🛑 تدفین شہدائے کربلا 🛑

ﻧﻔﺲ ﺍﻟﻤﮩﻤﻮﻡ ﮐﯽ ﺭﻭﺍﯾﺖ ﮐﯿﻤﻄﺎﺑﻖ ﺍﺑﻦ ﺳﻌﺪ ﻟﻌﯿﻦ ﮐﮯ ﮐﺮﺑﻼ ﺳﮯ ﺍﭘﻨﮯ ﻣﻘﺘﻮﻟﯿﻦ ﮐﻮ ﺩﻓﻦ ﮐﺮ ﮐﮯ ﺣﺴﯿﻦ ﻭ ﺍہلبیت ﺍﻭﺭ ﺍﻧﺼﺎﺭ اﺑﺎ ﻋﺒﺪﺍﻟﻠﮧ ﮐﯽ ﻣﻄﮩﺮ ﻻﺷﻮﮞ ﮐﻮ ﺍﯾﺴﮯ ﮨﯽ ﺑﮯ ﮔﻮﺭ ﻭ ﮐﻔﻦ ﭼھﻮﮌ ﮐﺮ ﺟﺎﻧﮯ ﮐﯿﺒﻌﺪ ﻗﺮﯾﺒﯽ ﻣﻘﺎﻣﯽ ﺁﺑﺎﺩﯼ (ﻏﺎﺿﺮﯾﮧ) ﮐﮯ ﺭﮨﺎئشی ﻗﺒﯿﻠﮧ ﺑﻨﯽ ﺍﺳﺪ ﮐﮯ ﺑﻌﺾ ﻟﻮﮒ ﺍئے ﺟﻨﮩﻮﮞ ﻧﮯ ﺣﺴﯿﻦ ﺍﻭﺭ ﺍﻧﮑﮯ ﺍﺻﺤﺎﺏ ﻭ ﺍہلبیت ﮐﮯ ﻻﺷﻮﮞ ﭘﺮ ﻧﻤﺎﺯ ﭘﮍھی ﺍﻭﺭ ﻭﮨﯿﮟ ﺩﻓﻦ ﮐﺮ ﺩﯾﺎ ﺟﮩﺎﮞ ﺍﺝ ﺍﻥ ﮐﯽ ﻗﺒﺮﯾﮟ ﻣﻮﺟﻮﺩ ﮨﯿﮟ۔

"ﺍﻟﮑﺎﻣﻞ ﺍﻟﺒﮩﺎﺋﯽ" ﮐﯽ ﺭﻭﺍﯾﺖ ﮐﯿﻤﻄﺎﺑﻖ ﺟﻨﺎﺏ ﺣﺮ ﮐﻮ ﻭﮨﺎﮞ ﺩﻓﻦ ﮐﯿﺎ ﮔﯿﺎ ﺟﮩﺎﮞ ﻭﮦ ﺷﮩﯿﺪ کئے ﮔﺌﮯ ﺍﻧﮑﯽ ﻗﺒﺮ ﮔﻨﺞ ﺷﮩﯿﺪﺍﻥ ﺳﮯ کچھ ﺩﻭﺭ ﮨﮯ۔ ﺗﻘﺮﯾﺒﺎ ﺍﺝ ﮐﮯ ﺣﺴﺎﺏ ﺳﮯ 19 کلو ﻣﯿﭩﺮ ﺑﻨﺘﮯ ﮨﯿﮟ۔

ﺑﻨﻮ ﺍﺳﺪ ﻗﺒﺎئل ﻋﺮﺏ ﭘﺮ ﻓﺨﺮ ﮐﺮﺗﮯ ﺗﮭﮯ ﮐﮧ ﺍﻧﮩﻮﮞ ﻧﮯ ﺣﺴﯿﻦ ﺍﻭﺭ ﺷﮩﺪﺍﺀ ﮐﯽ ﻻﺷﻮﮞ ﭘﺮ ﻧﻤﺎﺯ ﭘﮍھی ﺍﻭﺭ ﺍﻧﮩﯿﮟ ﺩﻓﻨﺎﯾﺎ. ﺍﺳﯿﻄﺮﺡ ﺟﻨﺎﺏ ﺍﺑﻮﺍﻟﻔﻀﻞ ﺍﻟﻌﺒﺎﺱ ﻛﻮ ﻋﻠﻘﻤﻪ ﮐﮯ ﻧﺰﺩﯾﮏ ﻭﮨﯿﮟ ﺩﻓﻦ ﮐﯿﺎ ﮔﯿﺎ ﺟﮩﺎﮞ ﻭﮦ ﺷﮩﯿﺪ ﮨﻮﺋﮯ۔

ﺍﺑﻦ ﺷﮩﺮ ﺍﺷﻮﺏ ﻭ ﻣﺴﻌﻮﺩﯼ ﮐﯽ ﺭﻭﺍﯾﺘﻮﮞ ﮐﯿﻤﻄﺎﺑﻖ ﺍہلیان ﻏﺎﺿﺮﯾﮧ (ﺑﻌﺾ ﻧﮯ ﻋﺎﻣﺮﯾﮧ ﻟﮑﮭﺎ ﮨﮯ) ﻧﮯ ﺣﺴﯿﻦ ﺍﻭﺭ ﺍﻧﮑﮯ ﺍﺻﺤﺎﺏ ﭘﺮ ﻧﻤﺎﺯ ﭘﮍھ ﮐﺮ ﺍﻧﮩﯿﮟ ﺩﻓﻦ ﮐﺮ ﺩﯾﺎ. ﺍﻭﺭ ﺟﺐ ﻭﮦ ﺍﻥ ﺷﮩﺪﺍء ﮐﻮ ﺩﻓﻦ ﮐﺮ ﺭﮨﮯ ﺗﮭﮯ ﺗﻮ ﺍﻧﮩﻮﮞ ﻧﮯ ﺳﻔﯿﺪ ﭘﺮﻧﺪﻭﮞ ﮐﻮ ﺩﯾﮑﮭﺎ ﺟﻮ ﻓﻀﺎ ﻣﯿﮟ ﮔﺮﺩﺵ ﮐﺮ ﺭﮨﮯ ﺗﮭﮯ۔

"ﺗﺬﮐﺮﺓ ﺍﻟﺨﻮﺍﺹ" ﻣﯿﮟ ﻃﺒﺮﯼ ﻟﮑﮭﺘﮯ ﮨﯿﮟ. ﺯﮨﯿﺮ ﺑﻦ ﺍﻟﻘﯿﻦ ﺟﻮ ﺣﺴﯿﻦ ﮐﯿﺴﺎتھ ﺷﮩﯿﺪ ﮨﻮﺋﮯ۔ ﺍﻧﮑﯽ ﺯﻭﺟﮧ ﻧﮯ ﺍﭘﻨﮯ ﻏﻼﻡ ﮐﻮ ﮐﺮﺑﻼ بھیجا ﺍﻭﺭ ﺍﻥ ﺳﮯ ﮐﮩﺎ ﮐﮧ ﺟﺎﮐﺮ ﺍﭘﻨﮯ آﻗﺎ ﮐﻮ ﮐﻔﻦ ﭘﮩﻨﺎ ﺩﮮ۔ ﺟﺐ ﯾﮧ ﻏﻼﻡ ﮐﺮﺑﻼ ﭘﮩﻨﭽﺎ ﺍﻭﺭ ﺣﺴﯿﻦ ﮐﮯ ﺟﺴﺪ ﺍﻃﮩﺮ ﮐﻮ ﺭﯾﮓ ﮔﺮﻡ ﭘﺮ ﺑﮯ ﮐﻔﻦ ﭘﺎﯾﺎ ﺗﻮ ﮐﮩﻨﮯ ﻟﮕﺎ "ﻣﯿﮟ ﺍﭘﻨﮯ آﻗﺎ ﮐﻮ ﮐﻔﻦ ﺩﻭﮞ؟ ﺍﻭﺭ ﺣﺴﯿﻦ ﺑﮯ ﮐﻔﻦ ﭘﮍﮮ ﺭﮨﯿﮟ ﻭﺍﻟﻠﮧ ﻣﯿﮟ ﺍﯾﺴﺎ ﻧﮧ ﮐﺮﻭﻧﮕﺎ. ﭘﺲ ﺍﺱ ﻧﮯ ﯾﮧ ﮐﻔﻦ ﺣﺴﯿﻦ ﮐﻮ ﭘﮩﻨﺎ ﺩیا ﺍﻭﺭ ﺍﭘﻨﮯ ﺍﻗﺎ ﮐﻮ ﺩﻭﺳﺮﺍ ﮐﻔﻦ ﭘﮩﻨﺎ ﺩﯾﺎ"

ﻋﺰﯾﺰﻭ! ﯾﮩﺎﮞ ﺩﯾﮕﺮ ﺍﯾﺴﯽ ﺭﻭﺍﯾﺎﺕ ﺑﮑﺜﺮﺕ ﮨﯿﮟ ﺟﻦ ﻣﯿﮟ ﯾﮧ ﺻﺮﺍﺣﺘﺎ ﻣﻮﺟﻮﺩ ﮨﮯ ﮐﮧ ﺍﻣﺎﻡ ﺯﯾﻦ ﺍﻟﻌﺎﺑﺪﯾﻦ ﺑﺎﻋﺠﺎﺯ ﺍﻣﺎﻣﺖ ﮐﻮﻓﮧ ﺳﮯ ﺗﺸﺮﯾﻒ ﻻئے ﺍﻭﺭ ﺍﭘﻨﮯ ﺑﺎﺑﺎ ﺍﻭﺭ ﺷﮩﺪﺍﺀ ﮐﯽ ﻻﺷﻮﮞ ﭘﺮ ﻧﻤﺎﺯ ﭘﮍھائی ﺍﻭﺭ ﺍﻧﮩﯿﮟ ﻭﮨﯿﮟ ﺩﻓﻦ ﮐﯿﺎ ﺟﮩﺎﮞ ﺍﺝ ﺍﻧﮑﯽ ﻗﺒﻮﺭ ﻣﻮﺟﻮﺩ ﮨﯿﮟ۔

ﻣﻌﺮﻭﻑ ﺷﯿﻌﮧ ﻧﻈﺮﯾﮧ ﮐﯿﻤﻄﺎﺑﻖ ﻣﻌﺼﻮﻡ ﮐﻮ ﺻﺮﻑ ﻣﻌﺼﻮﻡ ﮨﯽ ﻏﺴﻞ ﺩﯾﺘﺎ ﮨﮯ ﺍﻭﺭ ﻧﻤﺎﺯ ﭘﮍھاتا ﮨﮯ. ﮨﻢ ﻧﮯ ﺩﻭﻧﻮﮞ ﺍﻗﻮﺍﻝ ﺍﭖ ﮐﮯ ﺳﺎﻣﻨﮯ ﺑﯿﺎﻥ ﮐﺮ ﺩیئے ﮨﯿﮟ۔

ﺍﺱ ﻣﻀﻤﻮﻥ ﮐﯽ ﺍﯾﮏ ﺭﻭﺍﯾﺖ "ﻧﻔﺲ ﺍﻟﻤﮩﻤﻮﻡ" ﻣﯿﮟ ﺍﻣﺎﻡ ﺍﺑﻮ ﺟﻌﻔﺮ ﻋﻠﯿﮧ ﺍﻟﺴﻼﻡ ﺳﮯ ﻣﺮﻭﯼ ﮨﮯ ﺍﭖ ﻓﺮﻣﺎﺗﮯ ہیں ﮐﮧ "ﺟﺐ ﺭﺳﻮﻝ ﺍﻟﻠﮧ (ﺹ) ﮐﯽ ﻭﻓﺎﺕ ﮨﻮئی ﺗﻮ ﺟﺒﺮئیل ﺍﻭﺭ ﻓﺮﺷﺘﻮﮞ ﻧﮯ ﻏﺴﻞ ﻭ ﺗﮑﻔﯿﻦ ﻭ ﺗﺪﻓﯿﻦ ﺍﻭﺭ ﻗﺒﺮ کھودنے ﻣﯿﮟ ﻣﻮﻻ ﻋﻠﯽ علیہ السلام ﮐﯽ ﻣﺪﺩ ﮐﯽ ﺍﻭﺭ آپ کے ﺟﺴﺪ ﺍﻃﮩﺮ ﭘﺮ ﻧﻤﺎﺯ ﭘﮍھی۔ ﺍﺳﯿﻄﺮﺡ ﻣﻮﻻ ﻋﻠﯽ علیہ السلام ﮐﯽ ﺷﮩﺎﺩﺕ ﮨﻮئی ﺗﻮ ﺭﺳﻮﻝ ﺍﻟﻠﮧ (ص) ﻧﮯ ﺍﻣﺎﻡ ﺣﺴﻦ علیہ السلام ﮐﯽ ﻣﺪﺩ ﮐﯽ ﺍﻭﺭ ﺗﺠﮩﯿﺰ ﻭ ﺗﮑﻔﯿﻦ ﻭ ﺗﺪﻓﯿﻦ ﻣﯿﮟ ﺳﺎتھ ﺩﯾﺎ۔ ﺍﺳﯿﻄﺮﺡ ﺟﺐ ﺣﺴﻦ ﻣﺠﺘﺒﯽ علیہ السلام ﺷﮩﯿﺪ ﮨﻮئے ﺗﻮ ﺭﺳﻮﻝ ﺍﮐﺮﻡ (ص) ﻭ ﻣﻮﻻ ﻋﻠﯽ علیہ السلام ﻧﮯ ﺗﺠﮩﯿﺰ ﻭ ﺗﺪﻓﯿﻦ ﻭ ﺗﮑﻔﯿﻦ ﻣﯿﮟ امام ﺣﺴﯿﻦ علیہ السلام ﮐﯽ ﻣﺪﺩ ﮐﯽ۔
ﺍﺳﯿﻄﺮﺡ ﺟﺐ ﻣﻈﻠﻮﻡ ﮐﺮﺑﻼ ﮐﯽ ﺗﺪﻓﯿﻦ ﮐﺎ ﻭﻗﺖ آﯾﺎ ﺗﻮ ﺍﻣﺎﻡ ﺯﯾﻦ ﺍﻟﻌﺎﺑﺪﯾﻦ علیہ السلام ﺑﺎﻋﺠﺎﺯ ﺍﻣﺎﻣﺖ ﺗﺸﺮﯾﻒ لائے ﺍﻭﺭ ﺭﺳﻮﻝ ﺍﮐﺮﻡ (ص) و ﺍﻣﺎﻡ ﻋﻠﯽ علیہ السلام اور ﺍﻣﺎﻡ ﺣﺴﻦ علیہ السلام ﻧﮯ ﺗﺪﻓﯿﻦ ﻣﻈﻠﻮﻡ ﮐﺮﺑﻼ ﻣﯿﮟ ﺍﭖ کی ﻣﻌﺎﻭﻧﺖ ﮐﯽ۔"

ﺍﮔﺮﭼﮧ ﺑﻨﻮ ﺍﺳﺪ بھی ﮨﻤﺮﺍﮦ ﺭﮨﮯ ﻟﯿﮑﻦ ﯾﮧ ﺳﯿﺪ ﺍﻟﺼﺎﺑﺮﯾﻦ ﺍﻣﺎﻡ ﺳﺠﺎﺩ علیہ السلام ﮨﯽ ﺗﮭﮯ ﺟﻨﮩﻮﮞ ﻧﮯ ﺷﮩﺪﺍﺀ ﮐﻮ ﺍﺱ ﺗﺮﺗﯿﺐ ﭘﺮ ﺩﻓﻦ ﮐﺮﻭﺍﯾﺎ ﺟﺲ ﻃﺮﺡ ﺍﺝ ﺍﻧﮑﯽ ﻗﺒﻮﺭ ﻣﻮﺟﻮﺩ ﮨﯿﮟ۔ (ﺳﻼﻡ ﺍﻟﻠﮧ ﻋﻠﯿﮩﻢ ﺍﺟﻤﻌﯿﻦ)

ﺭﻭﺍﯾﺖ ﻣﯿﮟ ﮨﮯ ﺟﺐ ﺑﻨﻮ ﺍﺳﺪ ﺗﺪﻓﯿﻦ ﮐﺮ ﺭﮨﮯ تھے ﺍﺱ ﺩﻭﺭﺍﻥ ﺍﻧﮩﯿﮟ ﮐﻮﻓﮧ ﮐﯽ ﺟﺎﻧﺐ ﺳﮯ ﺍﯾﮏ ﺳﻮﺍﺭ آﺗﺎ ﺩکھائی ﺩﯾﺎ۔ ﯾﮧ ﻟﻮﮒ چھپ ﮔﺌﮯ ﺷﺎﯾﺪ ﮐﮧ ﺍﺑﻦ ﺳﻌﺪ ﮐﮯ ﻟﻮﮒ ﮨﻮﮞ۔ ﻟﯿﮑﻦ ﯾﮧ ﺻﺎﺑﺮﯾﻦ ﮐﮯ ﺍﻣﺎﻡ ﺳﯿﺪ ﺳﺠﺎﺩ علیہ السلام تھے۔ آﭖ ﻧﮯ ﺑﻨﻮ ﺍﺳﺪ ﮐﻮ ﺍﭘﻨﺎ ﺗﻌﺎﺭﻑ ﮐﺮﺍﯾﺎ ﭘﺲ آپ ﺗﺮﺗﯿﺐ ﺑﺘﺎﺗﮯ ﺟﺎﺗﮯ ﺗﮭﮯ ﺍﻭﺭ ﺑﻨﻮ ﺍﺳﺪ ﺍﺳﯽ ﺗﺮﺗﯿﺐ ﮐﯿﻤﻄﺎﺑﻖ ﺗﺪﻓﯿﻦ ﺷﮩﺪﺍﺀ ﻣﯿﮟ آپ کی ﻣﺪﺩ ﮐﺮﺗﮯ ﺟﺎﺗﮯ ﺗﮭﮯ۔ ﺍﺱ ﺩﻭﺭﺍﻥ آپ کی آنکھوں ﺳﮯ ﺍﻧﺴﻮ ﻣﻮﺳﻢ ﺑﮩﺎﺭ ﮐﯽ ﺑﺎﺭﺵ ﮐﯿﻄﺮﺡ ﺟﺎﺭﯼ ﺗﮭﮯ۔ ﺧﺼﻮﺻﺎ ﺟﺐ آﭖ ﺍﭘﻨﮯ ﭼﭽﺎ ﺍﺑﻮ ﺍﻟﻔﻀﻞ ﺍﻟﻌﺒﺎﺱ ﮐﯽ ﻧﻌﺶ ﺍﻃﮩﺮ ﮐﯽ ﺗﺪﻓﯿﻦ ﮐﺮﻧﮯ ﻟﮕﮯ ﺗﻮ ﭼﯿﺨﯿﮟ ﻣﺎﺭ ﮐﺮ ﺭﻭئے ﺑﯿﺸﮏ ﺍﺑﻮﺍﻟﻔﻀﻞ ﺍﻟﻌﺒﺎﺱ ﮐﯽ ﺷﮩﺎﺩﺕ ﻧﮯ ﺣﺴﯿﻦ علیہ السلام ﮐﯽ ﮐﻤﺮ ﺗﻮﮌ ﺩﯼ ﺍﻭﺭ ﺳﯿﺪ ﺳﺠﺎﺩ ﮐﻮ ﺑﮯ ﺣﺎﻝ ﮐﺮ ﺩﯾﺎ۔

ﺷﯿﺦ ﻃﻮﺳﯽ ﻧﮯ ﺍﭘﻨﯽ ﺍﺳﻨﺎﺩ ﻣﯿﮟ ﺑﺴﻨﺪ ﺍﻣﺎﻡ ﺻﺎﺩﻕ ﻋﻠﯿﮧ ﺍﻟﺴﻼﻡ ﺭﻭﺍﯾﺖ ﮐﯽ ﮨﮯ "ﺍﯾﮏ ﺻﺒﺢ ﺟﻨﺎﺏ ﺍﻡ ﺍﻟﻤﻮﻣﻨﯿﻦ ﺣﻀﺮﺕ ﺍﻡ ﺳﻠﻤﮧ ﺭﻭﺗﯽ ﮨﻮﺋﯽ ﻧﮑﻠﯿﮟ ﭘﺲ ﺟﺐ ﺍﻥ ﺳﮯ ﺭﻭﻧﮯ ﮐﺎ ﺳﺒﺐ ﭘﻮﭼﮭﺎ ﮔﯿﺎ ﺗﻮ ﺑﻮﻟﯿﮟ "ﻣﯿﺮﺍ ﺑﭽﮧ ﺣﺴﯿﻦ ﮐﺮﺑﻼ ﻣﯿﮟ ﻗﺘﻞ ﮐﺮ ﺩﯾﺎ ﮔﯿﺎ ﮨﮯ ﮐﯿﻮﻧﮑﮧ ﻣﯿﮟ ﻧﮯ ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﻋﻠﯿﮧ ﻭﺍﻟﮧ ﻭﺳﻠﻢ ﮐﻮ ﺧﻮﺍﺏ ﻣﯿﮟ ﺩﯾﮑﮭﺎ ﮐﮧ ﺍﭖ ﮐﺎ ﭼﮩﺮﮦ ﺍﻗﺪﺱ ﺧﺎﮎ آﻟﻮﺩ ﮨﮯ۔ ﺍﻭﺭ ﺍﻧﺘﮩﺎﺋﯽ ﻏﻤﮕﯿﻦ ﻭ ﺣﺰﯾﻦ ﮨﯿﮟ" ﻣﯿﮟ ﻧﮯ ﭘﻮﭼﮭﺎ "ﺍﮮ ﺍﻟﻠﮧ ﮐﮯ ﺭﺳﻮﻝ! ﮐﺲ ﺷﮯ ﻧﮯ ﺍﭖ ﮐﻮ ﺍﺳﻘﺪﺭ ﻏﻤﮕﯿﻦ ﻭ ﺩﻝ ﮔﺮﻓﺘﮧ ﮐﺮﺩﯾﺎ ﮨﮯ؟"
ﺗﻮ ﺍﭖ ﻧﮯ ﻓﺮﻣﺎﯾﺎ: "ﺍﻡ ﺳﻠﻤﮧ! ﻣﯿﮟ ﺍﺝ ﭘﻮﺭﯼ ﺭﺍﺕ ﺣﺴﯿﻦ ﺍﻭﺭ ﺍﻥ ﮐﮯ ﺍﺻﺤﺎﺏ کیلئے ﻗﺒﺮﯾﮟ کھوﺩ ﺭﮨﺎ ﮨﻮﮞ ﺍﻭﺭ ابھی ﻓﺎﺭﻍ ﮨﻮﮐﺮ ﮐﺮﺑﻼ ﺳﮯ ﺍﺭﮨﺎ ﮨﻮﮞ۔"

ﺍﺳﯽ ﻣﻀﻤﻮﻥ ﮐﯽ ﺍﯾﮏ ﺍﻭﺭ ﺭﻭﺍﯾﺖ ﺣﻀﺮﺕ ﺍﺑﻦ ﻋﺒﺎﺱ ﺳﮯ ﻣﺮﻭﯼ ﮨﮯ ﺟﺲ ﮐﯿﻤﻄﺎﺑﻖ ﺍﻧﮩﻮﮞ ﻧﮯ ﺭﺳﻮﻝ ﺍﻟﻠﮧ (ص) ﮐﻮ ﺍﺱ ﺣﺎﻝ ﻣﯿﮟ ﺩﯾﮑﮭﺎ ﮐﮧ آﭖ ﮐﯽ آنکھوں ﺳﮯ آﻧﺴﻮ ﺟﺎری ہیں، ﭼﮩﺮﮦ ﺍﻧﻮﺭ ﻏﺒﺎﺭ آﻟﻮﺩ ﺍﻭﺭ ﭘﺎئے ﺍﻗﺪﺱ ﻣﯿﮟ ﻧﻌﻠﯿﻦ نہیں ﺗﮭﮯ۔ آﭖ ﻧﮯ ﺍﭘﻨﺎ ﮐﺮﺗﮧ ﻣﺒﺎﺭﮎ تھاﻣﺎ ﮨﻮﺍ ﺗﮭﺎ ﺍﻭﺭ ﯾﮧ ﺍﯾﺖ ﭘﮍھ ﺭﮨﮯ ﺗﮭﮯ (ﻇﺎﻟﻢ ﯾﮧ ﮔﻤﺎﻥ ﻧﮧ ﮐﺮﯾﮟ ﮐﮧ ﺍﻟﻠﮧ ﺍﻥ ﮐﯽ ﮐﺮﺗﻮﺗﻮﮞ ﺳﮯ ﻏﺎﻓﻞ ﮨﮯ- ﺍﺑﺮﺍﮨﯿﻢ 42) ﭘﮭﺮ ﺍﭖ ﻧﮯ ﻓﺮﻣﺎﯾﺎ: ﻣﯿﮟ ﮐﺮﺑﻼ ﺳﮯ آ ﺭﮨﺎ ﮨﻮﮞ ﺍﻭﺭ ﯾﮧ ﺣﺴﯿﻦ ﺍﻭﺭ ﺍﻧﮑﮯ ﺍﺻﺤﺎﺏ ﮐﺎ ﺧﻮﻥ

ﮨﮯ ﺟﺴﮯ ﻣﯿﮟ ﺍﻟﻠﮧ ﮐﯽ ﺑﺎﺭﮔﺎﮦ ﻣﯿﮟ ﻟﮯ ﺟﺎﻭﻧﮕﺎ۔"

ﺭﻭﺍﯾﺖ ﮐﯿﻤﻄﺎﺑﻖ ﺟﺐ ﻗﺒﺮ کھودی ﺟﺎﻧﮯ ﻟﮕﯽ ﺗﻮ ﺣﺴﯿﻦ علیہ السلام ﮐﯽ ﻗﺒﺮ ﮐﮯ ﺳﺮﮨﺎﻧﮯ ﺳﮯ ﺍﯾﺴﯽ ﺧﻮﺷﺒﻮ پھیلی ﺟﻮ ﻣﺸﮏ ﺳﮯ ﺯﯾﺎﺩﮦ ﭘﺎﮐﯿﺰﮦ تھی ﺍﯾﺴﯽ ﮨﯽ ﺧﻮﺷﺒﻮ ﺣﺴﯿﻦ علیہ السلام ﮐﮯ ﻭﻓﺎﺩﺍﺭ ﺻﺤﺎﺑﯽ ﺟﻨﺎﺏ ﺟﻮﻥ ﮐﮯ ﺟﺴﺪ ﺍﻃﮩﺮ ﻣﯿﮟ ﺩﻓﻦ ﮐﮯ ﻭﻗﺖ ﭘﺎﺋﯽ ﮔﺌﯽ ﺟﻨﮑﮯ ﻟﯿﮯ ﺣﺴﯿﻦ علیہ السلام ﻧﮯ ﺩﻋﺎ ﮐﯽ تھی۔

ﮨﻢ ﯾﮩﺎﮞ ﺍﺱ ﻣﺸﮩﻮﺭ ﺭﻭﺍﯾﺖ ﮐﺎ ﺧﻼﺻﮧ ﺑﯿﺎﻥ ﮐﺮﻧﺎ ﻣﻨﺎﺳﺐ سمجھتے ﮨﯿﮟ ﺟﻮ ﺭﺳﻮﻝ ﺍﻟﻠﮧ (ص) ﺳﮯ ﻣﺮﻭﯼ ﮨﮯ ﺟﺐ ﺍﭘﮑﻮ ﺟﺒﺮﯾﯿﻞ ﻧﮯ ﻗﺘﻞ ﺣﺴﯿﻦ علیہ السلام ﮐﯽ ﺧﺒﺮ ﺩﯼ ﭘﮭﺮ ﮐﮩﺎ ﮐﮧ "ﺟﺐ ﺍﻥ ﺷﮩﺪﺍﺀ ﮐﯽ ﻣﻮﺕ ﮐﺎ ﻭﻗﺖ آئے گا ﺗﻮ ﺍﻟﻠﮧ ﻋﺰﻭﺟﻞ ﺧﻮﺩ ﺍﻧﮑﯽ ﺍﺭﻭﺍﺡ ﮐﻮ ﺍﭘﻨﮯ ﻗﺒﻀﮧ ﻣﯿﮟ ﻟﮯ ﻟﯿﮕﺎ ﺍﻭﺭ ﺍﻧﮑﯽ ﺭﻭﺣﻮﮞ ﮐﻮ ﺧﻮﺩ ﻗﺒﺾ ﮐﺮﯾﮕﺎ. ﺗﺎﮐﮧ ﺍﻧﮑﯽ ﻋﺰﺕ ﺍﻓﺰﺍئی ﮨﻮ۔ ﯾﮩﯽ ﺍﺭﺟﻌﯽ ﺍﻟﯽ ﺭﺑﮏ ﮐﯽ ﺣﻘﯿﻘﯽ ﺗﻔﺴﯿﺮ ﮨﮯ۔ ﺍﺱ ﮐﯿﺒﻌﺪ آﺳﻤﺎﻥ ﺳﮯ ﻣﻼئکہ ﯾﺎﻗﻮﺕ ﻭ ﺯﻣﺮﺩ ﮐﮯ ﺑﺮﺗﻦ ﻟﯿﮑﺮ ﺍﻥ ﺷﮩﺪﺍﺀ ﮐﮯ ﺍﺟﺴﺎﻡ ﮐﻮ ﺩھوئیں ﮔﮯ ﺍﻭﺭ ﺍﻟﻠﮧ ﺍﻧﮩﯿﮟ ﺑﮩﺘﺮﯾﻦ ﭘﻮﺷﺎﮎ ﺟﻨﺖ ﭘﮩﻨﺎئے گا ﺑﻌﺪ ﺍﺯاں ﻣﻼئکہ ﺻﻒ ﺩﺭﺻﻒ ﺍﻥ ﭘﺮ ﻧﻤﺎﺯ ﭘﮍھیں ﮔﮯ۔ پھر ﺍﻟﻠﮧ ﺍﯾﺴﯽ ﻗﻮﻡ ﻻئے گا ﺟﺴﮯ ﯾﮧ ﮐﻔﺎﺭ نہیں ﭘﮩﭽﺎﻧﺘﮯ ﮨﻮﻧﮕﮯ۔ ﺍﻭﺭ ﯾﮧ ﻟﻮﮒ ﺧﻮﻥ ﺣﺴﯿﻦ ﺑﮩﺎﻧﮯ ﻣﯿﮟ ﺷﺮﯾﮏ ﻧﮧ ﮨﻮﻧﮕﮯ. ﯾﮧ آ ﮐﺮ ﺍﻥ ﺷﮩﺪﺍﺀ ﮐﯽ ﻻﺷﻮﮞ ﮐﻮ ﺩﻓﻦ ﮐﺮیں ﮔﮯ ﺍﻭﺭ ﺍﻥ ﻗﺒﻮﺭ ﮐﮯ ﻧﺸﺎﻧﺎﺕ ﺑﻨﺎئیں گے۔ ﺍﻥ ﻣﯿﮟ ﻗﺒﺮ ﺳﯿﺪ ﺍﻟﺸﮩﺪﺍء ﺍﮨﻞ ﺣﻖ ﮐﯽ ﻋﻼﻣﺖ ﺑﻦ ﺟﺎئے گی ﺟﮩﺎﮞ ﺳﮯ ﻣﻮﻣﻨﯿﻦ ﮐﺎﻣﯿﺎﺑﯿﺎﮞ ﺣﺎﺻﻞ ﮐﺮیں گے ﺍﻭﺭ ﻓﺮﺷﺘﻮﮞ ﺳﮯ ﺗﺤﺎئف ﻭﺻﻮﻝ ﮐﺮﯾﻨﮕﮯ پھر ﺍﻟﻠﮧ ﻋﺰﻭﺟﻞ ﺩﻥ ﺭﺍﺕ ﻣﯿﮟ ﺍﯾﮏ ﻻکھ ﻓﺮﺷﺘﻮﮞ ﮐﻮ ﻣﺴﻠﺴﻞ بھیجے ﮔﺎ ﺟﻮ ﺍﻥ ﮐﮯ ﺍﻥ ﺯﻭﺍﺭﻭﮞ ﮐﺎ ﻧﺎﻡ لکھیں ﮔﮯ ﺟﻮ ﯾﮩﺎﮞ آئیں ﮔﮯ ﺍﻭﺭ ﺍﻥ کیلئے ﻭﮦ ﺍﺳﺘﻐﻔﺎﺭ ﻭ ﺭﺣﻤﺖ ﻃﻠﺐ ﮐﺮﯾﻨﮕﮯ۔"

ﺍﻟﺴﻼﻡ ﻋﻠﯽ ﺍﻟﺤﺴﯿﻦ ﻭ ﻋﻠﯽ ﻋﻠﯽ ﺍﺑﻦ ﺍﻟﺤﺴﯿﻦ ﻭ ﻋﻠﯽ ﺍﻭﻻﺩ ﺍﻟﺤﺴﯿﻦ ﻭ ﺍہلبیت ﺍﻟﺤﺴﯿﻦ ﻭ ﺍﺻﺤﺎﺏ ﺍﻟﺤﺴﯿﻦ. ﻭ ﻟﻌﻨﺖ ﺍﻟﻠﮧ ﻋﻠﯽ ﺍﻟﻈﺎﻟﻤﯿﻦ. ﺍﻧﺎ ﻟﻠﮧ ﻭﺍﻧﺎ ﺍﻟﯿﮧ ﺭﺍﺟﻌﻮﻥ۔

📚 ﺣﻮﺍﻟﮧ جات
1) ﻧﻔﺲ ﺍﻟﻤﻬﻤﻮﻡ 356-355-
2) ﺑﺤﺎﺭ ﺍﻻﻧﻮﺍﺭ 230 -394 /45۔
3) ﺍﻟﺒﺤﺎﺭ 48/270۔
4) ﺭﺟﺎﻝ ﺍﻟﻜﺸﻲ 464-
5) ﺍﻟﻤﻨﺎﻗﺐ 4/112۔
6) ﺗﺬﻛﺮﺓ ﺍﻟﺨﻮﺍﺹ 14-
7) ﺍﻟﺒﺤﺎﺭ 22/513۔
8) ﺍﻟﺒﺤﺎﺭ 289 /27۔
9) ﺑﺼﺎ ﺋﺮ ﺍﻟﺪﺭﺟﺎﺕ 225-
10) ﻛﺎﻣﻞ ﺍﻟﺰﻳﺎﺭﺍﺕ 261۔
11) ﻛﺎﻣﻞ ﺍﻟﺒﻬﺎﺋﯽ 288-287 /2۔
12) ﺍﻻﺭﺷﺎﺩ 227۔

https://t.me/islamwitheman/3956
⭕ ISLAM WITH EMAN ⭕

🔴 داستان سرہائے مبارک شہدائے کربلا 🛑

🔴 سرمبارک کو شام میں لایاجانا:
تاریخی مصادر میں امام حسین علیہ السلام کے سرمبارک کو شام لانے کےحوالے سے مختلف روایات نقل ہوئی ہیں.

🔲الف: سرمبارک کا قافلہ کے ھمراہ شام لایاجانا،
بعض مصادر نے نقل کیا ہے کہ سرمبارک کو قافلہ کے ھمراہ شام لایا گیا.
ابن حبان (متوفی 354 ق) اس بارے میں لکھتا ہے: پھر عبیداللہ بن زیاد نے حسین بن علی علیھماالسلام کے سر مبارک کو اھل بیت رسول کے اسیر بچوں اور عورتوں کے ساتھ شام روانہ کیا. [1]

شیخ صدوق (متوفی 381 ق) نے بھی لکھا ہے: ثم امر عبیداللہ بالسبایا و رأس الحسین علیہ السلام فحملوا الی الشام. [2]

خوارزمی کی روایت کے مطابق کہ جب سھل بن سعد کی شام میں داخل ہوتے وقت امام حسین علیہ السلام کی بیٹی سکینہ سے ملاقات ہوئی سھل بن سعد حضرت سکینہ سے درخواست کرتا ہے کہ اگر (اھل بیت کو) کسی چیز کی ضرورت ہے تو مجھے حکم دیجیئے.
حضرت سکینہ نے سھل سے کہا: جن کے ہاتھوں میں امام حسین علیہ السلام کا سر مبارک ہے ان سے کہو کہ سروں کو اھل بیت سے آگے لے جائیں تا کہ شام والوں کی نگاہ سروں کو دیکھنے میں مشغول ہو جائیں اور اھل بیت کی عورتوں سے نگاہیں ہٹا لیں. [3]

یہ واقعہ اس بات کی طرف اشارہ کرتا ہے کہ امام حسین علیہ السلام کا سر مبارک قافلہ کے ساتھ شام میں داخل ہوا.

ابوحنیفہ دینوری (متوفی 382 ق) ،ابن اثیر اور سبط ابن جوزی کا بھی یہی نظریہ ہے کہ اھل بیت کے اسیر قافلہ کے ساتھ امام حسین علیہ السلام کا سرمبارک بھی تھا. [4]

سید بن طاؤس امام سجاد علیہ السلام سے نقل کرتے ہوئے لکھتا ہے: مجھے اونٹ پر بٹھایا گیاجو صحیح چل بھی نہیں سکتا تھا در حالانکہ مظلوم کربلا کا سر نیزے پر تھا اور عورتیں اور بچے بے پالان خچروں پر سوار ہمارے پیچھے تھے. چھوٹے بڑے بچے ہمارے پیچھے اور ہمارے اردگرد نیزے تھے. [5]

سید بن طاؤس ایک اور جگہ پر یزید کا عبیداللہ کے خط کے جواب کے بارے میں لکھتا ہے کہ جب عبیداللہ نے قیدیوں کے بارے میں پوچھا کہ ان کا کیا کروں تو یزید نے عبیداللہ کو جواب دیتے ہوئے اسے حکم دیا کہ امام حسین علیہ السلام اور ان کے اصحاب کے سروں کو امام حسین علیہ السلام کے اھل بیت کے ساتھ شام روانہ کرے. [6]

🔲ب: اسیروں سے پہلے سرمبارک کا شام میں آنا.
ابن اعثم اور خوارزمی کا نظریہ یہ ہے کہ امام کے سرمبارک کو اھل بیت کے اسیر قافلہ کے دمشق پہنچنے سے پہلے شام لایا گیا. [7]

🔲ج: اھل بیت کے شام میں داخل ہونے کے وقت سرمبارک کو بھی ملحق کرنا.
شیخ مفید اور طبرسی کے نظریہ کے مطابق سرمبارک کو شام بھیجنے کے چند دن بعد اھل بیت کو شام روانہ کیا گیا. لیکن شام میں داخل ہوتےوقت اس شخص سے ملحق ہوگئے جو سرمبارک کو لے کر چلا تھا. [8]

💥البتہ احتمال ہے کہ امام کا سرمبارک اسیر قافلے کے ساتھ شام میں داخل کیا گیا ہو لیکن امام علیہ السلام کا سرمبارک اھل بیت سے پہلے یزید کے دربار میں لایا گیا کہ یہ احتمال وہی پہلا نظریہ بنتا ہے اور دوسرا نظریہ بھی اسی پر حمل ہو گا.

↩جو کچھ ذکر کیا گیا اس سے یہ نتیجہ لیا جا سکتا ہے کہ اگرچہ بعض کی تحریروں سے یہ ظاہر ہوتا ہے کہ شام میں داخل ہوتے وقت سر مبارک، اھل بیت کے ساتھ نہیں تھا لیکن پہلا نظریہ جس کے ذکر کرنے والوں کی تعداد بھی زیادہ ہے یعنی دمشق میں داخل ہوتے وقت اھل بیت کے ساتھ، امام کے سرمبارک کا ہونا زیادہ قوی ہے کیونکہ اس کو نقل کرنے والوں کی تعداد بھی زیادہ ہے.

⏪اب دیکھنا یہ ہے کہ اھل بیت کا قافلہ اور سرمبارک امام حسین علیہ السلام کس دن دمشق میں داخل ہوئے؟

■ابوریحان بیرونی ماہ صفر کے واقعات میں لکھتا ہے: ماہ صفر کی پہلی تاریخ کو امام حسین علیہ السلام کا سرمبارک دمشق لایا گیا. [9]

■قزوینی نے لکھا ہے: ماہ صفر کا پہلا دن بنی امیہ کی عید کا دن ہے کیوں کہ اس دن امام حسین علیہ السلام کا سرمبارک دمشق لایا گیا. [10]

■کفعمی بھی کہتا ہے: ماہ صفر کے پہلے دن امام حسین علیہ السلام کا سرمبارک دمشق لایا گیا. [11]

⏪لیکن ان روایات کے مقابلے میں عماد الدین طبری کا نظریہ یہ ہے کہ 16ربیع الاول (عاشور کے 66 دن بعد) اھل بیت کا قافلہ دمش میں داخل ہوا. [12]

ابوریحان جو ایک طرف طبری پر سبقت زمانی بھی رکھتا ہے اور دوسرا نقل روایات میں دقت سے بھی کام لیتا ہے اس کا قول مقدم ہے اس کے ساتھ ساتھ قزوینی اور کفعمی کی روایات بھی اس کی تایید میں ہیں.

🔴 سر مقدس اور دارالامارہ کا دروازہ:
ابن زیاد ملعون نےحکم دیا کہ سیدالشہداء کا سرمقدس نوک سناں پرسوار کر کےکوفہ کے بازاروں میں پھرایا جائے چنانچہ اس حکم کی تعمیل کی گئی۔[13]

اسکےبعددارالامارہ کےدروازہ پرنصب کر دیا گیا. کوفہ میں جناب مسلم کے سر کے بعد یہ دوسرا سرمقدس تھا جسے نصب کیا گیا تھا.[14]

بروایتے تمام شھداء کے سرہائے مقدسہ کے ساتھ یہی سلوک کیا گیا.[15]

بعض اہل تاریخ کاخیال ہے کہ آں جناب کا سرمقدس پہلا سر ہےجسے نوک سناں پر بلند کر کے پھرایا گیا مگر صحیح یہ ہے کہ سب سے پہلے جناب عمرو بن الحمق خزاعی کےساتھ یہ سلوک کیا گیا.[16]

جوکہ جناب امیرالمؤمنین علی علیہ السلام کے مخلص صحابی تھے اور معاویہ لع نے انہیں شہید کرایا تھا.

📚 حوالہ جات:
[1]: محمد بن حبان بن احمد ابی حاتم تمیمی بستی، الثقات، ج:2، ص:312. یزید بن معاویہ کے مدخل کے ذیل میں.
[2]: الامالی، مجلس31، ح:3، ص:230.
[3]: مقتل الحسین، ج:2، ص:68.
[4]: الاخبارالطوال، ص:260؛ الکامل فی التاریخ، تحقیق مکتب التراث، بیروت، داراحیاءالتراث العربی، 1408ق؛ ج:2، ص:576 اور تذکرۃالخواص، ص:260.263.
[5]: الاقبال، ج:3، ص:89.
[6]: اللھوف، ص:99.
[7]: کتاب الفتوح، ج:5، ص:127تا129؛ مقتل الحسین، ج:2، ص:62.
[8]: الارشاد، ج:2، ص:118؛ اعلام الوری، ج:1، ص:473. اور مجلسی، بحارالانوار، ج45، ص:130.
[9]: ابوریحان محمد بن احمد بیرونی خوارزمی، الآثارالباقیۃ عن القرون الخالیۃ، ص:331.
[10]: زکریا محمد بن محمود قزوینی، عجائب المخلوقات و غرائب الموجودات، ص:45.
[11]: مصاح کفعمی، ص:510.
[12]: عماد الدین حسن بن علی طبری، کامل بہائی، ج2:، ص:293.
13۔ نفس المہموم ص220، ملہوف ص150، مقتل الحسین للمقرم ص398، عاشربحارص221، لواعج الاشجان ص179 وغیرہ
14۔ نفس المہموم ص21۔
15۔ لواعج الاشجانص170۔
16۔ کامل ابن اثیر جلد3 ص398۔

https://t.me/islamwitheman/3960

👈 مزید تفصیل کے لیے 👇👇👇
https://www.facebook.com/share/p/jbzgSR7hrUdKDkTb/?mibextid=oFDknk
⭕ ISLAM WITH EMAN ⭕

🔴 سرِمبارک امام حسینؑ کا محل دفن 🛑

امام حسینؑ کا سرِ مبارک کہاں دفن ہے؟ شیعہ اور سنی مصادر میں مختلف روایات بیان کی گئی ہیں یہاں تک کہ اس بارے میں چھ اقوال بیان کیے گئے ہیں.

■پہلا قول: سرمبارک، بدن مبارک کے ساتھ دفن ہے.
یہ شیعہ اور اھل سنت کا مشترک نظریہ ہے شیعہ علماء جیسے شیخ صدوق، سید مرتضٰی، فتال نیشاپوری، ابن نما حلی، سید بن طاؤس شیخ بہائی اور علامہ مجلسی نے اسی نظریہ کو اختیار کیا ہے.

شیخ صدوق اور ان کے بعد فتال نیشاپوری اس بارے میں لکھتے ہیں: علی بن حسین اھلبیت کے ساتھ شام سے نکلے اور امام حسینؑ کے سرمبارک کو کربلا واپس لائے. [1]

سید مرتضی اس بارے میں کہتےہیں: روایت نقل کرتے ہیں کہ امام حسینؑ کا سرمبارک ان کے جسد اطہر کے ساتھ دفن کیا گیا. [2]

ابن شھر آشوب سید مرتضٰی کے اس قول کو نقل کرنے کے بعد شیخ طوسی کی زبانی نقل کرتے ہیں کہ اسی وجہ سے (یعنی سرمبارک کا جسد اطہر سے ملحق اور دفن کرنا) معصومینؑ کی طرف سے زیارت اربعین کی وصیت کی گئی ہے.[3]

ابن نما حلی نے بھی لکھا ہے: وہ قول جس پر اعتماد کیا جا سکتا ہے وہ یہ ہے کہ شھروں میں امام کے سرمبارک کو پھرانے کے بعد جسد اطہر کی طرف پلٹایا گیا اور جسد کے ساتھ دفن ہوا.[4]

سید بن طاؤس نے لکھا ہے: روایت نقل ہوئی ہے کہ سرمبارک جسد اطہر کی طرف پلٹایا گیا اور کربلا میں جسد اطہر کے ساتھ دفن کیا گیا اور علماء کا طرز عمل اسی تناظر میں رہا ہے.[5]

علامہ مجلسی چہلم کے دن کی زیارت کے مستحب ہونے کی ایک دلیل یہ دیتے ہیں کہ اسی دن سروں کو علیؑ بن حسینؑ کے توسط سے اجساد مطہرہ کی طرف پلٹایا گیا.[6]

ابوریحان بیرونی اس بارے میں لکھتا ہے: بیس صفر کے دن سر مبارک کو جسد اطہر کے ساتھ ملحق اور اس کے ساتھ دفن کیا گیا.[7]

قزوینی بھی کہتا ہے: ماہ صفر کا پہلا دن بنی امیہ کے لیے عید کا دن ہے کیونکہ اسی دن امام حسینؑ کے سرمبارک کو دمشق لایا گیا اور اسی مہینے کی بیس تاریخ کو اجساد مطہرہ کی طرف پلٹایا گیا.[8]

■دوسرا قول: امیرالمؤمنین علیہ السلام کی قبرمطہر کےساتھ دفن ہے. [9]

■تیسرا قول: فرات کے کنارے مسجد رقہ میں.

■چوتھا قول: جنت البقیع میں ان کی والدہ ماجدہ حضرت فاطمہ زہرا سلام اللہ علیھا کے ساتھ.

■پانچواں قول: دمشق میں.

■چھٹا قول: قاھرہ (مصر). [10]

💥 ان اقوال اور نظریات کی تحقیق اور ان میں توجہ کرنے سے یہ نتیجہ نکلتا ہے کہ پہلا نظریہ یعنی سرمبارک کا بدن مطہر کے ساتھ ملحق ہونا مشہور اور قابل اعتماد نظریہ ہے اور شیعہ علماء کا عمل بھی اسی کا آئینہ دار ہے اس اعتبار سے یہ نظریہ قابل قبول ہے اور تاریخی روایات کی روشنی میں سرمبارک کو 20 صفر سن 61 ھجری کو پلٹایا گیا، کیونکہ یہ الحاق، اھل بیت کا اسیری کے بعد کربلا واپس آنے سے جدا مسئلہ نہیں ہے کیونکہ مشہور قول کی بنا پر یہ کام امام علی بن الحسین علیھماالسلام کے توسط سے انجام پایا ہے.[11] اور کوئی تاریخی روایت ثابت نہیں کرتی کہ امام سجاد علیہ السلام اس موقع کے علاوہ کبھی کربلا آئے ہوں لہذا اھل بیت کا اسیری کے بعد کربلا آنا بھی چہلم کے دن ہونا چاہیے.

📚 حوالہ جات
1۔ شیخ صدوق، الامالی، مجلس 31، ص232؛ فتال نیشاپوری، روضۃ الواعظین، ص192؛ مجلسی، بحارالانوار، ج45، ص140
2۔ رسائل المرتضی، ج3، ص130
3۔ مناقب آل ابی طالب، ج4، ص85؛ مجلسی، بحارالانوار، ج44، ص199؛ "قال الطوسی: ومنہ زیارۃ الاربعین."
4۔ نجم الدین محمد بن جعفر بن نما حلی، مثیرالاحزان، ص85
5۔ سید ابن طاؤس، اللھوف، ص:114
6۔ مجلسی، بحارالانوار، ج98، ص334
7۔ الآثارالباقیۃ عن القرون الخالیۃ، ص331
8۔ زکریا محمد بن محمود قزوینی، عجائب المخلوقات والحیوانات و غرائب الموجودات، ص45
9۔ ابن قولویہ، کامل الزیارات، ص84؛ کلینی، الکافی، ج:4، ص571.572؛ ابوجعفرمحمد بن حسن طوسی، تھذیب الاحکام، ج:6، ص35؛ ابن شھرآشوب، روضۃالواعظین، ج:4، ص85
10۔ سبط ابن جوزی، تذکرۃالخواص، ص265. 266؛ سید محسن امین عاملی، اعیان الشیعہ، ج:1، ص626؛ و ھمو، لواعج الاشجان، ص:247؛ محمد امین امینی، وہی، ج:6، ص321 .337. قاضی طباطبایی نے اس موضوع کے بارے میں بیان کیے گئے تمام اقوال کی جانچ پڑتال اور تحلیل کے بعد پہلے نظریے کا دفاع کیا ہے سرمبارک جسد اطہر کے ساتھ دفن ہے. ر۔ک: تحقیق دربارہ اول اربعین حضرت سید الشہدا علیہ السلام، ص303 کیبعد.
11۔ مجلسی، بحارالانوار، ج:45، ص145 اور جلاءالعیون، ص:407

https://t.me/islamwitheman/3959

👈 مزید تفصیل کے لیے 👇👇👇
https://www.facebook.com/share/p/jbzgSR7hrUdKDkTb/?mibextid=oFDknk
⭕ ISLAM WITH EMAN ⭕

🔷️ یوم یکجہتی کشمیر 🔷️

ہر سال کی طرح اس سال بھی 5 فروری یوم یکجہتی کشمیر سرکاری سطح پر منایا جاتا ہے مگر ہمیں پتہ ہونا چاہیے کہ جو دن ہم منا رہے ہیں اس کا مقصد کیا ہے اور تاریخ میں اس کی کیا اہمیت ہے۔

ریاست جموں و کشمیر کا کل رقبہ تقریبا 84000 مربع میل ہے جس میں سے 70 فیصد پر انڈیا 1947 سے قابض ہے جبکہ باقی 30 فیصد کا علاقہ ریاست آزاد جموں و کشمیر ہے۔ اس وقت ریاست جموں و کشمیر کی کل آبادی 1 کروڑ سے زیادہ ہے۔
80 لاکھ سے زاہد باشندے مقبوضہ جموں و کشمیر میں ہندو کی غلامی و ظلم و جبر کے سائے تلے زندگی گزار رہے ہیں جبکہ 25 لاکھ کے قریب ریاست آزاد جموں و کشمیر کے آزاد و خودمختار شہری ہیں۔
1846 میں مسلمانوں کے دشمن انگریز پلید نے ریاست جموں و کشمیر کو غدار ڈوگرہ راجہ غلام سندھ کو اس وقت کے 75 ہزار کے عوض بیچ دیا تھا پھر تقسیم ہند کے بعد جبکہ فیصلہ ہو چکا تھا کہ مسلم اکثریتی علاقے پاکستان اور ہندو اکثریتی علاقے بھارت کو دیئے جائینگے مگر 26 اکتوبر 1947 کو اس وقت کے مہاراجہ ہری سنگھ نے مسلمان جموں و کشمیر اور معائدہ تقسیم کی خلاف ورزی کرتے ہوئے کشمیریوں کی مرضی کے خلاف الحاق بھارت کا اعلان کیا جسے غیور کشمیریوں نے ناقبول کیا۔ مسلمانان جموں و کشمیر مہاراجہ ہری سنگھ کے اس فیصلے کے خلاف سیخ پا ہو گئے۔
مسلمانان مقبوضہ جموں و کشمیر کا مہاراجہ کے فیصلے کے خلاف غصہ بڑھتا گیا اور انہوں نے فیصلے کے خلاف بغاوت کرتے ہوئے مظاہرے کئے اور اپنی آزادی کیلئے پاکستان کے مسلمانوں کو پکارا اور یوں پاکستان و ہندوستان کے مابین پہلی جنگ قیام کے تھوڑے عرصے بعد ہی لڑی گئی۔ اکتوبر 1947 سے یکم جنوری 1949 تک کی اس جنگ میں بھارت کو پاکستانی قبائلیوں اور فوج کے علاوہ غیور کشمیریوں سے منہ کی کھانی پڑنی اور اس مشترکہ جدوجہد کے نتیجے میں ریاست آزاد جموں و کشمیر کا قیام عمل میں آیا آج جس کا دارالحکومت مظفر آباد ہے جہاں اس کی اپنی آزاد سپریم کورٹ اور پارلیمنٹ ہے ان کا اپنا علیحدہ صدر و وزیراعظم ہے۔
عنقریب تھا کہ مقبوضہ کشمیر سے شروع ہونے والی یہ جنگ پورے بھارت کو اپنی لپٹ میں لے لیتی اس وقت کے بھارتی وزیراعظم پنڈت جواہر لال نہرو نے سلامتی کونسل میں جاکر منت سماجت کی کہ جنگ بندی کروائی جائے کیونکہ نہرو جان چکا تھا کہ ریاست آزاد جموں و کشمیر کے قیام کے بعد اب یہ جنگ نہیں رکنے والی اور یہ جنگ پوری مقبوضہ وادی کشمیر کو آزاد کروا کے بھارت تک پہنچ جائے گی اسی لئے نہرو سلامتی کونسل پہنچا جس کے باعث سلامتی کونسل میں بیٹھے انسان نما جانوروں سے ساز باز کر کے جنگ بندی کا باقاعدہ اعلان کیا گیا اور اس کیساتھ نہرو و سلامتی کونسل نے مقبوضہ کشمیر کے باسیوں سے رائے شماری کا وعدہ کیا کہ ریفرنڈم کروایا جائیگا جس میں مقبوضہ کشمیر کے باسیوں کو حق دیا جائے گا کہ وہ انتخاب کر سکیں کہ انہوں نے الحاق ہندوستان کرنا ہے یا پاکستان یا کہ آزاد خود مختار کشمیر۔
اب تک مقبوضہ کشمیر کو عالمی متنازع علاقہ تسلیم کرتے ہوئے کل 18 قرار دادیں منظور کی جا چکی ہیں جن میں بھارت کو مقبوضہ کشمیر سے اپنی فوجیں نکالنے اور سلامتی کونسل و بھارت کے وعدے کیمطابق ریفرنڈم کروانے کا کہا جا چکا ہے تاکہ کشمیری رائے شماری کے ذریعے اپنی آزادی کا انتخاب کر سکیں مگر ہر بار بھارت انکاری رہا مگر افسوس کہ سلامتی کونسل و عالمی برادری اب تک کچھ بھی نہیں کر پائی۔

سلامتی کونسل و بھارت کو اس کا کیا گیا وعدہ یاد کرواتے ہوئے 5 فروری کو پوری دنیا میں یوم یکجہتی کشمیر منایا جاتا ہے تاکہ دنیا بھارت پر دباؤ ڈال کر کشمیریوں کو ان کا حق رائے شماری دے مگر بھارت و تمام عالم کفر جانتا ہے کہ 1947 سے اب تک سخت بھارتی پہرے و ظلم و جبر میں رہتے ہوئے کشمیری ایک ہی نعرہ لگا رہے ہیں کشمیر بنے گا پاکستان، تیرا میرا رشتہ کیا لا الہ الا اللہ اور اسی نعرے پر عمل پیرا ہو کر کشمیری اب تک ایک لاکھ سے زائد شہادتیں ہزاروں ماؤں، بہنوں اور بیٹیوں کی عصمت دری ہونے کے باوجود اسی نعرے پر قائم ہیں۔
ویسے تو ہر وقت پاکستانی پرچم مقبوضہ وادی کشمیر کے گلی محلوں و گھروں میں لہراتا ہے مگر 5 فروری کو بطور خاص ہر گھر میں پاکستانی پرچم لہرایا جاتا ہے اور انڈین فوج کی ایک سپیشل ونگ ان پرچموں کو اتارتی ہے۔

جہاں 5 فروری کو کشمیری غیور مسلمان بھارت و سلامتی کونسل کی وعدہ خلافی کے خلاف پوری دنیا میں احتجاج کرتے ہیں وہاں پاکستانی قوم بھی اپنے کشمیری بھائیوں کیساتھ سلامتی کونسل و بھارت کے خلاف احتجاج کرتے ہوئے ان کو اپنے کشمیری بھائیوں کی آزادی کی صدا سنواتے ہیں اور دنیا کو باور کرواتے ہیں کہ کشمیریوں کا نعرہ تیرا میرا رشتہ کیا؟ لا الہ الا اللہ کے تحت ہم یک دل، یکجان ہیں اور جہاں کشمیریوں کا پسینہ گرے گا وہاں پاکستانیوں کا خون گرے گا۔

یا اللہ کشمیر پر ہونے والے ظلم و ستم کا خاتمہ فرما۔

https://t.me/islamwitheman/3986
⭕ ISLAM WITH EMAN ⭕

🔷 لفظ خدا کا استعمال 🔷

سوال
قرآن و سنت کی روشنی میں یہ بتائیں کہ لفظ خدا کا استعمال کیا غلط ہے؟ بعض لوگ اس کا استعمال غلط کہتے ہیں، جب کہ بعض اسے عجمی سازش کہتے ہیں۔ اس کی کیا حقیقت ہے؟

جواب
اللہ تعالیٰ کے لیے  لفظ  خدا کا استعمال جائز ہے اور صدیوں سے اکابر دین اس کو استعمال کرتے آئے ہیں۔ اور کبھی کسی نے اس پر نکیر نہیں کی۔ اب کچھ لوگ پیدا ہوئے ہیں جن کے ذہن پر عجمیت کا وہم سوار ہے۔ انہیں بالکل سیدھی سادی چیزوں میں عجمی سازش نظر آتی ہے، یہ ذہن غلام احمد پرویز اور اس کے ہمنواؤں نے پیدا کیا۔ اور بہت سے پڑھے لکھے شعوری وغیر شعوری طور پر اس کا شکار ہوگئے۔ اسی کا شاخسانہ یہ بحث ہے جو آپ نے لکھی ہے۔ عربی میں لفظ رب ،مالک اور صاحب کے معنیٰ میں ہے۔ اسی کا ترجمہ فارسی میں لفظ خداکے ساتھ کیا گیا ہے۔ چنانچہ جس طرح لفظ رب  کا اطلاق بغیر اضافت کے غیر اللہ پر نہیں کیا جاتا۔ اسی طرح لفظ  خدا جب بھی مطلق بولاجائے تو اس کا اطلاق صرف اللہ تعالیٰ پرہوتاہے۔ کسی دوسرے کو خدا کہنا جائز نہیں۔ غیاث اللغات میں ہے: خدا بالضم بمعنی مالک و صاحب۔ چوں لفظ  خدا مطلق باشدبر غیر ذاتِ باری تعالیٰ اطلاق نکند، مگر در صورتیکہ بچیزے مضاف شود، چوں کہ خدا، ودہ خدا۔ ٹھیک یہی مفہوم اور یہی استعمال عربی میں لفظ  رب کا ہے۔ آپ کو معلوم ہوگا کہ اللہ تو حق تعالیٰ شانہ کا ذاتی نام ہے۔ جس کا نہ کوئی ترجمہ ہوسکتاہے نہ کیا جاتاہے۔ دوسرے اسمائے الہٰیہ صفاتی نام ہیں جن کا ترجمہ دوسری زبانوں میں ہوسکتاہے اور ہوتاہے۔ اب اگر اللہ تعالیٰ کے پاک ناموں میں سے کسی بابرکت نام کا ترجمہ غیر عربی میں کردیا جائے۔ اور اہل زبان اس کو استعمال کرنے لگیں تو اس کے جائز نہ ہونے اور اس کے استعمال کے ممنوع ہونے کی آخر کیا وجہ ہوسکتی ہے؟ اور جب لفظ  خداصاحب اور مالک کے معنی میں ہے۔ اور لفظ  رب کے مفہوم کی ترجمانی کرتاہے تو آپ ہی بتائیے کہ اس میں مجوسیت یا عجمیت کا کیا دخل ہوا۔ کیا انگریزی میں لفظ  رب کا کوئی ترجمہ نہیں کیا جائے گا؟ اور کیا اس ترجمہ کا استعمال یہودیت یا نصرانیت بن جائے گا؟ افسوس ہے کہ لوگ اپنی ناقص معلومات کے بل بوتے پر خود رائی میں اس قدر آگے بڑھ جاتے ہیں کہ انہیں اسلام کی پوری تاریخ سیاہ نظر آنے لگتی ہے۔ اور وہ چودہ صدیوں کے تمام اکابر کو گمراہ یا کم سے کم فریب خوردہ تصور کرنے لگتے ہیں۔ یہی خودرائی انہیں جہنم کے گڑھے میں دھکیل دیتی ہے۔ اللہ تعالیٰ اپنی پناہ میں رکھے۔

https://t.me/islamwitheman
🔵 ISLAM WITH EMAN 🔵

🔷 خدا کے کام 🔷

اللہ اپنی اسکیم میں مداخلت پسند نہیں کرتا وہ اپنے ٹارگٹ تک بڑے لطیف اور غیر محسوس طریقے سے پہنچتا ھے!

یوسف کو بادشاھی کا خواب دکھایا۔ باپ کو بھی پتہ چل گیا۔ ایک موجودہ نبی ھے تو دوسرا مستقبل کا نبی ھے مگر دونوں کو ھوا نہیں لگنے دی کہ یہ کیسے ھو گا۔

خواب خوشی کا تھا مگر چَکر غم کا چلا دیا۔

یوسف دو کلومیٹر دور کنوئیں میں پڑا ھے خوشبو نہیں آنے دی۔

اگر خوشبو آ گئی تو باپ ھے رہ نہیں سکے گا، جا کر نکلوا لے گا جبکہ بادشاھی کے لئے سفر اسی کنوئیں سے لکھا گیا تھا۔

سمجھا دونگا تو بھی اخلاقی طور پہ بہت برا لگتا ھے کہ ایک باپ اپنے بیٹے کو بادشاہ بنانے کے لئے اسے کنوئیں میں ڈال کر درخت کے پیچھے سے جھانک جھانک کے دیکھ رھا ھے کہ قافلے والوں نے اٹھایا ھے یا نہیں! لہذا سارا انتظام اپنے ھاتھ میں رکھا ھے!

اگر یوسف کے بھائیوں کو پتہ ھوتا کہ اس کنوئیں میں گرنا بادشاہ بننا ھے اور وہ یوسف کی مخالفت کر کے اصل میں اسے بادشاہ بنانے میں اللہ کی طرف سے استعمال ھو رھے ھیں تو وہ ایک دوسرے کی منتیں کرتے کہ مجھے دھکا دے دو!

یوسف عزیز کے گھر گئے تو نعمتوں بھرے ماحول سے اٹھا کر جیل میں ڈال دیا کہ ان مع العسرِ یسراً۔

جیل کے ساتھیوں کی تعبیر بتائی تو بچ جانے والے سے کہا کہ میرے کیس کا ذکر کرنا بادشاہ کے دربار میں مگر مناسب وقت تک یوسف کو جیل میں رکھنے کی اسکیم کے تحت شیطان نے اسے بھلا دیا یوں شیطان بھی اللہ کی اسکیم کو نہ سمجھ سکا اور بطورِ ٹول استعمال ھو گیا۔ اگر اس وقت یوسف علیہ السلام کا ذکر ھو جاتا تو یوسف سوالی ھوتے اور رب کو یہ پسند نہیں تھا۔ اس کی اسکیم میں بادشاہ کو سوالی بن کر آنا تھا، اور پھر بادشاہ کو خواب دکھا کر سوالی بنایا اور یوسف علیہ السلام کی تعبیر نے ان کی عقل و دانش کا سکہ جما دیا۔ بادشاہ نے بلایا تو فرمایا میں "این آر او" کے تحت باھر نہیں آؤں گا جب تک عورتوں والے کیس میں میری بے گناھی ثابت نہ ھو جائے۔ عورتیں بلوائی گئیں۔ سب نے یوسف کی پاکدامنی کی گواھی دی اور مدعیہ عورت نے بھی جھوٹ کا اعتراف کر کے کہہ دیا کہ انا راودتہ عن نفسہ و انہ لمن الصادقین۔

وھی قحط کا خواب جو بادشاہ کو یوسف کے پاس لایا تھا وھی قحط ھانک کر کے یوسف کے بھائیوں کو بھی ان کے دربار میں لے آیا اور دکھا دیا کہ یہ وہ بے بس معصوم بچہ ھے جسے تمہارے حسد نے بادشاہ بنا دیا۔ فرمایا پہلے بھی تم میرا کرتہ لے کر گئے تھے جس نے میرے باپ کی بینائی کھا لی کیونکہ وہ اسی کرتے کو سونگھ سونگھ کر گریہ کیا کرتے تھے۔ فرمایا اب یہ کرتہ لے جاؤ یہ وہ کھوئی ھوئی بینائی واپس لے آئے گا!
اب یوسف نہیں یوسف کا کرتا مصر سے چلا ھے تو کنعان کے صحراء مہک اٹھے ھیں، یعقوب چیخ پڑے ھیں انی لَاَجِدُ ریح یوسف لو لا ان تفندون۔ تم مجھے سٹھیایا ھوا نہ کہو تو ایک بات کہوں مجھے یوسف کی خوشبو آ رھی ھے سبحان اللہ۔ جب رب نہیں چاھتا تھا تو 2 کلومیٹر دور کے کنوئیں سے خبر نہیں آنے دی جب سوئچ آن کیا ھے تو مصر سے کنعان تک خوشبو سفر کر گئی ھے!

واللہ غالبٓ علی امرہ ولٰکن اکثر الناس لا یعلمون! اللہ جو چاھتا ھے وہ کر کے ھی رھتا ھے مگر لوگوں کی اکثریت یہ بات نہیں جانتی!

یاد رکھیں آپ کے عزیزوں کی چالیں اور حسد شاید آپ کے بارے میں اللہ کی خیر کی اسکیم کو ھی کامیاب بنانے کی کوئی خدائی چال ھو۔ انہیں کرنے دیں جو وہ کرتے ھیں، اللہ پاک سے خیر مانگیں!

https://t.me/islamwitheman
⭕ ISLAM WITH EMAN ⭕

🌸 جادوئی گھر 🌸

ایک ادیب کی بیوی نے اس سے کہا آپ بہت کتابیں لکھتےہیں، آج میرے لئے بھی کچھ لکھیں پھر مانوں گی کہ واقعی آپ ادیب ہیں۔

ادیب اپنی بیوی کے بارے لکھتا ہے۔۔۔
میرا جادوئی گھر۔۔۔
میں، میری بیوی اور بچے ایک جادوئی گھر میں رہتے ہیں۔۔۔
وہ اپنے کپڑے میلے کچیلے اتارتے ہیں، جو اگلے ہی دن صاف ستھرے ہوجاتے ہیں ۔۔۔

وہ اپنے جوتے سکول اور آفس سے آتے ہی ادھر ادھر اتار دیتے ہیں،۔۔ پھر اگلے دن صبح وہ پالش شدہ صاف جوتے پہن کر جاتے ہیں ۔۔۔

ہر روز رات کو کوڑے والی باسکٹ کچرے سے بھری ہوتی ہے اور اگلے دن صبح سویرے ہی وہ خالی ہوتی ہے۔۔۔

میرے جادوئی گھر میں بچے کھیلتے ہوئے گند ڈالتے ہیں، لیکن اگلے ہی لمحے وہ صاف ستھرا ہوجاتا ہے ۔۔۔ اور ان کے کھیلوں کا سامان اپنے اپنے باکس میں ترتیب سے رکھ دیا جاتا ہے ۔۔۔

ہر روز میرے جادوئی گھر میں میرے بچوں اور میری پسند کے مختلف کھانے بنتے ہیں ۔۔۔

میرے جادوئی گھر میں ہر روز قریباً سو بار ماما، ماما کہا جاتا ہے ۔۔۔
ماما ناخن تراش کہاں ہے۔۔۔؟
ماما میرا ہوم ورک مکمل کروائیں ۔۔۔
ماما بھیا مجھے مار رہا ہے ۔۔۔
ماما بابا جانی آگئے۔۔۔
ماما آج مجھے سکول لنچ بکس لے کر نہیں جانا۔۔
ماما آج بریانی بنائیں ۔۔۔
ماما آج مجھے چیونٹیاں نہیں مل رہی وہ ہر روز یہیں لائن بنا کر چلتی ہیں ۔۔۔
ماما مجھے سینڈوچ بنا کر دیں۔۔۔
ماما مجھے واش روم جانا ہے ۔۔۔
ماما یہاں میری بک پڑی تھی ۔۔۔ اب نہیں ہے ۔۔۔
رات سونے سے پہلے آخری لفظ ماما اور صبح اٹھتے ہی پہلا لفظ ماما میرے جادوئی گھر میں سننے کو ملتا ہے۔۔۔

یقینا کبھی بھی کوئی اس جادو نما گھر کی طرف متوجہ نہیں ہوا ہو گا۔۔۔ حالانکہ یہ جادو نما گھر ہر کسی کے پاس ہے ۔۔۔ اور نہ ہی کبھی کسی نے اس گھر کے جادو گر کا شکریہ ادا کیا ہوگا ۔۔۔ حالانکہ تعریف کرنا اور شکریہ ادا کرنا لازم بنتا ہے۔

ان جادوئی گھروں کا جادوگر کوئی اور نہیں بلکہ ہر بیوی اور ماں ہے۔۔۔ جو اپنے اپنے گھروں میں ایسے جادو کرتی ہیں۔ ان کا شکریہ ادا کیا کریں اور بھرپور تعریف کیا کریں۔

اللہ سلامت رکھے ہر بیوی اور ماں کو، جن کے صبر اور نہ ختم ہونے والے کاموں کی وجہ سے ہر گھر میں رونق ہے۔

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman/2904
⭕ ISLAM WITH EMAN ⭕

🔷 اخروٹ 🔷

دماغ  کی ترو تازگی کے لیے  بچوں کو باقاعدگی سے اخروٹ کھلائیے۔

اخروٹ میں اومیگا تھری فیٹی ایسڈ اور سیلینیئم کی وافر مقدار موجود ہوتی ہے جو دماغی صحت کے لیے بہت ضروری ہے۔

اگر آپ اپنے بچوں کو افسردگی سے دور رکھتے ہوئے ان کا دماغ تروتازہ رکھنا چاہتے ہیں اور اس بات کے بھی خواہشمند ہیں کہ بڑھاپے میں وہ دماغی امراض سے محفوظ رہیں تو انہیں باقاعدگی سے اخروٹ کھانے کا عادی بنائیے۔

فرانس کے نیشنل انسٹی ٹیوٹ آف ہیلتھ اینڈ میڈیکل ریسرچ کے مطابق نوعمری کے زمانے میں جب بچے لڑکپن سے بلوغت کی طرف جا رہے ہوتے ہیں تو اُن کا دماغ بھی بہت سی تبدیلیوں سے گزر رہا ہوتا ہے؛ اسی لیے انہیں اس عمر سے اخروٹ کھانے کی عادت ڈالنی چاہیے کیوں کہ اخروٹ اومیگا تھری پروٹین سے مالامال ہوتے ہیں جو دماغ کے افعال کو درست رکھتے ہیں۔

ماہرین کے مطابق اخروٹ میں وہ تمام ضروری اجزا ہوتے ہیں جو عمر گزرنے کے ساتھ ساتھ یادداشت کو کمزور ہونے سے محفوظ رکھتے ہیں، اومیگا تھری فیٹی ایسڈ انسانی جسم و دماغ کے لیے بہت ضروری ہوتا ہے جو اخروٹ کے علاوہ پالک، روغنی مچھلی، السی کے بیجوں اور سویا بین میں بھی وافر پایا جاتا ہے۔

تازہ تحقیق میں ماہرین نے چوہوں پر کچھ تجربات بھی کیے جن میں چوہوں کو اخروٹ میں شامل اہم اجزا دیئے گئے اور ان میں یادداشت کے تجربات کیے گئے جن سے ثابت ہوا کہ اخروٹ ذہنی و دماغی صلاحیت برقرار رکھتے ہیں اور ڈپریشن وغیرہ کو بھی دور بھگاتے ہیں۔

چوہوں پر کیے گئے تجربات سے معلوم ہوا کہ اخروٹ کھانے سے ان کے دماغی خلیات کے درمیان رابطے بھی مضبوط ہوتے ہیں جو یادداشت اور حافظے کو اچھا بناتے ہیں لیکن ایک خاص بات یہ ہے کہ اخروٹ ہماری نفسیاتی صحت توازن میں رکھتے ہیں۔

اس سے قبل امپیریل کالج لندن کے سائنسدانوں نےانکشاف کیا تھا کہ روزانہ اخروٹ اور دیگر پھلیاں مثلاً بادام وغیرہ کھانے سے امراضِ قلب کو دور رکھا جاسکتا ہے۔ یعنی اگر آپ روزانہ 20 گرام مونگ پھلیاں، کاجو اور دیگر گری دار میوے کھائیں تو اس سے  امراضِ قلب کا خطرہ 20 فیصد تک کم ہوجاتا ہے۔

اس کے علاوہ سورج مکھی کے بیجوں اور اخروٹ میں اینٹی آکسیڈنٹس کی بھرپور مقدار موجود ہوتی ہے اور اینٹی آکسیڈنٹس خلوی سطح کی تباہی کو روکنے میں بھی مدد دیتے ہیں لیکن اخروٹ میں ایک اور عنصر سیلینیئم بھی ہوتا ہے جو دماغ کو بہترین حالت میں رکھتا ہے۔

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/2824
⭕ ISLAM WITH EMAN ⭕

🔷 کسی کو بھی حقیر مت سمجھیں 🔷

ﮨﺴﭙﺘﺎﻝ ﻣﯿﮟ ﺍﯾﮏ ﻏﺮﯾﺐ ﻋﻮﺭﺕ ﺍﭘﻨﮯ ﺑﭽﮯ کو ﺭﻭﺗﯽ ﮨﻮﺋﯽ ﻟﮯ ﮐﺮ ﺁﺋﯽ۔ ﺍﺱ ﮐﮯ ﺑﭽﮯ ﮐﻮ ﺩﯾﮑﮭﻨﮯ ﮐﺎ ﮐﺎﻡ ﻣﯿﮉﯾﮑﻞ ﮐﮯ آﺧﺮﯼ ﺳﺎﻝ ﻣﯿﮟ ﭨﺮﯾﻨﻨﮓ ﻟﯿﻨﮯ ﻭﺍﻟﮯ ﮈﺍﮐﭩﺮ ﮐﮯ ذﻣﮯ ﻟﮕﺎﯾﺎ ﮔﯿﺎ۔ ﻣﯿﮉﯾﮑﻞ ﮐﺎﻟﺞ ﺳﮯ اسے ﮐﭽﮫ ہی ﺩﻧﻮﮞ ﺑﻌﺪ ﮈﮔﺮﯼ ملنے والی ﺗﮭﯽ ﭘﮭﺮ ﻭﮦ ﺁﺯﺍﺩﯼ ﺳﮯ ﮐﮩﯿﮟ ﺑﮭﯽ ﮐﻠﯿﻨﮏ ﮐﮭﻮﻟﻨﮯ ﮐﺎ ﺍﺭﺍﺩﮦ ﺭﮐﮭﺘﺎ ﺗﮭﺎ۔

ﺑﭽﮯ ﮐﯽ ﺍﯾﮏ ﭨﺎﻧﮓ ﺑﮍﯼ ﺍﻭﺭ ﺍﯾﮏ ﭼﮭﻮﭨﯽ تھی۔۔۔ ﺍﯾﮏ ﮨﺎﺗﮫ ﮐﯽ ﺍﻧﮕﻠﯽ ﺑﮭﯽ ﮐﭩﯽ ﮨﻮﺋﯽ ﺗﮭﯽ ۔۔۔ اس ﻧﮯ ﺑﭽﮯ ﮐﻮ ﺩﯾﮑﮫ ﮐﺮ ﺑﺮﺍ ﺳﺎ ﻣﻨﮧ ﺑﻨﺎﯾﺎ ﮐﮧ اﺱ ﺍﭘﺎﮨﺞ ﮐﻮ ﺯﻧﺪﮦ ﺭﮐﮭﻨﮯ ﮐﺎ ﮐﯿﺎ ﻓﺎﺋﺪﮦ .... !!!!!؟؟؟

ﺁﺯﺍﺩ ﮈﺍﮐﭩﺮ ﻧﮩﯿﮟ ﺗﮭﺎ ﺳﺮﮐﺎﺭﯼ ﮨﺴﭙﺘﺎﻝ ﻣﯿﮟ ﮈﮔﺮﯼ ﮐﮭﻮﻧﮯ ﮐﮯ ﮈﺭ ﺳﮯ ﺁﮐﺴﯿﺠﻦ ﻟﮕﺎ ﺩﯼ ﺑﭽﮧ ﺳﺎﻧﺲ ﻟﯿﻨﮯ ﻟﮕﺎ ﺍﻭﺭ ﺍﺱ ﮐﯽ ﻣﺎﮞ ﺩﻋﺎﺋﯿﮟ دﯾﻨﮯ ﻟﮓ ﮔﺌﯽ ﻭﮦ ﺣﻘﺎﺭﺕ ﺳﮯ ﺍﻥ ﮐﮯ ﻃﺮﻑ ﺩﯾﮑﮫ ﺭﮨﺎ ﺗﮭﺎ۔۔۔

ﻭﻗﺖ ﮔﺰﺭﺗﺎ ﮔﯿﺎ۔۔۔
وہ ﮐﺎﻣﯿﺎﺏ ﮈﺍﮐﭩﺮ ﺑﻦ ﮔﯿﺎ ﻟﯿﮑﻦ ﻣﻘﺼﺪ ﺻﺮﻑ پیسہ ﮐﻤﺎﻧﺎ ﺗﮭﺎ۔۔۔

ﺩﻭﻟﺖ ﮐﯽ ﺭﯾﻞ ﭘﯿﻞ ﻧﮯ ﺭﮨﯽ ﺳﮩﯽ ﺍﻧﺴﺎﻧﯿﺖ ﮐﯽ ﮨﻤﺪﺭﺩﯼ ﺑﮭﯽ ﺧﺘﻢ ﮐﺮ ﺩﯼ۔

ﺷﺎﺩﯼ ﮐﮯ ﺑﻌﺪ ﺍﮐﻠﻮﺗﯽ ﺑﯿﭩﯽ ﮐﯽ ﮨﺮ ﺧﻮﺍﮨﺶ پوری ﮐﯽ ... ﺍﯾﮏ ﺩﻥ ﺑﯿﭩﯽ ﮐﮯ پیٹ ﻣﯿﮟ ﺩﺭﺩ شرﻭﻉ ﮨﻮ ﮔﯿﺎ ...

ﻣﻠﮏ ﮐﺎ ﮨﺮ ﻣﺸﮩﻮﺭ ﮈﺍﮐﭩﺮ ﺍﺳﮑﯽ ﺑﯿﭩﯽ ﮐﺎ ﻋﻼﺝ ﮐﺮﻧﮯ ﻣﯿﮟ ﻧﺎﮐﺎﻡ ﺭﮨﺎ۔۔۔

ﺗﮭﮏ ہار ﮐﺮ ﺍﯾﮏ ﺳﺮﮐﺎﺭﯼ ﮨﺴﭙﺘﺎﻝ ﮐﮯ ﮈﺍﮐﭩﺮ ﮐﮯ پاس ﻟﮯ ﮔﯿﺎ ۔۔۔ ﭘﮩﻠﮯ ﺗﻮ ﺍﺳﮯ ﮐﭽﮫ ﮨﻮﺵ ﻧﮧ تھا ﻟﯿﮑﻦ ﭘﮭﺮ ﮈﺍﮐﭩﺮ ﮐﮯ ﻋﻼﺝ ﺳﮯ ﺍﺱ ﮐﯽ ﺑﯿﭩﯽ ﭨﮭﯿﮏ ﮨﻮ ﮔﺌﯽ ﺗﻮ ﺍﺱ نے ﻏﻮﺭ ﮐﯿﺎ ﮈﺍﮐﭩﺮ ﻟﻨﮕﮍﺍ ﮨﮯ۔۔۔

ﺍﯾﮏ ﭨﺎﻧﮓ چھوٹی ﺍﯾﮏ ﺑﮍﯼ۔ ﭘﮭﺮ ﮨﺎﺗﮫ ﭘﮧ ﻧﻈﺮ ﮔﺌﯽ ﺗﻮ ﺍﻧﮕﻠﯽ ﮐﭩﯽ ﮨﻮﺋﯽ .... ﻧﺪﺍﻣﺖ ﺳﮯ ﺳﺮ ﺟﮭﮑﺎ کر ﺭﮦ ﮔﯿﺎ۔۔۔

ﺳﺎﻟﻮﮞ ﭘﮩﻠﮯ ﺟﺲ ﮐﺎ ﻋﻼﺝ ﮐﺮﺗﮯ ﻭﻗﺖ ﺍﺳﮯ ﻣﺎﺭﻧﮯ ﮐﺎ ﺳﻮﭺ ﺭﮨﺎ ﺗﮭﺎ ﺁﺝ اﺳﯽ ﻧﮯ ﺑﯿﭩﯽ ﮐﯽ ﺯﻧﺪﮔﯽ ﺑﭽﺎﺋﯽ تھی۔۔۔

🔘 حاصل کلام
کسی شخص کو حقیر سمجھنے والا سب سے پہلے اپنے آپ کو اللہ کی نظر میں حقیر کر لیتا ہے۔

اللہ تعالٰی نے فرمایا کہ غرور میری چادر ہے جو شخص غرور کرتا ہے وہ میری چادر پر ہاتھ ڈالتا ہے اور جو میری چادر پر ہاتھ ڈالے گا میں اس کو ہلاک کر دوں گا۔

دنیا میں کسی انسان کو حقیر نہیں سمجھنا چاہیے ہر انسان سے کچھ نہ کچھ سیکھا جا سکتا ہے ہر انسان بے مقصد پیدا نہیں کیا گیا۔

مغرور لوگ اللہ کو سخت ناپسند ہیں۔

نہیں ہے چیز نکمی کوئی زمانے میں۔
کوئی برا نہیں قدرت کے کارخانے میں۔

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 اپنا کاروبار 🔷

ایک بڑی کمپنی کے گیٹ کے سامنے ایک مشہور سموسے کی دکان تھی۔ لنچ ٹائم میں اکثر کمپنی کے ملازم وہاں آکر سموسے کھایا کرتے تھے۔

ایک دن کمپنی کا ایک منیجر، سموسے کھاتے کھاتے سموسے والے سے مذاق کے موڈ میں آ گیا۔منیجر صاحب نے سموسے والے سے کہا، “یار شاہد، اپنی دکان تم نے بہت اچھی طرح سے سیٹ کی ہے۔ لیکن کیا تمہیں نہیں لگتا کے تم اپنا وقت اور ٹیلینٹ سموسے بیچ کر برباد کر رہے ہو؟ سوچو، اگر تم میری طرح اس کمپنی میں کام کر رہے ہوتے تو آج کہاں ہوتے؟ ھو سکتا ہے شاید آپ بھی آج منیجر ہوتے میری طرح۔۔۔

اس بات پر سموسے والے شاھد نے بڑا سوچا۔”اور بولا: “سر یہ میرا کام آپ کے کام سے کہیں بہتر ہے. 10 سال پہلے جب میں ٹوکری میں سموسے فروخت کرتا تھا تبھی آپ کی جاب لگی تھی، تب میں مہینہ بھر میں ہزار روپے کماتا تھا اور آپ کی تنخواہ تھی 10 ہزار. ان 10 سالوں میں ہم دونوں نے خوب محنت کی۔ آپ سپروائزر سے منیجر بن گئے اور میں ٹوکری سے اس مشہور دکان تک پہنچ گیا۔ آج آپ مہینے کے پچاس ہزار روپے کماتے ہیں اور میں مہینے کے ساٹھ ہزار روپے۔ لیکن اس لئے میں اپنے کام کو آپ کے کام سے بہتر نہیں کہہ رہا ہوں بلکہ یہ تو میں بچوں کی وجہ سے کہہ رہا ہوں. ذرا سوچئے…! کہ سر میں نے تو بہت کم روپوں سے دھندہ شروع کیا تھا مگر میرے بیٹے کو یہ سب نہیں جھیلنا پڑے گا۔ میری دکان میرے بیٹے کو ملے گی. میں نے زندگی میں جو محنت کی ہے، اس کا فائدہ میرے بچے اٹھائیں گے.
جبکہ آپ کی زندگی بھر کی محنت کا فائدہ آپ کے مالک کے بچے اٹھائیں گے۔ اب آپ اپنے بیٹے کو ڈائریکٹ اپنی پوسٹ پر تو نہیں بٹھا سکتے نا؟اسے بھی آپ ہی طرح زیرو سے شروعات کرنی پڑے گی .. اور اپنی مدت کے اختتام میں وہیں پہنچ جائے گا جہاں ابھی آپ ہو، جبکہ میرا بیٹا بزنس کو یہاں سے اور آگے لے جائے گا .. اور اپنے دور میں ہم سب سے بہت آگے نکل جائے گا .. اب آپ ہی بتائیے کہ کیسے میرا وقت اور ٹیلنٹ برباد ہو رہا ہے؟

“منیجر صاحب نے سموسے والے کو دو سموسے کے پچاس روپے دیئے اور بغیر کچھ بولے وہاں سے کھسک گئے۔

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

👈 حضرت امام علی النقی علیہ السلام کے حالات زندگی جاننے کے لیے نیچے دیے گئے مطلوبہ پوسٹ کے لنک پر کلک کریں۔

🌹 ولادت باسعادت امام علی النقیؑ
https://t.me/islamwitheman/2971

🌹 شہادت حضرت امام علی النقیؑ
https://t.me/islamwitheman/2968

🌹 امام ہادیؑ کی ہدایات
https://t.me/islamwitheman/2969

🌹 ولادت مبارک امام علی النقیؑ
https://t.me/islamwitheman/2972
⭕ ISLAM WITH EMAN ⭕

🔷 بزدل 🔷

بزدل کئی بار مرتا ہے، فاتح صرف ایک بار۔ آپ کتنی بار مرتے ہیں؟ یا مجھے یہ سوال کرنا چاہیے کہ آپ ٹھیک سے زندہ بھی ہیں؟ کیونکہ پوری طرح سے وہی مرے گا جو پوری طرح سے زندہ ہو گا۔ ہم میں سے اکثریت پوری طرح سے کبھی زندہ ہی نہیں ہوتی۔ ہم کسی خواب، خواہش یا دکھ کے ہاتھوں آدھے مرے ہوئے ہی ہوتے ہیں۔ ہمارے دل کا کوئی نہ کوئی حصہ کسی نہ کسی خوف کے زیر اثر رہتا ہی ہے۔ وہ حصہ مردہ ہوتا چلا جاتا ہے۔

ہم کبھی پوری طرح سے خوش نہیں ہوتے۔ خوشی ایک طرف، پوری طرح مطمئن نہیں ہوتے۔ ہمارا اطمینان یا چیزوں میں ہے یا پھر ہمارے پلانز کی کامیابیوں میں۔ ہر چھوٹا بڑاجھٹکا ہمیں ”مردہ“ کر دیتا ہے۔ کئی لوگوں کا موڈ صرف اس لیے سارا دن آف رہتا ہے کہ انہیں ان کی پسند کا کھانا نہیں ملا۔ کچھ لوگوں نے خود کو اتنا نازک مزاج بنا لیا ہے کہ کوئی ان کے سامنے بلند آواز میں بات کرے تو وہ برہم ہو جاتے ہیں۔ ہم نے مسائل کے ساتھ ”بار بار مرنے“ کی عادت اپنا لی ہے۔ دکھ ملا تو مر گئے، ناکام ہوئے تو وفات پا گئے۔ دھوکا ملا تو دل مار لیا۔ خواب ٹوٹ گیا تو خود کو توڑ لیا۔

ہم خود کو مارنے، توڑنے، کچر مچر کرنے کو بہت پسند کرتے ہیں۔ یہی کام دوسروں کے ساتھ کرتے ہیں۔ دوستی توڑ لی، تعلق ترک کر دیا، چند ناکامیوں پر خواب کی قبر کھود لی۔ مایوسی پر اپنے لیے موت کا سوچنا شروع کر دیا۔
تو ایسے۔۔۔۔
ہم پر کئی بار موت طاری ہوتی ہے۔ ہم ہر گزرتے دن کے ساتھ کم ہمت ہوتے جا رہے ہیں۔ روز بہ روز ہماری”بزدلی“ بڑھتی جا رہی ہے۔ بالآخر ایک دن ہمارے خاکی جسم کو بھی موت آجائے گی۔ لیکن اس سے پہلے ہمارا قلب، ہماری روح، سارے کے سارے ”ہم“ کئی بار ”موت“ کا مزا چکھ چکے ہوں گے۔

بزدلی، خوف، مایوسی اور منفی سوچ کو خود سے دور رکھیں تاکہ بھرپور جی سکیں۔ خود بھی جیئیں اور دوسروں کو بھی جینے دیں۔

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman
⭕ ISLAM WITH EMAN ⭕

🔷 مخمصہ 🔷

ایک شاگرد اپنے استاد سے الجھ پڑا. اس کو مخمصے کا مطلب سمجھ نہیں آیا تھا. استاد نے کافی تشریح کی مگر شاگرد مطمئن نہ تھا. پھر استاد نے کہا کہ میں تم کو ایک واقعہ سناتا ہوں. شاید تمہیں مخمصے کی سمجھ آ جائے.

"ناظم آباد میں اے او کلینک کے سامنے والی سڑک پر ایک باپ اور اس کا بیٹا موٹر سائیکل پر جا رہے تھے۔ ان کے آگے ایک ٹرک تھا جس میں فولادی چادریں لدی تھیں۔ اچانک ٹرک سے ایک فولادی چادر اڑی اور سیدھی باپ بیٹے کی گردن پر آئی۔ دونوں کی گردن کٹ گئی۔ لوگ بھاگم بھاگ دونوں دھڑ اور کٹے ہوئے سر لے کر ڈاکٹر محمد علی شاہ کے پاس پہنچے۔ ڈاکٹر شاہ نے سات گھنٹے کے طویل آپریشن کے بعد کٹے ہوئے دونوں سر دھڑوں سے جوڑ دیئے۔ دونوں زندہ بچ گئے۔
دو ماہ تک دونوں باپ بیٹا انتہائی نگہداشت کے وارڈ میں رہے. گھر والوں کو بھی ملنے کی اجازت نہیں تھی۔ دو ماہ بعد وہ گھر آئے تو ایک ہنگامہ مچ گیا. باپ کا سر بیٹے کے دھڑ پر اور بیٹے کا سر باپ کے دھڑ سے لگ گیا تھا۔"

شاگرد منہ کھولے بہت حیرت سے سن رہا تھا۔

"گھڑمس پیدا ہو گیا کہ اب بیٹے کی بیوی شوہر کے دھڑ کے ساتھ کمرے میں رہے یا شوہر کے سر کے ساتھ؟ اگر وہ شوہر کے سر کے ساتھ رہتی ہے تو دھڑ تو سُسر کا ہے. اب کیا ہوگا. ادھر یہ گھڑمس کہ ماں اگر شوہر کے سر ساتھ رہے تو دھڑ بیٹے کا ہے۔ اگر شوہر کے دھڑ کے ساتھ رہے گی تو سر تو اس کے بیٹے کا ہے۔ گھر کی صورتحال انتہائی کشیدہ تھی۔

بیٹا اپنی بیوی کا ہاتھ تھامنا چاہے تو وہ نیک بخت کہتی کہ مجھے ابا جان کے ہاتھوں سے شرم آتی ہے۔ سٗسر اپنی بیوی کے پاس اس لئے نہیں پھٹکتے کہ بیٹے کے دھڑ اور ماں یعنی ان کی بیوی میں ابدی حرمت ہے۔

کہیں موٹر سائیکل پر جانا ہو تو ایک پریشانی کہ بہو شوہر کے دھڑ کے ساتھ بیٹھے یا سُسر کے سر کے ساتھ؟

الغرض ان کی زندگی اجیرن ہوگئی۔ تمام معمولات ٹھپ ہو گئے۔ ایسے میں کسی نے مشورہ دیا کہ یوں کیا جائے کہ دونوں اپنی اپنی منکوحہ کو طلاق دے دیں اور از سرِ نو نکاح کریں تاکہ دھڑ حلال ہو جائیں۔"

شاگرد پوری توجہ سے سن رہا تھا اور بہت پریشان تھا کہ اب کیا ہوگا۔

"تم اب بتاو کہ اگر لڑکے کی ماں طلاق لے تو کس سے لے؟ بیٹے کے دھڑ سے یا شوہر کے سر سے؟
ادھر بہو کے ساتھ بھی یہی مسئلہ ہے. شوہر کے سر سے طلاق لے یا سُسر کے دھڑ سے؟ اب تم بتاؤ کہ کیا کیا جائے؟"

شاگرد بولا:
"استاد جی... میرا تو دماغ بند ہو گیا ہے. مجھے کچھ سمجھ نہیں آرہا کہ کیا کیا جائے۔"

استاد گویا ہوئے:
"بیٹا... بس یہ جو تمہاری کیفیت ہے نا اسے ہی مخمصہ کہتے ہیں۔"

https://t.me/islamwitheman
⭕ ISLAM WITH EMAN ⭕

🔷️ وٹامن ڈی میں مددگار غذائیں 🔷️

انسانی صحت کے لیے وٹامن ڈی کا ہونا لازمی ہے، اس کی بدولت جہاں انسان کا جسم مضبوط رہتا ہے، وہیں کئی بیماریوں سے بھی محفوظ رہا جاسکتا ہے۔

زیادہ تر وٹامن ڈی کی کمی کے شکار افراد بد ہاضمے، موسمی ڈپریشن، موٹاپے، مدافعتی کمزوری، ڈیمینشیا، جلد اور خارش جیسے امراض میں مبتلا ہوجاتے ہیں، جب کہ اس سے ذیابیطس، دمہ اور کینسر جیسے امراض بھی لاحق ہو سکتے ہیں۔

■ وٹامن ڈی کی کمی علامات
ہائی بلڈ پریشر
ذہنی دباؤ
یادداشت کا کم ھونا
پٹھوں میں درد
کمزوری
سر میں درد
نیند میں بے چینی
ہڈیوں میں کمزوری
سستی

وٹامن ڈی کی وافر مقدار انسان کے جوڑوں، ہڈیوں، مسل اور باقی تمام جسم کو توانا اور مضبوط رکھ کر انسانی صحت کو یقینی بناتی ہے۔

■ وٹامن ڈی کا سورس
اگرچہ وٹامن ڈی کے حصول کے لیے دوائیاں اور سپلیمینٹ بھی موجود ہیں، تاہم اسے عام قدرتی غذاؤں کے ذریعے بھی حاصل کیا جاسکتا ہے۔

سورج کی روشنی بھی وٹامن ڈی کے لیے اہم ہوتی ہے، تاہم دیگر پھل، غذائیں اور قدرتی اشیاء کو اپنی روز مرہ زندگی کا حصہ بنا کر وٹامن ڈی سے بھرپور رہا جا سکتا ہے۔ درج ذیل قدرتی اشیاء وٹامن ڈی میں مددگار ہوتی ہیں۔۔۔

1۔ سورج کی روشنی
2۔ مچھلی
3۔ انڈہ
4۔ دودھ
5۔ مشروم
6۔ گندم اور جو سے بنے مختلف سیریلز
7۔ چیز
8۔ مکھن
9۔ روغن زیتون
10۔ روغن ناریل
11۔ روغن بادام
12۔ دیسی گھی
13۔ کاڈ لِورِ آئل (مچھلی کے کیپسول) سپلیمینٹ
14۔ اورینج
15۔ بادام
16۔ گاجر
17. آلوبخارہ
18۔ خوبانی
19۔ آڑو
20۔ پپیتا
21۔ بلیو اینڈ بلیک بیریز

🌹 پوسٹ اچھی لگے تو دوسروں کی بھلائی کے لیے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman
⭕ ISLAM WITH EMAN ⭕

🔷️ ہڈیوں کی طاقت کیلئے غذائیں 🔷️

ہڈیوں کی کمزوری یا آسٹیو پوروسز کو خاموش مرض کہا جاتا ہے جس کا احساس ہونا لگ بھگ ناممکن ہوتا ہے۔ اس مرض کے دوران ہڈیوں کی کثافت کم ہوجاتی ہے اور وہ کمزوری کا شکار ہو جاتی ہیں۔

ہر دو میں سے ایک خاتون اور ہر چار میں سے ایک مرد اس کا شکار ہوتا ہے اور ہڈیاں ٹوٹنے کا خطرہ بڑھ جاتا ہے۔ مگر روزمرہ کی زندگی میں چند غذاﺅں کو اپنا کر آپ عمر بڑھنے سے ہڈیوں میں آنے والی کمزوری سے بچ سکتے ہیں۔

🔹 دہی
دہی پروبایوٹیکس، کیلشیئم، پوٹاشیم اور وٹامن ڈی، اے اور فولیٹ کے حصول کا اچھا ذریعہ ہے، طبی ماہرین نے دریافت کیا ہے کہ روزانہ دہی کو کھانا ہڈیوں کی کمزوری اور فریکچر کے خطرے کی روک تھام کرتا ہے، اگر آپ کو لگتا ہے کہ ہڈیاں کمزور ہوچکی ہیں تو دہی کھانا عادت بنالیں۔

🔹 دودھ
دودھ بھی کیلشیئم، فاسفورس اور وٹامنز اے اور ڈی کے حصول کا اچھا ذریعہ ہے، گائے کا دودھ ہڈیوں کو مضبوط بنانے کے لیے فائدہ مند ہے، اس کے لیے فورٹیفائیڈ ملک پینا بھی فائدہ پہنچا سکتا ہے۔

🔹 سبز پتوں والی سبزیاں
سبز پتوں والی سبزیاں جیسے پالک اور ساگ وغیرہ کیلشیئم، اینٹی آکسائیڈنٹس اور وٹامن کے اور سی کے حصول کا اچھا ذریعہ ہے، ان سبزیوں کو اکثر کھانا ہڈیوں کو مضبوط بنانے کے ساتھ جسمانی مدافعتی نظام بھی طاقتور کرتا ہے۔

🔹 خشک میوہ جات
بادام، کاجو اور مونگ پھلی وغیرہ میگنیشم کے حصول کا اچھا ذریعہ ہیں، جو ہڈیوں کی ساخت کو بہتر بنانے میں مدد دیتا ہے، جبکہ یہ کیلشیئم جذب کرنے کے لیے بھی ضروری ہے۔

🔹 آلو بخارہ
ہڈیوں کو 20 فیصد زیادہ مضبوط بناتا ہے مگر پھر بھی اکثر افراد اس کی خوبی سے لاعلم ہوتے ہیں۔ ایک طبی تحقیق میں دریافت کیا گیا کہ خشک آلو بخارے بھی ہڈیوں کو مضبوط بنانے میں مددگار ثابت ہوتے ہیں اور یہ ہڈیوں کو ریڈی ایشن سے تحفظ بھی فراہم کرتے ہیں۔

🔹 پنیر
پنیر کو دودھ سے بنایا جاتا ہے اور اسی لیے کیلشیئم کے حصول کا اچھا ذریعہ ہے، جبکہ اس سے جسم کو وٹامن اے، وٹامن بی 12، زنک اور فاسفورس بھی ملتے ہیں، اسے کھانا معمول بنانا نہ صرف منہ کا ذائقہ بہتر بناتا ہے بلکہ ہڈیوں کو بھی کمزور ہونے سے بچاتا ہے۔

🔹 مچھلی
وٹامن ڈی کے سپلیمنٹ کے ساتھ ساتھ اس سے بھرپور غذائیں جیسے مچھلی کو کھانا بھی عادت بنانا چاہیئے اور ہر ہفتے ایک سے دو بار مچھلی کھانا وٹامن ڈی کی فراہمی میں مدد دیتا ہے۔

🔹 انڈے
انڈے کی زردی وٹامن اے، ڈی، کے اور ای کے حصول میں مدد دیتی ہے، وٹامن ڈی کیلشیئم جذب کرنے کے لیے ضروری عنصر ہے جس سے ہڈیوں کی صحت بہتر ہوتی ہے۔

🔹 دالیں
دالوں سے جسم کو صرف پروٹین ہی نہیں ملتا بلکہ یہ کیلشیئم ، فاسفورس، پوٹاشیم اور اومیگا تھری فیٹی ایسڈز سے بھی بھرپور ہوتی ہیں، محققین نے تصدیق کی ہے کہ دالوں کو کھانے کی عادت ہڈیوں کی کثابت میں کمی کی روک تھام کرتی ہے۔

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman
⭕ ISLAM WITH EMAN ⭕

🔷 مذہبی جنونیت 🔷

مولوی خالد پچھلے بیس سال سے جامع مسجد کا تنہا حطیب تھا۔ پچاس برس کا ہٹا کٹا صحتمند مولوی دو چار بار مسجد میں بچوں سے بدفعلی کرتے بھی پکڑا گیا لیکن اپنے اثر و رسوخ کی بدولت ہر بار بچ جاتا۔۔۔

مسجد کے بالکل سامنے فیکے مسیح کا گھر تھا جس کی بیوی بہت حسین و جمیل اور جوان تھی اگرچہ اس کی ایک تین سال کی بیٹی بھی تھی مگر قدرتی طور پر وہ بہت حسین تھی۔۔۔مولوی کافی عرصے سے فیکے کی بیوی پر دل و جان سے فدا تھا مگر اسے کبھی موقع نا ملا۔

وہ برسات کا دن تھا جب فیکے کی بیوی کسی کام سے باہر آئی بارش میں بھیگا بدن کھلے بال غضب ڈھا رہے تھے جیسے ہی مولوی کی نظر اس پر پڑی وہ پاگل ہو گیا۔ آج نہی چھوڑوں گا مولوی زیرِلب بُڑبڑایا۔
مولوی فیکے کے گھر کی طرف چل پڑا۔ دروازہ کُھلا تھا وہ اندر داخل ہوا۔ کمرے میں فیکے کی بیوی اکیلی تھی اور بارش میں بھیگے بال خشک کر رہی تھی کے اچانک مولوی نے اسے پیچھے سے دبوچ لیا ۔۔۔ وہ گھبرا کر چلائی مگر مولوی کی پکڑ سخت تھی ہاتھ پر زور سے کاٹنے کے باعث مولوی نے اسے چھوڑ دیا ۔۔۔ سامنے مُلا کو پا کر وہ حیران تھی اور پھر اس نے پوری طاقت سے زناٹے دار تھپڑ مولوی کے منہ پر دے مارا۔ عین اسی لمحے فیکا گھر میں داخل ہوا۔ اس کی بیوی نے روتے ہوۓ سارا حال سنایا ۔۔۔ فیکا غصے سے پاگل ہو گیا لاتوں، مُکوں کی بارش مولوی پر کر دی مولوی کے کپڑے پھٹ گئے، ناک منہ سے خون جاری تھا۔ بڑی مشکل سے خود کو چھڑا کر بھاگا اور مسجد میں جا کر دم لیا۔

مولوی غصے سے پاگل ہو رہا تھا کے اچانک اس کی آنکھیں چمک اٹھیں۔ فورا اندر گیا مسجد کا قرآن اٹھایا اور اسے آگ لگا کر فیکے کے دروازے کے سامنے پھینک دیا ۔۔۔ بارش تھم چکی تھی مگر آسمان کسی طوفان کا منتظر تھا۔

مُلا نے سپیکر آن کیا اور چیخ چیخ کر اعلان کیا ۔۔۔ حضرات فیکے مسیح نے قرآن کی بے حُرمتی کرتے ہوئے اسے آگ لگا دی ہے، جو کوئی مسلمان کلمہ گو مومن سچا عاشق ہے اور جنت کمانا چاہتا ہے وہ فورا فیکے کے گھر پہنچ کر اسے نشانِ عبرت بنا دے۔

اک ہجوم فیکے کے گھر کے سامنے جمع تھا حاجی، نمازی، ملک، چوہدری، کمی، چور ڈاکو، زانی، شرابی، سود خور، ملاوٹ کرنے والے سب ہی تو جمع تھے۔ فیکے کو گھسیٹ کر گھر سے باہر لایا جا چکا تھا۔ ہجوم انھے وا اس پر ٹوٹ پڑا تھا۔ مار مار کر اس کا بھرکس نکال دیا۔ فیکے کی بیوی اور بچی ہاتھ جوڑ جوڑ فریاد کر رہی تھیں کہ اس نے کوئی بے حُرمتی نہیں کی مگر خالص مسلمانوں کے وحشی ماحول میں اسے سنتا کون؟ اللہ اکبر کے نعرے بلند تھے۔ فیکا بے ہوش ہو چکا تھا کے اچانک کچھ خالص جنتیوں نے حور کے لالچ میں فیکے پر پٹرول چھڑک دیا ۔۔۔

دور آسمان پر عرشی مخلوق یہ سارا تماشہ دیکھ کر سکتے میں تھی، حیرت کی تصویر بنے وہ آنکھیں پھاڑ پھاڑ زمین پر دیکھ رہے تھے۔ ابلیس کونے میں سہما بیٹھا تھا اور جہنمی دروغہ ہجوم پر بار بار بڑی بیتابی سے نظر دوڑا رہا تھا کہ شاید ان وحشی درندوں میں کوئی ایک انسان ہو جو آگے بڑھے اور اعلان کرے کہ رک جاؤ پہلے فیکے کو بھی بولنے کا حق دو اس کی بات بھی تو سنو کہ وہ گنہگار ہے بھی یا نہیں، کہ عین اسی لمحے خالص مُسلوں نے فیکے کو آگ لگا دی۔ فیکے کی چیخیں آسمان کے ساتھ عرشی مخلوق کے کلیجے بھی چیر رہی تھیں۔ کم سن بیٹی اور بیوی کے سامنے فیکا زندہ جل رہا تھا اور وہ بے بس تھیں ۔۔۔ نعرے بلند تھے ہجوم نے اپنے اپنے حصے کا ثواب کما کر جنت میں اپنا اپنا محل تعمیر کروا لیا تھا۔ عرشی مخلوق حیرت کے گہرے کنویں میں چھلانگ لگا چکی تھی۔ جہنمی دروغہ مایوسی سے دانت بیچ رہا تھا۔ ابلیس ہاتھ جوڑے خدا کی بارگاہ میں صرف ایک ہی سوال کیے جا رہا تھا کہ یہی ہے وہ اشرف المخلوق جس کے انکار نے مجھے ابلیس بنایا ۔۔۔ فیکے کی بیوی کے چہرے پر شدید کرب و وحشت تھی جبکہ مولوی کے چہرے پر شیطانی مسکراہٹ تھی ۔۔۔ عرش پر ایک خوفناک حکم جاری ہوا، تمام وحشی درندوں کو جہنم میں ڈال دو اور فیکے مسیح کو عزت و احترام کے ساتھ جنت لے جاؤ۔
شاید اس حکم کے بعد جہنمی دروغے کے سینے میں کچھ ٹھنڈ پڑی تھی۔۔۔

🌹 آگر پوسٹ اچھی لگے تو دوسروں کی بھلائی کے لیے شیئر ضرور کریں۔


📚 ناول مُلاں پرستی کُفر ہے سے اقتباس

https://t.me/islamwitheman
⭕ ISLAM WITH EMAN ⭕

🔷 مفلسی 🔷

محمد دین مُوچی مرحوم کا تین سال کا یتیم بچہ جس کی ماں جنم دیتے ہی مر گئی تھی پچھلے دو دن سے بھوکا تھا۔ محلے کے چوہدری فضل کے گھر آج بڑی دعوت تھی۔ مہمانوں کا رش تھا رنگ برنگے پکوان پک رہے تھے۔

دو دن کا بھوکا بچہ چوہدری کے مین گیٹ کے پاس کھڑا حسرت بھری نگاہوں سے پکوانوں کو تک رہا تھا۔ کافی دیر کھڑا رہنے کے بعد بھی جب کسی نے اس یتیم بچے پر توجہ نہ دی تو بچہ چپکے سے چل دیا۔ بھوک کے مارے لڑکھڑاتے قدم اٹھاتا وہ محلے سے باہر کُوڑے کے ڈھیر پر پہنچا اور وہاں بے تابی سے کچھ تلاش کرنے لگا۔ اچانک بچے کی آنکھیں چمک اٹھیں اسے شاید قارون کا خزانہ مل گیا تھا یا پھر سونا چاندی، ہیرے جواہرات یا پھر ڈھیر سارے نوٹ۔ عین اس وقت موت کا فرشتہ اس کے سر پر کھڑا تھا۔ فرشتے کو حکم تھا کے بچے کی روح قبض کر لے۔ لیکن فرشتہ مُتجسس تھا کے آخر بچہ ڈھیر سے اٹھا کیا رہا ہے۔ فرشتہ سوچ میں گُم تھا کہ بچے کو چیز اٹھانے کی مہلت دے یا نہ دے۔
بالآخر کسی کو مُہلت نہ دینے والے فرشتے نے بچے کو مُہلت دے دی۔ بچے نے لپک کر کوڑے کے ڈھیر سے سوکھی روٹی کا ٹکڑا اٹھا لیا۔ چوم کر آنکھوں سے لگایا اور کھانے کو منہ کھولا۔ عین اسی وقت اس کی روح پرواز کر گئی۔ چوہدری کے گھر سے بچا کھانا بھی عین اس وقت کوڑے کے ڈھیر پر لا کر پھینک دیا گیا۔

قبر میں منظر بڑا عجیب تھا۔ دو فرشتوں نے بچے کو قبر میں بٹھا دیا تھا۔ ایک نے سوال کیا "من ربُکَ؟" (تیرا رب کون ہے؟) بچہ خاموش پھٹی پھٹی نگاہوں سے فرشتے کو دیکھ رہا تھا۔ تھوڑی دیر بعد دوسرے فرشتے نے قدرے رُعب دار آواز میں پُوچھا "من ربُکَ؟" بچہ سہم گیا وہ کچھ بولنا تو چاہتا تھا مگر مارے خوف یا پھر بھوک کی شدت سے آواز خلق میں اٹک گئی تھی۔

اب کی بار فرشتے نے گرجدار آواز میں پوچھا "من ربُکَ؟" سہمے ہوۓ بچے کا جسم کانپ رہا تھا۔ آنسو آنکھوں سے نکل پڑے۔ لرزتے ہاتھ کے ساتھ اس نے پھٹے کُرتے کی جیب سے کُوڑے کے ڈھیر سے اٹھایا سوکھی روٹی کا ٹکڑا فرشتوں کے سامنے کر دیا اور اس کے حلق سے مدہم سی آواز نکلی "ھذا ربی" (یہ میرا رب ہے)

معلوم نہی عرش پر اک کُہرام کیوں برپا تھا۔ اللہ جانے عرشی مخلوق کی چیخیں کیوں بلند تھیں۔ شاید بچے کی قبر ہل رہی تھی یا پھر زمین میں زلزلہ تھا۔ اچانک دونوں فرشتوں کے اندر سے کچھ ٹوٹنے کی آواز آئی ۔۔۔ شاید غم سے ان کے کلیجے پھٹ گئے تھے ۔۔۔ شاید فرشتوں نے استعفی دینے کا فیصلہ کر لیا تھا۔ شاید ۔۔۔

🌹 آگر پوسٹ اچھی لگے تو دوسروں کی بھلائی کے لیے شیئر ضرور کریں۔

📚 ناول مُفلسی اک جُرم سے اقتباس

https://t.me/islamwitheman
⭕ ISLAM WITH EMAN ⭕