O‘zaro gaplashib, qaysi jihatlarimizni yaxshilashimiz kerakligini muhokama qildik.

Futbolning yaxshi tomoni shundaki, oradan uch kun o‘tib, o‘z imkoniyatlaringni yana bir bor namoyish etish uchun imkoniyat paydo bo‘ladi.

Biz bugungi uchrashuvga yaxshi tayyorgarlik ko‘rdik va maqsadimiz — g‘alaba qozonish.

Ikardi? U bizga qaytish taklifi bilan murojaat qilmagan. U “Inter” uchun ko‘p ish qilgan, ammo hozirgi rejalarimizga kirmaydi.

Shuningdek, beshinchi hujumchini sotib olish ham rejalarimizda yo‘q. To‘rt hujumchimizdan uchtasining jarohat olgani shunchaki omadsizlik.

Bu xuddi uch darvozabondan ikkitasi jarohat olsa, uchinchisi maydonga tushishiga o‘xshaydi. Bunday vaziyatda yana 4–5 nafar darvozabon sotib olmaysiz-ku.

Bizda gol urish bilan bog‘liq muammo yo‘q. Kivu zamonaviy murabbiy. U barcha futbolchilarning imkoniyatlaridan unumli foydalanishni biladi va uning taktik yondashuvi hujumkor futbolga asoslangan.

Bizda xavotirga o‘rin yo‘q. Shartnomasi yakunlanayotgan yagona futbolchi — Chalhano‘g‘lu. U bilan munosabatlarimiz juda yaxshi.

Dimarkoga kelsak, men uni chinakam interchi deb bilaman. Biz uning roziligi bilan shartnomani uzaytirish bandini faollashtirdik. Aslida bu huquqdan bir tomonlama foydalanishimiz ham mumkin edi.

Biroq yil davomida uning shartnomasini yana uzaytirishga kelishib olganmiz.

Dimarko qolishni istaydi, biz ham uning qolishini xohlaymiz va bundan xursandmiz.

Klubga bo‘lgan sadoqat boshqa manfaatlardan ustun turishi kerak.

“Inter” juda ajoyib o‘yin namoyish etdi. Jamoa biror lahza ham bo‘shashmadi yoki diqqatini yo‘qotmadi. Futbolchilar butun uchrashuv davomida hushyor harakat qilishdi.

“Inter” o‘yinni to‘liq nazorat qildi va deyarli hech qanday qiyinchilikka duch kelmadi. Jamoa kuchli xarakter namoyish etdi.

Biz har doim ko‘rishni istaydigan “Inter” aynan mana shu!