ISLAM WITH EMAN

🌹 خُطبۂ فدک (تیسرا حصہ) 🌹

اتنا صبر بھى نہ كرسكے كہ وہ فتنے كى آگ كو خاموش كرے اور اس كى قيادت آسان ہوجائے بلكہ آگ كو تم نے روشن كيا اور شيطان كى دعوت كو قبول كرليا اور دين كے چراغ اور سنت رسولخداؐ كے خاموش كرنے ميں مشغول ہوگئے ہو۔ كام كو الٹا ظاہر كرتے ہو اور پيغمبرؐ كے اہلبيتؑ كے ساتھ مكر و فريب كرتے ہو، تمہارے كام اس چھرى كے زخم اور نيزے كے زخم كى مانند ہيں جو پيٹ كے اندر واقع ہوئے ہوں۔

كيا تم يہ عقيدہ ركھتے ہو كہ ہم پيغمبرؐ سے ميراث نہيں لے سكتے، كيا تم جاہليت كے قوانين كى طرف لوٹنا چاہتے ہو؟ حالانكہ اسلام كے قانون تمام قوانين سے بہتر ہيں، كيا تمہيں علم نہيں كہ ميں رسولخداؐ كى بيٹى ہوں۔ كيوں نہيں! جانتے ہو اور تمہارے سامنے آفتاب كى طرح يہ روشن ہے. مسلمانوں! كيا يہ درست ہے كہ ميں اپنے باپ كى ميراث سے محروم ہوجاؤں؟ اے ابوبكر آيا خدا كى كتاب ميں تو لكھا ہے كہ تم اپنے باپ سے ميراث لو اور ميں اپنے باپ كى ميراث سے محروم رہوں؟ كيا خدا قرآن ميں نہيں كہتا كہ سليمان داؤد كے وارث ہوئے۔ ''ورث سليمان داؤد''

كيا قرآن ميں يحيٰىؐ كا قول نقل نہيں ہوا كہ خدا سے انہوں نے عرض كى پروردگار مجھے فرزند عنايت فرما تا كہ وہ ميرا وارث قرار پائے اور آل يعقوب كا بھى وارث ہو۔

كيا خدا قرآن ميں نہيں فرماتا كہ بعض رشتہ دار بعض دوسروں كے وارث ہوتے ہيں؟ كيا خدا قرآن ميں نہيں فرماتا كہ اللہ نے حكم ديا كہ لڑكے، لڑكيوں سے دوگنا ارث ليں؟ كيا خدا قرآن ميں نہيں فرماتا كہ تم پر مقرر كرديا كہ جب تمہارا كوئی موت كے نزدیک ہو تو وہ ماں، باپ اور رشتہ داروں كے لئے وصيت كرے كيونكہ پرہيزگاروں كے لئے ايسا كرنا عدالت كا مقتضى ہے۔

كيا تم گمان كرتے ہو كہ ميں باپ سے نسبت نہيں ركھتی؟ كيا ارث والى آيات تمہارے لئے مخصوص ہيں اور ميرے والد ان سے خارج ہيں يا اس دليل سے مجھے ميراث سے محروم كرتے ہو جو دو مذہب كے ايک دوسرے سے ميراث نہيں لے سكتے؟ كيا ميں اور ميرا باپ ايک دين پر نہ تھے؟ آيا تم ميرے باپ اور ميرے چچازاد علىؑ سے قرآن كو بہتر سمجھتے ہو؟

اے ابوبكر فدک اور خلافت تسليم شدہ تمہيں مبارک ہو، ليكن قيامت كے دن تم سے ملاقات كروں گى كہ جب حكم اور قضاوت كرنا خدا كے ہاتھ ميں ہوگا اور محمدؐ بہترين پيشوا ہيں۔

اے قحافہ كے بيٹے! ميرا تيرے ساتھ وعدہ قيامت کا دن ہے كہ جس دن بيہودہ لوگوں كا نقصان واضح ہوجائے گا اور پھر پشيمان ہونا فائدہ نہ دے گا بہت جلد اللہ تعالٰی كے عذاب كو ديكھ لوگے آپ اس كے بعد انصار كى طرف متوجہ ہوئيں اور فرمايا:

اے ملت كے مددگار جوانو اور اسلام كى مدد كرنے والو كيوں حق كے ثابت كرنے ميں سستى كر رہے ہو اور جو ظلم مجھ پر ہوا ہے اس سے خواب غفلت ميں ہو؟ كيا ميرے والد نے نہيں فرمايا كہ كسى كا احترام اس كى اولاد ميں بھى محفوظ ہوتا ہے يعنى اس كے احترام كى وجہ سے اس كى اولاد كا احترام كيا كرو؟
كتنا جلدى فتنہ برپا كيا ہے تم نے؟ اور كتنى جلدى ہوئی اور ہوس ميں مبتلا ہوگئے ہو؟ تم اس ظلم كے ہٹانے ميں جو مجھ پر ہوا ہے قدرت ركھتے ہو اور ميرے مدعا اور خواستہ كے برلانے پر طاقت ركھتے ہو_ كيا كہتے ہو كہ محمدؐ مرگئے؟ جى ہاں ليكن يہ ايک بہت بڑى مصيبت ہے كہ ہر روز اس كا شگاف بڑھ رہا ہے اور اس كا خلل زيادہ ہو رہا ہے۔ آنجنابؐ كى غيبت سے زمين تاريک ہوگئی ہے سورج اور چاند بے رونق ہوگئے ہيں آپ كى مصيبت پر ستارے تتربتر ہوگئے ہيں، اميديں ٹوٹ گئيں، پہاڑ متزلزل اور ريزہ ريزہ ہوگئے ہيں پيغمبرؐ كے احترام كى رعايت نہيں كى گئی، قسم خدا كى يہ ايک بہت بڑى مصيبت تھى كہ جس كى مثال ابھى تک ديكھى نہيں گئی۔ اللہ كى كتاب جو صبح اور شام كو پڑھى جا رہى ہے آپ كى اس مصيبت كى خبر ديتى ہے كہ پيغمبرؐ بھى عام لوگوں كى طرح مريں گے۔
قرآن ميں ارشاد ہوتا ہے كہ محمدؐ بھى گزشتہ پيغمبروں كى طرح ہيں، اگر آپؐ مرے يا قتل كئے گئے تو تم دين سے پھر جاؤ گے، جو بھى دين سے خارج ہوگا وہ اللہ پر كوئی نقصان وارد نہيں كرتا خدا شكر ادا كرنے والوں كو جزاء عنايت كرتا ہے،(ال عمران)

https://t.me/islamwitheman/2803
⭕ ISLAM WITH EMAN ⭕