Lautaro bilan o‘ynaydigan “Inter” va Lautarosiz o‘ynaydigan “Inter” - ikki xil jamoa.

Menimcha, har qanday murabbiy uchun Lautarodek sardorga ega bo‘lish katta omad.

U doimo o‘yinga to‘liq kirishib ketadi va jamoasiga yordam berish uchun bor kuchini ishga soladi. Buni har bir harakatida his qilish mumkin.

“Inter”ning Appiano Jentiledagi qarorgohida ayrim futbolchilar mashg‘ulotlardan ko‘ra, yangi shartnomalari bo‘yicha muzokaralar haqida ko‘proq o‘ylayotgani borasida xavotir kuchaymoqda.

Federiko Dimarkoning shartnomasi uzaytirilmayotganidan noroziligi, Hakan Chalxano‘g‘lining esa klub rahbariyatidan qo‘ng‘iroq kutayotgani sir emas.

Biroq ular bunday vaziyatdagi yagona futbolchilar emas.

Men mehnatga, bu jamoaga, uning hozir qilayotgan ishlariga va kelajakda nimalarga qodir ekaniga ishonaman. Chunki bu futbolchilar katta chempionlar va buni yillar davomida isbotlashgan. Ular “Inter” uchun muayyan darajani belgilab berishgan. Albatta, salbiy holatlar va xatolar ham bo‘ladi. Ulardan saboq olish, xatolarni tan olish va tuzatishga harakat qilish kerak. Shundagina ishonch bilan oldinga intilish mumkin.

Chempionlar ligasida har bir uchrashuvga alohida yondashish kerak. Albatta, kuchli sakkizlikka kirish uchun taxminan 16 ochko zarurligini hisoblash mumkin. Ammo biz har bir o‘yinga alohida e’tibor qaratishimiz kerak. Hali ham kurashdamiz. Ertangi uchrashuv oson bo‘lmaydi, lekin o‘z kuchimizni yaxshi bilamiz. Ajoyib o‘yin namoyish etishimizga ishonchim komil.

“Feyenoord” o‘z stadionida muxlislarining kuchli qo‘llab-quvvatlashi bilan yanada yaxshiroq o‘ynaydi. Ularning tarkibida, ayniqsa, hujum chizig‘ida sifatli futbolchilar ko‘p. Yakkama-yakka vaziyatlarda kuchli, qarama-qarshi qanotlarda o‘ynaydigan futbolchilari bizga muammo tug‘dirishi mumkin. O‘yin oson bo‘lmasligini bilamiz. Raqibni qiyin ahvolga solish uchun o‘zimizning eng yaxshi jihatlarimizni namoyish etishimiz kerak.

Isitmalagan futbolchilar bormi? Biz oldindan kutib bo‘lmaydigan, murakkab vaziyatlarni boshdan kechirdik. Yechim topishga majbur bo‘ldik va bunga harakat qildik. Provedel sog‘aydi, Pavard ham safimizga qaytdi. So‘nggi kunlarda boshqa muammolarimiz bo‘lmadi.

Bastoni va Barella aytgan fikrlarga qo‘shilaman. Ularning ikkalasi ham jamoa yetakchilari, jamoani juda yaxshi bilishadi. Men ham ular bilan bir fikrdaman.

“Shakhtar”ga qarshi 10 kishi bo‘lib qolganimizda ko‘rsatgan ruhiyatni maydonga olib chiqishimiz kerak. Nafaqat Chempionlar ligasida, balki barcha uchrashuvlarda shunday munosabat bo‘lishi shart.

Doim o‘ynashim haqida? Bu har bir futbolchining orzusi. Men har doim 90 daqiqa o‘ynashni xohlayman. Hozir bunday imkoniyatga ega ekanimdan juda xursandman. Yagona hujumchi sifatida o‘ynashim mumkinmi? Avval ham bu vazifani bajarganman va yana kerak bo’lsa bajara olaman.

Lautaroning yetakchiligi yetishmayaptimi? Har kim o‘z xarakteriga qarab yetakchilik qiladi. Lautaroning yetakchiligi maydonda yaqqol ko‘rinadi. Ammo jamoamizda boshqa yetakchilar ham bor va ular ham o‘z vazifasini yaxshi bajarishmoqda. Siz buni ko‘rmasligingiz mumkin, lekin biz buni yaxshi bilamiz.

Ba’zan yuqorida pressing qilish, ba’zan esa kutish kerak. Avvalo, men o‘zim pressingni to‘g‘ri bajarishim va jamoani qiyin vaziyatga tushirmaslik uchun qachon bosim o‘tkazishni to‘g‘ri tanlashim kerak.

Ha, bizda o‘yinga yondashuv bilan bog‘liq muammo bor. Buni hammamiz tushunib yetdik. Asl muammo esa shu kamchilikni yo‘qdek ko‘rsatib, hech narsa bo‘lmagandek davom etishdir.

“Inter” nafaqat Italiya, balki Yevropaning ham eng kuchli jamoalaridan biri.

Ular ikki yil avval Chempionlar ligasi finaliga chiqishgan. Bu musobaqada g‘alaba qozonish uchun nima talab etilishini yaxshi bilishadi.

Balki hozir biroz charchagandek tuyular, ammo ular hamon katta mahorat va tajribaga ega.

Ular o‘yinning har bir bosqichida qanday harakat qilish kerakligini juda yaxshi bilishadi.

Chuqur himoyalanib, keyin tezkor qarshi hujumlarga o‘tishdan cho‘chishmaydi.

“Inter” — har tomonlama mukammal shakllangan jamoa.

Kivu Spensning jismoniy holatidagi o‘sishdan mamnun va uni asosiy tarkibda qoldirishga moyil.

Chalhano‘g‘lining holati yaxshi, uning tiklanish jarayoniga ehtiyotkorlik bilan yondashilgan.

Barellaning asosiy tarkibdagi o‘rni saqlanib qoladi. Zelinski, Dimarko va Pio Esposito esa asosiy tarkibga qaytishi kutilmoqda.

Pavard esa uchrashuvning so‘nggi daqiqalarida maydonga tushirilishi mumkin.

“Inter” juda yomon o‘ynamoqda. Bunday darajadagi jamoa bu qadar sifatsiz o‘yin ko‘rsatishi mumkin emas.

“Venetsiya”ga qarshi o‘yinni olaylik, Rimda ikki to‘p farqi bilan ortda qoldingiz, “Fiorentina”ga qarshi esa faqat so‘nggi daqiqalarda kambek qila oldingiz.

“Inter” juda ehtiyot bo‘lishi kerak. Aks holda, o‘ziga o‘zi zarar yetkazib, mavsumni hech qanday sovrinsiz yakunlashi mumkin.

Kivu vaziyatga aralashishi va qat’iy qarorlar qabul qilishni boshlashi kerak.

Mening Barellaga nisbatan shaxsiy adovatim yo‘q. Ammo u uch yildan beri o‘z darajasiga mos o‘yin ko‘rsatmayapti. Shunga qaramay, doimiy ravishda maydonga tushmoqda.

Barella dahshatli, uyatli o‘yin o‘tkazdi. Unda na tezlik, na kuch bor. Faqat tinimsiz baqirishni biladi.

Kivu qat’iy qarorlar qabul qilishi shart. Avval sinab ko‘rilmagan taktik sxemaga o‘tish masalasiga kelsak, sizda yaxshi formada bo‘lmagan ikki hujumchi bor ekan, ularni maydonga tushirmaslik tabiiy holat.

Bunday vaziyatda 3-5-1-1 sxemasida o‘ynab, yagona hujumchi ortiga Mxitaryanni joylashtirish mumkin edi. Shunda bunchalik katta o‘zgarish qilishga hojat qolmasdi.

“Inter” 6–7 yildan beri deyarli bir xil uslubda o‘ynab kelmoqda.

Men “Inter”ning hozirgi holatidan xavotirdaman.