Windows'dan Linux'ga nega ko'chishimiz kerak?

Mana bu yil 25-avgustda Linux 30 yoshni qarshi oladi. Manashu 30 yil davomida U Windows'ga jiddiy raqobatchi bo'lib yetishdi. Linux har joyda, Android qurilmalar, aqlli soatlar, yugurish yo'lagi ana boringki kosmik kemalarda ham. Linux Fondi ma'lumotlariga qaraganda dunyodagi har 10 ta kompyuterdan 9 tasida Linux ishlaydi. Qolgan bittasida yo Windows yoki BSD ishlaydi. Linux nafaqat gigant loyihalarda, balki oddiy kompyuterda ham ishlaydi va Windows'ga qaraganda so'ngi 5 yilda juda tez o'sayapdi. Keling endi Windows'dan Linux'ga nega ko'chib o'tish kerakligi haqida 5 ta sabab aytsam.

- Linux doimo bepul
- Linux kompyuter viruslariga chidamli. (Shaxsiy tajribamdan kelib chiqib aytaman. Hali biron marta Linux'da virus uchratganim yo'q)
- Ochiq manbaali (Linux OSning dasturiy manbaasi ochiq holatda saqlanadi va uni ushbu linkdan yuklab olishingiz mumkun)
- Linux boshqa operatsion tizimlarga qaraganda ancha tez ishlaydi
- Moslashuvchan. (Linux eski kompyuterlardan tortib, eng so'ngga super kompyuterda ham ishlayveradi)

Linux'ning O'zbekistonda ham Jamolari bor. Ularga misol qilib Xinux'ni keltirish mumkun. Ushbu hamjamiyat O'zbekistondagi rasmiy Linux hamjamiyati bo'lib Linux asosida zamonaviy o'zbek Linux operatsion tizimini ishlab chiqmoqda.

Xinux hamjamiyatiga qo'shiling: @xinuxuz

Manba: @saidbekarislonov

FOMO - Fear Of Missing Out (Yoqotishdan, ulgurmay qolishdan qo'rquv)

Oxirgi paytlarda, har bir teshikdan, AI AI AI degan narsani eshitayapmiz. Hamma startup qurayapti, hamma mahsulot chiqarish harakatida, hamma AI ishlatib nimadirlar qilayapti, hamma yangi modellarni solishtirib, yangi funksiyalari haqida gapirayapti. Shunday paytlarda, shunchaki Claude ni kunlik ishlarimni osonlashtirishga ishlatayotgan menda FOMO boshlandi. Ya'ni nimadirdan quriq qolib ketayotgandekman, hammaga anavi yerda oltin bor deb ko'rsatishgan, hamma belkuragini ko'tarib ko'proq oltin kavlab olishga harakat qilayaptiyu, men bog'imda hardoimgidak bir xil ish qilayapman.

Sohani universitetda 4 yil o'qidik, minglab soatlarni muammolarni yechishni o'rganishga sarfladik, pullik kurslarga bordik, tadbirlardan qolmadik, uni aka, buni uka deb nimadirlarni o'rganishga harakat qildik. Keyin esa qish kunida boshimizga daraxtdan tushgan qordek, AI gursillab tushdi. Boshida ha endi bu goolge ni o'rniga ishlatar ekanmiz dedik, matnlarni yozib/tahrirlab berar ekan dedik, lekin kundalik hayotimizga qanday qilib singib kirib kelayotganini sezmay qoldik. Xursand bo'lishni o'rniga, bizni vahima bosa boshladi, ERTAGA NIMA BO'LADI?! 😰

"Nima bo'lsa bo'lar ertaga" deb men shu paytda qo'limdan kelgancha AI ni o'rganishga, foydalanishga harakat qilayapman, lekin baribir hammadan qolib ketayotgandekman. Qolib ketmasam ham, "True Developer" hissi yoqolib bormoqda, kod yozdiraman, uni o'qiy olaman, lekin o'zim yozmayapganimdan, o'zim qurmayapganimdan ba'zida yana siqilib qolaman. "Men shuncha vaqt sarflab o'rgangan bilimlarim nahotki endi kerak bo'lmay qolsa?" degan qo'rquv bo'ladi.

Sizlarda ham shunday hissiyot bo'layaptimi? Yo bu narsa faqat mendami?

Shu payt, o'zi ertangi kun biz uchun kafolatlanganmi degan savolni o'zimga o'zim bersam, ko'nglimga ozgina bo'lsa ham hotirjamlik kiradi. O'ng oyog'imizni bosganimizdan so'ng, chap oyog'imizni bosishimizga tan-u jonimizda kuch, jismimizda ruhimiz bo'ladimi yo'qmi? Ko'chaga nasibamizni terib chiqib ketgandan keyin uyga qaytishimiz kafolatlanmaganku, 5-10-15 yilni o'ylab nimaga siqilish kerak deb o'ylab o'zimga taskin beraman. Hamma o'zini rizqiga yarashasini oladi, hoh urush bo'lsin, hoh tinchlik. Shuning uchun menga o'xshab, ba'zida ulgurmay qolayotganidan siqilayotganlar bo'lsa, vahima qilmang, buni hech foydasi yo'q, tunda ko'zingizni yumib, ochishingiz aniqmasku, siz qayerdagi muammolarni o'ylab ich etingizni yeysiz. Undan ko'ra, yarim qadamni bo'lsa ham tog'ri yo'nalishda har kuni tashlang, bir joyda turganlardan ko'ra ancha ishingiz yaxshi bo'ladi, yugurayotganlarga e'tibor bermang, manzil bir, yo'llar boshqa, barchaga atalgani bor. Axborot shovqinini kamaytiring, ortiqcha yangiliklarga, vahimalarga quloq solmang, ularni chetga suring, bir yo'lni tanlab, e'tiboringizni o'shanga qarating, shunda ichki hotirjamlikka erishasiz, bu esa alg'ov dalg'ov zamonlarda o'zligingizni saqlab, sog'lig'ingizni asrash uchun yagona yechim.

@khumoyun_codes