🔷 انسان کے اعمال 🔷

نبی کریمؐ ایک سفر سے واپس آ رہے تھے، ایک جگہ آپ نے پڑاؤ ڈالا، بستی قریب تھی، ایک عورت تھی جس کا تنور تھا، اس نے لشکر کی روٹیاں بھی پکائیں، جب پکا کر فارغ ہو گئی تو صحابہ کرامؓ سے کہنے لگی۔۔۔
میں تمہارے صاحب سے بات کرنا چاہتی ہوں، صحابہ کرامؓ اُسے نبی کریمؐ کے پاس لے آئے۔

کہنے لگی اللہ کے پیارے رسولؐ! میں آپ سے ایک بات پوچھنا چاہتی ہوں۔

فرمایا: پوچھو

کہنے لگی: میں ماں ہوں، تنور میں روٹیاں لگاتی ہوں، میرا ایک چھوٹا سا بچہ ہے، میں اس کو آگ کے قریب آنے نہیں دیتی کہ اس کو کہیں گرم ہوا نہ لگ جائے، خود آگ میں ڈبکیاں لگاتی ہوں، روٹی لگانے اور نکالنے کے لیے۔ لیکن میں اپنے بچے کو گرم ہوا کا لگنا بھی پسند نہیں کرتی، تو میں نے آپ سے سُنا تھا کہ ساری دنیا کی ماؤں کی محبتوں کو جمع کر دیا جائے، اس سے ستر گناہ زیادہ بندوں سے اللہ پاک محبت کرتے ہیں تو اللہ پاک بندے کو جہنم میں جانا کیسے پسند فرمائیں گے؟

حدیثِ پاک میں آتا ہے کہ نبی کریمؐ نے یہ بات سُن کر سر جھکایا، مبارک آنکھوں میں آنسو آنے لگے، روتے رہے، روتے رہے، حتیٰ کہ جبرائیلؑ اللہ کا پیغام لے کر آئے، میرے محبوب! اس عورت کو بتا دیں؛

"وما ظلمھم اللہ ولکن کانوا انفسھم یظلمون۔"
ترجمہ:
"اللہ نے ان پر ظلم نہیں کیا، انہوں نے اپنی جانوں پر خود ظلم کیا"

اپنے پاؤں پر خود کلہاڑی ماری، کیونکہ اللہ تو چاہتا ہے کہ یہ بچ جائیں، لیکن بات یہ ہے کہ توبہ نہیں کرتے، توبہ کی طرف آتے ہی نہیں، بلکہ رب کی ماننے کے بجائے شیطان کی مانتے پھرتے ہیں، اور توبہ کو ضائع کرتے ہیں، بھول جاتے ہیں، تو یہ تو اپنے عمل کی وجہ سے جہنم میں جائیں گے۔

(کذافی المرقات واللمعات۔ گناہوں کے پہاڑ اور بخشش کا سیلاب212)
کتاب: اہل دل کے تڑپا دینے والے واقعات۔

http://t.me/islamwitheman
🔵 ISLAM WITH EMAN 🔵

💐 شوہر کا میکہ یا بیوی کا میکہ 💐

ایک روز شوہر نے پرسکون ماحول میں اپنی بیوی سے کہا؛ بہت دن گزر گئے ہیں میں نے اپنے گھر والوں، بہن، بھائیوں اور ان کے بچوں سے ملاقات نہیں کی ہے۔ میں ان سب کو گھر پر جمع ہونے کی دعوت دے رہا ہوں اس لیے براہ مہربانی تم کل دوپہر اچھا سا کھانا تیار کر لینا۔

بیوی نے گول مول انداز سے کہا؛ ان شاء اللہ خیر کا معاملہ ہو گا۔

شوہر بولا: تو پھر میں اپنے گھر والوں کو دعوت دے دوں گا۔

اگلی صبح شوہر اپنے کام پر چلا گیا اور دوپہر ایک بجے گهر واپس آیا۔ اس نے بیوی سے پوچھا:
کیا تم نے کھانا تیار کر لیا؟ میرے گھر والے ایک گھنٹے بعد آ جائیں گے!

بیوی نے کہا:
نہیں میں نے ابھی نہیں پکایا کیوں کہ تمہارے گھر والے کوئی انجان لوگ تو ہیں نہیں لہذا جو کچھ گھر میں موجود ہے وہ ہی کھا لیں گے۔

شوہر بولا:
اللہ تم کو ہدایت دے ... تم نے مجھے کل ہی کیوں نہ بتایا کہ کھانا نہیں تیار کرو گی، وہ لوگ ایک گھنٹے بعد پہنچ جائیں گے پھر میں کیا کروں گا۔

بیوی نے کہا:
ان کو فون کر کے معذرت کر لو ۔۔۔ اس میں ایسی کیا بات ہے وہ لوگ کوئی غیر تو نہیں آخر تمہارے گھر والے ہی تو ہیں۔

شوہر ناراض ہو کر غصے میں گھر سے نکل گیا۔

کچھ دیر بعد دروازے پر دستک ہوئی۔ بیوی نے دروازہ کھولا تو یہ دیکھ کر حیران رہ گئی کہ اس کے اپنے گھر والے، بہن، بھائی اور ان کے بچے گھر میں داخل ہو رہے ہیں!

بیوی کے باپ نے پوچھا: تمہارا شوہر کہاں ہے؟

وہ بولی: کچھ دیر پہلے ہی باہر نکلے ہیں۔

باپ نے بیٹی سے کہا:
تمہارے شوہر نے گزشتہ روز فون پر ہمیں آج دوپہر کے کھانے کی دعوت دی ۔۔ یہ کیسے ممکن ہے کہ وہ دعوت دے کر خود گھر سے چلا جائے!

یہ بات سُن کر بیوی پر تو گویا بجلی گر گئی۔ اس نے پریشانی کے عالم میں ہاتھ ملنے شروع کر دیے کیونکہ گھر میں موجود کھانا اس کے اپنے گھر والوں کے لیے کسی طور لائق نہ تھا البتہ یقینا اس کے شوہر کے گھر والوں کے لائق تھا۔

اس نے اپنے شوہر کو فون کیا اور پوچھا: تم نے مجھے بتایا کیوں نہیں کہ دوپہر کے کھانے پر میرے گھر والوں کو دعوت دی ہے۔

شوہر بولا: میرے گھر والے ہوں یا تمہارے گھر والے ۔۔۔ فرق کیا پڑتا ہے۔

بیوی نے کہا:
میں منت کر رہی ہوں کہ باہر سے کھانے کے لیے کوئی تیار چیز لے کر آجاؤ، گھر میں کچھ نہیں ہے۔

شوہر بولا:
میں اس وقت گھر سے کافی دُور ہوں اور ویسے بھی یہ تمہارے گھر والے ہی تو ہیں کوئی غیر یا انجان تو نہیں۔ ان کو گھر میں موجود کھانا ہی کھلا دو جیسا کہ تم میرے گھر والوں کو کھلانا چاہتی تھیں.. "تاکہ یہ تمہارے لیے ایک سبق بن جائے جس کے ذریعے تم میرے گھر والوں کا احترام سیکھ لو" !

(لوگوں کے ساتھ ویسا ہی معاملہ کرو جیسا تم خود ان کی طرف سے اپنے ساتھ معاملہ پسند کرتے ہو)

https://t.me/islamwitheman
🔵 ISLAM WITH EMAN 🔵

🎅 سبز چائے کے غرارے 🎅

❣️ ایک عورت نے ڈاکٹر سے رجوع کیا:
ڈاکٹر نے پوچھا آپ کو کیا ہوا ہے؟

اس عورت نے جواب دیا:
ڈاکٹر صاحب! جب بھی میرا شوھر گھر تشریف لاتا ہے، مجھے مارتا اور پیٹتا ہے.

ڈاکٹر نے کہا:
جب بھی آپ کا شوھر گھر پر تشریف فرما ہو تو اسی وقت آپ سبز چائے کی پیالی لو اور منہ ڈال کر غرغرے کرو، اس کام کو دو ہفتہ تک انجام دو!!!

پھر دو ہفتہ کے بعد عورت اپنی ظاہری بہترین وضیعت کے ساتھ ڈاکٹر صاحب کے پاس پہنچی اور ڈاکٹر سے کہا:
سبز چائے کیساتھ غرغرہ کرنا بہت بہتر ثابت ہوا ہے، کیونکہ جب بھی میرا شوہر گھر آتا تھا میں غرغرے کرنا شروع کر دیتی تھی، پھر اس کے بعد میرے شوہر نے مجھے مارنا پیٹنا چھوڑ دیا، اور ہمارا رابطہ بھی بہتر ہو گیا ہے، اور حتی مجھے دوست رکھتا ہے (I Love you) مجھے کہتا ہے. اور بہت کم غصہ ہوتاہے.

ڈاکٹر نے کہا: آپ نے خود ملاحظہ کیا کہ جتنا تم اپنی زبان کو قابوں میں رکھو گی اتنا ہی تمہارے میاں بیوی کے درمیان بہترین رابطہ برقرار رہے گا اور بہت سارے مسائل خود بخود حل ہوتے جائیں گے . !!!😊

😂🤡😂

https://t.me/muskuraahten
🎅 MUSKURAAAHTEN 🎅

🌺ممنوع و ممدوح مقاربت بازوجہ🌺

أبو سعید خدرری سے منقول ہے کہ رسول اکرمؐ نے حضرت علیؐ کو وصیت فرمائی اور اس میں فرمایا؛

● اے علیؑ! اپنی زوجہ سے مہینے کے اول، اوسط اور آخر میں جماع نہ کیا کرو کہ اس کو اور اس کے بچوں کو دیوانگی بالخورہ، جذام اور خبط دماغ ہونے کا اندیشہ ہے۔

● یاعلیؑ! نماز ظہر کے بعد جماع نہ کرنا کیونکہ بچہ جو پیدا ہوگا پریشان احوال ہوگا۔

● یاعلیؑ! جماع کے وقت باتیں نہ کرنا اگر بچہ پیدا ہو تو عجب نہیں کہ گونگا ہو۔

● یاعلیؑ! شب عید الفطر کو جماع نہ کرنا کہ اگر بچہ پیدا ہوگا تو اس سے بہت سی برائیاں ظاہر ہونگی۔

● یاعلیؑ! شب عید قربان کو جماع نہ کرنا اگر بچہ پیدا ہوگا تو اس کے ہاتھ کی چھ انگلیاں ہونگی یا چار۔

● یاعلیؑ! میوہ دار درخت کے نیچے جماع نہ کرنا اگر بچہ پیدا ہوا تو یا قاتل و جلاد ہوگا یا ظالموں کا سرگروہ۔

● یاعلیؑ! آفتاب کے سامنے جماع نہ کرنا سوائے اس کے کہ پردہ ڈال لو کیونکہ اگر بچہ پیدا ہوگا تو مرتے دم تک برابر بدحال و پریشان رہیگا۔

● یاعلیؑ! اذان و اقامت کے مابین جماع نہ کرنا کہ اگر بچہ پیدا ہوگا تو خونریزی کی طرف راغب ہوگا۔

● یاعلیؑ! جب تمھاری زوجہ حاملہ ہو تو بغیر وضو کے اس سے جماع نہ کرنا ورنہ بچہ کوردل اور بخیل پیدا ہوگا۔

● یاعلیؑ! شعبان کی پندرھویں کو جماع نہ کرنا ورنہ بچہ پیدا ہوگا تو شوم ہوگا اور اس کے منہ پر سیاہی کا نشان ہوگا۔

● یاعلیؑ! ماہ شعبان کی آخری تاریخ میں جماع نہ کرنا ورنہ بچہ پیدا ہوگا تو لٹیرا اور ظلم دوست ہوگا اور اس کے ہاتھ سے بہت سے آدمی مارے جائیں گے۔

● یاعلیؑ! کوٹھے (چھت) پر جماع نہ کرنا ورنہ بچہ پیدا ہوگا تو منافق و ریاکار و بدعتی ہوگا۔

● یاعلیؑ! جب تم سفر کو جاؤ اس رات کو جماع نہ کرنا ورنہ بچہ پیدا ہوگا تو مال ناحق صرف کریگا اور مسرفین شیاطین کے بھائی ہیں۔ اور اگر کوئی ایسے سفر میں جائے جہاں تین دن کا راستہ ہو تو جماع نہ کرے ورنہ اگر بچہ پیدا ہوا تو ظلم دوست ہوگا۔

● یاعلیؑ! شب دوشنبہ کو جماع کرنا اگر بچہ پیدا ہوا تو قرآن کا حافظ اور خدا کی نعمتوں پر راضی و شاکر ہوگا۔

● یاعلیؑ! اگر تم نے شب سہ شنبہ کو جماع کیا تو جو بچہ پیدا ہوگا وہ اسلام کی سعادت حاصل کرنے کے علاوہ رتبہ شہادت بھی پائے گا۔ منہ سے اس کے خوشبو آتی ہوگی۔ دل اس کا رحم سے پر ہوگا۔ ہاتھ کا وہ سخی ہوگا۔ اور زبان اس کی غیبت و افتراء و بہتان سے پاک ہوگی۔

● یاعلیؑ! تم شب پنجشنبہ کو جماع کرو گے تو جو بچہ پیدا ہوگا وہ حاکم شریعت ہوگا یا عالم۔
اور اگر روز پنجشنبہ ٹھیک دوپہر کے وقت جماع کرو گے تو آخر دم تک شیطان اس کے پاس نہ پھٹکے گا۔ اور خدا اس کو دین و دنیا کی سلامتی عطا فرمائے گا۔

● یاعلیؑ! اگر تم نے شب جمعہ کو جماع کیا تو جو بچہ پیدا ہوگا وہ فصاحت بیانی اور شیریں زبانی میں مشہور ہوگا۔ اور کوئی خطیب (لیکچرار) اس کی ہمسری نہ کر سکے گا۔
اور اگر روز جمعہ بعد نماز عصر جماع کیا تو جو بچہ پیدا ہوگا وہ عقلائے زمانہ میں شمار ہوگا۔
اگر شب جمعہ بعد نماز عشاء جماع کیا تو امید ہے جو بچہ پیدا ہو وہ ابدال میں شمار ہو۔

● یاعلیؑ! شب کی پہلی ساعت میں جماع نہ کرنا کیونکہ اگر بچہ پیدا ہوا تو شاید جادوگر ہو اور دنیا کو آخرت پر اختیار کرے۔

● حضرت امام جعفر صادقؑ سے منقول ہے کہ شب چہار شنبہ کو ہمبستری نامناسب ہے۔

● حضرت امام موسٰی کاظمؑ نے فرمایا کہ جو شخص اپنی عورت سے تحت الشعاع میں جماع کرے وہ پہلے اپنے دل میں قرار دے لے کہ خلقت تمام ہونے سے پہلے حمل ساقط ہو جائے گا۔

● حضرت امیرالمومنین علیہ السلام نے فرمایا کہ شب اول ماہ مبارک میں جماع کرنا مستحب ہے۔

📚تہذیب الاسلام، باب4۔

https://t.me/islamwitheman/1321
🔵 ISLAM WITH EMAN 🔵

🍃زوجہ سے مقاربت کا اسلامی طریقہ🍃

■حضرت امیرالمؤمنینؑ نے فرمایا:
جو شخص اپنی عورت سے مقاربت کا ارادہ کرے تو جلدی نہ کرے کیونکہ عورتوں کو جماع سے پہلے کچھ کام کرنے ہوتے ہیں اور جس وقت کوئی شخص کسی غیر عورت کو دیکھ لے اور اسے وہ پسند آئے تو اسی وقت جاکر اپنی اہلیہ سے جماع کرلے کیونکہ جو کچھ اس میں ہے، وہی اس میں بھی ہے، بہرحال شیطان کو اپنے نفس پر غالب نہ ہونے دے۔ اور اگر زوجہ نہ ہو تو دو رکعت نماز پڑھے اور خدا تعالٰی کی حمد بہت کرے اور محمدؐ و آل محمدؑ پر درود بھیجے اور خدا سے سوال کرے کہ وہ اپنے فضل و کرم سے اسے عورت عطا فرمائے کہ یہ دعا ضرور مستجاب ہوگی اور خدا اس کو حرام سے بے نیاز کریگا۔

■ حضرت رسول اکرمؐ نے فرمایا کہ کوے کی سی تین عادتیں سیکھو۔۔۔
چھپ کر جماع کرنا۔
علی الصباح روزی کی تلاش میں جانا۔
دشمنوں سے بہت پرہیز کرنا۔

■ منقول ہے کہ رسول اکرمؐ نے فرمایا کہ اس خدا کی قسم جس کے قبضۂ قدرت میں میری جان ہے اگر کوئی شخص اپنی عورت سے ایسے مکان میں جماع کرے جس میں کوئی جاگتا ہو اور وہ ان کو دیکھے یا ان کی بات یا سانس کی آواز سنے تو اولاد جو اس جماع سے پیدا ہوگی ناجی نہ ہوگی بلکہ زناکار ہوگی۔

حضرت زین العابدینؑ جس وقت مباشرت کا ارادہ فرماتے تھے تو نوکروں کو ٹلا دیتے تھے اور دروازے بند کر دیتے تھے اور پردہ ڈال دیتے تھے۔

لوگوں نے امام جعفر صادقؑ سے دریافت کیا کہ آیا مرد ننگا ہوکر جماع کر سکتا ہے۔
فرمایا؛ نہیں۔ علاوہ بریں نہ روبقبلہ جماع کر سکتا ہے، نہ پشت بقبلہ اور نہ کشتی میں۔

■ کئی معتبر حدیثوں میں حضرت رسول اکرمؐ سے منقول ہے کہ جو شخص اپنی عورت سے جماع کرے وہ مرغ کی طرح اس کے پاس نہ جائے بلکہ پہلے مساس اور دست بازی و خوش طبعی کرے، اس کے بعد جماع کرے۔

■ حدیث معتبر میں حضرت رسول خدا ص سے منقول ہے کہ جب مرد، عورت جماع کریں تو وہ گدھوں کی مانند ننگے نہ ہو جائیں کیونکہ ننگے ہو جانے کی حالت میں فرشتے ان سے دور ہو جائیں گے۔

■ حدیث میں حضرت امام رضاؑ سے منقول ہے کہ حضرت امام جعفر صادقؑ جب جماع کے بعد غسل سے پہلے جماع کا ارادہ فرماتے تھے تو وضو کر لیا کرتے تھے۔

■ حضرت امیرالمومنین علیہ السلام سے منقول ہے کہ جب کسی شخص کے جسم میں کوئی درد پیدا ہو یا حرارت اس کے مزاج پر غالب آجائے تو اپنی عورت سے جماع کرے، آرام ہو جائے گا۔

■ معتبر حدیث میں منقول ہے کہ مندرجہ ذیل اوقات میں جماع کرنا مکروہ ہے۔۔۔
1) طلوع صبح صادق سے طلوع آفتاب تک۔
2) غروب آفتاب سے زوال سرخی مغرب تک۔
3) سورج گہن کے دن۔
4) چاند گہن کی رات۔
5) اس رات یا دن میں، جس میں سیاہ و سرخ یا زرد آندھی آئے یا زلزلہ محسوس ہو۔
خدا کی قسم! اگر کوئی شخص ان اوقات میں جماع کرے گا اور اس سے اولاد پیدا ہو گی تو اس اولاد میں ایک عادت بھی ایسی نہ دیکھے گا، جس سے خوشی حاصل ہو کیونکہ اس نے خدا کی غضب کی نشانیوں کو ہیچ سمجھا۔

■ حضرت امام جعفر صادقؑ نے فرمایا کہ جس وقت آفتاب طلوع کرتا ہو یا طلوع کرنے کے بعد ابھی پورا روشن نہ ہوا ہو بلکہ زردی مائل ہو اور اسی طرح ڈوبنے سے پہلے جب روشنی کم ہوگئی ہو اور زردی مائل ہو یا ڈوبتا ہو ان اوقات میں جنب ہونا مکروہ ہے۔

■ حدیث میں منقول ہے کہ حضرت رسول اکرمؐ نے زیر آسمان اور سرراہ جماع کرنے سے منع فرمایا ہے اور یہ ارشاد فرمایا ہے کہ جو شخص سرراہ جماع کریگا خدا اور فرشتے اور آدمی اس پر لعنت کریں گے۔

■ کئی معتبر حدیثوں میں وارد ہے کہ جس وقت عورت یا مرد حنا وغیرہ کا خضاب باندھے ہوئے ہوں تو جماع نہ کریں۔

■ روایت میں منقول ہے کہ اگر کسی کے پاس کوئی ایسی انگوٹھی ہو جس پر کوئی نام و نقش ہو تو اس انگوٹھی کو اتارے بغیر جماع نہ کرے۔

📚تہذیب الاسلام، باب4۔

■ جو شخص شادی نہ کرنے کی وجہ سے حرام فعل میں مبتلا ہوتا ہو اس پر واجب ہے کہ شادی کرے۔

■ جو عورت حیض و نفاس کی حالت میں ہو اس سے جماع کرنا حرام ہے۔

■ شوہر اپنی جوان بیوی سے چار مہینے سے زیادہ مدت کے لئے ہمبستری ترک نہیں کر سکتا مگر یہ کہ ہمبستری اس کے لیے نقصان دہ یا بہت زیادہ تکلیف کا باعث ہو۔

📚توضیح المسائل آقائے سیستانی

https://t.me/islamwitheman/1355
🔵 ISLAM WITH EMAN 🔵

🐐 کانگووائرس اور سنت ابراہیمی 🐐

عیدالاضحیٰ قریب آتے ہی دنیا بھر سمیت پاکستان میں بھی کانگووائرس کے پھیلاؤ کی افواہیں بھرپور طریقے سے پھیلائی جا رہی ہیں.
آج مویشی منڈی جانے کا اتفاق ہوا تو یہ دیکھ کر حیران رہ گیا کہ خریداروں کے لئے کسی بھی قسم کی انتظامات کی بجائے جانوروں کے ڈاکٹرز اور پیرامیڈیکل سٹاف کی بڑی تعداد موجود ہے۔
سرکاری اہلکار کانگووائرس کے حوالے سے بھاگ دوڑ کرتے نظر آتے ہیں۔ ایسا لگ رہا ہے کہ آنیوالے چند دنوں میں کانگو وائرس ہمارے ملک کا گرم ترین موضوع بننے والا ہے۔ پنجاب میں بچوں کے اغواءکی وارداتوں اور گزشتہ سالوں کے دوران ڈینگی کی طرح اب ہر قسم کی ہلچل کانگووائرس کے حوالے سے ہوگی.
میڈیا پر بھی بھرپور مہم چلائی جا رہی ہے کہ یہ وائرس جانوروں سے پھیلتا ہے اس لئے قربانی کے جانوروں کے حوالے سے بھرپور قسم کی احتیاطی تدابیر اختیار کرنے کا درس دیا جا رہا ہے۔
کسی کوکانگو بیماری کے وجود سے انکار نہیں لیکن عیدالاضحی کے قریب اس کی تشہیر اور افواہوں نے چند شکوک و شبہات کو بھی جنم دیا ہے۔ ایسا لگتا ہے کہ پولیو کی طرح پاکستان کو کانگو کے حوالے سے شدید قسم کے عالمی دباؤ کا سامنا کرنا پڑ سکتا ہے۔

حقائق تو یہ ہیں کہ 20کروڑ آباد ی کے ملک میں کبھی بھی سالانہ ایک سو سے زائدپولیو کے کیس سامنے نہیں آئے لیکن ہر ماہ دو مرتبہ اور کروڑوں کی لاگت سے میڈیا مہم ، پولیس اور فوج کی نگرانی میں قطرے پلانا معاملے کو مشکوک بناتا ہے۔
دوسری جانب عالمی اداروں کی ہی رپورٹ کے مطابق پاکستان میں کروڑوں لوگ ہیپاٹائٹس کے مریض ہیں ،ڈائریا سے بھی کروڑوں لوگ متاثر ہوتے ہیں.
زچگی کے دوران لاکھوں خواتین ہر سال جان کی بازی ہار جاتی ہیں، صاف پانی دس فیصد لوگوں کو بھی میسر نہیں جس کی وجہ سے بیماریاں پھیلتی ہیں.
لیکن کوئی بھی عالمی ادارہ پاکستانیوں کی صحت کو درپیش ان مسائل کے لئے ایک ڈالر بھی دینے کو تیار نہیں جبکہ پولیو کے لئے اربوں کے فنڈز فراہم کئے جاتے ہیں جس کے مریض کبھی بھی چند درجن سے زائد نہیں رہے.
حد تو یہ بھی ہے کہ عالمی ادارے دھمکی اور بھرپور دباؤ سے پولیو کے قطرے پلانے پرمجبور کرتے ہیں.
اور اب کانگو وائرس کے پھیلاؤ کا چرچا ہے۔

پہلی بات تو یہ ہے کہ جب میڈیا پر ڈاکٹرز ہر وقت ان خطرات سے آگاہ کر رہے ہوں گے کہ جو کانگو وائرس سے پھیلتے ہیں تو بہت سے صحت و صفائی کے حوالے سے ”وہم“ کا شکار گھرانے فوری طور پر اس بار سنت ابراہیمی ؑ کے بغیر ہی عید منانے کا پکا ارادہ کر لیں گے۔
علمائے کرام کو بلاکر اس قسم کے سوالات پوچھے جائیں گے کہ ”کیا جان کو خطرہ لاحق ہو توقربانی جیسی عبادت کرنی چاہیے؟“۔
ظاہر ہے اس سوال کا جواب کیا دیا جاسکتا ہے۔

🔷 سیکولر ذہنیت کے زیر اثر پہلے ہی ہمارے ہاں بہت سے نام نہاد سکالرز اس بات کی تلقین کرتے پائے جاتے ہیں کہ ”جانوروں کو ذبح“ کرنے کی بجائے پیسے غریبوں میں بانٹ دئیے جائیں یا کسی غریب کا گھر بسا دیا جائے۔ ہاں البتہ انہیں ایسا خیال کسی فیشن شو، نیو ائیر نائٹ یا ایسے ہی مہنگے تہواروں کے موقعے پر نہیں آتا۔

خدشہ ہے کہ ہمارے ملک میں کانگو سے ہلاکتوں کا چرچا بہت جلد عام ہونیوالا ہے۔ حالیہ دنوں میں بچوں کے اغواءکی افواہیں اتنی بڑی تعداد میں عام ہوئیں کہ ایسا لگتا تھا کہ ہر گھرانے کا کم سے کم ایک بچہ ضرور اغوا ہوا ہے لیکن جب حقائق سامنے آئے تو جو چند واقعات ہوئے تھے ان میں بھی خاندانی دشمنی وغیرہ کا ہاتھ تھا۔
لیکن میڈیا نے اس حوالے سے فرنٹ پیج کوریج دی اور ہر واقعے کو بڑھا چڑھا کر پیش کیا،
سینکڑوں افراد کو محض شک کی بنیاد پر اغواءکار قراردیکر تشدد کا نشانہ بنایا گیا۔
ڈینگی کے حوالے سے بھی ایسا ہی ہوا تھا کہ کوئی اگر طبی موت بھی مرا یا کسی بھی بیماری سے اللہ کو پیاراہوگیا تو بھی میڈیا نے بریکنگ نیوز یہی چلائی ”ڈینگی سے ایک اور موت“۔۔

اسی طرح کی میڈیا مہم کانگووائرس کے حوالے سے بھی چلنے والی ہے۔ بریکنگ نیوز کچھ اس طرح کی ہوں گی کہ فلاح شہر میں کانگو وائرس کا ایک اور کیس سامنے آ گیا.
مریض کے گھرانے میں تین روز قبل ہی قربانی کا جانور لایاگیا تھا وغيره...
حیران کن بات یہ بھی ہے کہ کانگو کے ا ب تک جو کیس سامنے آئے ہیں وہ بڑے شہروں سے ہیں.
کتنا عجیب ہے کہ وہ گڈریے اور مویشی پالنے والے جو کہ چوبیس گھنٹے ان میں رہتے ہیں ان کو کانگووائرس متاثر نہیں کرتا بلکہ شہر کے ماحول میں جیسے ہی وہ جانور کسی گھرانے میں پہنچتا ہے تو اس کی خواتین اور خصوصا بچوں کوکانگو وائرس متاثر کر دیتا ہے۔
کسی پر الزام ٹھیک نہیں لیکن کچھ ایسے اداروں اور کمپنیوں کے بارے میں بھی چھان بین ہونی چاہیے جو بڑی تشہیری مہم چلاتی ہیں کہ بس پیسے ہمیں دیں اور قربانی کا گوشت لے جائیں بغیر کسی مشقت کے۔

کسی بیماری کے وجود سے انکار نہیں کیا جاسکتا لیکن کروڑوں کی آبادی میں صرف چند کیس سامنے آنے پر افواہوں کے ذریعے اگر ڈر و خوف کی فضاء قائم کر دی جائے تو اسے بھی عقلمندی

قرار نہیں دیا جاسکتا۔

اللہ تعالی ہر کسی کو ہر قسم کی بیماری سے محفوظ رکھے لیکن ایک انجانے وہم اور نفسیاتی مرض میں مبتلا ہوجانا بھی ٹھیک نہیں۔

ایسے میں اگر سنت ابراہیمی ؑ سے ہی اجتناب کر لیا جائے۔ قربانی کے جانوروں کو گھرلانا، بچوں کا کھیلنا، سنت رسولﷺ کی ادائیگی کے مقدس جذبات، غریبوں کے گھروں تک گوشت پہنچانا،
خواتین کا قربانی میں شریک ہونا، گوشت کو پکا کر اخوت و صلہ رحمی کے فروغ کے لئے دعوت دینا،
غرض بہت کچھ ایسا ہوتا ہے کہ جو ہماری عیدالاضحٰی کو خوشیوں سے بھرپور بنا دیتا ہے۔
خدشہ ہے کہ ایک انجانے خوف کے تحت اور افواہوں کے زیر اثر قربانی کے جانوروں سے دور رہنے کی تلقین ہم سے زندگی کی بہت سی خوشیاں چھین لے گی.

معاشرے میں اس حوالے سے آگاہی دینے کی ضرورت ہے اور یہ ہر اس کا فرض ہے کہ جسے سنت ابراہیمی ؑ اور نبی اکرمﷺ کی سنت مبارکہ سے محبت ہے۔۔۔

پیارے پاکستانی مسلمانوں اس بار ذرا زیادہ ہوشیار رہنا!!!

بشکریہ تحریر:
مولانا اشفاق صاحب کراچی

https://t.me/islamwitheman
🔵 ISLAM WITH EMAN 🔵

⭕ زبان کے زخم ⭕

ایک لکڑہارے کی شیر کے ساتھ دوستی ہوگئی۔ لکڑہارا جب بھی جنگل میں لکڑیاں کاٹنے جاتا شیر اس کے پاس آجاتا اور دونوں خوب باتیں کرتے۔ لکڑہارا بھی بغیر کسی خوف کے شیر کے پاس بیٹھا رہتا کیونکہ اسے یقین تھا کہ شیر اسے کبھی نقصان نہیں پہنچائے گا۔

ایک دن ایک آدمی نے دونوں کو پاس بیٹھے دیکھ لیا۔ وہ بہت حیران ہوا۔ شیر کے جانے کے بعد اس نے لکڑہارے سے کہا کہ مجھے تمہاری عقل پر حیرت ہورہی ہے کہ تم شیر کے پاس بیٹھے رہتے ہو اگر اس نے تمہیں کوئی نقصان پہنچا دیا تو؟

لکڑہارے نے جواب دیا کہ شیر میرا دوست ہے اور مجھے اس پر اعتماد ہے کہ وہ کبھی مجھے نقصان نہیں پہنچائے گا۔

اس آدمی نے کہا کہ مان لیا تمہارا دوست ہے لیکن یہ بھی تو دیکھو کہ وہ ایک درندہ ہے اور تم کسی درندے پر کیسے اعتبار کرسکتے ہو۔ اس کو جب کہیں اور سے خوراک نہ ملی تو وہ تم پر بھی حملہ کر کے تمہیں اپنی خوراک بنا سکتا ہے۔

لکڑہارے نے کہا کہ بات تو تمہاری ٹھیک ہے وہ ایک خونخوار درندہ تو ہے۔ چلو میں آئندہ سے احتیاط کروں گا۔

اتفاق سے لکڑہارے کی یہ بات شیر نے بھی سن لی اسے بہت دکھ ہوا۔ اگلے دن جب وہ لکڑہارے سے ملا تو اسے کہا کہ میری کمر پر کلہاڑی کا ایک وار کرو۔

لکڑہارے نے حیرانی سے پوچھا پاگل تو نہیں ہوگئے میں تم پر کیوں وار کروں گا لیکن شیر ضد کرتا رہا کہ نہیں مجھ پر ایک وار کرو۔

مجبوراََ لکڑہارے نے اس کی کمر پر کلہاڑی سے وار کر دیا۔ شیر کو کافی گہرا زخم آیا لیکن وہ خاموشی سے وہاں سے چلا گیا۔

اس واقعے کے بعد بھی شیر اسی طرح لکڑہارے سے ملتا رہا اور اس کا زخم بھی آہستہ آہستہ بھرتا رہا۔ جب زخم بالکل بھر گیا اور نشان بھی ختم ہوگیا تو اس نے لکڑہارے سے کہا کہ دیکھو تم نے اپنے کلہاڑے سے مجھے جو زخم لگایا تھا وہ بالکل بھر گیا ہے اس کا نشان بھی باقی نہیں رہا لیکن تم نے اس دن مجھے درندہ کہہ کر اور میری دوستی پر شک کر کے اپنی زبان سے جو زخم لگایا تھا وہ آج بھی تازہ ہے۔

لکڑہارا شیر کی یہ بات سن کر بہت شرمندہ ہوا اور وعدہ کیا کہ آئندہ وہ کبھی ایسی کوئی بات نہیں کرے گا جس سے کسی کی دل آزاری ہو۔

آج ہم لوگ اپنا بھی محاسبہ کرتے ہیں کہ ہم نے اپنی زبان سے کتنے لوگوں کو تکلیف پہنچائی، کتنے لوگوں کا دل دکھایا اور کتنے لوگوں کو ذلیل کیا۔ ہم تو کہہ کر بھول جاتے ہیں لیکن بعض دفعہ ہمارے کہے ہوئے چند لفظ کسی کی زندگی تباہ کرنے کے لیے کافی ہوتے ہیں۔
خدارا لوگوں کو اپنے الفاظ کے تیروں سے زخمی مت کیجئے۔ آپ اختلاف رائے اور تنقید طنز کے تیر چلائے بغیر بھی کر سکتے ہیں۔
________________________

■مزید پوسٹس۔۔۔

🔵مسکراہٹ و خاموشی
https://t.me/islamwitheman/22

🔵خلوص و شفقت
https://t.me/islamwitheman/90

🔵نقطہ نظر
https://t.me/islamwitheman/91

📝انداز بیان و سوچ
http://t.me/islamwitheman/158

🔵احساس
http://t.me/islamwitheman/160

🔵ساس اور بہو
http://t.me/islamwitheman/199

🌹خوش رہیئے
http://t.me/islamwitheman/252

⭕بدگمانی
http://t.me/islamwitheman/279

⭕بڑھیا اور ٹوٹا ہوا مٹکا
https://t.me/islamwitheman/325

🌹کامیابی کیلئے 8 سبق
https://t.me/islamwitheman/386

👅دنیا کی زبانیں
https://t.me/islamwitheman/451

🌹دنیا کی زندگی
https://t.me/islamwitheman/461

🌺الفاظ و انداز اور لہجہ
https://t.me/islamwitheman/475

🔷غصہ نہ کرو
https://t.me/islamwitheman/478

⭕موازنہ
https://t.me/islamwitheman/494

🔵یہ وقت بھی گزر جائیگا
https://t.me/islamwitheman/511

🌼حسن ظن
https://t.me/islamwitheman/526

🔵مرنے کے 5 بڑے پچھتاوے
https://t.me/islamwitheman/554

🔵وقت، وقت اور وقت
https://t.me/islamwitheman/748

💐لفظوں کا زہر
https://t.me/islamwitheman/846

🛇الفاظ اور کمان کے تیر
https://t.me/islamwitheman/892

🌷خوشحال زندگی کے لئے
http://t.me/islamwitheman/994

🍃تھوڑا سا اور اضافے کا قانون
http://t.me/islamwitheman/1108

🌸دس منٹ دورانیئے کی فلم
http://t.me/islamwitheman/1109

🔵انجانا خوف
http://t.me/islamwitheman/1110

🌹جان بوجھ کر دھوکہ کھانا
http://t.me/islamwitheman/1138

🍀مثبت سوچ
http://t.me/islamwitheman/1236

🔷ڈیپریشن
http://t.me/islamwitheman/1265

🔷کمال
http://t.me/islamwitheman/1268

🔵اندھا اور لنگڑا
https://t.me/islamwitheman/1322

⭕زبان کے زخم
https://t.me/islamwitheman/1362

🌼عورت کا خاوند کے ساتھ رویہ
https://t.me/islamwitheman/1363
🔵 ISLAM WITH EMAN 🔵

🌼 عورت کا خاوند کے ساتھ رویہ 🌼

حدیث صحیح میں امام محمد باقر علیہ السلام سے منقول ہے کہ بنی اسرائیل میں ایک شخص بڑا عقلمند اور صاحب ثروت تھا، اس کا ایک بیٹا ایک ایسی بیبی سے تھا جو عفیفہ اور صالحہ تھی اور یہ لڑکا شکل و شمائل میں اپنے باپ سے بہت مشابہہ تھا اور دو بیٹے دوسری بیوی سے تھے جو صاحب عفت نہ تھی۔

جب اس شخص کی وفات کا وقت ہوا تو بیٹوں سے یہ کہہ کر مرا کہ میرا کل مال تم میں سے ایک کا ہے۔

اب ہر ایک دعویدار تھا کہ مال میرا ہے۔ آخر مقدمہ قاضی کے پاس گیا۔ قاضی نے کہا کہ فیصلے سے پہلے ان تینوں بھائیوں کے پاس جاؤ جو عقل میں بہت مشہور ہیں۔

حسب الحکم وہ پہلے ان میں سے ایک کے پاس گئے، یہ ایک بوڑھا آدمی تھا، اس نے کہہ دیا کہ میرے فلاں بھائی کے پاس جاؤ جو مجھ سے بھی بڑا ہے۔

چنانچہ اس کے پاس گئے، اسے ادھیڑ عمر کا پایا، اس نے کہا مجھ سے جو بڑا بھائی ہے اس کے پاس جاؤ۔

جب اس کے پاس پہنچے تو اسے جوان پایا۔ پس اپنا حال بیان کرنے سے پہلے اس سے یہ سوال کیا کہ تمھارا چھوٹا بھائی کس سبب سے بوڑھا ہوگیا اور تم جو سب سے بڑے ہو کیونکر جوان ہو؟

اس نے کہا کہ میرے چھوٹے بھائی کی عورت بہت بد ہے اور وہ اس کی بدیوں پر صبر کرتا ہے اس خیال سے کہ وہ کسی اور ایسی بلا میں مبتلا نہ ہوجائے جس پر صبر نہ ہوسکے۔ یہی وجہ ہے کہ وہ سب سے زیادہ بوڑھا معلوم ہوتا ہے۔
رہا دوسرا بھائی اس کی عورت ایسی ہے کہ کبھی اسے خوشحال رکھتی ہے اور کبھی رنجیدہ۔ اسی وجہ سے وہ ادھیڑ ہے۔
اور میری عورت مجھے ہمیشہ خوش رکھتی ہے اور کبھی آزردہ نہیں کرتی۔ یہی وجہ ہے کہ میں جوان ہوں۔

بھائیوں نے یہ کیفیت سن کر اپنا قصہ اس سے بیان کیا۔ اس نے کہا کہ پہلے تم اپنے باپ کی ہڈیاں نکال کر جلا ڈالو، پھر میرے پاس آنا، میں تمھارا فیصلہ کر دونگا۔

جب وہ چلے تو چھوٹے بھائی نے تلوار اٹھا لی اور دونوں بڑے بھائیوں نے کدالیں لے لیں۔ باپ کی قبر پر پہنچ کر بڑے بھائیوں نے کدالیں لگانی شروع کر دیں کہ قبر کو کھود ڈالیں اور چھوٹے نے تلوار کھینچی کہ میں اپنے باپ کی قبر نہ کھودنے دونگا۔ میں نے دعوٰی چھوڑا۔ جاؤ سب مال تمہی لے لو۔

پھر مقدمہ قاضی کے پاس گیا، قاضی نے تمام مال چھوٹے بیٹے کو دلوا دیا اور بڑوں سے کہہ دیا کہ تم بھی اگر اس مرحوم کی اولاد ہوتے تو جس طرح چھوٹے بیٹے کو محبت فرزندی باپ کی ہڈیاں کھودنے اور جلانے سے مانع ہوئی، تمہیں بھی مانع ہوتی۔

📚تہذیب الاسلام، باب4، ص126۔

✍سید سجاد حسین ھمدانی

https://t.me/islamwitheman/1316
🔵 ISLAM WITH EMAN 🔵

🌹 عشق کی خوشبو 🌹

●قرآن کریم میں ہے:
"وَالَّذِيْنَ آمَنُوْا اَشَدُّ حُبّاً لِله"
اور جو لوگ ایمان والے ہیں وہ اللہ تعالٰی سے بہت زیادہ محبت کرتے ہیں۔ ان کا عشق شدید ہوتا ہے۔(1)

●حضرت رسولِخداؐ نے فرمایا:
"اَحِبُّو اللہ مِنْ کُلِّ قُلُوبِکُمْ"
تم اپنے پورے دل سے اپنے خدا سے محبت کرو۔(2)

●حضرت امام جعفر صادقؑ نے فرمایا:
"اَلقَلْبُ حَرَمُ الله فَلا تُسْکِنْ حَرَمَ الله غَیْرَ الله"
یہ دل الله تعالٰی کا حرم ہے۔ اللہ تعالٰی کے حرم میں اللہ کے غیر کو جگہ نہ دو۔(3)

■خراج عشق
مصر کے بادشاہ فرعون کی بیوی جناب آسیہؑ نے قرب خداوندی کی خواہش کی اور اپنے رب سے دعا مانگی۔۔۔
"رب ابن لی عندک بیتا فی الجنة"
خداوندا!مجھے تیرے قرب میں ایک ایسا حجرہ درکار ہے جو تیری ذات کے حوالہ سے کوئی دوست شمار ہو۔(4)

ہاں بات بڑی بات ہے۔ خواہش بہت عمدہ ہے لیکن اس کی قیمت بہت مہنگی ہے۔ اگر ہر شے کی قیمت سونا قرار دی جائے تو اس خواہش کی قیمت دل و جان ہونا چاہیے۔

آسیہ نے عرض کیا:
مجھے پرواہ نہیں اگر تیری ذات کے قرب کے لئے ایک جان کیا ہزار جان قربان کر دی جائے۔ اس سودے سے دریغ نہیں ہے۔ اسی خواہش کے حصول کے لئے بیبی آسیہؑ کو ایک امتحان کے مرحلہ سے گزرنا پڑا۔
جناب آسیہؑ کو چار میخوں میں جکڑ دیا گیا اور ایک میخ آنکھ میں بھی ٹھونس دی گئی لیکن اس حالت میں بھی بیبی آسیہ خوش و خرم اور ہنستی نظر آئیں کیونکہ یہ قیمت بھی اس خواہش کے پورے ہونے کی ضمانت تھی۔(5)

■عشق میں غفلت
ایک شخص کسی عورت کے عشق میں حد سے زیادہ مبتلا تھا۔ اتفاق سے اس عورت کی ایک آنکھ میں سفید موتیا کا داغ تھا۔ عشق کے عروج کے ایام میں اسے یہ معلوم نہ ہوسکا کہ ایک آنکھ میں یہ عیب ہے۔ طوفانی محبت کے باعث وہ اس سے غافل رہا لیکن جب عشق اپنی تمام منازل طے کرنے کے بعد بلندی سے زوال کی طرف سفر کرنے لگا تو ایک دن عاشق کی نظر اس کی آنکھ کی سفیدی پر پڑی۔
اس شخص نے پوچھا:
یہ آپ کی آنکھ میں موتیا کب سے آگیا ہے؟

عورت نے جواب دیا:
یہ تو آپ کی آشنائی سے قبل بھی تھا لیکن آپ کے لیے اسی دن سے آیا ہے جس دن سے آپ کے عشق کی دنیا میں زوال شروع ہوا ہے۔(6)

■سچا عشق
فرعون مصر کی بیٹی کی خدمت گزار نوکرانی خدا پرست تھی، ایک دن اس کے سر میں کنگھی کرتے ہوئے اس کے ہاتھ سے کنگھی گر گئی اس نے جلدی سے کنگھی اٹھائی تو اس کے منہ سے خدا کا نام نکل گیا۔

فرعون کی بیٹی نے سوال کیا:
کیا میرے باپ کے علاوہ تیرا کوئی اور خدا بھی ہے؟

نوکرانی نے کہا:
میرا اور تیرے باپ کا اور زمین و آسمان کا رب خدائے یکتا ہے، جس کا کوئی شریک نہیں ہے۔

وہ لڑکی بھاگی بھاگی روتی ہوئی اپنے باپ کے پاس پہنچی، فرعون نے بیٹی سے پوچھا؛ کیوں روتی ہے؟ کیا قصہ ہے؟

بیٹی نے روتے ہوئے سارا ماجرا کہہ سنایا کہ یہ میری زیبائش و آرائش کی خدمت پر مامور نوکرانی کہتی ہے، میرا، آپ کا اور اس کا اور زمین و آسمان کا رب کوئی اور ہے جو یکتا و واحد ہے۔

فرعون نے فوری طور پر نوکرانی کو طلب کیا اور اسے کہا:
یہ جو باتیں تو نے میری لڑکی سے کی ہیں اگر اس سے باز نہ آئی تو میں تیرا سر قلم کرا دونگا۔

لیکن نوکرانی نے اس کی دھمکی کو ٹھکرا دیا اور اپنے عقیدہ سے انحراف کے لئے آمادہ نہ ہوئی۔

فرعون نے حکم صادر کیا، اس کے چاروں ہاتھوں اور پیروں میں میخ ٹھونک دی گئی اور میخوں کو زمین میں گاڑ دیا گیا اور اس کے سینہ پر سانپ اور بچھو چھوڑ دیئے گئے۔
فرعون نے کہا:
اپنے دین سے دستبردار ہو جاؤ۔

لیکن اس نوکرانی نے فرعون کی بات ماننے سے انکار کر دیا۔

فرعون نے حکم صادر کیا:
اس عورت کی بڑی لڑکی کو لا کر اس کے سینہ کے اوپر ذبح کر دیا جائے۔

اس کی بیٹی کو لا کر اس عورت کے سامنے اس کے سینہ کے اوپر ذبح کر دیا گیا لیکن وہ کلمہ توحید سے باز نہ آئی۔

اس عورت کی شیرخوار بیٹی تھی، اسے بھی لا کر اس کے سینہ پر ذبح کر دیا گیا لیکن اس نے اپنے دین سے انحراف نہیں کیا اور بالآخر اسے خود کو بھی ذبح کر دیا گیا۔ اس نے قتل ہونا پسند کیا لیکن انحراف نہ کیا۔(7)

✍سید سجاد حسین ھمدانی

📚حوالہ جات:
(1)سورہ بقرہ آیت165۔
(2)میزان الحکمۃ، 3086۔
(3)موضوعی داستانیں۔
(4)سورہ تحریم آیت 11۔
(5)موضوعی داستانیں۔
(6)داستانہائے کشف الاسرار، ص63۔
(7)داستانہائے کشف الاسرار۔

https://t.me/islamwitheman
🔵 ISLAM WITH EMAN 🔵

🔷 نفع کا سودا 🔷

بیان کیا جاتا ہے کہ ایک بادشاہ شکار کے لیے نکلا ہوا تھا۔ وہ جنگل سے گزر رہا تھا۔ کہ اس کی نظر ایک درویش پر پڑی جو اپنے حال میں مست بیٹھا تھا۔ بادشاہ اس درویش کے قریب سے گزرا لیکن اس نے آنکھ اٹھا کر بھی اس کی طرف نہ دیکھا اور یہ بات بادشاہ کو بہت ناگوار گزری۔

اس نے اپنے وزیر سے کہا کہ یہ بھیک منگے بھی بالکل جانوروں کی طرح ہوتے ہیں کہ انھیں معمولی ادب آداب کا بھی خیال نہیں ہوتا۔

بادشاہ کی ناگواری کا اندازہ کر کے وزیر اس درویش کے پاس گیا اور اس سے کہا کہ بابا جی، ملک کا بادشاہ آپ کے قریب سے گزرا اور آپ نے اتنا بھی نہیں کیا کہ اپنی عقیدت اور نیاز مندی ظاہر کرنے کے لیے کھڑے ہو جاتے اور ادب سے سلام کرتے؟

درویش نے بے پروائی سے جواب دیا:
بابا! اپنے بادشاہ سے کہو کہ ادب آداب کا خیال رکھنے کی امید ان لوگوں سے کرے جنھیں اس سے انعام حاصل کرنے کا لالچ ہو۔ اس کے علاوہ اسے یہ بات بھی اچھی طرح سمجھا دوکہ ہم جیسے درویشوں کا کام بادشاہ کا خیال رکھنا نہیں بلکہ بادشاہ کا یہ فرض ہے کہ وہ ہماری حفاظت کرے۔ تو نے سنانہیں۔ بھیڑیں گڈریے کی حفاظت نہیں کرتیں بلکہ گڈریا بھیڑوں کی حفاظت کرتا ہے۔
یاد رکھ! بادشاہی بھی ہمیشہ رہنے والی چیز نہیں۔ موت کے بعد بادشاہ اور فقیر برابر ہو جاتے ہیں۔ اگر تو قبر کھول کر دیکھے تو یہ بات معلوم نہ کر سکے گا کہ یہ شخص جس کی کھوپڑی کو مٹی نے کھا لیا ہے۔ زندگی میں کس مرتبے اور شان کا مالک تھا۔

وزیر نے درویش کی یہ باتیں بادشاہ کو سنائیں تو اس نے ان سے نصیحت حاصل کی اور فقیر پر مہربان ہو کر اس سے کہا کہ اگر کسی چیز کی ضرورت ہو تو بیان کرو۔ تمھاری ہر حاجت پوری کی جائے گی۔

فقیر نے بے نیازی سے کہا:
بس ایک خواہش ہے اور وہ یہ کہ میرے پاس آنے کی تکلیف پھر کبھی نہ اٹھانا۔

بادشاہ نے کہا:
اچھا مجھے کوئی نصیحت فرمائیے۔

درویش بولا:
میری نصیحت یہ ہے کہ اس زمانے میں جب تو تاج اور تخت کا مالک ہے زیادہ سے زیادہ نیکیاں کر کہ عاقبت میں تیرے کام آئیں گی۔ یہ تاج اور تخت ہمیشہ تیرے پاس ہی نہ رہے گا۔ جس طرح تجھ سے پہلے بادشاہ کے بعد تجھے ملا، اسی طرح تیرے بعد کسی اور کو مل جائے گا۔

؎نیکیاں کر لے اگر تو صاحب ثروت ہے آج
کل نہ جانے کس کے ہاتھ آئے ترا یہ تخت و تاج

■وضاحت:
شیخ سعدیؒ نے اس حکایت میں یہ بات بتائی ہے کہ اپنے دل کو حرص اور لالچ سے پاک کر لینے کے بعد ہی انسان کو سچی راحت اور اطمینان حاصل ہوتا ہے۔ یہ مرتبہ حاصل ہو جائے تو خدا ایسی جرأت بخش دیتا ہے کہ وہ لاؤ لشکر رکھنے والے بادشاہوں سے بھی خوف نہیں کھاتا نیز یہ کہ مال دار شخص کے لیے سب سے زیادہ نفع کا سودا نیکیاں کرنا ہے۔ اُخروی زندگی میں اس کے کام اس کا یہی سرمایہ آئے گا۔ جس مال پر دنیا میں غرور کرتا تھا، اس میں سے کفن کے سوا کچھ بھی اپنے ساتھ نہ لے جا سکے گا۔

http://t.me/islamwitheman/1268
🔵 ISLAM WITH EMAN 🔵

🌸 بندگئِ خًدا 🌸

● ارشاد باری تعالٰی ہے:
"یَآیُّھَا النَّاسُ اعْبُدُوْا رَبَّكُمُ الَّذِیْ خَلَقَکُمْ وَالَّذِيْنَ مِنْ قَبْلِکُمْ لَعَلَّکُمْ تَتَّقُوْنَ"
اے لوگو! اپنے پروردگار کی عبادت کرو، وہ کہ جس نے تمہیں اور تم سے پہلے لوگوں کو پیدا کیا تاکہ تم پرہیزگار بن جاؤ۔(1)

● حضرت امام علیؑ نے فرمایا:
"اَطْعِ اللہ فِیْ جَمِیْعِ اُمُوْرِکَ فَاِنَّ الطَّاعَةَ فَاضِلَةٌ عَلٰی مَا سِوَاھَا"
اپنے تمام کاموں میں اللہ تعالٰی کی اطاعت کرو کیونکہ اطاعتِ خداوندی باقی سب چیزوں سے افضل و برتر ہے۔(2)

■ مقام رسالت
جب رسول اکرمؐ معراج پر تشریف لے گئے تو خداوندمتعال نے ان سے خطاب فرمایا؛
"وَبِمَا اُشَرِّفُکَ" آپ خود ہی فرمائیں کہ کس چیز سے آپ کو فضیلت دوں، آپ کا مقام و مرتبہ بڑھاؤں۔
آنحضورؐ نے عرض کیا؛
"بِاَنْ تَنْسِبَنِیْ اِلَیْکَ بِالْعُبُوْدِیَّةِ" اس طرح کہ مجھے اپنی بندگی سے منسوب فرما دیں۔(3)

■ صفاتِ بندگی
جناب شیخ بہائیؒ اپنی کتاب "کشکول" میں حضرت امام جعفر صادقؑ سے نقل کرتے ہیں؛
سفیان ثوری سے بیان ہے کہ میں حضرت امام جعفر صادقؑ کی خدمت میں حاضر ھوا۔ میں آپؑ کی محفل سے تسکینِ قلب اور نورانیت کا کسبِ فیض کرنا چاہتا تھا۔ لیکن جونہی میں اس ارادے سے امامؑ کی محفل میں گیا، میرے بیٹھتے ہی حضرت نے مجھے قبول نہ کرتے ہوئے فرمایا؛ میں مصروف ہوں۔ میں امامؑ کے گھر سے باہر آگیا اور سیدھا رسول اکرمؐ کی قبر مبارک پر حاضری دی، دو رکعت نماز ادا کی، آپؐ کی ذات سے متوسل ہوا اور درخواست کی کہ مجھے امام صادق علیہ السلام اپنی محفل میں اجازت دے کر قبول فرمائیں، آپ کے صدقہ میں ان کا دل مجھ پر مہربان ہو۔

سفیان ثوری کہتے ہیں میں اپنے اس توسل اور درخواست کے بعد امام صادقؑ کی خدمت میں حاضر ھوا تو آپ نے مجھے گرمجوشی سے اپنی محفل میں جگہ عنایت فرمائی۔ اور پھر فرمایا؛
کیا آپ اپنے قلب کی کشادگی اور دل کی نورانیت کے حصول کے لئے آئے ہیں۔

میں نے عرض کیا:
ہاں، اسی لئے حاضری ہوئی ہے۔

آپؑ نے فرمایا؛
اگر آپ اپنے دل میں کشادگی کے خواہشمند ہیں تو تین چیزوں پر مضبوطی سے عمل کرو۔۔۔
❶ اے سفیان! جان لو اور یقین کرو کہ تو بندہ ہے اور وہ تیرا مولا ہے۔ بندہ کو چاہیے مولا کے حضور کلی طور پر سرتسلیم خم کرے۔
❷ اے سفیان! ہمیشہ اس طرف توجہ رہے کہ تیرا مولا غضب اور رضا دونوں صفات رکھتا ہے۔ خیال رہے ایسے کام انجام دو کہ خداوندمتعال کی رضا حاصل ہو، وہ آپ سے راضی ہو۔ اور ایسے کاموں سے کہ جن سے اس کا غضب واقع ہوتا ہے دوری اختیار کرو۔
❸ اے سفیان! تو بندہ ہے۔ تو اور تیرا سب کچھ تیرے مولا کا ہے۔(4)

■ بندگی کا طریقہ
سہل تستری کہتے ہیں؛ میں نے ایک غلام خریدا اور اسے اپنے گھر لے آیا۔ میں نے اس سے اس کا نام پوچھا اور پھر بہت سارے سوال کر دیئے۔
تعلیم کتنی ہے؟
کیا کھانا پسند کرتے ہو؟
کیا کچھ کر لو گے؟
کیسا لباس پہنو گے؟
کیا کچھ کر لاؤ گے؟
کیا پسند کرتے ہو؟

اس نے صرف ایک ہی جواب دیا:
غلام کی کیا خواہش ہوتی ہے۔ وہ تو صرف اپنے آقا کی پسند کو پسند کرتا ہے۔

سہل کہتے ہیں؛ میں نے آئندہ رات ساری رات رونے اور استغفار کرنے میں اپنے آپ سے یہی کہتے ہوئے گزاری کہ اگر وہ غلام ہے تو پھر تُو کیا ہے؟(5)

✍سید سجاد حسین ھمدانی

📚حوالہ جات:
(1)سورہ بقرہ، آیت21۔
(2)میزان الحکمۃ، 10988۔
(3)موضوعی داستانیں، ص51۔
(4)موضوعی داستانیں، ص51۔
(5)موضوعی داستانیں، ص54۔

http://t.me/islamwitheman
🔵 ISLAM WITH EMAN 🔵

🔷 ﺩﻭ ﺁﻧﺴﻮ 🔷

ﺣﻀﺮﺕ ﺣﺴﻦ ﺑﺼﺮﯼؒ ﮐﯽ ﺍﯾﮏ ﻣﺮﯾﺪﻧﯽ ﺗﮭﯽ ﺍﺳﮑﺎ ﺍﯾﮏ ﺑﯿﭩﺎ ﺗﮭﺎ ﺟﻮ ﺑﮩﺖ سرکش ﺗﮭﺎ ﺩﻧﯿﺎ ﻣﯿﮟ ﺍﯾﺴﺎ ﮐﻮﺋﯽ ﮔﻨﺎﮦ ﻧﮩﯿﮟ ﺗﮭﺎ ﺟﻮ ﺍُﺱ ﻧﮯ ﻧﮧ ﮐﯿﺎ ﮨﻮ۔۔

ﺍﯾﮏ ﺩﻥ ﺳﺨﺖ ﺑﯿﻤﺎﺭ ﮨﻮﮔﯿﺎ ﻗﺮﯾﺐ ﺍﻟﻤﻮﺕ ﮨﻮﺍ ﺗﻮ ﻣﺎﮞ ﮐﯽ ﮔﻮﺩ ﻣﯿﮟ ﺳﺮ ﺭﮐﮫ ﮐﮯ ﮐﮩﻨﮯ ﻟﮕﺎ، ﻣﺎﮞ ﺟﺐ ﻣﺠﮭﮯ ﻣﻮﺕ آئے ﺗﻮ ﺍﮮ ﻣﺎﮞ ﺍﭘﻨﮯ ﭘﯿﺮ ﻭ ﻣﺮﺷﺪ ﺳﮯﻣﯿﺮا ﺟﻨﺎﺯﮦ ﭘﮍﮬﺎﻧﮯ ﮐﯽ ﺳﻔﺎﺭﺵ ﮐﺮﻧﺎ ﺍﮔﺮ ﻭﮦ ﺁﺋﯿﮟ ﮔﮯ ﺗﻮ ﻟﻮﮒ ﻣﯿﺮﮮ ﺟﻨﺎﺯﮮ ﮐﻮ ﮐﻨﺪﮬﺎ ﺩﯾﻨﮕﮯ ﻭﺭﻧﮧ ﻣﯿﮟ ﻧﮯ ﻧﯿﮑﯽ ﮐﺎ ﮐﻮﺋﯽ ﮐﺎﻡ ﮐﯿﺎ ﮨﯽ ﻧﮩﯿﮟ___

ﺟﺐ ﻃﺒﻌﯿﺖ ﺑﮕﮍﻧﮯ ﻟﮕﯽ ﺗﻮ ﻣﺎﮞ ﺣﻀﺮﺕ ﺣﺴﻦ بصری ﮐﮯ ﭘﺎﺱ ﮔﺌﯽ ﮐﮧ ﺣﻀﺮﺕ ﻣﯿﺮﺍ ﺑﯿﭩﺎ ﻣﻮﺕ ﻭﺣﯿﺎﺕ ﮐﯽ ﮐﺸﻤﮑﺶ ﻣﯿﮟ ﮨﮯ ﺍﺱ ﻧﮯ ﺁﭖ ﺳﮯ ﺟﻨﺎﺯﮦ ﭘﮍﮬﺎﻧﮯ ﮐﯽ ﺳﻔﺎﺭﺵ ﮐﯽ ﮨﮯ۔

حسن بصری ﻧﮯ ﮐﮩﺎ ﮐﮧ ﻣﺤﺘﺮﻣﮧ! آﭘﮑﮯ ﺑﯿﭩﮯ ﮐﻮ ﻣﯿﮟ نے ﮐﺒﮭﯽ ﺳﺠﺪﮦ ﮐﺮﺗﮯ ﺩﯾﮑﮭﺎ ﻧﮩﯿﮟ ﻣﯿﮟ ﮐﯿﺴﮯ ﺟﻨﺎﺯﮦ ﭘﮍﮬﺎﻭﮞ؟

ﻣﺎﮞ ﺑﻮﺟﮭﻞ ﻗﺪﻣﻮﮞ ﮐﯿﺴﺎﺗﮫ ﻧﺎﮐﺎﻡ ﻭآﭘﺲ ﻟﻮﭨﯽ ﺍﻭﺭ ﺑﯿﭩﮯ ﺳﮯ ﮐﮩﺎ ﺑﯿﭩﺎ ﺍﮔﺮ ﺯﻧﺪﮔﯽ ﻣﯿﮟ ﻣﯿﺮﯼ ﺍﯾﮏ ﺑﺎﺕ ﻣﺎﻧﯽ ﮨﻮﺗﯽ ﺗﻮ ﺁﺝ ﻣﯿﺮﮮ ﻣﺮﺷﺪ ﺟﻨﺎﺯﮦ ﭘﮍﮬﺎﻧﮯ ﺳﮯ ﺍﻧﮑﺎﺭ ﻧﮧ ﮐﺮﺗﮯ..

ﺑﯿﭩﺎ ﺣﺴﺮﺕ ﺑﮭﺮﯼ ﺁﻧﮑﮭﻮﮞ ﺳﮯ ﻣﺎﮞ ﮐﯽ ﺑﮯﭼﯿﻨﯽ ﮐﻮ ﺩﯾﮑﮭﺘﺎ ﺭﮨﺎ، ﺭﻭﻧﮯ ﻟﮕﺎ،

بولا ﻣﺎﮞ!
ﺟﺐ ﻣﺠﮭﮯ ﻣﻮﺕ آئے ﺗﻮ ﻣﯿﺮﮮ ﭘﺎﺅﮞ ﮐﻮ ﺭﺳﯽ ﺳﮯ ﺑﺎﻧﺪﮪ ﮐﺮ ﺳﺎﺭﮮ ﺷﮩﺮ ﻣﯿﮟ ﮔﮭﺴﯿﭩﻨﺎ ﺍﻭﺭ ﯾﮧ ﺁﻭﺍﺯ ﻟﮕﺎﻧﺎ ﮐﮧ ﺟﻮ ﺍﻟﻠﮧ ﮐﯽ ﻧﺎﻓﺮﻣﺎﻧﯽ ﮐﺮﺗﺎ ﮨﮯ، ﺟﻮ ﺍﺳﮑﺎ ﺣﮑﻢ ﻧﮩﯿﮟ ﻣﺎﻧﺘﺎ ﺍﺳﮑﺎ ﯾﮩﯽ ﺣﺸﺮ ﮨﻮﮔﺎ ﺍﻭﺭ ﻣﺎﮞ!
ﭘﮭﺮ ﻣﺠﮭﮯ ﺩﻓﻨﺎﻧﺎ ﻧﮩﯿﮟ ﻣﺠﮭﮯ ﺍﺱ ﺷﮩﺮ ﮐﯽ ﺳﺐ ﺳﮯ ﮔﻨﺪﯼ ﺟﮕﮧ ﭘﮭﯿﻨﮑﻨﺎ ﮐﮧ ﺗﺎﮐﮧ ﻟﻮﮒ ﻣﺠﮫ ﺳﮯ ﻋﺒﺮﺕ ﭘﮑﮍﯾﮟ. ﺍﺱ ﺣﺎﻟﺖ ﻣﯿﮟ ﺍﺱ ﻟﮍﮐﮯ ﮐﻮ ﻣﻮﺕ ﺁﺋﯽ ﺍﻭﺭ ﺭﻭﺡ ﭘﺮﻭﺍﺯ ﮐﺮگئی.....

ﻭﻓﺎﺕ ﮐﮯ ﭼﻨﺪ ﻟﻤﺤﻮﮞ ﮐﮯ ﺑﻌﺪ ﺩﺭﻭﺍﺯﮮ ﭘﺮ دستک ﮨﻮﺋﯽ ﻣﺎﮞ ﻧﮯ ﺩﺭﻭﺍﺯﮦ ﮐﮭﻮﻻ ﺗﻮ ﺩﯾﮑﮭﺎ ﺣﺴﻦ بصری ﮐﮭﮍﮮ ﺗﮭﮯ، ﮐﮩﻨﮯ لگے ﻣﯿﮟ ﺟﻨﺎﺯﮦ ﭘﮍﮬﺎﻧﮯ ﺁﯾﺎ ﮨﻮﮞ.....

ﻣﺎﮞ ﺑﻮﻟﯽ!
ﺣﻀﺮﺕ ﻣﯿﺮﺍ ﺑﯿﭩﺎ ﻓﻮﺕ ﮨﻮﮔﯿﺎ ﯾﮧ ﺻﺮﻑ ﻣﯿﮟ ﺍﻭﺭ ﺍﻟﻠﮧ ﺟﺎﻧﺘﺎ ﮨﮯ ﺁﭘﮑﻮ ﮐﯿﺴﮯ ﭘﺘﮧ؟

ﻓﺮﻣﺎﻧﮯ لگے!
ﺟﺐ ﺁﭖ ﻭﺍﭘﺲ آئیں ﺗﻮ ﻣﯿﮟ ﻗﯿﻠﻮﻟﮧ ﮐﺮﺭﮨﺎ ﺗﮭﺎ ﻣﯿﺮﯼ ﺁﻧﮑﮫ ﻟﮕﯽ ﺍﻭﺭ ﻧﯿﻨﺪ ﻣﯿﮟ ﺁﻭﺍﺯ ﺁﺋﯽ ﮐﮧ ﺁﭖ ﻧﮯ ﺍﻟﻠﮧ ﮐﮯ ﺍﯾﮏ ﺩﻭﺳﺖ کا ﺟﻨﺎﺯﮦ ﭘﮍﮬﺎﻧﮯ ﺳﮯ ﺍﻧﮑﺎﺭ ﮐﯿﺴﮯ ﮐﯿﺎ؟

ﺍﻟﻠﮧ ﺍﮐﺒﺮ!
ﯾﮩﺎﮞ ﻧﺪﺍﻣﺖ ﮐﮯ ﺩﻭ ﺁﻧﺴﻮﮞ ﮔﺮﮮ ﻭﮨﺎﮞ ﻣﻐﻔﺮﺕ ﮐﺎ ﻓﯿﺼﻠﮧ ﮨﻮﮔﯿﺎ.

■ایک آخری بات عرض کرتا چلوں کہ اگر کبھی کوئی ویڈیو، قول، واقعہ،سچی کہانی یا تحریر وغیرہ اچھی لگا کرے تو مطالعہ کے بعد مزید تھوڑی سے زحمت فرما کر اپنے دوستوں سے بھی شیئر کر لیا کیجئے، یقین کیجئے کہ اس میں آپ کا بمشکل ایک لمحہ صرف ہوگا لیکن ہو سکتا ہے کہ اس ایک لمحہ کی اٹھائی ہوئی تکلیف سے آپ کی شیئر کردہ تحریر ہزاروں لوگوں کے لیے سبق آموز ثابت ہو۔

http://t.me/islamwitheman
🔵 ISLAM WITH EMAN 🔵

ایک 22 سالہ یہودی نوجوان کا مسلمانوں سے ہوش اڑا دینے والا خطاب

شیعہ اور سنی مسلمان اس یہودی کے خطاب کا جواب دے سکتے ہیں آخری جمعہ یاد رہے یوم القدس یاد رہے

زیادہ سے زیادہ شیئر کریں

📢 یہودی نوجوان مسلمانوں سے اپنے خطاب کا آغاز یوں کرتا ہے۔۔۔:

✍ شیعوں کی ایک مسجد کو ہم نے دھماکے سے اڑایا اور تم سے کہا کہ یہ سنیوں کا کام تھا اور سنیوں کی مسجد کو اڑا دیا اور کہا کہ یہ شیعوں کا کام تھا اور یوں ہم نے تمہارے درمیان کشت و خون کا نہ ختم ہونے والا سلسلہ شروع کیا!

✍ ہم نے سنیوں کو جتا دیا کہ تمہار دشمن نمبر ایک شیعہ ہے اور شیعوں کو جتایا کہ سنی تمہارا دشمن نمبر ایک ہے اور یوں ہم نے مسلمانوں کی نسلوں کو نابود کردیا!

✍ تم کس بات پر فخر کرتے ہو؟؟؟!!!

✍ ہم نے اپنے سیٹلائٹ چینلز تمہارے گھروں تک پہنچا دیئے اور مسلمانوں کی تمام زبانوں میں خصوصی چینلز کی بنیاد رکھی!

✍ ہم نے غیر اسلامی فلمیں تیار کردیں اور انہیں عین اسی وقت نشر کیا جب تمہاری عبادت کا وقت تھا اور یوں ہم نے تمہارے اسلام کو نابود کردیا!

✍ ہم نے تمہارے بازاروں کو تنگ اور نازک و بدن نما لباسوں سے پر کردیا اور ان کی تنگی اور نازکی میں روز بروز اضافہ کیا!

✍ ہم نے لڑکوں اور لڑکیوں کے درمیان دوستی کی ثقافت تمہارے نوجوانوں کے درمیان رائج کردی اور تمہارے نوجوانوں کے ایمان کو کمزور کردیا!

✍ ہم نے پیشہ ورانہ ہتھکنڈوں سے تمہاری یونیورسٹیوں کو بند کردیا اور آج دیکھ رہے ہیں کہ تمہاری یونیورسٹیاں صرف لڑکوں لڑکیوں کے درمیان ناجائز دوستوں کے مراکز میں تبدیل ہوچکی ہیں!

✍ ہم نے عربوں کو جتا دیا کہ تمہارے ہٹ دھرم دشمن فارس ہیں اور فارسوں کو جتایا کہ عرب تمہارے دشمن نمبر ایک ہیں!

✍ ہم تسلسل کے ساتھ فارسوں کو ان کے تابناک ماضی کی قصے سناتے ہیں اور انہیں عربوں کے مد مقابل لاکھڑا کردیتے ہیں!

✍ تمہارے درمیان تمہارے بزرگوں کے بارے میں لطیفے تیار کیا اور تم نے ان لطیفوں کا خیر مقدم کیا!

✍ ہم نے مسلمانوں فرقوں کو لعن و نفرین کی تعلیم دی اور انہیں سکھایا کہ ایک دوسرے پر لعن و نفرین کریں!

✍ ہم نے ہر دو مسلمان ملکوں کے درمیان فتنہ انگیزی کی اور دونوں کو اسلحہ دیا تا کہ ایک دوسرے کو قتل کریں اور یوں ہم نے تمہاری نسلوں کو نابود کیا!

✍ ہم نے تمہارے قرآن میں تحریف کی کوشش کی لیکن ممکن نہیں ہوا چنانچہ ہم نے اس کے تراجم اپنی مرضی سے کرائے اور اپنی مرضی سے اس کی تفسیریں لکھوائیں اور بعض کو کافر قرار دلوایا اور ان کے قتل کو جائز قرار دلوایا؛ تکفیر کو ہم نے رواج دیا!

✍ ہم نے تمہارے بیچ نئے مذاہب کی بنیاد رکھی اور انہیں طاقتور بنایا اور انہیں ہتھیار تھما دیئے تا کہ تمہارا قتل عام کریں اور تم ابھی سورہے ہو!

✍ ہم نے تمہارے درمیان اپنی مرضی کے سماجی منصوبے نافذ کئے اور تمہیں عجیب و غریب اعمال و افعال میں مصروف کیا تا کہ تم کبھی بھی بیدار نہ ہوسکو اور اپنی نجات ہماری آغوش میں تلاش کرو اور تم آج وہی کررہے ہو جو ہم چاہتے تھے اور ایک دوسرے سے بچنے کے لئے ہماری پناہ میں آرہے ہو اور اربوں ڈالر ہمیں دے رہے ہو تا کہ تمہیں تمہارے بھائیوں سے تحفظ دیں!
✍ ہم نے ایسی فلمیں بنوائیں اور ایسے ڈرامے بنوائے جنہیں دے کر خیانت اور بےغیرتی کو تمہارے گھروں کے اندر رائج کردیا!

و بہت سے دوسری چیزیں ۔۔۔

یہ یہودی نوجواں اب یہودیوں سے خطاب کرکے کہتا ہے:

✍ اور ہاں! اے سربلند یہودیو! آج کوئی بھی گولی ہماری طرف نہيں آرہی، کیونکہ مسلمان ایک دوسرے کے قتل میں مصروف ہیں! راتوں کو آرام سے سویا کرو فکرمندی کی کوئی ضرورت نہیں!

✍ کسی زمانے میں اسلام دنیا پر حکومت کرتا تھا لیکن آج مسلمان حتی اپنے اوپر بھی حکومت کرنے کے قابل نہيں رہے ہیں!

✍ آج عراق، شام، لبنان، یمن، لیبیا، تیونس، مصر، جزیرہ نمائے عرب، افغانستان، پاکستان، قطر، کویت، امارات اور ترکی اور بہت سے دوسرے مسلم ممالک اور اقوام ایک دوسرے کے قتل عام میں مصروف ہیں! وہ کیسے؟
وہ یوں کہ ہم نے انہیں قائل کرلیا کہ ہم ان کے دشمن نہیں ہیں بلکہ ان میں سے کچھ کچھ دوسروں کے دشمن ہیں اور وہ بھی مان گئے!!!

✍ اس مرحلے پر پہنچ کر یہودی نوجوان نے اپنے ہاتھ اوپر کی طرف اٹھا لئے اور پوری قوت سے چلّا کر کہا ۔۔۔:
✍ اے محمد(ص)! جو اسلام آپ پوری دنیا والوں کے لئے لائے تھے آج اس کا چراغ اجالا دینے کا قابل نہيں رہا ہے!!!
✍ اے محمد(ص)! آپ کی کتاب آج سمجھی اور پڑھی نہیں جارہی کیونکہ اگر اس کو پڑھا اور سمجھا جاتا آج وہ ایک دوسرے کو قتل نہ کرتے!!!
✍ اے محمد(ص)! کسی وقت آپ مسلمانوں سے کہا کرتے تھے کہ یہود تمہارے دشمن نمبر ایک ہیں لیکن آج ہم نے آپ کے قواعد کو بدل کر رکھ دیا ہے!!!
✍ دیکھ رہے ہیں آپ اے محمد(ص)! آج آپ کی امت خون میں رنگی ہوئی ہے، روزانہ ہزاروں مسلمان مسلمانوں کے ہاتھوں مارے جارہے ہیں، کیوں کہ ہم نے انہیں آپ کی تعلیمات سے دور کردیا اور انہیں جتا دیا کہ وہ ایک دوسرے کے بھائی نہیں ہیں

، اور وہ مان گئے کیونکہ وہ مزید آپ کی کتاب نہیں پڑھتے اور اگر پڑھتے ہیں تو اس کو سمجھنے کی کوشش نہیں کرتے!
۔۔۔۔۔۔۔۔۔۔
ترجمہ و تکمیل: فرحت حسین مہدوی
۔۔۔۔
شیئر کرنے میں دیر نہ کیجئے

🌺 خدا تعالٰی کی بندگی 🌺

●ارشاد باری تعالٰی ہے:
"وما خلقت الجن والإنس إلا لیعبدون"
میں نے جِنّوں اور انسانوں کو عبادت کے لئے بنایا ہے۔(1)

●حضرت امام علیؑ نے فرمایا؛
عبادت کامیابی ہے۔(2)

■سلیقۂ بندگی
ایک مؤدب و فہمیدہ غلام نے اپنے آقا کو انتہائی غم و دکھ کی حالت میں دیکھا اور پوچھا؛
آپ کے غم و غصہ کا سبب کیا ہے؟

آقا نے کہا؛ میں مقروض ہوں۔

غلام نے عرض کیا؛ آپ مجھے بازار لے جا کر فروخت کر دیں اور اپنا قرضہ ادا کر دیں۔

آقا نے کہا؛ میرا قرضہ بہت بھاری ہے اور تیری قیمت میرے قرضہ کے دسویں حصہ کو بھی ادا نہیں کر سکتی۔

غلام نے کہا؛ آپ اپنے قرضہ کے مطابق میری قیمت مانگ لیں۔

آقا نے کہا؛ تیری اس قدر قیمت کوئی بھی نہیں دیگا۔

غلام نے عرض کیا؛ آپ خریداروں سے میرے بارے بیان کریں کہ اس میں ایک بہت ہی اچھی صفت ہے جس کی وجہ سے اس کی قیمت زیادہ ہے اور وہ صفت یہ ہے کہ وہ غلامی و اطاعت گزاری کے آداب سے بہتر اور بخوبی واقف ہے۔

آقا اپنے غلام کی ان باتوں سے مطمئن ہوکر اسے بازار لے گیا۔ جب وہ بردہ فروشوں کے بازار میں پہنچے اور اس کی مناسب قیمت سے دس گنا زیادہ قیمت مانگی تو جو کوئی قیمت سنتا وہ سن کر ہنسنے لگتا اور چل دیتا۔

بالآخر ایک گاہک نے قیمت کی زیادتی کا سبب دریافت کیا۔
آقا نے جواب دیا؛ یہ بندگی و غلامی کے رسوم و آداب سے خوب واقف ہے۔

گاہک نے کہا؛ میں اس غلام کو اس شرط پر خرید کرتا ہوں کہ واقعاً اس میں یہ خوبی ہو۔

اس شخص نے اس غلام کو خرید لیا اور اپنے ساتھ اپنے گھر لے آیا۔ اس کی بیان شدہ صفت کو آزمانے کے لئے اس نے آتے ہی حکم صادر کیا کہ اسے تازیانے لگاؤ اور خوب مارو۔ اس طرح وہ اس غلام کا امتحان لینا چاہتا تھا۔
غلام نے تازیانے کھائے لیکن اس دوران نہ گریہ کیا، نہ ہی فریاد اور نہ ہی تازیانے لگانے کی وجہ دریافت کی۔ بس خاموشی اور خوشی و رضا سے تازیانوں کے لئے حاضر رہا۔

اس شخص نے فوری حکم صادر کیا کہ بس اسے چھوڑ دیا جائے اور پھر غلام سے پوچھا؛
تجھے جب تازیانے لگ رہے تھے تو کیا درد نہیں ہو رہا تھا؟

غلام نے جواب دیا؛ کیوں نہیں، درد تو ہو رہا تھا۔

اس شخص نے پوچھا؛ تو پھر تو چپ کیوں تھا، کیا تجھے بغیر وجہ کے نہیں مارا جا رہا تھا، تو نے اعتراض کیوں نہیں کیا۔؟

غلام نے جواب دیا؛ میں غلام ہوں اور آپ میرے آقا ہیں۔ کسی غلام کے لئے یہ مناسب نہیں کہ وہ اپنے آقا کے حکم کے سامنے چوں چرا کرے۔ غلام کو پوری طرح سے اپنے مولا کے سامنے تسلیم ہونا چاہیے۔(3)

■ ایک عارفانہ جواب
کسی بادشاہ نے شکار پر جاتے ہوئے راستے میں ایک بھولے بھالے شخص کو دیکھا جو ایک کتے کے ساتھ بیٹھا اس سے نوازش کرتے ہوئے مانوس نظر آیا۔ بادشاہ نے اپنے ہمراہی وزیر سے کہا؛
ذرا ٹھہرو، مجھے ذرا اس بھلے شخص سے مذاق کرنا ہے۔ اس طرح سے ہمیں ایک طرح سے تفریح حاصل ہوگی۔

وزیر نے عرض کیا؛ جناب میں آپ سے قربان جاؤں، میری خواہش ہے آپ ایسا نہ کریں، کہیں ایسا نہ ہو کہ وہ آپ کی شان میں گستاخی اور بےادبی کرے۔ آپ آزردہ خاطر ہوں اور ہمیں بھی ناگوار ہو۔

بادشاہ نے کہا؛ پروا نہ کرو جو کچھ میں نے کہا ہے وہ درست ہے۔ اور پھر بادشاہ خود آگے بڑھ گیا اور اس شخص کے نزدیک جاکر پوچھا:
تو بہتر ہے یا تیرا کتا۔؟

اس شخص نے جواب دیا؛
میں آپ سے قربان جاؤں۔ جناب میرا یہ کتا۔ کبھی بھی میری حکم عدولی نہیں کرتا پس معاملہ اسی طرح ہے۔ شاہ و گدا اگر خداوندمتعال کے فرمان سے سرتابی نہ کریں اور حکم خداوندی کی اطاعت کریں تو یقیناً اس کتے سے بہتر ہیں اور اگر اپنے رب کی نافرمانی کریں تو پھر البتہ یہ کتا ان دوں سے بہتر ہے۔

بادشاہ کو اب کوئی بات کرنا نہیں آرہا تھا۔ چپکے سے اپنی راہ لی اور چل دیئے۔(4)

■ غلام کا نام
ایک شخص بردہ فروشی کے بازار میں ایک غلام خرید کرنے گیا۔ اس کے سامنے کئی غلام پیش کئے گئے۔ اسے ایک غلام پسند آیا۔ اس نے اس کی خریداری کا ارادہ کیا اور پھر اس غلام سے پوچھا؛
آپ کا کیا نام ہے۔؟

غلام نے جواب دیا؛
میرا نام خریداری کے بعد معلوم ہوگا۔ آپ پہلے مجھے خرید لیں پھر جو نام آپ رکھ دیں گے اور جس نام سے پکاریں گے وہی میرا نام ہوگا۔(5)

■ عابد ترین شخص
حضرت یونسؑ نے حضرت جبرائیلؑ سے فرمایا؛
مجھے اس روئے زمین کے عابدترین شخص کے بارے بتائیں۔

حضرت جبرائیلؑ نے انہیں ایک ایسا شخص دکھلایا جس کے بیماری کی وجہ سے ہاتھ، پاؤں کٹے ہوئے تھے اور نابینا اور بہرا بھی تھا لیکن اس کی زبان پر یہی جاری تھا:
خدایا میں تیرا شکر ادا کرتا ہوں کہ جو تو نے چاہا میرے سے لے لیا اور جو تونے چاہا میرے لئے باقی رکھا۔ اور پھر یہ احسان فرمایا کہ اپنی ذات کے ساتھ امید کو میرے دل میں باقی رکھا۔(6)

✍سید سجاد حسین ھمدانی

📚حوالہ جات:
(1)سورہ ذاریات، آیت56۔
(2)میزان الحکمۃ، 11301۔
(3)موضوعی داستانیں، ص53۔
(4)موضوعی داستانیں، ص55۔
(5)موضوعی داستانیں، ص56۔
(6)موضوعی داستانیں، ص56۔

https://t.me/islamwitheman
🔵 ISLAM WITH EMAN 🔵

🔷 اسقاطِ حمل بنام ﮔﻮﻧﮕﯽ ﭼﯿﺦ 🔷

ﺑﺮﺍۂ ﻣﮩﺮﺑﺎﻧﯽ ﺍﺱ ﻣﻀﻤﻮﻥ ﮐﻮ ﺿﺮﻭﺭ ﭘﮍﮬﯿﮟ ﺍﻭﺭ ﺍﮔﺮ ﺍﺳﮯ ﭘﮍﮪ ﮐﺮ ﺁﭖ ﮐﮯ ﺩﻝ ﮐﯽ ﺩﮬﮍکنیں ﺑﮍﮪ ﺟﺎئیں ﺗﻮ ﺷﯿﺌﺮ ﺿﺮﻭﺭ ﮐﺮﯾﮟ.

ﺍﻣﺮﯾﮑﮧ ﻣﯿﮟ ﺳﻦ 1984 ﻣﯿﮟ ﺍﯾﮏ ﮐﺎﻧﻔﺮﻧﺲ ﮨﻮﺋﯽ ﺗﮭﯽ "ﻧﯿﺸﻨﻞ ﺭﺍﺋﭩﺲ ﭨﻮ لايو ﻛﻨﻮﯾﻨﺸﻦ" ﺍﺱ ﮐﺎﻧﻔﺮﻧﺲ ﮐﮯ ﺍﯾﮏ ﻧﻤﺎﺋﻨﺪﮮ ﻧﮯ (ﮈﺍﮐﭩﺮ ﺑﺮﻧﺎﺭﮈ ﻧﮯﺗﮭﯿﻨﺴﻦ ﮐﮯ) ﮐﯽ ﻃﺮﻑ ﺳﮯ ﺍﺳﻘﺎﻁ ﺣﻤﻞ ﮐﯽ ﺑﻨﺎﺋﯽ ﮔﺌﯽ ﺍﯾﮏ ﺍﻟﭩﺮﺍﺳﺎﮈ ﻓﻠﻢ "ﺳﺎﻟﭧ ﺳﻜﺮﻳﻢ" (ﮔﻮﻧﮕﯽ ﭼﯿﺦ) کی ﺟﻮ ﺗﻔﺼﯿﻼﺕ ﺩی تھیں ﻭﮦ ﺍﺱ ﻃﺮﺡ ہیں۔۔۔
ﺑﭽﮧ ﺩﺍﻧﯽ ﮐﯽ ﻭﮦ ﻣﻌﺼﻮﻡ ﺑﭽﯽ ﺍﺏ 15 ﮨﻔﺘﮯ ﮐﯽ ﺗﮭﯽ ﺍﻭﺭ ﮐﺎﻓﯽ ﭼﺴﺖ ﺗﮭﯽ. ﮨﻢ ﺍﺳﮯ ﺍﭘﻨﯽ ﻣﺎﮞ کے ﭘﯿﭧ ﻣﯿﮟ ﮐﮭﯿﻠﺘﮯ، ﮐﺮﻭﭦ ﺑﺪﻟﺘﮯ ﺍﻭﺭ ﺍﻧﮕﻮﭨﮭﺎ ﭼﻮﺳﺘﮯ ﮨﻮﺋﮯ ﺩﯾﮑﮫ ﺭﮨﮯ ﺗﮭﮯ. ﺍﺱ ﮐﮯ ﺩﻝ ﮐﯽ ﺩﮬﮍﻛﻨﻮﮞ ﮐﻮ ﺑﮭﯽ ﮨﻢ ﺩﯾﮑﮫ ﭘﺎ ﺭﮨﮯ ﺗﮭﮯ ﺍﻭﺭ ﻭﮦ ﺍﺱ ﻭﻗﺖ 120 ﮐﯽ ﺭﻓﺘﺎﺭ ﺳﮯ ﺩﮬﮍﮎ ﺭﮨﺎ ﺗﮭﺎ. ﺳﺐ ﮐﭽﮫ ﺑﺎﻟﮑﻞ ﻧﺎﺭﻣﻞ ﺗﮭﺎ؛ ﻟﯿﮑﻦ ﺟﯿﺴﮯ ﮨﯽ ﭘﮩﻠﮯ ﺍﻭﺯﺍﺭ (ﺳﻜﺴﻦ ﭘﻤﭗ) ﻧﮯ ﺑﭽﮧ ﺩﺍﻧﯽ ﮐﯽ ﺩﯾﻮﺍﺭ ﮐﻮ ﭼﮭﻮ ﻟﯿﺎ، ﻭﮦ ﻣﻌﺼﻮﻡ ﺑﭽﯽ ﮈﺭ ﺳﮯ ﺍﯾﮏ ﺩﻡ ﮔﮭﻮﻡ ﮐﺮ ﺳﮑﮍ ﮔﺌﯽ ﺍﻭﺭ ﺍﺱ ﮐﮯ ﺩﻝ ﮐﯽ ﺩﮬﮍﮐﻦ ﺑﮩﺖ ﺑﮍﮪ ﮔﺌﯽ. ﺍﮔﺮﭼﮧ ﺍﺑﮭﯽ ﺗﮏ ﮐﺴﯽ ﺍﻭﺯﺍﺭ ﻧﮯ ﺑﭽﯽ ﮐﻮ ﭼﮭﻮﺍ ﺗﮏ ﺑﮭﯽ ﻧﮩﯿﮟ ﺗﮭﺎ، ﻟﯿﮑﻦ ﺍﺳﮯ ﺗﺠﺮﺑﮧ ﮨﻮ ﮔﯿﺎ ﺗﮭﺎ ﮐﮧ ﮐﻮﺋﯽ ﭼﯿﺰ ﺍﺱ ﮐﮯ آﺭﺍﻣﮕﺎﻩ، ﺍﺱ ﻣﺤﻔﻮﻅ ﻋﻼﻗﮯ ﭘﺮ ﺣﻤﻠﮧ ﮐﺮﻧﮯ ﮐﯽ ﮐﻮﺷﺶ ﮐﺮ ﺭﮨﯽ ﮨﮯ. ﮨﻢ ﺩﮨﺸﺖ ﺳﮯ ﺑﮭﺮﮮ ﯾﮧ ﺩﯾﮑﮫ ﺭﮨﮯ ﺗﮭﮯ ﮐﮧ ﮐﺲ ﻃﺮﺡ ﻭﮦ ﺍﻭﺯﺍﺭ ﺍﺱ ﻧﻨﮭﯽ ﻣﻨﯽ ﻣﻌﺼﻮﻡ ﮔﮍﻳﺎ ﺳﯽ ﺑﭽﯽ ﮐﮯ ﭨﮑﮍﮮ ﭨﮑﮍﮮ ﮐﺮ ﺭﮨﯽ ﺗﮭﯽ. ﭘﮩﻠﮯ ﮐﻤﺮ، ﭘﮭﺮ ﭘﯿﺮ ﻭﻏﯿﺮﮦ ﮐﮯ ﭨﮑﮍﮮ ﺍﯾﺴﮯ ﮐﺎﭨﮯ ﺟﺎ ﺭﮨﮯ ﺗﮭﮯ ﺟﯿﺴﮯ ﻭﮦ ﺯﻧﺪﮦ ﻣﺨﻠﻮﻕ ﻧﮧ ﮨﻮﮐﺮ ﮐﻮﺋﯽ ﮔﺎﺟﺮ، ﻣﻮﻟﯽ ﮨﻮ ﺍﻭﺭ ﻭﮦ ﺑﭽﯽ ﺩﺭﺩ ﺳﮯ ﭼﮭﭩﭙﭩﺎﺗﯽ ﮨﻮﺋﯽ، ﺳﮑﮍ ﮐﺮ ﮔﮭﻮﻡ ﮔﮭﻮﻡ ﮐﺮ ﺗﮍﭘﺘﯽ ﮨﻮﺋﯽ ﺍﺱ ﻗﺎﺗﻞ ﺍﻭﺯﺍﺭ ﺳﮯ ﺑﭽﻨﮯ ﮐﯽ ﮐﻮﺷﺶ ﮐﺮ ﺭﮨﯽ ﺗﮭﯽ. ﻭﮦ ﺍﺱ ﺑﺮﯼ ﻃﺮﺡ ﮈﺭ ﮔﺌﯽ ﺗﮭﯽ ﮐﮧ ﺍﯾﮏ ﻭﻗﺖ ﺍﺱ ﮐﮯ ﺩﻝ ﮐﯽ ﺩﮬﮍﮐﻦ 200 ﺗﮏ ﭘﮩﻨﭻ ﮔﺌﯽ! ﻣﯿﮟ ﻧﮯ ﺧﻮﺩ ﺍﭘﻨﯽ ﺁﻧﮑﮭﻮﮞ ﺳﮯ ﺍﺱ ﮐﻮ ﺍﭘﻨﺎ ﺳﺮ ﭘﯿﭽﮭﮯ ﺟﮭﭩﻜﺘﮯ ﻭ ﻣﻨﮧ ﮐﮭﻮﻝ ﮐﺮ چیخخنے كى ﮐﻮﺷﺶ ﮐﺮﺗﮯ ﮨﻮﺋﮯ ﺩﯾﮑﮭﺎ، ﺟﺴﮯ ﮈﺍﮐﭩﺮ ﺗﮭﯿﻨﺴﻦ ﻧﮯ "ﮔﻮﻧﮕﯽ ﭼﯿﺦ" ﯾﺎ "ﺧﺎﻣﻮﺵ ﭘﮑﺎر" ﮐﮩﺎ ﮨﮯ.
ﺁﺧﺮ ﻣﯿﮟ ﮨﻢ ﻧﮯ ﻭﮦ بے رحم اور دردناک ﻣﻨﻈﺮ ﺑﮭﯽ ﺩﯾﮑﮭﺎ، ﺟﺐ ﺳﮉﺳﯽ ﺍﺱ ﮐﮭﻮﭘﮍﯼ ﮐﻮ ﺗﻮﮌﻧﮯ ﮐﮯ ﻟﺌﮯ ﺗﻼﺵ ﺭﮨﯽ ﺗﮭﯽ ﺍﻭﺭ ﭘﮭﺮ دہاﻧﮯ ﺳﮯ ﺍﺱ ﺳﺨﺖ ﮐﮭﻮﭘﮍﯼ ﮐﻮ ﺗﻮﮌ ﺭﮨﯽ ﺗﮭﯽ ﮐﯿﻮﻧﮑﮧ ﺳﺮ ﮐﺎ ﻭﮦ ﺣﺼﮧ ﺑﻐﯿﺮ ﺗﻮﮌﮮ ﺳﮑﺸﻦ ﭨﯿﻮﺏ ﮐﮯ ﺫﺭﯾﻌﮯ ﺑﺎﮨﺮ ﻧﮩﯿﮟ ﻧﮑﺎﻻ ﺟﺎ ﺳﮑﺘﺎ ﺗﮭﺎ۔
ﻗﺘﻞ ﮐﮯ ﺍﺱ ﺍذيت ناک ﮐﮭﯿﻞ ﮐﻮ ﺧﻮﺷﺤﺎﻝ ﮐﺮﻧﮯ ﻣﯿﮟ ﻗﺮﯾﺐ ﭘﻨﺪﺭﮦ ﻣﻨﭧ ﮐﺎ ﻭﻗﺖ ﻟﮕﺎ ﺍﻭﺭ ﺍﺱ ﺩﺭﺩﻧﺎﮎ ﻣﻨﻈﺮ ﮐﺎ ﺍﻧﺪﺍﺯﮦ ﺍﺱ ﺳﮯ ﺯﯾﺎﺩﮦ ﺍﻭﺭ ﮐﺲ ﻃﺮﺡ ﻟﮕﺎﯾﺎ ﺟﺎ ﺳﮑﺘﺎ ﮨﮯ ﮐﮧ ﺟﺲ ﮈﺍﮐﭩﺮ ﻧﮯ ﯾﮧ ﺍﺳﻘﺎﻁ ﺣﻤﻞ ﮐﯿﺎ ﺗﮭﺎ ﺍﻭﺭ ﺟﺲ ﻧﮯ ﺍﺱ كى ﻓﻠﻢ ﺑﻨﻮﺍ ﻟﯽ ﺗﮭﯽ، ﺍﺱ ﻧﮯ ﺟﺐ ﺧﻮﺩ ﺍﺱ ﻓﻠﻢ ﮐﻮ ﺩﯾﮑﮭﺎ ﺗﻮ ﻭﮦ ﺍﭘﻨﺎ ﮐﻠﯿﻨﮏ ﭼﮭﻮﮌ ﮐﺮ ﭼﻼ ﮔﯿﺎ ﺍﻭﺭ ﭘﮭﺮ ﻭﺍﭘﺲ ﻧﮩﯿﮟ ﺁﯾﺎ!

ﺁﭖ ﮐﺎ ﺍﯾﮏ ﺷﯿﺌﺮ ﮐﺴﯽ ﻣﻌﺼﻮﻡ ﮐﯽ ﺟﺎﻥ ﺑﭽﺎ ﺳﮑﺘﺎ ﮨﮯ . . .

_ ثاقب نقاش____

http://t.me/islamwitheman
🔵 ISLAM WITH EMAN 🔵