🌸 مختار بن ابی عبید ثقفی 🌸

مختار بن ابی عبید ثقفی (1۔67 ھ)، امام حسین علیہ السلام کے انتقام کے لئے ہونے والے ایک قیام کے رہبر، تابعی اور طائف کے رہنے والے تھے۔ مسلم بن عقیل جب امام حسینؑ کے سفیر کے عنوان سے کوفہ آئے تو مختار نے ان کی میزبانی کی لیکن مسلم بن عقیل کی شہادت کے وقت مختار عبید اللہ بن زیاد جو اس وقت کے کوفہ کا والی تھا، کے زندان میں قید تھے۔

مختار نے اپنے قیام کے ذریعے واقعہ عاشورا اور امام حسینؑ کے قتل میں ملوس بہت سارے مجرموں کو قتل کیا۔ بعض اس بات کے معتقد ہیں کہ ان کے قیام کو امام زین العابدینؑ کی تائید بھی حاصل تھی۔ مختار نے قیام کی کامیابی کے بعد کوفہ پر اپنی حکومت قائم کی اور 18 ماہ حکومت کے بعد مصعب بن زبیر کے ہاتھوں شہید ہوئے۔ ان کی قبر مسجد کوفہ میں مسلم بن عقیل کی قبر کے ساتھ واقع ہے۔

■ نسب اور لقب
مختار بن ابی عبیدہ بن مسعود بن عمرو بن عمیر بن عوف بن عقدہ بن غیرۃ بن عوف بن ثقیف ثقفی، جن کی کنیت ابو اسحاق اور [1] لقب کیسان تھا۔[2]

کہا جاتا ہے کہ فرقہ کیسانیہ مختار سے منسوب تھا۔[3] کیسان زیرک و باہوش کے معنی میں ہے۔ اصبغ بن نباتہ نقل کرتے ہیں کہ ایک دن حضرت علیؑ نے جب مختار بچپنے کی عمر تھا اپنے زانووں پر بٹھایا ہوا تھا اور اسے کیس کا لقب دیا۔[4] حضرت علیؑ نے دو دفعہ اسے کیس کہہ کر پکارا اسی وجہ سے انہیں کیسان کہا جاتا تھا۔

■ قیام مختار
14 ربیع الاول سنہ 66 ہجری کو مختار نے امام حسینؑ اور آپ کے باوفا اصحاب کے خون کا بدلہ لینے کے قصد سے قیام کا آغاز کیا[5] تو کوفہ کے شیعوں نے بھی مختار کا ساتھ دیا۔ مختار کہا کرتے تھے کہ خدا کی قسم اگر قریش کا دو تہائی حصہ بھی قتل کیا جائے تو امام حسینؑ کی ایک انگلی کے برابر بھی نہیں ہوگا۔[6]

مختار نے اس قیام کے دوران شمر بن ذی الجوشن، خولی بن یزید، عمر بن سعد اور عبیداللہ بن زیاد جیسے کئی دوسرے افراد کو جو کربلا کے واقعے یا اس سے مربوط وقایع میں ملوث تھے کو واصل جہنم کیا۔[7]

اس قیام میں ابراہیم بن مالک اشتر نے بھی مختار کا ساتھ دیا اور وہ مختار کے فوج کا سپہ سالار تھا اور انہوں نے عبیداللہ بن زیاد کو موصل میں واصل جہنم کیا۔[8]

جب مختار نے عبیداللہ بن زیاد اور عمر بن سعد کا سر محمد بن حنفیہ کے لئے بھیجا تو اس وقت آپ مسجد الحرام میں کھانا کھانے میں مصروف تھے آپ نے خدا کا شکر ادا کیا اور کہا کہ جس وقت امام حسینؑ کا سر عبیداللہ بن زیاد کے پاس لے جایا گیا تھا تو وہ کھانا کھانے میں مصروف تھا اور جب ابھی اس کا سر ہمارے پاس بھیجا گیا ہے تو ہم بھی ایسی ہی حالت میں تھے۔ اس کے بعد آپ نے حکم دیا کہ اس کا سر مسجد الحرام میں لٹکایا جائے تاکہ ہر ایک اس کا مشاہدہ کر سکے۔[9]

■ شہادت
قیام کے بعد 18 ماہ کوفہ پر حکومت کرنے اور تین گروہ شام میں بنی امیہ، حجاز میں آل زبیر اور کوفہ کے سرداروں سے جنگ کرنے کے بعد آخر کار 14 رمضان[10] سنہ 67 ہجری کو 67 سال کی عمر میں مصعب بن زبیر کے ہاتھوں قتل ہوئے۔[11][12] مصعب کے حکم پر مختار کا ہاتھ کاٹ کر مسجد کوفہ کی دیواروں کے ساتھ کیل لگایا گیا لیکن جب حجاج بن یوسف کوفہ پر قابض ہوا تو چونکہ وہ بھی قبیلہ ثقیف سے تھا اس بنا پر اس نے مختار کے ہاتھوں کو دفن کرایا۔[13]


■ مختار کی بیوی کا قتل
مصعب نے نعمان بن بشیر کی بیٹی عمرہ جو کہ مختار کی بیوی تھی کو مختار سے بیزاری اختیار کرنے پر مجبور کیا لیکن اس نے اسے قبول نہیں کیا تو مصعب نے اسے قتل کر دیا۔

ایک اور روایت میں آیا ہے کہ مصعب نے عمرہ سے کہا کہ مختار کے بارے میں تمہاری کیا رائے ہے؟ عمرہ نے کہا وہ ایک پرہیزگار آدمی تھا اور ہر روز روزہ رکھتا تھا۔ اس پر مصعب نے اس کی گردن اڑانے کا حکم دیا اور اسلام میں یہ پہلی خاتون تھی جس کی تلوار کے ذریعے گردن اڑا دی گئی۔[14]

🔘 آیت اللہ خوئی[15] اور عبداللہ مامقانی[16] نے قیام مختار کو امام زین العابدین علیہ السلام کی خاص اجازت کے ساتھ انجام پانے کی تصریح کی ہے۔

📚 حوالہ جات
1۔ أسد الغابۃ، ج‌۴،ص:۳۴۶
2۔ تاریخ طبری، ج۶ص ۷
3۔ وفیات الاعیان، ابن خلکان، ج۴ص ۱۷۲.
4۔ معجم الرجال، ج۱۸ص ۱۰۲
5۔ تاریخ ابن خلدون/ترجمہ متن، ج‌۲، ص:۴۴
6۔ الفخری،ص:۱۲۲
7۔ أسد الغابۃ،ج‌۴،ص:۳۴۷
8۔ أسد الغابۃ،ج‌۴،ص:۳۴۷
9۔آفرینش و تاریخ/ترجمہ، ج‌۲،ص:۹۱۳
10۔ المنتظم،ج‌۶،ص:۶۸
11۔ أسد الغابۃ،ج‌۴،ص:۳۴۷
12۔المعرفۃ و التاریخ،ج‌۳،ص:۳۳۰
13۔الکامل،ج‌۴،ص:۲۷۵
14۔ تاریخ الیعقوبی،ج‌۲،ص:۲۶۴۔
15۔ معجم الرجال، ج۱۸ص ۱۰۰۔
16۔ تنقیح المقال، ج۳ص ۲۰۶۔

https://t.me/islamwitheman/3433
⭕ ISLAM WITH EMAN ⭕

🔷 مختار ثقفی علماء کی نظر میں 🔷

واضح ہوکہ ہمارے وہ علماء جن کا وجود بنیادی نقطہ نگاہ سے ہمارے مذہب میں عظیم سمجھا جاتا ہے ان میں سے تقریباً کل کی نظروں میں حضرت مختار کو اونچا مقام نصیب ہوا ہے میری نظر سے ہمارے کسی بڑے عالم کی ایک تحریر بھی ایسی نہیں گزری جس میں انہوں نے اپنا نظریہ مختار کے خلاف پیش کیا ہو یہ اور بات ہے کہ انہوں نے نقل قول یا نقل روایات اپنی کتابوں میں کی ہو یعنی ایسا تو ضرور ہے کہ روایات مدح و ذم دونوں نقل کردی گئی ہیں لیکن اپنا ذاتی نظریہ کسی نے بھی مخالفت مختار میں نہیں پیش کیا بلکہ اکثر نے ایسا کیا ہے کہ مخالفت کی روایات کی تاویلات کی ہیں البتہ بعض علماء روایت حب شخین سے نجات کلی میں متوقف ہوگئے ہیں لیکن انہوں نے کارنامہ مختار میں ان کے نیک نیتی پر کسی قسم کا شبہ نہیں کیا میرے نزدیک روایت حب شخین تاویل شدہ ہے اور ان کے حسن عقیدہ میں گنجائش کلام نہیں ہے۔ علامہ شہید ثالث رقمطراز ہیں کہ حضرت مختار کے حسن عقیدہ میں کسی شیعہ کو کلام و اعتراض کی گنجائش نہیں علامہ کا بیان ہے کہ حضرت علامہ حلی کے نزدیک حصرت مختار مقبول اصحاب میں تھے۔
(مجالس المومنین ص ۳۵۶)

علامہ مجلسی کتاب خلاصة المقال فی علم الرجال کے ص 32 پر تحریر فرماتے ہیں کہ مختار ابن ابی عبیدہ ثقفی ثقہ تھے۔

علامہ معاصر مولانا سعادت حسین مجتہد رقمطراز ہیں کہ علامہ مامقانی تنقیح القال کی جلد 3 میں حضرت مختار کے متعلق طویل بحث کرتے ہوئے لکھتے ہیں کہ اس کے بارے میں تحقیق اس کی مقتضی ہے کہ ہم دو حیثیتوں سے بحث کریں پہلی یہ کہ جناب مختار کا عقیدہ اور مذہب کیا تھا اس میں کوئی شک نہیں کہ وہ مسلمان بلکہ شیعہ امامی تھے اس پر شیعہ، سنی دونوں کا اتفاق ہے میرے نزدیک امرحق یہ ہے کہ جناب مختار امامت حضرت زین العابدین (ع) کے قائل تھے اس کی دلیل یہ ہے کہ انہوں نے حضرت امیرالمومنین (ع) سے یہ سنا تھا کہ اتنے ہزار اعوان و انصار بنی امیہ کو موت کے گھاٹ اتار دیں گے یہ کھلی ہوئی حقیقت ہے کہ کوئی سنی امیرالومنین (ع) کے لیے یہ عقیدہ نہیں رکھتا کہ آپ عواقب و انجام کو خداوندعالم کے اذن سے جانتے تھے یہ مخصوص عقیدہ مذہب شیعہ کا ہے اس لیے جناب مختار کا حتم و جزم ویقین سے یہ خبر دینا کہ میں کوفہ کا حاکم بنوں گا۔ عبیداللہ ابن زیاد مجھے قتل نہیں کر سکتا۔ جب تک میں بنی امیہ کی مددگاروں میں اتنے آدمیوں کو قتل نہ کردوں. اگر یہ مجھے قتل بھی کر دے گا تو خداوند مجھے زندہ کر لے گا، یہ عقیدہ اہل سنت کے مذہب کے موافق نہیں ہے اور فرقہ حقہ مذہب امامیہ کے لیے مخصوص ہے اس لیے کہ آئمہ کے لیے قائل ہیں کہ وہ عواقب و انجام سے باخبر ہیں۔ جیسا کہ آئمہ کے حا لات کو دیکھنے کے بعد وجدان صحیح اس کو معلوم کر سکتا ہے۔ بلکہ حالات کے دیکھنے سے یہ بھی معلوم ہو سکتا ہے کہ آئمہ نے اپنے مخصوص اصحاب کو بھی بعض امور کے اسرار و رموز وانجام کو بتلا دیا تھا اور مطلع کر دیا تھا کہ آئندہ کیا ہونے والا ہے۔
جیسا کہ حبیب ابن مظاہر کو یہ مطلع کر دیا تھا کہ کربلا میں کیا ہونے والا ہے۔ اور مثیم تمار کو یہ بتا دیا تھا کہ امیرالمومنین پر کیا واقعات گزرنے والے ہیں، بلکہ خود جناب مختار کو جناب مثیم تمار نے بتا دیا تھا کہ تم قید سے رہا ہو جاؤ گے اور امام حسین علیہ السلام کے خون کا عوض لو گے۔ بلکہ ان کے علاوہ بہت سی باتیں اصحاب آئمہ کو معلوم تھیں جو متواتر احادیث سے ثابت ہیں اور کتب و تواریخ ان سے بھری پڑی ہیں۔ جناب کے اس یقین سے کہ وہ بنی امیہ کے حمایت کرنے والوں میں سے اتنے ہزار افراد کو قتل کریں گے پتہ چلتا ہے کہ وہ اعتقاد رکھتے تھے کہ اگر قتل بھی کر دیئے گئے تو خداوند عالم ان کو زندہ کرے گا.

علامہ مامقانی فرماتے ہیں۔ کہ مختار کے حالات پر بحث کا دوسرا عنوان یہ ہے کہ آیا ان کی حکومت باطل تھی یا امام کی اجازت سے قائم ہوئی تھی. ظاہر یہ ہے، کہ انہوں نے امام کی رضامندی حاصل کرنے کے بعد حکومت قائم کی تھی۔ جیسا کہ علامہ ابن نما علیہ الرحمہ نے اس طرح کی ایک روایت تحریر کی ہے علاوہ بریں آئمہ علیہم السلام ان کے افعال سے راضی تھے۔ انہوں نے بنی امیہ اور ان کے مدد گاروں کو قتل کیا، گرفتار کیا، ان کے اموال لوٹے۔ جیسا کہ اس کی طرف ان روایات میں اشارہ ہو چکا ہے۔ جو ان کی مدح و ثنا، ان کے افعال پر اظہار تشکر و امتنان، جزائے خیر دئیے جانے کی دعا اور دعائے نزول رحمت پر دلالت کرتی ہیں۔
علامہ مامقانی نے ان تمام روایات کو نقل کیا ہے۔ اور آخر میں فرماتے ہیں کہ یہ تمام باتیں جو ہم نے ذکر کیں ان سے ثابت ہوتا ہے کہ جناب مختار شیعہ امامی تھے. ان کی سلطنت امام کی اجازت سے قائم ہوئی تھی۔

علامہ حلی نے جناب مختار کی روایت پر اعتماد کیا ہے۔ اسی سبب سے ان کو قسم اول کے راویوں میں شمار کیا ہے۔

📚 معارف الملة الناجیہ والناریہ ص52وذوب النضار ضمیمہ بحار جلد ص 401طبع ایران۔

https://t.me/islamwitheman/3435
⭕ ISLAM WITH EMAN ⭕

🌹 تعارف امام حسن علیہ السّلام 🌹

ولادت با سعادت حضرت امام حسن مجتبی علیہ السلام مبارک ہو۔

نام : حسن (علیہ السلام)
والد : علی مرتضے علیہ السلام
والدہ : فاطمہ الزھرا سلام اللہ علیہا
کنیت : ابو محمد
لقب : مجتبی
تعداد اولاد : 15
بیٹے : 8
بیٹیاں : 7
مدت حیات : 47 سال
مدت امامت : 10 سال
جائے ولادت : مدینہ منورہ
جائے شہادت : مدینہ منورہ
تاریخ ولادت : 15 رمضان المبارک/3 ہجری
تاریخ شہادت : 28 صفر/50 ہجری
مدفن : مدینہ منورہ جنت البقیع

https://t.me/islamwitheman/3446
⭕ ISLAM WITH EMAN ⭕

🌹 حضرت امام حسن علیہ السلام 🌹

حسن بن علی بن ابی‌ طالب امام علیؑ اور حضرت فاطمہؑ کے سب سے بڑے فرزند اور پیغمبر اکرمؐ کے بڑے نواسے ہیں۔ آپ کا نسب بنی ‌ہاشم اور قریش تک منتہی ہوتا ہے۔

■ ولادت باسعادت
مشہور قول کی بنا پر آپ کی تاریخ ولادت 15 رمضان سنہ 3 ہجری ہے۔[1] آپ مدینہ میں پیدا ہوئے۔[2]، پیغمبر اکرمؐ نے آپ کے کان میں اذان دی [3] اور ولادت کے ساتویں روز ایک گوسفند ذبح کرکے آپ کا عقیقہ کیا۔[4]

■ نام، کنیت اور القاب
"حَسَن" عربی زبان میں نیک اور اچھائی کے معنی میں ہے اور یہ نام پیغمبر اکرمؐ نے آپ کیلئے انتخاب کیا تھا۔[5] بعض احادیث کے مطابق پیغمبر اکرمؐ نے یہ نام خدا کے حکم سے رکھا تھا۔[6] حسن اور حسین عبرانی زبان کے لفظ "شَبَّر" اور "شَبیر"(یا شَبّیر)،[7] کے ہم معنی ہیں جو حضرت ہارون کے بیٹوں کے نام ہیں۔[8] اسلام حتی عربی میں اس سے پہلے ان الفاظ کے ذریعے کسی کا نام نہیں رکھا گیا تھا۔[9]

آپؑ کی کنیت "ابو محمد" اور "ابو القاسم" ہے۔[10] آپ کے القاب میں مجتبی (برگزیدہ)، سَیّد (سردار) اور زَکیّ (پاکیزہ) مشہور ہیں۔[11]

■ امامت
حسنؑ بن علیؑ شیعوں کے دوسرے امام ہیں۔ 21 رمضان سنہ 40ھ کو امام علیؑ کی شہادت کے بعد امام بنے اور دس سال تک اس عہدے پر فائز رہے۔[12] روایات میں سے ایک روایت کے مطابق امام علیؑ نے اپنی شہادت سے پہلے اپنی اولاد اور شیعہ بزرگان کے سامنے اس کتاب اور تلوار کو اپنے فرزند امام حسنؑ کو عطا فرمایا جو امامت کی نشانی سمجھی جاتی تھی اور اس کی وجہ بھی یہ تھی کہ پیغمبر اکرمؐ نے امام علیؑ کو اپنے بعد آپ کے فرزند حسن بن علیؑ کو اپنا جانیشن اور وصی مقرر کرنے کا حکم دیا تھا۔[13] امام حسنؑ اپنی امامت کے ابتدائی مہینوں میں جس وقت آپ کوفہ میں تشریف رکھتے تھے، منصب خلافت پر بھی فائز تھے لیکن بعد میں معاویہ کے ساتھ صلح کے بعد خلافت سے دستبردار ہوئے اور خلافت سے کنارہ کشی کے بعد اپنی زندگی کے آخری ایام تک مدینہ ہی میں مقیم رہے۔

■ انگوٹھی کا نقش
امام حسن مجتبیؑ کی انگشتری کے دو نقش منقول ہیں: الْعِزَّۃُ لِلَّہِ؛[14] اور حَسْبِی اللَّہُ۔[15]

■ ازواج اور اولاد
امام حسنؑ کی ازواج کی تعداد کے بارے میں علماء کے درمیان اختلاف پایا جاتا ہے۔ باوجود اس کے کہ تاریخ میں آپ کی صرف 18 ازواج کا نام درج ہے،[16]

آپ کی اولاد کی تعداد میں بھی اختلاف پایا جاتا ہے۔ شیخ مفید نے آپ کی اولاد کی تعداد 15 ذکر کی ہے۔[17]

■ نسل امام حسن علیہ السلام
نسل امام حسنؑ حسن مثنی، زید، عمر اور حسین اثرم سے چلی ہے۔ حسین اور عمر کی نسل کچھ عرصہ بعد ختم ہوئی اور صرف حسن مثنی اور زید بن حسن کی نسل باقی رہی،[18] جنہیں سادات حسنی کہا جاتا ہے۔[19] 

✍ سید سجاد حسین ھمدانی

📚 حوالہ جات
1۔ کلینی، الکافی، بیروت ۱۴۰۱، ج۱، ص۴۶۱؛ طبری، تاریخ طبری، ۱۳۸۷ق، ج۲، ص۵۳۷۔
2۔ مفید، الارشاد، ۱۴۱۳ق، ج۲، ص۵؛ شیخ طوسی، تہذیب الاحکام، ۱۳۹۰ش، ج۶، ص۴۰
3۔ ابن حنبل، مسند، دار صادر، ج۶، ص۳۹۱؛ ترمذی، سنن الترمذی، ۱۴۰۳ق، ج۳، ص۳۶؛ ابن بابویہ، علی بن حسین، الامامۃ و التبصرۃ من الحیرۃ، ۱۳۶۳ش، ج۲، ص۴۲
4۔ نسائی، سنن النسائی، دار الکتب العلمیۃ، ج۴، ص۱۶۶؛ کلینی، الکافی، بیروت ۱۴۰۱، ج۶، ص۳۲-۳۳؛ حاکم نیشابوری، المستدرک علی الصحیحین، ۱۴۰۶ق، ۱۴۰۶ق، ج۴، ص۲۳۷
5۔ ابن حنبل، المسند، دار صادر، ج۱، ص۹۸، ۱۱۸؛ کلینی، الکافی، بیروت ۱۴۰۱، ج۶، ص۳۳ـ۳۴
6۔ ابن شہرآشوب‏، المناقب، ۱۳۷۹ق،ج۳، ص۳۹۷؛ ابن سعد، الطبقات الکبرى، ۱۴۱۸ق، ج۱۰، ص۲۴۴۔
7۔ ابن منظور، لسان العرب، ۱۴۱۴ق، ج۴، ص۳۹۳؛ زبیدى، تاج العروس، ۱۴۱۴ق، ج۷، ص۴۔
8۔ ابن عساکر، تاریخ مدینۃ دمشق، ۱۴۱۵ق، ج۱۳، ص۱۷۱۔
9۔ ابن سعد، الطبقات الکبری، ۱۹۶۸م، ج۶، ص۳۵۷؛ ابن اثیر، اسد الغابہ، بیروت، ج۲، ص۱۰۔
10۔ ابن شہر آشوب، المناقب، ۱۳۷۹ق، ج۴، ص۲۹؛ مجلسی، بحار الأنوار، ۱۳۶۳ش، ج‏۴۴، ص۳۵۔
11۔ ابن شہر آشوب، المناقب، ۱۳۷۹ق، ج۴، ص۲۹۔
12۔ شیخ مفید، الارشاد، ۱۴۱۳ق، ج۲، ص۱۵۔
13۔ کلینی، کافی، ج۱، ۱۳۶۲ش، ص۲۹۸۔
14۔ عزت و قدرت اللہ کے لئے ہے: کلینی، الکافی، ج6 ص474۔صدوق، عیون اخبار الرضا، ج2 ص56۔
15۔ خدا ہی میرے لئے کافی ہے: کلینی، وہی ماخذ، ص473۔
16۔ حقایق پنہان، پژوہشی در زندگانی سیاسی امام حسن، ص۳۳۹-۳۴۰؛ قرشی، حیاۃ الإمام الحسن بن على،۱۴۱۳ق، ج۲، ص۴۵۵-۴۶۰
17۔ المفید، الارشاد، ۱۴۱۳ق، ج۲، ص۲۰۔
18۔ المجدی فی أنساب الطالبیین، ص۲۰۲۔
19۔ الأنساب، ج‌۴، ص۱۵۹۔

https://t.me/islamwitheman/3447
⭕ ISLAM WITH EMAN ⭕

🔷 محمد بن ابی بکر 🔷

محمد بن ابی بکر امام علیؑ کے نہایت ہی قریبی اور خاص اصحاب میں سے تهے اور آپ ؑ کے دور خلافت میں مصر کے گورنر منصوب ہوئے۔

آپ خلیفہ اول اور اسماء بنت عمیس کے فرزند تهے اور ابوبکر کی رحلت کے بعد جب امام علی ؑ نے اسماء بنت عمیس سے شادی کی تو اپنی ماں کے ساتھ امام علیؑ کے گھر آگئے اور وہیں انکی پرورش ہوئی۔ امام علیؑ اور ان کے درمیان اس قدر محبت اور الفت قائم ہوئی تھی کہ امام علیؑ انہیں اپنی اولاد کی طرح جانتے تھے۔ امام علیؑ کے نزدیک ان کے مقام و منزلت کو پیغمبر اکرمؐ کے نزدیک ابوذر کے مقام و منزلت کی طرح قرار دیا گیا ہے۔

محمد بن ابی بکر خلیفہ سوم کے اقدامات کے سرسخت مخالفین میں سے تھے۔ امام علیؑ کے دور خلافت میں شرطۃ الخمیس میں شامل تهے اور جنگ جمل اور جنگ صفین میں امام علیؑ کی فوج کے سپہ سالاروں میں سے تهے۔ حدیثی اور تاریخی منابع میں ان کی تعریف و تمجید کی گئی ہے۔ آخر کار انہیں معاویہ کے لشکر کی جانب سے مصر پر کئے گئے حملے میں شہید کیا گیا۔

■ شخصیت اور اعتقادات
اکثر مؤرخین نے محمد بن ابوبکر کو نیک اور اچھے الفاظ میں یاد کرتے ہوئے انہیں صداقت، دیانت اور نجابت کا مصداق قرار دیا ہے۔[7] ان کے بارے میں منقول ہے کہ انہوں نے لوگوں سے درخواست کر رکھی تھی کہ اگر ان سے حق کے خلاف کوئی کام سرزد ہو جائے تو انہیں تذکر دیا جائے۔[8]

شیعہ منابق حدیثی میں محمد بن ابی بکر کی توصیف کی گئی ہے چنانچہ حدیث میں آیا ہے کہ: " وہ [محمد] اگرچہ اہلبیت میں سے نہیں تھے، لیکن اہلبیت کی طرح نجیب تھے اور اپنے خاندان میں سب سے نیک سیرت اور پاکیزہ کردار کے مالک تھے۔" [9] اسی طرح امام علیؑ نے ان کے بارے میں فرمایا:

"خدا محمد پر اپنی رحمتیں نازل کرے چونکہ انہوں نے جتنا ہو سکتا تھا اپنا وظیفہ انجام دینے کی کوشش کی۔"[10] حضرت علیؑ کے نزدیک ان کے مقام و منزلت کو پیغمبر اکرمؐ کے نزدیک ابوذر غفاری کے مقام و منزلت کے ساتھ مقایسہ کیا گیا ہے۔ وہ حضرت علیؑ کے حواریوں میں سے تھے۔[11]

خلفائے ثلاثہ کے بارے میں محمد بن ابی بکر کا نظریہ یہ تھا کہ انہوں نے خلافت کے حوالے سے حضرت علیؑ کو نظرانداز کیا ہے اور خصوصا حضرت عثمان کے بارے میں وہ کہتے تھے کہ انہوں نے احکام خداوندی اور حضرت محمد ص کی سنت سے روگردانی کی۔[12] حضرت علیؑ کے بارے میں ان کا اعتقاد تھا کہ آپؑ پیغمبر اکرمؐ پر ایمان لانے والے پہلے شخص تھے اور ہر حوالے سے جب بھی ضرورت پڑی آپؐ کی مدد کیلئے اپنی جان ہتھیلی پر رکھ کر تیار رہے۔ اسی طرح وہ معاویہ اور بنی امیہ کو غاصب جانتے تھے جنہوں نے ریاکاری اور طاقت کے بل بوتے پر اسلام میں شگاف پیدا کئے۔ محمد بن ابی بکر معاویہ کے ساتھ جنگ کرنے خدا کی راہ میں جنگ تصور کرتے تھے۔[13]

■ سیاسی سرگرمیاں
محمد بن ابی بکر کی سیاسی سرگرمیوں کا آغاز خلیفہ سوم عثمان کے دور خلافت سے شروع ہوتا ہے۔ اگرچہ بعض مغربی مؤرخین نے انہیں عثمان کے قتل میں ملوث قرار دیاہے۔[14]، لیکن حقیقت میں مختلف دلائل کی بنا پر یہ بات درست دکهائی نہیں دیتی۔ منجملہ یہ کہ اسوقت انکی عمر فقط 13 سال تهی اس کے علاوہ صدر اسلام کے تاریخی منابع میں بھی کہیں پر اس بات کا تذکرہ نہیں ملتا۔

محمد بن ابی بکر خلیفہ سوم کے دور خلافت میں دوران نوجوانی سے گذر کر جوانی کے مرحلے میں قدم رکھتے ہی مشرکین کے خلاف لڑی جانے والی جنگوں میں اسلام کے سپاہی کے عنوان سے شرکت کرنے لگے۔

محمد بن ابی بکر امام علیؑ کے دور خلافت میں شرطۃ الخمیس میں سے تھے۔[24]

■ جنگ جمل میں ان کے خدمات
جنگ جمل کے حوالے سے محمد بن ابی بکر کا عقیدہ تھا کہ ناکثین اپنے مقاصد کی تکمیل کیلئے عثمان کی خونخواہی کو صرف ایک بہانہ بنا رہے تھے لھذا ان کے بارے میں وہ کہتے تھے: "خدا کی قسم خود انہی کی علاوہ کوئی اور عثمان کا قاتل نہیں ہے۔"[25]

جب جنگ شروع ہوئی اور دونوں لشکر حملے کیلئے تیار ہوئے تو امام علیؐ نے محمد بن ابی بکر کو اپنے لشکر کے ایک گروہ کا کمانڈر بنایا۔ انہوں نے اس جنگ میں شجاعت کے جوہر دکھائے اور "ثور بن عدی" جو لشکر جمل کے کمانڈروں میں سے ایک تھا، کو ہلاک کیا۔[26] جنگ کے بعد انہوں نے جنگ میں شکست کھانے والوں کے ساتھ نہایت ہی انصاف سے برتاؤ کیا چنانچہ عبداللہ بن زبیر کو جو اس جنگ کے مسببین اور سرکردگان میں سے تھے اور میدان جنگ سے بچ نکلنے میں کامیاب ہوئے تھے، امام علیؑ کے پاس جا کر ان کی سفارش کی اور انہیں اپنی بہن عائشہ کے ہاں لے گئے۔[27] اس کے بعد امامؑ کے حکم سے اپنی بہن عائشہ کو نہایت ہی احترام کے ساتھ بصرہ کے دیگر چالیس عورتوں کے ساتھ مکہ پھر وہاں سے مدینہ لے گئے۔[28]

■ جنگ صفین میں ان کے خدمات
اگرچہ جنگ صفین شروع ہونے سے پہلے محمد بن ابی بکر امام علیؑ کی طرف سے مصر کی گورنری پر منصوب ہوئے تھے لیکن بعض قرائن و شواہد اس بات کے اوپر دلالت کرتی ہیں کہ محمد بن ابی‌بکر نے اس جنگ میں امام‌ؑ کے لشکر میں معاویہ کے خلاف جنگ لڑی ہے۔[29] امام صادقؑ سے منقول ایک حدیث میں آیا ہے کہ جنگ صفین میں قریش کے پانچ اشخاص امیرالمؤمنین حضرت علیؑ کے ہمراہ تھے کہ محمد بن ابی بکر ان میں سے ایک ہے۔[30]

آپ جنگ کے موقع پرحسنین (علیہماالسلام) کے ساتھ امام علیؑ کے رکاب میں جنگ لڑ رہے تھے اور آپؑ نے اپنی فوج کے پیادہ نظام یا دوسرے قول کی بنا پر آپ نے اپنی فوج کے میسرہ کی کمانڈ محمد بن ابی بکر کے سپرد فرمائی۔[31]

■ مصر کی گورنری
امام علیؑ نے ماہ رمضان‌ سنہ ۳۶ ہجری کو محمد بن ابی بکر کو مصر کی گورنری پر منصوب فرمایا۔[33] اکثر منابع اس بات پر متفق ہیں کہ محمد بن ابی بکر مالک اشتر سے پہلے مصر کی گورنری پر منصوب ہوئے تھے۔[34] مختلف تاریخی قرائن و شواہد کی رو سے پتہ چلتا ہے کہ مصر کی حکومت امام علیؑ کی دوران خلافت کے ابتدائی ایام میں قیس بن سعد بن عبادہ کے ہاتھ میں تھی پهر ان کے بعد یہ حکومت محمد بن ابی بکر کے پاس پہنچی اور جب ان پر مصر کی حکومت کو چلانا مشکل ہوا تو امام علیؑ نے محمد بن ابی بکر کی کمسنی اور ناپختگی کی شکایت کی وجہ سے مصر پر ایک قدرت مند اور تجربہ کار گورنر کو منصوب کرنے کا ارادہ فرمایا یوں آپ نے مالک اشتر کو مصر کی گورنری پر منصوب کر کے انہیں مصر کی طرف روانہ فرمایا۔[38] اگرچہ مالک اشتر مصر پہنچنے سے پہلے "قلزم" نامی جگہ پر معاویہ کے کارندوں کے ہاتھوں زہر سے شہید ہو گئے۔

📚 حوالہ جات
7۔ حسینی، سید حسن، مجلہ مشکوہ، شمارہ ۸۳، ص۶۱
8۔ ثقفی، الغارات، ج ۱، ص۲۲۶؛ ابن ابی الحدید، شرح نہج البلاغہ، ج ۳، ص۲۰۳.
9۔ مامقانی، تنقیح المقال، ج ۲، ص۵۷؛ طوسی، رجال الکشی، ص۶۴؛ مجلسی، بحارالأنوار، ج ۳۳، ص۵۸۵؛ شوشتری، قاموس الرجال، ج ۷، ص۴۹۶.
10۔ طبری، تاریخ الامم و الملوک، ج ۴، ص۸۳.
11۔ حرز الدین، مراقد المعارف، ج ۲، ص۲۴۶
12۔ نصر ابن مزاحم منقری، وقعۃ صفین، ص۱۱۸؛ ابن ابی الحدید، شرح نہج البلاغہ، ج ۲، ص۹۲.
13 نصر ابن مزاحم منقری، وقعۃ صفین، ص۱۱۸؛ بن ابی الحدید، شرح نہج البلاغہ، ج ۲، ص۹۲
14۔ ویلفرد مادلونگ، جانشینی حضرت محمد، ص۱۰۱.
24۔ خویی، معجم رجال الحدیث، ج۱۴، ص۲۳۰.
25۔ شیخ مفید، الجمل و النصرۃ سید العترۃ فی حرب البصرہ، ص۲۳۹
26۔ ابن اعثم، الفتوح، ص۴۳۴.
27۔ ابن اعثم، الفتوح، ص۴۲۷؛ ابن اثیر، الکامل فی التاریخ، ج ۴، ص۱۱.
28۔ الکامل فی التاریخ، ج ۴، ص۹
29۔ حمد بن علی کنانی، الاصابۃ فی تمییز الصحابہ، ج ۶، ص۱۵۲؛ قرطبی، الاستیعاب، ج ۳، ص۴۲۲
30۔ کشی، رجال کشی، ج۱، ص۲۸۱؛ تستری، قاموس الرجال، ج۹، ص۱۸؛ مامقانی، تنقیح المقال، ج۲، ص۵۷ خویی، معجم رجال الحدیث، ج۱۴، ص۲۳۰.
31۔ عسقلانی، تہذیب التہذیب، ج ۹، ص۷۰
33۔ ثقفی، الغارات، ج ۱، ص۲۲۴؛ طبری، تاریخ الامم و الملوک، ج۳، ص۵۵۶؛ بلاذری، انساب الاشراف، ج ۲، ص۳۹۳.
34۔ تاریخ ابن خلدون، ج ۱، ص۶۱۴؛ مقریزی، الخطط المقریزیہ، ج ۱، ص۸۲۸
38۔ سیوطی، حسن المحاضرۃ فی تاریخ مصر و القاہرہ، ج ۱، ص۵۸۳.

https://t.me/islamwitheman/3455
⭕ ISLAM WITH EMAN ⭕

❤️ فتحِ جنگ بدر مبارک ❤️

غزوہ بدر اسلام کی سب سے پہلی اور اہم ترین جنگ تھی جو ـ17 رمضان المبارک دو ہجری کو بدر کے مقام پر ـمسلمانوں اور مشرکین مکہ کے درمیان لڑی گئی۔ گرچہ اس جنگ میں مسلمانوں کی تعداد کافروں سے بہت کم تھی لیکن اس کے باوجود مسلمانوں نے شاندار کامیابی حاصل کی ۔ مسلمانوں کی فتح کے اسباب میں ایک اہم سبب مسلمانوں بالخصوص شیر خدا مولا علی مرتضی ع اور سید الشہداء حضرت حمزہ ع کی دلیرانہ جنگ تھی ۔اس جنگ میں چودہ مسلمان شہید ہوئے جبکہ قریش کے بہت سے سرکردہ افراد سمیت ستر مشرکین عرب مارے گئے جن میں سے پینتیس افراد حضرت علی مرتضے علیہ السلام کے ہاتھوں جہنم رسید ہوئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ بدر کا میدان تھا۔
رمضان کا مہینہ اور سخت پیاس کا عالم۔

عتبہ بن ربیعہ نے اپنا گھوڑا آگے بڑھایا۔ اس کے ہمراہ اس کا بھائی شیبہ بن ربیعہ اور بیٹا ولید بن عتبہ آگے بڑھے۔

عتبہ نے گونجدار آواز میں للکارا۔

تم میں سے کون سے تین بہادر ہیں جو ہم تین کا مقابلہ کریں؟

انصار مدینہ کے جوان یہ للکار سن کر پھڑک اٹھے۔انہوں نے کہا کہ ہم مقابلے کے لئے تیار ہیں۔

عتبہ نے ان سے ان کا حسب نسب پوچھا۔ ان کی بہادری کی تعریف کی۔ لیکن غرور سے بولا:

ہم اپنے برابر والوں سے لڑیں گے۔

یہ سن کر اصحاب بدر میں سے حضرت امیر حمزہ (سرکار نبی پاک صل اللہ علیہ وآلہ وسلم کے لاڈلے چچا) تلوار میان سے باہر نکال کر شیروں کی طرح میدان میں آئے۔ انہوں نے مولا علی کرم اللہ وجہہ (نبی پاک کے کزن، بیٹوں جیسے داماد) اور عبیدہ بن الحارث (رشتے میں نبی پاک کے چچا) کو آواز دی۔

یہ عرب کی روایتی لڑائی تھی۔

تین کے مقابلے میں تین۔

مقابلہ شروع ہوا۔ اور آن کی آن میں امیر حمزہ نے عتبہ کو ڈھیر کر دیا۔
مولا علی نے ولید بن عتبہ کو جہنم واصل کر دیا۔
اور عبیدہ بن الحارث نے شیبہ کو ہلاک کر دیا۔

عتبہ، شیبہ اور ولید بن عتبہ خطرناک جنگجوؤں کے طور پر مشہور تھے۔

لیکن آن کی آن میں سپاہ محمد کے شیروں نے ان خطرناک جنگجوؤں کا نشان تک مٹا دیا۔

آپ جانتے ہیں عتبہ بن ربیعہ، شیبہ بن ربیعہ اور ولید بن عتبہ کون تھے؟

ہندہ کا نام سنا ہو گا آپ نے؟

ہندہ بیٹی تھی عتبہ بن ربیعہ کی۔ بہن تھی ولید بن عتبہ کی۔ اور بھتیجی تھی شیبہ بن ربیعہ کی۔

ہندہ کے شوہر کا نام ابوسفیان
بیٹے کا نام امیر معاویہ
اور پوتے کا نام یزید تھا۔

یہ وہی ہندہ ہے جس نے بدر کی شکست کا بدلہ لینے کے لئے احد میں شہید ہونے والے امیر حمزہ کا کلیجہ چبایا تھا۔

اور اس کا پوتا یذید، جس پر دنیا بھر میں روزانہ لعنت بھیجی جاتی ہے، کربلا کے شہیدوں کے کٹے ہوئے سر دیکھ کر خوشی سے پھولے نہیں سماتا تھا کہ آج اس نے میدان بدر میں جہنم واصل ہونے والے عتبہ، شیبہ اور ولید بن عتبہ کے قتل کا بدلہ لے لیا۔

آج کل نوجوانوں کی اکثریت یزید کو غیر مسلم سمجھتی ہے۔ ان کے نزدیک وہ کافر تھا۔

حقیقت اس کے برعکس ہے۔ کفر بہت چھوٹا سا لفظ ہے۔

خلافت بنو امیہ کا دوسرا خلیفہ یذید تھا۔
بظاہر کلمہ گو تھا۔ اس کی فوج مسلمانوں کی فوج تھی۔ نمازیں، روزے، زکوۃ، حج سب وہی مسلمانوں والا۔ مسجدیں تھیں۔ نمازی تھے۔ قرآن کی تلاوت تھی۔

پھر فرق کیا تھا یذید اور امام عالی مقام میں؟

یہی فرق اگر ہمیں سمجھ آ جائے تو آج مسلمان دنیا بھر میں عروج حاصل کر لیں۔

نیابت و خلافت پھر سے مسلمانوں کو واپس مل جائے۔

یہ بہت بڑا نظریاتی محاذ ہے۔

یہ مسجد ضرار اور مسجد نبوی کے دو مختلف مکاتب فکر ہیں۔

یہ فرق کلمہ پڑھنے کا نہیں تھا۔ نمازوں کا نہیں تھا۔ قرآن کی تلاوت کا نہیں تھا۔ حج یا زکوۃ کا فرق نہیں تھا۔ یہ فرق تھا اسلام کی سماجی، سیاسی ، معاشی اور معاشرتی تشریح کا۔

یزیدیت ،اسلام اور قرآن کو اپنی مرضی کے مطابق استعمال کرنے کا نام ہے۔

حسینیت، اسلام اور قرآن کو اللہ کی مرضی کے مطابق مان لینے اور اس پر عمل کرنے کا نام ہے۔

یذیدیت، لاشوں کو کاٹنے، کلیجے چبانے، اور انسانی گوشت کا زیور بنانے کا نام ہے۔

حسینیت، عفو و درگزر کا نام ہے۔

یذیدیت، سراپا انتقام رہتی ہے۔
حسینیت، سراپا صبر و استقامت۔

فرق، مسجدوں کے محراب و منبر کا نہیں۔
فرق لباس اور داڑھیوں کا نہیں۔

فرق نطریاتی ہے۔

اب ہمیں طے کرنا ہے کہ ہم کس نظریے کے تحت قبر تک کا سفر طے کرتے ہیں۔

دونوں نطریات ساتھ ساتھ چلتے آ رہے ہیں۔ جیسے دھوپ چھاؤں۔

ہم نے طے کرنا ہے کہ ہم اسلام کی یذیدی تشریح کے مطابق ظالم بن کر زندہ رہیں گے یا حسینی تشریح کے مطابق زندگی بسر کریں گے اور ہر دور کے یذیدوں کے ظلم و ستم کا سامنا کریں گے۔

یاد رکھیں!
عتبہ، شیبہ اور ولید بن عتبہ کی ذہنیت کا جب بھی سامنا ہو، آپ کو امیر حمزہ، مولا علی اور عبیدہ بن الحارث بن کر میدان میں اترنا ہے۔

یہی کربلا ہے۔
یہی درس کربلا ہے۔

بشکریہ آفتاب علی بخاری

https://t.me/islamwitheman/3458
⭕ ISLAM WITH EMAN ⭕

🔷 17 رمضان المبارک یومِ جنگ بدر 🔷

🔸 ہجرت کے دوسرے سال، جمعہ کے دن جنگ عظیم بدر رونما ہوئی [ بحار الانوار، ج 19، ص325، ج97، ص168، ج18، ص380، الموسوعه الکبري فی غزوات النبی الاعظم صلّی اللَّه علیه و آله و سلّم: ج1، ص138، الوقایع و الحوادث، ج1، ص521- 216]

اس جنگ میں مسلمانوں کی تعداد 313 تھی اور شہداء کی تعداد 9 ، اور کفّار کی تعداد 950 تھی۔

🔹 کفّار کے مقتولین 70 افراد تھے اور 70 لوگوں کو مسلمانوں نے اسیر کیا۔ 70 لوگوں میں 35 کفار حضرت امیر المؤمنین علیہ السلام کے ہاتھوں سے قتل ہوئے [منتخب التواریخ، ص48 – 49؛ الوقایع و الحوادث، ج1، ص215 -216]

▫️ اس جنگ میں ابوجہل بھی قتل ہوا۔ [(نفائح العلام، ص 288، فیض العلام ص 37- 38]

ابوجہل ہشام بن مغیرہ مخزومی حضرت پیغمبر اکرم صلّی الله علیہ و آلہ کے سب سے سخت دشمنوں میں سے تھا۔

▪️ اس کا نام اگرچہ ہشام تھا لیکن بدکرداری اور بداخلاقی کی شدّت کی بنا پر اسے ابوجہل کی کنیّت سے یاد کیا جاتا تھا۔

ابو جہل وہ شخص تھا جس نے مکّہ میں رسول اکرم صلّی اللہ علیہ و آلہ و سلّم کو بے انتہا تکلیف پہونچائی ہے۔

اونٹ کی بچّہ دانی کو حضور صلّی اللہ علیہ و ّلہ و سلّم کے سر مبارک پر پھینکا، راکھ، مٹی کو آپ کے سر پر ڈالا، دندان مبارک پر پتھر مارا، آنحضرت پر جھوٹ اور دیوانگی کا بہتان باندھا، جناب عمّار یاسر کی والدہ جناب سمیّہ کو بے انتہا شکنجہ دینے کے بعد ران پر ایسا نیزہ مارا کہ شہید کردیا۔

🔸 جنگ بدر میں انصار میں دو بھائی (مَعاذ و مَعُوذ) نے چونکہ اس کے ذریعہ رسول گرامی صلّی اللہ علیہ و آلہ وسلّم کے اذیت پہونچائے جانے کی بات سن رکھی تھی اس کو قتل کرنے کا فیصلہ کیا

انہوں نے اس پر وار کیا تبھی دونوں بھائیوں میں ایک کا ہاتھ کٹ گیا اور کھال کے ساتھ لٹک گیا، اس نے جب دیکھا کہ اس کا ہاتھ ابوجہل اور اس کے ساتھیوں سے جنگ کرنے میں رکاوٹ بن رہا ہے تو اسے اپنے پیر کے نیچے دبایا اور تیزی سے اپنے جسم سے الگ کردیا اس کے بعد ابوجہل کو زمین پر گرادیا۔

جنگ کے بعد پیغمبر صلّی اللہ علیہ و آلہ نے فرمایا:

«کوئی ابوجہل کی خبر لائے»

🔹 عبدالله بن مسعود گئے اور اس کے سینے پر اپنا پیر رکھا، ابوجہل کو ہوش آگیا اور کہتا ہے:

بہت بلند جگہ پر تو نے پیر رکھا ہے، اے کاش میرا قاتل کاشت کار نہ ہوتا (انصار کی طرف کنایہ تھا)۔

عبدالله بن مسعود نے اسکے سر کو تن سے جدا کیا اور نبی اکرم صلّی اللہ علیہ و آلہ و سلّم کے پاس لائے اور سامنے ڈال دیا۔

پیغمبر صلّی الله علیہ و آلہ نے خدا کا شکر ادا کیا [منتخب التواریخ، ص47- 49؛ الوقایع و الحوادث، ج1، ص215 -216]

اور خدا نے پیغمبر اکرم صلّی اللہ علیہ و آلہ و سلّم پر اپنی نصرت نازل فرمائی، آنحضرت نے فرمایا:

🌹 آج عید کا دن ہے خدا نے جو اہل ایمان کو نعمت سے نوازا ہے اس پر شکر ادا کرنا چاہئے۔ [مصباح کفعمی، ج2، ص599؛. بحار الانوار، ج 97، ص 383]

📚 تقویم شیعه، عبدالحسین نیشابوري، 247۔

https://t.me/islamwitheman/3458
⭕ ISLAM WITH EMAN ⭕

🌺 شب قدر کی فضیلت 🌺

قدر لغت میں اندازہ اور اندازہ گیری کے معنی میں استعمال ہوا ہے۔
تقدیر کے معنی بھی اندازہ گیری اور معین کرنے کے ہیں۔

اصطلاح میں قدر جہان کی خصوصیت اور ہر اس چیز کے وجود کو کہ اس کی خلقت کیسے ہوئی ہے کے معنی میں استعمال ہوا ہے۔

دوسرے جملوں میں اندازہ و ہر چیز کے وجود کو مشخص کرنے کو قدر کہا جاتا ہے۔

باقری جوراسی نے فرمایا :
حکمت الٰہی کی بناء پر اس نظام خلقت میں ہر چیز ایک خاص اندازہ رکھتی ہے اور کوئی چیز بھی بغیر حساب و کتاب کے نہیں ہے بلکہ یہ جہان قانون ریاضی کی بنیاد پر منظم ہے اور حساب و کتاب رکھتی ہے۔ اور ماضی حال مستقبل آپس میں ارتباط رکھتے ہیں۔

جناب شھید مطھری قدر کی تعریف کو یوں بیان کرتے ہیں: قدر کے معنی اندازہ اور معین کے ہیں۔

اس جہان میں جتنے بھی حادثات اور واقعات رونما ہوتے ہیں انکی مقدار جگہ اور وقت معین ہے یہ سب خدا کی قدرت سے ہے۔

خداوندعالم کا ارشاد ہے:
"والذی قدّر فھدی" (سورہ اعلی:3)

جو اس بات پر دلالت کرتی ہے کہ تقدیر لکھنے والا اور ہدایت کرنے والا خدا ہے۔

چونکہ انسان وہ مخلوق ہے جو ارادہ اور اختیار رکھتی ہے۔ لہذا سعادت اور شقاوت کے راستہ کا انتخاب بھی اسی کے ارادہ و اختیار پر منحصر ہے۔ اسی لئے شب قدر میں انسان کے سال بھر کے آیندہ کے اعمال کو دیکھتے ہوئے اس کی تقدیر لکھی جاتی ہے۔

شب قدر ماہ رمضان کے آخری ایام کی راتوں میں سے ایک رات ہے۔

روایتوں کے مطابق شب قدر٬ انیسویں یا اکیسویں یا تئیسویں ماہ رمضان کی شب ہے۔ اور اس رات کی بہت فضیلت ہے کیونکہ اس رات میں قرآن کریم نازل ہوا ہے۔

شب قدر میں انسان کی نیکی٬ برائی٬ ولادت٬ موت٬ رزق٬ حج٬ اطاعت٬ گناہ٬ خلاصہ یہ کہ جتنے بھی افعال اور واقعات اس سال میں اس کے اختیار سے انجام پائینگے وہ سب اسکی قسمت میں لکھ دیئے جاتے ہیں۔
(کافی٬ ج 4، ص157)

قدر کی رات ہر سال اور ہمیشہ آتی ہے اس رات میں عبادت کی فضیلت بیشمار ہے اس رات کو عبادت اور توبہ استغفار کی حالت میں گزارنا٬ سال بھر کی اچھی تقدیر لکھے جانے میں مؤثر ہے۔

اس رات میں آیندہ سال کے تمام امور٬ امام زمانہ کی خدمت میں پیش کئے جاتے ہیں اور وہ اپنی و دوسروں کی تقدیر سے باخبر ہوتے ہیں۔

انہوں نے حدیث بیان کرتے ہوئے کہا: امام باقر علیہ السلام فرماتے ہیں:
"انہ ینزل فی لیلة القدر الی ولی الامر تفسیر سنةً سنةً یو مر فی امر نفسہ بکذا و کذا و فی امر الناس بکذا و کذا۔"

شب قدر میں ولی امر ( امام زمانہ) کی خدمت میں سال بھر کے کاموں کی تفصیل پیش ہوتی ہیں وہ اپنے اور دوسرے لوگوں کے امور میں حکم دینے پر ما مور ہوتے ہیں۔

امام باقر علیہ السلام اس آیہ "انّا انزلناہ فی لیلة مبارکة" کے معنی کے جواب میں فرماتے ہیں۔

شب قدر وہ رات ہے جو ہر سال ماہ رمضان کی آخری تاریخوں میں اجاگر ہوتی ہے یہ وہ شب ہے جس میں نہ صرف قرآن نازل ہوا ہے بلکہ خداوندعالم نے اس رات کے لئے فرمایا ہے۔۔

فیھا یفرق کل امر حکیم... اس قدر کی رات میں ہر وہ حادثہ اور امور جو سال بھر میں ظاہر ہوگا جیسے نیکی برائی اطاعت اور معصیت یا وہ اولاد جسکو پیدا ہونا ہے یا وہ موت جو آئیگی یا وہ رزق جو ملے گا سب کے سب تقدیر میں لکھ دیئے جاتے ہیں۔

اسی بناء پر قرآن کریم میں شب قدر اور تقدیر الہٰی کی جانب خاص توجہ پائی جاتی ہے کہ جو خصوصیت جہان اور انسان کے رابطہ کو خدا سے بیان کرتی ہے اگر ہر شخص اس رابطہ پر عقیدہ رکھے اور اسی کے مطابق حرکت کرے تو اسکی سال بھر کی تقدیر لکھے جانے میں زیادہ مؤثر ہوگی۔ 

روایتوں سے ظاہر ہوتا ہے کہ شب قدر پیغمبراکرمؐ کی رسالت کے دوران سے اختصاص نہیں رکھتی ہے بلکہ گذشتہ زمانہ میں بھی اسکا وجود تھا۔

علامہ مجلسیؒ امام محمد تقیؑ سے نقل کرتے ہیں کہ آپ نے فرمایا ہے:
(...لقد خلق اللہ تعالی لیلةاقدر اول ما خلق الدنیا ولقد خلق فیھا اول نبی یکون واول وصی یکون...)
خداوند نے شب قدر کو اس دنیا کی خلقت کے آغاز میں خلق کیا ہے اور اسی شب میں اس نے اپنے پہلے نبی اور وصی کو قرار دیا ہے.

دوسری جانب رسول اکرمؐ کا ارشاد ہے۔۔
ان اللہ وھب لامتی لیلة القدر لم یعطھا من کان قبلہم۔
خدوندعالم نے میری امّت کو شب قدر کی نعمت سے نوزا ہے جبکہ پہلے والی امّتوں کو یہ نعمت عطا نہیں ہوئی تھی۔
ان دونوں روایتوں کو جمع کریں تو یہ بات واضح ہو جاتی ہے کہ شب قدر کا وجود پہلے سے تھا لیکن اسکی فضیلتوں کو خداوند نے امّت اسلام سے مخصوص کر دیا جو پہلے والی امّتوں کو عطا نہیں ہوئی تھیں.

https://t.me/islamwitheman/3461
⭕ ISLAM WITH EMAN ⭕

🌺 شب قدر کی شان 🌺

شب قدر كی رات کو بيدار ره كر عبادت كرنے کی بہت زياده فضيلت بيان كی گئی هے۔

مناسب آيات و روايات:

لَيْلَةُ الْقَدْرِ خَيْرٌ مِنْ أَلْفِ شَهْرٍ۔
شب قدر ہزار مہینوں سے بہتر ہے..
(سورةالقدر:٣)

پيامبر اکرمؐ۔۔
مَن أحيی لَيلَةَ القَدرِ حُوِّلَ عَنهُ العَذابُ إلَی السَّنَةِ القابِلَةِ.
ترجمه:
پيغمبر اكرمؐ نے فرمايا: جو بھی شب قدر كو زندہ ركھے گا تو آيندہ سال تک عذاب اس سے اٹھا ليا جائیگا-
(اقبال الاعمال، ج۱، ص۳۹۵)

پيامبر اکرمؐ۔۔
مَن قامَ لَيلَةَ القَدرِ إيماناً وَ احتِساباً ، غُفِرلَهُ ما تَقَدَّمَ مِن ذَنبِهِ.
ترجمه:
پيغمبر اكرمؐ نے فرمايا: جو بھی ايمان اور ثواب كی خاطر شب قدر كو عبادت كے ساتھ گزارے گا، اس كے گذشتہ تمام گناہ معاف ہوجائیں گے.
(فضاﺋل الاشھر الثلاثہ، ص۱۳۲)

امام صادق‏ عليه السلام۔۔
قَلبُ شَهرِ رَمَضانَ لَيلَةُ القَدرِ.
ترجمه:
امام صادقؑ نے فرمايا: شب قدر ماہ مبارک رمضان كا دل ہے-
(بحارالأنوار، ج۵۸، ص۳۷۶)

امام صادق ‏عليه السلام۔۔
مَن عَرَفَ فاطِمَةَ حَقَّ مَعرِفَتِها فَقَد أدرَكَ لَيلَةَ القَدرِ.
ترجمه:
امام صادقؑ نے فرمايا: جس نے فاطمہؑ كی حقيقتاً معرفت حاصل كرلی ہے، بیشک اس نے شب قدر كو پاليا.
(بحارالأنوار، ج۴۳، ص۶۵)

امام صادق ‏عليه السلام۔۔
التَّقديرُ فی لَيلَةِ تِسعَ عَشرَةَ و الإبرامُ فی لَيلَةِ إحدی و عِشرينَ و الإمضاءُ فی لَيلَةِ ثلاثَ و عِشرينَ.
ترجمه:
امام صادقً نے فرمايا: تقديرات كی تعيين انيسویں كی، ان كی تاييد اكيسویں اور ان پر دستخط تئیسویں كی رات كو ہوتے ہیں۔
(الكافی، ج۴، ص۱۵۹)

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ.

https://t.me/islamwitheman/3464
⭕ ISLAM WITH EMAN ⭕

🌺 شبِ قدر اور حضرت موسیٰؑ 🌺

✨پیغمبر اکرم (ص) کی ایک طولانی حدیث میں ہے کہ حضرت موسیٰؑ نےخدا سے عرض کیا:

🔹خدایا! تیری قربت چاہتا ہوں، جواب آیا: میری قربت، شب قدر کی بیداری میں ہے.

🔸عرض کیا: پروردگار! تیری رحمت چاہتا ہوں، جواب آیا: میری رحمت شب قدر میں مساکین پر رحم کرنے میں ہے.

🔹عرض کیا: خدایا! پل صراط سے گزرنے کا اجازت نامہ چاہتا ہوں، جواب آیا: پل صراط سے گزرنے کی اجازت کا راز شب قدر میں صدقہ دینے میں ہے.

🔸عرض کیا: پروردگار! جنت اور اس کی نعمتیں چاہتا ہوں، جواب آیا: اُن تک رسائی شب قدر میں تسبیح کرنے کےبدلے میں حاصل ہوتی ہے.

🔹عرض کیا: اے خدا! دوزخ کی آگ سے نجات چاہتا ہوں، جواب آیا: دوزخ سے نجات حاصل کرنے کا راز شب قدر میں استغفار کرنے میں ہے.

🔸آخر میں عرض کیا: اے الله! تیری رضا چاہتا ہوں، جواب آیا: میری رضا اس کے شامل حال ہو گی جو شب قدر میں دو رکعت نماز پڑھے.

📗 وسائل الشیعہ، ج 8، ص 20
✍ معارف الفرقان-392/1

https://t.me/islamwitheman/3465
⭕ ISLAM WITH EMAN ⭕

🌺 کونسی رات شب قدر؟ 🌺

روایات میں ذکر ہے کہ شب قدر ماہ رمضان کی آخری دس راتوں میں سے ہے۔

🌺 حضرت امام صادق علیه السلام فرماتے ہیں:
« جب ماہ رمضان کا آخری عشرہ ہوتا تھا پیغمبر اکرم(ص ) پورے وقت کو عبادت خداوند سے مخصوص کردیا کرتے تھے اور راتوں کو جاگا کرتے تھے(احیا کرتے تھے »
📚الکافی ج4 ص155


🌺 حضرت علی علیه السلام فرماتے ہیں:
« شب قدر کو ماہ رمضان کی آخری دس راتوں میں تلاش کرو۔ »
📚مستدرک الوسائل ج7 ص469

❕ماہ رمضان کی آخری دس راتوں میں بھی تین راتوں پر زیادہ توجہ دی گئی ہے۔ اور شاید شب قدر انہیں راتوں میں سے ایک ہو اور تیں راتیں انیسویں، اکیسویں اور تئیسویں شب ماہ رمضان ہیں۔


🌺 حضرت امام صادق علیه السلام فرماتے ہیں:
« تقدیر مقدرات انیسویں شب اور انکی تثبیت اکیسویں شب میں اور اس پر مہر لگانا اور یقینی بنانا تئیسویں شب میں ہوتا ہے۔ »
📚الکافی ج4 ص159

🌺 دوسری روایت میں فرمایا:
« اگر ہوسکے تو انیسویں، اکیسویں، اور تئیسویں شب ماہ رمضان میں غسل انجام دو کیونکہ امید ہے انہیں راتوں میں سے ایک شب قدر ہو۔»
📚فضائل الاشهر الثلاثہ ص103

🌺 راوی کہتا ہے حضرت امام صادق علیه السلام سے شب قدر کے سلسلہ میں سوال کیا. آپ علیه السلام فرمایا:
« شب قدر کو ماہ رمضان کی انیسویں، اکیسویں اور تئیسویں راتوں میں تلاش کرو۔»
📚مجمع البیان ج5 ص519

🌺 اور فرمایا:
« ماہ رمضان کی تین راتوں میں (جس میں شب قدر ہونے کا زیادہ احتمال ہے ) قرآن کو کھولو اور اپنے سامنے لاو اور کہو « اللهم انی اسالک بکتابک المنزل و ما فیه و فیه اسمک الاکبر و اسماءک الحسنی و ما یخاف و یرجی ان تجعلنی من عتقائک من النار »
📚بحار الانوار ج97 ص4

❕ان تین راتوں میں سے اکیسویں اور تئیسویں شب زیادہ اہمیت کی حامل ہیں۔

🌺 حضرت امام صادق علیه السلام فرماتے ہیں:
« شب قدر کو اکیسویں اور تئیسویں رات میں تلاش کرو۔ »
📚الکافی ج4 ص156

🌺 اور فرمایا:
« شب قدر ،اکیسویں یا تئیسویں شب ہے کتنا آسان ہے دو راتیں ان چیزوں کے واسطے جسے تم چاہتے ہو۔»
📚الکافی ج4 ص156

🌺 ایک دوسری روایت میں آیا ہے ؛
« حضرت امام باقر علیه السلام جب اکیسویں اور تئیسویں شب ہوتی تھی پوری رات دعا فرماتے تھے۔»
📚الکافی ج4 ص155

❕ان دونوں راتوں میں بھی تئیسویں رات کو شب قدر کے عنوان سے جانا گیا ہے۔

❕راوی نے حضرت امام صادق علیه السلام سے شب قدر کے بارے میں سوال کیا۔
امام نے فرمایا انیسویں، اکیسویں اور تئیسویں شب۔

❔راوی نے سوال کیا: اگر کسی عذر کی بنا پر تینوں راتوں سے استفادہ نہ کرسکوں تو کیا کروں اور کس رات کو زیادہ اہمیت دوں؟

امام (ع ) نے فرمایا: تئیسویں رات۔
📚الفقیه ج2 ص160

👌و فرمایا :
« اگر مذکورہ راتوں میں شب بیداری کی قوت نہ ہو تو کوشش کرو تئیسویں رات کی شب بیداری نہ چھوٹنے پائے۔»
📚وسائل الشیعه ج10 ص358

🌺 پیغمبر(ص ) نے فرمایا :
« شب قدر، ماہ رمضان کی تئیسویں رات ہے۔»
📚اقبال الاعمال ص207

❕جب تئیسویں رات ہوتی تھی پیغمبر اکرم(ص ) اپنے اہل خانہ پر پانی چھڑکتے تھے تاکہ وہ اس رات کی شب بیداری سے غافل نہ رہیں۔
📚اقبال الاعمال ص207

🌺 دوسری روایت میں ہے:
« حضرت امام صادق علیه السلام بیمار تھے اس کے باوجود حکم فرمایا کہ تئیسویں شب رمضان میں آپ(ع ) کو مسجد لے جایا جائے۔»
📚امالی طوسی ج2 ص289

❕علامه مجلسی لکھتے ہیں:
« اکثر معتبر روایات اس بات پر دلالت کرتی ہیں کہ ماہ رمضان کی تئیسویں شب، شب قدر ہے۔»
📚زاد المعاد ص187

🌺 شیخ صدوق بھی لکھتے ہیں:
«ہمارے علماء اور بزرگان اس پر متفق ہیں کہ شب قدر، ماہ رمضان کی تئیسویں رات ہے۔»
📚الخصال ج2 ص519۔

https://t.me/islamwitheman/3461
⭕ ISLAM WITH EMAN ⭕

🌺 شبھائ ﻗﺪﺭ کے مشترکہ اعمال 🌺

📖 شبهائے قدر کے ﻣﺸﺘﺮﮐﮧ اعمال ﻣﯿﮟ ﭼﻨﺪ ﺍﻣﻮﺭ ﮨﯿﮟ. جو درج ذیل ہیں:

🌺1- غسل ﮐﺮﻧﺎ ﺍﻭﺭ ﻋﻼﻣﮧ ﻣﺠﻠﺴﯽؒ ﮐﺎ ﻓﺮﻣﺎﻥ ﮨﮯ ﮐﮧ ﻏﺮﻭﺏ ﺁﻓﺘﺎﺏ ﮐﮯ ﻧﺰﺩﯾﮏ ﻏﺴﻞ ﮐﯿﺎ ﺟﺎﺋﮯ ﺍﻭﺭ ﻧﻤﺎﺯ ﻣﻐﺮﺏ ﺍﺳﯽ ﻏﺴﻞ کیساتھ ﺍﺩﺍ کیجاﺋﮯ۔

🌺2- ﺩﻭﺭﮐﻌﺖ ﻧﻤﺎﺯ ﺑﺠﺎﻻﺋﮯ جسکی ﮨﺮﺭﮐﻌﺖ ﻣﯿﮟﺳﻮﺭہ ﺍﻟﺤﻤﺪ ﮐﮯ ﺑﻌﺪ ﺳﺎﺕ ﻣﺮﺗﺒﮧ ﺳﻮﺭہ ﺗﻮﺣﯿﺪ ﭘﮍﮬﮯ، ﺑﻌﺪﺍﺯ ﻧﻤﺎﺯ ﺳﺘﺮ ﻣﺮﺗﺒﮧ ﮐﮩﮯ:
ﺍَﺳْﺘَﻐْﻔِﺮُﺍﷲ ﻭَﺍَﺗُﻮْﺏُ ﺍِﻟَﯿْﮧِ.
ﺧﺪﺍ ﺳﮯ ﺑﺨﺸﺶ ﭼﺎﮨﺘﺎ ﮨﻮﮞ ﺍﻭﺭ ﺍسکے ﺣﻀﻮﺭ ﺗﻮﺑﮧ ﮐﺮﺗﺎﮨﻮﮞ۔

ﺣﻀﺮﺕ ﺭﺳﻮﻝ اکرمؐ ﺳﮯ ﻣﺮﻭﯼ ﮨﮯ ﮐﮧ ﺍﺑﮭﯽ ﻭﮦ ﺷﺨﺺ ﺍﭘﻨﯽ ﺟﮕﮧ ﺳﮯ ﺍﭨﮭﺎ ﺑﮭﯽ ﻧﮧ ﮨﻮﮔﺎ ﮐﮧ ﺣﻖ ﺗﻌﺎﻟﯽٰ ﺍسکے ﺍﻭﺭ ﺍسکے ﻣﺎﮞ ﺑﺎﭖ ﮐﮯ ﮔﻨﺎﮦ ﻣﻌﺎﻑ ﮐﺮﺩﮮ ﮔﺎ۔

🌺3- ﻗﺮﺁﻥ ﮐﺮﯾﻢ ﮐﻮ ﮐﮭﻮﻝ ﮐﺮ ﺍﭘﻨﮯ ﺳﺎﻣﻨﮯ ﺭﮐﮭﮯ ﺍﻭﺭ ﮐﮩﮯ:
ﺍَﻟﻠّٰﮭُﻢَّ ﺇﻧِّﯽ ٲَﺳْٲَﻟُﮏَ ﺑِﮑِﺘﺎﺑِﮏَ ﺍﻟْﻤُﻨْﺰَﻝِ ﻭَﻣَﺎﻓِﯿﮧ ِﻭَﻓِﯿﮧِﺍﺳْﻤُﮏَﺍﻟْﺎَﮐْﺒَﺮُ ﻭَٲَﺳْﻤﺎﺅُﮎَ ﺍﻟْﺤُﺴْﻨﯽٰ ﻭَﻣَﺎ ﯾُﺨﺎﻑُ ﻭَﯾُﺮْﺟﯽٰ ٲَﻥْ ﺗَﺠْﻌَﻠَﻨِﯽ ﻣِﻦ ْﻋُﺘَﻘﺎﺋِﮏَ ﻣِﻦَ ﺍﻟﻨّﺎﺭِ۔
ﺍﮮ ﻣﻌﺒﻮﺩ! ﺑﮯ ﺷﮏ ﺳﻮﺍﻝ ﮐﺮﺗﺎ ﮨﻮﮞ ﺗﯿﺮﯼ ﻧﺎﺯﻝ ﮐﺮﺩﮦ ﮐﺘﺎﺏ ﮐﮯ ﻭﺍﺳﻄﮯ ﺳﮯ ﺍﻭﺭ ﺟﻮ ﮐﭽﮫ ﺍﺱ ﻣﯿﮟ ﮨﮯ ﺍﺱ ﮐﮯ ﻭﺍﺳﻄﮯ ﺍﻭﺭ ﺍﺱ ﻣﯿﮟ ﺗﯿﺮﺍ ﺑﺰﺭﮔﺘﺮ ﻧﺎﻡ ﮨﮯ. ﺍﻭﺭ ﺗﯿﺮﮮ ﺩﯾﮕﺮ ﺍﭼﮭﮯ ﺍﭼﮭﮯ ﻧﺎﻡ ﺑﮭﯽ ﮨﯿﮟ ﺍﻭﺭ ﻭﮦ ﺟﻮﺧﻮﻑ ﻭﺍﻣﯿﺪ ﺩﻻﺗﺎ ﮨﮯ ﺳﻮﺍﻟﯽ ﮨﻮﮞ ﮐﮧ ﻣﺠﮭﮯ ﺍﻥ ﻣﯿﮟ ﻗﺮﺍﺭ ﺩﮮ ﺟﻦ ﮐﻮ ﺗﻮﻧﮯ ﺁﮒ ﺳﮯ ﺁﺯﺍﺩ ﮐﺮ ﺩﯾﺎ ﺍﺱ ﮐﮯ ﺑﻌﺪ ﺟﻮ ﺣﺎﺟﺖ ﭼﺎﮨﮯ ﻃﻠﺐ ﮐﺮﮮ.

🌺4- ﻗﺮﺁﻥ ﭘﺎﮎ ﮐﻮ ﺍﭘﻨﮯ ﺳﺮﭘﺮ ﺭﮐﮭﮯ ﺍﻭﺭ ﮐﮩﮯ:

ﺍَﻟﻠّٰﮭُﻢَّ ﺑِﺤَﻖِّ ﮨﺬَﺍ ﺍﻟْﻘُﺮْﺁﻥِ ﻭَﺑِﺤَﻖِّ ﻣَﻦْ ٲَﺭْﺳَﻠْﺘَﮧُ ﺑِﮧِ ﻭَﺑِﺤَﻖِّ ﮐُﻞِّﻣُﺆْﻣِﻦٍ ﻣَﺪَﺣْﺘَﮧُ ﻓِﯿﮧِ ﻭَﺑِﺤَﻘِّﮏَ ﻋَﻠَﯿْﮭِﻢْ ﻓَﻼَ ٲَﺣَﺪَ ٲَﻋْﺮَﻑُ ﺑِﺤَﻘِّﮏَ مِنْکَ.

ﺍﮮ ﻣﻌﺒﻮﺩ! ﺍﺱ ﻗﺮﺁﻥ کیوﺍﺳﻄﮯ ﺍﻭﺭ ﺍسکے ﻭﺍﺳﻄﮯ ﺟﺴﮯ ﺗﻮﻧﮯ ﺍﺱ کیساتھ ﺑﮭﯿﺠﺎ ﺍﻭﺭ ﺍﻥ ﻣﻮﻣﻨﯿﻦ ﮐﮯ ﻭﺍﺳﻄﮯ ﺟﻦ ﮐﯽ ﺗﻮﻧﮯ ﺍﺱ ﻣﯿﮟ ﻣﺪﺡ ﮐﯽ ﮨﮯ. ﺍﻭﺭ ﺍﻥ ﭘﺮ ﺗﯿﺮﮮ ﺣﻖ ﮐﺎ ﻭﺍﺳﻄﮧ ﭘﺲ ﮐﻮﺋﯽ ﻧﮩﯿﮟ ﺟﺎﻧﺘﺎ ﺗﯿﺮﮮ ﺣﻖ ﮐﻮ ﺗﺠﮫ ﺳﮯ ﺑﮍﮪ ﮐﺮ.

اور بعد میں دس مرتبہ کہے:
بِکَ یَااللَّه (ﺍﮮ ﺍﷲ ﺗﯿﺮﺍ ﻭﺍﺳﻄﮧ)

دس مرتبه: ﺑِﻤُﺤَﻤَّﺪٍ (محمدؐ کا واسطہ)

ﺩﺱ ﻣﺮﺗﺒﮧ: ﺑِﻌَﻠِﯽٍّ (علیؑ کا واسطہ)

ﺩﺱ ﻣﺮﺗﺒﮧ: بِفَاطِمَۃ (فاطمہؐ کا واسطہ)

ﺩﺱ ﻣﺮﺗﺒﮧ: ﺑِﺎﻟْﺤَﺴَﻦِ (حسنؑ کا واسطہ)

ﺩﺱ ﻣﺮﺗﺒﮧ: ﺑِﺎﻟْﺤُﺴَﯿْﻦ (حسینؑ کا واسطہ)

ﺩﺱ ﻣﺮﺗﺒﮧ: ﺑِﻌَﻠِﯽِّ ﺑْﻦِ ﺍﻟْﺤُﺴَﯿْﻦ

ﺩﺱ ﻣﺮﺗﺒﮧ: ﺑِﻤُﺤَﻤَّﺪِ ﺑْﻦِ ﻋَﻠِﯽِّ

ﺩﺱ ﻣﺮﺗﺒﮧ: ﺑِﺠَﻌْﻔَﺮِ ﺑْﻦِ ﻣُﺤَﻤَّﺪٍ

ﺩﺱ ﻣﺮﺗﺒﮧ: ﺑِﻤُﻮﺳَﯽٰﺑْﻦِ ﺟَﻌْﻔَﺮٍ

ﺩﺱ ﻣﺮﺗﺒﮧ: ﺑِﻌَﻠِﯽِّ ﺑْﻦِ ﻣُﻮﺳٰﯽ

ﺩﺱ ﻣﺮﺗﺒﮧ: ﺑِﻤُﺤَﻤَّﺪِﺑْﻦِ ﻋَﻠِﯽ

ﺩﺱ ﻣﺮﺗﺒﮧ: ﺑِﻌَﻠِﯽِّ ﺑْﻦِ ﻣُﺤَﻤَّﺪٍ

ﺩﺱ ﻣﺮﺗﺒﮧ: ﺑِﺎﻟْﺤَﺴَﻦِ ﺑْﻦِ ﻋَﻠِﯽٍّ

ﺩﺱ ﻣﺮتبہ: بِالْحُجَّۃِ

ﭘﮭﺮﺍﭘﻨﯽ ﺣﺎﺟﺎﺕ ﻃﻠﺐ ﮐﺮیں.

🌺5- ﺍﻣﺎﻡ ﺣﺴﯿﻦؑ ﮐﯽ ﺯﯾﺎﺭﺕ ﭘﮍﮬﮯ، ﺭﻭﺍﯾﺖ ﮨﮯ ﮐﮧ ﺷﺐ ﻗﺪﺭ ﻣﯿﮟ ﺳﺎﺗﻮﯾﮟ ﺁﺳﻤﺎﻥ ﭘﺮ ﻋﺮﺵ ﮐﮯ ﻧﺰﺩﯾﮏ ﺍﯾﮏ ﻣﻨﺎﺩﯼ ﻧﺪﺍ ﺩﯾﺘﺎ ﮨﮯ ﮐﮧ ﺣﻖ ﺗﻌﺎﻟﯽٰ ﻧﮯ ﮨﺮ ﺍﺱ ﺷﺨﺺ ﮐﮯ ﮔﻨﺎﮦ ﻣﻌﺎﻑ ﮐﺮ ﺩﺋﯿﮯ ﺟﻮ ﺯﯾﺎﺭﺕ ﺍﻣﺎﻡ ﺣﺴﯿﻦؑ کیلئے ﺁﯾﺎ ﮨﮯ۔

🌺6- ﺷﺐ ﺑﯿﺪﺍﺭﯼ ﮐﺮﮮ ﯾﻌﻨﯽ ﺍﻥ ﺭﺍﺗﻮﮞ ﻣﯿﮟ ﺟﺎﮔﺘﺎ ﺭﮨﮯ.
ﺭﻭﺍﯾﺖ ﮨﮯ ﮐﮧ ﺟﻮ ﺷﺨﺺ ﺷﺐ ﻗﺪﺭ ﻣﯿﮟ ﺟﺎﮔﺘﺎ ﺭﮨﮯ ﺗﻮ ﺍسکے ﮔﻨﺎﮦ ﻣﻌﺎ ﻑ ﮨﻮﺟﺎﺋﯿﮟ ﮔﮯ۔ ﺍﮔﺮﭼﮧ ﻭﮦ ﺁﺳﻤﺎﻧﻮﮞ ﮐﮯ ﺳﺘﺎﺭﻭﮞ، ﭘﮩﺎﮌﻭﮞ ﮐﯽ ﺟﺴﺎﻣﺖ ﺍﻭﺭ ﺩﺭﯾﺎﺋﻮﮞ ﮐﮯ ﭘﺎﻧﯽﺟﺘﻨﮯ ﮨﻮﮞ۔

🌺7- ﺳﻮ ﺭﮐﻌﺖ ﻧﻤﺎﺯ ﺑﺠﺎﻻﺋﮯ ﺟﺴﮑﯽ ﺑﮩﺖ ﺯﯾﺎﺩﮦ ﻓﻀﯿﻠﺖ ﮨﮯ. ﺍﺱ ﮐﯽ ﮨﺮﺭﮐﻌﺖ ﻣﯿﮟ ﺳﻮﺭہ ﺍﻟﺤﻤﺪ ﮐﮯ ﺑﻌﺪ ﺩﺱ ﻣﺮﺗﺒﮧ ﺳﻮﺭہ ﺗﻮﺣﯿﺪ ﮐﺎ ﭘﮍﮬﻨﺎ ﺍﻓﻀﻞ ﮨﮯ۔

🌺8- ﺷﺐ ﻗﺪﺭ ﮐﯽ ﺭﺍﺗﻮﮞ ﻣﯿﮟ ﯾﮧ ﺩﻋﺎ ﭘﮍﮬﮯ:
ﺍَﻟﻠّٰﮭُﻢَّ ﺇﻧِّﯽ ٲَﻣْﺴَﯿْﺖُ ﻟَﮏَ ﻋَﺒْﺪﺍً ﺩﺍﺧِﺮﺍً ﻻَ ٲَﻣْﻠِﮏُ ﻟِﻨَﻔْﺴِﯽ ﻧَﻔْﻌﺎًﻭَﻻ ﺿَﺮّﺍً ﻭَﻻٲَﺻْﺮِﻑُ ﻋَﻨْﮩﺎ ﺳُﻮﺉً، ٲَﺷْﮭَﺪُ ﺑِﺬﻟِﮏَ ﻋَﻠَﯽ ﻧَﻔْﺴِﯽ، ﻭَٲَﻋْﺘَﺮِﻑُ ﻟَﮏَﺑِﻀَﻌْﻒِ ﻗُﻮَّﺗِﯽ، ﻭَقِلَّةِ ﺣِﯿﻠَﺘِﯽ، ﻓَﺼَﻞِّ ﻋَﻠَﯽ ﻣُﺤَﻤَّﺪٍ ﻭَﺁﻝِ ﻣُﺤَﻤَّﺪٍ ﻭَٲَ ﻧْﺠِﺰْ ﻟِﯽ ﻣَﺎ
ﻭَﻋَﺪْﺗَﻨِﯽ ﻭَﺟَﻤِﯿﻊَ ﺍﻟْﻤُﺆْﻣِﻨِﯿﻦَ ﻭَﺍﻟْﻤُﺆْﻣِﻨﺎﺕِ ﻣِﻦَ ﺍﻟْﻤَﻐْﻔِﺮَۃِ ﻓِﯽ ﮨﺬِﮦِ ﺍلْلَیْلَةِ ﻭَٲَﺗْﻤِﻢْ ﻋَﻠَﯽَّ ﻣَﺎﺁﺗَﯿْﺘَﻨِﯽفَاِﻧِّﯽ ﻋَﺒْﺪُﮎَﺍﻟْﻤِﺴﮑِﯿﻦُﺍﻟْﻤُﺴْﺘَﮑِﯿﻦُ ﺍﻟﻀَّﻌِﯿﻒُ ﺍﻟْﻔَﻘِﯿﺮُ ﺍﻟْﻤَﮭِﯿﻦُ ۔
ﺍَﻟﻠّٰﮭُﻢَّ ﻻَ ﺗَﺠْﻌَﻠْﻨِﯽ ﻧﺎﺳِﯿﺎً ﻟِﺬِﮐْﺮِﮎَ ﻓِﯿﻤﺎ ٲَﻭْﻟَﯿْﺘَﻨِﯽ ﻭَﻻ ﻏﺎﻓِﻼً ﻻِِِﺣْﺴﺎﻧِﮏَ ﻓِﯿﻤﺎ ٲَﻋْﻄَﯿْﺘَﻨِﯽ، ﻭَﻻَ ﺁﯾِﺴﺎً ﻣِﻦْ ﺇﺟﺎﺑَﺘِﮏَﻭَ ﺇﻥْ ٲَبّطَاََﺕْ ﻋَﻨِّﯽ فِیﺳَﺮَّﺍﺉَ ٲَﻭْ ﺿَﺮَّﺍﺉَ ٲَﻭْ ﺷِﺪَّۃٍ ٲَﻭْ ﺭَﺧﺎﺉٍ ٲَﻭْ ﻋﺎفِیَةِِٲَﻭْ ﺑَﻼﺉٍ ٲَﻭْﺑُﺆْﺱٍ ٲَﻭْ ﻧَﻌْﻤﺎﺉَ ﺇﻧَّﮏَ ﺳَﻤِﯿﻊُ ﺍﻟﺪُّﻋﺎء.

ﺷﯿﺦ ﮐﻔﻌﻤﯽ ﺳﮯ ﺭﻭﺍﯾﺖ ﮨﮯ ﮐﮧ ﺍﻣﺎﻡ ﺯﯾﻦ ﺍﻟﻌﺎﺑﺪﯾﻦؑ ﺍﺱ ﺩﻋﺎ ﮐﻮ ﺗﯿﻨﻮﮞ ﺷﺐ ﻗﺪﺭ ﻣﯿﮟ ﻗﯿﺎﻡ ﻭ ﻗﻌﻮﺩ ﺍﻭﺭ ﺭﮐﻮﻉ و ﺳﺠﻮﺩ ﮐﯽ ﺣﺎﻟﺖ ﻣﯿﮟ ﭘﮍﮬﺘﮯ ﺗﮭﮯ۔

🌺9- ﻋﻼﻣﮧ ﻣﺠﻠﺴﯽؒ ﻓﺮﻣﺎﺗﮯ ﮨﯿﮟ ﮐﮧ ﺍﻥ ﺭﺍﺗﻮﮞ ﮐﺎ ﺑﮩﺘﺮﯾﻦ ﻋﻤﻞ ﯾﮧ ﮨﮯ ﮐﮧ ﺍﭘﻨﯽ ﺑﺨﺸﺶ ﮐﯽ ﺩﻋﺎ ﮐﺮﮮ ﺍﭘﻨﮯ ﻭﺍﻟﺪﯾﻦ، ﺍﻗﺮﺑﺎء ﺍﻭﺭ ﺯﻧﺪﮦ ﻭ ﻣﺮﺩﮦ ﻣﻮﻣﻨﯿﻦ ﮐﯽ ﺩﻧﯿﺎ ﻭﺁﺧﺮﺕ کیلئے ﺩﻋﺎ ﻣﺎﻧﮕﮯ.
🌺10- نیز ﺟﺲ ﻗﺪﺭ ﻣﻤﮑﻦ ﮨﻮ ﻣﺤﻤﺪﻭﺁﻝ ﻣﺤﻤﺪؑ ﭘﺮ ﺻﻠﻮﺍﺕ ﺑﮭﯿﺠﮯ.

🌺11- ﺍﻭﺭ ﺑﻌﺾ ﺭﻭﺍﯾﺎﺕ ﻣﯿﮟ ﮨﮯ ﮐﮧ ﺷﺐ ﻗﺪﺭ ﮐﯽﺗﯿﻨﻮﮞ ﺭﺍﺗﻮﮞ ﻣﯿﮟ ﺩﻋﺎﺋﮯ ﺟﻮﺷﻦ ﮐﺒﯿﺮ ﭘﮍﮬﮯ.

■اﯾﮏ ﺍﻭﺭ ﺭﻭﺍﯾﺖ میں آیا ﮨﮯ ﮐﮧ ﮐﺴﯽ ﻧﮯ ﺭﺳﻮﻝ اکرمؐ ﺳﮯ ﺳﻮﺍﻝ ﮐﯿﺎ ﮐﮧ ﺍﮔﺮ ﻣﺠﮭﮯ ﺷﺐ ﻗﺪﺭ ﮐﺎ ﻣﻮﻗﻌﮧ ﻣﻠﮯ ﺗﻮ ﻣﯿﮟ ﺧﺪﺍ ﺳﮯ ﮐﯿﺎ ﻣﺎﻧﮕﻮﮞ؟ ﺁﭖ ﻧﮯﻓﺮﻣﺎﯾﺎ: ﮐﮧ ﺧﺪﺍ ﺳﮯ ﺻﺤﺖ ﻭﻋﺎﻓﯿﺖ ﻣﺎﻧﮕﻮ۔

التماس دعا۔۔

https://t.me/islamwitheman/3464
⭕ ISLAM WITH EMAN ⭕