“Inter” juda ajoyib o‘yin namoyish etdi. Jamoa biror lahza ham bo‘shashmadi yoki diqqatini yo‘qotmadi. Futbolchilar butun uchrashuv davomida hushyor harakat qilishdi.

“Inter” o‘yinni to‘liq nazorat qildi va deyarli hech qanday qiyinchilikka duch kelmadi. Jamoa kuchli xarakter namoyish etdi.

Biz har doim ko‘rishni istaydigan “Inter” aynan mana shu!

“Inter” doimo yuragimda qoladi. O‘z imkoniyatlarimni to‘liq namoyon eta olmaganimdan afsusdaman.

Men har doim klubga sodiq bo‘lganman. Hatto “Yuventus”ga o‘tishimga bir qadam qolganida ham “Inter”ni tark etishni istamaganman.

Faoliyatim haqida? Futboldagi ham, shaxsiy hayotimdagi ham maqsadlarimga erisha olmadim.

Alkogol meni butunlay o‘z domiga tortdi. U hayotimda duch kelgan eng qiyin raqib bo‘ldi.

Hayotimning eng tubiga tushdim, endi esa asta-sekin o‘zimni tiklayapman. Yana tabassum qilishni, “Dragau” stadionida va Italiyada gol urgan paytlarimdagidek baxtli bo‘lishni istayman.

Men buni sizlarga balki milliard marta aytgandirman va yana takrorlashim mumkin: agar “Inter” o‘zi xohlasa, A Seriyada bemalol 100 ochko to‘plashi mumkin.

Bu yerda eng muhim jihat — “agar xohlasa” degan shart.

“Inter” juda kuchli jamoa, juda ham kuchli!