🌹 ولادت باسعادت حضرت علیؑ 🌹

13 رجب المرجب ولادت باسعادت مولائے کائنات حضرت علی علیہ السلام کے موقع پر تمام عالم اسلام اور بالخصوص امام زمانہ عج کی خدمت میں ہدیہ تبریک و تہنیت پیش کرتے ہیں.

■ ﺍﻣﯿﺮﺍﻟﻤﺆﻣﻨﯿﻦ ﺍﻣﺎﻡ ﻋﻠﯽ ﻋﻠﯿﮧ ﺍﻟﺴﻼﻡ ﺑﺮﻭﺯ ﺟﻤﻌﮧ 13 ﺭﺟﺐ ﺍﻟﻤﺮﺟﺐ ﺳﻨﮧ 30 ﺑﻌﺪ ﺍﺯ ﻋﺎﻡ ﺍﻟﻔﯿﻞ ﮐﻮ ﺷﮩﺮ ﻣﮑﮧ ﻣﯿﮟ ﻭﺍﻗﻊ ﺧﺎﻧﮧ ﮐﻌﺒﮧ ﻣﯿﮟ ﭘﯿﺪﺍﮨﻮﺋﮯ ﭼﻮﻧﮑﮧ ﺭﻭﺍﯾﺎﺕ ﮐﮯ ﻣﻄﺎﺑﻖ ﺣﻀﺮﺕ ﻣﺤﻤﺪ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻋﺎﻡ ﺍﻟﻔﯿﻞ ﻣﯿﮟ ﮨﯽ ﭘﯿﺪﺍ ﮨﻮﺋﮯ ﮨﯿﮟ ﺍﻭﺭ ﻭﺻﺎﻝ ﮐﮯ ﻭﻗﺖ ﺁﭖﮐﯽ ﻋﻤﺮ ﻣﺒﺎﺭﮎ 63 ﺑﺮﺱ ﺗﮭﯽ، ﺍﻭﺭ ﻣﺆﺭﺧﯿﻦ ﻧﮯ ﻟﮑﮭﺎﮨﮯ ﮐﮧ ﺁﭖؐ ﮐﺎ ﺳﺎﻝ ﻭﻻﺩﺕ ﺳﻨﮧ 569 ﯾﺎ 570 ﻋﯿﺴﻮﯼ ﮨﮯ ﺍﻭﺭ ﯾﮧ ﮐﮧ
ﺍﻣﺎﻡ ﻋﻠﯽ ﻋﻠﯿﮧ ﺍﻟﺴﻼﻡ ﻋﺎﻡ ﺍﻟﻔﯿﻞ ﮐﮯ ﺗﯿﺲ ﺑﺮﺱ ﺑﻌﺪ ﭘﯿﺪﺍ ﮨﻮﺋﮯ ﮨﯿﮟ ﭼﻨﺎﻧﭽﮧ ﮐﮩﺎ ﺟﺎﺳﮑﺘﺎ ﮨﮯ ﺍﻣﯿﺮﺍﻟﻤﺆﻣﻨﯿﻦؑ ﺳﻨﮧ 599 ﯾﺎ 600 ﻋﯿﺴﻮﯼ ﻣﯿﮟ ﭘﯿﺪﺍ ﮨﻮﺋﮯﮨﯿﮟ.

● ﻣﺴﺠﺪ ﺍﻟﺤﺮﺍﻡ ﺍﻭﺭ ﺧﺎﻧﮧ ﮐﻌﺒﮧ ﻣﯿﮟ ﺁﭖؑ ﮐﯽ ﻭﻻﺩﺕ ﮐﺎ ﻭﺍﻗﻌﮧ ﺷﯿﻌﮧ ﺍﻭﺭ ﺳﻨﯽ ﮐﮯ ﮨﺎﮞ ﺗﺴﻠﯿﻢ ﺷﺪﮦ ﺍﻣﺮﮨﮯ.

● ﺍہلسنتﻋﺎﻟﻢ ﺣﺎﮐﻢﻧﯿﺸﺎﺑﻮﺭﯼ ﻧﮯﻟﮑﮭﺎ ﮨﮯ:
ﻣﺘﻮﺍﺗﺮ ﺭﻭﺍﯾﺎﺕ ﺳﮯ ﺛﺎﺑﺖ ﮨﮯﮐﮧ ﻓﺎﻃﻤﮧؑ ﺑﻨﺖ ﺍﺳﺪ ﺑﻦ ﮨﺎﺷﻢ ﻧﮯ ﻋﻠﯽؑ ﺑﻦ ﺍبیطاﻟﺐؑ ﮐﻮ ﮐﻌﺒﮧ ﮐﮯ ﺍﻧﺪﺭ ﺟﻨﻢ ﺩﯾﺎﮨﮯ.(1)

● ﺷﯿﺦ ﻣﻔﯿﺪ ﮐﯽ ﺭﻭﺍﯾﺖ:
"ﻭُﻟِﺪَ ﺑﻤﻜﺔَ ﻓﻲ ﺍﻟﺒﻴﺖ ﺍﻟﺤﺮﺍﻡ ﻳﻮﻡَ ﺍﻟﺠﻤﻌﺔِ ﺍﻟﺜﺎﻟﺚ ﻋﺸﺮ ﻣﻦ ﺭﺟﺐ ﺳﻨﺔ ﺛﻼﺛﻴﻦ ﻣِﻦ ﻋﺎﻡِ ﺍﻟﻔﻴﻞ، ﻭَﻟَﻢ ﻳُﻮﻟَﺪ ﻗَﺒﻠَﻪُ ﻭَﻻ ﺑَﻌﺪَﻩُ ﻣﻮﻟﻮﺩٌ ﻓﻲ ﺑﻴﺖ ﺍﻟﻠﻪ ﺗﻌﺎﻟﻰ ﺳﻮﺍﻩُ ﺇﻛﺮﺍﻣﺎً ﻣﻦ ﺍﻟﻠﻪ ﺗﻌﺎﻟﻰ ﻟَﻪُ ﺑُﺬﻟﻚَ ﻭﺇﺟﻼﻻً ﻟِﻤَﺤَﻠِّﻪِ ﻓِﻲ ﺍﻟﺘَﻌﻈﻴﻢِ."
ﺗﺮﺟﻤﮧ:
ﺣﻀﺮﺕ ﺍﻣﯿﺮﺍﻟﻤﺆﻣﻨﯿﻦ ﻋﻠﯿﮧ ﺍﻟﺴﻼﻡ ﺟﻤﻌﮧ 13 ﺭﺟﺐ ﺍﻟﻤﺮﺟﺐ 30 ﺳﺎﻝ ﺑﻌﺪ ﺍﺯ ﻋﺎﻡ ﺍﻟﻔﯿﻞ ﻣﮑﮧ ﻣﻌﻈﻤﮧ ﻣﯿﮟ ﻭﺍﻗﻊ ﺧﺎﻧﮧ ﮐﻌﺒﮧ ﻣﯿﮟ ﭘﯿﺪﺍﮨﻮﺋﮯ۔ ﻧﮧ ﺁﭖ ﺳﮯ ﻗﺒﻞ ﻧﮧ ﮨﯽ ﺁﭖ ﮐﮯ ﺑﻌﺪ ﮐﻮﺋﯽ ﮐﻌﺒﮧ ﻣﯿﮟ ﻣﺘﻮﻟﺪ ﮨﻮﺍ ﺗﮭﺎ. ﺧﺎﻧﮧ ﮐﻌﺒﮧ ﻣﯿﮟ ﻋﻠﯽ ﻋﻠﯿﮧ ﺍﻟﺴﻼﻡ ﮐﯽ ﻭﻻﺩﺕ ﻭﮦ ﻋﻈﯿﻢ ﺷﺮﻑ ﻭﻓﻀﯿﻠﺖ ﮨﮯﺟﻮ ﺍﻟﻠﮧ ﺗﻌﺎﻟﯽ ﻧﮯ ﺁﭖؑ ﮐﮯ ﻣﻘﺎﻡ ﻭﻣﺮﺗﺒﮯ ﮐﯽ ﺗﮑﺮﯾﻢ ﮐﯽ ﺧﺎﻃﺮ ﺁﭖ ﺳﮯ ﻣﺨﺘﺺ ﮐﯽ ﮨﮯ.(2)

● ﺣﺎﻛﻢ ﻧﻴﺸﺎﺑﻮری ﮐﯽ ﺭﻭﺍﯾﺖ:
"ﻓﻘﺪ ﺗﻮﺍﺗﺮﺕ ﺍﻷﺧﺒﺎﺭ ﺃﻥ ﻓﺎﻃﻤﺔ ﺑﻨﺖ ﺃﺳﺪ ﻭﻟﺪﺕ ﺃﻣﻴﺮﺍﻟﻤﺆﻣﻨﻴﻦ ﻋﻠﻲ ﺑﻦ ﺃﺑﻲ ﻃﺎﻟﺐ ﻛﺮﻡ ﺍﻟﻠﻪ ﻭﺟﻬﻪ ﻓﻲ ﺟﻮﻑ ﺍﻟﻜﻌﺒﺔ"
ﺗﺮﺟﻤﮧ:
ﺍﺱ ﺳﻠﺴﻠﮯ میں ﺍﺣﺎﺩﯾﺚ ﻭ ﺭﻭﺍﯾﺎﺕ ﻣﺘﻮﺍﺗﺮ ﮨﯿﮟ ﮐﮧ ﻓﺎﻃﻤﮧ ﺑﻨﺖ ﺍﺳﺪ ﻧﮯ ﺍﻣﯿﺮﺍﻟﻤﺆﻣﻨﯿﻦ علی ﺑﻦ ﺍبیطاﻟﺐ ﮐﺮﻡ ﺍﻟﻠﮧ ﻭﺟﮩﮧ کو ﮐﻌﺒﮧ ﮐﮯ ﺍﻧﺪﺭ ﺟﻨﻢ ﺩﯾﺎﮨﮯ.(3)

● ﺷﺎﮦ ﻭلی ﺍﻟﻠﮧ ﺩﮨﻠﻮی‏ ﮐﯽ ﺭﺍﺋﮯ:
"ﻭﺍﺯ ﻣﻨﺎﻗﺐ ﻭﻱ ﺭﺿﻲ ﺍﻟﻠﻪ ﻋﻨﻪ ﻛﻪ ﺩﺭ ﺣﻴﻦ ﻭﻻﺩﺕ ﺍﻭ ﻇﺎﻫﺮ ﺷﺪ ﻳﻜﻲ ﺁﻥ ﺍﺳﺖ ﻛﻪ ﺩﺭ ﺟﻮﻑ ﻛﻌﺒﻪ ﻣﻌﻈﻤﻪ ﺗﻮﻟﺪ ﻳﺎﻓﺖ."
ﺗﺮﺟﻤﮧ:
ﺍﻭﺭ ﺁﭖ ﺭﺿﯽ ﺍﻟﻠﮧ ﻋﻨﮧ ﮐﮯ ﻣﻨﺎﻗﺐ ﻣﯿﮟ ﺳﮯ ﺍﯾﮏ ﻣﻨﻘﺒﺖ ﺟﻮ ﺁﭖ ﮐﯽ ﭘﯿﺪﺍﺋﺶ ﮐﮯ ﻭﻗﺖ ﻇﺎﮨﺮ ﮨﻮﺋﯽ ﯾﮧ ﮐﮧ ﺁﭖ ﮐﻌﺒۂ ﻣﻌﻈﻤﮧ ﻣﯿﮟ ﭘﯿﺪﺍ ﮨﻮﺋﮯ.(4)

■ ﺧﺎﻧﺪﺍﻥ مبارک
ﺁﭖ ﺍﺑﻮﻃﺎﻟﺐ ﺑﻦ ﻋﺒﺪﺍﻟﻤﻄﻠﺐ ﺑﻦ ﮨﺎﺷﻢ ﺑﻦ ﻋﺒﺪ ﻣﻨﺎﻑ ﮐﮯ ﻓﺮﺯﻧﺪ ﮨﯿﮟ ﺍﻭﺭ ﺁﭖ ﮐﯽ ﻭﺍﻟﺪﮦ ﻓﺎﻃﻤﮧ ﺑﻨﺖ ﺍﺳﺪ ﺑﻨﺖ ﮨﺎﺷﻢ ﺑﻦ ﻋﺒﺪ ﻣﻨﺎﻑ ﮨﯿﮟ ﺍﻭﺭ ﺍﺱ ﻟﺤﺎﻅ ﺳﮯ ﺁﭖ ﺑﻨﻮ ﮨﺎﺷﻢ ﮐﮯ ﭘﮩﻠﮯ ﻓﺮﺩ ﮨﯿﮟ ﻭﺍﻟﺪ ﺍﻭﺭ ﻭﺍﻟﺪﮦ ﺩﻭﻧﻮﮞ ﮐﯽ ﺟﺎﻧﺐ ﺳﮯ ﮨﺎﺷﻤﯽ ﮨﯿﮟ.

📚 حوالہ جات
1) ﻣﺤﻤﺪﺑﺎﻗﺮﻣﺠﻠﺴﯽ، ﺑﺤﺎﺭﺍﻻﻧﻮﺍﺭ، ﺝ35، ﺹ7.
ﺣﺎﮐﻢ ﻧﯿﺸﺎﺑﻮﺭﯼ، ﻣﺴﺘﺪﺭﮎ ﻋﻠﯽ ﺍﻟﺼﺤﯿﺤﯿﻦ.
2) ﺍﻟﺸﻴﺦ ﺍﻟﻤﻔﻴﺪ، ﺃﺑﻲ ﻋﺒﺪﺍﻟﻠﻪ ﻣﺤﻤﺪﺑﻦ ﻣﺤﻤﺪﺑﻦ ﺍﻟﻨﻌﻤﺎﻥ ﺍﻟﻌﻜﺒﺮﻱ ﺍﻟﺒﻐﺪﺍﺩﻱ ‏(ﻣﺘﻮفی 413ﻫ)، ﺍﻹﺭﺷﺎﺩ فی ﻣﻌﺮﻓﺔ ﺣﺠﺞ ﺍﻟﻠﻪ علی ﺍﻟﻌﺒﺎﺩ، ﺝ1، ﺹ5، ﺗﺤﻘﻴﻖ: ﻣﺆﺳﺴﺔ ﺁﻝ ﺍﻟﺒﻴﺖ ﻋﻠﻴﻬﻢ ﺍﻟﺴﻼﻡ ﻟﺘﺤﻘﻴﻖ ﺍﻟﺘﺮﺍﺙ، ﻧﺎﺷﺮ: ﺩﺍﺭﺍﻟﻤﻔﻴﺪ ﻟﻠﻄﺒﺎﻋﺔ ﻭﺍﻟﻨﺸﺮ ﻭﺍﻟﺘﻮﺯﻳﻊ. ﺑﻴﺮﻭﺕ، ﺍﻟﻄﺒﻌﺔ: ﺍﻟﺜﺎﻧﻴﺔ، 1414ﻫ، 1993ﻋﯿﺴﻮﯼ.
3) ﺍﻟﻨﻴﺴﺎﺑﻮﺭﻱ، ﻣﺤﻤﺪﺑﻦ ﻋﺒﺪﺍﻟﻠﻪ ﺃﺑﻮﻋﺒﺪﺍﻟﻠﻪ ﺍﻟﺤﺎﻛﻢ ‏(متوفی 405ﻫ)، ﺍﻟﻤﺴﺘﺪﺭﻙ ﻋﻠﻰ ﺍﻟﺼﺤﻴﺤﻴﻦ، ﺝ3، ﺹ550، ﺗﺤﻘﻴﻖ: ﻣﺼﻄﻔﻰ ﻋﺒﺪﺍﻟﻘﺎﺩﺭﻋﻄﺎ، ﻧﺎﺷﺮ: ﺩﺍﺭﺍﻟﻜﺘﺐ ﺍﻟﻌﻠﻤﻴﺔ. ﺑﻴﺮﻭﺕ، ﺍﻟﻄﺒﻌﺔﺍﻷﻭﻟﻰ، 1411ﻫ. 1990ﻋﯿﺴﻮﯼ.
4) ﺩﻫﻠﻮی، ﺷﺎﻩ ﻭﻟﻰ ﺍﻟﻠﻪ ﻣﺸﻬﻮﺭﺑﻪ ﻣﺤﺪﺙ ﻫﻨﺪ ‏(متوفی1180ﻫ‏)، ﺇﺯﺍﻟﺔﺍﻟﺨﻔﺎﺀ ﻋﻦ ﺧﻼﻓﺔﺍﻟﺨﻠﻔﺎﺀ، ﺝ4، ﺑﺎﺏ: ﺍﻣﺎﻣﺂﺛﺮ ﺍﻣﻴﺮﺍﻟﻤﺆﻣﻨﻴﻦ ﻭﺍﻣﺎﻡ ﺍﺷﺠﻌﻴﻦ ﺍﺳﺪﺍﻟﻠﻪ ﺍﻟﻐﺎﻟﺐ علی ﺑﻦ ﺍبیطاﻟﺐ، ﺗﺼﺤﻴﺢ ﻭﻣﺮﺍﺟﻌﻪ: ﺳﻴﺪﺟﻤﺎﻝ ﺍﻟﺪﻳﻦ ﻫﺮﻭﻯ.

https://t.me/islamwitheman/2998
⭕ ISLAM WITH EMAN ⭕

🌹 فضائل مولود کعبہ حضرت علیؑ 🌹

■ صلبِ علیؑ سے ذریتِ نبیؐ
"عن جابرؓ قال قال رسول ﷲ صلي الله عليه وآله وسلم ان اﷲ عزوجل جعل ذرية کل نبي في صلبه و ان ﷲ جعل ذريتي في صلب عليؑ بن ابي طالبؑ."
ترجمہ:
حضرت جابرؓ سے مروی ہے کہ رسول اللہ صلی اللہ علیہ وآلہ وسلم نے فرمایا؛ اللہ تبارک و تعالیٰ نے ہر نبی کی ذریت اس کی صلب سے جاری فرمائی اور میری ذریت حضرت علیؑ بن ابیطالبؑ کی صلب سے چلے گی.(1)

■ حضرت علیؑ قائم مقامِ نبیؐ
"عن سعد بن ابي وقاص قال خلف رسول ﷲ علي بن ابي طالب في غزوه تبوک فقال يا رسول اﷲ تخلفني في النساء والصبيان فقال اما ترضي ان تکون مني بمنزلة هارون من موسي غير انه لا نبي بعدي."
ترجمہ:
حضرت سعد بن ابی وقاص سے مروی ہے کہ رسول اکرم صلی اللہ علیہ وآلہ وسلم نے حضرت علیؑ کو غزوہ تبوک میں اپنا خلیفہ بنایا تو انہوں نے عرض کیا؛ اے اللہ کے رسولؐ آپ نے مجھے عورتوں اور بچوں میں خلیفہ بنایا ہے۔ اس پر حضورؐ نے فرمایا کہ آپ اس چیز پر راضی نہیں کہ آپ میرے لئے اس طرح بن جائیں جس طرح کہ ہارون علیہ السلام حضرت موسیٰ علیہ السلام کے قائم مقام تھے مگر یہ کہ میرے بعد کوئی نبی نہ ہوگا.(2)

■ باب علیؑ
"عن زيد بن ارقم قال کانت فلنفرمن اصحاب رسول الله صلي الله عليه وآله وسلم ابواب شارعة في المسجد فقال يوماً سدوا هذه الابواب الاباب علي قال فتکلم في ذالک ناس فقام رسول الله صلي الله عليه وآله وسلم فحمد اﷲ و اثني عليه تم قال اما بعد فاني امرت بسد هذه الابواب غير باب علي فقال فيه قائلکم والله ماسددت شيئا ولا فتحته ولکن امرت شي فاتبعتە."
ترجمہ:
حضرت زید بن ارقم سے روایت ہے کہ اصحابِ رسول میں سے بعض کے گھروں کے دروازے مسجد نبوی (کے صحن) کی طرف کھلتے تھے ایک دن نبی اکرمؐ نے فرمایا؛ ان تمام دروازوں کو بند کر دو سوائے باب علی کے،
راوی کہتا ہے کہ بعض لوگوں نے چہ میگوئیاں کیں اس پر نبی اکرمؐ نے خطبہ ارشاد فرمایا؛
حمد و ثناء کے بعد فرمایا مجھے باب علی کے سوا ان تمام دروازوں کو بند کرنے کا حکم دیا گیا ہے، پس تم میں سے کسی نے اس بات پر اعتراض کیا ہے خدا کی قسم نہ میں کسی چیز کو کھولتا اور نہ بند کرتا ہوں مگر یہ کہ مجھے اس چیز کے کرنے کا حکم دیا جاتا ہے پس میں اس (حکم خداوندی) کی اتباع کرتا ہوں.(3)

■ محبت علیؑ
"عن زر قال قال علي والذي فلق الحبة و برالنسمة انه لعهد النبي صلي الله عليه وآله وسلم الي ان لا يحبني الا مومن ولا يبغضني الا منافق."
ترجمہ:
حضرت علیؑ بیان کرتے ہیں کہ قسم ہے اس ذات کی جس نے دانہ چیرا اور جس نے جانداروں کو پیدا کیا رسول اللہ صلی اللہ علیہ وآلہ وسلم نے مجھ سے وعدہ فرمایا تھا کہ مجھ سے صرف مومن ہی محبت کرے گا اور صرف منافق مجھ سے بغض رکھے گا.(4)

■ حب علیؑ
ام المؤمنين حضرت سلمہؓ فرماتي ہيں:
"کان رسول الله صلی الله عليه وآله وسلم يقول لا يحب عليا منافق ولا يبغضه مومن."
ترجمہ:
حضور صلی اللہ علیہ وآلہ وسلم یہ ارشاد فرمایا کرتے تھے کہ کوئی منافق علیؑ سے محبت نہیں کرسکتا اور کوئی مومن علیؑ سے بغض نہیں رکھ سکتا.(5)

📚 حوالہ جات:
1) المعجم الکبير لطبرانی، 3 : 44، ح2630.
2) صحيح مسلم، 4 : 1870- 1871، کتاب فضائل الصحابه، باب 4 من فضائل علیؑ بن ابيطالبؑ، ح2404.
3) المستدرک للحاکم، 3 : 125.
4) صحيح مسلم، 1 : 60.
5) جامع الترمذی، 2 : 213.

https://t.me/islamwitheman/3008
⭕ ISLAM WITH EMAN ⭕

🌹 بمناسبتِ یومِ ولادتِ امام علیؑ 🌹

محبت، اتباع کے ساتھ جُڑی ہوئی ہے. حقیقی محبت ہو تو آدمی محبوب کی بات مانتا ہے، اُس کی پیروی کرتا ہے، اطاعت کرتا ہے۔ قرآن مجید میں بھی محبت کو اطاعت کے ساتھ جوڑا گیا ہے، چنانچہ ارشادِ ربانی ہے...
قُلْ إِن كُنتُمْ تُحِبُّونَ اللَّـهَ فَاتَّبِعُونِي يُحْبِبْكُمُ اللَّـهُ وَيَغْفِرْ لَكُمْ ذُنُوبَكُمْ وَاللَّـهُ غَفُورٌ رَّحِيمٌ ﴿آل عمران: ٣١﴾
ترجمہ؛
اے نبی کہہ دیجئے! اگر تم اللہ تعالیٰ سے محبت رکھتے ہو تو میری تابعداری کرو، خود اللہ تعالیٰ تم سے محبت کرے گا اور تمہارے گناه معاف فرما دے گا اور اللہ تعالیٰ بڑا بخشنے واﻻ مہربان ہے.

اِسی تناظر میں دیکھیے، علیؑ بابِ شہرِ علم ہیں، علیؑ پروردۂ نبوت اور شاہکارِ رسالت ہیں.

بعد از نبی کریم صلی اللہ علیہ و آلہ وسلم، علیؑ سب سے بڑے عالم ہیں، سب سے بڑے مُنصف۔ اِسی وجہ سے لبنانی مسیحی مصنف جارج جُرداق نے آپؑ کی شان میں ایک کتاب لکھی جس کا نام "صوت العدالة الانسانیة" (ندائے عدالتِ انسانی) رکھا.

علیؑ بہت بڑے زاہد و پرہیزگار ہیں۔ غریب اور یتیم پرور ہیں۔ علیؑ انسانی مساوات کے قائل اور مذہبی و فکری رواداری کے سب سے بڑے علم بردار ہیں۔ خوارج نے آپؑ کی تکفیر کی، کچھ نہ کہا۔ علیؑ نے اپنے سیاسی و مذہبی مخالفین سے تعرض نہ کیا، ہاں جب اُن ظالموں نے تلواریں اُٹھائیں تو علیؑ میدان میں اُترے.

مجھے اُس علیؑ سے محبت ہے جو سب سے بڑا عالم اور انتہاء کا عادل ہے۔ جو غریب و یتیم پرور ہے، جو مذہبی و فکری آزادی کا علم بردار ہے۔ جو اُصولوں پر سمجھوتا نہیں کرتا۔
علیؑ کی محبت کا میرا یہ دعویٰ محض دعویٰ ہے، اِس دعوے کا عملی اظہار تب ہی ہو سکتا ہے جب میں عملی زندگی میں علیؑ کی سیرت پر چلوں.
میں بابِ شہرِ علم کا ماننے والا ہوں، مجھے بہت علم حاصل کرنا ہے۔ مجھے ذاتی زندگی میں عدل و انصاف سے کام لینا ہے۔ مجھے غریبوں، یتیموں اور دُکھی انسانوں کی مدد کرنا ہے۔ مجھے بلاامتیاز سبھی انسانوں سے ہمدردی کا مظاہرہ کرنا ہے، مجھے لوگوں کو اختلاف کا حق دینا ہے۔ ہاں یہ سب علیؑ کی محبت کا تقاضا ہے۔ مجھے اُن کی سیرت اپنانی ہے۔ میں علیؑ کا شیعہ ہوں، پیروکار، تابع، مُحب۔۔۔ مجھے بعد از نبی کریم صلی اللہ علیہ و آلہ وسلم، علیؑ سب سے زیادہ عزیز ہیں.

علیؑ امامِ من است و منم غلامِ علیؑ
ہزار جان گرامی فدائے نامِ علیؑ

https://t.me/islamwitheman/3006
⭕ ISLAM WITH EMAN ⭕

🌹 حضرت علیؑ کا مقام ومرتبہ 🌹

کتاب مناقب (130/37) میں ابن عمر سے نقل ہے کہ میں نے رسول خدا صلی اللہ علیہ وآلٰہ وسلم سے علی ابن ابی طالب علیہماالسلام کے بارے میں سوال کیا اور کہا:
یا رسول اللہ صلی اللہ علیہ وآلٰہ وسلم کا آپ کی نسبت کیا مرتبہ اور مقام ہے؟

آپ جلال میں آگئے اور فرمایا:
کیا ہوگیا ہے کہ لوگ اس کے متعلق پوچھتے ہیں جس کا مرتبہ خدا کے نزدیک میرے مرتبے جیسا ہے اور اس کا مقام میرے مقام جیسا ہے سوائے اس کے کہ میرے بعد کوئی نبی نہیں ہے.

ابے ابن عمر! میری اور علیؑ کی نسبت ایسے ہے جیسے روح اور بدن کی ہے، علیؑ کی نسبت ایسے جیسی جان کی جان سے نسبت ہو اور جیسے نور کی نور سے نسبت ہو. (یعنی ہم دونوں یک جان اور ایک نور ہیں)
اور..
علیؑ کی نسبت میرے ساتھ ایسے ہی ہے جیسے سر کی نسبت جسم سے، بٹن کے نسبت پیراہن سے۔

اے ابن عمر! جس نے علیؑ کو دوست رکھا اس نے مجھے دوست رکھا اور جس نے مجھے دوست رکھا اس نے خدا کو دوست رکھا،
اور..
جس نے علیؑ کے ساتھ دشمنی کی اس نے مجھ سے دشمن کی اور جس نے میرے ساتھ دشمنی کی خدا اس پر ناراض ہوا اور اسے اپنی لعنت کا مستحق قرار دیا.

آگاہ رہو! جوعلیؑ کو دوست رکھے گا خدا اس کا نامہ اعمال اس کے دائیں ہاتھ میں دے گا۔ اس کا حساب آسان ہوگا اور اس پر سختی نہ ہوگی.

آگاہ رہو! جوبھی علیؑ کو دوست رکھے وہ اس دنیا سے رخصت نہ ہوگا تاوقتیکہ آب کوثر سے سیراب نہ ہوجائے درخت طوبٰی سے بھل نہ کھالے اور جنت میں اپنا مسکن نہ دیکھ لے.

تم آگاہ رہو! جو کوئی بھی علیؑ کو دوست رکھے، خداتعالیٰ اس کے ہر عضو کی تعداد کے مطابق اس کو نعمتیں عطا کرے گا اور اس کے قریبیوں میں سے انہیں افراد کی شفاعت قبول کرے گا۔

خبردار! جو علیؑ کو پہچانتا اور معرفت رکھتا ہو، ان کو دوست رکھتا ہو، تو خدا اس کی روح کو قبض کرنے کے لئے عزرائیل کو ایسے بھیجے گا جیسے اپنے رسولوں کی روح کو قبض کرنے کے لئے اسے بھیجتا ہے اور منکر ونکیر کے سوالوں کا خوف وڈر دور فرما دے گا اور اس کی قبر کو ایک سال کی مسافت کے برابر وسیع کر دیگا۔ قیامت کے دن سفید چہرے کے ساتھ داخل ہوگا اور بہشت کی طرف ایسے جلدی سے جائے گا جیسے دلہن اپنے شوہر کے گھر کی طرف جاتی ہے.

یقین کرو جو کوئی علیؑ کو دوست رکھتا ہوگا تو خدا اسے اپنی عافیت کے سایہ میں پناہ دیگا اور قیامت کے خوف سے محفوظ ہوگا۔

آگاہ رہو! جو کوئی علیؑ کو دوست رکھے گا تو خدا اس کی خویبوں کو قبول فرما لےگا اور اسے بحفاظت بہشت میں داخل کریگا.

جان لو! جو کوئی علیؑ کو دوست رکھتا ہو وہ خدا کی طرف سے زمین پر امین ہوتا ہے.

خبردار! جو کوئی بھی علیؑ کو دوست رکھتا ہو تو اس کے سر پر تاج کرامت فضلیت رکھا جائے گا، جس پر لکھا ہوگا کہ اہل بہشت اپنے مقصد کو بامراد پہنچ گئے یہی نیک لوگ ہی تو شیعیان علیؑ ہیں.

تمہیں معلوم ہونا چاہیے جو کوئی علیؑ کو دوست رکھتا ہو، اس کا نامہ اعمال کھولا نہیں جاتا اور نہ ہی ترازو لگایا جاتا ہے، اس کے لئے آٹھ بہشتوں کے دروازے کھول دیتے ہیں.

آگاہ ہو جاؤ! جو کوئی علیؑ کو دوست رکھتا ہو اور ان کی محبت لئے ہوئے دنیا سے جائے تو فرشتے اس کے ساتھ مصافحہ کرتے ہیں۔ جبکہ انبیاء خدا اس کی زیارت کرتے ہیں.

آگاہ رہو! جوکوئی علیؑ کے ساتھ دوستی رکھتے ہوئے اس دنیا سے رخصت ہوگا تو میں اس کی جنت کا ضامن ہوں.

تمہیں معلوم ہونا چاپیے کہ خدا کا ایک دروازہ ہے جو بھی اس دروازے سے داخل ہوا وہ نجات پاجائے گا۔ وہ دروازہ محبت علیؑ ہے.

خبردار! جوکوئی علیؑ کو دوست رکھتا ہو تو خداتعالیٰ اس کے بدن پر بالوں اور جسم کی ہر رگ کے برابر سے جنت میں شہر عطا کرے گا.

اے عمر کے بیٹے! علیؑ اور اوصیاء کے سردار، پرہیز گاروں کے مولا اور لوگوں پر میرے جانشین ہیں۔ وہ ان اماموں کے باپ ہیں جن کا چہرہ نورانی اور بابرکت ہے۔ علیؑ کی پیروی کرنا میری پیروی کرنا ہے اور ان کی معرفت حاصل کرنا میری معرفت حاصل کرنا ہے.

اے عمر کے بیٹے! مجھے خدا وند قدوس کی قسم، جس نے مجھے رسالت پر مبعوث فرمایا ہے اگر کوئی فرد خدا کی ایک ہزار سال عبادت کرے اس حال میں کہ دن کو روزہ رکھے اور راتوں کو بھی عبادت بجالائے، زمین بھر سونا خدا کی راہ میں خرچ کرے، غلام آزاد کرے اور ان تمام چیزوں کے بعد صفا اور مروہ کے درمیان ناحق قتل کردیا جائے۔ پھر قیامت کے دن خدا کے ساتھ اس حال میں ملاقات کرے کہ علیؑ کے ساتھ دشمنی رکھتا ہو، تو اس کے اعمال میں سے کوئی عمل بھی خدا قبول نہیں کرے گا۔ ان تمام اعمال کے ساتھ اسے جہنم میں ڈال دیا جائے گا اور گھاٹا کھانے والوں کے ساتھ محشور ہوگا.

📚 ارشادالقلوب، جلد۲، ص۸۳.

https://t.me/islamwitheman/3009
⭕ ISLAM WITH EMAN ⭕

🌹 امت کا بہترین فرد 🌹

حضرت زهرا عليهاالسلام ایک دن مریض تھیں تو رسول خدا صلی اللہ علیہ وآلہ وسلم عیادت کے لئے تشریف فرما ہوئے، پھر آپ (ص) نے فرمایا: اے میری بیٹی زھراء (س) آپ کیسی ہیں، کیوں اتنا غمگین نظر آرہی ہیں؟، حضرت زهرا عليهاالسلام نے عرض کی: اے بابا جان مجھے تھوڑی تھکاوٹ ہے.

پیغمبر اکرم صلی اللہ علیہ وآلہ وسلم نے فرمایا: اے میری فاطمہ کچھ کھائیں گیں؟ حضرت زهرا عليهاالسلام نے عرض کی : بابا جان مجھے ابھی انگور کھانے کا دل کر رہا ہے لیکن مجھے یہ پتہ ہے ابھی انگوروں کا موسم نہیں ہے. پیغمبر اکرم (ص) نے ارشاد فرمایا:

اللہ تعالی صاحب قدرت ہے ہم کو انگور عطا فرمائے گا.پھر آپ (ص) نے دعا فرمائی:اللهم ائتنا به مع افضل امتى عندك منزله ؛اے میرے اللہ تعالی انگوروں کو ہمارے پاس اس آدمی کے ساتھ بھیج جو تیری بارگاہ میں میری امت کا بہترین فرد ہو. تھوڑی ہی دیر کے بعد حضرت علی علیہ السلام گھر میں داخل ہوئے تو دیکھا عبا کے نیچے انگوروں کی ایک ٹوکری بھی ساتھ تھی.

پیغمبر اکرم (ص) نے فرمایا: اللہ اکبر، اللہ اکبر، اے میرے اللہ تعالی جس طرح تو نے ہماری دعا (میری امت کےبہترین فرد ہونے میں قبول کی )ہے ان انگوروں میں میری بیٹی فاطمہ (س) کے لئے شفا قرار دے. فاطمه زهرا عليهاالسلام نے انگور تناول فرمائے . رسول اکرم (ص) ابھی گھر سے باہر نہیں گئے تھے کہ فاطمه زهرا عليهاالسلام شفا یاب ہوئیں.

📚 احقاق الحق، ج 4، ص 295.

https://t.me/islamwitheman/3012
⭕ ISLAM WITH EMAN ⭕

🌹 یعسوب الدین مولا علیؑ 🌹

«یعسوب الدین» مولا امیرالمؤمنین علیه السلام کے خوبصورت القاب میں سے ایک لقب ہے.

کیا آپ جانتے ہیں «یعسوب» کس معنی میں استعمال ہوتا ہے.

🐝 عرب شھد کی اس مکھی کو کہتے ہیں جو شھد کی تمام مکھیوں کی سردار ہوتی ہے اسے «یعسوب» کہتے ہیں. جب شھد کی مکھیاں پھولوں پر پھولوں کا رَس چوسنے کے بعد شھد بنانے کا کام شروع کرتیں ہیں . شھد کا چھتہ کھول دیا جاتا ہے چھتے میں داخل ہونے سے پہلے ان سب مکھیوں کی چھان بین کی جاتی ہے اور پرکھا جاتا ہے.

اور اسی صورت میں شھد کی وہ مکھی جو سردار ہوتی ہے وہ شھد کے چھتے کے سامنے بیٹھ جاتی ہے. بقیہ مکھیوں کی خوشبو کو سونگھتی ہے اور چھان بین کرتی ہے کہ اگر کوئی مکھی غلط پھول جو بد بو دار ہوتا ہے اس کا رَس لے کر آئے تو چھتے میں بیٹھنے کی اجازت نہیں دیتی. اور دوسری مکھیاں جو خوشبو دار پھول پر بیٹھتی ہیں وہ بھی اعتراض کرتیں ہیں کہ یہاں سے بھاگ جاؤ. اگر فرار نہ کریں تو وہ مکھیاں مار دی جاتی ہیں تاکہ دوسری مکھیوں کے لئے عبرت ہو.

جی ہاں حضرت امیرالمؤمنین علی علیه السلام بھی قیامت کے دن بہشت کے دروازے پر تشریف فرما ہوں گے اور وہاں پر چھان بین اور دیکھے گے جس کے اندر ولایت کی خوشبو ہوگی فقط اس کو بہشت میں داخل ہونےکی اجازت ہوگی .

🔶‍ اور جس سے ولایت کی خوشبو نہیں آئے گی اس کو بہشت میں داخل ہونے سے روک دیا جائے گا اور وہ بہشت سے محروم ہونگے

امام علی علیه السلام:
ادب کے لئے اتنا کافی ہے کہ جو چیز تم اپنے لیے پسند کرتے ہو تو دوسروں کے لئے بھی وہی پسند کرو.

📚 آمالی شیخ طوسی ج۱ ، ص ۱۱۴.

https://t.me/islamwitheman/3013
⭕ ISLAM WITH EMAN ⭕

🌹 حضرت علیؑ کی جسمانی قوت 🌹

بعض منابع کے مطابق رسول اللہ نے انہیں بطین کے لقب سے نوازا اسی وجہ سے بعض یہ خیال کرتے ہیں کہ امام علی جسمانی لحاظ سے چاق تھے لیکن بعض نے اس بطین سے البطین من العلم (یعنی علم سے بھرا ہوا) مراد لیا ہے۔ دیگر اور قرائن بھی اسی کی تائید کرتے ہیں ان میں سے بعض زیارتوں میں حضرت علی کو بطین کی صفت سے یاد کیا گیا ہے۔

ابن قتیبہ لکھتا ہے:
امام علیؑ جس کسی کے ساتھ بھی لڑے اس کو زمین پر دے مارا۔(1)

ابن ابی الحدید کہتا ہے:
امامؑ کی جسمانی قوت ضرب المثل میں بدل گئی ہے۔ آپ ہی تھے جنہوں نے در خیبر اکھاڑا اور ایک جماعت نے وہ دروازہ دوبارہ لگانے کی کوشش کی لیکن ایسا ممکن نہ ہوا۔
آپ ہی تھے جنہوں نے ہ ُبَل نامی بت کو جو حقیقتاً بڑا بت تھا کعبہ کے اوپر سے زمین پر دے مارا۔
آپ ہی تھے جنہوں نے اپنی خلافت کے زمانے میں ایک بہت بڑی چٹان کو اکھاڑ دیا اور اس کے نیچے سے پانی ابل پڑا، جبکہ آپ کے لشکر میں شامل تمام افراد مل کر بھی اس کو ہلانے میں ناکام ہوچکے تھے۔(2)

📚 حوالہ جات:
1) ابن قتیبہ، المعارف، بیروت: دار الکتب العلمیہ، 1407ق/1987م۔، ص121۔
2) ابن ابی الحدید، شرح نہج البلاغہ، ج1، ص21۔

https://t.me/islamwitheman/3014
⭕ ISLAM WITH EMAN ⭕

🌹 حضرت علیؑ سے سات سوال 🌹

ایک مرد امیر المؤمنین علیؑ کی خدمت میں آیا اور عرض کی:
میں ستر(۷۰) میل دور سے آیا ہوں تاکہ آپ سے سات سوالات کے جوابات حاصل کروں.

امیر المؤمنین علیؑ نے فرمایا: پوچھیں.

➊وہ کونسی چیز ہے جو آسمان سے بڑی ہے؟
➋وہ کونسی چیز ہے جو زمین سے زیادہ وسیع ہے؟
➌وہ کونسی چیز جو یتیم کے بچے سے بھی ناتوان ہے؟
➍وہ کونسی چیز ہے جو آگ سے بھی زیادہ گرم ہے؟
➎وہ کونسی چیز ہے جو زمھریر سے بھی زیادہ ٹھنڈی ہے؟
➏وہ کونسی چیز ہے جو سمندر سے بھی بے نیاز ہے؟
➐وہ کونسی چیز ہے جو پتھر سے بھی زیادہ سخت ہے؟

💠امام علے علیه السلام نے فرمایا:

➊ (تہمت) آسمان سے بڑی ہے.
➋ «حق» زمین سے بھی زیادہ وسیع ہے.
➌ «سخن چینی»کرنے والا شخص چھوٹے یتیم بچے سے بھی ضعیف ترہے .
➍ «لالچ و طمع» آگ سے زیادہ گرم ہے .
➎ «بخیل کے پاس حاجت لے جانا» زمهریر سے زیادہ ٹھنڈی ہے.
➏ «قناعت» کرنے والا شخص جو سمندر سے بھی بے نیاز ہے.
➐ «قلب ِکافر » پتھر سے بھی زیادہ سخت ہے.

📚 جامع الاخبار، فصل ۵، فضائل امیرالمومنینؑ

https://t.me/islamwitheman/3009
⭕ ISLAM WITH EMAN ⭕

🔷 وصیتِ مولا علیؑ موت کے متعلق 🔷

اے اللہ کے بندو!
میں تمہیں دنیا کے چھوڑنے کی وصیت کرتا ہوں جو تمہیں چھوڑ دینے والی ہے،
حالانکہ تم اسے چھوڑنا پسند نہیں کرتے، اور وہ تمہارے جسموں کو کہنہ و بوسیدہ بنانے والی ہے،

تمہاری اور دنیا کی مثال ایسی ہے جیسے چند مسافر کسی راہ پر چلے اور چلتے ہی منزل طے کر لیں،
(یعنی بہت جلد اپنے انجام کو پہنچ جائیں)

دنیا کی عزت اور اس میں سر بلندی کی خواہش نہ کرو اور نہ اس کی آرائشوں اور نعمتوں پر خوش ہو،
اور نہ اسکی سختیوں اور تنگیوں پر چختے چلانے لگو،
اس لیے کہ
اس کی عزت و فخر دونوں مٹ جانے والے ہیں اور اسکی آرائشیں اور نعمتیں زائل ہو جانے والی ہیں
اور اسکی سختیاں اور تنگیاں آخر ختم ہو جائیں گی،

ہر زندہ کا انجام فناہ ہونا ہے،
کیا پہلے لوگوں کے واقعات تمہارے لیے کافی تنبیہ کا سامان نہیں، اور تمہارے لیے عبرت اور بصیرت نہیں ؟

اگر تم سوچو سمجھو!

کیا تم گزرے ہوے لوگوں کو نہیں دیکھتے کہ وہ پلٹ کر نہیں آتے اور انکے بعد باقی زندہ رہنے والے بھی زندہ نہیں رہتے،

اور تم دنیا والوں پے نظر نہیں کرتے جو وہ صبح شام کرتے ہیں:

کہیں کوئی میت ہے جس پے رویا جا ریا ہے،
کہیں کوئی مبتلاے مرض ہے اور عیادت کرنے والا عیادت کر رہا ہے
اور
کہیں کوئی دم توڑ رہا ہے۔

کوئی دنیا تلاش کرتا پھرتا ہے اور موت اسے تلاش کر رہی ہے اور کہیں کوئی غافل پڑا ہے لیکن (موت) اس سے غافل نہیں ہے،
گزر جانے والوں کے نقش قدم پر ہی باقی رہ جانے والے چل رہے ہیں۔

میں تمہیں منتبہ کرتا ہوں کہ بداعمالیوں کے ارتکاب کے وقت ذرا موت کو بھی یاد کر لیا کرو کہ جو تمام لذتوں کو مٹا دینے والی ہے اور نفسانی لذتوں کو کرکرا کر دینے والی ہے،

اللہ کے واجب الادا حقوق ادا کرنے اور اسکی ان گنت نعمتوں اور لا تعداد احسانوں کا شکر بجا لانے کے لیے اس سے مدد مانگتے رہو۔

📚 نہج البلاغہ، خطبہ نمبر 97.

https://t.me/islamwitheman/570
⭕ ISLAM WITH EMAN ⭕

🌹 حضرت امام علی علیہ السلام 🌹

پیغمبر اسلام صلی اللہ علیہ وآلہ وسلم نے امام علی علیہ السلام کو چھ سال کی عمر میں حضرت ابو طالب کے یہاں سے اپنے گھر لے آئے اور ان کی پرورش اپنے ذمہ لے لی۔ علی علیہ السلام اسی دن سے ایک سایہ کے مانند پیغمبر اسلام صلی اللہ علیہ وآلہ وسلم کے ساتھ ساتھ رہے اور آنحضرت سے آخری بار اس وقت جدا ہوئے جب آپ نے آنحضرت کے جسد مطہر کو سپرد خاک کیا۔

علی علیہ السلام پہلے کامل نمونہ ہیں جو پیغمبر اسلام صلعم کی تعلیم و تربیت کے مکتب میں پروان چڑھے۔
آپ پہلے شخص ہیں جو آنحضرت صلی اللہ علیہ وآلہ وسلم پر ایمان لائے اور آپ ہی سب سے آخر میں حضرت سے جدا ہوئے۔

بعثت کے پورے زمانہ میں جو خدمات علی علیہ السلام نے خدا کے دین کے لئے انجام دیں دوست و دشمن گواہ ہیں کہ وہ خدمات کوئی اور انجام نہیں دے سکا ہے.

علی علیہ السلام نے اسلام کی سب سے اہم جنگوں میں شرکت فرمائی اور جنگ کے تمام خونین میدانوں میں مسلمانوں کے اندر بے مثال بہادری اور کامیابی کا راز آپ ہی تھے۔
چنانچہ بڑے بڑے صحابی جنگوں میں بارہا بھاگ جاتے تھے لیکن آپ نے کبھی دشمن کو پیٹھ نہیں دکھائی اور کوئی حریف آپ کی تلوار کی وار سے بچ نہ سکا اس بے نظیر شجاعت جو ضرب المثل بن چکی تھی کے باوجود آپ ہمدرد اور مہربان تھے کبھی اپنے زخمی دشمن کو قتل نہیں کرتے تھے اور جنگ سے بھاگنے والوں کا پیچھا نہیں کرتے تھے.

امام علی علیہ السلام اپنی تقریروں، کلمات قصار اور اپنے گوہربار بیانات، جو یادگار کے طور پر مسلمانوں کے پاس موجود ہیں۔ کے اعتبار سے مسلمانوں میں قرآن مجید کے بلند مقاصد کے بارے میں معروف ترین شخص ہیں۔ آپ نے اسلام کے اعتقادی و علمی معارف کو کما حّقہ حاصل کر کے حدیث شریف:
''انا مدینة العلم وعلی بابہا''
کو ثابت کر دیا اور اس علم کو عملی جامہ پہنایا.

علی علیہ السلام کا دینداری، عفت نفس اور زھد و تقوی میں کوئی نظیر نہیں تھا۔ آپ اپنے معاش کے لئے روزانہ محنت و مشقت کرتے تھے، بالخصوص زراعت کو بہت پسند کرتے تھے۔ بنجر زمینوں کو آباد کرتے تھے، نہریں کھودتے تھے، درخت لگاتے تھے، جس جگہ کو آباد کرتے اسے مسلمانوں کے لئے وقف کر دیتے تھے یا اس کو بیچ کر پیسے فقراء میں تقسیم کر دیتے تھے اور خود نہایت زھد وقناعت کے ساتھ فقیرانہ زندگی گزارتے تھے۔

جس دن شہید ہوئے باوجود اس کے کہ تمام اسلامی ممالک کے فرمانروا تھے آپ کی پونجی صرف سات سو درہم تھی جنھیں آپ اپنے گھر کے لئے ایک خدمت گار پر صرف کرنا چاہتے تھے۔

امام علی علیہ السلام کی عدالت ایسی تھی کہ خدا کے احکام کے نفاذ اور لوگوں کے حقوق کو زندہ کرنے میں ہرگز کسی طرح کے استثناء کے قائل نہیں تھے۔
آپ ذاتی طور پرگلی کوچوں میں گشت لگاتے تھے اور لوگوں کو اسلامی قوانین کی رعایت کرنے کی ترغیب دیتے تھے۔

📚 ماخوذ از کتاب "دینی تعلیم" علامہ طباطبائی

https://t.me/islamwitheman/3009
⭕ ISLAM WITH EMAN ⭕

🌹لفظ مولا پر زبردست تحقیق 🌹

https://m.facebook.com/story.php?story_fbid=2301334780196043&id=100009586292189