Prezident Shavkat Mirziyoyevning tadbirkorlar bilan VI ochiq muloqotidagi nutqidan asosiy firklar:
 
📌Besh yilda biznes uchun ajratilgan kredit portfeli qariyb 3 karra oshib, 450 trillion so‘mga yetdi. Tadbirkorlar 650 trillion so‘mlik soliq va bojxona imtiyozlaridan foydalandi;

📌Yangi tadbirkorlar uchun “Biznes start”, ishlab chiqarishni yo‘lga qo‘yganlar uchun “Biznes lift”, yangi o‘sish bosqichiga o‘tayotganlar uchun “Biznes yuksalish” dasturlari joriy etiladi;
 
📌Davlat aktivini sotib olishda avans 30 foizdan 15 foizga tushiriladi, olti oyda to‘liq to‘lov qilganlarga 25 foiz chegirma beriladi;
 
📌ASKUE va ASKUG tizimiga ulangan, to‘lov intizomini buzmagan korxonalar uchun avans 15 foiz bo‘ladi;
 
📌Tashqi bozorga chiqishning barcha bosqichlarida kompleks xizmat ko‘rsatadigan “eksport navigator” tizimi yo‘lga qo‘yiladi;
 
📌Iqtisodiyotni “soya”dan chiqarish tekshirish bilan emas, tadbirkorga yo‘l ko‘rsatib, to‘g‘ri ishlashga o‘rgatish orqali bo‘lishi kerak;
 
📌Kichik biznesda inson sog‘lig‘i va boshqa tadbirkorlar manfaatiga zarar yetkazish bilan bog‘liq bo‘lmagan har qanday tekshirish uchun uch yil muddatga moratoriy eʼlon qilinadi;
 
📌Barcha turdagi jarimalar miqdori o‘rtacha 2 barobar kamaytiriladi;
 
📌Kelasi yildan tadbirkor va davlat o‘rtasidagi nizolarda “Tadbirkorning haqlilik prezumpsiyasi” joriy etiladi;
 
📌Tadbirkorlikka oid davlat xizmatlarining 50 foizi “sukut – rozilik” tamoyiliga o‘tkaziladi;

📌Tez orada 30 dan ziyod faoliyat turi bo‘yicha litsenziya va ruxsatnoma bekor qilinadi, yana 35 tasini berish muddati 2-3 karra qisqaradi. 10 ta ruxsat xabardor qilish tartibiga o‘tkaziladi;

📌Odamlarimiz hayotini yanada yaxshilash uchun yuqori iqtisodiy o‘sishni saqlab qolishimiz zarur.

Facebook|Instagram|X

💠 Tog‘-kon sanoati va geologiya sohasi xodimlarining bir guruhiga Prezident Farmoniga muvofiq yuksak davlat mukofotlari berildi

“O‘zbekiston Respublikasi mustaqilligining o‘ttiz besh yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida” Prezident Farmoniga asosan bir qator vatandoshlarimizga yuksak davlat mukofotlari berildi.

Jumladan, tog‘-kon sanoati va geologiya sohasining quyidagi vakillari:

Mustakimov Otabek Mannabiyevich – “Navoiy kon-metallurgiya kombinati” aksiyadorlik jamiyatining Markaziy kon boshqarmasi direktori;

Turanov G‘ulomjon Mirzaxmatovich – “O‘zbekiston metallurgiya kombinati” aksiyadorlik jamiyatining elektrda po‘lat eritish bo‘linmasi po‘lat erituvchisi “O‘zbekiston Respublikasida xizmat ko‘rsatgan sanoat xodimi” faxriy unvoni bilan;

Jongirov Amonjul Abduxoshimovich – “O‘zbekgidrogeologiya” davlat muassasasining geologiya bo‘limi yetakchi gidrogeologi “O‘zbekiston Respublikasida xizmat ko‘rsatgan geolog” faxriy unvoni bilan;

Xursanov Abdullo Xalmuradovich - “Olmaliq kon-metallurgiya kombinati” aksiyadorlik jamiyati boshqaruvi raisi,

Kushmatova Dilfuza Tursunbayevna - “O‘zbekiston metallurgiya kombinati” aksiyadorlik jamiyatining navli prokatlash bo‘linmasi kran mashinisti “Fidokorona xizmatlari uchun” ordeni bilan;

Sanakulov Kuvandik - “Navoiy kon-metallurgiya kombinati” aksiyadorlik jamiyati raisi,

Abduraimov Mirzakarim Abdiganiyevich – “Olmaliq kon-metallurgiya kombinati” aksiyadorlik jamiyatining Mis boyitish fabrikasi yanchish va flotatsiyalash sexi maydalovchisi,

Namazov Azamat Isamatovich – “O‘zbekko‘mir” aksiyadorlik jamiyatining “Transport” filiali kran mashinisti,

Tohirov Shavkat Botirovich – “Navoiy kon-metallurgiya kombinati” aksiyadorlik jamiyatining Shimoliy kon boshqarmasi “Dovg‘iztov” koni ekskavator mashinisti “Mehnat shuhrati” ordeni bilan;

Petrov Maksim Anatolevich - O‘zbekiston Respublikasi Tog‘-kon sanoati va geologiya vazirligining Glyatsial geologiya markazi mudiri “Do‘stlik” ordeni bilan;

Mahammadiyev Eldor Maxmudovich - O‘zbekiston Respublikasi Tog‘-kon sanoati va geologiya vazirligining Mineral xomashyo bazasini rivojlantirish boshqarmasi boshlig‘i,

Abdukadirov Ortiq Azimovich – “Olmaliq kon-metallurgiya kombinati” aksiyadorlik jamiyatining Rux zavodi elektr-gaz payvandchisi,

Abilov Rashid Kenjaboyevich – “Navoiy kon-metallurgiya kombinati” aksiyadorlik jamiyatining Janubiy kon boshqarmasi “Zarmitan” koni uchastka ishchisi,

Atabayeva Nasiba Minnibayevna – “Olmaliq kon-metallurgiya kombinati” aksiyadorlik jamiyatining Mis boyitish fabrikasi ta’mirlash-mexanika bo‘limi chilangari,

Bobanov Kamol – “Navoiyuran” davlat korxonasining “Nurobod” ishlab chiqarish maydoni “Sobirsoy” geotexnologik koni burg‘ilash qurilmasi mashinisti,

Boyboboyev Ibroxim Umarovich - Sharqiy O‘zbekiston dala gidrogeologiya ekspeditsiyasi yetakchi gidrogeologi,

Imanov Baxodir Shakirovich - “O‘zbekko‘mir” aksiyadorlik jamiyatining Transport filiali buldozer mashinisti,

Kurbanov Nurmuxamed Abdunazarovich – “Olmaliq kon-metallurgiya kombinati” aksiyadorlik jamiyatining Sanoat temir yo‘l transporti boshqarmasi elektrovoz mashinisti,

Ravshanov Atabek Fayzullayevich – “Navoiy kon-metallurgiya kombinati” aksiyadorlik jamiyati bosh muhandisi,

Ergashev Uktam Salimovich – “O‘zbek geologiya qidiruv” aksiyadorlik jamiyatining “Qizilqum” markaziy geologiya qidiruv ekspeditsiyasi “Dovg‘iztov” dala ekspeditsiyasi mashinisti “Shuhrat” medali bilan bilan mukofotlanishdi.

Oʻzbekiston Respublikasi Togʻ-kon sanoati va geologiya vazirligi jamoasi nomidan yuksak unvonlar sohibi bo‘lgan soha xodimlari, shuningdek davlat mukofoti bilan taqdirlangan barcha vatandoshlarimizni muborakbod etamiz!

#kongeologiya #mingeo #Prezident_Farmoni #yuksak_mukofotlar

Sayt | Telegram | Facebook | Instagram | X | YouTube | LinkedIn