♠️ سفید بالوں کا علاج ♠️

بالوں کا سب سے بڑا مسئلہ ان کا سفید ہو جانا ہے عمر بڑھنے کے ساتھ ساتھ بالوں کا سفید ہو جانا ایک فطری عمل ہے۔ مگر کم عمر میں ہی بال سفید ہو جانا پریشانی والی بات ہوتی ہے۔ بالوں کی سفیدی چھپانے کے لیے لوگ ناجانے کیا کیا نسخے ازماتے ہیں ہزاروں پیسے ضائع کرتے ہیں لیکن سفید بال ہیں چھپائے نہیں چھپتے زیادہ تر لوگ آج کل سفید بالوں کے خاتمے کے لیے بازار میں دستیاب کلر سے مدد حاصل کررہے ہیں، لیکن ان کلرز کے بارے میں یہ بات اب واضح ہوچکی ہے کہ ان میں موجود کیمیکل بالوں کے لیے انتہائی نقصان دہ ہیں۔ اس کے علاوہ یہ کلر مستقل حل بھی نہیں بلکہ آپ کو لازمی طور پر ہر ماہ ان کا استعمال کرنا پڑتا ہے۔ لیکن آپ پریشان نہیں ہوں کیونکہ ہمارے پاس اس مسئلے کا آسان اور مستقل حل موجود ہے۔

♠️ نسخہ نمبر 1
آج ہم آپ کو صرف دس منٹ میں سفید بال کالے کرنے کا ایک کامیاب ٹوٹکہ بتانے والا ہے، بس نہانے سے پہلے 10 منٹ یہ تیل بالوں میں لگائیں آپ کے سفید بال بالکل کالے سیاہ ہو جائیں گے۔
اجزائے ترکیبی۔
▪لوکی 1 عدد
▪آملے کا تیل 1 کپ

طریقہ استعمال:
ایک پین لیں اور اس میں آملہ تیل ڈال کر درمیانی آنچ پر گرم کریں جب تیل گرم ہو جائے تو اس میں لوکی کدو کش کر کے ڈالیں اور یہ تیل اتنا پکائیں کہ لوکی کا رنگ سنہرا سا ہو جائے اب چولھا بند کر دیں اور اس تیل کو چھان لیں جب تیل ٹھنڈا ہو جائے تب چھاننا ہے اب اس تیل کو ایک صاف بند منہ کی شیشی میں محفوظ کر لیں جب بھی آپ نہانے لگیں تو یہ تیل اپنے بالوں میں لگائیں 10 منٹ پہلے لگائیں اور 10 منٹ بعد کسی اچھے شیمپو سے دھو لیں۔ آپ نے یہ امیزنگ ٹوٹکا ہفتے میں 2 بار ضرور استعمال کرنا ہے اسکو لگانے سے آپ کے سفید بال تیزی سے کالے ہوں گے اور دوبارہ سفید بال آئیں گے بھی نہیں۔ یہ ٹوٹکا خاص طور پر ان لوگوں کے لیے بےحد کار آمد ہے جن کے بال جوانی میں ہی سفید ہو گئے ہوں بال کالے کرنے کا یہ بہت پاور فل تیل ہے جس کا کوئی سائیڈ ایفیکٹ نہیں ہے اور یہ تیل آپ کے بال کالے اور خوبصورت بنا کر آپ کی دلکشی اور جوانی واپس لوٹا دے گا آزمائش شرط ہے۔

♠️ نسخہ نمبر 2
ہر کوئی یہ سمجھتا ہے کہ اگر بال سفید ہوجائیں تو پھر انہیں سیاہ نہیں کیا جاسکتا اور اس لئے لوگ مختلف طرح کے ہیئرکلر استعمال کرتے ہیں لیکن آج ہم آپ کو سفید بالوں کو دوبارہ کالا کرنے کا آسان ترین نسخہ بتاتے ہیں۔

اجزاء
فلیکس سیڈ آئل (السی کا تیل) 200گرام
لیموں چار عدد
لہسن کی تین توریاں
شہد ایک کلو

بنانے کا طریقہ
لیموں کا رس اورلہسن کو اچھی طرح پیس لیں، اسکے بعد السی کا تیل اور شہد ڈالیں اور پھر پیس لیں۔ اس مرکب کو کسی جار میں ڈال کر اچھی طرح بند کردیں اور مکسچر کو فریج میں رکھ دیں۔
ہر کھانے سے 30 منٹ قبل ایک بڑا چمچ مکسچر کا کھائیں اور ہمیشہ لکڑی یا پلاسٹک کا چمچ استعمال کریں۔
یہ جادوئی مکسچر دن میں تین بار استعمال کرنے سے نہ صرف بال مضبوط ہوکر سیاہ ہونے لگیں گے بلکہ اس سے صحت بھی اچھی رہے گی۔

♠️ نسخہ نمبر 3
رسالہ روحانی ڈائجسٹ جنوری 2001ء میں بال سیاہ کرنے کا نسخہ پڑھا تھا جو سید نعمان ظفر عالم نے لکھا ہے۔ نسخہ کچھ یوں ہے۔۔۔

السی، رائی اور میتھی کے بیج ہم وزن لے کر کوٹ چھان کر سفوف بنا لیں اور کھانا کھانے کے آدھے گھنٹے کے بعد ایک ماشہ کھا لیا کریں۔ چھ ماہ تک استعمال کریں بال سیاہ ہوجائیں گے ان شاءاللہ۔

♠️ نسخہ نمبر 4
رسالہ روحانی ڈائجسٹ جنوری 2002ء میں بال سیاہ کرنے کا ایک نسخہ پڑھا تھا جو سید نعمان ظفر عالم نے لکھا ہے۔ نسخہ کچھ یوں ہے۔۔۔

ہلیلہ سیاہ کوٹ کر سفوف بنا لیں اور ایک ماشہ رات کو سوتے وقت دودھ، چائے یا پانی کے ہمراہ کھائیں چھ ماہ تک استعمال کریں بال سیاہ ہو جائیں گے ان شاءاللہ۔

🌹 اگر پوسٹ اچھی لگے تو دوسروں کی بھلائی کیلئے شیئر ضرور کریں۔ شکریہ

✍ سید سجاد حسین ھمدانی

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/4316
⭕ ISLAM WITH EMAN ⭕

🔶 معدے کی گیس سے چھٹکارا 🔶

معدے کی گیس سے ہمیشہ کے لیے چھٹکارا حاصل کر نے کا مجرب دیسی نسخہ۔

معدہ کی خرابی کی وجہ سے گیس کا پیدا ہونا ایک عام مسئلہ ہے جو اچھے بھلے انسان کو بے حال کر دیتا اور ذلیل کراتا ہے۔ اطباء کا کہنا ہے کہ گیس کا علاج نہ کیا جائے تو بعض اوقات دوسرے سنگین امراض کی علامتیں دب جاتی ہیں جس سے اس مرض کا بروقت علم نہیں ہوتا۔ اطباء گیس کا علاج ایک دیسی پھکی کی صورت میں تجویز کرتے ہیں۔ معدے کی گیس سے چھٹکارے کے لیے دیسی پھکی انتہائی مفید ہے۔

🔸 بنانے کا طریقہ
اجوائن، پنیر ڈوڈی، سفید پودینہ ہم وزن لے کر کوٹ چھان لیں اور بعد میں اس میں حسب ضرورت کالانمک ملا کر استعمال کریں۔

🔸 طریقہ استعمال
آدھا چمچ چائے والا کھانے کے بعد صبح و شام کھانے سے گیس کے ساتھ قبض بھی ختم ہوجائے گی۔

🔘 واضح رہے کہ پنیر دوڈی کو تخم حیات بھی کہا جاتا ہے۔ یہ ایک چھوٹی سی جھاڑی کے تخم ہیں جو جسامت کے لحاظ سے گول اور ان پر رس بھری کی طرح سفید غلاف ہوتا ہے۔

اس کے اندر باریک باریک لیس دار بیج ہوتے ہیں جو ایک دوسرے سے جڑے ہوتے ہیں۔ یہ زیادہ تر کوہاٹ، ڈیرہ غازی خان، پشاور، سندھ اور بلوچستان میں عام پایا جاتا ہے۔ تاہم ہر پنسار سٹور پر دستیاب ہے۔

🌹 اگر پوسٹ اچھی لگے تو دوسروں کی بھلائی کیلئے شیئر ضرور کریں۔ شکریہ

✍ سید سجاد حسین ھمدانی

📚 یہ معلومات مختلف ہیلتھ آرٹیکلز سے لی گئی ہیں۔

http://t.me/islamwitheman/2365
⭕ ISLAM WITH EMAN ⭕

🥜 مونگ پھلی (Peanuts) 🥜

مونگ پھلی (Peanuts) اگرچہ خشک میوہ نہیں ہے اور اس کی درجہ بندی پھلی کے طور پر کی جاتی ہے لیکن اس کے غذائی اجزا خشک میوے سے متماثل ہیں. جن لوگوں کو مونگ پھلی سے الرجی نہیں ہے، انھیں دل کی صحت کے فوائد کے لیے زیادہ سے زیادہ مونگ پھلی کھانی چاہیے، جو دوسرے میووں کےمقابلے میں کم قیمت بھی ہے. اور مناسب قیمتوں پر سردیوں میں باآسانی دستیاب ہوتی ہے جو جسم پر انتہائی مثبت اثرات مرتب کرتی ہے۔ کچی مونگ پھلی کی بجائے ہمیشہ بھنی ہوئی مونگ پھلی کھائی جائے تاکہ اس کے بہتر فوائد حاصل ہو سکیں۔

🥜 غذائی اجزاء و فوائد
مونگ پھلی بہت سے اہم غذائی عناصر سے بھرپور ہوتی ہے، جو انسانی جسم کے مدافعتی نظام کو بہتر کرتے ہیں۔ مونگ پھلی کا استعمال دل اور خون کی شریانوں کے عوارض، الزائمر اور سرطان سے بچانے میں مدد کرتی ہے اور بڑھاپے کے اثرات کو کم کرتی ہے۔

مونگ پھلی میں موجود 25 فیصد پروٹین انسانی جسم میں خلیوں کی تجدید میں مدد کرتا ہے. مونگ پھلی میں موجود متعدد غذائی عناصر جیسے فولک ایسڈ، تانبہ، نیاسن اور دیگر وٹامن انسانی صحت کیلئے فائد ہ مند ہیں. یہ عناصر دل اور شریانوں کا تحفظ کرتے ہیں اور نقصان دہ کولسٹرول کو کم کرتے ہیں جبکہ جرثوموں اور زہریلے مواد سے بھی محفوظ رکھتے ہیں. مونگ پھلی کا چھلکا اینٹی آکسیڈنٹس کا حامل ہوتا ہے. اس کے روغن میں پروٹین، اینٹی آکسیڈنٹس اور جسم کے لیے اہم معدنیاتی نمکیات ہوتے ہیں. مونگ پھلی میں ریشے کی بھی وافر مقدار پائی جاتی ہے۔ یہ ریشہ وزن کم کرنے اور دمے سے تحفظ فراہم کرنے میں مدد دیتا ہے. قدرت کا یہ انمول تحفہ اپنے اندر ٹرپٹوفان بھی رکھتا ہے، جو جسم میں سیروٹونن مادہ پیدا کرتا ہے. یہ مادہ انسان کو ڈپریشن اور اعصابی تناؤ کی حالت سے بچا کر مزاج کو نارمل رکھنے میں مدد کرتا ہے۔

🥜 مزید فوائد
♡ مونگ پھلی دبلے اور کمزور افراد کے لئے مفید ہے.
♡ کینسر سے محفوظ رکھنے میں ہماری معاون ہے۔
♡ مونگ پھلی میں پروٹین، کیلشیم، وٹامن ای، وٹامن بی ون، B6 اور فاسفورس شامل ہوتا ہے.
♡ مونگ پھلی سے اعصاب کو تقویت ملتی ہے۔
♡ ذیابطیس ٹائپ ٹو میں مونگ پھلی کا استعمال مریض کو فائدہ دیتا ہے۔
♡ مونگ پھلی کے استعمال سے انسولین کی سطح برقرار رہنے میں مدد ملتی ہے.
♡ مونگ پھلی میں موجود فولاد خون کے نئے خلیے بنانے میں مددگار ہوتا ہے.
♡ ایکسرسائز کرنے والے اس سے بھر پور فائدہ اٹھا سکتے ہیں۔
♡ مونگ پھلی میں موجود وٹامنز ہڈیوں اور دانتوں کو مضبوط کرنے میں معاونت کرتے ہیں۔
♡ مونگ پھلی معدے اور پھیپھڑے کے لئے فائدہ مند ہے اور یہ دونوں اعضاء کو مضبوطی بخشتی ہے۔
♡ مونگ پھلی میں ایسے اینٹی آکسیڈنٹس پائے جاتے ہیں جو غذائی لحاظ سے سیب، چقندر اور گاجر کے مقابلے میں وافر مقدار میں ہیں۔
♡ اگر آپ کے بال گر رہے ہیں تو مونگ پھلی کے استعمال سے ان میں کمی آ سکتی ہے.

🥜 احتیاط
♡ جسم میں خارش
جسم میں خارش ہونے صورت میں مونگ پھلی نہیں کھانا چاہئے اس سے خارش کے مرض میں مزید اضافہ ہوسکتا ہے۔

♡ حاملہ خواتین
ڈاکٹر کے مشورے سے حاملہ خواتین مونگ پھلی کھانے کے بارے میں سوچیں کیونکہ اس سے الرجی ہونے کا خدشہ ہوتا ہے۔ اگر انہیں یہ خشک میوہ مرغوب ہے اور اسے کھانا چاہتی ہیں تو پہلے اپنے فیملی ڈاکٹر سے رائے لے لیں، اسی طرح کھانسی کی صورت میں مونگ پھلی کا استعمال بالکل نہ کریں کیونکہ ایک تیل سے بھرپور میوہ ہے جو کھانسی میں اضافے کا سبب بن سکتا ہے۔

♡ معدے کے مریض
یرقان اور معدے کے مرض میں مبتلا افراد بھی مونگ پھلی کے زائد استعمال سے دور رہیں تاہم کم کھانے سے انہیں کوئی خاص نقصان نہیں ہوگا۔

♡ سانس کے مریض
سانس کے مرض میں مبتلا یا دمہ کے مریضوں کو بھی مونگ پھلی کا استعمال فائدے کے بجائے نقصان میں مبتلا کرسکتا ہے۔

♡ معدے میں تیزابیت
اسی طرح جن افراد کے معدے میں تیزابیت ہو ان کو بھی مونگ پھلی سے دور رہنا چاہئے کیونکہ خشک میوہ جات گرم تاثر رکھتا ہے اس لیے مونگ پھلی بھی تیزابیت یا معدے میں گرمی کے مرض میں اضافے کا سبب بنتی ہے تاہم صحت مند معدے کے لیے نقصان دہ نہیں ہے۔

🌹 اگر پوسٹ اچھی لگے تو دوسروں کی بھلائی کیلئے شیئر ضرور کریں۔ شکریہ

✍ سید سجاد حسین ھمدانی

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/2824
⭕ ISLAM WITH EMAN ⭕

🌹 اولاد پیغمبر اکرمؐ 🌹

اولاد پیغمبر اکرم میں مشہور قول کے مطابق چار بیٹیاں اور تین بیٹے شامل تھے جن میں سے 6 حضرت خدیجہ اور ایک ماریہ قبطیہ سے پیدا ہوا تھا۔ حضرت فاطمہ زہراؑ کے علاوہ آنحضرت کی باقی تمام اولاد آپؐ کی حیات میں ہی دنیا سے چل بسی اور آپؐ کی نسل صرف حضرت زہراؑ سے آگے چلی ہے۔

چوتھی صدی کے شیعہ محقق ابوالقاسم کوفی اور پندرہویں صدی کے شیعہ محقق سید جعفر مرتضی عاملی اس بات کے معتقد ہیں کہ حضرت فاطمہ زہراؑ آپ کی اکلوتی بیٹی ہیں جبکہ باقی آپ کی منہ بولی بیٹیاں تھیں۔ جعفر مرتضی نے "بنات النبی اَم رَبائبُہ؟" (رسول کی بیٹیاں یا منہ بولی بیٹیاں؟) نامی کتاب اسی موضوع کے اثبات میں لکھی ہے۔

■ صاحب اولاد ازواج
ازواج رسول میں سے صرف حضرت خدیجہ اور ماریہ قبطیہ سے اولاد ہوئی۔ خدیجہ سے چار بیٹیاں اور دو بیٹے[1] جبکہ ماریہ سے ایک بیٹا ابراہیم متولد ہوا۔[2]

■ اولاد، بیٹیاں
پیغمبر اکرمؐ کی چار بیٹیاں تھیں جو سب حضرت خدیجہ سے تھیں:

زینب، آنحضرتؐ کی سب سے بڑی بیٹی تھیں جو 30 عام الفیل کو پیدا ہوئیں۔ اس وقت آنحضرتؐ کا سن مبارک 30 برس تھا۔ زینب کی وفات سنہ 8 ہجری قمری کو ہوئی اور انہیں بقیع میں دفن کیا گیا۔

رقیہ نے ہجرت حبشہ اور ہجرت مدینہ میں حصہ لیا۔ ان کی وفات سنہ 2 ہجری قمری کو ہوئی اور انہیں بھی بقیع میں دفن کیا گیا۔

ام‌کلثوم کی وفات سنہ 9 ہجری قمری میں ہوئی اور بقیع میں سپرد خاک کیا گیا۔

چوتھی صدی کے شیعہ محقق ابوالقاسم کوفی اور پندرہویں صدی کے شیعہ محقق سید جعفر مرتضی عاملی اس بات کے معتقد ہیں کہ حضرت فاطمہ زہراؑ آپ کی اکلوتی بیٹی ہیں جبکہ باقی آپ کی منہ بولی بیٹیاں تھیں۔[3] جعفر مرتضی نے "بنات النبی اَم رَبائبُہ؟" (رسول کی بیٹیاں یا منہ بولی بیٹیاں؟) نامی کتاب اسی موضوع کے اثبات میں لکھی ہے۔[4]

حضرت فاطمہ زہراؑ شیعہ کتب کے مطابق بعثت کے پانچ سال بعد پیدا ہوئیں جبکہ اہل سنت کی روایات کے مطابق آپؑ کی ولادت بعثت سے پانچ سال پہلے ہوئی۔ حضرت فاطمہ زہراؑ امیرالمؤمنینؑ کی زوجہ اور پنجتن آل عبا، (اصحاب کساء) میں سے ہیں۔ آپ شیعہ اثنا عشریہ کے نزدیک چودہ معصومین میں سے ایک ہیں اور شیعوں کے دوسرے اور تیسرے امام آپ کے بیٹے ہیں۔ متعدد شیعہ علماء سورہ کوثر میں کوثر کا مصداق حضرت فاطمہؑ کو قرار دیتے ہیں؛ کیونکہ پیغمبر کی نسل آپ کی بیٹی سے آگے بڑھی اور اسی نسل میں سلسلہ امامت ودیعت ہوا۔[5]

■ بیٹے
اکثر منابع میں آنحضرتؐ کے تین بیٹوں کا نام ذکر ہوئے ہیں: قاسم، عبداللہ اور ابراہیم جبکہ بعض کتب میں طیب اور طاہر کے نام بھی آنحضرتؐ کے بیٹوں میں شمار ہیں۔[6] اسی طرح بعض منابع میں کہا گیا ہے کہ طیب و طاہر بیٹے نہیں ہیں بلکہ عبداللہ کے القاب میں سے ہیں۔[7] آپؐ کے تینوں بیٹے بچپن میں ہی وفات پا گئے تھے[8] عبداللہ[9] کی وفات کے بعد اور ایک روایت کے مطابق قاسم[10] کی رحلت کے بعد عاص بن وائل نے پیغمبر اکرم کو «ابتر» (جس کی نسل نہ ہو) کہا۔ اس پر سورہ کوثر نازل ہوئی۔

■ بڑے چھوٹے کی ترتیب
تمام کتب کا اس بات پر اتفاق ہے کہ ابراہیم بن ماریہ آنحضرتؐ کے سب سے چھوٹے بیٹے تھے۔ تاہم حضرت خدیجہ کی اولاد میں سے کون بڑا تھا اور کون چھوٹا تھا؛ اس میں اختلاف ہے:

قاسم، زینب، عبداللہ، ام کلثوم، فاطمہ، رقیہ[11]
زینب، قاسم، ام کلثوم، فاطمہ، رقیہ، عبداللہ[12]
قاسم، زینب، رقیہ، فاطمہ، ام کلثوم، عبداللہ[13]
زینب، رقیہ، ام کلثوم، فاطمہ[14]

📚 حوالہ جات
1۔ مقریزی، إمتاع الأسماع، 1420ھ، ج‌5، ص334۔
2۔ ابن سعد، الطبقات الکبری، 1418ھ، ج1، ص107۔
3۔ عاملی، الصحیح من سیرہ النبی الاعظم، ۱۴۲۶ھ، ج۲، ص۲۱۸؛ عاملی، بنات النبی اَم ربائبہ؟، ۱۴۱۳ھ، ص۷۷-۷۹؛ کوفی الاستغاثه، ج۱، ص۶۸.
4۔ عاملی، بنات النبی اَم ربائبہ؟، ۱۴۱۳ھ.
5۔ مکارم شیرازی، تفسیر نمونہ، ج27، ص375۔ مراجعہ کریں: طباطبائی، المیزان، ج20، ص370۔
6۔ ابن حجر عسقلانی، الإصابۃ، 1415ھ، ج‌3، ص446۔
7۔ طبرسی، اعلام الوری، 1417ھ، ج1، ص275۔
8۔ ابن سعد، الطبقات الکبری، 1418ھ، ج‌1، ص106 و 112۔
9۔ بلاذری، انساب الاشراف، 1417ھ، ج1، ص138-139۔
10۔ ابن اسحاق، سیرۃ ابن إسحاق، 1410ھ، ص245۔
11۔ مقریزی، إمتاع الأسماع، 1420ھ، ج‌5، ص334۔
12۔ مقریزی، إمتاع الأسماع، 1420ھ، ج‌5، ص334۔
13۔ ابن سعد، الطبقات الکبری، 1418ھ، ج‌1، ص106۔
14۔ ابن سعد، الطبقات الکبری، 1418ھ، ج‌8، ص174۔

التماس دعا: سید سجاد حسین ہمدانی

https://t.me/islamwitheman/2762
⭕ ISLAM WITH EMAN ⭕

🖐 لعنت کرنا سنتِ اللہ و رسولؐ 🖐

بے شک لعنت کرنا اللہ، انبیاء و رسول، فرشتوں اور نیک بندوں کی سنت ہے۔ راویتی ترجمے کے ساتھ چند آیات ملاحظہ فرمائیں۔

1۔ اِنَّ الَّذِيۡنَ كَفَرُوۡا وَمَاتُوۡا وَهُمۡ كُفَّارٌ اُولٰٓئِكَ عَلَيۡهِمۡ لَعۡنَةُ اللّٰهِ وَالۡمَلٰٓئِكَةِ وَالنَّاسِ اَجۡمَعِيۡنَۙ‏۞ (سورۃ البقرة: 161)
ترجمہ:
بیشک وہ جنہوں نے کفر کیا اور کافر ہی مرے ان پر لعنت ہے اللہ اور فرشتوں اور آدمیوں سب کی۔

2۔ اِنَّ اللّٰهَ لَعَنَ الۡكٰفِرِيۡنَ وَاَعَدَّ لَهُمۡ سَعِيۡرًا۞ (سورۃ الأحزاب: 64)
ترجمہ:
بیشک اللہ نے کافروں پر لعنت فرمائی اور ان کے لیے بھڑکتی آگ تیار کر رکھی ہے۔

3۔ وَمَنۡ اَظۡلَمُ مِمَّنِ افۡتَـرٰى عَلَى اللّٰهِ كَذِبًا‌ ؕ اُولٰٓئِكَ يُعۡرَضُوۡنَ عَلٰى رَبِّهِمۡ وَ يَقُوۡلُ الۡاَشۡهَادُ هٰٓؤُلَاۤءِ الَّذِيۡنَ كَذَبُوۡا عَلٰى رَبِّهِمۡ‌ ۚ اَلَا لَـعۡنَةُ اللّٰهِ عَلَى الظّٰلِمِيۡنَۙ۞ (سورۃ هود: 18)
ترجمہ:
اور اس سے بڑھ کر ظالم کون جو اللہ پر جھوٹ باندھے اور اپنے رب کے حضور پیش کیے جائیں گے اور گواہ کہیں گے یہ ہیں جنہوں نے اپنے رب پر جھوٹ بولا تھا، ارے ظا لموں پر خدا کی لعنت۔

4۔ اِنَّ الَّذِيۡنَ يُؤۡذُوۡنَ اللّٰهَ وَرَسُوۡلَهٗ لَعَنَهُمُ اللّٰهُ فِى الدُّنۡيَا وَالۡاٰخِرَةِ وَاَعَدَّ لَهُمۡ عَذَابًا مُّهِيۡنًا۞ (سورۃ الأحزاب: 57)
ترجمہ:
بیشک جو ایذا دیتے ہیں اللہ اور اس کے رسول کو ان پر اللہ کی لعنت ہے دنیا اور آخرت میں اور اللہ نے ان کے لیے ذلت کا عذاب تیار کر رکھا ہے۔

5۔ فَمَنۡ حَآجَّكَ فِيۡهِ مِنۡۢ بَعۡدِ مَا جَآءَكَ مِنَ الۡعِلۡمِ فَقُلۡ تَعَالَوۡا نَدۡعُ اَبۡنَآءَنَا وَاَبۡنَآءَكُمۡ وَنِسَآءَنَا وَنِسَآءَكُمۡ وَاَنۡفُسَنَا وَاَنۡفُسَكُمۡ ثُمَّ نَبۡتَهِلۡ فَنَجۡعَل لَّعۡنَتَ اللّٰهِ عَلَى الۡكٰذِبِيۡنَ۞ (سورۃ آل عمران: 61)
ترجمہ:
پھر اے محبوب! جو تم سے عیسیٰ کے بارے میں حجت کریں بعد اس کے کہ تمہیں علم آچکا تو ان سے فرما دو آ ؤ ہم بلائیں اپنے بیٹے اور تمہارے بیٹے اور اپنی عورتیں اور تمہاری عورتیں اور اپنی جانیں اور تمہاری جانیں، پھر مباہلہ کریں تو جھوٹوں پر اللہ کی لعنت ڈالیں۔

6۔ اِنَّ الَّذِيۡنَ يَكۡتُمُوۡنَ مَآ اَنۡزَلۡنَا مِنَ الۡبَيِّنٰتِ وَالۡهُدٰى مِنۡۢ بَعۡدِ مَا بَيَّنّٰهُ لِلنَّاسِ فِى الۡكِتٰبِۙ اُولٰٓئِكَ يَلۡعَنُهُمُ اللّٰهُ وَ يَلۡعَنُهُمُ اللّٰعِنُوۡنَۙ۞ (سورۃ البقرة: 159)
ترجمہ:
بیشک وہ جو ہماری اتاری ہوئی روشن باتوں اور ہدایت کو چھپاتے ہیں بعد اس کے کہ لوگوں کے لئے ہم اسے کتاب میں واضح فرما چکے ہیں ان پر اللہ کی لعنت ہے اور لعنت کرنے والوں کی لعنت۔

7۔ وَعَدَ اللّٰهُ الۡمُنٰفِقِيۡنَ وَالۡمُنٰفِقٰتِ وَالۡـكُفَّارَ نَارَ جَهَـنَّمَ خٰلِدِيۡنَ فِيۡهَا‌ ؕ هِىَ حَسۡبُهُمۡ‌ ۚ وَلَـعَنَهُمُ اللّٰهُ‌ ۚ وَلَهُمۡ عَذَابٌ مُّقِيۡمٌ۞ (سورۃ التوبة: 68)
ترجمہ:
اللہ نے منافق مردوں اور منافق عورتوں اور کافروں کو جہنم کی آگ کا وعدہ دیا ہے جس میں ہمیشہ رہیں گے، وہ انہیں بس ہے اور اللہ کی ان پر لعنت ہے اور ان کے لیے قائم رہنے والا عذاب ہے۔

8۔ وَالَّذِيۡنَ يَنۡقُضُوۡنَ عَهۡدَ اللّٰهِ مِنۡۢ بَعۡدِ مِيۡثَاقِهٖ وَيَقۡطَعُوۡنَ مَاۤ اَمَرَ اللّٰهُ بِهٖۤ اَنۡ يُّوۡصَلَ وَيُفۡسِدُوۡنَ فِى الۡاَرۡضِ‌ۙ اُولٰۤئِكَ لَهُمُ اللَّعۡنَةُ وَلَهُمۡ سُوۡۤءُ الدَّارِ۞ (سورۃ الرعد: 25)
ترجمہ:
اور وہ جو اللہ کا عہد اس کے پکے ہونے کے بعد توڑتے اور جس کے جوڑنے کو اللہ نے فرمایا اسے قطع کرتے اور زمین میں فساد پھیلاتے ہیں ان کا حصہ لعنت ہی ہے اور اُن کا نصیبہ بُرا گھر۔

9۔ فَبِمَا نَقۡضِهِمۡ مِّيۡثَاقَهُمۡ لَعَنّٰهُمۡ وَجَعَلۡنَا قُلُوۡبَهُمۡ قٰسِيَةً‌ ۚ يُحَرِّفُوۡنَ الۡـكَلِمَ عَنۡ مَّوَاضِعِهٖ‌ۙ وَنَسُوۡا حَظًّا مِّمَّا ذُكِّرُوۡا بِهٖۚ وَلَا تَزَالُ تَطَّلِعُ عَلٰى خَآئِنَةٍ مِّنۡهُمۡ اِلَّا قَلِيۡلًا مِّنۡهُمۡ‌ فَاعۡفُ عَنۡهُمۡ وَاصۡفَحۡ‌ ؕ اِنَّ اللّٰهَ يُحِبُّ الۡمُحۡسِنِيۡنَ۞ (سورۃ المائدة: 13)
ترجمہ:
تو ان کی کیسی بد عہدیوں پر ہم نے انہیں لعنت کی اور ان کے دل سخت کر دیئے اللہ کی باتوں کو ان کے ٹھکانوں سے بدلتے ہیں اور بُھلا بیٹھے بڑا حصہ ان نصیحتوں کا جو انہیں دی گئیں اور تم ہمیشہ ان کی ایک نہ ایک دغا پر مطلع ہوتے رہو گے سوا تھوڑوں کے تو انہیں معاف کردو اور ان سے درگزرو بیشک احسان والے الله کو محبوب ہیں۔

10۔ وَمَنۡ يَّقۡتُلۡ مُؤۡمِنًا مُّتَعَمِّدًا فَجَزَآؤُهٗ جَهَـنَّمُ خَالِدًا فِيۡهَا وَغَضِبَ اللّٰهُ عَلَيۡهِ وَلَعَنَهٗ وَاَعَدَّ لَهٗ عَذَابًا عَظِيۡمًا۞ (سورۃ النساء: 93)
ترجمہ:
اور جو کوئی مسلمان کو جان بوجھ کر قتل کرے تو اس کا بدلہ جہنم ہے کہ مدتوں اس میں رہے اور اللہ نے اس پر غضب کیا اور اس پر لعنت کی اور اس کے لئے تیار رکھا بڑا عذاب۔

✍ سید سجاد حسین ھمدانی

https://t.me/islamwitheman
⭕ ISLAM WITH EMAN ⭕

👃 بند ناک کھولنے کے ٹوٹکے 👃

ناک بند ہونا ایک عام شکایت ہے۔ نزلہ اور زکام یا فلو کی صورت میں اکثر ناک بند ہوجاتی ہے۔ ناک بند ہونے کی وجہ بلغم نہیں بلکہ ناک میں موجود ٹشوز کی سوجن کی وجہ سے سانس لینے میں مسئلہ ہوتا ہے۔ اگر اس کا علاج نہ کیا جائے تو یہ کان میں تکلیف کا باعث بن سکتا ہے جس کے نتیجے میں بولنے اور سننے میں بھی مسئلہ ہو سکتا ہے۔ عام طور پر ناک بند ہونے کی شکایت کسی الرجی یا وائرل انفیکشن کی وجہ سے ہوتی ہے۔ ناک بند ہونے کی وجہ کچھ بھی ہو کچھ آسان طریقوں کے ذریعے سانس لینے میں آسانی پیدا ہو سکتی ہے۔

اگر آپ کی ناک بند ہو تو اسے صاف کرنے کی کوشش نہ کریں کیونکہ دراصل اس بندش کی وجہ ناک اور اندر باریک نسوں کا پھول جانا ہے۔ جب آپ ناک صاف کرنے کیلئے زور لگاتے ہیں تو یہ نسیں اور پھول جاتی ہیں۔ ناک کو صرف اس وقت صاف کریں جب یہ بہہ رہی ہو۔ بند ناک کو کھولنے کیلئے نمکین پانی بھی استعمال کیا جا سکتا ہے یا ایک چوتھائی چائے کا چمچ اور نمک لیں اور اسے ایک کپ پانی میں مکس کر لیں۔ اس پانی کو ناک کے اندر لے جائیں اور پھر مکمل طور پر باہر نکالیں۔ یہ عمل دن میں دو سے تین مرتبہ کریں گرم پانی کی بھاپ بھی بند ناک کو کھولنے کیلئے انتہائی مفید ہے۔ پانی کا زیادہ سے زیادہ استعمال کریں، خصوصاً نیم گرم پانی یا جوشاندے کا استعمال فائدہ مند ہے۔ اسی طرح نیم گرم پانی میں کپڑے کو بھگو کر اسے وقفے وقفے سے ناک کے اوپر دبا کر رکھیں۔ سینے یا گردن پر ویبر رب کو ملا جا سکتا ہے۔ ویبر رب نہ ہونے کی صورت میں پودینے کے پانی کے ایک یا دو قطرے ناک کی نچلی طرف لگائیں۔ کوشش کریں کہ ٹیک لگا کر لیٹیں تاکہ سر دھڑ کی نسبت بلند رہے۔ مصالحہ دار غذاﺅں کا استعمال کریں اور ساتھ خوب پانی پئیں۔ آپ کی ناک خود ہی بہنا شروع ہو جائے گی۔ بچوں کی ناک بند ہونے کی صورت میں پیاز کا پانی استعمال کریں۔ اس کیلئے پیاز کے ٹکڑوں کو پانی میں ابال لیں اور اس میں ذائقہ بہتر کرنے کیلئے تھوڑا سا میٹھا ڈال لیں۔ ٹھنڈا کر کے بچوں کو 3 سے 4 اونس پلائیں۔ مسئلہ حل نہ ہونے کی صورت میں ڈاکٹر سے ضرور رابطہ کریں۔

■ بند ناک کھولنے کے مزید ٹوٹکے
1۔ ہیومی ڈیفائر کا استعمال:
یہ مشین پانی کے ذریعے کمرے میں نمی پیدا کرتی ہے۔ نمی میں سانس لینے سے ناک کے ٹشوز کو آرام ملتا ہے۔ اس کے علاوہ ہیومی ڈیفائر بلغم کو پتلا کرنے میں بھی مدد دیتا ہے۔ جس سے ناک میں موجود میوکس بہہ جاتا ہے اور سانس لینے میں سکون ملتا ہے۔

2۔ گرم شاور لیں:
بند ناک کے ساتھ جب آپ گرم شاور لیتے ہیں تو نہانے کے بعد آپ خود کو بہتر محسوس کرتے ہیں اس کی وجہ شاور سے نکلنے والی بھانپ ہے جو ناک میں موجود بلغم کو پتلا کرتی ہے اور سوجن کو کم کرتی ہے۔ اسٹیمر کے ذریعے اسٹیم لے کر بھی آپ یہ عمل کر سکتے ہیں۔ اسٹیمر کو آن کرنے کے بعد جب اسٹیم نکلنے لگے تو اپنا چہرہ اسٹیم کے قریب لے جائیں اور اوپر سے تولیہ ڈھک لیں۔ گہرے سانس لیں زیادہ تیز بھانپ لینے سے گریز کریں۔

3۔ پانی کا استعمال کریں:
ناک بند ہو تو زیادہ پانی پئیں۔ یہ لیکوئڈ آپ جوس اور سوپ کی شکل میں بھی لے سکتے ہیں۔ یہ بھی ناک میں موجود بلغم کو پتلا کر کے اسے آسانی سے باہر نکلنے میں مدد دیتے ہیں۔

4۔ سِکائی کریں:
سِکائی سے بھی بند ناک کھلنے میں مدد ملتی ہے۔ سِکائی کے لیے گرم پانی میں تولیہ بھگوئیں۔ اسے نچوڑ کر فولڈ کرلیں اور ماتھے اور ناک پر رکھیں۔ گرمائی سے درد اور سوجن میں کمی آئے گی۔

5۔ اینٹی الرجی لیں:
اگر ناک بند ہونے کی وجہ کوئی الرجی ہے تو آپ اینٹی الرجی لیں یہ بھی ناک کی سوجن کو کم کر کے بند ناک کھولنے میں مدد دیتی ہے۔

6۔ لہسن کا استعمال:
لہسن کی اینٹی وائرل اور اینٹی فنگل خصوصیات بھی سینے کے انفیکشن اور بند ناک کھولنے میں مدد دیتی ہے۔
* ایک کپ پانی میں دو تین لہسن کے جوے ڈال کر ابالیں۔ چاہیں تو اس میں آدھا چائے کا چمچ ہلدی بھی شامل کرلیں آرام آنے تک روزانہ پئیں۔

7۔ جوشاندہ:
جوشاندہ بھی بلغم پتلا کرنے میں مدد دیتا ہے۔ اپنی پسند کا کوئی بھی جوشاندہ دن میں دو تین مرتبہ لیں۔ اس کے لیے پودینے کی چائے بھی پی جاسکتی ہے۔ اس میں موجود مینتھول بھی بند ناک کھولنے میں مدد دیتا ہے۔

8۔ میتھی دانہ:
میتھی دانہ بھی بند ناک کھولنے میں مدد دیتا ہے ۔ میتھی دانے کی گرم تاثیر بلغم کو پتلا کرنے میں مدد دیتی ہے۔
* ایک دو چائے کے چمچ کٹا ہوا میتھی دانہ ایک گلاس پانی میں ملا کر ابالیں۔ چھان کر نیم گرم پئیں۔ آرام آنے تک دن میں دو تین مرتبہ پئیں۔

نوٹ: حمل میں میتھی دانے کی چائے نہ پئیں۔

🌹 آگر پوسٹ اچھی لگے تو دوسروں کی بھلائی کے لیے شیئر ضرور کریں۔ شکریہ

✍ سید سجاد حسین ہمدانی

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/2837
⭕ ISLAM WITH EMAN ⭕

👃 بند ناک سے فی الفور چھٹکارا 👃

نزلہ زکام وغیرہ کی وجہ سے ناک کا بند ہو جانا ایک عام بات ہے مگر اگر یہ ناک رات کو سونے کے درمیان بند ہو جائے تو نیند کو خراب کر دیتی ہے اور بے سکونی کا باعث بنتی ہے اور سانس لینے میں مشکل پیش آتی ہے۔ اگر ناک بند ہوجائے یا بہت زیادہ بہنے لگے تو سانس لینا بھی دشوار ہو جاتا ہے۔ اس سے نجات کے لئے ہم ادویات کا استعمال کرتے ہیں جس سے یہ مسئلہ کبھی تو حل ہوجاتا ہے اور کبھی بہت زیادہ تکلیف دہ ہونے لگتا ہے۔ مشی گن سٹیٹ یونیورسٹی کی ماہر ڈاکٹر لیزا ڈی سٹیفنو کا کہنا ہے کہ بعض اوقات ادویات کی وجہ سے ریشہ اندر ہی رہ جاتا ہے، چھاتی جکڑی جاتی ہے اور مزید پیچیدگیاں پیدا ہونے لگتی ہیں۔ اس کا کہنا ہے کہ اگر دوائیوں کے بغیر جلد اس مسئلے سے نجات حاصل کرنا چاہتے ہیں تو دو مشوروں پر عمل کریں۔

1۔ اپنے انگوٹھے اور زبان کا استعمال
اپنے انگوٹھے  کے ساتھ اپنی بھنوؤں کے درمیانی  حصے کو تین سے چار سیکنڈ کے لئے دبائیں اور پھر اپنی زبان کو منہ کے اوپر والے حصے  سے لگا دیں۔ اس حرکت کی وجہ سے آپ کے ناک کے اندر موجود بلغم باہر آئے گا۔ اس عمل کو 20 سیکنڈ  تک باری باری  دہرائیں۔ آپ کو کافی سکون محسوس ہوگا اور آپ بآسانی سانس لے سکیں گے۔

2۔ اپنی چھوٹی انگلی کا استعمال کریں
دیکھنے میں یہ بہت عجیب لگتا ہے لیکن یقین کریں یہ بہت ہی کارگر نسخہ ہے۔ اپنے دائیں ہاتھ کی چھوٹی انگلی کو اپنے منہ میں لے جائیں اور جتنا ہوسکے بائیں جانب حلق کے گوشت کو چھوئیں (آخری دانت سے جتنا بھی پیچھے لیجا سکیں) اور اسے اوپر کی جانب دبائیں۔ اس عمل کو تین سیکنڈ تک کرنے سے چہرے میں کچھ مسلز حرکت میں آجائیں گے اور بلغم باہر آ جائے گی۔

■ مساج کے ذریعے بند ناک سے چھٹکارا
1۔ ناک کے دونوں طرف مالش:
شہادت کی انگلی اور درمیان والی انگلی کے ساتھ ناک کے ان دونوں سائیڈ کے مقامات پر دائرے کی شکل میں آہستہ آہستہ تقریباً ایک سے دو منٹ مالش کریں۔ اس سے آپ کی سانس کی بند نالیاں کُھلنے میں مدد ملے گی اور آپ کو جما ہوا ریشہ ناک سے خارج کرنے میں آسانی ہو گی۔

2۔ دونوں بھنووں کے درمیان مالش:
ناک بند ہونے کے صورت میں بھنووں کے درمیان میں انگوٹھے یا انگلی کے ساتھ آہستہ آہستہ کم از کم ایک منٹ تک مالش کریں۔ اس سے سانس کی نالیوں میں جما ہوا ریشہ خارج ہونے میں مدد ملے گی اور یہ سانس کی نالی کی سوزش کو کم کرے گا۔

3۔ ناک اور ہونٹوں کے درمیان مالش:
ناک اور ہونٹوں کے درمیاں آہستہ آہستہ مالش کریں اور اس عمل کو تقریباً 2 سے 3 منٹ تک جاری رکھیں یہ آپ کے ناک کی سوزش کو کم کرے گا اور سانس لینے میں آسانی پیدا ہو گی۔

4۔ ہوا میں نمی:
سردی بڑھنے کے ساتھ ہی ہوا میں نمی کا تناسب کم ہوتا چلا جاتا ہے اور ہوا جب خُشک ہوتی ہے تو سانس لینے سے ناک میں موجود ریشہ جمنا شروع ہو جاتا ہے۔ اپنے کمرے میں ہیٹر یا چولہے کے اوپر پانی کی دیگچی رکھ دیں تاکہ پانی کی بھاپ ہوا میں نمی کے تناسب کو برقرار رکھے۔

5۔ گرم کپڑا ناک پر رکھیں:
کسی کپڑے کو گرم کر کے ناک کے دونوں اطراف اس سے ٹکور کریں یہ جمے ہوئے ریشہ کو خارج کرنے میں مددگار ثابت ہو گا۔

6۔ بھنے کالے چنوں کی ٹکور:
کالے چنے لے کر اس کو بھنوا کر دیسی کپڑے میں ڈال کر گرم گرم چنوں سے ٹکور کرنے سے بھی بند ناک کھل جائے گی۔

7۔ ورزش کے ذریعے:
اگر آپ نزلے زکام کا شکار الرجی کی وجہ سے ہُوئے ہیں اور آپ کی ناک بہہ رہی ہے تو اس کو ٹھیک کرنے کا سب سے بہترین طریقہ یہ ہے کہ آپ ورزش کریں ورزش کرنے سے آپکا جسم گرم ہوگا اور یہ ناک میں موجود ریشہ کو خارج کرنے میں آسانی پیدا کرے گا۔

🌹 آگر پوسٹ اچھی لگے تو دوسروں کی بھلائی کے لیے شیئر ضرور کریں۔ شکریہ

✍ سید سجاد حسین ہمدانی

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/2843
⭕ ISLAM WITH EMAN ⭕

🌹 رقیہؑ بنت علیؑ بن ابیطالبؑ 🌹

رُقَیہؑ بنت علیؑ ابن ابیطالب علیہ السلام، مسلم بن عقیل علیہ السلام کی شریک حیات اور اسیران کربلا میں سے تھیں۔ رقیہؑ واقعہ کربلا میں موجود تھیں اور مکہ سے کربلا جاتے ہوئے اپنے شوہر یعنی مسلمؑ ابن عقیل کی شہادت سے باخبر ہوئیں۔ روز عاشورا ان کے بیٹے عبداللہ اور محمد (ایک قول کی بنا پر) شہید ہوئے اور خود عمرسعد کے سپاہیوں کے ہاتھوں اسیر ہوئیں۔ قاہرہ میں ان سے منسوب ایک قبر پر سنہ 1416 ہجری قمری کو ہندوستان کے داوودی بہرہ برادری نے ضریح تعمیر کروائی۔

■ حسب و نسب
آپ کی والدہ صہباء بنت ربیعہ تغلبیہ، امام علی علیہ السلام کی ایک کنیز تھی۔[1] ذبیح اللہ محلاتی کے مطابق صہباء رقیہ کے علاوہ عمر بن علی کی والدہ بھی ہیں۔[2] جناب رقیہؑ نے اپنے چچا زاد بھائی مسلمؑ بن عقیل سے شادی کی۔[3] کتاب "ریاحین الشریعہ" کے مطابق اس شادی کا ثمرہ دو بیٹے "عبداللہ اور محمد اور ایک بیٹی کی شکل میں عطا ہوا۔[4]

بعض منابع میں آپ کو ام کلثوم سے یاد کیا گیا ہے۔[5] جو شاید آپ کی کنیت ہو۔ سید محسن امین نے امام علی علیہ السلام کی دو اور بیٹیوں ام کلثوم کبرٰی اور ام کلثوم صغرٰی کے مقابلے میں آپ کو ام کلثوم وسطٰی کے نام سے یاد کیا ہے۔[6]

■ واقعہ کربلا میں حاضری
رقیہ بنت امام علی علیہ السلام واقعہ عاشورا میں امام حسین علیہ السلام کے ساتھ کربلا میں موجود تھیں۔ ذبیح اللہ محلاتی کے بقول اس سفر میں آپ کے ساتھ آپ کی تینوں اولادیں بھی ساتھ تھیں۔ راستے میں حضرت مسلم کی شہادت سے باخبر ہوئیں۔ آپ کے بیٹے عبداللہ بن مسلم بھی کربلا میں امام حسین علیہ السلام کے رکاب میں شہید ہوئے۔[7]

محلاتی آپ کے دونوں بیٹے محمد اور عبداللہ کے واقعہ کربلا میں شہادت اور آپ کی اسیری کے قائل ہیں۔[8]

■ آرامگاہ
معجم البلدان کے مطابق رقیہ بنت امام علی علیہ السلام قاہرہ، مصر میں مدفون ہیں۔[9]

رقیہ بنت امام علی علیہ السلام سے منسوب قبر پر سنہ 1416 ہجری قمری میں ایک ضریح بنائی گئی جو ظاہری خوبصورتی میں دوسری ضریحوں سے قدرے متفاوت ہے۔ ضریح کی ساخت مستطیل نما ہے۔ ضریح کے اوپر ایک گنبد بنا ہوا ہے اور ضریح کا زیرین حصہ سنگ مرمر سے مزین ہے۔ آپ کے مرقد پر بنی چاندی کی ضریح کو ہندوستان کے داوودی بُہرہ‌ برادری نے قدیمی ضریح کی جگہ تعمیر کروایا ہے۔[10]

✍ سید سجاد حسین ہمدانی

📚 حوالہ جات
1۔ ابن سعد، الطبقات (۱۴۱۰ق)، ج‏۳، ص‌۱۴؛ ابن جوزی، المنتظم(۱۴۱۲ق)، ج‏۴، ص‌۱۰۹؛ طبری، تاریخ(۱۹۶۷م)، ج‌۴، ص‌۳۵۹؛ ابن کثیر، البدایۃوالنہایۃ، ج‏۶، ص۳۵۲.
2۔ محلاتی، ریاحین الشریعۃ(۱۳۷۳ش)، ج۴، ص۲۵۵-۲۵۶.
3۔ بلاذری، أنساب‏‌الأشراف(۱۳۹۴ق)، ج‏۲، ص۷۰.
4۔ محلاتی، ریاحین‌الشریعۃ(۱۳۷۳ش)، ج۴، ص۲۵۵.
5۔ ابن عنبہ، عمدۃ الطالب(۱۴۱۷ق)،‌ ص۳۲.
6۔ امین، اعیان الشیعہ(۱۴۰۶ق)، ج۳، ص۴۸۴.
7۔ خلیفہ، تاریخ ‏خلیفۃ(۱۴۱۵ق)، ص‌۱۴۵؛ امین، اعیان الشیعہ(۱۴۰۶ق)، ج۷، ص۳۴؛ بلاذری، أنساب‏‌الأشراف(۱۳۹۴ق)، ج‏۲، ص۷۰؛ طبری، تاریخ(۱۹۶۷م)،‌ ج۵، ص۴۶۹؛ ابن اثیر، الکامل(۱۳۷۱ش)، ج۹، ص۴۱۲؛ ابوالفرج اصفہانی، مقاتل الطالبیین(دارالمعرفہ)، ص۹۸.
8۔ محلاتی، ریاحین الشریعہ(۱۳۷۳ش)، ج۴، ص۲۵۵.
9۔ حموی، معجم‌البلدان(۱۹۹۵م)، ج۵، ص۱۴۲.
10۔ احمد خامہ یار؛ ہندوستان کے اسماعیلی بُہرہ برادری کے عتبات عالیات اور زیارتگاہوں میں ہنری اور عمرانی آثار۔

https://t.me/islamwitheman/2847
⭕ ISLAM WITH EMAN ⭕

📚سفینه لائبریری(اردو)📲:
📚*سفینه ڈیجیٹل لائبریری*(اردو)📚

👈تاریخ ۔مجالس۔ کربلا اور مقتل کے موضوع پر بہت سی کتب کو آپلوڈ کردیا ہے۔
🤲الحمدللہ نو ھزار(9000) سے زیادہ کتب آپلوڈ ہو چکی ہیں اور تازہ چارھزار سے زیادہ نئی کتب مختلف موضوعات پر آپلوڈ ہوچکی ہیں اور سات سو(900) سے زیادہ اس لائبریری کے ممبر ہو چکے ہیں ۔

📚موضوعات کتب
#تفسیرالقرآن
#تاریخ
#عقاید
#امامت
#مهدویت
#سیرت_معصومین
#اخلاق
#احکام
#فقه
#مناظره
#حوزه
#تربیت
#حدیث
#مجالس
#کربلا
#مقتل
#عزاداری
#موبائل_اسلامی
###..اس کے علاوہ بہت سارے دیگر موضوعات
جن کو آسانی سے سرچ کیا جا سکتا ہے۔

اس کےلئے مزید آپ تمام احباب سے گزارش کی جاتی ہے کہ اس کو زیادہ سے زیادہ گروپس اور فیس بک اور ٹیلیگرام گروپس پر شیئر کریں ۔
https://telegram.me/safeinalibrary

مزید آپ میں سے کسی کے پاس مفید و نایاب کتب پی ڈی اف کی صورت میں موجود ہوں تو میری ٹیلیگرام آئی ڈی یا میرے ٹیلیگرام نمبر پر بھیج دیں۔
اسی طرح کسی کو کوئی کتاب مطلوب ہو جو لائبریری میں نہ ہو تو اطلاع دیں تاکہ پہلی فرصت میں آپلوڈ کی جاسکے ۔
@ghulamhussain512
+989196633714

تمام ممبران سے گزارش ہے اس پوسٹ کو گروپس اور دوستوں میں زیادہ سے زیادہ شیئر کریں تاکہ آپ بھی اس نیک کام میں شریک ہوسکیں اور اجرعظیم حاصل فرمائیں ۔
العبد معصومی (قم)
@safeinalibrary

🌹 حضرت سیدہ بیبی زینبؑ 🌹

ولادت باسعادت ثانئ زھراء سلام اللہ علیھا بہت بہت مبارک ھو۔

اسم گرامی: زینبؑ

والد محترم: امام علی علیہ السلام

والدہ محترمہ: سیدہ فاطمہ زہراءؑ

القاب: عقیلہ بنی ہاشم، عالمہ غیر معلمہ، محسنہ حسین، ثانی زہراء، کفیلہ سجاد وغیرہ ہیں۔

شوہر: جناب عبداللہ بن جعفر طیار علیہ السلام

ولادت باسعادت: 5 جمادی الاول یا 1 شعبان المعظم

مقام ولادت: مدینہ منورہ

برادرز: 18 (اٹھارہ)

بہن: 2

فرزند: 2 ہیں جناب محمدؑ، جناب عونؑ۔

بیٹیاں: 2 یا 4 بتائی گئی ہیں روایات میں تصدیق 2 ہیں۔

شہادت: 15 رجب المرجب سن 62 ہجری

مقام شہادت: ایک باغ میں جو شام کے باہر تھا۔

مدفن: دمشق شام میں۔

قاتل: جس کا نام معلوم نہیں پس اتنا بتایا گیا ہے کہ وہ باغ میں کام کرتا تھا اور جب رونے کی آواز سنی تو وہاں آکر بیبی کے سر پر بیلچا مارا۔ اس ملعون پر لعنت بیشمار۔

https://t.me/islamwitheman/2850
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس دیکھنے کے لئے مطلوبہ پوسٹ کے لنک پر کلک کریں۔۔۔۔

🌹 عید میلاد حضرت زینبؑ
http://t.me/islamwitheman/148

🌹 فضیلت زینب عالیہؑ
https://t.me/islamwitheman/1783

🌹 عالمہ غیر معلمہؑ
https://t.me/islamwitheman/1906

🌹 حضرت سیدہ بیبی زینبؑ
https://t.me/islamwitheman/2852

🌹 شہادت جناب زینب عالیہؑ
https://t.me/islamwitheman/3034

🌹 عقیلہ بنی ھاشمؑ
https://t.me/islamwitheman/3035

🌹 جناب زینبؑ اور نماز شب
https://t.me/islamwitheman/3036

🌹 میلاد جناب زینب عالیہؑ
https://t.me/islamwitheman/3155

🌹 حیائے زینبی
https://t.me/islamwitheman/4077
⭕ ISLAM WITH EMAN ⭕

📚 علم کی اہمیت 📚

علم اور اہلِ علم کی عظمت و اہمیت میں کتب عامہ و خاصہ میں بکثرت احادیث موجود ہیں۔ یہاں چند ایک ذکر کافی ہے۔

1⃣ ایک علمی مکتوب کی اہمیت
حضرت رسالت مأب ﷺ فرماتے ہیں:
جب کوٸی مومن مرجاٸے اور کوٸی ایک ورقہ کاغذ ایسا چھوڑ جاٸے جس پر علمی مطالب مکتوب ہوں تو وہی کاغذ بروزمحشر اسکے اور جہنم کے درميان حاٸل ہوگا اور اسکے ہر حرف کے بدلہ میں اللہ تعالی اسے ایک ملک عطا کریگا جو پوری دُنیا سے سات گنا بڑا ہوگا۔

2⃣ علماء صالحین و فاسدین
وارثِ علم الانبیا علیہ السلام امام المسلمین مولا علی علیہ السلام سے دریافت کیا گیا کہ آٸمہ ھدیٰ علیہ السلام کے بعد تمام خلق سے کون افضل ہے؟
خلیفہ الاول مولا علی علیہ السلام نے فرمایا:
علماٸے صالحین۔
پھر پوچھا گیا کہ تمام خلقِ خدا سے ابلیس، فرعون اور آپ علیہ السلام کے دشمنوں کے بعد کون بدترین مخلوق ہے؟
نفسِ رسولﷺ نے فرمایا:
وہ علماٸے فاسدین ہیں جو باطل کو ظاہر کرتے ہیں اور حق پر پردہ ڈالتے ہیں۔

3⃣ فضیلتِ علم
پیغمبر اکرم ﷺ فرماتے ہیں:
🍁 علم کا طلب کرنا ہر مسلمان پر فرض ہے۔
🍁 اللہ تعالی کی خوشنودی کیلٸے علم کا سیکھنا اور حاصل کرنا عبادت ہے۔
🍁 علم پر عمل کرنا جہاد ہے۔
🍁 علم کا پڑھ کر آگے پڑھنا صدقہ ہے۔
🍁 علم کا اسکے اہل تک پہنچانا قربِ خدا کا ذریعہ ہے کیونکہ اسی سے حلال و حرام کا پتہ چلتا ہے۔
🍁 علم کی بدولت اللہ تعالی اقوام کو بلند کرتا ہے اور ان کو امورخیر میں قیادت بخشتا ہے تاکہ انکے اقوال اخذ کٸے جاٸیں اور انکے افعال کی اقتدا ٕ کی جاٸے، فرشتے انکی دوستی میں رغبت رکھتے ہیں اور ان سے اپنے پروں کو مَس کرتے ہیں اور انکی نمازوں میں برکت کا موجب ہوتے ہیں اور ان کیلٸے ہر خشکی و تری حتی کہ دریاٸی مخلوق اور صحراٸی جانور بھی استغفار کرتے ہیں۔

4⃣ تقلید
مولا امام جعفر صادق علیہ السلام فرماتے ہیں:
جو شخص تم میں سے ہماری احادیث کو بیان کرے اور حلال و حرام و دیگر احکام کو جانتا ہو،
پس مومنین کو اسکی حکومت پر راضی ہونا چاہیے۔ میں نے اس کو تمہارے اوپر حقِ حکومت دیا ہے۔
پس جب وہ ہمارا حکم بیان کرے اور اس کو قبول نہ کیا جاٸے تو اللہ تعالی کے حکم کی توہین اور ہماری تردید ہوٸی اور ہماری تردید اللہ تعالی کی تردید ہے اور وہ شرک کی حد ہے۔
فقہا دین میں سے ہر وہ شخص جو اپنے نفس کا گناہوں کا بچانیوالا اور دین کا نگہبان، خواہشِ نفسانی کا مخالف اور اللہ تعالی کا فرمانبردار ہو،
عوام کو چاہیے کہ اسکی تقلید کریں۔

🌹 پوسٹ اگر اچھی لگے تو دوسروں کی بھلائی کے لئے شیئر ضرور کریں۔ شکریہ

✍ انتخاب و ترتیب: بی اے نقوی

📚 انوارالنجف، جلد1۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس دیکھنے کے لیے مطلوبہ پوسٹ کے لنک پر کلک کریں۔۔۔

📚 علم
https://t.me/islamwitheman/120

📚 علم و عمل
https://t.me/islamwitheman/430

📚 علم و دانش
https://t.me/islamwitheman/608

📚 علم و علماء کی قدردانی
https://t.me/islamwitheman/1274

📚 طالبعلم و تعلیم کے آداب
https://t.me/islamwitheman/2105

📚 علماء کرام کی خدمت
http://t.me/islamwitheman/2368

📚 عالمِ دین کے 16 حقوق
https://t.me/islamwitheman/2715

📚 علماء کرام کی توہین کا انجام
https://t.me/islamwitheman/2761

📚 علماء کرام کا وظیفہ
https://t.me/islamwitheman/2788

📚 علم کی اہمیت
https://t.me/islamwitheman/2853
⭕ ISLAM WITH EMAN ⭕

🍁 خیانت کاری 🍁

خداوند متعال نے جو اصول و قانون اپنے بندوں کے لئے وضع فرمائے ھیں، ان کو لفظ امانت سے یاد کیا ھے اور متعدد مقامات پر خیانت سے بہت سختی کے ساتھ منع فرمایا ھے۔

■ ارشاد ربانی ھوتا ھے...
1= "خدا و رسول کے ساتھ خیانت نہ کرو اور نہ امانتوں میں خیانت کرو."(1)

2= "خدا کا حکم ھے کہ امانت، صاحب امانت کے حوالے کر دو."(2)

■ حضرت علی علیہ السلام فرماتے ہیں:
1= "سب سے بڑی خیانت مہربان دوست سے خیانت کرنا اور عہد و پیمان کو توڑنا ھے."(3)

2= "سب سے برا وہ شخص ھے جو امانت داری پر ایمان نہ رکھتا ھو اور خیانت سے پرہیز نہ کرتا ھو."(4)

3= "خیانت سے بچو کیونکہ وہ گناہ کبیرہ ھے۔ خائن اپنی خیانت کی وجہ سے ھمیشہ آتش جھنم میں جلتا رھے گا."(5)

■ امام جعفر صادق علیہ السلام نے اپنے ایک صحابی سے فرمایا:
میں تم کو دو باتوں کی وصیت کرتا ھوں...
(1) راست گوئی،
(2) اچھے و برے (ھر شخص) کی امانت کو واپس کرنا.
کیونکہ یہ دونوں باتیں روزی کی کنجی ھیں.(6)

■ اسلام نے امانت کی حفاظت کے لئے بڑی سختی کے ساتھ تاکید کی ھے۔ چنانچہ امام سجاد علیہ السلام کا ارشاد ھے: "تمھارے اوپر امانتوں کی واپسی واجب ھے. اس خدا کی قسم جس نے محمد صلی اللہ علیہ و آلہ وسلم کو نبی بر حق بنا کر بھیجا ھے، اگر امام حسین علیہ السلام کا قاتل و ہ تلوار جس سے اس نے میرے باپ کو شھید کیا ھے. میرے پاس بطور امانت رکھ دے تو میں اس کی امانت اس کو واپس کر دوں گا."(7)

■ خیانت کار اسلام کی نظر میں اتنا بے قیمت ھے کہ اگر مخصوص شرائط کے ساتھ لوگوں کے مال کو چرا لے تو چوری کے جرم میں اس کے ہاتھ کاٹ دینے کا حکم دیتا ھے اور امن عامہ کی حفاظت اور معاشرے کے حق کی حفاظت کے لئے بڑی سختی کے ساتھ اس پر سزاؤں کا اجراء کرتا ھے تاکہ ایک صالح معاشرہ کے لئے زمین ھموار ھو جائے.
ہر اچھے اور برے عمل کا اثباتی یا منفی اثر اس کے مالک میں اور اس کے ماننے والوں میں بہرحال ھوتا ھے.

● حضرت علی علیہ السلام کا ارشاد ھے:
1= "دوستی و امانتداری ایمان کی علامت ھے."(8)

2= "خیانت قلت پرہیزگاری اور بے دینی کی دلیل ھے."(9)

■ ایمان روح کے لئے ایک دفاعی ہتھیار ھے۔ ایمان ہی وہ چیز ہے جو اپنے اثر و نفوذ سے شخصی و اجتماعی ذمہ داری کے احساس کو انسان کے اندر زندہ کر کے فساد و آلودگیوں سے روکتا ھے.
اسی لئے بچوں کی سعادت و نیک بختی میں والدین کے کردار کا بہت بڑا دخل ھے۔ اسی وجہ سے والدین کا فریضہ ھے کہ اپنے بچوں پر خصوصی توجہ کر کے ایمان باللہ کو ان کے دلوں میں زندہ کریں اور اچھے اخلاق و صفات کو ان کے اندر پرورش کریں.
● امام زین العابدین علیہ السلام فرماتے ھیں:
بچوں کی تربیت و سرپرستی کے سلسلے میں تمھاری بہت بڑی ذمہ داری ھے. تمھارا فریضہ ھے کہ بچوں کو اچھے اخلاق و پسندیدہ صفات سکھاؤ اور ان کی خدا وندعالم کی طرف راہنمائی کرو اور خدائے بزرگ و برتر کی اطاعت و فرمانبرداری پر ان کی مدد کرو.(10)

● حضرت علی علیہ السلام کا ارشاد ھے:
صاحبان عقل، ادب کے اسی طرح محتاج ھیں، جس طرح زراعت پانی کی محتاج ھے.(11)

■ ڈاکٹر ژیلبرٹ روبن کہتا ھے:
یہ بات ذھن میں رکھنی چاھئے کہ انسان کو باادب بنانے میں عقل کوئی مدد نہیں کرتی بلکہ ادب کی حکمرانی فکر کے بیدار ھونے اور اس کی علامت ظاہر ھونے سے پہلے ھی ہوتی ہے. ہاں ادب سے عقل ضرور استفادہ کرتی ھے لیکن کسی بھی طرح ادب، عقل کی مدد کا محتاج نہیں ہوتا. اسی لئے جب میں کسی ماں کو یہ کہتے ہوئے سنتا ھوں کہ "جانے دو بڑا ھو کر خود ھی سمجھ جائے گا، عقل آئے گی" تو مجھے بڑی تکلیف ہوتی ہے کیونکہ اگر بچہ بچپنے میں ادب کا پابند نہ ہوسکا تو بڑے ھونے پر عقل اس کو ادب نہیں سکھا سکتی۔ البتہ یہ بات کہی جا سکتی ھے کہ عقل وہ شئی ھے جو ھم کو گمراھی سے بچا سکتی ھے اور صحیح راستے کی نشاندہی کر سکتی ھے. عقل ھم کو ھر قسم کے رکود و جمود سے روکتی ھے. عقل جس طرح ھم کو غلط خواھشات و جذبات و میلان سے روکتی ھے، اسی طرح ھم کو بغض و حسد، کینہ اور لوگوں سے نفرت کرنے سے بھی روکتی ھے. اس بات کو ایک جملے میں اس طرح ادا کیا جا سکتا ھے کہ عقل ھم کو اجتماعی بناتی ھے۔ دوسروں کی طرف سے منہ موڑ کر صرف اپنے ھی لئے کچھ کرنے سے روکتی ھے۔ جو شخص باادب ھے وہ تنہا نہیں ہوتا بلکہ وہ عالمی ہوتا ھے، اس کی ذات معاشروں کی زبان ہوتی ھے۔ وہ لوگوں کی بیداری کا سبب بنتا ھے.(12)

✍ سید سجاد حسین ہمدانی

🌹 آگر پوسٹ اچھی لگے تو دوسروں کی بھلائی کے لیے شیئر ضرور کریں۔ شکریہ

📚 حوالہ جات
(1) سورہ أنفال:27۔
(2) سورہ نساء:58۔
(3) غررالحکم، ص505۔
(4) غررالحکم، ص446۔
(5) غررالحکم، ص150۔
(6) سفینةالبحار، ج1، ص41۔
(7) امالی صدوق، ص149۔
(8) غررالحکم، ص453۔
(9) غررالحکم، ص53۔
(10) وافی، کتاب کفروایمان، ص127۔
(11) غررالحکم، ص224۔
(12) مجموعہ چہ میدانم۔

https://t.me/islamwitheman/641
⭕ ISLAM WITH EMAN ⭕

🐟 مچھلی کھانے کے اثرات 🐟

مچھلی ہمارے کھانوں کا ایک اہم جزو ہیں۔ میڈیٹرینین ڈائٹ میں مچھلی اور دیگر اشیاء کو خاصی اہمیت حاصل ہے۔

مچھلی بہت سے اہم غذائی اجزاء کا ذریعہ ہے جس میں اومیگا 3، وٹامن ڈی اور سیلینیم قابل ذکر ہیں۔ اس کے علاوہ پروٹین بھی مچھلی کا ایک اہم حصہ ہے۔ خاص طور پر اومیگا 3 ہمارے دل کیلئے بہت مفید ہے اور ہااٹیک اور بلڈ پریشر میں کمی کا باعث بنتا ہے۔ یہ کولیسٹرول کی مقدار میں کمی کا بھی باعث بنتا ہے اور نتیجتا عارضہ دل اور سٹروک جیسی بیماریوں سے بھی بچاتا ہے۔ فوائد کے ساتھ ساتھ چند احتیاطی تدابیر پر بھی عمل لازمی ہے۔ جو افراد مچھلی کھانے سے گریزاں ہیں انہیں اس کے کھانے سے فوائد و نقصانات کے تناسب کا اندازہ کرنے کے بعد اس چیز کا فیصلہ کرنا چاہیے۔ 

مچھلی اور دیگر اشیاء استعمال کرتے ہوئے کچھ مضر اثرات بھی لاحق ہو سکتے ہیں۔ زہر آلود مادے جیسا کہ مرکری بعض اقسام کی مچھلیوں میں زیادہ پائے جاتے ہیں جن میں ٹونا، مرکل، سارڈ فش اور مارلن شامل ہیں۔ اور کچی مچھلیوں اور شیل فش جیسا کہ آئسٹرز، سکیلوپس اور کلیمز وغیرہ میں بیکٹیریا کی نشونما بھی نسبتا زیادہ ہوتی ہے۔ اور بعض لوگ تو صرف اس وجہ سے مچھلی نہیں کھاتے کہ انہیں پکانی نہیں آتی۔ زیر ذکر عناصر میں کسی بھی وجہ سے ہمیں مچھلی کو ترک نہیں کرنا چاہیے اور اسے اپنی خوراک میں لازمی شامل کرنا چاہیے۔ دل کی صحت پر سی فوڈ کے مثبت اثرات تحقیق سے ثابت شدہ ہیں۔ لہذا ہم ذہنوں میں موجود شک و شبہات کو دور کرنے کی کوشش کرتے ہیں۔

1۔ مرکری کی زیادہ مقدار والی مچھلی سے گریز کریں: 
الف۔ سی فوڈ میں عام طور پر ہی مرکری کی مقدار زیادہ ہوتی ہے مگر بعض مچھلیوں میں (جن کا ذکر اوپر کیا جا چکا ہے) یہ نسبتا اور زیادہ پائی جاتی ہے۔ حاملہ خواتین اور بچوں کو ان (زیادہ مرکری والی) مچھلیوں سے گریز کرنا چاہیے۔ 

ب۔ لہذا اگر آپ ان مچھلیوں کا استعمال کثرت سے کر رہے ہیں تو آپ مرکری کی زیادتی کے باعث ہاتھوں کی کپکپاہٹ، جسم کا سن ہونا یا یادداشت کے مسائل کا شکار ہو سکتے ہیں مگر یہ ایک نایاب عمل ہے۔ 

ج۔ ایک ہفتے میں مچھلی کی مجوزہ مقدار دو کھانے یا 12 آونس ہے۔ 

2۔ کچی مچھلی کھانے سے گریز کریں: 
الف۔ آئسٹرز سی فوڈ کا وہ جزو ہے جسے کچا بھی کھایا جاتا ہے جس کے نتیجے میں ہیضہ ہونے کے امکانات بہت حد تک بڑھ جاتے ہیں۔ 

ب۔ لہذا اگر آپ کو آئسٹرز پسند ہیں تو ان امکانات کو مدنظر رکھتے ہوئے صفائی ستھرائی کا خاص خیال رکھیں۔ 

3۔ سی فوڈ کو گرل، بیک یا ساتے کر کے کھائیں: 
الف۔  سی فوڈ کو پکانے کے بہت ہی آسان اور تیز رفتار طریقے موجود ہیں۔ اور محض پکانے کی وجہ سے سی فوڈ کھانے سے اجتناب نہ کریں۔ اور ان طریقوں کو سیکھ کر اس اہم چیز کو خوراک کا حصہ بنا لیں۔  

لہذا سی فوڈ کا ہفتے میں ایک یا دو بار استعمال صحت کیلئے مفید ہے۔ تاہم حاملہ خواتین اور بچوں کو مچھلی کھاتے ہوئے تھوڑی احتیاط برتنی چاہیے۔

🐟 مچھلی کے فوائد
مچھلی کھانا دماغ اور یاداشت کے لئے فائدہ مند ہے۔ مچھلی کھانا دل کے لئے مفید ہے۔ مچھلی ہڈیوں کو بھی مظبوط بناتی ہے۔ الزائمر کے مریضوں کے لئے انتہائی مفید ہے۔ مچھلی کھانے سے آپ ذہنی تناؤ سے بچے رہتے ہیں۔ مچھلی کھانے سے جسم میں خون جمنے نہیں پاتا۔ مچھلی کھانے سے آپ ذیابیطس جیسے مرض سے محفوظ رہ سکتے ہیں۔ مچھلی کھانے سے آپ سرطان سے بچ سکتے ہیں۔ مچھلی بلڈ پریشر کے مریضوں کے لئے انمول تحفہ ہے۔ مچھلی کھانے سے آپ کی جلد چمکدار ہو جاتی ہے۔ مچھلی آپ کے بالوں کی حفاظت کرتی ہے۔ مچھلی کھانے والوں کی عمر طویل ہوتی ہے۔ مچھلی آپ کے وزن کو متوازن رکھنے میں مددگار ہے۔ مچھلی کھانے سے کولیسٹرول کی سطح نارمل رہتی ہے۔ مچھلی کھانے سے جسم میں خون کی روانی بہتر طریقے سے ہوتی ہے۔ مچھلی کھانا مرد حضرات کے لئے فائدہ مند ہے۔ مچھلی کا تیل استعمال کرنے سے سانس کی نالیاں صاف رہتی ہیں۔ مچھلی کا تیل وزن کم کرنے میں مدد کرتا ہے۔ مچھلی کا تیل مدافعتی نظام کو درست رکھتا ہے۔ مچھلی کے تیل کا استعمال نزلہ و زکام سے بچاتا ہے۔

🐟 احتیاط
امام صادق علیہ السلام فرماتے ہیں کہ جو شخص رات کو ایسی حالت میں سوئے کہ اس نے مچھلی کھائی ہو اور اس کے بعد کچھ کجھوریں اور شہد نہیں کھایا ہو تو صبح تک فالج کے اٹیک کا اس کی رگوں میں امکان ہے۔ (الکافی، ج6، ص323)

حضرت امام علی رضا علیہ السلام فرماتے ہیں کہ مچھلی کھا کر ٹھنڈے پانی سے غسل کرنے سے فالج پیدا ہوتا ہے۔ (طب امام رضا، ص27)

🔘 اگر مچھلی کھائیں تو اس کے بعد کجھور یا شہد تناول فرمائیں۔ اور مچھلی کھانے کے بعد غسل نہ کریں تاکہ کوئی ایذا نہ ہو۔

🌹 آگر پوسٹ اچھی لگے تو دوسروں کی بھلائی کے لیے شیئر ضرور کریں۔ شکریہ

✍ سید سجاد حسین ہمدانی

📚 یہ معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/2858
⭕ ISLAM WITH EMAN ⭕

🐟 مچھلیوں کی اقسام 🐟

زمینی جانوروں کی طرح مچھلیاں بھی بامقصد آوازیں نکالتی ہیں جیسے کسی کو اپنی طرف متوجہ کرنا، اپنے علاقے میں گھس آنے والے دشمنوں کو خبردار کرنا، وغیرہ۔ جسطرح انسان کے گلے میں آواز نکالنے والے پٹھے موجود ہیں، ایسے ہی مچھلیوں میں بھی آواز پیدا کرنے والا آلہ موجود ہے۔ ڈولفنز ایک دوسرے کو ناموں سے پکارتی ہیں۔ ڈولفنز کی اپنی اپنی مختلف سیٹی ہوتی ہے جسے وہ ایک دوسرے سے ملتے ہوئے استعمال کرتی ہیں۔ سمندر میں مچھلیوں کی 25 ہزار سے 40 ہزار تک اقسام پائی جاتی ہیں۔ پاکستان میں ایک ایسی مچھلی بھی دریافت ہوئی ہے جو خشکی پر بھی رہ سکتی ہے جس پر مزید تحقیق جاری ہے۔ ان سب باتوں سے قطعہ نظر مچھلی ایک بھرپور غذا بھی ہے جو بہت ہی لذیذ ہوتی ہے۔ غذا کے لحاظ سے رہو، سول، ٹراؤٹ، سالمن اور مہاشیر کو تمام مچھلیوں پر سبقت حاصل ہے۔ لیکن مچھلی مارکیٹ میں رہو، موری، گلفام، سلورکار، گراس کار، تھیلا، ڈولا اور تلاپیا سمیت چند دیگر اقسام فروخت ہوتی ہیں۔

🐟 رہو
رہو چھلکوں والی مچھلی ہے اور تمام ایشائی ممالک میں عام پائی جاتی ہے۔ ذائقے کے لحاظ سے بہت پسند کی جاتی ہے اس کی خوراک آبی کیڑے اور نباتات ہیں۔ اس کے زیادہ سے زیادہ وزن کا ریکارڈ 45 کلو ہے۔ موری مچھلی بھی رہو کی طرح ہے اور اسی کی قسم سے ہے۔

🐬 گلفام
یہ چھلکوں والی مچھلی ہے اور دنیا کے کئی ممالک میں بہت عام ہے اس کا جسم لمبوترا اور مضبوط ہوتا ہے یہ سبزی خور مچھلی ہے جو کہ آبی کیڑے اور نباتات کھا کر گزارہ کرتی ہے۔ اس کا زیادہ سے زیادہ وزن 40 کلو گرام ریکارڈ کیا گیا ہے۔

🐠 تھیلا
تھیلا چھلکوں والی مچھلی ہے۔ اس کو چڑا بھی کہا جاتا ہے۔ یہ ایشائی ممالک میں عام پائی جاتی ہے۔ یہ سبزی خور مچھلی ہے جو آبی کیڑے اور نباتات کو بطور خوراک استعمال کرتی ہے۔ اس کا وزن 30 کلو تک ریکارڈ کیا جا چکا ہے اس کا گوشت اوسط درجے کا ہے کانٹے زیادہ ہونے کی وجہ سے کم قیمت ہوتی ہے۔

🦈 سول اور ڈولا
پاکستان میں اس کو سول یا سولی اور انڈیا میں مرل یا مرلی کے نام سے پکارا جاتا ہے۔ یہ مشرق بعید کے اکثر ممالک برما، تھائی لینڈ، فلپائین اور انڈونیشیا میں بھی کثرت سے پائی جاتی ہے۔ ان ممالک میں اسے Huran یا Toman کے نام سے پکارا جاتا ہے۔ یہ چھلکوں والی مچھلی ہے اور زیادہ تر ٹھہرے ہوئے پانیوں میں رہنا پسند کرتی ہے جہاں آبی پودے کثرت سے ہوں۔ اس کا شمار گوشت خور مچھلیوں میں ہوتا ہے۔ اس کی خوراک میں چھوٹی مچھلیاں اور دیگر چھوٹے آبی جانور شامل ہیں۔ یہ پانی کی سطح پر حرکت کرتی ہوئی چیز پر راکٹ کی طرح حملہ آور ہوتی ہے اور اسے چیر پھاڑ کر رکھ دیتی ہے۔ اس کے نچلے اور اوپری جبڑے میں بہت باریک اور نوکیلے دانت ہوتے ہیں۔ جو شکار کو گرفت میں لینے اور چیرنے پھاڑنے میں مدد دیتے ہیں۔ اسی لئے اسے پریڈیٹر فش کہا جاتا ہے۔ دوسری مچھلیوں کے برعکس یہ اپنے بچوں کی حفاظت اور پرورش کرتی ہے۔ پاکستان میں اس کی ایک اور قسم بھی پائی جاتی ہے جسے ڈولا یا ڈولی کہتے ہیں۔ شکل اور شباہت میں بالکل سول کی طرح ہوتی ہے لیکن اس کا وزن 700 یا 800 گرام سے زیادہ نہیں ہوتا۔ کھانے میں یہ بہت ہی لذیز اور قوت بخش ہے۔ اس میں کانٹے بھی برائے نام ہوتے ہیں اس کا وزن 16 کلو تک ہوتا ہے۔

🐋 ٹراؤٹ اور سالمن
ٹراؤٹ اور سالمن چھلکوں والی مچھلیاں ہیں۔ اور وادی کاغان کی مچھلیوں میں سب سے خوبصورت اور طاقتور ٹراؤٹ اور سالمن مچھلیاں ہیں۔ یہ مچھلیاں یورپ سے کشمیر لائی گئیں۔ پھر کشمیر سے ان کی افزائش نسل وادی کاغان میں شروع کر دی گئی۔ اب پاکستان کے دوسرے پہاڑی علاقوں میں بھی ان کی پرورش کی جارہی ہے۔ یہ مچھلیاں تقریبا 10 سے 16 انچ لمبی ہوتی ہیں۔ ٹراؤٹ کے پشتی پنکھوں سر اور جسم کے بالائی حصوں پر سرخ سیاہ دھبے اس کی خوبصورتی میں اضافہ کرتے ہیں۔ جسم کے زیریں حصے کا رنگ خاکستری ہوتا ہے۔ منہ میں تیز دانت ہوتے ہیں جن کی مدد سے یہ دوسری مچھلیوں کے علاوہ چھوٹی ٹراؤٹ مچھلیوں کو بھی ہڑپ کر جاتی ہے۔ بڑی ٹراؤٹ مچھلیاں اپنا ایک چھوٹا سا احاطہ منتخب کرتی ہیں۔ اس احاطے میں کسی دوسری مچھلی کا داخل ہونا موت کو دعوت دینے کے مترادف ہے۔ اس کے جسم میں کانٹے بہت کم ہوتے ہیں۔ ذائقہ نہایت ہی لذیذ ہوتا ہے۔ سالمن بھی ٹراؤٹ کی ہی طرح ہے۔ ٹراؤٹ اور سالمن پاکستان میں کم جبکہ یورپین ممالک میں عام پائی جاتی اور پسند کی جاتی ہیں۔

🦈 مہاشیر
مہاشیر دریائی پانی کی چھلکوں والی مچھلی ہے۔ پاکستان میں یہ دریاوں اور پہاڑی ندیوں میں پائی جاتی ہے۔ یہ پاکستان کی قومی مچھلی ہے۔ یہ مچھلی ملائیشیا، انڈونیشیا، ایران، جنوبی ایشیاء اور برصغیر میں پائی جاتی ہے۔

🐠 سلور، گراس اور تلاپیا بھی چھلکوں والی مچھلیاں ہیں۔ اور عام پائی جاتی ہیں۔

🌹 آگر پوسٹ اچھی لگے تو دوسروں کی معلومات کے لیے شیئر ضرور کریں۔ شکریہ

✍ سید سجاد حسین ہمدانی

📚 یہ معلومات مختلف آرٹیکلز سے لی گئی ہیں۔

https://t.me/islamwitheman/2865
⭕ ISLAM WITH EMAN ⭕