ဧရာဝတီတိုင်းဒေသကြီးဝန်ကြီးချုပ် ဦးအေးကျော် လေးမျက်နှာမြို့နယ်ရှိ ငဝန်တာနိမ့်ကျမှုနှင့် ရေကျော်စီးဝင်မှုများကြောင့် ရေကြီးနစ်မြုပ် စိုက်ခင်းဧကများ ပြန်လည်စိုက်ပျိုးနိုင်ရေး သက်ဆိုင်ရာ တာဝန်ရှိသူများနှင့် တွေ့ဆုံဆွေးနွေး

ငဝန်မြစ်ရေကာတာ၏ အောက်ခံ မြစ်ကျိုးအင်းသဲကြောမှ ထူးပေါက်၍ ရေဖြတ်သန်းစီးဆင်းမှုကြောင့် ဧရာဝတီတိုင်းဒေသကြီး အတွင်း မြို့နယ်(၆)မြို့နယ်ရှိ ရပ်ကွက်(၁၉)ခုနှင့် ကျေးရွာအချို့ ရေဝင်ရောက်မှုများ ဖြစ်ပွားခဲ့သဖြင့် ကူညီကယ်ဆယ်ရေးနှင့် တားဆီးကာကွယ်ရေး လုပ်ငန်းများ အင်တိုက်အားတိုက် ဆက်လက် ဆောင်ရွက်ပေးလျက်ရှိ

ညောင်တုန်းမြို့နယ် ဂန်ချောင်းကျေးရွာအနီး ညောင်တုန်းကျွန်းတာ (ဧရာဝတီမြစ်ခွဲ) တာကိုယ်ထည်တိုက်စားခံရမှု တားဆီးကာကွယ်ရေး လုပ်ငန်းများ အင်တိုက်အားတိုက် ဆက်လက် ဆောင်ရွက်ပေးလျက်ရှိ

ကလေးမြို့နယ်၊ ဖောင်ကူးကျေးရွာနှင့် တီးတိန်မြို့နယ်၊ ခိုင်ကမ်းမြို့တို့တွင် ရေကြီးရေလျှံမှုများ ဖြစ်ပေါ်ခဲ့မှုကြောင့် ယာယီကယ်ဆယ်ရေးစခန်းများ ဖွင့်လှစ်၍ ကူညီကယ်ဆယ်ရေးလုပ်ငန်းများ ဆောင်ရွက်ပေး

နိုင်ငံတော်နှင့်တပ်မတော်၏ ငြိမ်းချမ်းရေးလုပ်ငန်းစဉ်များကို လက်ခံယုံကြည်သည့် PDF အမည်ခံ အဖွဲ့ဝင် အမျိုးသား (၂၀)ဦးနှင့် အမျိုးသမီး(၄)ဦးတို့သည် လက်နက်ခဲယမ်းများနှင့်အတူ ဥပဒေဘောင်အတွင်းသို့ ဝင်ရောက်

နိုင်ငံတော်တည်ငြိမ်ရေးနှင့် နယ်မြေအေးချမ်း သာယာရေးအတွက် စစ်ဆင်ရေးတာဝန်များကို ထမ်းဆောင်ခဲ့သည့် ရှေ့တန်းပြန် နိုင်ငံ့သားကောင်း တပ်တော်သားများအား ဂုဏ်ပြုကြိုဆိုပွဲ အခမ်းအနားကျင်းပ

စိုက်ပျိုးရေးသုတေသနဦးစီးဌာန (ရေဆင်း) တွင် အထွက်နှုန်းကောင်း ပဲပုပ်သီးနှံများ သုတေသနပြုစိုက်ပျိုးမှု အောင်မြင်ဖြစ်ထွန်း

တောင်ငူမြို့တွင် ငွေကျပ် (၁ ဒသမ ၄၃၆၉) ဘီလီယံတန်ဖိုးနှင့် ဒဂုံမြို့သစ်ဆိပ်ကမ်း မြို့နယ်တွင် ငွေကျပ်သိန်း (၁၅၂၀)တန်ဖိုးရှိ မူးယစ်ဆေးဝါးများ ဖမ်းဆီးရမိ

နိုင်ငံ့အကျိုးစီးပွားအတွက် အကျိုးဖြစ်ထွန်းစေမည့်အရာများကို ဖော်ဆောင်ကြရန်နှင့် ထိခိုက်စေမည့်အရာများကို ရှောင်ကြဉ်ကြရန် နိုင်ငံတော်သမ္မတ မှာကြား
 
ဩဂုတ် ၃၁ ရက်က Naypyitaw State Academy ၌ ပြုလုပ်ခဲ့သည့် ၂၀၂၆ ခုနှစ်၊ တက္ကသိုလ်ဝင်စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲတို့တွင် ထူးချွန်စွာ အောင်မြင်ခဲ့သည့် ကျောင်းသား၊ ကျောင်းသူများအား ဂုဏ်ပြုဆုချီးမြှင့်ခြင်းအခမ်းအနားမှာ နိုင်ငံတော်သမ္မတက ထိုသို့ပြောကြားခဲ့ခြင်းဖြစ်သည်။
 
နိုင်ငံတော်သမ္မတက မိမိတို့နိုင်ငံ၏သမိုင်းကြောင်းများကို သိရှိအောင်လေ့လာစေလိုကြောင်း၊ ဖွဲ့စည်းပုံအခြေခံဥပဒေ၊ တည်ဆဲဥပဒေများကို သိရှိလိုက်နာပြီး နိုင်ငံကိုအကျိုးပြုနိုင်အောင်ကြိုးစားကြစေလိုကြောင်း၊ အချင်းချင်းအပြန်အလှန်လေးစားမှုရှိပြီး မတူကွဲပြားမှုများကို အမျိုးသားရေးစွမ်းအားအဖြစ်ရှုမြင်သုံးသပ်နိုင်ရန်လိုကြောင်း၊ အနာဂတ်နိုင်ငံကို ဦးဆောင်ကြမည့်သူများဖြစ်သဖြင့် သေချာစဉ်းစားသုံးသပ်ပြီး နိုင်ငံ့အကျိုးစီးပွားအတွက် အကျိုးဖြစ်ထွန်းစေမည့်အရာများကို ဖော်ဆောင်ကြရန်နှင့် ထိခိုက်စေမည့်အရာများကို ရှောင်ကြဉ်ကြရန် ပြောကြားခဲ့သည်။

Website

YouTube

TikTok

X(Twitter)

Facebook

Telegram

အာရှရဲ့နှလုံးသား Tuva

PPIB Links
Youtube | Tiktok | Telegram | Website |  X(Twitter)

ချင်းပြည်နယ်အတွင်း ပြန်လည်ထူထောင်ရေးနှင့် ပြန်လည်တည်ဆောက်ရေးလုပ်ငန်းညှိနှိုင်း အစည်းအဝေးသို့ ပြည်နယ်ဝန်ကြီးချုပ် ဒေါက်တာဝုန်ဆွန်းထန် တက်ရောက်

ချင်းပြည်နယ်အတွင်း ပြန်လည်ထူထောင်ရေးနှင့် ပြန်လည်တည်ဆောက်ရေးလုပ်ငန်းညှိနှိုင်း အစည်းအဝေးသို့ ပြည်နယ်ဝန်ကြီးချုပ် ဒေါက်တာဝုန်ဆွန်းထန် တက်ရောက်

ဟားခါး စက်တင်ဘာ ၃

ချင်းပြည်နယ်အတွင်း ပြန်လည်ထူထောင်ရေးနှင့်ပြည်လည်တည်ဆောက်ရေးလုပ်ငန်းညှိနှိုင်း အစည်းအဝေးကို စက်တင်ဘာလ ၂ ရက်နေ့ နံနက် ၁၁ နာရီက ဟားခါးမြို့ ၊ ချင်းပြည်နယ်အစိုးရအဖွဲ့ ရုံး အစည်းအဝေးခန်းမ၌ ကျင်းပသည်။
ဦးစွာ ချင်းပြည်နယ်ဝန်ကြီးချုပ် ဒေါက်တာဝုန်ဆွန်းထန်က အကြမ်းဖက်သောင်းကျန်းသူများ ၏ ယာယီထိန်းချုပ်ထားသည့် ဖလမ်းမြို့နှင့် တွန်းဇံမြို့များကို ၂၀၂၆ ခုနှစ် ၊ မေလအတွင်း တပ်မတော် က ပြန်လည်သိမ်းပိုက်ပြီးနောက် ပြန်လည်ထူထောင်ရေးနှင့် ပြန်လည်တည်ဆောက်ရေးလုပ်ငန်းများ ကို နိုင်ငံတော်၏ အထူးလုပ်ငန်းတစ်ရပ်အဖြစ် ဆောင်ရွက်လျက်ရှိကြောင်း ၊ နိုင်ငံတော်က ဘဏ္ဍာငွေ သာမက ဆောက်လုပ်ရေးသုံးပစ္စည်းများ၊ ဆေးဝါးနှင့် ဘုရားဆင်းတုတော်ပါမကျန် လူအား၊ ငွေအား နှင့် ပစ္စည်းအင်အားဖြင့် ပံ့ပိုးပေးလျက်ရှိပါကြောင်း ၊ ပုဂ္ဂလိကကဏ္ဍမပါ ဌာနဆိုင်ရာနှင့် အများပြည်သူ ဆိုင်ရာ ပြန်လည်ထူထောင်ရေးနှင့် ပြန်လည်တည်ဆောက်ရေးလုပ်ငန်းများအတွက် ကျပ်ဘီလျံ (၄၀) ကျော်ခန့် ကျသင့်မည်ဟု ခန့်မှန်းထားပါကြောင်း ၊ ယခုကဲ့သို့ ပျက်စီးဆုံးရှုံးမှုမရှိပါက ယင်းဘဏ္ဍာငွေ ကို ဖွံ့ဖြိုးတိုးတက်ရေးလုပ်ငန်းများတွင် အသုံးပြုနိုင်မည်ဖြစ်ကြောင်း ၊ ကိန်းဂဏန်းဖြင့် ဖော်ပြ၍မရ သည့် စိတ်ပိုင်းဆိုင်ရာပျက်စီးမှုများလည်း အများအပြားရှိနေမည်ဖြစ်ကြောင်း ၊ အကြမ်းဖက်လုပ်ငန်း သည် အနုတ်လက္ခဏာကိုသာ ဆောင်ကျဉ်းသည်ကို ၂၀၂၁ ခုနှစ်ကစ၍ ငါးနှစ်အတွင်း ဖြစ်ပျက်ခဲ့သည့် အခင်းအကျင်းများအပေါ် သင်ခန်းစာယူရမည်ဖြစ်ကြောင်း ၊ ပြန်လည်ထူထောင်ရေးနှင့် ပြန်လည် တည်ဆောက်ရေးလုပ်ငန်းအပါအဝင် မည်သည့်လုပ်ငန်းကိုမဆို ပြည်သူလူထု၏ ပူးပေါင်းပါဝင်မှုက လွန်စွာအရေးကြီးပါကြောင်း၊ သို့ဖြစ်၍ ပြန်လည်ထူထောင်ရေးနှင့် ပြန်လည်တည်ဆောက်ရေး လုပ်ငန်းများတွင် ဌာနဆိုင်ရာများသာမက ပြည်သူတစ်ရပ်လုံး ပူးပေါင်းပါဝင်ဆောင်ရွက်ရမည် ဖြစ်ကြောင်းဖြင့် အမှာစကားပြောကြားသည်။

ထို့နောက် လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ဒုတိယ ဝန်ကြီး ဒေါက်တာသန့်ဇော်လွင်က ချင်းပြည်နယ်အတွင်း ပြန်လည်ထူထောင်ရေးနှင့် ပြန်လည် တည်ဆောက်ရေးလုပ်ငန်းများတွင် ပူးပေါင်းပါဝင်ဆောင်ရွက်နိုင်ရေးအတွက် သြဂုတ်လ ၃၁ ရက်နေ့ တွင် ကလေးမြို့သို့လည်းကောင်း၊ စက်တင်ဘာလ ၁ ရက်နေ့တွင် ဖလမ်းမြို့သို့လည်းကောင်း ရောက် ရှိလာခဲ့ကြောင်း၊ အချက်အလက်များအရ ပြန်လည်ထူထောင်ရေးနှင့် ပြန်လည်တည်ဆောက်ရေး လုပ်ငန်းကို ဖလမ်းမြို့တွင် ၃၀ ရာခိုင်နှုန်း၊ တီးတိန်မြို့တွင် ၆၁ ရာခိုင်နှုန်း ၊ တွန်းဇံမြို့တွင် ၄၆ ရာခိုင် နှုန်း ဆောင်ရွက်ပြီးစီးပြီဖြစ်ကြောင်း၊ ယခုအခါ ဖလမ်းမြို့ ၊ တီးတိန်မြို့နှင့် တွန်းဇံမြို့ရှိ ဆက်သွယ် ရေးစခန်း ( ၃ ) ခုအတွက် ဆက်သွယ်ရေးပစ္စည်းများနှင့် ပြည်သူ့ဆေးရုံအတွက် ဓာတ်မှန်စက်များ လည်း ကလေးမြို့သို့ ရောက်ရှိလာပြီဖြစ်ပြီး သက်ဆိုင်ရာမြို့များသို့ ဆက်လက်ပို့ဆောင်သွားမည် ဖြစ်ကြောင်း ရှင်းလင်းတင်ပြသည်။

ယင်းနောက် ချင်းပြည်နယ်အတွင် ပြန်လည်ထူထောင်ရေးနှင့်ပြန်လည်တည်ဆောက်ရေး လုပ်ငန်းကော်မတီအတွင်းရေးမှူး ဦးကျော်ဇောလင်းက ပြည်နယ် ၊ ခရိုင် ၊ မြို့နယ်ပြန်လည်ထူထောင် ရေးနှင့်ပြန်လည်တည်ဆောက်ရေး လုပ်ငန်းကော်မတီဖွဲ့စည်းမှု ၊ နိုင်ငံ့ဝန်ထမ်းများနှင့် ဒေသခံပြည်သူ များ ပြန်လည်ဝင်ရောက်မှုအခြေအနေ ၊ အခြေခံပညာကျောင်းများနှင့် ဆေးရုံများ ပြန်လည်ဖွင့်လှစ် နိုင်မှုအခြေအနေ၊ ပြန်လည်ထူထောင်ရေးနှင့် ပြန်လည်တည်ဆောက်ရေးပစ္စည်းများ လက်ခံရရှိမှုနှင့် ဖြန့်ဝေထားရှိမှုအခြေအနေ၊ ဌာနဆိုင်ရာအဆောက်အဦ ပျက်စီးမှုအခြေအနေ ၊ ထပ်မံကွင်းဆင်း စစ်ဆေးတွေ့ရှိချက်အရ တစ်စိတ်တစ်ပိုင်းပြုပြင်ရန်လိုအပ်မှု ၊ ဌာနဆိုင်ရာအဆောက်အဦများ ပြုပြင် / ပြင်ဆင်ခြင်းလုပ်ငန်းများ ဆောင်ရွက်ရန်အတွက် ပြည်နယ်အစိုးရအဖွဲ့၏ ရွေးချယ်အတည်ပြုထား သော ကုမ္ပဏီများ ၊ ပျက်စီးသွားသည့် ပုဂ္ဂလိကနေအိမ်များနှင့်ပတ်သက်၍ ထောက်ပံ့မှုအခြေအနေ ၊ အမျိုးသားဘေးအန္တရာယ်ဆိုင်ရာစီမံခန့်ခွဲမှုကော်မတီ၏ ဆန်၊ ဆီ ၊ ဆား ၊ ပဲအတွက် ငွေထောက်ပံ့မှု အခြေအနေနှင့် ချင်းပြုည်နယ် ပြန်လည်ထူထောင်ရေးနှင့် ပြန်လည်တည်ဆောက်ရေးရန်ပုံငွေ လက်ခံရရှိ ၊ သုံးစွဲ ၊ လက်ကျန်အခြေအနေများကို Power Point ဖြင့် ရှင်းလင်းတင်ပြပြီး ချင်းပြည်နယ် အတွင်း ပြန်လည်ထူထောင်ရေးနှင့်ပြန်လည်တည်ဆောက်ရေးလုပ်ငန်းကော်မတီဥက္ကဋ္ဌ ၊ လုံခြုံရေး နှင့်နယ်စပ်ရေးရာဝန်ကြီး ဗိုလ်မှူးကြီး ခင်မောင်ထွေးက ပြန်လည်ထူထောင်ရေးနှင့် ပြန်လည်တည် ဆောက်ရေးလုပ်ငန်းဆောင်ရွက်ထားရှိမှုအခြေအနေများကို ရှင်းလင်းတင်ပြသည်။

ထို့နောက် အစည်းအဝေးတက်ရောက်လာကြသည့် ပြည်နယ်ဝန်ကြီးများနှင့် ချင်းပြည်နယ် အတွင်း ပြန်လည်ထူထောင်ရေးနှင့်ပြန်လည်တည်ဆောက်ရေးလုပ်ငန်းကော်မတီဝင်များက ဆွေးနွေး တင်ပြကြပြီး ဆွေးနွေးတင်ပြချက်များအပေါ် ပြည်နယ်ဝန်ကြီးချုပ်က လိုအပ်ချက်များ ပေါင်းစပ် ညှိနှိုင်းပေးကာ နိဂုံးချုပ် အမှာစကားပြောကြားခဲ့ကြောင်း သိရသည်။

( ခရိုင် ပြန်/ဆက် )

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/uK23k

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

View to mtube Video Streaming Platform
https://mtube.gov.mm/