حنيّت إلك بالحلم
أنا حنيّت وأريدك تحّن
وتحسبها مِنه أعلى الجفّن
حنيّت آه يا جفّن
مرات ياخذني الهوى
لأيامك الراحن وإجن
شفتك حلم كل العمر
يالوالمتني من الصغر
وشوگي إلك ليل وسهر
بيدر محنة يا صبر
حِن يا صّبر
عيونك مكاتيب وأغاني
بكل فرحها بكل وداد
أيام وإسنين العمر
والروح غيمة وحدرت بر
ما نزل يمها الندى
ولا چاسها مرّة المطر
سألوني عنك وأنت يمي تعيش
وأتمنيت تنطيهم خبر
سألوني عنك وأنت بين الروح
يالمرتاح يالحسّنك ذهب!
ضحكاتك لاگي السوالف بالگلب
ما بينها المر والصعب
والنظرة منك لهفة المشتاك
من بعيد وضنون المحب
يوصلني منك كل عبير الفاح
يا قداح.. جايبلي خبر
ويغني عنك ناي منك جاي
بعيون المحب ما عطله
شطوط وبحر

- زامل سعيد فتاح