ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်း တောင်ငူခရိုင်အတွင်း လယ်ယာသုံးစက်ကိရိယာနှင့် MSMEs လုပ်ငန်းများ စဉ်ဆက်မပြတ် ဖွံ့ဖြိုးတိုးတက်ရေး လိုအပ်သည်များ ဖြည့်ဆည်းဆောင်ရွက်ပေး

တောင်ငူ စက်တင်ဘာ ၃

ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်းသည် ယမန်နေ့နံနက်ပိုင်းက တောင်ငူမြို့ ခပေါင်းခန်းမ၌ တောင်ငူခရိုင်အတွင်းရှိ လယ်ယာသုံးစက်ကိရိယာနှင့် MSMEs လုပ်ငန်းရှင်များနှင့် တွေ့ဆုံ၍ လုပ်ငန်းများ စဉ်ဆက်မပြတ် ဖွံ့ဖြိုးတိုးတက်ရေးအတွက် လိုအပ်သည်များ ဖြည့်ဆည်းဆောင်ရွက်ပေးခဲ့ကြောင်း သိရသည်။

တွေ့ဆုံပွဲတွင် ပဲခူးတိုင်းဒေသကြီးဝန်ကြီးချုပ်က တောင်ငူဒေသသည် ရှေးဟောင်းအမွေအနှစ်မြို့တော်တစ်ခုဖြစ်သည့်အပြင် စိုက်ပျိုးရေး၊ မွေးမြူရေးနှင့် သစ်တောထွက်ပစ္စည်းကုန်ကြမ်းများ ပေါကြွယ်ဝပြီး လမ်းပန်းဆက်သွယ်ရေး အချက်အချာကျသည့် ဒေသဖြစ်သဖြင့် MSME ကဏ္ဍဖွံ့ဖြိုးတိုးတက်ရေးအတွက် အလားအလာကောင်းများရှိကြောင်း ပြောကြားသည်။

ထို့ပြင် တောင်ငူဒေသကို အထူးဖွံ့ဖြိုးရေးဒေသတစ်ခုအဖြစ် ဖော်ဆောင်ပေးလျက်ရှိရာ စိုက်ပျိုးရေး၊ မွေးမြူရေး၊ MSME နှင့် အခြားကဏ္ဍများ ဘက်စုံဖွံ့ဖြိုးတိုးတက်ရေးအတွက် အရှိန်အဟုန်ဖြင့် ဆောင်ရွက်ပေးသွားမည်ဖြစ်ကြောင်း ပြောကြားသည်။

ဒေသထွက် အရည်အသွေးမြင့်ကော်ဖီ၊ သဘာဝမျှစ်နှင့် မှိုထုတ်လုပ်ရေးလုပ်ငန်းများအနေဖြင့် ပြည်ပဈေးကွက်သို့ ထိုးဖောက်နိုင်သည့် အခွင့်အလမ်းများရှိသကဲ့သို့ ရာသီအလိုက်ထွက်ရှိသည့် သစ်သီးဝလံများကို အေးခဲခြင်း၊ အခြောက်ခံခြင်းများ ပြုလုပ်၍ ပြည်ပသို့ တင်ပို့နိုင်သည့် ပို့ကုန်အမယ်သစ်များ ဖော်ဆောင်နိုင်ကြောင်း ပြောကြားသည်။

ဒေသထွက် MSMEs ထုတ်ကုန်များကို မိရိုးဖလာ ထုတ်လုပ်မှုစနစ်မှ နည်းပညာနှင့် ခေတ်မီစက်ပစ္စည်းများ အသုံးပြုသည့် ထုတ်လုပ်မှုစနစ်သို့ ပြောင်းလဲ၍ ထုတ်ကုန်တန်ဖိုးမြှင့်တင်ရန် လိုအပ်ကြောင်း၊ ထိုသို့ ဆောင်ရွက်မှသာ ပြည်တွင်း၊ ပြည်ပဈေးကွက်များတွင် ယှဉ်ပြိုင်နိုင်စွမ်း တိုးတက်လာပြီး ရေရှည်ခိုင်မာသည့် ဈေးကွက်ရရှိနိုင်မည်ဖြစ်ကြောင်း ပြောကြားသည်။

ယင်းနောက် တောင်ငူခရိုင်အတွင်းရှိ MSMEs လုပ်ငန်းရှင်များက လုပ်ငန်းများဆောင်ရွက်ရာတွင် ကြုံတွေ့နေရသည့် အခက်အခဲများနှင့် လိုအပ်ချက်များကို တင်ပြကြရာ တိုင်းဒေသကြီးဝန်ကြီးချုပ်က သက်ဆိုင်ရာဌာနများမှ တာဝန်ရှိသူများနှင့် ပေါင်းစပ်ညှိနှိုင်း၍ လိုအပ်သည်များ ဖြည့်ဆည်းဆောင်ရွက်ပေးခဲ့သည်။

ထို့နောက် တိုင်းဒေသကြီးဝန်ကြီးချုပ်နှင့် တာဝန်ရှိသူများသည် တောင်ငူခရိုင်အတွင်းရှိ MSMEs လုပ်ငန်းရှင် ၁၂၅ ဦး၏ ဒေသထုတ်ကုန်၊ လယ်ယာသုံးစက်ကိရိယာနှင့် စားသောက်ကုန်လုပ်ငန်း ပြခန်းများကို လိုက်လံကြည့်ရှုအားပေးခဲ့ကြသည်။

ဆက်လက်၍ တောင်ငူမြို့ အမှတ် (၁) ရပ်ကွက်ရှိ လုပ်ငန်းရှင် ဦးဇော်မင်းထိုက်၏ “သဇင်ဝါ” ကိတ်နှင့် ပေါင်မုန့်မျိုးစုံ ထုတ်လုပ်ရေးလုပ်ငန်းသို့ သွားရောက်ကြည့်ရှုအားပေးပြီး လုပ်ငန်းလိုအပ်ချက်များကို သက်ဆိုင်ရာတာဝန်ရှိသူများနှင့် ပေါင်းစပ်ညှိနှိုင်းဆောင်ရွက်ပေးခဲ့သည်။

ယင်းနောက် စွန့်ဦးတီထွင်လုပ်ငန်းရှင် ဦးဇေယျာအောင်၏ “ဖီးနပ်” ဇီဝမီးသွေးဖို ထုတ်လုပ်ရေးလုပ်ငန်းသို့ သွားရောက်ကြည့်ရှုအားပေးခဲ့ပြီး စပါးအပါအဝင် တန်ဖိုးမြှင့်သီးနှံများ အခြောက်ခံနိုင်သည့် စက်များ စမ်းသပ်ထုတ်လုပ်ရေး၊ မီးသွေးမှုန့်များကို စိုက်ပျိုးရေးသုံး Biochar အဖြစ် ပြန်လည်အသုံးပြုရေးနှင့် ထုတ်ကုန်အရည်အသွေး ပိုမိုကောင်းမွန်စေရေးအတွက် လိုအပ်သည့် နည်းပညာများရရှိရေးတို့ကို သက်ဆိုင်ရာတာဝန်ရှိသူများနှင့် ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။

သက်ဖြိုးကြိုင် (ပြန်/ဆက်)

https://t.me/iprdrnd/207321

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/uK23k

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

View to mtube Video Streaming Platform
https://mtube.gov.mm/

နေပြည်တော်ကောင်စီဥက္ကဋ္ဌ ဦးကံမြင့်သန်း အသက်(၁၄)နှစ်အောက် အခြေခံပညာကျောင်းပေါင်းစုံ အမျိုးသားဘောလုံးပြိုင်ပွဲ U-14 Boys Royal D Cup 2026 ဗိုလ်လုပွဲနှင့် ဆုချီးမြှင့်ခြင်း အခမ်းအနား တက်ရောက်

ကချင်ပြည်နယ်ဝန်ကြီးချုပ် ဦးခက်ထိန်နန် မြစ်ကြီးနားမြို့အဝင် ကုန်စစ်ဆေးရေးစခန်း၌ ဌာနဆိုင်ရာ OSS အဖွဲ့များ၏ ကုန်စစ်ဆေးရေးလုပ်ငန်းများ အဆင်ပြေချောမွေ့စေရေးနှင့် မိုးများ၍ မြို့ပေါ်ရပ်ကွက်များ ရေဝပ်တင်ကျမှုအပေါ် ရေနုတ်မြောင်းများ ရေစီးရေလာကောင်းမွန်အောင် ဆောင်ရွက်နိုင်ရေး ကွင်းဆင်းစစ်ဆေး

ကယားပြည်နယ်ဝန်ကြီးချုပ် ဦးအံ့မော် ကယားပြည်နယ်အတွင်း ဒေသဖွံ့ဖြိုးရေးလုပ်ငန်းများ အရှိန်အဟုန်မပြတ် အကောင်အထည်ဖော် ဆောင်ရွက်လျက်ရှိမှု အခြေအနေများအား ကြည့်ရှုစစ်ဆေး

ကရင်ပြည်နယ်ဝန်ကြီးချုပ် ဦးစောမြင့်ဦး ဘားအံတက္ကသိုလ်၌ MSME အထောက်အကူပြု အသုံးချပညာရပ်များ အလုပ်ရုံဆွေးနွေးပွဲ တက်ရောက်၊ Pure Care Myanmar Co.,ltd မှ တာဝန်ရှိသူများနှင့် တွေ့ဆုံ

စစ်ကိုင်းတိုင်းဒေသကြီးဝန်ကြီးချုပ် ဦးကိုလေး မုံရွာမြို့၊ ရက်ကန်းနှင့် အသက်မွေးပညာ သင်တန်းကျောင်းနှင့် မုံရွာပညာရေးဒီဂရီကောလိပ်ကျောင်းများသို့ သွားရောက်၍ သင်ကြားရေးလုပ်ငန်းများ ဆောင်ရွက်နေမှုကို ကြည့်ရှု

မကွေးတိုင်းဒေသကြီးဝန်ကြီးချုပ် ဦးတင်ကိုကို ကျောင်းစာကြည့်တိုက်များ ဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲတော် တက်ရောက်

မန္တလေးတိုင်းဒေသကြီးဝန်ကြီးချုပ် ဦးမျိုးအောင် မိတ္ထီလာခရိုင် ဘက်စုံကဏ္ဍ ဖွံ့ဖြိုးတိုးတက်ရေးဇုန်အဖြစ် အဆင့်မြှင့်တင်နိုင်မှုအား လေ့လာသုံးသပ်ရန် ဖြစ်နိုင်ခြေလေ့လာမှု သုတေသနအဖွဲ့၊ ခရိုင်အဆင့် ဌာနဆိုင်ရာများနှင့် တွေ့ဆုံ၊ မန္တလေးတိုင်းဒေသကြီးအဆင့် (၂၇)ကြိမ်မြောက် မြန်မာ့ရိုးရာ ယဉ်ကျေးမှု အဆို၊အက၊အရေး၊အတီး ပြိုင်ပွဲ ဖွင့်ပွဲအခမ်းအနား တက်ရောက်

မွန်ပြည်နယ်ဝန်ကြီးချုပ် ဦးအောင်ဝင်းသန်း မော်လမြိုင်မြို့နယ်၊ ကတိုးကျေးရွာနှင့် ကော့နှတ်ကျေးရွာ အတွင်းရှိ ချောင်းတူးဖော်ခြင်းလုပ်ငန်းများကို ကြည့်ရှုစစ်ဆေး၊ ကော့နှတ်စေတီတော်မြတ်ကြီးနှင့် သာသနိကအဆောက်အအုံများကို ကြည့်ရှုလေ့လာ၊ ၂၀၂၆ ခုနှစ် တိုင်းဒေသကြီးနှင့်ပြည်နယ် ပိုက်ကျော်ခြင်း ပြိုင်ပွဲသို့ ဝင်ရောက်ယှဉ်ပြိုင်ခဲ့သည့် အမျိုးသမီးတံခွန်စိုက်ဒိုင်း ဆုရ မွန်ပြည်နယ် အမျိုးသမီးပိုက်ကျော်ခြင်း အသင်းအား ဂုဏ်ပြုကြိုဆို

ရှမ်းပြည်နယ်ဝန်ကြီးချုပ် ဦးစိုင်းထိန်စိုး ဒေသ၏ စိုက်ပျိုးရေး၊ မွေးမြူရေး၊ ဆီဖူလုံရေး လုပ်ငန်းများ ဖွံ့ဖြိုးတိုးတက်အောင် ဆောင်ရွက်မည့် အစီအမံများအား ရှင်းလင်းခြင်းအခမ်းအနား တက်ရောက်

တနင်္သာရီတိုင်းဒေသကြီးဝန်ကြီးချုပ်(ကိုယ်စား) တိုင်းဒေသကြီး သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီး ဦးသိန်းလွင် တနင်္သာရီမြို့နယ်အတွင်း ရေဘေးသင့်ပြည်သူများအား ထောက်ပံ့ရေးနှင့် ပြန်လည်ထူထောင်ရေး လုပ်ငန်းများနှင့် ရေကြီးရေလျှံမှု ကာကွယ်ရေးလုပ်ငန်းများ ဆောင်ရွက်ရေး လုပ်ငန်းညှိနှိုင်းအစည်းအဝေး တက်ရောက်

ပို့ဆောင်ရေးဝန်ကြီးဌာန၊ ဒုတိယဝန်ကြီး ဦးအောင်မြိုင် ပြည်-ပုဂံ ရထားလမ်းပိုင်းရှိ ရန်ပယ်ချောင်းတံတား ပြုပြင်မှု အခြေအနေများအား ကြည့်ရှုစစ်ဆေး

နိုင်ငံခြားရေးဝန်ကြီးဌာန၊ ဒုတိယဝန်ကြီး ဦးနိုင်မင်းကျော် နီပေါနိုင်ငံတွင် ၂၀၂၆ ခုနှစ်၊ ဩဂုတ်လ (၂၆)ရက်၌ ရုတ်တရက် ရေကြီးရေလျှံမှုကြောင့် လူပေါင်းများစွာ အသက်အိုးအိမ် ဆုံးရှုံးမှု ဖြစ်ပေါ်ခဲ့သည့်အတွက် ပြည်ထောင်စုသမ္မတမြန်မာနိုင်ငံတော်အစိုးရ(ကိုယ်စား) ဝမ်းနည်းကြောင်းမှတ်တမ်းစာအုပ်တွင် လက်မှတ်ရေးထိုး

ပညာရေးဝန်ကြီးဌာန၊ ဒုတိယဝန်ကြီး ဦးနေမျိုးလှိုင် ဧရာဝတီတိုင်းဒေသကြီးရှိ ရေကြီးရေလျှံမှုကြောင့် ယာယီပိတ်ထားသည့် ကျောင်းများနှင့် ရေကျ၍ ပြန်လည်ဖွင့်လှစ်သည့် ကျောင်းများသို့ ကြည့်ရှုစစ်ဆေး၊ လိုအပ်သည်များ ဖြည့်ဆည်းဆောင်ရွက်ပေး

စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ ဒုတိယဝန်ကြီး ဒေါက်တာရဲထွန်းဝင်း (၁၂၄)ကြိမ်မြောက် တောင်သူနည်းပညာဆွေးနွေးပွဲ တက်ရောက်

လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဒုတိယဝန်ကြီး ဒေါက်တာသန့်ဇော်လွင် ဖလမ်းခရိုင်နှင့် မြို့နယ်အဆင့် ဌာနဆိုင်ရာများနှင့် တွေ့ဆုံ အမှာစကားပြောကြား၊ ဖလမ်းမြို့တွင်း ဌာနဆိုင်ရာ အဆောက်အအုံများ ပြန်လည်ပြုပြင်နေမှုအား ကြည့်ရှုစစ်ဆေး

မကွေးတိုင်းဒေသကြီး၊ မြို့သစ်မြို့နယ်ရှိ စွန်ဆည် ရေလှောင်တမံ ရေပိုလွှဲမှ(၀ ဒသမ ၂ ပေ) ဆက်လက် ရေကျော်ကျလျက်ရှိ

လေးမျက်နှာမြို့နယ်အတွင်း ငဝန်မြစ်ရေ ဝင်ရောက်မှုကြောင့် အခြေခံပညာကျောင်း (၃၉)ကျောင်း ယာယီ ပိတ်ထားခဲ့ရာမှ ယနေ့အထိ စုစုပေါင်း (၇)ကျောင်း ပြန်လည်ဖွင့်လှစ်၊ အခြေခံပညာကျောင်း (၃၂)ကျောင်း ဖွင့်ရန်ကျန်ရှိ၊ လေးမျက်နှာမြို့နယ်အတွင်း ရေများ ပြန်လည်ကျဆင်းလာပြီဖြစ်၍ ယနေ့အထိ ရေဘေး ကယ်ဆယ်ရေးစခန်း (၃)ခု ပိတ်သိမ်း၊ ပြည်သူများ မိမိတို့နေအိမ်များတွင် ပြန်လည်နေထိုင်

သံလွင်မြစ်ရေ မြင့်တက်မှုကြောင့် ကရင်ပြည်နယ်၊ ဘားအံမြို့နယ်အတွင်းရှိ ကျောင်းများ ယာယီ ပိတ်ထားလျက်ရှိရာ ရေများ ပြန်လည်ကျဆင်းသွားပါက ကျောင်းများ ပြန်လည်ဖွင့်လှစ်သွားမည်

မွန်ပြည်နယ်၊ မော်လမြိုင်မြို့နယ်၌ “ကိုကိုနှင့် ညီညီ” လျှပ်စစ်ပစ္စည်းဆိုင်အား သေနတ်ပြ ခြိမ်းခြောက်၍ လုယက်မှုကျူးလွန်ခဲ့သူ တရားခံအမျိုးသား (၅)ဦး၊ အမျိုးသမီး (၁)ဦးတို့အား သက်သေခံပစ္စည်းများနှင့်အတူ ဖော်ထုတ်ဖမ်းဆီးရမိ

၂၀၂၇ ယူ- ၂၀ အာရှဖလား အမျိုးသားဘောလုံးပြိုင်ပွဲ ခြေစစ်ပွဲတွင် မြန်မာ ယူ-၂၀ အသင်းက ဘရူနိုင်း ယူ-၂၀ အသင်းကို (၇)ဂိုး ဂိုးမရှိဖြင့် အနိုင်ရရှိ