Dimarko yana o‘zining avvalgi darajasiga qaytishiga ishonchim komil. Xavotirlanishga hech qanday asos yo‘q.

U bizni o‘zining ajoyib o‘yinlariga shu qadar o‘rgatib qo‘yganki, undan doim yuqori saviyadagi o‘yin kutamiz. Dastlabki paytlarda u haqiqiy kuch edi, xuddi yuk mashinasidek qudratli edi.

Men o‘z jamoamda doimo Dimarkodek futbolchi bo‘lishini istardim.

O‘zaro gaplashib, qaysi jihatlarimizni yaxshilashimiz kerakligini muhokama qildik.

Futbolning yaxshi tomoni shundaki, oradan uch kun o‘tib, o‘z imkoniyatlaringni yana bir bor namoyish etish uchun imkoniyat paydo bo‘ladi.

Biz bugungi uchrashuvga yaxshi tayyorgarlik ko‘rdik va maqsadimiz — g‘alaba qozonish.

Ikardi? U bizga qaytish taklifi bilan murojaat qilmagan. U “Inter” uchun ko‘p ish qilgan, ammo hozirgi rejalarimizga kirmaydi.

Shuningdek, beshinchi hujumchini sotib olish ham rejalarimizda yo‘q. To‘rt hujumchimizdan uchtasining jarohat olgani shunchaki omadsizlik.

Bu xuddi uch darvozabondan ikkitasi jarohat olsa, uchinchisi maydonga tushishiga o‘xshaydi. Bunday vaziyatda yana 4–5 nafar darvozabon sotib olmaysiz-ku.

Bizda gol urish bilan bog‘liq muammo yo‘q. Kivu zamonaviy murabbiy. U barcha futbolchilarning imkoniyatlaridan unumli foydalanishni biladi va uning taktik yondashuvi hujumkor futbolga asoslangan.

Bizda xavotirga o‘rin yo‘q. Shartnomasi yakunlanayotgan yagona futbolchi — Chalhano‘g‘lu. U bilan munosabatlarimiz juda yaxshi.

Dimarkoga kelsak, men uni chinakam interchi deb bilaman. Biz uning roziligi bilan shartnomani uzaytirish bandini faollashtirdik. Aslida bu huquqdan bir tomonlama foydalanishimiz ham mumkin edi.

Biroq yil davomida uning shartnomasini yana uzaytirishga kelishib olganmiz.

Dimarko qolishni istaydi, biz ham uning qolishini xohlaymiz va bundan xursandmiz.

Klubga bo‘lgan sadoqat boshqa manfaatlardan ustun turishi kerak.