#ҳадис

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Қай бир аёл бир қавмга улардан бўлмаган шахсни киритса, унинг Аллоҳдан ҳеч бир нарсага (умиди) йўқдир ва Аллоҳ уни зинҳор жаннатига киритмас. Қай бир эркак ўзи қараб туриб, ўз боласини инкор қилса, Аллоҳ таоло ундан ҳижобланур ва аввалгию охиргилар ҳузурида уни шарманда қилур», дедилар».
Абу Довуд, Насаий ва Ҳоким ривоят қилишган.

Шарҳ: Зино қилиб орттирган боласини эрининг қавмига билдирмай қўшиб юборган аёл дунё-даги энг бадбахт аёллардан бўлади. Ундоқ нобакор аёлнинг икки дунёси куяди. Аллоҳнинг динидан бирор насибага эга бўлмайди. Охиратда эса Аллоҳ таоло уни дўзах азоби ила азоблайди ва жаннатга яқин ҳам келтирмайди.

Бировнинг боласини бошқа қавмга қўшиш қанчалик ёмон бўлса, ўз боласини билиб туриб инкор қилиш ҳам шунчалик ёмондир. Ўша гуноҳ ишни қилган одамдан Аллоҳ таоло ҳижобланади ва қиёмат куни барча халойиқ олдида уни шарманда қилади.

Шундоқ йўллар билан Ислом инсоният наслини соғ-саломат, ҳаром-хариш аралаштирмай сақлаб келган. Зотан, Ислом шариатининг бош мақсадларидан бири ҳам наслни муҳофаза қилишдир. Ислом йўқ жойда эса, насл-насабнинг тайини қолмаслигини кўриб-билиб турибмиз.

«Ҳадис ва ҳаёт» китобидан

♻️ Дўстларингизга ҳам улашинг!!!
👉 t.me/irshooduz 👈

Жобир ибн Абдуллоҳ розияллоҳу анҳумо айтади:
«Расулуллоҳ соллаллоҳу алайҳи васаллам билан кабас тераётган эдик. Шунда Расулуллоҳ соллаллоҳу алайҳи васаллам: «Унинг қорасини олинглар, чунки ўшаниси ширинроқ», дедилар.

Имом Бухорий ривояти.

Изоҳ: Кабас – арок (мисвок) дарахтининг меваси. Ҳижоз ерларида бўлади. Табиатан иссиқлик, қуруқ бўлади. Унинг фойдаси худди арок шохининг фойдаси кабидир. Меъдани кучайтиради, ҳазмни яхшилайди, балғамни кетказади. Бел оғриғи ва кўплаб дардларга фойдалидир.

«Тиббун набавий» китобидан.

♻️ Дўстларингизга ҳам улашинг!!!
👉 t.me/irshooduz 👈

Бомдод намозига ўз вақтида туриш учун баъзи бир амалий воситаларни баён қилиб ўтамиз .

Эй азиз намозхон дўстим, қуйида сизга бомдод намозига ўз вақтида туриш учун баъзи бир амалий воситалар.

1) Бомдод намозига таълуқли, барча оят-ҳадисларни ёдга олиб юришлик.

2) Кечки уйқудан олдин ният ва ирода бўлишлиги.

3) Гуноҳлардан четланиб юриш ҳам бомдод намозига туришга сабаб бўлади. Бир киши Ҳасан Басрийга: "Эй Абу Сайид менга нима бўлдики тахорат билан ётсам ҳам таҳажжудга (яъни тунги намозга) тура олмаяпман" деганида у зот: "Гуноҳларинг сени боғлаб қўйибди. Сен кундузингни тўғирласанг тунинг сен учун тўғирланади", деб жавоб берибдилар. Азизлар! Саҳоба ва Тобиънларнинг қайғулари таҳажжуд (тунги)намозини ўқиш бўлган, минг афсуслар бўлсинки бизнинг ташвишимиз эса бомдод намозига туришдир.

4) Ғафлатга олиб борадиган ишлардан йироқ бўлиш масалан: ярим кечагача телевизор кўриш, мало-яъни гапларни гаплашиб ўтириш ва хаказо.

5) Уйқудан олдин тўйиб овқат емаслик.

6) Пайғамбаримиз алайҳиссалом ўргатган уйқу олдидаги зикрларни айтиб, таҳорат билан ётиш.

7) Уйғатгични қўйиб ётиш. Бироқ кишида қатиийлик бўлмаса, уни ўн мартта ўчириб ҳам ухлайвериши мумкин.

♻️ Дўстларингизга ҳам улашинг!!!
👉 t.me/irshooduz 👈

Ассалому алайкум ва роҳматуллоҳи ва барокатуҳ!

🗓 10 - Зулқаъда 1442 ҳ.й
20 - Июнь 2021 м.й

⏰ Бомдод - 03:07
⏰ Қуёш - 04:49
⏰ Пешин - 12:29
⏰ Аср - 17:40
⏰ Шом - 20:01
⏰ Хуфтон - 21:43

Аллоҳ таоло бугунги кунимизни хайрли ва баракали қилсин!

♻️ Дўстларингизга ҳам улашинг!!!
👉 t.me/irshooduz 👈

МУСЛИМА АЁЛЛАРГА ТАВСИЯЛАРДАН

Ғазабни тийиш йўллари.
Қуйида ғазабни тийишнинг еттита йўлини зикр қиламиз.Ин ша Аллоҳ , уларга амал қилиш орқали ғазабни тийиш имкони бўлади:

- Эрингиз ёки фарзандларингизга уйга кириш дуоларини ўргатинг ва уларга амал қилдиринг.Қачонки, уйга кирсалар:
“Аъуузу биллаҳи минаш шайтонир рожийм”, “Бисмиллаҳир роҳманир роҳийм”, Ихлос сураси, салавот ва дуо ўқиб ҳамда салом бериб кирсинлар. Дуо ушбудир:


اللَّهُمَّ إِنِّي أَسْأَلُكَ خَيْرَ الْمَوْلِجِ وَخَيْرَ الْمَخْرَجِ بِسْمِ اللهِ وَلَجْنَا وَبِسْمِ اللهِ خَرَجْنَا وَعَلَى اللهِ رَبِّنَا تَوَكَّلْنَا

“Эй, Аллоҳим! Мен Сендан кирадиган жойнинг энг яхшисини ва чиқадиган жойнинг энг яхшисини сўрайман. Аллоҳнинг номи ила кирдик ва Аллоҳнинг номи ила чиқдик.Ва Роббимиз Аллоҳга таваккал қилдик” (Имом Абу Довуд ривояти)
Ёдда тутинг! Дуолар фақат ўқиш учун эмас, балки Аллоҳ таъолодан ҳожатини сўраш учун бўлади.Шунинг учун дуоларнинг маъноларини тушуниб сўрасин. Агар болалар ёки катталар уйга кираётиб, шайтондан паноҳ сўрамасалар (дуо қилиб кирмасалар), у ҳолда шайтонлар уйга кириб, болалар ва эр-хотин ўртасига жанжал солади...
ᅠ
➡️ДАВОМИНИ ЎҚИШ

♻️ Дўстларингизга ҳам улашинг!!!
👉 t.me/irshooduz 👈

Қадимда тожир ва савдогарлар сафарга чиқадиган бўлишса, юзага келадиган масалаларда мурожаат қилиш учун ўзлари билан бир фақиҳ олимни ҳамроҳ қилиб олишар эди.
Хоразм машойихлари: «Тожир киши бир фақиҳ билан дўст тутиниши лозимдир», дейишар эди.

«Баҳрур роиқ шарҳи канзуд дақоиқ» китобидан. Муаллифи Зайн ал-обидин (Зайниддин) Ибн Нужайм Мисрий Ҳанафий (1519-1563)

♻️ Дўстларингизга ҳам улашинг!!!
👉 t.me/irshooduz 👈

Ассалому алайкум ва роҳматуллоҳи ва барокатуҳ!

🗓 11 - Зулқаъда 1442 ҳ.й
21 - Июнь 2021 м.й

⏰ Бомдод - 03:07
⏰ Қуёш - 04:50
⏰ Пешин - 12:30
⏰ Аср - 17:40
⏰ Шом - 20:02
⏰ Хуфтон - 21:43

Аллоҳ таоло бугунги кунимизни хайрли ва баракали қилсин!

♻️ Дўстларингизга ҳам улашинг!!!
👉 t.me/irshooduz 👈

​​ #дуо

"Роббижъалний муқиймас солаати вамин зурриятий, роббанаа ва тақоббал дуъааи".

(Иброҳим сураси, 40‑оят).

Маъноси: "Парвардигор, мени ва зурриётимдан (бўлган болаларимни) намозни тўкис адо этувчи қилгил. Парвардигоро, дуоимни қабул айла".

♻️ Дўстларингизга ҳам улашинг!!!
👉 t.me/irshooduz 👈

❓CАВОЛ: Намоз ўқийдиган киши расмли футболка кийиши мумкинми?

💬 ЖАВОБ: Бисмиллаҳир Роҳманир Роҳим.
Жонли нарсаларнинг сурати туширилган либосларни кийиш хоҳ намозда бўлсин хоҳ намоздан ташқарида бўлсин макруҳ саналади. Агар сурат ўта кичик бўлиб, синчиклаб қарамаса билинмайдиган даражада бўлса жоиз. Шундоқ бўлсада суратли либосларни киймаслик афзал. Валлоҳу аълам.

Ўзбекистон мусулмонлари идораси
Фатво ҳайъати

♻️ Дўстларингизга ҳам улашинг!!!
👉 t.me/irshooduz 👈

#ҳикмат

Бир киши Ҳасан Басрий раҳматуллоҳи алайҳга: “Аллоҳ таоло мендан рози бўлишини истайман”, деди. Шунда у зот: “Сен ҳам Ундан рози бўлсанг, У ҳам сендан рози бўлади”, деди. Ҳалиги киши: “Қандай қилиб Аллоҳдан рози бўламан?”, деди. Ҳасан Басрий: “Бошингга мусибат етган кунида худди неъматга хурсанд бўлганингдек хурсанд бўлсанг, Аллоҳдан рози бўлган бўласан”, деб жавоб берди.

“Ҳикматлар чашмаси”дан

♻️ Дўстларингизга ҳам улашинг!!!
👉 t.me/irshooduz 👈

Ассалому алайкум ва роҳматуллоҳи ва барокатуҳ!

🗓 12 - Зулқаъда 1442 ҳ.й
22 - Июнь 2021 м.й

⏰ Бомдод - 03:07
⏰ Қуёш - 04:50
⏰ Пешин - 12:30
⏰ Аср - 17:42
⏰ Шом - 20:02
⏰ Хуфтон - 21:43

Аллоҳ таоло бугунги кунимизни хайрли ва баракали қилсин!

♻️ Дўстларингизга ҳам улашинг!!!
👉 t.me/irshooduz 👈

#ҳикмат

Суфён Саврий айтадилар:

"Алҳамдулиллаҳ" дейишдан кўра ажри кўпроқ бериладиган калом йўқ. "Лаа илаҳа иллаллоҳ" дан кўра шайтоннинг белини синдирувчироқ сўз йўқ.

♻️ Дўстларингизга ҳам улашинг!!!
👉 t.me/irshooduz 👈

Ассалому алайкум ва роҳматуллоҳи ва барокатуҳ!

🗓 13 - Зулқаъда 1442 ҳ.й
23 - Июнь 2021 м.й

⏰ Бомдод - 03:07
⏰ Қуёш - 04:50
⏰ Пешин - 12:30
⏰ Аср - 17:41
⏰ Шом - 20:02
⏰ Хуфтон - 21:43

Аллоҳ таоло бугунги кунимизни хайрли ва баракали қилсин!

♻️ Дўстларингизга ҳам улашинг!!!
👉 t.me/irshooduz 👈

#ВИДЕО

Тошкент шаҳар бош имом-хатиби Нуриддин домла Холиқназаров мўмин-мусулмонларга соф исломий таълимотни етказиш, халқимизнинг маънавиятини юксалтиришга катта ҳисса қўшяптилар. Устознинг маърузаларини барча интиқ билан кутади. Воиздан билмаганларини сўраб олиш учун одамлар турли саволлар йўллашади. Ана шундай саволлардан бири тўйлар, аниқроғи, тўйларимиздаги турли бидъатлар ҳақида. Айниқса, қайнота билан келиннинг вальс тушиши қачондан бери бизда урф бўлди? Бу одатларни кимлар чиқаряпти? Динимиз бу ҳақда нима дейди? Ана шу саволларга батафсил жавобларни ушбу видеони томоша қилиб билиб оласиз.

♻️ Дўстларингизга ҳам улашинг!!!
👉 t.me/irshooduz 👈

Биз фақатгина «Ўқи!» дея ўқишга, илмга буюрилган уммат эмасмиз. Балки биз «Роббинг номи билан ўқи!» деб буюрилган умматмиз. Зеро, ўқийдиган нарсанг Аллоҳ томон йўналган бўлиши лозим. Арзимас ва аҳамиятсиз нарсаларни ўқиш билан вақтингни беҳудага сарф этма!

♻️ Дўстларингизга ҳам улашинг!!!
👉 t.me/irshooduz 👈

​#ҳадис

Умар розияллоҳу анҳудан ривоят қилинади:

«Пайғамбар соллаллоҳу алайҳи васаллам:
«Албатта, амаллар ниятга боғлиқдир. Албатта, ҳар бир кишининг ният қилган нарсаси бўлади. Бас, кимнинг ҳижрати Аллоҳ ва Унинг Расули учун бўлса, унинг ҳижрати Аллоҳга ва Унинг Расулига бўлади. Кимнинг ҳижрати дунё учун бўлса, унга эришади. Ёки аёл учун бўлса, уни никоҳлаб олади. Бас, унинг ҳижрати нима учун қилинган бўлса, ўшанга бўлади», дедилар».

Бешовлари ривоят қилишган.

♻️ Дўстларингизга ҳам улашинг!!!
👉 t.me/irshooduz 👈