیہ السلام فرماتے ہیں کہ: اس گناہگار شخص کا آپ کی بات نہ ماننے کی وجہ سے جب آپ اس کو اپنی حالت پر چھوڑ دیتے ہیں تو اس کا مطلب یہ نہیں ہے کہ آپ نے اسے گناہ کرنے کی ترغیب دی ہو۔[28]

ملاّصدرا اس حدیث کی وضاحت کرتے ہوئے لکھتے ہیں: اس جہت سے کہ آپ نے اسے گناہ سے منع کیا گویا اسے اپنی حاحلت پر نہیں چھوڑا اور اور آپ کی بات قبول نہ کرنے کی وجہ سے جب اسے گناہ سے نہیں روکا تو گویا آپ نے اسے مجبور نہیں کیا۔ [29]

امام رضا(ع) فرماتے ہیں: "خداوند عزوجل نے فرمایا ہے:‌اے بنی آدم! تم میری مشیت اور اجازت سے وہ شخص ہو جو طلب کرتے ہو اور میری دی ہوئی توانائی سے میرے فرامین پر عمل پیرا ہوتے ہو اور میری نعمتوں کے ذریعے میری نافرمانی پر اتر آئے ہو۔ میں نے تمہیں سننے اور دیکھنے کی طاقت دی۔ کار خیر میں سے جو کچھ تجھ تک پہنچتی ہے وہ خدا کی طرف سے ہے اور جو کچھ برائی تم تک پہنچتی ہے وہ تمہاری اپنی طرف سے اور یہ اس لئے ہے کہ تمہارے نیک اعمال میں میں تم سے زیادہ سزاوار ہوں اور تمہارے برے اعمال میں تم مجھ سے زیادہ سزاوار ہو اور یہ اس وجہ سے ہے کہ میں جو کچھ انجام دیتا ہوں اس پر مجھ سے کوئی پوچھ گچھ نہیں ہوگی جبکہ لوگ اپنے کئے پر مسئول ہیں اور ان سے اس بارے میں ضرور سوال جواب ہوگا[30]

اس روایت کی رو سے انسان کے افعال میں مشیت اور توانائی ضروری ہے اور ان دونوں کو خدا نے ہی انسان کو عطا کی ہے۔ اور چونکہ خدا نیک اعمال (حسنات) کا حکم دیتا ہے اور گناهوں سے منع کرتا ہے، پس سزاوار ہے کہ حسنات کی نسبت خدا کی طرف دی جائے اور گناہوں کی نسبت خود انسان کی طرف [31]

■ عقلی دلایل
● مُتکلِّمین کا استدلال:
متکلمین کہتے ہیں کہ خدا اور انسان کے ارادے کے درمیان موجود رابطہ تین صورتوں کے علاوہ قابل تصور نہیں ہے، کیونکہ جب کسی کام کی تحقق کو دو ارادوں (خدا اور انسان کا ارادہ) کی طرف نسبت دیتے ہیں تو یا اس کام کی تحقق میں دونوں ارادے دخیل ہیں یا صرف ایک، اگر صرف ایک ارادہ دخیل ہو اور وہ خدا کا ارادہ ہو تو اس کا نتیجہ جبر ہے اور اگر صرف انسان کا ارادہ دخیل ہو تو اس کا نتیجہ تفویض ہے لیکن اگر دونوں ارادے دخیل ہوں تو اس کا نتیجہ امر بین الامرین ہے۔ چوتھا نظریہ قابل تصور نہیں ہے یعنی یہ کہ اس کام کی تحقق میں ان دونوں میں سے کوئی ایک بھی دخیل نہ ہو کیونکہ یہ خلاف فرض اور محال ہے۔ [32]

● حُکما کا استدلال
حکماء کا استدلال کچھ یوں ہے: خدا ہر چیز پر قادر ہے لیکن اشیاء وجود کو قبول کرنے(یعنی موجود ہونے اور نہ ہونے) کے حوالے سے مختلف ہیں۔ خدا بعض اشیاء کو بغیر کسی واسطے کے خلق فرماتا ہے اور بعض کو واسطوں کے ذریعے خلق فرماتا ہے۔ یہ واسطہ کبھی ایک ہوتا ہے اور کبھی ایک سے زیادہ۔ اب جب بعض اشیاء کی خلقت میں واسطہ لازم ہے تو اس کا مطلب یہ نہیں ہے کہ خدا اس واسطے کا محتاج ہو بلکہ یہ چیز اس مخلوق اور قابل میں موجود نقص کی وجہ سے ہے کیونکہ خدا مسبب الاسباب ہے اور تمام اسباب کو خدا نے ہی ایجاد کیا ہے اس لئے خدا کسی چیز کا محتاج نہیں ہے۔ انسان کے اختیاری افعال بھی انہی اشیاء میں سے ہیں جو بغیر واسطہ خدا سے خلق نہیں ہو سکتے اور انسان کا ارادہ ان واسطوں میں سے ایک ہے جس کے توسط سے یہ افعال وجود میں آتے ہیں پس جبر باطل ہے۔ اور دوسری طرف سے چونکہ تمام اسباب علل کو بھی خدا ہی خلق کرتا ہے اور اس کے ارادے سے خلق ہوتے ہیں پس تفویض بھی باطل ہے۔[33]

■ اس نظریے کے فوائد
● مسئولیت‌ پذیری
امر بین الامرین کے نظریے کے فوائد میں سے ایک یہ ہے کہ انسان اپنے آپ کو مکلف جانتا ہے اور اپنے کاموں کی مسئولیت کو خود قبول کرتے ہیں۔ کیونکہ اس نظریے کے مطابق انسان اپنے کاموں میں مختار ہے۔ جبکہ جبر کے نظریے کا لازمہ انسان کا مکلف نہ ہونا اور اپنے کاموں کی مسئولیت کو قبول نہ کرنا ہے جس کا لازمی نتیجہ بے قید و بند ہونا اور سستی اور تیبلی ہے۔ عام طور پر ایسے افراد جبر کے نظریے کا سہارا لیتے ہیں جو اس کے ذریعے کسیی مسئولیت کو قبول کرنے یا کسی قانون یا خلاقی اقدار کے پابند ہونے سے اپنے آپ کو آزاد سمجھتے ہیں اور اپنے آپ سے سرزد ہونے والے کاموں کیلئے کسی بہانے کی تلاش میں ہوتے ہیں۔[34] چنانچہ بنی امیہ کے حکمران اپنے ڈھائے جانے والے مظالم پر پردہ ڈالنے کی خاطر جبرگرایی کا شکار ہوتے اور مرجئہ مذہب کے قائل ہوتے تھے۔[35]

● اخلاق‌ پذیری
امر بین الامرین کے نظریے کا ایک اور فائدہ جب انسان اس بات کا معتقد ہوتا ہے کہ خود مختار ہے اور اپنی طبیعت میں کچھ نہ کچھ تبدیلی لا سکتا ہے، تو اپنے اندر اخلاقی فضائل ایجاد کرنے کی کوشش کرتا ہے۔ جبکہ اس کے برخلاف نظریے کے حامی حضرات کا خیال ہے کہ انسان کی طبعت تغییر پذیر نہیں ہے اور یہ حضرات کہتے ہیں کہ: انسان کی تربیت گویا ایساہی ہے کہ گندم، گندم سے حاصل ہوتا ہے اور جو، جو سے ہی حاصل ہوتا ہے۔[36]

جبر اور تفویض کے چنگل سے رہائی
جبر اور تفویض میں سے ہر ایک نظریہ مختلف مشکلات سے دچار ہیں ان مشکلات سے دوری اختیار کرنا صرف اور صرف امر بین الامرین کے نظریے کے ذریعے ہی ممکن ہے ۔

جبر کے نظریے سے پیش آنے والی مشکلات : ۱. انسان کی اخلاقی اور دینی مسئولیت کا بے معنی ہونا؛ ۲. برائیوں اور گناہوں کا خدا کی طرف سے خلق ہونا۔

تفویض کے نظریے سے خدا کی قدرت محدود اور توحید افعالی کا کا نظریہ باطل ہو جاتا ہے۔ [37]

📚 حوالہ جات
جعفری، جبر و اختیار، ص ۱۳.
طباطبایی، اصول فلسفہ و روش رئالیسم، ج۳، ص۱۵۱، پاورقی.
مطہری، عدل الہی، ص۱۱.
مجلسی، بحارالانوار، ج ۵، ص ۵۷.
طبرسی، الاحتجاج، احتجاجات الإمام علی الہادی(ع)، ص ۴۵۰ـ۴۵۳.
ملاصدرا، الحکمۃ المتعالیہ، ج ۶، ص ۳۷۱؛ فیاض لاہیجی، گوہر مراد، ص۳۲۷؛ طباطبایی، المیزان، ج ۱، ص ۲۴.
ر.ک: ماتریدی، کتاب التوحید، ص ۲۲۵ـ۲۲۶؛ ربانی، الکلام المقارن ، ص ۲۱۷ـ۲۲۰.
طحاوی، العقیدۃ الطحاویہ، ص ۶۷؛ ربانی، الکلام المقار، ص ۲۲۰ـ۲۲۱.
اصفہانی، تسدید القواعد فی شرح تجرید العقائد
شعرانی، الیواقیت والجواہر، ج ۱، ص ۱۴۰.
سبحانی، فرہنگ عقاید و مذاہب اسلامی، ص ۱۱۱ـ۱۱۲، بہ نقل از: مناہل العرفان، ج ۱، ص ۵۰۶
عبدہ، رسالۃ التوحید، ص ۱۱۹
سبحانی، فرہنگ عقاید و مذاہب اسلامی، ص ۱۱۲، بہ نقل از: تفسیر القرآن الکریم، ص ۲۴۰ـ۲۴۲.
سوره حمد، آیت :۵
طباطبایی، المیزان، ج ۱، ص ۲۴.
مجلسی، بحارالانوار، ج ۵، ص ۵۶.
زنوزی، لمعات الہیہ، ص ۲۰۷.
سوره نجم آیت تمبر۳۹
سوره نساءآیت نمبر،۶۴
کلینی، اصول کافی، ج۱، ص۱۵۵.
کلینی، اصول کافی، ج۱، ص۱۶۰؛ صدوق، التوحید، ص۳۳۶.
صدوق، التوحید، ص۳۴۴، باب۵۶
مجلسی، بحارالانوار، ج۵، ص۹۶، ح۱۹.
مجلسی، بحارالانوار، ج۵، ص۱۲۷.
مجلسی، بحارالانوار، ج۵، ص۵۱.
مجلسی، بحارالانوار، ج۵، ص۹۷.
کلینی، اصول کافی، ج۱، ص۱۶۰.
صدوق، التوحید، باب ۵۹، ص۳۶۲، ح۸
ملاصدرا، شرح اصول کافی، ص۴۱۶.
کلینی، اصول کافی، ج۱، ص۱۶۰؛ صدوق، التوحید، ص۳۳۸، باب۵۵، ح۶.
کلینی، اصول کافی، ج۱، ص۱۶۰، تعلیقه علامه طباطبایی.
فیاض لاہیجی، گوہر مراد، ص۳۲۷
ملاصدرا، الحکمة المتعالیه، ج۶، ص۳۷۱ـ ۳۷۲.
طباطبایی، اصول فلسفه و روش رئالیسم، ج۳، ص۱۷۱.
دائرة المعارف بزرگ اسلامی، ج۱۷، ص۵۲۲ـ۵۲۴.
طباطبایی، اصول فلسفه و روش رئالیسم، ج۳، ص۱۷۲.
دائرة المعارف بزرگ اسلامی، ج۱۷، ۴۹۹.

https://t.me/islamwitheman
⭕ ISLAM WITH EMAN ⭕