Har qanday kompaniya o’z brendini tanitish va mahsulotiga nisbatan sotuv sonini oshirish maqsadida reklamadan foydalanadi.

Hozirgi vaqtda eng samarali va sifatli reklama ijtimoiy tarmoqlarda amalga oshiriladi. Telegram, Instagram va Facebook platformalari bunga yaqqol misol.

Buning asosiy sababi, ijtimoiy tarmoqlarda juda katta auditoriya (odamlar) mavjud.

Siz kun davomida mana shu ijtimoiy tarmoqlarda yuzlab reklama matnlarini (postlar) ko'rasiz va aynan ushbu matnlar kopirayterlar tomonidan yoziladi.

Kopirayting so’zi ingliz tilida (copy - matnli material va write - yozish) degan ma’noni anglatadi.

Soha vakillari esa “Kopirayter” deb yuritiladi.

Agar chuqurroq tahlil qiladigan bo’lsak, kopirayter – matnlar bilan ishlovchi mutaxassis deb aytiladi.

❓ Xo’sh, kopirayterlar qanday turdagi matnlarni yozadilar?

1. Ijtimoiy tarmoqlar uchun matnlar (postlar)

2. Landing (qo’nuvchi web-saytlar) uchun matnlar

3. Telegram-Botlar va Elektron pochtalar uchun matnlar

4. Web-saytlar uchun matnlar (yangiliklar, bloglar)

5. Prezentatsiyalar

6. Kitob va ssenariyalar

🤩 Kopirayterlikni tanlashingiz uchun 7 ta asosiy sabab:

1. Siz erkinlikni his qilasiz, ya'ni frilans:

Ishlab pul topish uchun soatlab ofisda o'tirib hamda boshliqning qosh-qovog'iga qarab ish tutishingiz shart emas.

Sizga qulay vaqtda masofadan sevimli divaningizda o’tirib ham soha ortidan yaxshigina daromad topishingiz mumkin.

2. OTM diplomi talab etilmasligi:

Frilansdagi mijozlar kopirayterda 3 ta narsani ko'rishni istaydilar: mas'uliyat, sifatli portfolio va dedlaynga (loyihani belgilangan vaqtda topshirish) rioya qilish.

3. Tanlov imkoniyati:

Siz o’zingizni qiziqtirgan loyihalarnigina qabul qilib, yoqtirgan yo’nalishingizda ishlashingiz mumkin.

Ayni damda har qanday biznes o’z sotuvlari hajmini oshirish ehtiyojiga ega. Ya’ni bu loyihalar borasida keng assortimentni beradi. Siz IT sohasida kuchlimisiz, marhamat! Balki go’zallik salonlari yoki kiyim-kechak borasida ko’proq ma’lumotga egadirsiz? Ayni muddao! Kopirayting siz sevgan sohaning marketologi (ya’ni sotuvchisi) bo’lish imkoniyatini beradi.

4. Dunyoqarash kengayadi.

Turli sohalar bo’yicha bilimlar miyada yangi neyronlar hosil qiladi (ya’ni nerv hujayralar).

Agar ma’lumotlar davriy ravishda o’rganilsa nerv tolalari qalinlashib, ular o’rtasidagi impuls (ya’ni malumot) almashinuvi tezlashadi. Bu esa o’z navbatida nafaqat sizning IQ darajangizni, balki fikrlashingizni ham oshiradi. Axir siz - mijozlar muammosiga yechim beruvchi, biznesni esa rivojlantiruvchi shaxssiz!

5. Shaxsiy hayot uchun istalgancha vaqt ajratish.

Sohaning afzallik jihati bir oylik kontent rejasi oldindan tayyorlanadi. Bu esa sizga topshirilgan vazifani oldinroq ham bajarib qo’yish imkoniyatingiz borligini bildiradi. Ayni shu jihatdan kopirayting talabalar, yosh farzand tarbiyasidagi onalar, qo’shimcha daromad topish istagida bo’lgan kishilar uchun ham ayni muddao.

6. Soha uchun kompyuter talab etilmaydi.

Qo’lingizdagi smartfon yordamida qiyinchiliksiz kopirayterlik bilan shug’ullanib, mo’maygina daromad topishingiz mumkin.