دا کموالی په داسې حال کې دوام لري چې په افغانستان کې بشري اړتیاوې لا هم پراخې دي.
د ملګرو ملتونو شمېرې ښيي چې په ۲۰۲۶ کال کې شاوخوا ۲۱ میلیونه او ۹۰۰ زره افغان وګړي بشري مرستو ته اړتیا لري.
ملګري ملتونه وايي، افغانستان په ۲۰۲۶ کال کې لا هم د نړۍ له تر ټولو لویو بشري بحرانونو څخه یو دی؛ داسې هېواد چې د دغه سازمان په وینا، میلیونونه وګړي د خپلو بنسټیزو اړتیاوو د پوره کولو لپاره پر بشري او خیریه مرستو متکي دي.
د دغو اړتیاوو د رسېدنې لپاره له یو میلیارد او ۷۰۰ میلیونو ډالرو څخه د ډېرو مرستو غوښتنه شوې؛ خو تر اوسه یوازې ۵۲۱ میلیونه ډالر، چې د ټولې اړتیا شاوخوا ۳۰ سلنه کېږي، برابر شوي دي.
د خیر ښیګڼې نړیوالې ورځې په مناسبت، د افغانستان وضعیت یو ځل بیا د بشري مرستو اهمیت څرګندوي؛ په داسې شرایطو کې چې د خلکو د اړتیاوو او موجودو سرچینو ترمنځ واټن لا هم د پام وړ دی.

د بهرنیو چارو سرپرست وزیر امیرخان متقي، د افغانستان لپاره د امریکا له پخواني ځانګړي استازي زلمي خلیلزاد سره لیدلي او د روانو تحولاتو او د کابل او واشنګټن ترمنځ د اړیکو په اړه یې خبرې کړې دي.
د دې لیدنې په اړه د خپرو شویو معلوماتو له مخې، دواړو لورو په افغانستان کې د پانګونې پر فرصتونو او د متقابل تعامل د پراختیا پر لارو چارو هم نظرونه سره شریک کړي دي.
امیرخان متقي په دې لیدنه کې د ثبات، سراسري امنیت او اقتصادي ځان‌بساینې پر لور د حرکت په برخو کې وروستیو لاسته راوړنو ته په اشارې، د بهرنۍ پانګونې د جلب لپاره یې د افغانستان ظرفیتونه مناسب وبلل.
زلمي خلیلزاد هم د افغانستان امنیتي وضعیت او د بیارغونې بهیر ته په اشارې، د خبرو اترو پر دوام او د دواړو لورو ترمنځ د رغنده تعامل پر رامنځته کېدو ټینګار کړی دی.
دا لیدنه په داسې حال کې ترسره کېږي چې د افغانستان د سرپرست حکومت او امریکا ترمنځ اړیکې لا هم له سیاسي او ډیپلوماټیکو ننګونو سره مخ دي.
زلمی خلیلزاد د ډونالډ ټرمپ د ولسمشرۍ په لومړۍ دوره کې د افغانستان لپاره د امریکا د سولې ځانګړی استازی و او د امریکا او طالبانو ترمنځ د دوحې تړون ته د رسېدونکو مذاکراتو په بهیر کې یې مهم رول درلود.
تر دې لیدنې مخکې، امیرخان متقي له امریکايي فایننشل ټایمز ورځپاڼې سره په تازه مرکه کې ویلي وو چې د افغانستان او امریکا اړیکې باید د تېرې اوږدې جګړې له زاویې و نه ارزول شي او کابل چمتو دی چې خپلې اړیکې د راتلونکو همکاریو پر بنسټ تنظیم کړي.
هغه ویلي وو چې سرپرست حکومت د کانونو، زیربناوو، کرنې او سوداګرۍ په برخو کې د امریکا د پانګونې هرکلی کوي او دا لاره د افغانستان د اقتصادي پراختیا لپاره ګټوره بولي.
متقي همداراز ویلي وو چې امریکا باید له افغانستان سره د شتمنیو د کنګل کولو او بندیزونو له لارې د افغان ولس او سرپرست حکومت پر وړاندې فشار ونه کاروي.
 

د کابل او مسکو ترمنځ د همکاریو پر دوام ټینګار
د سرپرست حکومت د بهرنیو چارو وزیر امیرخان متقي او په کابل کې د روسیې سفیر د دوه‌اړخیزو اړیکو پر پراختیا، سیمه‌ییزو تحولاتو او د کابل او مسکو ترمنځ د راتلونکو همکاریو په اړه خبرې کړې دي.
د بهرنیو چارو وزارت وايي، د بهرنیو چارو سرپرست وزیر امیرخان متقي او د روسیې سفیر دیمیتري ژیرنوف په دې لیدنه کې د روانو تحولاتو او د سیمې د وضعیت په اړه هم نظرونه شریک کړي او د کابل او مسکو ترمنځ یې د اړیکو پر دوام ټینګار کړی دی.
د دغه وزارت په وینا، متقي او ژیرنوف د دواړو هېوادونو د ګډو ګټو او په راتلونکي کې د همکاریو د پیاوړتیا پر لارو چارو هم خبرې کړې دي.
 

ننګرهار کې د تودو سیمو په یوولسو ولسوالیو کې نوی ښوونیز کال پیل شو
ځایي افغان چارواکي وایي، د زده‌کوونکو د درسي بهیر له پیلېدو سره سم به د نویو زده‌کوونکو د جذب لړۍ هم روانه وي.
د ننګرهار ولایت یوولس ولسوالۍ په بشپړه توګه تودې دي او په اته ولسوالیو کې ځینې سیمې تودې او ځینې سړې دي. په تودو سیمو کې هر کال د وږې یا سنبلې میاشتې پر ۱۵مه د ښوونیز کال د پیل زنګ وهل کېږي.

سږ کال هم د ښوونځیو زنګ داسې مهال وهل کېږي، چې د تېرو څلورو کلونو په څېر له شپږمو ټولګیو پورته نجونو ته ښوونځیو ته د تلو اجازه نه ده ورکړل شوې.

د ننګرهار پوهنې ریاست ویاند محمد اسحق وایي، د یوولسو بشپړو تودو او اتو نیمه تودو ولسوالیو په ښوونځیو کې به د زنګ په وهلو نوی ښوونیز کال پیل شي.

هغه وایي، په دې ښوونځیو کې اوس مهال څه باندې پنځه سوه زره هلکان تر دولسم او نږدې درې سوه زره نجونې تر شپږم ټولګي پورې پر زده‌کړو بوخت دي، چې د څه باندې لسو زرو نارینه او نږدې یو زر او اته سوه ښځینه ښوونکو له لوري یې درسي بهیر پر مخ بېول کېږي.

محمد اسحاق وایي، د درسي بهیر د پرمخ بېولو ترڅنګ ښوونځیو ته د نویو زده‌کوونکو د جذب لړۍ به هم د میزان میاشتې تر پایه روانه وي.هغه وایي، په ننګرهارکې دوه سلمه کوچنیان لاهم دبېلابېلو لاملونو له امله ښوونځیو ته له تللو بې برخې دي.

په ننګرهار کې د نوي ښوونیز کال له پیلېدو سره هم‌مهاله، په ټول هېواد کې د زده‌کړو وضعیت بیا د بحث وړ ګرځېدلی دی. یونیسف وایي، په افغانستان کې میلیونونه ماشومان لا هم د زده‌کړې له فرصتونو بې‌برخې دي، په ځانګړې توګه هغه نجونې چې له شپږم ټولګي پورته له رسمي زده‌کړو منع شوې دي.بل لور ته، د طالبانو د حکومت ویاند ذبیح‌الله مجاهد وایي چې شاوخوا ۱۴ میلیونه زده‌کوونکي ښوونځیو او مدرسو ته ځي.

هاخوا بیا په ننګرهار کې د خصوصي ښوونځیو خاوندان شکایت کوي چې د کورنیو د اقتصادي ستونزو له امله، د تېرو کلونو په پرتله، سږ کال د خصوصي ښوونځیو وضعیت هم د اندېښنې وړ دی. په جلال‌اباد کې د خصوصي ښوونځیو د ټولنې مشر قاري فقیر سید هاشمي وایي، بې‌کاري زیاته شوې، د خلکو اقتصاد کمزوری دی او کورنۍ په خصوصي ښوونځیو کې د خپلو اولادونو د شاملولو وړتیا نه لري.

هغه وایي، هغه کورنۍ چې په خصوصي ښوونځیو کې یې اولادونه زده‌کړې کوي، د فیسونو د ورکړې توان نه لرلو له امله خپل اولادونه دولتي ښوونځیو ته بیايي.

له بلې پلوه، له شپږم ټولګي پورته نجونو ته د زده‌کړو اجازه نه ورکول هم، د دوی په وینا، له هغو عواملو څخه دي چې د خصوصي ښوونځیو د فعالیت دوام یې له ننګونو سره مخ کړی دی.

فقیر سید هاشمي وایي، دا مهال په ننګرهارکې پر دولتي ښوونځیو سربیر۳۹۶ خصوصي ښوونځي هم فعالیت کوي.

د ننګرهار په تودو سیمو کې ښوونیز کال داسې مهال پیلېږي چې د پوهنې وزارت په دې ولایت کې د تشکیلاتي سمون په موخه سلګونه نارینه او ښځینه ښوونکي له مرکز جلال‌اباد او هغو ولسوالیو څخه چې په ښوونځیو کې د ښوونکو شمېر د دوی په وینا تر اړتیا زیات و، نورو لرې پرتو سیمو ته تبدیل کړي دي.

ډېری د نظر خاوندان پر دې باور دي چې ښځینه ښوونکو ته لرې پرتو سیمو ته تلل ناشوني دي او ښایي له خپلو دندو لاس په سر شي.
https://parstoday.ir/ps/news/afghanistan-i177728-%D9%86%D9%86%DA%AB%D8%B1%D9%87%D8%A7%D8%B1_%DA%A9%DB%90_%D8%AF_%D8%AA%D9%88%D8%AF%D9%88_%D8%B3%DB%8C%D9%85%D9%88_%D9%BE%D9%87_%DB%8C%D9%88%D9%88%D9%84%D8%B3%D9%88_%D9%88%D9%84%D8%B3%D9%88%D8%A7%D9%84%DB%8C%D9%88_%DA%A9%DB%90_%D9%86%D9%88%DB%8C_%DA%9A%D9%88%D9%88%D9%86%DB%8C%D8%B2_%DA%A9%D8%A7%D9%84_%D9%BE%DB%8C%D9%84_%D8%B4%D9%88

امریکا ته خبرداری ورکوو؛د کلابندۍ په دوام سره به بریدونه لاسخت شي
پارس‌ټودي ـ د خاتم‌الانبیا (ص) مرکزي غونډ ویندوي، ډګروال ابراهیم ذوالفقاري،بیګا په یولړ څرګندونو کې وویل: که د ایران پر بېړیو شرارت، ناامني او مزاحمت او همدارنګه د ایران سمندري کلابندي دوام ومومي، نو په سیمې کې به د امریکا پر پوځي بېړیو د ایران د اسلامي جمهوریت د وسله‌والو ځواکونو بریدونه تر پخوا ډېر سخت شي او د دغو بریدونو د پراخېدو امکان هم شته

د پارس‌ټودي د راپور له مخې، د ایران د اسلامي جمهوریت ایران د خاتم‌الانبیا (ص) مرکزي غونډ مسئولانو امریکا ته خبرداری ورکړی؛که د ایرانيو بېړیو پر وړاندې مزاحمت او د ایران سمندري محاصره دوام ومومي، نو په سیمې کې به د امریکا پر پوځي بېړیو د ایران د وسله‌والو ځواکونو بریدونه تر پخوا ډېر سخت شي.

د خاتم‌الانبیا (ص) مرکزي غونډ ویندوي، ډګروال ابراهیم ذوالفقاري،بیګا په یولړ څرګندونو کې وویل: که د ایران پر بېړیو شرارت، ناامني او مزاحمت او همدارنګه د ایران سمندري کلابندي دوام ومومي، نو په سیمې کې به د امریکا پر پوځي بېړیو د ایران د اسلامي جمهوریت د وسله‌والو ځواکونو بریدونه تر پخوا ډېر سخت شي او د دغو بریدونو د پراخېدو امکان هم شته.

په کابل کې د ایران سفارت فرهنګي مسؤل په اسلامي ټولنو کې د یووالي پر پیاوړتیا ټینګار وکړ
د افغانستان په مزارشریف کې د حضرت محمد مصطفی(ص) د میلاد او د حضرت امام جعفر صادق(ع) د کلیزې په مناسبت جوړو شویو مراسمو کې، په کابل کې د ایران اسلامي جمهوریت سفارت فرهنګي مسؤل په اسلامي ټولنو کې د یووالي پر پیاوړتیا ټینګار کړی دی.

په کابل کې د ایران اسلامي جمهوریت سفارت فرهنګي مسؤل، سید روح‌الله حسيني ویلي، اسلامي نړۍ نن تر بل هر وخت ډېره د پیغمبر اسلام(ص) رحمت، اخلاقو، عدالت او یووالي ته اړتیا لري.

نوموړي زیاته کړې، مسلمانان باید د پیغمبر اسلام(ص) دغه ارزښتونه په خپل ورځني ژوند کې عملي کړي.

حسیني د شیعه او سني مسلمانانو ګډو ارزښتونو ته په اشارې ویلي، توحید، قرآن کریم، د اسلام د پیغمبر(ص) نبوت او ګډه قبله هغه ګډ موارد دي چې د مسلمانانو ترمنځ د لا ډېرې همکارۍ او همدردۍ زمینه برابروي.

، په کابل کې د ایران اسلامي جمهوریت سفارت فرهنګي مسؤل علم او پوهه، له ظلم سره مبارزه او د انساني کرامت دفاع هم د نبوي سیرت له مهمو لارښوونو څخه بللي او د اسلامي ټولنو د راتلونکي په جوړولو کې یې د ځوان نسل پر رول ټینګار کړی دی.

په مزارشریف کې په دغو مراسمو کې د فرهنګي چارو د مسؤلینو، علماوو او د دغه ښار د اوسېدونکو ګډون کړی و او ویناوالو د مسلمانانو پر یووالي او د فرهنګي همکاریو پر پراختیا ټینګار کړی دی.
https://parstoday.ir/ps/news/afghanistan-i177732-%D9%BE%D9%87_%DA%A9%D8%A7%D8%A8%D9%84_%DA%A9%DB%90_%D8%AF_%D8%A7%DB%8C%D8%B1%D8%A7%D9%86_%D8%B3%D9%81%D8%A7%D8%B1%D8%AA_%D9%81%D8%B1%D9%87%D9%86%DA%AB%D9%8A_%D9%85%D8%B3%D8%A4%D9%84_%D9%BE%D9%87_%D8%A7%D8%B3%D9%84%D8%A7%D9%85%D9%8A_%D9%BC%D9%88%D9%84%D9%86%D9%88_%DA%A9%DB%90_%D8%AF_%DB%8C%D9%88%D9%88%D8%A7%D9%84%D9%8A_%D9%BE%D8%B1_%D9%BE%DB%8C%D8%A7%D9%88%DA%93%D8%AA%DB%8C%D8%A7_%D9%BC%DB%8C%D9%86%DA%AB%D8%A7%D8%B1_%D9%88%DA%A9%DA%93

د ایران سفارت د فرهنګي چارو مسؤل په سرپل کې د حضرت یحیی بن زید(ع) له حرم څخه لیدنه وکړه
په افغانستان کې د ایران د اسلامي جمهوریت سفارت د فرهنګي چارو مسؤل سید روح‌الله حسیني، سرپل ولایت ته د خپل سفر پر مهال د حضرت یحیی بن زید(ع) د حرم د بیارغونې او ترمیم له روان بهیر څخه لیدنه کړې او د دې زیارتي ځای د ساختماني چارو د پرمختګ او پاتې کارونو د چارو ارزونه يې کړی ده.

د حسیني په وینا د حرم د بیارغونې په روانو چارو کې د ښځو او نارينوو لپاره د ۲۰ تشنابونو جوړول، د اودس‌ځایونو برابرول، د ژورې څاه کیندل، د صحن کانکریټ کول او د ویالو جوړول شامل دي.

همدارنګه د حرم د بام د ترمیم، ایزوګام او د بام د څڅېدو مخنیوی چارې، ترسره شوې دي او په دې برخه کې د چپس‌کارۍ چارې شاوخوا ۹۰ سلنه بشپړې شوي دي .

په کابل کې د ایران د اسلامي جمهوریت سفارت د فرهنګي چارو مسؤل د کار پر کیفیت، د پاتې چارو پر بشپړولو او زیارت کوونکو ته د لا ښو امکاناتو پر برابرولو ټینګار وکړ.

د سرپل یو شمېر اوسېدونکو هم د دې حرم د بیارغونې په برخه کې د ایران د اسلامي جمهوریت د فرهنګي سلاکارۍ له همکاریو څخه د مننې ترڅنګ، د پاتې چارو د ژر تر ژره بشپړېدو غوښتنه کړې ده.

د حضرت یحیی بن زید(ع) حرم د سرپل له پېژندل شوو زیارتي ځایونو څخه دی، چې هر کال ګڼ شمېر کسان یې د زیارت لپاره ورځي.
https://parstoday.ir/ps/news/afghanistan-i177736-%D8%AF_%D8%A7%DB%8C%D8%B1%D8%A7%D9%86_%D8%B3%D9%81%D8%A7%D8%B1%D8%AA_%D8%AF_%D9%81%D8%B1%D9%87%D9%86%DA%AB%D9%8A_%DA%86%D8%A7%D8%B1%D9%88_%D9%85%D8%B3%D8%A4%D9%84_%D9%BE%D9%87_%D8%B3%D8%B1%D9%BE%D9%84_%DA%A9%DB%90_%D8%AF_%D8%AD%D8%B6%D8%B1%D8%AA_%DB%8C%D8%AD%DB%8C%DB%8C_%D8%A8%D9%86_%D8%B2%DB%8C%D8%AF(%D8%B9)_%D9%84%D9%87_%D8%AD%D8%B1%D9%85_%DA%85%D8%AE%D9%87_%D9%84%DB%8C%D8%AF%D9%86%D9%87_%D9%88%DA%A9%DA%93%D9%87

په نړۍ کې د ایران د زغم او مقاومت نوم مشهور شوی دی
پارس‌ټودي ــ د ایران د اسلامی جمهوریت د قضائې قوې م شر، په هندوستان کې د بریکس ډلې د غړو هېوادونو د قضائیه‌ قواؤ د مشرانو له غونډې تر ستنېدو وروسته وویل: د ایران د ولس او د اسلامي جمهوري نظام د زغم او مقاومت نوم په نړۍ کې مشهور شوی دی.

د پارس‌ټودي د راپور له مخې، حجت‌الاسلام والمسلمین محسني اژه‌ای بیګا له نوي ډیلي څخه د راستنېدو پر مهال، چې د هند د لوړپوړو چارواکو په بلنه ئې د بریکس ډلې د غړو هېوادونو د قضائیه‌ قوؤ د مشرانو په غونډې کې ګډون کړی و، د تهران په مهرآباد هوايي ډګر کې د خپل سفر د لاسته راوړنو په اړه وویل؛د بریکس دلې د سږني کال شعار پر پایښت، په ملګرتیا او زغم، په تیره بیا په اقتصادي برخو کې، تمرکز لري. د ایران اسلامي جمهوریت د دغو مفاهیمو او بېلګو بشپړ انځور وړاندې کوي او د ایران د ولس او اسلامی نظام د زغم او مقاومت نوم په نړۍ کې مشهور شوی دی.

د ایران د قضائیه قوې مشر د خپل دوه ورځني سفر د بېلابېلو پروګرامونو په تشریح کې وویل: په دغه سفر کې مونږ په څرګنده درک کړه چې زمونږ د شهید رهبر امام خامنه اي د نړۍ د آزادو خلکو په زړونو کې څومره لوړ مقام او درناوی لري. د هند خلکو او علماوو د اسلامی انقلاب د شهید رهبر په اړه په ډېر درناوي او تعظیم سره خبرې کولې.

د ایران د قضائیه قوې مشر ،د بریکس دلې د غړو هېوادونو له لوړپوړو چارواکو سره په دوه‌اړخیزو لیدنو کې د مطرح شویو موضوعګانو په اړه وویل: د دغو هېوادونو ډېرو لوړپوړو چارواکو په خپلو دوه‌اړخیزو لیدنو کې په څرګنده ویل چې د ایران اسلامي جمهوریت د امریکا هېبت او با ؤؤ مات کړی دی او مونږ باور نه درلود چې ایران به تر دې کچې قدرت، اقتدار او د مقاومت توان ولري.

دوي وویل چې د ایران پر وړاندې د امریکا د تېري په لومړیو شپو ورځو کې مونږ اندېښمن وو او فکر مو کاوه چې د ایران اسلامي جمهوریت به د دې ستر دباؤ پر وړاندې د مقاومت توان ونه لري؛ خو وروسته د ایران د خلکو،مبارزانو او چارواکو په ټینګ هوډ او استقامت حک حیران شوو.

د ایران د قضایه قوې مشروویل: د بریکس ډلې د غړو هېوادونو له لوړپوړو چارواکو سره په دوه‌اړخیزو لیدنو کې هغوی لېواله وو چې د ایران له اسلامي جمهوریت سره په بېلابېلو برخو، په ځانګړې توګه قضایي او حقوقي برخو کې تفاهمونه لا پیاوړي کړي. هغوی همدارنګه هڅه کوله چې د دغو تفاهمونو اړوند تخنیکي او لومړني لوازمات او شرایط برابر کړي.

محسني اژه‌ای، د هندوستان د بېلابېلو دینونو او مذهبونو له علماؤ سره د ترسره شوې غونډې او همدارنګه له ایرانيو او هندي سوداګرو سره د لیدنو په اړه وویل: د بریکس د قضائیه قواؤ د مشرانو د غونډې په څنډې کې ترسره شوې لیدنې او ناستې ډېرې ګټورې او له لاسته راوړنو ډکې وې.

د غزې د ژغورنې او مرستې ادارې اعلان کړی چې دغه شهیدان په دې وروستیو کې د څو ورځو له لټون، د خاورو اوکنډوالو له پاکولو او پلټنې وروسته له کنډوالو راایستل شوي دي.

د دغو شهیدانو جنازه، چې په دې وروستیو کې له کنډوالو څخه راایستل شوي وو، د غزې ښار په ختیځ کې په الزیتون په سیمې کې ترسره شوه.

د غزې د فلسطین د روغتیا وزارت په خپلې نوې اعلامیې کې ویلي: د تېر اکتوبر له ۱۱ نېټې څخه د اوربند له ټینګښت راهیسې تر اوسه ۱،۳۴۴ کسان شهیدان او ۴،۴۶۴ نور ټپیان شوي دي، او د ۸۱۵ شهیدانو جسدونه له کنډوالو څخه راایستل شوي دي.

په اعلامیې کې راغلي چې د ۲۰۲۳ کال د اکتوبر له ۷ نېټې څخه تر اوسه پورې پر غزې د صهیونیستي رژیم د بریدونو د قربانیانو شمېر ۷۳ زره او ۶۵۱ شهیدانو او ۱۷۴ زره او ۵۷۵ ټپیانو ته رسیدلي دي.

د راپور له مخې، لا هم یو شمېر قربانیان د ودانیو او کنډوالو لاندې او په سړکونو کې پاتې دي، او د ژغورنې او مولسی دفاع ډلې تر دې دمه نه دي توانېدلي چې هغوی ته لاسرسی پیدا کړي.

د ایران عربستان او ترکیې همڅنګو، د سیمې حالات سره وارزول
پارس ټوډې - د ایران د اسلامی جمهوریت خارجه وزیر د عربستان او ترکیې له خارجه وزیرانو سره په جلاجلا ټيلیفوني تماس کې د سیمې د حالاتو او دغه راز د نړیوالو بدلونونو په باب خبرې او مشورې وکړې.

پارس ټوډې د مهر خبری آژانس له قوله راپور ورکړی، د ایران د اسلامی جمهوریت خارجه وزیر عباس عراقچي بیګا ناوخته په جلاجلا توګه د عربستان له خارجه وزیر فیصل بن فرحان او د ترکیې له خارجه وزیر هاکان فیډان سره د دوو اړخیزړو اړیکو او د سیمه ایزو بدلونونو او دغه راز په سیمې کې د سولې اوثبات د ټينګیدا او د امریکا د تیریګرو اقداماتو له امله د هرمز تنګي په سټراټژيکې اوبلارې د تپلي ناامنئ د ختمولو په باب مشورې او د نظر تبادلې وکړې.

په دغو تماسونو کې د سیمې د سولې او ثبات او دغه راز د امنیت په اړه د لورو د نظرونو پر یووالی او دغه راز د روغې جوړې لپاره د ډيپلوماټيکو هڅو پر دوام ټينګار کړی دی.

د ایران په سیریک ښار کې د امریکا د پوځ له خوا پر یوه واده تر برید وروسته د یوې ټپي شوې نجلۍ دردناک انځور

د سپټڼمبر د لومړۍ نېټې په ماښام، د هرمزګان ولایت د سیریک ولسوالۍ په کوهستک کلي کې هغه کور چې د واده د مراسمو کوربه وو، د ایران پر جنوب د امریکا د بریدونو پر مهال په نښه شو. ښځې او ماشومان په کور کې راټول شوي وو او د واده مراسم لا په بشپړه توګه نه وو پیل شوي.
وروسته د وژل شویو کسانو شمېر پنځو ته ورسېد او ۶۸ کسان هم ټپیان شول؛ په قربانیانو کې یو ۴ کلن ماشوم او یو ۱۶ کلن ځوان هم شامل دي.

رویټرز د سیمې د انځورونو او ویډیوګانو له ارزونې او د وسلو له کارپوهانو سره تر مشورې وروسته راپور ورکړ چې شواهد د دې ښکارندويي کوي چې د امریکا یوه مهمه وسله په مستقیم ډول لګېدلې، نه دا چې د بل هدف د چاودنې ټوټې ورسره لګېدلې وي.
خو امریکا وايي چې ملکي وګړي په قصدي ډول نه په نښه کوي او د دې پېښې په اړه د څېړنو په حال کې ده.
هغه څه چې دا پېښه لا جنجالي کوي، د امریکا د بریدونو مخینه ده. په ۲۰۰۴ کال کې په عراق کې د واده د مراسمو له بمبارۍ، چې لسګونه کسان پکې ووژل شول، نیولې، په ۲۰۰۸ او ۲۰۱۲ کلونو کې په افغانستان کې پر ودونو تر مرګونو بریدونو او په ۲۰۱۵ کال کې په یمن کې د امریکا په ملاتړ د ائتلاف تر بریده پورې، د جګړو د ملکي تلفاتو په راپورونو کې د واده د مراسمو نوم څو ځله تکرار شوی دی.
همدا مخینه د دې سبب شوې چې ځیني کسان دا پوښتنه مطرح کړي: آیا دا ټولې پېښې یوازې پوځي تېروتنې دي، که په هدف ټولنه کې د وېرې رامنځته کول یوه ستراتیژي ده، څو خلک له مقاومت څخه شاتګ ته اړ شي؟

طالبانو د ملګرو ملتونو نړیوالې ادارې څخه د پراختیایي پروژو د دوام غوښتنه کړې
د سرپرست حکومت د کلیو د بیارغونې او پراختیا وزارت وایي، د ملګرو ملتونو د پراختیايي پروګرام له استازو سره په لیدنه کې د پراختیايي پروژو پر دوام او د دغو پروژو پر پایښت ټینګار شوی دی.
د سرپرست حکومت د کلیو د بیارغونې او پراختیا وزارت مطبوعاتي دفتر ویلي، د دغه وزارت د کلیو د ابادۍ چارو معین محمد ارسلاح خروټي په افغانستان کې د ملګرو ملتونو د پراختیايي پروګرام له انجنیرانو سره لیدنه او خبرې کړې دي.
د دغه وزارت په وینا، د ملګرو ملتونو د پراختیايي پروګرام انجنیرانو په دې لیدنه کې د دغه بنسټ د پروژو او فعالیتونو په اړه معلومات وړاندې کړي دي.
د کلیو د بیارغونې او پراختیا وزارت وایي، محمد ارسلاح خروټي هم د پراختیايي پروژو پر پایښت ټینګار کړی او ویلي یې دي چې دغه پروژې باید په داسې ډول پلي شي چې د سیمې اوسېدونکي وکولای شي په اوږدمهال کې د هغوی له خدمتونو او ګټو برخمن شي.
 

میداني سرچینې په یمن کې د تعز ولایت په وروستیو څلرویشت ساعتونو کې د نښتو پر مهال د سعودي عربستان اړوند د یوسلو پنځو څخه د زیاتو ځواکونو د وژل کېدو خبر ورکوي.
د دغو سرچینو په وینا، یمني ځواکونو د تعز په لوېدیځ او سوېل او د الحدیده په سوېل کې د توغندیزو بریدونو او کمینونو له لارې د سعودي عربستان اړوندو ځواکونو ته درنه مرګ‌ژوبله اړولې ده.
سرچینې همدارنګه د یمن د وسله‌والو ځواکونو له لوري د المکازمه او العکاد سیمو د کنټرول خبر ورکوي او وایي، د دغو عملیاتو هدف د اکمالاتي لارو پرې کول وو.
تر دې وړاندې عربي‌ژبو رسنیو راپور ورکړی و چې د یمن د پوځیانو له پرمختګ وروسته، سعودي عربستان اړوندو ځواکونو تعز ولایت او د نښتو سیمو ته نور ځواکونه استولي دي.

د افغانستان د تېلو او ګازو شرکت مسوولین وایي، پر وارداتو د هېواد تکیا او په سیمه کې روانو بدلونونو د افغانستان د تېلو او ګازو پر بیو اغېز کړی دی.
د تېلو او ګازو عمومي شرکت رئیس محمدنصیر رحیمي وایي، افغانستان د خپلې اړتیا وړ ډېره برخه تېل او ګاز له ایران، ترکمنستان، روسیې، بلاروس او قزاقستان څخه واردوي.
د نوموړي په وینا، د هرمز تنګي له لارې د تېلو د صادراتو په مسیر کې ناامني د افغانستان د سون‌توکو پر بیو هم اغېز کړی دی.
رحیمي وایي، سره له دې چې د انرژۍ په نړیوال عرضه کې ستونزې رامنځته شوې دي، خو تر اوسه هېڅ هېواد افغانستان ته د تېلو او ګازو صادرات نه دي محدود کړي.
هغه د تېلو او ګازو د واردولو په برخه کې د فعالو شرکتونو شمېر نږدې یوسلو شپته شرکتونه یادوي او وایي، د احتکار او د بیو د لوړوالي د مخنیوي لپاره پر بازار څارنه دوام لري.

حزب‌الله؛ایران تل زمونږ ترڅنګ دی؛ له تهران سره پر اتحاد ویاړو
د لبنان په پارلیمان کې د اسلامی مقاومت حزب ا... د فریکشن لوړپوړي غړي حسین الحاج حسن، په سیمې کې د ایران د معادلې دتپلو په اړه وویل: ایران تل د حزب‌ا... ترڅنګ ولاړ دی او له ایران سره اتحاد زمونږ د ویاړ ځای دی.

د تسنیم خبري اژانس د راپور له مخې، د لبنان د بعلبک ـ هرمل د فریکشن مشر او د لبنان په پارلیمان کې مقاومت ته د وفادارئ د فریکشن لوړپوړي غړي حسین الحاج حسن، نن د لبنان او سیمې د وروستیو بدلونونو په اړه وویل چې تسلیمېدل د حزب‌ا....په ډیکشنرئ کې هیڅ ځای نه لري او مونږ به خپل ثبات او مقاومت ته دوام ورکړو.

حسین الحاج حسن ټینګار وکړ چې حزب‌ا...له ایران سره پر خپل اتحاد ویاړي او ایران تل زمونږ ملاتړ کړی، کوي ئې او په راتلونکي کې به ئې هم وکړي. هغه وویل، حزب‌ا... غورځنګ پر ایران، د هغه پر قدرت او لاسته راوړنو باندې په تکیې کولو ویاړ کوي.

هغه زیاته کړه: نن سبا ایران د هرمز تنګي، د تیلو د بیّې او د نړیوال اقتصاد کنټرول په لاس کې لري. دا زمونږ او د ایران د متحدانو په لاس کې یوه وسیله ده او مونږ به ترې د خپلو شرایطو د تپلو لپاره استفاده وکړو.

د حزب‌ا...دغه استازي د ایران او امریکا ترمنځ د مخامخ ډغرې د بدلونونو په اړه وویل چې دا جنګ لا تر اوسه یوې قطعي نتیجې ته نه دی رسېدلې، خو تهران به هېڅکله تسلیم نه شي او له خپلو دباؤ راوړونکو اړمونو څخه به لاس وانخلي.

حسین الحاج حسن وویل: واشنګټن هڅه کوي هغه څه چې ئې د جنګ په ډګر کې ترلاسه نه کړل، د سیاست، اقتصاد او ډیپلوماسۍ له لارې ترلاسه کړي؛ خو د امریکا ولسمشر ډونالډ ټرمپ د ایران پر ضد د نړۍ په قانع کولو او یوځاي کولو کې ناکام شوی دی. لکه څنګه چې مو ولیدل، روسیې، چین او نورو هېوادونو د ایران پر ضد په اقتصادي جنګ کې له ګډون څخه ډډه وکړه.

د لبنان د پارلمان دغه استازي د ایران پر وړاندې په جنګ کې د امریکا د پوځي زېرمو د تشېدو په اړه هم وویل چې مقاومت وتوانېد د امریکایانو او صهیونیسټانو هغه اصلي او اساسي هدف چې د مقاومت له منځه وړل و، ناکام کړي.

هغه څرګنده کړه چې حزب‌ا...د یوې سیمه‌ییزې معادلې مهمه برخه دی چې مشري ئې ایران کوي او د امریکا او صهیونیستي رژیم په مشرۍ د شر له چورلیز سره مخامخ ولاړ دی.

نوموړي وویل: مونږ به خپلې لارې ته دوام ورکړو او وبه ګورو چې چېرته رسېږي؛ تاسو هم خپلې لارې ته دوام ورکړئ او وګورئ چې چېرته رسېږئ.