17։00-ի դրությամբ, Աշոցքի, Սևանի տարածաշրջանների ավտոճանապարհներին և Վարդենյաց լեռնանցքում ձյուն է տեղում։ Սաստիկ բքի և ցածր տեսանելիության պատճառով Վարդենյաց լեռնանցքը դժվարանցանելի է բոլոր տեսակի տրանսպորտային միջոցների համար։

Այս մասին հայտնում են «Ճանապարհային դեպարտամենտ» հիմնադրամից։

Գորայք-Ծղուկ, Սիսիանի Զանգեր կոչվող հատվածներում, Տիգրանաշենի ոլորաններում տեղ-տեղ մերկասառույց է։

«Տոների և հիշատակի օրերի մասին» օրենքի 1-ին հոդվածի համաձայն` հունվարի 6-ին Նշվում է Սուրբ Ծնունդ և Հայտնություն: Այն ոչ աշխատանքային օր է: Աշխատանքային օրենսգրքի 147-րդ հոդվածի համաձայն, ոչ աշխատանքային` տոնական և հիշատակի օրերի նախօրյակին աշխատանքային օրվա տևողությունը կրճատվում է մեկ ժամով, բացառությամբ կրճատ և ոչ լրիվ աշխատանքային ժամանակի պայմաններով աշխատող աշխատողների:

Հունվարի 5-ին կարող եք մեկ ժամ շուտ ավարտել աշխատանքը։

Նոր տարին «Զվարթնոց» միջազգային օդանավակայանում սկսվեց ուղևորի կողմից կորցրած դրամական միջոցների հայտնաբերմամբ:

«Հունվարի 1-ին Կրասնոյարսկ-Երևան չվերթի ժամանումից հետո ինքնաթիռի սրահից «Զվարթնոց Հենդլինգ» ընկերության օդանավի մաքրուհին գտել է 199.000 ռուսական ռուբլի:

Համաձայն ընթացակարգի գումարը փոխանցվել է Ավիացիոն անվտանգության ծառայության աշխատակցին, վերջինս էլ հանձնել է Կորած և գտնված իրերի բաժին: Եվս մեկ անգամ շնորհավորում ենք բոլորի Ամանորը և Սուրբ Ծնունդը ու մաղթում առողջ, խաղաղ և բարեբեր տարի»,-նշված է «Արմենիա» միջազգային օդանավակայաններ» ՓԲԸ-ի հայտարարության մեջ։

««Ազգային ժողովի կանոնակարգ» սահմանադրական օրենքի 155-րդ հոդվածի 1-ին մասի համաձայն՝ Հայաստանի Հանրապետության Ազգային ժողովի «Քաղաքացիական պայմանագիր» խմբակցության պատգամավոր Սեդրակ Թևոնյանը հունվարի 4-ին հրաժարականի դիմում է ներկայացրել:

Այս մասին նշված է ԱԺ նախագահ Ալեն Սիմոնյանի հայտարարության մեջ:

«Ազգային ժողովի կանոնակարգ» սահմանադրական օրենքի 155-րդ հոդվածի 1-ին մասի համաձայն` Հայաստանի Հանրապետության Ազգային ժողովի «Քաղաքացիական պայմանագիր» խմբակցության պատգամավոր Սերգեյ Մովսիսյանը հունվարի 4-ին հրաժարականի դիմում է ներկայացրել:

❇️Շուկայի վերահսկողության տեսչական մարմինը տեղեկացնում է, որ 2022 թվականի հունվարի 1-ից ուժի մեջ Է մտել «Ծխախոտային արտադրատեսակների եվ դրանց փոխարինիչների օգտագործման հետևանքով առողջությանը հասցվող վնասի նվազեցման եվ կանխարգելման մասին» օրենքը, որի համաձայն արգելվում է ծխախոտային արտադրատեսակների կամ դրանց պատկանելիքների կամ ծխախոտային արտադրատեսակների փոխարինիչների ցուցադրումը վաճառասրահներում և հանրային սննդի օբյեկտներում:

Օրենքի պահանջները չկատարելը առաջացնում է.

⭕️տուգանքի նշանակում՝ 200 - 250 000 դրամի չափով:

Նույն խախտումը կրկին կատարելը վարչական տույժի միջոցներ կիրառելուց հետո՝ վեց ամսվա ընթացքում, առաջացնում է

⭕️տուգանքի նշանակում՝ կիրառված վարչական տույժի կրկնապատիկի չափով:

Կրթության, գիտության, մշակույթի և սպորտի փոխնախարար Ժաննա Անդրեասյանը ֆեյսբուքյան իր էջում գրում է․

«Մեր մեջ, մեր կողքին կան մարդիկ ու երևույթներ, որոնց մասին պետք է խոսել։
Արդեն երկրորդ անգամ լսում եմ Տավուշի մի դպրոցի մասին, որտեղ ավագ տարիքի ուսուցիչները դիմում են գրել և դուրս եկել դպրոցից՝ գյուղի երիտասարդ ուսուցիչներին դպրոց թողնելու, գյուղում պահելու համար»։

🏦Կենտրոնական բանկից հայտնում են, որ հունվարի 4-ին տարադրամի փոխարժեքը կազմել է․

⬆️դոլար –482.19 դրամ՝ նախորդ օրվա համեմատ աճելով 0.60 դրամով,
⬇️եվրո – 544.92 դրամ՝ նախորդ օրվա համեմատ նվազելով 1.88 դրամով,
⬇️ռուբլի – 6.44 դրամ՝ նախորդ օրվա համեմատ նվազելով 0.04դրամով,
⬆️ֆունտ ստերլինգ – 651.34 դրամ՝ նախորդ օրվա համեմատ աճելով 0.13 դրամով։

ՀՀ երկրորդ նախագահ Ռոբերտ Քոչարյանն այսօր՝ հունվարի 4-ին, ցավակցական հեռագիր է հղել Հայրապետովների ընտանիքին՝ ՀՀ ԱԱԾ պետական պահպանության ծառայության նախկին պետ, գեներալ–մայոր Գրիգորի Հայրապետովի անժամանակ մահվան կապակցությամբ։

Երևանի քաղաքապետ Հրաչյա Սարգսյանը 2021 թվականի դեկտեմբերի 30-ին արձանագրություն է ստորագրել, որի համաձայն ավագանու ադնամի լիազորություններ է դադարեցվել։

Արձանագրության մեջ նշված է․

«Հիմք ընդունելով «Երևան քաղաքում տեղական ինքնակառավարման մասին» օրենքի 20-րդ հոդվածի 1-ին մասի 6-րդ կետը և 4-րդ մասը՝ դադարեցնել Իմ քայլը կուսակցությունների դաշինքի Երևան քաղաքի ընտրական ցուցակով ընտրված Երևան քաղաքի ավագանու անդամ Օվսաննա Հովսեփյանի՝ ավագանու անդամի լիազորությունները»։

Իրավաբան.net-ը հայտնում է, «Երևան քաղաքում տեղական ինքնակառավարման մասին» օրենքի 20-րդ հոդվածի 1-ին մասի 6-րդ կետով սահմանվում է, որ ավագանու անդամի լիազորությունները վաղաժամկետ դադարեցվում են, եթե նա հրաժարական է տվել:

Ավելի վաղ Օվսաննա Հովսեփյանն իր մանդատը վայր դնելու վերաբերյալ հայտարարությամբ էր հանդես եկել։

Վթարային ջրանջատում Երևանի Էրեբունի, Շենգավիթ, Նուբարաշեն, Կենտրոն վարչական շրջաններում և Արարատի մարզում հունվարի 5/6-ին

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ «Գառնի-Երևան» մայրուղային ջրատարի վթարով պայմանավորված, ս.թ. հունվարի 5-ին ժամը 10.00-ից մինչև հունվարի 6-ը ժամը 10.00-ն կդադարեցվի հետևյալ տարածքների ջրամատակարարումը.

Նուբարաշեն վարչական շրջանը՝ ամբողջությամբ,
Էրեբունի վարչական շրջանը` բացառությամբ` Արին-Բերդի փողոցի և նրբանցքների, Արցախի պողոտայի և Սարի Թաղի,
Կենտրոն վարչական շրջանի` Օստրովսկու, Ծատուրյան, Զավարյան փողոցների և նրբանցքների, Ալեք Մանուկյան փող. 1, 4/2, 17, Նար-Դոսի փող. 1-ից-40, Քրիստափորի փող. 1-ից-15, Ծխախոտագործների 1-65 համարների, Խորենացու փող. 28-ից-231 համարների և 3-րդ փակուղու, Տիգրան Մեծի պող. 12-ից-80 համարների և նրբանցքի, Երևանի ոստիկանության վարչության, Ազգային անվտանգության ծառայության, Երևանի պետական համալսարանի վարչական շենքերի,
Շենգավիթ վարչական շրջանի` Արշակունյաց պողոտայի, Գ. Նժդեհի, Շահամիրյան, Ֆրունզեի, Ս. Սարգսյան, Մայիսի 9-ի, Մխչյան, Կոտովսկու, Մուսայելյան, Պատկանյան, Մադոյան, Օդեսայի, Հրազդանի, Սմբատ Զորավարի, Ղարիբջանյան, Եղբայրության, Մանթաշյան, Մանանդյան, Շևչենկոյի, Նիզամու, Մասիսի, Վերին Շենգավիթի 1-ին, 2-րդ, 10-րդ փողոցների ու նրբանցքների, Արին-Բերդի փող․3-րդ եւ 5-րդ նրբանցքների, Չեխովի փող. 1-ից-21, Բագրատունյաց փող. 41-ից-80 համարների, Ներքին Շենգավիթ, Նորագավիթ եւ Նոր Խարբերդ՝ այգեգործական թաղամասերի,
Շենգավիթ վարչական շրջանի մյուս հատվածներում կդադարեցվի 3-ից բարձր հարկերի ջրամատակարարումը:
Արարատի մարզի` Բարձրաշեն, Դիտակ, Ջրաշեն, Նոր Խարբերդ գյուղերի և անմիջապես ջրատարից սնվող բաժանորդների:

Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

Վարչապետի որոշմամբ Գարիկ Սարգսյանն ազատվել է Պետական գույքի կառավարման կոմիտեի նախագահի պաշտոնից և նշանակվել Արարատի մարզի Վեդի համայնքի ղեկավարի պաշտոնակատար:

Հունվարի 5-ի` ժամը 11:00-ի դրությամբ,

✓ 129 նոր դեպք

✓ 5164 թեստավորում

✓ 103 առողջացած

✓ 3 մահվան դեպք:

Այս մասին հայտնում են Առողջապահության նախարարությունից։

Այսպիսով, հաստատվել է կորոնավիրուսային հիվանդության ընդհանուր 345255 դեպք, որոնցից 332304 առողջացած: Փաստացի բուժում է ստանում 3451 պացիենտ:

Ընդհանուր առմամբ, կորոնավիրուսի հետևանքով 7989 մահվան դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1511 է:

Ընդհանուր կատարվել է 2586737 թեստավորում:

ՀՈՒՆՎԱՐԻ 5-10
🟫 Մայրաքաղաքում և մարզերում այսօր, հունվարի 6-10-ը սպասվում է առանց տեղումների եղանակ:
Ճանապարհներին գիշերը և առավոտյան սպասվում է մերկասառույց:
Քամին՝ արևմտյան 2-5մ/վ:
Օդի ջերմաստիճանը 5-7-ն աստիճանաբար կբարձրանա 2-4 աստիճանով:
🟫 Արցախում այսօր և վաղը սպասվում է առանց տեղումների եղանակ։

Ալմա Աթայում ցուցարարները ներխուժել են քաղաքապետարան, հայտնում է «ՌԻԱ Նովոստի»-ի թղթակիցը։

Շենքից սև ծուխ է բարձրանում, կրակոցներ են լսվում։

Վաղարշակ Հարությունյանը նշանակվել է Ռուսաստանում ՀՀ արտակարգ և լիազոր դեսպան

«Մտադիր ենք հնարավորինս կոշտ գործել»․ Ղազախստանի նախագահի ուղերձը

Առնակ Ավետիսյանը նշանակվել է Պետական գույքի կառավարման կոմիտեի նախագահ

«Սիրելի հաճախորդներ,
հունվարի 6-ին ՀայՓոստի կոնտակտային կենտրոնն աշխատելու է ժամը 9:00-18:00, իսկ աշխատող բաժանմունքների ցանկին կարող եք ծանոթանալ՝ անցնելով հետևյալ հղումով:

Հայաստանի և Թուրքիայի հատուկ ներկայացուցիչների առաջին հանդիպումը տեղի կունենա հունվարի 14-ին Մոսկվայում։
/ ՀՀ ԱԳՆ մամուլի խոսնակ