ISLAM WITH EMAN

🔷 محاسبہ 🔷

اگر آپ اپنے آپکو خود ملامت کرتے رہیں تو آپکو کسی سے کوئی ملامت سننے کی نوبت نہ آئیگی.

●ارشادِ رب العزت ہے؛
"یایهاالذین آمنوا اتقوا الله ولتنظر نفس ماقدمت لغد"
اے ایمان والو! اللہ تعالٰی کا تقویٰ اختیار کرو اور چاہیے کہ ہرشخص غور کرے کہ کل کیلئے کیا تیار کیا ہے.
(سورہ حشر 59)

●رسول اکرمؐ فرماتے ہیں؛
"حاسِبُوا اَنْفُسَکم قَبْلَ اَنْ تُحاسَبُوا"
حساب کیدن سے قبل اپنے آپکا خود حساب لیا کرو.
(میزان الحکمہ:3840)

●حضرت امام موسٰی کاظمؑ فرماتے ہیں؛
"لیسَ مِنَّا مَنْ لَم یُحاسِبُ نَفْسَہُ کُلَّ یَومٍ"
جو شخص روزانہ اپنا محاسبہ نہیں کرتا وہ ہم میں سے نہیں.
(میزان الحکمہ:3845)

■مشق شبانہ
عطار نیشاپوری کہتے ہیں؛
کسی عالم کو راستےمیں ایک بچہ روتا ہوا نظرآیا. اس نے بچے سے رونےکا سبب پوچھا.
بچے نے جواب دیا؛
استاد نے مجھے میرے ذمیہ کام دیاتھا لیکن میں کھیل کود میں وہ کام نہیں کرسکا. پریشانی اس بات کی ہے کہ اب کسطرح اپنے استاد کا سامنا کرونگا.

عالم یہ سنتے ہی گھبرا گئے اور اپنے آپ میں کہا؛
اس بچے نے صرف ایک شب کا اپنا ذمیہ کام انجام نہیں دیا اور اسقدر بیتاب ہے.
افسوس مجھ پر، میرا کیا حال ہوگا کہ میں نے ساری عمر اسی لہوولعب اور دنیاداری میں گزاردی ہے.
اورپھر اس کیبعد اس عالم کی ساری زندگی گریہ وزاری اور محاسبہ نفس میں گزری.
(مبانی اخلاق وتربیت، ص193)

■یوسفؑ و زلیخا:
ابنِ عباسؓ سےروایت ہےکہ حضرت یوسفؑ سے زلیخا نےکہا؛
اے یوسفؑ آپکے بال کسقدر خوبصورت ہیں.
حضرت یوسفؑ نے فرمایا؛
سب سےپہلے آدمی کےبدن کی جوچیز خاک پرگرتی ہے بال ہیں.
زلیخا نے کہا؛
اے یوسفؑ میرےغمناک دل پرہاتھ رکھو اور اس خستہ عشق کےزخموں پرمرہم لگادو.
حضرت یوسفؑ نےفرمایا؛
میں اپنےآقا و مولاسےخیانت کرکے اس کی حرمت پامال نہیں کرسکتا.
(برگزیدہ کشف الاسراروعدةالابرار، ص112)

■ہاتھی سنبھالنا
علمِ اخلاق کےعلماء فرماتےہیں؛ آدمی کو ہاتهی کے خدمتگزار کیطرح ہوناچاہیے. کہ ہاتهی کو سکھانےاور پالنےوالے اوراس پر سوار ہونیوالے ہمیشہ اپنےہاتھ میں ایک تازیانہ رکھتےہیں اورمسلسل ہاتهی کو مارتےرہتےہیں. ہاتهی قابوکرنے کیلئے روزانہ وقفہ وقفہ سےاسےمارتے رہنا ضروری ہےورنہ وہ اپنے مالک کو ہلاک کر دیتاہے.
اسیطرح آدمی کوبھی چاہیےکہ اپنےنفس کی سرزنش کرتارہے تاکہ وہ قابومیں رہے.
(جہادبالنفس، ج3، ص160)

■حضرت سلمانؓ و ابوذرؓ:
ایکدن رسول اکرمؐ نے حضرات سلمانؓ وابوذرؓ دونوں کوایک ایک درهم دیا. حضرت سلمانؓ نےاپنا درهم راہ خدا میں ایک نادارمستحق کودیدیا. لیکن حضرت ابوذرؓ نےاپنے گھریلو اخراجات پرخرچ کردیا.

دوسرےدن رسول اکرمؐ نےحکم دیاکہ آگ جلائی جائے اوراس پرپتھر رکھ دیاجائے.
جب پتھرگرم ہوگیا اورشعلوں کی حرارت نے اسےخوب گرم کردیا توآپؐ نےسلمانؓ و ابوذرؓ کو بلاکر حکم دیاکہ اس پتھر پرکھڑے ہوکے کل والےدرهم کاحساب دیں.

حضرت سلمانؓ نےبغیرکسی پریشانی کے پتھر پرپاؤں رکھا اورفرمایا؛
"أنْفَقْتُ فی سبیلِ اللہِ"
میں نے اللہ کے راستے میں خرچ کردیا. اور پھرپاؤں اٹھالیا.

حضرت ابوذرؓ کی باری آئی توگھبرائےاور حیران ہوئےکہ اب کیاہوگا. اب میں اس پتھرپر پابرہنہ کھڑا ہوکر خرچ کاحساب کسطرح دونگا.
رسول اکرمؐ نےفرمایا؛
تجھےمیں نےمعاف کردیا. اسلئےکہ تیرے لئے اس پتھرپر پیررکھ کرحساب دینا مشکل ہےکیونکہ بات طولانی ہوجائیگی.
لیکن یادرکھو! میدان محشرکی زمین اس پتھر سےزیادہ گرم ہوگی. قیامت کیدن سورج کی دھوپ اس آگ کےشعلوں سے زیادہ گرم ہوگی اورزیادہ جلانے والی ہوگی. کوشش کروکہ پاکیزہ حساب کیساتھ، صاف دامن کیساتھ، معصیت سےدور میدان محشرمیں وارد ہوسکو.
(داستانہاوپندہا، ج1، ص59، 60، فارسی سے ترجمہ)

■قیامت کیدن کاحساب:
ایکبار ایک باپ نےاپنے بیٹےسے کہاکہ آپ پر لازم ہےکہ جسقدر گفتگو کروگے، جو اپنی زبان پرجاری کروگے، نماز عشاء کیبعد مجھےسارا کچھ بتادینا.
لڑکےنے باپ کےحکم کو قبول کرتے ہوئے اپنے گزرنےوالے دن کی ساری کاروائی، گفتارورفتار اور معاملات سب کچھ یاد رکھا. اورمقررہ وقت پر اپنےوالد کو ساری تفصیلات سنادیں.
دوسرےدن باپ نے پھرسے اسےوہی حکم دیا. تولڑکے نے بصداحترام عرض کیا؛
باباجان! اس کےعلاوہ جوبھی کوئی مشکل سے مشکل کام ہو حکم فرماویں، آپکےحکم کی تعمیل کی پوری کوشش کرونگا لیکن کل جیسے آپکے حکم کی تعمیل کی مجھ میں طاقت نہیں ہے. مجھےاس سےمعاف رکھیں.

باپ نےاسےکہا؛
بیٹا! آپکو ایساکرنیکا پابند کرنے کا میرا مقصد آپکو ایک اورکام کیلئے ہوشیار بناناتھا.
میں چاہتاتھاکہ آپ قیامت کےدن کے حساب کیلئے تیارہوجائیں اور آپکے دل میں اس روز کےحساب کےحوالہ سے خوف پیداہو. آپ جوکہ آج ایکدن کا حساب دینےسے عاجزہیں اوراپنے والدکو ایک دن کےبارے میں بتانے سے گھبراتے ہیں جبکہ باپ نرمی سے حساب لےگا. توغور فرمائیےکہ کل سخت حساب کا سامناکیسے کروگے.
(داستانہائے کشف الاسرار، ص350)

✍ سید سجاد حسین ھمدانی

https://t.me/islamwitheman/467
🔵 ISLAM WITH EMAN 🔵