🌹 27 رجب معراج یا بعثتِ رسولؐ 🌹

کیا 27 رجب کی رات رسول اکرمؐ کی معراج کی رات تھی یا ان کی بعثت کی رات تھی؟

اس بابت مسلمانوں میں شیعہ اور سنّی مسالک کے درمیان اختلاف ہے۔ شیعہ علماء کے درمیان مشہور یہ ہے کہ اس دن رسول اکرمؐ کو رسالت کے لئے مبعوث کیا گیا، جبکہ اہلسنّت کے ہاں مشہور ہے کہ اس دن آپ کا سفر معراج ہوا۔

برّصغیر کے شیعوں میں یہ غلط فہمی پائی جاتی ہے کہ ان کے ہاں بھی اس شب معراج ہوا، چنانچہ وہ بھی اس دن ایک دوسرے کو شب معراج کی مبارک دیتے ہوئے نظر آتے ہیں۔ یہ یقینا سنّی اکثریت کے اثرات... کی وجہ سے ہے۔

دوسری طرف ایران میں اہل سنّت اس دن کو عید مبعث کے حوالے سے مناتے ہیں، یہ بھی یقینا شیعہ اکثریت کے اثرات کی وجہ سے ہے۔ البتہ ایران میں خود سنّیوں کے درمیان اس بات پر تنازعہ رہتا ہے کہ اس شب معراج ہوئی یا عید مبعث ہوا۔

اس اختلاف سے قطع نظر سوال یہ اٹھتا ہے کہ شیعہ مسلک کے مطابق رسول اکرمؐ کی معراج کس دن ہوئی؟ علماء میں مشہور یہ ہے کہ 17 رمضان کو آپ کو معراج کی سعادت نصیب ہوئی۔ بعض اقوال اور روایات کے مطابق 21 رمضان بھی ملتا ہے۔ علاوہ ازیں ہمیں ربیع الاول و محرّم کے بھی اقوال ملتے ہیں۔ یہ بات زیادہ مناسب لگتی ہے کہ رسول اکرمؐ کو ایک سے زائد دفعہ سفرِ معراج نصیب ہوا، ممکن ہے کہ یہ تاریخ میں اختلاف اسی وجہ سے ہو۔ علامہ طباطبائی(قدس سرّہ) نے قرآن مجید میں سورہ نجم کی آیت 13 سے استفادہ کرتے ہوئے کہا ہے کہ آنجنابؐ دو دفعہ سفرِ معراج پر گئے۔

وَلَقَدْ رَآهُ نَزْلَةً أُخْرَى

اور بتحقیق انہوں نے پھر ایک مرتبہ اسے دیکھ لیا،

یاد رہے کہ یہ سورہ نجم کی وہ آیات ہیں جو سفرِ معراج کے بارے میں ہی ہیں۔ البتہ علامہ طباطبائی نے دو دفعہ سے زیادہ سفرِ معراج کو بعید کہا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
https://t.me/islamwitheman/3114
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس دیکھنے کے لئے مطلوبہ پوسٹ کے لنک پر کلک کریں۔۔۔

🌹 27 رجب معراج یا بعثتِ رسولؐ
https://t.me/islamwitheman/3120

🌹 بعثت پیغمبرِ اسلامؐ
https://t.me/islamwitheman/3121

🌹 27 رجب المرجب
https://t.me/islamwitheman/3122

🌹 اعمال شب و روز 27 رجب
https://t.me/islamwitheman/3123

🌹 معراج مبارک
https://t.me/islamwitheman/3124

🌹 واقعۂ معراج النبیؐ
https://t.me/islamwitheman/3132
⭕ ISLAM WITH EMAN ⭕

🌹 بعثت پیغمبرِ اسلامؐ 🌹

شیعہ امامیہ کے مشہور قول کے مطابق 27 رجب المرجب کو رسول اکرمؐ مبعوث بہ رسالت ہوئے۔

بعثت جس قدر قریب تر آرہی تھی آپ لوگوں سے دور اور خدائے یکتا کی عبادت میں مصروف رہتے تھے۔ آپ ہر سال ایک مہینہ حرا نامی پہاڑی میں غار حراء میں گوشہ نشینی اختیار کرکے عبادت میں مصروف رہتے۔ (دیکھئے تحنّث) اس زمانے میں جو غریب افراد آپ کی خدمت میں حاضر ہو جاتے آپ انہیں کھانا کھلاتے ۔عبادت کا مہینہ ختم ہونے کے بعد مکہ تشریف لاکر گھر واپس جانے سے پہلے سات یا کچھ زیادہ مرتبہ خانۂ کعبہ کا طواف فرماتے اور اس کے بعد اپنے گھر تشریف لے جاتے تھے۔

گوشہ نشینی کے ان ہی برسوں کے دوران ایک سال آپ حرا میں نبوت پر مبعوث ہوئے۔ حضرت محمدؐ فرماتے ہیں۔۔ جبرائیل میرے پاس آئے اور کہا؛
پڑھو۔
میں نے کہا:
میں پڑھنا نہیں جانتا۔
جبرائیل نے ایک بار پھر کہا:
پڑھو۔
میں نے کہا:
کیا پڑھوں؟
جبرائیل نے کہا:
إقْرَأْ بِاسْمِ رَبِّكَ الَّذِي خَلَق
َپڑھئے اپنے پروردگار کے نام کے سہارے سے جس نے پیدا کیا۔

جیسا کہ مشہور ہے بعثت کے وقت رسول اکرمؐ کی عمر چالیس سال ہو چکی تھی۔

رسولِخداؐ مبعوث بہ رسالت ہونے والی سورہ علق کی ابتدائی آیات کریمہ کے نازل ہونے کے بعد اپنی خلوتگاہ سے مکہ اپنے گھر تشریف لائے۔ آپ کے گھر میں تین افراد، آپ کی زوجۂ مکرمہ خدیجہؑ، آپ کے چچا زاد بھائی علیؑ بن ابیطالبؑ اور زید بن حارثہ تھے۔ پیغمبرؐ نے توحید کی دعوت کا آغاز اپنے گھر سے کیا اور جو سب سے پہلے آپ پر ایمان لائے وہ آپ کی زوجہ مکرمہ خدیجہؑ اور مردوں میں آپ کے چچا زاد بھائی علیؑ بن ابیطالبؑ تھے جو اس وقت رسول اکرمؐ کے زیر سرپرستی تھے۔ بعض روایات میں کہا گیا ہے کہ ابوبکر اور زید بن حارثہ نے سب سے پہلے اسلام قبول کیا تھا۔(دیکھئے سب سے پہلے اسلام قبول کرنے والے)

تاہم حاكم نیشابوری رقمطراز ہے۔۔
"لا أعلم خلافاً بین أصحاب التواریخ أنّ علیؑ بن أبی‏طالبؑ أوّلهم اًّسلاماً و اًّنّما اختلفوا فی بلوغه"۔
ترجمہ:
اصحاب میں سب سے پہلے علیؑ بن ابیطالبؑ کے اسلام لانے کے حوالے سے مؤرخین کے درمیان کوئی اختلاف نہیں ہے تاہم انھوں نے اسلام لاتے وقت آپ کے بلوغ میں اختلاف کیا ہے۔
حالانکہ اگر امیرالمؤمنینؑ پر نابالغ ہونے کے حوالے سے ہونے والے اعتراض کو درست مانا جائے تو حقیقت میں اسے رسول اکرمؐ پر اعتراض گردانا جائے گا کیونکہ آپؐ نے "یوم الدار" کے موقع پر اپنے خاندان اور قبیلے کو اسلام کی دعوت دی اور امیرالمؤمنینؑ کے سوا کسی نے بھی یہ دعوت قبول نہیں کی۔ امیرالمؤمنینؑ اٹھے اور اپنے ایمان و اسلام کا اعلان کیا اور رسولِخداؐ نے نہ صرف آپ کے اسلام کو قابل قبول قرار دیا بلکہ اعلان کیا کہ۔۔
"اے امیرالمؤمنینؑ تم میرے بھائی اور وصی اور میرے بعد میرے خلیفہ اور جانشین ہو۔ اور حاضرین سے بھی کہا کہ ان کی بات سنو اور اطاعت کرو۔

گو کہ ابتدائی دعوت بہت محدود تھی لیکن مسلمانوں کی تعداد روز افزوں تھی اور بہت کم عرصے میں مسلمانوں کا ایک گروہ مکہ کے اطراف میں جاتا تھا اور رسول اکرمؐ کے ساتھ نماز بجا لاتا تھا۔(دیکھئے: خفیہ دعوت)

اعلانیہ تبلیغ دین
مشہور ہے کہ نبوت و رسالت پر مبعوث ہونے کے بعد محمدؐ کی تبلیغ کا سلسلہ تین سال تک خفیہ رہا۔ تاہم بعض مؤرخین قرآنی آیات کی ترتیب نزول کے پیش نظر کہتے ہیں کہ عمومی تبلیغ بعثت کے تھوڑے عرصے بعد ہی شروع ہوگئی تھی۔

پیغمبرؐ ابتدا میں لوگوں کو بتوں کی پرستش ترک کرنے اور صرف خدائے واحد کی پرستش کی دعوت دیتے تھے۔ ابتدا میں نمازیں دو رکعتی ہوتی تھیں۔ بعد میں حاضرین پر چار رکعت اور مسافرین پر دو رکعت نماز واجب ہوئی۔
مسلمان نماز اور خدا کی پرستش کے وقت لوگوں کی نظروں سے اوجھل ہوجاتے تھے اور پہاڑیوں کی کھائیوں ، شگافوں اور لوگوں کی آمد و رفت سے دور نماز ادا کرتے تھے۔ رفتہ رفتہ اسلام مکہ میں پھیل گیا۔

روایت مشہور ہے کہ جب آپ کی دعوت کو تین سال ہوئے تو پروردگار نے آپ کو مأمور کیا کہ لوگوں کو اعلانیہ طور پر خدا کی طرف بلائیں اور اعلانیہ دعوت بنی عبدالمطلب سے شروع ہوئی جب ارشاد ہوا:
"وَأَنذِرْ عَشِيرَ تَكَ الْأَقْرَ بِينَ¤ وَاخْفِضْ جَنَاحَكَ لِمَنِ اتَّبَعَكَ مِنَ الْمُؤْمِنِينَ¤ فَإِنْ عَصَوْكَ فَقُلْ إِنِّي بَرِ يءٌ مِّمَّا تَعْمَلُون¤َ"
ترجمہ:
اور اپنے قریبی خاندان والوں کو ڈرا دیجئے¤ اور اپنا بازو جھکایئے مؤمنین سے اس کے لیے جو آپ کا پورا پورا پیرو ہے¤ تو اگر وہ آپ کی نافرمانی کریں تو کہہ دیجئے کہ میں بے تعلق ہوں اس سے جو تم کرتے ہو¤
۔۔۔۔۔۔۔۔۔۔۔۔۔۔۔۔۔۔۔۔۔۔۔

https://t.me/islamwitheman/3115

👈 مزید پوسٹس۔۔

🌹 27 رجب معراج یا بعثتِ رسولؐ
https://t.me/islamwitheman/3120

🌹 بعثت پیغمبرِ اسلامؐ
https://t.me/islamwitheman/3121

🌹 27 رجب المرجب
https://t.me/islamwitheman/3122

🌹 اعمال شب و روز 27 رجب
https://t.me/islamwitheman/3123

🌹 معراج مبارک
https://t.me/islamwitheman/3124
⭕ ISLAM WITH EMAN ⭕

🌹 27 رجب المرجب 🌹

بعثت نبی خاتم صلی اللہ علیہ و آلہ وسلم ہے(1)،بعثت، نور خدا کا انفجار ہے حضرت خاتم کی بعثت تمام انبیاء اور مرسلین کی نبوت اور رسالت کو پایہِ تکمیل تک پہنچانا ہے بعثت ،مقصدِ تخلیق کا کامل کرنا ہے، بعثت، انسانیت کو اسکے مقصد تک پہنچانا ہے بعثت، عالمین کو انکے کمالات تک لے جانا ہے خاتم الانبیاء کی بعثت، ختم ِنبوت ہے اور فتحِ باب ِامامت ہے جو امامت، نبوت کا ادامہ ہے جو حضرت علی ابن ابی طالب علیہ السلام سے شروع ہوتی ہے اور حضرت مھدی خاتم الائمہ علیہ السلام پر ختم ہوجاتی ہے جسطرح حضرت خاتم الانبیاء صلی اللہ علیہ و آلہ وسلم کے بعد کسی نبی نے معبوث نہیں ہونا اسی طرح حضرت خاتم الآئمہ علیہ السام کے بعد کسی امام نے اللہ تعالی کی طرف سے نصب نہیں ہونا اسی وجہ سے اسلام میں یہ دن عید مبعث ہے اسلام و قرآن کی بہت بری عید ہے جس نے اعلان ولایت علی ابن ابی طالب علیہ السلام سے اپنے کمال پر پہنچنا ہے لذا عیدِ غدیر عید اللہ الاکبر، اللہ کی سب سے بڑی عید ہے۔

☘ خاتم الانبیاء کی بعثت، ختم ِنبوت ہے اور فتحِ باب ِامامت ہے جو امامت، نبوت کا ادامہ ہے جو حضرت علی ابن ابی طالب علیہ السلام سے شروع ہوتی ہے اور حضرت مھدی خاتم الائمہ علیہ السلام پر ختم ہوجاتی ہے۔

🔴 27 رجب کو حضرت محمد صلی اللہ علیہ وآلہ وسلم کے مبعوث ہونے کے بعد 28 رجب کو حضرت علی علیہ السلام نے آنحضرت کے ساتھ نماز قائم فرمائی۔(2)

📚 حوالہ جات:
1 ۔کافی، تہذیب الاحکام، مصباح المتجھد، بحار، ج18، ص 189۔ وسائل الشیعہ، ج8، ص 110۔
2۔بحار، ج38، ص 288،201، الغدیر، ج3، ص 243، 224۔ وقایع الایام رجب، ص 247۔ تذکرۃ الخواص، ص 103۔ مستدرک حاکم، ج3، ص 112، 183۔ وقایع الایام رجب، ص 247۔ تذکرۃ الخواص، ص 103۔ مستدرک حاکم، ج3، ص 112، 183۔ المعجم الکبیر، ج1، ص 320۔ تاریخ دمشق، ج42، ص 27 تا 29۔ تاریخ طبری ج2، ص 55۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
https://t.me/islamwitheman/3116
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس دیکھنے کے لئے مطلوبہ پوسٹ کے لنک پر کلک کریں۔۔۔

🌹 27 رجب معراج یا بعثتِ رسولؐ
https://t.me/islamwitheman/3120

🌹 بعثت پیغمبرِ اسلامؐ
https://t.me/islamwitheman/3121

🌹 27 رجب المرجب
https://t.me/islamwitheman/3122

🌹 اعمال شب و روز 27 رجب
https://t.me/islamwitheman/3123

🌹 معراج مبارک
https://t.me/islamwitheman/3124

🌹 واقعۂ معراج النبیؐ
https://t.me/islamwitheman/3132
⭕ ISLAM WITH EMAN ⭕

🌹 اعمال شب و روز 27 رجب 🌹

27 رجب کا دن عیدوں میں سے بہت بڑی عید کا دن ہے کہ اسی دن حضورؐ مبعوث بہ رسالت ہوئے اور اسی دن جبرائیلؑ احکام رسالت کے ساتھ حضور پر نازل ہوئے۔
27 رجب کی شب و روز کے چند ایک اعمال۔۔

● غسل کرنا۔

● روزہ رکھنا، یہ دن سال بھر میں ان چار دنوں میں سے ایک ہے کہ جن میں روزہ رکھنے کی ایک خاص امتیازی حیثیت ہے، اور اس دن کا روزہ ستر سال کے روزے کا ثواب رکھتا ہے۔

● کثرت سے درود شریف پڑھنا۔

● حضرت رسول اکرمؐ اور امیر المومنینؑ کی شب و روز زیارت بجا لانا۔

● تمام رات عبادت میں بسر کرنا۔

● نمازِعشاء کے بعد سو جائے اور آخر شب اٹھے یا پیش از نصف شب۔ بارہ رکعت نماز دو دو رکعت کر کے پڑھے۔ جس کی ہر رکعت میں الحمد کے بعد ایک چھوٹا سورہ اور دوسرا سورہ یاسین پڑھے۔ اگر مشکل ہو تو ان رکعتوں کو بیٹھ کر پڑھے اور سورہ یاسین کو قرآن مجید سے دیکھ کر پڑھ لے۔
جب نماز سے فارغ ہو تو جس طرح نماز ختم کی ہے اسی طرح بیٹھا رہے یعنی وضع نشت نہ بدلے اور پھر سورہ الحمد، چاروں قل، سورہ قدر اور آیت الکرسی میں سے ہر ایک سات سات مرتبہ پڑھے پھر یہ دعا پڑھے۔۔۔
الْحَمْدُ لِلّٰہِ الَّذِی لَمْ یَتَّخِذْ صاحِبَۃً وَلاَ وَلَداً، وَلَمْ یَکُنْ لَہُ شَرِیکٌ فِی الْمُلْکِ، وَلَمْ یَکُنْ لَہُ وَلِیٌّ مِنَ الذُّلِّ، وَکَبِّرْہ تَکْبِیراً۔
اَللّٰھُمَ اِنِّی اَسْئَلُکَ بِمَعَاقِدِ عِزِّکَ عَلٰی اَرْکَانِ عَرْشِکَ وَمُنْتَھَی الرَّحْمَةِ مِنْ کِتَابِکَ وَ بِاسْمِکَ الأعْظَمِ الأعْظَمِ الأعْظَمِ وَذِکْرِکَ الاعْلٰی وبِکَلِمَاتِکَ التَّامَّاتِ کُلِّھَا اَنْ تُصَلِّیَ عَلٰی مُحَمَّدٍ وَآلِ مُحَمَّدٍ وَاَنْ تَفْعَلْ بِی أنْتَ اَھْلُہُ۔
پس جو حاجت چاہے طلب کرے۔ ان شاءاللہ مستجاب ہوگی۔

● بسندِ معتبر منقول ہے کہ اس روز بارہ رکعت نماز دو دو رکعت کر کے بجا لائے۔ اور ہر رکعت میں سورہ الحمد کے بعد کوئی بھی سورہ پڑھ لے۔ جب نماز سے فارغ ہو تو سورہ الحمد، اور چاروں قل ہر ایک چار چار مرتبہ پڑھے۔ اور پھر چار مرتبہ کہے۔۔۔
لا إلہَ إلا اللہ واللہ اکْبَرُ۔ سُبْحَانَ اللہ وَالْحَمْدُ للہ وَلا حَوْلَ ولا قُوَّۃَ الا باللہ الْعَلِیّ الْعَظِیمِ۔

چار مرتبہ کہے۔۔
اللہ اللہ رَبِّیْ لا اُشْرِکُ بِہ شَیْئاً۔

اور چارمرتبہ کہے۔۔
لا اُشْرِکُ بِرَبِّیْ اَحَداً۔

📚 تحفةالعوام مقبول، ص487۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
https://t.me/islamwitheman/3117
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس دیکھنے کے لئے مطلوبہ پوسٹ کے لنک پر کلک کریں۔۔۔

🌹 27 رجب معراج یا بعثتِ رسولؐ
https://t.me/islamwitheman/3120

🌹 بعثت پیغمبرِ اسلامؐ
https://t.me/islamwitheman/3121

🌹 27 رجب المرجب
https://t.me/islamwitheman/3122

🌹 اعمال شب و روز 27 رجب
https://t.me/islamwitheman/3123

🌹 معراج مبارک
https://t.me/islamwitheman/3124

🌹 واقعۂ معراج النبیؐ
https://t.me/islamwitheman/3132
⭕ ISLAM WITH EMAN ⭕

🌹 معراج مبارک 🌹

معراج کی داستان اہل سنت اور شیعہ مصادر میں متواتر طور پر نقل ہوئی ہے لیکن اس کی تفصیلات میں زمان، مکان، تعداد اور کیفیت وغیرہ میں اختلاف پایا جاتا ہے۔ قرآن کی دو سورتوں میں بھی اس کا ذکر آیا ہے۔

معراج لغت میں سیڑھی یا ہر اس چیز کو کہا جاتا ہے جس کے ذریعے اوپر جایا جائے۔[1] اصطلاح میں پیغمبر اسلامؐ کے مسجد الاقصٰی سے آسمان کی طرف جانے کو کہتے ہیں۔ اسلامی مآخذ کے مطابق رسول خدا ایک رات مکہ سے مسجد اقصی گئے اور وہاں سے آسمان کی طرف گئے۔[2]

معراج کا واقعہ شیعہ و سنی احادیث، میں متواتر نقل ہوا ہے۔ معراج کا واقعہ کس سال پیش آیا، حضرت ابوطالب کی وفات سے پہلے یا بعد پیش آیا، اختلاف روایات موجود ہے۔[3] علامہ طباطبائی کے مطابق مسلمانوں کا مشہور نظریہ یہ ہے کہ ہجرت سے پہلے اور بعثت کے بعد مکہ کے آخری سالوں میں یہ واقعہ پیش آیا۔[4] ملا فتح الله کاشانی اور احمد بن علی طبرسی کے نظریے کے مطابق مشہور ترین نظریہ بعثت کے 12واں سال یہ واقعہ پیش آیا۔[5]

سوره اسراء کی پہلی آیت کے ان دو الفاظ «لیلاً» و «اَسری» سے پتہ چلتا ہے کہ معراج رات کے وقت ہوئی۔[6] کونسی رات میں یہ واقعہ رونما ہوا اس میں اختلاف روایات پایا جاتا ہے۔ روایات میں درج ذیل راتوں کی طرف اشارہ ہوا ہے:۔

17 ربیع‌الاول کی رات؛[7]
27 رجب کی رات؛ ملا فتح الله کاشانی، اس نظریے کو شہرت حاصل ہے۔[8]
17 رمضان کی رات؛[9]
شوال یا ربیع الثانی.[10]

آنحضرتؐ کا بیت المقدس سے مسجد الاقصٰی اور وہان سے آسمانوں کی طرف جانے اور واپس آنے میں ایک رات سے زیادہ وقت صرف نہیں ہوا۔[11] تفسیر عیاشی میں امام صادقؑ فرماتے ہیں:

رسولخداؐ نے نماز عشاء اور نماز صبح مکہ میں پڑھی۔[12]

معراج کے نکتۂ آغاز اور نکتۂ اختتام میں روایات میں اختلاف موجود ہے۔ ام ہانی، مسجد الحرام اور شعب ابیطالب کے نام مذکور ہیں۔[13] لیکن مشہور ہے رسولخداؐ اس رات ام ہانی بنت ابیطالب کے گھر سے گئے اور وہیں واپس آئے تھے۔[14]

قرآن کریم نے اس سفر کا آغاز مسجد الحرام سے کیا ہے۔ اس کی تاویل میں کہا ہے: عرب مکہ کے سارے شہر کو خدا کا حرم کہتے ہیں اس لحاظ سے تمام شہر مسجد اور خدا کے حرم کے حکم میں ہے اور ام‌ ہانی حرم میں داخل ہے۔[15]

منقول روایات کی بنا پر رسول خدا ایک سے زیادہ مرتبہ معراج پر تشریف لے گئے۔[16] علامہ طباطبائی کے نزدیک ایک دفعہ مسجد الحرام سے اور دوسری مرتبہ ام ہانی کے گھر سے سمجھتے ہیں اور کہتے ہیں: سورہ نجم کی پہلی آیات تائید کرتی ہیں۔ انکے نزدیک مکان، زمان اور معراج کی جزئیات میں اختلاف کی اس طرح توجیہ کی جا سکتی ہے۔[17]

سفر کی روداد
شب معراج جبرئیلؑ براق نامی سواری کے ہمراہ رسول خدا پر نازل ہوئے۔ آپ اس پر سوار ہو کر بیت المقدس روانہ ہوئے۔ [18]

اس سفر کے دوران آپ مدینہ، مسجد کوفہ، طور سینا و بیت اللحم (حضرت عیسٰیؑ کی جائے پیدائش) پر ٹھہرے اور نماز پڑھی۔ پھر آپ مسجد الاقصٰی میں وارد ہوئے اور وہاں نماز پڑھی۔[19]

ظاہرا پیغمبرؐ قبۃ الصخره سے آسمانوں کی طرف چلے گئے۔ اس نام گذاری کی وجہ اس جگہ چٹان کا ہونا ہے کہ جہاں سے رسول اللہ نے آسمانوں کے سفر کا آغاز کیا۔[20]

دنیا کا آسمان
تفسیر میزان کے مطابق پیغمبرؐ مسجد الاقصٰی سے پہلے آسمان پر پہنچے تو وہاں آدمؑ سے ملاقات ہوئی۔ فرشتوں نے گروہوں کی صورت میں رسول اللہ کا خندۂ پیشانی سے استقبال کیا۔ یہاں آپ نے ملک الموت کا بھی دیدار کیا اور ان سے گفتگو کی۔[21]

دوسرے آسمان پر پہنچے تو حضرت یحیٰیؑ و حضرت عیسٰیؑ سے ملاقات ہوئی۔ پھر تیسرے آسمان پر پہنچے تو حضرت یوسفؑ چوتھے آسمان پر حضرت ادریسؑ، پانچویں پر حضرت ہارونؑ بن عمران، چھٹے پر حضرت موسٰیؑ بن عمران سے ملاقات ہوئی۔[22]

پیغمبرؐ ساتویں آسمان پر ایسے مقام پر پہنچے کہ جہاں جبرئیلؑ پہنچنے سے عاجز تھے۔ انہوں نے رسولؐ سے کہا: میں اس جگہ جانے کا اختیار نہیں رکھتا ہوں اگر ذرا برابر بھی نزدیک ہوا تو میرے پر جل جائیں گے۔[23]

حدیث معراج خداوند اور پیغمبرؐ کے درمیان ہونے والی گفتگو کو بیان کرتی ہے اسے حدیث معراج اور حدیث قدسی کہتے ہیں۔ اس حدیث میں رضا، توكّل، دنیا کی پستی، روزه، خاموشی، غریبوں سے محبت، اہل آخرت اور اہل دنيا کی خصوصیات جیسے اخلاقی موضوعات و مسائل کے متعلق بیان ہے۔[24]

واپسی
رسول خدا واپسی پر بھی بیت المقدس میں تشریف لائے اور مکہ روانہ ہوئے جہاں آپ طلوع فجر سے پہلے ام ہانی کے گھر پہنچے۔[25] آپؐ نے پہلی مرتبہ اسے اپنا راز بتایا اور اسی رات قریش کی عمومی محفلوں میں راز فاش ہوگیا۔[26]

کیفیتِ معراج
اکثر مفسرین کے اعتقاد کے مطابق رسول اللہ اپنے بدن کے ساتھ مکہ سے بیت المقدس گئے اور وہاں سے جسد اور روح کے ساتھ آسمانوں پر گئے۔[27] لیکن خوارج اور جہمیہ جیسے خوارج کے گروہ قائل ہیں کہ معراج پیغمبر صرف روحانی تھی انکا جسم انکی روح کے ہمراہ نہیں گیا تھا۔[28]

https://t.me/islamwitheman/3118
⭕ ISLAM WITH EMAN ⭕

🌹 حوالہ جات پوسٹ معراج 🌹

📚 حوالہ جات
1۔ ابن منظور، لسان العرب، ۱۴۱۴ق، ج۲، ص۳۲۲
2۔ علامہ طباطبائی، المیزان، ۱۴۱۷، ج۱۳، ص۸تا۳۴؛ قمی، تفسیر القمی، ۱۳۶۷ش، ج۲، ص۳تا۱۲.
3۔ علامہ طباطبائی، المیزان، ۱۴۱۷ق، ج۱۳، ص۳۰و۳۱؛: نک: سبحانی، فروغ ابدیت، ۱۳۸۵ش، ص۳۷۲..
4۔ علامہ طباطبائی،المیزان، ۱۴۱۷ق، ج۱۳، ص۳۰،۲۳.
5۔ کاشانی، منهج‌ الصادقین، ۱۳۳۶ش، ج۵، ص۲۳۶.
6۔ سبحانی، فروغ ابدیت، ۱۳۸۵ش، ص۳۷۰.
7۔ ابن سعد، الطبقات‌الکبری، ۱۴۱۰ق، ج۱، ص۲۰۰.
8۔ کاشانی، منہج‌ الصالحین، ۱۳۳۶ش، ج۵، ص۲۳۶.
9۔ ابن سعد، الطبقات‌ الکبری، ۱۴۱۰ق، ج۱، ص۱۹۹-۲۰۰.
10۔ کاشانی، منہج‌ الصادقین، ۱۳۳۶ش، ج۵، ص۲۳۶
11۔ طبرسی، مجمع‌البیان، ۱۳۷۲ش، ج۶، ص۶۱۲؛مجلسی، بحار الأنوار، ۱۴۰۴ق، ج۱۸، ص۲۸۹.
12۔ عیاشی، التفسیر، ۱۴۲۱ق، ج۳، ص۳۴.
13۔ نک:ابن سعد، الطبقات‌الکبری، ۱۴۱۰ق، ج۱، ص۲۰۰؛ خوارزمی، مناقب، ۱۴۱۱ق، ج۱، ص۱۷۷
14۔ یعقوبی،ج۲، ص۲۶؛ سبحانی، فروغ ابدیت، ۱۳۸۵ش، ص۳۶۷؛ علامہ طباطبائی، المیزان، ۱۴۱۷ق، ج۱۳، ص۲۷-۲۸؛ ابن ہشام، السیرة النبویہ، ۱۳۷۵ش، ج۱، ص۳۹۶؛ طبرسی، مجمع‌البیان، ۱۳۷۲ش، ج۶، ص۳۱۲؛ مجلسی، بحار الانوار، ۱۴۰۴ق، ج۱۸، ص۲۸۳.
15۔ کاشانی، منہج‌ الصالحین ، ۱۳۳۶ش، ج۵، ص۲۳۵؛ بحار الانوار، ۱۴۰۴ق، ج۱۸، ص۲۸۳، بحوالۂ :سبحانی، فروغ ابدیت، ۱۳۸۵ش، ص۳۷۰.
16۔ علامہ طباطبائی، المیزان، ۱۴۱۷ق، ج۱۳، ص۲۷و۲۸؛ سبحانی، فروغ ابدیت، ۱۳۸۵ش، ص۳۷۲.
17۔ علامہ طباطبائی، المیزان، ۱۴۱۷ق، ج۱۳، ص۲۷-۲۸، ۳۲.
18۔ قمی، تفسیر قمی، ۱۳۶۷ش، ج۲، ص۵؛ ابن سعد، الطبقات‌ الکبری، ۱۴۱۰ق، ج۱، ص۱۹۹و۲۰۰؛ عیاشی، التفسیر، ۱۴۲۱ق، ج۳، ص۳۱.
19۔ سبحانی، فروغ ابدیت، ۱۳۸۵ش، ص۳۶۷؛ علامہ طباطبائی، المیزان، ۱۴۱۷ق، ج۱۳، ص۸.
20۔ قبۃ الصخرة
21۔ علامه طباطبایی، المیزان، ۱۴۱۷ق، ج۱۳، ص۹و۱۰.
22۔ علامہ طباطبائی، المیزان، ۱۴۱۷ق، ج۱۳، ص۱۲-۱۳.
23۔ مجلسی، بحار الانوار، ۱۴۰۴ق، ج۱۸، ص۳۹۲؛ علامہ طباطبائی، المیزان، ۱۴۱۷ق، ج۱۳، ص۱۸.
24۔ دیلمی، ارشاد القلوب، ۱۴۱۲ق، ج۱، ص۱۹۹-۲۰۶.
25۔ مسعودی، اثبات الوصیہ، ۱۴۰۴ق، ص۲۱۷.
26۔ سبحانی، فروغ ابدیت، ۱۳۸۵ش، ص۳۶۸.
27۔ منہج‌الصادقین، ج۵، ص۲۴۰؛ روح‌المعانی، ج۱۵، ص۷؛تفسیر نمونہ، ج۱۲، ص۱۱؛ مجمع‌البیان، ج۹، ص۲۶۴.
28۔ علامہ طباطبائی،المیزان، ۱۴۱۷ق، ج۱۳، ص۳۲؛ خوارزمی، مناقب، ۱۴۱۱ق، ج۱، ص۱۷۷.

https://t.me/islamwitheman/3124
⭕ ISLAM WITH EMAN ⭕

🌹 ﻣﺎہِ ﺭﺟﺐ ﻣﯿﮟ ﺭﻭﺯﮮ ﮐﯽ ﺍﮬﻤﯿﺖ 🌹

‘‘ﻣﺎﮦ ﺭﺟﺐ’’ ﺍﻟﻠﮧ ﮐﺎ ﻭﮦ ﻋﻈﯿﻢ ﻣﮩﯿﻨﮧ ﮨﮯ، ﺟﺲ ﮐﯽ ﻧﺴﺒﺖ ﺧﻮﺩ ﺍﻟﻠﮧ ﺗﻌﺎﻟﯽٰ ﻧﮯ ﺍﭘﻨﯽ ﻃﺮﻑ ﺩﯼ ﮨﮯ، ﺍﺱ ﻟﯿﮯ ﮐﻮﺋﯽ ﺩﻭﺳﺮﺍ ﻣﮩﯿﻨﮧ ﻓﻀﯿﻠﺖ ﻭ ﺑﺮﺗﺮﯼ ﻣﯿﮟ ﺍﺱ ﮐﯽ ﺑﺮﺍﺑﺮﯼ ﻧﮩﯿﮟ ﮐﺮ ﺳﮑﺘﺎ، ﻗﺒﻞ ﺍﺯ ﺍﺳﻼﻡ ﺑﮭﯽ ﻣﺎﮦِ ﺭﺟﺐ ﮐﯽ ﺣﺮﻣﺖ ﻋﺮﺑﻮﮞ ﮐﮯ ﻧﺰﺩﯾﮏ ﻣﺴﻠّﻢ ﺭﮨﯽ ﮨﮯ، ﺍﻭﺭ ﺩﻭﺭِ ﺟﺎﮨﻠﯿﺖ ﻣﯿﮟ ﺑﮭﯽ ﺍﺱ ﻣﮩﯿﻨﮯ ﮐﻮ ﺣﺮﺍﻡ ﻣﮩﯿﻨﻮﮞ ﻣﯿﮟ ﺷﻤﺎﺭ ﮐﯿﺎ ﺟﺎﺗﺎ ﺗﮭﺎ ﺍﻭﺭ ﻋﺮﺏ ﮨﺮ ﺻﻮﺭﺕ ﻣﯿﮟ ﺍِﺱ ﻣﮩﯿﻨﮯ ﮐﯽ ﺣﺮﻣﺖ ﮐﯽ ﺭﻋﺎﯾﺖ ﮐﺮﺗﮯ ﮨﻮﺋﮯ ﺟﻨﮓ ﻭ ﺟﺪﺍﻝ ﺍﻭﺭ ﺧﻮﻧﺮﯾﺰﯼ ﺳﮯ ﺍﺟﺘﻨﺎﺏ ﮐﺮﺗﮯ ﺗﮭﮯ، ﻟﯿﮑﻦ ﺍُﻥ ﮐﮯ ﺍﺱ ﺍﺣﺘﺮﺍﻡ ﮐﯽ ﻭﺟﮧ ﮐﯿﺎ ﺗﮭﯽ؟
ﺳﺮﺯﻣﯿﻦ ﻋﺮﺏ ﻣﯿﮟ ﻧﻮﺭ ﻣﺤﻤﺪﯼ ﻃﻠﻮﻉ ﮐﺮﻧﮯ ﮐﮯ ﺑﻌﺪ، ﺁﻧﺤﻀﺮﺕؐ ﮐﮯ ﮔﮩﺮﺑﺎﺭ ﮐﻠﻤﺎﺕ ﻧﮯ ﺍِﺱ ﻋﻈﯿﻢ ﺍﻟﮩٰﯽ ﺭﺍﺯ ﺳﮯ ﮐﺴﯽ ﻗﺪﺭ ﭘﺮﺩﮦ ﺍﭨﮭﺎﯾﺎ ﮨﮯ۔(١)

ﭘﯿﻐﻤﺒﺮ ﺍﮐﺮﻡؐ ﺳﮯ ﻣﻨﻘﻮﻝ ﮨﮯ ﮐﮧ ﻣﺎﮦِ ﺭﺟﺐ ﺧﺪﺍ ﮐﺎ ﻣﮩﯿﻨﮧ ﮨﮯ، ﺷﻌﺒﺎﻥ ﻣﯿﺮﺍ ﻣﮩﯿﻨﮧ ﮨﮯ ﺍﻭﺭ ﺭﻣﻀﺎﻥ ﺍﻟﻤﺒﺎﺭﮎ ﻣﯿﺮﯼ ﺍُﻣﺖ ﮐﺎ ﻣﮩﯿﻨﮧ ﮨﮯ، ﺟﻮ ﺷﺨﺺ ﻣﺎﮦِ ﺭﺟﺐ ﮐﮯ ﺍﯾﮏ ﺩﻥ ﮐﺎ ﺭﻭﺯﮦ ﺭﮐﮭﮯ ﮔﺎ، ﺧﺪﺍﻭﻧﺪ ﺍُﺱ ﺳﮯ ﺧﻮﺷﻨﻮﺩ ﮨﻮﮔﺎ ﺍﻭﺭ ﺍﭘﻨﺎ ﻏﯿﻆ ﻭ ﻏﻀﺐ ﺍُﺱ ﺳﮯ ﺩﻭﺭ ﻓﺮﻣﺎﺋﮯ ﮔﺎ، ﻧﯿﺰ ﺟﮩﻨﻢ ﮐﺎ ﺍﯾﮏ ﺩﺭﻭﺍﺯﮦ ﺍُﺱ ﭘﺮ ﺳﮯ ﺑﻨﺪ ﮨﻮ ﺟﺎﺋﮯ ﮔﺎ۔(٢)

ﻟﯿﮑﻦ ﺍﯾﮏ ﺩﻭﺳﺮﯼ ﺭﻭﺍﯾﺖ ﻣﯿﮟ ﺣﻀﺮﺕ ﺍﻣﯿﺮﺍﻟﻤؤﻣﻨﯿﻦ ﻋﻠﯽؑ ﻓﺮﻣﺎﺗﮯ ﮨﯿﮟ۔۔
‘‘ﻣﺎﮦِ ﺭﻣﻀﺎﻥ ﺍﻟﻤﺒﺎﺭﮎ ﺍﻟﻠﮧ ﮐﺎ، ﺷﻌﺒﺎﻥ ﺭﺳﻮلِخدﺍؐ ﮐﺎ ﺍﻭﺭ ﺭﺟﺐ ﻣﯿﺮﺍ ﻣﮩﯿﻨﮧ ﮨﮯ۔’’(٣)

ﺍﺱ ﻣﺎﮦ ﻣﯿﮟ ﺭﻭﺯﮮ ﮐﯽ ﺑﮩﺖ ﺯﯾﺎﺩﮦ ﻓﻀﯿﻠﺖ ﮐﮯ ﺑﺎﺭﮮ ﻣﯿﮟ ﺑﮧ ﮐﺜﺮﺕ ﺭﻭﺍﯾﺎﺕ ﻭﺍﺭﺩ ﮨﻮﺋﯽ ﮨﯿﮟ۔۔
ﺍﻣﺎﻡ ﻣﻮسٰیؑ ﺍﺑﻦ ﺟﻌﻔﺮؑ ﺳﮯ بسندِ ﻣﻌﺘﺒﺮ ﻧﻘﻞ ﮨﻮﺍ ﮨﮯ ﮐﮧ ‘‘ﺟﻮ ﮐﻮﺋﯽ ﻣﺎﮦِ ﺭﺟﺐ ﮐﮯ ﺍﯾﮏ ﺩﻥ ﮐﺎ ﺭﻭﺯﮦ ﺭﮐﮭﮯ، ﺟﮩﻨﻢ ﮐﯽ ﺁﮒ ﺍﯾﮏ ﺳﺎﻝ ﮐﯽ ﻣﺴﺎﻓﺖ ﺗﮏ ﺍُﺱ ﺳﮯ ﺩﻭﺭ ﮨﻮ ﺟﺎﺗﯽ ﮨﮯ، ﺍﻭﺭ ﺟﻮ ﺷﺨﺺ ﺗﯿﻦ ﺩﻥ ﺭﻭﺯﮦ ﺭﮐﮭﮯ، ﺗﻮ ﺑﮩﺸﺖ ﺍُﺱ ﭘﺮ ﻭﺍﺟﺐ ﮨﻮ ﺟﺎﺗﯽ ﮨﮯ۔’’(٤)

ﺍﻣﺎﻡ ﻣﺤﻤﺪ ﺑﺎﻗﺮؑ ﻓﺮﻣﺎﺗﮯ ﮨﯿﮟ۔۔
‘‘ﺟﻮ ﺷﺨﺺ ﻣﺎﮦِ ﺭﺟﺐ ﮐﮯ ﺍﻭﻝ، ﻭﺳﻂ ﺍﻭﺭ ﺁﺧﺮ ﺳﮯ ﺍﯾﮏ ﺭﻭﺯﮦ ﺭﮐﮭﮯ ﮔﺎ، ﺧﺪﺍﻭﻧﺪﻣﺘﻌﺎﻝ ﺍُﺱ ﮐﮯ ﻟﯿﮯ ﺑﮩﺸﺖ ﻭﺍﺟﺐ ﮐﺮ ﺩﮮ ﮔﺎ ﺍﻭﺭ ﺭﻭﺯِ ﻗﯿﺎﻣﺖ ﺍُﺳﮯ ﮨﻤﺎﺭﮮ ﺩﺭﺟﮯ ﻣﯿﮟ ﮨﻤﺎﺭﮮ ﺳﺎﺗﮫ ﻗﺮﺍﺭ ﺩﮮ ﮔﺎ۔’’(٥)
ﺳﻤﺎﻉ ﺍﻣﺎﻡ ﺟﻌﻔﺮ ﺻﺎﺩﻕؑ ﺳﮯ ﺭﻭﺍﯾﺖ ﻧﻘﻞ ﮐﺮﺗﺎ ﮨﮯ ﮐﮧ ﭘﯿﻐﻤﺒﺮ ﺍﮐﺮﻡؐ ﻧﮯ ﻓﺮﻣﺎﯾﺎ۔۔
‘‘ﺟﻮ ﺷﺨﺺ ﻣﺎﮦِ ﺭﺟﺐ ﮐﮯ ﺗﯿﻦ ﺩﻥ ﺭﻭﺯﮦ ﺭﮐﮭﮯ، ﺗﻮ ﺧﺪﺍﻭﻧﺪ ﮨﺮ ﺩﻥ ﮐﮯ ﻋﻮﺽ ﺍُﺱ ﮐﮯ ﻟﯿﮯ ﺍﯾﮏ ﺳﺎﻝ ﮐﮯ ﺭﻭﺯﮮ ﻟﮑﮫ ﺩﯾﺘﺎ ﮨﮯ ﺍﻭﺭ ﺟﻮ ﺍﺱ ﻣﺎﮦ ﻣﯿﮟ ﺳﺎﺕ ﺩﻥ ﺭﻭﺯﮦ ﺭﮐﮭﮯ ﺗﻮ ﺍُﺱ ﭘﺮ ﺟﮩﻨﻢ ﮐﮯ ﺩﺭﻭﺍﺯﮮ ﺑﻨﺪ ﮐﺮ ﺩﯾﺌﮯ ﺟﺎﺋﯿﮟ ﮔﮯ ﺍﻭﺭ ﺟﻮ ﺁﭨﮫ ﺩﻥ ﺭﻭﺯﮦ ﺭﮐﮭﮯ ﺍُﺱ ﮐﮯ ﻟﯿﮯ ﺟﻨﺖ ﮐﮯ ﺁﭨﮭﻮﮞ ﺩﺭﻭﺍﺯﮮ ﮐﮭﻮﻝ ﺩﯾﺌﮯ ﺟﺎﺋﯿﮟ ﮔﮯ ﺍﻭﺭ ﺟﻮ ﭘﻨﺪﺭﮦ ﺩﻥ ﺭﻭﺯﮮ ﺭﮐﮭﮯ ﺧﺪﺍﻭﻧﺪﻣﺘﻌﺎﻝ ﺍﺱ ﮐﮯ ﺣﺴﺎﺏ ﻣﯿﮟ ﻧﺮﻣﯽ ﻓﺮﻣﺎﺋﮯ ﮔﺎ ﺍﻭﺭ ﺟﻮ ﭘﻮﺭﮮ ﻣﺎﮦِ ﺭﺟﺐ ﻣﯿﮟ ﺭﻭﺯﮮ ﺳﮯ ﺭﮨﮯ، ﺧﺪﺍﻭﻧﺪ ﺍﺱ ﮐﮯ ﻟﯿﮯ ﺍﭘﻨﯽ ﺭﺿﻮﺍﻥ ﻭ ﺧﻮﺷﻨﻮﺩﯼ ﻓﺮﺽ ﮐﺮ ﺩﯾﺘﺎ ﮨﮯ ﺍﻭﺭ ﺟﺲ ﮐﮯ ﻟﯿﮯ ﺧﺪﺍﻭﻧﺪ ﺍﭘﻨﯽ ﺭﺿﻮﺍﻥ ﻓﺮﺽ ﮐﺮﺩﮮ، ﺍُﺳﮯ ﮨﺮﮔﺰ ﻋﺬﺍﺏ ﻧﮩﯿﮟ ﮐﺮﮮ ﮔﺎ۔’’(٦)

ﺍﯾﮏ ﻃﻮﻻﻧﯽ ﺭﻭﺍﯾﺖ ﺍﺑﻦ ﺑﺎﺑﻮﯾﮧ ﻗﻤﯽ ﻧﮯ ﻣﻌﺘﺒﺮ ﺳﻨﺪ ﮐﮯ ﺳﺎﺗﮫ ‘‘ﻋﻠﯽ ﺑﻦ ﺳﺎﻟﻢ’’ ﺳﮯ ﺍﻭﺭ ﺍُﺱ ﻧﮯ ﺍﭘﻨﮯ ﺑﺎﭖ ﺳﮯ ﻧﻘﻞ ﮐﯽ ﮨﮯ ﮐﮧ ﺍﺑﮭﯽ ﭼﻨﺪ ﺭﻭﺯ ﻣﺎﮦِ ﺭﺟﺐ ﮐﮯ ﺁﺧﺮ ﺳﮯ ﺑﺎﻗﯽ ﺗﮭﮯ، ﻣﯿﮟ ﺍﻣﺎﻡ ﺟﻌﻔﺮ ﺻﺎﺩﻕؑ ﮐﯽ ﺧﺪﻣﺖ ﻣﯿﮟ ﭘﮩﻨﭽﺎ، ﺟﺐ ﺍﻣﺎﻡؑ ﮐﯽ ﻧﻈﺮِ ﻣﺒﺎﺭﮎ ﻣﺠﮫ ﭘﺮ ﭘﮍﯼ ﺗﻮ ﺁﭖؑ ﻧﮯ ﻓﺮﻣﺎﯾﺎ؛
"ﮐﯿﺎ ﺗﻢ ﻧﮯ ﺍﺱ ﻣﺎﮦ ﻣﯿﮟ ﺭﻭﺯﮦ ﺭﮐﮭﺎ ﮨﮯ؟ ﻣﯿﮟ ﻧﮯ ﻋﺮﺽ ﮐﯽ:
ﻧﮩﯿﮟ! ﺍﮮ ﻓﺮﺯﻧﺪِ ﺭﺳﻮﻝ ﺧﺪﺍ۔
ﺍﻣﺎﻡ ﺻﺎﺩﻕؑ ﻧﮯ ﻓﺮﻣﺎﯾﺎ؛
ﺗﺠﮫ ﺳﮯ ﺍﺱ ﻗﺪﺭ ﺛﻮﺍﺏ ﭼﮭﻮﭦ ﮔﯿﺎ ﮨﮯ ﮐﮧ ﺟﺲ ﮐﯽ ﻗﺪﺭ ﻭ ﻗﯿﻤﺖ ﺳﻮﺍﺋﮯ ﺧﺪﺍﻭﻧﺪﻋﺎﻟﻢ ﮐﮯ ﮐﻮﺋﯽ ﻧﮩﯿﮟ ﺟﺎﻧﺘﺎ، ﺑﮯ ﺷﮏ ﯾﮧ ﻣﺎﮦِ ﺭﺟﺐ ﻭﮦ ﻣﮩﯿﻨﮧ ﮨﮯ ﮐﮧ ﺟﺲ ﮐﻮ ﺧﺪﺍﻭﻧﺪ ﻧﮯ ﺩﻭﺳﺮﮮ ﺗﻤﺎﻡ ﻣﮩﯿﻨﻮﮞ ﭘﺮ ﻓﻀﯿﻠﺖ ﺩﯼ ﮨﮯ ﺍﻭﺭ ﺍﺱ ﮐﯽ ﺣﺮﻣﺖ ﮐﻮ ﺑﺰﺭﮒ ﺷﻤﺎﺭ ﮐﯿﺎ ﮨﮯ ﺍﻭﺭ ﺍﺱ ﻣﺎﮦ ﻣﯿﮟ ﺭﻭﺯﮦ ﺭﮐﮭﻨﮯ ﻭﺍﻟﮯ ﮐﺎ ﺍﺣﺘﺮﺍﻡ ﻭ ﺍﮐﺮﺍﻡ ﺍﭘﻨﮯ ﺍُﻭﭘﺮ ﻭﺍﺟﺐ ﻗﺮﺍﺭ ﺩﯾﺎ ﮨﮯ۔
ﺭﺍﻭﯼ ﮐﮩﺘﺎ ﮨﮯ ﻣﯿﮟ ﻧﮯ ﻋﺮﺽ ﮐﯿﺎ:
ﺍﮮ ﻓﺮﺯﻧﺪِ ﺭﺳﻮﻝ ﺧﺪﺍ! ﺍﮔﺮ ﻣﯿﮟ ﺍﺱ ﻣﺎﮦ ﮐﮯ ﺑﺎﻗﯽ ﻣﺎﻧﺪﮦ ﺩﻧﻮﮞ ﻣﯿﮟ ﺭﻭﺯﮦ ﺭﮐﮭﻮﮞ ﺗﻮ ﮐﯿﺎ ﻣﯿﮟ ﺍﺱ ﻣﺎﮦ ﻣﯿﮟ ﺭﻭﺯﮦ ﺭﮐﮭﻨﮯ ﻭﺍﻟﻮﮞ ﮐﮯ ﮐﭽﮫ ﺛﻮﺍﺏ ﮐﻮ ﺣﺎﺻﻞ ﮐﺮ ﺳﮑﺘﺎ ﮨﻮﮞ؟
ﺍﻣﺎﻡؑ ﻧﮯ ﻓﺮﻣﺎﯾﺎ:
ﺍﮮ ﺳﺎﻟﻢ! ﺟﻮ ﺷﺨﺺ ﻣﺎﮦِ ﺭﺟﺐ ﮐﮯ ﺁﺧﺮ ﻣﯿﮟ ﺍﯾﮏ ﺩﻥ ﺑﮭﯽ ﺭﻭﺯﮦ ﺭﮐﮭﮯ ﮔﺎ، ﺧﺪﺍﻭﻧﺪ ﺍُﺱ ﮐﻮ ﻋﺎﻟﻢِ ﻧﺰﺍﻉ ﮐﯽ ﺳﺨﺘﯽ، ﻣﻮﺕ ﮐﮯ ﺑﻌﺪ ﮐﮯ ﺧﻮﻑ ﺍﻭﺭ ﻗﺒﺮ ﮐﮯ ﻋﺬﺍﺏ ﺳﮯ ﻣﺤﻔﻮﻅ ﺭﮐﮭﮯ ﮔﺎ، ﺍﻭﺭ ﺟﻮ ﺷﺨﺺ ﺍﺱ ﻣﮩﯿﻨﮧ ﮐﮯ ﺁﺧﺮ ﻣﯿﮟ ﺩﻭ ﺩﻥ ﺭﻭﺯﮦ ﺭﮐﮭﮯ ﮔﺎ، ﺗﻮ ﻭﮦ ﭘﻞِ ﺻﺮﺍﻁ ﺳﮯ ﺑﺎﺁﺳﺎﻧﯽ ﮔﺰﺭ ﺟﺎﺋﮯ ﮔﺎ ﺍﻭﺭ ﺟﻮ ﺷﺨﺺ ﺍﺱ ﻣﮩﯿﻨﮧ ﮐﮯ ﺁﺧﺮ ﻣﯿﮟ ﺗﯿﻦ ﺩﻥ ﺭﻭﺯﮦ ﺭﮐﮭﮯ ﮔﺎ، ﺗﻮ ﻭﮦ ﺭﻭﺯِ ﻗﯿﺎﻣﺖ ﮐﮯ ﻭﺣﺸﺘﻨﺎﮎ ﺧﻮﻑ، ﺍُﺱ ﺩﻥ ﮐﯽ ﺳﺨﺘﯽ ﺍﻭﺭ ﻋﺬﺍﺏ ﺳﮯ ﻣﺤﻔﻮﻅ ﺭﮨﮯ ﮔﺎ ﺍﻭﺭ ﺍُﺳﮯ ﺟﮩﻨﻢ ﮐﯽ ﺁﮒ ﺳﮯ ﺑﺮﺍﺋﺖ ﮐﺎ ﭘﺮﻭﺍﻧﮧ ﻋﻄﺎ ﮐﯿﺎ ﺟﺎﺋﮯ ﮔﺎ۔’’(٧)

ﮐﺘﺎﺏ ‘‘ﺗﺤﻔۃ ﺍﻻﺧﻮﺍﻥ’’ ﻣﯿﮟ ‘‘ﺛﻮﺑﺎﻥ’’ ﺳﮯ ﺭﻭﺍﯾﺖ ﻧﻘﻞ ﮨﻮﺋﯽ ﮨﮯ ﮐﮧ ﮨﻢ ﺭﺳﻮﻝ ﺍﻟﻠﮧ ﮐﮯ ﺳﺎﺗﮫ ﺟﺎﺭﮨﮯ ﺗﮭﮯ ﮐﮧ ﮨﻤﺎﺭﺍ ﮔﺰﺭ ﺍﯾﮏ ﺍﯾﺴﮯ ﻗﺒﺮﺳﺘﺎﻥ ﺳﮯ ﮨﻮﺍ، ﺟﮩﺎﮞ ﻣُﺮﺩﻭﮞ ﭘﺮ ﻋﺬﺍﺏ ﮨﻮ ﺭﮨﺎ ﺗﮭﺎ، ﭘﺲ ﺁﻧﺤﻀﺮﺕ ﭨﮭﮩﺮ ﮔﺌﮯ ﺍﻭﺭ ﮔﺮﯾﮧ ﻓﺮﻣﺎﻧﮯ ﮐﮯ ﺑﻌﺪ ﺍُﻥ ﮐﮯ ﺣﻖ ﻣﯿﮟ ﺩﻋﺎ ﮐﯽ: ‘‘ﺧﺪﺍﻭﻧﺪﺍ! ﺍﻥ ﺳﮯ ﻋﺬﺍﺏ ﮐﻮ ﺩﻭﺭ ﻓﺮﻣﺎ ﺩﮮ۔’’ ﭘﮭﺮ ﺁﭖ ﻧﮯ ﻓﺮﻣﺎﯾﺎ: ‘‘ﺍﮔﺮ ﯾﮧ ﻟﻮﮒ ﻣﺎﮦِ ﺭﺟﺐ ﮐﮯ ﺍﯾﮏ ﺩﻥ ﮐﺎ ﺭﻭﺯﮦ ﺭﮐﮫ ﻟﯿﺘﮯ، ﺗﻮ ﻋﺬﺍﺏِ ﻗﺒﺮ ﺍِﻥ ﭘﺮ ﺳﮯ ﺍُﭨﮭﺎ ﻟﯿﺎ ﺟﺎﺗﺎ۔’’(٨)

📚 حوالہ جات:
١۔ ﻓﻀﺎﺋﻞ ﺍﻻﺷﮭﺮ ﺍﻟﺜﻼﺛﮧ، ﺷﯿﺦ ﺻﺪﻭﻕ، ﺹ٣٤۔
٢۔ ﺍﯾﻀﺎً
٣۔ ﺍﻟﻤﻘﻨﻌﮧ، ﺷﯿﺦ ﻣﻔﯿﺪ، ﺹ٣٧٣۔
٤۔ ﺑﺤﺎﺭﺍﻻﻧﻮﺍﺭ، ﻋﻼﻣﮧ ﻣﺠﻠﺴﯽ، ﺝ٩٧، ﺹ٣٧، ﺡ٢٠۔
٥۔ ﻭﺳﺎﺋﻞ ﺍﻟﺸﯿﻌﮧ، ﺷﯿﺦ ﺣﺮ ﻋﺎﻣﻠﯽ، ﺝ١٠، ص٤٧٣۔
٦۔ ﻣﺼﺒﺎﺡ ﺍﻟﻤﺘﮩﺠﺪ، ﺷﯿﺦ ﻃﻮﺳﯽ، ﺹ٧٩٧۔
٧۔ ﻭﺳﺎﺋﻞ ﺍﻟﺸﯿﻌﮧ، ﺷﯿﺦ ﺣﺮ ﻋﺎﻣﻠﯽ، ﺝ١٠، ﺹ٤٧٥۔
٨۔ ﺷﺮﺡ ﺯﯾﺎﺭﺕِ ﺭﺟﺒﯿﮧ، ﺷﯿﺦ ﻣﺤﻤﺪ ﺑﺎﻗﺮ ﺑﯿﺮﺟﻨﺪﯼ۔

https://t.me/islamwitheman/3117
⭕ ISLAM WITH EMAN ⭕

🌹 28 رجب المرجب 🌹

ﺍﻣﺎﻡ ﺣﺴﯿﻦ ﻋﻠﯿﮧ ﺍﻟﺴﻼﻡ کی ﻣﺪﯾﻨﮧ ﺳﮯ ﻣﮑﮧ ﻣﻌﻈﻤﮧ کیطرف روانگی. 60ﮨﺠﺮﯼ.

ﯾﺰﯾﺪ ﺍﭘﻨﮯ ﺑﺎﭖ ﮐﯽ ﺗﺪﻓﯿﻦ ﮐﮯ ﺑﻌﺪ ﻭﺍﭘﺲ ﻟﻮﭨﺎ ﺍﻭﺭ ﺷﮩﺮ ﮐﯽ ﺑﮍﯼ ﻣﺴﺠﺪ ﻣﯿﮟ ﺟﺎ ﮐﺮ ﻟﻮﮔﻮﮞ ﮐﻮ ﺍﭘﻨﯽ ﺑﯿﻌﺖ ﮐﺮﻧﮯ ﮐﯽ ﺩﻋﻮﺕ ﺩﯼ۔ ﺟﺐ ﻟﻮﮔﻮﮞ ﻧﮯ ﺍﺱ ﮐﯽ ﺑﯿﻌﺖ ﮐﯽ ﺗﻮ ﻭﮦ ﺍﭘﻨﮯ ﮔﮭﺮ ﻭﺍﭘﺲ ﭼﻼ ﮔﯿﺎ۔
ﺟﺐ ﻣﻌﺎﻭﻳﻪ ﮨﻼﮎ ﮨﻮﺍ ﺗﻮ ﺍﺱ ﻭﻗﺖ ﻣﺪﯾﻨﮧ ﮐﺎ ﺣﺎﮐﻢ ﻭﻟﻴﺪ ﺑﻦ ﻋﺘﺒﻪ ﺑﻦ ﺍﺑﻮﺳﻔﻴﺎﻥ ﺗﮭﺎ ﺍﻭﺭ ﻣﻜﻪ
ﮐﺎ ﺣﺎﮐﻢ ﻳﺤﻴﻰ ﺑﻦ ﺣﻜﻴﻢ ﺑﻦ ﺻﻔﻮﺍﻥ ﺑﻦ ﺍﻣﻴّﻪ ﺗﮭﺎ، ﺟﺐ ﮐﮧ ﮐﻮﻓﮧ ﻣﯿﮟ ﻧﻌﻤﺎﻥ ﺑﻦ ﺑﺸﻴﺮ ﺍﻧﺼﺎﺭﻯ ﺍﻭﺭ ﺑﺼﺮﻩ ﻣﯿﮟ ﻋﺒﻴﺪﺍﻟﻠَّﻪ ﺑﻦ ﺯﻳﺎﺩ ﮐﯽ ﺣﮑﻮﻣﺖ ﺗﮭﯽ۔

ﻳﺰﻳﺪ ﮐﻮ ﭼﺎﺭ ﻟﻮﮔﻮﮞ ﮐﮯ ﺳﻮﺍ ﮐﺴﯽ ﺳﮯ ﺑﯿﻌﺖ ﻟﯿﻨﮯ ﻣﯿﮟ ﮐﻮﺋﯽ ﻣﺸﮑﻞ ﻧﮩﯿﮟ ﺗﮭﯽ ﻟﮩﺬﺍ ﺍﺱ ﻧﮯ ﻭﻟﻴﺪ ﮐﻮ ﺧﻂ ﻟﮑﮭﺎ ﮐﮧ ﻭﮦ ﺍﻥ ﭼﺎﺭﻭﮞ ﺍﻓﺮﺍﺩ ﺳﮯ ﺑﯿﻌﺖ ﻟﯿﻨﮯ ﻣﯿﮟ سختی ﺳﮯ ﮐﺎﻡ لیں ﺍﻭﺭ ﺍﻧﮩﯿﮟ ﺑﯿﻌﺖ ﻧﮧ ﮐﺮﻧﮯ ﮐﮯ ﺳﻠﺴﻠﮧ ﻣﯿﮟ ﮐﺴﯽ ﭨﺎﻝ ﻣﭩﻮﻝ ﮐﯽ ﺍﺟﺎﺯﺕ ﻧﮧ ﺩیں۔
ﺟﺐ ﻭﻟﻴﺪ ﮐﻮ ﯾﮧ ﺧﻂ ﻣﻼ ﺗﻮ ﻭﮦ ﺧﻮﻓﺰﺩﮦ ﮨﻮ ﮔﯿﺎ ﮐﮧ ﮐﮩﯿﮟ ﺑﻐﺎﻭﺕ ﻧﮧ ﮨﻮ ﺟﺎﺋﮯ ﺍﻭﺭ ﺍﺱ ﻧﮯ ﭘﮩﻠﮯ ﺍﺱ ﺧﻂ ﮐﻮ ﻣﺨﻔﯽ ﺭﮐﮭﺎ ﺍﮔﺮﭼﮧ ﺍﺱ ﮐﮯ ﺍﻭﺭ ﻣﺮﻭﺍﻥ ﮐﮯ ﺩﺭﻣﯿﺎﻥ ﺍﺧﺘﻼﻑ ﺗﮭﺎ ﻟﯿﮑﻦ ﺍﺱ ﮐﮯ ﺑﺎﻭﺟﻮﺩ ﺍﺱ ﻧﮯ ﮐﺴﯽ ﮐﻮ ﺑﮭﯿﺠﺎ ﺗﺎﮐﮧ ﺍﺱ کو ﺑﻼ ﮐﺮ ﻻﺋﮯ۔ ﻣﺮﻭﺍﻥ ﺍﺱ ﮐﮯ ﭘﺎﺱ ﺍٓﯾﺎ ﺍﻭﺭ ﻭﻟﯿﺪ ﻧﮯ ﺍﺳﮯ ﯾﺰﯾﺪ ﮐﺎ ﺧﻂ ﭘﮍﮪ ﮐﺮ ﺳﻨﺎﯾﺎ ﺍﻭﺭ ﺍﺱ ﺳﮯ ﺍﺱ ﺑﺎﺭﮮ ﻣﯿﮟ ﻣﺸﻮﺭﮦ ﮐﯿﺎ۔
ﻣﺮﻭﺍﻥ ﻧﮯ ﮐﮩﺎ؛ ﻋﺒﺪﺍﻟﻠَّﻪ ﺑﻦ ﻋﻤﺮ ﺍﻭﺭ ﻋﺒﺪﺍﻟﺮﺣﻤﻦ ﺑﻦ ﺍﺑﻮﺑﻜﺮ ﮐﯽ ﻭﺟﮧ ﺳﮯ ﻧﮧ ﮈﺭﻭ ﮐﯿﻮﻧﮑﮧ ﯾﮧ ﺩﻭﻧﻮﮞ ﺧﻼﻓﺖ ﮐﮯ ﺩﻋﻮﯾﺪﺍﺭ ﻧﮩﯿﮟ ﮨﯿﮟ ﻟﯿﮑﻦ ﺣﺴﻴﻦ ﻋﻠﻴﻪ ﺍﻟﺴﻼﻡ ﺍﻭﺭ ﻋﺒﺪﺍﻟﻠَّﻪ ﺑﻦ ﺯﺑﻴﺮ ﺳﮯ ﺧﺒﺮﺩﺍﺭ ﺭﮨﻮ۔ ﺍﻭﺭ ﺍﺏ ﮐﺴﯽ ﮐﻮ ﺍﻥ ﮐﮯ ﭘﺎﺱ ﺑﮭﯿﺠﻮ ﺍﻭﺭ ﺍﮔﺮ ﺍﻧﮩﻮﮞ ﻧﮯ ﺑﯿﻌﺖ ﮐﺮ ﻟﯽ ﺗﻮ ﺑﮩﺖ ﺑﮩﺘﺮ ﺍﻭﺭ ﺍﮔﺮ ﺑﯿﻌﺖ ﻧﮧ ﮐﯽ ﺗﻮ ﺍﺱ ﺻﻮﺭﺕ ﻣﯿﮟ ﯾﮧ ﺧﺒﺮ ﭘﮭﯿﻠﻨﮯ ﺍﻭﺭ ﺍﻥ ﮐﯽ ﻣﺨﺎﻟﻔﺖ ﮐﮯ ﺍٓﺷﮑﺎﺭ ﮨﻮﻧﮯ ﺳﮯ ﭘﮩﻠﮯ ﮨﯽ ﺍﻥ ﺩﻭﻧﻮﮞ ﮐﯽ ﮔﺮﺩﻥ ﮐﺎﭦ ﺩﻭ۔
ﻭﻟﻴﺪ ﻧﮯ ﻋﺒﺪﺍﻟﻠَّﻪ ﺑﻦ ﻋﻤﺮ ﺑﻦ ﻋﺜﻤﺎﻥ کو بھیجا کہ ﺣﺴﻴﻦ ﺑﻦ ﻋﻠﻰ ﻋﻠﻴﮩﻤﺎ ﺍﻟﺴﻼﻡ ﺍﻭﺭ ﻋﺒﺪﺍللہ ﺑﻦ ﺯﺑﻴﺮ ﮐﻮ ﺑﻼ ﮐﺮ ﻻﻭٔ۔
ﺍﺱ ﻧﮯ ﺩﻭﻧﻮﮞ ﮐﻮ ﻣﺴﺠﺪ ﻣﯿﮟ ﺩﯾﮑﮭﺎ ﺗﻮ انہیں طلبی کا حکم سنایا۔
ﺍﻧﮩﻮﮞ ﻧﮯ ﮐﮩﺎ: ﺗﻢ ﺟﺎﻭٔ ہم ﺍٓﺗﮯ ﮨﯿﮟ۔
ابن ﺯﺑﻴﺮ ﻧﮯ امام ﺣﺴﻴﻦ ﻋﻠﻴﻪ ﺍﻟﺴﻼﻡ ﺳﮯ ﮐﮩﺎ ﺍٓﭖ ﮐﺎ ﮐﯿﺎ ﺧﻴﺎﻝ ﮨﮯ ﮐﮧ ﺍﺱ ﻧﮯ ﺍﺱ ﻭﻗﺖ ﮨﻤﯿﮟ کیوں بلایا ہے؟
ﺍٓﭖ ﻧﮯ ﻓﺮﻣﺎﯾﺎ؛ معلوم پوتا ہے ﮐﮧ ﻣﻌﺎﻭﯾﮧ ﻣﺮ ﭼﮑﺎ ﮨﮯ ﺍﻭﺭ ﺍﺱ ﻧﮯ ﮨﻢ ﺳﮯ ﺑﯿﻌﺖ ﻟﯿﻨﮯ ﮐﮯ ﻟﺌﮯ ﺍﺳﮯ ﮨﻤﺎﺭﮮ ﭘﺎﺱ ﺑﮭﯿﺠﺎ ﮨﮯ۔
ﺍﺑﻦ ﺯﺑﻴﺮ ﻧﮯ ﮐﮩﺎ، ﻣﯿﺮﺍ ﺑﮭﯽ ﯾﮩﯽ ﺧﯿﺎﻝ ﮨﮯ ﺍﻭﺭ ﭘﮭﺮ ﺩﻭﻧﻮﮞ ﺍﭘﻨﮯ ﮔﮭﺮ ﭼﻠﮯ ﮔﺌﮯ۔

ﺍﻣﺎﻡ ﺣﺴﻴﻦ ﻋﻠﻴﻪ ﺍﻟﺴﻼﻡ ﻧﮯ ﺍﭘﻨﮯ ﮐﭽﮫ ﺳﺎﺗﮭﯿﻮﮞ ﺍﻭﺭ ﻏﻼﻣﻮﮞ ﮐﻮ ﺍﮐﭩﮭﺎ ﮐﯿﺎ ﺍﻭﺭ ﺩﺍﺭﺍﻹﻣﺎﺭﻩ ﮐﯽ ﻃﺮﻑ ﺭﻭﺍﻧﮧ ﮨﻮ ﮔﺌﮯ ﺍﻭﺭ ﺍٓﭖ ﻧﮯ ﺍﻧﮩﯿﮟ ﺣﮑﻢ ﺩﯾﺎ ﮐﮧ ﻭﮦ ﺩﺭﻭﺍﺯﮦ ﭘﺮ ﮐﮭﮍﮮ ﺭﮨﯿﮟ ﺍﻭﺭ ﺟﺐ ﺍﻥ ﮐﯽ ﺍٓﻭﺍﺯ ﺳﻨﯿﮟ ﺗﻮ ﮔﮭﺮ ﭘﺮ ﺣﻤﻠﮧ ﮐﺮ ﺩﯾﮟ۔

ﺣﺴﻴﻦ ﻋﻠﻴﻪ ﺍﻟﺴﻼﻡ ﻭﻟﻴﺪ ﮐﮯ ﭘﺎﺱ ﮔﺌﮯ ﺍﻭﺭ ﺍﺱ ﮐﮯ ﺳﺎﺗﮫ ﺟﺎ ﮐﺮ ﺑﯿﭩﮫ ﮔﺌﮯ، ﺟﺐ ﮐﮧ ﻣﺮﻭﺍﻥ ﺑﮭﯽ ﻭﮨﯿﮟ ﻣﻮﺟﻮﺩ ﺗﮭﺎ۔ ﻭﻟﻴﺪ ﻧﮯ ﻭﮦ ﺧﻂ ﺣﺴﻴﻦ ﻋﻠﻴﻪ ﺍﻟﺴﻼﻡ ﮐﻮ ﭘﮍﮪ ﮐﺮ ﺳﻨﺎﯾﺎ۔
ﺍﻣﺎﻡ ﺣﺴﯿﻦ ﻋﻠﯿﮧ ﺍﻟﺴﻼﻡ ﻧﮯ ﺍﺱ ﮐﮯ ﺟﻮﺍﺏ ﻣﯿﮟ ﻓﺮﻣﺎﯾﺎ : ﻣﺠﮫ ﺟﯿﺴﺎ ﻣﺨﻔﯿﺎﻧﮧ ﻃﻮﺭ ﭘﺮ ﺑﯿﻌﺖ ﻧﮩﯿﮟ ﮐﺮﺗﺎ ﺍﻭﺭ ﻣﯿﮟ ﺗﻤﮩﺎﺭﯼ ﺩﺳﺘﺮﺱ ﻣﯿﮟ ﮨﻮﮞ، ﺗﻢ ﺟﺐ ﺑﮭﯽ ﻟﻮﮔﻮﮞ ﮐﻮ ﺍﺱ ﮐﺎﻡ ﮐﮯ ﻟﺌﮯ ﺟﻤﻊ ﮐﺮﻭ ﮔﮯ ﺗﻮ ﻣﯿﮟ ﺍٓ ﺟﺎﻭٔﮞ ﮔﺎ ﺍﻭﺭ ﻣﯿﮟ ﺑﮭﯽ ﺍﻥ ﻣﯿﮟ ﺳﮯ ﺍﯾﮏ ﮨﻮﮞ۔

ﻭﻟﻴﺪ ﻋﺎﻓﯿﺖ ﭘﺴﻨﺪ ﺷﺨﺺ ﺗﮭﺎ ﻟﮩﺬﺍ ﺍﺱ ﻧﮯ ﺍﻣﺎﻡ ﺣﺴﯿﻦ ﻋﻠﯿﮧ ﺍﻟﺴﻼﻡ ﺳﮯ ﮐﮩﺎ: ﺍٓﭖ ﺟﺎﺋﯿﮟ ﺍﻭﺭ ﺍٓﭖ ﻟﻮﮔﻮﮞ ﮐﮯ ﺳﺎﺗﮫ ﻣﯿﺮﮮ ﭘﺎﺱ ﺍٓﺋﯿﮟ ﺍﻭﺭ ﯾﻮﮞ ﺍﻣﺎﻡ ﺣﺴﯿﻦ ﻋﻠﯿﮧ ﺍﻟﺴﻼﻡ ﻭﮨﺎﮞ ﺳﮯ ﻭﺍﭘﺲ ﻟﻮﭨﮯ۔

ﻣﺮﻭﺍﻥ ﻧﮯ ﻭﻟﻴﺪ ﺳﮯ ﮐﮩﺎ: ﻣﯿﺮﯼ ﺭﺍﺋﮯ ﮐﯽ ﻣﺨﺎﻟﻔﺖ ﻧﮧ ﮐﺮﻭ۔ ﺧﺪﺍ ﮐﯽ ﻗﺴﻢ! ﭘﮭﺮ ﺗﻤﮩﯿﮟ ﺍﯾﺴﺎ ﻣﻮﻗﻊ ﻣﯿﺴﺮ ﻧﮩﯿﮟ ﺍٓﺋﮯ ﮔﺎ۔
ﻭﻟﻴﺪ ﻧﮯ ﮐﮩﺎ: ﺍﻓﺴﻮﺱ ﮨﮯ ﺗﻢ ﭘﺮ ! ﻣﯿﮟ ﻣﯿﺮﯼ ﺭﮨﻨﻤﺎﺋﯽ ﮐﺮ ﺭﮨﮯ ﮨﻮ ﮐﮧ ﻣﯿﮟ ﻓﺎﻃﻤﮧ ﻋﻠﯿﮩﺎ ﺳﻼﻡ ﮐﮯ ﺑﯿﭩﮯ ﺣﺴﯿﻦ ﻋﻠﯿﮧ ﺍﻟﺴﻼﻡ ﮐﻮ ﻗﺘﻞ ﮐﺮ ﺩﻭﮞ۔ ﺧﺪﺍ ﮐﯽ ﻗﺴﻢ! ﻗﯿﺎﻣﺖ ﮐﮯ ﺩﻥ ﺟﺲ ﺳﮯ ﺣﺴﻴﻦ ﻋﻠﻴﻪ ﺍﻟﺴﻼﻡ ﮐﮯ ﻗﺘﻞ ﮐﺎ ﻣﻮٔﺍﺧﺬﮦ ﺍﻭﺭ ﺣﺴﺎﺏ ﻭ ﮐﺘﺎﺏ ﮐﯿﺎ ﺟﺎﺋﮯ ﮔﺎ؛ ﺧﺪﺍ ﮐﯽ ﺑﺎﺭﮔﺎﮦ ﻣﯿﮟ ﺍﺱ ﺷﺨﺺ ﮐﮯ ﻋﻤﻞ ﮐﺎ ﭘﻠﮍﺍ ﺑﮩﺖ ﭘﻠﮑﺎ ﮨﻮ ﮔﺎ۔

المختصر ولید کے پاس سے امام حسینؑ عصمت سرا میں تشریف لائے۔ غایت درجہ کے تردد اور انتشار آپ کے چہرۂ مبارک سے ہویدا اور آشکار تھے۔ اور اب مدینہ میں آپؑ اپنا قیام کسی طرح ممکن نہیں سمجھتے تھے چنانچہ صاحب بلاءالمبین کا بیان ہے کہ جب امام حسینؑ نے مدینہ کا قیام موجب رنج و محن خیال کیا اور حفاظتِ حرمت وجان دشوار سمجھے تو مکہ معظمہ کا قصدِ ہجرت مصمم فرمایا۔

الغرض ﺍﻣﺎﻡ ﺣﺴﻴﻦ ﻋﻠﻴﻪ ﺍﻟﺴﻼﻡ ﻣﻜﻪ ﮐﮯ ﻟﺌﮯ ﺭﻭﺍﻧﮧ ﮨﻮ ﮔﺌﮯ ﺟﺐ ﮐﮧ ﺍٓﭖ ﮐﮯ ﺳﺎﺗﮫ ﺍٓﭖ ﮐﯽ ﺩﻭ ﺑﮩﻨﯿﮟ ﺯﻳﻨﺐ ﻭ ﺍﻡّ ﻛﻠﺜﻮﻡ ﻋﻠﻴﻬﻤﺎ ﺍﻟﺴﻼﻡ، ﺍٓﭖ ﮐﮯ ﺑﮭﺎﺋﯽ ﺍﻭﺭ ﺑﮭﺘﯿﺠﮯ ﺍﺑﻮﺑﻜﺮ ﺟﻌﻔﺮ ، ﻋﺒّﺎﺱ ﺍﻭﺭ ﻣﺤﻤﺪ ﺑﻦ ﺣﻨﻔﯿﮧ ﮐﮯ ﺳﻮﺍ ﺍٓﭖ ﮐﮯ ﺧﺎﻧﺪﺍﻥ ﮐﮯ ﺩﻭﺳﺮﮮ ﺍﻓﺮﺍﺩ ‏(ﮐﮧ ﺟﻮ ﻣﺪﯾﻨﮧ ﻣﯿﮟ ﺗﮭﮯ) ﺍٓﭖ ﮐﮯ ﺳﺎﺗﮫ ﺭﻭﺍﻧﮧ ﮨﻮ ﮔﺌﮯ ﻟﯿﮑﻦ ﻣﺤﻤّﺪ ﺑﻦ ﺣﻨﻔﻴّﻪ ﻣﺪﻳﻨﻪ ﻣﯿﮟ ﮨﯽ ﺭﮨﮯ ﺟﺐ ﮐﮧ ﺍﺑﻦ ﻋﺒّﺎﺱ ﺍﺱ ﺳﮯ ﮐﭽﮫ ﺩﻥ ﭘﮩﻠﮯ ﮨﯽ ﻣﻜﻪ ﭼﻠﮯ ﮔﺌﮯ ﺗﮭﮯ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
https://t.me/islamwitheman/3127
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس۔۔۔

🌹 امام حسینؑ کی مدینہ سے روانگی
https://t.me/islamwitheman/3130

🌹 قبل از روانگی وصیت امام حسینؑ
https://t.me/islamwitheman/3131

🌹 28 رجب المرجب
https://t.me/islamwitheman/3129
⭕ ISLAM WITH EMAN ⭕

🌹 امام حسینؑ کی مدینہ سے روانگی 🌹

نصف رجب 60 ہجری کو معاویہ کی موت کیبعد لوگوں نے یزید کے ہاتھ پر بیعت کی۔ یزید کو برسر اقتدار آنے کیبعد اس کی بیعت کے لئے معاویہ کی دعوت مسترد کرنے والے چند افراد سے بیعت لینے کے سوا کوئی دوسری فکر لاحق نہ تھی۔ اسی بنا پر اس نے اس وقت کے والئِ مدینہ ولید بن عتبہ بن ابی سفیان کو ایک خط لکھا اور اسکو معاویہ کی موت کی خبر دی اور ساتھ ہی ایک چھوٹا اور مختصر خط بھی بھجوایا جس میں یزید نے ولید کو ہدایت کی تھی کہ۔۔
"حسینؑ بن علیؑ، عبداللہ بن عمر اور عبداللہ بن زبیر سے زبردستی بیعت لو اور جو نہ مانے اسکا سر قلم کرو"۔
ان مکتوبات کے پہنچتے ہی ایک اور مکتوب بھی یزید کی طرف سے پہنچا جس میں اس نے والئ مدینہ کو حکم دیا تھا کہ یہ خط وصول کرتے  ہی میرے حامیوں اور مخالفین کے نام میرے لئے بھجوا دو اور حسینؑ بن علیؑ کا سر بھی خط کے جواب کے ساتھ میرے لئے روانہ کرو
چنانچہ ولید نے مروان سے مشورہ کیا اور مروان بن حکم کی تجویز پر انہيں دارالامارہ بلوایا۔ ولید نے عبداللہ بن عمرو بن عثمان بن عفان کو امام حسینؑ، ابن زبیر، ابن عمر اور عبدالرحمٰن بن ابی بکر کے پاس روانہ کیا کہ انہیں حاکمِ مدینہ کے پاس بلا دے۔
تاہم امامؑ اپنے 30 ساتھیوں کے ہمراہ مدینہ کے دارالامارہ پہنچے۔ ولید نے معاویہ کی موت کی خبر سنائی اور پھر یزید کا خط پڑھ کر سنایا جس میں اس نے حکم دیا تھا کہ "حسینؑ سے میرے لئے بیعت لو"۔
چنانچہ ولید نے امام حسینؑ سے کہا کہ بیعت کریں۔ تاہم امام حسینؑ نے مہلت مانگی اور ولید نے بھی مہلت دے دی۔ امامؑ نے ولید سے فرمایا: "کیا تمہیں یہی پسند ہے کہ میں در پردہ، بیعت کروں؟ میرے خیال میں تمہارا مقصد بھی یہ ہے کہ میری بیعت عوام کی  آنکھوں کے سامنے ہو"۔
ولید نے کہا: ہاں! میرا مقصد بھی یہی ہے۔
امامؑ نے فرمایا: "پس، کل تک مجھے فرصت دو تاکہ میں اپنی رائے کا اعلان کروں۔

حاکم مدینہ نے دوسرے روز شام کے وقت اپنے افراد امامؑ کے ہاں بھجوائے تاکہ آپؑ سے جواب وصول کریں۔ تاہم امامؑ نے اس رات کیلئے بھی مہلت مانگی اور ولید نے پھر مہلت دی۔۔
شہر مزید پرامن نہ رہا تھا چنانچہ امام حسینؑ نے مدینہ چھوڑنے کا فیصلہ کیا۔
امام حسینؑ اسی رات (یعنی اتوار کو) مدینہ چھوڑ کر مکہ کی طرف روانہ ہوئے۔

🔷 مدینہ سے ہجرت مکہ کی طرف
رسول اکرمؐ مشرکین قریش کی ریشہ دوانیوں کی وجہ سے مکہ سے ہجرت کر گئے تھے تو فرزندِ رسولؐ کو ان ہی وجوہات اور ان ہی مشرکین کی اولاد کی سازشوں کی بنا پر مدینہ چھوڑ کر مکہ اور پھر عراق کی طرف ہجرت کرنا پڑی جنہوں نے امام حسینؑ کو قتل کرکے کہا: کاش میرے بدر میں مارے گئے آباؤاجداد آج زندہ ہوتے اور میرے اس کارنامے کو دیکھکر کہتے تیرے ہاتھ شل نہ ہوں۔ یعنی مدینہ سے مکہ اور عراق کیطرف امام حسینؑ کی ہجرت اسلام کے دعویداروں کی سازشوں کا نتیجہ تھی۔ یہاں اس ہجرت کے مختلف مراحل اختصاراً بیان کئے جارہے ہیں۔۔

🔷 ترک وطن
امامؑ نے مدینہ سے نکلنے کا ارادہ کیا؛ رات کے وقت اپنی والدہ ماجدہ اور بھائی کی قبور پر حاضری دی اور نماز بجا لائی اور وداع کیا اور صبح کے وقت گھر لوٹ آئے۔ بعض تاریخی ذرائع نے بیان کیا ہے کہ امامؑ دو شب مسلسل اپنے جد امجد کی قبر کے پاس رہے۔

🔷 وصیت بھائی کے نام
محمد بن حنفیہ کو معلوم ہوا کہ بھائی حسینؑ عنقریب سفر پر جارہے ہیں تو انھوں نے آ کر وداع کیا۔ امامؑ نے  اپنی وصیت ان کے نام پر لکھی۔ جس کا مضمون کچھ یوں تھا۔۔
میں اپنا وطن کسی شر وفساد پھیلانے اور ظلم و ستم کرنے کی خاطر نہیں چھوڑ رہا ہوں بلکہ مدینہ سے میری روانگی کا مقصد یہ ہے کہ اپنے نانا حضرت محمد (ص) کی امت کی اصلاح کروں اور امربالمعروف کروں اور نہی عن المنکر کروں اور اپنے نانا رسول اللہ(ص) اور بابا علیؑ بن ابیطالبؑ کی سیرت پر عمل پیرا ہونا چاہتا ہوں۔

🔷 مکہ کی طرف روانگی
امام حسینؑ 28 رجب کو رات کے وقت اور بروایت دیگر تین شعبان سنہ 60 ہجری کو اپنے خاندان اور اصحاب کے 82 افراد کے ساتھ مدینہ سے روانہ ہوئے۔ اس سفر میں محمد بن حنفیہ کے سوا امام حسینؑ کے اکثر اعزّاء و اقارب منجملہ آپ کے بیٹے، بیٹیاں، بھائی، اور بھتیجے آپ کے ساتھ تھے۔ بنو ہاشم کے علاوہ آپ کے 200 صحابی بھی آپ کے ساتھ روانہ ہوگئے تھے۔

امام حسینؑ اپنے قافلے کے ساتھ مدینہ سے نکل گئے اور  اپنے [بعض] قریبی اقرباء کی مخالفت کے باوجود مکہ کی طرف روانہ ہوئے۔

مکہ کے راستے میں آپ اور افراد قافلہ نے عبداللہ بن مطيع، سے ملاقات کی۔ امام حسینؑ پانچ روز بعد 3 شعبان 60ھ کو مکہ میں داخل ہوئے اور اہلیان مکہ اور حُجاجِ بیت اللہ الحرام نے آپ کا شاندار استقبال کیا۔
۔۔۔۔۔۔۔۔۔۔۔۔۔۔۔
t.me/islamwitheman/3128
۔۔۔۔۔۔۔۔۔۔۔۔۔۔۔

👈 مزید پوسٹس۔۔۔

🌹 امام حسینؑ کی مدینہ سے روانگی
t.me/islamwitheman/3130

🌹 قبل از روانگی وصیت امام حسینؑ
t.me/islamwitheman/3131

🌹 28 رجب المرجب
t.me/islamwitheman/3129
⭕ ISLAM WITH EMAN ⭕

🌹 قبل از روانگی وصیتِ امام حسینؑ 🌹

مکہ کوچ سے پہلے صبح سویرے محمد حنفیہ امام حسین علیہ السلام کی خدمت میں حاضر ہوئے اور کچھ باتیں کیں جن کا خلاصہ یہ ہے کہ

یا تو آپ مکہ میں ٹھہرلیں (رہیں) یا یمن کے شہروں یا بیابانوں اور جنگلوں کی طرف چلے جائیں۔

امام علیہ السلام نے فرمایا:
اگر دنیا میں میرے لیے کوئی پر امن جگہ نہ بھی ہو پھر بھی یزید کی بیعت نہیں کرونگا،
دونوں بھائی کچھ دیر روتے رہے.

امام علیہ السلام نے فرمایا:
میرا مکہ کا ارادہ ہے؛

پھر قلم و کاغذ طلب کیا اور اپنا وصیت نامہ لکھا....
امام حسین علیہ السلام کا وصیت نامہ جو اپنے بھائی محمد حنفیہ کو لکھ کر دیا:

بسم اللہ الرحمن الرحیم....
میں حسین، خداوند متعال کی توحید کی گواہی دیتا ہوں جو یکتا ہے اور شریک نہیں رکھتا، حضرت محمد صلی اللہ علیہ وآلہ وسلم خداوند کے بندے (عبد) اور رسول ہیں اور حق تعاليٰ کی جانب سے رسالت کے ساتھ مبعوث ہوئے ... جنت اور دوزخ حق ہے، بے شک قیامت آئے گی اور خداوند متعال مردوں کو قبروں سے اُٹھائے گا...
میں نے تکبر و خود خواہی یا فساد و ظلم ایجاد کرنے کے لیے قیام نہیں کیا بلکہ میں نے قیام کیا ہے تاکہ اپنے جد بزرگوار صلی اللہ علیہ وآلہ وسلم کی امت اور اپنے والد نامدار علی ابن ابی طالب علیہ السلام کے شیعوں کی اصطلاح کروں پس جس شخص نے مجھے قبول کیا، حق کو قبول کیا ہے اور جو بھی مجھے ٹھکرا دے تو میں صبر سے کام لوں گا یہاں تک کہ خداوند میرے اور اس گروہ کے درمیان حق کے ساتھ فیصلہ فرمائے اور وہ سب سے بہتر فیصلہ کرنے والا ہے...

اے بھائی.....
یہ آپ کے ہاتھوں میں میری وصیت ہے
‘‘وما توفیقی الا باللہ علیہ توکلت والیہ انیب’’۔
بعد ازاں اس تحریر کو بند کیا، اپنی مہر لگائی اور اپنے بھائی محمد بن حنفیہ کو دے دیا۔
(شاہکار آفرینش از ص ۷۷ تا ۷۹)

یزید پلید کی بیعت کرنا اور اس کی حکومت قبول کرنا؛ اسلام کو وداع کرنا ہے.

کتاب مستطاب ‘سیرۂ امام حسین علیہ السلام از طلوع اشکبار تا عروج خونین، تالیف محسن غفاری’’میں مندرجہ بالا عنوان کے تحت مرقوم ہے کہ جس رات دارالامارہ میں بلوا کر حضرت امام حسین علیہ السلام سے ولید بن عتبہ نے یزید پلید کی بیعت کا سوال کیا،
جب صبح ہوئی تو گھر سے باہر امام علیہ السلام کا مروان بن حکم سے آمنا سامنا ہوا۔ مروان نے کہا:

یااباعبداللہ! میں آپ کی بھلائی چاہتا ہوں،
آپ کیلیے میری ایک تجویز ہے کہ اگر قبول کرلیں تو آپ کی خیر و صلاح میں ہے...

امام علیہ السلام نے پوچھا:
کیا تجویز رکھتے ہو؟

مروان کہنے لگا:

جیسا کہ کل رات ولید بن عتبہ کے سامنے پیش آیا تھا، آپ یزید ابن معاویہ کی بیعت کرلیں
کیونکہ یہ کام آپ کے دینی اور دنیوی فائدے میں ہے...

امام علیہ السلام نے ارشاد فرمایا:

انّا للہ و انا الیہ راجعون وعلی الاسلام سلام اذا بلیت الامّۃُ براعٍ مثل یزید ۔
یعنی بے شک ہم اللہ کیلیے ہیں اور بے شک ہم اسی کی طرف لوٹ کر جانے والے ہیں
اور اسلام پر سلام ہے
(یعنی ایسی صورتْحال میں اسلام سے وداع کرنا ہے اور سلامِ آخر کہنا ہے)

کہ جب امت یزید جیسے نالائق فرد کی سرپرستی میں گرفتار ہوجائے..

ولقد سمعت جدی رسول اللہ صلی اللہ علیہ وآلہ وسلم یقول:
الخلافۃ محرّمۃٌ علی آل ابی سفیان،فاذا رایتُم معاویۃ علی منبری ۔۔۔۔۔۔۔ فابتلاھم اللہ بیزید الفاسق...

یعنی میں نے اپنے جد بزرگوار حضرت رسولِ خدا صلی اللہ علیہ وآلہ وسلم سے سنا ہے کہ
انہوں نے فرمایا:
خلافت ابو سفیان کی اولاد پر حرام ہے،
پس اگر معاویہ کو میرے منبر پر دیکھو تو اسے میرے منبر سے ہٹادو،

اہل مدینہ نے ایسا ہی دیکھا لیکن قولِ رسول پر عمل نہیں کیا
پس خداوندمتعال نے انہیں یزید جیسے فاسق حکمران کی حکومت میں گرفتار کردیا۔
(سیرۂ امام حسین علیہ السلام ص ۱۳۱،۱۳۲)

حضرت امام حسین علیہ السلام کی بنو ہاشم کو قیام کیلیے دعوت

کربلا کا سفر شروع کرنے سے پہلے حضرت امام حسین علیہ السلام نے اپنے خاندان بنوہاشم کو مندرجہ ذیل الفاظ میں اپنے شہادت بخش انقلاب و تحریک میں شرکت کی دعوت دی:

بسم اللہ الرحمٰن الرحیم
مِن الحسین بن علی بن ابی طالب الی بنی ھاشم،امابعد! فانہ من الحق بی منکم استشھد ومن تخلف لم یبلغ مبلغ الفتح،
والسلام -

ترجمہ : شروع الله کے نام سے جو رحمان و رحیم ہے ...
حسین ابن علی ابن ابیطالب کی طرف سے بنوہاشم کے نام :
امابعد!
آپ میں سے جو شخص میرے ساتھ ملحق ہوگیا
شھادت کی سعادت پالے گا
اور جو بھی سرپیچی کرے گا
اُسے فتح و ظفر نصیب نہیں ہوگی۔
والسلام.....

📚 بحوالہ ....مقتل الحسین خوارزمی۔۔۔و دیگر کتب مقاتل.
۔۔۔۔۔۔۔۔۔۔۔۔۔۔۔۔۔۔۔۔۔۔۔
https://t.me/islamwitheman/3127
۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس۔۔۔

🌹 امام حسینؑ کی مدینہ سے روانگی
https://t.me/islamwitheman/3130

🌹 قبل از روانگی وصیت امام حسینؑ
https://t.me/islamwitheman/3131

🌹 28 رجب المرجب
https://t.me/islamwitheman/3129
⭕ ISLAM WITH EMAN ⭕

🌹 واقعۂ معراج النبیؐ 🌹

چونکہ ہمارے اہلسنت بھائی ستائیس رجب المرجب کو عیدِ معراج مناتے ہیں۔ اس لئے مناسب جانا کہ معراج کے بارے میں بیان کیا جائے۔۔

🔷 واقعۂ معراج
‘‘واقعۂ معراج’’ کب اور کس طرح پیش آیا اس کی صحیح اور دقیق تاریخی جزئیات کے بارے میں تاریخ نویسوں کے درمیان کافی زیادہ اختلاف پایا جاتاہے، بعض کہتے ہیں کہ ‘‘واقعہ معراج’’ بعثتِ پیغمبرؐ کے چھ ماہ بعد اور بعض کی رائے میں بعثت کے دوسرے، تیسرے، پانچویں، دسویں، گیارہویں یا بارہویں سال میں رونما ہوا۔(١)

علی بن ابراہیم قمی بیان کرتے ہیں کہ واقعۂ معراج ٢٧ رجب المرجب ١٢ ؁ بعثت کی رات پیش آیا، جب خداوند عالم نے جبرائیلؑ کو بھیج کر بُراق کے ذریعہ آنحضرتؐ کو قاب قوسین کی منزل پر بلایا اور وہاں علی بن ابی طالبؑ کی خلافت و امامت کے متعلق ہدایات فرمائیں۔(٢)

‘‘واقعہ معراج’’ کا اقرار اور اس پر عقیدہ رکھنا ضروریاتِ دین میں سے ہے، حضرت امام جعفر صادقؑ فرماتے ہیں:
‘‘جو شخص معراج کا منکر ہے اس کا ہم سے کوئی تعلق نہیں ہے۔‘‘(٣)

روایت میں ہے کہ معراج سے پہلے صرف دو نمازیں واجب تھیں اور معراج کے بعد پانچ وقت کی نمازیں مقرر ہوئیں۔

جب ہم رسول اکرمؐ کے ‘‘واقعہ معراج’’ کے بارے میں گفتگو کرتے ہیں تو ہمارے سامنے دو عنوان آتے ہیں: ایک اسراء اور دوسرا معراج۔

‘‘اسراء’’
یہ رات کے وقت آنحضرتؐ کا وہ سفر ہے جو مسجد الحرام یعنی مکہ مکرمہ سے مسجد اقصیٰ یعنی بیت المقدس تک طے ہوا، چنانچہ اس بارے میں قرآنِ کریم کا صریح ارشاد ہے:
‘‘پاک و منزہ ہے وہ ذات جس نے رات میں اپنے بندے کو مسجدِ حرام سے مسجدِ اقصیٰ، وہ مسجد جس کے اطراف کو ہم نے برکت دی، تک کی سیر کرائی، تاکہ ہم اپنے بندے کو اپنی (قدرت کی) نشانیاں دکھائیں۔’’(٤)

یہ سفرجناب اُم ہانی کے گھر سے شروع ہوا، پہلے آپؐ بیت المقدس تشریف لے گئے پھر وہاں سے آسمان کے سفر پر روانہ ہوئے۔ آسمانی منازل طے کرتے ہوئے آپؐ ایک ایسی منزل پر پہنچے جس کے آگے جبرائیلؑ کا جانا بھی ممکن نہ تھا، جبرائیلؑ نے عرض کی حضور اب اگر ایک انگلی بھی آگے بڑھوں گا تو جل جاؤں گا۔ پھر آپؐ بُراق پر سوار آگے بڑھے، ایک منزل پر بُراق رک گیا اور آپؐ رفرف پر بیٹھ کر آگے روانہ ہوگئے یہ ایک نوری تخت تھا جو نور کے دریا میں جا رہا تھا یہاں تک کہ آپؐ منزلِ مقصود پر پہنچ گئے۔(٥)

اس آیت میں جملہ ‘‘سُبْحَانَ الَّذِی’’ اس حقیقت کو بیان کر رہا ہے کہ یہ سفر خداوند متعال کی قدرت کے پرتو میں انجام پایا تھا۔ جملہ ‘‘أَسْرٰی بِعَبْدِہِ لَیْلاً’’ سے یہ مطلب واضح ہے کہ اس سیر کی علت ذات خداوندی تھی اور اسی سے یہ بات بھی واضح ہو جاتی ہے کہ یہ سیر رات کے وقت ہوئی، اس کے علاوہ لفظ ‘‘لَیْلاً’’ سے بھی وہی مفہوم سمجھ میں آتا ہے جو لفظ ‘‘أَسْرٰی’’ سے سمجھ میں آتا ہے، کیونکہ عربی میں یہ لفظ رات کے وقت سفر کے مفہوم میں استعمال ہوتا ہے، تیسری بات یہ ہے کہ یہ ‘‘سفر’’ جسمانی اور روحانی تھا اگر فقط روحانی ہوتا تو اس کے لیے لفظ ‘‘بِعَبْدِہِ’’ کے ذکر کی کوئی ضرورت پیش نہ آتی۔ مذکورہ آیت کی رو سے اس سفر کا آغاز ‘‘مسجد الحرام’’ سے ہوتا ہے اور اختتام ‘‘مسجد اقصیٰ’’ پر اور آخر میں اس سفر کا یہ مطلب بتایا گیا ہے کہ خداوند متعال کو اپنی نشانیاں دکھانا مقصود تھیں۔

‘‘معراج’’ اور ملکوت اعلیٰ کی سیر کے بارے میں بہت سے محدثین اور مورخین کے نظریات کی بنیاد پر تحقیقات کی جا چکی ہیں اگرچہ سب کی متفقہ رائے یہی ہے کہ شبِ معراج، ہی شبِ اسراء ہے، یعنی یہ دونوں سفر ایک ہی رات میں انجام پائے ہیں۔(٦)

حضرت عبداللہ بن عکیم سے روایت ہے کہ حضور نبی اکریم نے فرمایا کہ اللہ تعالی نے شب معراج وحی کے ذریعے مجھے علی کی تین صفات کی خبر دی یہ کہ وہ تمام مومنین کے سردار ہیں، متقین کے امام ہیں اور (قیامت کے روز) نورانی چہرے والوں کے قائد ہوں گے اس حدیث کو امام طبرانی نے اپنی المعجم الصغیر میں بیان کیا ہے۔

عن ابن عباس قال : ما نزل فی احد من کتاب اللہ تعالی ما نزل فی علی رواہ ابن عساکر فی تاریخہ۔
(اخرجہ ابن عساکر فی تاریخ دمشق الکبیر 363/42والسےوطی فی تاریخ الخلفاء:٢٣١)

📚 حوالہ جات
١۔ الصحیح من سیرة النبی الاعظمؐ، ج١، ص٢٢٩ - ٢٧٠.
٢۔ تفسیرقمی ؒ، سورہ النجم.
٣۔ سفینۃ البحار، شیخ عباس قمی ؒ، ج٢، ص١٧٤.
٤۔ سورۂ اسراء، آیت١.
٥۔ شرح عقائدنسفی، ص٦٨.
٦۔ تاریخِ پیغمبرؐ، عبدالحسین امینی ؒ، ص١٠٩.

https://t.me/islamwitheman/3124
⭕ ISLAM WITH EMAN ⭕

🌷 ماہِ شعبان میں فضیلت روزہ و صدقہ 🌷

■ ماهِ شعبان میں فضیلتِ روزہ
شعبان وہ عظیم مہینہ جو حضرت رسولؐ سے منسوب ہے حضورؐ اس مہینے میں روزے رکھتے اور اس مہینے کے روزوں کو ماہ رمضان کے روزوں سے متصل فرماتے تھے ۔ اس بارے میں آنحضرت کا فرمان ہے کہ شعبان میرا مہینہ ہے اور جو شخص اس مہینہ میں ایک روزہ رکھے تو جنت اس کیلئے واجب ہو جاتی ہے۔

امام جعفر صادقؑ فرماتے ہیں کہ جب شعبان کا چاند نمودار ہوتا تو امام زین العابدینؑ تمام اصحاب کو جمع کرتے اور فرماتے : اے میرے اصحاب ! جانتے ہو کہ یہ کونسا مہینہ ہے ؟ یہ شعبان کا مہینہ ہے اور رسول اکرمؐ فرمایا کرتے تھے کہ یہ شعبان میرا مہینہ ہے۔ پس اپنے نبیؐ کی محبت اور خدا کی قربت کیلئے اس مہینے میں روزے رکھو۔ اس خدا کی قسم کہ جس کے قبضہ قدرت میں علیؑ ابن الحسینؑ کی جان ہے میں نے اپنے پدر بزرگوار حسینؑ ابن علیؑ سے سنا وہ فرماتے تھے میں نے اپنے والد گرامی امیرالمؤمنینؑ سے سنا کہ جو شخص محبتِ رسولؐ اور تقربِ خدا کیلئے شعبان میں روزہ رکھے تو خدائے تعالیٰ اسے اپنا تقرب عطا کریگا قیامت کے دن اس کو عزت و احترم ملے گا اور جنت اس کیلئے واجب ہو جائے گی۔

شیخ نے صفوان جمال سے روایت کی ہے کہ امام جعفر صادقؑ نے فرمایا:
اپنے قریبی لوگوں کو ماہ شعبان میں روزہ رکھنے پر آمادہ کرو۔
میں نے عرض کیا:
آپ پر قربان ہو جاؤں اس میں کوئی فضیلت ہے؟
آپؑ نے فرمایا:
ہاں! اور فرمایا رسول ﷲ جب شعبان کا چاند دیکھتے تو آپ کے حکم سے ایک منادی یہ ندا کرتا۔۔

اے اہل مدینہ! میں رسولِخداؐ کا نمائندہ ہوں اور ان کا فرمان ہے کہ شعبان میرا مہینہ ہے۔ خدا کی رحمت ہو اس پر جو اس مہینے میں میری مدد کرے۔ یعنی روزہ رکھے۔
صفوان کہتے ہیں امام جعفر صادقؑ کا ارشاد ہے کہ۔۔
امیرالمؤمنینؑ فرماتے تھے جب سے منادی رسولؐ نے یہ ندا دی اسکے بعد شعبان کا روزہ مجھ سے قضا نہیں ہوا اور جب تک زندگی کا چراغ گل نہیں ہو جاتا یہ روزہ مجھ سے ترک نہیں ہوگا نیز فرمایا کہ شعبان اور رمضان دو مہینوں کے روزے توبہ اور بخشش کا موجب ہیں۔(1)

■ ماهِ شعبان میں فضیلتِ صدقہ
🌹 عَنِ الْعَبَّاسِ بْنِ هِلَالٍ قَالَ: سَمِعْتُ أَبَا الْحَسَنِ عَلِيَّ بْنَ مُوسَى الرِّضَا عَلَيْهِ ﺍﻟﺴﱠﱠﻠَﺎﻡُ يَقُولُ: مَنْ تَصَدَّقَ فِي شَعْبَانَ بِصَدَقَةٍ وَ لَوْ بِشِقِّ تَمْرَةٍ حَرَّمَ اللَّهُ جَسَدَهُ عَلَى النَّارِ.(2)
ترجمہ:
حضرت امام رضا علیہ السلام:
جو شخص بهی شعبان میں کچھ صدقہ دے، خواہ آدها خرما ہی ہو، خداوند عالم اس جسم پر آتش جہنم کو حرام کر دیتا ہے.

🌹 عَنْ دَاوُدَ الرَّقِّيِّ قَالَ: سَأَلْتُ أَبَا عَبْدِ اللَّهِ عَلَيْهِ ﺍﻟﺴﱠﱠﻠَﺎﻡُ مَا أَفْضَلُ مَا يُفْعَلُ فِيهِ؟ قَالَ: الصَّدَقَةُ وَ الِاسْتِغْفَارُ، وَ مَنْ تَصَدَّقَ بِصَدَقَةٍ فِي شَعْبَانَ، رَبَّاهَا اللَّهُ تَعَالَى كَمَا يُرَبِّي أَحَدُكُمْ فَصِيلَهُ حَتَّى يُوَافِيَ يَوْمَ الْقِيَامَةِ وَ قَدْ صَارَتْ مِثْلَ أُحُدٍ۔(3)
ترجمہ:
داوود رَقّی کہتے ہیں: میں نے حضرت امام صادق علیہ السلام کی خدمت میں عرض کیا: ماہ شعبان میں سب سے بہترین عمل کیا ہے؟

فرمایا: صدقہ اور استغفار، جو شجص بهی ماه شعبان میں صدقہ دے تو خداوند متعال اس صدقہ کو پرورش دیتا (اسے بڑهاتا) رہتا ہے، جس طرح سے تم اونٹ کے بچے کی پرورش کرتے ہو، خداوند عالم روز قیامت اس صدقہ کو واپس کرے گا اس طرح کہ وہ کوه احد کے برابر ہو چکا ہوگا.

📚 حوالہ جات
(1) مفاتيح الجنان، ص310۔
(2) بحارالأنوار، ج97، ص72 به نقل از عیون اخبارالرضا علیه السلام
(3) وسائل‏ الشيعة، ج10، ص511 به نقل از اقبال الاعمال.

https://t.me/islamwitheman/3133
⭕ ISLAM WITH EMAN ⭕

🌷 ماہ شعبان کے مشترکہ اعمال 🌷

اس عظیم و شریف مہینے کے أعمال دو قسم کے ہیں ایک اعمال مشترکہ اور دوسرے اعمال مختصہ۔ یہاں اعمال مشترکہ بیان کئے جاتے ہیں۔

🔹 استغفار
روایات سے معلوم ہوتا ہے کہ اس ماہ کا بہترین عمل استغفار ہے اور اس مہینے میں ستر مرتبہ استغفار کرنا گویا دوسرے مہینوں میں ستر ہزار مرتبہ استغفار کرنے کے برابر ہے۔

▪ہر روز ستر مرتبہ کہے۔۔
اَسْتغْفِرُ ﷲ وَ اَسْئَلُہُ التَّوْبَۃَ۔
بخشش چاہتا ہوں ﷲ سے اور توبہ کی توفیق مانگتا ہوں۔

▪ہر روز ستر مرتبہ کہے۔۔
اَسْتغْفِرُ ﷲ الَّذِیْ لَا اِلَہَ اِلَّا ھُوَ الرَّحْمٰنُ الرَّحِیْمُ الْحَیُّ الْقَیُّوْمُ وَ اَتُوْبُ اِلَیْہِ۔
بخشش کا طالب ہوں ﷲ سے کہ جس کے سوا کوئی معبود نہیں وہ بخشنے والا مہربان ہے زندہ نگہبان ہے اور میں اسکے حضور توبہ کرتا ہوں زندہ و پائندہ بخشنے والا مہربان۔

بعض روایات میں الْحَیُّ الْقَیُّوْمُ کے الفاظ الرَّحْمٰنُ الرَّحِیْمُ سے قبل ذکر ہوئے ہیں۔ پس جیسے بھی عمل کرے مناسب ہے۔

🔹 صدقہ
صدقہ دے اگرچہ وہ نصف خرما ہی کیوں نہ ہو، اس سے خدا اسکے جسم پر جہنم کی آگ کو حرام کردے گا۔

امام جعفر صادقؑ سے ماہ رجب کے روزے کے بارے میں پوچھا گیا تو آپ نے فرمایا؛
تم ماہ شعبان کے روزے سے کیوں غافل ہو؟
راوی نے عرض کی:
فرزند رسولؐ! شعبان کے ایک روزے کا ثواب کس قدر ہے؟ فرمایا قسم بخدا کہ اس کا اجر و ثواب بہشت ہے۔
اس نے عرض کی:
اے فرزند رسولؐ! اس ماہ کا بہترین عمل کیا ہے؟
فرمایا:
صدقہ و استغفار، جو شخص ماہ شعبان میں صدقہ دے۔ پس خدا اس صدقے میں اس طرح اضافہ کرتا رہے گا، جیسے تم لوگ اونٹنی کے بچے کو پال کر عظیم الجثہ اونٹ بنا دیتے ہو۔ چنانچہ یہ صدقہ قیامت کے روز احد کے پہاڑ کی مثل بڑھ چکا ہوگا۔

🔹 ذِکر
پورے ماہ میں ہزار مرتبہ کہے۔۔
لاَ اِلٰہَ اِلَّا ﷲ وَلَا نَعْبُدُ اِلَّا اِیَّاہُ مُخْلِصِیْنَ لَہُ الدِّیْنَ وَلَوْ کَرِہَ الْمُشْرِکِیْنَ۔
ﷲ کے سوا کوئی معبود نہیں اور ہم عبادت نہیں کرتے مگر اسی کی ہم اس کے دین سے خلوص رکھتے ہیں اگرچہ مشرکوں پر ناگوار گزرے۔

اس ذکر کا بہت زیادہ ثواب ہے، جس میں ایک جز یہ ہے کہ جو شخص مقررہ تعداد میں یہ ذکر کرے گا اس کے نامہ اعمال میں ایک ہزار سال کی عبادت کا ثواب لکھ دیا جائے گا۔

🔹 نماز
شعبان کی ہر جمعرات کو دو رکعت نماز پڑھے ہر رکعت میں سورہ حمد کے بعد سو مرتبہ سورہ توحید پڑھے۔
اور نماز کے بعد سو مرتبہ درود شریف پڑھے تاکہ خدا دین و دنیا میں اس کی ہر نیک حاجت پوری فرمائے۔

🔹 روزہ
حضورؐ اس مہینے میں روزے رکھتے اور اس مہینے کے روزوں کو ماہ رمضان کے روزوں سے متصل فرماتے تھے۔ اس بارے میں آنحضرت کا فرمان ہے کہ شعبان میرا مہینہ ہے اور جو شخص اس مہینہ میں ایک روزہ رکھے تو جنت اس کیلئے واجب ہو جاتی ہے۔
روایت میں آیا ہے کہ شعبان کی ہر جمعرات کو آسمان سجایا جاتا ہے تو ملائکہ عرض کرتے ہیں، خدایا آج کا روزہ رکھنے والوں کو بخش دے اور ان کی دعائیں قبول کر لے۔

ایک حدیث میں مذکور ہے کہ اگر کوئی شخص ماہ شعبان میں سوموار اور جمعرات کو روزہ رکھے تو خدا وند کریم دنیا و آخرت میں اس کی بیس بیس حاجات پوری فرمائے گا۔

🔹 درود شریف
ماہ شعبان میں درود شریف بکثرت پڑھے۔

🔹 امام زین العابدین سے مروی صلوات
شعبان میں ہرروز وقت زوال اور پندرہ شعبان کی رات کو امام زین العابدین سے مروی صلوات پڑھے۔ (اعمال کی کتب میں موجود ہے)

🔹 امیرالمؤمنین اور انکے فرزندان کی مناجات
یہ مناجات بھی اعمال کی کتب میں موجود ہیں۔

📚 مفاتيح الجنان

https://t.me/islamwitheman/3137
⭕ ISLAM WITH EMAN ⭕