🌸 بسم الله کے فوائد 🌸

■ دعا کا رد نہ ھونا
پیغمبر رحمت صلی اللہ علیہ وآلہ وسلم اپنے نورانی کلام میں فرماتے ہیں:
جس دعا کی ابتدا میں بسم اللہ الرحمٰن الرحیم پڑھ لیا جائے وہ دعا کبھی رد نہیں ھو سکتی۔(1)

■ شفاء
ایک دیہاتی شخص چھٹے امام کی خدمت میں حاضر ھوا اور بطور شکوہ عرض کرنے لگا کہ مولا میں جو شے بھی کھاتا ھوں نفع کے بجائے مجھے دکھ تکلیف پہچاتی ہے.

آپؑ نے فرمایا:
شاید کھانا شروع کرنے سے پہلے بسم اللہ... نہیں پڑھتے ھو؟

تو عرض کرنےلگا؛ یابن رسول اللہ! بسم اللہ تو پڑھتا ھوں مگر پھر بھی اذیت ھوتی ہے.

تو آپؑ نے فرمایا:
اگر ابتداء میں بسم اللہ پڑھتے ھو تو پھر آیا کھانا کھانے کے دوران کھانا چھوڑ کر اٹھ جاتے ھو اور پھر جب دوبارہ شروع کرتے ھو تو نئے سرے سے بسم اللہ نہیں پڑھتے ھو؟؟؟

تو عرض کرنے لگا؛ البتہ دوبارہ بسم اللہ نہیں پڑھتا ھوں۔

تو آپ نے فرمایا:
آج کے بعد اگر کھانا کھانے کے دوران اٹھنا پڑ جائے تو جونہی دوبارہ شروع کرو تو پھر بسم اللہ پڑھ لیا کرو۔

اس نے حضرت کے فرمان پر عمل کرنا شروع کر دیا چنانچہ جب کبھی کھانا کھانے کے دوران دسترخوان سے اٹھنا پڑ جاتا تو دوبارہ شروع کرنے سے پہلے حتماً بسم اللہ پڑھ لیتا۔ حضرت کے اس دستور پر عمل کرنے سے اسے اس مرض سے مکمل شفاء نصیب ھو گئی۔(2)

■ امام کا دستور
امام جعفرصادق علیہ السلام سے روایت کی گئی ہے کہ آپ نےفرمایا:
چنانچہ اگر دسترخوان پر مختلف قسم کے کھانے لگے ھوں تو جب بھی کوئی نیا کھانا شروع کرو تو بسم اللہ ضرور پڑھو (مثلا پہلی بسم اللہ سے روٹی یا چاول کھائے اب میٹھی ڈش شروع کی حلوہ، کھیر، یاکسٹرڈ، تو دوبارہ بسم اللہ پڑھو۔)

انواع و اقسام کے کھانوں کے دوران ہر نئی ڈش سے پہلے بسم اللہ ضرور پڑھو۔

اگر بھول گئے ھو تو ابتدائی اور آخری بسم اللہ ہی کافی ھو گا۔(3)

■ بیماری سے نجات
رسالت مآب صلی اللہ علیہ وآلہ وسلم سے روایت نقل کی گئی ہے کہ آپ نے فرمایا:
جبرائیل نے مجھے ایک ایسی دوا تعلیم دی ہے کہ جس کے بعد مجھے کسی اور دوا کی ضرورت ہی محسوس نہ ھوئی،

وہ اس طرح کہ بارش کے پانی کو زمین پر گرنے سے پہلے کسی طریقے اکٹھا کر لو پھر اس پر 70 مرتبہ سورہ حمد، 70 مرتبہ قل ھواللہ احد، اور اتنی ہی مرتبہ سورہ فلق و ناس کو پڑھ کر اس بارش کے پانی پہ دم کر لو پھر تھوڑا سا یہ پانی ظھر کے وقت اور تھوڑا سا رات کو مریض کو پلاتے رہیں۔

اس کےبعد آپ نے فرمایا:
مجھے اس خدا کی قسم جس نے مجھے رسالت کے لئے منتخب کیا جس شخص نے بھی اس دستور پہ عمل کیا خداوند متعال اسے تمام بیماریوں سے نجات عطا فرمائے گا خواہ ان بیماریوں کا تعلق بدن سے ھو ہڈیوں سے۔(4)

📚 حوالہ جات
(1) کتاب برھان، ج1، ص43۔
(2) اصول کافی، ج6، ص259۔
(3) اصول کافی، ج6، ص296۔
(4) مستدرک الوسائل، ج2، ص89۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس۔۔۔

🌼 بسم الله کی فضیلت پر یقین
http://t.me/islamwitheman/955

🌹 تسمیہ
http://t.me/islamwitheman/1611

🌸 استعاذہ
http://t.me/islamwitheman/1620

🍷 کھانے پر الفاظ کا اثر
https://t.me/islamwitheman/1980

🌹 بسم الله کی فضیلت
https://t.me/islamwitheman/2216

🌸 بسم الله کے فوائد
https://t.me/islamwitheman/2721
🔵 ISLAM WITH EMAN 🔵

🔷 غِیبت کیا ہے؟ 🔷

■ حدیث نبی کریم حضرت رسول اکرم محمد صلّی اللہ علیہ و آلہ و سلّم:
دَخلتُ على رسولِ اللّه ِ صلى الله عليه و آله ··· فقلتُ: يا رسولَ اللّه أوصني ··· فقالَ: ···. يا أبا ذرٍّ، إيّاكَ و الغِيبَةَ؛ فإنَّ الغِيبَةَ أشَدُّ مِن الزِّنا ··· قُلْتُ : يَا رَسُولَ اللَّهِ، وَ مَا الْغِيبَةُ؟ قَالَ: ذِكْرُكَ أَخَاكَ بِمَا يَكْرَهُ، قُلْتُ: يَا رَسُولَ اللَّهِ، فَإِنْ كَانَ فِيهِ ذَاكَ الَّذِي يُذْكَرُ بِهِ؟ قَالَ: اعْلَمْ أَنَّكَ إِذَا ذَكَرْتَهُ بِمَا هُوَ فِيهِ فَقَدِ اغْتَبْتَهُ، وَ إِذَا ذَكَرْتَهُ بِمَا لَيْسَ فِيهِ فَقَدْ بَهَتَّه‏۔(1)
ترجمہ:
میں حضرت رسول خدا صلّی اللہ علیہ و آلہ و سلّم کی خدمت میں حاضر ہوا۔۔۔ عرض کیا: یا رسول اللہ! مجھے نصیحت فرمائیے۔ آپ صلی اللہ علیہ و آلہ نے فرمایا:

اے ابوذر! غیبت کرنے سے پرہیز کرو، کیونکہ غیبت زنا سے بھی بدتر ہے۔۔۔۔
میں نے عرض کیا: یا رسول اللہ!
غیبت کیا ہے؟
فرمایا: اپنے بھائی کی وہ بات بیان کرنا جسے وہ پسند نہیں کرتا۔

عرض کیا: یارسول اللہ! اگر وہ جس چیز سے یاد کیا جارہا ہے، اس میں پائی جاتی ہو تو؟

فرمایا: جان لو کہ اگر وہ چیز اس میں پائی جاتی ہے بیان کرو گے تو غیبت انجام دی ہے۔ اور اگر جس کا تذکرہ کیا ہے اور وہ اس میں نہیں پائی جاتی تو تم نے اس پر بہتان لگایا ہے۔

■ جناب ملّا مہدی نراقی صاحب طاب ثراہ کتاب "جامع السعادات" میں تحریر فرماتے ہیں:
وَ هِيَ أَنْ يَذْكُرَ اَلْغَيْر بِمَا يَكْرَهُهُ لَوْ بَلَغَهُ۔ سَوَاء كَانَ ذَلِكَ يَنْقُصُ فِي بَدَنِهِ أَوْ فِي أَخْلاقِهِ أَوْ فِي أَقْوَالِهِ، أَوْ فِي أَفْعَالِهِ الْمُتَعَلِّقُه بِدِينِهِ أَو دُنْيَاهُ، بَلْ وَ إِنْ كَانَ بِنَقْصٍ فِي ثَوْبِهِ أَوْ دَارِهِ أَوْ دَابَّتِهِ۔(2)
ترجمہ:
غیبت یعنی کسی کے سلسلہ میں ایسی بات کرنا کہ اگر اسے معلوم ہو تو رنجیدہ ہو اور وہ اس بات پر راضی نہ ہو۔

چاہے وہ اس کے جسم کا عیب ہو (جیسے کہا جائے اندھا، بہرا، گونگا، ناٹا، کالا، کانا یا موٹا وغیرہ)

یا اسکی خصلتوں، عادتوں، باتوں یا اس کے دینی اور دنیاوی امور کا تذکرہ ہو (جیسے: فلاں کا بیٹا، فاسق، حرام زادہ، بداخلاق، کنجوس، مغرور، بزدل، جھوٹا، چور، بکواس، پیٹو وغیرہ)

یا جو اس کے کپڑے، گھر اور سواری کے متعلق کوئی عیب ہو (جیسے اس کا لباس کتنا میلا ہے، اس کا گھر تو دیہاتی ماڈل ہے، اس کی پگڑی بڑی گول ہے، اس کی ٹوپی کتنی لمبی ہے، اس کی سواری کتنی بھدّی ہے۔ وغیرہ)

اور اسی طرح ہر وہ چیز جو کسی کے متعلق ہو اور اس کو برے الفاظ سے یاد کیا جائے کہ اگر اسے معلوم ہو تو اسے ٹھیس پہنچے۔

📚 حوالہ جات
(1) مكارم الأخلاق، ص470، الفصل الخامس في وصية رسول الله ص لأبي ذر الغفاري رضي الله عنه
وسائل الشيعة، ج‏12، ص281، باب تحريم اغتياب المؤمن و لو كان صدقا۔
(2) جامع السعادات، مهدى‏ نراقى، ج‏2، ص303، و منها: الغيبة۔

https://t.me/islamwitheman/1983
🔵 ISLAM WITH EMAN 🔵

🍎 سیب (Apple) 🍎

سیب اپنی بھرپور افادیت اور صحت بخش غذائیت کی وجہ سے قدیم زمانے ہی سے انسان کی توجہ کا مرکز رہا ہے۔ پھلوں کے ماہرین اب تک اس کی ساڑھے سات ہزار سے زائد اقسام دریافت کر چکے ہیں۔ ہمارے ہاں بھی سیب کی مختلف قسمیں دیکھنے میں آتی ہیں۔

🍎 سیب میں شامل اجزاء
جدید طبی تحقیق کے مطابق تازہ سیب میں 84 فیصد پانی ہوتا ہے اور باقی ٹھوس مادہ۔ ٹھوس حصے میں کاربوہائیڈریٹس، شکر اور پروٹین کے علاوہ وٹامن سی اہم ہیں۔ کئی دوسرے پھلوں اور سبزیوں کے مقابلے میں اس میں فاسفورس کی مقدار زیادہ ہوتی ہے۔ فولاد کے اجزا کافی مقدار میں پائے جاتے ہیں۔ اس کا چھلکا بھی مفید ہے۔ اس کے رس میں جراثیم کشی اور اینٹی سیپٹک خاصیت بدرجہ اتم موجود ہے۔

سیب میں فاسفورس کے اجزا موجود ہیں، اس لیے یہ مقوی دماغ بھی ہے۔

اس میں فولاد کے اجزا بھی شامل ہیں اسلیے اس کا استعمال خون کے سرخ ذرات میں اضافہ کر کے چہرے کو سرخ و شاداب اور جسم کو مضبوط و توانا بنانے میں اہم کردار ادا کرتا ہے۔

انگریزی میں ایک محاورہ مشہور ہے جس کا مطلب ہے کہ ’’وہ شخص جو دن میں ایک سیب کھاتا ہے، اس کے قریب ڈاکٹر نہیں آ سکتا۔‘‘
اسیطرح یونانی اطبا کا قول ہے کہ جس گھر میں سیب جاتا ہے وہاں حکیم نہیں جا سکتا۔

🍎 قابل رشک صحت
سیب ایک نہایت صحت بخش اور طاقت افزا غذا ہے۔ اس کے مسلسل استعمال سے صحت و شباب کو چار چاند لگ جاتے ہیں۔ روزانہ نہار منہ دو سیب کھا کر اوپر سے دودھ پیا جائے تو دو ایک مہینوں میں صحت قابل رشک بن جاتی ہے۔ چہرے پر تازگی اور سرخی کی لہر دوڑ جاتی ہے۔ اعضائے رئیسہ کی کمزوریاں دور ہو جاتی ہیں اور ان میں طاقت کی ایک نئی روح سرایت کر جاتی ہے۔

سیب کھانے سے جسم میں چستی اور پھرتی آ جاتی ہے کیونکہ یہ معدے میں جا کر قوت ہضم کو مضبوطی دیتا ہے اور معدے اور جگر کے فعل کو تیز کرتا ہے جس سے خون کی پیدائش کا عمل بڑھ جاتا ہے۔

🍎 امراض قلب
 سیب دل کو تقویت بخشتا ہے۔  یہ اصول قدیم زمانے سے مسلمہ چلا آ رہا ہے، اس لیے گھبراہٹ، خفقان اور دل کی عام تکلیفوں میں اس کا مختلف طریقوں سے استعمال سود مند ثابت ہوتا ہے۔

🍎 سر درد
سر کے درد کی بیشمار اقسام ہیں اور اسکے اسباب بھی مختلف ہیں لیکن عام طور پر ہاضمے کی خرابی، دماغی کمزوری یا ذہنی کام کی زیادتی کی وجہ سے سر میں درد رہنے لگتا ہے، اسے دور کرنے کے لیے ایک سیب لے کر اس کی چاقو سے پھانکیں بنا لیں اور ان پر نمک چھڑک کر نہار منہ کھائیں۔ چند دنوں کے استعمال کے بعد بفضل خدا یہ تکلیف دور ہو جائے گی۔

🍎 بھوک کی کمی
معدے کی کمزوری کی وجہ سے بھوک بند ہو گئی ہو یا کم لگتی ہو، تو ایسی حالت میں مریض کو چاہیے کہ وہ تازہ سیب کے عرق میں کالی مرچ، سفید زیرہ اور نمک کا تھوڑا سا سفوف ملا کر پیے۔ چند دنوں کے استعمال سے بفضل ایزدی طبیعت بحال ہو جائے گی۔

🍎 مختلف فوائد
🔹 سیب کا استعمال سردیوں کے دنوں میں کافی فائدہ پہچاتا ہے۔
🔹 ناشتے کے طور پر سیب کا استعمال بہتر جسمانی تعمیر کے لیے ضروری ہے۔
🔹 پیچش، ٹائیفائیڈ، تپ دق اور کھانسی میں سیب کا استعمال فائدہ بخش ہے۔
🔹 سیب کا مربہ دل و دماغ اور خون کی کمی کے لیے مفید ہے۔
🔹 سیب دانتوں کو مضبوط بناتا ہے۔
🔹 سیب انسانی جلد کو خوبصورت بناتا ہے۔
🔹 سیب کھانے سے قوت مدافعت میں اضافہ ہوتا ہے۔
🔹 سیب امراض قلب اور کینسر جیسی بیماریوں سے بچاتا ہے۔
🔹 روزانہ ایک سیب چھلکے سمیت کھانے سے معدے کی تیزابیت دور ہو جاتی ہے۔
🔹 ہر کھانے سے قبل اگر ایک سیب کھا لیا جائے تو ذہنی کمزوری دور ہو جاتی ہے۔
🔹 سیب دل کی حفاظت کرتا ہے اور قبض نہیں ہونے دیتا۔

🍎 فرامین معصومین علیھم السلام
🌹 امام علیؑ فرماتے ہیں:
سیب جادو کے اثر کو ختم کرتا ہے۔
زہر کے اثر کو ختم کرتا ہے۔
شدید بلغم کے لیے فائدہ مند ہے۔
اس سے تیز فائدہ دینے والی کوئی چیز نہیں ہے۔(1)

🌹 نبی اکرمؐ فرماتے ہیں:
ناشتہ میں سیب کھاؤ، معدہ کو پاک کرتا ہے۔(2)

🌹 امام جعفر صادقؑ فرماتے ہیں:
سیب کھاؤ، گرمی کو کم کرتا ہے،
نکسیر آنے کو روکتا ہے اور بخار کا علاج ہے۔(3)

🌹 امام جعفر صادقؑ فرماتے ہیں:
دل کے لیے سیب سے بہتر کوئی چیز نہیں دل کو پاک کرتا ہے۔(4)

🌹 زیاد بن مروان کہتا ہے میں مکہ میں تھا۔لوگوں میں وباء پھیل گئی میں نے ابوالحسنؑ کو خط لکھا تو آپؐ نے جواب دیا، لوگوں کو سیب کھلاؤ۔ وبا سے بچاتا ہے۔(5)

🌹 امام جعفر صادقؑ فرماتے ہیں:
جس کو زہریلا بچھو کاٹ لے اسے سیب کھلاؤ (سویق سیب)۔(6)

🌹 امام باقرؑ فرماتے ہیں:
جب بھی سیب کھاؤ اسے سونگھ لو اس سے ہر درد و بیماری جسم سے باہر چلی جائے گی۔ اور انسان کی روحانیت بھی مضبوط ہو گی۔(7)

📚 حوالہ جات
(1) اصول کافی، ج6، ص976۔
(2) مکارم الاخلاق، ص173۔
(3) طب الائمہؑ
(4) المحاسن، ج2، ص368۔
(5) اصول کافی، ج6، ص 977۔
(6) اصول کافی، ج6، ص 978۔
(7) بحارالأنوار

http://t.me/islamwitheman/2363
🔵 ISLAM WITH EMAN 🔵

🌛 نیند کی اہمیت 🌜

ہر رات ہم بستر پر لیٹتے ہیں۔ آنکھیں بند کرتے اور نیند ہمیں اپنی پُرسکون آغوش میں لے لیتی ہے۔ یہ وہ پیاری اور میٹھی نیند ہے جس میں انسان تقریبا اپنی ایک تہائی زندگی گزار دیتا ہے لیکن کبھی اس پر غور و فکر نہیں کرتا اور کبھی سوچتا بھی نہیں کہ یہ نیند ہے کیا؟

■ نیند کیا ہے
شعور کو عملی طور پر معطل، اعصابی نظام کو نسبتاً غیرفعال اور آنکھوں کو بند کرکے جسم اور ذہن کو آرام پہنچانے کے فطری عمل کو نیند کہتے ہیں۔ نیند کے دوران انسان اپنے ماحول سے بے خبر رہتا ہے۔
بیہوشی میں بھی انسان اپنے آپ سے اور اپنے ماحول سے بے خبر ہوجاتا ہے۔ لیکن نیند ایک قدرتی عمل ہے اور نیند سے انسان بغیر کسی طبی امداد کے بیدار ہو جاتا ہے یا اسے بیدار کیا جاسکتا ہے۔ جبکہ بیہوشی ایک مرض ہے اور اس میں انسان کو ہوش میں لانے کیلئے طبی امداد کی ضرورت پڑتی ہے۔

■ عظیم رحمت و نعمت
نیند اللہ تعالٰی کی عظیم رحمت اور نعمت ہے، جو تھکے ماندے بندوں کیلئے راحت و آرام، سکون و اطمینان اور امن و امان کا ذریعہ ہے۔ انسان کو پرسکون نیند سے ہمکنار کرنے کیلئے اللہ تعالٰی نے ماحول کو سازگار بنایا۔ لہذا فرمایا:
"وَمِن رَّحْمَتِهِ جَعَلَ لَكُمُ اللَّيْلَ وَالنَّهَارَ لِتَسْكُنُوا فِيهِ وَلِتَبْتَغُوا مِن فَضْلِهِ وَلَعَلَّكُمْ تَشْكُرُون"َ (سورة القصص؛73)
ترجمہ:
اور اس نے اپنی رحمت سے تمہارے لئے رات اور دن کو بنایا تاکہ تم اس (رات میں) آرام کرو اور (دن میں) اس کا فضل (روزی) تلاش کر سکو اور تاکہ تم شکر گزار بنو۔

"وَهُوَ الَّذِي جَعَلَ لَكُمُ اللَّيْلَ لِبَاسًا وَالنَّوْمَ سُبَاتًا وَجَعَلَ النَّهَارَ نُشُورًا۔" (سورة الفرقان؛47)
ترجمہ:
اور وہ وہی ہے جس نے تمہارے لئے رات کو پردہ پوش اور نیند کو راحت اور دن کو اٹھ کھڑے ہونے کا وقت بنایا۔

پرسکون نیند کی بنیادی ضرورت اندھیرا ہے، ماحول کی تمازت اور شور شرابہ کا کم ہونا ہے۔ اللہ سبحانہ و تعالٰی نے رات بنا کر پرسکون نیند کی ان فطری ضرورتوں کو پورا کر دیا۔ لیکن رات کو بالکل ہی اندھیرا نہیں کیا بلکہ چاند بنا کر مدھم روشنی بھی پھیلا دی تاکہ اس کے بندے رات کو بالکل ہی بیکار نہ ہو جائیں۔ پھر رات کو ایک ہی وقت میں دنیا میں بسنے والی تقریباً تمام مخلوقات پر نیند طاری کرکے شور شرابہ بھی ختم کردیا۔ یوں بنی نوع انسان کو نیند کی عظیم نعمت عطا کی تاکہ وہ شکر کرے۔

■ اللہ تعالٰی کی نشانیاں
اللہ تعالٰی کا فرمان ہے:
"الَّذِي جَعَلَ لَكُمُ اللَّيْلَ لِتَسْكُنُوا فِيهِ وَالنَّهَارَ مُبْصِرًا ۚ إِنَّ فِي ذَٰلِكَ لَآيَاتٍ لِّقَوْمٍ يَسْمَعُونَ" (سورة يونس؛67)
ترجمہ:
وہی ہے جس نے تمہارے لئے رات بنائی تاکہ تم اس میں آرام کرو اور دن کو روشن بنایا (تاکہ تم اس میں کام کاج کر سکو)۔ بیشک اس میں ان لوگوں کیلئے نشانیاں ہیں جو سنتے ہیں۔

قرآن کی بہت ساری آیتوں میں نیند کا ذکر کرکے اللہ تعالیٰ نے انسان کو نیند پر غور و فکر کرنے کی دعوت دی ہے۔ نیند پر غور و فکر کرکے انسان کائنات کے بہت سارے رازوں کو جان سکتا ہے، کائنات کے خالق پر اور موت و حیات اور موت کے بعد کی زندگی یعنی آخرت کے بارے میں ایمان و یقین کامل حاصل کرسکتا ہے، نیز نیند چونکہ موت کی ہی ایک شکل ہے لہذا انسان روزانہ سونے سے پہلے اپنا محاسبہ اور توبہ کرکے نفس و قلب کی اصلاح کرسکتا ہے۔

■ نیند کی اہمیت اور ضرورت
جسطرح زندگی کی بقا کیلئے کھانا پینا اور سانس لینا ضروری ہے، اسیطرح سونا اور آرام کرنا بھی ذہنی و جسمانی صحت اور تندرستی کیلئے اہم ہے۔ رات کو چند گھنٹوں کی نیند انسان کی فطری و بنیادی ضرورت ہے۔ کوئی انسان اس ضرورت سے بے نیاز نہیں ہو سکتا۔

جدید سائنسی تحقیق کے مطابق جب انسان گہری نیند سوجاتا ہے، تب دماغ کا ایک کارخانہ دن بھر کے کام کاج کے دوران انسانی صحت کو نقصان پہنچانے والا جو زہریلا فضلہ دماغ میں جمع ہوتا ہے اُسے نکال باہر کرتا ہے اور پوری دماغ کی مرمت کرکے اُسے نئی توانائی فراہم کرتا ہے جس سے دماغ اور جسم ازسرنو مضبوط و کارآمد بن جاتا ہے۔

پرسکون نیند انسان کی اچھی صحت، جسمانی و ذہنی قوت، قوتِ حافظہ و تخیل، خوش مزاجی اور حسن کارگردگی کیلئے اہم ترین ضرورت ہے۔ اس کے علاوہ نیند ہی انسان کو چاک و چوبند اور ہشاش بشاش رکھتی ہے۔

نیند نہ آنا، بے سکون نیند یا نیند کی کمی انسانی دماغ پر منفی اثرات مرتب کرتی ہے اور ببشمار جسمانی و دماغی بیماریوں کا موجب بنتی ہے۔

نیند کی کمی سے انسان ہر وقت اونگھ یا غنودگی کی حالت میں رہتا ہے، تھکاوٹ محسوس کرتا ہے، جسم و ذہن صحیح طرح کام نہیں کرتا، لہذا روز مرہ کے کام پر صحیح طرح توجہ نہیں دے پاتا۔

نیند کی کمی سے انسان میں قوت برداشت کم ہوجاتی ہے اور طبیت میں جھنجلاہٹ و چڑچڑاہت پیدا ہوتی ہے جس سے انسان جھگڑالو بن جاتا ہے اور ازدواجی و سماجی زندگی میں فساد کا باعث بنتا ہے۔

✍ سید سجاد حسین ھمدانی

https://t.me/islamwitheman/427
🔵 ISLAM WITH EMAN 🔵

🍀 بیٹی کی تربیت 🍀

شادی کے تین سال کے بعد ساس نے بہو سے پوچھا: بہو مجھے ایک بات تو بتا۔ میں تجھے اتنی خراب اور کھری کھری باتیں سناتی ہوں اور تو پلٹ کر جواب بھی نہیں دیتی اور غصہ بھی نہیں کرتی اور بس ہنستی رہتی ہے۔

بہو کو تو جیسے سنانے کو کہانی مل گئی ۔۔۔ کہنے لگی:
اماں جی آپ کو ایک بات سناتی ہوں۔ میں جب چھوٹی تھی تو مجھے ہمیشہ ایسا لگتا تھا کہ میری ماں میری سگی ماں نہیں۔ کیونکہ وہ مجھ سے گھر کے سارے کام کرواتی تھیں اور کوئی کام غلط ہو جاتا تو مجھے ڈانٹ بھی پڑتی اور کبھی کبھی مار بھی دیتی تھیں لیکن ماں تھی وہ میری۔ مجھے ان سے ڈر بھی لگتا تھا اور میں نے ان سے کبھی غصہ نہیں کیا۔

یہانتک کہ میں کالج سے تھکی ہوئی واپس آتی تو آتے ہی کچھ دیر آرام کے بعد مجھے کام کرنے ہوتے تھے۔

پھر جب میری بھابیاں آئیں تب تو جیسے میرے کام زیادہ ہی بڑھ گئے۔ ہونا تو چاہیے تھا کہ بہو آئی تو ساری ذمہ داریاں اس پر ڈال جاتیں۔ لیکن میری امی نے پھر بھی مجھ سے سارا کام کروایا اور کبھی بھی بھابھیوں کو نہیں ڈانٹا بلکہ ان کے کام بھی مجھے کہتی تھیں کہ کر دو خیر ہے۔ "پھر کیا ہوتا ہے۔" ان کا یہ ایک جملہ ہمیشہ مجھے یاد رہتا ہے۔
وہ کہتی تھیں خیر ہے بیٹی اگلے گھر جا کر تجھے مشکل نہیں ہو گی اور میں اِس جملے سے چِڑ گئی تھی۔

جب میری شادی تھی تو دو دن پہلے مجھے امی نے پیار سے اپنے پاس بٹھایا اور بولیں: بیٹا آج تک سمجھ میں تیری ساس تھی۔ میں نے تجھے پریکٹس کروا دی ہے اور تجھے بتا دیا ہے کے ساس کیسی ہوتی ہے۔ اب آج سے میں تیری ماں ہوں۔ اب تیری شادی ہو رہی ہے۔ تو بیٹا جب تمھاری ساس تمہیں کچھ کہے تو سمجھنا کہ جیسے میں کہتی تھی ویسے ہی تیری ماں تجھے ڈانٹ رہی ہے۔

بس یہ ہی بات تھی کہ مجھے آپ کی باتیں بری نہیں لگتیں۔ کیونکہ میری امی نے مجھے پریکٹس کروا کے بھیجا ہے۔ اور اماں جی آپ نے تو کبھی اتنا ڈانٹا ہی نہیں جتنا امی ڈانٹتی تھیں۔ توبہ۔۔۔ توبہ۔

بہو ہنستی ہوئی کچن میں چلی گئی۔

اور ساس سوچتی رہی کہ کیا واقعی بیٹیوں کی تربیت ایسی کرنی چاہیئے۔؟

🌹 پوسٹ اگر اچھی لگے تو دوسروں کی بھلائی کے لیے شیئر ضرور کریں۔

http://t.me/islamwitheman/2442
🔵 ISLAM WITH EMAN 🔵

🔷 عجیب طلاق 🔷

قاضی ابوبکر ابن عربیؒ نقل فرماتے ہیں کہ جس زمانہ میں منصور بغداد کا خلیفہ تھا، موسیٰ بن عیسیٰ ہاشمی نام کے ایک شخص نے اپنی بیوی کو فرطِ محبت میں یہ کہہ دیا:
اگر تم چاند سے زیادہ حسین نہ ہو تو تمہیں تین طلاق، بیوی سخت پریشان ھوئی اور سمجھی کہ طلاق واقع ھو گئی ھے، اس لئےشوہر کے سامنے آنا بھی بند کر دیا۔

شوہر نے یہ الفاظ فرط محبت سے کہہ دئیے تھے مگر جب ہوش آیا تو اسے بھی فکر ھوئی اور اس کی ساری رات بڑے فکر اور اضطراب میں گذری، بڑی مشکل سے صبح ھوئی تو وہ خلیفہ منصور کے پاس پہنچا اور واقعہ بتایا، منصور نے فوراً شہر کے اہلسنت کے بڑے بڑے علماء و فقہاء کو جمع کر کے مسئلہ ان کے سامنے رکھا، اکثر فقہاء کی رائے یہ ہو رہی تھی کہ یہ طلاق واقع ھو گئی ہے اس لئے کہ اس کی بیوی فی الواقع چاند سے زیادہ اچھی نہیں ہے۔

لیکن ایک فقیہ تھے جنکا تعلق مذہب جعفریہ سے تھا انہوں نے یہ فرمایا کہ طلاق واقع نہیں ہوئی۔

ان سے وجہ پوچھی گئی تو انہوں نے کہا کہ وجہ یہ ہے کہ قران کریم کا ارشاد ہے "لقد خلقنا الانسان فی احسن تقویم"
ترجمہ:
بلاشبہ ہم نے انسان کو بہترین قوام کے ساتھ پیدا کیا ہے۔

منصور نے اس جواب کو بیحد پسند کیا اور موسٰی بن عیسٰی کو یہی کہلا بھیجا کہ طلاق واقع نہیں ھوئی۔

📚 حیاۃ الحیوان للدمیری، ص32، جلد اول، لفظ انسان۔

https://t.me/islamwitheman/2233
🔵 ISLAM WITH EMAN 🔵

🔷 ماں کی بددعا کا اثر 🔷

بزرگوں نے واقعہ لکھا ہے کہ ایک معصوم بچہ رو رہا تھا ماں نے اس طرح غصے میں کہہ دیا کہ تو مر جائے۔

اللہ تعالٰی کو جلال آگیا، اللہ تعالٰی نے اس کی بددعا کو قبول فرما لیا مگر بچے کو اس وقت موت نہ دی۔

جب وہ بچہ بڑا ہوا تو عین جوانی کے عالم میں وہ ماں باپ کی آنکھ کی ٹھنڈک بنا، ماں باپ کے دل کا سکون بنا، جو بھی اس بچے کی جوانی دیکھتا وہی حیران رہ جاتا، عبن عالمِ شباب میں جب وہ پھل پک چکا تو اللہ تعالٰی نے اس کو توڑ لیا۔

میٹھا، رسیلا، صاف سنہری، جوان سا
ایک سیب دھم سے فرشِ زمین پر ٹپک پڑا۔

اللہ نے اس کو موت دے دی۔

اب وہی ماں رو رہی ہے کہ میرا جوان بیٹا بچھڑ گیا مگر اسے بتایا گیا کہ تیری یہ وہی دعا ہے جو تو نے بچے کیلئے مانگی تھی مگر ہم نے پھل کو اس وقت نہ کاٹا اسے پکنے دیا، جب یہ پھل پک چکا اب اسے کاٹا ہے کہ تیرے دل کو اچھی طرح دکھ ہو۔ اب کیوں روتی ہے، یہ تیرے اہنے ہاتھوں کی کمائی ہے۔

کتنی بار ایسا ہوتا ہے کہ ماں بددعائیں کر دیتی ہے، جب اپنے سامنے دیکھتی ہے کہ بددعائیں قبول ہوئیں تو پھر روتی پھرتی ہے کہ میرے بیٹے/بیٹی کی زندگی خراب ہو گئی۔

اے بہن! یہ سب کچھ اس لئے ہوتا ہے کہ تو اپنے مقام سے ناآشنا ہے۔ تجھے معلوم ہونا چاہیے کہ اگر تو نماز پڑھتی اور اپنے بچے کیلئے دعا کرتی، اللہ تعالٰی تیرے بچے کو بخت لگا دیتا۔

■ ماں کی دعا حفاظت کی ضامن
ایک بزرگ کے بارے میں آتا ہے کہ ان کی والدہ فوت ہو گئیں چنانچہ اللہ تعالٰی نے اس بزرگ کو الہام فرمایا کہ اے میرے پیارے اب ذرا سنبھل کر رہنا، جس کی دعائیں تیری حفاظت کرتی تھیں، وہ ہستی دنیا سے اٹھ گئی ہے۔

اللہ اکبر۔ واقعی بات ایسی ہی ہے کہ ماں باپ کی دعائیں بچوں کے گرد پہرہ دیتی ہیں.

🔘 رسول اکرم (ص) نے فرمایا:
"اپنی اولاد اور اپنے اموال کے لئے بددعا نہ کرو، کہیں ایسا نہ ہو کہ تم کسی ایسی گھڑی میں اللہ سے دعا کر بیٹھو جس میں دعا قبول ہو جاتی ہے۔"
(صحیح مسلم، 3009۔ مشکوۃ المصابیح، 2229 واللفظ لہ)

🌹 پوسٹ اگر اچھی لگے تو دوسروں کی بھلائی کے لیے شیئر ضرور کریں۔

📚 اہل دل کے تڑپا دینے والے واقعات، مولوی ذوالفقار احمد نقشبندی۔

http://t.me/islamwitheman/2516
⭕ ISLAM WITH EMAN ⭕

🌟 ستارے اور افلاک 🌟

کیا ستارے اور افلاک انسان کی سعادت یا بدبختی میں اثر انداز ہیں؟

پرانے زمانہ سے یہ رسم و رواج اور پرانی ریت چلی آ رہی ہے کہ ستاروں کی گردش انسان کے کاموں پر، انسان کی سعادت اور بدبختی پر اثرانداز ہوتی ہے، البتہ یہ بات سرے سے غلط بھی نہیں لیکن جس قدر اس میں حقیقت پائی جاتی ہے اس سے کہیں زیادہ خرافات کا غلبہ ہے۔

■ حضرت علی علیہ السلام نے جنگ نہروان کے لئے اپنے سفر کو نہیں روکا۔
روایت ہے کہ جب آپ جنگ کے لئے روانہ ہو رہے تھے کہ ایک شخص آیا اور حضرت سے کہنے لگا کہ یہ ایام نحس ہیں ان ایام میں سفر نہ کیجئیے ۔ ۔ ۔

عجیب بات ہے جن کی دہلیز پہ ستارہ ٹوٹ کے سجدہ کرے، یہ شخص انہیں سے کہہ رہا ہے ستارہ گردش میں ہے، ایام نحس ہیں، سفر پہ نہ جائیے، شکست کھا جائیں گے۔ اور عجیب تر یہ کہ اگر نحس ایام کی وجہ سے امام کے لشکر کو شکست ہو جائے تو اس کا مطلب خوارج کی جیت ہوگی، تو کیا ان کے لئے یہ نحس ایام نیک ہو جائیں گے۔

اسی لئے حضرت نے فرمایا: یہ تمہاری خام خیالی اور بیہودہ ڈر ہے، جو تمہاری باتوں میں آ جائے اس نے قرآن کو جھٹلایا ہے، نصرت الہی کا انکار کر رہا ہے اور اعلی مقاصد کو حاصل کرنے کے لئے اپنے آپ کو اللہ کی مدد سے بے نیاز سمجھ رہا ہے، گویا چاہتے یہ ہو کہ اللہ کے بدلے لوگ تمہاری تعریف کریں کیونکہ تم ان کے نفع اور نقصان سے آگاہ ہو، لوگ تمہاری پیروی کریں تا کہ نقصان سے محفوظ رہیں ۔ اے لوگو! جھوٹی پیشگوئیوں کے لئے علم نجوم سے بچو، البتہ سمندروں اور صحراوں میں راستہ کی سمت معین کرنے کے لئے ضروری حد تک علم نجوم سے استفادہ کیا جا سکتا ہے، لیکن یاد رہے کہ علم نجوم تمہیں غیب گوئی اور غیب گوئی تمہیں جادوگری اور جادوگری تمہیں کفر، اور کفر تمہیں جہنم تک لے جا سکتا ہے۔ پس اللہ کا نام لو اور اس پر توکل کرتے ہوئے چل دو۔(1)

جنگ نہروان میں خوارج کو بدترین شکست کا سامنا کرنا پڑا۔

■ ایک شخص امام صادق علیہ السلام کی خدمت میں آیا اور علم نجوم کے سلسلہ میں اپنی آگاہی اور مہارت کو بیان کرتے ہوئے کہنے لگا:
میں اس قدرعلم نجوم میں ماہر ہوں کہ جب بھی کوئی کام انجام دینا چاہتا ہوں تو پہلے علم نجوم کے ذریعے پرکھ لیتا ہوں، طالع اگر نحس ہو تو نہیں کرتا اور اگر طالع نیک ہو تو انجام دیتا ہوں۔

امام علیہ السلام نے دریافت کیا کہ کیا تم نجوم پر عقیدہ رکھ کر اس پر عمل کرتے ہو؟

اس نے کہا: ہاں۔

امام علیہ السلام نے فرمایا:
اپنی تمام نجومی کتابوں کو مٹا (جلا) دو اور خبردار آج سے اس علم پر عمل نہ کرنا۔(2)

■ امام صادقؑ كے صحابى عبدالملك بن اعين ايك بزرگ عالم شخص تھے۔ انہوں نے علم نجوم پڑھ ركھا تھا اور اس كے مطابق عمل بھى كرتے تھے۔ آہستہ آہستہ انہيں اس بات كااحساس ہو گيا كہ انہوں نے اپنے لئے مصيبت مول لى ہے۔ مثلا جب صبح كے وقت گھر سے نكلتے تو ديكھتے كہ قمر در عقرب ہے اور اگر باہر جائيں تو ايسا ہو جاۓ گا، دوسرے روز كوئى دوسرا ستارہ نكل آتا تو كہتے كہ اب ويسا ہو جاۓ گا۔ چنانچہ وہ امام صادقؑ كى خدمت ميں حاضر ہوۓ اور عرض كى كہ اے فرزند رسولؐ! ميں نجوم ميں مبتلا ہوگيا ہوں اور ميرے پاس نجوم كى بہت سى كتابيں بھى ہيں اور ميں ان سے رجوع كئے بغير كسى كام كے بارے ميں فيصلہ نہيں كرتا۔

امام جعفر صادقؑ نے تعجب كے ساتھ پوچھا كہ كہ تم ان كتابوں پر عمل كرتے ہو؟

عبد الملك نے جواب ديا: جی ہاں۔

امام عليہ السلام نےفرمايا: تم اسى وقت اپنے گھر جاؤ اور ان سب كتابوں كو جلا دو اور آئندہ كبھى بھى ايسى باتوں پر عمل نہ كرنا۔(3)

🔘 نوٹ
بلاشبہ ان كى مراد نجوم احكامى (astrology) سے تھى، جس كا تعلق سعد اور نحس ايام سے ہے اور اس خيال سے ہے كہ ستارے انسانى افعال پر اثر انداز ہوتے ہيں۔ نجوم كى يہ قسم اسلامى نقطہ نظر سے قابل اعتبار نہيں ہے۔ نجوم كى دوسرى قسم نجوم رياضى (astronomy) ہے۔ اس كے ذريعے سورج گرہن اور چاند گرہن وغيرہ كا حساب لگايا جاتا ہے۔ اسلامى نقطہ نگاہ سے اس ميں كوئى حرج نہين۔

📚 حوالہ جات
(1) نہج البلاغه، خطبه79۔
(2) الوافی، محمد محسن فیض کاشانى، ج12، ص355، کتابخانه امیرالمؤمنین، اصفهان، 1406‍ق۔
(3) اسلامی داستانيں، شہيد مرتضٰی مطہرىؒ، ص175۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس۔۔۔

🔵 علم نجوم
https://t.me/islamwitheman/112

🔷 زندگی کا آخر جان لینا
http://t.me/islamwitheman/1623

🌻 بدشگونی
http://t.me/islamwitheman/1629

🎅 نجومی کی بدشگونی
http://t.me/islamwitheman/1633

🌟 ستارے اور افلاک
https://t.me/islamwitheman/2729
🔵 ISLAM WITH EMAN 🔵

🌛 رات آرام کیلئے ہے 🌜

سونا (نیند) بھی اللہ کی نعمتوں میں سے ایک بڑی نعمت ہے۔ سونے سے روح اور جسم کو راحت ملتی ہے۔ سستی اور تکان دور ہو جاتی ہے۔ اس سے انسان تازہ دم ہو کر اپنے دینی و دنیوی کاموں میں مصروف ہوجاتا ہے۔ دن بھر معاشی مشغلوں میں مصروف رہ کر رات کو آرام کر لیتا ہے۔ اللہ تعالیٰ نے فرمایا: "اور ہم نے نیند کو تمہارے لیے آرام اور رات کو پردہ اور دن کو کاروبار کے لیے بنایا۔" (النباء)

اور بھی اس قسم کی بہت سی آیتیں ہیں کہ سونا راحت کا ذریعہ ہے اور نیند کے لیے اصل وقت رات ہی کا ہے اور دن کا کاروبار کے لیے ہے۔

■ فرمانِ خداوندی ہے:
وَمِن رَّحْمَتِهِ جَعَلَ لَكُمُ اللَّيْلَ وَالنَّهَارَ لِتَسْكُنُوا فِيهِ وَلِتَبْتَغُوا مِن فَضْلِهِ وَلَعَلَّكُمْ تَشْكُرُون۔َ (سورة القصص؛73)
ترجمہ:
اور اس نے اپنی رحمت سے تمہارے لئے رات اور دن کو بنایا تاکہ تم اس (رات میں) آرام کرو اور (دن میں) اس کا فضل (روزی) تلاش کر سکو اور تاکہ تم شکر گزار بنو۔

■ ارشادِ باری تعالٰی ہے:
وَهُوَ الَّذِي جَعَلَ لَكُمُ اللَّيْلَ لِبَاسًا وَالنَّوْمَ سُبَاتًا وَجَعَلَ النَّهَارَ نُشُورًا۔ (سورة الفرقان؛47)
ترجمہ:
اور وہ وہی ہے جس نے تمہارے لئے رات کو پردہ پوش اور نیند کو راحت اور دن کو اٹھ کھڑے ہونے کا وقت بنایا۔

■ ارشادِ رب العزت ہے:
فَالِقُ الْإِصْبَاحِ وَجَعَلَ اللَّيْلَ سَكَنًا وَالشَّمْسَ وَالْقَمَرَ حُسْبَانًا ۚ ذَٰلِكَ تَقْدِيرُ الْعَزِيزِ الْعَلِيمِ۔ (سورة الأنعام؛96)
ترجمہ:
(وہی) صبح (کی روشنی) کو رات کا اندھیرا چاک کر کے نکالنے والا ہے، اور اسی نے رات کو آرام کے لئے بنایا ہے اور سورج اور چاند کوحساب و شمار کے لئے، یہ بہت غالب بڑے علم والے (ربّ) کا مقررہ اندازہ ہے۔

■ ارشادِ رب العالمين ہے:
اللَّـهُ الَّذِي جَعَلَ لَكُمُ الَّيْلَ لِتَسْكُنُوا فِيهِ وَالنَّهَارَ مُبْصِرًا إِنَّ اللَّـهَ لَذُو فَضْلٍ عَلَى النَّاسِ وَلَـٰكِنَّ أَكْثَرَ النَّاسِ لَا يَشْكُرُون۔ َ(سورة غافر؛61)
ترجمہ:
الله ہی ہے جس نے تمہارے لیے رات بنائی تاکہ اس میں آرام کرو اور دن کو ہر چیز دکھانے والا بنایا بے شک الله لوگوں پر بڑے فضل والا ہے لیکن اکثر لوگ شکر نہیں کرتے۔

■ اللہ تعالٰی کا فرمان ہے:
وَمِنْ آيَاتِهِ مَنَامُكُم بِاللَّيْلِ وَالنَّهَارِ وَابْتِغَاؤُكُم مِّن فَضْلِهِ ۚ إِنَّ فِي ذَٰلِكَ لَآيَاتٍ لِّقَوْمٍ يَسْمَعُون۔ (سورة الروم؛23)
ترجمہ:
اور اُس کی نشانیوں میں سے تمہارا رات اور دن کو سونا اور تمہارا اس کے فضل کو تلاش کرنا ہے یقیناً اِس میں بہت سی نشانیاں ہیں اُن لوگوں کے لیے جو (غور سے) سُنتے ہیں۔

■ اللہ تعالٰی نے فرمایا:
الَّذِي جَعَلَ لَكُمُ اللَّيْلَ لِتَسْكُنُوا فِيهِ وَالنَّهَارَ مُبْصِرًا ۚ إِنَّ فِي ذَٰلِكَ لَآيَاتٍ لِّقَوْمٍ يَسْمَعُونَ۔ (سورة يونس؛67)
ترجمہ:
وہی ہے جس نے تمہارے لئے رات بنائی تاکہ تم اس میں آرام کرو اور دن کو روشن بنایا (تاکہ تم اس میں کام کاج کر سکو)۔ بیشک اس میں ان لوگوں کے لئے نشانیاں ہیں جو (غور سے) سنتے ہیں۔

■ ارشادِ باری تعالٰی ہے:
أَلَمْ يَرَوْا أَنَّا جَعَلْنَا اللَّيْلَ لِيَسْكُنُوا فِيهِ وَالنَّهَارَ مُبْصِرًا ۚ إِنَّ فِي ذَٰلِكَ لَآيَاتٍ لِّقَوْمٍ يُؤْمِنُون۔ (سورة النمل؛86)
ترجمہ:
کیا وه دیکھ نہیں رہے ہیں کہ ہم نے رات کو اس لیے بنایا ہے کہ وه اس میں آرام حاصل کرلیں اور دن کو ہم نے دکھلانے والا بنایا ہے، یقیناً اس میں ان لوگوں کے لیے نشانیاں ہیں جو ایمان ویقین رکھتے ہیں۔

■ اللہ تعالٰی نے فرمایا:
وَجَعَلْنَا اللَّيْلَ وَالنَّهَارَ آيَتَيْنِ ۖ فَمَحَوْنَا آيَةَ اللَّيْلِ وَجَعَلْنَا آيَةَ النَّهَارِ مُبْصِرَةً لِّتَبْتَغُوا فَضْلًا مِّن رَّبِّكُمْ وَلِتَعْلَمُوا عَدَدَ السِّنِينَ وَالْحِسَابَ ۚ وَكُلَّ شَيْءٍ فَصَّلْنَاهُ تَفْصِيلًا۔ (سورة الإسراء؛12)
ترجمہ:
ہم نے رات اور دن کو اپنی قدرت کی نشانیاں بنائی ہیں، رات کی نشانی کو تو ہم نے بےنور (تاریک) کردیا ہے اور دن کی نشانی کو روشن بنایا ہے تاکہ تم اپنے رب کا فضل تلاش کر سکو اور اس لئے بھی کہ برسوں کا شمار اور حساب معلوم کرسکو اور ہر ہر چیز کو ہم نے خوب تفصیل سے بیان فرما دیا ہے۔

🔘 اس بات کو یقینی بنائیں کہ آپ صبح کے وقت تیز روشنی میں رہیں لیکن رات کو نہیں۔ اس لئے کوشش کریں کہ نیند کا وقت باقاعدہ ہو، اور جہاں تک ممکن ہو دیر سے نہ سوئیں۔ صحت مندانہ طرزِ زندگی اختیار کریں۔ ذہن میں رکھیں کہ آپ کی نیند کا وقت کتنا اہم ہے ۔جس حد تک ممکن ہو، کوشش کریں کہ رات جلد سوئیں اور صبح جلد اٹھیں۔

✍ سید سجاد حسین ھمدانی
۔۔۔۔۔۔۔۔۔۔۔۔۔۔۔۔۔۔

✍ مزید پوسٹس۔۔۔

🌛 سونے سے پہلے کے آداب
https://t.me/islamwitheman/157

🌛 سوتے وقت کے اعمال
https://t.me/islamwitheman/427

🌛 نیند کی اہمیت
https://t.me/islamwitheman/2724

🌛 رات آرام کیلئے ہے۔
https://t.me/islamwitheman/2730
🔵 ISLAM WITH EMAN 🔵

🍇 انگور (Grapes) 🍇

اللہ تعالٰی کی نعمتوں میں سے ایک نعمت انگور ہے، انگور کو پھلوں کی ملکہ اور جنت کا میوہ بھی کہا جاتا ہے۔ یہ ایک کثیر الغذا پھل ہے۔ اس کے اندر غذائیت اور توانائی کے بھر پور خزانے ہیں۔ پاکستان میں کوئٹہ کے علاوہ دیگر پہاڑی علاقوں میں یہ بکثرت پایا جاتا ہے۔ اور یہ سردیوں میں ملنے والا ایک عام پھل ہے۔

ارشادِ ربّانی ہے:
اور ہم نے اس میں کھجوروں اور انگوروں کے باغ پیدا کیے اور اس کے اندر سے چشمے پھوڑ نکالے، تاکہ یہ اس کے پھل کھائیں۔(سورۂ یٰس:34)

انگور ایک ایسا پھل ہے جسے باغوں کے علاوہ گھروں میں بھی بیلوں پر اگایا جا سکتا ہے۔ انگور بنیادی طور پر یورپ اور بحیرہ روم کے خطے کا پھل ہے لیکن اب دنیا میں ہر جگہ پایا جاتا ہے۔ انگور کی بنیادی طور پر تین نسلیں ہیں، جن میں اول یورپی، دوئم شمالی امریکی اور سوئم فرانسیسی ہائبرڈ قسم ہے۔

■ بنیادی خصوصیات
انگور انتہائی لذیذ اور بیمثال قوت بخش پھل ہے۔ اسے صحت و توانائی فراہم کرنے کے لحاظ سے ایک اچھوتا اور پرُکشش پھل تصور کیا جاتا ہے۔ انگور کی تین بنیادی خصوصیات ایسی ہیں کہ سوائے انار کے دوسرے پھلوں میں اس کی نظیر نہیں ملتی۔
❶ کثیر الغذا ہے۔
❷ زود ہضم ہے۔
❸ خون صالح کرتا ہے۔

■ اقسام
انگور کی کئی اقسام ہیں جو رنگ، حجم اور تاثیر کے لحاظ سے ایک دوسرے سے مختلف ہوتی ہیں۔ جن میں سبز (سفید)، سُرخ، نیلے، سیاہ اور جامنی رنگ شامل ہے، عام طور پر انگور کی تین اقسام زیادہ مشہور اور مقبول ہیں۔
❶ سبز (سفید)،
❷ سرخ،
❸ سیاہ۔

انگور کی ان اقسام میں سفید قسم سب سے زیادہ مقبول ہے اور فائدہ مند ہے۔ لیکن اس انگور کو کچا نہیں ہونا چاہئے کیونکہ خام اور کچے انگور میں وہ غذائیت شیرینی اور قوت نہیں ہوتی جو پکے ہوئے انگور میں ہوتی ہے۔ پکا ہوا شیریں انگور قبض کشا ہوتا ہے۔ زیادہ کھانے سے اسہال لاتا ہے۔

■ کشمش اور مویز منقیٰ
سفید انگور کے خشک پھل کو کشمش کہتے ہیں۔ مویز منقیٰ بھی ایک قسم کا خشک انگور ہے۔

بعض حکماء کے نزدیک جو خواص تازہ انگور میں پائے جاتے ہیں وہی کشمش اور مویز منقیٰ میں پائے جاتے ہیں۔

اگر تازہ انگور دستیاب نہ ہوں تو کشمش استعمال کی جا سکتی ہے، جو بہت حد تک انگور کا نعم البدل ہے۔

■ غذائی اجزاء
انگور میں بہت سے مفید غذائی اجزاء پائے جاتے ہیں جیسے پولی فینالک انٹی آکسیڈنٹ، وٹامنز اور معدن وغیرہ۔ یہی وجہ ہے کہ متوازن غذا کھانے والے بہت سے افراد اپنی غذا میں انگور کو ضرور شامل کرتے ہیں۔ خواہ یہ سالم کھائے جائیں یا جوس اور سلاد کے ساتھ لیے جائیں۔

انگور میں دیگر معدن جیسے فولاد، کاپر اور مینگنیز بھی بکثرت ہوتا ہے۔ کاپر اور مینگنیز جسم میں خون کی کمی کو دور کرنے میں معاون ہوتے ہیں جبکہ فولاد انگور میں اس وقت اور بھی بڑھ جاتا ہے جبکہ اس کی کشمش بنائی جاتی ہے۔ اس طرح سو گرام تازہ انگور میں لگ بھگ ایک سو اکیانوے ملی گرام الیکٹرولائٹ پوٹاشیم ہوتی ہے۔ جو صحت کے لیے بہت مفید معدن ہے۔ اس کے علاوہ انگور وٹامن سی، وٹامن اے، وٹامن کے، کیروٹینز اور بی کمپلیکس وٹامنز جیسے پائری ڈوکسنز، رائبوفلاون اور تھائیامن کا بھی بہت اچھا ذریعہ ہیں۔

■ انگور کے چند اہم فائدے
❶ انگور میں کاربوہائیڈریٹس، پروٹین، وٹامن  اے، وٹامن سی، کیلشیم اور آئرن پائے جاتے ہیں جو انسانی صحت کے لیے بہت مفید ہیں۔

❷ انگور ایک مہینہ لگاتار کھانے  سے انسانی جسم کو حیرت انگیز  فوائد حاصل ہوتے ہیں۔

❸ بدن کو معقول اور پرکشش اور فربہی دینے میں بھی دوا کا کام کرتا ہے۔ اور یہ چہرے کی رنگت نِکھارنے اور ایکنی ختم کرنے میں معاون ثابت ہوتا ہے۔

❹ جن لوگوں کا معدہ اکثر خراب رہتا ہے، ان کے لیے انگور کا استعمال بے حد مفید ہے۔ 

❺ یہ دل، جگر، دماغ اور گردوں کو طاقت دیتا ہے، سینے کے جملہ امراض میں انگور بے حد مفید ہے۔

❻ بلغمی امراض میں اعتدال کے ساتھ شیریں انگور کا استعمال متعدد فوائد رکھتا ہے۔ کھانسی زکام وغیرہ کیلئے بھی مفید ہے۔

❼ انگور کا معتدل استعمال جسم میں فاسد مادوں کے اخراج میں بھی مفید ہے۔

❽ انگور آنکھوں کی صحت کے لیے بہتر ہے اور گردے میں پتھری نہیں بننے دیتا۔

انگور کھانا انسانی بینائی پر مثبت اثرات مرتب کرتا ہے۔ روزانہ 2 سے 3 انگور کھانے سے بھی بینائی کو طویل المعیاد بنیادوں پر ٹھیک رکھنے میں مدد مل سکتی ہے۔

❾ اس کا رس نہ صرف معدے کی رطوبت کو مزید ہاضم اور مصفٰی بناتا ہے بلکہ عمل انہضام کے بعد خون میں شامل ہو کر خون کو صحت مند بناتا ہے۔

❿ انگور کا رس درد شقیقہ اور معدے کی بیماریاں تپ دق یا قبض، کھانسی، جسم کی کمزوری، خون کی کمی اور دیگر امراض کیلئے بہت مفید ہے۔

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

✍ سید سجاد حسین ھمدانی

📚 اس پوسٹ میں بیان کردہ ساری معلومات مختلف ہیلتھ آرٹیکلز سے لی گئی ہیں۔

https://t.me/islamwitheman/2723
🔵 ISLAM WITH EMAN 🔵

🍇 انگور کھانے کے فائدے 🍇

اللہ تعالٰی کی نعمتوں میں سے ایک نعمت انگور ہے۔ یہ ایک کثیر الغذا پھل ہے۔ اس کے اندر غذائیت اور توانائی کے بھرپور خزانے ہیں۔ اس کے چند ایک اہم فائدے ذیل میں دیئے گئے ہیں جو کہ مختلف ہیلتھ آرٹیکلز سے لئے گئے ہیں۔

■ اینٹی آکسائیڈنٹس
انگور اینٹی آکسائیڈنٹس سے بھرپور پھل ہے جیسے کیروٹین، پولی فینولز اور دیگر۔
مختلف طبی تحقیقی رپورٹس کے مطابق یہ اینٹی آکسائیڈنٹس دل کی صحت کو مستحکم رکھنے کے ساتھ مخصوص اقسام کے کینسر کا خطرہ کم کرتے ہیں۔ اس کے علاوہ یہ پھل جسم میں گردش کرنے والے مضر ذرات کو اکھٹا ہونے سے روکتا ہے، جس سے خون کی شریانوں کی صحت بہتر ہوتی ہے، دوران خون بہتر اور بلڈ پریشر کی سطح کم ہوتی ہے۔

■ پوٹاشیم کا حصول
100 گرام انگوروں میں 191 ملی گرام پوٹاشیم ہوتا ہے، پوٹاشیم کا استعمال جسم کے لیے متعدد طریقوں سے فائدہ مند ثابت ہوتا ہے، جیسے ہائی بلڈ پریشر کو کم کرنا، کولیسٹرول اور دل کی صحت کو بہتر بنانا وغیرہ۔
ایک تحقیق کے مطابق پوٹاشیم پیٹ میں گیس یا پھولنے کے مسئلے سے نجات میں بھی مدد دینے والا جز ہے، یعنی انگور پیٹ میں گیس کے مسئلے سے نجات کے لیے بھی بہترین ہے۔

■ نظامِ ہاضمہ کی بہتری
انگور میں موجود فائبر نظامِ ہاضمہ کو بہتر کرنے میں مددگار ثابت ہوتا ہے، انگور میں پائے جانے والے ریشے آنتوں کو صحت مند بناتے ہیں اور انگور کے اندر موجود قدرتی پانی بھی نظامِ ہاضمہ کے لیے اچھا ہوتا ہے۔

■ توانائی کا بڑھنا
انگور میں قُدرتی طور پر کاربو ہائیڈریٹ اور ایک خاص سیلولوز پایا جاتا ہے جو قُدرتی طور پر توانائی کو بڑھاتا ہے، اِس کا  طریقہ یہ ہے کہ روزانہ ایک مُٹھی انگور کھا لیں۔ اس عمل سے آپ پُورا دِن چُست اور توانا رہیں گے۔

■ دماغی صحت کی بہتری
کیلیفورنیا یونیورسٹی کی تحقیق کے مطابق انگور کھانے کی عادت دماغی تنزلی کا خطرہ کم کرنے میں مددگار ثابت ہوتی ہے۔
تحقیق میں بتایا گیا کہ انگور کھانے سے ان اثرات سے تحفظ میں مدد ملتی ہے جو کہ الزائمر امراض سے جڑے ہوتے ہیں۔

■ پٹھوں کی مضبوطی
جارجیا یونیورسٹی کے ایک مطالعے سے معلوم ہوا ہے کہ انگور کھانے سے پٹھے مضبوط ہوتے ہیں اور اِس کے علاوہ یہ انسانی جسم کوطاقتور بھی بناتا ہے۔

■ جوڑوں کیلیے بہترین
ٹیکساس ویمنز یونیورسٹی کی ایک تحقیق میں بتایا گیا کہ انگور کو کھانے کی عادت گھٹنوں کے جوڑ کی تکلیف سے ریلیف میں مدد دیتی ہے، اس میں موجود اینٹی آکسائیڈنٹس جوڑوں کی لچک اور حرکت کو بہتر کرتے ہیں۔

■ آنکھوں کی صحت
میامی یونیورسٹی کی ایک تحقیق میں یہ بات سامنے آئی تھی کہ انگور کھانے کی عادت آنکھوں کی صحت کو بہتر کرتی ہے۔ تحقیق میں بتایا گیا کہ انگور کھانے سے آنکھوں کے قرینے میں نقصان دہ مالیکیولز کے اخراج کا خطرہ کم ہوتا ہے، یہ پھل ڈی این اے کو نقصان سے بچا کر صحت مند خلیات کو تحفظ فراہم کرتا ہے، جس سے بینائی کو فائدہ ہوتا ہے۔

انگور کھانا انسانی بینائی پر مثبت اثرات مرتب کرتا ہے۔ روزانہ 2 سے 3 انگور کھانے سے بھی بینائی کو طویل المعیاد بنیادوں پر ٹھیک رکھنے میں مدد مل سکتی ہے۔

■ گُردوں کی صحت
انگور میں طاقتور اینٹی آکسیڈینٹ ہوتے ہیں جو انگور کو سُرخ سے جامنی رنگ دیتے ہیں، یہ دونوں اُن ریڈیکلز سے لڑنے میں اہم کردار ادا کرتے ہیں جو گُردوں کی بیماری اور انفیکشن کا سبب بنتے ہیں۔

اِس کے علاوہ یہ دونوں اینٹی آکسیڈینٹ یوریک ایسڈ جیسے بیکار مصنوعات کو بھی جسم سے نکالنے میں اہم کردار ادا کرتے ہیں۔

■ جلدی مسائل کی روک تھام
انگور میں موجود اجزا عمر بڑھنے سے سامنے آنے والی علامات اور دیگر جلدی مسائل کی روک تھام کرنے کے لیے بھی فائدہ مند ہیں۔
کیلیفورنیا یونیورسٹی کی ایک تحقیق میں بتایا گیا کہ انگور میں موجود ایک جز resveratrol کیل مہاسوں کا باعث بننے والے بیکٹریا کے خلاف جدوجہد کرتا ہے۔

■ ورم کش خصوصیات
انگور میں ایسے انزائمے موجود ہوتے ہیں جو کہ جسم میں ورم پر قابو پانے میں مدد دیتے ہیں، جس سے شریانوں، دل اور دیگر اعضاءکو فائدہ پہنچتا ہے۔

■ کینسر سے بچاؤ
انگور میں موجود طاقتور اینٹی آکسیڈینٹ سے کینسر سے بچا جا سکتا ہے، اِس میں اینٹی کینسر خصوصیات ہوتی ہیں جو چھاتی کے کینسر سمیت کئی دوسرے کینسرز سے بھی بچاتا ہے۔

■ دمہ سے بچاؤ
ایک تحقیق کے مطابق معلوم ہوا ہے کہ جو بچے میووں میں گیری دار میوے اور پھلوں میں انگور جیسے پھل کھا کر بڑے ہوتے ہیں، اُن میں دمہ کی بیماری کے امکانات کم ہوتے ہیں۔

🌹 آکر پوسٹ اچھی لگے تو دوسروں کی بھلائی کے لیے شیئر ضرور کریں۔

✍ سید سجاد حسین ھمدانی

https://t.me/islamwitheman/2736
🔵 ISLAM WITH EMAN 🔵

🌹 لاسیف الا ذوالفقار 🌹

"لَقَدْ أَرْسَلْنَا رُسُلَنَا بِالْبَيِّنَاتِ وَأَنزَلْنَا مَعَهُمُ الْكِتَابَ وَالْمِيزَانَ لِيَقُومَ النَّاسُ بِالْقِسْطِ وَأَنزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ وَلِيَعْلَمَ اللَّهُ مَن يَنصُرُهُ وَرُسُلَهُ بِالْغَيْبِ إِنَّ اللَّهَ قَوِيٌّ عَزِيزٌ-" (سوره الحدید:25)
ترجمہ:
یقیناً ہم نے اپنے رسولوں کو کھلی ہوئی دلیلوں کیساتھ بھیجا اور ان کیساتھ کتاب اور میزان نازل کی تاکہ لوگ عدل و انصاف پر قائم ہوں اور ہم نے لوہا نازل (پیدا) کیا۔ جس میں بڑی قوت ہے اور شدید ہیبت ہے اور لوگوں کیلئے فائدے بھی ہیں تاکہ اللہ دیکھے کہ کون دیکھے بغیر اسکی اور اسکے رسولوں کی مدد کرتا ہے؟ بیشک اللہ بڑا طاقتور اور زبردست ہے۔

"ذوالفقار" "فا" پر فتحہ اور کسره کے ساتھ رسول اللہ کی تلوار کا نام ہے۔[1] اس تلوار کی وجہ تسمیہ کے بارے میں کہا گیا ہے کہ اس کے پھل کے درمیان میں لمبائی کے رخ انسان کی ریڑھ کی ہڈی کے مانند نقش تھا۔[2]

سوره الحدید کے مطابق الله عزوجل نے اسے خاص طور پر نصرت اسلام کیلیے نازل فرمایا تھا۔

ذوالفقار کی داستان صدر اسلام کی ایک جنگ سے مشہور ہوئی ہے۔ جنگ احد صدر اسلام کی جنگوں میں سے ایک سخت جنگ تھی، اس خطرناک جنگ میں جس شخص نے دوسروں کی بہ نسبت زیاده جاں نثاری کا مظاہره کیا۔ اور پیغمبر اکرمؐ پر دشمنوں کیطرف سے ہونے والے ہر حملے کو روکا تھا۔ وه علی بن ابیطالب تھے۔
علیؑ نے اس جنگ میں بڑی بہادری اور شجاعت سے لڑائی کی یہانتک کہ آپؑ کی تلوار ٹوٹ گئی، پیغمبر اکرمؐ نے "ذوالفقار" نام کی اپنی تلوار امام علیؑ کو دیدی، سرانجام پیغمبر اکرمؐ نے ایک جگہ پر مورچہ سنبھالا٬ اور امام علیؑ انکا دفاع کر رہے تھے، یہانتک کہ بعض مؤرخین کے مطابق آپؑ کے بدن پر ساٹھ زخم لگ گئے، اور یہیں پر پیغمبر اکرمؐ پر وحی نازل ہوئی: "اے محمدؐ! مواسات کے معنی یہی ہیں۔" پیغمبر اکرمؐ نے فرمایا: علی مجھ سے ہیں اور میں علی سے ہوں" اور جبرئیل نے فرمایا: اور میں آپ دونوں میں سے ہوں۔[3]

تاریخ بتاتی ہے کہ ذوالفقار جنگ احد کے بعد جب جب نظر آئی حضرت علی علیہ السلام کے دست اقدس میں ہی نظر آئی، اس تلوار کو اپنی صفات سے بڑھ کر وہ ہاتھ نصیب ہوا کہ پھر اس نے بھی کسی اور کے ہاتھ میں جانا گوارا نہ کیا۔

جنگ صفین میں ایک معرکہ ہے جو رات کے وقت ہوا اور اسے معرکہ "لیلتہ الحریر" کہا جاتا ہے۔ اس معرکے میں تمام رات جنگ لڑی گئی، معاویہ کی فوج پہ اس حملے کی وجہ حضرت عمار یاسر کی شہادت ہے، اس معرکے میں حضرت علی علیہ السلام نے دونوں ہاتھوں میں تلواریں پکڑ کر تمام رات قتال کیا۔ ذوالفقار کے ساتھ جو تلوار استعمال کی وہ جنگ اور حملے کی شدت سے کئی بار ٹیڑھی ہوئی جسے حضرت نے اپنے زانو پر رکھ کر سیدھا کیا۔

بظاہر ذوالفقار ان مخصوص وسائل میں سے ہے٬ جو پیغمبر اکرمؐ کی طرف سے بالترتیب اماموں کو وراثت میں ملے ہیں٬ لہٰذا اس وقت یہ تلوار امام عصر عج کے پاس ہے، یہ مطلب بعض روایتوں سے معلوم ہوتا ہے۔

امام صادقؑ فرماتے ہیں:
"جب پیغمبر اکرمؐ کی روح قبض ہونے کا وقت آیا آپؐ نے پرچم اور اسلحہ حضرت علیؑ کو دے دیا"۔

ایک دوسری حدیث میں امام صادقؑ نے فرمایا: "میرے پاس رسول خداؐ کی انگوٹھی٬ زره٬ تلوار اور پرچم ہے۔"[4]

امام رضاؑ ذوالفقار کے بارے میں فرماتے ہیں: "اس وقت ذوالفقار میرے پاس ہے"۔[5]

ایک دوسری روایت میں امام صادقؑ سے نقل کیا گیا ہے کہ:
"ظہور کے وقت حضرت (عج) کی تلوار وہی پیغمبر اکرمؐ کی تلوار "ذوالفقار" ہوگی۔"[6]

اس بنا پر جیسا کہ روایات سے معلوم ہوتا ہے کہ ذوالفقار رسولخداؐ کے ان مخصوص وسائل میں سے ہے جو بالترتیب ائمہ معصومینؑ کو وراثت میں ملے ہیں۔ اور اس وقت یہ تلوار امام عصر (عج) کے پاس ہے۔

■ عظمت ذوالفقار
حدثنا محمد بن موسى بن المتوكل (رضي الله عنه)، قال: حدثنا محمد ابن يحيى العطار، قال: حدثني محمد بن عيسى بن عبيد، عن أحمد بن عبد الله، قال: سألت أبا الحسن علي بن موسى الرضا (عليه السلام) عن ذي الفقار سيف رسول الله (صلى الله عليه وآله)، من أين هو؟ فقال: هبط به جبرئيل من السماء، وكانت حليته من فضة، وهو عندي۔[7]
ترجمہ:
احمد بن عبداللہ کہتا ہے کہ میں نے امام رضاؑ سے رسول اللہ کی تلوار ذوالفقار کے بارے میں سوال کیا کہ وہ کہاں سے آئی تھی ؟
آپؑ نے فرمایا: جبرائیل اس کو آسمان سے لے کر آئے تھے اور چاندی کے غلاف میں تھی، اسوقت وہ میرے پاس ہے۔

📚 حوالہ جات
1] مجمع البحرین، ج3، ص443، انتشارات مرتضوی، تهران، 1357. ه ش
2] علل‌الشرایع، ج1، ص160، مکتبة الداوری، قم.
3] تفسیر نمونه، ج3، ص75، دارالکتب الاسلامیه، تهران، 1374ه ش.
4] بحارالأنوار، ج26، ص208، موسسة الوفاء، بیروت،1404ه
5] مستدرک الوسائل، ج3، ص309. موسسه آل البیت، قم، 1408ه.
6] شیخ طوسی، الغیبة. ج307، ح2.
7] الأمالي، الشيخ الصدوق۔

https://t.me/islamwitheman/2258
🔵 ISLAM WITH EMAN 🔵

🔷 ظالم کیلئے بددعا 🔷

طبرستان میں ایک ظالم بادشاہ تھا، شہر کی دوشیزہ لڑکیوں کی آبرویزی کرتا تھا۔ایک مرتبہ ایک بڑھیا حضرت شیخ ابوقصاب سعید رحمتہ اللّہ علیہ کی خدمت میں گریہ و زاری کرتی ہوئی آئی اور فریاد کی کہ:
''حضور! میری دستگیری فرمائیں۔ بادشاہ نے مجھے کہلوایا ہے کہ آج وہ میری بیٹی کی عزت لوٹنے والا ہے۔ یہ منحوس خبر سُن کر آپ کی خدمت میں بھاگی آئی ہوں کہ شائد آپ کی دعا سے اُس بلا کو ٹالا جا سکے۔''

شیخ ابوسعید قصاب رحمتہ اللّہ علیہ نے ضعیفہ کی بات سُن کر چند ثانیہ کے لیے سر جُھکائے رکھا۔ اس کے بعد سر بلند کر کے فرمایا:
''بوڑھی ماں! شہر کے اندر تو ایسا کوئی مستجاب الدعوات نہیں رہا، تُو فلاں قبرستان جا وہاں تجھے ایسا ایسا شخص ملے گا وہ تیری حاجت پوری کرے گا۔''

ضعیفہ قبرستان میں پہنچی تو وہاں ایک شکیل و رعنا خوش باش نوجوان سے اس کی ملاقات ہوئی جس کے لباس سے خوشبوؤں کے فوارے اُبل رہے تھے۔ ضیعفہ نے سلام کِیا اور جواب کے بعد نوجوان نے ضیعفہ کے احوال پوچھے، اس نے سارا ماجرا کہہ سُنایا۔

نوجوان نے ضعیفہ کی پوری بات غور سے سُننے کے بعد اس سے کہا:
''تُو پِھر شیخ ابوسعید کی خدمت میں جا اور ان سے دعا کے لیے کہہ، ان کی دعا قبول ہوگی۔''

ضیعفہ نے جُھنجھلا کر کہا:
''عجیب بات ہے وہ مجھے دوسروں کے پاس بھیجتا ہے اور دوسرا مجھے پِھر اسی کے پاس لوٹاتا ہے اور میری حاجت روائی کوئی نہیں کرتا، بھلا اب میں کہاں جاؤں؟''

نوجوان نے پِھر ضعیفہ سے کہا:
''تُو شیخ ابوسعید کی خدمت میں جا، ان کی دعا سے تیرا مقصد پورا ہوگا۔''

ضیعفہ پِھر شیخ ابوسعید کے پاس آئی اور سارا واقعہ عرض کِیا۔ شیخ ابوسعید نے سر جُھکایا اور ان کا جسم پسینہ سے شرابور ہو گیا۔ پِھر ایک چیخ ماری اور منہ کے بل گِر پڑے۔ اسی لمحہ شہر میں شور و ہنگامہ کی آواز بلند ہوئی، لوگ کہہ رہے تھے:
''بادشاہ فلاں ضعیفہ کی بیٹی کی آبرویزی کی نِیّت سے جارہا تھا، راستے میں اس کے گھوڑے نے ٹھوکر کھائی اور وہ گھوڑے سے گِرا تو اس کی گردن ٹوٹ گئی اور فوراً مر گیا۔ اِس طرح شیخ کی دعا سے اہلِ شہر سے یہ بلا ٹل گئی۔''

بعد میں لوگوں نے شیخ سے دریافت کِیا کہ آپ نے ضعیفہ کو قبرستان کیوں بھیحا اور پہلے ہی آپ نے دعا کیوں نہ فرما دی؟

شیخ نے کہا:
''میں اس چیز کو ناپسند کرتا ہوں کہ میری دعا سے وہ ہلاک ہو۔ اِس لیے میں نے بڑھیا کو خِضر علیہ السّلام کے پاس بھیجا۔ انہوں نے اسے پِھر میرے پاس بھیجا کہ ایسے پلید اِنسان کے لیے بددعا کرنا جائز ہے۔''

🌹 پوسٹ اگر اچھی لگے تو دوسروں کی بھلائی کے لیے شیئر ضرور کریں۔

📚 روض الریاحین فی حِکایت الصالحین۔ اُردُو ترجمہ بزمِ اولیاء، ص344، 345۔ عبداللّہ بِن اسعد یافعی۔

https://t.me/islamwitheman/2161
🔵 ISLAM WITH EMAN 🔵

🔷 اینٹ اچھالنے کی نوبت 🔷

ایک نوجوان بزنس مینیجر اپنی برانڈ نیو بی ایم ڈبلیو میں دفتر سے ڈی ایچ اے میں واقع گھر جاتے ہوئے ایک پسماندہ علاقے سے گزرا جو مضافات میں ہی واقع تھا. اچانک اس نے ایک چھوٹے بچے کو بھاگ کر سڑک کی طرف آتے دیکھا تو گاڑی آہستہ کردی. پھر اس نے بچے کو کوئی چیز اچھالتے دیکھا. ٹھک کی آواز کے ساتھ ایک اینٹ اس کی نئی کار کے دروازے پر لگی تھی. اس نے فوراً بریک لگائی اور گاڑی سے باہر نکل کر دروازہ دیکھا جس پر کافی بڑا چب پڑ چکا تھا.

اس نے غصے سے ابلتے ہوئے بھاگ کر اینٹ مارنے والے بچے کو پکڑا اور زور سے جھنجھوڑا. "اندھے ہوگئے ہو، پاگل کی اولاد؟ تمہارا باپ اس کے پیسے بھرے گا؟" وہ زور سے دھاڑا۔

میلی کچیلی شرٹ پہنے بچے کے چہرے پر ندامت اور بے چارگی کے ملے جلے تاثرات تھے.

"سائیں، مجھے کچھ نہیں پتہ میں اور کیا کروں؟ میں ہاتھ اٹھا کر بھاگتا رہا مگر کسی نے گل نئیں سنی." اس نے ٹوٹی پھوٹی اردو میں کچھ کہا. اچانک اس کی آنکھوں سے آنسو ابل پڑے اور اس سڑک کے ایک نشیبی علاقے کی طرف اشارہ کرکے کہا "ادھر میرا ابا گرا پڑا ہے. بہت بھاری ہے. مجھ سے آٹھ نہیں رہا تھا، میں کیا کرتا سائیں؟"

بزنس ایگزیکٹو کے چہرے پر حیرانی سی در آئی اور وہ بچے کے ساتھ ساتھ نشیبی علاقے کی طرف بڑھا جہاں اس نے ایک عجیب و غریب منظر دیکھا. ایک معذور شخص اوندھے منہ مٹی پر پڑا ہوا تھا اور ساتھ ہی ایک ویل چیئر گری پڑی تھی. دکھائی دے رہا تھا کہ شاید وزن کے باعث بچے سے ویل چیئر سنبھالی نہیں جا سکی تھی. ساتھ ہی پکے ہوئے چاول گرے ہوئے تھے جو شاید باپ بیٹا کہیں سے مانگ کے لائے تھے.

"سائیں، مہربانی کرو. میرے ابے کو اٹھوا کر کرسی پر بٹھا دو." اب میلی شرٹ والا بچہ باقاعدہ ہچکیاں لے رہا تھا.

نوجوان ایگزیکٹو کے گلے میں جیسے ہھندہ سا لگ گیا. اسے سارا معاملہ سمجھ میں آگیا تھا. اسے اپنے غصے پر اب ندامت محسوس ہورہی تھی. اس نے اپنے سوٹ کی پرواہ کیے بغیر آگے بڑھ کر پوری طاقت لگا کر کراہتے ہوئے معذور شخص کو اٹھایا اور کسی طرح ویل چیئر پر بٹھا دیا. بچے کے باپ کی حالت غیر تھی اور چہرہ خراشوں سے بھرا پڑا تھا.

پھر وہ بھاگ کر اپنی گاڑی کی طرف گیا اور بٹوے میں سے دس ہزار نکالے اور کپکپاتے ہاتھوں سے معذور کی جیب میں ڈال دیے. پھر اس نے ٹشو پیپر سے اس کی خراشوں کو صاف کیا اور ویل چیئر کو دھکیل کر اوپر لے آیا. بچہ ممنونیت کے آنسوؤں سے اسے دیکھتا رہا اور پھر اپنے باپ کو چیئر پر بٹھا کر اپنی جھگی کی طرف چل پڑا. اس کا باپ مسلسل آسمان کی طرف ہاتھ اٹھاتے ہوئے نوجوان کو دعائیں دے رہا تھا.

نوجوان ایگزیکٹو نے بعد میں ایک خیراتی ادارے کے تعاون سے جھگی میں ربنے والوں کے لیے ایک جھگی سکول کھول دیا اور آنے والے سالوں میں وہ بچہ بہت سے دوسرے بچوں کے ساتھ پڑھ لکھ کر زندگی کی دوڑ میں شامل ہوگیا.

وہ بی ایم ڈبلیو کار اس کے پاس پانچ سال مزید رہی، تاہم اس نے ڈینٹ والا دروازہ مرمت نہیں کرایا. کبھی کوئی اس سے پوچھتا تو وہ بس یہی کہتا "زندگی کی دوڑ میں اتنا تیز نہیں چلنا چاہیے کہ کسی کو اینٹ مار کر گاڑی روکنی پڑے". سننے والا اس کی بات سن کر اور اس کی آنکھوں میں نمی دیکھ کر قدرے حیران ہوتا اور پھر سمجھتے، نہ سمجھتے ہوئے سر ہلا دیتا.

🔘 اوپر والا کبھی ہمارے کانوں میں سرگوشیاں کرتا ہے اور کبھی ہمارے دل سے باتیں کرتا ہے. جب ہم اس کی بات سننے سے انکار کر دیتے ہیں تو وہ کبھی کبھار ہمارے اوپر ایک اینٹ اچھال دیتا ہے. پھر وہ بات ہمیں سننا پڑتی ہے. جہاں ہم اپنے خاندان، بیوی بچوں کی خوشیوں کے لیے بھاگے جارہے ہیں، وہیں ہمارے آس پاس بہت سی گونگی چیخیں اور سرگوشیاں بھی بکھری پڑی ہیں. کیا ہی اچھا ہو کہ ہم اپنے ارد گرد کی سرگوشیاں سن لیں تاکہ ہم پر اینٹ اچھالنے کی نوبت نہ آسکے۔

🌹 پوسٹ اگر اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman/2552
🔵 ISLAM WITH EMAN 🔵

اربعین 2020ء اور میرے تاثرات 🌹

👈🏻 میں نے آج اربعین کے موقع پر رسول اللہ صلی اللہ علیہ و آلہ وسلم کی ایک حدیث کو اپنی دونوں ظاہری آنکھوں سے مجسم دیکھا ہے.

"ان لقتل الحسین حرارۃ فی قلوب المومنین لن تبرد آبدا"
یقیناً حسین علیہ السلام کے قتل کی وجہ سے مومنین کے دلوں میں ایسی حرارت پیدا ہوگی جو قیامت تک ٹھنڈی نہیں ہوگی.

👈🏻 امریکی, برطانوی اور عربی پیسہ لگا کر مسلمان ممالک کا امن خراب کرنے والے ناکام ہوگئے. نامِ حُسین علیہ السلام نے دنیا کے امن پسند لوگوں کو میدان میں حاضر کردیا.

👈🏻 تحریکِ اربعین مہدویت کے لیے راہ ہموار کرنے کی مشق ہے. یہ مشق اب فقط کربلا تک محدود نہیں رہی بلکہ ایک عالمی تحریک بن چکی ہے.

👈🏻داعش نے عالمی طور پہ شیعہ کو متحد کردیا تھا. اسی طرح تکفیری نعروں نے شیعہ کے داخلی مسائل کو ختم کردیا. پوری ملت لبیک یاحُسین ع اور ہے ہماری درسگاہ, کربلا کربلا کے شعار کے لیے یک زبان ہوگئی. کرونا کی برکات بھی ہیں کہ لوگ کربلا نہ جاسکے مگر اپنے علاقوں کو کربلا بنا دیا.

👈🏻 حفاظتی ادارے بہت متحرک تھے. البتہ خود شیعہ کی جانب سے انتظامات نہ ہونے کے برابر تھے. امید کرتے ہیں کہ اگلے سال کے لیے ابھی سے لائحہ عمل بنا لیا جائے گا. قوم کا پیسہ مختلف فلاحی و رفاہی پراجیکٹس پہ لگے گا اور قوم اپنی آنکھوں سے دیکھے گی بھی سہی.... مختلف مقدس مراکز اپنا جمع شدہ مال ملک و ملت کی بہتری کے لیے خرچ کریں گے.

👈🏻 مومنین کو علم نہیں تھا. اس کے باوجود جگہ جگہ سبیلیں اور نذر و نیاز کا اہتمام تھا. اگر اس ماحول کا علم ہوتا تو انشاءاللہ اگلے سال اس سے زیادہ اہتمام ہوگا.

👈🏻 سب سے اہم بات یہ ہے کہ ملتِ تشیعُ علمائے تشیعُ کی ہم آواز ہے. علماء نے مشی کرنے اور مرکزی جلوسوں میں ملحق ہونے کا اعلان کررکھا تھا. عامۃ الناس نے لبیک کہا ہے. علماء کا پیغام رسمی اور عمومی تھا... خصوصی پیغام نہیں دیا گیا. اس کے باوجود یہ ایک بڑا حضورِ در صحن تھا. قوموں کی نبض اسی حضورِ در صحن سے دیکھی جاسکتی ہے. الحمدللہ, ملتِ تشیعُ زندہ ہے. ہر بحران کا مقابلہ کرسکتی ہے. ملک و ملت کا تحفظ کرسکتی ہے. ہر فتنہ و سازش کو ناکام بنا سکتی ہے. دعا ہے کہ یہ حرکت امامِ زمانہ عج کے ظہور کی ایک کڑی ثابت ہوگا. انشاءاللہ

👈🏻اور باخدا آج میں نے ہر مرد و عورت کی آنکھ میں حیا دیکھی ہے. ایسی پاکیزہ فضا پہلے نہیں دیکھی تھی. میں قصرِ عالیہ سالوں بعد آیا ہوں. ایسی روحانی فضا پہلے محسوس نہیں ہوتی تھی. گرچہ انتظام ناقص تھا مگر اس اختلاط میں مشکل نہیں. مرد و عورت کا اختلاط وہاں ممنوع ہے جہاں برائی میں پڑنے کا خدشہ ہو. لیکن آج تو ماحول ہی اور تھا. وجودِ مبارکِ امامِ زمانہ عج کو محسوس کیا ہے. جس کی برکت سے ہر دل مطہر تھا.

~ سید اسفر ہاشمی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
http://t.me/islamwitheman/1740
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس۔۔۔

⚫ أربعين حسینی اور اعمال
http://t.me/islamwitheman/1741

🌸 زیارت اربعین
http://t.me/islamwitheman/1742

🔵 زیارت امام حسینؑ کی اہمیت
http://t.me/islamwitheman/1745

🔵 زیارت امام حسینؑ کے آداب
http://t.me/islamwitheman/1746

💖 سلیمان اعمش کا واقعہ
http://t.me/islamwitheman/1747

⚫ چہلم اوّل امام حسینؑ
http://t.me/islamwitheman/1749

⚫ چہلم امام حسین علیہ السلام
http://t.me/islamwitheman/1750

🌹 زیارت امام حسینؑ کا ثواب
http://t.me/islamwitheman/1751

🔷 اربعین 2020ء اور میرے تاثرات
https://t.me/islamwitheman/2743
🔵 ISLAM WITH EMAN 🔵

🍅 جاپانی پھل (Persimmon) 🍅

نارنجی یا ٹماٹر جیسا یہ پھل اپنی مٹھاس اور شہد جیسے ذائقے کی وجہ سے جانا جاتا ہے۔ جاپان میں اسکو پرسی من (Persimmon) کے نام سے پکارا جاتا ہے۔ اردو میں اس پھل کو املوک اور عرف عام میں جاپانی پھل کہتے ہیں لیکن تحقیق کے مطابق اس کی ابتدائی کاشت چین میں ہوئی تھی اور یہ پھل ہزاروں برس سے انسانوں کے استعمال میں ہے اگرچہ اس کی سیکڑوں قسمیں ہیں لیکن ہاچیا اور فویو سب سے زیادہ مقبول ہیں۔ اسے جاپانی پھل اسلئے کہا جاتا ہے کہ جاپان میں اگائی جانے والی اس کی ایک قسم Diospyros kaki کی بہت زیادہ مقبولیت ہے جو لگ بھگ دنیا بھر میں اگائی جاتی ہے۔

■ اجزاء
168 گرام وزنی املوک میں 118 کیلوریز، 31 گرام کاربس، ایک گرام پروٹین، 0.3 گرام چکنائی، چھ گرام فائبر، وٹامن اے یومیہ مقدار کا 55 فیصد، وٹامن سی 22 فیصد، وٹامن ای چھ فیصد، وٹامن کے پانچ فیصد، وٹامن بی سکس آٹھ فیصد، پوٹاشیم آٹھ فیصد، کاپر نو فیصد اور مینگانیز یومیہ مقدار کا تیس فیصد ہوتا ہے۔
اس کے علاوہ وٹامن بی ون، بی ٹو، فولیٹ، میگنیشیم اور فاسفورس کی بھی مقدار کثرت سے پائی جاتی ہے۔
وٹامنز اور منرلز کے علاوہ اس میں مختلف اقسام کے نباتاتی مرکبات مثلاً ٹینین فلیوو نوئڈ اور کیرو ٹو نوئڈز بھی پائے جاتے ہیں جو صحت کو مختلف انداز سے فائدہ پہنچاتے ہیں۔

🔷 اینٹی آکسیڈینٹ
اینٹی آکسیڈینٹ اجزاء فری ریڈیکلز سے پیدا ہونیوالے آکسیڈیٹو سٹریس کا مقابلہ کرکے خلیات کو تباہ ہونے سے بچاتے ہیں یا اس تباہی کی رفتار کو دھیما کردیتے ہیں۔ یہ آکسیڈیٹو سٹریس بہت سی دیرینہ بیماریوں کا پیش خیمہ سمجھا جاتا ہے جس میں امراض قلب ذیابیطس کینسر اور الزائمر جیسے اعصابی امراض شامل ہیں۔

🔷 فلیوونوئڈز
اس میں چونکہ فلیوونوئڈز جیسے طاقتور اینٹی آکسیڈینٹ اجزا وافر ہوتے ہیں اسلیے اسکو کھانے سے دل کی بیماریوں، عمر سے متعلق ذہنی زوال اور پھیپھڑے کے سرطان کا خطرہ گھٹ جاتا ہے۔
متعدد تحقیقات سے یہ معلوم ہو چکا ہے کہ فلیوو نوئڈز سے بھرپور غذا کھانے سے دل کے امراض کاخطرہ گھٹ جاتا ہے۔ ایسی غذاوں سے بلڈ پریشر بھی کم رہتا ہے اور خراب ایل ڈی ایل کولیسٹرول کی سطح گھٹ جاتی ہے۔ جبکہ سوزش میں بھی کمی آتی ہے۔ مزید برآں اگر جاپانی پھل کچا کھایا جائے جوکہ کسیلا ہوتا ہے تو اس میں ٹینین کی زیادتی سے بڑھا ہوا بلڈ پریشر گھٹ سکتا ہے۔

🔷 وٹامن سی
دل کی بیماری جوڑوں میں درد آرتھرائٹس کا عارضہ ذیابیطس کینسر اور موٹاپا یہ سب دیرینہ سوزش کی وجہ سے ہوتے ہیں۔ جاپانی پھل ایک اہم اینٹی آکسیڈنٹ وٹامن سی کا ایک اہم ذریعہ ہے اور صرف ایک جاپانی پھل سے وٹامن سی یومیہ مقدار کا بیس فیصد حاصل کیا جا سکتا ہے۔ وٹامن سی فری ریڈیکلز سے پہنچنے والے نقصانات سے خلیات سے محفوظ رکھتا ہے اور اس طرح جسم میں سوزش کا مقابلہ کرتا ہے۔

🔷 حل پذیر ریشے
جسم میں اگر کولیسٹرول خصوصا خراب ایل ڈی ایل کولیسٹرول زیادہ ہو جائے تو اس سے دل کی بیماری فالج اور دل کے دورے کا خطرہ بڑھ جاتا ہے۔ جن غذاوں میں ریشے زیادہ ہوتے ہیں مثلاً پھل اور سبزیاں وہ کولیسٹرول لیول کم کر دیتی ہیں۔ جاپانی پھل میں چونکہ حل پذیر ریشے بہت زیادہ ہوتے ہیں اس لیے نہ صرف خراب کولیسٹرول جسم سے خارج ہو جاتا ہے بلکہ آنتیں بھی متحرک ہوتی ہیں جس سے قبض نہیں رہتا اور خون میں شکر کی مقدار کم ہو جاتی ہے کیونکہ جاپانی پھل میں موجود حل پذیر ریشے کاربوہائیڈریٹس کو ہضم کرنے اور شکر کو جسم میں جذب کرنے کی رفتار گھٹا دیتے ہیں۔

غذائی ریشوں کا ایک اور فائدہ یہ ہوتا ہے کہ اس سے بڑی آنت میں موجود صحت کے لیے مفید جرثوموں کی صحت اچھی رہتی ہے جس سے آپ کے نظام انہضام اور مجموعی صحت پر اچھا اثر پڑتا ہے۔

🔷 وٹامن اے اور اینٹی آکسیڈینٹس
جاپانی پھل کھانے سے ہمیں وٹامن اے اور اینٹی آکسیڈینٹس کی وافر مقدار بھی ملتی ہے جو آنکھوں کی صحت کے لیے بہت ضروری ہے۔

اس پھل میں لیوٹین اور زیگزانتھین جیسے کیروٹونوئڈ آکسیڈنٹس ہوتے ہیں جو عرصہ دراز تک بصیرت کو بہتر رکھتے ہیں۔ ان غذائی اجزاء سے آنکھوں کے مختلف امراض سے حفاظت ہوتی ہے۔ جن میں عمر سے متعلق ماکیولر ڈی جنریشن بھی شامل ہے جو آنکھوں کے پردہ کو متاثر کرتی ہے اور بینائی کمزور ہو جاتی ہے۔

■ طبعی فوائد
٭اس پھل کو کمر درد میں کھانا فائدہ مند ہوتا ہے۔
٭گلے کی سوزش اور خراش میں بھی فائدہ مند ہے۔
٭سخت جسمانی مشقت سے پٹھوں کی اکڑن اور درد میں مفید ہے۔
٭بڑی آنت میں خرابیوں کو دور کرنے میں مدد کرتا ہے۔
٭یہ ہمارے نظام انہظام کو درست رکھتا ہے۔
٭دل کی بیماریوں میں کھانا فائدہ مند ہے۔
٭شوگر کو کنٹرول کرتا ہے۔
٭قوت معدافعت میں اضافہ کا سبب بنتا ہے۔
٭وزن کی کمی کا سبب ہے۔
٭یہ پھل آنت کے زخم ٹھیک کرتا ہے۔
٭بڑی آنت کے ورم کو کم کرتا ہے۔
٭قبض کو دور کرتا ہے۔
٭اپینڈکس کے مرض میں بھی کھانا مفید ہے۔
٭معدے کی خرابیوں کو دور کرتا ہے۔

https://t.me/islamwitheman/2737
🔵 ISLAM WITH EMAN 🔵

🌹 عالم ذرّ کا عہد و پیمان 🌹

جیساکہ ہم سورہ اعراف آیت نمبر 172 میں پڑھتے ہیں:
"وَإِذْ اٴَخَذَ رَبُّکَ مِنْ بَنِی آدَمَ مِنْ ظُہُورِہِمْ ذُرِّیَّتَہُمْ وَاٴَشْہَدَہُمْ عَلَی اٴَنفُسِہِمْ اٴَلَسْتُ بِرَبِّکُمْ قَالُوا بَلَی شَہِدْنَا اٴَنْ تَقُولُوا یَوْمَ الْقِیَامَةِ إِنَّا کُنَّا عَنْ ہَذَا غَافِلِینَ۔"
ترجمہ:
اور جب تمہارے پروردگار نے اولاد آدم کی پشتوں سے ان کی ذریت کو لے کر انھیں خود ان کے اوپر گواہ بنا کر سوال کیا کہ کیا میں تمہارا خدا نہیں ہوں؟ تو سب نے کہا بے شک ہم اس کے گواہ ہیں یہ عہد اس لئے لیا کہ روز قیامت یہ نہ کہہ سکیں کہ ہم اس عہد سے غافل تھے۔

اس آیت میں بنی آدم کے عہد و پیمان کو مجمل طور سے بیان کیا گیا ہے، لیکن یہ عہد و پیمان کیا تھا؟ (یہ سوال ذہن میں آتا ہے۔)

اس عالم اور اس عہد و پیمان سے مراد وہی "عالم استعداد" ، "پیمان فطرت" اور تکوین و آفرینش ہے، وہ بھی اس طرح سے کہ جب انسان ”نطفہ“ کی صورت میں صلب پدر سے رحم مادر میں منتقل ہوتا ہے جس وقت انسان کی حقیقت ذرات سے زیادہ نہیں ہوتی، اس وقت خداوندعالم حقیقت توحید کو قبول کرنے کی استعداد اور آمادگی عنایت فرماتا ہے، لہٰذا انسان کی فطرت اور اس کی ذات میں یہ الٰہی راز ایک حس باطنی کی صورت میں ودیعت ہوتا ہے، نیز انسان کی عقل میں ایک حقیقت کی شکل میں قرار دیا جاتا ہے!۔
اس بنا پر تمام انسانوں کے یہاں روحِ توحید پائی جاتی ہے، اور خداوند عالم نے انسان سے زبان تکوین و آفرینش میں سوال کیا ہے اور اس کا جواب بھی اسی زبان میں ہے۔

اس طرح کی تعبیریں ہمارے روز مرّہ کی گفتگو میں ہوتی ہیں جیسا کہ ہم کہتے ہیں کہ انسان کے چہرے کے رنگ سے اس کے اندرونی حالات کا پتہ لگ جاتا ہے، یا انسان کی سر خ آنکھوں کو دیکھ کر اندازہ لگایا جاسکتا ہے کہ یہ شخص رات میں نہیں سویا ہے۔

ایک عرب ادیب اور خطیب سے نقل ہوا ہے:
”سَلْ الاٴرضَ مَن شَقَ اٴنھارکِ وغرسَ اٴشجارکِ واٴینعَ ثِمَارِکِ فإنْ لَمْ تُجبکَ حواراً إجابتکَ إعتباراً“
ترجمہ:
اس زمین سے سوال کرو کہ تیرے اندر یہ نہریں کس نے جاری کی ہیں اور کس نے یہ درخت اگائے ہیں اور کس نے پھلوں میں رس گھولا ہے؟ تو اگر وہ سادہ زبان میں جواب نہ دے تو پھر زبان حال سے گویا ہوگی۔

اسی طرح قرآن مجید میں بھی بعض مقامات پر زبان حال سے گفتگو کا بیان ہوا ہے:
"فَقَالَ لَہَا وَلِلْاٴَرْضِ اِئْتِیَا طَوْعًا اٴَوْ کَرْہًا قَالَتَا اٴَتَیْنَا طَائِعِینَ"(1)
ترجمہ:
اور اسے اور زمین کو حکم دیا کہ بخوشی یا بکراہت ہماری طرف آؤ تو دونوں نے عرض کی کہ ہم اطاعت گزار بن کر حاضر ہیں۔(2)

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

📚 حوالہ جات
(1) سورہ فصلت، آیت 11۔
(2) تفسیر نمونہ، جلد7، صفحہ6۔

https://t.me/islamwitheman
🔵 ISLAM WITH EMAN 🔵

🕌 نماز شب (تہجد) 🕌

نماز تہجد یعنی نماز شب کی رکعتوں کی تعداد 11 ہے اور اس ترتیب سے ادا کی جاتی ہے۔۔۔

⭐️ آٹھ رکعتیں، دو رکعتی نمازوں کی صورت میں، نافلۂ شب (تہجد) کی نیت سے یعنی میں نافلۂ شب پڑھتا ہوں قربة الی اللہ۔

⭐️ پھر
دو رکعت نماز شفع کی نیت سے؛ پہلی رکعت میں سورہ حمد اور سورہ الناس، اور دوسری رکعت میں سورہ حمد اور سورہ فلق، پڑھی جائے۔ اس میں دعائے قنوت نہیں پے۔

⭐️ پھر
ایک رکعت نماز وتر کی نیت سے پڑھی جائے۔
بہتر ہے کہ سورہ حمد کے بعد تین مرتبہ سورہ توحید اور ایک ایک مرتبہ سورہ فلق اور سورہ الناس، پڑھی جائیں۔

نماز وتر میں قنوت کو طویل کرنے پر زیادہ تاکید ہوئی ہے۔

مستحب ہے کہ وتر کی قنوت میں چالیس مؤمنین کے لئے دعا یا طلب مغفرت کی جائے۔
"اللھم اغفر لفلان و لفلان"
فلاں فلاں کی جگہ مؤمن کا نام لیا جائے۔

ستر مرتبہ ذکر "اَسْتَغْفِرُاللّهَ رَبّی وَاَتُوبُ اِلَیهِ"،

سات مرتبہ "هذا مَقامُ الْعائِذِ بِكَ مِنَ النّارِ"
ترجمہ
یہ اس شخص کا مقام [کھڑے ہونے کی جگہ] ہے جو تیری آگ سے تیری بارگاہ میں پناہ لایا ہے۔

300 مرتبہ "اَلعَفو"
(ان سے کم تعداد میں پڑھنا بھی جائز ہے)،

اور پھر یہ دعا پڑھے: "رَبِّ اغْفِرْلی وَارْحَمْنی وَتُبْ عَلی اِنَّكَ اَنْتَ التَّوّابُ الْغَفُورُ الرَّحیمُ۔"
ترجمہ:
اے میرے پروردگار! مجھے بخش دے، اور مجھ پر رحم فرما اور میری توبہ قبول کر، یقینا تو بہت بخشنے والا اور بڑا مہربان ہے۔

پھر
رکوع و سجود، تشہد و سلام پڑھ کر نماز مکمل کرے۔

🌹 اگر پوسٹ اچھی لگے تو دوسروں کی بھلائی کے لیے شیئر ضرور کریں۔

https://t.me/islamwitheman/2747
🔵 ISLAM WITH EMAN 🔵

🕌 ﻧﻤﺎﺯِ ﻣﻐﻔﺮﺕِ ﻭﺍﻟﺪﯾﻦ 🕌

☀️ ﻧﻤﺎﺯِ ﻣﻐﻔﺮﺕ برائے مرحومین
امام جعفر صادق علیہ السلام سے روایت ھے که اولاد مرحوم والدین کیلئے اور والدین مرحوم اولاد کیلئے روزانہ دو رکعت نماز پڑھیں، جسکی پہلی رکعت میں ایک مرتبہ سوره انا انزلنه اور دوسری رکعت میں ایک مرتبہ سوره کوثر پڑھیں۔

اس نماز کی وجه سے اللہ تعالٰی مرحوم کی قبر میں وسعت پیدا کرتا ھے اور کہا جاتا ھے که یه فلاں مومن کی طرف سے دو رکعت نماز کی وجه سے تیری قبر میں خوشحالی آئی ھے۔

کوئی بھی مرحوم کیلئے اعمال صالح نماز، روزہ، صدقہ، تلاوت قران بجا لاتا ھے تو اللہ تعالٰی جبرائیل علیہ السلام کو ستر ھزار ملائکه کے ساتھ مرحوم کی قبر پر نازل کرتا ھے اور فرشتہ آواز دیتا ھے:
اے الله کے ولی تم پر سلام ھو، ھم یه ھدیه فلاں مومن کیطرف سے تمھارے لیے لائے ھیں اور تمھاری قبر روشن کر رھے ھیں، اللہ تعالٰی نے تمھارے لیے جنت میں ھزار شھر، ھزار حوریں عطا فرمائی ہیں۔(1)

☀️ ﻧﻤﺎﺯِ ﻣﻐﻔﺮﺕِ والدین
ﯾﮧ 2 ﺭﮐﻌﺖ ﻧﻤﺎﺯ ﮨﮯ۔ ﭘﮩﻠﯽ ﺭﮐﻌﺖ ﻣﯿﮟ ﺳﻮﺭۃ ﺍﻟﺤﻤﺪ ﮐﮯ ﺑﻌﺪ ﺩﺱ ﻣﺮﺗﺒﮧ ﯾﮧ ﺁﯾﺖ ﭘﮍﮬﯿﮟ:
"ﺭَﺏِّ ﺍﻏْﻔِﺮْﻟِﻲ ﻭَﻟِﻮَﺍﻟِﺪَﻱَّ ﻭَﻟِﻠْﻤُﺆْﻣِﻨِﻴﻦَ ﻳَﻮْﻡَ ﻳَﻘُﻮﻡُ ﺍﻟْﺤِﺴَﺎﺏُ"

ﺩﻭﺳﺮﯼ ﺭﮐﻌﺖ ﻣﯿﮟ ﺳﻮﺭۃ ﺍﻟﺤﻤﺪ ﮐﮯ ﺑﻌﺪ ﺩﺱ ﻣﺮﺗﺒﮧ ﯾﮧ ﺩﻋﺎ ﭘﮍﮬﯿﮟ:
"ﺭَﺏِّ ﺍﻏْﻔِﺮْﻟِﻲ ﻭَﻟِﻮَﺍﻟِﺪَﻱَّ ﻭَﻟِﻤَﻦ ﺩَﺧَﻞَ ﺑَﻴْﺘِﻲَ ﻣُﺆْﻣِﻨًﺎ ﻭَﻟِﻠْﻤُﺆْﻣِﻨِﻴﻦَ ﻭَﺍﻟْﻤُﺆْﻣِﻨَﺎﺕِ"

ﻧﻤﺎﺯ ﺧﺘﻢ ﮐﺮﻧﮯ ﮐﮯ ﺑﻌﺪ ﺩﺱ ﻣﺮﺗﺒﮧ ﯾﮧ ﺩﻋﺎ ﭘﮍﮬﯿﮟ:
"ﺭَﺏِّ ﺍﺭْﺣَﻤْﻬُﻤَﺎ ﻛَﻤَﺎ ﺭَﺑَّﻴَﺎﻧِﻲ ﺻَﻐِﻴﺮًﺍ"(2)

☀️ دیگر ﻧﻤﺎﺯِ ﻣﻐﻔﺮﺕِ والدین
دو رکعت نماز جسکی ھر رکعت میں سورہ الحمد کے بعد بیس (20) مرتبہ یه آیت پڑھیں:
"ﺭَﺏِّ ﺍﺭْﺣَﻤْﻬُﻤَﺎ ﻛَﻤَﺎ ﺭَﺑَّﻴَﺎﻧِﻲ ﺻَﻐِﻴﺮًﺍ"

نماز کے سجدے سے فارغ ھونے کے بعد دس (10) مرتبہ اس آیت کو سجدے میں پڑھیں:
"ﺭَﺏِّ ﺍﺭْﺣَﻤْﻬُﻤَﺎ ﻛَﻤَﺎ ﺭَﺑَّﻴَﺎﻧِﻲ ﺻَﻐِﻴﺮًﺍ"(3)

☀️ ﭘﯿﻐﻤﺒﺮ ﺍﮐﺮﻡ ﺣﻀﺮﺕ ﻣﺤﻤﺪ مصطفٰی ﺻﻠﯽ ﺍﻟﻠﮧ ﻋﻠﯿﮧ ﻭ ﺍٓﻟﮧِ ﻭﺳﻠﻢ ﻧﮯ ﻓﺮﻣﺎﯾﺎ:
''ﮨﺮ ﻭﮦ ﺑﻨﺪﮦ ﺟﺲ ﻧﮯ ﺍﭘﻨﮯ ﻭﺍﻟﺪﯾﻦ ﺍﻭﺭ ﺍﭘﻨﮯ ﺭﺏ ﮐﯽ ﺍﻃﺎﻋﺖ ﮐﯽ ﻭﮦ ﺁﺧﺮﺕ ﻣﯿﮟ ﺳﺐ ﺳﮯ ﻋﺎﻟﯽ ﺗﺮﯾﻦ ﻣﻘﺎﻡ ﭘﺮ ﻓﺎﺋﺰ ﮨﻮﺟﺎﺋﮯ ﮔﺎ۔''

🔘 ﻣﺎﮞ، ﺑﺎﭖ ﮐﯽ ﺍﺗﻨﯽ ﻋﻈﻤﺖ ﮐﯽ ﻭﺟﮧ ﺳﮯ ﺍﻥ ﮐﮯ ﻧﺎﻡ ﺩﻭ ﺭﮐﻌﺖ ﻧﻤﺎﺯ ﮐﻮ ﺍﻥ ﮐﯽ ﻃﻠﺐِ ﻣﻐﻔﺮﺕ ﮐﯽ ﺧﺎﻃﺮ ﻣﺴﺘﺤﺐ ﻗﺮﺍﺭ ﺩﯾﺎ ﮔﯿﺎ ﮨﮯ۔

🌹 دوسروں کی بھلائی کے لیے پوسٹ شیئر ضرور کریں۔ شکریہ

📚 حوالہ جات
(1) ﻣﺤﺎﺿﺮﺍﺕ ﺯﺍﺩ ﺍﻟﺒﺮﺯﺥ ﻭﺍﻟﻘﻴﺎﻣﺔ۔
(2) مفاتیح الجنان، ص1278۔
(3) مکارم الاخلاق، ص335۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

👈 مزید پوسٹس ۔۔۔

🕌 کامل نماز کا طریقہ
http://t.me/islamwitheman/293

🕌 ماہ رمضان کی نافلہ نمازیں
https://t.me/islamwitheman/930

🕌 عید کی نماز
http://t.me/islamwitheman/1071

🕌 نماز حاجت و استغاثہ امام زمانہ عج
http://t.me/islamwitheman/1207

🕌 نماز اول اتوار ماہ ذوالقعدہ
http://t.me/islamwitheman/1228

🕌 نماز آیات
http://t.me/islamwitheman/1270

🕌 نماز و عمل برائے ادائیگی قرض
http://t.me/islamwitheman/1695

🕌 نماز یکم تاریخ ہر ماہ
https://t.me/islamwitheman/1986

🌹 فضیلت جمعہ و نماز حاجت
https://t.me/islamwitheman/1987

🌹 فضیلت جمعہ و چار رکعت نماز
https://t.me/islamwitheman/2064

🌹 فضیلت جمعہ و عمل اولاد (نماز)
https://t.me/islamwitheman/2107

🕌 نماز وحشت قبر
https://t.me/islamwitheman/2230

🕌 نماز شب (تہجد)
https://t.me/islamwitheman/2749

🕌 ﻧﻤﺎﺯِ ﻣﻐﻔﺮﺕِ ﻭﺍﻟﺪﯾﻦ
https://t.me/islamwitheman/2750
⭕ ISLAM WITH EMAN ⭕