Bu masala mening vakolatimga kirmaydi. Oaktree fondi “Inter”ni qo‘llab-quvvatlayotganini shunchaki so‘z bilan emas, balki amalda isbotladi. Yangi stadion, Appiano Jentile va Interello infratuzilmasiga kiritilayotgan investitsiyalar bunga yaqqol misol.

Biz ishonchli qo‘llardamiz. Oaktree klubning moliyaviy holatini yaxshilashga ham katta turtki berdi.

Ular kelajakda qanday qarorlar qabul qilishini bilmayman. Ammo ishonchim komilki, bu qarorlar “Inter” manfaatlari, klubning o‘tmishi, buguni va kelajagini yanada mustahkamlash uchun qabul qilinadi.

Bu savolga bosh murabbiy javob berishi kerak. Chunki futbolchilarni tanlash vakolati ham, buning mas’uliyati ham uning zimmasida.

Biz Kivu’ga to‘liq ishonamiz. U kimni maydonga tushirish kerakligini yaxshi biladi. Qarorni aynan Kivu qabul qilishi kerak, chunki u hafta davomida futbolchilarning holatini hammamizdan yaxshiroq baholay oladi.

Klub rahbariyatining vazifasi esa futbolchilarni bor imkoniyatlarini ishga solishga undashdir. Biz Chempionlar ligasidagi natijalarimizni yaxshilashimiz shart va buni albatta amalga oshirishimiz kerak.

Bu savolga javob juda oddiy. Ilgari uchinchi yoki to‘rtinchi savatchadan joy oladigan jamoalarning futbol saviyasi va madaniyati sezilarli darajada oshgan. Natijada bugungi kunda kuchsiz raqib degan tushuncha deyarli qolmagan. Har qanday jamoa sizga muammo tug‘dirishi mumkin. Bu statistika bilan ham tasdiqlanadi.

Statistika muhim ekan, bir narsani eslatib o‘tmoqchiman. “PSJ” o‘tgan mavsum Chempionlar ligasida kuchli sakkizlikka kira olmagan, ketma-ket uchta o‘yinda mag‘lub bo‘lgan va pley-off bosqichi orqali keyingi bosqichga yo‘l olgan edi. Shunga qaramay, yakunda musobaqa g‘olibiga aylandi.

Biz ham ushbu ikki mag‘lubiyatni chuqur tahlil qilishimiz, xatolarimizdan xulosa chiqarishimiz va jamoani rivojlantirishga xizmat qiladigan yo‘ldan borishimiz kerak. Bizning asosiy maqsadimiz shu.

Qiyin boshlangan uchrashuvni yakunda ishonchli hisobdagi g‘alaba bilan tugata oldik!

Kivu tomonidan amalga oshirilgan almashtirishlar o‘yinning borishini o‘zgartirib, tashabbus to‘liq biz tomonga o‘tishiga katta turtki bo‘ldi.

Endi Chempionlar ligasida ham g‘alaba qozonib olsak, ko‘ngil ancha xotirjam bo‘lardi.

Barchani g‘alaba bilan tabriklayman! 🖤💙

Bunday g‘alaba qozonish juda yoqimli. G‘alaba qozonganimizda hammamiz xursand bo‘lamiz.

Shaxsiy maqsadim? Shaxsiy maqsadlardan avval jamoaviy maqsadlar turishi kerak. Hammamiz bir yo‘nalishda harakat qilishimiz lozim.

Bizda ajoyib jamoa shakllangan. Futbolchilar ko‘p va har birimiz doimo o‘yinga tayyor bo‘lishimiz kerak. Biz faqat 11 kishidan iborat emasmiz, tarkibimizda 23–25 nafar futbolchi bor. Murabbiy esa barchaga imkoniyat bermoqda. Bizning kuchimiz aynan shunda.

Tyuram menga qanday maslahatlar beradi?

Hech qanday. U kiyinish xonasida faqat bo‘lmag‘ur gaplarni gapiradi.

O‘yinga yondashuvimizni mutlaqo noto‘g‘ri deb bo‘lmaydi. Raqibimiz bizga qaraganda jismoniy jihatdan tetikroq edi. Lekin buni bahona qilmoqchi emasmiz.

“Bolonya” birinchi bo‘limni juda yaxshi o‘tkazdi. Biz esa ularning o‘yiniga moslashishda qiynaldik va kuchli pressinglari ostida qoldik.

Ammo ikkinchi bo‘limda o‘yinni boshidan oxirigacha to‘liq nazorat qildik, deb hisoblayman.

Chempionlar ligasida o‘yinlar juda yuqori sur’atda kechadi. Biz ham ushbu musobaqada imkon qadar agressiv o‘ynashga intilyapmiz.

Zamonaviy futbol aynan shu yo‘nalishda rivojlanmoqda. Hali yo‘qotilgan ochkolar o‘rnini to‘ldirish uchun vaqtimiz bor.

Avvalgidan ham ancha agressivroq o‘ynashga harakat qilyapmiz. Himoya chizig‘imiz oldin ham yuqorida joylashgan edi.