📌 4-mart kuni Kasbiy ta’limni rivojlantirish institutida Ilmiy-pedagogik kengashning navbatdagi yig‘ilishi bo‘lib o‘tdi.

Yig‘ilish davomida Oʻzbekiston Respublikasi Prezidenti huzuridagi Xavfsizlik kengashining 2026-yil 23-yanvardagi topshirigʻiga muvofiq, harbiy xizmat nufuzini yanada oshirish hamda askarlarni kasbga o‘qitish maqsadida 3–6 oylik qisqa muddatli o‘quv kurs dasturlarini ishlab chiqish masalasi muhokama qilindi.

Shuningdek, kun tartibida quyidagi masalalar ko‘rib chiqildi:

🔹 Dual ta’lim asosida modulli hamda xalqaro ta’lim dasturlarini ishlab chiqish va takomillashtirish ishlari;
🔹 Kafedra professor-o‘qituvchilarining kasbiy rivojlanishi, milliy va xalqaro ta’lim standartlarini o‘rganish hamda tajriba almashish jarayonlari;
🔹 2026-yil II chorak uchun mustaqil izlanuvchilikka qabul qilish hamda ilmiy-tadqiqot faoliyatini yanada faollashtirish masalalari.

Yig‘ilish yakunida belgilangan vazifalarni samarali amalga oshirish bo‘yicha tegishli qarorlar qabul qilindi.

Sahifalarimizga obuna bo'ling!

Telegram | Instagram | Web | Youtube | Facebook

✅Kasbiy ta’limni rivojlantirish instituti hamda Export–Import Bank of Korea (Korea Eximbank) vakillari o'rtasida “Raqamli laboratoriya”ni tashkil etish loyihasi yuzasidan uchrashuv bo‘lib o‘tdi.

Uchrashuv davomida zamonaviy raqamli texnologiyalar asosida laboratoriya faoliyatini yo‘lga qo‘yish, ta’lim jarayoniga innovatsion yechimlarni joriy etish hamda loyiha doirasida amalga oshiriladigan ustuvor vazifalar muhokama qilindi.

Tomonlar mazkur tashabbus kasbiy ta’lim tizimida raqamli infratuzilmani rivojlantirish, o‘quv jarayonining samaradorligini oshirish hamda zamonaviy ta’lim muhitini shakllantirishga xizmat qilishini ta’kidladilar.

Mazkur uchrashuv o‘zaro hamkorlikni mustahkamlash hamda kasbiy ta’lim sohasida yangi imkoniyatlarni yaratishda muhim ahamiyat kasb etadi.

Sahifalarimizga obuna bo'ling!

🌐Telegram | 🌐Instagram | 🌐Web | 🌐 Youtube | 🌐 Facebook

🇺🇿 Xorijiy mutaxassis bilan uchrashuv bo‘lib o‘tdi

O‘zbekiston Respublikasi Prezidenti qaroriga muvofiq Kasbiy ta’limni rivojlantirish instituti direktoriga ta’lim mazmunini ta’minlash bo‘yicha maslahatchi lavozimi joriy etilgan bo‘lib, mazkur lavozimga xorijiy mutaxassisni jalb etish belgilangan.

Shu munosabat bilan institutda Germaniyalik malakali mutaxassis Tomas Luks bilan uchrashuv tashkil etildi.

Uchrashuv davomida kasbiy ta’lim tizimida xalqaro tajribalarni joriy etish hamda istiqboldagi hamkorlik yo‘nalishlari yuzasidan fikr almashildi.

Sahifalarimizga obuna bo'ling!

🌐Telegram | 🌐Instagram | 🌐Web | 🌐 Youtube | 🌐 Facebook

✔️ Kasbiy ta’limni rivojlantirish institutida 8-mart bayram tadbiri o‘tkazildi.

🔹Kuni kecha Kasbiy ta’limni rivojlantirish institutida 8-mart — Xalqaro xotin-qizlar kuni munosabati bilan bayram tadbiri yuqori saviyada tashkil etildi.

Tadbir davomida institutda faoliyat olib borayotgan xotin-qizlar samimiy qutlanib, ularga ehtirom va hurmat ko‘rsatildi. Bayram doirasida konsert dasturi tashkil etilib, kuy-qo‘shiqlar hamda badiiy chiqishlar tadbir ishtirokchilariga ko‘tarinki kayfiyat ulashdi.

🔹Tadbir yakunida ayollarning jamiyatimiz taraqqiyoti va ta’lim tizimidagi beqiyos o‘rni alohida e’tirof etilib, ularga sihat-salomatlik, baxt-saodat hamda kelgusi faoliyatlarida ulkan muvaffaqiyatlar tilandi.

Sahifalarimizga obuna bo'ling!

🌐Telegram | 🌐Instagram | 🌐Web | 🌐 Youtube | 🌐 Facebook

📌 Bugun yengil sanoat yo‘nalishidagi kasb va mutaxassisliklar uchun ta’lim dasturlarini ishlab chiqish bo'yicha ishchi guruh bilan uchrashuv tashkil etildi.

Ishchi guruhga Kasbiy ta’lim agentligining 2026-yil 27-fevraldagi 17-son buyrug‘i ijrosini ta’minlash maqsadida xalqaro ta’lim dasturlari va kasbiy standartlar asosida kasb va mutaxassislik bo‘yicha modulli ta’lim dasturlarini ishlab chiqishda e'tiborga olinadigan jihatlar, ilg'or xorijiy tajribalar va mehnat bozori talablarini inobatga olish bo'yicha tavsiyalar berildi.

Sahifalarimizga obuna bo'ling!

🌐Telegram | 🌐Instagram | 🌐Web | 🌐 Youtube | 🌐 Facebook