🌹 جنگ حُنَین (ہوازن) 🌹

غزوہ حُنَین، رسول خدا(ص) کے غزوات میں سے ایک ہے جو سنہ 8 ہجری / 630 عیسوی میں فتح مکہ کے بعد واقع ہوا۔ اس جنگ میں مسلمان سپاہیوں کی قیادت رسول اللہ(ص) نے فرمائی۔ یہ جنگ طائف میں سکونت پذیر دو قبیلے، ہوازن اور ثقیف کے حملے کے خلاف لڑی گئی کیونکہ ان دو مشرک قبائل نے فتح مکہ کے بعد آپ(ص) کی طرف سے عسکری مہم کے خوف سے حفظ ما تقدم کے طور پر مسلمانوں پر حملہ کرنے کا منصوبہ بنایا تھا۔ جنگ کے آغاز میں مشرکین کے شبخون اور جنگ میں تازہ مسلمانوس کی شرکت کی بنا پر، سپاہ اسلام متزلزل تھی یہاں تک کہ جنگ احد کی مانند یہاں بھی رسول خدا(ص) کی جان کو خطرہ لاحق ہوا؛ تاہم آخرکار مسلمانوں نے فتح حاصل کی اور بہت سا مال غنیمت حاصل کرنے میں کامیاب ہوئے۔

چار شوال، 8 ہجری قمری کو جنگ حنین واقع ہوئی، لیکن شیخ بہائی (رحمة اللہ علیہ) نے اس جنگ کو پانچ تاریخ کو بیان کیا ہے۔ اور کچھ نے دس شوال المکرم کو بیان کیا ہے۔

فتح مکہ کے بعد عرب کے اکثر قبیلے پیغمبر اکرم (صلی اللہ علیہ وآلہ وسلم) کے فرمانبردار اور مسلمان ہوگئے لیکن ھوازن اور ثقیف کے قبیلہ والوں نے جو کہ بہت بہادر لوگ تھے، مخالفت کی اور انہوں نے آپس میں عہد کیا کہ پیغمبر اکرم (صلی اللہ علیہ وآلہ وسلم) سے جنگ کریں گے۔

ھوازن قبیلے کا سردار مالک بن عوف تھا اس نے تیس ہزار افراد جمع کئے اور مکہ و طائف کے درمیان حنین نامی صحرا میں جمع ہوگئے۔
اس طرف پیغمبر اکرم (صلی اللہ علیہ وآلہ وسلم) نے بارہ ہزار کا لشکر تیار کیا اور حنین کے میدان سے نزدیک ہو گئے۔ پہلے خالید بن ولید نے ایک ایسی جماعت کے ساتھ جن کے پاس اسلحہ نہیں تھا وہاں سے عبور کرنا چاہا لیکن ھوازن کے لشکر ان کے راستہ میں تاک لگائے ہوئے بیٹھے تھے، انہوں نے اس پر حملہ کیا اور ان کو مجبورا وہاں سے بھاگنا پڑا، ان کی وجہ سے جو مشرک نئے نئے مسلمان ہوئے تھے وہ بھی فرار کر گئے۔

پیغمبر اکرم (صلی اللہ علیہ وآلہ وسلم) نے فرمایا: الی این ایھا الناس۔؟ کہاں بھاگ رہے ہو! لیکن سوائے دس آدمیوں کے سب بھاگ گئے، پیغمبر اکرم (صلی اللہ علیہ وآلہ وسلم) نے تھوڑے سے اصحاب کے ساتھ حملہ کیا۔

امام علی (علیہ السلام) نے ان کے بہت سے بہادروں کو دو حصوں میں تقسیم کر دیا اور ان کے پرچم کو زمین پر گرا دیا لہذا مشرکین کو بھاگنا پڑا۔ عباس نے اصحاب کو پکارا: یا معشر الانصار․․․ الخ۔ مسلمانوں نے کفارہ کا پیچھا کیا، پیغمبر اکرم (صلی اللہ علیہ وآلہ وسلم) نے ایک مشت خاک ان کے اوپر پھینکی اور فرمایا: شاھت الوجوہ۔

اس جنگ میں مسلمانوں کے چار نفر شہید ہوئے اور مسلمانوں کو فتح حاصل ہوئی۔(1)

اسلام کی دوسری جنگوں کی طرح اس جنگ میں بھی حضرت علی علیہ السلام سب سے زیادہ بہادر اور طاقتور ثابت ہوئے۔[2] آپ علیہ السلام نے حملہ کر کے دشمن کے پرچمدار کو ہلاک کر ڈالا جس کے بعد مشرکین نے راہ فرار اختیار کی اور منتشر ہوئے۔[3]۔[4] ایک روایت کے مطابق علی علیہ السلام نے 40 مشرکوں کو ہلاک کیا۔[5]۔[6]


📚 حوالہ جات
1۔ حوادث الایام، ص228۔
2۔ الصالحي الشامي، سبل الهدی والرشاد، ج5، ص324۔
3۔ یعقوبی، التاريخ، ج2، ص63۔
4۔ ابن اثیر، الکامل، ج2، ص263۔
5۔ الکلینی، الکافی، ج8، ص376۔
6۔ الطبرسي، اعلام الوری، ج1، ص387۔

https://t.me/islamwitheman/3593
⭕ ISLAM WITH EMAN ⭕

🔷 ہاتھوں سے مہندی اُتارنے کے طریقے 🔷

عید کے موقع پر جب مہندی لگائی جائے تو پھر کم از کم ہفتہ یا دس دن تک آپ کے ہاتوں پر یہ نقش رہتی ہے۔ اگر آپ چاہتے ہیں کی اسے جلدی ہاتھوں سے اُتار دیں تو اس کے لیے درج ذیل طریقے استعمال کریں۔

1- نمک والے پانی میں مہندی والے ہاتھوں کو 20 منٹ تک ڈبو کر رکھیں۔ اس سے مہندی اترنا آسان ہو جائے گا۔

2- ایک کپ زیتون کے تیل میں نمک کے 3 سے 4 چمچ ملائیں اور رُوئی کی مدد سے مہندی والے حصے پر لگائیں۔ اس سے آپ کے ہاتھ جلد صاف ہو جائیں گے اور جلد بھی نرم و ملائم رہے گی۔

3- بیکنگ سوڈا اور لیمن جُوس کا مکسچر جلد صاف کرنے والا مرکب جانا جاتا ہے۔ آدھا کپ نیم گرم پانی لیں اور اس میں لیموں اور بیکنگ سوڈا ملائیں۔ روئی کی مدد سے مہندی والی جگہ پر لگائیں اور اس سے آپ کی مہندی جلد ہی اُتر جائے گی۔

https://t.me/islamwitheman
⭕ ISLAM WITH EMAN ⭕

🔷️ شہادت امام جعفر صادقؑ 🔷

نام: جعفر. کنیت: ابو عبداللہ. لقب: صادق۔
پدربزگوار: حضرت امام محمد باقر علیہ السلام.
والدہ ماجدہ: ام فروہ.

ولادت: 17 ربیع الاول 82 ھ
حیات: 65 سال
مدت امامت: 34 سال 114ھ سے 148ھ تک۔

حاکمان وقت: ہشام بن عبد الملک ۔ولید بن یزید بن عبد الملک۔ یزید بن ولید۔ ابراہیم بن ولید ۔ مروان حمار۔ یہ خاندان نبو امیہ کے افراد۔ خاندان بنی عباس سے ۔ سفاح اور منصور دوانقی

اولاد:
سات فرزند اور تین دختر۔
امام موسیٰ کاظم علیہ السلام، اسماعیل، عبد اللہ، محمد دیباج، اسحاق علی عریضی، عباس، ام فروہ، اسمائ، اور فاطمہ۔

شہادت : 15 شوال یا پھر 25 شوال 148 ھ۔
مدفن : جنت البقیع (مدینہ منورہ)

■ شہادت امام
منصور دوانیقی بنی عباس کے ظالم و جابر اور ستمگر حکمرانوں میں سے تھا۔ اور خلفائے بنی عباس میں بعدترین اور رذیل شخص تھا۔ امام صادقؑ پر زیادہ سے زیادہ سختیاں کرتا تھا۔ اپنے بدترین اور سخت جاسوس آپ پر مامور کردیئے تھے امامؑ کو اذیت دینے کے لئے، آزار پہنچانے کے لئے اور قتل کرنے کے لئے بارہا اپنے پاس بلایا چونکہ تقدیر میں نہ تھا لہٰذا وہ اپنی نا پاک نیت میں کامیاب نہ ہو پاتا تھا۔

حضرت امام موسیٰ کاظمؑ کا بیان ہے:
ایک بار منصور نے میرے والد کو طلب کیا تا کہ وہ انھیں قتل کرے۔ اس کیلئے اس نے شمشیر اور بساط بھی آمادہ کر رکھی تھی۔ ربیع (جو منصور کے درباریوں میں سے تھا) کو اس بات کا حکم دیا کہ جب ''جعفرؑ بن محمدؑ'' میرے پاس آئیں اور میں ان سے گفتگو کرنے لگوں تو جس وقت میں ہاتھ کو ہاتھ پر ماروں اس وقت تم ان کی گردن اڑا دینا۔
امامؑ وارد ہوئے منصور کی نظر جیسے ہی امامؑ پر پڑی بے اختیار اپنی جگہ سے کھڑا ہوگیا اور امامؑ کو خوش آمدید کہا اور اس بات کا اظہار کیا کہ میں نے آپ کو اس لئے بلایا ہے کہ تاکہ آپ کے قرضوں کو چکادوں۔ اس کیبعد خوش روئی سے امامؑ کے اعزاء و اقارب کے حالات دریافت کرکے ربیع کی طرف رخ کرکے کہنے لگا تین روز بعد امام کو ان کے اعزا و اقارب کے پاس پہنچا دینا۔

آخر منصور امام کو برداشت نہ کرسکا جن کی امامت کا آوازہ اور رہبری شہرہ ملتِ اسلامیہ کے گوشہ گوشہ میں تھا۔ شوال ۱۴۸ھ میں امامؑ کو زہر دیا۔ امامؑ نے 15 یا 25 شوال کو 65 برس کی عمر میں شہادت پائی. آپ کے جسم اطہر کو قبرستان بقیع میں امام محمد باقر علیہ السلام کے پہلو میں دفن کیا گیا۔

امامؑ کی شہادت سے یقینا تاریخ انسانیت اور اسلام نے ایک ایسے گوہر آبدار کو ہاتھوں سے دیا ہے۔ اگر امامت کے سلسلے میں چھ امام اور نہ ہوتے تو یہ بات یقین سے کہی جاسکتی تھی کہ دنیا قیامت تک ایسا انسان پیدا کرنے سے عاجز ہے.

خدا، فرشتے، صالح بندوں اور مؤمنین کا سلام ہو آپ کی روح پاک پر۔

■ آخری وصیت
ابو بصیر (جن کا شمار امامؑ کے عظیم صحابیوں میں ہوتا ہے) کا بیان ہے امامؑ کی شہادت کے بعد آپ کی زوجہ محترمہ ''ام حمیدہ'' کو تعزیت پیش کرنے امام کے گھر گیا. امامؑ کے سوگ میں ہم دونوں شدت سے روئے. اس وقت انھوں نے مجھ سے فرمایا:
اے ابو بصیر! اگر امام کی شہادت کے وقت ہوتے تو تعجب کرتے کیونکہ امام نے اپنی آنکھوں کو کھولا اور فرمایا:
میرے اعزاء و اقارب کو میرے پاس بلایا جائے. جب سب جمع ہوگئے تو امام نے سب کو ایک نظر دیکھا اور فرمایا:
''ان شفاعتنا لاتنال مستخفا بالصلوٰۃ''
ترجمہ:
ہم آئمہ کی شفاعت اس شخص کے شامل حال نہیں ہوگی جو نماز کو سبک (ہلکا) سمجھے گا۔(1)

■ اقوال امام
حضرت امام جعفر صادقؑ کے چند اقوال اس امید و آرزو کے ساتھ امامؑ کے یہ کلمات ہمارے دل نشیں ہو جائیں اور دلوں کو نور ملے، ایمان میں اضافہ ہو اور ہماری عملی زندگی کے لئے رہنما قرار پائیں۔

🌹 وجدت علم الناس کلھا فی اربع اولھا ان تعرف ربک ۔ و الثانی ان تعرف ما صنع بک والثالث ان تعرف ما اراد منک۔ و الرابع ان تعرف ما یخرجک من دینک۔(2)
ترجمہ:
میں نے تمام مفید علم و دانش کو چار چیزوں میں پایا:
1= اپنے پروردگا ر کی معرفت حاصل کرو.
2= یہ جانو کہ خدا نے تمھارے ساتھ کیا کیا ہے اور کیا کیا نعمتیں دی ہیں۔
3= یہ پہچانو کہ خدا کا تم سے مطالبہ کیا ہے، تمھاری ذمہ داری کیا ہے.
4= یہ معلوم کرو کونسی چیز تمھیں تمھارے دین سے خارج کردے گی۔

🌹 اربعۃ من اخلاق الانبیاء البر و السخاء و الصبر علی النائبۃ و القیام بحق المومن۔(3)
ترجمہ:
چار خصلتیں انبیاء کے اخلاق کی ہیں.
1= نیکی کرنا.
2= سخاوت.
3= مصیبت پر صبر کرنا.
4= مومن کے حقوق کی رعایت کرنا۔

🌹 ثلاثۃ لا تعرف الا فی ثلاث مواطن! لا یعرف الحلیم الا عند الغضب ولا الشجاع الا عند الحرب و لا اخ عند الحاجۃ۔(4)
ترجمہ:
تین آدمی تین جگہوں پر پہنچانے جاتے ہیں۔
حلیم اور بردبار غصہ کے وقت،
دلیر و شجاع جنگ کے وقت،
اور دوست و بھائی ضرورت کے وقت۔

📚 حوالہ جات
(1) وسائل الشیعہ، ج3، ص17۔
(2) ارشاد مفید ص265۔
(3) تحف العقول، ص375۔
(4) تحف العقول، ص316۔

https://t.me/islamwitheman/3597
⭕ ISLAM WITH EMAN ⭕

🏴 حضرت امام جعفرصادقؑ 🏴

حضرت امام جعفر صادقؑ بتاریخ 17 ربیع الاول 83 ھ مطابق 207 ء یوم دوشنبہ مدینہ منورہ میں پیدا ہوئے۔(1)

آپؑ کی ولادت کی تاریخ کو خداوندعالم نے بڑی عزت دے رکھی ہے۔ احادیث میں ہے کہ اس تاریخ کو روزہ رکھنا ایک سال کے روزہ کے برابر ہے۔
ولادت کیبعد ایک دن حضرت امام محمد باقرؑ نے فرمایا کہ میرا یہ فرزند ان چند مخصوص افراد میں سے ہے جن کے وجود سے خدا نے بندوں پر احسان فرمایا ہے اور یہی میرے بعد میرا جانشین ہوگا۔(2)

علامہ مجلسی لکھتے ہیں کہ جب آپؑ بطن مادر میں تھے تب کلام فرمایا کرتے تھے ولادت کیبعد آپؑ نے کلمہ شہادتین زبان پرجاری فرمایا۔ آپ بھی ناف بریدہ اور ختنہ شدہ پیدا ہوئے ہیں۔(3)

🌹اسم گرامی، کنیت، القاب:
آپؑ کا اسم گرامی جعفر، آپؑ کی کنیت ابوعبداللہ، ابواسماعیل اور آپ کے القاب صادق، صابر و فاضل، طاہر وغیرہ ہیں۔

علامہ مجلسی رقمطرازہیں کہ آنحضرت نے اپنی ظاہری زندگی میں حضرت جعفر بن محمد کو لقب صادق سے موسوم و ملقب فرمایا تھا اور اس کیوجہ بظاہر یہ تھی کہ اہل آسمان کے نزدیک آپؑ کا لقب پہلے ہی سے صادق تھا۔(4)

علامہ ابن خلکان کا کہنا ہے کہ صدقِ مقال کی وجہ سے آپؑ کے نامِ نامی کا جزو ”صادق“ قرار پایا ہے۔(5)

اسمِ جعفر کے متعلق علماء کا بیان ہے کہ جنت میں جعفر نامی ایک شیریں نہر ہے، اسی کی مناسبت سے آپ کا یہ لقب رکھا گیا ہے۔ چونکہ آپ کا فیض عام نہر جاری کیطرح تھا۔ اسیلیے اس لقب سے ملقب ہوئے۔(6)

امام اہلسنت علامہ وحیدالزمان حیدر آبادی تحریر فرماتے ہیں؛ جعفر چھوٹی نہر یا بڑی واسع (کشادہ)۔ امام جعفر صادق مشہور امام ہیں، بارہ اماموں میں سے اور بڑے ثقہ اور فقیہ اورحافظ تھے۔ امام مالک اور امام ابوحنیفہ کے شیخ (حدیث) ہیں اور امام بخاری کو نہیں معلوم کیا شبہ ہو گیا کہ وہ اپنی صحیح میں ان سے روایتیں نہیں کرتے اور یحیٰ بن سعید قطان نے بڑی بے ادبی کی ہے جو کہتے ہیں کہ میں ”فی منہ شئی ومجالداحب الی منہ“ (میرے دل میں امام جعفر صادق کی طرف سے خلش ہے، میں ان سے بہتر مجالد کو سمجھتا ہوں) حالانکہ مجالد کو امام صاحب کے سامنے کیا رتبہ ہے؟ ایسی ہی باتوں کیوجہ سے اہلسنت بدنام ہوتے ہیں کہ ان کو آئمہ اہلبیت سے کچھ محبت اور اعتقاد نہیں ہے۔
اللہ تعالٰی امام بخاری پر رحم کرے کہ مروان اور عمران بن خطان اور کئی خوارج سے تو انہوں نے روایت کی اور امام جعفر صادق سے جو ابن رسول اللہ ہیں ان کی روایت میں شبہ کرتے ہیں۔(7)

📚حوالہ جات:
(1)ارشادمفیدفارسی، ص413۔
اعلام الوری، ص159۔
جامع عباسی، ص60 وغیرہ۔
(2)جنات الخلوج، ص27۔
(3)جلاءالعیون، ص265۔
(4)جلاءالعیون، ص264۔
(5)وفیات الاعیان، جلد1، ص105۔
(6)ارجح المطالب، ص361۔ بحوالہ تذکرة الخواص الامة۔
(7)انواراللغتہ، پارہ5، ص47، طبع حیدرآباددکن۔

https://t.me/islamwitheman/3604
⭕ ISLAM WITH EMAN ⭕

🌹امام صادق علیہ السلام کا اخلاق🌹

ہمارے تمام امام اپنے دور میں اخلاق اور تعلیمات اسلامی کا مجسم نمونہ تھے جیسا کہ آپ خود اپنے ماننے والوں سے فرمایا کرتے تھے۔۔۔
کونوا دعاة الناس بغیر السنتکم.
'' تم لوگوں کواپنے عمل اور کردار کےذریعے دعوت دو-

آئمہ علیہم السلام کی ساری زندگی تعلیمات اسلامی کا مکمل درس تھی- کوئی بھی اسلامی قوانین کا ان سے زیادہ پابند نہ تھا۔ کسی "معروف" کا حکم نہ دیتے تھے مگر یہ کہ سب سے پہلے اور سب سے زیادہ اس پر عمل کر کے ایک سچے اور باوقار مسلمان بنتے تھے. جوکہ ہر زمانے کے لئے ایک نمونہ تھے اور ہر فرد کے لئے ایک درس.

■امام ششم علیہ السلام کے اخلاق و کردار کے چند گوشے مالاحظہ فرمائیں--

●امام علیہ السلام کام کرتےھوئے:
عبد ا لاعلی کابیان ہے کہ۔۔
گرمی کےایک سخت دن میں، میں نے امام جعفر صادق (ع) کو مدینہ کی ایک راہ پر دیکھا کہ آپ کسی کام کے لئے تشریف لے جارہے ہیں.
میں نے عرض کی آپ پر قربان ہو جاؤں وہ قربت اور قرابت جو آپ کو خدا اور اس کے رسول سے حاصل ہے، اس گرم ہوا میں آپ نے اپنے کو کیوں اس زحمت میں مبتلا کیا ہے؟

امام (ع) نے فرمایا:
میں روزی حاصل کرنے باہر آیا ھوں تاکہ تم جیسےلوگوں سے بےنیاز اور مستغنی ھو جاؤں.

●امام اور دسترخوان شراب:
" ہارون ابن جہم ،، کابیان ہے کہ میں ، حیرہ ، میں تھا ایک فوجی افسر نے اپنے گھرلوگوں کو مدعو کیا - ان میں امام جعفرصادق ع بھی شامل تھے کھانا لایا گیا - ایک آدمی نے پانی طلب کیا . پانی کی جگہ جام شراب پئش کیا گیا:

امام علیہ السلام کھڑے ھوگئے اور فرمایاہے کہ:

" وہ شخص رحمت الہیہ سے دور ہے اور ملعون ہے جوایسے دسترخوان پر بیٹھے جہاں شراب پی جا رہی ھو.

●غلام آزاد کرنے کی شرط:
ابراھیم بن بلاؤ کا کہنا ہے کہ میں نے امام جعفر صادق ع کے ایک آزاد کردہ غلام کی سند آزادی دیکھی اس میں امام نے تحریر فرمایاتھا.
جعفر ابن محمد نے اس غلام کو رضائے الہی کی خاطر آزاد کیا ہے. اور اس غلام سے کسی قسم کے اجر اور شکریہ کا خواہاں نہیں ہے بہ شرطیکہ نماز پڑھے، زکو ة دے، حج بجالائے، ماہ مبارک رمضان کے روزے رکھے، خدا کے دشمنوں سے بیزار رہے. اور اس سند پر تین اشخاص نے تصدیق کی تھی.

●حلم و بردباری
حضرت امام جعفر صادق علیہ السلام کی روش یہ تھی کہ راتوں کو روٹی، گوشت اور پیسے وغیرہ ایک تھیلے میں رکھ کر اپنے کاندھے پر رکھتے اور اسے مدینے کے غریبوں کے درمیان تقسیم کرتے تھے. ان میں سے کوئی امام کو نہیں پہچانتا تھا. ہاں جس وقت امام (ع) کی شھادت واقع ہوئی اور یہ امداد بند ھو گئی اس وقت لوگوں کو معلوم ہوا- یہ ہستی امام جعفر صادق علیہ السلام کی تھی.

حواله جات:
📕کافی جلد4، ص8-
📕بحار، جلد47-ص38.
📕کافی جلد4-ص181.
📕بحارجلد47- ص44.
📕کافی جلد6-ص268- 55
📕بحارجلد47ص39.ص55
📕ارشادمفید، ص266.
📕مناقب، ج4ص280.

بشکریہ تحریر: اصغر رضا

https://t.me/islamwitheman/3605
⭕ ISLAM WITH EMAN ⭕

🌹 امام صادق علیہ السلام کی نصیحت 🌹

جب امام کی ولایت و امامت پر یقین ہے تو ان کی فرمائی ہوئی باتوں پر یقین اور عمل کیوں نہیں ہوتا؟ دنیا فانی پر یقین کیوں؟؟؟

امام صادق علیہ السلام کے پاس ایک شخص آیا اور عرض کی مولا مجھے نصیحت کریں آپ علیہ السلام نے فرمایا:

1- رازق خدا ھے تو پھر بے اطمینانی کیوں؟
2- تیرا رزق معین ھے تو پھر حرص و لالچ کیوں؟
3- اگر حساب یقینی ھے تو پھر مال جمع کیوں؟
4- اگر ثواب اللہ کی طرف سے ھے تو پھر سستی کیوں؟
5۔ اگر گناہ کا عذاب جھنم ھے تو پھر گناہ کیوں؟
6- اگر موت حق ھے تو پھر خوشی کیوں؟
7- اگر توکل خدا پرھے تو پھر مکر و فریب کیوں؟
8۔ اگر شیطان تمھارا دشمن ھے تو پھر اس سے غفلت کیوں؟
9- اگر قضا و قدر حتمی ھے تو پھر غم کیوں؟
10- اگر دنیا فانی ھے تو پھر اس پہ اطمینان کیوں؟

تفصیل سے اس حدیث کے مطالعہ کے لئے مندرجہ ذیل کتابوں کی طرف رجوع کریں۔

📚امالی صدوق ص7
📚الخصال ج2 ص450
📚التوحید ص 376
📚بحار الانوار ج100ص27

https://t.me/islamwitheman/3606
⭕ ISLAM WITH EMAN ⭕

🌸 امام صادقؑ کی چند احادیث 🌸

1- قالَ الامامُ جَعْفَرُ بنُ محمّد الصّادقُ عليه السلام: حَديثي حَديثُ ابى وَ حَديثُ ابى حَديثُ جَدى وَ حَديثُ جَدّى حَديثُ الْحُسَيْنِ وَ حَديثُ الْحُسَيْنِ حَديثُ الْحَسَنِ وَ حَديثُ الْحَسَنِ حَديثُ اميرِ الْمُۆْمِنينَ وَ حَديثُ اميرَ الْمُۆْمِنينَ حَديثُ رَسُولِ اللّهِ صلّى اللّه عليه و اله و سلّم وَ حَديثُ رَسُولِ اللّهِ قَوْلُ اللّهِ عَزَّ وَ جَلّ.َ

ترجمہ: ميری حديث ميرے والد کی حديث ہے اور ميرے والد کی حديث ميرے دادا کی حديث ہے اور ميرے دادا کی حديث امام حسين عليہ السلام کی حديث ہے اور امام حسين عليہ السلام کی حديث امام حسن عليہ السلام کی حديث ہے اور امام حسن عليہ السلام کی حديث امير المؤمنين عليہ السلام کی حديث ہے اور امير المؤمنين عليہ السلام کی حديث رسول اللہ صلي اللہ عليہ و آلہ و سلم کی حديث ہے اور رسول اللہ صلي اللہ عليہ و آلہ وسلم کی حديث قول اللہ عز و جلّ ہے۔
📚جامع الاحاديث الشيعه، ج1، ص127، ح102۔ بحارالا نوار، ج2، ص178، ح28.

2- قالَ عليه السلام: مَنْ حَفِظَ مِنْ شيعَتِنا ارْبَعينَ حَديثا بَعَثَهُ اللّهُ يَوْمَ الْقيامَةِ عالِما فَقيها وَلَمْ يُعَذِّبْهُ.

ترجمہ: ہمارے شيعيان ميں سے جو کوئی چاليس حديثيں حفظ کرے خداوند متعال قيامت کے روز اس کو عالم اور فقيہ مبعوث فرمائے گا اور اس کو عذاب ميں مبتلا نہيں کرے گا۔
📚امالى الصدوق، ص253.

3- قالَ عليه السلام: قَضاءُ حاجَةِ الْمُۆْمِنِ افْضَلُ مِنْ الْفِ حَجَّةٍ مُتَقَبَّلةٍ بِمَناسِكِها وَ عِتْقِ الْفِ رَقَبَةٍ لِوَجْهِ اللّهِ وَ حِمْلانِ الْفِ فَرَسٍ فى سَبيلِ اللّهِ بِسَرْجِها وَ لَحْمِها.

ترجمہ: مؤمن کے حوائج اور ضروريات برلانا ايک ہزار مقبول حجوں، اور ہزار غلاموں کی ازادی اور ايک ہزار گھوڑے راہ خدا ميں روانہ کرنے سے برتر و بالاتر ہے۔
📚أمالي الصدوق، ص197.

4- قالَ عليه السلام: اوَّلُ مايُحاسَبُ بِهِ الْعَبْدُالصَّلاةُ، فَانْ قُبِلَتْ قُبِلَ سائِرُ عَمَلِهِ وَ اذارُدَّتْ، رُدَّ عَلَيْهِ سائِرُ عَمَلِهِ.

ترجمہ: خدا کی بارگاہ ميں سب سے پہلے نماز کا احتساب ہو گا پس اگر انسان کی نماز قبول ہو اس کے ديگر اعمال بھی قبول ہونگے اور اگر نماز رد ہو جائے گی تو ديگر اعمال بھی رد ہو جائیں گے۔
📚وسائل الشيعه، ج4، ص34، ح4442.

5- قالَ عليه السلام: اذا فَشَتْ ارْبَعَةٌ ظَهَرَتْ ارْبَعَةٌ: اذا فَشاالزِّناكَثُرَتِ الزَّلازِلُ وَ اذاامْسِكَتِ الزَّكاةُ هَلَكَتِ الْماشِيَةُ وَ اذاجارَ الْحُكّامُ فِى الْقَضاءِ امْسِكَ الْمَطَرُ مِنَ السَّماءِ وَ اذا ظَفَرَتِ الذِّمَةُ نُصِرُ الْمُشْرِكُونَ عَلَى الْمُسْلِمينَ.

ترجمہ: جس معاشرے ميں چار چيزيں عام اور اعلانيہ ہو جائيں چار مصيبتيں اور بلائيں اس معاشرے کو گھير ليتی ہيں:

زنا عام ہو جائے، زلزلہ اور ناگہانی موت فراوان ہو گی۔

زکوة اور خمس دينے سے امتناع کيا جائے، پالتو حيوانات تلف ہونگے۔

حکام اور قضات ستم اور بے انصافی کی راہ اپنائيں، خدا کی رحمت کی بارشيں برسنا بند ہونگی۔

اور ذمی کفار کو تقويت ملے تو مشرکين مسلمانوں پر غلبہ پائيں گے۔
📚وسائل الشيعة، ج8، ص13.

6- قالَ عليه السلام: مَنْ عابَ اخاهُ بِعَيْبٍ فَهُوَ مِنْ اهْلِ النّارِ.

ترجمہ: جو شخص اپنے برادر مؤمن پر تہمت و بہتان لگائے وہ اہل دوزخ ہو گا۔
📚اختصاص، ص240۔
بحارالا نوار، ج75، ص260، ح58.

7- قالَ عليه السلام: الصَّمْتُ كَنْزٌ وافِرٌ وَ زَيْنُ الْحِلْمِ وَ سَتْرُالْجاهِلِ.

ترجمہ: خاموشی ايک قیمتی خزانے کی مانند حلم اور بردباری کی زينت اور نادان شخص کے جہل و نادانی چھپانے کا وسيلہ ہے۔
📚مستدرک الوسائل، ج9، ص16، ح4.

8- قالَ عليه السلام: إصْحَبْ مَنْ تَتَزَيَّنُ بِهِ وَ لاتَصْحَبْ مَنْ يَتَزَّيَنُ لَكَ.

ترجمہ: ايسے شخص کے ساتھ دوستی اور مصاحبت کرو جو تمہاری عزت اور سربلندی کا باعث ہو اور ايسے شخص سے دوستی اور مصاحبت نہ کرو جو اپنے آپ کو تمہارے لیے نيک ظاہر کرتا ہے اور تم سے استفادہ کرنا چاہتا ہے۔
📚وسائل الشيعه، ج11، ص412.

9-  قالَ عليه السلام: كَمالُ الْمُۆْمِنِ فى ثَلاثِ خِصالٍ: الْفِقْهُ فى دينِهِ وَ الصَّبْرُ عَلَى النّائِبَةِ وَالتَّقْديرُ فِى الْمَعيشَةِ.

ترجمہ: مؤمن کا کمال تين خصلتوں ميں ہے: دين کے مسائل و احکام سے اگاہی، سختيوں اور مشکلات ميں صبر و بردباری، اور زندگی کے معاملات ميں منصوبہ بندی اور حساب و کتاب کی پابندی۔
📚أمالي طوسى، ج2، ص279.

https://t.me/islamwitheman/3607
⭕ ISLAM WITH EMAN ⭕

🌸 امام صادقؑ کی چند احادیث 🌸

1- قالَ عليه السلام: عَلَيْكُمْ بِاتْيانِ الْمَساجِدِ، فَانَّها بُيُوتُ اللّهِ فِى الارْضِ، و مَنْ اتاها مُتَطِّهِراً طَهَّرَهُ اللّهُ مِنْ ذُنُوبِهِ وَ كَتَبَه مِنْ زُوّارِهِ.

ترجمہ: تمہيں مساجد ميں جانے کی نصیحت کرتا ہوں کيوںکہ مساجد روئے زمين پر خدا کے گھر ہيں اور جو شخص پاک و طاہر ہو کر مسجد ميں وارد ہو گا خداوند متعال اس کو گناہوں سے پاک کر دے گا اور اس کو اپنے زائرين کے زمرے ميں قرار دے گا۔
📚وسائل الشيعة، ج1، ص380، ح 2.

2-  قالَ عليه السلام: مَن قالَ بَعْدَ صَلوةِ الصُّبْحِ قَبْلَ انْ يَتَكَلَّمَ: (بِسْمِ اللّهِ الرَّحْمنِ الرَّحيمِ وَ لاحَوْلَ وَ لا قُوَّةَ الا بِاللّهِ الْعَلىّ الْعَظيمِ يُعيدُها سَبْعَ مَرّاتٍ، دَفَعَ اللّهُ عَنْهُ سَبْعينَ نَوْعاً مِنْ انْواعِ الْبَلاءِ، اهْوَنُهَا الْجُذامُ وَ الْبَرَصُ.

ترجمہ: جو شخص نماز فجر کے بعد کوئی بھی بات کیے بغير 7 مرتبہ «بسم اللّه الرّحمن الرّحيم، لاحول و لاقوّة الاباللّه العليّ العظيم » کی تلاوت کرے گا خداوند متعال ستر قسم کی آفتيں اور بلائيں اس سے دور فرمائے گا جن ميں سب سے ساده اور کمترين آفت برص اور جذام ہے۔
📚امالى طوسى، ج2، ص343.

3-  قالَ عليه السلام: مَنْ تَوَضَّأ وَ تَمَنْدَلَ كُتِبَتْ لَهُ حَسَنَةٌ وَ مَنْ تَوَضَّأ وَ لَمْ يَتَمَنْدَلْ حَتّى يَجُفَّ وُضُوئُهُ، كُتِبَ لَهُ ثَلاثُونَ حَسَنَةً.

ترجمہ: جو شخص وضو کرے اور اسے تولیے کے ذريعے خشک کر دے اس کے لیے صرف ايک نیکی ہے اور اگر خشک نہ کرے تو اس کے لیے 30 حسنات ہوں گی۔
📚وسائل الشيعة، ج1، ص474، ح5.

4- قالَ عليه السلام: لَاِفْطارُكَ فى مَنْزِلِ اخيكَ افْضَلُ مِنْ صِيامِكَ سَبْعينَ ضِعْفا.

ترجمہ: اگر روزہ اپنے مؤمن بھائی کے گھر ميں افطار کرو گے تو اسے اس افطاری دینے کا ثواب روزے کے ثواب سے ستر گنا زياده ملے گا۔
📚من لايَحضره الفقيه، ج2، ص51، ح13.

5- قالَ عليه السلام: اذا افْطَرَ الرَّجُلُ عَلَى الْماءِ الْفاتِرِ نَقى كَبِدُهُ وَ غَسَلَ الذُّنُوبَ مِنَ الْقَلْبِ وَ قَوىَّ الْبَصَرَ وَالْحَدَقَ.

ترجمہ: اگر انسان ابلے ہوئے پانی سے افطار کرے اس کا جگر پاک و سالم رہے گا اور اس کا قلب کدورتوں سے پاک ہو گا اور اس کی آنکھوں کا نور بڑھے گا اور آنکھيں روشن ہونگی۔
📚وسائل الشيعه، ج10، ص157، ح3.

6- قالَ عليه السلام: مَنْ قَرَءَ الْقُرْانَ فِى الْمُصْحَفِ مُتِّعَ بِبَصَرِهِ وَ خُنِّفَ عَلى والِدَيْهِ وَ انْ كانا كافِرَيْنِ.

ترجمہ: جو شخص قرآن مجيد کو سامنے رکھ کر اس کی تلاوت کرے گا تو اس کی انکھوں کی روشنی ميں اضافہ ہو گا نيز اس کے والدين کے گناہوں کا بوجھ ہلکا ہو گا خواه وه کافر ہی کيوں نہ ہوں۔
📚وسائل الشيعه، ج6، ص204، ح1.

7- قالَ عليه السلام: مَنْ قَرَءَ قُلْ هُوَاللّهُ احَدٌ مَرَّةً واحِدَةً فَكَانَّما قَرَءَ ثُلْثَ الْقُرانِ وَ ثُلْثَ التُّوراةِ وَ ثُلْثَ الانْجيلِ وَ ثُلْثَ الزَّبُورِ.

ترجمہ: جو شخص ايک مرتبہ سورہ توحيد (قل هو الله احد ... کی تلاوت کرے وه اس شخص کی مانند ہے جس نے ايک تہائی قرآن اور تورات اور انجيل کی تلاوت کی ہو۔
📚وسائل الشيعه، ج25، ص147، ح2.

8- قالَ عليه السلام: انَّ لِكُلِّ ثَمَرَةٍ سَمّا، فَاذا أَتَيْتُمْ بِها فامسُّوهَ الْماء وَاغْمِسُوهافِى الْماءِ.

ترجمہ: ہر قسم کا پهل اپنے خاص قسم کے زہر اور جراثيموں سے آلوده ہے ہر وقت پهل کهانا چاہو تو پہلے پانی ميں بهگو کر دھو لو۔
📚وسائل الشيعه، ج25، ص208، ح4۔

https://t.me/islamwitheman/3609
⭕ ISLAM WITH EMAN ⭕

🌷 امام جعفر صادقؑ کی کرامات (1) 🌹

علامہ عبدالرحمن ملا جامی رحمت اللہ علیہ نے اپنی مشہور کتاب " شواہد النبوت " میں آئمہ طاہرین علیہما السلام کی اکثر کرامات کا ذکر کیا ہے ملا جامی عاشق رسول اور حب دار آل رسول تھے
ملا جامی نے امام جعفر صادق کی کرامات بھی بیان کی ہیں ان میں چند کو بحوالہ کتاب "ذکر اہل بیت" مؤلفہ محمد رفیق بٹ صاحب اس کتاب کی زینت پانے کا شرف حاصل کیا جاتا ہے.

🌹 کرامت نمبر ۱
ایک دن منصور نے اپنے دربان کو ہدایت کی کہ حضرت امام جعفر صادق کو میری پاس پہنچنے سے پہلی شہید کر دینا اسی دن حضرت جعفر صادق علیہ السلام تشریف لائے اور منصور عباسی کے پاس آ کر بیٹھ گئے منصور نے دربان کو بلایا اس نے دیکھا کہ حضرت امام جعفر صادق تشریف فرما ہیں جب آپ واپس تشریف لے گئے تو منصور نے دربان کو بلا کر کہا میں نے تجھے کس بات کا حکم دیا تھا دربا ن بولا خدا کی قسم میں نے حضرت جعفر صادق کو آپ کے پاس آتے دیکھا ہے نہ جاتے بس اتنا نظر آیا کہ وہ آپ کے پاس بیٹھ گئے تھے.

🌹 کرامت نمبر ۲
منصور کے ایک دربان کا بیان ہے کہ میں نے ایک روز اسے غمگین و پریشان دیکھا تو کہا اے بادشاہ! آپ متفکر کیوں ہیں بولا میں نے علویوں کے ایک بڑے گروہ کو مروا دیا ہے لیکن ان کے سردار کو چھوڑ دیا ہے میں نے کہا وہ کون ہے؟ کہنے لگا وہ جعفر بن محمد ہے میں نے کہا وہ تو ایسی ہستی ہے جو اللہ تعالی کی عبادت میں محو رہتی ہے اسے دنیا کا کوئی لالچ نہیں. خلیفہ بولا مجھے معلوم ہے تم اس سے کچھ ارادت و عقیدت رکھتے ہو میں نے قسم کھا لی ہے کہ جب تک میں اس کا کام تمام نہ کر لوں آرام سے نہیں بیٹھوں گا چنانچہ اس نے جلاد کو حکم دیا کہ جونہی جعفر بن محمد آئے میں اپنے ہاتھ اپنے سر پر رکھ لوں گا تم اسے شہید کر دینا۔ پھر حضرت جعفر صادق کو بلایا میں آپ کے ساتھ ساتھ ہو لیا میں نے دیکھا کہ آپ زیر لب کچھ پڑ ھ رہے تھے جس کا مجھے پتہ نہ چلا لیکن میں نے اس چیز کا مشاہدہ ضرور کیا کہ منصور کے محلوں میں ارتعاش پیدا ہو گیا وہ ان سے اس طرح باہر نکلا جیسے ایک کشتی سمندر کی تندو تیز لہروں سے باہر آتی ہے اس کا عجیب حلیہ تھا وہ لرزہ براندام برہنہ سر اور برہنہ پاؤں حضرت جعفر صادق کے استقبال کیلئے آیا اور اپ کے بازو پکڑ کر اپنے ساتھ تکیہ پر بٹھایا اور کہنے لگا اے ابن رسول اللہ آپ کیسے تشریف لائے ہیں؟ آپ نے فرمایا تو نے بلایا میں آ گیا پھر کہنے لگا کسی چیز کی ضرورت ہو تو فرمائیں آپ نے فرمایا مجھے بجز اس کے کسی چیز کی ضرورت نہیں کہ تم مجھے یہاں بلایا نہ کرو میں جس وقت خود چاہوں آ جایا کروں گا آپ اٹھ کر باہر تشریف لے گئے تو منصور نے اسی وقت جامہائے خواب (رات کو سونے کا لباس) طلب کئے اور رات گئے تک سوتا رہا یہاں تک کہ اس کی نما قضا ہو گئی بیدار ہوا تو نماز ادا کرکے مجھے بلایا اور کہا جس وقت میں نے جعفر بن محمد علیہ السلام کو بلایا تو میں نے ایک اژدھا دیکھا جس کے منہ کا ایک حصہ زمین پر تھا اور دوسرا حصہ میرے محل پر وہ مجھے فصیح و بلیغ زبان میں کہہ رہا تھا مجھے اللہ تعالی نے بھیجا ہے اگر تم سے حضرت جعفر صادق کو کوئی گزند پہنچی تو تجھے تیرے محل سمیت فنا کر دوں گا اس پر میری طبعیت غیر ہو گئی جو تم نے دیکھ ہی لی ہے. میں نے کہا یہ جادو یا سحر نہیں ہے یہ تو اسم اعظم (قرآن کریم ) کی خاصیت ہے جو حضور نبی کریم پر نازل ہو اتھا چنانچہ آپ نے جو چاہا وہی ہوتا رہا.

https://t.me/islamwitheman/3604
⭕ ISLAM WITH EMAN ⭕

🌷 امام جعفر صادقؑ کی کرامات (2) 🌷

🌹 کرامت نمبر ۳
ایک راوی کا بیان ہے کہ ہم حضرت جعفر صادق علیہ السلام کے ساتھ حج کیلئے جا رہے تھے کہ راستے میں ایک کھجور کے سوکھے درختوں کے پاس ٹھہرنا پڑا حضرت جعفر صادق علیہ السلام نے زیر لب کچھ پڑھنا شروع کر دیا جس کی مجھے کچھ سمجھ نہ آئی اچانک آپ نے سوکھے درختوں کی طرف منہ کرکے فرمایا اللہ نے تمہیں ہمارے لئے جو رزق ودیعت کیا ہے اس سے ہماری ضیافت کرو میں نے دیکھا کہ وہ جنگلی کھجوریں آپ کی طرف جھک رہی تھیں جن پر ترخوشے لٹک رہے تھے آپ نے فرمایا آؤ اور بسم اللہ کر کے کھاؤ میں نے آپ کے حکم کی تعمیل کرتے ہوئے کھجوریں کھا لیں ایسی شیریں کھجوریں ہم نے پہلے کبھی نہ کھائی تھیں اس جگہ ایک اعرابی موجود تھا اس نے کہا آپ جیسا جادوگر میں نے کبھی نہیں دیکھا امام جعفر صادق علیہ السلام نے فرمایا ہم پیغمبروں کے وارث ہیں ہم ساحر و کاہن نہیں ہوتے ہم تو دعا کرتے ہیں جو اللہ تعالی قبول فرما لیتا ہے اگر تم چاہو تو ہماری دعا سے تمہاری شکل بدل جائے اور تم ایک کتے میں متشکل ہو جاؤ اعرابی چونکہ جاہل تھا اس لئے کہنے لگا ہاں ابھی دعا کیجئے آپ نے دعا کی تو وہ کتا بن گیا اور اپنے گھر کی طرف بھاگ گیا حضرت جعفر صادق علیہ السلام نے مجھے فرمایا اس کا تعاقب کرو میں اس کے پیچھے گیا تو وہ اپنے گھر میں جا کر بچوں اور گھر والوں کے سامنے اپنی دم ہلانے لگا انہوں نے اسے ڈنڈا مار کر بھگا دیا واپس آیا تو تمام حال کہہ سنایا اتنے میں وہ بھی آگیا اور حضرت امام جعفر صادق علیہ السلام کے سامنے زمین پر لوٹنے لگا اس کی آنکھوں سے پانی ٹپکنے لگا حضرت امام جعفر صادق علیہ السلام نے اس پر رحم کھا کر دعا فرمائی تو وہ شکل انسانی میں آ گیا پھر آپ نے فرمایا اے اعرابی میں نے جو کچھ کہا تھا اس پر یقین ہے کہ نہیں؟ وہ کہنے لگا ہاں جناب ایک بار نہیں اس پر ہزار بار ایمان و یقین رکھتا ہوں.
ان کے جد مصطفے کو بھی لوگ جادو گر کہا کرتے تھے (معاذ اللہ) اور ان کی آل پاک کے بارے میں بھی یہی خیال کرنے لگے فرق صرف یہ تھا کہ وہ کافروں میں سے ہوتے تھے اور یہ منکرین میں سے تھا اس پر بھی خوشی ہے کہ کتا بننے کے بعد راہ راست پر تو آ گیا.

🌹 کرامت نمبر ۴
ایک آدمی آپ کے پاس دس ہزار دینار لے کر آیا اور کہا میں حج کیلئے جا رہا ہوں آپ میرے لئے اس پیسے سے کوئی سرائے خرید لیں تاکہ میں حج سے واپسی پر اپنے اہل و عیال سمیت اس میں رہائش اختیار کروں.
حج سے واپسی پر وہ حضرت امام جعفر صادق علیہ السلام کی خدمت میں حاضر ہوا آپ نے فرمایا میں نے تمہارے لئے بہشت میں سرائے خرید لی ہے جس کی پہلی حد حضور صلعم پر دوسری حضرت علی علیہ السلام پر تیسری حضرت حسن علیہ السلام پر اور چوتھی حضرت حسین علیہ السلام پر ختم ہوتی ہے اور یہ لو میں نے پروانہ لکھ دیا ہے. اس نے یہ بات سنی تو کہا میں اس پر خوش ہوں چنانچہ وہ پروانہ لے کر اپنے گھر چلا گیا گھر جاتے ہی بیمار ہو گیا اور وصیت کی اس پروانے کو میری وفات کے بعد قبر میں رکھ دینا لواحقین نے تدفین کے وقت اس پروانے کو بھی قبر میں رکھ دیا.
دوسرے دن دیکھا کہ وہی پروانہ قبر پر پڑا ہوا تھا اور اس کی پشت پر یہ مرقوم تھا کہ امام جعفر صادق علیہ السلام نے جو وعدہ کیا تھا وہ پورا ہو گیا.

🌹 کرامت نمبر ۵
ابن جوزی نے کتاب "صفتہ الصفوہ" میں لیث بن سعد سے بہ اسناد خود روایت کی ہے وہ کہتے ہیں کہ میں موسم حج میں مکہ معظمہ نماز عصر ادا کر ہا تھا فراغت کے بعد میں کوہ ابوقبیس کی چوٹی پر چڑ ھ گیا کیا دیکھتا ہوں کہ وہاں ایک شخص بیٹھا ہوا ہے اور دعا مانگ رہا ہے ابھی اس کی دعا ختم بھی نہ ہوئی تھی کہ میں نے وہاں ایک گچها انگوروں کا اور نئی چادریں پڑی ہوئی دیکھیں اس وقت انگور کہیں بھی دستیاب نہ تھے جب صفا و مروہ پر پہنچے تو اسے ایک شخص ملا جس نے کہا اے ابن رسول میرا تن ڈھاپنئے اللہ تعالی آپ کا تن ڈھانپے گا انہوں نے دونوں چادریں اسے دے دیں میں نے پوچھا یہ چادریں دینے والے کون ہیں؟ تو اس نے کہا یہ جعفر بن محمد ہیں.

امام جعفر صادق علیہ السلام نے فرمایا اللہ کے قول "وکان ابوھما صالحا" کے مطابق ہمارا اسی طرح پاس لحاظ رکھو جیسے ان دو یتیموں کا پاس لحاظ حضرت خضر نے کیا تھا کیونکہ ان کا باپ صالح تھا.

https://t.me/islamwitheman/3611
⭕ ISLAM WITH EMAN ⭕

🌹 ۱۱۳ ھ میں امام جعفرصادقؑ کاحج 🌹

علامہ ابن حجر مکی لکھتے ہیں کہ آپ نے ۱۱۳ ھ میں حج کیا اور وہاں خدا سے دعا کی۔ خدا نے بلافصل انگور اور دو بہترین ردائیں بھیجیں آپ نے انگورخود بھی کھایا اور لوگوں کو بھی کھلایا اور ردائیں ایک سائل کو دیدیں۔

■ اس واقعہ کی مختصر تفصیل یہ ہے کہ بعث بن سعد سنہ مذکورہ میں حج کے لیے گئے وہ نماز عصر پڑھ کر ایک دن کوہ ابوقبیس پر گئے وہاں پہنچ کر دیکھا کہ ایک نہایت مقدس شخص مشغول نماز ہے، پھر نماز کے بعد وہ سجدہ میں گیا اور یارب یارب کہہ کر خاموش ہو گیا، پھر یاحی یاحی کہا اورچپ ہو گیا، پھر یارحیم یارحیم کہا اور خاموش ہو گیا، پھر یاارحم الراحمین کہکر چپ ہو گیا، پھر بولا خدایا مجھے انگور چاہئیں اور میری ردا بوسیدہ ہوگئی ہے، دو ردائیں درکار ہیں۔

راوی حدیث بعث کہتا ہے کہ یہ الفاظ ابھی تمام نہ ہوئے تھے کہ ایک تازہ انگوروں سے بھری ہوئی زنبیل آموجود ہوئی اور اس پر دو بہترین چادریں رکھی ہوئی تھیں۔
اس عابد نے جب انگور کھانا چاہا تو میں نے عرض کی حضور میں آمین کہہ رہا تھا، مجھے بھی کھلائیے، انہوں نے حکم دیا میں نے کھانا شروع کیا، خدا کی قسم ایسے انگور ساری عمر خواب میں بھی نظر نہ آئے تھے۔ پھر آپ نے ایک چادر مجھے دی میں نے کہا مجھے ضرورت نہیں ہے اس کے بعد آپ نے ایک چادرپہن لی اور ایک اوڑھ لی۔ پھر پہاڑ سے اتر کر مقام سعی کیطرف گئے۔ میں ان کے ہمراہ تھا۔ راستے میں ایک سائل نے کہا؛مولامجھے چادر دیجئے خدا آپ کو جنت کے لباس سے آراستہ کریگا۔ آپ نے فوراً دونوں چادریں اس کے حوالے کردیں۔ میں نے اس سائل سے پوچھا؛
یہ کون ہیں؟
اس نے کہا؛
امام زمانہ حضرت امام جعفر صادق علیہ السلام۔
یہ سن کر میں ان کے پیچھے دوڑا کہ ان سے ملکر کچھ استفادہ کروں لیکن پھر وہ مجھے نہ مل سکے۔

📚 حوالہ جات:
صواعق محرقہ، ص۱۲۱۔
کشف الغمہ، ص۶۶۔
مطالب السؤل، ص۲۷۷۔

https://t.me/islamwitheman/3604
⭕ ISLAM WITH EMAN ⭕

🌷 مصائب و مشکلات در زمانہ امام صادقؑ 🌹

ﺍﻣﺎﻡ جعفر ﺻﺎﺩﻕ ﻋﻠﯿﮧ ﺍﻟﺴﻼﻡ ﺑﮩﺖ ﺳﺨﺘﯿﻮﮞ ﺳﮯ ﺩوﭼﺎﺭ ﺗﮭﮯ، ﺑﮩﺖ ﻣﺸﮑﻼﺕ ﺳﮯ ﻣﻮﺍﺟﮩﮧ ﺭﮨﺎ ﮨﮯ، ﺍﻣﺎﻡ ﮐﻮ ﺷﺮﻋﯽ ﻣﺴﺌﻠﮧ ﺑﺘﺎﻧﮯ ﮐﯽ ﺑﮭﯽ ﺍﺟﺎﺯﺕ ﻧﮩﯿﮟ ﺗﮭﯽ. ﺍﯾﺴﯽ ﺷﺨﺼﯿﺖ ﺟﻮ ﺍﯾﮏ ﻣﺬﮨﺐ ﮐﮯ ﺭﺋﯿﺲ ﮨﯿﮟ ﺍﻭﺭ ﮐﺒﮭﯽ ﺁﭖ ﮐﮯ ﭘﺎﺱ ﭼﺎﺭ ﮨﺰﺍﺭ ﺷﺎﮔﺮﺩ ﮨﻮﺗﮯ ﮨﯿﮟ ﻭﮦ ﺑﮭﯽ ﻣﺨﺘﻠﻒ ﻋﻠﻮﻡ ﻣﯿﮟ، ﻟﯿﮑﻦ۔۔۔
ﺁﭖ ﭘﺮ ﺍﯾﺴﺎ مشکل ﻭﻗﺖ ﺑﮭﯽ ﺁ ﺟﺎﺗﺎ ﮨﮯ ﺟﻮ ﯾﮧ ﻧﮩﯿﮟ ﺑﺘﺎ ﺳﮑﺘﮯ ﮐﮧ ﺍﯾﮏ ﮨﯽ ﻣﺤﻔﻞ ﻣﯿﮟ ﺗﯿﻦ ﻃﻼﻗﯿﮟ ﺩﯾﻨﺎ، ﺍﯾﮏ ﻃﻼﻕ ﮨﻮﺗﯽ ﮨﮯ۔
*ﺍﺱ ﻣﺴﺌﻠﮯ ﮐﻮ ﺑﯿﺎﻥ ﮐﺮﻧﮯ کی اجازت ﻧﮩﯿﮟ ﮨﮯ -*

*ﺍﯾﮏ ﺷﺨﺺ ﺍﻣﺎﻡ ﺻﺎﺩﻕ ﻋﻠﯿﮧ ﺍﻟﺴﻼﻡ ﮐﮯ ﭘﺎﺱ ﺁﯾﺎ ﺍﻭﺭ ﺍﭘﻨﮯ ﺧﻮﺍﺏ ﮐﯽ ﺗﻌﺒﯿﺮ ﭘﻮﭼﮭﯽ۔ ﺁﭖ ﮐﮯ ﭘﺎﺱ ﺑﻨﯽ عباﺱ ﺳﮯ ﺗﻌﻠﻖ ﺭﮐﮭﻨﮯ ﻭﺍﻻ ﺍﯾﮏ ﺷﺨﺺ ﺑﯿﭩﮭﺎ ﮨﻮﺍ ﺗﮭﺎ، ﺁﭖ ﻧﮯ ﺍﺱ ﺷﺨﺺ ﺳﮯ ﻓﺮﻣﺎﯾﺎ ﮐﮧ ﺍﺱ ﺳﮯ ﭘﻮﭼﮫ ﻟﻮ. ﺍﺱ ﻧﮯ ﺗﻌﺒﯿﺮ ﺑﺘﺎﺋﯽ، ﻭﮦ ﺷﺨﺺ ﺟﻮﺍﺏ ﻟﮯ ﮐﺮ ﺑﺎﮨﺮ ﭼﻼ ﮔﯿﺎ ﻟﯿﮑﻦ ﺩﻭﺑﺎﺭﮦ ﻭﺍﭘﺲ ﭘﻠﭧ ﺁﯾﺎ، ﺟﺐ ﺗﻌﺒﯿﺮ ﺑﺘﺎﻧﮯ ﻭﺍﻻ ﺷﺨﺺ ﭼﻼ ﮔﯿﺎ ﺗﻮ ﺍﺱ ﻧﮯ ﻋﺮﺽ ﮐﯽ ﮐﮧ ﻣﯿﮟ ﻧﮯ ﺁﭖ ﺳﮯ ﺗﻌﺒﯿﺮ ﭘﻮﭼﮭﯽ ﺗﮭﯽ، ﺁﭖ ﻧﮯ ﺍﺱ ﮐﮯ ﺣﻮﺍﻟﮯ ﮐﺮ ﺩﯾﺎ ﺍﻭﺭ ﺍﺱ ﺷﺨﺺ ﮐﯽ ﺑﺘﺎﺋﯽ ﮨﻮﺋﯽ ﺗﻌﺒﯿﺮ ﮐﯽ ﺗﺄﺋﯿﺪ ﺑﮭﯽ ﮐﺮ ﺩﯼ ؟

ﺟﻮﺍﺏ ﻣﯿﮟ ﺍﻣﺎﻡ علیہ السلام ﻧﮯ ﻓﺮﻣﺎﯾﺎ یہی ﮨﻮﮔﺎ، ﯾﮧ ﺍﻟﻔﺎﻅ ﮨﻤﺎﺭﮮ ﮨﯿﮟ۔
لیکن ﺁﭖ لوگوں ﮐﻮ ﻣﻌﻠﻮﻡ ﻧﮩﯿﮟ ﮨﮯ ﮐﮧ ﮨﻢ ﮐﺘﻨﯽ ﺳﺨﺘﯿﻮﮞ ﻣﯿﮟ ﮨﯿﮟ، ﺁﭖ لوگوں ﮐﻮ ﺗﻮ ﻣﻌﻠﻮﻡ ﻧﮩﯿﮟ ﮨﮯ ﮐﮧ ﮨﻤﯿﮟ ﺧﻮﺍﺏ ﮐﯽ ﺗﻌﺒﯿﺮ ﺑﺘﺎﻧﮯ کی ﺑﮭﯽ اجازت ﻧﮩﯿﮟ ﮨﮯ۔
📚حواله : ﺭﻭﺿﮧ الکاﻓﯽ

ﻣﻨﺼﻮﺭ لع ﻧﮯ ﺍﻣﺎﻡ ﺟﻌﻔﺮ ﺻﺎﺩﻕ ﻋﻠﯿﮧ ﺍﻟﺴﻼﻡ ﮐﯽ ﻋﻠﻤﯽ ﻋﻈﻤﺖ ﮐﺎ ﺍﺛﺮ ﻋﻮﺍﻡ ﮐﮯ ﺩﻝ ﻣﯿﮟ ﮐﻢ ﮐﺮﻧﮯ ﮐﯿﻠﮱ ﺍﯾﮏ ﺗﺪﺑﯿﺮ ﯾﮧ ﮐﯽ ﮐﮧ ﺍﻣﺎﻡ ﺟﻌﻔﺮ ﺻﺎﺩﻕ ﻋﻠﯿﮧ ﺍﻟﺴﻼﻡ ﮐﮯ ﻣﻘﺎﺑﻠﮧ ﻣﯿﮟ ﺍﯾﺴﮯ ﺍﺷﺨﺎﺹ ﮐﻮ ﺑﺤﯿﺜﯿﺖ ﻓﻘﯿﮧ ﺍﻭﺭ ﻋﺎﻟﻢ ﮐﮯ ﮐﮭﮍﺍ ﮐﺮﺩﯾﺎ ﺟﻮ ﺁﭖ ﮐﮯ ﺷﺎﮔﺮﺩﻭﮞ ﮐﮯ ﺳﺎﻣﻨﮯ ﺑﮭﯽ ﺯﺑﺎﻥ ﮐﮭﻮﻟﻨﮯ ﮐﯽ ﻗﺪﺭﺕ ﻧﮧ ﺭﮐﮭﺘﮯ ﺗﮭﮯ۔

ﺍﻣﺎﻡ ﺟﻌﻔﺮ ﺻﺎﺩﻕ ﻋﻠﯿﮧ ﺍﻟﺴﻼﻡ ﮐﻮ ﭘﺎﻧﭻ ﻣﺮﺗﺒﮧ ﻣﺪﯾﻨﮧ ﺳﮯ ﺩﺭﺑﺎﺭ ﺷﺎﮨﯽ ﻣﯿﮟ ﻃﻠﺐ ﮐﯿﺎ ﮔﯿﺎ ﺟﻮ ﺁﭖ ﮐﮯ ﻟﮱ ﺳﺨﺖ ﺭﻭﺣﺎﻧﯽ ﺗﮑﻠﯿﻒ ﮐﺎ ﺑﺎﻋﺚ ﺗﮭﺎ۔ ﯾﮧ ﺍﻭﺭ ﺑﺎﺕ ﮨﮯ ﮐﮧ ﮐﺴﯽ ﻣﺮﺗﺒﮧ ﺁﭖ ﮐﮯ ﺧﻼﻑ ﮐﻮﺋﯽ ﺑﮩﺎﻧﮧ ﺍﺳﮯ ﻧﮧ ﻣﻞ ﺳﮑﺎ ﮐﮧ ﺁﭖ ﮐﮯ ﻗﯿﺪ ﯾﺎ ﻗﺘﻞ ﮐﺎ ﺣﮑﻢ ﺩﯾﺘﺎ۔ ﺑﻠﮑﮧ ﺍﺱ ﺳﻠﺴﻠﮯ ﻣﯿﮟ ﻋﺮﺍﻕ ﮐﮯ ﺍﻧﺪﺭ ﺍﯾﮏ ﻣﺪﺕ ﮐﮯ ﻗﯿﺎﻡ ﺳﮯ ﻋﻠﻮﻡ ﺍﮬﻠﺒﯿﺖ (ﻉ) ﮐﯽ ﺍﺷﺎﻋﺖ ﮐﺎ ﺣﻠﻘﮧ ﻭﺳﯿﻊ ﮨﻮﺍ ﺍﻭﺭ ﺍﺳﮑﻮ ﻣﺤﺴﻮﺱ ﮐﺮﮐﮯ ﻣﻨﺼﻮﺭ ﻧﮯ ﭘﮭﺮ ﺍﻣﺎﻡ ﺟﻌﻔﺮ ﺻﺎﺩﻕ ﻋﻠﯿﮧ ﺍﻟﺴﻼﻡ ﮐﻮ ﻣﺪﯾﻨﮧ ﺑﮭﺠﻮﺍ ﺩﯾﺎ۔
ﺍﺱ ﮐﮯ ﺑﻌﺪ ﺑﮭﯽ ﺁﭖ ﺍﯾﺬﺍ ﺭﺳﺎﻧﯽ ﺳﮯ ﻣﺤﻔﻮﻅ ﻧﮧ ﺭﮨﮯ ﯾﮩﺎﮞ ﺗﮏ ﮐﮧ ﺍﯾﮏ ﻣﺮﺗﺒﮧ ﺁﭖ ﮐﮯ ﮔﮭﺮ ﻣﯿﮟ ﺁﮒ ﻟﮕﺎ ﺩﯼ ﮔﺌﯽ۔ ﺧﺪﺍ ﮐﯽ ﻗﺪﺭﺕ ﺗﮭﯽ ﮐﮧ ﻭﮦ ﺁﮒ ﺟﻠﺪﯼ ﮨﯽ ﺧﺎﻣﻮﺵ
ﮨﻮ ﮔﺌﯽ ﺍﻭﺭ ﺁﭖ ﮐﮯ ﻣﺘﻌﻠﻘﯿﻦ ﺍﻭﺭ ﺍﺻﺤﺎﺏ ﻣﯿﮟ ﺳﮯ ﮐﺴﯽ ﮐﻮ ﮐﻮﺋﯽ ﻧﻘﺼﺎﻥ ﻧﮩﯿﮟ پہنچا۔
📚حواله : سوگنامه آل محمد (ع)

*ﮐﮩﮧ ﮐﮯ ﯾﮧ ﺍﭨﮫ ﮔﺌﮯ ﺩﻧﯿﺎ ﺳﮯ ﮨﻤﺎﺭﮮ ﺟﻌﻔﺮؑ
*ﮨﺎﺋﮯ ﺷﺒﯿﺮؑ ﮐﮩﺎ ﺍﻭﺭ ﺳﺪﮬﺎﺭﮮ ﺟﻌﻔﺮؑ

ﺍﻟﻠﻬــــﻢ ﺍﻟﻌــــﻦ ﻗﺘــﻠـﺔ ﺍﻻﻣـــﺎﻡ ﺟﻌﻔــﺮ ﺍﻟﺼـــﺎﺩﻕ ﻋﻠﯿــــﮧ ﺍﻟﺴـــﻼﻡ۔

https://t.me/islamwitheman/3604
⭕ ISLAM WITH EMAN ⭕

🍃عہدِ عبدالملک میں امام صادقؑ کا مناظرہ🍃

علامہ ابن حجرمکی اورعلامہ شبلنجی رقمطراز ہیں کہ اعیان آئمہ میں سے ایک جماعت مثل یحیٰ بن سعید بن جریح، امام مالک، امام سفیان ثوری بن عینیہ، امام ابوحنیفہ، ایوب سجستانی نے آپ سے حدیث اخذ کی ہے، ابوحاتم کا قول ہے کہ امام جعفرصادقؑ ایسے ثقہ میں لایسئل عنہ مثلہ کہ آپ ایسے شخصوں کی نسبت کچھ تحقیق اور استفسار وتفحص کی ضرورت ہی نہیں، آپ ریاست کی طلب سے بے نیاز تھے اور ہمیشہ عبادتگزاری میں بسر کرتے رہے، عمر ابن مقدام کا کہنا ہے کہ جب میں امام جعفرصادقؑ کو دیکھتا ہوں تو مجھے معاً خیال ہوتاہے کہ یہ جوہر رسالت کی اصل وبنیاد ہیں۔
📚 صواعق محرقہ، ص۱۲۰۔ نورالابصار، ص۱۳۱۔ حلیة الابرار تاریخ آئمہ، ص۴۳۳۔

💥بادشاہان وقت:
آپ کی ولادت ۸۳ ھ میں ہوئی ہے اس وقت عبدالملک بن مروان بادشاہ وقت تھا پھر ولید، سلیمان، عمربن عبدالعزیز، یزیدبن عبدالملک، ہشام بن عبدالملک، ولیدبن یزیدبن عبدالملک، یزیدالناقص، ابراہیم ابن ولید اور مروان الحمار، علی الترتیب خلیفہ مقرر ہوئے مروان الحمار کیبعد سلطنت بنی امیہ کاچراغ گل ہوگیا اور بن عباس نے حکومت پرقبضہ کرلیا، بنی عباس کا پہلا بادشاہ ابوالعباس سفاح اور دوسرا منصور دوانقی ہوا ہے۔
📚 اعلام الوری، تاریخ ابن الوردی، تاریخ آئمہ، ص۴۳۶۔

اسی منصور نے اپنی حکومت کے دوسال گزرنے کیبعد امام جعفرصادقؑ کو زہر سے شہید کردیا۔
📚 انوارالحسینہ، جلد ۱، ص۵۰۔

💥عبدالملک بن مروان کے عہد میں آپ کا ایک مناظرہ:
حضرت امام جعفرصادقؑ نے بے شمارعلمی مناظرے فرمائے ہیں آپ نے دہریوں، قدریوں، کافروں اور یہودیوں و نصارٰی کو ہمیشہ شکست فاش دی ہے کسی ایک مناظرہ میں بھی آپ پرکوئی غلبہ حاصل نہیں کرسکا۔
عہد عبدالملک بن مروان کا ذکر ہے کہ ایک قدریہ مذہب کا مناظر اس کے دربار میں آکر علماء سے مناظرہ کا خواہشمند ہوا، بادشاہ نے حسب عادت اپنے علماء کو طلب کیا اور ان سے کہا کہ اس قدریہ مناظر سے مناظرہ کرو علماء نے اس سے کافی زورآزمائی کی مگر وہ میدان مناظرہ کا کھلاڑی ان سے نہ ہارسکا اور تمام علماء عاجز آگئے اسلام کی شکست ہوتے ہوئے دیکھ کر عبدالملک بن مروان نے فورا ایک خط حضرت امام محمد باقرؑ کی خدمت میں مدینہ روانہ کیا اور اس میں تاکید کی کہ آپ ضرور تشریف لائیں۔
حضرت امام محمد باقرؑ کی خدمت میں جب اس کاخط پہنچا تو آپ نے اپنے فرزند حضرت امام جعفر الصادقؑ سے فرمایا کہ بیٹا میں ضعیف ہوچکاہوں تم مناظرہ کے لیے شام چلے جاؤ۔
حضرت امام جعفرصادقؑ اپنے پدربزرگوار کے حسب الحکم مدینہ سے روانہ ہوکر شام پہنچ گئے۔

عبدالملک بن مروان نے جب امام محمد باقرؑ کے بجائے امام جعفرصادقؑ کو دیکھا تو کہنے لگا کہ آپ ابھی کم سن ہیں اور وہ بڑا پرانا مناظر ہے، ہو سکتاہے کہ آپ بھی اور علماء کیطرح شکست کھا جائیں، اسلیے مناسب نہیں کہ مجلس مناظرہ منعقد کیجائے۔
حضرت نے ارشاد فرمایا: بادشاہ تو گھبرا نہیں، اگر خدا نے چاہا تو میں صرف چند منٹ میں مناظرہ ختم کر دونگا۔
آپ کے ارشادکی تائید درباریوں نے بھی کی اور موقعہ مناظرہ پر فریقین آگئے۔

چونکہ قدریوں کا اعتقاد ہے کہ بندہ ہی سب کچھ ہے، خدا کو بندوں کے معاملہ میں کوئی دخل نہیں اورنہ خدا کچھ کر سکتا ہے یعنی خدا کے حکم اور قضاوقدر و ارادہ کو بندوں کے کسی امر میں دخل نہیں۔ لہذا حضرت نے اس کی پہل کرنے کی خواہش پر فرمایاکہ میں تم سے صرف ایک بات کہنی چاہتاہوں اور وہ یہ ہے کہ تم ”سورہ حمد“ پڑھو۔
اس نے پڑھنا شروع کیا جب وہ ”ایاک نعبد وایاک نستعین“ پر پہنچاجس کا ترجمہ یہ ہے کہ میں صرف تیری عبادت کرتا ہوں اور بس تجھی سے مدد چاہتا ہوں توآپ نے فرمایا؛ ٹھہر جاؤ اور مجھے اس کا جواب دو کہ جب خدا کو تمہارے اعتقاد کے مطابق تمھارے کسی معاملہ میں دخل دینے کا حق نہیں تو پھر تم اس سے مدد کیوں مانگتے ہو، یہ سن کر وہ خاموش ہوگیا اور کوئی جواب نہ دے سکا، بالآخر مجلس مناظرہ برخواست ہوگئی اور بادشاہ بیحد خوش ہوا۔
📚 تفسیر برہان، جلد ۱، ص۳۳۔

https://t.me/islamwitheman/3614
⭕ ISLAM WITH EMAN ⭕

☘ امام صادقؑ اور ابوشاکردیصانی ☘

■ ابوشاکر دیصانی جو لامذہب تھا، حضرت سے کہنے لگا کہ کیا آپ خدا کا تعارف کرا سکتے ہیں اور اس کی طرف میری رہبری فرما سکتے ہیں۔؟

آپؑ نے ایک طاؤس کا انڈا ہاتھ میں لے کر فرمایا؛
دیکھو اس کی بالائی ساخت پر غور کرو، اور اندر کی بہتی ہوئی زردی اور سفیدی کا بنظرغائر دیکھو اور اس پر توجہ دو کہ اس میں رنگ برنگ کے طائر کیوں کر پیدا ہو جاتے ہیں۔ کیا تمہاری عقل سلیم اس کو تسلیم نہیں کرتی کہ اس انڈے کا اچھوتے انداز میں بنانے والا اور اس سے پیدا کرنے والا کوئی ہے۔
یہ سن کر وہ خاموش ہو گیا اور دہریت سے باز آیا۔

■ اسی دیصانی کا واقعہ ہے کہ اس نے ایک دفعہ آپ کے صحابی ہشام بن حکم کے ذریعہ سے سوال کیا کہ کیا یہ ممکن ہے کہ خدا ساری دنیا کو ایک انڈے میں سمو دے اور نہ انڈا بڑھے اور نہ دنیا گھٹے؟

آپؑ نے فرمایا؛
بے شک وہ ہر چیز پر قادر ہے۔

اس نے کہا؛
کوئی مثال۔۔؟

آپؑ نے فرمایا؛
مثال کے لیے مردمک چشم آنکھ کی چھوٹی پتلی کافی ہے اس میں ساری دنیا سما جاتی ہے، نہ پتلی بڑھتی ہے، نہ دنیا گھٹتی ہے۔

📚 حوالہ جات:
اصول کافی، ص۴۳۳۔
جامع الاخبار۔

https://t.me/islamwitheman/3615
⭕ ISLAM WITH EMAN ⭕