Сенга ҳамд ва шукрлар бўлсин...

اللهُمَّ مَا أَصْبَحَ بِي مِنْ نِعْمَةٍ، فَمِنْكَ وَحْدَكَ لاَ شَرِيكَ لَكَ، فَلَكَ الْحَمْدُ وَلَكَ الشُّكْرُ

«Аллоҳумма маа асбаҳа бий мин ниъматин фаминка ваҳдака лаа шарийка лак, фалакал ҳамду ва лакаш шукр»

Маъноси: “Аллоҳим, мен билан тонг оттирган неъматлар Сен томондандир. Сен яккаю ёлғиздирсан, Сенинг шеригинг йўқ. Сенга ҳамд ва шукрлар бўлсин”

🌐 Улашинг: @irshooduz

Нафсини жиловлаган киши эса жаннатий бўлади

«Аммо кимки Парвардигорининг (ҳузурида) туриши (ва ҳисобот бериши)дан қўрққан ва нафсини ҳаволанишдан қайтарган бўлса, бас, фақат жаннатгина (унга) макон бўлур» (Нозиот сураси, 40–41-оятлар)...

➡️БАТАФСИЛ

🌐 Улашинг: @irshooduz

Китоблар муқаддимасида, қайси китоб бўлишидан қатъи назар, муаллифлар ўз қусурларини тан олган ҳолда: «Китоб асносида учрайдиган хато-камчиликлар учун маъзур тутгайсиз», дейдилар.

Фақатгина Қуръон битилган мусъҳафлар бундан мустасно. Унинг бошидаги гаплар нариги китоблардагидан кескин фарқ қилади:

«Ушбу Китоб (Қуръон) шубҳадан холи ва тақводорлар учун ҳидоят (манбаи)дир». (Бақара, 2-оят)

🌐 Улашинг: @irshooduz

ЖУМАНИНГ БОШҚА КУНЛАРДАН АФЗАЛЛИГИ

Савол: Жума куни ҳафтанинг бошка кунларидан афзал экани Пайғамбаримиз соллаллоху алайхи васалламнинг хусусиятларидан ҳисобланадими? Яъни, у зот алайҳиссаломнинг олдинги пайғамбарлардан афзал қилинганлари сабабли шундай бўлганми? Ушбу куннинг бошқа кунлардан афзал қилиб хосланиши сабаби нима?

Жавоб: Жуманинг афзаллиги Пайғамбаримиз соллаллоҳу алайҳи васалламнинг хусусиятларидандир. «Нузҳатул мажолис»да бундай дейилган: «Аллоҳ таоло Мусо алайҳиссаломга: «Байтул мақдисдаги обидларнинг ибодатларидан, бошларидаги шукр саллаларидан, эгниларидаги сабр кўйлакларидан, қўлларидаги таваккул ҳассаларидан ажабланяпсизми? Эй Мусо, Муҳаммадий уммат учун жума кунидаги икки ракъат намоз ушбу ибодатлардан афзалдир. Сизга шанба кунини, Исога якшанба кунини, Иброҳимга душанба кунини, Закариёга сешанба кунини, Яҳёга чоршанба кунини, Одамга пайшанба кунини ва Ҳабибим соллаллоҳу алайҳи васалламга жума кунини хослаб бердим», деган».
Аммо бошқа кунлар ичидан айнан жума кунининг афзал қилиб хосланиши сабаби ҳақида кўнгилга қуйидагилар ҳам келади: «Жума куни ҳафта кунларининг охири бўлгани учун охир замон пайғамбарига хослаб берилишга ва кунларнинг саййиди бўлишга муносиб бўлган». Аллоҳ билувчидир.

"Нодир фатволар" китобидан.

🌐 Улашинг: @irshooduz

ҚУРЪОН ТИНГЛАБ ИШ ҚИЛИШ
#Қуръон

❓CАВОЛ: Қуръоннинг аудио шаклини телефоним орқали уй ишларини бажараётиб тингласам бўладими?

💬 ЖАВОБ: Бисмиллаҳир Роҳманир Роҳим.
Қуръон тинглаб иш қилаётганингизда эшитаётган нарсангизга эътибор қилиб ишласангиз — бу жоиз амал. Аммо Қуръонни тинглаш асносида эътиборингиз умуман бошқа тарафда бўлса, унда Қуръонга ҳурматсизлик бўлади. Валлоҳу аълам.


Ўзбекистон мусулмонлари идораси
Фатво ҳайъати (Fatvo.uz).

•┈┈┈┈┈•❈••✾••❈•┈┈┈┈┈•
👉 Уланиш: http://t.me/irshooduz

#Ҳадис

Абу Аббос Саҳл ибн Саъд ас-Сўидийдан (р.a.) ривоят қилинади. Бир киши Расулуллоҳ соллаллоҳу алайҳи васаллам ҳузурларига келиб: «Эй Аллоҳнинг расули, бир амалга йўналтириб қўйингки, ўшанга амал қилсам, Аллоҳ ҳамда кишилар мени яхши кўрсин», деганида, Расулуллоҳ соллаллоҳу алайҳи васаллам «Дунёдан ўзингни тийгин, Аллоҳ сени яхши кўради. Одамлар қўлидаги нарсадан ўзингни тийгин, улар сени яхши кўришади», дедилар.

Ибн Можа ва бошқалар ҳасан иснод билан ривоят қилишган.

🌐 Улашинг: @irshooduz

❗️ШОШИЛИНЧ ҚАРОР ҚИЛМАНГ!

Бир қишлоқда кекса одам бор экан. Жуда қашшоқ эмиш-у, лекин қирол ҳам унга ҳасад қилармиш. Фақир кексанинг тилларда достон бўлган оппоқ оти бор экан. Қирол шу отга эгалик қилиш учун чолга хазинасининг ярмини таклиф қилиб қилибди, аммо қария унамабди.
- Бу от мен учун фақат улов, жонивор эмас, дўст каби. Инсон дўстини ҳам сотадими? - дермиш доим. Бир куни эрталаб уйғонишса, от йўқмиш. Бутун қишлоқдагилар қариянинг уйига тўпланишибди. «Эй Эсипаст чол, бу отни сенга қўйиб беришмасди. Ўғирлашлари аниқ эди. Ундан кўра қиролга сотсанг, умрингнинг охиригача шоҳона ҳаёт кечирардинг. Энди на пулинг бор, на отинг!» деб чолни маломат қилишибди.
Қария эса хотиржам қўл силкибди:

-Карор беришга шошилманглар. Фақат от йўқолган
деб қўяверинг. Чунки ҳақиқат шу. Ундан у ёғи сизарнинг изоҳингиз ва ҳукмингиз. Отимнинг йўқолиши
омадсизликми ёки омадми – буни ҳам билмаймиз. Чуни бу воқеа бошланиши, холос. Ортидан нима келишини Аллоҳ билади.
Кишлоқдагилар қариянинг устидан кулишибди. Орадан ўн беш кун ўтибди. Бир кеча тўсатдан от ортига қайтиб келибди. Ҳолбуки, ўғирланмаган, ўзи ечилиб тоғларга чиқиб кетган, қайтишда водийдаги ўн иккита ёввойи отни ҳам ортидан эргаштириб келган экан. Буни кўрган ҳамқишлоқлари қариянинг ёнига келиб узрхоҳлик қилишибди: -
- Ёшинг улуғ, ҳаётий тажрибанг кўп-да, сен ҳақ чиқдинг. Отингнинг йўқолиши сен учун бахтсизлик эмас, ҳақиқатдан ҳам ҳам бахт қушининг бошингга қўниши бўлди. Энди бир сурув отинг бор.
– Яна қарор беришда шошиляпсизлар, — дебди қария. – Фақат отнинг ортга қайтганини гапиринглар, бўлди. Бундан бошқа ҳақиқат кўринмаяпти. Ундан у ёғи нима келтиришини билмаймиз. Бу ҳали бошланиши. Биринчи жумланинг биринчи сўзини ўқибоқ китоб ҳақида узил-кесил фикр билдириш мумкинми?
Ҳамқишлоқлари бу гал қариянинг устидан очиқ-ойдин кулишмабди-ю, ўзларича: «Бу одам ҳақиқатдан ҳам аҳмоқ экан», деб қўйишибди. Орадан бир ҳафта ўтиб, қариянинг ёлғизгина ўғли ёввойи отларни қўлга ўргатаётиб устидан йиқилиб оёғини синдирибди. Оилани боқаётган ўғил энди узоқ пайт ётоқда ётиши керак. Ҳамқишлоқлари келиб чолга: «Яна сен ҳақли чиқдинг», деб ҳамдардлик билдиришибди. — Шу отлар туфайли ўғлинг анча пайт юролмайди. Ҳолбуки, ўғлингдан бошқа боқувчинг йўқ. Энди аввалгидан ҳам фақир, бечораҳол бўласан...
– Сизлар эрта қарор бериш касаллигига чалинибсиз. - дебди қария. – Шошилманглар. Ўғлимнинг оёғи синди. Ҳақиқат мана шу. Бошқаси сизнинг хулосангиз. Ҳаёт мана шунақа кичик бўлаклардан иборат бўлади. кейин нима бўлишини ҳеч биримиз асло билмаймиз.

Бир неча ҳафтадан кейин юртга ёғий катта " билан бостириб кирибди. Қирол қўли қурол тута оладиган бутун мамлакат ёшларини аскарликка олибди. Қишлоққа келган аъёнлар қариянинг оёғи синган ўғлидан бошка хамма ёшларни аскарликка олиб кетишибди. Қишлоққа мотам чўкибди. Чунки урушда ғалаба қилишнинг имкони йўқ экан. Жангга отланган ёшларнинг ё ҳалок бўлиши, ёки асир тушишини ҳамма билар экан.
Ҳамқишлоқлари яна қариянинг ёнига келишибди.
– Яна сен ҳақли чиқдинг, – дейишибди. – Ўғлингнинг оёғи синган бўлса-да, ёнингда. Бизнинг болаларимиз балки энди қишлоққа қайтмаса ҳам керак. Ўғлингнинг оёғи синиши – омадинг экан.
– Ҳали хулоса қилишга эрта! – дея кескин эътироз билдирибди қария. – Ҳолбуки, нима бўлиши ҳали ҳеч кимга аён эмас. Ҳамма биладиган биргина ҳақиқат бор; менинг ўғлим ёнимда, сизнинг болаларингиз аскарликда. Лекин буларнинг қай бири омад, қай бири омадсизлик эканини фақат Аллоҳ билади...

⚠️Киссадан ҳисса: дарҳол хулоса қилманг. Ҳаётнинг кичиқ парчасига қараб буткул қарор бериш оқиллик эмас. Хулоса – ақлнинг тўхташи. Хулосадан кейин ақл мулоҳа" за қилишни, ривожланишни тўхтатади. — Шунга қарамай, ақл инсонни мудом хулосага мажбур лайди. Чунки ўзгаришлар таҳликали ва кишини беҳало рат килади. Ҳолбуки, ҳаёт қайиғи асло тўхтамайди. Бир йўл тугаса, бошқаси чиқади. Бир эшик ёпилса, иккинчи эшик очилади. Бир мақсадингизга етсангиз, ўша ондаёк янада катта мақсадни кўзлайсиз.

Саид Чамлижа
"Иймон ва ҳузун" китобидан

🌐 Улашинг: @irshooduz

АНГЛИЯЛИК СИЁСАТЧИ ИСЛОМГА КИРИБ МУСУЛМОНЛАРГА АЙТГАН НАСИҲАТИ

Англиялик Мухаммад Мармадук Пиктхолл сиёсатчи ва адабиётшунос (1936 йилда вафот этган) ўз даврида Усмонийлар халифалигига қарши турли-туман туҳмату бўҳтонлардан безор бўлгани туфайли, Ислом динини чуқур ўрганиб мусулмон бўлган, Қуръони каримни инглиз тилига биринчи бўлиб таржима қилган экан.

Мусулмон оламига қарата айтган энг ибратли насиҳатининг қисқача мазмуни:

"Мусулмонлар қачонки Исломнинг гўзал ахлоқларига амал қилсалар, худди биринчи даврдаги аждодларидек дунёни яшин тезлигида фатҳ этадилар. Зеро, куфр оламининг ичи бўм-бўш, бу олам ҳеч қачон Исломнинг асл маданияти қаршисида туриб бера олмайди..."

Исломни ҳақиқий маъносида тушунган пайтимизда
тиббиётда Ибн Сино каби, фалсафада Ибн Рушд каби,
риёзиётда Ибн Ҳайсам каби, кимёда Жобир ибн Ҳайён каби,
ташриҳда (анатомияда) Ибн Нафис каби етук олимларимиз
етишиб чиқди. Ислом бизга шундай нури туҳфа қилдики, биз бутун дунёни ўша нурга тўлдириб юбордик.

(Мустафо Маҳмуд)

Манба: Хатиб.уз

🌐 Улашинг: @irshooduz

#Аудио #Жума_мавъизалари

Ҳалол савдо ҳақида (тўлиқ мавъиза) [22.07.2022]

Абдуҳаким домла

Тошкент шаҳар "Коҳ-ота" масжиди имом-хатиби

•┈•┈•┈•┈•❁✿❁•┈•┈•┈•┈•
📲 Дўстларингизга ҳам улашинг

🌐 Улашинг: @irshooduz

#Видео #Жума_мавъизалари

Ҳалол савдо ҳақида (тўлиқ мавъиза) [22.07.2022]

Абдуҳаким домла

Тошкент шаҳар "Коҳ-ота" масжиди имом-хатиби

•┈•┈•┈•┈•❁✿❁•┈•┈•┈•┈•
📲 Дўстларингизга ҳам улашинг

🌐 Улашинг: @irshooduz

#Солиҳлар_гулшани

Тавба

Валид ибн Муслим раҳматуллоҳи алайҳ Ибн Жобирдан ривоят қилади: «Абу Абдурраб Дамашқнинг бойларидан эди. Бир куни у тижорат қилиш учун Озарбайжон томонга йўлга чиқди. Кечаси бир яйловда тўхтади. Абу Абдурраб деди: «Яйловнинг бир тарафида Аллоҳга тинмай ҳамд айтаётган кишини эшитиб, ортидан бордим. У кўримсиз ерга тўшалган бўйранинг устида ўтирган экан.

Бориб, салом бериб, «Эй Аллоҳнинг бандаси, кимсиз?» деб сўрадим.
– Бир мусулмонман.
– Аҳволингиз қандай?
– Неъматдаман. Шунинг учун Аллоҳга ҳамдлар айтяпман.
– Нима учун? Қуруқ бўйрада ўтирибсиз-ку?
– Аллоҳ мени яратди, чиройли хилқат берди. Исломда туғилиб-ўсишимни насиб қилди. Менга офиятни либос қилди, эслашдан ва очилиб қолишидан қўрқадиган нарсаларимни яширди. Шу ҳолатда кунни кеч қилганимнинг ўзи энг катта неъматлардан эмасми?
– Аллоҳ сизга раҳм қилсин! Хоҳласангиз, биз турган жойга боринг. Кун ёришгунча ўша ердамиз.
– Нима қиламан у ерда?
– Егулик, бошпана берамиз.
– Менинг уларга муҳтожлигим йўқ».

Валид айтади: «Адашмасам, (Абу Абдуррабдан эшитишимча) у яна: «Мен учун ўт-ўлан емоқлик Абу Абдурраб айтган нарсадан яхшироқ», деган эди».
Абу Абдурраб айтади: «Уни олиб кетмоқчи бўлсак, кўнмади, бунга эҳтиёжи йўқлигини айтди. Мен унинг олдидан жўнаб кетдим, лекин ўзимни жуда ожиз сездим. Дамашқда бойликда ҳеч кимдан кам эмаслигимдан, мол-давлатим билан фахрланиб юрганимдан, уни кўпайтиришга ҳаракат қилаётанимдан нафратланиб кетдим. «Аллоҳим, ўзим эга бўлиб турган нарсанинг ёмонлигидан Сенга тавба қилдим», дедим. Шу аҳволда ухлаб қолибман.

Дўстларим менинг аҳволимдан бехабар эди. Тонг отгач, улар аввалгидек йўлга чиқиб кетишди. Менга уловимни олиб келишган эди, уни миниб, Дамашққа қайтдим. Ичимда «Тавбамда содиқ бўлмадим. Яна ўша тижоратим билан юрибман», дедим. Одамлар менга нима бўлганини сўрашди, уларга бор гапни айтиб берсам, устимдан кулишди».

Ибн Жобир айтади: «Абу Абдурраб келгач, бор тиллаю кумушларини садақа қилиб, Аллоҳ йўлида ишлатиб юборди».

«Солиҳлар гулшани» китобидан

🌐 Улашинг: @irshooduz

АЛЛОҲ МЕНИ КЎРИБ ТУРИБДИ

Саҳл ибн Абдуллоҳ Тустарий роҳимаҳуллоҳ айтади: “Мен уч ёшимданамоз ўқир эдим. Тоғам Муҳаммад ибн Саввор мени кўриб қолсалар йиғлар эди.
Бир куни мен айтдим:
– Эй тоға, менда бошқача ҳолат юз бермоқда, кўнглим асло қарор тутмас! Нима қилайин?
Айтди:
– Эй Саҳл, бу ҳолатингни ҳеч кимга айтмагин, чунки ҳали болаликда ҳеч кимда бундай ҳолат юз бермаган.
Менга ўгит бериб, доим Аллоҳ билан бўлгин деб айтар эди. Кечалари уйғонганда, “АЛЛОҲ МЕН БИЛАН БИРГА”, “АЛЛОҲ МЕНИ КЎРИБ ТУРИБДИ”, “АЛЛОҲ МЕНГА ГУВОҲ БЎЛИБ ТУРИБДИ”, деб айтишга ўргатган эди.
Мен буни айтиб, жуда кўп фазилатлар топдим”. (Фаридуддин Аттор. Тазкиратул Авлиё).

Ота-она, бобо-бувилар, амаки-тоға ва фарзанд учун масъул бўлган барчага ушбу ривоят ибратдир. Болага ёшлигидан “АЛЛОҲ МЕН БИЛАН БИРГА”, “АЛЛОҲ МЕНИ КЎРИБ ТУРИБДИ”, “АЛЛОҲ МЕНГА ГУВОҲ БЎЛИБ ТУРИБДИ”, деб ўргатиш жуда катта самара беради. Орқасидан кузатиб юрмасангиз ҳам дарсларини қилади, ҳаромга қўл урмайди, зинога яқинлашмайди. Улғайганда ҳам Аллоҳ таоло тавфиқи билан барчага устоз, намуна бўладиган инсон бўлиб етишади. Чунки уни яхшилик қилишига ҳам, ёмонликдан тийилишига ҳам “АЛЛОҲНИНГ КЎРИБ ТУРГАНИ, АЛЛОҲНИНГ У БИЛАН БИРГА ЭКАНИ, АЛЛОҲ УНГА ГУВОҲ БЎЛИБ ТУРГАНИ”ни ҳис қилиши сабаб бўлади.

”Фазилатли амаллар” китобидан.

🌐 Улашинг: @irshooduz

Тил билан зикр қилиш ҳамдала (Алҳамдулиллааҳи!), тасбеҳ (Субҳааналлоҳи!) ва такбир (Аллоҳу акбар!) калималари билан бўлади.

Дил билан зикр қилиш Аллоҳнинг зоти ва сифатларига далолат қиладиган ва у яратган нарсалардаги сир-асрорлар ҳақида тафаккур юритиш билан бўлади.

Аъзолар билан зикр қилиш - аъзоларни тоат-ибодатлар билан банд қилиш ва уларни Аллоҳ қайтарган ишлардан тийиш билан бўлади.

🌐 Улашинг: @irshooduz

#Ҳадис_174 #Такрор

БОМДОД ВА ХУФТОН НАМОЗЛАРИНИ ЖАМОАТ БИЛАН ЎҚИШГА ТАРҒИБ

عَنْ عُثْمَانَ بْنِ عَفَّانَ رَضِيَ اللهُ عَنْهُ قَالَ: سَمِعْتُ رَسُولَ اللهِ صَلَّى اللهُ عَلَيهِ وَسَلَّمَ يَقُولُ: «مَنْ صَلَّى العِشَاءَ فِي جَـمَاعَةٍ، فَكَأَنَّمَا قَامَ نِصْفَ اللَّيْلِ وَمَنْ صَلَّى الصُّبْحَ فِي جَمَاعَةٍ، فَكَأَنَّمَا صَلَّى اللَّيْلَ كُلَّهُ». رَوَاهُ مُسْلِمٌ.

Усмон ибн Аффон розияллоҳу анҳудан ривоят қилинади:

📗“Расулуллоҳ ﷺнинг: “Ким хуфтон намозини жамоат билан ўқиса, кечанинг ярмини ибодат ила бедор ўтказгандай бўлади. Кимки бомдод намозини жамоат ила ўқиса, бутун кечани ибодат ила ўтказгандай бўлади», деб айтганларини эшитдим”.

✍️ Имом Муслим ривоятлари.


📜 Шарҳ: Аллоҳ таоло: "Рукуъ қилувчилар билан рукуъ қилинг", деб айтган. Ушбу даъват мусулмонларнинг орасини жамлаш ва улар орасида ўзаро муҳаббатни ошириш учун бўлган чақириқдир. Пайғамбар алайҳиссалом хуфтон ва бомдод намозларини жамоат билан ўқишга алоҳида тарғиб қилмоқдалар, чунки бу икки намоз мунофиқлар учун энг оғир намоздир. Бу иккисини масжидда жамоат билан ўқишда улкан савоблар бордир. Пайғамбар алайҳиссалом хуфтоннинг фазилатини туннинг ярмини бедор ўтказишга тенглаштирмоқдалар. Бомдодни эса, туннинг барчасини бедор ўтказишга тенглаштирмоқдалар. Демак, фарз намозларини адо этиш билан бир қаторда, тунда нафл ибодат қилишнинг савобига ҳам эришмоқ нияти бўлса, марҳамат, хуфтон ва бомдод намозларини жамоат билан масжидда ўқилсин.

☝️Ҳадисдан ўрганганларимиз:
1. Жамоат намозининг аҳамияти, хусусан хуфтон намозини аҳамияти.
2. Бомдод намозини жамоат билан ўқишнинг фазилати ва унга бериладиган савобнинг улканлиги.
3. Озгина амалга ҳам кўпгина савобни берилиши уммати Муҳаммад учун Аллоҳнинг раҳматидир.

📚 KУНЛИК ҲАДИС | Манба: islom.uz | "Болалар учун риёзус солиҳин шарҳи" китобидан

🌐 Улашинг: @irshooduz

​🤲 АБИТУРИЕНТЛАР УЧУН ДУОЛАР ТЎПЛАМИ

📅 Саноқли кунлардан кейин олий ўқув юртларига кириш имтиҳонлари бўлиб ўтади. Аксарият абитуриентлар бу имтиҳонга қаттиқ киришиб, куну тун талаба бўлиш ниятида ҳаракат қилмоқдалар.

🟢 Дарҳақиқат, талаба бўлиш учун астойдил ҳаракат қилиш талаб этилади. Бинобарин, рақобат кучли, йил сайин талаба бўлишни мақсад қилганларнинг сони ортиб бормоқда.

❗️Шу билан бирга, абитуриент Аллоҳга таваккул қилиши ҳамда ота-она, устоз ва яқинларининг дуоси олиши ҳам лозим. Муҳими, қалбда – илм эгаллаш ҳамда бу илми ила Ватани, халқи, оиласи хизматида бўлиш нияти бўлсин.

1️⃣. «Робби йассир ва ла туъассир. Робби таммим бил-хойри».
Роббим! Осон қилгин, қийин қилма. Роббим, (ишимни) яхшилик билан тугатгин.

2️⃣. «Роббишроҳ лий содри ва йассир лий амри ваҳлул ъуқдатан мин лисаний йафқоҳу қовлий» (Тоҳо сурасии, 25-28-оятлар).
«Роббим! (Бу қийин вазифага) бағримни кенг қилгин ва ишимни осон қилгин ҳамда тилимдан тугунни (дудуқликни) ечиб юборгин, (токи) улар (қавмим) гапимни (яхши) англасинлар.

3️⃣. «Робби зидни илман ва фаҳман».
Роббим! Илмимни ва зеҳнимни орттир.

🤲 Илм олиш ниятда бўлган барча абитуриентлар имтиҳонларни муваффақиятли топширишларини Аллоҳ таолодан сўраб қоламиз.

✍️ Даврон НУРМУҲАММАД
Ўзбекистон мусулмонлари идораси Матбуот хизмати

🌐 Улашинг: @irshooduz

«КОХ ОТА ЖОМЕЪ» МАСЖИДИДА НАМОЗ ВАҚТЛАРИ ЎЗГАРДИ

🕌 БОМДОД 04:30
🕌 ПЕШИН 13:00
🕌 АСР 17:35
🕌 ШОМ 19:50
🕌 ХУФТОН 21:25

28.07.2022

​✅ БАРАКАНИНГ СИРИ

Бир киши солиҳ кишилардан бири билан гаплашиб туриб: барака деган нарса аслида йўқ нарса, деди.

Шунда солиҳ киши ундан: итлар билан қўйларни кўрганмисан?-деб сўради.

У: ҳа, кўрганман деди.

Солиҳ киши: қай бири кўпроқ болалайди?-деб сўради.

У: итлар еттитагача, қўйлар эса учтагача болалайди, деб жавоб берди.

Солиҳ киши: атрофингга қарасанг қайсинисини кўпроқ кўрасан?-деб сўради.

У: қўйлар кўпроқ, деди.

Солиҳ киши: аслида кўпроқ сўйилгани учун камайиб кетиши керак эмасмиди?-деб сўради.

У: ҳа, шундай бўлиши керак эди, деди.

Солиҳ киши: мана шу барака бўлади, деди.

У: нима учун қўйда барака бор, итда йўқ?-деб сўради.

Солиҳ киши: чунки, қўйлар эрта уйқуга кетади ва тонг саҳарда уйғонади. Натижада, барака нозил бўладиган вақтни топади. Итлар эса, туни билан ҳуриб чиқади ва саҳарга яқин уйқуга кетади. Шунинг учун барака нозил бўладиган вақтдан бебаҳра қолади, деб жавоб берди.

Ушбу ҳикоядан ибрат олайлик:
Тунларни турли хил ўйин кулгулар билан бедор ўтказиб, бомдод вақтида ухлаганларнинг умридан, ризқидан, авлодидан ва умуман ҳаётидан барака кўтарилади.

🌐 Улашинг: @irshooduz

🍈 БИР КУНДА УЧ МАРТА ҲОСИЛ БЕРГАН ДАРАХТ

Расулуллоҳ (с.а.в.) шундай марҳамат қиладилар:
Пайғамбаримиз Муҳаммад (соллаллоҳу алайҳи ва саллам) айтадилар: “Инсон дунёдан ўтганида унинг барча амаллари тўхтайди, аммо уч амали борки, улар ҳаргиз тўхтамайди. Бу амаллар – садақаи жория, манфаатли илм ҳамда солиҳ фарзанд. (Имом Бухорий) Н.

Хадиси шарифга кўра, инсон оламдан ўтгандан сўнг унга етиб борадиган савобли амаллар баён этилмоқда. Қуйида ривоят қилинаётган ҳикояда ҳам ана шундай савобли амаллар ҳақида зикр қилинади.
👉Ривоят. Анушервон бир куни ов баҳонасида айланиб юрар экан, ёнғоқ экаётган кекса бир чолни кўриб қолибди.
— Ҳой, отахон, нима қилаяпсиз? – деган экан, чол:
— Ёнғоқ экаяпман, — деб жавоб берибди.
— Ёнғоқ кеч ҳосилга киради. Шундай экан, у қачон вояга етади-ю, сиз қачон унинг мевасидан баҳраманд бўласиз?
— Мен бу дарахтларни ўзим учун эмас, орқамда қолаётганлар учун экаяпман. Чунки бошқалар экканини биз еганимиз каби, биз эккан дарахтдан ҳам бошқалар баҳраманд бўлишади.
Чолнинг жавобидан ниҳоятда таъсирланган Анушервон унга минг танга инъом қилибди.
— Сиз менга меҳнатингнинг самарасини кўрасанмийўқми деган эдингиз,
— дебди шунда қария лутф қилиб.
— Кўриб турганингиз каби, ҳеч кимнинг дарахти меникичалик тез ҳосил бермаган.
Анушервон унинг топқирлигидан хурсанд бўлиб, яна минг танга берибди.
– Бошқаларнинг дарахти бир йилда бир марта ҳосил берса, подшоҳи оламнинг назари шарофати билан менинг дарахтим икки марта ҳосил берди, — дебди бунга жавобан чол.

Чолнинг донолигига қойил қолган Анушервон яна Минг танга эҳсон қилибди.

"МЎЪТАБАР ҚИССАЛАР ВА ИБРАТЛИ ХИКОЯЛАР" китобидан

🌐 Улашинг: @irshooduz

ЖУМА КУНИ БИЛАН ТАБРИКЛАШ
#ҳалол_ҳаром

❓CАВОЛ: Баъзилар танишларимиз жума куни билан табриклаш жоизмас, чунки, жума билан табриклаш бидъат, Пайғамбар алайҳиссалом ва саҳобалар бир-бирларини жума билан табриклашмаган, дейишмоқда. Шу гап тўғрими? Жума билан табрикламаслик керакми?

💬 ЖАВОБ: Бисмиллаҳир Роҳманир Роҳим. Мўмин-мусулмонлар ўзаро бир-бирларига соғлиқ-саломатлик тилаб, жума куни билан табриклашлари мубоҳ (савоб ҳам, гуноҳ ҳам бўлмайдиган) амаллардандир. Чунки жума куни билан табриклаш шариатнинг умумий мақсадига мувофиқ келади. Аллоҳ таоло Қуръони каримда шундай дейди:

ﻭَﻗُﻮﻟُﻮﺍ ﻟِﻠﻨَّﺎﺱِ ﺣُﺴْﻨًﺎ

яъни: “Одамларга ширин сўз бўлинг” (Бақара сураси 83-оят).

Пайғамбаримиз ﷺ ҳадиси шарифда шундай деганлар:

"والكلمة الطيبة صدقة" (متفق عليه عن أبي هريرة رضي الله عنه).

яъни: “Яхши гап садақадир” (Муттафақун алайҳ).

Жума куни билан табриклаш бир қанча асрлардан бери мусулмонлар орасида одат тусига айланиб, бу сабабли мусулмонлар бир-бирларини хурсанд қилиб келмоқдалар. Абдуллоҳ Ибн Масъуд разияллоҳу анҳу шундай деганлар:

ما رأى المسلمون حسنا فهو عند الله حسن ، وما رآه المسلمون سيئا فهو عند الله سيء (رواه الإمام الحاكم في المستدرك) “

яъни: “Мусулмонлар яхши кўрган нарса – Аллоҳ таоло наздида ҳам яхшидир, мусулмонлар ёмон кўрган нарса – Аллоҳ таоло наздида ҳам ёмондир” (Имом Ҳоким ривоятлари).

Қолаверса, жума куни кунларнинг энг яхшиси экани кўплаб ҳадисларда таъкидланган:

"خَيْرُ يَوْمٍ طَلَعَتْ عَلَيْهِ الشَّمْسُ يَوْمُ الْجُمُعَةِ فِيهِ خُلِقَ آدَمُ وَفِيهِ أُدْخِلَ الْجَنَّةَ وَفِيهِ أُخْرِجَ مِنْهَا" (رواه مسلم عن أبي هريرة رضي الله عنه)

яъни: “Қуёш чиққан кунларнинг энг яхшиси жумадир! У куни Одам яралган, у куни жаннатга киритилган, у куни жаннатдан чиқарилган, қиёмат ҳам жума кунидадир” (Имом Муслим ривоятлари).

Жума куни мусулмонларнинг ҳафта ичидаги байрамлари ҳисобланади. Бу ҳақда Расулуллоҳ ﷺ бундай марҳамат қилганлар:

"إن هذا يوم عيد جعله الله للمسلمين، فمن جاء الي الجمعة فليغتسل، وإن كان عنده طيب فليمس منه، وعليكم بالسواك" ( اخرج إبن ماجة عن إبن عباس رضي الله عنه)

яъни: “Албатта бу (жума куни) байрам кунидир. Аллоҳ уни мусулмонлар учун (байрам) қилган. Шундай экан, ким жумага етса, ғусл қилсин. Агар унда хушбўйлик бўлса, ундан сепиб олсин ва мисвокни лозим тутинглар” (Имом Ибн Можа ривоятлари).

Ҳазрати Умар разияллоҳу анҳу ҳам жума кунини ҳафталик байрам экани ҳақида бундай деганлар:

"يوم جمعة، ويوم عرفة، وكلاهما بحمد الله لنا عيدٌ" (رواه الطبري في جامع البيان).

яъни: “Аллоҳга ҳамд бўлсинки, Жума ва Арафа кунлари биз мусулмонларга байрам қилиб берди” (Имом Табарий “Жомиъул баён”да ривоят қилганлар).

Демак, байрамларда табриклаш мумкин бўлганидан кейин жума кунида ҳам табриклаш ва муборакбод этиш мумкин ва жоиздир. Чунки юқоридаги ҳадислар билан жума кунини ҳам байрам экани очиқ-ойдин маълум бўлмоқда. Шунга биноан, бу кунни байрамона кайфиятда, хушбўйликларни сепиб, хурсадчилик билан, ибодатларни адо этиб, ўзаро бир-биримиздан ҳол-аҳвол сўраб, яхши тилакларни билдириб ўтказишимиз айни мудао бўлади. Жума куни сизга баракотли, муборак бўлсин, дейиш ҳам, яхши тилаклар жумласидандир.

Албатта, бу табриклаш ихтиёрий бўлиб, уни вожиб ёки суннат демаймиз. Бу амални тарк қилган киши гуноҳкор ҳам бўлмайди. Валлоҳу аълам.

Ўзбекистон мусулмонлари идораси
Фатво ҳайъати(Fatvo.uz)

•┈┈┈┈┈•❈••✾••❈•┈┈┈┈┈•
👉 Уланиш: @nurli_yol_fiqh 📚

#Дуо
Турли ёмон хулқлар ва касалликлардан сақловчи дуо:

اللّهمّ إنّي أعوذبك من منكرات الأخلاق والأعمال و الأهواء والأدواء.

Ўқилиши: Аллооҳумма инний аъуузу бика мин мункароотил ахлаақи вал аъмаали вал аҳвааи вал адва.

Маъноси: Эй Аллоҳ! Хулқларнинг ёмони, амалларнинг ёмони, хавои нафснинг ёмони ва касалликларнинг ёмонидан Сендан паноҳ тилайман. Термизий 3515 – рақам ривояти.

☝️САВОБ УМИДИДА ДЎСТЛАРИНГИЗГА ҲАМ УЛАШИНГ!!! АЛЛОҲ РОЗИ БЎЛСИН!

🌐 Улашинг: @irshooduz